ᓇᓗᓇᐃᔭᐃᔾᔪᑦ ᐃᓱᒫᓗᓐᓇᕐᓂᖓᓂᑦ ᖁᑦᓯᑦᑑᑉ ᑐᑦᑐᖏᓐᓄᑦ ᓇᔪᖅᑕᐅᓪᓗᐊᑕᖅᐸᑦᑐᑦ ᐊᐅᓚᕕᒃ ᑲᓇᑕᒥ ᒥᕐᖑᐃᓯᕐᕕᖓᓂ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᒻᒪᓗ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ

ᓂᕐᔪᑎᓄᑦ ᐃᓱᒫᓗᒋᔭᐅᓕᖅᑐᓄᑦ ᐱᖁᔭᖅ

ᖁᑦᓯᑦᑑᑉ ᑐᑦᑐᖏᑦ (ᐱᐅᕆ ᑐᒃᑐᐃᑦ ᑐᑦᑐᕋᓛᖑᓂᕐᓴᑦ) ᒥᑭᓂᖅᐸᐅᒻᒪᑕ ᑐᑦᑑᔪᓂ ᒥᐊᓕᒐᑦ ᐅᐊᓐᓇᖅᐸᓯᐊᓂ ᑎᑎᕋᕐᑕᐅᖃᓯᐅᔾᔭᐅᓯᒪᓪᓗᑎᓪᓗ ᐅᐃᒍᖏᓐᓂ 1 ᓂᕐᔪᑎᓄᑦ ᐃᓱᒫᓗᒋᔭᐅᓕᖅᑐᓄᑦ ᐱᖁᔭᖅ ᐃᓗᐊᓂ. ᖁᑦᓯᑦᑑᑉ ᑐᑦᑐᖏᑦ ᓯᒡᒍᖏᑦ ᒥᑭᓂᖅᓴᐃᑦ, ᐃᓯᒐᖏᑦ ᑯᑭᖏᑦ ᓇᐃᑦᑑᓪᓗᑎᒃ ᓯᓕᓐᓂᖅᓴᐃᑦ ᐊᒻᒪ ᑲᓈᖏᑦ ᖃᑯᕐᓂᓴᐅᓪᓗᑎᑦ ᖁᓪᓗᐊᑯᑖᓖᑦ ᕿᑎᓪᓗᐊᖓᒍᑦ. ᑲᓇᑕᒥ, ᖁᑦᓯᑦᑑᑉ ᑐᑦᑐᖏᑦ ᑲᓇᑕᐅᑉ ᐅᑭᐅᖅᑕᖅᑐᐊᑕ ᕿᑭᖅᑕᖏᓐᓄᑦ ᐅᑎᖅᑕᐸᒻᒪᑕ (ᕿᑭᖅᑖᓗᓕᐊᖅᐸᖏᑦᑑᒐᓗᐊᑦ) ᓄᓇᖅᐸᓯᒻᒧᐊᓐᓂᕐᓴᐅᔪᕙᑦᑐᑦ ᓄᓇᐅᑉ ᐃᓚᐃᓐᓇᖓᓃᑉᐸᒻᒪᑕ. ᑖᒃᑯᐊᓕ ᐊᖏᔪᐊᓗᖕᒥᑦ ᓇᓕᐊᓐᓄᕋᕐᕕᖃᕐᒪᑕ ᐃᑳᕐᐸᑦᑐᑦ ᓄᓇᒃᑯᑦ ᓯᑯᒃᑯᓪᓗ.

ᖁᑦᓯᑦᑑᑉ ᑐᑦᑐᖏᓐᓂᑦ ᐅᑎᖅᐸᓪᓕᐊᑎᑦᓯᓂᖕᒧᑦ ᐸᕐᓇᐅᑏᑦ (ᐱᐅᕆ ᑐᒃᑐᖏᓐᓂᑦ) ᑲᓇᑕᒥ ᓇᓗᓇᐃᖅᑕᐅᓯᒪᒻᒪᑕ ᐃᓱᒫᓗᓐᓇᕐᓂᖏᓐᓂᑦ ᓯᑯᒃᑯᑦ ᐃᑳᕐᕕᒋᕙᑦᑕᖏᑦ ᓇᔪᒐᓪᓗᐊᑕᐅᔪᑦ, ᐱᖃᑕᐅᓪᓗᑎᒃ ᐃᓗᐊᓃᑦᑐᑦ ᐊᐅᓚᕕᒃ ᑲᓇᑕᒥ ᒥᕐᖑᐃᓯᕐᕕᒃ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ, ᖁᑦᓯᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ.

ᖃᐅᔨᒃᑲᐃᕗᒍᑦ ᑕᕝᕘᓇ, ᒪᓕᑦᑐᒍ ᐃᓚᒃᑲᓐᓂᐊᓃᑦᑐᖅ 58(2) ᓂᕐᔪᑎᓄᑦ ᐃᓱᒫᓗᒋᔭᐅᓕᖅᑐᓄᑦ ᐱᖁᔭᖅ ᑕᐃᒫᖕ ᐅᓪᓗᑦ 90 ᐊᓂᒍᕐᓯᒪᓕᕐᐸᑕ ᓴᖅᑭᑕᐅᓚᐅᕐᑎᓪᓗᒍ ᑖᓐᓇ ᖃᐅᔨᒃᑲᐅᑦ, ᐃᓚᒃᑲᓐᓂᐊᓃᑦᑐᑦ 58(1) ᐱᖁᔭᖅ ᐱᖃᓯᐅᔾᔨᓯᒪᓂᐊᓕᕐᖓᑦ ᓯᑯᒃᑯᑦ ᓄᔪᒐᖏᓂᑦ ᖁᑦᓯᑦᑑᑉ ᑐᑦᑐᖏᑕ ᐃᑳᕐᕕᓪᓗᐊᑕᕆᕙᑦᑕᖏᓂᑦ, ᓇᓗᓇᐃᖅᑕᐅᔪᑦ ᐅᑎᑦᐸᓪᓕᐊᖁᓪᓗᒋᑦ ᖃᓄᖅᑑᕈᑕᐅᔪᑦ ᐸᕐᓇᐅᑎᖏᓐᓂ ᑖᒃᑯᐊᓗ ᓂᕐᔪᑏᑦ ᐃᓱᒫᓗᒋᔭᐅᓕᖅᑐᑦ ᑭᒃᑯᑐᐃᓐᓇᕐᓅᓕᖓᔪᓄᑦ ᐊᓪᓚᑦᑕᐅᖃᑕᐅᓯᒪᓪᓗᑎᒃ, ᑖᒃᑯᐊᓗ ᐊᓪᓚᑦᓯᒪᔪᑦ ᐱᔭᐅᔪᓐᓇᖅᑐᑦ ᐊᐅᓚᕕᒃ ᑲᓇᑕᒥ ᒥᕐᖑᐃᓯᕐᕕᒃ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᒻᒪ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ, ᑭᓪᓕᖏᑦ ᓇᓗᓇᐃᕐᑕᐅᓯᒪᓪᓗᑎᑦ ᐅᐃᒍᖓᓂ 1 ᑲᓇᑕᒥ ᒥᕐᖑᐃᓯᕐᕕᒃ ᐱᖁᔭᖓᓄᑦ.

ᑕᐃᕕᑎ ᐄᕗᑦ
ᐃᓱᒪᑕᖅ
ᐅᐊᓕᓂᕐᒥ ᐅᑭᐅᖅᑕᖅᑐᒥ ᒥᕐᖑᐃᓯᕐᕕᒃ ᐊᒡᓚᒡᕕᒃ
ᑲᓇᑕᒥ ᒥᕐᖑᐃᓯᕐᕕᒃ

ᔨᐊᓇ ᐴᓐ
ᐃᓱᒪᑕᖅ
ᓄᓇᕗᑦ ᐊᒡᓚᒡᕕᒃ
ᑲᓇᑕᒥ ᒥᕐᖑᐃᓯᕐᕕᒃ