ᐱᕙᓕᐊᔪᑦ

ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᓯᓂᕐᒧᑦ ᐸᕐᓇᐅᑎᖓ ᑲᑎᒪᔪᓄᐊᕐᑕᐅᕐᔪᖅ ᒪᓕᒐᓕᐅᕐᕕᒃᔪᐊᕐᒥ ᒥᖑᐃᓯᕐᕕᓕᕆᔨᑯᑦ ᑐᓴᕐᑎᓯᔪᑦ ᐸᕐᓇᖕᓂᖅ ᑲᑎᖃᑎᒌᖁᓪᓗᒋᑦ ᑲᓇᑕᒥᐅᑦ ᓱᓐᓂᕐᓯᒪᖏᑐᓄᑦ ᓄᓇᖓᓄᑦ ᓄᓇᕗᕐᒥ

Jᔭᓐᓄᐊᓕ 7, 2019 ᓇᐅᔮᑦ, ᓄᓇᕗᑦ ᒥᖑᐃᓯᕐᕕᓕᕆᔨᑯᑦ ᐃᖃᓇᐃᔭᕐᕕᖓ

ᐊᐅᓚᓯᓂᕐᒧᑦ ᐸᕐᓇᐅᑎᒃ ᐅᒃᑯᓯᒃᓴᓕᒃ ᒥᖑᐃᓯᕐᕕᖕᒧᑦ ᑲᑎᒪᓂᖃᕐᑎᓪᓗᒋᑦ ᒪᓕᒐᓕᐅᕐᕕᒃᔪᐊᕐᒥ ᒫᓇᕋᑖᖅ. ᕿᒥᕈᔭᐅᖃᑕᕐᑐᑦ ᐊᕋᒍᐃᑦ ᖁᓕ ᐊᓂᒍᕌᖓᑕ, ᐊᐅᓚᓯᓂᕐᒧᑦ ᐸᕐᓇᐅᑏᑦ ᒪᓕᒐᕐᑎᒎᕆᐊᓖᑦ ᑲᓇᑕᒥ ᒥᖑᐃᓯᕐᕖᑦ ᒪᓕᒐᖓ ᒪᓕᖢᒍ ᐊᒻᒪᓗ ᒪᓕᒃᑎᓪᓗᒋᑦ ᐊᐅᓚᑕᐅᓂᖏᓐᓄᑦ ᒥᖑᐃᓯᕐᕕᖕᓂ ᑲᓇᑕᒥ.

ᑲᓇᑕᒥ ᒥᖑᐃᓯᕐᕖᑦ ᐊᖁᑎᐅᕗᑦ ᓱᓐᓂᕐᓯᒪᖏᑐᕐᒧᑦ, ᖁᕕᐊᓇᕐᓂᕐᒧᑦ ᐊᒻᒪᓗ ᑐᑭᓯᕙᓪᓕᕐᓂᕐᒧᑦ.

ᑕᓇ ᓯᕗᓕᕐᐹᖅ ᐊᐅᓚᓯᓂᕐᒧᑦ ᐸᕐᓇᐅᑎᒃ ᐅᒃᑯᓯᒃᓴᓕᒃ ᒥᖑᐃᓯᕐᕕᖕᒧᑦ ᐆᒪ ᐊᑖᓂᑐᓂᒃ ᐋᖅᑭᒃᓱᐃᓯᒪᓗᐊᑕᕐᑐᑦ:

  • ᐃᒡᓗᐃᑦ - ᑭᙴᒪᔭᐅᓗᐊᑕᕐᑐᑦ ᐃᒡᓗᐃᑦ ᐊᑐᐃᓇᐅᓗᑎᒃ ᑭᑯᑐᐃᓇᐃᑦ ᐊᑕᕐᓇᕐᑐᕐᒥᖁᓇᒋᑦ, ᒥᖑᐃᓯᕐᕕᒃ ᐊᐅᓚᓂᖃᓯᐊᖁᓗᒍ, ᐊᒻᒪᓗ ᖁᕕᐊᒋᔭᐅᓗᓂ ᐅᒃᑯᓯᒃᓴᓕᒃ ᒥᖑᐃᓯᕐᕕᒃ

  • ᐊᐅᓚᑕᐅᓂᖓ ᓄᓇᐅᑉ - ᓴᖏᒃᑎᐹᓕᕐᓗᒋᑦ ᐃᓄᐃᑦ ᐊᒃᑐᐊᓂᖓ ᐅᒃᑯᓯᒃᓴᓕᒃ ᒥᖑᐃᓯᕐᕕᖕᒧᑦ

  • ᓄᐊᑦᑎᓂᖅ ᖃᐅᔨᒪᔭᐅᔪᓂᒃ - ᓄᐊᑦᑎᓗᑎᒃ ᑭᒡᓕᓯᓂᐊᕐᓂᕐᒧᑦ ᑐᓴᕈᑎᓂᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓂᒃ ᐃᑲᔪᕐᑐᐃᔪᓂᒃ ᐅᑯᓂᖓ ᓴᐳᑎᔭᐅᓯᒪᓂᖓ, ᐅᓂᑳᕐᓂᖓ ᐱᔪᒥᓇᕐᓴᐅᑎᒧᓪᓗ ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᓱᓐᓂᕐᓯᒪᖏᑐᕐᒥᒃ ᐊᒻᒪᓗ ᐃᓄᐃᑦ ᐱᖁᑎᕕᓂᖏᓂᒃ.

ᐸᕐᓇᒃᓯᒪᓚᐅᕐᑐᑦ ᐊᕿᓯᔪᒪᓪᓗᑎᒃ ᐊᖅᑯᑎᒋᓪᓗᒋᑦ ᐃᓄᑐᐃᓇᕐᓂᑦ ᑐᑭᓯᓇᓱᒃᓗᑎᒃ ᐊᒻᒪᓗ ᑐᖓᕕᖃᕐᓗᑎᒃ ᐅᖃᐅᓯᕆᔭᖏᓂᒃ ᓄᓇᓕᒥᐅᓂᑦ ᐊᒻᒪᓗ ᑲᑐᔾᔨᖃᑎᒌᓂᑦ, ᐳᓛᕐᒡᑎᑦ, ᐊᑐᕐᑏᑦ, ᐃᑲᔪᕐᑏᑦ ᐊᒻᒪᓗ ᐃᓄᐃᑦ ᓄᓇᕗᕐᒥ. ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᔅᓯᔨᖏᑕ ᑲᑎᒪᔨᕋᓛᖏᑦ, ᐱᓇᓱᐊᖃᑎᒌᒃᖢᑎᒃ ᐊᐅᓚᓯᓂᕐᒧᑦ ᑎᒥᖓ ᐅᒃᑯᓯᒃᓴᓕᒃ ᒥᖑᐃᓯᕐᕕᖕᒧᑦ, ᐱᓕᕆᐊᒃᓴᖃᓗᐊᓚᐅᕐᑐᑦ ᐊᕿᓱᕐᑕᐅᓕᕐᑎᓪᓗᒍ ᐊᐅᓚᓯᓂᕐᒧᑦ ᐸᕐᓇᒍᑎᒃ ᐊᑐᐃᓇᕈᕐᑎᓯᓪᓗᑎᒃ ᐃᓄᐃᑦ ᖃᐅᔨᒪᔭᖏᓂᒃ ᐊᒻᒪᓗ ᐅᖃᐅ ᔾᔨᒋᐊᕐᓗᑎᒃ ᒥᖑᐃᓯᕐᕕᓕᕆᔨᑯᓄᑦ ᐊᐅᓚᓯᓂᕐᒧᑦ ᐸᕐᓇᐅᑎᒃ ᐱᓕᕆᐊᖑᓂᓕᒫᖓᓂ. ᑕᕝᕗᓇ ᐊᐅᓚᓯᓂᕐᒧᑦ ᐸᕐᓇᐅᑎᑯᑦ, ᒥᖑᐃᓯᕐᕕᓕᕆᔨᑯᑦ ᐊᑐᖁᔭᐅᔪᓂᒃ ᑲᔪᓯᑎᓯᕗᑦ ᐅᖃᐅᓯᕆᓯᒪᔭᕐᒥᓂᒃ ᓴᐳᑎᔭᐅᓯᒪᖁᓪᓗᒍ ᐊᒪᓗ ᑕᑯᔭᐅᑎᓪᓗᒍ ᑲᓇᑕᐅᑉ ᓱᓐᓂᕐᓯᒪᖏᑐᑦ ᑭᖑᕙᕆᔭᐅᔪᓄᑦ ᐊᑕᐅᑎᑯᑦ ᐱᕕᖃᕐᑎᓯᓪᓗᑎᒃ ᑲᓇᑕᒥᐅᓂᒃ ᑕᐃᑲᓃᑦᑐᓐᓇᖁᓗᒋᑦ ᖃᐅᔨᓗᑎᒃᓗ ᐊᕙᑎᑎᓂᒃ ᓄᑖᕐᑎᒍᑦ ᖁᕕᐊᓇᕐᑐᑯᓪᓗ.

ᒥᖑᐃᓯᕐᕕᓕᕆᔨᑯᑦ ᑐᓂᓯᒪᕗᑦ ᓄᐊᑕᐅᓯᒪᔪᓂᒃ ᑲᓇᑕᒥ ᑭᖑᕚᕆᔭᐅᔪᓄᑦ ᐃᓂᖏᓂᒃ ᑖᒃᑯᐊ ᖁᕕᐊᓱᒍᑎᖃᖃᑕᕐᑐᑦ ᑐᓂᓯᓂᖏᓂᒃ ᓄᓇᖃᖅᑳᖅᓯᒪᔪᓂᒃ, ᖃᓄᐃᑑᖃᑕᓚᐅᓯᒪᓂᖏᓂᒃ, ᐊᒻᒪᓗ ᐱᖅᑯᓯᖏᓂᒃ, ᐊᒻᒪᓗ ᐱᑐᐃᓇᐅᖏᑐᕐᒥᒃ ᓄᓇᖃᖅᑳᕐᓯᒪᔪᑦ ᐊᒃᑐᐊᓂᖓᑦ ᓄᓇᒧᑦ ᐊᒻᒪᓗ ᐃᒪᕐᒧᑦ. ᐅᒃᑯᓯᒃᓴᓕᒃ ᒥᖑᐃᓯᕐᕕᒃ ᑲᑐᔨᖃᑎᒌᓄᑦ ᐊᐅᓚᑕᐅᔪᖅ ᐃᓄᖕᓄᑦ ᐊᒻᒪᓗ ᒥᖑᐃᓯᕐᕕᓕᕆᔨᑯᓄᑦ ᒪᓕᖢᒋᑦ ᓄᓇᕗᕐᒥ ᐊᖏᖃᑎᒌᒍᑎᒃ ᐊᒻᒪᓗ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᒃ ᑐᕋᖓᔪᖅ ᐅᒃᑯᓯᒃᓴᓕᖅ ᒥᖑᐃᓯᕐᕕᖕᒧᑦ.

2018ᒥᑦ ᐅᖓᑖᓄᓪᓗ, ᑲᓇᑕᒥ ᒐᕙᒪᒃᑯᑦ ᖁᕕᐊᓲᑎᖃᕐᓂᐊᕐᑐᑦ ᐃᓚᒌᒃᓂᕐᒥᑦ ᐊᑭᓖᑎᑕᐅᖏᖢᑎᒃ ᐃᓯᕐᑎᑕᐅᓗᑎᒃ ᒥᖑᐃᓯᕐᕕᖕᓄᑦ ᒪᑯᒃᑐᓄᑦ 17ᓂᒃ ᐊᕋᒍᓕᖕᓄᑦ ᑐᖔᓂᓗ. ᒥᖑᐃᓯᕐᕕᓕᕆᔨᑯᑦ ᑭᖑᕙᓄᑦ ᓄᓇᐅᔪᑦ ᐱᐅᔪᒪᕆᐅᕗᑦ ᑲᓇᑕᒥᐅᑦ ᑕᑯᔪᓇᖁᓗᒋᑦ ᓯᓚᒥᑦᑐᓂᒃ ᐊᒻᒪᓗ ᐃᓕᒃᑲᓂᕐᓗᑎᒃ ᐊᕙᑎᒥᒃ ᐊᒻᒪᓗ ᐃᓄᐃᑦ ᐃᓕᖁᓯᖏᓐᓂᒃ.

ᐅᒃᑯᓯᒃᓴᓕᒃ ᒥᖑᐃᓯᕐᕕᒃ ᐊᐅᓚᔅᓯᓂᕐᒧᑦ ᐸᕐᓇᐅᑎᖓ ᕿᒥᕈᔭᐅᔪᓇᕐᑐᖅ ᒥᖑᐃᓯᕐᕕᓕᕆᔨᑯᑦ ᑕᑯᓴᐅᕕᖓᒍᑦ ᖃᕆᓴᐅᔭᑯᑦ ᐅᕙᓂ: https://www.pc.gc.ca/fr/pn-np/nu/ukkusiksalik/info/index/gestion-management-inuktitut-2018

ᐅᖃᐅᓯᖓᑦ

“ᑲᓇᑕᐅᑉ ᒥᖑᐃᓯᕐᕕᖏᑦ, ᐃᑕᕐᓂᓴᖃᕖᑦ ᐊᒻᒪᓗ ᑕᕆᐅᖏᑦ ᓴᐳᑎᔭᐅᓯᒪᕖᑦ ᐱᖁᑎᒋᔭᐅᕗᑦ ᑕᒪᐃᓄᑦ ᑲᓇᑕᒥᐅᓄᑦ ᐊᒻᒪᓗ ᐊᑐᕈᓇᖁᓗᒋᑦ ᑲᓇᑕᒥᓚᕆᖕᓂᖏᓂᒃ. ᖁᔭᓐᓇᒦᕈᒪᔭᑲ ᑭᒃᑯᓕᒫᑦ ᐃᑲᔪᓚᐅᕐᑐᑦ ᐊᐅᓚᓯᓂᕐᒧᑦ ᐸᕐᓇᐅᑎᒥᒃ. ᒥᓂᔅᑕᕆᔭᐅᓗᖓ ᒥᖑᐃᓯᕐᕕᓕᕆᔨᑯᓄᑦ, ᐅᐱᒋᔭᕋ ᐅᓇ ᐱᓇᓱᐊᖃᑎᒌᒃᖢᑎᒃ ᐊᒃᓱᕈᕐᑐᑦ ᐊᒻᒪᓗ ᐊᓕᐊᓇᐃᒍᓱᒃᐳᖓ ᓈᒻᒪᒋᔭᕆᐊᒃᓴᖅ ᐊᐅᓚᓯᓂᕐᒧᑦ ᐸᕐᓇᒍᑎᒃ ᐅᑯᓯᒃᓴᓕᒃ ᒥᖑᐃᓯᕐᕕᖕᒧᑦ”

ᑲᑕᕆᓂ ᒪᒃᑭᓇ
ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔨᕐᓂᖓᓄᑦ ᐊᒻᒪᓗ ᒥᓂᔅᑕᐅᓗᓂ ᐱᔭᒃᓴᓕᒃ ᒥᖑᐃᓯᕐᕕᓕᕆᓂᕐᒥᒃ

ᓇᐃᑐᑦ ᓱᓕᔪᑦ

  • ᐅᑯᓯᒃᓴᓕᒃ ᒥᖑᐃᓯᕐᕕᒃ ᐊᖏᓂᖓ ᑲᖏᕐᖢᐊᓗᒃᒪᑦ ᑎᑭᐅᒪᔪᖅ ᐅᐊᖕᓇᕐᐸᓯᐊᓂᒃ ᐊᑭᓐᓇᖓᓄᑦ ᓯᒃᔭᖓᓂ ᑕᓯᐅᔭᕐᔪᐊᑉ, ᐃᓚᐅᓪᓗᓂ ᐃᒪᖏᑦ ᐅᑯᓯᒃᓴᓕᐅᑉ ᑲᖏᕐᓱᖓ ᐊᒻᒪᓗ ᓄᓇᖏᑦ ᐊᕙᑖᓂᑐᑦ. ᐃᓄᐃᑦ ᐊᓯᖏᓐᓂᖔᕐᑐᑦ ᐅᑯᓇᖓᑦ ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓕᖅ, ᓇᐅᔮᑦ ᐊᒻᒪᓗ ᑲᖏᖠᓂᖅ ᐊᒃᑐᐊᓂᖃᕐᑐᑦ ᓄᓇᖓᓐᓂᒃ ᐃᓄᖏᓐᓂᒃ ᐅᑯᓇᖔᕐᑐᓂᒃ ᓇᐅᔮᑦ ᐊᒻᒪᓗ ᓴᓪᓕᖅ ᖃᓂᓛᖑᓗᑎᒃ ᑕᐃᓱᒪᓃᐊᓗᒃ ᐊᒃᑐᐊᓂᓖᑦ ᒥᖑᐃᓯᕐᕕᖕᒥᒃ.

  • “ᐅᒃᑯᓯᒃᓴᓕᒃ”, ᐃᓄᒃᑎᑐᑦ ᑐᑭᖓ, ᑐᑭᓕᒃ “ᓄᓇᐅᔪᖅ ᐅᒃᑯᓯᒃᓴᖃᑐᖅ ᓴᓇᔭᐅᔪᓇᕐᑐᓂᒃ ᐅᒃᑯᓯᒃᓂᒃ ᐊᒻᒪᓗ ᖁᓕᕐᓂᒃ”.

  • ᒥᖑᐃᓯᕐᕕᒃ ᓄᓇᖓᑕ ᐊᖏᓂᖓ ᐃᒪᐃᑑᔪᖅ 20 885 ᑭᓛᒥᑕ ᒪᕈᐃᕐᓱᓪᓗᐊᕐᓗᒍ ᐊᒻᒪᓗ ᖁᓖᑦ ᐊᖏᓛᑦ ᒥᖑᐃᓯᕐᕕᐅᔪᓂ ᐃᓚᐅᓪᓗᓂ ᑲᓇᑕᒥ.

  • ᒥᖑᐃᓯᕐᕕᑯᑦ ᓴᕿᑎᑕᐅᓚᐅᕐᓯᒪᔪᖅ 2003ᒥ ᐊᒻᒪᓗ ᐅᐱᒋᔭᐅᓚᐅᕐᑐᖅ ᑲᓇᑕᒥ ᒥᖑᐃᓯᕐᕕᐅᑉ ᒪᓕᒐᖏᓂᑯᓂᕐᒥᐅᑕᓄᑦ ᐊᖁᑎᒋᓪᓗᒍ ᒪᓕᒐᓕᕆᔨᑯᓐᓄᑦ 2014ᖑᑎᓪᓗᒍ. ᒥᖑᐃᓯᕐᕕᒃ ᑲᑐᔾᔨᖃᑎᒌᓄᑦ ᐊᐅᓚᑕᐅᔪᖅ ᐃᓄᖕᓄᑦ ᐊᒻᒪᓗ ᒥᖑᐃᓯᕐᕕᓕᕆᔨᑯᓄᑦ ᒪᓕᖢᒋᑦ ᓄᓇᕗᑦ ᐊᖏᖃᑎᒌᒍᑎᖓᓂ, ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓄᑦ ᐃᑲᔪᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎ ᐊᒻᒪᓗ ᐱᕚᓕᕈᑏᑦ ᐊᖏᕈᑎᖓ ᐅᒃᑯᓯᒃᓴᓕᒃ ᒥᖑᐃᓯᕐᕕᖕᒥ ᑲᓇᑕᒥ, ᐊᒻᒪᓗ ᑲᓇᑕᒥ ᒥᖑᐃᓯᕐᕖᑦ ᒪᓕᒐᖏᓂ, ᐊᒃᑐᐊᓂᓖᑦ ᒪᓕᒐᖏᓄᑦ ᐊᑐᐊᒐᖏᓐᓄᓪᓗ.

     

ᐊᒃᑐᐊᓂᓖᑦ ᑕᑯᒋᐊᕐᑕᐅᔪᓇᕐᑐᑦ

ᑐᑭᓯᒋᐊᕐᕕᒃᓴᖅ

ᑯᕇ−ᐊᓐᑐᕇ ᕙᓚᓐᑯᐊᑦ
ᓯᓚᑖᓂ ᑐᓴᐅᒪᑎᓯᔨᐅᔪᑦ ᐊᐅᓚᓯᔨᖓ
ᓄᓇᕗᕐᒥ ᒥᖑᐃᓯᕐᕕᖕᓃᖃᑕᕐᑐᑦ ᐃᖃᓇᐃᔭᕐᕕᖓ
867- 975-4680
ᖃᕆᓴᐅᔭᑯᑦ ᑐᕌᕈᑎᒐ marie-andree.vaillancourt@canada.ca

ᐱᕙᓕᐊᓂᖏᓂᒃ ᑲᒪᔩᑦ
ᒥᖑᐃᓯᕐᕕᖕᒧᑦ ᐃᖃᓇᐃᔭᕐᑏᑦ
1-855-862-1812

ᖃᕆᓴᐅᔭᑯᑦ ᑐᕌᕈᑎᒐ pc.medias-media.pc@canada.ca