ᑲᓇᑕᒻᒥ ᐃᓚᐅᖃᑕᐅᓯᒪᔪᑦ ᐅᓇᑕᕕᒃᔪᐊᕐᓂᖃᖅᑎᓗᒋᑦ ᓯᕗᓕᕐᒥᑦ (1914ᒥᑦ-1918ᒧᑦ) ᐊᒻᒪ ᑭᖑᓕᕐᒥᑦ ᐅᓇᑕᕕᒃᔪᐊᓂᖃᖅᑎᓗᒋᑦ (1939ᒥᑦ-1945ᒧᑦ) ᐊᒃᑐᕐᓯᓚᐅᕐᓯᒪᔪᑦ ᓄᓇᓕᓕᒫᓂᒃ ᓄᓇᑦᑎᓂ. ᒥᕐᖑᐃᓯᕐᕕᓕᕆᔨᑯᑦ ᑲᓇᑕᒥ ᖃᐃᖁᔨᔪᑦ ᐃᖃᐅᒻᒪᓂᖃᖅᑎᓗᒋ ᐊᔾᔨᒌᖏᑦᑐᓂᑦ ᐱᓱᖃᑕᐅᓯᒪᔪᓂᒃ ᐃᑲᔪᖃᑕᐅᓯᒪᔪᓂᒡᓗ ᐅᓇᑕᓂᐆᓚᐆᖅᓯᒪᔪᖅ ᐱᔪᑎᒋᓗᒍ. ᐊᑲᐆᖏᓕᐅᕈᑎᖃᖅᑎᓗᒋ ᓄᓇᕐᔪᐋᕐᒥ ᐃᓄᐄᑦ ᐊᔾᔨᒌᖏᑦᑐᑦ ᐅᓇᑕᖅᑐᒃᓴᐄᓗ ᐱᓕᕆᓂᕆᔭᖏᑦ ᐊᑑᑎᖃᓯᒪᔪᐄᓇᐅᔪᑦ ᓄᓇᑎᓐᓂ ᓴᐳᔨᓯᒪᓇᓱᒃᖢᑎᒃ ᓄᓇᓕᖏᓐᓂᓗ ᐊᒻᒪᓗ ᑲᓇᑕᓕᒫᒥᒃ.

ᐱᖓᖕᓈᑕ ᐃᒪᕝᕕᐋᓂᑦ ᑲᑲᖕᓇᐆᑉ ᐃᒪᕝᕕᐋᓄᑦ, ᑕᐅᓴᖏᓃᑦᑐᑦ ᐅᖓᑖᓂ ᐃᓄᐄ ᐃᑲᔪᖃᑎᒌᓚᐆᓯᒪᔪᕕᓃᑦ ᐅᓇᑕᕕᒃᔪᐊᕐᓂᖅ ᐱᔾᔪᑎᒋᓗᒍ. ᖃᐃᖁᔪᒍᑦ ᐃᓕᑎᑎᑲᓂᕐᕈᒪᓗᑕ ᑖᑯᓂᖓ ᓄᓇᖏᓃᖢᑎᒃ ᓄᓇᓕᖕᓂ ᐱᒻᒪᕆᒋᔭᐅᔪᑦ.

ᖃᐅᔨᒋᐋᑲᓂᕐᓗᒋᑦ ᐅᓂᑳᑎᐊᕚᓗᖏ ᐃᖃᐅᒪᖃᑎᒌᑎᐊᕐᓗᑕᓗ ᖁᕕᐊᓱᖃᑎᒋᓗᒋᓗ ᐃᑲᔪᕐᓂᕆᓯᒪᔭᖏᓂᑦ ᐳᓛᕆᐊᕐᓗᑎ ᒥᕐᖑᐃᓯᕐᕕᓕᕆᔨᑯᓐᓄᑦ ᑲᓇᑕᒥ ᐃᒻᒪᕐᓂᓴᓕᕆᔨᑯᓗ, ᒥᕐᖑᐃᓯᕐᕖᓗ ᑲᓇᑕᒥ ᐊᒻᒪ ᐃᒪᕐᒥᐆᑕᓕᕆᔨᒃᑯᑦ.

ᓄᓇᕗᑦ ᐃᓄᐃᑦ ᐊᒻᒪ ᐊᐃᐸᖓᓂ ᓯᓚᕐᔪᐊᒥᑦ ᐅᓇᑕᕕᒡᔪᐊᕐᓂᖅ

ᒥᓕᐊᖏᓐᓃᑦᑐᑦ ᑲᓇᑕᒥᐅᑕᐃᑦ ᑐᓂᓯᓯᒪᔪᑦ ᑲᓇᑕᒥ ᓵᓚᒃᓴᕋᓱᐊᓂᕐᒧᑦ ᐊᐃᐸᖓᓂ ᓯᓚᕐᔪᐊᒥᑦ ᐅᓇᑕᕕᒡᔪᐊᑎᓪᓗᒋᑦ (1939-1945). ᐊᖏᕋᒥᐅᑕᕆᔭᕗᑦ, ᐊᖑᑏ, ᐊᕐᓇᐃᑦ ᐊᒻᒪ ᓱᕈᓰᑦ ᐱᖃᑕᐅᖁᔭᐅᔪᑦ ᐊᖏᕋᒥ ᐊᐅᓚᓂᖏᓐᓄᑦ ᑲᑎᑎᓗᑎᒃ ᐊᑐᒃᑲᓐᓂᕈᓐᓇᖅᑐᓂᑦ ᑭᓱᑐᐃᓐᓇᕐᓂᑦ ᐅᓇᑕᓂᕐᒧᑦ. ᓴᐅᓃᑦ ᐃᓚᒋᔭᐅᓚᐅᖅᑐᑦ ᑖᒃᑯᓇᓂ ᑭᓱᓕᕆᔾᔪᑎᓂᑦ, ᐊᑐᖅᑕᐅᔪᑦ ᓱᓇᒐᓕᐅᕈᑕᐅᓗᑎᒃ, ᖃᖓᑕᓲᓄᑦ ᓂᐱᐅᑏᑦ ᐊᒻᒪ ᐱᕈᖅᓯᐊᓄ ᐃᓚᓕᐅᑏᑦ. ᓴᐅᓂᐅᓚᐅᖅᑐᑦ ᑲᓇᓐᓇᖓᓃᖔᓚᐅᖅᑐᑦ ᐅᑭᐅᑕᖅᑐᒥ.

ᐃᓅᓯᒪᔪᖅ 1920 ᐊᒻᒪ ᓄᓇᖃᖅᖢᓂ ᖃᓂᒋᔭᖓᓂ ᐃᒡᓗᓕᒃ (ᓴᓂᕋᔭᐅᑉ ᑕᕆᐅᖓ, ᓄᓇᕗᑦ) ᐅᓇᑕᕐᓂᖃᖅᑎᓪᓗᒋᑦ, ᓯᕗᓕᖅᑎᐅᓚᐅᖅᑐᖅ ᐊᒻᒪ ᐃᓄᒃ ᐃᓐᓇᑐᖃᖅ ᕐᑳᐱᒃ ᐊᑕᒍᑦᓯᐊᖅ ᐃᖅᑲᐅᒪᔭᖓ ᑕᒪᓐᓇ ᐃᓅᓯᖓᓂᑦ: “ᑐᓴᖅᖢᑕ ᑕᐃᒃᑯᐋᒎᖅ ᐅᓇᑕᕕᒃᔪᐊᖅᑐᐊᓗᐃᑦ. […] ᐃᓚᒃ ᑲᑉᐱᐊᓱᕈᔪᐃᓐᓇᖃᓯᐅᑎᒪᐅᖅᓯᒪᔪᒍᑦ ᐅᐃᕗᑦ ᑐᖁᑕᐅᓛᕆᐊᒃᓴᖏᓐᓂᒃ ᖃᖓᑕᓲᒃᑯᑦ ᑲᑕᒡᕕᐅᓯᒪᔪᓂᒃ ᓇᓂᓯᓐᓂᕈᑎᒃ.”

ᐃᑎᐊᓐ ᐸᔩᓐ, ᐅᐃᕖᖅ ᐊᔪᕆᖅᓱᐃᔨ ᓄᓇᖃᓚᐅᖅᑐᖅ ᐃᒡᓗᓕᒻᒥ ᐃᓄᓐᓂᑦ ᐃᓅᖃᑎᖃᖅᖢᓂ ᑕᐃᔅᓱᒪᓂ, ᐊᐱᕆᓚᐅᖅᑕᖏᑦ ᓄᓇᓕᒻᒦᑦᑐᑦ ᓄᐊᑦᑎᓗᑎ ᓴᐅᓂᕐᓂᑦ, ᐱᓗᐊᖅᑐᒥᑦ ᑐᖁᕙᓪᓕᐊᔪᓂᑦ ᕿᒻᒥᖏᓐᓂ ᐋᓐᓂᐊᓕᑳᓪᓚᓚᐅᖅᑐᑦ. “ᑐᓴᖅᑎᑕᐅᒐᑦᑕ ᓴᐅᓂᕕᓂᕐᓂᒎᖅ ᓄᐊᑦᑎᔭᕆᐊᖃᑕ ᐅᓇᑕᕕᒃᔪᐊᖅᑐᓄᒎᖅ ᐳᔪᒃᓴᓕᐅᖁᔭᐅᒐᑦᑕ ᐃᓄᒃᑎᒍᑦ”, ᐅᖃᖅᑐᖅ ᕐᑳᐱᒃ. ᓇᓗᓇᐃᖅᓯᔪᖅ ᐃᓇᐅᓂᖏᑦ ᓄᓇᓕᕋᓛᖓᓂ, ᐱᖃᓯᐅᑎᓪᓗᓂ ᓇᒻᒥᓂᖅ, ᐊᑕᐅᑦᑎᒃᑯᑦ ᑲᓇᓐᓇᖓᓂ ᐅᑭᐅᑕᖅᑐᒥ ᓄᓇᓖᑦ, ᑲᑎᖅᓱᐃᓚᐅᖅᑐᑦ ᐊᐃᕖᑦ, ᓇᑦᑏᑦ, ᕿᒻᒦᑦ ᐊᒻᒪ ᐊᓯᖏᓐᓂ ᐆᒪᔪᓂᑦ ᓴᐅᓂᖏᓐᓂᑦ, ᑕᑕᑎᕆᓪᓗᑎ ᐊᖏᔪᒥᑦ ᐴᒃᓴᓂᑦ, ᐊᐅᓚᖅᑎᑕᐅᓕᖅᖢᑎᑦ ᖃᓪᓗᓈᑦ ᓄᓇᖓᓐᓄᑦ ᑲᓇᑕᒥ ᐱᓕᕆᐊᖑᓂᖏᓐᓄᑦ.