ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕝᕕᖓ − ᑎᒃᑯᐊᖅᓯᓂᖅ ᐅᓗᕆᐋᓇᖅᑐᓂᒃ ᐱᓕᕆᓂᐅᓲᓂᒃ ᐊᒻᒪᓗ ᐳᓚᕋᑏᑦ ᐃᓯᕈᒪᔪᑦ ᐊᑎᓕᐆᕆᐊᖃᕐᓂᖏᑦ

Émis le : 01 avril 2019

ᒪᓕᒃᖢᒍ ᐅᖃᐅᓯᖅᑕᒃᑲᓐᓂᕆᔮ 6(1) ᐃᓗᐊᓂ ᑲᓇᑕᐅᑉ ᒥᕐᖑᐃᖅᓯᕝᕕᖏᓄᑦ ᑕᒪᐃᓐᓅᖓᔪᑦ ᒪᓕᒐᕋᓛᖏᑦᑕ, ᐅᑯᐊ ᐱᓕᕆᐋᖑᓂᐊᕈᑎᒃ ᑎᒃᑯᐊᖅᑕᐅᓯᒪᕗᑦ ᐅᓗᕆᐊᓇᖅᑑᓂᖓᓂᒃ ᖃᐅᔨᓴᖅᑎᖏᑕ ᓄᓇᐃᓐᓇᕐᒥ ᐊᖓᔪᖅᑳᖓᑕ ᑲᓇᑕᐅᑉ ᒥᕐᖑᐃᖅᓯᕝᕕᓕᕆᔨᖏᑕ, ᓄᓇᕘᒥ ᖃᐅᔨᓴᖅᑎᑦ ᓄᓇᒥ: 

ᐃᓯᖅᑕᐅᓂᖓ, ᐊᑐᖅᑕᐅᓂᖓ ᐊᒻᒪᑦᑕᖅ ᓇᕈᓇᒃᑐᓄᑦ ᐃᓗᐊᒍᑦ ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕝᕕᖓᑕ.

ᑕᒪᕐᒥᑦᑎᐊᖅ ᒥᕐᖑᐃᖅᓯᕝᕕᖕᒧᑦ ᐳᓛᕆᐊᖅᓯᒪᔪᑦ ᐊᑐᕆᐊᖃᖅᑎᑕᐅᔪᑦ ᐊᑎᓕᐅᕆᓗᑎᒃ ᐅᐸᒍᑎᓗᑎᒃ ᑕᑲᓇᓂ ᒥᑦᑎᒪᑕᓕᐅᑉ ᒥᕐᖑᐃᖅᓯᕝᕕᓕᕆᔨᖓᑕ ᑎᑎᕋᕝᕕᐊᓂ ᐅᕝᕙᓘᓐᓃᑦ ᓄᓇᕘᒥ ᖃᐅᔨᓴᖅᑎᑦ ᓄᓇᒥᑦ ᐃᖅᑲᓇᐃᔭᖅᑎᖏᓄᑦ ᓯᕗᓂᐊᒍᑦ ᐃᓯᕆᐊᓚᐅᖏᓐᓂᖏᑕ ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕝᕕᖓᓄᑦ, ᐊᒻᒪᓗ ᐅᑎᖅᓯᒪᓕᕈᑎᒃ ᐅᐸᒍᑎᓗᑎᒃ ᐲᓪᓗᒍ ᐊᑎᓂ ᑕᓚᕘᒃᑯᓪᓘᓐᓃᑦ ᐅᑎᖅᓯᒪᓂᕋᓕᓪᓗᓂ ᒥᕐᖑᐃᖅᓯᕝᕕᒻᒦᖏᓐᓂᒻᒥᓂᒃ.

ᐅᔾᔨᖅᓴᐅᑦ: ᐅᓇ ᐊᑑᑎᖃᙱᑦᑐᖅ ᑭᒃᑯᑐᐃᓐᓇᕐᓄᑦ ᐃᓄᖕᓄᑦ ᐊᑎᖃᖃᑕᐅᔪᑦ ᐊᑐᖅᑐᑦ ᐱᔪᓐᓇᐅᑎᒥᓂᒃ ᐊᖑᓇᓱᒍᓐᓇᕐᓂᒻᒧᑦ ᐅᕝᕙᓗ ᐱᓕᕆᐋᖃᖅᑐᑦ ᐃᓄᖕᓄᑦ ᐃᓕᖅᑯᓯᑐᖃᒻᒥᒍᑦ ᐊᑐᖅᑕᑐᖃᖏᓐᓂᒃ ᑎᑎᖅᓯᒪᔪᑦ ᓄᓇᕘᑉ ᓄᓇᑖᕈᑖᑕ ᐊᖏᕈᑎᐊᒍᑦ. 

ᓇᒥ:     ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕝᕕᖓ 

ᖃᖓᒃᑯᑦ:     ᐃᑉᐳᕈ 1 ᑎᑭᖢᒍ ᒪᔾᔨ 31 

ᖃᓄᐃᒻᒪᑦ:     ᑕᒪᐃᓐᓂᒃ ᐃᓯᖅᓯᒪᓂᖅ ᑎᒃᑯᐊᖅᑕᐅᓯᒪᕗᖅ ᐅᓗᕆᐊᓇᖅᑑᓂᖓᓂᒃ ᐱᓕᕆᓂᖅ ᑕᒪᐃᓐᓂᒃ ᐳᓛᕆᐊᖅᑐᑦ ᒥᕐᖑᐃᖅᓯᕝᕕᖕᒧᑦ ᐊᑎᓕᐅᕆᐊᖃᖅᑐᑦ ᐅᓗᕆᐋᓇᖏᑦᑐᒦᖁᓪᓗᒋᑦ ᑭᒃᑯᓕᒫᑦ ᐊᐅᓪᓛᖅᑐᑦ ᓄᓇᖏᒍᑦ ᒥᕐᖑᐃᖅᓯᕝᕕᐅᑉ.

ᑭᒃᑯᑐᐃᓐᓇᑦᑎᐊᑦ ᓱᕋᓇᐃᔪᑦ ᐆᒪᐅᑉ ᐊᖓᔪᖅᑳᖓᑕ ᐊᑐᖁᓯᒪᔭᖓᓂᒃ ᐃᖅᑲᖅᑐᐃᕕᒃᑯᑦ ᐸᓯᓴᒃᓴᐅᑎᑕᐅᓗᑎᒃ ᐊᑐᖅᑕᐅᓗᓂ ᑲᓇᑕᐅᑉ ᒥᕐᖑᐃᖅᓯᕝᕕᖏᓄᑦ ᐱᖅᑯᔭᕐᔪᐊᖅ; ᖁᑦᑎᓛᖅ ᐊᑭᓕᒐᒃᓴᖅ $100,000.

ᑐᑭᓯᐅᒪᔾᔪᑎᓂᒃ ᑐᓴᕈᒪᒍᕕᑦ ᑕᒪᑐᒧᖓ ᐅᖄᓚᒋᑦ ᑎᑎᕋᕝᕕᐊᓄᑦ ᐅᕙᓂ (867) 899-8092.