ᐃᓗᓕᖏᑦ

ᑎᑎᕋᕐᕖᑦ ᑎᑎᕋᖅᓯᒪᓂᖏᑦ

ᑕᑯᑎᑦᑎᔾᔪᑎ ᑎᑎᕋᖅᑕᐅᓯᒪᓂᖏᑦ

Quttinirpaaq National Park Management Plan 2009

ᐱᐅᓂᖓ ᑯᐃᓐ ᑲᓇᑕᒥ ᑭᒡᒐᖅᑐᐃᔨᒋᔭᐅᓪᓗᓂ ᐊᐅᓚᓯᓂᖏᓂ, ᑭᒡᒐᖅᑐᖅᑕᐅᓪᓗᓂ ᒥᖑᐃᓯᕐᕕᓕᕆᔨᑯᑦ ᑲᓇᑕᒥ ᓯᕗᓕᖅᑎᖓᓂᒃ, 2009.

Cette publication est aussi disponible en français.

This publication also available in English.

ᑲᓇᑕᓕᒫᕐᒥ ᐅᖃᓕᒪᒐᖃᕕ ᓇᓗᓇᐃᓯᒪᔪᑦ ᑎᑎᕋᑕᐅᓂᕕᓂᖏᑕ ᖃᓄᐃᑐᓂᖏᑦ:

  • ᒥᖑᐃᓯᕐᕕᓕᕆᔩᑦ ᑲᓇᑕᒥ, ᓄᓇᕕᒥ.
  • ᖁᑎᓂᕐᐹᖅ ᒥᖑᐃᓯᕐᕕᒃ ᑲᓇᑕᒥ ᐊᐅᓚᓯᓂᒧᑦ

ᑐᓂᔭᐅᒥᔪᑦ ᐅᐃᕕᑎᑐᑦ ᐃᒪᓇ ᑕᐃᔭᐅᓂᖃᖢᓂ:
Parc national du Canada Quttinirpaaq, plan directeur.

ᖃᑉᓗᓈᑎᑐᑦ ᐱᔭᒃᓴᐅᖕᒥᔪᖅ ᐅᒥᖓ ᐊᑎᖃᖢᓂ:
Quttinirpaaq National Park of Canada Management Plan.

  • ᑎᑎᕋᖅ: ISBN: 0-662-44205-9 Catalogue No.: R63-341/2006E
  • ᖃᕆᑕᐅᔭᑰᕈᓐᓇᐅᑖ PDF: ISBN 0-662-44206-7 Catalogue No.: R63-341/2006E-PDF
  1. ᖁᑦᑎᓂᕐᐹᖅ ᑲᓇᑕᐅᑉ ᒥᖑᐃᓯᕐᕕᖓ (ᓄᓇᕘᕐᒥ) -ᒥᕐᖑᐃᖅᓯᕐᕕᓕᕆᓂᖅ.
  2. ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᒥᖑᐃᓯᕐᕕᒃᓴᐃᓪᓗ - ᑲᓇᑕᒥ- ᒥᕐᖑᐃᖅᓯᕐᕕᓕᕆᓂᖅ.
  3. ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᒥᖑᐃᓯᕐᕕᒃᓴᐃᓪᓗ - ᑲᓇᑕᒥ-ᒥᕐᖑᐃᖅᓯᕐᕕᓕᕆᓂᖅ. I. ᒥᖑᐃᓯᕐᕖᑦ ᑲᓇᑕᒥ. ᐅᐊᓕᓂᕐᒥᐅᓄᑦ ᑐᓄᕕᐊᒥᐅᓄᓪᓗ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᔨᑦᑎᕋᕐᕕᖓ II. ᐊᑦᑎᖅᑕᐅᓯᒪᓂᖓ.

ᑐᑭᓯᒋᐊᒃᑲᓐᓂᕈᒪᒍᑉᓯ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᑉ ᒥᒃᓵᓄᑦ ᐅᕝᕙᓘᓐᓃᑦ ᐱᔾᔪᑎᒋᑉᓗᒍ ᖁᑦᑎᓂᕐᐹᖅ ᒥᕐᖕᒍᐃᓯᕐᕕᒃ ᐅᓇ ᖃᐅᔨᒋᐊᕐᕕᐅᔪᓐᓇᖅᑐᖅ:

ᖁᑦᑎᓂᕐᐹᖅ ᒥᕐᖕᒍᐃᓯᕐᕕᒃ
ᑎᑎᖃᐅᓯᒡᕕᖓᑕ ᓈᓴᐅᑎᖓ 278
ᐃᖃᓗᐃᑦ, ᓄᓇᕗᑦ
ᑲᓇᑕᒥ
X0A 0H0

ᐅᖃᓘᑖ:
867-975-4673


ᖃᕆᑕᐅᔭᒃᑯᑦ:

ᒥᓂᔅᑕᐅ ᐅᖃᐅᓯᒃᓴᖓ

Jim Prentice
ᔨᒻ ᐳᓐᑎᔅ ᒥᓂᔅᑕ ᐊᕙᑎᓕᕆᓂᒧᑦ

ᑲᓇᑕᐅᑉ ᑲᓇᑕᓕᒫᕐᒧᖓᔪᑦ ᐃᑦᑕᕐᓂᓴᖃᕐᕖᑦ, ᒥᖑᐃᓯᕐᕕᐅᔪᑦ ᐊᒪᓗ ᓴᕿᔭᑎᑦᑎᓂᐅᕗᖅ ᐃᒪᕐᒥᐅᑕᕐᓂ ᓴᐳᔾᔨᓯᒪᓂᖅ ᑲᓇᑕᒥᐅᓂᒃ ᐱᖓᓇᒥᑦ ᑲᓇᓇᒧᑦ ᐅᐸᖃᑦᑕᖅᑕᐅᔪᓐᓇᑦᑎᐊᖅᑐᒥᒃ ᑐᑭᓯᕚᓪᓕᕈᑎᐅᔪᓐᓇᖅᑐᒥᒃ ᐱᐅᔪᒻᒪᕆᖕᓂᒃ ᓄᓇᕐᔪᐊᕆᔭᑦᑎᓐᓂ. ᑖᒃᑯᐊ ᐃᓕᓐᓂᐊᕐᕕᐅᔪᓐᓇᖅᑐᑦ, ᐃᖃᐃᓕᓴᕐᕕᐅᔪᓐᓇᖅᑐᑦ ᐊᓕᐊᓇᐃᒍᓱᒡᕕᐅᓗᑎᒡᓗ ᓴᐃᓕᓇᑎᐊᕐᑐᓂᓗ ᑐᑭᓯᕙᓕᓇᕐᑐᓂᓗ ᑲᓇᑕᒥᐅᓕᒫᑦ ᐃᓅᓯᕆᓚᐅᖅᓯᒪᔭᑦᑎᓐᓂ ᐊᒃᑐᐊᓂᖃᕈᓐᓇᕐᓂᐊᕐᒪᑕ ᑲᔾᔮᕆᓗᒍᓗ ᓴᖅᑭᓯᒪᓕᕇᖅᑐᖅ, ᐱᖅᑯᓯᑐᖃᖅ ᐃᓅᓯᖃᕐᕕᐅᔪᕐᓗ ᑲᓇᑕᐅᑉ ᐃᓕᓴᕆᔭᐅᔾᔪᑎᒋᕙᒃᑕᖏᑦ.

ᒥᑭᓂᕐᐹᒥᑦ ᑲᓇᑕᐅᑉ ᒥᖑᐃᓯᕐᕕᖓᓂ ᐳᓚᕆᐊᖅᑕᐅᖃᑦᑕᕐᓂᖅᐸᕐᒧᑦ ᑲᓇᑕᐅᑉ ᐃᑕᓂᓴᖃᕕᒋᔭᖏᓐᓂᒃ ᐊᖏᓛᕐᒧᑦ ᑲᓇᑕᒥ ᐃᒪᕐᒥᐅᑕᕐᓂ ᓴᐳᔾᔨᓯᒪᕕᒐᓂᒃ, ᑕᑯᐊ ᑕᒪᕐᒥᒃ ᐅᐸᒃᑕᐅᔪᓐᓇᑦᑎᐊᖅᑐᑦ ᑲᓇᑕᒥᐅᓄᑦ ᐳᓛᕆᐊᖅᑎᓄᓪᓗ. ᐊᒥᓱᑦ ᐅᑦᑐᕋᐅᑕᐅᒪᑕ ᑕᑯᔪᒥᓇᑐᑦ ᖁᕕᐊᒋᔭᐅᖁᓗᒋᑦ ᑲᓇᑕᐅ ᐅᓂᑲᐅᓯᑐᖃᖏᓂ ᐃᑦᑕᓂᓴᖃᕕᖏᓂ. ᑕᑯᐊ ᓄᓇᐃᑦ ᐱᐅᔪᒪᕆᐅᓗᑎᒃ, ᑲᒪᓇᖅᖢᑎᒃ ᐊᒪᓗ ᐃᓕᐹᓕᕐᓇᖅᖢᑎᒃ ᐱᒪᕆᐅᒋᔭᐅᔪᑦ ᑲᓇᑕᒥᐅᓄᑦ - ᑖᒃᑯᐊ ᓯᕗᓪᓕᑦᑕ, ᒫᓐᓇᒧᑦ, ᓯᕗᓂᒃᓴᒧᓪᓗ ᐃᓄᓯᕐᕆᕙᓚᐅᕐᑕᖏᓪᓗ.

ᒐᕙᒪᑦᑕ ᑐᕌᒐᕆᔭᖓ ᐃᒪᐃᓕᖓᔪᖅ ᓇᓗᓇᖏᑐᒥᒃ ᑲᓇᑕᒥᐅᑉ ᐊᑐᐃᓇᐅᑎᑦᑎᕕᐅᓗᑎᒃ ᐃᓪᓕᖁᓯᑐᖃᒥᓂᑦ ᐊᒻᒪᓗ ᓴᓂᕐᕙᑕᐅᓯᒪᔪᑦ ᐊᕙᑎᕗᑦ ᖁᕕᐊᒋᔭᐅᒍᓇᓗᑎᒃ ᑭᖑᕙᓴᑎᓄᑦ ᐊᐸᒃᓗᒋᓗ ᐊᑐᕈᓇᑎᐊᓂᐊᕋᑎᒍ ᓱᕋᑎᑕᐃᓕᒪᒐᓂᑯᑦ.

ᑕᑯᓗᒍ ᓯᕗᓂᒃᓴᕆᔭᕗᑦ ᑕᑯᐊ ᓄᓇᐃᑦ ᑲᓇᑕᒥᐅᓄᑦ ᐱᐅᒋᔭᐅᓂᖓ ᐅᐱᒋᔭᐅᓕᒃᑲᓂᖁᓪᓗᒋᑦ, ᑐᑭᓯᔭᐅᑲᓐᓂᕐᓗᒋᑦ ᐊᓕᐊᓇᐃᒋᔭᐅᓗᓂᓗ ᑲᓇᑕᒋᔭᕗᑦ, ᓄᓇᓕᖕᒥᐅᓄᑦ ᐱᕙᓕᕈᑕᐅᒍᓇᖁᓗᒋᑦ, ᐃᓅᓯᕆᔭᑦᑎᓐᓄᓪᓗ ᐆᒻᒪᖅᐹᓪᓕᕈᑎᐅᓗᓂ.

ᒐᕙᒪᑕ ᑕᐅᑐᖑᐊᕈᑎᐊ ᓴᓇᓗᑕ ᐱᖅᑯᓯᑐᖃᕆᔭᐅᓯᒪᔪᑦ ᐃᑦᑕᕐᓂᓴᓕᕆᕝᕕᓂᒃ ᑲᓇᑕᐅᑉ ᐊᑐᐃᓇᐅᑎᑕᖓ ᑲᓇᑕᒥᐅᓄᑦ ᐱᕕᓴᖃᓯᐊᖁᓗᒋᑦ ᑕᒪᑯᓂᖓ ᑕᑯᔪᓇᖁᓗᒋ ᐅᐸᒃᓗᒋᓗ ᓱᓐᓂᖅᓯᒪᖏᑐᑦ ᓄᓇᐃᑦ ᐱᖅᑯᓰᓪᓗ.

ᑖᒃᑯᐊ ᐅᒃᐱᕆᔭᕗᑦ ᑐᙵᕕᒋᓗᑎᒍ ᓄᑖᕐᒥ ᐸᕐᓇᐅᑎᓕᐅᕈᑎᒋᓂᐊᕋᑦᑎᒍᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ. ᖁᔭᓕᔪᒪᓪᓗᖓᓗ ᐅᓄᖅᑐᓄᑦ ᑲᓇᑕᒥᐅᓄᑦ ᐃᑲᔪᖅᑐᐃᓯᒪᔪᑦ ᐸᕐᓇᐅᑎᐅᑉ ᐱᕙᓪᓕᐊᓕᖅᑎᑕᐅᓂᖓᓄᑦ. ᐱᓗᐊᖅᑐᒥᒃ ᑭᒡᒐᖅᑐᐃᓂᖃᑦᑎᐊᖅᑐᑦ ᐱᓕᕆᖃᑎᒌᖕᓂᖏᑎᒍᑦ ᐅᑯᐊ ᑲᓇᑕᐅᑉ ᐱᓕᕆᔨᖏᑦ ᒥᕐᖑᐃᖅᓯᕐᕕᓕᕆᔨᑯᓂᑦ, ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐸᕐᓇᐃᔩᑦ, ᖁᑦᑎᓂᕐᐹᖅ ᐱᓕᕆᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔩᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ. ᓄᓇᕗᒻᒥ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ, ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ, ᐊᓯᖏᓪᓗ ᒐᕙᒪᒃᑯᑦ ᐱᓕᕆᕝᕕᖏᑦ, ᑲᑐᔾᔨᖃᑎᒌᑦ ᐃᓄᐃᓪᓗ. ᐊᒃᓱᕉᑎᖃᕐᓂᖏᓐᓂᒃ ᓴᖅᑭᔮᖅᑎᑦᑎᖕᒪᑕ, ᐃᑲᔪᖃᑎᒌᒃᑎᐊᕐᓂᕐᒥᒡᓗ ᑭᒡᒐᖅᑐᐃᔾᔪᑎᖃᑦᑎᐊᕋᓱᖕᓂᕐᒧᑦ.

ᑕᐃᒪᓐᓇᑦᑎᐊᖅᑕᐅᖅ ᐱᓕᕆᖃᑎᒌᑦᑎᐊᕋᓱᖕᓂᕐᒥᒃ ᑭᒡᒐᖅᑐᐃᔾᔪᑎᖃᖅᖢᑕ ᐱᔭᒃᓴᕆᔭᑦᑎᓐᓂ, ᐊᓕᐊᕆᐃᒍᓱᒃᑐᖓ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐊᖏᓕᖅᐸᑲ.

ᓯᕗᓪᓕᖅᐹᖅ ᐆᒪ ᐊᑎᓕᐅᖅᑕᖓ:

ᔨᒻ ᐳᓐᑎᔅ
ᒥᓂᔅᑕ ᐊᕙᑎᓕᕆᓂᒧᑦ

ᐊᑐᓕᖁᔭᐅᔪᑦ

ᐱᖁᔭᖓ ᐊᒻᒪᓗ ᓯᕗᓪᓕᖅᐹᖅ ᐊᑎᓕᐅᖅᑕᖓ ᐆᒪ:

ᐋᓚᓐ ᓚᑐᕆᐅᓪ
ᐊᖓᔪᖃᖅ
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ

ᓈᓐᓯ ᐊᓂᕐᓂᓕᐊᖅ
ᓄᓇᕘᑉ ᒥᕐᖑᐃᖅᓯᕐᕕᖏᓐᓄᑦ ᐊᖓᔪᖅᑳᖅ, ᓄᓇᕗᑦ
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ

ᔪᐊᑕᒥ ᐊᒪᕈᐊᓕᒃ
ᐃᒃᓯᕙᐅᑕᖅ
ᖁᑎᓂᕐᐹᖅ ᑲᑐᔾᔨᖃᑎᒌᑦ ᐃᓄᐃᑦ/ᒐᕙᒪᑯᑦ ᒥᖑᐃᓯᕐᕕᒧ ᐸᕐᓇᐅᑏᑦ ᒥᕐᖑᐃᖅᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᖏᑦ


ᓄᓇᕗᒥ ᐆᒪᔪᓕᕆᔨᕐᔪᐊᒃ ᑲᑎᒪᔨᖏᑦ

ᐊᒃᑐᐱᕆ 2, 2006

ᒥᓂᔅᑕᒧᑦ:

ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᖁᕕᐊᓱᒃᐳᑦ ᑐᓂᓯᔭᕆᐊᒃᓴᖅ ᐊᖏᕈᑎᒋᔭᖏᓐᓂᒃ, ᒪᓕᒡᓗᒋᑦ ᓄᓇᕗᒥ ᓄᓇᑕᕈᑎᓄᑦ ᐊᖏᖃᑎᒌᒍᑎᐅᔪᑦ, ᓂᕐᔪᑎᓕᕆᓂᕐᒧᑦ ᐊᒻᒪ ᓂᕐᔪᑎᑦ ᓇᔪᒐᖏᓐᓂᒃ ᐱᓕᕆᐊᖃᕐᓂᕆᔭᖏᓐᓂᒃ ᖁᑦᑎᖕᓂᖅᐹᖅ ᒥᕐᖑᐃᕐᓯᕕᖓᑕ ᒥᐊᓂᕆᔭᐅᓂᖓᓄᑦ ᐸᕐᓇᐅᑎᒃᓴᖏᓐᓂᒃ.

ᐃᑲᔪᕋᑎᒌᖕᓂᖅ ᐊᒻᒪ ᐃᓗᐃᑦᑑᓈᕐᓯᒪᓗᒍ ᐱᓕᕆᐊᕆᔭᐅᓂᖓ ᐃᖅᑲᓇᐃᔭᖅᑎᖃᕐᖢᑎᒃ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐊᒻᒪ ᐃᓄᐃᑦ ᒥᐊᓂᕐᓯᔨᐅᓪᓗᑎᒃ ᒥᓐᖑᐃᕐᓯᕐᕕᖕᒥᒃ ᑕᐃᒪᓐᓇ ᓇᓗᓇᐃᖅᑕᐅᓯᒪᑦᑎᐊᖅᑐᑦ ᒥᐊᓂᕐᓯᔾᔪᑎᒃᓴᓄᑦ ᐸᕐᓇᐅᑎᖏᓐᓂ, ᐱᖃᓯᐅᑎᔭᐅᓪᓗᑎᒃ ᐅᐱᒍᓱᒋᐊᖃᕐᓂᖅ ᓂᕐᔪᑎᓂᒃ ᐊᒻᒪ ᓂᕐᔪᑎᑦ ᓇᔪᒐᖏᓐᓄᑦ ᐱᓪᓗᒋᑦ ᐋᖅᑭᒡᓯᒋᐊᕈᑎᒃᓴᐅᔪᑦ. ᑖᒃᑯᐊ ᐸᕐᓇᐅᑎᐅᔪᑦ ᐊᖏᕐᓯᒪᓂᖃᑦᑎᐊᖅᑐᑦ ᓴᐳᒻᒥᒃᖠᕐᓂᕐᒥᒃ ᐊᒻᒪ ᑲᔪᓯᑎᑦᑎᓂᕐᒥᒃ ᐊᕙᑎᖓ ᐃᓗᐃᑦᑑᑦᑎᐊᖁᓪᓗᒍ ᖁᑦᑎᖕᓂᖅᐹᖅ ᒥᕐᖑᐃᕐᓯᕐᕕᐊ ᐊᖅᑯᑎᖃᕐᓗᑎᒃ ᐊᑐᕐᓗᑎᒡᓗ ᐃᓱᒪᒃᓴᑉᓯᐅᕈᑎᖃᖃᓯᐅᑎᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᖃᐅᔨᓴᖅᑎᒻᒪᕆᐅᔪᑦ ᖃᐅᔨᒪᓂᕆᔭᖏᓐᓂᒃ.

ᑲᑐᔾᔨᓗᑎᒃ, ᑖᒃᑯᐊ ᐃᑲᔪᖃᑎᒌᒃᑎᑕᐅᓗᑎᒃ ᖃᐅᔨᒪᓂᕆᔭᐅᔪᑦ ᑕᐃᒪᓐᓇ ᓴᓐᖏᔪᒥᒃ ᓴᓇᕐᕈᑎᖃᖅᑎᑦᓯᓂᐊᕐᒪᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᐊᒻᒪ ᐊᓯᖏᓐᓂᒃ ᑲᒪᔪᓂᒃ ᑎᒥᐅᔪᓂᒃ ᑐᒃᓯᕚᓪᓕᖅᑎᑦᓯᖁᓪᓗᒋᑦ ᐊᕙᑎᐅᑉ ᐋᖅᑭᒡᓯᒪᓂᖓᓂᒃ ᐊᒻᒪ ᐃᖏᕐᕋᓂᖓᓂᒃ, ᑲᒪᒋᔭᐅᑦᑎᐊᖁᓪᓗᒋᑦ ᒥᓐᖑᐃᕐᓯᕐᕕᐅᑉ ᐊᕙᑎᖓᑕ ᐃᓗᐊ, ᐊᒻᒪ ᓴᓇᓗᑎᒃ ᖃᐅᔨᓴᕈᑎᒃᓴᐅᓂᐊᖅᑐᓂᒃ, ᓴᐳᒻᒥᒡᖠᕈᑕᐅᓂᐊᖅᑐᓂᒃ ᐊᒻᒪ ᓂᕐᔪᑎᑦ ᐅᓄᕐᓯᕚᓪᓕᖅᑎᑕᐅᔭᕆᐊᖃᖅᐸᑕ ᐅᓄᕐᓯᕚᓪᓕᖅᑎᑕᐅᓂᖏᓐᓄᑦ ᐱᓕᕆᔾᔪᑎᒃᓴᐅᔪᑦ ᐊᒻᒪ ᓇᔪᒐᖏᓐᓄᑦ ᐱᒻᒪᕆᐅᓕᖅᑐᓄᑦ ᐱᓕᕆᔾᔪᑎᒃᓴᐅᒐᔭᖅᑐᓂᒃ. ᐃᑲᔪᕈᒪᖕᒥᔪᑦ ᖃᐅᔨᒐᓱᐊᖅᑎᓪᓗᒋᑦ ᑭᒡᒍᓯᒃᓴᐅᓂᐊᖅᑐᓂᒃ ᐊᒡᓱᕈᕈᑕᐅᓕᖅᑐᓂᒃ ᐊᕙᑎᒧᑦ ᓇᓗᓇᐃᒃᑲᑕᐅᓪᓗᑎᒃ ᒥᕐᖑᐃᕐᓯᕐᕕᐅᑉ ᐃᓗᐊᓂ, ᓲᕐᓗ ᓯᓚᐅᑉ ᐊᓯᕈᖅᐸᓪᓕᐊᓂᖓᑦ ᐊᒻᒪ ᐊᒃᑐᐃᓂᕆᔭᖓ ᓂᕐᔪᑎᓂᒃ ᐊᒻᒪ ᓇᔪᒐᖏᓐᓂᒃ ᑖᒃᑯᐊ ᐃᑲᔪᕈᑕᐅᓂᐊᖅᑐᑦ ᒥᓐᖑᐃᕐᓯᕐᕕᖕᒧᑦ ᐊᑐᖅᑎᐅᔪᓄᑦ ᐊᒻᒪ ᐳᓚᕆᐊᖅᑎᐅᔪᓄᑦ.

ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᓂᕆᐅᑦᑎᐊᖅᐳᑦ ᐃᖅᑲᓇᐃᔭᖃᑎᖃᕐᓂᐊᕐᓂᕐᒥᖕᓂᒃ ᐃᑲᔪᖃᑎᒋᓗᒋᑦ ᒥᓐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᑲᑐᔾᔨᓪᓗᑎᒃ ᑲᒪᔨᐅᔪᑦ ᒥᓐᖑᐃᕐᓯᕐᕕᖕᒥ ᑲᑎᒪᔨᕋᓛᑦ ᑖᒃᑯᐊ ᑲᑐᔾᔭᐅᓪᓗᑎᒃ ᓂᕐᔪᑎᒋᔭᐅᔪᑦ ᐊᒻᒪ ᓇᔪᒐᖏᓐᓄᑦ ᑐᕌᒐᒃᓴᐅᔪᑦ ᒥᐊᓂᕐᓯᔾᔪᑎᒃᓴᐅᔪᑦ ᑎᑭᑕᐅᑦᑎᐊᕈᓐᓇᖁᓪᓗᖏᑦ ᖁᑦᑎᖕᓂᖅᐹᑉ ᒥᓐᖑᐃᕐᓯᕐᕕᐊᓂ. ᑕᐃᒪᓐᓇ ᑲᑐᔾᔨᓂᖃᖅᑎᓪᓗᒋᑦ ᐃᓄᖕᓂᒃ ᐱᖃᑎᖃᕐᓗᑎᒃ ᑲᔪᓯᓂᖃᑦᑎᐊᕐᓂᐊᖅᑐᖅ ᐃᓚᒋᔭᐅᑦᑎᐊᕐᓗᑎᒃ ᖁᑦᑎᖕᓂᖅᐹᖅ ᐊᔾᔨᐅᖏᑦᑑᓂᖓᓄᑦ, ᖃᓄᐃᖏᑦᑎᐊᖁᓪᓗᒍ ᐊᒻᒪ ᐊᓐᓂᕐᓇᖅᑑᖕᒪᑕ ᖁᑦᑎᒃᑐᕐᒥᐅᑦ ᐊᕙᑎᖓᑕ ᐃᓗᓕᖏᓪᓗ.

ᓯᕗᓪᓕᖅᐹᖅ ᐆᒪ ᐊᑎᓕᐅᖅᑕᖓ:

ᔫ ᑎᒍᓪᓚᒐᖅ, ᐃᒃᓯᕙᐅᑕᖅ, ᓄᓇᕗᒥ ᐆᒪᔪᓕᕆᔨᕐᔪᐊᒃ ᑲᑎᒪᔨᖏᑦ


ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

ᒥᓂᔅᑖᖓᐃ,

ᐊᕐᕌᒍᓂᑦ ᐊᒥᓲᙱᑦᑐᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᓚᐅᖃᑦᑕᕐᓯᒪᒻᒪᑕ ᑲᑐᔾᔨᖃᑎᒌᑦᑐᑎᒃ ᐱᕙᓪᓕᐊᑎᑦᑎᓂᕐᒥ ᓯᕗᓪᓕᖅᐹᒥ ᑲᓇᑕᒥ ᒥᕐᖑᐃᓯᕐᕕᓕᕆᓂᕐᒥ ᓄᓇᕗᒻᒥ - ᖁᑦᑎᓂᖅᐹᖅ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ.

1993ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᐃᓄᐃᑦ ᐊᑎᓕᐅᓚᐅᕐᓯᒪᒻᒪᑕ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᒻᒥ (NLCA) ᐱᔪᓐᓇᕐᓯᑎᑦᑎᓚᐅᕐᓯᒪᔪᖅ ᑕᒪᒃᑮᓐᓂᒃ ᑲᑐᔾᔨᖃᑎᒌᑦᑑᓐᓂᒃ ᐋᖅᑮᓂᕐᒧᑦ ᖁᑦᑎᓂᖅᐹᖅ ᒥᕐᖑᐃᓯᕐᕕᒻᒥᒃ ᒪᓕᑦᑐᒍ ᐋᔩᖃᑎᒌᒐᓱᐊᕈᑕᐅᓯᒪᔪᖅ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ (IIBA). ᐊᑎᓕᐅᖅᑕᐅᓂᖓ ᑕᒪᐃᓐᓄᑦ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ ᐋᒡᒌᓯ 1999ᒥ ᐊᑐᕐᓯᒪᒻᒪᑦ ᑲᑐᔾᔨᓪᓗᑎᒃ ᐃᓱᒪᒋᓯᒪᔭᖓᓐᓄᑦ ᐃᓄᐃᑦ ᒥᕐᖑᐃᓯᕐᕕᓕᕆᔨᒃᑯᓪᓗ ᑲᓇᑕᒥ. ᑖᓐᓇ ᑲᑐᔾᔨᖃᑎᒌᓐᓂᖓᑦ ᐱᔪᓐᓇᕐᓯᕚᓪᓕᕈᑕᐅᓯᒪᒻᒪᑦ ᐃᓄᐃᑦ ᐱᖃᑕᐅᖃᑦᑕᕐᓂᖏᓐᓄᑦ ᐸᕐᓇᐃᓂᕐᒥ, ᐊᐅᓚᑦᑎᓂᕐᒥ ᐊᐅᓚᓂᖏᓐᓂᓪᓗ ᒥᕐᖑᐃᓯᕐᕖᑦ ᓄᓇᕗᒻᒥ.

ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᐊᖅᑯᑎᓪᓗᐊᑕᐅᒻᒪᑕ ᑲᑐᔾᔨᖃᑎᒌᑦᑐᑎᒃ ᐊᐅᓚᑦᑎᔨᐅᓂᕐᒧᑦ ᐊᖏᕐᓯᕙᑦᑐᑎᒃ ᑭᖑᓪᓕᖅᐹᕐᓯᐅᑎᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᒃ ᐊᒻᒪᓗ ᑲᑐᔾᔨᓪᓗᑎᒃ ᐊᑐᖁᔨᔾᔪᑎᖃᖅᐸᑦᑐᑎᒃ ᒥᓂᔅᑕᒧᑦ ᑲᒪᒋᔭᓕᒻᒧᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᐅᓯᔅᓴᖏᓐᓂᒃ ᑐᓂᓯᔪᔪᑦ ᐊᒻᒪᓗ ᐅᖃᐅᔾᔨᒋᐊᕈᑎᖏᓐᓂᒃ ᑭᓱᑐᐃᓐᓇᐃᑦ ᐱᔾᔪᑎᒋᓪᓗᒋᑦ ᒥᕐᖑᐃᓯᕐᕕᓕᕆᓂᕐᒧᑦ ᐱᔾᔪᑕᐅᔪᓂᒃ ᓇᓗᓇᐃᔭᕐᓯᒪᓪᓗᑎᒃ ᖁᑦᑎᓂᖅᐹᕐᒥ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᐅᒻᒥ ᒥᕐᖑᐃᓯᕐᕕᓕᕆᓂᕐᒥ ᐸᕐᓇᐅᓯᐅᕈᑕᐅᔪᓕᒫᓂᒃ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᐱᒍᓱᒻᒪᑕ ᑲᑐᔾᔨᖃᑎᒌᑦᑐᑎᒃ ᐱᕙᓪᓕᐊᑎᑦᑎᓂᖓᓐᓂᒃ ᖁᑦᑎᓂᖅᐹᖅ 15ᓂᒃ-ᐊᕐᕌᒍᓂᒃ ᐃᓱᒪᒋᓯᒪᔭᖓᓐᓂᒃ ᐃᓕᓴᕐᓯᓯᒪᓪᓗᓂ ᐱᒻᒪᕆᐅᓂᖓᓂᒃ ᐃᓄᐃᑦ ᐃᓕᖅᑯᓯᖓᑦ ᐱᐅᓯᖓᓪᓗ ᓴᐳᔾᔨᓂᕐᒧᑦ ᐊᓯᐅᑎᑦᑎᑦᑕᐃᓕᓂᕐᒥᓪᓗ ᐱᖁᑎᖏᓐᓂᒃ. ᓂᕆᐅᑉᐳᒍᑦ ᐃᑲᔫᑎᖃᕐᓂᐊᕆᐊᔅᓴᖅ ᐱᔭᕇᖅᑕᐅᓛᕐᓂᖓᓄᑦ ᓯᕐᒥᓕᒻᒥ ᐊᐅᔪᐃᑦᑐᕐᒥᓗ ᐊᐅᓚᑦᑎᓂᕐᒧᑦ ᐸᕐᓇᐃᑏᑦ ᓯᕗᓂᑦᑎᓐᓂ.

ᓇᑯᕐᒦᒃ,

ᓯᕗᓪᓕᖅᐹᖅ ᐆᒪ ᐊᑎᓕᐅᖅᑕᖓ:

ᔪᐊᔾ ᐃᖃᓪᓗᒃ, ᐊᖏᔪᖅᑳᖑᑲᐃᓐᓇᖅᑐᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ


ᖁᔭᓐᓇᒦᖅᑕᐅᔪᑦ

ᐸᕐᓇᐅᑎᓕᐅᖅᐸᓪᓕᐊᑎᓪᓗᑕ ᐅᓄᖅᑐᓂᒃ ᐱᓕᕆᔨᖃᕆᐊᖃᕐᒪᑦ. ᐊᔾᔨᒌᖏᑦᑐᑦ ᐃᓚᐅᓪᓗᑎᒃ ᑭᓯᐊᓂ ᐸᕐᓇᐅᑎᓕᐅᕐᓇᕐᒪᑦ ᐊᐅᓚᑦᑎᔾᔪᑎᑦᑎᐊᕙᐅᓂᐊᕐᓗᓂ ᒥᕐᖑᐃᖅᓯᕐᕕᖕᓄᑦ ᐊᕐᕌᒍᓄᑦ ᐅᓄᖅᑐᓄᑦ. ᐅᑯᐊ ᑕᕝᕙ ᐃᑲᔪᖅᑐᐃᓯᒪᔪᑦ ᐸᕐᓇᐅᑎᓕᐅᖅᑎᓪᓗᑕ ᑐᓴᖅᑕᐅᖁᑦᑎᐊᖅᑕᕗᑦ ᑭᒃᑰᓂᖏᑦ :

ᖁᑦᑎᓂᕐᐹᖅ ᑲᓇᑕᐅᑉ ᒥᖑᐃᓯᕐᕕᖓᓄᑦ ᐸᕐᓇᐅᑎᓕᕆᔩᑦ

ᔭᐃᐱᑎ ᐊᕿᐊᕈᖅ
ᓗᑲᓯ ᐊᒪᕈᐊᓕᒃ
ᕗᕋᓯᔅ ᑰᑦᔅ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ
ᑎᓂᔅ ᕼᐋᓯ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ
ᐊᐃᕙᓚᕼᐋᒻ ᐱᔭᒥᓂ
ᒪᓐᑎ ᔭᐃᒃ, ᒥᖑᓯᕐᕕᓕᕆᔩᑦ ᑲᓇᑕᒥ
ᕼᐄᑕ ᒐᓯᓕᓐ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ
ᕌᔅ ᑭᓕᓐᕕᐅᔾᑦ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ
ᔭᐃᓴᓐ ᕼᐊᑦᓴᓐ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ

ᖁᑦᑎᓂᕐᐹᖅ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ

ᔪᐊᑕᒥ ᐊᒪᕈᐊᓕᒃ, ᐃᒃᓯᕙᐅᑕᖅ
ᓚᐃᓴ ᓂᖏᐅᖅ, ᑐᒡᓕᖓ
ᔭᐃᐱᑎ ᐊᕿᐊᕈᖅ
ᑕᐃᕕᑦ ᑯᕋᐃ
ᑕᐱᕕᑦ ᒪᑉᓕᒃ
ᒥᓂ ᓄᕐᖓᖅ
ᑖᒥ ᑕᑦᑕᑐᐊᐱᒃ

ᐊᓯᖏᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑕ ᐃᖅᑲᓇᐃᔭᖅᑎᖏᑦ

ᒋᐊᕆ ᐊᑕᒻᔅ
ᓈᓐᓯ ᐊᓂᕐᓂᓕᐊᖅ
ᑳᑦᑕᐃᓝ ᐊᑕᒍᑦᓝᐊᖅ
ᒪᑯᕆᑦ ᐴᑐᓕ
ᓚᐃᐅᓪ ᑎᒃ
ᑯᕌᒻ ᑖᑦᔅ
ᒫᑯ ᑐᓴᐅᓪᑦ
ᕼᐃᑕ ᒍᓯᓕ
ᐸᐅᓚ ᕼᐃᐅᓴ
ᑳᑎ ᕼᐊᓐᓴ
ᑕᒥ ᓇᐃᑦ
ᑕᓂᐅᓪ ᑯᓗᒍᒃᑐᖅ
ᒪᕇᔅ ᒪᐃᕼᐃ
ᕕᑭ ᓴᕼᐊᓇᐃᓴ
ᐹᓖᓐ ᓯᑲᑦ
ᐃᓕᓴᐱ ᓯᐅᓪ
ᐱᑕ ᓯᒪᐃᓕ
ᓱᓴᓇ ᑎᐅᕆᐊᓐ-ᕆᑦᓱᑦᔅ
ᔭᓂ ᕗᐃᑉᓯᑕ

ᐊᓯᖏᑦ

ᑯᕋᐃᕼᐊᐅᓐ ᐱᔨᓯᕐᑎᖏᑦ ᑐᓴᐅᒪᔪᓕᕆᓂᕐᒧᑦ
ᐱᑕ ᓯᔨᒃ, ᓯᔨᒃ ᐊᕙᑎᓕᕆᔨᖏᑕ ᐱᔨᓯᕐᑎᖏᑦ

ᐃᓄᒃᑎᑐᓕᑎᓯᔪᑦ ᑐᓴᔨᐅᖃᑕᓯᒪᔪᓗ ᐅᐸᓗᖓᐃᔭᕐᑎᓗᑕ ᐱᔭᕆᑕᐅᓚᐅᑐᑦ ᐊᒥᓱᔪᓄᑦ ᐃᓄᓄᑦ, ᐅᑯᐊ ᐃᓚᐅᓗᑎᒃ ᓱᓴᓐ ᓴᓪᓗᕕᓂᖅ, ᕇᐱᑲ ᒪᐃᒃ, ᓱᓴᓇ ᓴᓪᓗᕕᓂᖅ, ᒫᑎ ᑯᓗᒍᒃᑐᖅ, ᐊᒪᓗ ᑳᓂ ᐊᓕᕙᖅᑕᖅ. ᖁᔭᓇᒦᓚᓗᒃ!

ᐃᖅᑲᐅᒪᔭᕗᑦ

ᒥᓂ ᓄᖓᖅ

ᒥᓂ ᓄᖓᖅ ᓯᕗᓕᖅᐹᖑᓪᓗᓂ ᑲᑐᔨᖃᑎᒌᑦ ᒥᖑᐃᓯᕕᓕᕆᔨᑯᑦ ᑲᑎᒪᔨᕋᓛᖏᓄᑦ ᓯᕗᓕᕐᐸᒥ ᖁᑎᓂᐹᖅ ᒥᖑᐃᓯᕕᙳᖅᑎᑕᐅᕙᓪᓕᐊᓕᖅᑎᓪᓗᒍ.

ᒥᓂ ᐅᔾᔨᕈᓱᑦᑎᐊᖅᖢᓂ ᐆᒻᒪᕆᒃᑑᓪᓗᓂ ᐃᓅᓚᐅᑐᖅ, ᐃᑲᔪᕐᓂᖃᕐᔪᐊᓚᐅᑐᖅ ᐋᕿᒃᓱᐃᑎᓪᓗᒋᑦ ᐊᐅᓚᑕᐅᓂᓴᖓᓄ ᒥᖑᐃᓯᕐᕕᒧᑦ. ᒥᓂ ᑐᖁᓚᐅᑐᖅ ᐱᕈᓗᐊᕿᓗᓂ 2002 ᓄᖑᐊᓂ ᐊᒪᓗ - ᐱᑕᖃᕈᓐᓃᕋᓗᐊᕐᒪᑦ - ᐅᖃᐅᓯᕆᓚᐅᑕᖏ ᓯᓚᑐᓂᖓᓗ ᓱᓕ ᑕᑯᔭᐅᔪᓇᕐᑐᑦ ᑕᕙᓂ ᒥᕐᖑᐃᖅᓯᕕᓕᕆᓂᕐᒧᑦ ᐸᕐᓇᐅᑎᓂᒃ.

ᐅᖃᖅᑕᐃᓕᒪᖏᓐᓂᖓ ᐃᓱᒪᒋᓯᒪᔭᖓᓗ ᐊᓐᓂᕐᓇᑐᓂᖏᓂ ᐃᓄᐃ ᐱᖁᓯᖏᓂ ᑭᖑᓂᐊᓂᐊᕐᑐᖅ.

ᐊᐃᕝᕙᓚᕼᐋᒻ ᐱᔾᔭᒥᓂ

ᐊᐃᕙᓚᕼᐋᒻ ᐱᔾᔭᒥᓂ ᐃᓅᓪᓗᓂ ᓯᕗᓪᓕᖅᐹᖑᓚᐅᖅᓯᒪᔪᖅ ᐋᔩᖃᑎᒌᒃᑎᐅᓪᓗᓂ ᒪᑭᑕᐅᒐᓱᐊᖅᑎᓪᓗᒍ ᖁᑦᑎᓂᖅᐹᖅ ᒥᕐᖑᐃᓯᕐᕕᒃ.

ᐊᐃᕙᓚᕼᐋᒻ ᒪᓐᓇᒧᑦ ᓱᓕ ᐃᓚᒋᔭᐅᖏᓐᓇᖅᑯᖅ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕈᓪᓚᕆᑦᑎᑕᐅᓪᓗᓂ ᑕᒃᑯᓄᖓ ᒥᓐᖑᐃᓯᕐᕕᓕᕆᔨᒃᑯᑦ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓄᑦ. ᐃᕙᓚᕼᐋᒻ ᖃᐅᔨᒪᓂᒻᒪᕆᓂᖓᒍᑦ ᐊᕙᑎᓕᕆᓂᕐᒧᑦ, ᓄᓇᓕᕆᓂᕐᒧᑦ, ᐊᒻᒪᓗ ᐃᓕᖅᑯᓯᑐᖃᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᓄᓇᐅᑉ ᑕᑯᔅᓴᐅᓂᖓᑎᒍᑦ ᐱᕙᓪᓕᐊᑎᑦᑎᖃᑕᐅᓇᓱᐊᖃᑦᑕᕐᓂᖓᓄᑦ ᑕᒃᑯᓄᖓ ᐸᓐᓇᒍᑕᐅᔪᓄᑦ ᒥᓐᖑᐃᓯᕐᕕᒧᑦ.

ᖃᐅᔨᒪᑦᑎᐊᓐᓂᖓ ᐊᒻᒪᓗ ᐅᑉᐱᕈᓱᑦᑎᐊᓐᓂᖓ ᒥᕐᖑᐃᓯᕐᕕᐅᑉ ᓇᒦᓐᓂᖏᑦ ᐃᓕᑕᕆᔭᐅᓯᒪᑦᑎᐊᖅᑯᑦ ᑕᒃᑯᓇᖓᑦ ᐊᐅᓚᑦᑎᔩᑦ ᐸᓐᓇᒍᑎᒋᔭᖏᓐᓄᑦ.

ᑳᓂ ᐊᓕᕙᖅᑕᖅ

ᑳᓂ ᐊᓕᕙᕐᑕᖅ ᐃᓄᒃᑎᑑᓕᕆᔨᐅᓚᐅᑐᖅ ᑲᑎᒪᖃᑦᑕᖅᐸᓪᓕᐊᓕᓵᖅᑎᓪᓗᒋᑦ ᒥᖑᐃᓯᕕᐅᑉ ᐸᓇᑎᖏᑕ ᑲᑐᔨᖃᑎᒋᖏᑦ ᐊᒪᓗ ᑲᑎᖓᓗᑎᒃ ᒥᖑᐃᓯᕕᒥ ᐊᐅᓚᓯᓂᒧᑦ ᑲᑎᒪᔨᕋᓛᖏᓐᓄᑦ. ᐃᖃᓇᐃᔭᓂᕆᓚᐅᑕᖓ ᐃᑲᔫᑎᓕᕐᔪᐊᕌᓗᓚᐅᕐᑐᖅ ᐊᕿᓱᐃᑎᓗᒋᑦ ᐅᒥᖓ ᐊᐅᓚᓯᓂᒧᑦ . ᑲᓅᒍᓐᓂᓚᐅᕐᑐᖅ ᒪᔅᓯ 27, 2006ᖑᑎᓪᓗᒍ.

ᒥᕐᖑᐃᖅᓯᕐᕕᓕᕆᔩᑦ ᐊᖓᔪᖅᑳᖓᑕ ᐅᖃᐅᓯᖏᑦ

ᐊᐅᓱᐃᑦᑐᕐᒥᐅᑦ ᕿᑭᖅᑕᖓᓃᑦᑐᖅ, ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᑐᓄᕕᐊᖓᓃᓛᖑᕗᖅ ᑲᓇᑕᐅᑉ ᖁᑦᑎᒃᑐᖓᓂ. ᐅᐸᑕᐅᑲᐅᑎᒋᔪᓇᖏᑦᑐᕐᒦᑐᖅ, ᐱᐅᔪᐊᓘᓪᓗᓂ ᐊᒪᓗ ᐃᓛᓐᓂᑯᑦ ᓯᓚᖓ ᓂᑲᒋᔭᖃᔮᖏᑦᑐᖅ. ᒥᕐᖑᐃᖅᓯᕐᕕᙳᖅᑎᑕᐅᓚᐅᖅᑐᖅ 1988ᖑᑎᓗᒍ, ᒥᕐᖑᐃᖅᓯᕐᕕᒃ ᑕᑯᒥᓇᖅᑐᖃᐅᑦᑎᐊᖅᑐᖅ ᓯᕐᒥᖃᐅᕐᓂᖓᓄᑦ ᓯᑯᑐᖄᓗᖃᐅᕐᓂᖓᓄᓪᓗ, ᓯᓚᓗᓚᐅᖅᓯᒪᖏᑦᑐᑐᑦ ᑕᐃᒪᐃᑦᑑᔪᖅ ᐊᒪᓗ ᐱᕈᖅᑐᖃᕐᕕᐅᔪᒥᓇᖏᑦᑐᒥᒃ ᐱᕈᖅᑐᖃᐅᑐᖅ ᐆᒪᔪᕐᑕᖃᖢᓂᓗ ᓂᒡᓚᓱᒃᑐᐊᓗᖕᒥ ᐆᒪᔪᓐᓇᖅᑐᓂᒃ. ᑲᓇᑕᓕᒫᒥ ᖁᑎᖕᓂᖅᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ ᐊᖏᓛᖑᔪᓂᒃ ᑐᒡᓕᕆᔭᐅᔪᖅ. ᖃᐅᔨᒪᔾᔪᑎᐅᓪᓚᕆᒃᖢᓂᓗ ᓯᓚᕐᔪᐊᒥ ᐊᕙᑎᑦᑎᓐᓂ ᐊᓯᔾᔨᖅᐸᓪᓕᐊᓕᖅᑐᒧᑦ, ᐃᓄᐃᓪᓗ ᐃᑦᑕᕐᓂᓴᖁᑎᖏᓐᓂᒃ ᓴᐳᔾᔨᔨᐅᓪᓗᓂ, ᑎᒍᒥᐊᖅᓯᔨᐅᓪᓗᓂᓗ ᑲᓇᑕᒧᑦ ᓄᓇᖁᑎᒋᔭᐅᔪᒥᒃ.

ᒥᖑᐃᖅᓯᕐᕕᒃ ᐳᓛᕆᐊᖅᑕᐅᖃᑦᑕᖅᑐᖅ ᐃᒪᖄᑦ 150ᓂᒃ ᐊᕐᕋᒍᑕᒫᑦ, 40ᓪᓗᐊᑦ ᓇᖕᒪᒑᖅᖢᑎᒃ ᐱᔪᒃᑏᑦ ᐅᕙᓘᓐᓃᑦ ᐊᐳᑎᑯᑦ ᓯᐊᕐᕆᔮᖅᑏᑦ ᐊᓯᖏᓪᓗ ᐅᒥᐊᕐᔪᐊᒃᑯᑦ ᐳᓛᕆᐊᓚᐅᑲᖃᑦᑕᖅᑐᑦ. ᖁᑦᑎᓂᖅᐹᓕᐊᕐᓂᖅ ᐃᓄᓯᕆᔭᕐᒥ ᐊᑕᐅᓯᐊᖢᑎᒃ ᑕᑉᐸᐅᖓᓂᐅᖃᑕᖅᑐᑦ. ᑕᑉᐸᐅᖓᖅᓯᒪᓂᐅᔪᖅ ᐊᔾᔨᐅᖏᒻᒪᕆᒃᑐᒥᒃ ᑕᑯᓇᖅᑐᖅ, ᑲᔾᔮᕐᓇᖅᑐᒻᒪᕆᐅᓪᓗᓂ ᓄᓇᖓ, ᐆᒪᔪᖃᐅᖅᖢᓂ, ᐅᖓᓯᒃᑐᒻᒪᕆᒃ, ᓯᓚᕐᔪᐊᕐᒥ ᑕᑉᐹᓂᖢᓂ ᐃᓱᒪᐃᓇᕿᑎᐊᓗᓂ ᓄᓇᑐᔪᐊᓗᒥᓇᕐᑐᖅ.

ᐊᕐᕌᒍᑦ ᑕᓪᓕᒪᐅᓂᐊᖅᑐᑦ, ᒥᕐᖑᐃᖅᓯᓕᕕᓕᕆᓂᕐᒧᑦ ᐸᕐᓇᐅᑎ ᓯᕗᒧᐊᒍᑎᐅᓂᐊᕐᒪᑦ ᖁᑦᑎᓂᕐᐹᖅ ᒥᕐᖑᐃᖅᓯᕐᕕᓕᕆᔭᐅᓂᖓᓄᑦ. ᐱᒋᐊᖅᑎᑕᐅᓚᐅᖅᓯᒪᔪᖅ ᓄᓇᕗᑦ ᐃᓄᖏᓐᓂᒃ, ᐊᐅᓚᑦᑎᓂᐊᖅᑐᑦ ᒥᕐᖑᐃᖅᓯᕐᕕᖕᒥ ᐃᑲᔪᖃᑎᒋᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ. ᐸᕐᓇᐅᑎ ᐸᕐᓇᐅᑎᓕᐅᖅᓯᒪᖕᒪᑦ ᐊᕐᕌᒍᓄᑦ 15ᓄᑦ ᐱᔾᔪᑎᖃᓗᐊᕐᓗᑎᒃ ᑲᒪᒋᔭᐅᑦᑎᐊᖁᓪᓗᒋᑦ ᓴᐳᔾᔭᐅᑦᑎᐊᖁᓪᓗᒋᓪᓗ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖏᑦ ᐱᖅᑯᓯᖃᕐᕕᖏᓪᓗ, ᑐᑭᓯᒋᐊᕈᑎᐅᓗᓂᓗ ᖁᑦᑎᒃᑐᕐᒥᐅᑦ ᐅᕿᐅᖅᑕᖅᑐᖓᑕ ᐊᓐᓇᐅᒪᔾᔪᑎᖏᓐᓂᒃ ᐊᒻᒪᓗ ᐊᑐᖅᓯᒪᔭᖏᑦ, ᑐᓂᓯᒋᐊᕈᑎᐅᓂᐊᖅᑐᖅ ᐳᐃᒍᖅᑕᐅᓇᖏᑦᑐᒥᒃ ᑕᑯᔭᐅᕝᕕᐅᔪᓐᓇᕐᓂᖓᓂᒃ, ᐃᓕᓐᓂᐊᕈᑎᐅᓗᓂᓗ, ᐱᓕᕆᖃᑎᒌᒃᑎᐅᓂᐊᖅᑐᑦ ᑲᑐᔾᔨᖃᑎᒌᑦ, ᐃᓚᐅᑎᓪᓗᒋᓪᓗ ᐃᓄᓕᒫᑦ.

ᒥᕐᖑᐃᖅᓯᕐᕕᒃ ᖁᕝᕙᓯᒃᑐᒥᒃ ᐊᓐᓇᐅᒪᓂᖃᑦᑎᐊᕐᒪ. ᒥᕐᖑᐃᖅᓯᕐᕕᐅᑉ ᓄᓇᖓᓃᑦᑐᑐᖃᐃᑦ ᐊᓐᓇᐅᒪᐃᓐᓇᖅᑐᑦ ᑕᑯᔭᒃᓴᐅᕗᑦ ᐊᓐᓇᐅᒪᖃᑎᒌᒍᑎᒋᔭᖏᓪᓗ ᖃᓄᐃᓪᓕᓯᒪᓗᐊᕐᓇᑎᒃ. ᐆᒪᔪᖁᑎᖏᑕ ᐅᓄᕐᓂᖏᑦ ᖃᓄᐃᖏᑦᑎᐊᓚᐅᑲᖕᒥᔪᑦ, ᑭᓯᐊᓂ ᖁᑦᑎᒃᑐᕐᒥᐅᑦ ᑐᒃᑐᖏᑕ ᐅᓄᕐᓂᖏᑦ ᒥᕐᖑᐃᖅᓯᕐᕕᖕᒦᑦᑐᑦ ᖃᐅᔨᓴᖅᑕᐅᕙᓪᓕᐊᔪᒃ ᐊᖅᑯᑎᖃᖅᖢᑎᒃ ᑲᓇᑕᒥ ᐆᒪᔪᑦ ᓄᖑᑐᐃᓐᓇᕆᐊᖃᕐᓂᕋᖅᑕᐅᔪᓕᕆᔨᒃᑯᑎᒍᑦ. ᐊᒃᑐᖅᑕᐅᔾᔪᑏᑦ ᓯᓚᕐᔪᐊᑦᑕ ᐊᕙᑦᑎᖓᓄᑦ ᖁᐊᖅᓵᕐᓇᕈᑎᔪᑦ, ᓲᕐᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᓯᓚᑦᑕ ᐃᒐᓚᐅᔭᖓᑕ ᓵᒡᓕᕙᓪᓕᐊᓂᖓᓄᑦ, ᓯᕗᓂᑐᖃᑦᑎᓐᓄᓪᓗ ᑲᔪᓯᔪᒥᒃ ᓱᕈᔪᐃᖏᓐᓇᕐᓂᐊᖅᑐᑦ, ᑕᑯᒃᓴᕈᖅᓯᒪᓕᖅᑐᑦ ᒥᕐᖑᐃᖅᓯᕐᕕᖕᒥ. ᓄᓇᓕᖕᓂ ᐊᒃᑐᖅᑕᐅᔾᔪᑏᑦ ᒥᑭᒃᑑᓚᐅᑲᒃᓯᒪᔪᑦ, ᑭᓯᐊᓂ ᐅᑯᐊ ᐃᓚᐅᑎᑕᐅᖏᓐᓇᖅᑐᑦ ᓱᕈᕐᓇᖅᑐᖃᖅᑐᑦ ᓄᓇᐃᑦ ᖃᖓᑕᓲᓪᓗ ᓂᐱᖃᓗᐊᕐᓂᖏᑦ.

ᒥᕐᖑᐃᖅᓯᕐᕕᓕᕆᓂᕐᒧᑦ ᐱᓕᕆᔭᐅᖅᑳᕆᐊᓖᑦ ᐋᖅᑭᒃᓱᖅᑕᐅᓯᒪᖕᒪᑕ ᐸᕐᓇᐅᑎᓕᐅᕈᑎᖃᖅᖢᑎᒃ ᐅᑯᓂᖓ ᐱᓇᓱᐊᖅᑕᕗᑦ, ᑐᕌᒐᕗᑦ, ᐱᒋᐊᕈᑎᐅᓂᐊᖅᑐᑦ. ᑐᕌᒐᑦ ᓇᓗᓇᐃᖅᑕᐅᖃᑦᑕᕐᓂᐊᖅᑐᑦ ᖃᐅᔨᒋᐊᖅᑕᐅᕙᓪᓕᓂᖏᓐᓇᕐᓂᖏᒍᑦ ᖃᓄᐃᓕᕙᓪᓕᐊᓂᖏᑦ. ᐱᓕᕆᔭᐅᖅᑳᕆᐊᓖᑦ ᐅᑯᐊᖑᕗᑦ:

  1. ᖁᑦᑎᖕᓂᖅᐹᑉ ᐊᑐᖅᑕᐅᓂᖓ ᐊᐅᓚᑕᐅᑦᑎᐊᖁᓪᓗᒍ ᓴᐳᔾᔨᔨᐅᓂᐊᕐᒪᑦ ᑲᒪᒋᔭᖃᑦᑎᐊᕐᓂᐊᕐᒪᓪᓗ ᒥᕐᖑᐃᖅᓯᕐᕕᖕᒥ ᐊᓐᓇᐅᒪᑏᓐᓇᕆᐊᓖᑦ, ᐃᑦᑕᕐᓂᓴᑐᖃᐃᑦ, ᐅᑭᐅᖅᑕᖅᑑᓪᓗ ᓄᓇᖓ ᐃᓄᒃᑕᖃᖏᑦᑐᖅ ᐅᐸᒃᑕᐅᖃᑦᑕᑦᑎᐊᖁᓪᓗᒍ.
  2. ᓇᓗᓇᐃᔭᕐᓗᒋᑦ ᑐᑭᓯᓇᖅᓯᑎᓪᓗᒋᓪᓗ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᒋᔪᓐᓇᖅᑕᖏᑦ ᑭᒡᓕᓯᓂᐊᕐᓂᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᑎᒍᓪᓗ ᐅᓂᒃᑳᖅᑎᒍᑦ ᐃᓄᐃᓪᓗ ᖃᐅᔨᒪᓂᕆᔭᖏᑎᒍᑦ ᑕᐃᒪᙵᓂᓪᓕ ᒥᕐᖑᐃᖅᓯᕐᕕᖕᒧᑦ ᐊᒃᑐᐊᖓᓂᖃᐃᓐᓇᕐᒪᑕ, ᑖᒃᑯᐊᓕᒫᕐᓗ ᑐᓴᖅᑎᑦᑎᔾᔪᑎᐅᒋᐊᓕᕐᓗᑎᒃ ᐃᓕᖅᑯᓯᑐᖃᕐᒧᑦ ᑕᑯᒃᓴᕈᖅᑎᑦᑎᒋᐊᕈᑎᓂᒃ.
  3. ᐋᖅᑭᒋᐊᖅᑕᐅᖁᓪᓗᒋᑦ ᐃᓃᑦ-ᓇᓗᓇᐃᖅᑕᐅᓯᒪᔪᑦ ᒥᕐᖑᐃᖅᓯᕐᕕᖕᒥ ᐊᓐᓇᐅᒪᑏᓐᓇᕆᐊᓖᑦ ᐊᕙᑎᓕᕆᓂᕐᒧᑦ ᖃᐅᔨᒋᐊᕈᑎᓂᒃ, ᓴᓗᒻᒪᖅᓴᐃᕙᓪᓕᐊᓂᒃᑯᑦ, ᓄᓇᐃᓪᓗ ᐃᓕᖅᑯᓯᑐᖃᕐᒧᑦ ᐋᖅᑭᒋᐊᖅᑕᐅᓗᑎᒃ.
  4. ᓇᓗᓇᐃᕐᓗᒋᑦ ᖃᓄᐃᓕᖓᓂᐅᓕᖅᑐᑦ ᐃᓄᐃᑦ ᐃᑕᕐᓂᓴᖃᕕᖏᑦ ᐱᖁᑎᑐᖃᕕᓃᓪᓗ ᒥᕐᖑᐃᖅᓯᕐᕕᖕᒦᑦᑐᑦ ᓇᐅᑦᑎᖅᓱᖅᑕᐅᑦᑎᐊᖏᓐᓇᕐᓂᒃᑯᑦ ᑖᒃᑯᓂᖓ ᑭᒡᒐᖅᑐᐃᓗᑎᒃ ᑕᑯᓕᒪᓇᖏᑦᑐᒡᓗ ᓄᓇᓂᒃ.
  5. ᑐᓴᖅᑎᔅᓯᕙᒡᓗᑎᒃ ᖃᐅᔨᓴᕐᓂᕕᓂᖏᓐᓂ ᑭᓱᓂ ᖃᐅᔨᒪᖔᕐᒥᒃ ᐊᒪᓗ ᑲᔪᓯᑎᑕᐅᓂᖏᓂᒃ ᖃᐅᔨᓴᓂᐅᔪᑦ, ᐅᔾᔨᕆᓗᐊᕐᓗᒋᑦ ᐊᕙᑎᐅᑉ ᐊᓯᔾᔨᖅᐸᓕᐊᓂᖓᓅᖓᔪᑦ, ᖁᑎᓂᕐᐹᖅ ᐱᒻᒪᕆᐅᑎᑕᐅᖁᓪᓗᒍ ᑲᓇᑕᒥᐅᓄᑦ.
  6. ᐅᔾᔨᕈᓱᒃᑎᑦᑎᒋᐊᖅᑎᐅᓗᑎᒃ, ᑐᑭᓯᑎᑦᑎᕚᓪᓕᕆᐊᖅᑎᐅᓗᑎᒃ ᐃᑲᔪᖅᑐᐃᓗᑎᒡᓗ ᖁᑦᑎᖕᓂᕐᐹᒥᒃ ᐱᓕᕆᖃᑎᖃᕐᓂᒃᑯᑦ ᑲᓇᑕᒥᐅᓂᒃ, ᐳᓛᖅᑎᓂᒃ, ᐊᐅᓱᐃᑦᑐᕐᒥᐅᓂᒃ ᖃᐅᓱᐃᑦᑐᕐᒥᐅᓂᒡᓗ ᐃᓅᓯᕆᔭᐅᕙᓚᐅᖅᑐᓂᒃ ᑕᑯᑎᑦᑎᒋᐊᕐᓂᒃᑯᑦ.
  7. ᐅᓄᖅᓯᒋᐊᖅᐹᓪᓕᕆᐊᕐᓗᒋᑦ ᓄᓇᓖᑦ ᐳᓛᕆᐊᖅᑕᐅᕙᖕᓂᖏᑦ ᐳᓚᕋᑦᑐᓕᕆᓂᒃᑯᑦ ᑕᒪᓐᓇ ᐃᑲᔪᖅᑐᐃᓕᕈᓐᓇᕐᒪᑦ ᐊᐅᓱᐃᖅᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ ᐊᓯᖏᓐᓂᒃ ᐱᓕᕆᖃᑎᖃᖅᐸᒡᓗᑎᒃ.
  8. ᖁᑦᑎᓂᕐᐹᖅ ᐱᓕᕆᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔭᐅᖏᓐᓇᕐᓗᓂ.
  9. ᑐᕌᒐᖃᕐᓗᑕ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᖅᓴᐅᒋᐊᕐᓂᕐᒥᒃ ᓄᓇᕗᒻᒦᑦᑐᓂᒃ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ ᐊᕐᕌᒍ 2020Footnote 1ᑐᖔᓂ.
  10. ᐱᒋᐊᖅᑎᑦᑎᓗᑕ, ᑲᒪᒋᔭᖃᐃᓐᓇᕐᓗᑕ, ᐸᖅᑭᑦᑎᐊᖏᓐᓇᕐᓗᒋᓪᓗ ᐱᓕᕆᖃᑎᒋᔪᓐᓇᖅᑕᕗᑦ ᑭᒡᓕᓯᓂᐊᖅᑐᓕᕆᓂᕐᒧᑦ, ᐃᑦᑕᕐᓂᓴᓕᕆᓂᕐᒧᑦ, ᐱᔭᐅᔭᕆᐊᖃᖅᑐᒃᑯᑦ, ᐳᓚᕋᑦᑐᓕᕆᓂᒃᑯᑦ, ᒪᓂᒪᑎᑦᑎᓂᒃᑯᑦ, ᐃᓕᓐᓂᐊᖅᑐᓕᕆᓂᒃᑯᓪᓗ.
  11. ᐋᖅᑭᒃᓰᓗᑕ ᖃᐅᔨᔾᔪᑎᐅᔪᓐᓇᖅᑐᓂᒃ ᖃᓄᐃᓕᓕᖅᑐᒧᑦ ᑐᕌᒐᕆᔭᐅᓂᐊᖅᑐᓂᒡᓗ ᐊᐅᓚᑕᐅᓂᖓᓄᑦ ᖁᑦᑎᖕᓂᕐᐹᖅ.

ᑕᑯᑎᑦᑎᔾᔪᑎ 1. ᖁᑦᑎᖕᓂᕐᐹᖅ ᑲᓇᑕᐅᑉ ᒥᖑᐃᓯᕐᕕᖁᑖ

ᑕᑯᑎᑦᑎᔾᔪᑎ 2. ᑕᑯᔪᒥᓇᕐᑐᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ

1.0 ᐅᓂᒃᑲᐅᓯᕆᓗᒍ

ᖁᑦᑎᖕᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᑐᓄᕕᐊᓃᓛᖑᔪᖅ ᐊᐅᔪᐃᑦᑑᑉ ᕿᑭᖅᑕᖓᓂ ᑲᓇᑕᐅᑉ ᐅᑭᐅᖅᑕᖅᑐᖁᑖᓂ. ᐅᕙᓂ 37,7752 ᑭᓚᒦᑕᓂᒃ ᐊᖏᓂᓕᒃ ᓄᓇᖓ, ᖁᑎᓂᕐᐹᖅ ᑐᒡᓕᕆᔭᖓ ᐊᖏᓛᖑᓪᓗᓂ ᒥᕐᖑᐃᖅᓯᕐᕕᖕᓂ ᑲᓇᑕᒥ.

ᑕᒪᓐᓇ ᓯᕗᓪᓕᖅᐹᒍᓪᓗᓂ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᐊᖑᔪᖅ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᑲᓇᑕᒥ. ᒥᕐᖑᐃᖅᓯᕐᕕᓕᕆᔾᔪᑎᐅᓚᐅᑲᖕᓂᐊᖅᑐᒧᑦ ᒪᓕᒃᑕᐅᔭᕆᐊᓖᑦ ᒥᕐᖑᐃᖅᓯᕐᕕᖕᒥ ᐊᖏᖅᑕᐅᓚᐅᖅᓯᒪᔪᑦ 1988ᒥ. ᐃᓄᐃᑦ ᐅᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒧᓪᓗ ᐊᖏᖃᑎᒌᒍᑎᑦ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐹᒧᑦ ᓯᕐᒥᓕᖕᒧᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ (1999) ᒥᕐᖑᐃᖅᓯᕐᕕᖕᓂ ᐊᐅᓚᑦᑎᔩᑦ ᐊᑐᖁᔭᐅᓪᓗᑎᒃ ᒥᕐᖑᐃᖅᓯᕐᕕᓕᕆᔾᔪᑎᐅᓚᐅᑲᖕᓂᐊᖅᑐᒧᑦ ᐸᕐᓇᐅᑎᒥᒃ ᐱᒋᐊᖅᑕᐅᓯᒪᔪᖅ 1994ᒥ ᒥᕐᖑᐃᖅᓯᕐᕕᓕᕆᔾᔪᑎᐅᓚᐅᑲᒃᑐᒧᑦ ᒪᓕᒋᐊᓕᒃ ᐊᑐᖅᑕᐅᖏᓐᓇᕐᓂᐊᖅᑐᖅ ᑭᓯᐊᓂ ᓴᖅᑭᑦᑏᓪᓚᑦᑖᕈᑎᒃ ᐸᕐᓇᐅᑎᒥᒃ ᐱᔭᕇᖅᑕᐅᓯᒪᓕᕈᓂ.

1.1 ᒥᕐᖑᐃᖅᓯᕐᕕᖕᒧᑦ ᐸᕐᓇᐅᑎᐅᑉ ᐱᔾᔪᑎᖓ

ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᑐᑦᑕᕐᕕᒋᔭᐅᔪᒃᓴᐅᑕᐅᓪᓗᓂ ᑎᑎᕋᖅᑕᐅᓯᒪᔪᖅ ᑐᑭᒧᐊᒍᑎᐅᑦᑎᐊᖁᓪᓗᒍ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓄᑦ ᓴᐳᔾᔨᓇᓱᐊᕐᓂᐊᖅᑎᓪᓗᒋᑦ, ᒥᕐᖑᐃᖅᓯᕐᕕᓕᕆᓂᐊᖅᑎᓪᓗᒋᑦ, ᐊᐅᓚᑦᑎᓂᐊᖅᑎᓪᓗᒋᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ. ᒥᕐᖑᐃᖅᓯᕐᕕᓕᕆᓂᖅ ᑕᑎᒋᔭᐅᔪᓐᓇᑦᑎᐊᕐᓗᓂ ᑎᑎᕋᖅᑕᐅᓯᒪᓂᐊᖅᑐᖅ ᑲᓇᑕᐅᑉ ᐃᓄᓕᒫᖏᑦ ᐊᑭᓴᖅᑐᖅᑕᐅᒋᐊᕐᓗᑎᒃ, ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᓇᓗᓇᐃᖅᓯᔪᖅ ᖃᓄᖅ ᑲᓇᑕᒥ ᒥᕐᖑᐃᖅᓯᕐᕕᓕᕆᔩᑦ ᒪᓕᒐᕐᔪᐊᑎᒍᑦ ᑎᓕᔭᐅᓯᒪᓂᖏᓐᓂᒃ ᓴᐳᔾᔨᓇᓱᐊᕆᐊᖃᕐᓂᒃᑯᑦ, ᐃᓕᓐᓂᐊᖅᑎᑦᑎᔭᕆᐊᖃᕐᓂᒃᑯᑦ, ᐊᓕᐊᓇᐃᒋᔭᐅᑦᑎᐊᕐᓗᑎᒡᓗ ᒥᕐᖑᐃᖅᓯᕐᕕᒋᔭᐅᔪᑦ ᐱᔭᐅᔪᓐᓇᕆᐊᒃᓴᖏᓐᓂᒃ. ᐸᕐᓇᐅᑎ ᑐᓂᓯᓂᐊᕐᒥᔪᖅ ᐋᖅᑭᒃᓯᒪᓂᕐᒥ ᖃᓄᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ, ᐃᓄᐃᑦ, ᐃᓚᐅᔩᑦ, ᐃᓄᓕᒫᓪᓗ ᐱᓕᕆᖃᑎᒌᑦᑎᐊᕐᓗᑎᒃ ᒥᕐᖑᐃᖅᓯᕐᕕᖕᒥ ᐊᐅᓚᑕᐅᑦᑎᔭᕆᐊᖃᕐᓂᖏᓐᓄᑦ ᓯᕗᓂᒃᓴᑐᖄᓗᖕᒧᑦ.

1.2 ᒪᓕᒐᕐᒧᑦ ᐊᑐᐊᒐᕐᓄᓪᓗ ᑐᙵᕖᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᕆᑎᓪᓗᒋᑦ

ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᖁᔭᖅ ᐱᔭᕆᐊᖃᖅᑎᑦᓯᕗᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᓴᓇᔭᐅᔭᕆᐊᖃᕐᓂᖓᓄᑦ ᓴᖅᑭᑕᐅᓗᓂᓗ ᑲᓇᑕᐅᑉ ᑲᑎᒪᕕᒡᔪᐊᖓᓂ ᑕᒪᐃᓐᓄᑦ ᐊᑐᓂ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ. ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᐱᒋᐊᖅᑕᐅᓯᒪᔭᕆᐊᖃᖅᐳᖅ ᐃᓚᐅᑎᑦᑎᓗᑎᒃ ᑲᓇᑕᐅᑉ ᐃᓄᓕᒫᖏᓐᓂᒃ, ᕿᒥᕐᕈᔭᐅᔭᕆᐊᖃᕐᓗᓂᓗ ᐊᕐᕌᒍᑦ ᑕᓪᓕᒪᑦ ᐊᓂᒍᕌᖓᒥᒃ. ᐸᕐᓇᐅᑎ ᐊᑐᖅᑕᐅᔪᒃᓴᐅᑎᐅᓂᐊᖅᑐᖅ ᐊᕐᕌᒍᓄᑦ 15ᓄᑦ.

ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎFootnote 2 ᐱᔭᕆᐊᖃᖅᑎᑦᓯᕗᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᐱᒋᐊᖅᑎᑕᐅᔭᕆᐊᖃᕐᓂᖓᓂᒃ ᓄᓇᕗᒻᒥ ᑲᓇᑕᐅᑉ ᒥᕐᖑᐃᖅᓯᕐᕕᖃᕐᕕᒋᓂᐊᖅᑎᓪᓗᓂᐅᒃ. ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎFootnote 3 ᐱᔭᕆᐊᖃᖅᑎᑦᑎᕗᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᒪᓕᒃᑎᐊᖅᓯᒪᒐᓗᐊᕐᒪᖔᖅ ᐊᑐᖁᔭᐅᔪᓂᒃ ᖃᓄᐃᓕᖓᖑᔭᐅᔾᔪᑎᓂᒡᓗ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎᒥᒃ.

ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ, ᐊᐅᓚᔾᔪᑎᐅᔪᓕᒫᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ, ᒪᓗᒃᓯᒪᑦᑎᐊᕆᐊᖃᖅᐳᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᓯᕗᒧᐊᒍᑎᓕᐅᖅᓯᒪᔭᖏᑦ ᐊᐅᓚᑎᔾᔪᑎᐅᓂᐊᖅᑐᒧᓪᓗ ᐊᑐᐊᒐᖏᓐᓂᒃ.

1.3 ᐃᓄᐃᑦ ᖃᐅᔨᒪᔭᑐᖃᖏᑦ

ᐃᓄᐃᑦ ᖃᐅᔨᒪᔭᑐᖃᖏᑦ ᐱᔾᔪᑎᓕᒃ ᖃᐅᔨᒪᔭᐅᔪᓂᒃ ᑐᑭᓯᔭᐅᔪᓂᒡᓗ ᑭᓱᓕᒫᓂᒃ ᐃᓅᓯᖏᓄᑦ ᐊᒃᑐᖅᑕᐅᔾᔪᑎᐅᖃᑦᑕᖅᑐᓂᒃ ᐃᓄᐃᑦ ᐃᓅᓯᖏᓄᖏᓐᓄᑦ ᖃᐅᑕᒫᑦ ᐊᑐᖅᑕᐅᖃᑦᑕᖅᑐᓪᓗ ᖃᐅᔨᒪᓃᑦ ᐃᓄᐃ ᐊᓐᓇᐅᒪᓇᓱᐊᓂᖏᓄᑦ ᐃᓕᖁᓯᖏᓅᖓᔪᓪᓗ. ᑕᒪᓇ ᖃᐅᔨᒪᓂᖅ ᑲᔪᓯᑎᑕᐅᖏᓇᑐᖅ ᐊᑐᖅᑕᐅᖏᓐᓇᐅᔭᕐᓂᖓ ᓯᕗᓪᓕᒋᔭᑦᑎᓐᓄᑦ ᐅᓪᓗᒥᒧᓪᓗ ᐃᓅᓯᕆᔭᑦᑎᓐᓄᑦ ᑲᔪᓯᔪᓐᓇᕈᑎᒋᖁᓪᓗᒍᓗ ᐊᓐᓇᐅᒪᔾᔪᑎᒋᔭᐅᔪᓐᓇᕐᓂᐊᕐᒥᖕᒪᑦ ᓯᕗᓂᒃᓴᑦᑎᓐᓄᑦFootnote 4. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᐅᑎᑕᐅᓂᐊᖅᑐᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓂᒃ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ.

ᐱᖓᓲᔪᕐᑐᑦ ᐃᑲᔪᕈᑎᓴᐃᑦ ᐊᑐᕐᑕᐅᓗᐊᑕᕐᓂᐊᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐅᑯᐊᖑᔪᑦ:

  1. ᐱᔨᑦᓯᕐᓂᖅ: ᐱᔨᑦᑎᕋᕈᓐᓇᑦᑎᐊᕐᓂᖅ ᑐᓂᓯᓯᒪᔪᓐᓇᕐᓂᕐᓗ ᐅᑯᓄᖓ; ᐱᔾᔪᑎᓕᒃ ᑭᒡᒐᖅᑐᐃᔪᓐᓇᖅᑐᒥᒃ.
  2. ᐋᔩᖃᑎᒌᓂᖅ: ᐃᓄᐃᑦ ᐃᓕᖅᑯᓯᖏᑎᒍᑦ ᐃᓱᒪᓕᐅᖃᑎᒌᒡᓗᓂ, ᐅᖃᖃᑎᒌᖕᓂᒃᑯᑦ ᐊᖏᖃᑎᒌᖕᓂᒃᑯᓪᓗ.
  3. ᐱᓕᒻᒪᒃᓴᕐᓂᖅ: ᖃᐅᔨᒪᓂᐅᔪᑦ ᐊᔪᖏᓐᓃᓪᓗ ᐃᓕᓐᓂᐊᕈᑎᐅᓗᑎᒃ ᐊᑐᕐᓗᑎᒃ ᑕᑯᑎᑦᑎᓂᒃᑯᑦ, ᐱᓕᕆᑎᑦᑎᓪᓚᕆᖕᓂᒃᑯᑦ ᐱᓕᒻᒪᒃᓴᐃᑎᑦᑎᓂᒃᑯᓪᓗ.
  4. ᐱᓕᕆᖃᑎᒌᖕᓂᖅ: ᐱᓕᕆᖃᑎᖃᕈᓐᓇᑦᑎᐊᕐᓂᖅ ᐱᓕᕆᖃᑎᒌᖕᓂᕐᓘᓐᓃᑦ ᐊᑕᐅᑦᑎᒃᑯᑦ ᐱᔾᔪᑎᖃᕐᓗᑎᒃ.
  5. ᐊᕙᑎᑦᑎᓐᓂ ᑲᒪᑦᑎᐊᕐᓂᖅ: ᐊᕙᑎᒋᔭᑦᑎᓐᓂ ᑭᒡᒐᖅᑐᐃᖃᑎᒌᑦᑎᐊᕐᓂᖅ.
  6. ᖃᓄᖅᑑᕐᓂᖅ: ᐃᓱᒪᒃᓴᖅᓯᐅᕐᓂᖅ ᐋᖅᑮᒋᐊᓕᖕᒥᒃ ᐋᖅᑭᒃᓯᓇᓱᖕᓂᕐᓗ. ᓴᐱᓕᖅᑕᐃᓕᓂᖅ ᖃᓄᖅᑑᕈᓐᓇᕐᓗᓂFootnote 5.

ᐃᓄᐃᑦ ᖃᐅᔨᒪᔭᑐᖃᖏᑦ ᑐᑭᖃᖅᐳᖅ ᐃᓄᐃᑦ ᖃᐅᔨᒪᓂᖏᑦ ᐱᖅᑯᓯᖏᓐᓂᙶᖓᔪᑦ ᐃᓅᓯᖏᓐᓂᒃ ᐃᓕᑕᐅᓯᒪᓪᓗᑎᒃ ᑕᒪᐃᓐᓄ ᓄᓇᓕᖕᒥᐅᓕᒫᓄᑦ. ᐃᓄᐃᑦ ᑐᑭᓯᐅᒪᓂᖏᑦ ᐅᑭᐅᖅᑕᖅᑑᑉ ᓄᓇᒥᐅᑕᖏᓐᓄᑦ ᐃᒪᕐᒥᐅᑕᖏᓐᓄᓪᓗ ᐊᓐᓇᐅᒪᔾᔪᑏᑦ ᖃᓄᕐᓗ ᐃᓅᖏᓐᓇᕆᐊᖃᕐᓂᖏᑦ ᑲᔪᓯᓂᖃᑦᑎᐊᕐᓗᑎᒃ ᐊᓐᓇᐅᒪᕝᕕᐅᔪᓂᒃ. ᒥᕐᖑᐃᖅᓯᕐᕕᓕᕆᓂᖅ ᐊᕐᓇᐃᕙᓪᓕᐊᓂᕐᓗ ᐊᔾᔨᒌᒃᑎᑦᑎᔪᒥᒃ ᐃᓱᒪᒃᓴᖅᓯᐅᕈᑎᖃᕆᐊᖃᖅᐳᑦ ᖃᐅᔨᓴᖅᑐᓕᕆᓂᒃᑯᑦ ᑐᓴᖅᑕᐅᕙᓪᓕᐊᔪᓂᒃ ᐃᓄᐃᓪᓗ ᖃᐅᔨᒪᔭᑐᖃᖏᒍᑦFootnote 6 ᑕᕝᕙᓂ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᐅᔪᒥᒃ ᑕᐃᒪᓐᓇᓗ ᓇᓗᓇᐃᖅᑕᐅᓯᒪᓪᓗᓂ ᐃᓄᐃᑦ ᖃᐅᔨᒪᔭᖏᐅᓂᕋᖅᑕᐅᓪᓗᑎᒃ ᒥᕐᖑᐃᖅᓯᕐᕕᓕᕆᔾᔪᑎᒥᒃ ᐅᕙᓂ ᑎᑎᕋᖅᓯᒪᔪᖅ 4.7ᒥ.

1.4 ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᐅᖅᐸᓪᓕᐊᓂᖅ

ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᖁᑦᑎᖕᓂᖅᐹᒧᑦ ᐋᖅᑭᒃᓱᖅᑕᐅᓚᐅᖅᓯᒪᔪᖅ ᐃᑲᔪᖅᖃᑎᒌᒃᖢᑎᒃ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᖏᑦ ᒥᕐᖑᐃᖅᓯᕐᕕᖕᒧᓪᓗ ᐸᕐᓇᐅᑎᓕᕆᔩᑦFootnote 7 ᑲᑎᒪᔨᖏᑦ ᐊᕐᕌᒍᑦ ᑎᓴᒪᑦ ᐅᖓᑖᓂ (2001ᒥ 2005ᒧᑦ). ᒥᕐᖑᐃᖅᓯᕐᕕᒧᑦ ᐸᕐᓇᐅᑎᓕᕆᔩᑦ ᑎᑎᕋᕐᖓᖅᓯᒪᔪᒥᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᒥᒃ ᐱᒋᐊᖅᑎᑦᑎᓯᒪᓕᖅᐳᑦ. ᖁᑦᑎᓂᕐᐹᖅ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᖏᑦ ᐃᓚᐅᖏᓐᓇᓚᐅᖅᑐᑦ ᐱᕙᓪᓕᐊᑎᑦᑎᓕᖅᑎᓪᓗᒋᑦ ᕿᒥᕐᕈᐃᓪᓗᑎᒡᓗ ᑎᑎᕋᖅᑕᐅᕐᖓᖅᑐᒥᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᒥᒃ. ᑲᑎᒪᔩᑦ ᐊᖏᖅᓯᓚᐅᖅᑐᑦ ᑎᑎᕋᖅᑕᐅᕐᖓᖅᑐᖅ ᐸᕐᓇᐅᑎᖓᓂᒃ ᐊᑐᓕᖁᔨᓪᓗᑎᒡᓗ ᒥᓂᔅᑕᒧᑦ ᐱᔭᒃᓴᕆᔭᖃᖅᖢᓂ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᒃ. ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔩᑦ ᕿᒥᕐᕈᐃᓚᐅᕆᕗᑦ ᐸᕐᓇᐅᑎᒥᒃ ᐊᖏᖅᓯᓪᓗᑎᒡᓗ ᑎᑎᕋᖅᓯᒪᔪᓂᒃ ᐱᔾᔪᑎᒋᓪᓗᒋᑦ ᐆᓚᔪᓕᕆᓃᑦ ᐆᒪᔪᐃᓪᓗ ᐃᓂᖏᑦFootnote 8. ᐸᕐᓇᐅᑎᓕᐅᖅᐸᓪᓕᐊᓂᖅ ᖃᓂᕐᕋᖅᑕᐅᓪᓗᓂ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᒧᓪᓗ ᐊᖏᖃᑎᒌᒍᑎᒥᒃ, ᑲᓇᑕᐅᑉ ᒥᕐᖑᐃᖅᓯᕐᕕᖏᑕ ᓯᕗᒧᐊᒍᑎᖏᓐᓄᑦ ᑐᓐᖓᕖᑦ ᐊᐅᓚᔾᔪᑏᓪᓗ ᐊᑐᐊᒐᖏᑦ, ᐃᓚᐅᑎᑕᐃᓪᓗᑎᒡᓗ ᑲᓇᑕᒥᐅᑦ ᐃᓄᖏᑦ.

ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᕆᔩᑦ ᑲᑎᒋᐊᖅᑎᑦᑎᖃᑕᓚᐅᖅᐳᖅ ᐃᓄᓕᒫᓂᒡᓗ ᑐᓴᕆᐊᖅᑎᑦᑎᕙᒃᖢᑎᒃ ᑲᑎᑕᐅᑦᑎᐊᖁᓪᓗᒋᑦ ᐃᓚᐅᒋᔭᐅᔪᓐᓇᖅᑐᖅ ᓯᕗᒧᐊᒃᑎᑦᑎᒋᐊᕐᓂᕐᒧᑦ ᒥᕐᖑᐃᖅᓯᕐᕕᐅᑉ ᒥᕐᖑᐃᖅᓯᕐᕕᓕᕆᔾᔪᑎᒃᓴᖓᓄᑦ. ᐊᔾᔨᒌᖏᑦᑐᑦ ᑐᓴᕆᐊᕈᑎᐅᓚᐅᖅᑐᑦ, ᐅᑯᐊ ᐃᓚᐅᑎᑕᐅᓪᓗᑎᒃ ᑎᑎᕋᒃᑯᑦ ᐱᕙᓪᓕᐊᔪᒃᑰᖅᑎᑦᑎᓂᖅ, ᐃᓄᓕᒫᖅᑎᑦᑎᓃᑦ, ᐊᑐᖅᑕᐅᓚᐅᖅᑐᑦ ᐃᓚᐅᑎᑕᐅᑦᑎᐊᖁᓪᓗᒋᑦ ᐊᐅᓱᐃᑦᑐᕐᒥᐅᑦ, ᖃᐅᓱᐃᑦᑐᕐᒥᐅᑦ ᐃᖃᓗᖕᓂᕐᒥᐅᓪᓗ ᐃᓄᓕᒫᖏᑦ ᐸᕐᓇᐅᑎᓕᕆᕙᓪᓕᑎᓪᓗᒋᑦ. ᑭᒡᓕᓯᓂᐊᖅᑎᒻᒪᕇᑦ, ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑏᑦ, ᐊᓯᖏᓪᓗ ᐃᓚᐅᔭᕆᐊᓖᑦ ᐃᓚᐅᖃᑕᐅᖁᔭᐅᓚᐅᖅᑐᑦ ᐅᖃᕆᐊᖅᑐᖁᔭᐅᓪᓗᑎᒃ ᐃᓱᒫᓘᑎᒋᒐᔭᖅᑕᖏᓐᓂᒃ. ᐃᓄᓕᒫᕈᑏᑦ ᑲᑎᒪᑎᓪᓗᒋᑦ ᐃᓄᒃᑎᑐᑦ ᖃᓪᓗᓈᑐᓪᓗ ᑲᑎᒪᑎᑕᐅᓚᐅᖅᑐᑦ; ᐃᓄᓕᒫᓄᑦ ᐱᔭᐅᔪᓐᓇᖅᑐᓂᒃ ᑎᑎᕋᖅᑕᖃᖅᑎᑕᐅᔪᖅ ᐃᓄᒃᑎᑑᖓᔪᑦ, ᖃᓪᓗᓈᑐᖓᔪᑦ ᐅᐃᕖᑎᑑᖓᔪᓪᓗ.

1.5 ᒥᕐᖑᐃᖅᓯᕐᕕᙳᖅᑎᑕᐅᓂᖓ

ᐊᐅᓱᐃᑦᑑᑉ ᕿᑎᖅᑕᖓᑕ ᑐᓄᕕᐊᓃᑦᑐᓂᒃ ᒥᕐᖑᐃᖅᓯᕐᕕᒃᑖᖑᑐᐃᓐᓇᕆᐊᖃᕐᓂᖓ ᑲᖔᒋᔭᐅᓕᓚᐅᖅᓯᒪᔪᖅ 1978ᒥ ᑲᓇᑕᐅᑉ ᒐᕙᒪᖓᑕ ‘’ᐊᕐᕕᓂᓕᒃ ᑐᓄᕕᐊᓃᓛᖅ 60ᒥ’’ ᐱᓕᕆᐊᕆᔭᖓᓂ. ᐊᐅᓱᐃᑦᑑᑉ ᕿᑭᖅᑕᖓ ᒥᙳᐃᖅᓯᕕᒃᓴᐅᓂᖓᓄᑦ ᓇᓗᓇᐃᖅᑕᐅᓯᒪᔪᖅFootnote 9 ᐱᒋᐊᖅᑕᐅᓚᐅᖅᓯᒪᔪᖅ ᓯᑎᐱᕆ 16, 1988ᒥ, ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᖁᔭᖓᒎᑦ ᐋᖅᑭᒃᓱᐃᒋᐊᖅᖢᑎᒃ.

ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᐊᑎᓕᐅᖅᑕᐅᓚᐅᖅᓯᒪᔪᖅ ᐃᖃᓗᖕᓂ, ᓄᓇᑦᑎᐊᖑᑎᓪᓗᒍ (ᒫᓐᓇ ᓄᓇᕗᑦ) ᒪᐃ 25, 1993ᒥ. ᐊᑎᓕᐅᖅᑕᐅᓂᕆᔭᖓ ᐊᖏᖃᑎᒌᒍᑎᐅᑉ ᐋᔩᖃᑎᖃᕈᓐᓇᖅᓯᔾᔪᑎᐅᓚᐅᖅᑐᖅ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒧᓪᓗ ᐊᖏᖃᑎᒌᒍᑎ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐹᒧᑦ ᓯᕐᒥᓕᐅᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ,, ᐊᑎᓕᐅᖅᑕᐅᓚᐅᖅᑐᖅ ᐋᒡᒌᓯ 12, 1999ᒥ.

ᕖᕝᕗᐊᕆ 19, 2001ᒥ, ᑲᓇᑕᐅᑉ ᒥᕐᖑᐃᖅᓯᕐᕕᖁᑎᖏᓐᓄᑦ ᐱᖁᔭᕐᔪᐊᑎᒍᑦ ᑲᔪᓯᑎᑕᐅᓕᓚᐅᑐᖅ ᐊᐅᓱᐃᑦᑑᑉ ᕿᑭᑕᖓ ᐅᖃᖅᑕᐅᓕᖅᖢᓂ ᑲᓇᑕ ᒥᕐᖑᐃᖅᓯᕐᕕᒃᑖᓚᐅᑕᖅᑐᖅ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᖅᓯᕐᕕᖑᖢᓂ.

ᓴᖅᑭᑕᐅᔭᕆᐊᖃᕐᓂᖓ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓗ ᓇᓗᓇᐃᖅᑕᐅᓯᒪᔪᑦ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᒧᓪᓗ ᐊᖏᖃᑎᒌᒍᑎᒥᒃ.

1.6 ᒥᕐᖑᐃᖅᓯᕐᕕᖕᒧᑦ ᐱᔾᔪᑎ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐱᔾᔪᑎᐅᔪᖅ ᓇᓗᓇᐃᖅᑕᐅᓚᐅᖅᑐᖅ ᐅᕙᓂ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᒧᓪᓗ ᐊᖏᖃᑎᒌᒍᑎᒥᒃFootnote 10.

ᒥᕐᖑᐃᖅᓯᕐᕕᒃᑖᕈᑎᐅᔪᒧᑦ ᐱᔾᔪᑎᐅᔪᑦ ᐃᒪᐃᓕᖓᕗᖅ:

  1. ᓴᐳᔾᔨᔨᐅᓂᐊᕐᒪᑦ ᖃᖓᓕᒫᖅ ᑭᒡᒐᖅᑐᐃᓪᓚᕆᒡᓗᓂ ᓱᓐᓂᖅᓯᒪᖏᑦᑐᒥᒃ ᑲᓇᑕᐅᑉ ᐃᓕᓴᕆᔭᐅᔾᔪᑎᖓᓂᒃ ᑲᓇᖕᓇᖅᐸᓯᖕᒦᑦᑐᖅ ᖁᑦᑎᒃᑐᕐᒥᐅᑉ ᐅᑭᐅᖅᑕᖅᑐᖓᓂ ᓱᓐᓂᖅᓯᒪᖏᑦᑐᖅ ᓄᓇᖁᑖᓂᒃ;
  2. ᐃᒃᐱᒋᑦᑎᐊᖅᑕᐅᖁᓪᓗᒋᑦ ᐃᓄᐃᑦ ᐊᕙᑎᖓᓗ ᐊᒃᑐᐊᖓᖃᑎᒌᖕᓂᖏᑦ; ᐊᒻᒪᓗ
  3. ᐊᔭᐅᖅᑐᐃᖁᓪᓗᒍ ᐃᓄᓕᒫᑦ ᑐᑭᓯᕙᓪᓕᐊᓂᐊᕐᒪᑕ, ᖁᕕᐊᓲᑎᖃᕐᓂᐊᕐᒪᑕ, ᐊᓕᐊᓇᐃᒎᓲᑎᖃᓕᕐᓂᐊᕐᒪᑕᓗ ᒥᕐᖑᐃᖅᓯᕐᕕᖕᒥ, ᐃᓚᐅᑎᑕᐅᓗᓂ ᐃᓄᐃᑦ ᑖᔅᓱᒪ ᐊᕙᑎᖓᓄᑦ ᐊᒃᑐᐊᖓᖃᑎᒌᖕᓂᖏᓐᓂ,
ᒥᕐᖑᐃᖅᓯᕐᕕᒃ ᕿᒪᒃᑕᐅᖃᑦᑕᕐᓂᐊᕐᒪᑦ ᓱᕋᒃᓯᒪᖏᑦᑎᐊᕐᓗᓂ ᐊᑐᖅᑕᐅᔪᓐᓇᓛᖁᓪᓗᒍ ᑭᖑᕚᕆᓛᖅᑕᑦᑎᓐᓄᑦ.

2.0 ᐃᑲᔪᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᓂᖅ

ᐃᓄᐃᑦ ᑲᓇᑕᐅᓪᓗ ᒥᕐᖑᐃᖅᓯᕐᕕᓕᕆᔨᖏᑦ ᖁᑦᑎᓂᕐᐹᖅ ᒥᕐᖑᐃᖅᓯᕐᕕᖓᓄᒃ ᐊᐅᓚᑦᑎᔨᐅᖃᑎᒌᒡᓗᑎᒃ. ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔩᑦFootnote 11 ᐃᑲᔪᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᐅᔪᑦ. ᐅᖃᐅᔾᔪᖅᑐᐃᔨᐅᔭᕆᐊᖃᖅᑐᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᓐᓄᑦ, ᒥᓂᔅᑕᒧᑦ ᐱᔭᒃᓴᕆᔭᖃᖅᖢᓂ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ, ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᓐᓄᑦ, ᐊᓯᖏᓐᓄᓪᓗ ᐃᓚᐅᔨᐅᔪᓄᑦ ᐱᔾᔪᑎᖃᖅᑎᓪᓗᒋᑦ ᒥᕐᖑᐃᖅᓯᕐᕕᓕᕆᓂᐅᔪᓄᑦFootnote 12.

ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔩᑦ ᑐᓂᔭᐅᓚᐅᖅᑐᖅ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃFootnote 13. ᐊᒻᒪᓗ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᒧᓪᓗ ᐊᖏᖃᑎᒌᒍᑎᒧᑦ ᑲᑎᒪᔨᙳᑦᑎᑕᐅᓪᓗᑎᒃ, ᐋᖅᑭᒃᓯᒪᓂᐅᓂᐊᖅᑐᖅ ᑭᒡᒐᖅᑐᐃᔾᔪᑎᐅᓂᐊᖅᑐᕐᓗ ᓇᓗᓇᐃᖅᑕᐅᓕᖅᖢᑎᒃ. ᑲᑐᔾᔨᑎᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᖏᑦ ᐱᔭᒃᓴᕆᔭᖃᖅᐳᑦ ᐊᑭᓴᖅᑐᐃᔭᕆᐊᖃᕐᓂᖏᓐᓄᑦ ᐃᓄᐃᑦ ᐱᔪᒪᔭᖏᓐᓂᒃ ᐃᑲᔪᖅᑐᑦᑎᐊᕆᐊᖁᓪᓗᒋᑦFootnote 14.

ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᖏᑦ ᒥᕐᖑᐃᖅᓯᕐᕕᒃ ᐸᖕᓇᒃᑕᐅᕙᓪᓕᓂᖓᓄᑦ ᐱᒻᒪᕆᐅᔪᒥᒃ ᐱᓕᕆᐊᒃᓴᖃᖅᐳᖅ. ᑲᑎᒪᔩᑦ ᐃᓚᐅᔭᕆᐊᖃᖅᐳᑦ ᕿᒥᕐᕈᐃᕙᓪᓕᐊᑎᓪᓗᒋᑦ ᐊᖏᖅᓯᓇᓱᖕᓂᐊᖅᑎᓪᓗᒋᓪᓗ ᑎᑎᕋᖅᑕᐅᕐᖓᖅᑐᖅ ᐸᕐᓇᐅᑎᖓᓂᒃ, ᒥᓂᔅᑕᒧᑦ ᐱᔭᒃᓴᕆᔭᖃᖅᖢᓂ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ ᐊᑐᓕᖁᔭᐅᓚᐅᖏᓐᓂᖓᓂᒃ ᐊᖏᕋᓱᖕᓂᐊᕐᓗᓂᒋᑦ ᑲᓇᑕᐅᓪᓗ ᑲᑎᒪᕕᒡᔪᐊᖓᓄᑦ ᓴᖅᑭᒋᐊᕋᓱᖕᓂᐊᖅᑎᓪᓗᓂᒋᑦ.

ᓯᕗᓪᓕᖅᐹᒥ ᑲᑎᒪᔨᙳᖅᑐᑦ ᖁᑦᑎᓂᕐᐹᖅ ᑲᑐᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᑎᒃᑯᐊᖅᑕᐅᓚᐅᖅᑐᑦ 2000 ᐅᑭᐊᑦᓵᖓᓂ ᐊᒻᒪᓗ ᓯᕗᓪᓕᖅᐹᒥ ᑲᑎᒪᓪᓗᑎᒃ ᒫᔾᔨ 2001ᒥ. ᑲᑎᒪᔨᕋᓛᑦ ᑲᑎᖃᑦᑕᖅᑐᑦ ᐊᕐᕌᒍᒥ ᒪᕐᕈᐃᖅᓱᖅᖢᑎᒃ ᐊᒻᒪᓗ ᐱᖓᓱᔪᑐᓂ ᑲᑎᒪᔨᖃᖅᖢᑎᒃ ᐱᖓᓱᐃ ᑎᑯᐊᕐᑕᐅᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓂᒃ ᐊᒻᒪᓗ ᐱᖓᓱᐃ ᑎᑯᐊᑕᐅᓗᑎᒃ ᑲᓇᑕᐅᑉ ᒐᕙᒪᑯᖏᓄᑦ.

ᑕᑯᑎᑦᑎᔾᔪᑎ 3. ᑲᑐᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᖏᑕ ᐱᔭᓴᖏᑦ

ᑭᒡᒐᖅᑐᐃᔾᔪᑎᐅᔭᕆᐊᓕᒃ ᑲᑐᔾᔨᖃᑎᒌᑦ ᒥᕐᖑᐃᖅᓯᕕᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ ᐅᑯᓂᖓ ᐃᓚᐅᑎᑦᑎᔪᑦ, ᑭᒡᓕᒋᓇᓂᐅᒃ, ᐅᑯᓂᖓ ᓇᓗᓇᐃᖅᑕᐅᔪᓂᒃ ᐃᓚᐅᔭᕆᐊᖃᖅᑐᑦ*:

  1. ᑕᕐᒫᕐᕖᑦ;
  2. ᓴᓇᙳᐊᒐᒃᓴᖃᕐᕖᑦ;
  3. ᐃᒥᕐᒧᑦ ᓚᐃᓴᓰᑦ;
  4. ᓴᐳᔾᔨᔨᐅᔭᕆᐊᖃᕐᓃᑦ ᑲᒪᒋᔭᖃᕆᐊᖃᕐᓃᓪᓗ ᐃᑦᑕᕐᓂᓴᖃᕐᕕᖕᓂᒃ ᐃᓂᑐᖃᕕᓂᒋᔭᐅᔪᓪᓗ ᐅᒃᐱᕐᓂᕐᒧᑦ ᐱᖅᑯᓯᕐᒧᓪᓗ ᐊᓐᓂᕆᔭᐅᔾᔪᑎᓖᑦ;
  5. ᒥᕐᖑᐃᖅᓯᕕᖕᒧᑦ ᐸᕐᓇᐅᑎᓕᐅᕐᓃᑦ ᒥᕐᖑᐃᖅᓯᕕᓕᕆᓃᑦ;
  6. ᖃᐅᔨᓴᖅᑐᓕᕆᓃᑦ;
  7. ᒥᖑᐃᖅᓯᕕᖕᓂᒃ ᓴᖅᑭᔮᖅᑎᑦᑎᓃᑦ ᑐᓴᐅᒪᑎᑦᑎᓃᓪᓗ;
  8. ᒥᕐᖑᐃᖅᓯᕕᖕᓂ ᑕᑯᔭᒃᓴᒐᖃᕐᕖᑦ, ᑕᑯᒃᓴᐅᑎᑕᐅᔪᑦ ᐃᒡᓗᕐᔪᐊᓪᓗ;
  9. ᐳᓛᕆᐊᖅᑏᑦ ᐳᓛᕆᐊᕈᓐᓇᖁᓪᓗᒋᑦ ᐊᑐᕈᓐᓇᖁᓪᓗᒋᓪᓗ ᒥᕐᖑᐃᖅᓯᕕᖕᒥ;
  10. ᐃᓄᖕᓂᒃ ᐃᖅᑲᓇᐃᔭᖅᑎᑖᕐᓗᑎᒃ ᐃᓕᓐᓂᐊᖅᑎᑦᑎᓗᑎᒡᓗ;
  11. ᑮᓇᐅᔭᓕᐅᕈᑕᐅᔪᓐᓇᕐᓂᖓ ᐊᑑᑎᖃᖅᑎᑕᐅᓗᓂ;
  12. ᑲᑐᔾᔨᖃᑎᒌᑦ ᕿᒥᕐᕈᐃᑎᓪᓗᒋᑦ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎᒥᒃ ᐃᓚᐅᕙᒡᓗᑎᒃ;ᐊᒻᒪᓗ
  13. ᒥᕐᖑᐃᖅᓯᕕᐅᑉ ᑭᒡᓕᓕᐅᖅᑕᐅᓯᒪᖓ ᐊᓯᔾᔨᖅᑕᐅᔭᕆᐊᖃᕌᖓᑦ.

* ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎ, ᑎᑎᕋᖅᓯᒪᔪᖅ 5.1.3

3.0 ᒥᕐᖑᐃᖅᓯᕐᕕᐅᕐ ᐋᖅᑭᒃᑕᐅᓯᒪᓂᖓ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔾᔪᑎᖓᓂ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐃᓚᒋᔭᐅᖕᒪᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔾᔪᑎᖓᓄᑦ, ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᓴᐳᔾᔭᐅᓯᒪᔪᖃᕐᓃᑦ ᑲᓇᑕᐅᑉ ᓄᓇᑦᑎᐊᕙᐅᓂᖓᓄᑦ ᓄᓇᑐᖃᐅᓂᖓᓄᓪᓗ ᑭᒡᒐᖅᑐᐃᔾᔪᑎ. ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᓄᓇᑐᖃᕆᔭᐅᖏᓐᓇᖅᑐᓂᒃ ᓇᓗᓇᐃᖅᑕᐅᓯᒪᔪᑦ ᐱᒻᒪᕆᕐᔪᐊᕆᔭᐅᓂᖏᓐᓄᑦ ᑲᓇᑕᒥ ᑲᓇᑕᐅᑉ ᑲᑎᒪᕕᒡᔪᐊᖓᒍᑦ. ᑲᓇᑕᒥᐅᓄᑦ ᐃᓕᓴᕆᔭᐅᔾᔪᑎᒻᒪᕇᑦ. ᐊᐅᓚᑕᐅᓪᓗᑎᒡᓗ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔾᔪᑎᖓᑕ ᐱᖁᔭᕐᔪᐊᖓᑎᒍᑦ ᐃᑲᔪᖅᑐᐃᔾᔪᑎᐅᖁᓪᓗᒋᑦ, ᐃᓕᓐᓂᐊᕈᑎᐅᖁᓪᓗᒋᑦ ᖁᕕᐊᓱᒡᕕᐅᕙᖁᓪᓗᒋᑦ ᑲᓇᑕᒥᐅᓕᒫᓄᑦ ᓱᕋᒃᓯᒪᖏᑦᑎᐊᕐᓗᑎᒃ ᑭᖑᕚᕆᓛᖅᑕᑦᑎᓐᓄ ᓯᕗᓂᒃᓴᕆᔭᐅᓂᐊᕐᒪᑕ.

ᑲᓇᑕᒥ ᒥᕐᖑᐃᖅᓯᕐᕕᓕᕆᔾᔪᑎᖏᓐᓄᑦ ᐸᕐᓇᐅᑏᑦ ᑲᓇᑕᒥ 39ᖑᖕᒪᑕ ᓇᓗᓇᐃᖅᑕᐅᓯᒪᓪᓗᑎᒃ “ᑲᓇᑕᐅᑉ ᒥᕐᖑᐃᖅᓯᕐᕕᖃᕐᕕᐅᓂᖏᓐᓄᑦ” ᒪᓕᒡᓗᒍ ᓄᓇᖃᑦᑎᐊᕐᓂᖓ ᐱᕈᖅᑐᖃᐅᕐᓂᖓᓗ, ᒫᓐᓇ ᑲᓇᑕᐅᑉ ᒥᕐᖑᐃᖅᓯᕐᕕᖏᑦ 27ᓂᒃ ᒥᕐᖑᐃᖅᓯᕐᕕᖃᕐᒪᑕ ᐊᕕᒃᓯᒪᓂᐅᔪᓂ. ᖁᑦᑎᓂᕐᐹᖅ ᓴᐳᔾᔨᔨᐅᓂᖓᓄᑦ ᑭᒡᒐᖅᑐᐃᔾᔪᑎᐅᖕᒪᑦ ᑲᓇᖕᓇᖅᐸᓯᖕᒦᑦᑐᖅ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᓄᓇᖁᑎᖓᓄᑦ (ᓄᓇᒋᔭᐅᔪᑐᖃᖅ 39). ᑖᓐᓇ ᓄᓇᒋᔭᐅᔪᑐᖃᖅ ᖃᖅᑲᖃᐅᓛᖑᓪᓗᓂ, ᓯᕐᒥᖃᐅᖅᖢᓂ, ᓇᐹᖅᑐᖃᖏᑦᑐᖅ ᓄᓇ, ᑕᓯᖃᐅᒐᓛᒃᖢᓂ ᐱᕈᖅᑐᖃᐅᕌᕐᔪᒃᖢᓂᓗ ᐆᒪᔪᖃᕐᓂᖓ ᐊᖏᓂᖅᓴᐅᓪᓗᓂ ᖃᐅᔨᒪᔭᐅᔾᔪᑎᒋᔭᖓ. ᐅᑭᐅᖅᑕᖅᑑᑉ ᖁᑦᑎᒃᑐᖓ ᐃᒃᑮᒻᒪᕆᐅᕗᖅ ᐸᓂᖅᖢᓂᓗ ᒪᖁᓚᐅᖃᑲᖅᑕᑐᐃᓐᓇᖅᖢᓂᓗ.

ᑕᑯᔭᒐᒃᓴᓕᐊᖅ 4. ᑲᓇᖕᓇᖅᐸᓯᖕᒦᑦᑐᖅ ᐅᑭᐅᖅᑕᖅᑑᑉ ᖁᑦᑎᑐᖓᑕ ᓄᓇᖓ

4.0 ᐸᕐᓇᐅᑎᓕᐅᖅᐸᓪᓕᐊᔾᔪᑏᑦ

4.1 ᐊᕕᒃᑐᖅᓯᒪᓂᖏᑎᒍᑦ ᐋᖅᑭᒃᓱᖅᑕᐅᓯᒪᓂᖏᑦ

ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᖁᑦᑎᒃᑐᕐᒥᐅᑦ ᕿᑭᑕᖏᓐᓃᑦᑐᖅ ᑲᓇᑕᐅᑉ ᐅᑭᐅᖅᑕᖅᑐᖓᑕ ᖁᑦᑎᒃᑐᖅᐸᓯᐊᓂᒃ. ᒥᖑᐃᓯᕐᕕᐅᑉ ᖃᓂᒋᓛᖓ ᓄᓇᓕᒃ ᐃᓄᖃᐃᓇᕐᑐᖅ ᐊᐅᓱᐃᑦᑐᖅ (ᒍᕆᔅ ᕕᐅᑦ). ᐊᐅᓱᐃᑦᑐᕐᒥᐅ ᐃᓄᒋᐊᖕᓂᖏᑦ 163ᖑᔪᑦ15 ᐊᒪᓗ 640 ᑭᓛᒥᑕᒥᒃ ᐅᖓᓯᖕᓂᓕᑦ ᒥᖑᐃᓯᕐᕕᐅᑉ ᓯᕿᓂᖅᐸᓯᖓᓃᑦᑐᖅ ᐊᐅᓱᐃᑦᑑᑉ ᕿᑭᖅᑕᖓᓂ. ᖃᐅᓱᐃᑐᖅ (ᕌᓴᓗᑉᐸᐃ) 900 ᑭᓚᒥᑕᓂᒃ ᐅᖓᓯᖕᓂᓕᖕᓂᒃ ᓯᕿᓂᖓᖓᓂᑐᖅ ᖁᑎᓂᕐᐹᖅ ᒥᕐᖑᐃᖅᓯᕐᕕᐊᓂ ᕿᑭᑕᖅ ᑯᐊᓐᕗᐊᓕᔅᒥᑐᖅ ᑖᓐᓇᓗ ᐊᖏᔪᒧᑦ ᒥᕕᐅᒧᑦ ᖃᓂᒃᓴᓛᖑᓪᓗᓂ. ᖃᐅᓱᐃᑦᑐᖅ ᐃᓄᖃᑐᖅ ᐃᒪᖄ 215Footnote 15. ᖁᑦᑎᓂᕐᐹᖅ ᐃᒪᖄ 750 ᑭᓛᒦᑕᓂ ᐅᖓᓯᓂᓕᒃ ᓯᕿᓂᖓᖓᓂᖢᓂ ᓯᓚᔪᐊᑉ ᑲᔨᖓᑕ. ᑲᖤᖦᖡᑦ ᓄᓈ 25 ᑭᓛᒦᑕᑐᐃᓇᕐᓂᒃ ᐅᖓᓯᓂᓕᒃ ᑲᓇᓇᖓᖓᓂ ᒥᕐᖑᐃᖅᓯᕐᕕᐅᑉ, ᐊᑭᑎᐊᑯᓗᐊᓂ ᕈᐱᓴᓐ ᐊᑯᓂᖓᓂᖢᓂ.

ᓯᓚᖅᑐᖅᓴᕐᕕᒡᔪᐊᓄ ᐊᒻᒪᓗ ᒐᕙᒃᒪᑯᓄᑦ ᑭᒡᓕᓯᓂᐊᕐᓂᒧᑦ ᖃᐅᔨᓴᖅᑐᐃᓃᑦ ᐱᓕᕆᓂᖃᖅᕕᐅᓛᖑᕗᑦ ᒥᕐᖑᐃᖅᓯᕐᕕᖕᒥ. ᖁᑦᑎᒃᑑᑉ ᐅᑭᐅᖅᑕᖅᑐᖏᓐᓂᒃ ᖃᐅᔨᓴᖅᑐᓕᕆᔩᑦ (ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ), ᖃᐅᓱᐃᖅᑐᕐᒥ ᑐᙵᕕᓖᑦ, ᖃᐅᔨᓴᖅᑐᓕᕆᕙᓪᓕᐊᔭᐅᔪᓄᑦ ᐃᑲᔪᖅᑐᐃᕙᓪᓕᐊᓪᓗᑎᒃ.

ᐊᐅᓱᐃᖅᑑᑉ ᕿᑭᖅᑕᖏᓐᓂᒃ ᐃᓄᖃᐃᓐᓇᖅᑐᒥᒃ ᐃᓂᖃᕐᕕᐅᔪᓕᒃ ᐊᕐᕌᒍᓕᒫᖅ ᐊᐅᓱᐃᑦᑐᕐᒥᐅᑦ, ᐅᓇᑕᖅᑐᒃᓴᑦ ᐃᖅᑲᓇᐃᔭᖅᑏᓪᓗ ᑲᓇᑕᐅᑉ ᐅᓇᑕᖅᑐᒃᓴᖏᓐᓂᙶᖅᑐᑦ ᐊᓘᑦᒥ (45 ᑭᓛᒥᑕ ᒥᕐᖑᐃᖅᓯᕐᕕᐅᑉ ᐅᖓᑖᓃᑦᑐᑦ), ᐊᐃᔭᒃᑯᑦ ᑐᙵᕕᐅᖃᑦᑕᖅᑐᖅ ᐅᓇᑕᖅᑐᒃᓴᒃᑯᓐᓄᑦ ᔪᕇᑲᐅᓂᕋᖅᑕᐅᔪᖅ, ᐃᖅᑲᓇᐃᔭᖅᑎᖏᑦ ᓯᓚᓐᓂᐊᕐᕕᖃᖅᖢᑎᒃ ᔪᕇᑲᒥ (255 ᑭᓛᒥᑐ ᒥᕐᖑᐃᖅᓯᕐᕕᐅᑉ ᓯᕿᓂᖅᐸᓯᖓᓃᑦᑐᖅ), ᑲᓇᑕᐅᓪᓗ ᒥᕐᖑᐃᖅᓯᕐᕕᓕᕆᔨᖏᑦ ᐃᖅᑲᓇᐃᔭᖅᑎᖃᖅᐸᒃᑭᓪᓗᑎᒃ ᖁᑦᑎᖕᓂᖅᐹᒥ ᒪᐃᒥ ᐊᒡᒌᓯᒧᑦ ᐊᕐᕌᒍᑕᒫᑦ.

4.2 ᓯᓚᕐᔪᐊᒥ ᓯᕗᓪᓕᕕᓂᖅᑕ ᐃᑦᑕᕐᓂᓴᖃᕕᖏᑦ

ᒪᐃ 2004ᒥ, ᑲᓇᑕᐅᑉ ᒐᕙᒪᖓ ᑐᓴᖅᑎᑦᑎᔭᕆᐅᓕᓚᐅᖅᐳᑦ “ᑎᑎᕋᖅᑕᐅᓯᒪᓕᖅᑐᑦ ᐊᑎᖏᑦ” ᐱᒋᔭᐅᓕᕐᓂᖏᓐᓂᒃ ᓯᓚᕐᔪᐊᒥ ᓯᕗᓕᕕᓂᖏᑕ ᐃᑦᑕᕐᓂᓴᖃᕐᕕᐅᔪᓐᓇᕐᓂᕋᖅᑕᐅᓪᓗᓂ ᓯᓚᕐᔪᐊᒥᐅᓄᑦ ᑕᑯᖅᑯᑎᔭᒃᓴᐅᔪᓐᓇᕐᓂᖓ ᐊᓐᓂᕐᓇᕐᓂᖓᓄᑦ. ᑖᒃᑯᐊ ᐱᒋᔭᐅᓕᖅᑐᑦ, ᑎᑎᕋᖅᑕᐅᓗᑎᒃ, ᓂᕈᐊᖅᑕᐅᓂᐊᖅᑐᑦ ᓯᓚᕐᔪᐊᒥ ᓯᕗᓕᕕᓂᖏᑕ ᐃᑦᑕᕐᓂᓴᖃᕐᕕᖃᕐᓂᖓ.

ᖁᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐃᓚᐅᑎᑕᐅᓚᐅᖅᑐᖅ 11ᒋᔭᐅᓂᕋᖅᑕᐅᓪᓗᓂ ᑐᒃᓯᕋᐅᑎᓂᒃ ᒪᐃ 2004ᒥ ᑎᑎᕋᖅᑕᐅᓯᒪᓕᖅᑐᑦ ᐊᑎᖏᓐᓂᒃ. ᐱᔾᔪᑎᓪᓗᐊᑕᐃᑦ ᒥᕐᖑᐃᖅᓯᕐᕕᐅᑉ ᓂᕈᐊᖅᑕᐅᔾᔪᑎᒋᑐᐃᓐᓇᕆᐊᖃᖅᑕᖏᑦ ᓯᓚᕐᔪᐊᒥ ᓯᕗᓕᕕᓂᖏᑕ ᐃᑦᑕᕐᓂᓴᖃᕐᕕᖓ ᐅᑯᐊᖑᕗᑦ:

  • ᐱᖅᑯᓯᖃᕐᕕᐅᓂᖓ ᑕᑯᔭᐅᔪᓐᓇᖅᑐᑦ ᐱᒻᒪᕆᕐᔪᐊᖑᖕᒪᑦ ᑕᑯᒃᓴᐅᑎᑦᑎᔪᑦ ᐃᓂᑐᖃᕕᓂᐊᓘᓂᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓯᕗᓪᓕᖅᐹᓂᒃ ᐃᓄᖕᓂᒃ ᑭᖑᓂᐊᒍᓪᓗ ᑭᖑᕚᕆᔭᑦᑎᓐᓂ ᐱᖅᑯᓯᖃᕐᕕᑐᖃᕐᔪᐊᖑᓂᖓ;
  • ᑲᔾᔮᕐᓇᒻᒪᕆᒃᑐᒥᒃ ᓱᓐᓂᓯᒪᖏᖦᖢᓂ ᓄᓇᖓ ᑕᑯᒥᓇᖅᑑᓪᓗᓂᓗ ᐊᔨᖃᖏᑦᑎᐊᖅᑐᖅ ᐱᐅᓗᐊᓂᑯᒧᑦ, ᖃᖅᑲᖃᑐᖅ, ᖁᑦᑎᒃᑐᕐᒥ ᓇᐹᖅᑐᖃᖏᓐᓂᖅ, ᐊᐅᖃᑦᑕᕐᓂᖓᓗ ᑲᒪᓇᒻᒪᕆᒃᑐᖅ;
  • ᓄᓇᖓᑕᓗ ᖃᓄᐃᑦᑑᓂᖓ ᖁᑦᑎᒃᑐᕐᒥ ᑕᑯᔭᒃᓴᕈᖅᑎᑦᑎᓯᒪᓪᓗᓂᓗ ᓯᕐᒥᖃᖅᑐᒥᒃ ᐊᐅᓱᐃᑦᑐᖅᑕᖃᐅᖅᑐᓂᒡᓗ ᑕᑯᑎᔾᔪᑎᐅᒻᒪᕆᒃᑐᖅ ᓯᓚᕐᔪᐊᖅ ᖃᓄᐃᑦᑑᓚᐅᖅᓯᒪᓂᖓᓄᑦ ᓇᓗᓇᐃᖅᓯᔾᔪᑕᐅᔪᖅ; ᐊᒪᓗ
  • ᐊᔾᔨᒌᖏᑐᓂᒃ ᖁᑦᑎᒃᑐᖅ ᐅᑭᐅᖅᑕᖅᑐᖓ ᐆᒪᔪᖃᐅᑦᑎᐊᕐᓂᖓᓂᒃ.

4.3 ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᐊᓐᓇᐅᒪᓂᖃᕐᓂᖓ

ᖁᑦᑎᖕᓂᖅᐹᑉ ᓄᓇᒋᔭᖓ ᓄᓇᐃᓐᓇᐸᓘᔪᖅ ᓯᕐᒥᖃᑐᖅ ᖃᖅᑲᖃᐅᖅᑐᖅ ᐱᕈᖅᑐᖃᐅᕌᕐᔪᒃᑐᒥᒃ. ᐊᑯᓂ, ᐃᒃᑮᕌᓗᖕᒥ ᐅᑭᐅᖃᖃᑦᑕᖅᑐᑦ ᓇᐃᑦᑐᒥᒡᓗ, ᐆᓇᕈᔪᑐᐃᓐᓇᖅᑐᒥᒃ ᐊᐅᔭᖃᖃᑦᑕᖅᖢᓂ, ᒪᖁᒐᔪᖏᓐᓂᖓᓄᑦ ᐊᕐᕌᒎᑉ ᐃᓗᐊᓂ, ᐅᑭᐅᖅᑕᖅᑐᒥᐅᑦ ᖁᑦᑎᒃᑐᖓᓂ ᐸᓂᖅᓯᒪᔪᐋᓗᒃᑎᑐᑦ ᓄᓇᓕᒃ.

ᒥᕐᖑᐃᖅᓯᕐᕕᐅᑉ ᓄᓇᖓᑕ ᖁᑦᑎᖏᓐᓂᖏᓐᓃᑦᑐᑦ ᐱᕈᖅᑐᖃᐅᑦᑎᐊᐳᑦ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᖓᓃᒃᑲᓗᐊᖅᖢᓂ. ᐊᐅᓱᐃᑦᑑᑉ ᕿᑭᖅᑕᖓᓃᑦᑐᖅ ᑕᓯᐊᓗᒃ ᓚᐃᒃ ᕼᐊᐃᓴᓐ ᐅᖅᑰᓂᖅᓴᐅᓂᖓᓄᑦ ᒪᓴᐅᓂᖅᓴᐅᓂᖓᓄᓪᓗ ᐱᕈᖅᑐᖃᐅᕐᓂᖅᓴᖅ ᐃᕕᖃᐅᑦᑎᐊᖅᑐᖅ ᐱᕈᖅᓯᐊᖅᑕᖃᐅᖅᑐᕐᓗ ᐊᐅᔭᑭᒃᑲᓗᐊᖅᑎᓪᓗᒍ. ᑖᒃᑯᐊ ᐆᓇᖅᓯᖃᑦᑕᕐᓂᖏᑦ ᑲᒪᓇᖅᑑᓂᕋᖅᑕᐅᓂᕆᕙᐃᑦ, ᐅᑲᓖᑦ ᐅᓄᖅᑐᒻᒪᕆᐅᓪᓗᑎᒃ ᑲᑎᙵᕙᒃᑐᑦ. ᐅᒥᖕᒪᐃᓪᓗ ᑕᑯᔭᒃᓴᐅᒋᓪᓗᑎᒃ ᑐᒃᑐᐃᓪᓗ, ᐅᓄᖏᑦᑐᓪᓗ ᐊᒪᕈᐃᑦ, ᑎᕆᒐᓂᐊᑦ, ᐊᒻᒪᓗ 30ᓂᒃ ᐊᔾᔨᒌᖏᑦᑐᓂᒃ ᑎᖕᒥᐊᖅᑕᖃᐅᖅᑐᖅ. ᒥᕐᖑᐃᖅᓯᕐᕕᒃ ᑕᕆᐅᖑᖏᑦᑐᒥᒃ ᐃᒪᖃᑦᑎᐊᖅᑐᖅ ᐃᒪᕐᒥᐅᑕᐃᓪᓗ ᐊᓐᓇᐅᒪᕕᖃᕆᓪᓗᑎᒃ ᐅᓄᖅᑐᓂᒃ ᓂᕆᔭᐅᕙᒃᑐᑦ ᐊᔾᔨᒌᖏᑦᖅᑐᓂᒃ ᐊᓐᓇᐅᒪᔾᔪᑎᑦᑎᐊᕙᐅᓪᓗᑎᒡᓗ ᐅᑭᐅᖅᑕᖅᑐᕐᒥᐅᑦ ᖁᑦᑎᒃᑐᖓᑕ ᐊᕙᑎᖓᓄᑦ.

ᖁᑦᑎᓂᕐᐹᖅ ᐊᕙᑎᖓᑕ ᐊᓐᓇᐅᒪᔾᔪᑎᖓ ᒫᓐᓇ ᖃᓄᐃᖏᑦᑎᐊᖅᑐᖅ. ᑭᓯᐊᓂ, ᒪᓗᖕᓇᖅᓯᔪᓐᓇᖅᑐᖅ ᐊᓯᔾᔨᖅᑐᒧᑦ ᐊᓯᔾᔨᑲᐅᑎᒋᔪᓐᓇᖅᑐᖅ, ᐃᒃᑮᖑᓂᖓᓄᑦ ᐃᕕᖅᑎᑦᑎᐊᖅᓯᒪᔪᖅ. ᐊᒃᑐᖅᑕᐅᓯᒪᓕᕈᓂ ᐊᓐᓇᐅᒪᔾᔪᑎᖓ ᐅᑭᐅᖅᑕᖅᑑᑉ ᖁᑦᑎᒃᑐᖓᓂ ᐊᕐᕌᒍᐊᓗᖕᓄᑦ ᐋᖅᑭᒐᓱᒃᑲᔭᕐᒪᑦ, ᐊᓯᔾᔨᖅᐸᓪᓕᐊᓂᖓᓗ ᓄᓇᐅᑉ ᖃᓄᐃᓕᖓᓂᖓ ᐅᑎᑦᑎᑦᑐᓐᓇᕋᔭᕐᓇᓂ.

4.4 ᒥᕐᖑᐃᖅᓯᕐᕕᐅᑉ ᐱᓕᒃᓴᖓ ᐊᓐᓇᐅᒪᕕᒡᔪᐊᒥ

ᐊᓐᓇᐅᒪᕕᒃ ᒥᕐᖑᐃᖅᓯᕐᕕᖕᒥ ᐊᖏᔪᒻᒪᕆᐅᕗᖅ. ᖁᑦᑎᒃᑐᕐᒥᐅᑦ ᕿᑭᖅᑕᖕᑦ, ᐃᓚᐅᑎᓪᓗᒍ ᐅᒥᖕᒪᑦ ᓄᓈ, ᐃᓚᕝ ᕆᖕ, ᐊᐅᓱᐃᑦᑑᓪᓗ ᕿᑭᖅᑕᖓᑕ ᑭᕙᑖᓂᑦᑐᖅ, ᐊᖅᑯᑎᒋᔭᐅᕙᖕᒪᑦ ᐅᑎᖅᑕᖅᐸᒃᑐᓄᑦ ᐱᓱᒃᑏᑦ ᐆᒪᔪᐃᖏᓐᓄᑦ ᑲᓛᖦᖡᑦ ᓄᓈᓅᖃᑦᑕᒻᒪᕆᒃᑐᑦ. ᐊᓯᖏᑦ ᐆᒪᔪᑦ, ᓲᕐᓗ ᐃᒪᕐᒥᐅᑕᐃᑦ, ᑎᖕᒥᐊᓪᓗ, ᓄᒃᑕᕐᔪᐊᖃᑦᑕᕐᒥᖕᒪᑕ ᐅᖓᓯᒃᑐᓄᑦ ᐅᑭᐅᓕᔭᖅᑐᖅᖢᑎᒃ. ᐊᓄᕆ, ᐊᐅᓚᓂᖅ, ᓯᑯᓗ ᓱᕈᕐᓂᒃ ᓇᒃᓴᖅᐸᖕᒪᑕ ᐅᑭᐅᖅᑕᖅᑑᑉ ᖁᑦᑎᒃᑐᖓᓄᑦ ᓯᓚᕐᔪᐊ ᓄᓇᓕᖏᓐᓂᖔᖅᖢᑎᒃ ᐊᔾᔨᒌᖏᑦᑐᓂᒃ.

ᒫᓐᓇᐅᔪᖅ, ᒥᐊᓕᒐᐃᑦ ᑲᓇᑕᐅᓪᓗ ᖁᑦᑎᒃᑐᖅᐸᓯᖓᓃᑦᑐᑦ ᐊᕙᑎᖓᑕ ᐊᓐᓇᐅᒪᔾᔪᑎᖃᕐᓂᖓ ᐊᒃᑐᖅᑕᐅᓗᐊᖅᓯᒪᖏᑦᑐᑦ, ᐊᒻᒪᓗ ᖁᑦᑎᓂᕐᐹᖅ ᐱᖏᒋᔭᐅᓗᐊᖏᑦᑐᖅ ᐊᓐᓇᐅᒪᔾᔪᑎᖃᑦᑎᐊᖁᓪᓗᒍ. ᓂᒡᓚᓱᒃᑐᐊᓘᖃᑦᑕᕐᓂᖓ ᐊᒻᒪᓗ ᐅᖓᓯᒃᑐᐋᓗᓂᖓᓄᑦ ᐃᓐᓄᒍᓐᓇᑦᑎᐊᖏᔾᔪᑎᖃᖅᑐᖅ ᐱᓕᕆᕝᕕᐅᓗᐊᕈᓐᓇᕐᓇᓂᓗ ᑕᑉᐸᖕᓇ ᓄᓇᖓᑕ ᐊᕙᑎᖓ. ᑭᓯᐊᓂᓕ, ᓄᑖᑦ ᓴᕿᑉᐸᓪᓕᐊᑎᓪᓗᒋᑦ ᒪᑐᐃᖅᑎᕆᕙᓪᓕᐊᔪᑦ ᖁᑎᒃᑑᑉ ᐱᓕᕆᕕᒃᔪᐊᓕᖅᐸᓪᓕᐊᔪᓐᓇᕐᓂᖓᓄᑦ (ᓴᕕᕋᔭᒃᓴᓯᐅᓂᖅ, ᑭᓂᖅᑐᖅᓴᖅᓯᐅᕐᓂᖅ, ᐊᒻᒪᓗ ᐅᖅᓱᐊᓗᒃᓴᖅᓯᐅᕐᓂᖅ ᐊᒻᒪᓗ ᐱᕙᓪᓕᐊᔭᐅᓕᕐᓂᖓᓄᑦ) ᓯᓚᕐᔪᐊᓕᒫᒧᓪᓗ ᐊᒃᓱᕉᑎᐅᓕᖅᐸᓪᓕᐊᔪᒧᑦ ᐊᒃᑐᖅᑕᐅᕙᓪᓕᐊᖃᓯᐅᑎᓕᖅᑐᖅ (ᓯᓚᐅᑉ ᐅᖅᑰᓯᕙᓪᓕᐊᓂᖓ, ᓯᕗᓂᒃᓴᑐᖃᕐᒧᑦ ᐃᖏᕐᕋᔾᔪᑎᓄᑦ ᓱᕈᖅᑕᐅᕙᓪᓕᐊᓕᕐᓂᖓ) ᐊᒃᑐᐃᔪᒻᒪᕆᐅᓕᕐᒪᑕ ᐅᑭᐅᖅᑕᖅᑐᒥᐅᓄᑦ. ᐅᑭᐅᖅᑕᖅᑑᓪᓗ ᑕᕆᐅᖓ ᒪᒃᐱᖓᓂᖅᓴᐅᓕᖅᐸᓪᓕᐊᓪᓗᓂ ᓄᓇᓕᖕᒧᐅᓄᑦ ᐅᔭᕋᒃᓯᐅᖅᑎᓄᓪᓗ, ᑖᒃᑯᐊ ᐅᒥᐊᕐᔪᐊᓪᓗ ᐅᓄᖅᓯᕙᓪᓕᐊᓂᖏᑦ ᓂᕆᐅᒋᔭᐅᔪᑦ ᐅᑭᐅᖅᑕᖅᑐᒧᑦ, ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐱᒻᒪᕆᕐᔪᖓᙳᖅᐸᓪᓕᐊᓂᐊᕐᒪᑦ ᐊᒃᑐᖅᑕᐅᕙᓪᓕᐊᖁᓇᒍᑦ ᓴᐳᔾᔭᐅᓇᓱᐊᕈᑎᒃᓴᖏᓐᓄᑦ ᐃᓯᖅᑎᑕᐅᖁᓇᒋᑦ ᓯᓚᕐᒧᐊᑉ ᐆᓇᖅᓯᕙᓪᓕᐊᓂᖓᓄᑦ ᐊᒃᑐᖅᑕᐅᔾᔪᑎᐅᔪᑦ, ᓴᐳᒻᒥᔭᐅᑦᑎᐊᖁᓪᓗᒋᓪᓗ ᐆᒪᔪᖃᕐᕖᑦ, ᓲᕐᓗ ᑐᒃᑐᑦ.

ᑕᑯᑎᑦᑎᔾᔪᑎ 5. ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕕᒡᔪᖓᑕ ᐊᒃᑐᐊᖓᖃᑎᒌᖕᓂᖏᑦ

4.5 ᓯᕗᓂᑦᑎᓐᓂ ᒫᓐᓇᓗ ᓄᓇᐅᑉ ᐊᑐᑕᐅᓂᖓ

ᑐᓄᕕᐊᓃᑦᑐᖅ ᖁᑦᑎᒃᑐᕐᒥᐅᑦ ᕿᑭᖅᑕᖓ ᐃᓄᖃᐃᓐᓇᖅᑐᖅ ᐃᓂᒋᔭᐅᓚᐊᖃᑦᑕᐃᓐᓇᖅᖢᓂ ᐊᔾᔨᒌᖏᑦᑐᓄᑦ ᐱᖅᑯᓯᖃᐅᖅᑐᓄᑦ ᐊᕐᕌᒍᐃᑦ 4500 ᐊᕐᕌᒍᖏᓐᓂ. ᓯᕗᓪᓕᖅᐹᑦ ᐃᓄᐃᑦFootnote 16, ᒥᕐᖑᐃᖅᓯᕐᕕᒥᐅᑕᐅᓚᐅᓯᒪᔪᑦ ᐊᔾᔨᒌᖏᑐᓂ ᐊᕐᕌᒍᑦ 2500 ᑲᓚᐃᔅᑑᓯ ᐃᓅᓚᐅᙱᑎᓪᓗᒍ ᐊᒻᒪᓗ ᐊᕐᕋᒎᔪᕐᓂ 1700 ᑲᓚᐃᔅᑑᓯ ᑐᖁᑕᐅᓯᒪᓕᖅᑎᓪᓗᒍ. ᑖᑯᐊ ᐃᓄᐃᑦ ᓱᖏᐅᑎᓚᐅᓯᒪᔪᑦ ᐅᐊᖕᓇᖅᐸᓯᐅᑉ ᓯᓚᖓᓂᒃ ᐊᑐᕐᓗᑎᒃ ᑭᓱᕈᓘᔭᓕᐅᕈᑎᒋᓗᒋᑦ ᐅᔭᕋᐃᑦ ᓴᐅᓃᓪᓗ, ᐃᑕᐃᑦ. ᐃᒡᓗᕕᒐᐃᑦ, ᖁᓪᓖᑦ ᐅᑯᓯᒃᓴᐃᑦ, ᖃᒧᑏᑦ ᐊᒻᒪᓗ ᖃᔭᐃᑦ, ᑕᒪᑯᐊᓗ ᐃᓚᖏᑦ ᓱᓕ ᐊᑐᑕᐅᔪᑦ ᐅᓗᒥ ᐃᓄᖕᓄᑦ. ᖁᑦᑎᒃᑑᑉ ᐅᑭᐅᖅᑕᖅᑐᐊᓂ ᖁᑎᓂᕐᐹᖅ ᒥᕐᖑᐃᖅᓯᕐᕕᖕᒥ ᐱᔭᒃᓴᕆᔭᖃᖅᐳᖅ ᖃᐅᔨᓴᖅᑐᐃᕙᓪᓕᐊᓂᖅ ᑲᔪᓯᑎᑕᐅᖏᓐᓇᕆᐊᖁᓪᓗᒍ ᐃᑦᑕᕐᓂᓴᓕᕆᓂᕐᓗ ᐊᓯᔾᔨᖅᐸᓪᓕᐊᓂᖓ ᖃᐅᔨᑎᑕᐅᕙᓪᓕᐊᖁᓪᓗᒍ, ᑕᐃᒪᙵᑦ ᐱᓕᕆᔭᐅᕙᓪᓕᐊᓕᕐᓂᖏᓐᓄᑦ ᐊᓯᔾᔨᖅᐸᓪᐊᖕᒥᖕᒪ ᓱᕋᖅᑕᐅᔾᔪᑎᐅᔪᓐᓇᖅᑐᓄᑦ ᐊᒃᑐᖅᑕᐅᔾᔪᑎᖃᓚᐅᖏᓐᓂᖓᓂᒃ.

ᖁᑦᑎᓂᕐᐹᖅ ᐊᔾᔨᒌᖏᑦᑐᓂᒃ ᐱᖅᑯᓯᖃᕐᕕᐅᖕᒪᑦ, ᒫᓐᓇᓗ ᑐᑭᓯᐅᒪᔭᐅᓂᖅᓴᐅᕙᓪᓕᐊᓪᓗᓂ, ᐃᓄᖕᓂᒃ ᐃᓐᓄᓚᐅᖅᓯᒪᔪᖅ ᓯᕗᓪᓕᖅᐹᒥ 2500-1000 ᑲᓚᐃᔅᑑᓯ ᐃᓅᓚᐅᙱᑎᓪᓗᒍ. ᖁᑦᑎᒃᑑᑉ ᕿᑭᖅᑕᖓ ᑕᑯᓐᓇᒐᔭᖏᑦᑐᒥᒃ ᐃᓄᒃᑕᖃᐅᖅᓯᒪᖕᒪᑦ, ᑖᒃᑯᐊ ᓯᕗᓂᒃᓴᑦᑎᓐᓄ ᑐᑭᓯᕚᓪᓕᕆᕈᑎᐅᔪᓐᓇᕐᓂᐊᖅᑐᑦ ᐃᓄᐃᑦ ᓯᕗᓪᓕᖅᐹᕕᓃᑦ ᖃᐅᔨᒪᔭᐅᓗᐊᖏᒻᒪᑕ.

ᐃᓄᐃᑦ ᓯᕗᓕᖅᐹᕕᓃᑦ ᐊᓐᓇᐅᒪᔾᔪᑎᖃᖅᑐᕕᓃᑦ ᓄᓇᒥᐅᑕᓂᒃ; ᐃᓄᖕᓄᑦ ᐊᓐᓇᒪᓇᓱᒡᕕᐅᓇᓱᖕᓂᖓ ᓄᓇᖓ ᐃᒃᑮᕌᓘᑎᓪᓗᒍ ᐃᒪᕐᒥᐅᑕᓂᒃ ᑕᑎᖃᖏᓪᓗᑎᒃ ᐊᔪᕐᓇᑦᑎᐊᕋᔭᖅᑐᖅ. ᒥᕐᖑᐃᖅᓯᕐᕕᒃ ᓴᐳᔾᔨᔨᐅᖕᒪᑦ ᐅᒥᖕᒪᑦ ᐊᖅᑯᑎᐊᓂᒃ, ᐊᖅᑯᑎᒋᔭᐅᑐᖃᖅᑐᖅ ᓯᕐᒥᐅᑉ ᖃᖅᑲᐅᓪᓗ ᕿᑎᖅᐸᓯᖓᓂᒃ ᑖᒃᑯᐊ ᖁᑦᑎᒃᑑᑉ ᐅᑭᐅᖅᑕᖅᑐᖓᓂ ᑲᓛᖦᖡᓪᓗ ᓄᓇᖓᓂᒃ ᑲᑎᑦᑎᔪᑦ, ᓄᒃᑕᕐᕕᐅᓇᓱᒋᔭᐅᓯᒪᔪᖅ ᓯᕗᓪᓕᖅᐹᓄᑦ ᐃᓄᖕᓄᑦ ᐃᑳᖅᐸᓪᓕᐊᓕᖅᑎᓪᓗᒋᑦ ᖁᑦᑎᒃᑑᑉ ᕿᑭᖅᑕᖏᓐᓂᒃ ᑲᓛᖦᖠᓄᑦ.

ᒥᕐᖑᐃᖅᓯᕐᕕᐅᑉ ᐊᔾᔨᐅᖏᔾᔪᑎᒋᔭᖓ ᓴᖅᑭᔮᒃᑲᓐᓂᐅᔭᕆᕗᖅ ᕋᐃᕙᓐᑎᐅᓪᒥ ᓚᐃᑦ ᕼᐊᐃᓴᓐᒦᑦᑐᖅ, ᐃᓄᒃᑕᖃᕐᓂᕋᖅᑕᐅᓯᒪᖕᒪᑦ 950-1050 ᑲᓚᐃᔅᑑᓯ ᐃᓅᓚᐅᙱᑎᓪᓗᒍ, ᓯᕗᓪᓕᖅᐹᑦ ᐃᓄᐃᑦ ᑎᑭᑉᐸᓪᓕᐊᓕᖅᑎᓪᓗᒋᑦ ᑐᒡᓕᖏᑕᓗ ᐱᖅᑯᓯᖏᑦ. ᑐᒡᓖᑦ ᑎᑭᑉᐸᓪᓕᐊᓕᖅᑐᕕᓃᑦ ᖁᑦᑎᒃᑑᑉ ᐅᑭᐅᖅᑕᖅᑐᖓᓄᑦ ᑖᒃᑯᐊ ᑐᓂᐅᓇᓱᒋᔭᐅᔪᕕᓃᑦ ᓯᕿᓂᖅᐸᓯᖓᓃᑦᑐᑦ. ᐃᓄᐃᑦ ᑎᑭᑉᐸᓪᓕᐊᔪᑦ ᑐᒡᓕᖏᑦ ᖁᑦᑎᒃᑑᑉ ᕿᑭᖅᑕᖓᓂ ᐱᖅᑯᓯᖃᕐᕕᖃᐅᖅᑐᑦ 1000-500 ᑲᓚᐃᔅᑑᓯ ᐃᓅᓚᐅᙱᑎᓪᓗᒍ ᐊᓯᖏᓐᓂᒃ ᒪᓕᒃᓴᑦᖅᑕᐅᓪᓗᑎᒃ 500 ᑲᓚᐃᔅᑑᓯ ᐃᓅᓚᐅᙱᑎᓪᓗᒍ-ᑲᓚᐃᔅᑑᓯ ᑐᖁᓯᒪᓕᑦᑎᓪᓗᖑ 700.

ᑭᖑᓪᓕᐅᔪᑦ ᑐᐊᓯᑦ ᐃᓄᑦ ᓴᖅᑭᓚᐅᖅᑐᑦ ᐊᕐᕌᒍᒋᔭᑎᓂ 700ᐅᑎᓗᒍ 1300ᒧᑦ. ᖃᐅᔨᔭᐅᓯᒪᔪᑦ ᐅᔾᔨᕈᓱᑕᐅᓗᑎᒃ ᓴᓇᐅᒐᑳᓗᓂᖏᑦ ᓄᓇᒥᖓᑐᓂ, ᐋᖅᑭᒃᓱᐃᓯᒪᓗᑎᒃ ᐊᒻᒪᓗ ᐱᖁᑎᓴᔭᕆᖏᑕᕐᒥᓂ ᓴᓇᒪᔪᑦ, ᐃᓕᓴᕆᐅᒪᔭᐅᔪᑦ ᑐᓂᐅᓂᖏᓂᒃ, ᑲᑎᔭᐅᓚᐅᑐᑦ ᑑᓕᐅᓂᕋᑕᐅᔪᓄᑦ ᐃᓄᓄᑦ ᑲᓇᑕᐅᑉ ᐅᑭᐅᑕᕐᑐᖓᓄᕐᐸᓕᐊᓕᕐᑎᓗᒋᑦ.

ᑐᓃᑦ ᐃᓄᐃᑦ, ᐅᖃᐅᓯᖏᑦ ᑎᒥᖏᓗ ᐊᔾᔨᐅᖏᓂᓴᐅᓗᑎᒃ ᓯᕗᓕᕕᓂᖏᓂᖓᕐᓯᒪᔪᑦ ᐸᓕᐅ ᐃᓄᓂᑦ, ᓅᓚᐅᖅᑐᑦ ᐅᑭᐅᖅᑕᕐᖅᑐᒥ ᐃᒪᖅᑳ ᒪᓕᖢᑎᒃ ᑕᒪᐅᖓ ᓄᓇᓕᒥᖓᐅᔪᓂᒃ ᕿᓚᓗᒐᕐᓂᒃ ᐊᒪᓗ ᐃᒪᖃ ᕿᓂᖢᑎᒃ ᕿᓚᖕᒥ ᑲᑕᒃᓯᒪᔪᓂᒃ ᓴᕕᕋᔭᖕᓂᒃ ᓄᕗ ᔪᐊᒃᒥ ᐅᐊᓇᕐᐸᓯᐊᓂ ᐊᑭᓇᐸᓯᐊᓂᓗ ᑲᓛᖦᖠᑦ ᓄᓈᓂᑦ; ᓴᕕᕋᔭᕐᓂᒃ ᖁᓗᕐᑑᑉ ᑰᖓᓂᑦ ᕿᑎᖅᐸᓯᐊᓂ ᐅᑭᐅᖅᑕᕐᖅᑐᑦ ᐊᒻᒪᓗ ᑕᐃᖅᓰᖃᑎᖃᖅᐸᒃᖢᑎᒃ ᓴᕕᕋᔭᒃᓂᒃ ᑲᓛᖡᑦ ᓄᓇᖅᐸᓯᐊᓂ ᓄᐊᔅᒥ. ᑑᓕᑦ ᐃᓄᐃᑦ ᖁᑦᑎᒃᑑᑉ ᕿᑭᖅᑕᖓᓃᑦᑐᕕᓃᑦ 1100-1700 ᑲᓚᐃᒡᑑᓯ ᑐᖁᖓᓕᖅᑎᓪᓗᒍ, ᐊᓐᓇᐅᒪᔾᔪᑎᖃᖅᑐᕕᓃᑦ ᓄᓇᒥᐅᑕᕐᓂᒃ, ᑑᓕᒥᐅᓪᓗ ᖃᐅᔨᒪᔭᐅᓂᖅᓴᐅᔪᑦ ᐅᑭᐅᖅᑕᖅᑐᒥ ᐊᕐᕙᒐᓱᒃᐸᓚᐅᕐᓂᖏᓐᓂᒃ.

ᐃᑦᑕᕐᓂᓴᐃᑦ ᑲᓛᖦᖠᓂᙶᖅᑐᑦ (ᓴᕕᕋᔭᖕᓂᒃ, ᑲᓐᓄᔭᑦ, ᑲᓐᓄᔭᐅᔭᓪᓗ, ᕿᔪᑦ, ᐃᕙᓘᔭᓪᓗ), ᓴᖅᑭᓯᒪᖕᒪᑕ ᐅᑭᐅᖅᑕᖅᑑᑉ ᖁᑦᑎᒃᑐᖓᓂ, ᐅᐊᓕᓂᕐᒧᓪᓘᓐᓃᑦ ᓯᒡᔭᕐᒥᐅᑕᖏᓄᑦ, ᐅᔾᔨᕐᓇᖅᑐᖅ ᑲᑎᖃᑎᒌᖃᑦᑕᕐᓂᕕᓂᖏᑦ ᑕᐅᖅᓰᖃᑎᒌᒃᐸᖕᓂᖏᑦ ᑲᓛᖦᖠᒥᐅᑦ ᑐᓃᑦ ᑑᓕᓪᓗ ᒥᕐᖑᐃᖅᓯᕐᕕᖕᒥ. ᐃᑦᑕᕐᓂᓴᐃᖅ ᑲᓛᖦᖠᖤ ᓇᓂᔭᐅᓯᒪᔪᑦ ᓯᓕᑕ ᕕᐅᐊᑦᒥ ᐹᖅ ᖁᑦᑎᒃᑑᑉ ᕿᑭᖅᑕᖏᓐᓂᒃ. ᖁᑦᑎᖕᓂᖅᐸᒥ, ᓴᕕᕋᔭᕕᓂᑐᖄᓗᐃᑦ ᓇᓂᔭᐅᓚᐅᖅᑐᑦ ᑑᓕ ᐃᓄᕕᓂᖏᑕ ᓄᓇᑐᖃᕕᓂᖓᓂᒃ ᓚᐃᒃ ᕼᐊᐃᓴᓐᒥ.

ᑑᓕ ᐃᓄᖏᑦ ᓄᓇᖃᖃᑦᑕᓚᐅᖅᑎᓪᓗᒋᑦ, ᐅᑭᐅᖅᑕᖅᑑᑉ ᖁᑦᑎᒃᑐᖓ ᐃᓄᖃᕈᓐᓃᓚᐅᖅᓯᒪᔪᑦ, ᖁᑦᑎᒃᑑᓪᓗ ᕿᑭᖅᑕᖏᑦ. ᒥᕐᖑᐃᖅᓯᕐᕕᒃ ᐃᓐᓄᒃᑲᓐᓂᓚᐅᕈᓐᓃᖅᖢᓂ.

ᐊᕐᕌᒍᐃᑦ 200 ᐊᓂᒍᖅᓯᒪᓕᖅᑎᓪᓗᒋᑦ 1700 ᑲᓚᐃᔅᑑᓯᐅᑉ ᑐᖁᓯᒪᕕᐊᓂ, ᐃᓄᒡᔪᐃᑦ (ᐊᖏᔪᐊᓗᐃᑦ) ᐅᕙᓗᓃᑦ ᐊᑯᑭᑦᑐᕐᒥᐅᑦ ᐃᓄᖏᑦ ᐊᕙᓂᖅᓱᐊᕐᒥᐅᑕᐃᑦ ᑲᓛᖦᖠᑦ ᓄᓈᓂ ᖁᑦᑎᒃᑑᑉ ᕿᑭᖅᑕᖓᓂᒃ ᐅᑎᕐᑕᖃᑕᓚᐅᑐᑦ. ᑕᐃᔅᓱᒪᓂᐅᑎᓪᓗᒍ ᑕᐃᒃᑯᑐᐊᖅ ᑕᒫᓂᕐᒥᐅᑕᐅᓚᐅᖅᑐᑦ ᐹᖅᓯᔪᕕᓃᑦ ᑕᕆᐅᑉ ᐃᑳᓂᕐᒥᐅᑕᕐᒥᒃ ᔮᓐ ᕌᔅᒥᒃ 1818ᖑᑎᓗᒍ ᑲᓛᖦᖡᑦ ᓄᓇᖓᑕ ᐅᐊᖕᓇᖅᐸᓯᖓᓂᒃ.

ᒥᕐᖑᐃᖅᓯᕐᕕᐅᑉ ᑎᑭᕝᕕᐅᕙᓪᓕᐊᖃᑦᑕᓕᕐᓂᖓ ᖃᐅᔨᓴᕐᕕᐅᔭᖅᑐᖃᑦᑕᓕᕐᓂᖓᓗ ᑭᒡᓕᓯᓂᐊᖅᑎᓄᑦ ᐱᒋᐊᖅᑎᑕᐅᓚᐅᖅᓯᒪᔪᖅ ᑕᕆᐅᑉ ᐃᑳᖓᓂᕐᒥᐅᓂᒃ ᐊᒥᐊᓕᒃᑲᒥᐅᓪᓗ ᓄᒃᑕᖅᑎᖓᓄᑦ ᐊᖓᔪᖅᑳ* ᔪᐊᔾ ᓯᑐᕌᒃ ᒥᐊᕆᔅᒥᑦ, (1875ᒥᑦ 76ᒧᑦ); ᓗᑎᓇᓐ ᐊᑕᐅᓪᕙᔅ ᕗᐊᓯᖕᑕᓐ ᑯᕆᓕ (1881ᒥ83ᒧᑦ); ᐊᒻᒪᓗ ᕋᐳᑦ ᐃᐊᑦᕕᓐ ᐱᐊᕆ (1898ᒥᑦ 1909ᒧᑦ). ᑎᑭᓐᓂᕆᔭᖏᑦ ᓂᐊᕆᔅᓗ ᐱᐊᕆᓗ ᖃᐅᔨᓇᖅᓯᓚᐅᕆᕗᖅ ᑯᐃᓐ ᓄᓇᖓᓂᙶᖅᑐᑦ ᐊᒥᐊᓕᒃᑲᒥᐅᓪᓗ ᖃᓄᖓᓴᐅᑎᖃᑦᑕᕐᓂᕕᓂᖏᓐᓂᒃ ᓯᓚᕐᔪᐊᑉ ᑲᔾᔨᖓᓄᐊᖅᑳᕈᒪᓂᕐᒧᑦ. ᐱᐅᕆ ᓯᓚᔪᐊ ᑲᔾᔨᖓᔪᐊᖅᑳᕐᓂᕋᖅᑕᐅᓚᐅᖅᓯᒪᔪᖅ 1909ᖑᑎᓗᒍ. ᑯᕇᓕ ᓯᕗᒧᐊᒃᑎᑦᑎᔨᐅᓪᓗᓂ ᐊᓯᐊᓕᒃᑲᓂᙶᑐᓂᒃ ᐅᑭᐅᖅᑕᖅᑐᓕᐊᕆᐊᕐᓂᑯᑦ 1881ᒥᑦ 84ᒧᑦ ᐊᒻᒪᓗ ᓴᓇᓚᐅᖅᑐᖅ ᐃᒡᓗᒥᒃ ᕗᐊᑦ ᑲᖕᑯᒥᒃ, ᑭᖑᓂᐊᓂ ᐊᑐᖅᑕᐅᑲᓐᓂᓕᓚᐅᑐᖅ ᐱᐊᕆᒧᑦ. ᐅᓂᒃᑳᕐᑕᖃᑐᖅ ᒍᕇᓕᐅᑉ ᐃᓄᖁᑎᖏᑦ ᐅᖁᒪᐃᑐᒃᑰᓚᐅᕐᓂᖏᓐᓂᒃ, ᐱᕐᓕᕋᖅᑐᓪᓗ ᐊᒻᒪᓗ ᐃᓄᒃᑐᕐᓂᕋᖅᑕᐅᓯᒪᓪᓗᑎᒡᓗ ᐊᒡᓛᑦ ᐱᕐᓕᕋᕐᓂᕐᒧᑦ.

ᐃᓄᒡᔪᐃᑦ ᐊᕙᓂᖅᓱᐊᕐᒥᐅᑦ ᑲᓛᖦᖡᑦ ᓄᓈᓂ ᐃᑲᔪᖅᑐᐃᖃᑦᑕᕐᓂᑰᔪᑦ 1800ᖏᒥ ᐃᖏᕋᔭᒃᑐᓂᒃ ᐊᒪᓗ 1900ᖏᓐᓂᒃ ᐸᓖᓯᑯᑦ ᐃᖏᕋᔭᒃᑎᓗᒋᑦ. ᐃᓄᐃᑦ ᐊᐅᓱᐃᑦᑐᕐᒥᐅᑦ ᐱᓇᓱᐊᖃᑎᖃᖃᑕᕐᓯᒪᔪᑦ ᑭᓕᓯᓂᐊᕐᑎᓂᒃ, ᐃᑲᔪᖅᑎᐅᓪᓗᑎᒃ ᐸᓖᓯᒋᔭᐅᓗᑎᒃ ᐱᖃᑎᒋᓗᒋᑦ ᑯᐃ ᐱᔨᓯᕐᑎᖏᑦ ᑲᓇᑕᒥ ᐸᓖᓯᒃᑯᑦ ᐊᒻᒪᓗ ᑲᓇᑕᒥᐅᑦ ᐅᓇᑕᕐᑐᓴᖁᑎᖏᑦ ᐊᒪᓗ ᐃᖏᕋᔭᓯᒪᔪᓛᓗᐃᑦ ᖁᑦᑎᒃᑑᑉ ᕿᑭᑕᖓᓂ.

ᑲᓇᑕᒥᐅᑦ ᒐᕙᒪᑯᖏᑕ ᐱᒋᐊᖅᓯᒪᔪᑦ ᐸᓖᓯᒃᑯᑦ ᐃᖏᕋᔭᒃᑎᑕᐅᓗᑎᒃ 1920ᖏᓂ. ᒐᕙᒪᑯᑦ ᐱᓕᕆᐊᖏᑦ ᑭᒡᓕᓯᓂᐊᕐᓂᒧᑦ ᐃᖏᕋᔭᓃᑦ ᐅᓇᑕᖅᑐᒃᓴᐃᑦ ᖃᐅᔨᓴᖅᑐᓕᕆᔨᖏᓐᓂᙶᖅᖢᑎᒃ 1953ᒥᑦ 1974ᒧᑦ. ᐊᕿᓯᓚᐅᑐᑦ ᐃᓕᓯᓂᐊᕕᐅᔪᓂ ᐃᒡᓗᓂᒃ ᑕᓰᐊᓗᒥ, ᐱᒋᐊᕐᕕᒥ ᐊᒪᓗ ᑕᐃᑯᕆ ᓯᔭᕆᑐᕐᒥ, ᐅᓗᒥ ᓱᓕ ᐊᑐᕐᑕᐅᖃᑕᕐᑐᑦ ᑭᓕᓯᓂᐊᕐᑎᓄᑦ.

ᑕᒪᕐᒥᒃ ᑲᓇᑕᒥᐅᑉ ᐊᒥᐊᓕᒃᑲᒥᐅᓪᓗ ᐅᓇᑕᖅᑐᒃᓴᖏᑦ ᐊᐅᓚᓂᖃᖃᑕᕐᓯᒪᔪᑦ ᒥᕐᖑᐃᖅᓯᕐᕕᐅ ᓄᓇᖏᓂ ᐋᕿᓯᓗᑎᒃ ᐊᒻᒪᓗ ᐱᓕᕆᓗᑎᒃ ᐊᒃᑐᐊᓂᓕᓂᒃ ᐊᐅᓚᓂᖏᑕ ᑲᓇᑕᒥ ᐅᓇᑕᑐᓴᖏᑕ ᑐᖃᑕᕐᕕᖓ ᐊᖣᑉᒥ ᐊᒪᓗ ᔪᕆᑲᒥ. ᐅᓇᑕᕐᑐᓴᑯᑦ ᐊᑐᓂᖓ ᒪᓇᐅᔪᖅ ᖁᑎᓂᕐᐸᒥ ᒥᕐᖑᐃᖅᓯᕐᕕᖓᐅᓕᕐᑐ, ᐱᓗᐊᕐᑐᕐᒥᒃ ᑕᓰᐊᓗᒃ, ᐅᓗᐃᑦ ᐋᕿᑕᐅᓂᕆᓚᐅᖅᑕᖏᓂᑦ ᐊᓘᑦ ᖃᖓᑕᑎᑕᐅᓯᒪᔪᑯᑦ ᑐᖃᑕᕐᕕᖓ 1950ᐅᑎᓗᒍ (ᑭᖑᓂᐊᓂ ᑲᓇᑕᒥᐅᑦ ᐅᓇᑕᕐᑐᓴᖏᑕ ᑐᖃᑕᕕᖓ ᐊᓘᑦᒥ). ᑲᓇᑕᒥᐅᑦ ᐅᓇᑕᖅᑐᒃᓴᖏᑦ ᓱᓕ ᐊᐅᓚᓂᖃᑐᑦ ᐅᐊᓇᕐᐸᓯᐊᓂ ᐃᐅᓪᔅᒥᐊ ᕿᑭᑕᖓᓂ ᑕᐃᒪᓂ ᐊᓘᑦᒥ ᔪᕆᑲᒥᓗ.

ᐅᓪᓗᒥᐅᔪᖅ, ᐳᓛᕐᑏᑦ ᖁᑎᓂᕐᐹᒥ ᑲᔪᓯᓂᖃᑎᐊᕐᑐᖅ, ᐅᖓᓯᖕᓂᖓᓄᑦ ᐅᐸᒐᒃᓴᐅᖃᑦᑕᖏᑦᑐᖅ, ᓇᐃᑐᒥ ᐳᓛᖅᑕᐅᓇᓂᖓ ᐊᒻᒪᓗ ᐊᑭᑐᔫᓂᖓ ᑕᐸᐅᖓᐅᔭᕆᐊ. ᑭᒡᓕᓯᓂᐊᕐᓂᒧᑦ ᖃᐅᔨᓴᓂᐅᔪᖅ ᖁᒡᕙᕐᐸᓕᐊᔪᑦ ᒥᖑᐃᓯᕐᕕᒃ ᑐᖃᑕᕐᕕᓗᐊᑕᐅᓂᖓᓄᑦ ᓯᓚᔪᐊᒥᐅᑦ ᑭᓕᓯᓂᐊᕐᑎᖏᓄᑦ.

4.6 ᐊᕕᒃᓯᒪᓂᒃᑯᑦ ᐃᓕᓐᓂᐊᖅᑐᓕᕆᓂᖅ ᐳᓛᕆᐊᖅᑲᑦᑕᖅᑐᓕᕆᓂᕐᓗ

ᖁᑎᓂᕐᐹᖅ ᐱᒪᕆᐊᔪᒥᒃ ᐱᔭᒃᓴᖃᕈᓐᓇᕐᑐᖅ ᐃᓕᓂᐊᖅᑎᑦᑎᓂᑦ ᐱᔾᔪᑎᒋᓗᒍ ᑕᒫᓂ ᓄᓇᖓᓂᒃ. ᒫᓐᓇᐅᔪᖅ, ᒥᕐᖑᐃᖅᓯᕐᕕᐅᑉ ᐅᔾᔨᕆᔭᐅᓂᖓ ᖃᓂᑦᑑᒐᓗᐊᕐᓄᑦ ᓄᓇᓕᖕᓄᑦ ᖃᐅᔨᒪᔭᐅᓂᖃᙱᓗᐊᕐᒪᑦ. ᑲᓇᑕᓕᒫᒥᐅᓄᓪᓗ, ᒥᕐᖑᐃᖅᓯᕐᕕᐅᑉ ᖃᐅᔨᒪᔭᐅᓂᖓ ᒥᑭᓐᓂᖅᓴᐅᒻᒪᕆᒃᑐᖅ. ᒥᕐᖑᐃᖅᓯᕐᕕᒃ ᐃᓕᓐᓂᐊᖅᑎᔾᔪᑎᐅᔪᓐᓇᕐᒪᑦ ᐃᓕᓐᓂᐊᕐᕕᖕᓂ ᐱᓕᕆᑎᑦᑎᔨᓄᓪᓘᓐᓃᑦ ᐅᓄᕐᓂᖅᓴᓂᒃ ᖃᐅᔨᒪᔭᐅᓕᖁᓪᓗᒍ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᒻᒪᕆᕐᔪᐊᖑᔪᓂᒃ ᓴᐳᔾᔨᔨᐅᒋᐊᖅᑐᖅ (ᓲᕐᓗ, ᐊᓐᓇᐅᒪᔾᔪᑎᖏᓐᓄᑦ ᓴᐳᔾᔨᒋᐊᕐᓂᖅ ᑐᑭᓯᑎᑦᑎᕚᓪᓕᕐᓂᖅ, ᐳᓛᕆᐊᖅᑕᐅᔪᓐᓇᕐᓂᖓ, ᓄᓇᓕᖕᓄᑦ ᐃᑲᔫᑎᖃᕐᔪᐊᕈᓐᓇᕐᓂᖓ). ᐱᓕᕆᔭᒃᓴᕗᑦ ᐱᔭᒃᓴᕆᔭᖃᕐᔪᐊᖅᐳᖅ ᐅᓄᖅᑐᓂᒃ ᑐᓴᐅᒪᑎᑦᑎᔾᔪᑎᒋᒋᐊᕐᓂᐊᕈᑦᑎᒍ ᐅᔾᔨᕈᓱᓕᖅᐹᓪᓕᖁᓪᓗᒍᑦ ᒥᕐᖑᐃᖅᓯᕐᕕᖃᕐᓂᖓᓄᑦ ᐱᓕᕆᕚᓪᓕᖅᑎᒋᐊᖁᓪᓗᒋᓪᓗ.

ᐃᓄᐃᑦ ᓄᒃᑕᖅᐸᒃᑲᓗᐊᖅᑎᓪᓗᒋᑦ ᖁᑦᑎᒃᑑᑉ ᕿᑭᖅᑕᖏᓐᓄᑦ ᓯᕗᓂᒃᑎᓐᓂ, ᐅᓄᖏᑦᑐ ᒥᕐᖑᐃᖅᓯᕐᕕᓕᐊᖅᐸᒃᐳᑦ ᐅᓪᓗᒥ ᑭᓯᐊᓂ ᐃᓚᐅᔭᕌᖓᒥᒃ ᒥᕐᖑᐃᖅᓯᕐᕕᐅ ᐊᐅᓚᓂᖓᓄ ᐅᕝᕙᓘᓐᓃᑦ ᐊᓯᖏᓄᑦ ᐱᓇᓱᐊᒐᐅᔪᓄᑦ. ᖃᐅᓱᐃᑦᑐᕐᒥᐅᑦ ᐊᐅᓱᐃᑦᑐᕐᒥᐅᓪᓗ ᐱᕕᖃᑎᑕᐅᔪᑦ ᖃᐅᔨᒪᔭᕐᒥᖕᓂᒃ ᐃᑦᑕᕐᓂᓴᖁᑎᖏᓐᓄᒡᓗ ᖃᐅᔨᒪᔭᖅᑖᖅᑎᑦᑎᓇᓱᒋᐊᕐᓂᒃᒥᒃ, ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᕕᖓᓂ ᒥᕐᖑᐃᖅᓯᕐᕕᐅᓪᓗ ᑎᓕᔭᐅᓯᒪᔾᔪᑎᖏᓐᓂᒃ, ᐃᓚᐅᑎᓂᒃᑯᑦ ᐃᑲᔪᖃᑎᒌᒡᓗᑎᒃ ᐱᓕᕆᓂᕐᒧᑦ.

ᖁᑦᑎᓂᕐᐹᖅ ᐊᔾᔨᐅᖏᔾᔪᑎᖃᖅᑐᖅ, ᓲᕐᓗ ᐅᖓᓯᒃᑐᒦᓐᓂᖓ, ᐅᐸᒃᓴᐅᔪᓐᓇᓗᐊᕈᑎᒋᖏᒻᒪᒍ ᐅᖓᓯᖕᓂᖓᓄᑦ ᐊᑭᑐᔫᓂᖓᓗ ᑕᐃᑯᙵᐅᔪᒪᔪᕗᑦ. ᑭᓯᐊᓂᓕ, ᐳᓚᕋᑦᑐᓕᕆᓂᖅ ᒥᕐᖑᐃᖅᓯᕐᕕᒥ ᐱᒪᕆᐊᓘᕗᖅ ᐱᕕᖃᖅᑎᑦᑎᔪᓐᓇᕐᑐᖅ ᐊᑑᑎᖃᒻᒪᕆᓕᓗᓂ ᑲᓇᑕᐅᑉ ᐅᑭᐅᖅᑕᖅᑐᖓᑕ ᖁᑦᑎᒃᑐᒥᐅᖏᓄᑦ. ᒫᓇᐅᔪᖅ, 50ᒥᑦ 200ᒧᑦ ᐊᕐᕌᒍᑕᒫᑦ ᒥᕐᖑᐃᖅᓯᕐᕕᒧ ᐳᓛᕆᐊᖃᑦᑕᖅᑐᑦ ᐊᕐᕌᒍᑕᒫᑦ. ᑕᑯᔪᒪᔪᑦ ᑕᑯᒥᓇᖏᑦᑐᓂᒃ ᖁᕕᐊᓇᕐᑐᕐᒥᒃᓗ ᐊᑐᕈᒪᓗᑎᒃ. ᓂᕆᐅᒃᑐᑦ ᖁᑦᑎᒃᑐᒥ ᐃᓄᖃᖏᑐᒥᒃ ᓄᓇᖓᓃᓐᓂᕆᔭᖓ ᐊᑑᑎᖃᑦᑎᐊᕐᓗᓂ ᐊᑭᑐᓂᕆᔭᖓ ᒥᕐᖑᐃᖅᓯᕐᕕᓕᐊᓂᕆᔭᖓᓄᑦ ᐊᒪᓗ ᐱᐅᓂᖅᐹᑦᑎᐊᒥ ᐊᑐᖅᓯᒪᔭᕐᓕᒫᕐᒥᓂ ᐊᑐᕈᒪᓗᑎᒃ “ᐃᒃᐱᒍᓱᒃᓗᑎᒃ ᓲᕐᓗ ᓯᓚᔪᐊᑉ ᖃᖓᓂᑐᑦ”. ᐃᒃᐱᒍᓱᒍᒪᖕᒥᔪᑦ ᓄᒃᑕᖃᑦᑕᖅᑎᕕᓂᑐᖄᓗᐃᑦ ᑐᒥᖏᓐᓂ ᐊᑐᖅᓯᓗᑎᒃ, ᖃᐅᔨᒋᐊᕐᓗᑎᒡᓗ ᖃᓄᖅ ᐊᓐᓇᐅᒪᔪᓐᓇᕆᐊᒃᓴᖏᓐᓂᒃ ᑲᒪᓇᒻᒪᕆᒃᑐᒥᒃ ᐅᑭᐅᖅᑕᖅᑑᑉ ᓄᓇᖓᓂᒃ ᑕᑯᓚᐅᖅᓯᒪᖏᑦᑕᖏᓐᓂᒃ. ᖁᑦᑎᓂᕐᐹᖅ ᓇᓗᓇᐃᖅᑕᐅᔪᓐᓇᕐᒪᑦ ᓯᓚᕐᔪᐊᕐᒥ ᐅᐸᒃᑕᐅᔪᓐᓇᖅᑐᑦ ᐃᓄᖃᖏᑦᑎᐊᖅᖢᓂ, ᑖᒃᑯᑎᑐᓇᑦᑎᐊᖅ ᐅᐸᒃᑕᐅᒐᔪᒃᑐᑎᑐᑦ ᒐᓚᐱᒎ ᕿᑭᖅᑕᖏᑦ, ᓱᕆᐊᖕᑲᑎ ᓄᓇᖓ, ᒪᐅᓐᑦ ᖃᖅᑲᕐᔪᐊᖓᑎᑐᑦ ᓯᓚᕐᔪᐊᒥ ᐃᓕᓴᕆᔭᐅᓯᒪᔪᑦ ᐅᐸᒃᑕᐅᕕᐅᓛᖑᓂᖏᓐᓄᑦ. ᓱᓕᔪᒥᒡᓗ ᑕᑯᓗᒍ, ᐊᑭᖏᑦ, ᐊᔪᕐᓇᕐᓂᖓ, ᓴᖅᑭᔮᖅᑎᑕᐅᙱᓗᐊᕐᓂᖓᓗ ᒥᕐᖑᐃᖅᓯᕐᕕᖕᒧᑦ ᑕᑯᔭᖅᑐᕐᓃᑦ ᐳᓛᕆᐊᖅᑐᑦ ᐅᓄᖏᑦᑑᖏᓐᓇᕐᓂᐊᖅᑐᑦ.

ᐳᓛᕆᐊᖅᑐᓕᕆᓂᕐᒧᑦ ᐃᑲᔪᖅᑕᐅᔪᓐᓇᕐᓂᖅ ᐱᔾᔪᑎᒋᓪᓗᒍ, ᑭᓯᐊᓂ, ᑖᒃᑯᐊ ᐅᓄᕐᓂᖅᓴᐅᔪᓐᓇᖅᐳᑦ. ᐳᓛᕆᐊᖅᑐᑦ ᐅᓄᖅᑐᑦ ᖃᐅᓱᐃᑦᑐᒃᑰᖅᐸᖕᒪᑕ.. ᖃᐅᓱᐃᑦᑐᖅ ᑐᙵᕕᐅᖕᒪᑦ ᐳᓛᕆᐊᖅᑎᓄᑦ ᒥᕐᖑᐃᖅᓯᕐᕕᖕᒧᑦ, ᑕᑯᔪᒥᓇᑦᑎᐊᖅᑐᓂᒃ ᐊᑑᑎᖃᕈᓐᓇᕐᒪᑕ ᑎᑭᓚᐅᖏᓐᓂᖏᓐᓂᒃ ᑎᑭᓯᒪᓕᖅᑎᓪᓗᒍᓪᓗ ᐳᓛᕆᐊᕐᓗᑎᒃ ᒥᕐᖑᐃᖅᓯᕐᕕᖕᒧᑦ. ᑮᓇᐅᔭᓕᐅᕈᑕᐅᔪᓐᓇᖅᑐᑦ 30-50ᒧᑦ ᓇᖕᒪᒑᓖᑦ ᓯᐊᕐᕈᔮᕆᐊᖅᑐᖅᐸᖕᒪᑕ, ᐊᒻᒪᓗ 100-150 ᐅᒥᐊᕐᔪᐊᒃᑯᑦ ᑎᑭᑉᐸᒃᖢᑎᒃ, ᐃᑲᔫᑎᔪᓐᓇᕐᔪᐊᕋᔭᖅᑐᖅ. ᑖᒃᑯᐊ ᐃᑲᔫᑎᐅᔪᓐᓇᖅᑐᑦ ᓄᓇᓕᖕᒥᐅᓄᑦ ᐳᓛᖅᑐᓕᕆᔾᔪᑎᖓᓄᑦ ᐃᑲᔫᑎᒐᔭᖅᑐᑦ ᐱᔨᑦᑎᕋᕈᑎᑖᒃᑲᓐᓂᕈᓐᓇᕐᓂᖏᑎᒍᑦ ᑮᓇᐅᔭᓕᐅᕈᓐᓇᕐᓂᖏᓐᓄᓪᓗ ᐳᓛᕆᐊᖅᑐᓕᕆᓂᒃᑯᑦ, ᓴᓇᐅᙳᐊᓕᕆᓂᒃᑯᑦ ᓴᓇᐅᒐᓕᕆᓂᒃᑯᓪᓗ, ᐱᖅᑯᓯᖏᓐᓂᒡᓗ ᑕᑯᑎᑦᑎᓂᒃᑯᑦ. ᐃᑦᑕᕐᓂᓴᖃᕐᕕᓕᕆᓃᑦ ᐳᓛᕆᐊᖅᑎᓄᑦ ᐱᕙᓪᓕᐊᔭᐅᔪᓐᓇᕐᒥᖕᒪᑕ ᐊᕕᒃᓯᒪᓂᖏᒍᑦ ᐅᐸᒍᓐᓇᕋᔭᖏᑦᑕᖓ ᒥᕐᖑᐃᖅᓯᕐᕕᖕᒧᑦ

4.7 ᓯᕗᓂᒃᓴᓕᐅᕈᑎ ᐃᑲᔫᑎᔾᔪᑎᒃᓴᓪᓗ ᖁᑦᑎᓂᕐᐹᖅ ᒥᕐᖑᐃᖅᓯᕐᕕᓕᕆᔭᐅᑎᓪᓗᒍ

ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᓯᕗᓂᒃᓴᓕᐅᕈᑎᖃᕐᒪᑕ ᐃᑲᔫᑎᔾᔪᑎᒃᓴᓕᐅᖅᓯᒪᓪᓗᑎᒡᓗ ᒥᕐᖑᐃᖅᓯᕐᕕᓕᕆᔾᔪᑎᒃᓴᒧᑦ ᐊᓐᓇᐅᒪᔾᔪᑎᓄᑦ ᐱᖅᑯᓯᒧᓪᓗ ᐱᓕᕆᔾᔪᑎᐅᔪᓐᓇᖅᑐᖅ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ. ᐃᓚᖏᑦ ᐊᑖᓂ ᑎᑎᕋᖅᓯᒪᔪᑦ, ᐋᖅᑭᒃᓱᖅᑕᐅᓯᒪᓂᖏᓐᓂᒃ ᒪᓕᒃᓯᖏᑦᑐᖅ. ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᑦ ᐃᑲᔫᓯᐊᖅᑖᕈᑎᒃᓴᒧᓪᓗ ᐊᖏᖃᑎᒌᒍᑎ ᖃᐅᔨᓴᖅᑐᓕᕆᔨᒃᑯᓐᓂᖔᖅᓯᒪᔪᓂᒃ ᑐᓴᖅᑎᑕᐅᓯᒪᔭᕆᐊᖃᕐᒪᑕ ᐃᓱᒪᒃᓴᖅᓯᐅᖅᑕᐅᔭᕆᐊᖃᕐᒥᔪᑦ ᐃᓄᐃᑦ ᖃᐅᔨᒪᔭᑐᖃᖏᑎᑐᑦFootnote 17 ᐃᒃᐱᒋᔭᐅᓂᖓ ᐊᔾᔨᒋᓗᓂᐅᒃ..

  1. ᖃᐅᔨᒪᓂᖅ ᑭᖑᕚᖅᑎᒎᖅᐸᓪᓕᐊᓂᖓFootnote 18
    1. ᐃᓄᐃᑦ ᖃᐅᔨᒪᔭᑐᖃᖏᑦ : ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᖕᒪᑦ ᑕᒪᐃᑎᒍᓕᒫᖅ ᐃᓄᐃᑦ ᖃᐅᔨᒪᔭᑐᖃᖏᒍᑦ, ᐃᓚᐅᑎᓪᓗᒋᑦ ᐅᒃᐱᕆᔭᐅᔪᑦ, ᓯᓚᕐᔪᐊᖅ-ᐱᔾᔪᑎᒋᓪᓗᒍ, ᐅᖃᐅᓯᓕᕆᓂᕐᒥ, ᐃᓄᓕᒫᓄᓪᓗ ᑲᑐᔾᔨᖃᑎᒌᖏᑎᒍᑦ, ᖃᐅᔨᒪᓂᒃᑯᑦ, ᐃᓅᓯᕐᒥ ᐱᔪᓐᓇᖅᑕᖏᒍᑦ, ᑕᑯᔭᖏᒍᑦ, ᓂᕆᐅᒋᔭᖏᑎᒍᓪᓗ. ᓇᒦᓐᓂᖏᓐᓂᑐᐊᖅ ᐱᔾᔪᑎᖃᖏᒻᒪᑦ : ᐃᓄᐃᑦ ᖃᐅᔨᒪᔭᑐᖃᖏᑦ ᐱᒋᐊᖅᖢᓂ ᖁᑦᑎᒃᑐᕐᒥᐅᑦ ᕿᑭᖅᑕᖏᓐᓂᒃ ᐊᒻᒪᓗ ᐃᓄᒃᓱᖕᓂᒃ ᑲᓛᖦᖠᓂ ᑖᒃᑯᐊ ᒥᕐᖑᐃᖅᓯᕐᕕᖕᒧᑦ ᐊᒃᑐᐊᖓᓂᖃᕈᓐᓇᕐᒪᑕ. ᓯᕗᒧᐊᒍᑕᐅᔪᑦ ᐊᑐᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓇᓗᓇᐃᖅᑕᐅᓯᒪᔪᖅ ᑎᑎᕋᖅᓯᒪᔪᖅ 1.3 ᑕᕝᕙᓂ ᐸᕐᓇᐅᑎᒥ.
    2. ᐃᓄᐃᑦ ᖃᐅᔨᒪᔭᑐᖃᖓ; ᐃᓄᐃᑦ ᖃᐅᔨᒪᔭᑐᖃᖓ ᐆᒪᐃᓐᓇᖅᑐᖅ. ᖃᐅᔨᒪᓂᖅ ᐆᒪᔪᖅ ᐱᔭᐅᕙᒃᑐᕐᓗ ᐃᓅᓯᕐᒥ ᐊᑐᖅᓯᒪᔭᖏᑎᒍᑦ. ᐱᒻᒪᕆᐅᔪᖅ, ᐱᐅᔪᒻᒪᕆᒃ ᐊᓯᔾᔨᖅᐸᓪᓕᐊᖏᓐᓇᖅᑐᕐᓗ ᖃᐅᔨᒪᓂᖅᑖᖅᐸᓪᓕᐊᓂᖅ. ᐃᓄᐃᑦ ᖃᐅᔨᒪᔭᑐᖃᖓ ᐃᓚᐅᑎᑦᑎᔪᖅ ᐃᑎᔪᒥᖔᖅᖢᓂ, ᓄᓇᒥ ᐃᒪᕐᓂᒡᓗ ᑐᑭᓯᐊᒪᔪᓐᓇᕐᓂᖅ. ᖃᐅᔨᒪᓂᐅᑉ ᐃᓗᐊᓂ ᐊᔾᔨᒌᖏᑦᑑᑎᐅᕗᑦ ᐃᓄᖕᒥ ᐃᓄᖕᒧᑦ. ᐃᓄᐃᑦ ᖃᐅᔨᒪᓂᖓ ᐊᑐᖅᑕᐅᓪᓗᓂ ᖃᐅᔨᒪᓂᖃᕐᓂᕋᖅᑕᐅᔾᔪᑎᐅᕗᖅ ᐱᔾᔪᑎᐅᔪᓂᒃ.
    3. ᑭᒡᓕᓯᓂᐊᓂᖅ: ᑭᒡᓕᓯᓂᐊᖅᑐᓕᕆᓂᕐᒧᑦ ᖃᐅᔨᓴᖅᑐᐃᓂᖅ ᐃᑲᔪᖅᑐᐃᒻᒪᕆᒃᐳᖅ ᐊᓐᓇᐅᒪᕝᕖᑦ ᖃᐅᔨᔭᐅᖁᓪᓗᒋᑦ ᐅᑭᐅᖅᑕᖅᑑᓪᓗ ᖁᑦᑎᒃᑐᖓᑕ ᐊᓐᓇᐅᒪᕝᕕᖓ ᑐᑭᓯᔭᐅᕚᓪᓕᖁᓪᓗᒍ ᑲᓇᑕᒥ ᓯᓚᕐᔪᐊᓪᓗ ᑐᓄᕕᐊᑕ ᐅᑭᐅᖅᑕᖅᑐᖓᓂ. ᑭᒡᓕᓯᓂᐊᕐᓂᖅ ᖃᐅᔨᒪᕚᓪᓕᕈᑎᐅᖕᒪᑦ ᐃᑦᑕᕐᓂᓴᖃᕐᕕᖕᓂ ᑐᑭᓯᕚᓪᓕᕈᑎᐅᕙᒃᖢᓂᓗ ᐃᓄᐃᑦ ᐱᖅᑯᓯᖏᓐᓂᒃ ᐃᓅᓯᕆᓚᐅᖅᑕᖏᓐᓂᒡᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᖃᐅᔨᒪᔭᐅᖏᕝᕕᓖᑦ ᐋᖅᑭᒃᐸᓪᓕᐊᒍᑦᑎᒍᑦ ᑐᓴᕈᑎᑖᕆᓗᑎᒍᓗ ᐊᓐᓇᐅᒪᕝᕕᓕᕆᓂᕐᒧᑦ ᐃᑦᑕᕐᓂᓴᓕᕆᓂᕐᒧᓪᓗ ᖁᑦᑎᖕᓂᖅᐹᒥ, ᑭᒡᓕᓯᓂᐊᖅᑐᓕᕆᓂᕐᒧᑦ ᓴᖅᑭᑕᐅᔪᑦ ᐃᓱᒪᓕᐅᕈᑎᐅᔪᓐᓇᖅᓯᓂᐊᕐᒪᑕ ᖃᓄᖅᑑᖅᑕᐅᑎᓪᓗᒍ ᒥᕐᖑᐃᖅᓯᕐᕕᓕᕆᓂᖅ ᐊᐅᓚᑕᐅᕙᓪᓕᐊᓂᖓᓗ ᒥᕐᖑᐃᖅᓯᕐᕕᐳᑉ ᓴᖅᑭᑦᑏᔾᔪᑎᐅᔪᓐᓇᖅᓯᓂᐊᖅᖢᓂᓗ ᒥᕐᖑᐃᖅᓯᕐᕕᐅᑉ ᖃᓄᐃᓕᖓᓂᖓᑕ ᐅᓂᒃᑳᖅᑕᐅᔾᔪᑎᒃᓴᖓᓂᒃ.
    4. ᓇᐅᑦᑎᖅᓱᐃᕙᓪᓕᐊᓂᖅ: ᓇᐅᑦᑎᖅᓱᐃᓂᖅ ᐊᑯᓚᐃᑐᕐᒥ ᑲᔪᓰᓐᓇᖅᑐᒥᒡᓗ ᑎᑎᕋᖅᑕᐅᕙᓪᓕᐊᓗᑎᒃ, ᖃᐅᔨᓴᖅᑕᐅᕙᓪᓕᐊᓗᑎᒃ ᑐᓴᖅᑕᐅᔪᓪᓗ ᐅᓂᒃᑳᓕᐊᕆᔭᐅᕙᓪᓕᖏᓐᓇᕐᓗᑎᒃ.
      ᐊᓐᓇᐅᒪᕖᑦ ᓇᐅᑦᑎᖅᓱᖅᑕᐅᕙᓪᓕᐊᓂᖏᑦ : ᐊᓐᓇᐅᒪᕖᑦ ᓇᐅᑦᑎᖅᓱᖅᑕᐅᕙᓪᓕᐊᖏᑦ ᐱᒻᒪᕆᐅᕗᖅ ᖃᐅᔨᒋᐊᕈᑎᐅᓂᐊᕐᓂᖓᓄᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᒋᐊᖅᑕᐅᓯᒪᔪᑦ ᐃᑲᔫᑎᓂᖃᕐᒪᖔᑕ ᑐᑭᓯᔭᐅᕚᓪᓕᖁᓪᓗᒍᓗ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕝᕕᖓᑕ ᖃᓄᐃᓕᖓᓂᖓ ᓯᕗᓂᒃᓴᑐᖄᓗᖕᒧᐊᖓᓗᓂ. ᒥᕐᖑᐃᖅᓯᕐᕕᓕᕆᓂᕐᒧᑦ ᑐᕌᒐᐊᔪᒪᔪᖅ ᐱᔾᔪᑎᒋᓪᓗᒍ ᐊᓐᓇᐅᒪᕖᑦ ᓇᐅᑦᑎᖅᓱᖅᑕᐅᖏᓐᓇᕆᐊᖃᕐᓂᖓᓄᑦ ᑎᑎᕋᖅᑕᐅᓯᒪᕗᑦ 6.4.5ᒥ ᑕᕝᕙᓂ ᐸᕐᓇᐅᑎᓕᐅᖅᓯᒪᔪᒥ.
      ᐃᑦᑕᕐᓂᓴᖃᕐᕖᑦ ᓇᐅᑦᑎᖅᓱᖅᑕᐅᕙᓪᓕᐊᓂᖏᑦ : ᐃᑦᑕᕐᓂᓴᖃᕐᕖᑦ ᓇᐅᑦᑎᖅᓱᖅᑕᐅᓂᖓ ᖃᐅᔨᒋᐊᖅᑕᐅᔾᔪᑎᐅᓂᐊᖅᑐᖅ ᖃᓄᖅ ᐊᒃᑐᐃᑎᒋᖕᒪᖔᖅ ᓱᕋᐃᑐᐃᓐᓇᕆᐊᓖᑦ ᐃᑦᑕᕐᓂᓴᖃᕐᕕᖕᓂ, ᖃᐅᔨᓴᐃᔾᔪᑎᐅᓗᓂᓗ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᒋᐊᖅᑕᐅᔾᔪᑏᑦ ᐊᔪᖏᑦᑎᐊᕋᓗᐊᕐᒪᖔᑕ, ᒥᕐᖑᐃᖅᓯᕐᕕᖕᒧᓪᓗ ᐊᐅᓚᑦᑎᔨᖏᓐᓄᑦ ᑐᑭᓯᑎᑦᑎᕚᓪᓕᕈᑎᐅᓂᐊᖅᖢᓂ ᐃᑦᑕᕐᓂᓴᖃᕐᕖᑦ ᖃᓄᐃᓕᖓᓕᕐᓂᖏᓐᓄᑦ. ᒥᕐᖑᐃᖅᓯᕐᕕᓕᓂᕐᒧ ᓯᕗᒧᐊᒍᑕᐅᒋᐊᖅᑐᑦ ᐱᔾᔪᑎᒋᓪᓗᒋᑦ ᐃᑦᑕᕐᓂᓴᖃᕐᕖᑦ ᐅᓂᒃᑲᐅᓯᕆᔭᐅᕗᖅ ᑎᑎᕋᖅᓯᒪᔪᒥ 7.3.5 ᑕᕝᕙᓂ ᐸᕐᓇᐅᑎᓕᐅᖅᓯᒪᔪᒥ.
  2. ᓱᖏᐅᑎᕙᓪᓕᐊᓗᓂ ᐊᐅᓚᑦᑎᓂᖅ: ᓱᖏᐅᑎᕙᓪᓕᐊᓗᓂ ᐊᐅᓚᑦᑎᓂᖅ ᐊᐅᓚᑦᑎᓂᐅᕗᖅ ᐃᓕᓐᓂᐊᖅᐸᓪᓕᐊᖑᔮᕐᔪᒡᓗᓂ ᐱᓕᕆᕙᓪᓕᐊᓂᖅ. ᓴᖅᑭᑦᑐᑦ ᐊᐅᓚᑦᑏᑎᓪᓗᒋᑦ ᖃᐅᔨᓴᖅᑕᐅᖃᑦᑕᕐᓗᑎᒃ ᑐᕌᒐᕆᔭᐅᔪᑦ ᐱᔭᐅᒐᓗᐊᕐᒪᖔᑕ. ᓴᖅᑭᑦᑐᑦ ᐱᔪᒪᔭᖓᑕ ᓂᕆᐅᒋᔭᖏᑕ ᐊᔾᔨᒋᖏᒃᑯᓂᒋᑦ, ᐊᐅᓚᑦᑎᓂᕐᒧᑦ ᐱᒋᐊᕈᑏᑦ ᐊᓯᔾᔨᖅᑕᐅᖃᑦᑕᕈᓐᓇᕐᓂᐊᖅᑐᑦ ᐊᒻᒪᓗ ᓇᐅᑦᑎᖅᓱᐃᔾᔪᑏᑦ ᑲᔪᓯᑎᑕᐅᖏᓐᓇᕐᓗᑎᒃ.
  3. ᐅᐸᓗᖓᐃᔭᖅᓯᒪᔪᓐᓇᑦᑎᐊᕐᓂᖅ : ᐅᐸᓗᖓᐃᔭᖅᓯᒪᔪᓐᓇᑦᑎᐊᕐᓂᖅ ᐃᒪᐃᓕᖓᕗᖅ ᐊᑦᑕᕐᓇᖅᑐᖃᖅᑎᓪᓗᒍ ᓱᕋᑦᑎᑐᐃᓐᓇᕆᐊᓕᖕᒥᒃ ᐊᓯᐅᑐᐃᓐᓇᕆᐊᓕᖕᒥᓪᓘᓐᓃᑦ ᐆᒪᔪᓂᒃ ᐊᓯᖏᓪᓘᓐᓃᑦ ᐊᕙᑎᒧᑦ ᓱᕋᒍᑕᐅᔪᑦ ᐅᑎᑦᑎᑕᐅᔪᓐᓇᖏᑦᑐᒥᒃ, ᑭᒡᓕᓯᓂᐊᖅᑐᓕᕆᓂᖅ ᐱᔾᔪᑎᐅᔪᓐᓇᖏᓚᖅ ᓄᖅᑲᖅᑎᔾᔪᑎᐅᓗᓂ ᐱᒋᐊᖅᑕᐅᓪᓗᐊᖅᑐᒧᑦ ᐊᑦᑕᕐᓈᕿᓂᐊᖏᒻᒪᑕ. ᐅᐸᓗᖓᐃᔭᖅᓯᒪᔪᓐᓇᕐᓂᖅ ᐊᑐᖅᑕᐅᔪᓐᓇᕆᕗᖅ ᐊᑦᑕᕐᓇᖅᑐᖃᖅᑎᓪᓗᒍ ᓱᕋᑦᑎᑐᐃᓐᓇᕆᐊᓕᖕᒥᒃ ᐊᓯᐅᑐᐃᓐᓇᕆᐊᓕᖕᒥᓪᓘᓐᓃᑦ ᐃᓅᓯᖃᕐᕕᐅᔪᑦ ᒪᑭᑉᐸᓪᓕᐊᔾᔪᑎᖏᓐᓄᑦ. ᐊᓯᐊᒍᑦ, ᑕᑯᒃᓴᐅᔪᖃᓪᓚᕆᒃᑎᓪᓗᒍ ᐅᓗᕆᐊᓇᖅᑐᑕᖃᖏᓐᓂᖓᓂᒃ, ᐅᐸᓗᖓᐃᔭᖅᓯᒪᔪᓐᓇᕐᓂᖅ ᓇᐅᒃᑯᑐᐃᓐᓇᖅ ᐊᑐᖅᑕᐅᔪᓐᓇᖅᐳᖅ.
  4. ᐋᖅᑭᒋᐊᖅᓯᓂᖅ : ᐋᖅᑭᒋᐊᖅᓯᓂᖅ ᐅᑯᐊᖑᕗᑦ ᐲᔭᐃᕙᓪᓕᐊᓂᖅ ᓴᓗᒻᒪᖅᓴᐃᓂᕐᓗ ᓱᕈᖅᓯᒪᓂᓕᖕᓂᒃ ᖁᐊᖅᓵᕐᓇᖅᑐᖃᐅᖅᑐᓂᒡᓗ ᒥᕐᖑᐃᖅᓯᕐᕕᐅᑉ ᐊᕙᑎᖓᓃᑦᑐᓂᒃ. ᐃᓚᐅᑎᑦᑎᒋᕗᖅ ᓱᕈᖅᓯᒪᓂᓕᒃ ᖃᓄᐃᓕᖓᓂᖓ ᖃᓄᐃᒋᐊᖏᓪᓗᒍ ᓇᖕᒥᓂᖅ ᐋᖅᑭᒍᓐᓇᕐᓂᐊᕐᒪᑦ (ᓲᕐᓗ ᐃᓕᖅᑮᕙᓪᓕᐊᔪᖅ ᑲᒪᒋᔭᐅᓂᖓᓂᒃ). ᓱᕋᑦᑎᑐᐃᓐᓇᕆᐊᓖᑦ ᒥᑭᒡᓕᒋᐊᖅᑕᐅᔪᓐᓇᕐᓂᖏᓐᓄᑦ ᖃᓄᖅᑑᕈᑎ ᐃᓕᔭᐅᓯᒪᕗᖅ ᒥᑭᒡᓕᒋᐊᕈᑎᐅᖁᓪᓗᒍ ᐅᒃᑐᐃᕙᓪᓕᐊᔪᓂᒃ ᐊᕙᑎᒧᑦ ᐋᖅᑭᒋᐊᖅᑕᐅᓯᒪᓕᕋᓗᐊᖅᑎᓪᓗᒍ.
  5. ᐊᕙᑎᓕᕆᓂᕐᒧᑦ ᖃᐅᔨᓴᐃᓂᖅ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᖅ ᓇᓗᓇᐃᖅᑕᐅᓯᒪᕗᖅ ᖃᐅᔨᓴᐃᕙᓪᓕᐊᓂᖅ ᐊᒃᑐᐃᔾᔪᑎᔪᓂᒃ ᐊᕙᑎᕆᔭᕗᑦ ᖃᓄᐃᓕᐅᖅᑐᖃᕐᓂᖓᒍᑦ ᐱᓕᕆᔪᖃᕐᓂᖓᒍᓪᓘᓐᓃᑦ ᒥᕐᖑᐃᖅᓯᕐᕕᖕᒥ. ᑕᐅᑦᑐᒧᑦ, ᐃᓅᓯᕐᒧᑦ ᒪᑭᑉᐸᓪᓕᐊᔾᔪᑎᒧᓪᓘᓐᓃᑦ ᐊᒃᑐᐃᑐᐃᓐᓇᕆᐊᓖᑦ ᐃᓱᒪᒋᔭᐅᕙᒃᑯᕗᑦ. ᑲᑎᑉᐸᓪᓕᐊᔪᑦ ᐊᕙᑎᒧᒃ ᐊᒃᑐᐃᔪᑦ ᑲᑎᑕᐅᕙᒃᐳᑦ ᓯᕗᓂᒃᓴᑐᖃᕐᒧᑦ, ᑕᒪᐃᓐᓄᓪᓗ ᐊᒃᑐᐃᑐᐃᓐᓇᕆᐊᓖᑦ ᖃᓄᐃᓕᐅᖅᑐᖃᖅᑎᓪᓗᒍ ᐱᓕᕆᔪᖃᖅᑎᓪᓗᒍᓗ ᒥᕐᖑᐃᖅᓯᕐᕕᐅᑉ ᑕᐅᑦᑐᖓᓄᑦ, ᐃᓅᓯᖃᕐᕕᐅᓂᖓᓄᑦ, ᒪᑭᑉᐸᓪᓗᐊᔾᔪᑎᓄᓪᓗ ᐊᕙᑎᒥᒃ, ᐃᓱᒪᒃᓴᖅᓯᐅᕈᑕᐅᕙᖕᒥᔪᑦ ᖃᐅᔨᓴᖅᑎᓪᓗᒋᑦ ᐱᓕᕆᔭᒃᓴᕆᔭᐅᔪᓂᒃ ᐱᓕᕆᐊᖑᔪᓂᒡᓗ.
  6. ᑐᓴᕈᑎᒃᓴᓕᕆᓂᖅ : ᑐᓴᒐᒃᓴᓕᐅᕐᓂᖅ ᖁᑦᑎᖕᓂᖅᐹᖅ ᐊᓐᓇᐅᒪᔾᔪᑎᖓᑕ ᑭᒡᒐᖅᑐᖅᑕᐅᕕᖓᓄᑦ ᐃᑦᑕᕐᓂᓴᖃᕐᕕᖕᒧᓪᓗ ᐱᔭᐅᔪᓐᓇᖅᐳᖅ ᖃᓄᐃᑦᑐᑐᐃᓐᓇᒃᑯᑦ ᑐᓴᒐᒃᓴᓕᐅᖅᑕᐅᓯᒪᓪᓗᑎᒃ. ᑲᑐᔾᔨᖃᑎᒌᑦ ᐱᔪᓐᓇᕐᓃᓪᓗ ᐊᔾᔨᒌᖏᑦᑐᓂᒃ ᑐᓴᒐᒃᓴᓕᐅᖅᑕᐅᓯᒪᓪᓗᑎᒃ ᑐᖅᑯᖅᑐᐃᕕᖕᒦᑦᑐᑦFootnote 19 ᐱᒻᒪᕆᐅᕗᖅ ᐊᐅᓚᑕᐅᓂᐊᖅᑎᓪᓗᒋᑦ ᐊᓐᓇᐅᒪᕝᕕᓕᕆᓃᑦ ᐃᑦᑕᕐᓂᓴᖃᕐᕕᓕᕆᓃᓪᓗ. ᑐᓴᕆᐊᒃᑲᓐᓂᕈᒪᒍᕕᑦ ᖃᓄᖅ ᑐᓴᒐᒃᓴᓕᕆᔾᔪᑏᑦ ᐱᓕᕆᔭᐅᕙᖕᓂᖏᑦ ᑕᑯᒋᐊᖅᑕᐅᔪᓐᓇᖅᑐᑦ 11.1.5 ᑕᕝᕙᓂ ᐸᕐᓇᐅᑎᒥ.
  7. ᑐᓴᐅᒪᖃᑕᐅᑎᓂᖅ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖏᓐᓂᒃ ᐃᑦᑕᕐᓂᓴᖃᕐᕕᓂᒡᓗ : ᑐᓴᐅᒪᖃᖅᑕᐅᑎᒌᑦᑎᐊᕐᓂᖅ , ᑐᓴᕆᐊᖃᑦᑕᕐᓂᒃᑯᑦ ᐃᓕᓐᓂᐊᖅᑎᑦᑎᓂᒃᑯᓪᓗ, ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖏᓐᓂᒃ ᐱᖅᑯᓯᖃᕐᕕᖏᓐᓂᒡᓗ ᐱᔭᕆᐊᖃᒻᒪᕆᒃᐳᖅ ᐃᑲᔪᖃᑎᖃᑦᑎᐊᕐᓂᐊᕈᑎᒃ ᓄᓇᓕᖕᒥᐅᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᒐᕙᒪᒃᑯᓐᓂ, ᐃᓕᓐᓂᐊᕐᕕᒡᔪᐊᓂᒃ, ᒐᕙᒪᐅᖏᑦᑐᓂᒡᓗ ᐱᓕᕆᖃᑎᒌᒡᕕᓂᒃ ᑲᑐᔾᔨᖃᑎᒌᒃᑐᓂᒃ.
  8. ᐃᓄᐃᑦ ᐃᖅᑲᓇᐃᔭᑎᑕᐅᓂᓴᖏᓐᓄᑦ ᐸᕐᓇᐅᑎ: ᓄᓇᕗᕐᒥ ᒥᕐᖑᐃᖅᓯᕐᕕᓕᕆᔩᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᕆᐊᖃᕐᓂᕐᒧᑦ ᐸᕐᓇᐅᑎᖓ ᐃᓕᓴᖅᓯᔪᖅ ᐃᓄᐃᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔭᕆᐊᖃᕐᓂᖓᓄᑦ ᐱᒻᒪᕆᐅᒋᔭᐅᖕᒪᑕ ᐃᓄᐃᑦ ᖃᐅᔨᒪᔭᑐᖃᖏᓪᓗ, ᐱᖅᑯᓯᖏᑦ, ᐱᓕᕆᔾᔪᑎᖏᓪᓗ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᒻᒪᕆᐅᒋᔭᐅᕗᑦ ᐊᓐᓇᐅᒪᔾᔪᑏᑦ ᐱᖅᑯᒦᓰᓪᓗ ᓴᐳᒻᒥᔭᐅᑦᑎᐊᖁᓪᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ ᓄᓇᕗᒻᒥ. ᐃᓄᖕᓂᒃ ᐃᖅᑲᓇᐃᔭᖅᑎᖃᕆᐊᖃᕐᓂᕐᒧᑦ ᐸᕐᓇᐅᑎ ᑕᐅᑐᖕᓂᖃᖅᑐᖅ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᓕᕆᓂᐊᕐᓂᕋᖅᓯᒪᔭᖓᓂ ᑎᑎᕋᖅᓯᒪᓪᓗᓂ 23ᒥ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᖅᓴᐅᓗᑎᒃ ᐱᔪᒪᖕᒪᑕ ᒐᕙᒪᒃᑯᓐᓂ ᐃᖅᑲᓇᐃᔭᕐᕕᐅᔪᓂᒃ ᖃᓄᑎᒋᐅᔭᕆᐊᖃᕐᓂᖏᑦ ᑭᒡᒐᖅᑐᖅᑕᐅᑦᑎᐊᕐᓗᑎᒃ ᐊᕐᕌᒍ 2020Footnote 20ᑐᖔᓂ..

5.0 ᒥᕐᖑᐃᖅᓯᕐᕕᖕᒧᑦ ᑐᕌᒐᕆᔭᐅᔪᒪᔪᖅ

ᑖᒃᑯᐊ ᐅᖃᖅᑕᐅᔪᑦ ᓇᓗᓇᐃᖅᓯᔾᔪᑎᐅᕗᑦ ᑐᕌᒐᕆᔭᐅᓂᐊᖅᑐᒧᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐱᓕᕆᔭᐅᑎᓪᓗᒍ ᐊᕐᕌᒍᓄᑦ 15ᓄᑦ. ᓯᕗᓂᒃᓴᓕᐅᕆᔾᔪᑎᐅᔪᖅ ᒥᕐᖑᐃᖅᓯᕐᕕᖕᒧᑦ ᑕᐅᑐᖕᓂᖃᑦᑎᐊᕈᓐᓇᕐᓂᐊᕐᒪᑕ ᐸᕐᓇᐅᑎᓕᕆᓂᕐᒥᒃ, ᒥᕐᖑᐃᖅᓯᕐᕕᓕᕆᓂᕐᒥᒃ ᐊᐅᓚᑦᑎᑦᑎᐊᕐᓂᕐᒥᒡᓗ ᐸᕐᓇᐅᑎᐅᑉ ᐊᕐᕌᒍᒋᓂᐊᖅᑕᓐᓂᒃ. ᐊᕐᕌᒍᑦ 15 ᐃᓗᐊᓂ ᐱᓕᕆᔪᒪᕙᕗᑦ:

  • ᖁᑦᑎᓂᕐᐹᑉ ᒥᕐᖑᐃᖅᓯᕐᕕᖓᑕ ᐊᕐᓇᐅᒪᓂᖃᕐᕕᖓ ᓴᐳᔾᔭᐅᓂᐊᕐᒪᑦ ᑲᒪᒋᔭᐅᑦᑎᐊᕐᓂᐊᕐᒪᓪᓗ. ᓄᓇᖏᓐᓃᖏᓐᓇᖅᑐᑦ ᐆᒪᔪᑦ, ᐃᓚᐅᑎᓪᓗᒋᑦ ᖁᑦᑎᒃᑑᑉ ᑐᒃᑐᖏᑦ, ᐊᒪᕈᖏᑦ, ᐅᒥᖕᒪᖏᑦ, ᐅᑲᓕᖏᑦ, ᐃᖃᓗᖏᓪᓗ, ᐸᖅᑭᔭᐅᑦᑎᐊᕐᓂᐊᑦᑐᑦ ᐃᓂᑐᖃᕆᔭᖏᓐᓃᑦᑐᑦ ᐅᓄᕐᓂᕆᕙᒃᑕᖏᑦ. ᐊᔾᔨᒌᖏᑦᑐᑦ ᐊᓐᓇᐅᒪᕖᑦ ᓴᐳᔾᔭᐅᓂᐊᖅᑐᑦ, ᐃᓂᑐᖃᕆᔭᖏᓐᓂᒃ ᖃᓄᐃᓕᖓᓃᑦ, ᓲᕐᓗ ᕿᑐᕐᖏᐅᖅᐸᓪᓕᐊᓃᑦ ᓂᕆᖃᑦᑕᐅᑎᖃᑎᒌᖕᓂᖏᑦ, ᑲᔪᓰᓐᓇᖅᑎᑕᐅᓂᐊᖅᑐᑦ
  • ᐃᓄᐃᑦ ᐃᓚᒋᔭᐅᖏᓐᓇᓪᓚᑦᑖᕐᓂᐊᖅᑐᖅ ᖁᑦᑎᒃᑑᑉ ᐊᕙᑎᖓᑕ ᐊᓐᓇᐅᒪᔾᔪᑎᖓᓂᒃ ᑭᒡᒐᖅᑐᐃᕙᓪᓕᐊᑎᓪᓗᒋᑦ.
  • ᒥᖑᐃᓯᕐᕕᐅᑉ ᓄᓇᒥᐅᑕᖏᑦ ᑕᕆᐅᕐᒥᐅᑕᖏᑦ, ᐃᒪᕐᒥᐊᑕᖏᓪᓗ ᑐᑭᓯᐅᒪᔭᐅᓂᖅᓴᐅᓕᕐᓂᐊᖅᑐᑦ. ᑐᑭᓯᐅᒪᖃᑎᒌᒍᑎᒃᓴᖅ ᒥᕐᖑᐃᖅᓯᕐᕕᐅ ᐊᓐᓇᐅᒪᔾᔪᑎᖓᓂᒃ ᐱᒋᐊᖅᑎᑕᐅᓂᐊᖅᑐᑦ ᒥᕐᖑᐃᖅᓯᕐᕕᐅᑉ ᐊᐅᓚᑦᓯᔨᖏᓄᑦ, ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑎᓄᑦ ᐊᑐᖅᑎᖏᓐᓄᓗᓗ, ᓄᓇᓕᒥᐅᓄᓗ. ᐊᖏᓂᖅᐹᒥ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᓂᖓ ᐃᓕᓴᕆᔭᐅᓂᐊᖅᑐᖅ, ᐃᑲᔪᖅᑐᖅᑕᐅᓂᐊᖅᑐᖅ, ᑐᑭᓯᔭᐅᓂᐊᖅᑐᕐᓗ ᒥᕐᖑᐃᖅᓯᕐᕕᐅᑉ ᑐᕌᒐᕆᔭᖏᑕ ᐃᓄᖏᓐᓄᑦ.
  • ᐃᓄᐃᑦ ᖃᐅᔨᒪᔭᑐᖃᖏᑦ ᑭᒡᒐᖅᑐᖅᑕᐅᓂᐊᖅᑐᖅ ᑭᒡᓕᓯᓂᐊᑎᑯᑦ ᑭᒡᒐᖅᑐᖅᑕᐅᓂᕆᔭᖓᑕ ᓇᓕᒧᒃᓱᕐᓗᓂᐅᒃ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᔾᔪᑎᒋᔭᖓᓂᒃ. ᐃᓄᐃᑦ ᐃᓚᐅᑎᑕᐅᖏᓐᓇᕐᓂᐊᖅᑐᑦ ᑭᒡᓕᓯᓂᐊᕐᓂᐊᖅᑐᓕᕆᓂᕐᒧᑦ ᓇᐅᑦᑎᓱᐃᔾᔪᑎᓕᕆᓂᕐᓄᓪᓗ.
  • ᑭᒡᓕᓯᓂᐊᓂᖅ ᒥᕐᖑᐃᖅᓯᕐᕕᖕᒥ ᑐᑭᓯᕚᓪᓕᕈᑕᐅᓂᐊᖅᑐᖅ ᖁᑦᑎᒃᑑᑉ ᐅᑭᐊᖅᑕᖅᑐᖓᑕ ᐊᓐᓇᐅᒪᔾᔪᑎᖏᓐᓂᒃ ᓯᓚᕐᔪᐊᓗ ᐊᕙᑎᖓᑕ ᖃᓄᐃᑦᑑᓕᕐᓂᖓᓂᒃ. ᖃᐅᔨᔭᐅᔪᑦ ᑭᒡᓕᓯᓂᐊᖅᑎᓪᓗᒋᑦ ᑐᓴᖅᑎᔾᔪᑎᐅᓂᐊᖅᑐᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐅᖃᖅᑕᖏᓐᓄᑦ ᐃᑲᔪᖅᑐᐃᔾᔪᑎᐅᓂᐊᖅᑐᕐᓗ ᓯᓚᕐᔪᐊᕐᒥᐅᑦ ᖃᐅᔨᕚᓪᓕᕈᑎᒃᓴᖓᓄᑦ ᑲᔾᔨᖅᐸᓯᐅᑉ ᐅᑭᐅᖅᑕᖅᑐᖓᓂ.
  • ᓇᐅᑦᑎᖅᓱᐃᔾᔪᑎᓕᕆᓂᖅ ᖃᐅᔨᒋᐊᕈᑎᐅᓂᐊᖅᑐᖅ ᐅᓂᒃᑳᕈᑎᓕᐅᕈᑎᐅᓗᓂᓗ ᐱᒻᒪᕆᐅᔪᓂᒃ ᖃᓄᐃᓕᖅᑐᒧᑦ ᓇᓗᓇᐃᖅᓯᔾᔪᑎᓂᒃ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᓂᖓᓂᒃ ᐊᕙᑎᐅᓪᓗ ᐊᓯᔾᔨᖅᐸᓪᓕᐊᓂᖓᓂᒃ ᑐᑭᓯᕚᓪᓕᕈᐅᓗᓂᓗ ᖃᓄᐃᓕᖓᓕᕐᓂᐅᔪᑦ ᐃᑦᑕᕐᓂᓴᖃᕐᕖᑦ ᐃᓂᒋᔭᖏᓐᓂᒃ. ᖃᐅᔨᔾᔪᑏᑦ ᖃᓄᐃᓕᖅᑐᒧᑦ ᑐᕌᒐᐃᓪᓗ ᓴᖅᑭᑕᐅᓂᐊᖅᑐᖅ ᒥᕐᖑᐃᖅᓯᕐᕕᒃ ᐊᐅᓚᑕᐅᔾᔪᑎᖓᓄᒃ.
  • ᒥᕐᖑᐃᖅᓯᕐᕕᒃ ᐅᑎᖅᑏᑎᑦᑎᓇᓱᒃᑎᐅᓂᐊᖅᑐᖅ ᐊᑦᑕᕐᓇᖅᑐᒦᓕᖅᑐᓂᒃ ᐆᒪᔪᓂᒃ, ᓲᕐᓗ ᖁᑦᑎᒃᑐᕐᒥᐅᑦ ᑐᒃᑐᖏᑦ.
  • ᒥᕐᖑᐃᖅᓯᕐᕕᒃ ᐃᑦᑕᕐᓂᓴᖅᑕᖃᐅᕐᔪᐊᕐᒪᑦ ᐅᐸᒃᑕᐅᓚᐅᖅᓯᒪᙱᑎᓪᓗᒍ ᐅᐸᒃᑕᐅᕙᓪᓕᐊᓕᖅᑎᓪᓗᒍᓗ ᕿᒻᒪᑯᓂᒃ ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᖓᓃᑦᑐᑦ ᓴᐳᔾᔭᐅᓂᐊᖅᑐᑦ ᑲᒪᒋᔭᐅᑦᑎᐊᕐᓂᐊᖅᑐᓪᓗ. ᑲᓇᑕᒥᐅᓄᑦ ᓯᓚᕐᔪᐊᕐᒥᐅᓄᓪᓗ ᑖᒃᑯᐊ ᐊᓐᓂᕐᓇᕐᔪᐊᕐᒪᑕ ᐃᑦᑕᕐᓂᓴᖃᕐᕖᑦ ᐃᓕᓴᕆᔭᐅᓂᐊᖅᑐᑦ, ᑕᑯᑎᑦᑎᖃᑎᒌᒍᑎᐅᓂᐊᖅᑐᑦ, ᑐᑭᓯᔭᐅᒋᐊᕐᓗᑎᒡᓗ.
  • ᐅᐱᒍᓱᖕᓂ ᐃᓄᐃᑦ ᖃᐅᔨᒪᔭᑐᖃᖏᓂᒃ ᐃᓕᖁᓯᖏᓐᓂᒡᓗ ᑲᔪᖏᖅᓵᕈᑕᐅᓂᐊᕐᑐᖅ ᐃᓕᓐᓂᐊᖅᑐᓕᕆᓂᒃᑯᑦ ᑐᕌᒐᕆᔭᖃᕐᓗᑎᒃ ᐅᑭᐅᖅᑕᖅᑑᑉ ᓄᓇᓕᖕᒥᐅᑕᖏᓐᓂᒃ, ᑭᒡᓕᓯᓂᐊᑎᖏᓐᓂᒃ ᒥᖑᐃᓯᕐᕕᒧᓪᓗ ᐳᓛᕆᐊᑎᐅᔪᓂᒃ.
  • ᐳᓛᕆᐊᖅᑏᑦ ᐱᐅᓛᑦᑎᐊᒥᒃ ᐅᑭᐅᖅᑕᖅᑑᑉ ᓄᓇᖓᓂᒃ ᐳᓛᕆᐊᕐᕕᖃᖅᑎᑕᐅᓂᐊᖅᑐᑦ. ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑏᑦ ᐊᑐᖅᑏᑦ ᑐᓴᐅᒪᑎᑕᐅᑦᑎᐊᕐᓂᐊᖅᑐᑦ ᖃᓄᐃᑳᓪᓚᑐᐃᓐᓇᕈᑎᑐᐃᓐᓇᕆᐊᓕᖕᓂᒃ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᓯᒪᑎᓪᓗᒋᑦ. ᒥᕐᖑᐃᖅᓯᕐᕕᓕᐊᖅᑐᑦ ᐊᑐᖅᑏᓪᓘᓐᓃᑦ ᐃᑲᔪᖅᑎᒻᒪᕆᐅᓂᐊᕐᒪᑕ ᓴᐳᔾᔨᓇᓱᐊᕐᓂᕐᒧᑦ ᖁᑦᑎᖕᓂᖅᐹᑉ ᐊᓐᓇᐅᒪᕕᖓᓂᒃ ᐃᑦᑕᕐᓂᓴᖁᑎᖏᓐᓂᒡᓗ.
  • ᒥᖑᐃᖅᓯᕐᕕᒃ ᐱᒻᒪᕆᐅᔪᕐᒥᒃ ᐱᔭᒃᓴᖃᕐᓂᐊᖅᑐᖅ ᓄᓇᖓᓄᑦ ᐳᓛᕆᐊᖅᑐᓕᕆᓂᕐᒥᒃ ᐃᑲᔪᖅᑐᐃᓂᐊᖅᖢᓂᓗ ᑮᓐᓇᐅᔾᔭᒃᓴᕈᑎᐅᔪᓐᓇᕐᓂᖓᓄᑦ ᓄᓇᕗᒻᒧᑦ, ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ. ᐃᓄᐃᑦ ᐃᓚᐅᖏᓐᓇᕐᓂᐊᖅᑐᑦ ᐳᓛᕆᐊᖅᑐᓕᕆᓂᕐᒧᑦ.
  • ᑲᑐᔾᔨᖃᑎᒌᖕᓂᖅ ᓴᖏᒃᑎᒋᐊᕈᑎᐅᓂᐊᖅᑐᖅ ᓴᐳᔾᔨᒋᐊᖅᑎᓪᓗᒋᑦ ᒥᕐᖑᐃᖅᓯᕐᕕᐳᑉ ᓄᓇᑐᖃᕆᔭᖓᓂᒃ ᐃᑦᑕᕐᓂᓴᖏᓐᓄᓪᓗ. ᑲᑐᔾᔨᖃᑎᒌᖕᓂᖅ ᐱᒋᐊᖅᑎᑕᐅᓂᐊᖅᑐᖅ ᓴᖏᒃᑎᒋᐊᕈᑎᐅᓗᓂ ᓄᓇᓕᖕᒥᐅᓄᑦ ᐃᑲᔪᖅᑕᐅᔾᔪᑎᖏᓐᓄᓪᓗ.
  • ᐱᒋᐊᕐᕕᒃ ᐊᑕᖏᕐᑐᕐᒥᒃ ᐃᓚᐅᖃᑕᐅᑎᑕᐅᓛᕐᑐᖅ ᒥᖑᐃᓯᕐᕕᖕᒥ ᒪᓕᒡᓗᓂ ᑲᓇᑕᒥ ᒥᕐᖑᐃᖅᓯᕖᑦ ᐱᖁᔭᕐᔪᐊᖓᓂ.
  • ᖁᑦᑎᖕᓂᕐᐹᖅ ᑲᑐᔾᔨᖃᑎᒌᒃᑐᒥᒃ ᐊᐅᓚᑕᐅᓂᖏᓐᓇᕐᓂᐊᖅᑐᖅ.
  • ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᐊᒻᒪᓗ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᖃᑎᒌᒍᑏᑦ ᐊᐅᔪᐃᑦᑐᕐᒧ, ᖁᑦᑎᖕᓂᖅᐹᒧ, ᓯᕐᒥᓕᖕᒧᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᐃᓕᔭᐅᓂᐊᖅᑐᑦ ᐃᒃᐱᒋᔭᐅᑦᑎᐊᕐᓗᑎᒡᓗ.
  • ᓄᓇᕗᒻᒥ ᒥᕐᖑᐃᖅᓯᕐᕕᓕᕆᔩᑦ ᑭᒡᒐᖅᑐᐃᔨᐅᒋᐊᖅᐳᖅ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓗᑎᒃ ᐊᕐᕌᒍ 2020Footnote 21ᑐᖔᓂ.

6.0 ᒥᕐᖑᐃᖅᓯᕐᕕᓕᕆᓂᖅ ᐊᓐᓇᐅᒪᔾᔪᑎᓂᒃ ᑭᒡᒐᖅᑐᐃᓗᓂ

ᑕᑯᑎᑦᑎᔾᔪᑎ 6. ᒥᕐᖑᐃᖅᓯᕖᑦ ᐊᓐᓇᐅᒪᔾᔪᑎᖏᓐᓂᒃ ᑭᒡᒐᖅᑐᐃᓂᐅᑉ ᑐᑭᖓ

ᒥᕐᖑᐃᖅᓯᕖᑦ ᐊᓐᓇᐅᒪᔾᔪᑎᒋᓐᓂᒃ ᑭᒡᒐᖅᑐᐃᓂᖅ, ᒥᕐᖑᐃᖅᓯᕕᓕᕆᓂᖅ ᐱᔾᔪᑎᒋᓪᓗᒍ, ᐋᖅᑭᒃᓯᒪᓂᕆᔭᐅᔪᖅ ᐃᓂᒋᔭᑐᖃᖏᓐᓂᒃ ᑕᐃᒪᐃᖏᓐᓇᕐᓂᐊᖅᖢᓂᓗ, ᐃᓚᐅᑎᓪᓗᒋᑦ ᐆᒪᓂᖃᕐᓃᑦ ᑭᓱᖁᑎᖃᕐᓃᑦ ᐅᓄᖅᑐᓂᒡᓗ ᓂᕐᔪᑎᖃᕐᓃᑦ ᐱᕈᖅᑐᖃᕐᓃᑦ, ᐊᓯᔾᔨᖅᐸᓪᓕᐊᔪᓐᓇᕐᓃᑦ ᐃᑲᔪᑦᑐᐃᖃᑎᒌᒍᓐᓇᕐᓃᓪᓗ.
ᐱᕝᕕᐅᔪᖅ: ᑲᓇᑕᐅᑉ ᒥᕐᖑᐃᖅᓯᕕᓕᕆᓂᕐᒧᑦ ᐱᖁᔭᖅ

6.1 ᒥᕐᖑᐃᖅᓯᕐᕕᒃ ᐊᓐᓇᐅᒪᑎᑦᑕᕆᐊᓕᒃ ᖃᓄᐃᓕᖓᓂᖓ

ᖁᑦᑎᓂᕐᐹᖅ ᐊᖏᔪᒻᒪᕆᐅᕗᖅ ᐅᖓᓯᒃᑐᒦᖦᖢᓂᓗ ᒥᕐᖑᐃᖅᓯᕐᕕᖓᑕ ᐊᓐᓇᐅᒪᑦᑎᐊᕐᓂᖓ ᖃᓄᐃᖏᑦᑐᖅ. ᒥᕐᖑᐃᖅᓯᕐᕕᒃ ᐊᓐᓇᐅᒪᓂᖃᑦᑎᕐᒪᑦ. ᖁᑦᑐᖕᓂᖅᐹᒥ, ᐊᓐᓇᐅᒪᑎᑕᐅᔭᕆᐊᓖᑦ, ᓱᕐᓘ ᐱᕈᖅᑐᑐᖃᖏᑦ ᓂᕐᔪᑎᖏᓪᓗ, ᑕᒪᕐᒥ ᐆᒪᓂᖃᑦᑎᐊᖅᑐᐃᓐᓇᐃᑦ, ᑭᓯᐊᓂ ᐃᓚᖏᑦ ᐆᒪᔪᑦ ᐊᑦᑕᕐᓇᖅᑐᒦᑐᐃᓐᓇᕆᐊᖃᕐᓂᕋᖅᑕᐅᖕᒪᑕ. ᐊᓐᓇᐅᒪᑎᑕᐅᖏᓐᓇᕆᐊᓖᑦ, ᓲᕐᓗ ᐅᓄᖅᓯᕙᓪᓕᐊᓂᖏᑦ, ᐊᖑᓇᓱᒃᑕᐅᕙᖕᓂᖏᑦ, ᓱᕈᖅᐸᓪᓕᐊᕙᖕᓂᖏᓪᓗ, ᒫᓐᓇ ᖃᓄᐃᓕᖓᓂᖏᑦᑐᒥᒃ ᐊᐅᓚᓂᖃᕐᓂᕋᖅᑕᐅᔪᑦ. ᖃᐅᔨᒪᔭᐅᔪᖃᖏᑦᑐᖅ ᒥᕐᖑᐃᖅᓯᕐᕕᐅᑉ ᐊᕙᑎᖓᓂ ᓱᕋᒃᓯᒪᓂᖃᑐᐃᓐᓇᕆᐊᓕᖕᓂᒃ ᒫᓐᓇᐅᔪᖅ.

ᖁᑦᑎᖕᓂᖅᐹᑉ ᐊᓐᓇᐅᒪᔾᔪᑎᖏᑦ ᑭᓯᐊᓂ, ᓱᕋᒃᑕᐅᑲᐅᑎᒋᑐᐃᓐᓇᕆᐊᖅᑐᒦᒻᒪᑕ ᐊᒃᑐᖅᑕᐅᑐᐃᓐᓇᕆᐊᖃᖅᖢᓂᓗ. ᓯᓚᔪᐊᓕᒫᕐᒥ ᐊᕙᑎᒧᑦ ᐊᑕᕐᓇᑐᓂᒃ - ᓲᕐᓗ ᓯᓚᐅᑉ ᐊᓯᔾᔨᖅᐸᓕᐊᓂᖓᓄ, ᕿᓚᑦᑕ ᐃᒐᓚᐅᔭᖓ ᓵᒡᓕᕙᓕᐊᓂᕋᑦᑕᐅᓂᖓᓄᑦ, ᐃᖏᕐᕋᔾᔪᑏᓪᓗ ᓱᕈᔪᖏᓐᓄᑦ ᓯᕗᓂᒃᓴᑐᖃᕐᒥ ᓱᕋᒃᑕᐅᑐᐃᓐᓇᕆᐊᖃᖅᖢᓂ- ᐊᒃᑐᐃᓂᖃᕐᒪᑦ ᓯᓚᔪᐊᑉ ᖁᑦᑎᒃᑐᒦᑦᑐᓕᒫᖏᓐᓂᒃ ᑲᔾᔨᖅᐸᓯᐊᓃᑦᑐᓂᒃ, ᑖᒃᑯᐊᓗ ᐊᒃᑐᐃᓂᖏᑦ ᑕᑯᒃᓴᐅᓕᕇᖅᖢᑎᒃ ᒥᕐᖑᐃᖅᓯᕐᕕᖕᓂ. ᐊᒃᑐᖅᑕᐅᕙᓪᓕᐊᓕᕐᓃᑦ ᖃᐅᔨᓇᒃᓯᖕᒥᔪᑦ ᓄᓇᓕᖕᓂ, ᓲᕐᓗ ᓱᕈᖅᑕᐅᓯᒪᓂᖃᓕᕇᖅᑐᑦ ᒥᕐᖑᐃᖅᓯᕐᕕᒃ ᐊᑐᖅᑕᐅᖃᑦᑕᓚᐅᕐᓯᒪᓂᖓᓄᑦ. ᐊᒃᑐᖅᑕᐅᔾᔪᑏᑦ ᐋᖅᑭᒃᑕᐅᔪᓐᓇᑦᑎᐊᖅᑐᑦ ᒥᑭᒡᓕᒋᐊᖅᑎᑕᐅᔪᓐᓇᑦᑎᐊᖅᑐᓪᓗ. ᕿᒡᓕᓯᓂᐊᖅᑐᓕᕆᓂᒃᑯᑦ ᑐᑭᓯᐅᒪᓕᕐᓂᖅ ᐅᑭᐅᖅᑕᖅᑐᕐᒥᐅᑦ ᐊᓐᓇᐅᒪᔾᔪᑎᒋᔭᖏᓐᓂᒃ ᖃᓄᕐᓗ ᐋᖅᑭᒃᓯᓇᓱᒍᓐᓇᕆᐊᒃᓴᖓᓐᓂᒃ ᐃᓄᐃᑦ ᐱᒋᐊᖅᑎᓪᓗᒋᑦ ᑭᒡᓕᖃᐅᕐᒪᑦ, ᑭᓯᐊᓂ ᐊᖏᒡᓕᕙᓪᓕᐊᖏᓐᓇᖅᑐᖅ.

6.2 ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᐊᓐᓇᐅᒪᔾᔪᑎᖓ

ᖁᑦᑎᖕᓂᖅᐹᑉ ᐊᓐᓇᐅᒪᔾᔪᑎᖓ ᐃᓂᒋᔭᐅᕗᖅ ᐅᓄᖏᑦᑐᓄᑦ ᐆᒪᔪᓄᑦ, ᓂᕆᖃᑎᒌᒃᑐᑦ, ᐅᓄᖅᓯᕙᓪᓕᐊᑲᐅᑎᒋᖏᑦᑐᑦ. ᖁᑦᑎᒃᑐᕐᒥᐅᑦ ᐅᑭᐅᖅᑕᖅᑐᖓ, ᓂᒡᓕᓇᖅᑐᖅ, ᐊᐅᔭᒃᑭᑦᑑᓪᓗᓂ, ᐸᓂᖅᑐᒥᒃ ᐊᐅᔭᖃᖅᐸᒃᑐᖅ, ᐃᒃᑮᒥᒡᓗ, ᐅᑭᐅᑯᑖᒥᒃ, ᐸᓂᖅᑐᒥᒃ ᐅᑭᐅᖃᖅᐸᒃᖢᓂ. ᐊᔾᔨᐅᖏᕐᔪᐊᖅᑐᓂᒡᓗ ᓯᕿᓂᕐᒥᒃ ᓴᖅᑭᐅᒪᓂᖃᖅᐸᒃᑐᖅ (24 ᐃᑲᕐᕋᑦ ᓯᕿᓐᓂᖅᐸᒃᑐᖅ ᐊᐅᔭᒃᑯᑦ 24 ᐃᑲᕐᕋᑦ ᑖᕐᔪᐊᖅᐸᒃᑐᖅ ᐅᑭᐅᒃᑯᑦ) ᒪᖁᒐᔪᖏᓐᓂᖓᓄᑦ ᐃᓂᒃᓴᐅᓂᖓ ᐊᒃᓱᕈᕐᓇᖅᐳᖅ ᐆᒪᔪᕆᔭᖏᓐᓄᑦ. ᐃᒃᑮᕐᔪᐊᖑᕙᖕᓂᖓ -30oC ᐅᑭᐅᒃᑯᑦ; ᐃᒃᑮᕐᔪᐊᖑᕙᖕᓂᖓ ᐊᐅᔭᒃᑯᑦ -02oC.

6.2.1 ᓄᓇᒥ ᐊᓐᓇᐅᒪᕕᓖᑦ

ᒥᕐᖑᐃᖅᓯᕐᕕᐅᑉ ᐃᓚᖓ ᐊᖏᓂᖅᓴᖅ - ᐃᓚᐅᑎᖦᖢᒍ 36%ᒥ ᐅᓕᑕᐅᓯᒪᔪᖅ ᓯᕐᒥᖕᓄᑦ ᐊᒻᒪᓗ ᐊᐅᔪᐃᑦᑐᕐᓄᑦ - ᑕᐃᒪᐃᓂᖓᓂ ᐅᓄᖏᑦᑐᓂᒃ ᐊᔾᔨᒌᖏᑦᑐᓂᒃᓗ ᐆᒪᔪᓂᒃ ᐃᑲᔪᖅᑐᐃᔪᖅ. ᐊᐅᔪᐃᑦᑐᖅᑕᖃᐅᖅᑐᖅ 900 ᒦᑕᓂ ᐃᔾᔪᓂᖃᑐᓂᒃ, ᑕᑯᔭᒃᓴᐅᖕᒥᔪᑦ ᓄᓇᑕᐃᑦFootnote 22 ᐃᓚᖏᑦ 2,500 ᒦᑕᓂᒃ ᐳᖅᑐᓂᓖᑦ. ᖃᖅᑲᖅ ᐹᐱᐅ, 2616 ᒦᑕᓂ ᐳᖅᑐᓂᓕᒃ, ᐳᖅᑐᓛᖑᔪᖅ ᑲᓇᕐᓇᖅᐸᓯᐊᓂ ᒥᐊᓕᒐᐃ ᐅᐊᓇᕐᐸᓯᖓᓂᑐᓄᑦ. ᖁᐊᖑᐃᓇᕐᑐᖅ ᒥᕐᖑᐃᖅᓯᕐᕕᐅᑉ ᓄᓇᖓᑕ ᐊᑖ.

ᑕᒪᓇ ᐊᐅᒪᓂᕆᖃᑕᑕᖓ ᓯᕐᒥᖃᖏᓂᖓ ᐃᑲᓂᐅᔪᖅ ᑕᐃᒪᐃᓂᖓᓄᑦ ᓄᓇ ᕿᕿᒪᓂᖃᐅᒻᒪᕆᒃᐳᖅ ᒥᕐᖑᐃᖅᓯᕐᕕᖕᒥ. ᖄᖓᓃᑦᑐᖅ ᒪᓂᕋᖅFootnote 23ᓯᕐᒥᖃᖏᑦᑐᒦᓐᓂᖅ ᐃᒃᑲᓐᓂᕐᒦᑉᐳᖅ, ᐱᕈᖅᑐᒃᓴᐃᑦ ᐅᓄᖏᔾᔪᑎᒋᔭᖓ ᒪᕐᕋᖃᑦᑎᐊᖏᓐᓂᕆᔭᖓᓗ. ᒪᕋᖃᑦᑎᐊᖏᓐᓂᖓ ᐃᒃᑮᖑᐃᓐᓇᖅᐸᖕᓂᖓᓗ ᐱᕈᖅᑐᖃᑦᑎᐊᖏᔾᔪᑎᒋᖕᒥᔭᖓ ᒪᓴᖃᑦᑎᐊᖅᐸᒃᑑᒐᓗᐊᓂᒃ, ᑕᑯᓇᖅᐳᖅ ᐃᓚᐃᓐᓇᖏᑦ ᓄᓇᐃᑦ ᐱᕈᖅᑐᖃᐅᕐᓂᖏᓐᓂᒃ ᒪᓴᒃᑕᖃᐅᖃᑦᑕᕐᓂᖓᓗ, ᑕᑯᔭᐅᔪᓐᓇᖅᑐᖅ ᖄᖓᓃᑦᑐᑦ ᒪᓴᐃᒃ ᓇᒧᑐᐃᓐᓇᖅ ᑯᕕᕝᕕᖃᖏᑦᑐᑦ ᐃᒪᖃᐃᓐᓇᖅᐸᖕᒪᑕ. ᖃᖅᑲᖃᐅᕐᓃᑦ, ᐱᕈᖅᑐᖃᐅᖅᑐᖅ ᑐᖁᓕᑲᐅᑎᒋᔪᓐᓇᖏᑦᑐᓂᒃ ᓲᕐᓗ ᐃᕕᖕᓂ, ᕿᔪᒃᑖᓂᒃ, ᑎᖓᐅᔭᖅᑕᖃᐅᖅᖢᓂᓗ.

ᐳᕈᑐᖃᓂᐅᔪᖅ ᓲᕐᓗ ᑕᓰᐊᓘᑉ ᓇᑎᕐᓇᖓᓂ, ᐃᓂᒋᔭᐅᓂᖅᓴᐅᔪᖅ ᐆᒪᔪᓄᑦ ᐱᕈᖅᑐᖃᕐᓂᖅᓴᐅᔪᖅ ᐃᒪᖃᕐᓂᖅᓴᐅᓂᖓᓄᑦ ᑰᖃᑕᕐᑐᓂᒃ ᓯᕐᒥᒥᙶᖅᖢᑎᒃ, ᐅᖅᑰᓂᖅᓴᐅᓂᖓᓗ ᐅᖅᑯᐊᖅᑕᐅᓯᒪᓂᖓᓄᑦ ᓂᒋᕐᐸᓯᐊᓂᑐᓂᒃ ᖃᖃᓂᒃ, ᐊᒃᑐᖅᑕᐅᖃᑦᑕᕐᓂᖏᓐᓄᑦᑕᐅᖅ ᑲᖤᖦᖡᑦ ᐊᐅᓚᓂᖓᓂᖔᖅᑐᓂᒃ. ᑕᓰᐊᓘᑉ ᓇᑎᕐᓇᖓ ᐊᔾᔨᐅᖏᑦᑐᖅ ᐱᒪᕆᐅᓗᓂᓗ ᐊᓐᓇᐅᒪᔭᕆᐊᖃᕐᓂᖓ ᐊᒪᓗ ᖃᐅᔨᒪᔭᐅᑎᐊᓂᖅᐹᐅᓗᓂ ᒥᕐᖑᐃᖅᓯᕐᕕᓕᒫᕐᒥᑦ. ᐃᒪᓱᒐᐅᓃᑦ ᐊᖏᔪᐊᓗᔪᖅ, ᑕᐃᒪᐃᓂᖓᓄ ᐊᔨᒋᖏᑐᑕᐅᔪᓂ ᐱᕈᓯᐊᖃᕐᓂᖅᓴᖅ ᐅᒪᔪᖃᐅᕐᓂᖅᓴᐅᓪᓗᓂᓗ.

ᑕᑯᔭᐅᒐᔪᒃᑐᖅ ᐆᒪᔪᑦ ᐃᓚᐅᓗᑎᒃ ᐃᒪᒥᐅᑕᐃᑦ ᑎᖕᒥᐊᑦ, ᓲᕐᓗ ᑲᖑᐃᑦ, ᖃᖅᓴᐅᑦ, ᒥᑏᓪᓗ, ᐊᒻᒪᓗ ᓄᓇᒥᐅᑕᐅᔪ ᑎᖕᒥᐊᑦ ᓲᓗ ᐊᕿᒡᒌᑦ, ᖁᐸᓄᐊᑦ, ᐊᒻᒪᓗ ᓯᒡᔭᕆᐊᑦ. ᓄᓇᒥᐅᑕᐃᓪᓗ ᐆᒪᔪᑦ ᓲᕐᓗ ᐅᑲᓖᑦ, ᐊᕕᖓᐃᑦ, ᑎᕆᐊᑦ, ᑎᕆᒐᓂᐊᑦ, ᐊᒪᕈᐃ, ᐅᒥᖕᒪᐃᑦ ᐊᒻᒪᓗ ᖁᑦᑎᒃᑐᕐᒥᐅᑦ ᑐᑐᖏᑦ.

6.2.2 ᑕᓯᕐᓂ ᐊᓐᓇᐅᒪᕕᓖᑦ

ᓂᒡᓕᓇᕐᓂᖓ, ᓯᑯᓯᒪᐃᓐᓇᕐᓂᖓ, ᐆᒻᒪᑦᑎᐊᕆᖕᓇᕐᓂᖃᖏᓐᓂᖓ, ᐅᓄᖅᓯᕙᓪᓕᐊᕝᕕᖃᖏᓐᓂᖓ ᐅᓄᖏᑦᑐᓂᒡᓗ ᐊᔾᔨᒌᖏᑦᑐᓂᒃ ᐆᒪᔪᖃᐅᑦᑎᐊᖏᓐᓂᖓ ᐋᖅᑭᒃᓯᒪᓂᕆᔾᔪᑎᒋᕚ ᖁᑦᑎᖕᓂᖅᐹᒥ. ᒪᓂᕋᐅᖏᑑᒐᒥ, ᐊᒥᓲᔪᑦ ᑰᑦ ᐊᒻᒪᓗ ᐅᓄᖏᖢᑎᒃ ᑕᓰᑦ ᒥᕐᖑᐃᖅᓯᕐᕕᐅ ᐃᓗᐊᓂ. ᑕᓰᐊᓗᒃ ᒥᖑᐃᓯᕐᕕᐅᑉ ᕿᑎᖓᓃᑦᑐᖅ, ᐊᖏᓛᖑᖃᑕᐅᔪᖅ ᑕᓯᕐᓂ ᐅᐊᓇᖓᓂ ᐅᑭᐅᑕᕐᑑᑉ ᑭᓕᖓᓂ. ᐃᖃᓗᐃᑦ ᑕᑯᐊ ᐆᒪᔪᖃᕐᓂᑐᐊᖏᑦ ᑕᓯᓂ, ᓇᓂᓕᒫᖅ ᑕᓯᕐᓂ ᒥᕐᖑᐃᖅᓯᕐᕕᒥ ᓇᓂᔭᒃᓴᐅᔪᑦ ᑰᓂᓗ. ᑕᓯᐊᕈᓂᓴᐃᑦ ᐊᒪᓗ ᐊᒥᓱᐃᑦ ᑰᑦ ᕿᒥᓗᖃᖏᑐᓂ ᑭᓯᐊᓂ ᐱᑕᓕᒃ. ᓯᑯᓂᒃ ᑕᓯᕐᓂᒃ ᖃᖏᓂ ᑕᕆᐅ ᓯᑰᑉ ᒥᕐᖑᐃᖅᓯᕐᕕᐅ ᐅᐊᓇᐸᓯᐊᓂ ᓯᒡᔭᖏᓂ ᐊᒪᓗ ᓴᕿᔭᕐᑎᓯᓗᓂ ᐱᑐᐃᓇᐅᖏᑐᕐᒥ ᐃᔩᓄ ᑕᑯᓴᐅᖏᑐᓂ ᖁᐱᕈᕐᓂᒃ (ᑕᑯᓗᒍ ᑕᑯᑎᑦᑎᔾᔪᑎ 7).

6.2.3 ᑕᕆᐅᕐᒥ ᐊᓐᓇᐅᒪᕝᕕᓖᑦ

ᖁᑦᑎᖕᓂᕐᐹᖅ ᐃᒻᒪᖄ 2,3752 ᑭᓚᒦᑕᓂᒃ ᐊᖏᓂᖃᕐᒪᑦ ᑐᕆᐅᖓ ᐆᒪᔪᖃᕕᐅᔪᖅ ᐃᑎᓂᓕᕐᔪᐊᓂᒃ ᖃᖏᖅᖢᖃᐅᖅᑐᖅ, ᐊᒥᓲᓪᓗᑎᒃ ᓯᔭᕆᑐᖏᑦ. ᓯᑯ ᐱᓗᐊᑕᐅᔪᖅ ᖃᓄᐃᑐᓕᑎᓂᕆᔭᖓᓄᑦ ᒥᖑᐃᓯᕐᕕᐅᑉ ᑕᕆᐅᖓ. ᓯᑰᐊᓗᐃᑦ ᓯᒡᔭᐸᓯᐊᓂ ᐅᐊᓇᖓᓃᑦᑐᑦ ᐊᒻᒪᓗ ᓯᔭᕆᒃᑑᑎᐊᓗᐃᑦ ᑕᕆᐅᑉ ᐃᒪᕕᖓ. ᓯᑯᐃ ᐃᖏᕋᔭᐃᓇᐸᓗᖃᑕᕐᑐᑦ, ᓯᔭᑯᖏᓇᖃᑕᕐᑐᑦ, ᖃᐅᒪᔪᑎᑕᐅᓗᑎᒃ ᓯᕿᓂᒧᑦ, ᓯᑯᐃ ᑖᓂᖏᓄ ᐱᕈᑐᖃᑎᓯᔪᓇᖏᑐᑦ ᐊᒻᒪᓗ ᑕᐃᒪᐃᓂᖓᓄ ᐅᒪᔪᐃ ᓇᕈᓇᓗᐊᕈᓇᖏᑐᑦ. ᒥᖑᐃᓯᕐᕖᑦ ᐃᒪᖏᑦ ᓯᑯᖏᑑᑲᐃᓇᒐᓛᕋᔪᖃᑕᕐᑐᑦ ᓯᕿᓂᑲᐃᓇᔪᒍᓇᖃᑕᕐᑐᖅ ᑕᕆᐅᒥᐅᑕᓄᑦ ᑕᐃᒪᐃᑎᓗᒍ ᐃᓚᒋᐊᓚᑲᓂᖃᑕᕐᑐᑦ ᐊᔨᒋᖏᑐᑕᐅᓂᖏᑦ ᐱᕈᑐᑦ. ᑕᕆᐅᒥᐅᑕᐃ ᐅᒪᔪᐃᑦ ᑕᑯᔭᐅᒐᔪᒃᑐᑦ ᒥᕐᖑᐃᖅᓯᕐᕕᒥ ᑕᒪᑯᐊᓗ ᑭᓯᐊᓂ ᓯᑯᖃᑐᒥᑐᓇᕐᑐ: ᓇᑏᑦ, ᐅᒡᔪᐃᑦ, ᑐᒑᓖᑦ ᐊᒪᓗ ᓇᓄᐃᑦ ᐊᒡᓛᓪᓘᓐᓃᑦ ᐊᕐᕌᒍᓕᒫᖅ ᑕᐃᑲᓂᖏᓇᖃᑕᖏᑐᑦ.

6.3 ᐊᓐᓇᐅᒪᔾᔪᑎᓄᑦ ᐊᒃᓱᕈᕐᓇᐅᑏᑦ: ᒥᕐᖑᐃᖅᓯᕐᕕᖕᒧᑦ ᐊᒃᑐᐃᓂᓖᑦ

ᖁᑦᑎᖕᓂᕐᐹᑉ ᓄᓇᖓ ᐊᓐᓇᐅᒪᓂᖃᑦᑎᐊᕋᓗᐊᖅᑎᓪᓗᒍ, ᐃᓱᒫᓗᖕᓇᖅᑐᓂᒃ ᐱᑕᖃᕐᒥᖕᒪᑦ ᓱᕋᐃᑐᐃᓐᓇᕆᐊᓕᖕᓂᒃ ᒥᕐᖑᐃᓯᕖᑦ ᐊᓐᓇᐅᒪᔭᕆᐊᖃᕐᓂᖓᓄᑦ ᑭᒡᒐᖅᑐᖅᑕᐅᔾᔪᑎᖏᓐᓂᒃ.

ᐅᔾᔨᕐᓇᓛᖅ ᐃᓱᒫᓗᖕᓇᑐᖅ ᖁᑦᑎᖕᓂᕐᐹᕐᒧᑦ ᓯᓚᔪᑦᑕ ᖃᓄᐃᓕᖓᓂᖓᓄᑦ ᐊᓯᔾᔨᖅᐸᓪᓕᐊᓂᖅ, ᐅᔾᔨᕐᓇᓛᖑᓂᐊᖅᑐᖅ ᓯᓚᔪᐊᑉ ᑲᔾᔨᖏᓐᓂᒃ (ᕼᐊᓱᓪ 2004). ᑭᒡᓕᓯᓂᐊᖅᑎᒻᒪᕇᑦ ᓇᓚᐅᑦᑖᖅᓯᒪᔪᑦ ᐅᐊᓇᕐᐸᓯᖓ ᖁᑦᑎᒃᑐᕐᒥᐅᑦ ᕿᑭᑕᖓ ᐅᖅᑰᖅᓯᕚᓪᓕᕐᓂᖓᓄᑦ ᐊᓯᔾᔨᖅᑐᒥᒃ ᑕᑯᓂᐊᕐᑐᖅ ᑲᓇᑕᓕᒫᕐᒥ. ᒪᓕᖢᒍ ᐅᖃᐅᓯᐅᓯᒪᔫᑉ ᑕᐃᒪᐃᓂᐊᕐᓂᖓFootnote 24, ᐅᖅᑰᓂᕆᒐᔪᒃᑕᖓ ᐅᖁᓯᕚᓕᕐᓂᐊᕋᓱᒋᔭᐅᔪᖅ 3oC-ᒥ 5oC-ᒧᑦ ᓄᓇᒥ ᐊᒪᓗ7oC ᑕᕆᐅᕐᒥ ᐊᕐᕌᒍᑦ 100 ᓄᕐᖑᐊᓂ (ᕼᐋᓱᓪ 2004).

ᐊᓐᓇᐅᒪᔾᔪᑎᓄᑦ ᐊᒃᓱᕈᕐᓇᐅᑏᑦ ᒥᕐᖑᐃᖅᓯᕐᕕᖕᓂ ᓇᓗᓇᐃᖅᑕᐅᓚᐅᖅᑐᑦ ᒥᕐᖑᐃᖅᓯᕖᑦ ᖃᓄᐃᓕᖓᓂᖏᑦ ᐊᒻᒪᓗ ᓴᐳᔾᔭᐅᓯᒪᔪᑦ ᐃᑦᑕᕐᓂᓴᖃᕐᕕᐅᓂᖏᓐᓄᑦ ᖃᓄᐃᓕᖓᓃᑦ ᐅᓂᒃᑳᓕᐅᖅᑕᐅᔪᑦ 1990 ᐱᒋᐊᖅᖢᒍ. ᐅᑯᐊ ᑕᕝᕙ ᐊᓐᓇᐅᒪᔾᔪᑎᓄᑦ ᐊᒃᓱᕈᓐᓇᐅᑏᑦ ᐅᖃᖅᑕᐅᓯᒪᓕᖅᑐᖅ:

  1. ᓯᓚᐅᑉ ᐋᓯᔾᔨᖅᐸᓪᓕᐊᓂᖓ (ᓲᕐᓗ ᐆᓇᕐᓂᖓᑕ ᐅᓯᔾᔨᖅᐸᓪᓕᐊᖃᑦᑕᕐᓂᖓ ᐊᒻᒪᓗ ᒪᖁᖃᑦᑕᕐᓂᐅᑉ ᐃᓕᖅᑯᓯᖓ)
  2. ᓯᕗᓂᒃᓴᑐᖃᒧᑦ ᑲᔪᓰᓐᓇᖅᑐᒥᒃ ᐃᖏᕋᔾᔪᑎᓂᙶᖅᑐᑦ ᓱᕈᖕᓇᖅᑐᓖᑦ: (ᓲᕐᓗ ᓱᕈᕐᓇᖅᑐᑦ, ᑲᔪᓰᓐᓇᖅᑐᑦ ᑕᑯᒃᓴᐅᖏᑐ ᓱᕈᖅᓴᐃᖏᓐᓇᖅᑐᑦ, ᐅᔭᕋᒃᓯᐅᕐᕕᖕᓂᙶᖅᑐᑦ, ᐃᒐᓚᐅᔭᐅᑉ ᓵᒡᓕᓂᖓ/ᓯᕿᓂᕐᑕᐅᓂᒧ ᐆᑉᐸᓪᓕᐊᓂᕐᒧᑦ)
  3. ᓄᓇᓕᖕᓂ ᐊᒃᑐᐃᔪᑦ (ᓲᕐᓗ ᓱᕈᖅᓴᐃᔪᑦ ᕿᒪᑕᐃᓂᑯᐃ ᐅᖅᓱᐊᓗᖃᐅᑎᕕᓃᑦ ᐊᒪᓗ ᑕᖕᒫᕐᕕᕕᓃᑦ, ᐆᒪᔪᐃ ᐸᒡᕕᓵᖅᑕᐅᓂᖏᑦ ᖃᖓᑕᓲᓄᑦ, ᑭᓈᓗᐃᑦ ᐊᒃᑕᖅᑕᐅᖃᑦᑕᕐᓂᖏᑦ ᐱᒋᐊᕐᕕᒥ, ᑕᐃᑯᕆ ᓯᔭᕆᑐᕐᒥ ᐊᒻᒪᓗ, ᖁᕕᐊᓱᓂᑯᑦ ᐃᖃᓗᒐᓱᖕᓂᒃᑯᑦ ,ᖁᐱᕐᕈᐃᑦ ᐊᓂᐊᔪᑦ ᑎᒍᐊᖑᔪᕐᓂᑦ ᐅᒪᔪᕐᓂᙶᖅᑐᑦ)

ᐱᓕᕆᒋᐊᖅᑕᐅᖁᓪᓗᒋᑦ ᑖᒃᑯᐊ ᐊᒃᑐᐃᔾᔪᑏᑦ ᓇᓗᓇᐃᖅᑕᐅᓯᒪᔪᑦ ᑕᕝᕙᓂ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᒥ.

6.4 ᐊᐅᓚᑦᑎᔾᔪᑎᒃᓴᒧᑦ ᐱᓇᓱᐊᕈᑏᑦ, ᑐᕌᒐᕆᔭᐅᔪᑦ, ᐱᒋᐊᕈᑏᓪᓗ

6.4.1 ᓴᐳᔾᔨᓂᖅ ᐊᓐᓇᐅᒪᔾᔪᑎᓂᒃ ᑭᒡᒐᖅᑐᐃᓗᓂFootnote 25
6.4.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐱᓕᕆᔭᐅᓂᐊᖅᑐᑦ, ᐋᖅᑭᒃᓯᒪᓃᑦ, ᒥᕐᖑᐃᖅᓯᕕᐅᓪᓗ ᐱᓕᕆᕝᕕᐅᓂᖓ ᓄᓇᒥ, ᑕᕿᐅᕐᒥᓪᓗ ᐊᓐᓇᐅᒪᔭᕆᐊᓕᖕᓂ ᐊᒃᑐᖅᑕᐅᔾᔪᑎᖃᕐᓂᐊᖏᑦᑐᑦ.

6.4.1.2 ᑐᕌᒐᕆᔭᕗᑦ
  1. ᑲᔪᓯᑏᓐᓇᕆᐊᕐᓗᒍ ᐊᔾᔨᒌᖏᑦᑐᑦ ᐅᒪᔪᑦ ᐱᕈᑐᓗ ᒥᕐᖑᐃᖅᓯᕐᕕᖕᓂ ᐊᓐᓇᐅᒪᔾᔪᑎᓖᑦ.
  2. ᑲᔪᓯᑏᓐᓇᕆᐊᕐᓗᒍ ᒥᕐᖑᐃᖅᓯᕐᕕᐅᑉ ᐊᒥᓲᓂᖏᑦ ᓄᓇᒥᐅᑕᐃᑦ ᐆᒪᔪᖏᑦ ᐊᔨᒋᖏᑐᑦ.
  3. ᑲᔪᓯᑏᓐᓇᕆᐊᕐᓗᒍ ᖃᓄᐃᖏᑦᑎᐊᖅᑐᒥᒃ ᐃᒪᑦᑎᐊᕙᖕᓂ (ᑕᓯᓂ) ᐊᓐᓇᐅᒪᕝᕕᓖᑦ ᒥᕐᖑᐃᖅᓯᕐᕕᖕᒥ.
  4. ᑲᔪᓯᑏᓐᓇᕆᐊᕐᓗᒍ ᖃᓄᐃᖏᑎᐊᖅᑐᒥᒃ ᑕᕆᐅᕐᒥ ᐊᓐᓇᐅᒪᕝᕕᓖᑦ ᒥᕐᖑᐃᖅᓯᕐᕕᖕᒥ.
  5. ᐱᒻᒪᑐᑦᑎᐊᕆᐊᕐᓗᒋᑦ ᓱᓐᓂᖅᓯᒪᖏᑦᑐᒥᒃ ᐃᓕᖅᑯᓯᕆᔭᐅᖏᓐᓇᖅᑐᑦ ᐃᑲᔪᖅᑐᐃᓪᓗᑎᒃ ᐊᓐᓇᐅᒪᑏᓐᓇᕆᐊᓕᖕᓂᒃ ᐊᒃᑐᖅᑕᐅᖁᓇᒋᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐳᓛᕆᐊᖅᑐᓪᓗ ᐱᓕᕆᕕᖃᕐᓂᖏᓐᓄᑦ.
  6. ᑐᑭᓯᓗᒍ ᑐᓴᐅᒪᖃᑕᐅᔾᔪᑎᒋᓗᒍᓗ ᐊᒃᑐᖅᑕᐅᔾᔪᑏᑦ ᓯᓚᕐᒧᐊᕐᒥᖔᖅᑐᑦ ᐊᒃᓱᕉᕐᓇᐅᑏᑦ ᒥᕐᖑᐃᖅᓯᕐᕕᖕᒥ.
  7. ᐊᓐᓇᐅᒪᕖᑦ ᖃᓄᐃᓕᖓᓂᖓ ᒥᕐᖑᐃᖅᓯᕐᕕᖕᒥ ᐋᖅᑭᒋᐊᖅᐹᓪᓕᕐᓗᒍ ᐊᒃᑐᖅᑕᐅᓯᒪᔪᑦ ᓄᓇᐃᑦ.
  8. ᐱᓚᕆᐊᑏᑦ ᐊᑑᕐᑏᓗ ᐅᐸᒡᕕᖃᕈᓐᓇᖅᑎᓪᓗᒋᑦ ᖃᓄᐃᖏᑦᑎᐊᖅᑐᒧᑦ ᐊᐅᓚᓂᖃᑎᐊᖅᑐᕐᒧᓪᓗ ᐅᑭᐅᑕᕐᑑᑉ ᐊᓐᓇᐅᒪᓂᖓᓄᑦ.
6.4.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐃᖃᓗᒐᓱᖕᓂᐅᔪᖅ ᒥᕐᖑᐃᖅᓯᕐᕕᖕᒦᑦᑐᑦ ᓄᖅᑲᖅᑎᓪᓗᒋᑦ ᑭᓯᐊᓂ ᓄᓇᕗᒻᒥ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ ᑐᓴᖅᓯᒪᓕᕈᑎᒃ ᒥᕐᖑᐃᖅᓯᕐᕕᖕᓂ ᐊᓐᓇᐅᒪᕖᑦ ᖃᓄᐃᖏᑦᑎᐊᕐᓂᖓᓂᒃ ᐃᖃᓗᒐᓱᒡᕕᐅᒐᓗᐊᕈᓂFootnote 26. ᐃᖃᓗᒐᓱᒍᓐᓇᑦᑎᐊᖁᓪᓗᒋᑦ ᒥᕐᖑᐃᖅᓯᕐᕕᖕᓂ ᑲᑎᒪᔾᔪᑎᐅᒃᑲᓐᓂᖃᑦᑕᕐᓂᐊᕐᒪᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓂᒃ ᕿᒥᕐᕈᐃᓕᕐᓂᕐᒥᒍᑎᒃ.
  2. ᖃᐅᔨᓴᖅᑕᐅᔭᕇᕐᓗᑎᒃ ᐅᒥᒪᐃ ᓇᒧᖓᐅᖃᑦᑕᕐᓂᖏᑦ ᐃᓂᒋᖃᑦᑕᖅᑕᖏᓪᓗ ᑭᒡᓕᓯᓂᐊᖅᑕᐅᓂᖓ.
  3. ᖃᐅᔨᓴᕇᕐᓗᒋᑦ ᖁᑦᑎᒃᑐᕐᒥᐅᑦ ᑐᑐᖏ ᑭᒡᓕᓯᓂᐊᖅᑕᐅᓂᖏᑦ ᓇᒦᓐᓂᕆᔭᖏᑦ, ᐃᓂᒋᓂᖅᓴᖏᑦ, ᐊᐅᖃᑎᒌᑦ ᐊᒥᓲᓂᖏᑦ.
  4. ᖃᐅᔨᓴᐃᖏᓐᓇᕐᓗᑎᒃ ᐆᒪᔪᐃᑦ ᖃᓄᐃᓕᖓᓂᖏᓐᓂᒃ ᒥᕐᖑᐃᖅᓯᕐᕕᖕᒥ ᖃᐅᔨᒋᐊᕐᓗᒋᓪᓗ ᖃᔅᓯᐅᓂᖏᑦ ᐅᓄᖅᓯᕙᓪᓕᐊᓂᖏᓪᓗ ᐆᒪᔪᓪᓗᐊᑕᕆᔭᐅᔪᑦ ᒥᕐᖑᐃᖅᓯᕐᕕᖕᒥ.
  5. ᐸᒡᕕᓴᒃᑕᐅᓂᖏᑦ ᒥᑭᒡᓕᒋᐊᖅᑕᐅᓗᑎᒃ ᐆᒪᔪᐃᑦ ᓇᒥᑐᐃᓐᓇᖅ.
  6. ᓱᕈᖅᓯᒪᓂᓖᑦ ᓴᓗᒻᒪᖅᓴᖅᑕᐅᒋᐊᕐᓂᖓ ᐋᖅᑭᒃᓱᖅᑕᐅᒋᐊᕐᓂᖓᓗ ᐱᒋᐊᖅᑕᐅᓗᑎᒃ ᑖᖕᑯᐅᕆᒥ ᑕᓯᕐᔪᐊᒥᓪᓗ ᐱᒋᐊᕐᕕᖕᒥᓪᓗ ᑎᑎᕋᖅᑕᐅᓯᒪᔪᑦ ᒪᓕᒡᓗᒋᑦ 11.1.1.
  7. ᐱᒋᐊᖅᑎᑦᑎᓗᓂ ᓇᓗᓇᐃᖅᓯᔪᓇᖅᑐᓂᒃ ᐊᒻᒪᓗ ᑐᕌᑕᒐᐃ ᐊᓐᓇᐅᒪᑎᑦᑎᒋᐊᕐᓂᕐᒧᑦ ᑭᒡᒐᖅᑐᕆᐊᓖᑦ ᐱᖁᔨᕗᒑᕈᑎᓕᐅᕐᓗᒋᓪᓗ ᓯᕗᓂᒃᓴᑐᖃᕐᒧᑦ ᖃᐅᔨᓴᕈᑎᒃᓴᐅᓂᐊᖅᑐᓂᒃ.
  8. ᑐᓴᐅᒪᖃᑎᒋᓗᒋᑦ ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᑦ ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᓂᓇᓕᖕᓂ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᑦ ᐱᔾᔪᑎᒋᓗᒍ ᐆᒪᔪᓕᕆᓃᑦ ᐆᒪᔪᐃᓪᓗ ᐃᓂᒋᔭᖏᓐᓄᑦ ᐃᓱᒫᓘᑎᐅᔪᑦ.

ᑕᑯᑎᑦᑎᔾᔪᑎ 7. ᐃᖃᓗᒐᓱᖕᓂᖅ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ

ᐃᓄᐃᑦ ᐃᖃᓗᒐᓱᐃᓐᓇᖅᐸᖕᒪᑕ ᖁᑦᑎᒃᑑᑉ ᐅᑭᐅᖅᑕᖅᑐᖓᓂ ᐊᕐᕌᒍᓄᑦ ᐅᓄᖅᑐᓄᑦ. ᐃᖃᓗᒐᓱᖕᓂᖅ ᐱᒋᐊᖅᓯᒪᓂᑰᕗᖅ 1900 ᐊᕐᕌᒍᖏᑕ ᐃᓱᖅᐸᓯᖓᓂ ᓯᓚᕐᔪᐊᑦᑕ ᑲᔾᔨᖓᓄᐊᕋᓱᒃᑐᖅ ᓂᕿᒃᓴᖃᖁᓪᓗᒋᑦ (ᑎᒃᒪ, 2001) ᐊᐅᓪᓚᖅᑎᑦᑎᔩᓪᓗ ᑕᖕᒫᕐᕕᖏᑦ ᑕᓯᐅᔭᕐᒥ ᑕᑯᔭᐅᔪᓐᓇᖅᖢᑎᒃ ᒥᕐᖑᐃᖅᓯᕕᒡᓘᓐᓃᑦ ᐱᒋᐊᖅᑕᐅᓚᐅᖏᑎᓪᓗᒍ. ᒫᓐᓇ ᐃᖃᓪᓕᐊᖅᑐᖃᖃᑦᑕᐃᓐᓇᕐᒪᑦ ᑕᓯᐅᔭᕐᒥ, ᑕᓰᑦ ᒥᑭᓐᓂᖅᓴᐃᑦ ᐊᓯᖏᑦ ᐳᓛᖅᑕᐅᖃᑦᑕᕐᒥᕗᑦ. ᐃᖃᓗᒐᓱᖃᑦᑕᖅᑐᑦ ᐅᓇᑕᖅᑐᒃᓴᐃᑦ, ᒥᕐᖑᐃᖅᓯᕕᖕᒥ ᐃᖅᑲᓇᐃᔭᖅᑏᑦ, ᐳᓛᖅᑏᑦ, ᖃᐅᔨᖅᑏᓪᓗ. ᖃᐅᔨᒪᔭᐅᓗᐊᖏᑦᑐᖅ ᖃᓄᑎᒋ ᐃᖃᓗᒃᑎᒋᕙᖕᓂᖏᓐᓂᒃ ᐊᕐᕌᒍᑕᒫᑦ ᑐᓴᒐᒃᓴᓕᐅᖅᑐᖃᖅᓯᒪᓇᓂᓗ ᑕᓯᐅᔭᖅ ᖃᓄᑎᒋ ᐃᖃᓪᓕᐊᕐᕕᐊᓂᖓᓂᒃ ᐊᓯᖏᓪᓗ ᒥᑭᓐᓂᖅᓴᐃᑦ ᑕᓰᑦ.

ᐃᖃᓗᒐᓱᖕᓂᖅ ᓇᓗᓇᐃᖅᑕᐅᓚᐅᖅᑐᖅ ᐃᓱᒫᓘᑎᒋᔭᐅᓂᕋᖅᑕᐅᒋᓪᓗᓂ ᒥᕐᖑᐃᖅᓯᕕᓕᕆᕐᓂᒧᑦ ᐸᕐᓇᐅᑎᓕᕆᑎᓪᓗᒋᑦ ᐅᓄᓗᐊᖅᑐᑦ ᐃᖃᓗᒃᑕᐅᖃᑦᑕᕋᓱᒋᔭᐅᓕᖅᖢᑎᒃ ᐊᒃᑐᐃᑐᐃᓐᓇᕆᐊᖃᕐᒪᑦ ᐊᓐᓇᐅᒪᔾᔪᑎᒋᔭᐅᔪᓄᑦ ᒥᕐᖑᐃᖅᓯᕕᐅᑉ ᐃᒪᕐᒥᐅᑕᖏᓐᓄᑦ.
ᐱᕝᕕᐅᔪᖅ : ᑰᑦᔅ, ᑖᑦᔅ, ᒫᓐᓲ, ᐊᒪᕈᐊᓕᒃ (2003)

6.4.2 ᑐᑭᓯᒋᐊᕐᓗᒋᑦ ᐊᓐᓇᐅᒪᕝᕖᑦ ᐋᖅᑭᒃᓯᒪᓂᖏᑦ ᖃᓄᐃᑉᐸᓪᓕᐊᕙᖕᓂᖏᓪᓗ
6.4.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᑐᑭᓯᒋᐊᕐᓗᒋᑦ ᐋᖅᑭᒃᓯᒪᓃᑦ, ᖃᓄᐃᖃᑦᑕᕐᓃᑦ, ᐃᓕᖅᑯᓯᕆᔭᐅᔪᓪᓗ ᓄᓇᒥᐅᑕᓄᑦ, ᐃᒪᕐᒥᐅᑕᓄᑦ, ᑕᕆᐅᕐᒥᐊᑕᓄᓪᓗ ᐊᓐᓇᐅᒪᕝᕖᑦ ᒥᕐᖑᐃᖅᓯᕕᖕᒦᑦᑐᑦ ᖃᓄᖅᑑᕈᑎᓕᐅᖅᑕᐅᓂᐊᖅᑐᑦ ᐊᑐᕐᓗᑎᒃ ᑭᒡᓕᓯᓂᐊᕐᓂᕐᒥᒃ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ.

6.4.2.2 ᑐᕌᒐᕆᔭᕗᑦ
  1. ᑐᑭᓯᒋᐊᕐᓗᒋᑦ ᓇᓗᓇᐃᕐᓗᒋᓪᓗ ᐊᓐᓇᐅᒪᔾᔪᑏᑦ ᒥᕐᖑᐃᖅᓯᕐᕕᖕᓂ ᖃᐅᔨᒪᔭᐅᓂᖃᖏᑦᑐᑦ.
  2. ᑐᑭᓯᓗᒋᑦ ᐅᓄᕐᓂᖏᓐᓄᑦ ᐋᖅᑭᒃᓯᒪᓂᐅᔪᑦ ᓄᓇᒥᐅᑕᓄᑦ ᐃᒪᕐᒥᐅᑕᓄᓪᓗ ᐆᒪᔪᑦ, ᐃᓚᐅᑎᓪᓗᒋᑦ ᐃᖃᓗᐃᑦ, ᐅᒥᖕᒪᐃᑦ, ᖁᑦᑎᒃᑐᕐᒥᐅᑦ ᑐᒃᑐᖏᑦ, ᐅᑲᓖᑦ, ᐊᕕᙵᐃᓪᓗ.
  3. ᐋᕿᒃᓯᓗᑎᒃ ᑐᖓᕕᐅᔪᒃᓴᒥᒃ ᑐᑭᓯᓇᓱᒃᑕᐅᔪᓄᑦ ᒥᕐᖑᐃᖅᓯᕐᕕᖕᒥ ᐊᓐᓇᐅᒪᑏᓐᓇᕆᐊᓖᑦ.
  4. ᐃᑲᔪᖅᑕᐅᓗᑎᒃ ᒥᕐᖑᐃᖅᓯᕐᕕᒧ ᐊᐅᓚᑦᓯᔩᑦ ᐃᓱᒪᓕᐅᓂᖏᓂ ᐱᕕᖃᑎᓗᒋᑦ ᑕᑯᔪᓇᓗᑎᒃ ᖃᐅᔨᒪᔭᐅᔪᓄᑦ ᐊᒻᒪᓗ ᑐᓴᕈᑎᓄᑦ ᖃᐅᔨᔭᐅᓂᑯᓂᒃ ᑭᒡᓕᓯᓂᐊᕐᓂᑯᑦ ᐃᓄᐃᓪᓗ ᖃᐅᔨᒪᔭᖏᑎᒍᑦ ᓄᓇᐅᑉ ᐊᐅᓚᓂᖓᓂ ᐅᐊᓇᕐᐸᓯᖓᓂ ᖁᑦᑎᒃᑐᕐᒥᐅᑦ ᕿᑭᑦᑕᖓᓂ.
6.4.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑲᔪᓯᓗᑎᒃ ᐱᔭᕇᖅᑕᐅᖁᓗᒋᑦ ᐱᕝᕕᐅᕗᓐᓇᖅᑐᑦ ᖃᐅᔨᒋᐊᕐᑕᐅᓂᖏᑦ ᐃᑲᔪᖃᑎᒌᒡᓗᑎᒃ ᓯᓚᑐᕐᓴᕐᕕᒃᔪᐊᑦ, ᒐᕙᒪᑯᑦ ᐊᒻᒪᓗ ᐊᓯᖏᑦ ᐃᖃᓇᐃᔭᕐᕕᐅᔪ.
  2. ᑐᑭᓯᓇᖅᓯᑎᓪᓗᒋᑦ ᑕᓯᐅᑉ ᐊᐅᓚᓂᕆᖃᑦᑕᖅᑕᖓ ᑕᓯᐅᑉ ᐊᓐᓇᐅᒪᓂᕆᔭᖓ ᑕᓰᐊᓗᒥ.
  3. ᐱᔭᕇᕐᓗᒍ ᒥᕐᖑᐃᖅᓯᕐᕕᐅᑉ ᓄᓇᖑᐊᖓ ᐱᕈᖅᑐᖃᓂᖏᓂᑦ ᓇᓗᓇᐃᖅᓯᔪᑦ.
  4. ᓇᓗᓇᐃᕐᓗᒋᑦ ᐃᓂᓪᓗᐊᑕᕆᔭᐅᔪᑦ ᐃᖃᓗᖕᓄᑦ, ᐅᒥᖕᒪᖕᓄᑦ, ᖁᑦᑎᒃᑑᓪᓗ ᑐᑐᖏᓐᓄᑦ ᐊᕕᖓᓄᓪᓗ.
  5. ᑲᔪᓯᓗᑎᒃ ᒥᕐᖑᐃᖅᓯᕐᕕᖕᓂ ᐊᓐᓇᐅᒪᔾᔪᑏᑦ ᖃᐅᔨᒪᔭᐅᔪᑦ, ᐅᓂᑳᖅᑐᐊᑦ ᐊᒻᒪᓗ ᐅᖃᓕᒫᒐᓕᐊᖅᓯᒪᔪᑦ ᓴᖅᑭᑕᐅᓯᒪᓇᑎᒃ ᐅᖃᓕᒫᒐᓕᐅᖅᑕᐅᔪᑦ ᖁᑦᑎᒃᑑᑉ ᕿᑭᖅᑕᖓᓄᐊᖅᓯᒪᔪᓂᒃ (ᓲᕐᓗ ᐃᓄᐃᑦ, ᖃᖓᑕᓲᖅᑏᑦ, ᐅᓇᑕᖅᑐᒃᓴᐃᑦ). ᓄᐊᑦᑏᖏᓐᓇᕐᓗᑎᒃ ᖃᐅᔨᒪᔭᐅᔪᑦ ᒥᕐᖑᐃᖅᓯᕐᕕᐅ ᐊᓐᓇᐅᒪᓂᖓᓄᑦ ᐱᔾᔪᑎᓖᑦ, ᐃᓚᐅᑎᓪᓗᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᐃᓄᖕᓂᒃ ᐃᓄᒃᓱᓂᒡᖔᖅᑐᓂᒡᓗ.
  6. ᑐᓴᕈᑎᒃᓴᓕᐅᖅᑕᐅᔪᑦ ᐱᔭᐅᔪᓐᓇᕐᓗᑎᒃ ᖃᐅᔨᓴᖅᑎᓂᖔᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᖔᖅᑐᑦ ᑐᖅᑯᖅᑕᐅᕙᓪᓕᐊᓂᖏᑎᒍᑦ ᐅᓂᒃᑳᓕᐅᒐᔪᖕᓂᒃᑯᓪᓗ.
6.4.3 ᑭᒡᓕᓯᓂᐊᓂᒧᑦ ᖃᐅᔨᓴᕐᓂᖅ

ᖁᑎᓂᕐᐹᖁᑦᑎᓂᕐᐹᖅ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ ᐱᒻᒪᕆᐅᔪᒥᒃ ᐱᔭᒃᓴᕆᔭᖃᖅᐳᖅ ᕿᒥᕐᕈᐃᔭᕆᐊᖃᕐᓂᕐᒧᑦ ᐊᖓᔪᖅᑳᖑᔪᒧᓪᓗ ᐅᖃᐅᔾᔪᖅᑐᐃᔭᕆᐊᖃᕐᓂᖏᓐᓂᒃ ᐊᖏᖅᑕᐅᓇᓱᒃᑎᓪᓗᒋᑦ ᑭᒡᓕᓯᓂᐊᕐᓂᕐᒧᑦ ᖃᐅᔨᓴᖅᑐᓕᕆᔾᔪᑏᑦ ᓄᐊᑦᑎᔾᔪᒪᓂᕐᒧᓪᓗ ᐱᔪᓐᓇᐅᑏᑦFootnote 27. ᑲᑎᒪᔨᕋᓛᑦ ᐃᔭᐅᖅᑐᐃᕙᒃᐳᑦ ᑭᒡᓕᓯᓂᐊᖅᑏᑦ ᐃᑲᔪᖃᑎᒌᒋᐊᖃᕐᓂᖏᓐᓄᑦ ᖃᐅᔨᓴᖅᑕᐅᔪᖅ ᐃᑲᔪᖅᑕᐅᕚᓪᓕᖁᓪᓗᒍ ᐅᒃᑐᐃᑐᐃᓐᓇᕆᐊᖃᕐᓂᖏᓪᓗ ᒥᑭᒡᓕᕚᓪᓕᕆᐊᖁᓪᓗᒍᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ.

6.4.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᒃ ᐱᓕᕆᕝᕕᐅᓂᐊᖃᕐᓂᐊᖅᑐᖅ ᐃᑲᔪᖅᑐᐃᔾᔪᑎᐅᓛᖑᓗᓂᓗ ᑭᒡᓕᓯᓂᐊᕐᓂᒃᑯᑦ ᑐᑭᓯᒋᐊᕋᓱᖕᓂᒃᑯᓪᓗ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᔾᔪᑎᒋᕙᒃᑕᖏᓐᓂᒃ.

6.4.3.2 ᑐᕌᒐᕆᔭᕗᑦ
  1. ᑐᑭᓯᑎᑦᑏᖃᑕᐅᖕᒥᓗᑎᒃ ᓯᓚᔪᐊᑉ ᖁᑦᑎᒃᑐᖓ ᐊᒃᑐᖅᑕᐅᑐᐃᓐᓇᕆᐊᖃᕐᓂᖓᓄᑦ ᓯᓚᔪᐊᑉ ᐊᕙᑎᖓᑕ ᐊᑦᑕᕐᓇᖅᑐᖏᓐᓄᑦ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᔾᔪᑎᖏᓐᓄᑦ.
  2. ᒥᕐᖑᐃᖅᓯᕐᕕᓕᕆᓂᕐᒧᑦ ᐊᒃᑐᐊᖓᔪᑦ ᖃᐅᔨᒪᔭᐅᖏᑦᑐᑦ ᖃᐅᔨᒋᐊᖅᑕᐅᑎᓪᓗᒋᑦ.
  3. ᒥᕐᖑᐃᖅᓯᕐᕕᖕᓂ ᑭᒡᓕᓯᓂᐊᕐᓂᒧᑦ ᖃᐅᔨᓴᖅᓃᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᖃᐅᔨᓴᖅᑕᐅᖅᑳᖁᔨᔾᔪᑎᖏᓐᓄᑦ ᐃᑲᔪᖅᑐᐃᓗᑎᒃ.
  4. ᑭᒡᓕᓯᓂᐊᕐᓂᒧᑦ ᖃᐅᔨᓴᖅᑐᐃᓃᑦ ᒥᕐᖑᐃᖅᓯᕐᕕᖕᒥ ᐱᓕᕆᖃᑎᒌᒍᑎᐅᓕᑦᑎᐊᕐᓗᑎᒃ ᐊᓯᖏᓐᓄᑦ ᖃᐅᔨᓴᖅᑎᐅᔪᓄᑦ ᑲᑐᔾᔨᖃᑎᒌᓕᕐᓂᒃᑯᑦ.
  5. ᒥᕐᖑᐃᖅᓯᕐᕕᒃ ᐋᕿᒃᓯᒪᓂᖃᖁᓗᒍ ᑭᒡᓕᓯᓂᐊᕐᓂᕐᒧᑦ ᖃᐅᔨᓴᕐᕕᓗᐊᑕᐅᓗᓂ ᑐᑭᓯᔭᐅᓗᓂᓗ ᖁᑦᑎᒃᑑᑉ ᐊᕙᑎᖓᑕ ᐊᓐᓇᐅᒪᔾᔪᑎᒋᕙᒃᑕᖏᓐᓄᑦ.
6.4.3.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐱᒋᐊᕐᓗᒋᑦ ᕿᒡᓕᓯᓂᐊᕐᓂᒃᑯᑦ ᖃᐅᔨᓴᖅᑕᐅᖅᑳᕆᐊᓖᑦ ᐸᕐᓇᐅᑎᖓ, ᑐᓴᕆᐊᕕᒋᓗᒋᑦ ᐅᑭᐅᖅᑕᖅᑐᕐᒥᐅᑦ ᖃᐅᔨᓴᖅᑎᖏᑦ ᐃᓄᐃᓪᓗ, ᖃᐅᔨᒪᔭᐅᓂᖃᕐᕕᐅᖏᑦᑐᑦ ᐊᑐᕐᓗᒋᑦ ᓇᓗᓇᐅᖅᑕᐅᓯᒪᓪᓗᑎᒃ ᒥᕐᖑᐃᖅᓯᕐᕕᐅᑉ ᖃᐅᔨᓴᐃᓂᕐᒧᑦ ᓇᓗᓇᐃᔭᖅᑕᖏᑦ ᖃᐅᔨᓵᖏᑦ.
  2. ᐅᖃᐅᔾᔪᖅᑕᐅᔪᒪᓗᑎᒃ ᑲᑐᔾᔨᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᑎᒪᔨᕋᓛᒃᑯᖏᓐᓂ ᖃᐅᔨᓴᖅᑕᐅᖅᑳᖁᔭᐅᔪᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ.
  3. ᑲᔪᖏᖅᓴᕐᓗᒋᑦ ᑲᓇᑕᒥᐅᑉ ᓯᓚᔪᐊᕐᒥᐅᓗ ᑭᒡᓕᓯᓂᐊᖅᑐᓕᕆᔨᖏᑦ, ᑭᒡᓕᓯᓂᐊᖅᑐᓕᕆᓂᕐᒧᑦ ᑲᑐᔨᖃᑎᒌᑦ ᐊᒻᒪᓗ ᐃᓕᓐᓂᐊᕐᕕᒡᔪᐊᑦ ᒥᕐᖑᐃᖅᓯᕐᕕᒃ ᖃᐅᔨᓴᖃᑦᑕᕐᕕᐅᖁᓪᓗᒍ ᐱᓕᕆᒋᐊᖁᓪᓗᒋᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᖃᐅᔨᓴᖅᑕᐅᖅᑳᖁᔭᖏᑦ.
  4. ᐱᓕᕆᖃᑎᒌᑦᑎᐊᕈᓐᓇᕐᓃᑦ ᐱᓕᕆᖃᑎᒌᖏᓐᓇᕐᓃᓪᓗ ᓴᙱᒃᑎᒋᐊᕐᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᓐᓂ ᐊᒻᒪᓗ ᐅᑭᐅᖅᑕᖅᑐᕐᒥᐅᑦ ᑭᔾᔭᖓᓂ ᐱᓕᕆᕙᓪᓕᐊᔩᑦ (ᑲᓇᑕᐅᑉ ᓄᓇᒥᐅᑕᓕᕆᔨᒃᑯᑦ) ᖃᐅᔨᓴᖅᑐᐃᕙᓪᓕᐊᖃᑎᒌᑦᑎᐊᖁᓪᓗᒍᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᖁᑦᑎᒃᑐᖓᓂ.
  5. ᑲᑐᔨᖃᑎᒌᒃᐹᓪᓕᕆᐊᖅᑎᓪᓗᒋᑦ ᓄᓇᓕᒥᐅᑦ, ᐊᕕᒃᓯᒪᓂᒃᑯᑦ, ᑲᓇᑕᒥ, ᓯᓚᔪᐊᕐᒥᓪᓗ ᑭᒡᓕᓯᓂᐊᕐᓂᕐᒧᑦ ᑲᑐᔨᖃᑎᒌᑦ ᖃᐅᔨᓴᖅᐸᓪᓕᐊᓂᖅ ᐊᖏᒡᓕᒋᐊᖅᑕᐅᕚᓪᓕᖁᓪᓗᒍ.
  6. ᐃᑲᔪᖅᑐᕐᓗᒋᑦ ᐱᓕᕆᖃᑎᒌᒍᓐᓇᕐᓂᖏᑦ ᐃᓄᐃᑦ ᑭᒡᓕᓯᓂᐊᕐᓂᕐᒧᓪᓗ ᖃᐅᔨᓴᖅᑏᑦ, ᐊᑐᖅᑕᐅᓕᖅᐹᓪᓕᖁᓪᓗᒍ ᐃᓄᐃᑦ ᖃᐅᔨᒪᔭᑐᖃᖏᑦ ᑐᓴᖅᑎᔾᔪᑎᐅᓂᐊᕐᒪᑕ ᐃᓕᔭᐅᓗᑎᒡᓗ ᑭᒡᓕᓯᓂᐊᖅᑐᓕᕆᓂᕐᒧᑦ ᖃᐅᔨᓴᖅᑐᐃᓂᕐᒧᑦ. ᐃᓚᐅᖏᓐᓇᖁᓗᒋᑦ ᐃᓄᐃᑦ ᖃᐅᔨᓴᐃᔪᓄᑦ.
  7. ᒥᕐᖑᐃᖅᓯᕐᕕᖕᒥ ᑭᒡᓕᓯᓂᐊᕐᓂᕐᒧᑦ ᖃᐅᔨᓴᖅᑐᐃᓂᐊᖅᑐᑦ ᑐᓴᖅᑎᑦᑎᔭᕆᐊᖃᖁᓗᒋᑦ ᖃᐅᔨᓴᖅᓯᒪᓕᖅᑕᖏᓐᓂᒃ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ.
6.4.4 ᐆᒪᔪᑦ ᓄᖑᑐᐃᓇᕆᐊᖃᓂᖏᓄ ᐊᑕᕐᓇᑐᒦᑦᑐᑦ

ᑭᒡᓕᓯᓂᐊᕐᓂᕐᒧᑦ ᖃᐅᔨᓴᖅᑐᓕᕆᓂᐅᑉ ᐃᓚᖓ ᐊᒻᒪᓗ ᓇᐅᑦᑎᖅᓱᐃᕙᓪᓕᐊᔾᔪᑏᑦ ᐅᖃᖅᓯᒪᓕᕇᕐᒪᑕ ᐱᔾᔪᑎᖃᓗᐊᕐᓂᐊᕐᓂᕋᐃᓪᓗᑎᒃ ᐆᒪᔪᓂᒃ ᐊᑦᑕᕐᓇᖅᑐᒦᑐᐃᓐᓇᕆᐊᖃᕋᓱᒋᔭᐅᔪᓂᒃ ᓇᓗᓇᐃᖅᑕᐅᓯᒪᔪᑦ ᑲᓇᑕᐅᑉ ᐆᒪᔪᑦ ᓄᖑᑐᐃᓐᓇᕆᐊᖃᕋᓱᒋᔭᐅᓕᖅᑐᑦ ᑲᑎᒪᔨᖏᓐᓂᒃ ᐊᓯᖏᓪᓗ ᐊᑦᑕᕐᓇᖅᑐᒦᑐᐃᓐᓇᕆᐊᓖᑦ ᐆᓚᔪᑦ ᐱᔾᔪᑎᒋᓪᓗᒋᑦ. ᒪᓐᓇ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ, ᐅᑯᐊᖑᓂᕋᖅᑕᐅᔪᑦ: ᐃᔾᔪᖅ, ᖃᖁᓪᓗ ᓇᐅᔭᑦ, ᑭᒡᒐᕕᐊᕐᔪᒃ, ᑐᒑᓕᒃ ᕿᓚᓗᒐᑦ, ᓇᓄᐃᑦ ᖁᑦᑎᒃᑑᓪᓗ ᑐᑐᖏᑦ.

6.4.4.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᒃ ᐃᑲᔪᖅᑐᐃᓂᐊᖅᑐᖅ ᓄᓇᓕᖕᒥᐅᑦ ᑲᓇᑕᒥᐅᓪᓗ ᑭᒡᓕᓯᓂᐊᕐᓂᕐᒧᑦ ᖃᐅᔨᓴᖅᑎᖏᓐᓄᑦ ᐅᑎᖅᑏᒋᐊᖅᑎᑦᑎᓐᓂᕐᒧᓪᓗ ᓄᖑᑐᐃᓐᓇᕆᐊᖃᕋᓱᒋᔭᐅᔪᑦ ᐆᒪᔪᓂᒃ ᐱᓕᕆᔭᐅᔪᓄᑦ.

6.4.4.2 ᑐᕌᒐᕆᔭᕗᑦ
  1. ᐃᑲᔪᖅᑐᐃᓗᑎᒃ ᑐᑭᓯᕚᓪᓕᕆᐊᕐᓂᕐᒧᑦ ᐆᒪᔪᑦ ᓄᖑᑐᐃᓐᓇᕆᐊᖃᕐᓂᖏᓐᓄᑦ ᐊᑦᑕᕐᓇᖅᑐᒦᑦᑐᑦ ᐊᓐᓇᐅᒪᔾᔪᑎᒋᕙᒃᑕᖏᓐᓂᒃ.
  2. ᐃᑲᔪᖅᑐᐃᓗᑎᒃ ᐆᒪᔪᑦ ᓄᖑᑐᐃᓐᓇᕆᐊᖃᕐᓂᖏᓐᓄᑦ ᐊᑦᑕᕐᓇᖅᑐᒦᑦᑐᑦ ᐱᓕᕆᔭᐅᑎᓪᓗᒋᑦ ᐃᓚᐅᑦᑎᐊᒻᒪᕆᒡᓗᑎᒃ ᐅᑎᖅᑏᑎᑦᑎᒋᐊᕋᓱᒃᑐᓄᑦ.
  3. ᖃᐅᔨᒋᐊᖅᑎᐅᓂᐊᖅᑐᑦ ᐆᒪᔪᑦ ᓄᖑᑐᐃᓐᓇᕆᐊᖃᖅᑐᒦᓐᓂᕋᖅᑕᐅᔪᑦ ᐃᓂᖏᓪᓗ ᓴᐳᔾᔭᐅᓯᒪᑦᑎᐊᕐᒪᖔᑕ.
6.4.4.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑎᑎᕋᐅᓯᕆᓗᒋᑦ ᑕᑯᕙᓪᓕᐊᔭᐅᔪᑦ ᐆᒪᔪᑦ ᓄᖑᑐᐃᓐᓇᕆᐊᖃᕐᓂᕋᖅᑕᐅᔪᒦᑦᑐᑦ ᑎᑎᕋᖅᑕᐅᓯᒪᓕᖅᑐᓪᓗ ᑐᓴᐅᒪᖃᑎᒌᒍᑎᒋᓗᒋᑦ ᓄᖑᑐᐃᓐᓇᕆᐊᖃᕋᓱᒋᔭᐅᔪᓄᑦ ᓴᐳᔾᔨᔨᐅᖕᒥᔪᓄᑦ ᐊᐅᓚᑦᑎᔨᐅᔪᓄᓪᓗ.
  2. ᖃᐅᔨᓴᕐᓗᒋᑦ ᓇᓃᓪᓗᐊᑕᖅᐸᒪᖔᑕ ᐆᒪᔪᑦ ᓄᖑᑐᐃᓐᓇᕆᐊᖃᕋᓱᒋᔭᐅᓕᖅᓯᒪᔪᑦ.
  3. ᖃᐅᔨᓴᓗᒋᑦ ᖃᓄᒃᑲᓐᓂᖅ ᓴᐳᔾᔭᐅᔪᓐᓇᕆᐊᒃᓴᖏᓐᓂᒃ ᐆᒪᔪᑦ ᓄᖑᑐᐃᓐᓇᕆᐊᖃᕋᓱᒋᔭᐅᔪᑦ ᐃᓂᖏᑦ.
  4. ᐃᓚᐅᓪᓚᑦᑖᖅᐸᒡᓗᑎᒃ ᐆᒪᔪᑦ ᓄᖑᑐᐃᓐᓇᕆᐊᖃᕋᓱᒋᔭᐅᔪᑦ ᐅᑏᖅᑎᑕᐅᒋᐊᕈᑎᖓᑕ ᐱᓕᕆᖃᑎᒌᖏᓐᓄᑦ.
6.4.5 ᐊᓐᓇᐅᒪᔾᔪᑎᐅᕙᒃᑐᑦ ᓇᐅᑦᑎᖅᓱᖅᑕᐅᕙᓪᓕᐊᓂᖏᓐᓄᑦ

ᖁᑦᑎᖕᓂᖅᐹᒥ ᐊᓐᓇᐅᒪᔾᔪᑎᒧᑦ ᓇᐅᑦᑎᖅᓱᐃᖅᑕᐅᕙᓪᓕᐊᓂᖅ ᐅᑯᓂᖓ ᐱᔾᔪᑎᖃᖅᐳᖅ;

  • ᖃᐅᔨᒋᐊᕐᓗᒋᑦ ᐊᓐᓇᐅᒪᔾᔪᑎᐅᕙᒃᑑᑉ ᖃᓄᐃᓕᖓᓂᖓ ᒥᕐᖑᐃᖅᓯᕐᕕᖕᒥ.
  • ᖃᐅᔨᒋᐊᕐᓗᒋᑦ ᐅᓂᒃᑳᓕᐅᕈᑎᒋᓗᒋᓪᓗ ᐊᒃᑐᖅᑕᐅᔾᔪᑏᑦ ᐊᒃᓱᕈᕐᓇᖅᑐᓄᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕕᖓᓂ.
  • ᑐᓴᐅᒪᑎᑦᑎᔾᔪᑎᒋᖁᓪᓗᒍᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᓂᖓᑕ ᖃᓄᐃᓕᖓᓂᖓ ᒥᕐᖑᐃᖅᓯᕐᕕᓕᕆᔨᒃᑯᑦ ᐅᖃᐅᓯᖃᕆᐊᖃᖅᑎᓪᓗᒋᑦ; ᐊᒻᒪᓗ
  • ᖃᐅᔨᓴᕐᓗᒋᓪᓗ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᒋᐊᖅᑎᑕᐅᔪᑦ ᐊᔪᖏᑦᑎᐊᕋᓗᐊᕐᒪᖔᑕ.

ᑐᓴᕋᑏᑦ ᑲᑎᑕᐅᔪᑦ ᖃᐅᔨᓴᖅᑕᐅᓯᒪᔪᓪᓗ ᐊᓐᓇᐅᒪᔾᔪᑎᓕᕆᓂᕐᒧᑦ ᓇᐅᑦᑎᖅᓲᑎᓕᕆᓂᕐᒥ ᖃᐅᔨᓴᕈᓐᓇᖅᓯᔾᔪᑎᐅᓂᐊᖅᑐᖅ ᑕᒪᑐᒧᖓ ᐸᕐᓇᐅᑎᒧᑦ ᓯᕗᓂᒃᓴᑦᑎᓐᓂ ᒥᕐᖑᐃᖅᓯᕐᕕᐅᑉ ᖃᓄᐃᓕᖓᓂᖓᓄᑦ ᐅᓂᒃᑳᓕᐊᒥ.

2007ᒥ, ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐊᓐᓇᐅᒪᔾᔪᑎᓕᕆᓂᕐᒧᑦ ᓇᐅᑦᑎᖅᓱᐃᔾᔪᑎᖃᖅᑐᑦ. ᓇᐅᑦᑎᖅᓱᐃᔾᔪᑎ ᐊᑭᓴᖅᑐᐃᓂᖅᓴᐅᓕᕆᐊᖃᕐᓂᖓ ᐊᖏᒡᓕᒋᐊᖅᑕᐅᔭᕆᐊᓕᒃ ᒪᓕᒐᕆᔭᖏᓪᓗ ᐋᖅᑭᒃᑕᐅᑦᑎᐊᕐᓗᑎᒃ ᒪᓕᒡᓗᒍ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᓇᐅᑦᑎᖅᓱᐃᕙᓪᓕᐊᓂᖏᓐᓄᑦ ᐊᑐᖃᑦᑕᖅᑕᖏᓐᓂᒃ.

6.4.5.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐱᒻᒪᕆᐅᔪᑦ ᖃᓄᐃᓕᖅᑐᒧᑦ ᖃᐅᔨᔾᔪᑏᑦ ᐊᓐᓇᐅᒪᔾᔪᑏᑦ ᑭᒡᒐᖅᑐᖅᑕᐅᔭᕆᐊᖃᕈᑎᖏᓐᒃᓂ ᖃᐅᔨᒋᐊᖅᑕᐅᓂᐊᖅᑐᑦ ᐊᑐᖅᑕᐅᓂᐊᖅᑐᓪᓗ ᐅᓂᒃᑳᓕᐅᕈᑎᐅᖢᑎᒃ ᒥᕐᖑᐃᖅᓯᕕᐅᑉ ᐊᓐᓇᐅᔾᔪᑎᖓᑕ ᑭᒡᒐᖅᑐᖅᑕᐅᔾᔪᑎᖓᓄᑦ.

6.4.5.2 ᑐᕌᒐᕆᔭᕗᑦ
  1. ᑐᓴᕈᑏᑦ ᐱᔭᐅᓗᑎᒃ ᐅᓂᒃᑳᓕᐅᕈᑕᐅᔪᓇᓂᐊᑐᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᔾᔪᑎᖓᑕ ᑭᒡᒐᖅᑐᖅᑕᐅᔾᔪᑎᒃᓴᖓᑕ ᖃᓄᐃᓕᖓᓕᓂᖓᓄ.
  2. ᑐᑭᓯᔭᐅᒃᑲᓐᓂᖁᓪᓗᒍ ᖃᓄᐃᑦᑑᓂᕆᔭᖓ ᖁᑦᑎᒃᑑᑉ ᐅᑭᐅᖅᑕᖅᑐᖓᑕ ᐊᓐᓇᐅᒪᓂᖓ ᐃᑲᔪᖅᑐᐃᔾᔪᑎᒋᓗᒍ ᑲᓇᑕᓕᒪᕐᒥ ᓯᓚᔪᐊᒥᓗ ᓇᐅᑦᑎᖅᓱᖅᑏᑦ ᑲᑐᔾᔨᖃᑎᒌᖏᓐᓄᑦ.
  3. ᑐᑭᓯᔭᐅᕚᓪᓕᖁᓗᒋᑦ ᓯᓚᕐᔪᐊᒥᙶᖅᑐᑦ ᐊᕙᑎᒧᑦ ᐊᑦᑕᕐᓇᖅᓯᑐᐃᓐᓇᕆᐊᓖᑦ ᐃᑲᔪᖅᑐᐃᓂᒃᑯᑦ ᓯᓚᕐᔪᐊᕐᒥᐅᑦ ᖃᐅᔨᒪᔭᓕᕆᓂᖏᓐᓄᑦ.
  4. ᐅᔾᔨᕈᓱᓕᖅᑎᑦᑎᒋᐊᕈᑎᐅᓗᓂ ᓯᓚᕐᔪᐊᕐᒥᙶᖅᑐᒃ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔭᕆᐊᖃᕐᓂᖓᓄᑦ ᐊᑦᑕᕐᓇᖅᓯᑐᐃᓐᓇᕆᐊᓖᑦ.
  5. ᐃᑲᔪᕐᓗᒋᑦ ᐃᓱᓕᒪᓕᐅᖅᑎᓪᓗᒋᑦ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ, ᐊᕕᒃᓯᒪᓂᒃᑯᑦ, ᑲᓇᑕᒥᐅ ᓯᓚᔪᐊᕐᒥᐅᓗ ᓇᐅᑦᑎᖅᓱᕈᑎᐅᔪᑦ ᑐᓴᒐᒃᓴᓕᐅᖅᑕᐅᔪᑦ ᐱᔭᐅᔪᓐᓇᖅᓯᑎᑕᐅᓂᖏᒍ.
6.4.5.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᓴᖅᑭᑦᑏᓗᑎᒃ ᖃᓄᐃᓕᖅᑐᒧᑦ ᖃᐅᔨᔾᔪᑎᒃᓴᓂᒃ ᑐᕌᒐᐅᓂᐊᖅᑐᓪᓗ ᐊᓐᓇᐅᒪᔾᔪᑏᑦ ᑭᒡᒐᖅᑐᖅᑕᐅᔾᔪᑎᒃᓴᖓᓄᑦ ᐃᓕᔭᐅᓗᑎᒡᓗ ᐊᖏᖃᑎᒌᒍᑎᒃᓴᑦ ᓯᕗᓂᒃᓴᑐᖄᓗᖕᒧᑦ ᓇᐅᑦᑎᖅᓲᑎᐅᓂᐊᖅᑐᓂᒃ.
  2. ᐃᓕᔭᐅᓗᑎᒃ ᐊᖏᖃᑎᒌᒍᑏᑦ ᑐᓴᐅᒪᖃᑎᒌᒍᑎᐅᔪᓪᓗ ᑐᖅᑯᖅᑕᐅᓯᒪᔪᖅ ᑲᓇᑕᒥ ᓯᓚᕐᔪᐊᕐᒥᓪᓗ ᐅᑭᐅᖅᑕᖅᑐᖓᑕ ᑲᑐᔾᔨᖃᑎᒌᖏᓐᓄᑦ (ᓲᕐᓗ ᐊᓐᓇᐅᒪᔾᔪᑎᓕᕆᓂᕐᒧᑦ ᓇᐅᑦᑎᖅᓱᖅᑏᑦ ᖃᐅᔨᒋᐊᖅᑏᓪᓗ ᑲᑐᔾᔨᖃᑎᒌᖏᓐᓄᑦ-ᑐᓄᕕᐊᒥᐅᓄᑦ: ᓯᓚᕐᔪᐊᕐᒥ ᐅᑭᐅᖅᑕᖅᑐᕐᒦᑦᑐᑦ ᖃᐅᔨᒋᐊᖅᑏᑦ).
  3. ᐃᓚᐅᑎᓪᓗᒋᑦ ᓇᐅᑦᑎᖅᓱᐃᔾᔪᑎᒧᑦ ᐱᒋᐊᖅᑕᐅᔪᖅ ᑐᑭᓯᐅᒪᓪᓗᒋᑦ ᐊᒃᑐᖅᑕᐅᔾᔪᑏᑦ ᓯᓚᕐᔪᐊᒥᖔᖅᑐᑦ ᓄᓇᓕᖕᓂᓪᓗ ᐊᒃᓱᕈᕐᓇᖅᑐᓕᐊᑦ ᒥᕐᖑᐃᖅᓯᕐᕕᐳᑉ ᐊᓐᓇᐅᒪᔾᔪᑎᖓᓄᑦ ᓇᐅᑦᑎᖅᓱᖅᑕᐅᔾᔪᑎᓕᕆᔾᔪᑎᖓᓂ.
  4. ᑐᓴᐅᒪᖃᑎᒌᒍᑎᒋᓗᒋᑦ ᑕᒪᑐᒪᐅᑉ ᐊᔾᔨᖏᑦ ᑐᓴᖅᑕᐅᕙᓪᓕᐊᔪᑦ ᓯᓚᕐᔪᐊᒥᙶᖅᑐᑦ ᐊᑦᑐᐃᑐᐃᓐᓇᕆᐊᓖᑦ ᓄᓇᓕᖕᒥᐅᓄᑦ ᑲᓇᑕᒧᑦ ᓯᓚᕐᔪᐊᕐᒥᐅᓄᓪᓗ.

6.5 ᐊᓐᓇᐅᒪᕝᕕᖕᓂ ᖃᓄᐃᓕᔪᖃᓕᖅᑎᓪᓗᒍ ᖃᐅᔨᔾᔪᑏᑦ ᑐᕌᒐᕆᔭᐅᔪᓪᓗ

ᖃᓄᐃᓕᓕᖅᑐᒧᑦ ᖃᐅᔨᔾᔪᑏᑦ ᖁᑦᑎᖕᓂᖅᐹᑉ ᐊᓐᓇᐅᒪᕕᖓᑕ ᑭᒡᒐᖅᑐᖅᑕᐅᕝᕕᖓi ᑎᑎᕋᖅᑕᐅᓯᒪᔪᑦ ᑎᑎᕋᕐᕕᒃ 1ᒥ. ᐅᓄᖅᑐᑦ ᐊᒃᓱᕈᕐᓇᖅᑐᑦ ᐊᒃᑐᐃᑐᐃᓐᓇᕆᐊᖃᕋᓱᒋᔭᐅᓪᓗᑎᒃ ᖁᑦᑎᖕᓂᖅᐹᒧᑦ ᓯᓚᕐᔪᐊᒥᖔᖅᓯᒪᖕᒪᑕ, ᓴᖅᑭᑉᐸᓪᓕᐊᔪᑦ ᐊᖏᔫᑎᐅᓪᓗᑎᒃ ᓯᐊᒻᒪᒃᓯᒪᐅᖅᖢᑎᒡᓗ. ᑖᒃᑯᐊ, ᖃᐅᔨᒋᐊᕈᑏᑦ ᑎᑎᕋᖅᑕᐅᓯᒪᔪᑦ ᐋᖅᑭᒃᑕᐅᓯᒪᖏᒻᒪᑕ ᖃᐅᔨᑎᑦᑏᓪᓚᕆᒍᓐᓇᕐᓂᖏᓐᓂᒃ ᐊᓯᔾᔨᕐᔪᐊᓕᖅᑐᒥᒃ ᐊᕐᕌᒍᑦ ᑕᓪᓕᒪᐅᑉ ᐃᓗᐊᓂ. ᓂᕆᐅᒋᔭᐅᔪᖅ ᐊᕐᕌᒍᓄᑦ ᐅᓄᒃᑲᓐᓂᖅᑐᓄᑦ, ᖃᐅᔨᔾᔪᑎᐅᓂᐊᕋᓗᐊᖅᖢᑎᒃ ᐃᓕᖅᑯᓯᕆᔭᐅᓕᖅᑐᒧᑦ ᐊᓯᔾᔨᕐᔪᐊᓕᖅᑐᓄᓪᓗ ᓯᓚᕐᔪᐊᑦᑕ ᐊᕙᑎᖓᓂ. ᒥᕐᖑᐃᖅᓯᕐᕕᖕᒧᑦ ᖃᓄᖅᑑᕈᑎ ᖃᓄᖅᑑᕈᑎᒋᓪᓗᒋᑦ ᓯᓚᕐᔪᐊᕐᒥᙶᖅᑐᑦ ᐊᒃᓱᕈᓐᓇᖅᑐᑦ ᐅᔾᔨᕈᓱᓕᕈᑎᒋᐊᕐᒪᑕ ᐃᓄᓕᒫᑦ ᑲᑎᒪᔾᔪᑎᖏᓐᓂ ᐱᓕᕆᓂᖏᑎᒍᓪᓗ ᑐᓴᖅᑎᑕᐅᒍᑎᒃ ᓴᖅᑭᑕᐅᔪᓂᒃ ᓯᓚᕐᔪᐊᕐᒥᐅᑦ ᐃᓄᖏᑦ. ᐊᓐᓇᐅᒪᔾᔪᑎᒧᑦ ᓇᐅᑦᑎᖅᓱᐃᓂᕐᒧᑦ ᖃᓄᖅᑑᕈᑎ ᑕᐅᑐᖕᓂᖃᕐᓂᐊᖅᑐᑦ ᓯᓚᕐᔪᐊᒥ ᖁᑦᑎᓂᕐᐹᖅ ᐱᒻᒪᕆᐅᓂᖓᓂ ᓯᕗᓪᓕᖅᐹᖑᓪᓗᓂ ᖃᐅᔨᑎᑦᑎᕙᖕᒪᑦ ᐊᕙᑎᕗᑦ ᐊᓯᔾᔨᖅᐸᓪᓕᐊᓕᖅᑎᓪᓗᒍ ᓯᓚᕐᔪᐊᑉ ᐅᑭᐅᖅᑕᖅᑐᖓᓂ ᐊᒻᒪᓗ ᒥᑭᑦᑐᒥᒃ ᓄᓇᓕᖕᓃᑦᑐᑦ ᐊᒃᑐᐃᕙᓪᓕᐊᖕᒪᑕ ᒥᕐᖑᐃᖅᓯᕐᕕᖕᒧᑦ ᐊᒃᑐᐊᖓᒐᔭᖅᑐᑦ.

ᑲᓇᑕᒥ ᐱᒋᐊᖅᑎᑦᑎᓂᖅ, ᑲᑐᔾᔨᖃᑎᖃᖅᖢᑎᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᑦ ᐅᑭᐅᖅᑕᖅᑐᕐᒥᐅᑦ ᐊᕕᒃᓯᒪᓂᖓᒍᑦ ᓇᐅᑦᑎᖅᓱᖅᐸᓪᓕᐊᔪᓕᕆᔩᑦ, ᐊᓐᓇᐅᒪᔾᔪᑏᑦ 7 ᓂᕈᐊᖅᑕᐅᓚᐅᕐᒪᑕ ᓇᓗᓇᐃᒃᑯᑎᐅᔪᒪᓪᓗᑎᒃ ᒥᕐᖑᐃᖅᓯᕐᕕᖓᓄᑦ. ᑖᒃᑯᐊ 7 ᓇᓗᓇᐃᒃᑯᑕᐃᑦ ᐃᓗᐊᓂ, ᐊᕐᕕᓂᓖᑦ ᑐᕌᖓᓂᖃᖅᑐᑦ ᖁᑦᑎᖕᓂᖅᐹᒧᑦ: ᓇᐹᖅᑐᖃᕈᓐᓇᖏᑦᑐᖅ ᓄᓇ, ᐃᒪᖅ, ᓯᕐᒥᒃ/ᐊᐅᓱᐃᑦᑐᑦ, ᓯᒡᔭᑦ, ᐃᒪᕐᒥᐅᑕᑦ, ᐃᒪᖅᓱᖕᒥᐅᑕᓪᓗ. ᓇᓗᓇᐃᒃᑯᑎᑖᖑᔪᑦ ᐱᒋᐊᕈᑎᐅᓂᐊᖅᑐᑦ ᐊᓐᓇᐅᒪᔾᔪᑏᑦ ᕿᒡᒐᖅᑐᖅᑕᐅᓂᕆᔭᖏᓐᓂᒃ ᖃᐅᔨᒋᐊᕈᑎᐅᓗᑎᒡᓗ ᖁᑦᑎᖕᓂᖅᐹᒥ. ᐱᒋᐊᕐᖓᕈᑎᐅᓂᐊᖅᑐᖅ, ᖃᓄᐃᓕᖓᓂᐅᔪᖅ ᐊᓐᓇᐅᒪᔾᔪᑏᑦ ᑭᒡᒐᖅᑐᖅᑕᐅᔾᔪᑎᖓᓄᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᖅ ᐊᑐᕐᓗᑎᒃ ᓇᓗᓇᐃᔭᖅᑕᐅᓯᒪᔪᖅ ᑎᑎᕋᕕᒃ 1ᒥ. ᐊᐅᓚᔾᔭᒋᐊᕈᑎ ᓇᓗᓇᐅᒃᑯᑕᖅᑖᓄᑦ ᖃᓄᐃᓕᖅᑐᒧᑦ ᐋᖅᑭᒃᑕᐅᓂᐊᖅᑐᑦ ᓈᒻᒪᒋᔭᐅᔪᒥ, ᐃᓚᐅᑎᓪᓗᒋᑦ ᐊᖏᖃᑎᒌᒍᑏᑦ ᖃᐅᔨᖅᑕᐅᓯᒪᔪᓪᓗ, ᑐᓴᖅᑎᑦᑎᔾᔪᑎᓪᓚᕆᐅᓂᐊᖅᑐᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖓᑕ ᑭᒡᒐᖅᑐᖅᑕᐅᔾᔪᑎᒋᔭᖓᓄᑦ.

ᑕᑯᑎᑦᑎᔾᔪᑎ 8. ᑐᑦᑖᓪᓚᒋᐊᕈᑎ ᐊᓐᓇᐅᒪᔾᔪᑎᓕᕆᓂᕐᒧᑦ ᓯᓚᕐᔪᐊᑉ ᐅᑭᐅᖅᑕᖅᑐᖏᑕ ᐊᕙᑎᖓᓂ

2002ᒥ, ᖃᐅᔨᓴᖅᑐᓕᕆᔨᒻᒪᕇᑦ ᖃᐅᔨᓴᖅᐸᓪᓕᐊᑎᓪᓗᒋᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕕᖓᑕ ᓯᒡᔭᖅᐸᓯᖏᓐᓂᒃ ᑕᑕᒥᓐᓇᖅᑐᒥᒃ ᖃᐅᔨᓚᐅᑐᑦ: ᐱᒋᐊᕐᕕᐅᑉ ᓯᑯᐊᓗᐊ ᐊᐅᓱᐃᑦᑐᖅ- ᓯᑯ ᐊᖏᓂᕐᐸᖑᔪᖅ ᐅᑭᐅᖅᑕᖅᑑᑉ ᓄᓇᖓᓂ - ᓱᕋᑦᑎᖅᑐᐊᓘᓕᓚᐅᕐᒪᑦ. ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕕᖓ ᐊᓯᐊᔨᑲᐅᑎᒋᓪᓗᓂ ᐊᓐᓇᐅᒪᔾᔪᑎᖓᑕ ᐃᓚᖓᓂ ᓱᕋᑦᑎᕙᓪᓕᐊᔪᐊᓘᓕᖅᑎᓪᓗᒍ.

ᐊᓐᓇᐅᒪᕕᒃ ᐊᓯᐅᔨᔭᐅᔪᖅ ᐊᔾᔨᐅᖏᒻᒪᕆᒃᖢᓂ ᑕᕆᐅᖑᖏᑐᖅ ᐃᒪᖅ. ᑕᓇ ᓯᕐᒥᐅᑉ ᖄᖓᓂ ᑕᓯᙳᖅᓯᒪᔪᑐᖄᓗᒃ - ᐃᒪᖅ ᑕᕆᐅᕕᐅᑉ ᐃᒪᕕᖓᑕ ᖄᖓᓂ ᐳᑦᑕᓛᖅᐸᒃᑐᖅ - ᓯᒥᒃᑕᐅᓯᒪᓪᓗᓂ ᐱᒋᐊᕐᕕᐅᑉ ᓯᑯᐊᓗᐊᓄᑦ. ᑖᓇ ᑕᓯᖅ, ᑎᔅᕋᐃᓕ ᓯᒡᔭᕆᒃᑐᓃᓚᐅᖅᑐᖅ, ᑖᓇ ᑕᑯᔭᐅᒐᔪᖏᒻᒪᕆᒃᑐᖅ ᐅᑭᐅᖅᑕᖅᑑᑉ ᓄᓇᖓᓂ ᐊᓐᓇᐅᒪᕕᒃ ᐊᔾᔨᐅᖏᑦᑐᓂᒃ ᐃᒫᓂ ᐆᒪᔪᖃᐅᖅᖢᓂ. ᖃᐅᔨᓴᖅᑎᒻᒪᕇᑦ ᐸᓴᒍᓱᒃᑐᑦ ᐃᒻᒪᖄ ᐃᔨᓄ ᑕᑯᒃᓴᐅᖏᑦᑐᓂᒃ ᐆᒪᔪᖃᓚᐅᕆᐊᒃᓴᖓᓂᒃ ᓱᓕ ᖃᐅᔨᔭᐅᓚᐅᖅᓯᒪᖏᑦᑐᑦ ᑭᒡᓕᓯᓂᐊᑎᓄᑦ. ᐊᖏᓂᖅᐹᖑᓚᐅᖅᑐᖅ ᓯᕐᒥᐅᑉ ᖄᖓᓂ ᑕᓯᑐᖄᓗᒃ ᑐᑭᓯᐅᒪᔭᐅᓛᖑᓪᓗᓂᓗ ᓯᓚᐊᕐᔪᐊᑉ ᑐᓄᕕᐊᑕ ᐅᑭᐅᖅᑕᖅᑐᖓᓂ. ᑖᓐᓇ ᑕᓯᖅ ᐊᓯᐅᓚᐅᑐᖅ ᑕᐃᓐᓇ ᐊᐅᓱᐃᑦᑐᖅ ᓯᑯᑐᖄᓗᒃ ᓄᑎᒃᑐᐊᓘᖕᒪᑦ ᐃᒪᖅ ᓯᒥᒍᑎᓯᒪᐃᓐᓇᖅᑐᖅ (3 ᐱᓕᐊᓐ ᑭᒃᐸᕆᓯᓯᒪᔪᑦ ᒦᑕᐃᑦ ᐃᒪᖃᖅᑎᒋᔪᖅ), ᑯᕕᓚᐅᖅᑎᓪᓗᒍ ᐅᑭᐅᖅᑕᖅᑐᑉ ᑕᕆᐅᕕᖓᓄᑦ.

ᖃᐅᔨᓴᖅᑐᓕᕆᔨᒻᒪᕇᖅ ᓇᓚᐅᑦᑖᓚᐅᖅᑐᑦ 90%ᒥᒃ ᓯᕐᒥᒃ ᒥᑭᒡᓕᒋᐊᖅᓯᒪᓂᕋᖅᑕᐅᓕᖅᖢᓂ ᑕᐃᒪᓐᖓᑦ ᕌᐳᑦ ᐱᐅᕆ ᐅᑭᖅᑕᖅᑐᒧᐊᓚᐅᖅᓯᒪᑎᓪᓗᒍ 1900 ᐊᕐᕌᒍᖓᑕ ᐱᒋᐊᕐᓂᐸᓯᖓᓂ. ᓯᓚᐅᑉ ᖃᓄᐃᓕᖓᓂᖏᑦ ᐊᓘᑦᒥ ᑎᑎᕋᖅᑕᐅᓯᒪᔪᑦ, ᐃᓚᐅᑎᖦᖢᒋᑦ ᓯᓚᐅᑉ ᖃᓄᐃᓐᓂᕆᔭᖓᓄᑦ ᑐᓴᖅᑕᐅᓯᒪᔪᑦ ᐱᔭᐅᓯᒪᓪᓗᑎᒃ ᓂᓚᑐᖄᓗᐃᑦ ᓱᓪᓗᓕᐅᕐᕕᐅᓚᐅᖅᑎᓪᓗᒋᑦ ᓂᓚᒃ ᒥᓪᓗᐊᖅᑕᐅᔪᖅ ᓄᐊᑕᐅᕙᓪᓕᐊᓪᓗᑎᒃ ᖃᐅᔨᓴᖅᑕᐅᔾᔪᑎᓂᒃ ᑕᓯᐅᓪᓗ ᕿᒻᒪᑯᖏᓐᓂᒃ, ᑕᑯᑎᑦᑎᓚᐅᖅᑐᑦ ᓱᒃᑲᔪᒻᒪᕆᖕᒥᒃ ᐆᓇᖅᓯᕙᓪᓕᐊᓂᖓᓂᒃ ᐊᕐᕌᒍᑦ 150 ᐃᓗᐊᓂ. ᓱᒃᑲᐃᑦᑐᒥᒃ ᐊᕙᑎᕗᑦ ᐊᓯᔾᔨᖅᐸᓪᓕᐊᑎᓪᓗᒍ ᐊᕐᕌᒍᑦ ᑎᑭᑉᐸᓪᓕᐊᔪᓄᑦ ᑲᑉᐱᐊᓇᖅᑐᒃᑯᑦ ᐊᓯᔾᔨᑳᓪᓚᒍᑎᔪᓐᓇᕐᒪᑦ ᒥᕐᖑᐃᖅᓯᕕᐅᑉ ᐊᓐᓇᐅᒪᔾᔪᑎᖏᓐᓄᑦ, ᐊᖏᔪᐊᓘᒐᓗᐊᒧᑦ ᐅᖓᓯᒃᑐᐊᓘᒐᓗᐊᒧᑦ ᓲᕐᓗ ᖁᑦᑎᖕᓂᖅᐹᑎᑐᑦ.

ᖁᑦᑎᖕᓂᖅᐹᒥ ᖃᐅᔨᓴᖅᑕᐅᖏᓐᓇᕐᓂᐊᕐᓂᖓ ᓇᐅᑦᑎᖅᓱᖅᑕᐅᖏᓐᓇᕐᓂᐊᕐᓂᖓᓗ ᑲᑐᔾᔨᖃᑎᒌᓗᑎᒃ , ᑐᓴᐅᒪᖃᑎᒌᑦᑎᐊᕋᓱᖕᓂᒃᑯᓪᓗ, ᑲᓇᑕᐅᑉ ᒥᕐᖑᐃᖅᓯᕕᓕᕆᔨᒃᑯᖏᑦ ᑲᑎᒪᔭᖅᑐᖃᑕᐅᔪᓐᓇᖅᓯᑎᑦᑎᖕᒪᑕ ᓯᓚᕐᔪᐊᕐᒥᐅᑦ ᑲᑎᒪᑎᓪᓗᒋᑦ ᐱᔾᔪᑎᒋᓪᓗᒍ ᐊᕙᑎ ᐊᓯᔾᔨᖅᐸᓪᓕᐊᑎᓪᓗᒍ ᐊᒃᑐᖅᑕᐅᔾᔪᑎᑐᐃᓐᓇᕆᐊᓕᒃᓂ ᖁᑦᑎᒃᑰᖅ ᐅᑭᐅᖅᑕᖅᑐᖓᑕ ᐊᓐᓇᐅᒪᔾᔪᑎᖏᓐᓂᒃ ᓄᓇᓕᓗ ᓴᐳᔾᔭᐅᓯᒪᓂᖃᖅᑐᓂᒃ. ᐊᐅᓱᐃᑦᑐᖅ ᓯᑯᑐᖄᓗᖓ ᓄᑎᒃᑯᐊᓘᓕᖅᑎᓪᓗᒍ ᓯᓚᕐᔪᐊᕐᒥᐅᓕᒫᓄᑦ ᑐᑦᑖᓪᓚᒍᑎᐅᓚᐅᕐᒪᑦ ᖃᐅᔨᓴᖅᑐᓕᕆᔨᒻᒪᕆᓕᒫᓂᒃ, ᐱᕙᓪᓕᐊᔪᓕᕆᔨᓂᒡᓗ, ᑎᑎᕋᖅᑕᐅᓯᒪᔪᖃᕈᑎᒋᒻᒪᕆᐊᓗᓕᖅᖢᓂᐅᒃ ᖃᐅᑕᒫᖅᓯᐅᑎᓂᒃ, ᐅᖃᓕᒫᒐᕐᓂᒃ, ᐱᕙᓪᓕᐊᔪᓂᒃ, ᐃᓕᓐᓂᐊᕈᑎᓂᒃ, ᑕᓚᕖᓴᒃᑯᓪᓗ, ᓈᓚᐅᑎᒃᑯᑦ, ᖃᕆᑕᐅᔭᒃᑯᓪᓗ ᑐᓴᐅᒪᓇᒻᒪᕆᓕᓚᐅᕐᒪᑦ.
ᐱᕝᕕᐅᔪᖅ: ᔅᑳᑦ, 2004; ᑲᓇᑕᒥ ᖃᖓᑕᓱᓕᕆᒡᔨᑦ ᐊᓂᓂᖃᓇᖏᑐᓕᕆᔨᓗ ᑎᑎᕋᕕᖓᓂ. 2004

ᑎᑎᕋᕐᕕᒃ 1. ᐊᓐᓇᐅᒪᔾᔪᑎᓄᑦ ᖃᓄᐃᓕᖅᑐᐃᓐᓇᕆᐊᓕᖕᓄᑦ ᖃᐅᔨᔾᔪᑏᑦ ᑐᕌᒐᐃᓪᓗ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ
ᐱᔾᔪᑎᒋᓪᓗᒍ ᖃᐅᔨᔾᔪᑏᑦ ᐊᓐᓇᐅᒪᔾᔪᑎᒧᑦ ᓗᓇᐃᒃᑯᑖ ᖃᐅᔨᓴᖅᑕᕐᖓᖅᑐᑦ ᑐᒑᕋᒋᔭᐅᕐᖓᖅᑐᑦ ᐊᐅᓚᔾᔭᒋᐊᕈᑎ
ᐆᒪᔪᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᓂᖓᓂ ᑲᒪᒋᔭᐅᑦᑎᐊᖁᓪᓗ ᒋᑦ ᐆᒪᔪᓕᒫᑦ ᓇᐹᖅᑐᖃᖏᑦᑐᑦ ᓄᓇ ᐃᒪᖅ ᓯᒡᔭᖃᕐᓂᖅ ᐃᒪᖅᓱᖃᕐᕖᑦ ᑎᖕᒥᐊᑦ ᐊᔾᔨᒌᖏᑦᑐᑦ ᖃᐅᔨᓴᖅᑕᐅᓂᐊᖅᑐᑦ
ᐱᑕᖃᕐᒪᖔᑦ / ᐱᑕᖃᖏᒻᒪᖔᑦ ᐊᔾᔨᒌᖏᑦᑐᑦ ᐆᒪᔪᑦ
ᐱᕈᖅᑐᑦ ᐊᔾᔨᒌᖏᑦᑐᑦ
ᖃᔅᓯᐅᓂᖏᓐᓂᒃ ᐊᔾᔨᒌᖏᑦᑐᑦ ᐆᒪᔪᑦ ᑎᑭᑉᐸᓪᓕᐊᔪᓪᓘᓐᓃᑦ ᐅᓄᕐᓂᖏᑦ ᑲᒪᒋᑦᑎᐊᕐᓗᒍ ᒥᕐᖑᐃᖅᓯᕐᕕᐅᑉ ᐊᑐᖅᑕᐅᓂᖓ ᑐᖁᓕᓴᕋᐃᑦᑐᑦ ᐆᒪᔪᑦ ᐸᒡᕕᑕᐅᖁᓇᒋᑦ

ᒥᕐᖑᐃᖅᓯᕐᕕᓕᐊᖃᑦᑕᖁᖏ ᓪᓗᒋᑦ ᑎᒍᐊᑦ ᐆᒪᔪᑦ (ᑎᒍᐊᑦ ᕿᒦᑦ)Footnote 28.

ᐃᖃᓗᒐᓱᖃᑦᑕᕐᓕᖅ ᓄᖃᖅᑎᓪᓗᒍ ᑭᓯᐊᓂ ᓄᓇᕗᒻᒥ ᐅᒪᔪᓕᕆᓂᕐᒧᑦ ᑲᑎᒪᔨᖏᑦ ᓇᓗᓇᐃᖅᓯᒃᐸᑕ (ᑕᓰᑦ) ᒥᕐᖑᐃᓯᕐᕕᒥ ᐃᖃᓗᒐᓱᒍᓇᓕᕐᒪᖔ ᖃᓄᐃᔾᔪᑎᐅᓂᐊᖏᓂᖓ.
ᑲᔪᓯᑎᓪᓗᒋᑦ ᐊᒥᓱᒐᓚᐃᑦ ᐊᔨᒋᖏᑐᑦ ᒥᒥᐅᑕᐃᑦ ᐅᒪᔪᐃ ᒥᖑᐃᓯᕐᕕᒥ. ᓄᓇᒥᐅᑕᐃᑦ ᐊᓐᓇᐅᒪᕖᑦ: ᐆᒪᔪᑦ ᐃᓂᒋᔭᐅᔪᓪᓗ ᓇᐹᖅᑐᖃᖏᑦᑐᑦ ᓄᓇ ᐃᒪᖅ ᓯᒡᔭᖃᕐᓂᖅ ᐃᒪᖅᓱᖃᕐᕖᑦ ᓴᙱᔪᓂᐅᒃ ᖃᖓᑦᑕᖅᑎᑕᐅᓯᒪᔪᑦ ᓈᓚᐅᑎᓂᒃ ᐊᑐᕐᓗᓂ ᖃᐅᔨᒋᐊᓗᒋᑦ ᐃᓂᒋᔭᐅᔪᑦ ᕿᑐᕐᖏᐃᕐᕕᐅᓂᖏᑦ
ᐊᓯᔾᔨᓗᐊᖏᑦᑐᑦ* ᖃᐅᔨᒋᐊᕐᓗᒍᑦ ᐊᔪᖏᑦᑎᐊᕐᓂᖓ ᓴᙱᔪᒃᑯᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᓈᓚᐅᑎᓂᒃ ᐱᔭᕆᐊᖃᕈᑎᒃ ᓄᑖᕐᒥ ᖃᐅᔨᓴᐅᑎᑖᕐᓗᑎᒃ
ᓇᐹᖅᑐᖃᖏᑦᑐᖅ ᓄᓇ ᐅᒥᖕᒪᐃᑦ ᖁᑦᑎᒃᑐᕐᒥᐅᓪᓗ ᑐᒃᑐᖏᑦ ᓇᒦᒻᒪᖔᑕ ᖃᔅᓯᐅᖕᒪᖔᑕᓗ ᐅᓄᕐᓂᖏᑦ ᐅᒥᖕᒪᐃ ᑕᐃᒪᓪᓗᐊ ᐅᓄᑎᒋᓲᖑᖕᒪᖔᑕ ᓈᒻᒪᒃᑐᒥᒃ.
ᐅᓄᕐᓂᖏᑦ ᖁᑎᒃᑑᑉ ᑐᑐᖏᑦ ᐅᓄᕐᓂᖅᓴᐅᓪᓗᑎᒃ ᒫᓐᓇᐅᔪᖅ ᐅᓄᖏᓛᖑᓂᖏᓂ ᖁᑎᓂᓴᐅᓗᑎᒃ 45ᖑᔪᓂ ᑐᑐᓂᑦ.
ᐊᖏᔪᕐᒥ ᐊᓯᔨᖏᓗᑎᒃ ᓇᕈᓇᖃᑕᕐᓂᖏᑦ ᖁᑎᒃᑑᑉ ᑐᑐᖏ ᐅᒥᒪᐃᓗᓃᑦ
ᐱᔭᕇᕐᓗᒋᑦ ᑭᒡᓕᓯᓂᐊᕈᑕᐅᔪᑦ ᐅᒥᖕᒪᐃ ᓇᒧᖓᖃᑕᓂᖏ ᓇᓃᖃᑕᒪᖔᑕᓗ.
ᐱᔭᕇᕐᓗᒋᑦ ᑭᒡᓕᓯᓂᐊᕈᑕᐅᔪᑦ ᖁᑎᑑᑉ ᑐᑐᖏ ᓇᒧᖓᖃᑕᕐᒪᖔᑕ ᓇᓃᓐᓂᖅᓴᐅᔪᒪᖕᒪᖔᑕᓗ ᐊᒥᓲᓂᖏᓗ ᑭᖑᕙᕇᑦ.
ᑲᔪᓯᓗᑎᒃ ᖃᐅᔨᓴᓂᕆᔭᖓ ᐆᒪᔪᐃ ᓈᓴᖅᑕᐅᓂᕆᖃᑦᑕᖅᑕᖓ ᒥᖑᐃᓯᕐᕕᒥ ᐅᐊᓯᔭᐅᓂᖏᑦ ᐊᒥᓲᓂᖏᑕ ᕿᑐᕐᖏᐅᕐᓂᖏᓪᓗ ᑲᔪᓯᑎᐊᕋᓗᐊᒪᖓᑕ ᐱᓗᐊᖅᑕᐃ ᐆᒪᔪᐃᑦ.
ᐃᑲᔪᕐᓗᒋᑦ ᖁᑎᑑᑉ ᑐᑐᖏ ᐅᑎᑎᑕᐅᓇᓱᓂᖏᓂ ᐃᑲᔪᕐᑎᒋᒃᑐᑦ.
ᒥᑭᓕᒋᐊᕐᓗᒍ ᐃᓄᓄ ᐸᕕᓴᕐᑕᐅᓂᖏᑦ ᖁᑐᒃᑑᑉ ᑐᑐᖏᑦ.
ᑲᔪᓯᑎᓗᒋᑦ ᑕᓰᑦ ᔭ ᑕᕆᐅ ᐊᕙᑎᖓ ᖃᓄᐃᖏᑎᐊᑐᑦ ᐊᐅᓚᓂᖏᑦ ᒥᖑᐃᓯᕐᕕᒥ. ᑕᓰᑦ (ᐃᒪᑎᐊᕙᒃ) ᐊᓐᓇᐅᒪᕕᖏᑦ ᐃᒪᕐᒥᐅᑕᕙᒃ ᐃᒪᐅᑉ ᐱᐅᓂᖓ
ᓱᕈᖃᕐᓂᖓ ᑕᓯᕐᒥ ᓚᐃᒃ ᕼᐊᐃᓴᓐ ᐃᖃᓗᖏᑕ ᓂᕿᖓᓂ
ᐅᓄᖅᓯᕚᓪᓕᖏᑦᑐᑦ ᐆᒪᔪᑦ ᓱᕈᐃᓪᓗ ᐃᒫᓂ
ᓱᕈᖅᑕᖃᖅᐹᓪᖏᑦᑐᖅ ᐃᖃᓗᐃᑦ ᓂᕿᓐᓂᒃ ᖃᐅᔨᓴᖅᑕᐅᑎᓪᓗᒋᑦ
ᐅᓂᒃᑲᐅᓯᕆᓗᒍ ᑐᓴᖅᑎᑦᑎᔾᔪᑎᒋᓗᒍᓗ ᓴᖅᑭᑕᐅᔪᑦ ᖃᐅᔨᓴᖅᑕᐅᔪᒧᑦ ᓇᐅᑦᑎᖅᓱᐃᑎᓪᓗᒋᑦ ᑐᓴᕆᐊᖃᖅᑐᓕᒫᓄᑦ.
ᑕᕆᐅᕐᒥ ᐊᓐᓇᐅᒪᕕᒃ ᑕᕆᐅᕐᒥᐅᑦ ᓴᖅᑭᑕᐅᔭᕆᐊᓕᒃ ᓴᖅᑭᑕᐅᔭᕆᐊᓕᒃ ᓴᖅᑭᑕᐅᔭᕆᐊᓕᒃ
ᖃᐅᔨᒋᐊᑦᑎᐊᕐᓗᒋᑦ ᓄᓇᒥᐅᑕᐅᖏᓐᓇ ᖅᑐᑦ ᐊᓐᓇᐅᒪᔾᔪᑎᒧᑦ ᐃᑲᔪᖅᑐᐃᔪᑦ ᐊᒃᑐᖅᑕᐅᖏᒃᑲᓗᐊ ᕐᓂᖏᑦ ᓴᖅᑮᓐᓇᖅᑐᑦ ᐃᒪᕐᒥᐅᑕᕙᒃ ᓚᐃ ᕼᐃᓴᓐᒥ ᑕᓯᖓᓂ ᐊᓂᐊᕆᕙᓪᓕᐊᔪᑦ ᐊᓯᔾᔨᓗᐊᖏᑦᑐᑦ.* ᐅᓂᒃᑲᐅᓯᕆᓗᒍ ᑐᓴᖅᑎᑦᑎᔾᔪᑎᒋᓗᒍᓗ ᓴᖅᑭᑕᐅᔪᑦ ᖃᐅᔨᓴᖅᑕᐅᔪᒧᑦ ᓇᐅᑦᑎᖅᓱᐃᑎᓪᓗᒍᑦ ᑐᓴᕆᐊᖃᖅᑐᓕᒫᓄᑦ
ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖏᓐᓄ ᑦ ᐊᒃᑐᐃᑐᐃᓐᓇᕆᐊ ᓖᑦ ᓯᓚᕐᔪᐊᕐᒥᖔᖅᑐᑦ ᑐᑭᓯᕚᓪᓕᕆᐊᕐᓗᒋ ᑦ ᑐᓴᖅᑎᑦᑎᔾᔪᑎᒋᓗ ᒋᓪᓗ ᓯᓚᕐᔪᐊᒥᖔᖅᑐ ᖅ ᐅᓗᕆᐊᓇᖅᑐᑦ, ᕿᓚᕗᑦ ᓯᓚᕗᓪᓗ ᓇᐹᖅᑐᖃᖏᑦᑐᖅ ᐃᒪᖅ ᓯᒡᔭᖅ ᐃᒪᖅᓱᖃᖅᑐᖅ ᓯᕐᒥᓖᑦ/ᐊᐅᓱᐃᑦᑐᑦ ᓯᓚᐅᑉ ᖃᓄᐃᓕᖓᓂᖓ/ ᓄᓇᓕᖕᓂ ᓯᓚᐅᑉ ᖃᓄᐃᓕᖓᓂᖓ ᐊᓯᔾᔨᓗᐊᖏᑦᑐᑦ.*

ᐅᓂᒃᑳᓕᐅᕈᑎᒋᓗᒋ5 ᑐᓴᖅᑎᑦᑎᔾᔪᑎᒋᓗᒋᓪᓗ ᓴᖅᑭᑕᐅᔪᑦ ᓇᐅᑦᑎᖅᓱᐃᓂᕐᒧᑦ ᑐᓴᕆᐊᖃᖅᑐᓕᒫᓄᑦ

ᐊᒥᖅᑲᐅᓯᕆᓗᒋᑦ ᑎᑎᕋᖅᑕᐅᕙᓪᓕᐊᔪᑦ

ᓇᐹᖅᑐᖃᖏᑦᑐᖅ ᓄᓇ, ᓯᒡᔭᖃᕐᓂᖅ, ᐃᒪᖅᓱᖃᖅᑐᑦ

ᐱᕈᖅᑐᑦ ᐱᕈᖅᓯᐊᖅᑖᖅᐸᖕᓂᖏᑕ ᐊᓯᔾᔨᕐᓂᖏᑦ

ᓄᓇᐅᑉ ᐃᑎᓂᖓ

ᐊᓯᔾᔨᓗᐊᖏᑦᑐᑦ.*
ᓯᕐᒥᖃᖅᑐᑦ/ᐊᐅᓱᐃᑦᑐᓖᑦ

ᓯᕐᒦᑦ ᐃᔾᔪᓂᖏᑦ

ᓯᑯᖃᕐᓂᖅ ᓯᑯᖃᕈᓐᓃᕐᓂᖅ ᐅᓪᓗᖏᑦ ᑭᐊᑐᓪ ᕼᐊᐃᓴᓐ ᑕᓯᖏᓐᓂᒃ

ᐊᓯᔾᔨᓗᐊᖏᑦᑐᑦ.*
ᐋᖅᑭᒋᐊᕐᓗᒍ ᐊᓐᓇᐅᒪᔾᔪᑏᑦ ᖃᓄᐃᓕᖓᓃᑦ ᐊᒃᑐᖅᑕᐅᓯᒪᔪᑦ ᓄᓇᐃᑦ ᒥᕐᖑᐃᖅᓯᕐᕕᖕᒥ ᒥᕐᖑᐃᖅᓯᕐᕕᖕᒧᑦ ᐱᔾᔪᑎᓕᒃ ᐊᕕᒃᓯᒪᓂᒃᑯᓪᓗ ᐊᒃᑐᐃᓯᒪᔪᑦ ᓇᐹᖅᑐᖃᖏᑦᑐᖅ ᓄᓇ

ᓱᕈᖅᑕᐅᓯᒪᔪᓖᑦ ᖃᔅᓯᐅᔪᑦ ᓄᓇᑦ

ᐊᑐᕆᐊᖃᕐᕖᑦ

ᑐᒥᖃᐅᕐᓂᖅ ᐃᓐᓄᖃᑕᕐᓂᖓᓄᑦ ᑕᐃᖕᑯᕆ ᓯᔭᕆᒃᑐᕐᒥ ᐱᒋᐊᕐᕕᖕᒥᓪᓗ

ᓱᕈᖅᓯᒪᔪᓖᑦ ᑕᐃᖕᑯᕆ ᓯᔭᕆᒃᑐᒥ-ᑕᓰᐊᓗᒥ ᐱᒋᐊᕐᕕᒥᓗ ᓴᓗᒪᕐᓴᖅᑕᐅᖁᓪᓗᒋᑦ ᓄᓇᓕᖕᒥᐅᓄᑦ/ ᒥᖑᐃᓯᕐᕕᐅ ᓄᓇᖓᓂ ᒪᓕᒐᖏ ᒪᓕᒃᖢᒋᑦ ᑲᓇᑕᒥᐅᑦ ᑲᑎᒪᔨᖏᑦ ᒥᓂᔅᑕ ᐊᕙᑎᓕᕆᔨᑯᓂᑦ.

ᑐᒥᖃᕐᕖᑦ ᐃᓐᓄᖃᑦᑕᕐᓂᖓᓄᑦ ᒥᑭᒡᓕᒋᐊᕐᓗᒋᑦ ᑕᐃᑯᕆ ᓯᔭᕆᑐᕐᒥ ᐊᒪᓗ ᑕᓰᐊᓘᑉ ᐸᓕᓯᖑᐊᖃᕕᖓᓂᑦ

ᓴᓗᒪᓴᕐᑕᐅᓗᑎᒃ ᑕᐃᑯᕆ ᓯᔭᕆᑐᖅ, ᑕᓰᐊᓗ ᐱᒋᐊᕐᕕᒃᓗ.

ᐱᔭᕐᑕᐃᓐᓇᕆᓗᒋᑦ ᐊᑐᖏᑐᑦ ᐃᒡᓗᐃᑦ, ᐱᖁᑏᑦ, ᐊᓯᖏᓗ ᐱᒋᐊᕐᕕᐅ ᑐᖃᑕᕐᕕᖏᓂᑦ.

ᐱᕕᖃᑎᑕᐅᖁᓗᒋᑦ ᒥᖑᐃᓯᕐᕕᒧ ᐳᓚᕋᑏᑦ ᐊᑐᕐᑏᓗ ᐅᐸᒍᓇᖁ- ᓗᒋᑦ ᖃᓄᐃᖏᑎᐊᕐᑐᕐᒧ ᐊᐅᓚᓂᖃᑎᐊᕐᑐᒧ ᓗ ᐅᑭᐅᑕᕐᑑᑉ ᐊᕙᑎᖓᓄᑦ. ᓴᖅᑭᑕᐅᔭᕆᐊᓕᒃ ᓄᓇ ᓇᐹᖅᑐᖃᖏᑦᑐᖅ ᐃᒪᕐᒥᐅᑦ ᓯᔾᔭᒃᐸᓯᒃ ᐃᒪᖅᓱᕈᔪᐃ ᐊᐅᓱᐃᑦᑐᑦ, ᓂᓚᑐᖃᐃ ᑕᕆᐅᕐᒥᐅᑦ ᓴᖅᑭᑕᐅᔭᕆᐊᓕᒃ ᓴᖅᑭᑕᐅᔭᕆᐊᓕᒃ ᓴᖅᑭᑕᐅᔭᕆᐊᓕᒃ
* ᑖᒃᑯᐊ ᑐᕌᖅᑕᐅᔪᑦ ᑕᕝᕙᓂ ᑎᑎᕋᖅᓯᒪᔪᑦ ᐋᕿᒃᑕᐅᓯᒪᖕᒪᑕ ᐊᕐᕌᒍᓄ ᑕᓪᓕᒪᓄ ᐊᑐᖅᑕᐅᓂᐊᖅᑎᓪᓗᒋᑦ ᑕᕝᕙᓂ ᒥᕐᖑᐃᖅᓯᕐᕕᓕᕆᓂᕐᒧᑦ ᐊᑐᖅᑕᐅᔪᒃᓴᓂᒃ. ᑕᒪᓐᓇ ᐋᕿᒃᑕᐅᓯᒪᔪᖅ ᓇᓗᓇᖏᓪᓚᕆᒃᑐᕐᒥ ᐊᓯᔾᔩᔾᔮᖏᑑᒐᓗᐊᖅ ᐊᕐᕌᒎᔪᓂ ᑕᓪᓕᒪᓂᒃ, ᐊᑯᓂᐅᔪᕐᓕ ᑭᓯᐊᓂ, ᖃᓄᐃᔾᔪᓯᐅᖃᑦᑕᖅᑐᑦ ᓇᓗᓇᖏᓪᓚᕆᒃᑐᕐᓗᓃᑦ ᐅᔾᔨᓇᖅᓯᓂᐊᖅᑑᒐᓗᐊᑦ.

7.0 ᐃᑦᑕᕐᓂᓴᖃᕐᕕᓕᕆᓂᖅ: ᓴᐳᔾᔨᒋᐊᕐᓂᖅ ᐃᑦᑕᕐᓂᓴᖃᕐᕕᖕᓂᒃ

7.1 ᐃᑦᑕᕐᓂᓴᖃᕐᕖᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᓴᐳᔾᔨᔨᐅᕗᖅ ᐅᓄᖅᑐᓂᒃ ᐃᑦᑕᕐᓂᓴᑐᖃᓂᒃ ᐊᒃᑐᐊᖓᓂᖃᖅᑐᑦ ᐅᑭᐅᖅᑕᖅᑐᕐᒥ ᐃᓅᓯᕆᔭᐅᓂᑯᓄᑦ, ᐃᓄᐃᑦ ᐃᓅᓯᕕᓂᖏᑦ ᐱᖅᑯᓯᖏᓪᓗ, ᓄᒃᑕᖅᑎᕕᓂᕐᔪᐊᓂᖔᖅᑐᑦ, ᐅᑭᐅᖅᑕᖅᑐᒥ ᑭᒡᓕᓯᓂᐊᖅᑎᓂᖔᖅᑐᑦ, ᑲᓇᑕᒥᓪᓗ ᓄᓇᖃᕐᓂᕐᒧᑦ ᑭᒡᒐᖅᑐᐃᔨᓂᒃ.

ᐃᑦᑕᕐᓂᓴᖃᕐᓂᕋᐃᑦᑎᓪᓗᑕ ᐱᔾᔪᑎᖃᖅᐳᒍᑦ ᑭᓱᑐᐃᓐᓇᕐᒥᒃ ᓇᑉᐸᖅᑕᐅᓯᒪᔪᕕᓂᕐᓂᒡᓘᓐᓃᑦ ᐃᓄᖕᓄᒃ, ᐃᓂᑐᖃᕕᓂᖅ ᑕᑯᒃᓴᐅᑎᑦᑎᓪᓗᓂ ᐃᓂᒋᔭᑐᖃᕕᓂᐅᓂᖓᓂᒃ, ᓄᓇᓘᓐᓃᑦ ᐃᒃᐱᕐᕕᐅᔪᕕᓂᒃ ᐱᖅᑯᓯᖃᕐᕕᐅᔪᕕᓂᕐᓘᓐᓃᑦ ᐊᓐᓂᕆᔭᐅᔪᖅ ᐃᓅᓯᑐᖃᕕᓂᖃᕐᕕᐅᓂᖓᓄᑦ. ᐃᑦᑕᕐᓂᓴᖃᕐᕖᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ ᐊᐅᓚᑕᐅᑦᑎᐊᕐᓂᐊᖅᑐᖅ ᒪᓕᒡᓗᑎᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᐊᑐᖁᔭᖏᓐᓂᒃ ᐱᓕᕆᖁᔨᔾᔪᑎᒋᔭᖏᓐᓂᒡᓗ ᐃᑦᑕᕐᓂᓴᓕᕆᓂᕐᒧᑦ ᐊᑐᐊᒐᓕᐅᖅᓯᒪᔭᖏᓐᓂᒃ.

ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎᒥ ᐅᖃᖅᓯᒪᕗᖅ ᑲᓇᑕᒥ ᒥᕐᖑᐃᖅᓯᕐᕕᓕᕆᔩᑦ ᐊᐅᓚᑦᑎᔪᓐᓇᖁᓪᓗᒋᑦ ᐃᑦᑕᕐᓂᓴᖃᕐᕕᓂᒃ ᐅᒃᐱᕐᕕᕕᓂᕐᓂᒃ ᐱᖅᑯᓯᖃᕐᕕᕕᓂᕐᓂᒡᓗ ᐃᒪᐃᓕᖓᓗᑎᒃ:

  • ᓴᐳᔾᔨᔨᐅᓗᓂ ᓴᖅᑭᔮᖅᑎᑦᑎᔨᐅᓗᓂᓗ ᐱᖅᑯᓯᕕᓂᕐᓂᒃ, ᐃᓅᓯᕕᓂᑐᖃᐅᓂᖏᓐᓄᑦ ᓇᓗᓇᐃᒃᑯᑕᓂ ᐃᓅᓂᖏᓐᓂᒃ ᐃᓕᓴᖅᓯᔾᔪᑎᓂᒃ, ᐃᓚᐅᑎᓪᓗᒍ ᐃᓄᐃᑦ ᖃᐅᔨᒪᔭᑐᖃᖏᑦ ᐅᓂᒃᑳᖅᑐᐊᓪᓗ ᑕᒃᑯᓄᖓ ᐃᑦᑕᕐᓂᓴᕕᐅᔪᓄᑦ ᐱᔾᔪᑎᖃᖅᑎᓂᒃ; ᐊᒻᒪᓗ
  • ᐃᒃᐱᒍᓱᑦᑎᐊᕐᓗᓂ ᐊᑐᖅᓯᑦᑎᐊᕐᓗᓂᓗ ᐱᓕᕆᔭᒃᓴᒧᑦ ᐱᒻᒪᕆᐅᑎᑦᑎᓂᕐᒥᒡᓗ ᐃᓄᐃᑦ ᐱᖅᑯᓯᖃᕐᕕᖏᓐᓂᒃFootnote 29ᐃᓂᖃᕐᕕᐅᔪᓂᒃ.

7.1.1 ᐃᑦᑕᕐᓂᓴᖃᕐᕖᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ

ᐃᒻᒪᖄ 285 ᐃᑦᑕᕐᓂᓴᖃᕐᕕᐅᓂᕋᑦᑕᐅᔪᑦ ᖁᑦᑎᓂᕐᐹᖅ ᒥᕐᖑᐃᖅᓯᕐᕕᖓᓂ ᓇᓗᓇᐃᖅᑕᐅᓯᒪᓂᖏᑦ ᑎᑎᕋᖅᑕᐅᓯᒪᔪᑦ. ᑖᑯᐊ ᓯᕗᓪᓕᕕᓃᑦ, ᑐᓃᑦ, ᑐᓖᑦ ᐃᓄᖏᑦ ᖃᕐᒪᖃᕐᕕᖃᐅᕐᒥᔪᑦ, ᒥᕐᖑᐃᖅᓯᕐᕕᖕᒥ ᓄᓇᖃᓚᐅᖃᖃᑦᑕᓂᑯᐃᑦ 2500 ᑲᓚᐃᔅᑑᓯ ᐃᓅᓚᐅᖏᑎᓪᓗᒍ 1700 ᑲᓚᐃᔅᑑᓯ ᑐᖁᖓᓕᖅᑎᓪᓗᒍ. ᐃᓄᐃᑦ/ᐃᓄᒃᓱᐃᑦ, ᓇᕈᓇᒃᑏᑦ, ᑭᒡᓕᓯᓂᐊᖅᑏᑦ, ᒐᕙᒪᒃᑯᓪᓗ ᕿᒻᒪᑯᑐᖄᓗᖏᑦ ᑕᑯᓇᕐᒥᔪᑦ 1900 ᑐᖏᓪᓗᐊᖓᓂ ᐱᒋᐊᕐᓂᖓᑕᓘᓐᓃᑦ ᐊᕐᕌᒍᖏᓐᓂ ᕿᒻᒪᖑᒋᔭᐅᓂᑯᑦ.

ᐃᑦᑕᕐᓂᓴᐃᑦ ᐅᓄᖅᑐᑦ ᓱᓕ ᐃᓂᑐᖃᖏᓐᓃᑎᑕᐅᔪᑦ ᒥᕐᖑᐃᖅᓯᕐᕕᖕᒥ. ᐃᑦᑕᕐᓂᓴᐃᑦ ᓄᐊᑕᐅᔪᑦ ᖁᑦᑎᖕᓂᖅᐹᒥ ᐱᔭᐅᕙᒃᐳᑦ ᐃᑦᑕᕐᓂᓴᖅᓯᐅᖅᑎᓪᓗᒋᑦ ᖄᖓᓃᑦᑐᓂᒡᓗ ᑕᑯᔭᕌᖓᒥᒃ ᓄᐊᑦᑎᕙᓪᓕᐊᓂᒃᑯ. ᐃᑦᑕᕐᓂᓴᐃᑦ ᐃᓂᖏᓐᓂᒃ ᐲᖅᑕᐅᓂᐊᖅᑎᓪᓗᒋᑦ ᒥᕐᖑᐃᖅᓯᕐᕕᖕᒥ ᐱᔪᓐᓇᐅᑎᖃᕆᐊᖃᖅᐳᑦ ᓇᓗᓇᐃᒃᑯᑦᑎᖅᓱᖅᑕᐅᓪᓗᑎᒡᓗ ᐅᑯᓇᓂ ᓄᐊᑦᑎᕕᖕᓂ:

  • ᑲᓇᑕᐅᑉ ᐅᐊᖕᓇᖓᓂ ᐱᔨᑦᑎᕋᖅᑎᒃᑯᑦ, ᑲᓇᑕᒥ ᒥᕐᖑᐃᖅᓯᕐᕕᓕᕆᔩᑦ, ᐅᐃᓂᐸᐃᒃ, ᒪᓂᑑᐸ
  • ᑯᐃᓐ ᐃᕐᓂᖓᑕ ᐱᖅᑯᓯᖃᕕᓂᕐᓂᒃ ᑕᑯᔭᒐᖃᕐᕕᖓ, ᔭᓗᓇᐃ, ᓄᓇᑦᑎᐊᖅ
  • ᐃᑦᑕᕐᓂᓴᖃᖅᑐᓄᑦ ᖃᐅᔨᓴᐃᔩᑦ ᑲᓇᑕᒥ, ᑲᓇᑕᒥ ᐃᓅᓯᕆᔭᐅᓚᖅᑐᓂᒃ ᑕᑯᔭᒐᖃᕐᕕᒃ , ᒑᑎᓅ ᑯᐸᐃᖕᒥ.

ᑲᓇᑕᐅᑉ ᐅᐊᓇᖓᓂ ᐱᔨᑦᑎᕋᖅᑎᒃᑯᑦ ᐅᐊᓂᐸᐃᒃᒥ ᑎᒍᒥᐊᖅᑎᐅᕗᑦ ᑕᒪᐃᓐᓂᐸᓗᒃ ᐃᑦᑕᕐᓂᓴᓂᒃ ᕿᒻᒪᑯᑐᖃᕕᓂᕐᓂᒡᓗ ᐃᑦᑕᕐᓂᓴᓂᒃ ᑕᐃᒪᙵᑦ ᒥᕐᖑᐃᖅᓯᕐᕕᙳᖅᓯᒪᓕᖅᑎᓪᓗᒍ 2000ᒥ.

ᑯᐃᓐ ᐃᕐᓂᖓᑕ ᐱᖅᑯᓯᑐᖃᓂᒃ ᑕᑯᔭᒐᖃᕐᕕᒃ ᔭᓗᓇᐃᒥ ᐃᓂᖃᕐᕕᐅᕗᖅ ᐃᑦᑕᕐᓂᓴᑐᖃᕐᓄᒃ ᓄᐊᑕᐅᔪᕕᓃᑦ ᕗᐊᑦ ᑳᖕᑯᒥ ᐱᖅᑯᓯᖃᕐᕕᓂᑐᖃᕐᓂᒡᓗ ᑕᐃᒪᙵᑦ 1970 ᐱᒋᐊᖅᖢᒍ.

ᑲᓇᑕᒥ ᐃᓅᓯᕆᔭᐅᓚᐅᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᑐᕚᒥ ᑎᒍᒥᐊᖅᑎᐅᕗᑦ ᐅᓄᖅᑐᓂᒃ ᐃᑦᑕᕐᓂᓴᑐᖃᕕᓂᕐᓂᒃ ᓄᐊᑕᐅᓯᒪᔪᑦ ᑕᐃᒪᙵᑦ 1980 ᑐᖔᓂᓪᓗ.

ᖁᑦᑎᖕᓂᕐᐹᖅ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ ᐅᖃᖅᓯᒪᓕᖅᑐᑦ ᐅᑎᖅᑎᑦᑎᓛᕈᒪᓕᖅᖢᑎᒃ, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᓐᓄᑦ, ᐃᓄᐃᑦ ᐱᖁᑎᕕᓂᑐᖃᖏᑦ ᐊᓯᖏᓐᓂᖔᖅᓯᒪᔪᖅ ᐱᔭᐅᓯᒪᓪᓗᑎᒃ ᒥᕐᖑᐃᖅᓯᕐᕕᖕᓂ ᑕᐃᒪᓐᖓ 1987ᒥ ᐱᒋᐊᖅᑕᐅᑎᓪᓗᒍ. ᑕᑯᐊ ᐱᖁᑎᕕᓃᑦ ᓄᓇᕗᒻᒦᑦᑕᕆᐊᖃᕐᒪᑕ.

ᖃᐅᔨᒪᔭᐅᔪᑦ ᐃᑦᑕᕐᓂᓴᖃᕐᕖᑦ ᒥᕐᖑᐃᖅᓯᕐᕕᖕᒥ ᖃᐅᔨᒋᐊᖅᑕᐅᓯᒪᓕᖅᑐᑦ ᐃᑦᑕᕐᓂᓴᓕᕆᔨᒃᑯᓐᓂ ᖃᓄᐃᓕᖓᓂᖏᑦ, ᓱᕋᒃᓯᒪᓂᖏᑦ, ᖃᐅᔨᓴᖅᑕᐅᔪᓐᓇᕐᓂᖏᑦ, ᐃᓕᓐᓂᐊᕈᑎᐅᔪᓐᓇᕆᐊᒃᓴᖏᓐᓂᒡᓗ. ᒫᓐᓇ, ᐃᑦᑕᕐᓂᓴᖃᕐᕖᑦ ᑐᑭᓯᑎᑦᑎᔾᔪᑎᐅᔪᓐᓇᕐᒪᑕ ᐃᓄᐃᑦ ᐱᖁᑎᕕᓂᖏᑦ ᐱᒻᒪᕆᕐᔪᐊᖑᓂᖏᓐᓄᑦ.

ᐃᑦᑕᕐᓂᓴᐃᑦ ᖃᓄᐃᑦᑐᑐᐃᓇᐅᒐᓗᐊᖅᐸᑕ ᓇᓗᓇᐃᖅᑕᐅᓯᒪᔪᑦ ᓇᐅᑦᑎᖅᓱᖅᑕᐅᓂᖓᒍᑦ ᐊᓯᐅᔨᔭᐅᑐᐃᓇᕆᐊᖃᓂᖏᓐᓄᑦ ᓱᕋᑦᑎᑐᐃᓐᓇᕆᐊᖃᕐᓃᓪᓗ ᖃᐅᔨᒋᐊᖅᑕᐅᑲᐅᑎᒋᓂᐊᖅᑐᑦ ᐃᑦᑕᕐᓂᓴᕕᓂᖅᑕᖃᐅᕐᒪᖔᑦ ᖃᐅᔨᒋᐊᖅᑕᐅᓗᑎᒡᓗ ᓱᕋᑦᑎᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᓂᑐᖃᕕᓃᑦFootnote 30. ᐊᒃᑐᖅᑕᐅᔾᔪᑏᑦ ᓇᐅᑦᑎᖅᓱᖅᑕᐅᓂᐊᖅᑐᑦ ᑲᒪᒋᔭᐅᓂᐊᖅᖢᑎᒡᓗ.

ᒪᕐᕉᒃ ᓄᓇᖃᕐᕕᕕᓂᑐᖄᒃ, ᑯᕋᐃᓐ ᓄᓇᖓ (UgAt-1) ᐊᒪᓗ ᕋᑯᓪᔅ ᑰᖃᕕᖓᓂᑐᖅ (TkAu-1) ᓄᓇᕕᓃᑦ ᓱᕋᑦᑎᕙᓪᓕᐊᑐᐃᓐᓇᕆᐊᖃᕐᓂᖏᓐᓄᑦ ᓇᓗᓇᐃᖅᑕᓯᒪᓕᖅᑐᑦ. ᓱᕋᑦᑎᑐᐃᓐᓇᕆᐊᖃᕐᒪ ᐱᐅᕆ ᓯᓚᕐᔪᐊᑦᑕ ᑐᓄᕕᐊᑕ ᑲᔾᔨᖓᓄᖓᐅᖅᑳᕆᐊᖅᖢᓂ ᐃᓂᑐᖃᕕᓂᖓ, ᖃᐅᔨᔭᐅᓚᐅᖅᑐᖅ ᓄᓇᙳᐊᓕᖅᑎᑦ ᑎᑎᕋᖅᑐᐃᔨᓄᓪᓗ ᓄᓇᐅᑉ ᖄᖓᓂ ᐃᑦᑕᕐᓂᓴᖃᐅᖅᑐᓂᒃ, ᖃᓄᐃᓕᖓᓂᖓᓄ ᓄᐊᑦᑎᕕᐅᒋᐊᕐᓂᖓᓗ ᐃᑦᑕᕐᓂᓴᑐᖃᕕᓂᕐᓂᒃ. ᓱᕋᑦᑎᑐᐃᓐᓇᕆᖃᕋᓱᒋᔭᐅᔪᖅ ᕋᑯᓪᔅ ᑰᖃᕐᕕᖓ, ᐃᓄᐃᑦ ᓯᕗᓪᓕᕕᓂᐊᓗᖏᑦ ᐅᑮᕕᓂᕋᖅᑕᐅᓇᓱᒋᔪᖅ ᖃᕐᒪᑐᖄᓗᐃᑦ ᓱᕋᑦᑎᖅᑕᐅᕙᓪᓕᐊᓕᕐᒪᑦ ᑰᑉ ᐊᕐᕌᒍᑕᒫᑦ ᓱᐱᓂᖓᓄᑦ, ᖃᐅᔨᔭᐅᓚᐅᖅᑐᖅ ᓄᓇᙳᐊᓕᐅᖅᑎᓄᑦ ᑎᑎᕋᖅᑐᐃᕙᓪᓕᐊᑎᓪᓗᒋᓪᓗ ᖃᓄᐃᓕᖓᓂᖓᓂᒃ ᐃᑦᑕᕐᓂᓴᖅᓯᐅᕐᕕᐅᓪᓗᑎᒡᓗ ᐃᓂᑐᖃᕕᓃᑦ ᖃᕐᒪᑦ ᕿᖕᓂᕕᓂᑐᖄᓗᐃᓪᓗ 2004ᒥ, ᑕᒪᕐᒥᒃ ᓱᕋᒃᑎᕙᑐᐃᓐᓇᕆᐊᖃᕐᓂᖏᓐᓄᑦ ᐲᖅᑕᐅᓯᒪᓕᖅᑐᑦ ᑎᑎᕋᖅᓯᒪᔪᓂᒃ.

7.1.2 ᑎᔅᑲᕗᕆ ᑲᖏᖅᓱᖅ

ᑎᔅᑲᕗᕆᐅᑉ ᑲᖏᓱᑯᑖᖓ, ᐊᕐᓇᖅ ᕗᕋᐃᒃᑭᓕᓐ ᖃᖏᖅᓱᖕᒥ, ᖁᑦᑎᒃᑑᑉ ᕿᑭᖅᑕᖓᓂ, ᐅᑮᕕᐅᖃᖅᑕᕐᓂᑰᖕᒪᑦ ᐱᖓᓱᓄᑦ ᐅᑭᐅᑕᕐᑐᒥ ᓇᕈᓇᒃᑎᓄᑦ; ᐊᖓᔪᖄ ᔪᐊᔾ ᓂᐊᕆᔅ (1875- 1876), ᐊᐅᓚᓯᔨ ᐊᑐᓪᕙᔅ ᑯᕆᓕ (1881-1883) ᐊᒪᓗ ᕋᐳᑦ ᐱᐊᕆ (1899-1909).

ᓂᐊᕆᔅ ᑕᒫᕐᕕᓕᐅᕐᓂᑯ ᑎᔅᑲᕕᕆ ᑲᖏᖅᓱᖓᓂ ᑯᐃᓐ ᓄᓇᖓ ᐅᑭᐅᖅᑕᖅᑐᒥ ᓇᕈᓇᒃᑎᑦᑎᓪᓗᒍ. ᒍᕇᓕᐅᑉ ᒥᐊᓕᒐᒥᐅᑦ ᓇᕈᓗᖕᓂᖓ (1881-1883) ᑭᒡᓕᓯᓂᐊᕐᖢᑎᒃ ᓯᕗᓪᓕᖅᐹᕐᒥ ᐅᑭᐅᑦᑕᖅᑐᖅ ᑐᓄᕕᐊᓃᑦᑐᖅ ᖃᐅᔨᓴᖅᑕᐅᕐᖓᖅᑎᓪᓗᒍ 1882ᒥᑦ 1884ᒧᑦ, ᓯᕗᓕᖅᐹᒥ ᐅᑭᐅᖅᑕᖅᑑᑉ ᓄᓇᖓ ᖃᐅᔨᓴᖅᑕᐅᓪᓗᓂ. ᒍᕇᓕ ᐃᒡᓗᕐᔪᐊᓕᐅᓚᐅᖅᑐᖅ, ᐊᑎᖃᖅᖢᓂ ᕗᐊᑦ ᑲᖕᑯᒥᒃ, ᐃᓂᒃᓴᓕᐅᖅᖢᓂ ᐃᖅᑲᓇᐃᔭᖅᑎᖏᓐᓄᑦ. ᐃᒡᓗᕕᓂᖅ ᓱᓕ ᑐᙵᕕᖓ ᕿᒻᒪᑰᔪᖅ. ᒍᕇᓕ ᑕᖁᐊᖃᑦᑎᐊᓚᐅᖅᑐᖅ, ᐱᖁᑎᖃᐅᖅᖢᓂᓗ, ᐊᑐᖅᑕᐅᒃᑲᓐᓂᖅᑐᕕᓃᑦ ᐱᐅᕆᒧᑦ, ᑕᐃᑯᖓ ᐊᒥᐊᒃᑯᐃᑦ ᐃᓂᒋᔭᑐᖄᓗᐊᓄᑦ ᕿᒪᒃᑕᐅᖏᓐᓇᕐᓂᑯᐃᑦ.

ᔫᓂ 1981ᒥ, ᐃᓂᑐᖃᕕᓂᓕᕆᔩᑦ ᐃᓕᓴᖅᓯᒋᐊᖅᑏᓪᓗ ᑲᓇᑕᐅᑉ ᑲᑎᒪᔨᖏᑦ ᐋᖅᑭᒃᓯᓚᕐᒪᑕ ᓯᕗᓪᓕᖅᐹᒥ ᓯᓚᕐᔪᐊᑉ ᑐᓄᕕᐊᑕ ᐅᑭᐅᖅᑕᖅᑐᖓᓂ ᐃᓕᓴᖅᓯᓪᓗᑎᒃ ᑲᓇᑕᒧᖅ ᐊᑐᖅᑕᐅᓂᑰᓂᖓ ᐱᒻᒪᕆᐅᒋᔭᐅᓪᓗᓂ. ᒪᕐᕈᒃ ᐃᓕᓴᕆᔭᐅᔾᔪᑏᑦ ᖁᕕᐊᓲᑎᐅᓚᐅᖅᑐᑦ ᐃᓚᖓ ᕗᐊᑦ ᑳᖕᑯᒦᑦᑐᖅ ᐊᐅᓱᐃᑦᑑᑉ ᕿᑭᖅᑕᖓᓂ: ᐱᖃᑖ ᕗᐊᑦ ᕋᐃ, ᓄᓇᑦᑎᐊᕐᒦᑦᑐᖅ.

ᒥᐊᓕᒐᓂᖔᖅᑐᖅ ᓇᕈᓇᒃᑎ, ᕋᐳᑦ ᐱᐊᕆ, ᐱᖓᓱᐊᓱᖅᖢᓂ ᐅᑎᖅᑕᓚᐅᖅᑐᖅ ᓯᓚᔪᐊᑉ ᑲᔾᔨᖓᓄᕋᓱᒃᖢᓂ ᑐᓄᕕᐊᓂ: 1898ᒥᑦ 1902ᒧᑦ, 1905ᒥᑦ06ᒧᑦ ᐊᒪᓗ 1908ᒥᑦ 09ᒧᑦ. 1900ᒥ, ᐃᒍᑦᑏᕆᓚᐅᖅᑐᖅ ᒍᕇᓕᐅᑉ ᕗᐊᑦ ᑲᖕᑯᒥ ᐃᒡᓗᕐᔪᐊᓕᐅᕐᓂᑯᐊᓂᒃ ᐱᖓᓱᓂᒃ ᐃᒡᓗᑯᓗᓂᒃ ᓴᓇᔾᔪᑎᒋᖔᓕᖅᖢᓂᒋᑦ ᐊᑐᓂᐊᕋᒥᖏᑦ ᓴᓇᑎᑦᑎᔪᕕᓂᖅ. ᐱᐊᕆᐅᑉ ᐱᓕᕆᐊᓂ ᐱᔭᕇᕈᓇᓚᐅᑕᖏᑦ ᐅᑭᐅᑕᕐᑐᒥ ᓇᕈᓇᑎᐅᓗᓂ ᐃᑲᔪᑕᐅᓪᓗᐊᑕᕐᓂᕐᒥᓄᑦ ᑲᓛᖦᖡᑦ ᐃᓄᒃᓱᖏᓐᓄᑦ ᐃᓄᐃᓪᓗ ᐱᖅᑯᓯᖏᓂ ᐃᓕᓐᓂᐊᖅᑎᑕᐅᓯᒪᓂᑰᒧᑦ, ᐊᖑᓇᓱᖕᓂᕐᒥᒃ, ᓄᒃᑕᕈᓐᓇᕐᓂᖅ, ᐅᖅᑯᐊᖃᕐᕕᓕᐅᕈᓐᓇᕐᓂᕐᓗ ᐃᓄᐃᓪᓗ ᐊᓐᓄᕌᖏᓐᓂᒃ ᐊᑐᕐᓂᑯᒧᑦ.

ᑕᐃᒃᑯᐊ ᐃᒡᓗᐃᑦ ᐊᒥᐊᒃᑯᑦ ᕗᐊᑦ ᑲᖕᑯᒥ ᑕᑯᑎᑦᑎᔪᑦ ᐱᐊᕆᐅᑉ ᖁᑦᑎᒃᑑᑉ ᐅᑭᐅᖅᑕᖅᑐᖓᓄᑦ ᓱᖏᐅᑎᔪᓐᓇᓚᐅᕐᓂᖓᓂᒃ, ᒪᓕᒡᖢᓂᒋᑦ ᐃᓄᒃᓱᓂᒃ ᐅᖃᐅᔾᔪᖅᑕᐊᓂᓂ ᐅᑭᐅᖅᑕᖅᑑᑉ ᐊᕙᑎᖓ ᖃᐅᔨᒪᔭᐅᓂᖓᓄᑦ (ᑎᒃ, 1991ᐃ). ᐃᒡᓗᐃᑦ ᕿᒥᕐᕈᔭᐅᓚᐅᕐᒪᑕ ᒐᕙᒪᑐᖃᒃᑯᑦ ᐃᑦᑕᕐᓂᓴᕐᓂᒃ ᐃᒡᓗᑐᖃᓕᕆᔩᑦ ᕿᒥᕐᕈᔨᖏᑕ ᐊᒡᓚᒡᕕᖓᓂ ᓇᓗᓇᐃᖅᑕᐅᓕᓚᐅᖅᑐᖅFootnote 31 ᒥᓂᔅᑕᒧᑦ ᐱᔭᒃᓴᕆᔭᖃᖅᖢᓂ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᒪᓕᒃᖢᒍ ᒐᕙᒪᑐᖃᒃᑯᑦ ᐃᑦᑕᕐᓂᓴᕐᓂᒃ ᐃᒡᓗᑐᖃᓕᕆᔩᑦ ᐊᑐᐊᒐᖏᓐᓂᒃ.

2002ᒥ, ᐊᓯᐅᓯᒪᖏᑐᑦ ᑎᑎᕋᖅᓯᒪᔪᖁᑎᒋᔭᐅᔪᑦFootnote 32 ᐃᒡᓗᖃᕐᕕᕕᓃᑦ ᕗᐊᑦ ᑲᖕᑯᒥ ᓇᓗᓇᐃᕐᓯᕗᑦ ᐃᒡᓗᒧ ᓴᓇᒪᓂᖏᑦ ᐃᓗᐊᙱᓕᐅᕈᑎᖃᖏᓐᓂᖓ ᐃᒡᓗᐃᓪᓗ ᓴᓇᒪᓂᖏᑦ ᐊᓯᔨᕐᑕᐅᓗᐊᓚᐅᖏᑐᑦ ᑕᐃᒪᖓᓂ ᑎᑎᕋᖅᑕᐅᓚᐅᕐᒪᑕ 1979ᒥ. ᓄᓇᖓᓂᒃ ᓇᐅᑦᑎᖅᓱᐃᓂᖅ ᐃᑦᑕᕐᓂᓴᖏᓐᓂᒃ ᐊᓯᐅᔨᓯᒪᓂᕋᐃᓚᐅᖅᑐᖅ ᐊᐅᓚᔾᔭᐃᓯᒪᔪᖃᕐᓂᕋᐃᓚᐅᖅᑐᖅ. ᐃᓱᒫᓘᑎᑕᖃᐅᖅᑐᖅ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒃᑐᖅᑕᐅᑐᐃᓐᓇᕆᐊᓕᖕᓂᒃ ᐃᒡᓗᓕᐅᖅᑕᐅᓯᒪᔪᑦ ᖃᓄᐃᓕᖓᓂᖏᑦ (ᓲᕐᓗ, ᐆᓇᖅᓯᕙᓪᓕᐊᓂᕐᒧᑦ ᓱᕋᑦᑎᕚᓪᓕᕐᓂᐊᕋᓱᒋᔭᐅᔪᑦ ᓄᓇᓗ ᖁᐊᖑᐃᓐᓇᖅᑐᖅ ᐊᐅᒃᐸᓪᓕᐊᓂᖓᓄᑦ ᐃᒡᓗᕐᔪᐊᑉ ᓴᓇᒪᓂᖓᓄᑦ ᐊᓯᔾᔨᖅᐸᓪᓕᐊᔾᔪᑎᔪᖅ), ᓯᒡᔭᐅᓪᓗ ᓱᕋᑦᑎᕙᓪᓕᐊᓂᖓ. ᐃᑦᑕᕐᓂᓴᐃᑦ ᕗᐊᑦᑳᖕᑯᒥ ᐊᓘᑦᒦᑎᑕᐅᔪᑦ ᑯᐃᓐ ᐃᕐᓂᖓᑕ ᐱᖅᑯᓯᖃᕐᕕᖓᓂᓗ ᔭᓗᓇᐃᒥ.

7.1.3 ᐅᓇᑕᕐᑐᓴᑯᑦ ᑲᑎᒪᔨᖏᑦ/ᐅᓇᑕᕐᑐᓴᑯᑦ ᑭᒡᓕᓯᓂᐊᕐᕕᖓ ᐋᕿᓯᒪᔭᖓ ᑕᕆᐅᕕᖕᒧᑦ

1953 ᐊᑯᓐᓂᖓᓂ ᐊᒪᓗ 1970 ᕿᑎᖓᓄᑦ, ᐅᓇᑕᖅᑐᒃᓴᒃᑯᑦ ᑭᒡᓕᓯᓂᐊᕐᓂᕐᒧᑦ ᑲᑎᒪᔨᖏᑦ ᑲᓇᑕᒥᐅᑦ ᐅᓇᑕᖅᑐᒃᓴᖁᑎᖏᑕ ᓯᕗᓕᖅᑎᐅᓚᐅᖅᑐᑦ ᖁᑦᑎᒃᑐᕐᒥ ᑭᒡᓕᓯᓂᐊᕐᓂᕐᒧᑦ, ᑕᒪᓐᓇᑦᑕᐅᖅ ᐊᑐᑎᖃᖢᓂ ᐊᑐᑕᐅᓕᓚᐅᒥᔪᖅ ᑲᓇᑕᒥᐅᓄ ᑐᙵᕕᒋᔭᐅᓕᓚᐅᕐᒥᔪᑦ ᓄᓇᖃᕐᓂᕐᒧᑦ ᐅᑭᐅᖅᑕᖅᑐᕐᒥ. ᐅᓇᑕᖅᑐᒃᓴᑯᑦ ᐋᕿᒃᓯᓚᐅᖅᑐᑦ ᑕᒫᕐᕕᓕᐅᖢᑎᒃ ᑕᓰᐊᓗᒥ (1957-1958), ᐱᒋᐊᕐᕕᒥ (1959) ᐊᒪᓗ ᑕᐃᑯᕆᐅᑉ ᓯᔭᕆᑐᖓᓂ (1962); ᑕᖖᒫᕐᕖᑦ ᑕᓰᐊᓗᒥ ᐊᒪᓗ ᑕᐃᑯᕆ ᓯᔭᕆᑐᖓᓂ ᓱᓕ ᐅᓪᓗᒥ ᐊᑐᑕᐅᖃᑦᑕᖅᑐᑦ ᑐᖃᑕᕐᕕᐅᓗᑎᒃ ᒥᕐᖑᐃᖅᓯᕐᕕᐅ ᐊᐅᓚᓂᖓᓄᑦ.

ᒪᑐᐃᖓᕐᓂᖓᓂ ᐊᐅᓚᓯᓂᖅ ᑕᐃᖕᑯᕆᒥ ᐃᓱᓕᓚᐅᖅᑎᓪᓗᒍ 1978ᒥ, ᐅᓇᑕᖅᑐᒃᓴᑯᑦ ᑭᒡᓕᓯᐊᕐᓂᒧᑦ ᑲᑎᒪᔨᖏᑦ - ᑲᔪᓯᓚᐅᑐᑦ ᐃᑲᔪᖅᑐᐃᓪᓗᑎᒃ ᑭᒡᓕᓯᓂᐊᓂᕐᒥᒃ ᑕᑉᐸᒃᓱᒪ ᓄᓇᖓᑕ ᒥᒃᓵᓂ 1990ᐅᔪᑦ ᑎᑭᖢᒋᑦ. ᑕᐃᒪᖓᑦ 1978ᒥ, ᓯᓚᔪᐊᑉ ᑐᓄᕕᐊᓃᑦᑐᖅ ᑲᔾᔨᖓᓂ ᓯᑯᐊᓗᐊᑕ ᐱᓕᕆᐊᖑᓂᖓᓂᒃ ᐋᕿᒃᓱᐃᓯᒪᔪᑦ ᖁᑦᑎᒃᑐᒥᕐ ᑭᒡᓕᓯᓂᐊᕐᓂᒧᑦ ᐃᑲᔪᕐᖢᑎᒃ.ᑖᒃᑯᐊ ᐱᓕᕆᐊᖑᔪᑦ ᐅᓗᒥᐅᔪᕐᒧᑦ ᖃᐅᔨᒪᔾᔪᑎᒧᑦ ᐃᑲᔪᖅᓯᒪᕐᔪᐊᖅᑐᑦ ᒥᕐᖑᐃᖅᓯᕐᕕᐅᑉ ᓄᓇᖓ ᐱᔾᔪᑎᒋᓪᓗᒍ. ᒥᕐᖑᐃᖅᓯᕐᕕᐅᑉ ᐱᖁᑎᖏᑕ ᑐᑭᓯᓇᖅᓯᑎᔾᔪᑎᖏᑦ ᖃᐅᔨᔭᐅᔾᔪᑏᓪᓗ ᑕᐃᑲᙵᑦ ᐱᒋᐊᕐᕕᖃᖅᖢᑎᒃ ᐱᓕᕆᔭᐅᓯᒪᔪᑦ. ᖃᓄᐃᑦᑐᓂᕕᓂᖓᓂ ᖃᐅᔨᓴᐃᓂᖅ ᑭᓱᓕᒫᑦᑎᐊᑦ ᓇᐸᔪᑦ ᐃᑕᓂᓴᐃᓪᓗ ᓇᓗᓇᐃᒃᑯᑦᑎᖅᓱᖅᑕᐅᓂᖏᓐᓄᑦ ᑕᐃᖕᑯᕆᐅᑉ ᓯᒡᔭᕆᑐᖓᓂᑦ, ᑕᓰᐊᓗᒥᑦ ᐊᒪᓗ ᐱᒋᐊᕐᕕᒥᑦ ᐱᔭᕇᖅᑕᐅᓯᒪᓕᖅᑐᖅ (ᑎᒃ, 1991ᐱ). ᓄᐊᑕᐅᔪᑦ ᐃᑕᕐᓂᓴᐃᑦ ᖃᐅᔨᓴᖅᑕᐅᑦᑎᐊᓚᐅᖅᑐᑦ. ᓇᐸᔪᑦ ᐃᒡᓗᑐᖃᕕᓃᑦ ᐃᑦᑕᕐᓂᓴᐃᓪᓗ ᑭᒻᒪᑰᓂᕋᖅᑕᐅᓯᒪᔪᑦ ᐅᓇᑕᖅᑐᒃᓴᒃᑯᑦ ᑭᒡᓕᓯᓂᐊᖅᑏᑦ ᑲᑎᒪᔨᖏᓐᓄᑦ ᐱᓕᕆᐊᖑᔪᓂᒃ.

7.2 ᐃᑦᑕᕐᓂᓴᖃᕐᕕᓕᕆᓂᕐᒧᑦ ᐱᓕᕆᔭᐅᔾᔪᑎᒃᓴᐃᑦ

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᐊᐅᓚᑦᑎᔾᔪᑎᖏᑦ ᐅᖃᖅᑕᐅᓯᒪᑦᑎᐊᖅᐳᑦ ᐅᕙᓂ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᐊᐅᓚᑦᑎᔾᔪᒧᑦ ᐊᑐᐊᒐᕐᒥ ᐅᑯᐊ ᑎᑎᕋᖅᓯᒪᔭᐅᒋᓪᓗᑎᒃ, ᓇᓗᓇᐃᒃᑯᑦᑎᖅᓱᐃᓂᖅ, ᖃᐅᔨᓴᐃᓂᖅ, ᐃᓱᒪᒃᓴᖅᓯᐅᕈᑎᖃᕆᐊᖃᕐᓂᖅ ᐃᑦᑕᕐᓂᓴᐅᓂᖓᓄᑦ ᐊᓐᓂᕐᓇᕐᒪᖔᑦ, ᓇᐅᑦᑎᖅᓱᐃᔭᕆᐊᖃᕐᓃᓪᓗ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᖃᐅᔨᒋᐊᑦᑎᐊᕐᓂᐊᖅᑐᑦ ᐊᐅᓚᑦᑎᔾᔪᑎᐅᔪᓕᒫᑦ ᑕᒪᐃᓐᓄ ᐊᑕᐅᓯᕐᒥᒃ ᐅᓄᖅᑐᓂᒡᓘᓐᓃᑦ ᐊᒃᑐᐃᑐᐃᓐᓇᕆᐊᖃᕐᒪᖔᕐᒥᒃ ᐃᑦᑕᕐᓂᓴᐅᑉ ᖃᓄᐃᓕᖓᓄᖓᓄᑦ ᐃᑦᑕᕐᓂᓴᖃᕐᕕᖕᓂᖔᖅᑐᓂᒃ ᒥᕐᖑᐃᖅᓯᕐᕕᖕᒥ. ᖃᐅᔨᒋᐊᕈᑏᑦ ᐃᒃᐱᒍᓱᑦᑎᐊᓛᖑᔪᑦ ᐃᑦᑕᕐᓂᓴᖃᕐᕖᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐊᑐᖅᑕᐅᓂᐊᖅᑐᑦ.

7.3 ᐊᐅᓚᑦᑎᓂᕐᒧᑦ ᐱᓇᓱᐊᖅᑕᐅᔪᒪᔪᑦ, ᑐᕌᒐᕆᔭᐅᔪᑦ, ᐱᒋᐊᕈᑎᐅᓂᐊᖅᑐᓪᓗ

7.3.1 ᓇᓗᓇᐃᒃᑯᑦᑎᖅᓱᖅᑕᐅᓂᖏᑦ

ᓇᓗᓇᐃᒃᑯᑦᑎᖅᓱᖅᑕᐅᓃᑦ ᐃᒪᓐᓇᐅᕗᖅ ᑎᑎᕋᖅᑐᖅᑕᐅᑦᑎᐊᓪᓗᑎᒃ ᐃᑦᑕᕐᓂᓴᖃᕐᕕᖕᓂᙶᖅᑐᑦ ᓇᓗᓇᐃᖅᑕᐅᑦᑎᐊᕐᓗᑎᒃ ᑐᓴᖅᑕᐅᔭᕆᐊᖃᕈᑎᓕᒫᖏᑦ ᐊᑐᓂ ᐃᑦᑕᕐᓂᓴᐃᑦ. ᓇᓗᓇᐃᒃᑯᑦᑎᖅᓱᖅᑕᐅᓂᖏᑦ ᐊᐅᓚᑦᑎᔨᓂᒃ ᖃᐅᔨᒪᔾᔪᑎᐅᓂᐊᕐᒪᑕ ᖃᓄᐃᓕᖓᓕᕐᓂᖏᓐᓂᒃ ᓇᒦᓐᓂᖏᓐᓂᒡᓗ ᐃᑦᑕᕐᓂᓴᐃᑦ ᖃᓄᐃᑦᑑᓂᖏᓐᓂᒡᓗ ᐃᑲᔪᖅᑐᐃᔾᔪᑎᐅᓗᑎᒡᓗ ᖃᓄᖅᑑᕈᑎᐅᓂᐊᖅᑎᓪᓗᒋᑦ ᐃᑦᑕᕐᓂᓴᕐᓄᑦ ᐊᐅᓚᑦᑎᔾᔪᑎᐅᓂᐊᖅᑐᑦ.

7.3.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᓇᓗᓇᐃᒃᑯᑦᑎᖅᓱᖅᑕᐅᓂᖏᑦ ᐃᑦᑕᕐᓂᓴᖃᕐᕕᖕᓂᖔᖅᑐᑦ ᐊᑐᖅᑕᐅᓂᐊᖅᑐᑦ ᖃᐅᔨᓴᖅᑕᐅᔭᕆᐊᖃᕐᓂᖏᓐᓄᑦ, ᐃᓱᒪᒃᓴᖅᓯᐅᕈᑕᐅᖁᓪᓗᒋᓪᓗ ᐃᑦᑕᕐᓂᓴᐅᓂᖓᓄᑦ ᐊᓐᓂᕐᓇᕐᓂᖓ, ᓇᐅᑦᑎᖅᓱᐃᔭᕆᐊᖃᕐᓂᖏᓐᓄᓪᓗ.

7.3.1.2 ᑐᕌᒐᕆᔭᕗᑦ
  1. ᖃᐅᔨᒪᔾᔪᑎᐅᖁᓪᓗᒋᑦ ᓄᑖᓂᒃ ᓇᓗᓇᐃᒃᑯᑦᑎᖅᓱᐃᓯᒪᔾᔪᖃᕋᓗᐊᕐᒪᖔᑕ ᐃᑲᔪᖅᑐᐃᓂᐊᕐᒪᑕ ᒥᕐᖑᐃᖅᓯᕐᕕᓕᕆᔨᒃᑯᑦ ᖃᓄᖅᑑᕈᑎᖏᓐᓄᑦ.
  2. ᖃᐅᔨᔭᐅᔪᓇᓂᓕᒫᖏᓂ ᐃᓕᔾᔪᑎᒋᒋᐊᕐᓗᒋᑦ ᓱᕋᑦᑎᑐᐃᓐᓇᕆᐊᓖᑦ ᓱᒃᑯᑐᐃᓐᓇᕆᐊᓖᓘᓐᓃᑦ ᐃᑦᑕᕐᓂᓴᖃᕐᕖᑦ. ᖃᐅᔨᔭᐅᔪᑦ ᑐᓴᐅᒪᖃᑎᒌᒍᑎᒋᓗᒋᑦ ᐱᔾᔪᑎᒋᓪᓗᒍ ᒥᕐᖑᐃᖅᓯᕐᕕᒃ ᐊᕙᑎᖓᓗ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓄᑦ ᐊᑐᖅᑎᓄᓪᓗ, ᓄᓇᓕᖕᒥᐅᓄᑦ, ᐃᓄᐃᑦ ᐃᑦᑕᕐᓂᓴᖃᕕᓕᕆᔨᖏᓐᓄᑦ, ᐊᓯᖏᓐᓄᓪᓗ.
  3. ᓇᓗᓇᐃᒃᑯᑦᑎᖅᓱᕆᐊᓖᑦ ᐱᔭᕇᕐᓗᒋᑦ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᓐᓂ ᖃᐅᔨᒪᔭᐅᑦᑎᐊᖏᑦᑐᑦ.
7.3.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑲᒪᒋᔭᖃᑦᑎᐊᖏᓐᓇᕐᓗᑎᒃ ᐱᕕᖃᖅᑎᑦᑎᔪᓐᓇᕐᓗᑎᒡᓗ ᐱᔪᒪᔪᖃᕐᓂᕈᓂ ᖃᐅᔨᒪᔭᐅᔪᓕᒫᓂᒃ ᐃᑦᑕᕐᓂᓴᖃᕐᕖᑦ ᓇᓗᓇᐃᒃᑯᑦᑎᖅᓱᖅᑕᐅᓯᒪᓂᖏᑕ ᑐᖅᑯᑦᑕᐅᓯᒪᕝᕕᖓᓃᑦᑐᓂᒃ.
  2. ᓇᓗᓇᐃᒃᑯᑦᑎᖅᓱᐃᖏᓐᓇᕐᓗᑎᒃ ᐃᑦᑕᕐᓂᓴᖃᕐᕕᓂᙶᖅᑐᓕᒫᓂᒃ.
  3. ᑎᑎᕋᖅᑕᐅᕙᓪᓕᐊᓗᑎᒃ ᑐᓴᐅᒪᖃᑎᒌᒍᑎᐅᓕᕐᓗᑎᒡᓗ ᐃᓄᒃᑎᑐᑦ ᐊᑎᖃᖅᑐᑦ ᓄᓇᐃᑦ ᒥᕐᖑᐃᖅᓯᕐᕕᖕᒥ.
7.3.2 ᖃᐅᔨᓴᐃᓂᖅ ᐃᓱᒪᒃᓴᓯᐅᕈᑎᖃᕐᓂᕐᓗ ᐃᑦᑕᕐᓂᓴᐅᓂᖏᑦ ᐊᓐᓂᕐᓇᕐᒪᖔᑕ

ᖃᐅᔨᓴᐃᕙᓪᓕᐊᓂᖅ ᖃᐅᔨᒋᐊᕈᑎᐅᓂᐊᕐᒪᑦ ᐃᓱᒪᒃᓴᖅᓯᐅᕈᑕᐅᔭᕆᐊᖃᕐᒪᖔᑦ ᐃᑦᑕᕐᓂᓴᐅᓂᖓᓄ ᐊᓐᓂᕐᓴᕐᓂᖓ ᐃᑦᑕᕐᓂᓴᖃᕐᕕᖕᒥᖔᖅᑐᖅ ᓱᕋᓇᒃᑕᐅᑐᐃᓐᓇᕆᐊᖃᕐᒪᖔᓪᓗ. ᑐᑭᓯᐅᒪᔭᐅᓕᕈᓂ ᐃᑦᑕᕐᓂᓴᐅᓂᖓᓄᑦ ᐊᓐᓂᕐᓴᕐᓂᖓ ᐃᑲᔪᖅᑐᐃᓂᐊᕐᒪᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓄᑦ ᓴᐳᔾᔩᔭᕆᐊᖃᕐᓂᖏᓐᓂᒃ, ᑕᑯᒃᓴᐅᑎᑦᑎᔭᕆᐊᖃᕐᓂᖏᓐᓂᒃ ᐊᑐᖅᓯᑦᑎᐊᕆᐊᖃᕐᓂᖏᓐᓂᒡᓗ.

ᑕᑯᑎᑦᑎᔾᔪᑎ 9. ᐃᑕᕐᓂᓴᐅᓂᕐᒧᑦ ᐊᓐᓂᕐᓇᓂᖓ

ᐃᑦᑕᕐᓂᓴᐅᓂᕐᒧᑦ ᐊᓐᓂᕐᓇᓂᖓ ᖃᐅᔨᔭᐅᖃᑦᑕᖅᐳᖅ ᑐᓴᕆᐊᕈᑎᐅᓚᐅᖅᑎᓪᓗᒍ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᖃᐅᔨᒪᔨᓂᒃ, ᒥᕐᖑᐃᖅᓯᕕᓕᕆᔨᓂᒃ, ᐃᓄᖕᓂᒃ, ᐊᓯᖏᓐᓂᒡᓗ. ᐅᓄᖅᑐᑦ ᑐᓴᖅᑕᐅᔾᔪᑎᖏᑦ ᐊᑐᖅᑕᐅᖃᑦᑕᖅᑐᑦ, ᐅᑯᐊᓗᑦᑕᐅᖅ ᑎᑎᕋᖅᑕᐅᓯᒪᓂᑯᕕᓃᑦ, ᐅᓂᒃᑳᖅᑐᐊᑦ, ᓄᓇᓕᖕᓂ ᐱᖅᑯᓰᑦ, ᑭᒡᓕᓯᓂᐊᖅᑐᓕᕆᔨᒃᑯᑦ ᖃᐅᔨᓴᕐᓂᖏᑦ, ᐊᓯᖏᓪᓗ ᐃᑦᑕᕐᓂᓴᐅᑉ ᖃᓄᐃᓕᖓᓂᖏᑕ ᑕᐅᑦᑐᖏᑦ. ᐱᔾᔪᑎᐅᔪᑦ ᐃᑦᑕᕐᓂᓴᐅᓂᖓᓄᑦ ᖃᐅᔨᔾᔪᑏᑦ ᐅᑯᓂᖓ ᐃᓚᖃᕈᓐᓇᖅᐳᑦ; ᑕᐅᑦᑐᖓᑕ ᖃᓄᐃᓕᖓᓄ ᐱᑐᖃᐅᓂᖓ, ᓇᒦᓐᓂᖓ, ᖃᓄᐃᓕᖓᓂᖓ; ᓇᓗᓇᐃᒃᑯᑎᖃᕐᓂᖓ; ᐃᓄᖕᒧᑦ ᑐᕌᖓᓂᖓ ᖃᓄᐃᓚᐅᖅᑐᒧᓪᓘᓐᓃᑦ; ᓄᓇᒦᓐᓂᕆᔭᖓᓘᓐᓃᑦ. ᖃᐅᔨᒋᐊᖅᑎᓪᓗᒋᑦ ᐃᑦᑕᕐᓂᓴᖅ ᐊᓐᓂᕐᓇᕆᐊᒃᓴᖓᓂᒃ, ᖃᐅᔨᓴᖅᑕᐅᑦᑎᐊᕆᐊᖃᖅᐳᑦ ᑕᒪᐃᓐᓂᒃ ᐊᑕᐅᓯᕐᒧᐊᖓᖕᒪᖔᑦ ᐅᓄᖅᑐᓅᖓᖕᒪᖔᓪᓘᓐᓃᑦ.

7.3.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᖃᐅᔨᒪᔭᐅᔪᓕᒫᑦ ᐃᑦᑕᕐᓂᓴᖃᕐᕕᖕᓂᖔᖅᑐᑦ ᒥᖑᐃᓯᕐᕕᒥ ᖃᐅᔨᓴᑕᐅᓯᒪᔪᑦ ᖃᐅᔨᒋᐊᕈᑎᐅᓂᐊᖅᑐᑦ ᐃᑦᑕᕐᓂᓴᐅᓂᖏᑦ ᐊᓐᓂᕐᓇᖅᑎᒋᖕᒪᖔᑕ. ᐃᓄᐃᑦ ᖃᐅᔨᒪᔭᖏᑦ ᐊᑐᑕᐅᓯᒪᔪᑦ ᖃᐅᔨᓴᑕᐅᓂᖓ ᐃᓱᒪᓕᐅᕈᑕᐅᓂᐊᕐᑎᓗᒋᑦ.

7.3.2.2 ᑐᕌᒐᕆᔭᕗᑦ
  1. ᖃᐅᔨᒋᐊᕈᑏᑦ ᐃᑦᑕᕐᓂᓴᐅᓂᖓᑕ ᐊᓐᓂᕐᓇᕐᓂᖓᓂᒃ ᖃᐅᔨᒪᔭᐅᔪᓕᒫᑦ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖓᓂᙶᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᓚᐅᑎᑦᑎᓗᑎᒃ.
  2. ᖃᐅᔨᒋᐊᕐᓗᑎᒃ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖓᓂᙶᖅᑐᓕᒫᑦ ᐃᓚᖏᓪᓘᓐᓃᑦ ᓂᕈᐊᖅᑕᐅᔪᓐᓇᑐᐃᓐᓇᕆᐊᖃᕐᓂᖏᓐᓂᒃ ᑲᓇᑕᒥ, ᓄᓇᒋᔭᑦᑕ ᑭᒡᓕᓕᐅᖅᑕᐅᓯᒪᔭᖓᑕ ᐃᓗᐊᓂ, ᓄᓇᓕᖕᓂᓪᓘᓐᓃᑦ ᐃᑦᑕᕐᓂᓴᖃᕐᕕᐅᓂᖓᓄᑦ ᐃᓕᓴᕆᔭᐅᔾᔪᑎᒃᓴᒥᒃ.
  3. ᐃᓚᐃᑎᖃᓯᐅᑎᓗᒋᑦ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᖃᑎᒌᒍᑏᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑕ ᑐᑭᒧᐊᕈᑎᒋᔭᖏᓐᓂᒃ ᐱᔾᔪᑎᓖᑦ ᓱᕋᑦᑎᑐᐃᓐᓇᕆᐊᖃᖅᑐᑦ ᐃᑦᑕᕐᓂᓴᖃᕐᕖFootnote 33.
7.3.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐊᔾᔨᒌᖏᑦᑐᑦ ᐱᓕᕆᔩᑦ ᐃᓄᐃᑦ, ᐃᓅᓯᕆᔭᐅᔪᕕᓂᓕᕆᔩᑦ, ᐃᑦᑕᕐᓂᓴᓕᕆᔩᑦ, ᒥᕐᖑᐃᖅᓯᕐᕕᐅᑉ ᐃᖅᑲᓇᐃᔭᖅᑎᖏᑦ ᖃᐅᔨᒋᐊᖅᑎᐅᓗᑎᒃ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᓐᓂᒃ.
  2. ᐃᑲᔪᕐᓗᒋᑦ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ ᓂᕈᐊᖅᓯᔾᔪᑎᖏᓐᓄᑦ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᓐᓂᒃ ᐃᓕᓴᕆᔭᐅᖁᓪᓗᒋᑦ ᑲᓇᑕᒧᑦ ᐃᑦᑕᕐᓂᓴᖃᕐᕕᐅᓂᖏ ᐊᓐᓂᕆᔭᐅᒻᒪᕆᖕᓂᖓᓄᑦ ᐃᓂᑐᖃᕕᓂᓕᕆᔨᒃᑯᑦ ᐃᓕᓴᖅᓯᒋᐊᖅᑎᑦᑎᔩᓪᓗ ᑲᑎᒪᔨᖏᑦ ᑲᓇᑕᒥ29 ᐃᑲᔪᕐᓗᒋᑦ ᑲᔪᓯᓂᖃᑦᑎᐊᓕᕈᓐᓇᕐᓂᐊᕐᒪᑕ ᑲᑎᒪᔨᕋᓛFootnote 34.
  3. ᑎᑎᕋᕐᓗᒋᑦ ᓴᕋᑦᑎᕙᓪᓕᐊᑐᐃᓐᓇᕆᐊᓖᑦ ᐃᑦᑕᕐᓂᓴᓄᑦ ᐃᓂᑐᖃᕕᓂᕐᓄᓪᓘᓐᓃᑦ ᐅᒃᐱᕐᕕᕕᓃᓪᓘᓐᓃᑦ ᐱᖅᑯᓯᖃᕐᕕᕕᓃᓪᓘᓐᓃᑦ ᐅᓂᒃᑳᓕᐅᕈᑎᒋᓗᒋᑦ ᐃᓄᐃᑦ ᐃᑦᑕᕐᓂᓴᖁᑎᖏᓐᓄᑦ ᐸᖅᑭᔨᓂᒃ ᑎᑎᕋᖅᑕᐅᔪᖅ ᑕᕐᕋᖓ ᑐᓂᔭᐅᖕᒥᓗᓂ ᖁᑦᑎᓂᕐᐹᖅ ᑲᑐᔾᔨᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᔩᑦᑲᑎᒪᔨᕋᓛᖏᓐᓄᑦ.
  4. ᖃᐅᔨᒋᐊᖅᑕᐅᓇᓱᐃᓐᓇᕐᓗᑎᒃ ᓱᕋᑦᑎᑐᐃᓐᓇᕆᐊᓖᑦ ᓄᓇᖏᑦ ᒥᕐᖑᐃᖅᓯᕐᕕᖕᒦᑦᑐᑦ ᓇᓗᓇᐃᖅᑕᐅᕙᓪᓕᐊᑎᓪᓗᒋᑦ.
7.3.3 ᑭᒡᓕᓯᓂᐊᕐᓂᖅ ᐊᒻᒪᓗ ᐃᓄᐃ ᖃᐅᔨᒪᔭᑐᖃᖏᑦ

ᑲᔪᓰᓐᓇᖅᑐᒥᒃ ᑭᒡᓕᓯᓂᐊᖅᑐᖃᐃᓐᓇᕆᐊᓕᒃ ᐅᖃᑦᑎᐊᕈᓐᓇᕐᓂᐊᕐᒪᑕ ᐃᑦᑕᕐᓂᓴᖃᕐᕖᑦ ᐊᐅᓚᑕᐅᔾᔪᑎᒃᓴᖏᓐᓄᑦ ᒥᕐᖑᐃᖅᓯᕐᕕᖕᒦᑦᑐᓂᒃ. ᐱᒻᒪᕆᐅᕗᖅ ᐱᓕᕆᖃᑎᒌᒋᐊᖃᕐᓂᖏᑦ ᑭᒡᓕᓯᓂᐊᖅᑏᑦ ᐃᓄᐃᓪᓗ ᐊᒻᒪᓗ ᐃᓄᐃᑦ ᑐᓴᐅᒪᑎᑕᐅᖏᓐᓇᑦᑎᐊᕆᐊᖃᕐᓂᖏᑦ ᑐᓴᕆᐊᕐᕕᐅᕙᒡᓗᑎᒡᓗ ᑭᒡᓕᓯᓂᐊᕈᑎᐅᓕᖅᑐᓂᒃ ᒥᕐᖑᐃᖅᓯᕐᕕᖕᒥ.

7.3.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᑲᔪᓯᓂᖃᑦᑎᐊᖅᑐᒥᒃ ᑭᒡᓕᓯᓂᐊᕐᓂᖅ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᓂᐊᖅᑐᑦ ᑐᑭᓯᕚᓪᓕᕈᑎᐅᒋᐊᕐᓗᑎᒃ ᒥᕐᖑᐃᖅᓯᕕᐅᑉ ᐃᑦᑕᕐᓂᓴᖃᕐᕕᖏᓐᓂᒃ ᐊᓐᓇᐅᒪᔾᔪᑎᖏᓐᓂᒡᓗ.

7.3.3.2 ᑐᕌᒐᕆᔭᕗᑦ
  1. ᑐᑭᓯᐅᒪᓂᖅᑖᕕᐅᖁᓪᓗᒋᑦ ᐃᑦᑕᕐᓂᓴᖃᕐᕖᑦ ᐊᓐᓇᐅᒪᕝᕖᓪᓗ ᒥᕐᖑᐃᖅᓯᕐᕕᖕᓂ.
  2. ᐱᕕᖃᑦᑎᐊᖅᑐᒥᒃ ᐱᕕᐅᔪᓐᓇᖁᓪᓗᒋᑦ ᓄᓇᓕᖕᒥᐅᓂ ᖃᐅᔨᒪᓃᑦ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᑦ ᐱᔾᔪᑎᒋᓪᓗᒋᑦ.
  3. ᐊᔭᐅᖅᑐᕐᓗᒋᑦ ᐃᓄᐃᑦ ᑭᒡᓕᓯᓂᐊᖅᑐᓕᕆᔩᓪᓗ ᑐᓴᐅᒪᖃᑎᒌᑦᑎᐊᕆᐊᖃᕐᓂᖏᑦ ᖃᐅᔨᒪᔭᐅᔪᓂᒃ ᐃᓄᐃᑦ ᐱᖅᑯᓯᖏᑦ ᐃᑦᑕᕐᓂᓴᖃᕐᕖᓪᓗ ᐱᔾᔪᑎᒋᓪᓗᒋᑦ.
  4. ᖃᐅᔨᒪᑦᑎᐊᕆᐊᕐᓗᒋᑦ ᑭᒡᓕᓯᓂᐊᖅᑐᓕᕆᔭᐅᔪᑦ ᒥᕐᖑᐃᖅᓯᕐᕕᖕᒥ ᐃᑲᔪᖅᑐᐃᒐᓗᐊᕐᒪᖔᑕ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᐱᓕᕆᔭᐅᖅᑳᖁᔭᖏᓐᓂᒃ.
7.3.3.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑲᑎᖅᓱᐃᖏᓐᓇᕐᓗᑎᒃ ᑐᓴᒐᒃᓴᓂᒃ, ᐅᓂᒃᑳᓂᒃ, ᐃᓄᐃ ᖃᐅᔨᒪᔭᑐᖃᖏᓐᓂᒃ ᐃᓄᐃᑦ ᐃᓐᓇᑐᖃᖏᓐᓂᒃ, ᐃᓄᖕᓂᒃ, ᐊᓯᖏᓐᓂᓪᓗ ᖁᑦᑎᖕᓂᕐᐹᒧᑦ ᓄᒃᑕᖅᓯᒪᓂᑯᓂᒃ ᐃᖅᑲᓇᐃᔭᖅᓯᒪᓂᑯᓂᒡᓗ ᖃᓂᒋᔮᓂᑦᑐᓪᓗ. ᑲᑎᖅᓱᕐᒥᓗᒋᑦ ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᐃᓄᖏᑕ ᖃᐅᔨᒪᓂᖏᑦ. ᐊᓯᖏᓐᓂᒡᓗ ᖃᐅᔨᒪᓂᕐᓂᒃ ᐱᔭᕆᐊᖃᕈᑎᒃ ᓲᕐᓗ ᑲᓛᖦᖡᑦ ᐃᓄᒃᓱᖏᓐᓂᒃ ᑲᑎᖅᓱᖅᑕᐅᖕᒥᓗᑎᒃ; ᒥᑦᑎᒪᑕᓕᖕᒥᐅᑦ, ᐃᒃᐱᐊᕐᔪᖕᒥᐅᑦ, ᑲᖏᖅᖢᒑᐱᖕᒥᐅᑦ ᐃᓄᖏᓐᓂᒃ; ᓄᓇᕕᖕᒥᐅᓪᓗ ᐃᓄᖏᓐᓂᒃ. ᑐᓴᖅᑕᐅᔪᑦ ᑐᖅᑯᑦᑕᐅᕙᓪᓕᐊᓗᑎᒃ ᑐᖅᑯᐃᕕᖕᓄᑦ ᑕᒪᐃᓐᓄᑦ ᐊᑐᖅᑕᐅᔪᓐᓇᕋᔭᖅᑐᓂᒃ.
  2. ᐃᓚᐅᑎᓪᓗᒋᑦ ᐃᓄᐃᑦ ᐃᓐᓇᑐᖃᖏᑦ ᓇᓗᓇᐃᖅᓯᓂᐊᖅᑎᓪᓗᒋᑦ ᐃᑦᑕᕐᓂᓴᖃᕐᕕᖕᓂ ᓇᓗᓇᐃᔭᕐᕕᐅᓗᑎᒡᓗ ᖃᓄᖅ ᑖᓐᓇ ᐃᑦᑕᕐᓂᓴᖃᕐᕕᒃ ᐊᑐᖅᑕᐅᓂᐊᕐᓂᖓᓂᒃFootnote 35.
  3. ᐃᑲᔪᖅᑐᕐᓗᒋᑦ ᐃᓄᐃᑦ ᑭᒡᓕᓯᓂᐊᖅᑏᓪᓗ ᐱᓕᕆᖃᑎᒌᖕᓂᖏᑦ ᐊᑐᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᓴᖅᑕᐅᔭᕆᐊᖃᖅᑐᓕᕆᑎᓪᓗᒋᑦ ᑭᒡᓕᓯᓂᐊᖅᐸᓪᓕᐊᑎᓪᓗᒋᓪᓗ. ᐊᔭᐅᖅᑐᕐᓗᒋᑦ ᐃᓄᐃᑦ ᐃᓚᐅᔭᕆᐊᖃᕐᓂᖏᓐᓄᑦ ᑭᒡᓕᓯᓂᐊᖅᑎᓪᓗᒋᑦ, ᐃᑲᔪᖃᑎᒌᒃᑐᒥᒡᓗ ᕿᓂᕐᓗᑎᒃ ᐃᓄᐃᑦ ᑭᒡᓕᓯᓂᐊᖅᑐᓕᕆᓂᕐᒧᑦ ᐱᓕᒻᒪᒃᓴᐅᑎᒃᓴᖏᓐᓂᒃ, ᐃᓚᐅᑎᓪᓗᒋᑦ ᐃᓄᐃᑦ ᐃᑦᑕᕐᓂᓴᖃᕕᓕᕆᔩᑦ ᐱᔭᕆᐊᖃᕐᓂᕈᓂ.
  4. ᑐᓴᖅᑎᑦᑎᔭᕆᐊᖃᖁᓗᒋᑦ ᒥᕐᖑᐃᖅᓯᕐᕕᖕᒥ ᑭᒡᓕᓯᓂᐊᖅᑐᓕᕆᔩᑦ ᓴᖅᑭᑕᖏᓐᓂᒃ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓘᓐᓃᑦ.
  5. ᐊᔭᐅᖅᑐᕐᓗᒋᑦ ᑲᓇᑕᒥᐅᑦ ᓯᓚᕐᔪᐊᓪᓗ ᑐᓄᕕᐊᓂᑕ ᐅᑭᐅᖅᑕᖅᑐᖓᓂ ᑭᒡᓕᓯᓂᐊᖅᑏᑦ, ᑭᒡᓕᓯᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᖏᑦ, ᐃᓕᓐᓂᐊᕐᕕᒡᔪᐊᑦ ᐊᑐᖅᑕᐅᖁᓗᒍ ᒥᕐᖑᐃᖅᓯᕐᕕᒃ ᑭᒡᓕᓯᓂᐊᕐᕕᐅᓂᖓᓂᒃ ᑕᐅᑐᖕᓂᖃᖁᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑕ ᑭᒡᓕᓯᓂᐊᕐᓂᕐᒧᑦ ᐱᓕᕆᔭᐅᖅᑳᖁᔭᖏᑦ.
  6. ᐱᓕᕆᖃᑎᒌᖕᓂᖅ ᓴᙱᒃᑎᒋᐊᕐᓗᒍ ᓄᓇᓕᖕᓂ, ᕿᑭᑖᓗᒥ, ᑲᓇᑕᒥᓪᓗ ᑭᒡᓕᓯᓂᐊᕐᓂᕐᒧᑦ ᑲᑐᔾᔨᖃᑎᒌᓂᖅ.
  7. ᐅᖃᐅᔾᔪᖅᑕᐅᔪᒪᓗᑎᒃ ᑲᑐᔾᔨᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᓐᓄᑦ ᑭᒡᓕᓯᓂᐊᖅᑐᓕᕆᓂᕐᒧᑦ ᐱᓕᕆᔭᐅᖅᑳᖁᔭᐅᔪᓂᒃ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ.
  8. ᑲᑐᔾᔨᖃᑎᒌᑦ ᐃᓄᐃᓪᓗ ᐊᐅᓚᑕᐅᔪᒥᑦ ᐱᔪᓐᓇᖅᑎᓪᓗᒋᑦ ᒥᕐᖑᐃᖅᓯᕐᕕᐅᑉ ᑐᖅᑯᖅᑕᖏᓐᓂᒃ ᐃᓄᐃᑦ ᐱᖁᑎᕕᓂᖏᓐᓂᒃ ᓄᓇᓕᖕᒥᐅᓪᓗ ᖃᐅᔨᒪᔭᖏᓐᓂᒃ ᑎᑎᕋᖅᑕᐅᓯᒪᔪᓂᒃ.
7.3.4 ᓴᐳᔾᔨᓂᖅ ᐃᑦᑕᕐᓂᓴᖃᕐᕕᖕᓂ

ᐊᐅᓚᑦᑎᓂᕐᒧᑦ ᐅᖃᖅᓯᒪᑦᑎᐊᕐᓂᖅ ᐱᔾᔪᑎᒋᓪᓗᒋᑦ ᐃᑦᑕᕐᓂᓴᖃᕐᕖᑦ ᒥᕐᖑᐃᖅᓯᕐᕕᖕᒥ ᐱᔭᕆᐊᖃᖅᑐᑦ. ᐊᐅᓚᑦᑎᓂᐊᕐᓂᕐᒧᑦ ᐱᒋᐊᕈᑏᑦ ᖃᐅᔨᒋᐊᖅᑕᐅᖃᑦᑕᕐᓂᐊᖅᑐᑦ ᐊᒃᑐᐃᑐᐃᓐᓇᕆᐊᖃᕐᓂᖏᑦ ᐃᓱᒪᒃᓴᖅᓯᐅᕈᑕᐅᓗᑎᒡᓗ ᐃᑦᑕᕐᓂᓴᐅᓂᖓᓄᑦ ᐊᓐᓂᕐᓇᑐᐃᓐᓇᕆᐊᖃᕐᓂᖓ ᐃᑦᑕᕐᓂᓴᐅᑉ. ᒥᕐᖑᐃᖅᓯᕐᕕᐅᑉ ᖃᓄᐃᓕᖓᓂᖓ 1997ᒥ ᐅᓂᒃᑳᓕᐊᖅ ᐅᖃᖅᓯᒪᖕᒪ ᐃᑦᑕᕐᓂᓴᖃᕐᕖᑦ ᐃᒡᓗᑐᖃᐃᓪᓗ ᐱᐅᖏᑦᑑᓕᕐᓂᖏᓐᓂᒃ ᖃᓄᐃᖏᓐᓂᖏᓐᓂᒡᓘᓐᓃᑦ. ᑖᒃᑯᐊ ᐃᑦᑕᕐᓂᓴᖃᕐᕖᑦ ᓯᕗᓪᓕᖅᐹᖑᑎᑕᐅᓂᐊᖅᑐᑦ ᖃᐅᔨᓴᖅᑕᐅᒃᑲᓐᓂᕆᐊᖃᕐᓂᖏᑦ ᖃᐅᔨᒋᐊᖅᑕᐅᓂᖏᓪᓗ. ᐃᒡᓗᕐᔪᐊᓕᒫᓄᑦ ᖁᑦᑎᖕᓂᖅᐹᒥ, ᓴᓇᔭᐅᒋᐊᕈᓐᓇᕐᒪᑕᓕ ᐱᓕᕆᔭᐅᔪᓐᓇᖅᖢᑎᒡᓗ ᒥᕐᖑᐃᖅᓯᕐᕕᖕᒧᑦ ᐊᑐᖅᑕᐅᔪᓐᓇᖁᓪᓗᒋᑦ ᐋᖅᑭᒃᑕᐅᓂᐊᖅᑐᑦ ᓴᓇᔭᐅᕐᔪᐊᕆᐊᖃᖏᓪᓗᓂ ᓴᓇᐅᕌᕐᔪᑐᐃᓐᓇᕆᐊᓕᒃ. ᑕᒪᕐᒥᒃ ᐃᒡᓗᕐᔪᐊᑦ ᖃᐅᔨᒋᐊᖅᑕᐅᓯᒪᖏᑦᑐᑦ ᑲᓇᑕᒧᑦ ᐊᓐᓂᕆᔭᐅᔭᕆᐊᒃᓴᖏᓐᓂᒃ ᐱᑐᖃᖑᖅᐸᓪᓕᐊᑐᐃᓐᓇᓕᖅᑐᑦ ᐲᖅᑕᐅᓛᖅᑐᒃᓴᐅᔪᑦ ᓯᔪᓂᒃᓴᑦᑎᓐᓂ, ᐱᔭᕆᐊᖃᕐᓂᕈᓂ.

7.3.4.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐃᑦᑕᕐᓂᓴᖃᕐᕖᑦ ᖁᑦᑎᓛᑦᑎᐊᒥ ᓴᐳᔾᔭᐅᓇᓱᐊᕐᓂᐊᖅᑐᑦ ᓱᕋᓇᒃᑕᐅᓂᐊᖏᒻᒪᑕ ᐊᓯᐅᔨᔭᐅᓂᐊᖏᒻᒪᑕᓗ.

7.3.4.2 ᑐᕌᒐᕆᔭᕗᑦ
  1. ᓂᕈᐊᕐᓗᑎᒃ ᐃᓕᔭᐅᓗᑎᒡᓗ ᐊᐅᓚᑦᑎᔾᔪᑎᓄᑦ ᐱᓕᕆᔾᔪᑎᐅᓂᐊᖅᑐᑦ ᓈᒻᒪᓛᒥ ᓴᐳᔾᔨᔪᓐᓇᕐᓂᐊᕐᒪᑦ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᓐᓂᒃ ᐃᓂᑐᖃᕕᓂᐅᓂᖓᓂᒡᓗ ᐊᓐᓂᕆᔭᐅᔪᓂᒃ.
  2. ᖃᐅᔨᒋᐊᕐᓗᒋᑦ ᐊᐅᓚᑦᑎᔾᔪᑎᐅᓂᐊᖅᑐᒧᑦ ᓯᕗᒧᐊᒍᑎᐅᔪᓐᓇᖅᑐᑦ ᓇᑉᐸᖅᓯᒪᔪᓄᑦ ᐃᑦᑕᕐᓂᓴᓄᓪᓗ ᕗᐊᑦ ᑳᖕᑯᒥ ᑎᔅᑲᕗᕆ ᑲᖏᖅᖢᖓᓂᓪᓗ.
  3. ᓴᐳᔾᔭᐅᓯᒪᑦᑎᐊᖁᓪᓗᒋᑦ ᓇᑉᐸᖓᔪᑦ ᐅᓇᑕᖅᑐᒃᓴᒃᑯᑦ ᖃᐅᔨᓴᖅᑐᓕᕆᔨᒃᑯᖏᓐᓄᑦ ᐱᓕᕆᕝᕕᐅᓯᒪᓂᑰᓂᖓᓂᒃ ᐊᒃᑐᐊᖓᓂᓖᑦ ᐅᓇᑕᖅᑐᒃᓴᒃᑯᓪᓗ ᖃᐅᔨᓴᖅᑐᓕᕆᔨᒃᑯᖏᓐᓂ ᑕᕆᐅᕖᑦ ᐱᔾᔪᑎᒋᓪᓗᒋᑦ.
7.3.4.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐊᕐᕋᒎᒃ ᒪᕐᕉᒃ ᐃᓗᐊᓂ, ᐱᖃᑎᒋᓗᒋᓗ ᑲᑐᔾᔨᖃᑎᒌᖑᓪᓗᑎᒃ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑦ, ᐋᖅᑭᒃᓯᓂᐊᖅᑐᑦ ᒥᕐᖑᐃᖅᓯᕐᕕᒨᖓᓚᕆᑐᓂ ᐃᑦᑕᓂᓴᓕᕆᔪᓐᓇᐅᑎᒥᒃ ᐱᔪᓇᐅᑎᓂᒃ ᒪᓕᒐᓴᖃᓗᑎᒃ ᐃᓗᓕᖃᑐᓂᕐ ᒪᓇᐅᔪᖅ ᒪᓕᑕᐅᔭᕆᐊᓕᖕᓂᒃFootnote 36 ᐃᓱᒪᒋᓗᒋᓪᓗ ᒪᓇᐅᔪᖅ ᐳᐅᓛᖅ ᐊᑐᑕᐅᖃᑕᕐᑐᑦFootnote 37.
  2. ᐃᓕᓐᓂᐊᖅᑎᑦᑏᓐᓇᕐᓗᑎᒃ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓄᑦ, ᐊᑐᖅᑎᓄᑦ, ᐃᖅᑲᓇᐃᔭᖅᑎᓄᓪᓗ ᐃᑦᑕᕐᓂᓴᖃᕐᕖᑦ ᐱᒻᒪᕆᐅᓂᖓ ᐱᔾᔪᑎᒋᓪᓗᒍ ᒥᕐᖑᐃᖅᓯᕐᕕᖕᒥ ᓴᐳᔾᔭᐅᓯᒪᑦᑎᐊᕆᐊᖃᕐᒪᑕ ᐃᑦᑕᕐᓂᓴᖏᓪᓗ ᓱᕋᒃᑕᐅᑦᑕᐃᓕᒪᑦᑎᐊᕐᓗᑎᒃ ᐃᓂᑐᖃᖏᓐᓃᑎᓪᓗᒋᑦ ᐃᑦᑕᕐᓂᓴᐅᑉ ᑕᐅᑦᑐᑐᖄᑐᑦ.
  3. ᖃᐅᔨᓴᕐᓗᒋᑦ ᓯᕗᓂᑦᑎᓐᓂ ᓂᕈᐊᖅᑕᐅᔪᓐᓇᖅᑐᑦ ᖃᓄᖅ ᐊᐅᑦᑎᔪᓐᓇᕆᐊᒃᓴᖏᓐᓂᒃ ᓇᑉᐸᖅᓯᒪᔪᓂᒃ ᐃᑦᑕᕐᓂᓴᓂᒡᓗ ᕗᐊᑦ ᑲᖕᑯᒥᑦ.
  4. ᑲᔪᓯᔪᒥᒃ ᑲᒪᒌᓐᓇᕐᓗᒋᑦ ᓇᐸᓯᒪᔪᑦ ᐅᓇᑕᖅᑐᒃᓴᒃᑯᑦ ᑭᒡᓕᓯᓂᐊᖅᑎᖏᓐᓄᑦ ᐅᓇᑕᖅᑐᒃᓴᒃᑯᓪᓗ ᑭᒡᓕᓯᓂᐊᖅᑏᑦ ᐱᓕᕆᔨᖏᓐᓄᑦ ᑕᕆᐅᕕᖕᓂ ᐊᒃᑐᐊᖓᔪᑦ ᒪᓕᒃᑎᐊᕆᐊᖃᕐᓂᖓ ᐱᓕᕆᔾᔪᑎᒋᓐᓄᑦ ᐃᑦᑕᕐᓂᓴᐅᓂᖓᓄᑦ ᐊᓐᓂᕆᔭᐅᔪᑦ.
  5. ᖃᐅᔨᓴᖅᑕᐅᖏᓐᓇᕐᓗᑎᒃ ᑖᐃᑯᐊ ᐊᑦᑕᕐᓇᖅᑐᒦᑦᑐᑦ ᐃᓄᐃᑦ ᐱᖁᑎᕕᓂᖏᑦ ᐊᒻᒪᓗ ᐱᐅᓕᐊᕆᓇᓱᒃᓗᒋᑦ ᓇᒪᓈᓕᕌᖓᑦ, ᒪᓕᖃᑕᕐᓗᑕ ᖃᓄᖅᑑᕈᑎᖏᓂᒃ ᐃᑕᓂᓴᓕᕆᔩᑦ ᐊᒻᒪᓗ/ᐅᕙᓗᓃᑦ ᑲᑐᔨᖃᑎᒋᖑᓗᑎᒃ ᒥᕐᖑᐃᖅᓯᕐᕕᓕᕆᔨᑯᑦ ᑲᑎᒪᔨᕋᓛᖏᑦ.
7.3.5 ᐃᑦᑕᕐᓂᓴᖃᕐᕖᑦ ᓇᐅᑦᑎᖅᓱᖅᑕᐅᓂᖏᓐᓄᑦ
7.3.5.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᓇᐅᑦᑎᖅᓱᖅᑕᐅᔪᓕᕆᓃᑦ ᖃᐅᔨᒋᐊᕈᑎᐅᓂᐊᖅᑐᑦ ᐃᑦᑕᕐᓂᓴᖃᕐᕖᑦ ᖃᓄᐃᓕᖓᓂᖏᓐᓄᑦ ᒥᕐᖑᐃᖅᓯᕕᖕᒥ ᖃᐅᔨᒪᔭᐅᓂᐊᕐᒪᑕ ᐱᒋᐊᕈᑎᐅᔭᕆᐊᓕᒡᓗ ᓇᓗᓇᐃᖅᑕᐅᔪᓐᓇᕐᓂᐊᕐᒪᑦ ᐱᒋᐊᕈᑎᐅᑲᐅᑎᒋᓕᕐᓗᓂ ᐱᔭᕆᐊᖃᖅᐸᑦ.

7.3.5.2 ᑐᕌᒐᕆᔭᕗᑦ
  1. ᓇᓗᓇᐃᕐᓗᒋᑦ ᖃᐅᔨᒋᐊᕐᓗᒋᓪᓗ ᓱᕋᑦᑎᒍᑎᐅᑐᐃᓐᓇᕆᐊᓖᑦ ᐃᑦᑕᕐᓂᓴᖃᕐᕕᖕᓄᑦ
  2. ᓇᐅᑦᑎᓱᐃᕙᓪᓕᐊᓂᖅ ᐱᕚᓪᓕᖅᑎᑕᐅᓗᓂ ᐃᑦᑕᕐᓂᓴᖃᕐᕕᐅᔪᒥ ᕗᐊᑦ ᑳᖕᑯᒥ.
7.3.5.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᓇᐅᑦᑎᖅᓲᑎᓄᑦ ᑐᕌᒐᕆᔭᐅᔪᑦ ᐊᒻᒪ/ᓘᓐᓃᑦ ᓂᕈᐊᖅᑕᐅᓯᒪᔪᑦ ᐃᑦᑕᕐᓂᓴᖃᕐᕖᑦ ᐃᓄᖃᒐᔪᒃᑐᓂ ᒥᕐᖑᐃᖅᓯᕐᕕᖕᒥ ᑭᒡᒐᖅᑐᖅᑕᐅᑦᑎᐊᖅᓯᒪᖁᓪᓗᒋᑦ.
  2. ᖃᐅᔨᒋᐊᕐᓗᒋᑦ ᐋᖅᑭᒋᐊᕐᓗᒋᓪᓗ ᓇᐅᑦᑎᖅᓲᑎᓕᕆᓂᕐᒧᑦ ᐊᖏᖃᑎᒌᒍᑏᑦ ᑭᐊᑐ ᑕᓯᕐᒥ ᐱᓕᔅᓱ ᑰᖕᒥ ᓱᕋᑦᑎᕙᓪᓕᐊᓂᕋᖅᑕᐅᓕᕐᓂᖏᓐᓄᑦ.
  3. ᓴᙱᒃᑎᒋᐊᕐᓄᒋᑦ ᓇᐅᑦᑎᖅᓱᐃᔾᔪᑎᓕᕆᓃᑦ ᐃᑲᔪᖅᑐᓕᖅᐹᓪᓕᐊᕐᓂᐊᕐᒪᑕ ᓱᐳᔾᔭᐅᓇᓱᖕᓂᖏᓐᓄᑦ ᒥᕐᖑᐃᖅᓯᕐᕕᖕᒦᑦᑐᑦ ᐃᑦᑕᕐᓂᓴᖃᕐᕖᑦ.
  4. ᑲᔪᓯᓗᑕ ᐃᒡᓗᖃᕕᕕᓂᒥ ᓇᐅᑦᑎᖅᓱᐃᓂᕐᒥᒃ ᑎᑎᕋᖅᑐᐃᖏᓐᓇᕆᐊᖃᕐᓂᕐᓗ ᓇᓗᓇᐃᖅᓯᔾᔪᑎᓂᒃ ᐱᓕᕆᔾᔪᑎᓗ ᐃᓚᐅᑎᑦᑎᓕᕐᓗᓂ ᓇᐅᑦᑎᖅᓱᐃᓂᕐᒥᒃ ᐃᓗᕕᕕᓂᕐᓂᒃ ᐊᕙᑎᖓᓂᒡᓗ ᖃᓂᒋᔮᓃᑦᑐᓂᒃ.

7.4 ᓴᐳᔾᔨᔪᓐᓇᑦᑎᐊᕐᓂᖅ ᐃᑦᑕᓂᓴᖃᕐᕕᓂᒃ

ᓴᐳᔾᔭᐅᔪᓐᓇᑦᑎᐊᕐᓂᖓ ᐃᑦᑕᕐᓂᓴᖃᕐᕕᖕᓂᒃ ᐃᒪᓐᓇ ᖃᐅᔨᔭᐅᓇᓱᖃᑦᑕᕐᓂᐊᖅᑐᑦ:

ᖏᑦᑎᐊᕐᓂᖓᓄᑦ ᖃᐅᔨᒋᐊᕈᑎ ᖅᑭᑕᐅᔪᒪᔪᑦ
ᖃᔅᓯᑦ ᓱᕋᑦᑎᑐᐃᓐᓇᕆᐊᖃᖅᐸᑦ ᐃᑦᑕᕐᓂᓴᖃᕐᕖᑦ ᓱᕋᒃᑐᖃᑐᐃᓐᓇᕆᐊᖃᕈᓐᓃᖅᑐᖅ ᐃᑦᑕᕐᓂᓴᖃᕐᕕᓂ
ᐊᒃᑐᖅᑕᐅᓯᒪᓂᖏᑦ ᐃᑦᑕᕐᓂᓴᐃᓪᓗ ᐊᓯᐅᔨᔭᐅᓯᒪᓕᖅᑐᑦ ᐊᒃᑐᖅᑕᐅᓯᒪᓂᖓ ᐊᓯᐅᔨᓯᒪᓂᖏᓪᓗ ᐃᑦᑕᕐᓂᓴᕐᓂᒃ ᐅᓄᕈᓐᓃᖅᐹᓪᓕᓕᖅᑐᑦ ᓱᒃᑲᐃᒡᓕᕚᓪᓕᖅᑐᕐᓗ
ᓇᓗᓇᐅᒃᑯᑦᑎᖅᓱᖅᑕᐅᔾᔪᑎᖏᑦ ᖃᐅᔨᓴᖅᑕᐅᓂᖏᓪᓗ ᐱᔭᕇᖅᑕᐅᓗᑎᒃ ᓇᓗᓇᐃᒃᑯᑦᑎᖅᓱᖅᑕᐅᓃᑦ ᖃᐅᔨᓴᖅᑕᐅᓃᓪᓗ ᑕᒪᐃᓐᓂᒃ ᐃᑦᑕᕐᓂᓴᖃᕐᕕᖕᓂ ᐱᔭᕇᖅᑕᐅᔪᑦ
ᒫᓐᓇ ᖃᓄᐃᓕᖓᓂᐅᔪᑦ ᖃᐅᔨᒪᔭᐅᓂᖏᑦ ᐱᒋᐊᖅᑕᐅᔾᔪᑎᐅᓂᐊᖅᑐᕐᓗ ᓈᒻᒪᓛᑦ ᐱᒋᐊᖅᑕᐅᓗᑎᒃ ᐊᓐᓂᕆᔭᐅᔪᑦ ᖃᓄᐃᓕᖓᓃᑦ ᐊᓯᐅᓯᔭᐅᖏᑦᑐᑦ

8.0 ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᖅ: ᒥᕐᖑᐃᖅᓯᕐᕕᒃ ᐱᔾᔪᑎᒋᓗᒍ ᐃᓄᓕᒫᑦ ᐅᖃᐅᑎᓗᒋᑦ

8.1 ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᖅ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ ᐅᓂᒃᑳᐅᓯᖃᕐᓂᒃᑯᑦ ᑐᓴᐅᒪᖃᑎᒌᒍᑎᖃᖅᐸᒃᐳᑦ ᑲᓇᑕᒥᐅᓄᑦ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᓂᒃ ᐊᑐᖅᖢᑎᒃ.

ᐃᑦᑕᕐᓂᓴᖃᕐᕕᓕᕆᓂᖅ ᑕᑯᑎᑦᑎᒋᐊᕐᓂᖅ ᒪᕐᕈᐃᓕᖓᖕᒪᑦ: ᑐᑭᓯᑎᑦᑎᒋᐊᕐᓂᖅ, ᐃᓄᓕᒫᑦ ᐃᓕᓐᓂᐊᖅᑎᑕᐅᓗᑎᒃ ᒥᕐᖑᐃᖅᓯᕐᕕᐅᑉ ᐃᓗᐊᓂ ᖃᓄᐃᓕᐅᕐᓂᐅᕙᒃᑐᒥᒃ, ᑐᓴᖅᑎᑦᑎᒋᐊᕐᓂᕐᓗ, ᐃᓄᓕᒫᓄᑦ ᐃᓕᓐᓂᐊᖅᑎᑦᑎᔾᔪᑎᐅᔪᖅ ᒥᕐᖑᐃᖅᓯᕐᕕᐅᑉ ᓯᓚᑖᓂ. ᑖᒃᑯᐊ ᐱᓕᕆᔭᒃᓴᐃᑦ ᑐᕌᖓᓂᖃᖅᑐᑦ ᐃᓄᓕᒫᓄᑦ ᐃᓕᓐᓂᐊᖅᑎᑦᑎᔾᔪᑎᐅᓪᓗᑎᒃ, ᐃᑦᑕᕐᓂᓴᖃᕐᕖᑦ ᓴᐳᔾᔭᐅᒋᐊᕐᓂᖏᓐᓄᑦ, ᐃᓄᓕᒫᑦ ᐊᑦᑕᕐᓇᖅᑐᒦᑎᑦᑕᐃᓕᒪᖁᓪᓗᒋᑦ, ᒪᓕᒐᐃᓪᓗ ᐊᑐᖅᑕᐅᔭᕆᐊᓖᑦ ᐊᔭᐅᖅᑐᖅᑕᐅᔾᔪᑎᖏᓐᓄᑦ. ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᖅ ᖁᑦᑎᖕᓂᖅᐹᒧᑦ ᐱᒋᐊᖅᑎᑕᐅᕙᓪᓕᐊᔭᕆᐊᓖᑦ. ᓇᖕᒥᓂᖅ ᓯᓚᑖᓂᖔᖅᑐᓂᒡᓗ ᑕᑯᑎᑦᑎᒋᐊᖅᑎᑦᑎᔨᖃᕐᓗᑎᒃ ᐊᑐᖅᑕᐅᓂᐊᖅᑐᑦ ᒥᕐᖑᐃᖅᓯᕐᕕᒃ ᑐᓴᐅᒪᔭᐅᓕᖁᓪᓗᒍ.

ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᓂᒋᐊᕐᓂᖅ ᐃᓄᓕᒫᓂᒡᓗ ᐃᓕᓐᓂᐊᖅᑎᑦᑎᒋᐊᕐᓂᖅ ᐱᒻᒪᕆᐅᕗᖅ ᑐᑭᓯᕚᓪᓕᖅᑎᑦᑎᔭᕆᐊᖃᕐᓂᕐᒧᑦ ᖁᑦᑎᖕᓂᖅᐹᕐᓗ ᖁᕕᐊᒋᔭᐅᓂᖓᓄᑦ ᑕᑯᑎᑦᑎᔾᔪᑎᒋᓗᒍ. ᑖᒃᑯᐊ ᐱᓕᕆᔾᔪᑏᑦ ᓴᖅᑭᑦᑏᔾᔪᑎᓂᐊᕐᒪᑕ ᐅᔾᔨᕈᓱᓕᖅᑎᑦᑎᓂᕐᒥᒃ ᑲᓇᑕᐅᑉ ᓴᐳᔾᔨᒋᐊᕈᑎᖏᓐᓂᒃ ᐃᑦᑕᕐᓂᓴᖃᕐᕕᖕᓂ, ᓴᙱᒃᑎᒋᐊᕐᓗᒍᓗ ᐃᑲᔪᖅᑐᐃᔾᔪᑎ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᓕᕆᐊᕆᔭᐅᔪᓄᑦ, ᐳᓛᕆᐊᖅᑐᓪᓗ ᑐᑭᓯᑎᑉᐹᓪᓕᕆᐊᕐᓗᒋᑦ ᐅᑭᐅᖅᑕᖅᑑᑉ ᐊᓐᓇᐅᒪᔾᔪᑎᖏᓐᓂᒃ ᐃᓄᐃᓪᓗ ᐃᓕᖅᑯᓯᖏᓐᓂᒃ.

ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᖅ ᑐᓴᐅᒪᖃᑦᑕᐅᑎᓕᕆᓂᕐᓗ ᒥᕐᖑᐃᖅᓯᕐᕕᖕᒧᑦ ᓯᕗᒧᐊᒍᑎᖃᕐᓂᐊᖅᑐᖅ ᐅᑯᓂᖓ ᐃᓚᐅᑎᓪᓗᒋᑦ ᑲᓇᑕᒥᐅᑦ: ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔾᔪᑎᖏᓐᓄᑦ ᖃᓄᖅᑑᕈᑎ ᐃᓗᐊᓂ ᑐᓴᐅᒪᔪᓕᕆᔾᔪᑎᓂᒃ ᐃᓄᐃᓪᓗ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᖏᓐᓄᓪᓗ ᐊᖏᖃᑎᒌᒍᑎᒥᒃ.

8.2 ᑐᓴᖅᑎᑕᐅᓇᓱᒃᑐᑦ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᒃᑯᑦ

ᑐᓴᖅᑎᑕᐅᓇᓱᒃᑐᑦ ᐱᓕᕆᖃᑎᒌᑦ ᑐᓴᕈᒪᒐᔭᖅᑐᖅ ᖁᑦᑎᓂᕐᐹᖅ ᐱᔾᔪᑎᒋᓪᓗᒍ ᐊᔾᔨᒌᖏᑦᑐᓂᒃ ᐱᔾᔪᑎᖃᖅᖢᑎᒃ (ᓲᕐᓗ, ᐳᓛᕆᐊᖅᑐᓕᕆᔨᒃᑯᑦ, ᐃᓕᓐᓂᐊᖅᑐᓕᕆᔨᒃᑯᑦ, ᑭᒃᑯᑐᐃᓐᓇᐃᑦ ᐃᓚᐅᔪᒪᒐᔭᖅᑐᑦ, ᐃᖅᑲᓇᐃᔮᒃᓴᓕᕆᔩᑦ). ᑕᒪᐃᓐᓂᒃ ᑐᓴᖅᑎᑕᐅᓇᓱᒃᑐᑦ ᓇᖕᒥᓂᖅ ᐱᔾᔪᑎᖃᕐᒪᑕ, ᐱᔪᒪᓂᖃᕐᒪᑕᑦ, ᑕᑯᔪᒪᔭᖃᕐᒪᑕᓗ. ᐱᓕᕆᖃᑎᒌᑦ ᐊᑐᓂ ᑐᓴᖅᑎᑕᐅᒍᑎᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᑐᓴᖅᑎᑦᑎᔪᓐᓇᕐᒪᑕ ᑐᓴᖅᑕᐅᔪᒪᓗᐊᖅᑐᓂᒃ ᐱᔨᑦᑎᕈᑎᒋᔪᒪᓪᓗᐊᖅᑐᓂᒡᓗ.

ᑐᓴᖅᑎᑕᐅᔭᕆᐊᖃᓗᐊᕋᔭᖅᑐᑦ ᑐᕌᒐᕆᔭᐅᔪᑦ ᓇᓗᓇᐃᖅᑕᐅᓯᒪᔪᑦ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᒥ:

  • ᒥᕐᖑᐃᖅᓯᕐᕕᖕᒧ ᐳᓛᖅᑏᑦ ᐊᒻᒪᓗ ᐳᓛᕆᐊᖅᑎᐅᔪᓐᓇᑐᐃᓐᓇᕆᐊᓖᑦ
  • ᓯᓚᕐᔪᐊᑉ ᑲᔨᖓᓄᑦ ᑐᓄᕕᐊᓂᒃ ᐃᖏᕋᔩᑦ ᓇᕈᓇᒃᑏᑦ
  • ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ
  • ᓯᓚᕐᔪᐊᑉ ᑐᓄᕕᐊᓂᒃ ᑲᔨᕐᐸᓯᖓᓂᕐᒥᐅᑦ, ᐃᓚᐅᓗᑎᒃ ᐃᓄᓱᐃᑦ
  • ᑮᓇᐅᔭᓕᐅᕋᓱᒃᖢᑎᒃ ᐊᐅᓚᑦᑎᔩᑦ
  • ᐅᓇᑕᕐᑐᓴᑯᑦ ᐃᖃᓇᐃᔭᕐᑎᖏᑦ ᐊᐅᓚᓯᔨᐅᔪᑦ ᖁᑦᑎᒃᑐᕐᒥ
  • ᑭᒡᓕᓯᓂᐊᖅᑏᑦ ᖃᐅᔨᓴᖅᑐᓕᕆᓂᕐᒧᑦ
  • ᐃᓕᓐᓂᐊᕐᑎᓯᔩᑦ ᓄᓇᕗᒻᒥ ᑲᓇᑕᒥᓪᓗ
  • ᑐᓴᕈᒪᔪᑦ ᐃᓄᓕᒫᑦ (ᓄᓇᕗᒻᒥ, ᑲᓇᑕᒥ ᓯᓚᑖᓂᑦᑐᓪᓗ)

8.3 ᑐᓴᖅᑕᐅᓪᓗᐊᑕᖁᔭᐅᔪᖅ

ᒥᕐᖑᐃᖅᓯᕐᕕᐅᑉ ᑐᓴᖅᑕᐅᓪᓗᐊᑕᖁᔮ ᐅᖃᐅᓯᐅᓂᐊᖅᑐᖅ ᑐᓴᖅᑎᒋᐊᖁᔭᓄᑦ ᐊᔾᔨᒌᖏᑦᑐᓂᒃ ᑐᓴᖅᑎᑦᑎᔾᔪᑎᓂᒃ ᐊᑐᕐᓗᑎᒃ. ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᖅ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑎᑦ ᑲᓇᑕᒥᐅᓪᓗ ᑐᑭᓯᕚᓪᓕᕐᓂᐊᕐᒪᑕ ᐊᓕᐊᓇᐃᒍᓲᑎᖃᕐᓗᑎᒡᓗ ᑐᓴᖅᑎᑕᐅᓂᕐᒥᖕᓂᒃ.

ᑎᑎᕋᕕᒃ 2. ᑐᓴᕐᑕᐅᓗᐊᑕᖁᔭᐅᔪᑦ
ᑐᓴᖅᑕᐅᓪᓗᐊᑕᖁᔭᐅᔪᑦ
1 ᐱᓇᓱᐊᕈᑎᒋᓗᐊᑕᖅᑕᕗᑦ ᒥᕐᖑᐃᖅᓯᕐᕕᖕᒥ ᓴᐳᔾᔨᔨᐅᓂᖅ, ᑲᒪᔨᐅᓂᖅ, ᐅᑎᖅᑏᒋᐊᖅᑎᑦᑎᔨᐅᓂᖅ ᐊᓐᓇᐅᒪᓂᖓᑕ ᑭᒡᒐᖅᑐᖅᑕᐅᕝᕕᖓᓂᒃ- ᖃᓄᐃᓕᖓᓂᖓᓘᓐᓃᑦ - ᒥᕐᖑᐃᖅᓯᕐᕕᐅᑉ. ᒥᕐᖑᐃᖅᓯᕐᕕᒃ ᓄᓇᖃᕐᒪᑦ ᑕᑯᒃᓴᐅᑎᑦᑎᓪᓚᕆᒃᑐᒥᒃ ᓯᕐᒦᑦ ᖃᖅᑲᐃᓪᓗ ᑕᖁᒃᓴᐅᓛᖑᓪᓗᑎᒃ. ᐊᑦᑎᒃᑐᒦᑦᑐᑦ ᓄᓇᒥ ᐱᕈᖅᑐᖃᐅᒻᒪᕆᒃᐳᖅ ᐊᔾᔨᒌᖏᑦᑐᓂᒃ ᐊᓐᓇᐅᒪᕕᓕᖕᓂᒃ ᐆᒪᔪᓂᒡᓗ.
2 ᐃᓄᐃᑦ ᐱᒻᒪᕆᐅᓛᖑᕗᑦ ᐅᑭᐅᖅᑕᖅᑑᑉ ᐊᕙᑎᖓᑕ ᐊᓐᓇᐅᒪᓂᖓᓄᑦ. ᐃᓄᐃᑦ ᐊᓐᓇᐅᒪᐃᓐᓇᖅᖢᑎᒃ ᓄᓇᖃᐃᓐᓇᖅᑐᑦ, ᐊᒃᑐᐊᓂᖃᓪᓚᕇᓐᓇᖅᖢᑎᒡᓗ ᐅᑭᐅᖅᑕᖅᑑᑉ ᐊᕙᑎᖓᑕ ᐊᓐᓇᐅᒪᓂᖓᓄᑦ.
3 ᖁᑦᑎᓂᕐᐹᖅ ᐊᓐᓇᒪᓂᖃᕐᕕᖓ ᐅᑭᐅᖅᑕᖅᑐᒦᓛᖑᕗᖅ ᓯᓚᕐᔪᐊᒥ. ᐊᓐᓇᐅᒪᔾᔪᑏᑦ ᖃᐅᔨᒋᐊᖅᑎᑦᑎᖅᑳᓲᖑᕗᑦ ᐅᑭᐅᖅᑕᖅᑐᒥ ᑭᒡᓕᓯᓂᐊᖅᑐᓕᕆᔨᓄᑦ ᐅᔾᔨᖅᓱᐃᔨᓄᓪᓕᓗ ᑲᓇᑕᐅᑉ ᓯᓚᕐᔪᐊᓪᓗ ᐊᕙᑎᖓ ᖃᓄᐃᓕᖓᓕᕋᓗᐊᕐᒪᖔᑦ. ᐃᓚᖏ ᓄᓇᐃᑦ ᒥᕐᖑᐃᖅᓯᕐᕕᖕᒥ ᐱᓗᐊᕐᑐᒥ ᐊᔾᔨᐅᖏᑦᑐᓂᒃ ᑕᑯᒥᓇᕐᒪᑕ ᐅᑯᐊ ᐃᓚᐅᓗᑎᒃ ᑕᓰᐊᓗᒃ ᐊᒪᓗ ᐱᒋᐊᕐᕕᐅᑉ ᓯᑯᖓ.
4 ᒥᕐᖑᐃᖅᓯᕐᕕᒃ ᓴᐳᔾᔨᔨᒻᒪᕆᐅᕗᖅ ᐊᔾᔨᒌᖏᑦᑐᓂᒃ ᐃᑦᑕᕐᓂᓴᕕᓂᖃᐅᖅᑐᓂᒃ ᐃᓄᐃᑦ ᓯᕗᓪᓕᕕᓂᑐᖃᖏᑦ, ᑐᓃᑦ, ᑐᓖᑦ ᐃᓄᖏᓐᓂᒃ ᒫᓐᓇᓗ ᐃᓄᐃᑦ ᓱᓕ ᓄᓇᓖᒃ ᓄᒃᑕᖃᑦᑕᖅᑐᓪᓗ ᒥᕐᖑᐃᖅᓯᕐᕕᐅᑉ ᓄᓇᖓᓄᑦ ᖃᓂᒋᔮᓄᓪᓗ.
5 ᒥᕐᖑᐃᖅᓯᕐᕕᒃ ᐊᔾᔨᒌᖏᑦᑐᓂᒃ ᐱᓕᕆᕝᕕᐅᓯᒪᕗᑦ ᑲᓇᑕᒧᑦᓄᓇᒋᔭᐅᓂᖓᓄᑦ ᑎᒍᒥᐊᖅᑎᑦᑎᔨᐅᓂᖓᓂᒃ, ᐅᓇᑕᖅᑐᒃᓴᒃᑯᓐᓂ, ᑭᒡᓕᓯᓂᐊᖅᑐᓕᕆᔨᓄᑦ, ᐅᑭᐅᖅᑕᖅᑑᓪᓗ ᑲᔾᔨᖓᓄ ᑐᓄᕕᐊᓃᑦᑐᒥᒃ ᓇᕈᓇᒃᑎᐅᔪᓄᑦ.
6 ᐃᓄᐃᑦ ᐱᒪᕆᐊᓘᓪᓗᑎᒃ ᐃᓚᒋᔭᐅᖃᑕᐅᕗᑦ ᐅᑭᐅᖅᑕᕐᑑᑉ ᐊᕙᑎᖓᑕ ᓄᒃᑕᕐᕕᐅᖃᑦᑕᕐᓂᖓᓄᑦ, ᓄᓇᒥ ᐱᓯᒪᔨᐅᓂᖏᓐᓄᑦ ᑲᓇᑕᒥᑦ ᐱᓕᕆᔭᐅᔪᓂᒃ ᖃᐅᔨᓴᖅᑕᐅᕙᓪᓕᐊᔪᓄᓪᓗ ᑭᒡᓕᓯᓂᐊᖅᑎᓪᓗᒋᑦ ᒥᕐᖑᐃᖅᓯᕐᕕᖕᒥ ᓯᓚᑖᓂᓪᓗ.
7 ᖁᑦᑎᓂᕐᐹᖅ ᑲᑐᔾᔨᖃᑎᒌᒃᑐᓄᑦ ᐊᐅᓚᑕᐅᕗᖅ ᐃᓄᖕᓄᑦ ᑲᓇᑕᐅᓪᓗ ᒐᕙᒪᖓᓄᑦ.
8 ᐳᓛᕆᐊᕐᑐᖃᕐᓂᐊᖅᐸᑦ ᒥᕐᖑᐃᖅᓯᕐᕕᒧ ᐅᐸᓗᖓᐃᔭᖅᓯᐊᕆᐊᓖᑦ ᑐᑭᓯᐅᒪᓯᐊᕐᓗᑎᒃᓗ ᐅᑭᐅᑕᕐᑑᑉ ᐃᓄᖃᖏᑐᖁᑖᓂᒃ ᐊᕙᑎᖓ ᖃᓄᐃᑐᒪᖔᑦ ᑭᓱᓂᒡᓗ ᐊᒃᓱᕈᕐᓇᖅᑐᖃᐅᕐᒪᖔᑦ.
9 ᖁᑦᑎᓂᕐᐹᖅ ᐃᓚᒋᔭᐅᕗᖅ ᑲᓇᑕᓕᒫᒥ ᐃᑦᑕᕐᓂᓴᖃᕐᕕᐅᓂᖓᓄᑦᑕᐅᖅ ᐃᓚᐅᑎᑦᑎᔪᖅ ᑲᓇᑕᒧᑦ ᒥᕐᖑᐃᖅᓯᕐᕕᐅᓂᖓᓄᑦ, ᑲᓇᑕᒥ ᐃᓂᑐᖃᕕᓂᖃᕐᕕᐅᓂᖓᓄᑦ, ᑲᓇᑕᒥᓪᓗ ᐃᒪᕐᒥᐅᑕᕐᓂᒃ ᓴᐳᔾᔭᐅᓯᒪᔪᖃᕐᓂᖓᓄᑦ.

8.4 ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᓂᕐᒧᑦ ᐱᓕᕆᐊᒃᓴᑦ

ᒥᕐᖑᐃᖅᓯᕐᕕᖕᒥ ᑐᑭᓯᒋᐊᖅᑎᑦᑎᔨᐅᓗᓂ ᐱᓕᕆᐊᒃᓴᑦ

ᒥᕐᖑᐃᖅᓯᕐᕕᐅ ᓄᓇᖓᓂ ᑐᑭᓯᒋᐊᖅᑎᑦᑎᔾᔪᑎᐅᔪᓐᓇᖅᑐᑦ ᑎᓴᒪᐅᖕᒪᑕ ᒥᕐᖑᐃᖅᓯᕐᕕᖕᒥ: ᑕᐃᑯᕇᐅᕐ ᓯᒡᔭᕆᑐᖓ, ᑕᓯᐊᓗᒃ, ᐱᒋᐊᕐᕕᒃ ᕿᑭᖅᑕᖅ ᐊᒪᓗ ᐃᒡᓗᖃᕕᕕᓂᖅ ᑕᑯᓗᒍ (ᑕᑯᑎᑦᑎᔾᔪᑎ 10). ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐱᔪᓐᓇᖏᑦᑐᑦ, ᑭᓯᐊᓂ, ᑕᒪᐃᓐᓂᓕᒫᖅ ᒥᕐᖑᐃᖅᓯᕐᕕᖕᓂᒃ ᐳᓛᕆᐊᖅᑐᓄᑦ ᑐᓴᖅᑎᑦᑎᔨᐅᔪᓐᓇᖅᑐᑦ ᐊᑐᕐᓗᑎᒃ ᓇᖕᒥᓂᖅ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᓂᒃ. ᒥᕐᖑᐃᖅᓯᕐᕕᒃ ᐳᓛᕆᐊᖅᑕᐅᕙᒃᐳᖅ ᐊᑭᓖᓯᒪᔪᓄᑦ ᐊᐅᓪᓚᕈᔾᔨᔨᑎᒍᑦ. ᑲᓇᑕᐅᑉ ᒥᕐᖑᐃᖅᓯᕐᕕᖓ ᑕᑎᒋᔭᖃᕐᓗᓂ ᑭᓯᐊᓂ ᐊᐅᓪᓚᕈᔾᔨᔨᐅᔪᓐᓇᖅᑐᑦ ᐱᓕᕆᖃᑎᒋᑦᑎᐊᕈᓐᓇᕐᓗᓂᒋᑦ ᐊᐅᓪᓚᕈᔾᔨᔨᐅᔪᓪᓗ ᓇᖕᒥᓂᖅ ᑐᑭᓯᑎᑦᑎᔨᐅᓗᑎᒃ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐱᓕᕆᖃᑎᒌᖕᓂᖅᓴᐅᔪᒪᔪᑦ ᐊᐅᓪᓚᕈᔾᔨᔨᐅᔪᓐᓇᖅᑐᓂᒃ ᐃᑲᔪᕈᓐᓇᕐᓂᐊᕐᒪᑕ ᒥᕐᖑᐃᖅᓯᕐᕕᐅᑉ ᑐᓴᖅᑕᐅᖁᔭᖏᓐᓂᒃ ᐊᐅᓪᓚᕈᑎᔭᖏᓐᓄᑦ.

ᑕᑯᑎᑦᑎᔾᔪᑎ 10. ᐱᓕᕆᔭᐅᔪᓐᓇᖅᑐᑦ ᒥᕐᖑᐃᖅᓯᕐᕕᖕᓂ ᑐᑭᓯᑎᑦᑎᒋᐊᖅᑎᐅᓗᓂ

ᑕᐃᖕᑯᕆᐅᑉ ᓯᒡᔭᕆᒃᑑᑉ ᐸᓕᓯᖑᐊᖃᕐᕕᖓᑕ ᑐᖃᑕᕐᕕᖓ
ᐊᒥᓲᓂᕐᓴᐃᑦ ᐳᓚᕋᑏᑦ ᒥᕐᖑᐃᓯᕕᒨᖃᑕᕐᓯᒪᔪᑦ ᓯᕗᓕᕐᐸᓯᐊᕐᒥ ᐅᐸᒃᓯᕕᐅᕙᒃᐳᖅ ᒥᖑᐃᓯᕕᐅᑉ ᐃᖃᓇᐃᔭᑎᖏᓂ ᑕᐃᖕᑯᕆ ᓯᔭᕆᑑᑉ ᐸᓕᓯᖑᐊᖃᕕᖓᑕ ᑐᖃᑕᕐᕕᖓᓂ. ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᕕᒃ ᒥᑭᑦᑑᔪᖅ ᐳᓛᕆᐊᑐᓄᑦ ᑐᙵᓴᐃᕕᒃ, ᒥᕐᖑᐃᓯᕕᐅᑉ ᐊᐅᓚᓂᖓᑕ ᑎᑎᕋᕕᖓ ᐊᒻᒪᓗ ᓴᕿᔮᕐᑎᓯᓗᓂ ᐅᓇᑕᖅᑐᒃᓴᒃᑯᑦ ᕿᒻᒪᑯᕕᓂᖏᓐᓂᒃ 1960ᓂᖓᕐᑐᑦ. ᐊᒪᓗᑲᓂᖅ, ᑏᓕᐅᕈᑎᑕᓕᒃ ᑕᓯᐅᑉ ᐃᑕᓂᓴᖃᕐᕕᖏᑦ ᖃᓂᑦᑐᒦᖦᖢᑎᒃ ᑕᕙᙵᑦ ᑐᖃᑕᕐᕕᒥᑦ ᐃᒻᒥᓂᕿᓗᑎᒡᓗ ᐱᓱᔪᒡᕕᒃᓴᐅᒋᓪᓗᓂ.

ᑕᓰᐊᓘᑉ ᐸᓕᓯᙳᐊᖃᕐᕕᖓᑕ ᑐᖃᑕᕐᕕᖓ
ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕐᕕᖃᖏᑦᑐᖅ ᑕᓰᐊᓘᑉ ᐸᓕᓯᙳᐊᖃᕕᖓᑕ ᑐᖃᑕᕐᕕᖓᓂ ᑭᓯᐊᓂ ᓂᕿᓕᐅᕐᕕᓕᒃ ᐅᖅᑯᐊᖃᕐᕕᐅᔪᓐᓇᖅᑐᕐᓗ ᐳᓛᕆᐊᖅᑐᓄᑦ ᐃᓂᒋᔭᐅᓚᐅᑲᒍᓐᓇᖅᑐᖅ ᒥᕐᖑᐃᖅᓯᕕᖕᒥ ᐃᖅᑲᓇᐃᔭᖅᑎᓄᑦᑕᐅᖅ ᐳᓛᕆᐊᖅᑎᓄᑦ ᑐᓴᐅᒪᑎᑦᑎᕝᕕᒋᕙᒃᑖ.

ᐃᒡᓗᖃᕐᕕᕕᓂᖅ
ᐳᓛᕆᐊᖅᑐᓕᒫᑦ ᐊᑐᖅᑏᓪᓗ ᐃᒡᓗᖃᕐᕕᕕᓂᕐᒧᐊᖅᑐᑦ ᐃᖏᕐᕋᔪᒃᑯᑦ ᒥᕐᖑᐃᖅᓯᕕᖕᒥ ᐃᖅᑲᓇᐃᔭᖅᑎᐅᔪᒥᒃ ᐱᖃᑎᖃᕆᐊᖃᖅᐳᑦ. ᑕᒪᓐᓇ ᐱᓕᕆᐊᒃᓴᙳᕈᓐᓇᖅᑐᖅ ᑐᑭᓯᑎᑦᑎᒋᐊᖅᑎᐅᔪᓐᓇᖅᑐᒧᑦ ᓄᓇᖓᓄᑦ ᓴᐳᔾᔭᐅᔭᕆᐊᖃᕐᓂᖓᓄᓪᓗ ᐃᒡᓗᖃᕐᕕᕕᓂᐅᑉ ᐃᑦᑕᕐᓂᓴᖃᕐᕕᖏᑦ.

ᐱᒋᐊᕐᕕᒃ*
ᑐᓄᕕᐊᓃᑦᑐᒧᑦ ᓯᓚᕐᔪᐊᑉ ᑲᔾᔨᖓᓄᐊᕋᓱᒃᑏᑦ ᑭᒡᓕᓯᓂᐊᖅᑐᓕᕆᔩᓪᓗ ᑖᒃᑯᐊᑐᐊᐸᓗᐅᑉ ᐊᑐᖅᑎᐅᕙᒃᐳᖅ ᐱᒋᐊᕐᕕᖕᒥ, ᑐᑭᓯᑎᑦᑎᒋᐊᕈᑎᑐᐃᓐᓇᐃᑦ ᑕᐃᑲᓂ ᐊᑐᖅᑕᐅᔪᓐᓇᖅᑐᑦ.


* ᐱᒋᐊᕐᕕᒃ ᓱᓕ ᐃᓚᒋᔭᐅᖏᑐᖅ ᖁᑎᖕᓂᕐᐹᖅ ᑲᓇᑕᒥ ᒥᖑᐃᓯᕕᖏᓂ ᑲᓇᑕᒥ, ᒥᖑᐃᓯᕕᓕᕆᔨᑯᑦ ᑲᓇᑕᒥ ᑎᑎᕋᕕᖓᑕ ᐊᐅᓚᓯᓂᖓᓂ ᑕᓱᒥᖓ ᕿᑭᑕᒥ ᑲᒪᔫᒐᓗᐊᑦ. ᑕᓇ ᕿᕿᑭᑕ ᐃᓚᐅᓕᑐᐊᕐᐸᑦ ᑕᕙᓂ ᓄᓇᒥ ᑐᑭᓯᓇᓯᑎᓯᔪᑕᓂ ᒥᖑᐃᓯᕕᒥ ᐃᓗᐊᓂ ᑲᓇᑕᒥ ᒥᖑᐃᓯᕕᐅᔪᑦ ᒪᓕᒐᖏᓂ, ᒪᓕᒐᖏᑦ ᕿᑭᑕᒧ ᑕᐃᒪ.
8.4.2 ᑐᓴᐅᒪᑎᑦᑎᔨᐅᓂᕐᒧᑦ ᐱᓕᕆᐊᒃᓴᒃ

ᑐᓴᐅᒪᑎᑦᑎᔨᐅᓂᖅ ᑕᐅᑐᖕᓂᖃᕐᓂᐊᖅᑐᑦ ᑐᓴᖅᑎᑦᑎᔨᐅᒋᐊᕐᓂᕐᒥᒃ ᐃᓕᓐᓂᐊᖅᑐᓕᕆᔨᓄᑦ ᓄᓇᕗᒻᒥ ᐃᓚᐅᑎᑦᑎᓗᓂ ᐃᓕᓐᓂᐊᕐᕕᓕᕆᓂᕐᒧᑦ ᐊᐅᓱᐃᑦᑐᕐᒥ, ᖃᐅᓱᐃᑦᑐᕐᒥ ᐃᖃᓗᖕᓂᓪᓗ. ᑕᐅᑐᖕᓂᖃᕐᓂᐊᕐᒥᔪᖅᑕᐅᖅ ᐊᑐᕐᓗᑎᒃ ᒥᕐᖑᐃᖅᓯᕐᕕᐅᑉ ᖃᕆᓴᐅᔭᒃᑯᑦ ᑕᑯᑎᑦᑎᒋᐊᕐᕕᖓᓂᒃ ᐊᓯᖏᓐᓂᒡᓗ ᖃᕆᓴᐅᔭᒃᑯᑦ ᑐᓴᐅᒪᑎᑦᑎᔾᔪᑎᐅᕙᒃᑐᓂᒃ ᑭᒡᓕᓯᓂᐊᖅᑐᓕᕆᓂᕐᒥᒃ ᐊᒻᒪᓗ ᐃᓄᐃ ᖃᐅᔨᒪᔭᑐᖃᖏᓐᓂᒃ ᑲᓇᑕᒥᐅᓕᒫᑦ ᑐᑭᓯᑎᑕᐅᖁᓪᓗᒋᑦ ᒥᕐᖑᐃᖅᓯᕐᕕᒋᔭᑦᑎᓐᓂ.

8.5 ᐊᐅᓚᑦᑎᓂᕐᒧᑦ ᐱᓇᓱᐊᖅᑕᐅᔪᒪᔪᑦ, ᑐᕌᒐᕆᔭᐅᔪᑦ, ᐱᒋᐊᕈᑎᐅᓂᐊᖅᑐᓪᓗ

8.5.1 ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᓂᖅ
8.5.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᑐᓴᖅᑎᑕᐅᔪᑦ ᖁᕕᐊᓲᑎᖃᕐᓂᐊᕐᒪᑕ ᑐᑭᓯᓂᐊᕐᒪᑕᓗ ᑐᓴᖅᑎᑕᐅᔾᔪᑎᓪᓗᐊᑕᐅᓇᓱᒃᑐᒥ ᒥᕐᖑᐃᖅᓯᕕᒃ ᐱᔾᔪᑎᒋᓪᓗᒍ.
ᑐᓴᖅᑎᓪᓗᒋᑦ ᐅᔾᔨᕈᓱᓕᖅᑎᓪᓗᒋᓪᓗ ᐳᓛᕆᐊᖅᑏᑦ ᐊᑐᖅᑏᓪᓗ ᑐᑭᓯᐊᒪᓂᖃᑦᑎᐊᕐᓂᐊᕐᒪᑕ ᒥᕐᖑᐃᖅᓯᕕᒃ ᐱᔾᔪᑎᒋᓪᓗᒍ ᐃᓕᓐᓂᐊᖅᓯᒪᓂᖃᑦᑎᐊᖁᓪᓗᒋᑦ ᐊᓕᐊᓇᐃᒍᓱᒡᓗᑎᒡᓗ ᐳᓛᕆᐊᖅᓯᒪᖁᓪᓗᒋᑦ.

8.5.1.2 ᑐᕌᒐᕆᔭᕗᑦ
  1. ᓄᓇᕗᒻᒥᐅᑦ ᑲᓇᑕᒥᐅᓪᓗ ᐊᒥᓲᓂᖅᓴᐃᑦ ᑐᓴᖁᓗᒋᑦ ᒥᕐᖑᐃᖅᓯᕐᕕᐅ ᑐᓴᒐᓴᓕᐊᖏᓐᓂᒃ.
  2. ᒥᕐᖑᐃᖅᓯᕐᕕᒧᑦ ᐳᓛᕆᐊᖅᑏᑦ ᐊᑐᖅᑏᓪᓗ ᐅᐸᓗᖓᐃᔭᕐᓯᒪᖁᓪᓗᒋᑦ ᒥᕐᖑᐃᓯᕐᕕᓕᐊᓚᐅᖏᓂᖏᓂ.
  3. ᐃᓄᐃᑦ ᐃᓚᐅᖁᓪᓗᒋᑦ ᖃᓄᖅᑑᕈᑎᓂᒃ ᐸᓐᓇᐃᓕᕌᖓᒥᒃ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᓂᒃ ᐱᖁᑎᖏᓐᓂᒡᓗ.
  4. ᖃᐅᔨᒋᐊᖅᑕᐅᖁᓪᓗᒋᑦ ᖃᓄᖅ ᐃᑲᔪᕐᓂᖃᕐᒪᖔᑕ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᖅᑎᔾᔪᑏᑦ ᑐᓴᖅᑕᐅᖁᓪᓗᐊᑕᖅᑕᖏᓐᓂᒃ ᑐᓴᖅᑎᑦᑏᓇᓱᒃᑎᓪᓗᒋᑦ.
8.5.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑕᒪᕐᒥᑦᑎᐊᖅ ᐃᓄᓕᒫᓄᑦ ᑐᓴᒐᒃᓴᓕᐊᖑᔪᑦ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ ᐃᓄᒃᑎᑐᑦFootnote 38ᐱᔭᐅᔪᓐᓇᕐᒥᓗᓂ.
  2. ᐱᓕᕆᖃᑎᑖᕐᓗᑎᒃ ᑲᑐᔾᔨᖃᑎᒌᒡᕕᖕᓃᑦᑐᓂᒃ ᐱᕙᓪᓕᐊᑎᑦᑎᖁᓪᓗᒋᑦ ᐃᑦᑕᕐᓂᓴᖃᕐᕕᓕᕆᓂᕐᒧᓪᓗ ᑕᑯᑎᑦᑎᒋᐊᖅᑎᐅᖁᓪᓗᒋᓪᓗ ᑐᓴᖅᑎᑕᐅᔭᕆᐊᖃᖅᑐᓄᑦ.
  3. ᒥᕐᖑᐃᖅᓯᕐᕕᓕᕆᓂᐅᔪᒥ ᑕᑯᒃᓴᕈᖅᑎᓗᐊᙳᐊᕐᓗᒋᑦ ᐃᓄᐃᑦ ᐱᖅᑯᓯᖏᑦ ᐃᓅᓯᕆᓚᐅᖅᓯᒪᔭᖏᓪᓗ.
  4. ᓴᖅᑭᔮᖅᑐᒃᓴᓕᐅᕐᓗᑎᒃ ᖃᐅᓱᐃᑦᑐᕐᒥ ᐊᐅᓱᐃᑦᑐᕐᒥᓪᓗ. ᓴᖅᑭᔮᖃᓯᐅᑎᖕᒥᓗᒋᑦ ᓴᓇᔭᐅᓯᒪᔪᑦ ᐃᔾᔪᐊᖅᓯᒪᔪᓪᓘᓐᓃᑦ ᐃᑦᑕᕐᓂᓴᑐᖃᕕᓂᖅᑎᑐᑦ, ᑕᑯᒃᓴᐅᑎᓪᓗᒋᑦ ᐃᓄᐃᑦ ᐃᓅᓯᕕᓂᕆᓚᐅᖅᑕᖏᑦ, ᑕᑯᔭᒐᖃᕐᕕᕐᓂ.
  5. ᓴᓇᔭᐅᓗᑎᒃ ᑲᔪᓯᑎᑕᐅᓗᑎᒡᓗ ᐃᓕᓂᐊᕐᕕᓂ ᑐᓴᐅᒪᖃᑎᒌᓕᕈᑏᑦ ᐊᒻᒪᓗ ᑐᑭᓯᒋᐊᖅᑎᑦᑎᔾᔪᑏᑦ ᒥᕐᖑᐃᖅᓯᕐᕕᒧᑦ ᐳᓛᕐᑎᓄᑦ ᐊᑐᖅᑎᓄᓪᓗ.
  6. ᑐᓴᒐᒃᓴᐃᑦ ᑐᓂᓗᒋᑦ ᐳᓛᕆᐊᖅᑎᓄᑦ ᐅᐸᓗᖓᐃᔭᕈᑎᒃᓴᐃᑦ ᒥᕐᖑᐃᖅᓯᕐᕕᖕᒧᐅᓚᐅᖏᓐᓂᖏᓐᓂᒃ . (ᓲᕐᓗ ᓄᒃᑕᓚᐅᖏᑎᓪᓗᒋᑦ ᑐᓴᐅᒪᔭᕆᐊᓖᑦ, ᖃᕆᑕᐅᔭᒃᑰᖓᔪᑦ ᓱᖏᐅᔭᐃᔾᔪᑏᑦ).
  7. ᐃᓄᐃᑦ ᐃᓚᐅᑎᓪᓗᒋᑦ ᐱᕙᓪᓕᐊᔭᐅᓂᖓᓄᑦ ᑕᑯᑎᑦᑎᔾᔪᑎᐅᓂᖓᓄᓪᓗ ᐃᑦᑕᕐᓂᓴᓕᕆᓂᕐᒧᑦ ᑕᑯᑎᑦᑎᒋᐊᕈᑎ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓄᑦ ᐊᑐᖅᑎᓄᓪᓗ.
  8. ᐱᕙᓪᓕᐊᑎᓪᓗᒋᑦ ᐃᓚᐅᑎᓪᓗᒋᓪᓗ ᖃᐅᔨᒋᐊᕈᑎᑦ ᐊᔪᖏᑦᑎᐊᕋᓗᐊᕐᒪᖔᑕ ᐃᑦᑕᕐᓂᓴᓕᕆᓂᕐᒧᑦ ᑕᑯᑎᑦᑎᒋᐊᕈᑎᓂᒃ ᑐᓴᖅᑎᑦᑎᒋᐊᕈᑎᐅᓂᐊᖅᑐᑦ ᑐᓴᖅᑎᑦᑕᕆᐊᖃᖅᑐᓅᖓᓪᓗᓂ.
8.5.2 ᑐᓴᐅᒪᑎᑦᑎᓂᖅ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕝᕕᖓ ᑭᒡᒐᖅᑐᖅᑕᐅᔭᕆᐊᖃᕐᓂᖓᓄᑦ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᕝᕕᖓᓂ

ᓴᐳᔾᔩᒋᐊᕐᓂᖅ ᐊᓐᓇᐅᒪᕕᐅᑉ ᑭᒡᒐᖅᑐᖅᑕᐅᕕᖓᓂ ᒥᕐᖑᐃᖅᓯᕐᕕᖕᒥ ᒪᓕᒃᓯᒪᓂᖃᕐᓂᐊᕐᒪᑦ ᐃᓄᓕᒫᓄᑦ ᑐᓴᖅᑎᔾᔪᑎᓂᒃ ᐃᓕᓐᓂᐊᖅᑎᑦᑎᓂᕐᒥᒡᓗ. ᐱᓇᓱᐊᖅᑕᐅᔪᑦ, ᑐᕌᒐᑦ, ᐱᒋᐊᖅᑕᐅᔪᒪᔾᔪᑏᓪᓗ ᐱᔾᔪᑎᓖᑦ ᐊᓐᓇᐅᒪᕕᐅᑉ ᑭᒡᒐᖅᑐᖅᑕᐅᕕᖓᓂ ᐅᖓᑖᓄᐊᖅᓯᒪᖕᒪᑕ ᒥᕐᖑᐃᖅᓯᕐᕕᐅᑉ ᑭᒡᓕᕆᔭᖓᓄᑦ ᑲᔪᓯᔪᓐᓇᖏᖦᖢᑎᒡᓗ ᐃᓄᓕᒫᓄᑦ ᐃᑲᔪᖅᑐᖅᑕᐅᖏᓪᓗᑎᒃ.

8.5.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᑐᕌᒐᕆᓗᒋᑦ ᑐᓴᖅᑎᖁᔭᒥᒃ ᑐᑭᓯᕚᓪᓕᕐᓂᐊᕐᒪᑕ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᕕᖓ ᐊᔾᔨᐅᖏᓐᓂᖓᓂᒃ ᖃᓄᕐᓗ ᖃᓄᐃᓕᐅᕐᓂᖏᑦ ᐃᑲᔪᖅᑐᐃᔪᓐᓇᕆᐊᒃᓴᖏᓐᓂᒃ ᒥᕐᖑᐃᖅᓯᕕᐅᑉ ᖃᓄᐃᖏᑦᑎᐊᖅᑐᒦᒋᐊᖃᕐᓂᖓᓄᑦ.

8.5.2.2 ᑐᕌᒐᕆᔭᕗᑦ
  1. ᓴᖅᑭᔮᖅᑎᓪᓗᒋᑦ ᓯᕗᓕᖅᑎᐅᓃᑦ ᖃᐅᔨᒪᔭᓃᓪᓗ ᐅᑭᐅᖅᑕᖅᑑᑉ ᖁᑦᑎᒃᑐᖓᑕ ᐊᓐᓇᐅᒪᕝᕕᖏᓐᓂᒃ ᐅᑭᐅᑕᖅᑐᕐᒥᐅᓄᑦ, ᑐᓴᕈᒪᔪᓄᑦ ᐃᓄᓕᒫᑦ, ᑲᓇᑕᐅᓪᓗ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᓕᕆᕝᕕᖏᑦ.
  2. ᑐᓴᐅᒪᑎᑦᑎᓗᑕ ᑐᓴᕆᐊᖃᕋᓱᒋᔭᑦᑎᓐᓄᑦ ᖃᓄᐃᔾᔪᑎᐅᑐᐃᓐᓇᕆᐊᓕᖕᓂᒃ ᒥᕐᖑᐃᖅᓯᕐᕕᖕᒥ ᐱᓕᕆᔾᔪᑏᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖃᕐᕕᖓᓄᑦ.
  3. ᐅᔾᔨᕈᓱᖕᓂᖅᓴᐅᓕᖅᑎᓪᓗᒋᑦ, ᐃᓚᐅᑎᓐᓂᖅᓴᐅᓕᕐᓗᒋᓪᓗ, ᑭᒡᓕᓯᓂᐊᕐᓂᕐᒧᑦ ᖃᐅᔨᓴᖅᑐᓕᕆᓃᑦ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓪᓗ.
  4. ᐅᖃᐅᔾᔪᖅᑐᐃᔾᔪᑎᒋᓗᒍ ᓄᓇᐅᑉ ᐃᒪᐅᓪᓗ ᐊᑐᖅᑕᐅᓂᖓ ᓄᓇᒋᔭᐅᔫᑉ ᑭᒡᓕᖓᓃᑦᑐᑦ ᐊᕙᑎᓕᕆᓂᕐᒧᑦ ᖃᐅᔨᓴᖅᑐᖃᖅᑎᓪᓗᒍ, ᐊᒃᑐᐃᖏᓐᓂᖅᓴᐅᓕᖁᓪᓗᒋᑦ ᐱᓕᕆᔭᐅᓕᕐᓂᖏᑦ ᐱᓕᕆᕝᕕᐅᓕᕐᓂᖏᓪᓗ ᒥᕐᖑᐃᖅᓯᕐᕕᐅᑉ ᐃᑦᑕᕐᓂᓴᖃᕐᕕᖏᑦ.
  5. ᑲᔪᓯᑎᓗᒋᑦ ᓄᐊᑕᐅᖃᑕᕐᑐᑦ ᐅᖃᓕᒫᒐᓕᐊᖑᓯᒪᔪᑦ ᐅᖃᓕᒫᒐᓕᐊᖑᑎᑕᐅᓯᒪᖏᑦᑐᓪᓗ ᑐᓴᖅᑎᑦᑎᔾᔪᑏᑦ ᖁᑦᑎᓂᕐᐹᖅ ᐱᔾᔪᑎᒋᓪᓗᒍ.
8.5.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐊᔭᐅᖅᑐᐃᓗᓂ ᖃᐅᔨᒪᓃᑦ ᑐᓴᖅᑕᐅᓯᒪᔪᓪᓗ ᑐᓴᐅᒪᖃᑎᒌᒍᑎᐅᖁᓪᓗᒋᑦ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ ᑐᓴᖁᔭᓄᑦ, ᐱᓗᐊᖅᑐᒥᒃ ᑭᒡᓯᓂᐊᖅᑏᑦ, ᐃᓕᓐᓂᐊᖅᑐᓕᕆᔩᑦ, ᐃᓄᐃᓪᓗ ᐃᓐᓇᖁᑎᖏᑦ ᖃᐅᓱᐃᑦᑐᕐᒥ ᐊᐅᓱᐃᑦᑐᕐᒥᓪᓗ.
  2. ᑐᓴᐅᒪᑎᓪᓗᒋᑦ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᑦ ᐊᑐᖅᑏᓪᓗ ᐃᑲᔪᖅᑐᐃᔪᓐᓇᕐᓂᖏᓐᓂᒃ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕝᕕᒋᔭᖓᑕ ᑭᒡᒐᖅᑐᖅᑕᐅᔭᕆᐊᖃᕐᓂᖏᓐᓂᒃ ᑲᒪᒋᑦᑎᐊᕋᓱᐃᓐᓇᕐᓂᒃᑯᑦ.
  3. ᐃᑲᔪᖅᑐᐃᓗᓂ ᓯᐊᒻᒪᒃᑎᖅᑕᐅᓂᖏᓐᓄᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖓᓄᑦ ᑐᓴᖅᑕᐅᔭᕆᐊᓖᑦ ᐃᓄᒃᑎᑐᑦ ᓄᓇᓕᖕᒥᓄᐅ ᐊᕕᒃᑐᖅᓯᒪᔪᒃᑯᓪᓗ ᑲᑐᔾᔨᖃᑎᒌᒃᑐᓄᑦ.
  4. ᐃᓚᐅᕝᕕᒋᑦᑎᐊᒻᒪᒡᓗᒋᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᔾᔪᑏᑦ ᒥᕐᖑᐃᖅᓯᕐᕕᖕᒧᑦ ᐊᒃᑐᐊᖓᓂᓖᑦ.
  5. ᓄᐊᑕᐅᓗᑎᒃ ᐅᖃᓕᒫᒐᓕᐊᖑᓯᒪᔪᓂ ᐅᖃᓕᒪᒐᓕᐊᖑᓯᒪᖏᑐᓂᒃᓗ ᑐᓴᕈᑎᓂᒃ (ᓲᓗ ᖃᐅᑕᒫᕈᑏᑦ, ᐸᐃᐹᑦ, ᐅᓂᑳᑦ, ᑕᕆᔭᐃᑦ) ᖁᑎᓂᐸᒥ ᐱᔪᑎᓖᑦ ᐊᑐᑕᐅᖁᓗᒋᑦ ᒥᕐᖑᐃᖅᓯᕐᕕᐅ ᐊᐅᓚᑕᐅᓂᖓᓄᑦ ᑭᖑᕙᕆᔭᐅᔪᑦ ᐅᓂᑲᖏᓄᓗ.
8.5.3 ᑐᓴᐅᒪᔭᐅᑎᓪᓗᒍ ᖃᓄᐃᑐᓚᐅᓯᒪᒪᖔᑦ ᒥᕐᖑᐃᓯᕐᕕᒃ ᐊᒻᒪᓗ ᐃᓄᐃᑦ ᐱᖁᑎᕕᓂᖏᑦ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᓴᐳᔾᔨᔨᐅᕗᖅ ᐅᓄᖅᑐᓂᒃ ᐃᑦᑕᕐᓂᓴᖃᕐᕕᓂᒃ. ᑐᓴᐅᒪᖃᑦᑕᐅᑎᔾᔪᑎᒋᒍᑦᑎᒍ ᑐᓴᖅᑕᐅᔭᕆᐊᖃᓗᐊᖅᑐᑦ ᑖᒃᑯᐊ ᐃᑦᑕᕐᓂᓴᖃᕐᕖᑦ ᐃᑲᔪᖅᑐᐃᔪᓐᓇᕐᒪᑕ ᓴᐳᑎᔭᐅᔪᓐᓇᓪᓚᕆᖕᓂᖏᓐᓄᑦ. ᐃᓄᐃᑦ ᐱᒻᒪᕆᐅᔪᒃᑯᑦ ᑐᑭᓯᕚᓪᓕᖅᑎᑦᑎᔨᐅᖕᒪᑕ ᐅᓂᒃᑳᑎᒍᑦ ᑐᓴᐅᒪᑎᑦᑎᓗᑎᒃ ᒥᕐᖑᐃᖅᓯᕐᕕᐅᑉ ᐱᖅᑯᓯᖃᕐᕕᐅᓂᖓ ᐱᔾᔪᑎᒋᓗᒍ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓄᑦ ᐊᓯᖏᓐᓄᓪᓗ ᑐᓴᐅᒪᔭᕆᐊᓕᖕᓄᑦ.

ᐱᓇᓱᖕᓂᐊᕈᑦᑎᒍ ᐱᓇᓱᐊᒐᕆᔭᕗᑦ, ᑐᕌᒐᕆᔭᕗᑦ, ᐱᒋᐊᖅᑎᑦᑐᒪᔭᕗᓪᓗ ᐃᑦᑕᕐᓂᓴᖃᕐᕕᓕᕆᔪᑦ, ᐃᓄᓕᒫᓂᒃ ᐃᑲᔪᖅᑐᖅᑕᐅᔭᕆᐊᖃᖅᐳᒍᑦ. ᐃᑲᔪᖅᑕᐅᔪᓐᓇᖅᓯᑦᑎᐊᕈᓐᓇᖅᐳᒍᑦ ᑐᓴᐅᒪᖃᑎᒌᒃᑯᑦᑕ ᑐᓴᐅᒪᖁᔭᑦᑎᓐᓂ.

8.5.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᑐᓴᖅᑎᑕᐅᓇᓱᒃᑐᑦ ᑐᑭᓯᐅᒪᓕᖅᐹᓪᓕᖁᓪᓗᒋᑦ ᑲᓇᑕᒥ ᓯᓚᕐᔪᐊᕐᒥᓪᓗ ᐊᓐᓂᕆᔭᐅᓂᖏᓐᓂᒃ ᐃᑦᑕᕐᓂᓴᖃᕐᕖᑦ ᒥᕐᖑᐃᖅᓯᕕᐅᑉ ᓴᐳᑎᓯᒪᔭᖏᑦ.

ᐅᓂᒃᑳᓕᐊᖑᓯᒪᔪᑦ ᐱᔾᔪᑎᒋᓪᓗᒍ ᖁᑦᑎᓂᕐᐹᖅ ᐱᖅᑯᓯᖃᕐᕕᐅᓂᖓᓂᒃ ᑐᓴᐅᒪᔾᔪᑎᐅᓂᐊᕐᒪᑕ ᐊᔾᔨᒌᖏᑦᑐᓄᑦ ᑐᑭᓯᑎᑦᑎᒋᐊᕈᑎᓄᑦ ᑐᓴᖅᑎᔾᔪᑎᐅᒋᐊᖅᑐᓄᓪᓗ.

8.5.3.2 ᑐᕌᒐᕆᔭᕗᑦ
  1. ᑐᑭᓯᒋᐊᕕᓕᕆᔾᔪᑏᑦ ᑐᓴᖅᑎᑦᑎᔾᔪᑏᓪᓗ ᐱᒋᐊᖅᑕᐅᓗᑎᒃ ᐱᔾᔪᑎᒋᓗᒍ ᒥᕐᖑᐃᖅᓯᕐᕕᐅᑉ ᐱᖅᑯᓯᖃᕐᕕᕕᓂᐊᓂᖓ.
  2. ᑐᓴᐅᒪᓂᖅᑖᖅᑎᑦᑎᔾᔪᑎᒋᒻᒪᕆᒡᓗᒍ ᖃᐅᔨᒪᔭᐅᔭᕆᐊᖃᕐᓂᖏᑦ ᓯᕗᓪᓕᕕᓃᑦ, ᑐᓃᑦ ᑑᓕᓪᓗ ᐱᖅᑯᓯᕕᓂᖏᑦ.
8.5.3.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᓴᖅᑭᑦᑏᓗᓂ ᐃᓄᑑᓗᑎᒃ ᐃᑦᑕᕐᓂᓴᖃᕐᕕᖕᓂᒃ ᑕᑯᓇᒋᐊᕐᕕᐅᔪᓐᓇᖅᑐᑦ ᑭᐊᑐᓪ ᑕᓯᕐᒥᒃ (ᑕᐃᖕᑯᕆ ᓯᔭᕆᒃᑑᑉ ᖃᓂᒋᔮᓂ) ᑐᓴᐅᒪᑎᑦᑎᐊᖁᓪᓗᒋᑦ ᐳᓛᕆᐊᖅᑐᑦ ᐊᑐᖅᑏᓪᓗ ᐃᑦᑕᕐᓂᓴᖃᕐᕕᖕᓂᒃ ᓱᕋᑐᑦᑎᑐᐃᓐᓇᕆᐊᖃᕐᓂᖏᓪᓗ.
  2. ᑐᓴᐅᒪᖃᑎᒌᒍᑎᒋᓗᒋᑦ ᐃᑦᑕᕐᓂᓴᖃᕐᕖᑦ ᓱᕋᒃᓴᕋᐃᑐᐃᓐᓇᕆᐊᖃᕐᓂᖏᑦ ᐳᓛᕆᐊᖅᑐᓕᒫᓄᑦ ᐊᑐᖅᑎᓕᒫᓄᓪᓗ ᐃᒡᓗᖃᕐᕕᕕᓂᕐᒧᑦ ᐊᑐᕐᓗᑎᒃ ᐊᔾᔨᒌᖏᑦᑐᓂᒃ ᑐᓴᐅᒪᔾᔪᑎᓂᒃ ᐱᕙᓪᓕᐊᔪᓕᕆᔨᒃᑯᑦ, ᓱᖏᐅᓴᐃᔾᔪᑎᓕᕆᓂᒃᑯᑦ ᑕᐃᑲᓂᑦᑎᐊᒻᒪᕆᒡᓘᓐᓃᑦ ᑐᑭᓯᒋᐊᖅᑎᑦᑎᔾᔪᑎᓕᕆᓂᒃᑯᑦFootnote 39.
  3. ᑐᑭᓯᒋᐊᖅᑎᑦᑎᔾᔪᑎᐅᓂᐊᖅᑐᑦ ᐱᕙᓪᓕᐊᔪᓕᕆᔩᑦ ᑐᓴᖅᑎᓪᓗᒋᑦ ᐃᓄᐃᑦ ᐃᑦᑕᕐᓂᓴᖃᕐᕕᖏᑕ ᑐᓴᖅᑕᐅᔭᕆᐊᖃᕐᓂᖏᓐᓄᑦ ᐃᒡᓗᖃᕐᕕᕕᓂᕐᒥ, ᐃᓄᐃᓪᓗ ᐃᑲᔪᖅᑐᐃᓯᒪᓂᖃᕐᔪᐊᕐᓂᖏᓐᓄᑦ ᐃᓅᓯᕆᔭᐅᓯᒪᔪᕕᓂᕐᓄᑦ ᐱᓕᕆᐊᓂᒃ ᑕᐃᑲᓂ ᓄᓇᒥ ᐅᑭᐅᖅᑕᖅᑑᑉ ᑐᓄᕕᐊᓄᑦ ᓇᕋᓇᒃᐸᒃᑎᓪᓗᒋᑦ ᓯᕗᓪᓕᖅᐹᖑᓗᑎᒃ ᐅᑭᐅᖅᑕᖅᑑᑉ ᑐᓄᕕᐸᓂ ᑲᔾᔨᖓᓄᐊᖅᑳᕋᓱᒃᑐᓂᒃ.
  4. ᐱᕙᓪᓕᐊᔪᓕᕆᔾᔪᑎᐅᓂᐊᖅᑐᓂᒃ ᓴᖅᑭᑦᑏᓗᑎᒃ ᐃᓚᐅᑎᑦᑎᓗᓂ ᐅᖃᓕᒫᒐᓕᐅᕐᓃᑦ ᐅᓂᒃᑳᖅᑐᑦ ᒥᕐᖑᐃᖅᓯᕐᕕᒃ ᐊᔾᔨᒌᖏᑦᑐᓂᒃ ᐃᓅᓯᖃᕐᕕᐅᓂᑰᓂᖓᓂᒃ ᐱᖅᑯᓯᖃᐅᕐᕕᐅᓂᖓᓂᒃ, ᐃᓚᐅᑎᓪᓗᒋᑦ ᐃᓄᐃᑦ ᓯᕗᓪᓕᕕᓂᖏᑦ, ᑐᓃᑦ ᑑᓕᓪᓗ ᖁᑦᑎᖕᓂᖅᐹᒥ.
  5. ᐃᓚᐅᑎᓪᓗᒋᑦ ᓄᓇᐃᑦ ᐃᓄᒃᑎᑐᑦ ᐊᑎᓖᑦ ᐊᐅᓪᓛᕐᕕᐅᓚᐅᖏᓐᓂᖏᓐᓂᒃ ᑐᓴᖅᑕᐅᔭᕆᐊᓖᑦ ᐃᓄᓕᒫᓄᓪᓗ ᑐᑭᓯᑎᑦᑎᒋᐊᕈᑎᓂᒃ ᑐᓴᖅᑎᑦᑎᔾᔪᑎᓂᒡᓗ ᑎᑎᕋᖅᑕᐅᓯᒪᓗᑎᒃ, ᓇᐅᒃᑯᓕᒫᖅ ᐱᔭᕆᐊᓕᖕᓂ.

8.6 ᐳᓛᕆᐊᖅᑐᑦ ᖃᐅᔨᒪᔭᕆᐊᖃᖅᑕᖏᑦ ᑐᑭᓯᐅᒪᔭᕆᐊᖃᖅᑕᖏᓪᓗ

ᖃᐅᔨᔾᔪᑏᑦ ᐳᓛᕆᐊᖅᑐᑦ ᖃᐅᔨᒪᑦᑎᐊᕋᓗᐊᕐᒪᖔᑕ ᑐᑭᓯᐅᒪᒐᓗᐊᕐᒪᖔᑕᓗ ᐱᕙᓪᓕᐊᑎᑕᐅᓂᐊᑦᑐᑦ ᑕᒪᓐᓇ ᐸᕐᓇᐅᑎᓕᐊᖑᔪᖅ ᐱᓕᕆᔭᐅᓂᓕᒫᖓᓄᑦ. ᐱᒋᐊᖅᑕᐅᕐᖓᖅᑐᒧᑦ, ᖃᐅᔨᒪᓃᑦ ᐳᓛᕆᐊᖅᑎᓄᑦ ᑐᑭᓯᐅᒪᔭᐅᓃᓪᓗ ᖁᑦᑎᓂᕐᐹᖅ ᐱᔾᔪᑎᒋᓪᓗᒍ ᐃᒪᓐᓇ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ:

ᖃᐅᔨᒋᐊᕐᓗᒍ ᑐᕌᒐᑦ
ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᖁᑦᑎᖕᓂᖅᐹᒥ ᖃᐅᔨᒪᔪᑦ ᒥᕐᖑᐃᖅᓯᕐᕕᓕᕆᓂᕐᒥᒡᓗ ᐊᒻᒪᓗ ᖃᓄᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐊᐅᓚᑦᑎᕙᖕᒪᖔᑕ. ᐅᓄᖅᓯᒋᐊᕐᓗᒋᑦ ᖃᐅᔨᔪᑦ.
ᐃᓚᐅᑎᑦᑎᖕᒪᖔᑕ ᑐᓴᖅᑕᐅᔭᕆᐊᖃᓪᓗᐊᑕᖅᑐᓂᒃ ᐃᓕᓐᓂᐊᕐᕖᑦ ᐃᓕᓐᓂᐊᕈᑎᒃᓴᓕᐊᖏᓐᓂᒃ ᓄᓇᕗᑦ ᐃᓕᓐᓂᐊᕐᕕᖏᓐᓂᒃ. ᐃᓚᐅᑎᒋᐊᓕᕐᓗᒋᑦ ᑐᓴᖅᑕᐅᔭᕆᐊᖃᓪᓗᐊᑕᖅᑐᑦ ᐃᓕᓐᓂᐊᕈᑎᒃᓴᓕᐅᖅᑕᐅᔪᓂᒃ.
ᑐᓴᕈᒥᓇᖅᑐᓂᒃ ᑐᓴᐅᒪᑎᑦᑎᒐᓗᐊᕐᒪᖔᑕ ᐱᕙᓪᓕᐊᔪᓕᕆᔨᒃᑯᑦ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ. ᑐᓴᕈᒥᓇᖅᑐᓂᒃ ᐅᓄᕐᓂᖅᓴᓂᒃ ᐱᕙᓪᓕᐊᔪᓕᐅᕐᓗᑎᒃ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ.
ᖃᔅᓰᑦ ᐃᓕᓐᓂᐊᕐᕖᑦ/ᐃᓕᓐᓂᐊᕐᕕᒡᔪᐊᑦ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᒋᐊᕈᑎᒃᑯᑦ ᑐᓴᖅᑎᑕᐅᓯᒪᓕᖅᐸᑦ ᖁᑦᑎᓂᕐᐹᖅ ᐱᔾᔪᑎᒋᓪᓗᒍ ᒥᕐᖑᐃᖅᓯᕐᕕᐅᑉ ᐃᖅᑲᓇᐃᔭᖅᑎᖏᓐᓄᑦ. ᑕᑯᑎᑦᑎᒋᐊᖅᑎᔾᔪᑏᑦ ᐅᓄᖅᓯᒋᐊᕐᓗᒋᑦ.

9.0 ᐳᓛᕐᑎᐅᒧᑦ ᐊᑐᕈᓇᕐᑕᖏᑦ ᐊᒻᒪᓗ ᐊᓯᖏᑦ ᒥᕐᖑᐃᖅᓯᕐᕕᒧᖓᔪᑦ ᐊᑐᕐᑕᐅᔪᓇᕐᑐᑦ

ᑭᒃᑯᑐᐃᓐᓇᐃᑦ ᐅᓄᖅᑐᑦ, ᑲᓇᑕᐅᑉ ᐅᑭᐅᖅᑕᖅᑐᖓᑕ ᖁᑦᑎᒃᑐᖓᓄᑦ ᐳᓛᕆᐊᑦᑐᑦ, ᖁᑦᑎᖕᓂᖅᐹᒧᓪᓘᓐᓃᑦ, ᖃᓪᓗᓈᑐᑦ ᐅᖃᕈᓯᕐᒥᒃ ᐱᕙᒃᐳᑦ ᐃᓅᓯᕐᒥ ᐅᐸᒃᑕᐅᔭᕆᐊᖃᓪᓚᕆᒃᑐᖅ. ᑎᑭᑉᐸᒃᑐᑦ ᐊᑐᖅᑕᐅᓯᒪᖏᑦᑐᒥᒃ ᐊᑐᕈᒪᓪᓗᑎᒃ ᐊᔪᕐᓇᖅᑐᒃᑯᓪᓗ ᓄᑦᑕᖃᑕᐅᔪᒪᓪᓗᑎᒃ ᐅᑭᐅᖅᑕᖅᑑᑉ ᓄᓇᕐᔪᐊᖓᓂᒃ ᐃᓄᒃᑕᖃᔮᖏᑦᑐᒥᒃ. ᑖᒃᑯᐊ ᐳᓛᕆᐊᖅᑐᑦ ᑲᒪᓇᒻᒪᕆᒃᑐᒥᒃ ᐊᖏᔪᐊᓗᖕᒥᒃ ᐱᐅᔪᒻᒪᕆᐊᓗᖕᒥᓪᓗ ᓄᓇᒥ ᑕᑯᕙᒃᐳᖅ ᓯᓚᕐᔪᐊᑉ ᐊᓯᐊᓂ ᑕᑯᔭᐅᔾᔮᖏᑦᑐᒥᒃ. ᐊᔾᔨᒌᖏᑦᑐᒥᒃ ᓄᓇᐃᑦ ᑕᐅᑦᑐᖃᐅᕐᓂᖏᓐᓄᑦ ᖁᑦᑎᖕᓂᖅᐹᒧᑦ ᐳᓛᕆᐊᖅᑐᑦ ᖁᕕᐊᓲᑎᖃᓕᖅᐸᒃᐳᑦ ᑐᑭᓯᕚᓪᓕᖅᑎᑕᐅᓂᖏᓐᓂᒃ ᓱᓐᓂᖅᓯᒪᔮᖏᑦᑐᒥᒃ ᓄᓇᒥ ᐃᑦᑕᕐᓂᓴᖃᕐᕕᐅᓂᖓᓂᒡᓗ ᐅᑭᐅᖅᑕᖅᑑᑉ ᖁᑦᑎᒃᑐᖓ ᓯᓚᕐᔪᐊᑦᑕᓗ ᑐᓄᕕᐊᓂ ᐅᑭᐅᖅᑕᖅᑐᖓᓂᒃ.

ᑭᒃᑯᑐᐃᓐᓇᐃᑦ ᓇᕈᓇᒃᑐᑦ ᓄᓇᒥ ᖃᐅᔨᓕᑳᓪᓚᒃᐸᒃᐳᑦ ᖁᑦᑎᖕᓂᖅᐹᑉ ᐊᓐᓇᐅᒪᕝᕕᖓ ᓱᕋᓇᑐᐃᓐᓇᕆᐊᖃᕐᓂᖓᓂᒃ ᐊᒃᑐᐃᓂᕐᓗ ᓄᓇᒥ ᐊᕐᕌᒍᐊᓗᖕᓄᑦ ᐊᒃᑐᐃᔪᓐᓇᖅᐳᖅ ᐃᓛᓐᓂᓪᓗ ᐃᓕᖅᑯᓯᕆᓚᐅᖅᑕᖓᓄᑦ ᐅᑎᖅᑎᑕᐅᔪᓐᓇᕋᑎᒃ. ᐊᒃᑐᐃᕌᔪᑐᐃᓐᓇᖅᑐᒥᒃ ᓄᒃᑕᕋᓱᒋᐊᖃᑦᑕᖁᔭᐅᕗᑦ ᐊᓯᖏᓐᓄᑦᑕᐅᖅ ᐅᐸᒃᑕᐅᖕᒥᒍᓂ ᓴᐃᓕᓇᑦᑎᐊᖅᑐᒥᒃ, ᐃᓄᖃᔮᖏᑦᑐᒥᒃ, ᐊᒃᑐᖅᑕᐅᓯᒪᙱᑲᓇᒃᑐᒥᒃ ᐅᑭᐅᖅᑕᖅᑑᑉ ᓄᓇᖓᓂ ᐅᐸᒃᓯᒪᔭᖃᕐᓂᐊᕐᒥᖕᒪᑕ ᓯᕗᓂᒃᓴᑦᑎᓐᓂ.

9.1 ᒥᕐᖑᐃᖅᓯᕐᕕᖕᒧᑦ ᐳᓛᖅᑏᑦ ᐊᑐᕐᑏᓪᓗ

ᐱᖓᓱᐃᓕᖓᖕᒪ ᐳᓛᕆᐊᖅᐸᒃᑐᑦ ᐳᓛᕆᐊᕈᓐᓇᖅᑐᓪᓘᓐᓃᑦ ᖁᑦᑎᖕᓂᖅᐹᒧᑦ ᐅᑯᐊ : ᒥᕐᖑᐃᖅᓯᕐᕕᖕᒧᑦ ᐳᓛᕆᐊᒃᑏᑦ, ᒥᕐᖑᐃᖅᓯᕐᕕᖕᒥ ᐊᑐᖅᑏᑦ ᐊᒻᒪᓗ ᐃᓄᐃ. ᒥᕐᖓᐃᖅᓯᕕᖕᒧᑦ ᐳᓛᕆᐊᖅFootnote 40 ᐱᔾᔪᑎᐅᓂᖏᑦ ᑎᑎᕋᖅᓯᒪᔪᑦ ᐅᕙᓂ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎᒥ, ᑖᓐᓇ ᑕᐃᒎᓯᖅ ᐱᔾᔪᑎᖃᓗᐊᖅᐳᖅ ᒥᕐᖑᐃᖅᓯᕐᕕᒃ ᑭᒃᑯᑐᐃᓐᓇᕐᓄᑦ ᐱᓕᕆᕕᐅᓂᐊᖅᑎᓪᓗᒍ. ᑭᒡᓕᓯᓂᐊᖅᑎᓄᑦ, ᐅᓇᑕᖅᑐᒃᓴᓄᑦ, ᐊᓯᖏᓐᓄᓪᓗ ᑕᐃᒍᖅᑕᐅᓯᒪᖏᑦᑐᑦ "ᐳᓛᖅᑏᑦ"Footnote 41ᓇᓗᓇᐃᖅᑕᐅᓯᒪᓂᖏᓐᓂᒃ ᒥᕐᖑᐃᖅᓯᕐᕕᖕᒥ ᐊᑐᖅᑎᐅᓂᖏᓐᓂᒃ ᓇᓗᓇᐃᖅᑕᐅᓯᒪᓪᓗᑎᒃ.

9.1.1 ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑏᑦ

ᖁᑦᑎᓂᕐᐹᖅ ᐊᔾᔨᒌᖏᑦᑐᓂᒃ ᐱᓕᕆᐊᒃᓴᖃᖅᑎᑦᑎᕙᒃᐳᖅ ᐳᓛᕆᐊᖅᑎᓄᑦ, ᓄᓇᖅᐸᓯᒃᑯᑦ ᐱᓱᔪᖕᓂᖅ, ᐅᓪᓗᒃᑯᑦ ᐱᓱᔪᖕᓂᖅ, ᓯᐊᕐᕆᔮᑯᑖᒃᑯᑦ ᓇᕈᓇᖕᓂᖅ, ᐅᒥᐊᕐᔪᐊᒃᑯᑦ ᐳᓛᕆᐊᖃᑕᕐᓂᖅ, ᐅᓪᓗᒃᑯᓪᓗ ᐊᑐᕐᕕᐅᔪᓐᓇᖅᖢᓂ. ᐊᒻᒪᓗᑦᑕᐅᖅ, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᑎᑎᕋᖅᑐᐃᕙᓪᓕᐊᓕᕆᕗᑦ ᐃᒡᓗᕕᕕᓂᖃᖅᑐᖅFootnote 42, ᐱᔾᔪᑎᒋᔭᐅᓪᓗᓂ, ᐅᑭᐅᖅᑕᖅᑑᑉ ᑐᓄᕕᐊᑕ ᑲᔾᔨᖓᓄᙵᐅᔪᓄᑦ ᐱᒋᐊᕐᕕᒃ. ᐊᕐᕌᒍᑕᒫᑦ ᒥᕐᖑᐃᖅᓯᕐᕕᒃ ᐳᓛᕆᐊᖅᑕᐅᕙᒃᐳᖅ ᐃᒻᒪᖄ 200ᓄᑦ: ᐳᓛᕆᐊᖅᑐᑦ ᑕᒪᒃᑭᐸᓗᒃᖢᑎᒃ ᑎᑭᑉᐸᒃᐳᑦ (150ᓪᓗᐊᑦ) ᐅᒥᐊᕐᔪᐊᒃᑯᑦ ᐊᐅᔭᑕᒫᑦ.

ᖁᑦᑎᑉᓂᕐᐹᖅ ᐅᓄᖏᑦᑐᓄᑦ ᐳᓛᕆᐊᖅᑕᐅᖃᑦᑕᕐᓂᖓ ᐱᔾᔪᑎᖃᖅᑐᖅ ᐅᖓᓯᒃᑑᓂᖓᓂᒃ ᐊᑭᑐᓂᖓᓂᒡᓗ ᒥᕐᖑᐃᖅᓯᕐᕕᖕᒧᐊᕋᓱᒃᑐᓄᑦ. ᑭᓯᐊᓂ ᐅᒥᐊᕐᔪᐊᒃᑯᑦ ᐳᓛᕆᐊᖅᐸᑕ, ᐳᓛᕆᐊᖅᑐᑦ ᐃᓄᑑᔪᓐᓇᑦᑎᐊᖅᐸᒃᑐᑦ ᐳᓛᕆᐊᖅᑎᓪᓗᒋᑦ. ᐅᓄᖅᑐᑦ ᓄᒃᑕᖅᑏᑦ ᐊᐅᓪᓚᖅᑎᑦᑎᔨᖃᖅᖢᑎᒃ ᐳᓛᕆᐊᓲᖑᕗᑦ, ᑕᖅᑭᖅ ᐳᓛᕆᐊᕐᕕᐅᓛᖅ ᔪᓚᐃᒥᐅᕙᒃᐳᖅ ᐋᒡᒌᓯᒥᓪᓗ.

ᑮᓇᐅᔭᓕᐅᖅᖢᑎᒃ ᐳᓚᕋᖅᑎᑦᑎᔩᑦ ᐊᐅᓪᓚᖅᑎᑦᑎᔩᓪᓗ ᐊᑐᖅᑕᐅᓂᖏᑦ ᐃᒃᐱᒋᔭᐅᑦᑎᐊᖅᐳᑦ ᐳᓛᕆᐊᖅᑎᓄᑦ ᐃᑲᔪᖅᑐᐃᕐᔪᐊᖃᑦᑕᕐᓂᖏᓐᓄᑦ ᑐᓴᐅᒪᑎᑦᑎᓪᓗᑎᒃ ᑐᓴᕆᐊᖃᕐᓂᖏᓐᓂᒃ ᓄᒃᑕᓚᐅᖏᓐᓂᖏᓐᓂᒃ, ᒥᕐᖑᐃᖅᓯᕐᕕᒡᓗ ᑐᓴᐅᒪᔾᔪᑎᐅᕙᒃᖢᓂ, ᑕᓯᐅᖅᑎᐅᓪᓗᑎᒡᓗ ‘’ᕿᒪᐃᖁᔨᖏᑦᑎᐊᕐᓂᕐᒥᒃ’’ ᒪᓕᖁᔭᐅᔪᓂᒃ ᐊᑐᖁᔭᐅᔪᓂᒡᓗ.

ᐳᓛᕐᑏᑦ ᐅᐸᒍᒪᔭᒥᖕᓄᑦ ᓇᒥᑐᐃᓐᓇ ᐃᓱᒪᖅᓱᕐᓗᑎᒃ ᐅᐸᒃᓯᔪᓐᓇᖅᐳᑦ, ᑭᓯᐊᓂ ᐅᖃᖅᑕᐅᓯᒪᔪᖃᕐᓂᐸᑦ ᐅᐸᒃᑕᐅᔭᕆᐊᖃᖏᑦᑐᓂᒃ ᐅᑯᓂᖔᕐᓗᓂ ᒥᕐᖑᐃᖅᓯᕐᕕᐅᑉ ᑭᒡᓕᓕᐅᖅᑕᐅᓯᒪᔪᓕᕆᔨᒃᑯᓐᓂ, ᐃᓄᓕᒫᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᔨᓂᒃ, ᓄᓇᐅᑉ ᐃᓚᖓ ᒪᑐᔭᐅᓯᒪᓂᕋᑦᑕᐅᓂᖏᓐᓂᒃ ᐊᓯᖏᓐᓂᒡᓗ ᒪᓕᒋᐊᖃᖁᔭᐅᔪᓂᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᓇᓗᓇᐃᒃᑯᑎᖅᓱᐃᑎᓪᓗᒋᑦ ᑐᓂᔭᐅᕙᒃᑐᓂᒃ. ᑐᒥᓕᐅᓗᐊᖁᔭᓇᑎᒃ ᐅᖓᓯᒌᒃᑑᓂᒃ ᑐᒥᓕᐅᕐᕕᖃᖁᔭᐅᕗᓯ ᑕᑯᒃᓴᐅᔪᒥᒃ ᐃᒡᓕᓂᓕᐅᖁᓇᓯ ᒥᕐᖑᐃᖅᓯᕐᕕᖕᒥ. ᐳᓛᕆᐊᖅᑐᓕᒫᑦ ᒥᕐᖑᐃᖅᓯᕐᕕᓕᕆᔨᒧᑦ ᐅᖃᐅᔾᔪᖅᑕᐅᓯᒪᔭᕆᐊᖃᖁᔭᐅᕗᑦ ᖃᐅᔨᒪᔭᕆᐊᖃᖅᑕᖏᓐᓂᒃ ᐅᐸᒃᓯᓚᐅᖏᑎᓪᓗᒋᑦ ᐅᐸᒃᓯᕙᓪᓕᐊᓕᖅᑎᓪᓗᒋᓪᓘᓐᓃᑦ, ᖁᑦᑎᓂᕐᐹᖅ ᒥᕐᖑᐃᖅᓯᕐᕕᖓᓄ. ᐅᒥᐊᕐᔪᐊᒃᑯᑦ ᑎᑭᑉᐸᒃᑐᑦ ᐅᓄᕐᓂᖅᓴᐅᕙᖕᒪᑕ ᐳᓛᕆᐊᖅᑏᑦ ᒥᕐᖑᐃᖅᓯᕐᕕᓕᐊᖅᑐᑦ ᐃᖅᑲᓇᐃᔭᖅᑎᓂᒃ ᐅᖃᐅᔾᔪᖅᑕᐅᓯᒪᓲᑦ ᐳᓛᑦᑎᐊᕈᓐᓇᐅᑎᒃᓴᖏᓐᓂᒃ ᐃᓕᓐᓂᐊᖅᑎᑕᐅᕙᒌᖅᖢᑎᒡᓗ ᖃᐅᔨᒪᔭᕆᐊᖃᑦᑕᖏᓐᓂᒃ.

9.1.2 ᒥᕐᖑᐃᖅᓯᕐᕕᒥ ᐊᑐᕐᑏᑦ

ᒥᕐᖑᐃᖅᓯᕐᕕᖕᒥ ᐊᑐᖅᑏᑦ ᐅᓄᙱᓕᕇᖃᑦᑕᕐᒪᑕ ᐊᕐᕌᒍᑕᒫᑦ. ᑭᒡᓕᓯᓂᐊᕆᐊᖅᑐᑦ ᐅᓄᕐᓂᖏᑦ ᖁᓖᑦ ᐊᑖᓃᑉᐸᒃᑐᑦ ᐊᕐᕌᒍᑕᒫᑦ ᒥᕐᖑᐃᖅᓯᕐᕕᓕᐊᖅᑐᑦ. ᑖᒃᑯᐊ ᑭᒡᓕᓯᓂᐊᖅᑏᑦ ᒥᕐᖑᐃᖅᓯᕐᕕᐅᑉ ᒥᒃᓵᓄᑦ ᑐᓴᐅᒪᑎᑦᑎᓪᓗᐊᑕᐅᕙᒃᑐᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ, ᐃᑲᔪᖅᑐᐃᒋᐊᖅᖢᑎᒃ ᖃᓄᖅᑑᕈᑎᖃᕆᐊᖃᕐᓂᖏᓐᓂᒃ. ᑭᒡᓕᓯᓂᐊᕐᓂᕐᒧᑦ ᖃᐅᔨᔭᐅᔪᑦ ᑐᓴᐅᒪᖃᑎᒌᒍᑎᐅᕙᒃᐳᑦ ᓄᓇᓕᖕᒥᐅᓄᑦ ᐊᓯᖏᓐᓄᓪᓗ. ᑭᒡᓕᓯᓂᐊᕈᓐᓇᕐᓂᕐᒧᑦ ᒥᕐᖑᐃᖅᓯᕐᕕᖕᒥ ᖃᐅᔨᓴᕈᓐᓇᐅᑏᑦ ᐱᔭᐅᕙᒃᐳᑦ ᑭᒡᓕᓯᓂᐊᖅᑐᓕᕆᔨᒃᑯᓐᓂ ᓄᐊᑦᑎᓂᐊᖅᑐᓄᓪᓗ ᐱᔪᓐᓇᐅᑎᒥᒃ ᕿᒥᕐᕈᔭᐅᓚᐅᖅᑎᓪᓗᒋᑦ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᓪᓕᒃ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐱᓕᕆᖃᑎᖃᐃᓐᓇᕐᓂᐊᖅᑐᑦ ᓯᓚᕐᔪᐊᑉ ᑐᓄᕕᐊᓂ ᐅᑭᐅᖅᑕᖅᑐᖓᑕ ᖃᐅᔨᓴᖅᑕᐅᔾᔪᑎᖓᓄᑦ ᐃᑲᔪᖅᑐᐃᓗᑎᒃ ᑭᒡᓕᓯᓂᐊᕈᑎᓂᒃ ᒥᕐᖑᐃᖅᓯᕐᕕᖕᒥ.

ᐅᓇᑕᖅᑐᒃᓴᒃᑯᑦ ᒥᕐᖑᐃᖅᓯᕐᕕᖕᒥ ᐱᓕᕆᕝᕕᖃᖅᐸᒃᐳᑦ ᐱᓇᓱᐊᕈᒥᕐᓄᑦ ᐱᖓᓲᔪᖅᑐᓪᓗᐊᓄᑦ ᐊᐅᔭᒃᑯᑦ, ᖃᐅᔨᓴᐃᓪᓗᑎᒃ ᐊᕐᕌᒍᑕᒫᑦ ᑐᓴᐅᒪᖃᑦᑕᐅᑎᔾᔪᑎᖏᑕ ᓇᑉᐸᖅᓯᒪᔪᖁᑎᖏᓐᓂᒃ. ᐅᓇᑕᖅᑐᒃᓴᒃᑯᑦ ᖃᖓᑕᓲᒃᑯᑦ ᖁᓕᒥᒎᒃᑯᓪᓗ ᓄᒃᑕᖅᐸᒃᐳᑦ ᐃᑲᔪᖅᑐᐃᓪᓗᑎᒃ ᔪᕇᑲᒥᒃ ᐊᓘᑦᒥᓪᓗ.

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐱᓕᕆᖃᑎᖃᐃᓐᓇᕐᓂᐊᖅᐳᑦ ᒥᕐᖑᐃᖅᓯᕐᕕᖕᒧᑦ ᐊᑐᖅᑎᓂᒃ ᓴᐳᔾᔩᓗᑎᒃ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕝᕕᖓᓂ ᐃᑦᑕᕐᓂᓴᖃᕐᕕᖏᓐᓂᒡᓗ. ᐊᕐᕌᒍ ᐊᑕᐅᓯᐊᖅᖢᒍ, ᒥᕐᖑᐃᖅᓯᕐᕕᖕᒥ ᐊᑐᖅᑎᓕᒫᑦ ᐃᓚᐅᔭᕆᐊᖃᖃᑦᑕᖁᔭᐅᕗᑦ ᒥᕐᖑᐃᖅᓯᕐᕕᖕᒥᐅᑦ ᓱᖏᐅᓴᐃᑎᓪᓗᒋᑦ ᐱᒋᐊᓚᐅᖏᓐᓂᖏᓐᓂᒃ ᒥᕐᖑᐃᖅᓯᕐᕕᖕᒧᐊᕆᐅᕈᑎᖏᓐᓂᒡᓗ.

ᑕᑯᑎᑦᑎᔾᔪᑎ 11. ᐅᓇᑕᖅᑐᒃᓴᒃᑯᑦ ᐱᓕᕆᐊᕆᕙᒃᑕᖏᑦ

ᑲᓇᑕᐅᑉ ᐅᓇᑕᖅᑐᒃᓴᖏᑦ ᐊᐅᓱᐃᑦᑑᑉ ᕿᑭᖅᑕᖓᓂ ᐱᓕᕇᓐᓇᖅᑐᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕕᖓᓂ. ᒫᓐᓇ ᐅᓇᑕᖅᑐᒃᓴᑦ ᐱᓕᒻᒪᒃᓴᖅᑐᑦ/ᓄᒃᑕᖅᑐᓪᓗ, ᑐᓴᐅᒪᖃᑦᑕᐅᑎᓕᕆᔾᔪᑎᖏᓐᓂᒡᓗ ᑲᒪᒋᔭᖃᖅᑐᑦ (ᕼᐆᕆᑲᐃᓐᒥᒃ ᐊᑦᑎᖅᓯᒪᔪᖅ), ᐃᖏᕐᕋᔪᒃᑰᖅᑎᑦᑎᓃᑦ ᐃᖅᑲᓇᐃᔭᖅᑎᖏᓐᓂᒃ ᐱᖁᑎᖏᓐᓂᒡᓗ ᐅᓇᑕᖅᑐᒃᓴᑦ ᓄᓇᖓᓄᑦ ᐊᓘᑦᒥ. ᐊᒻᒪᓗᑦᑕᐅᖅ, ᑲᓇᑕᐅᑉ ᐅᓇᑕᖅᑐᒃᓴᒃᑯᖏᑦ ᑲᓇᑕᐅᑉ ᓄᓇᒋᔭᐅᓂᖓᓂᒃ ᖃᐅᔨᓴᐃᒋᐊᓚᐅᕐᒥᔪᑦ ᒥᕐᖑᐃᖅᓯᕕᖕᒥ 2003ᒥ ᖃᐅᔨᓴᐃᒃᑲᓐᓂᖅᖢᑎᒃ 2004ᒥ.

ᒥᖑᐃᖅᓯᕕᓕᕆᔨᒃᑯᑦ ᑲᓇᑕᒥ ᐊᒪᓗ ᐅᓇᑕᖅᑐᒃᓴᑯᑦ ᑲᔪᓯᓂᐊᕐᑐᑦ ᐱᓇᓱᐊᖃᑎᒋᓗᑎᒃ ᒥᑭᓕᒋᐊᖁᓗᒍ ᖃᓄᑐᐃᓇ ᓱᓂᓯᒐᔭᕐᓂᖓ ᐅᓇᑕᕐᑐᓴᑯᑦ ᐱᓕᕆᓂᖏᓄᑦ ᒥᖑᐃᓯᕕᐅ ᓄᓇᖓᑕ ᐃᓗᐃᑐᓂᖓᓂ ᐅᕙᓗᓃᑦ ᐃᓄᐃᑦ ᐱᖁᑎᕕᓂᖏᓂᒃ ᐊᒪᓗ ᐅᓇᑕᕐᑐᓴᑯᑦ ᑕᑯᔪᒪᔭᖏᑦ ᑲᔪᓯᑎᑕᐅᔪᓇᖁᓗᒋᑦ. ᐱᓕᕆᐊᖏᑦ ᐅᓇᑕᕐᑐᓴᑯᑦ ᒪᓕᖢᑎᒃ ᐊᖏᖃᑎᒋᒍᑎᒥᒃ ᑐᑭᓯᐅᒪᓂᒧᑦ ᐅᑯᓄᖓ ᐅᓇᑕᕐᑐᓴᑯᑦ ᐊᒪᓗ ᒥᖑᐃᓯᕕᓕᕆᔨᑯᑦ ᑲᓇᑕᒥ ᐃᖃᓇᐃᔭᕕᖓ (ᓯᕗᓂᐊᓂ ᐃᖃᓇᐃᔭᕕᖓ ᓯᓚᓂᐊᑎᑯᑦ - ᑲᓇᑕᒥ ᒥᖑᐃᓯᕕᓕᕿᔨᑯᑦ ᐱᔨᓯᕐᑎᖏᑦᑯᓚᐅᑐᑦ). ᒥᖑᐃᓯᕕᓕᕆᔨᑯᑦ ᑲᓇᑕᒥ ᕿᓂᓂᐊᑐᑦ ᖃᓄᐃᓕᐅᕆᐊᖃᒪᖔᕐᒥᒃ ᑲᑐᔨᖃᑎᒋᑦ ᒥᖑᐃᓯᕕᓕᕆᔨᑯᑦ ᐊᐅᓚᓯᔨᖏᑕ ᑲᑎᒪᔨᕋᕝᒪᖏᓂᑦ ᐱᔪᑎᓕᓂ ᑐᐊᕕᓇᖏᑐᓂ ᐱᓕᕆᐊᒃᓴᓂᒃ, ᐃᓚᐅᓗᑎᒃ ᐊᑕᕐᓇᖏᓗᑎᒃ ᐊᐅᓚᓯᓃᑦ, ᐱᓕᕆᐊᖑᖃᑕᕐᑐᑦ ᒥᖑᐃᓯᕕᒥ ᐅᓇᑕᕐᑐᓴᑯᓄᑦ. ᐅᓇᑕᕐᑐᓴᑯᑦ ᐱᓕᕆᔪᓇᕐᑐᑦ ᐊᐅᓚᓂᕆᔭᕆᐊᓕᒥᓂᒃ ᒥᖑᐃᓯᕕᐅᑉ ᐃᓗᐊᓂ ᐃᓚᓂᑯᑦ ᑲᓇᑕᒥ ᐱᕈᓗᐊᕿᔪᖃᑎᓗᒍ.

9.2 ᑭᐱᓐᖑᐃᔭᕐᓂᕐᒧᑦ ᑲᔾᔭᐅᓴᖕᓂᕐᒧᑦ ᐊᐅᓚᓂᐅᔪᑦ

ᐱᓕᕆᔭᒃᓴᐃᑦ ᖃᐅᔨᒋᐊᖅᑕᐅᓯᒪᓕᕐᒪᑕ ᐳᓛᕆᐊᑦᑎᐊᖁᔨᓂᕐᒧᑦ ᐊᓕᐊᓇᐃᒍᓱᒡᓗᑎᒡᓗ ᐊᑐᖅᑏᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓃᒍᓐᓇᕐᓂᐊᕐᒪᑕ (ᑎᑎᕋᕐᕕᒃ 3). ᐱᓕᕆᔭᒃᓴᐃᑦ ᓂᕈᐊᖅᑕᐅᓯᒪᔪᑦ ᖃᐅᔨᓴᐃᓚᐅᖅᑎᓪᓗᒋ5 ᒥᕐᖑᐃᖅᓯᕐᕕᒃ ᑖᒃᑯᓂᖓ ᑐᓂᓯᓯᒪᔪᓐᓇᕆᐊᒃᓴᖏᓐᓂᒃ ᐊᑐᓂ ᐱᓕᕆᔭᒃᓴᒥᒃ. ᐱᓕᕆᔭᐅᔪᒪᔪᑦ ᑲᔪᓯᑎᑕᐅᔪᓐᓇᖅᐳᑦ ᐃᒪᐃᓕᖓᒍᑎᒃ:

  • ᑲᔪᖏᓴᑕᐅᓗᑎᒃ ᐃᓄᓕᒫᓄᑦ ᑐᑭᓯᐅᒪᓂᖅᑖᕐᓂᕐᒧᑦ, ᐊᓕᐊᓇᐃᒍᓲᑎᖃᓕᕐᓂᕐᒧᑦ, ᑯᕕᐊᒋᔭᖃᓕᕈᓐᓇᕐᓂᕐᒧᓪᓗ ᒥᕐᖑᐃᖅᓯᕐᕕᐅᑉ ᐊᓯᔾᔨᖅᓯᒪᖏᑦᑎᐊᕐᓂᖓᓂᒃ ᐃᑦᑕᕐᓂᓴᖃᕐᕕᖏᓐᓂᒡᓗ;
  • ᑭᒪᒋᐊᖅᑕᐅᖁᓗᒍ ᒥᕐᖑᐃᖅᓯᕐᕕᒃ ᓱᕐᕋᒃᓯᒪᖏᓪᓗᓂ ᓯᕗᓂᒃᓴᕆᓛᖅᑕᑦᑎᓐᓄᑦ;
  • ᐃᓗᐊᙱᓕᐅᕈᑎᓕᐅᖅᓯᒪᖏᓪᓗᓂ ᐊᓯᑦᑎᓐᓄᑦ ᐳᓛᕆᐊᖅᑎᐅᓛᖅᑐᓄᑦ; ᐊᒻᒪᓗ
  • ᓯᖁᒥᑦᑎᖏᓪᓗᓂ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃ ᐅᕝᕙᓘᓐᓃᑦ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ ᐊᖏᖃᑎᒌᒍᑎᒥᒃ.

ᓄᑖᑦ ᐱᓕᕆᐊᖑᔪᒪᔪᑦ ᒥᕐᖑᐃᖅᓯᕐᕕᖕᒥ ᖃᐅᔨᓴᑕᐅᖅᑳᖃᑦᑕᕐᓂᐊᕐᑐᑦ. ᐃᓚᖏᑦ ᐱᓕᕆᐊᒃᓴᑦ ᖁᑦᑎᖕᓂᖅᐹᒥ ᐊᔪᖅᑎᑕᐅᕙᖕᒥᖕᒪᑕ ᐱᔾᔪᑎᖃᐅᖅᖢᑎᒃ.

ᐃᖏᕐᕋᔾᔪᑏᑦ ᐊᖁᑎᖓFootnote 43 ᒥᕐᖑᐃᖅᓯᕐᕕᖕᒥ ᐃᓱᒪᖅᓱᕐᓇᔾᔮᖏᑦᑐᑦ. ᖃᖓᑕᓲᒃᑰᖅᑐᑦ ᐱᔪᓐᓇᐅᑎᖃᕆᐊᓖᑦ ᐊᖓᔪᖅᑳᕆᔭᐅᔪᒧᑦ ᐊᖏᖅᑕᐅᓯᒪᓗᑎᒃ, ᐃᓱᒪᒃᓴᖅᓯᐅᕈᑎᖃᕈᓐᓇᕐᓗᓂ ᐃᓯᖅᑐᖅ ᐊᒃᑐᖅᑕᐅᔾᔪᑎᑐᐃᓐᓇᕆᐊᓕᖕᓂᒃ ᐆᒪᔪᕐᓄᑦ ᐳᓛᕆᐊᖅᑎᒃᓴᐃᓪᓗ ᐊᑐᕋᔭᖅᑕᖏᓐᓄᒃ. ᐊᖓᔪᖅᑳᖅ ᐅᖃᐅᔾᔪᖅᑕᐅᔪᒪᓂᐊᖅᑐᖅ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑕ ᐃᒃᓯᕙᐅᑕᖓᓄᑦ ᖃᑕᖓᑕᔫᒃᑯᑦ ᐱᓕᕆᔾᔪᑎᓕᒫᑦ ᐱᔪᓐᓇᐅᑎᖏᓐᓂᒃ ᓇᓗᓇᐃᖅᑕᐅᓯᒪᔪᖅ I ᓄᓇᖓᓄᑦ. ᐊᖓᔪᖅᑳᖅ ᑐᓴᖅᑎᑦᑎᓂᐊᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓄᓇᓕᕆᓂᕐᒧᑦ ᑐᑭᒧᐊᒃᑎᑦᑎᔨᖓᓂᒃ ᖃᖓᑕᓲᒃᑰᕐᓂᐊᖅᑐᓕᒫᓂᒃ ᐊᖏᖅᑕᐅᓯᒪᓪᓗᑎᒃ ᓇᓗᓇᐃᖅᑕᐅᓯᒪᔪᖅ 1 ᓄᓇᖓᓄᐊᕈᑎᒃᓴᕐᒥ. ᓯᑭᑑᒃᑰᕈᒪᔪᑦ ᐊᔪᖅᑎᑕᐅᔾᔮᖏᑦᑐᑦ ᐊᐅᓪᓚᖅᑎᑦᑎᔨᖃᕐᓗᑎᒃ, ᓚᐃᓴᓕᖃᕐᓗᓂ ᐊᐅᓪᓚᖅᑎᑦᑎᔨ, ᑖᖕᑯᕆᐅᕆ ᓯᒡᔭᕆᒃᑐᖅ ᓇᓗᓇᐃᖅᑕᐅᓯᒪᔪᖅ III ᓄᓇᖓᓂ. ᐅᒥᐊᕐᔪᐊᒃᑯᑦ ᓄᒃᑕᕈᓐᓇᖅᑎᑕᐅᔾᔪᑎᓖᑦ ᑖᖕᑯᕆᐅᕆ ᓯᒡᔭᕆᒃᑐᖅ ᓇᓗᓇᐃᖅᑕᐅᓯᒪᔪᖅ III ᓄᓇᖓᓂ. ᓇᖕᒥᓂᖃᕐᓂᕐᒧᑦ ᓚᐃᓴᓯᖃᕆᐊᓕᖅ ᑕᒪᐃᓐᓄᓕᒫᖅ ᐊᐅᓪᓚᕈᔾᔨᔨᐅᓂᕐᒧᑦ ᑮᓇᐅᔭᓕᐅᕐᓗᑎᒡᓘᓐᓃᑦ ᐊᐅᓪᓚᕈᔾᔨᔨᓂᒃ ᒥᕐᖑᐃᖅᓯᕐᕕᖕᒧᑦ.

ᐃᒡᓗᕐᔪᐊᑦ ᑐᓂᔭᐅᓯᒪᓪᓗᑎᒃ ᒥᕐᖑᐃᖅᓯᕐᕕᖕᒥ ᖃᖓᑕᔪᓄᑦ ᒥᕝᕕᖃᖅᑐᑦ ᐅᑯᐊ ᑖᖕᑯᕆᐅᕆ ᓯᒡᔭᕆᒃᑐᒥ, ᑕᓯᐊᓗᖕᒥ, ᐱᒋᐊᕐᕕᖕᒥ, ᐃᒡᓗᖃᕐᕕᕕᓂᕐᒥᒡᓗ; ᐅᖅᑯᐊᖃᕐᕕᓕᐅᖅᓯᒪᔪᖃᖅᑐᖅ ᑖᖕᑯᕆᐅᕆ ᓯᒡᔭᕆᒃᑐᒥ, ᑕᓯᐊᓗᖕᒥ, ᐱᒋᐊᕐᕕᖕᒥᓪᓗ; ᖃᓄᖅᑑᖅᑕᐅᓯᒪᔪᓂᒡᓗ ᑕᖁᐊᒃᓴᓄᑦ ᕿᒪᐃᕝᕕᐅᓯᒪᔪᖃᐅᕆᓪᓗᓂ. ᐱᒋᐊᕐᕕᒃ ᐊᑐᖅᑕᐅᖃᑦᑕᕐᒥᔪᖅ ᐃᓛᓐᓂ ᓯᓚᕐᔪᐊᑦᑕ ᑐᓄᕕᐊᓄᑦ ᑲᔾᔨᖓᓄᐊᕋᓱᒃᑐᓂᒃ ᐅᑭᐅᑉ ᓄᕐᖑᐊᓂ/ᐅᐱᕐᖓᒃᓴᓕᖅᑎᓪᓗᒍ. ᑕᑉᐸᐅᖓᐅᓇᓱᒃᑐᑦ ᐊᒃᑐᐃᓗᐊᖅᐸᖏᑦᑐᑦ ᐊᕐᕌᒍᖓ ᑕᑉᐸᐅᙵᖅᑕᐅᓃᑦ ᒪᓕᒃᖢᒍ, ᐊᒃᑐᐃᕌᕐᔪᑐᐃᓐᓇᖅᐸᒃᖢᑎᒡᓗ ᒥᕐᖑᐃᖅᓯᕐᕕᐅᑉ ᓄᓇᖓᓂᒃ ᐃᑦᑕᕐᓂᓴᖃᕐᕕᖕᓄᑦ ᒥᕐᖑᐃᖅᓯᕐᕕᖕᒦᓐᓂᖏᑦ ᓇᐃᑦᑑᖕᒪᑕ. ᐅᑭᐅᖅᑕᖅᑑᑉ ᑐᓄᕕᐊᓂ ᑲᔾᔨᓕᐊᖅᑏᑦ ᐱᔪᓐᓇᖅᑎᑕᐅᕙᒃᐳᑦ ᓇᕈᓇᒍᓐᓇᐅᑎᖃᖅᖢᑎᒃ ᒥᕐᖑᐃᖅᓯᕐᕕᓕᕆᔨᒃᑯᓐᓂ ᐱᓕᕆᓂᐊᖅᑕᖓ ᓇᓗᓇᐃᖅᑕᐅᓯᒪᒍᓂ ᐱᓕᕆᓂᖓᓗ ᐃᑲᔪᖅᑐᖅᑕᐅᓯᒪᒍᓂ ᒥᕐᖑᐃᖅᓯᕐᕕᓕᕆᔩᑦ ᐊᐅᓚᑦᑎᔾᔪᑎᖓᑕ ᐸᕐᓇᐅᑎᖓᓂ (ᑕᑯᓗᒍ ᑎᑎᕋᕐᕕᒃ 3).

ᑎᑎᕋᕐᕕᒃ 3. ᑭᐱᓐᖑᐃᔭᕐᓂᕐᒨᖓᔪᑦ ᐱᓕᕆᓂᐅᔪᑦ ᖁᑎᓂᕐᐹᖅ ᒥᕐᖑᐃᖅᓯᕐᕕᖓᓂ ᑲᓇᑕᒥ
ᑭᓱᓕᕆᓃᑦ ᓇᓗᓇᐃᖅᓯᒪᔪᑦ ᐱᓕᕆᓃᑦ
ᓇᖕᒪᒑᕐᓃᑦ
  • ᖃᓄᑐᐃᓐᓇᖅᐊᐅᓪᓚᕈᔾᔭᐅᓯᒪᓗᑎᒃ
ᐅᒥᐊᖅᑐᕐᓂᖅ
  • ᐅᒥᐊᕐᔪᐊᒃᑯᑦ ᐳᓚᕆᐊᖅᑏᑦFootnote 44
ᐊᐅᓛᖅᓯᒪᓃᑦ
  • ᐃᒻᒪᑲᓪᓚᒃᑐᑦ
  • ᐊᐅᓪᓛᒃᓂᒻ ᑕᐃᖕᑯᕆ ᓯᒡᔭᕆᒃᑐᒧᑦ
ᒪᔪᕋᕐᓂᖅ
  • ᖃᖅᑲᓄᑦ
  • ᒪᔪᕋᕐᕕᓕᐅᖅᓯᒪᔪᓄᑦ
  • ᐊᔾᔨᒌᖏᑦᑐᓄᑦ
ᕿᒧᒃᓯᕐᓂᒃFootnote 45
  • ᐊᐅᓪᓛᒃᓂᖅ
  • ᐊᐅᓪᓚᖅᑎᑦᑎᔨᖃᕐᓗᓂ ᑕᑯᓇᒃᑎᑕᐅᓂᖅ
ᐃᑦᑕᕐᓂᓴᕐᓂᒃ ᖁᕕᐊᓲᑎᖃᕐᓂᖅ
  • ᓴᓇᐅᒐᓕᕆᓃᑦ
  • ᑎᖕᒥᐊᓂᒃ ᖁᙱᐊᕐᓂᖅ
  • ᐆᒪᔪᓂᒃ ᖁᙱᐊᕐᓃᑦ
  • ᐊᔾᔨᓕᐅᕆᕙᓪᓕᐊᓃ
  • ᐃᓄᐃᑦ ᐃᓕᖅᑯᓯᖏᓐᓂᒃ/ᐱᖅᑯᓯᖏᓐᓂᒃ ᐃᓕᓐᓂᐊᖅᑎᑦᑎᓂᖅ
ᐱᓱᔪᒃᑏᑦ
  • ᐅᓪᓗᒃᑯᑦ ᐱᓱᔪᖕᓃᑦ
  • ᓯᓂᒃᑕᕐᓗᑎᒃ ᐱᓱᔪᖕᓃᑦ
ᑐᑭᓯᑎᑦᑎᒋᐊᕈᑏᑦ
  • ᐱᓱᔪᖕᓃᑦ ᑐᑭᓯᑎᑦᑎᒋᐊᕐᓗᓂ
  • ᐃᓕᓐᓂᐊᒐᒃᓴᓕᐅᕈᑏᑦ ᐃᓕᓐᓂᐊᕐᕕᖕᓄᑦ
  • ᓂᐱᓕᐅᖅᓯᒪᔪᒃᑯᑦ ᑐᑭᓯᑎᑦᑎᓂᖅ
  • ᓇᓗᓇᐃᖅᑕᐅᓯᒪᓗᑎᒃ ᐱᓕᕆᔭᒃᓴᓕᐅᖅᓯᒪᔪᑦ
  • ᑕᑯᑎᑦᑎᓃᑦ
ᓱᖏᐅᓴᐃᓂᖅ
ᐸᐅᑎᓕᖕᓄᑦ ᐅᒥᐊᖅᑐᕐᓗᑎᒃ
  • ᐅᓪᓗᒃᑯᑦ ᐅᒥᐊᖅᑐᕐᓂ/ᖃᔭᒃᑯᑦ
  • ᖃᔭᕆᐊᒃᑯᑦ/ᖃᔭᒃᑯᑦ ᐅᒥᐊᖅᑐᕐᓂᖅ
  • ᑕᕆᐅᕐᒥ ᖃᔭᑰᕐᓂᖅ/ᖃᔭᕆᐊᒃᑯᑦ ᓄᒃᑕᕐᓂᖅ
ᓯᐊᕐᕆᔮᕐᓂᖅ
  • ᓯᐊᕐᕆᔮᒃᑯᑦ ᓄᒃᑕᕐᓂᖅ
  • ᓯᐊᕐᕆᔮᒃᑯᑦ ᖃᖅᑲᒃᑰᕐᓂᖅ
  • ᓯᕐᒥᓕᒃᑰᕐᓂᖅ
  • ᓯᐊᕐᕆᔮᒃᑯᑦ ᐊᐅᓪᓚᑲᑕᖕᓂᖅ
ᓯᑭᑑᒃᑰᕐᓂᖅ
  • ᐊᐅᓪᓚᖅᑎᑦᑎᔨᖃᕐᓗᑎᒃ ᑐᐊᖕᑭᐅᕆ ᓯᒡᔭᕆᖅᑐᒃᑰᕐᓂᖅ ᑭᒡᓕᓕᐅᖅᓯᒪᔪᖅ III
ᒪᐅᔭᕋᒃᓯᐅᑎᓕᒃᑯᑦ ᐱᔪᖕᓂᖅ
  • ᐅᓪᓗᒃᑯᑦ ᓄᒃᑕᕐᓂᖅ
  • ᓯᓂᒃᑕᕆᐊᖅᓯᒪᓂᖅ

9.3 ᐊᐅᓚᑦᑎᓂᕐᒧᑦ ᐱᓇᓱᐊᖅᑕᐅᔪᒪᔪᑦ, ᑐᕌᒐᕆᔭᐅᔪᑦ, ᐱᒋᐊᕈᑎᐅᓂᐊᖅᑐᓪᓗ

9.3.1 ᑐᑭᒧᐊᒃᑎᑦᑎᔾᔪᑏᑦ ᐳᓛᕆᐊᖅᑐᓕᕆᓂᕐᒧᑦ ᒥᕐᖑᐃᖅᓯᕐᕕᖕᒥᓪᓗ ᐊᑐᖅᑎᓄᑦ
9.3.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᒃ ᐊᐅᓚᑕᐅᑦᑎᐊᕐᓂᐊᖅᑐᖅ ᐳᓛᕆᐊᖅᑐᑦ ᑕᑯᔪᓐᓇᕐᓂᐊᕐᒪᑕ :

  • ᐃᖃᐅᒪᓇᑎᐊᕐᑐᕐᒥᒃ ᖁᑦᑎᒃᑑᑉ ᐅᑭᐅᑕᕐᑐᖓᓃᓐᓂᐊᕐᒪᑕ;
  • ᐃᓕᓐᓂᐊᕈᓐᓇᕐᓂᐊᕐᒪᑕ ; ᐊᒻᒪᓗ
  • ᐃᓚᐅᔪᓐᓇᖁᓪᓗᒋᑦ ᐊᔾᔨᒌᖏᑦᑐᓂᒃ ᑭᐱᙳᐃᔭᐅᑎᓂᒃ ᐱᓕᕆᔭᐅᔪᓐᓇᖅᑐᑦ ᒥᕐᖑᐃᓯᕕᐅᑉ ᓄᓇᖓᑕ ᐊᕙᑎᖓᓂ;
ᐊᒻᒪᓗ ᐳᓛᖅᑏ ᐊᑐᖅᑏᓪᓗ ᐃᒪᐃᑐᓇᕐᓂᐊᕐᒪᑕ:
  • ᑕᑯᔪᓐᓇᕐᓂᐊᕐᒪᑕ ᒥᕐᖑᐃᖅᓯᕕᐅᑉ ᓄᓇᖓᓂ ᓱᕐᕋᒃᓯᒪᖏᑦᑎᐊᖅᑐᒥᒃ ᐃᑦᑕᕐᓂᓴᖃᕐᕕᖕᓂᓪᓗ;
  • ᐊᑦᑕᕐᓇᖏᑦᑐᒦᑦᑎᐊᕐᓗᑎᒃ ᐊᓕᐊᓇᐃᒍᓱᖕᓂᐊᕐᒪᑕ ᒥᕐᖑᐃᖅᓯᕕᖕᒥ; ᐊᒻᒪᓗ
  • ᐊᒃᑐᐃᓗᐊᔾᔮᖏᒻᒪᑕ ᒥᕐᖑᐃᖅᓯᕕᐅᑉ ᐊᓐᓇᐅᒪᕝᕕᖓᓂ ᐃᑦᑕᕐᓂᓴᖃᕐᕕᖏᓐᓂᒡᓗ.

9.3.1.2 ᑐᕌᒐᕆᔭᕗᑦ
  1. ᓴᐳᔾᔭᐅᓯᒪᖁᓪᓗᒍ ᑲᒪᒋᔭᐅᑦᑎᐊᖁᓪᓗᒍᓗ ᓱᕐᕋᒃᑕᐅᓯᒪᖏᑦᑐᖅ ᓄᓇ ᑕᑯᔭᐅᔪᒪᓂᖃᒻᒪᕆᒃᑐᖅ ᐳᓛᕆᐊᖅᑐᓄᑦ ᐋᖅᑭᒃᓯᒪᐃᓐᓇᕋᓱᖕᓂᐊᖅᑕᕗᑦ ᑲᒪᒋᑦᑎᐊᖅᑕᐅᓂᖓᒍᑦ/ᐃᓕᖅᑯᓯᕆᓚᐅᖅᑕᖓᓄᑦ ᐅᑎᖅᑏᒋᐊᑕᐅᕙᒡᓗᓂ ᐊᓐᓇᐅᒪᕕᖓᑕ ᑭᒡᒐᖅᑐᖅᑕᐅᒪᓂᖓ.
  2. ᐃᑲᔪᕐᓗᒋᑦ ᐳᓛᖅᑏᑦ ᐅᐸᓗᖓᐃᔭᖅᓯᒪᔭᕆᐊᖃᕐᓂᖏᓐᓂᒃ ᒥᕐᖑᐃᖅᓯᕐᕕᖕᒧᐊᕐᓂᐊᖅᑎᓪᓗᒋᑦ.
  3. ᐃᑲᔪᕐᓗᒋᑦ ᓇᕐᒥᓂᖃᖅᑎᐅᓂᕐᒧᑦ ᓚᐃᓴᓯᓖᑦ ᐱᔨᑦᑎᕋᕐᓂᐊᖅᑕᖏᑦ ᑕᑯᒥᓇᖅᑐᒥᒃ, ᐃᓕᓐᓂᐊᕐᓂᕐᒥᒃ, ᐊᑦᑕᕐᓇᖏᑦᑐᒦᑦᑐᒥᒃ, ᐋᖅᑭᒃᓯᒪᓂᖃᑦᑎᐊᖅᑐᒥᔨᒡᓗ ᐳᓛᕐᓂᐊᕐᒪᑕ ᖁᑦᑎᖕᓂᖅᐹᒧᑦ, ᖃᐅᓱᐃᑦᑐᕐᒧᑦ, ᐊᐅᓱᐃᑦᑐᕐᒧᓪᓗ.
  4. ᖃᐅᔨᒪᓂᐊᕋᑦᑕ ᒥᕐᖑᐃᖅᓯᕐᕕᖕᒥ ᐱᓕᕆᐊᖑᔪᑦ ᐃᓄᓕᒫᓂᒃ ᐃᓕᓐᓂᐊᖅᑎᑦᑎᖕᒪᖔᑕ, ᐊᓕᐊᓇᐃᒍᓱᒃᑎᑦᑎᖕᒪᖔᑕ ᖁᕕᐅᒃᑎᑦᑎᖕᒪᖔᑕ ᒥᕐᖑᐃᖅᓯᕐᕕᖕᒦᑎᓪᓗᒋᑦ.
9.3.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐋᖅᑭᒃᑕᐅᓗᑎᒃ ᐳᓛᕆᐊᖅᑐᑦ ᖃᓄᐃᒃᓴᕆᐊᒃᓴᖏᓐᓂᒃ ᖃᐅᔨᔾᔪᑏᑦ. ᓴᖅᑭᑦᑏᓗᑎᒃ ᐃᓚᐅᑎᑦᑎᓕᕐᓗᑎᒡᓗ ᖃᓄᐃᒃᓴᕆᐊᒃᓴᖏᓐᓂᒃ ᖃᐅᔨᔾᔪᑎᒃᓴᒃ ᓇᐅᑦᑎᖅᓱᐃᔾᔪᑎᒃᓴᓂᒃ.
  2. ᐋᖅᑭᒃᑕᐅᓗᑎᒃ ᐋᖅᑭᐅᒪᓂᐅᖏᓐᓇᕈᑏᑦ, ᐃᑲᔪᖃᑎᒋᓗᒋᑦ ᓇᖕᒥᓂᖃᖅᑐᑦ ᒥᕐᖑᐃᖅᓯᕐᕕᖕᒥᓪᓗ ᐊᑐᖅᑏᑦ, ᓴᐳᔾᔭᐅᓯᒪᑦᑎᐊᖁᓪᓗᒍ ᑕᓯᐊᓗᒃ, ᐃᓚᐅᑎᓪᓗᒋᑦ ᒪᓕᒋᐊᓖᑦ ᐳᓛᕆᐊᖅᑐᓄᑦ, ᐊᑐᖅᑎᓄᑦ, ᒥᕐᖑᐃᖅᓯᕐᕕᓕᕆᔨᒃᑯᓐᓂᓪᓗ ᐱᓕᕆᔭᐅᔪᖅ ᑕᐃᑲᓂ (ᓄᓇᖓᓂ ᑕᖕᒫᕐᕕᖃᕐᓃᑦ).
  3. ᐳᓛᕆᐊᖅᑏᑦ ᑐᓴᐅᒪᔭᕆᐊᖃᖅᑕᓕᒫᖏᓐᓂᒃ ᑐᓂᓗᒋᑦ ᐊᐅᓪᓚᓚᐅᖏᓐᓂᖏᓐᓂᒃ, ᐸᕐᓇᐅᑎᖏᓐᓄᑦ ᐃᑲᔪᖅᐹᓪᓕᕐᓂᐊᕋᑦᑕ.
  4. ᓇᐅᑦᑎᖅᓱᐃᓐᓇᕐᓗᒋᑦ ᐃᓄᓕᒫᓄᑦ ᐱᓕᕆᓂᐅᔪᑦ ᓴᐳᔾᔭᐅᓯᒪᐃᓐᓇᖁᓪᓗᒍ ᐊᓐᓇᐅᒪᕕᐅᔪᖅ ᐃᑦᑕᕐᓂᓴᖃᕐᕖᓪᓗ.
  5. ᐃᓚᐅᒋᐊᕐᓗᑕ ᓄᓇᒋᔭᑦᑎᓐᓂ ᐊᕕᒃᑐᖅᓯᒪᔪᒃᑯᓪᓗ ᐳᓛᕆᐊᖅᑐᓕᕆᓂᕐᒧᑦ ᐱᒋᐊᖅᑕᐅᓯᒪᔾᔪᑎᓂᒃ.
  6. ᐃᓕᓐᓂᐊᖅᑎᓪᓗᒋᑦ ᖃᖓᑕᓲᓕᕆᔩᑦ ᐃᒃᐱᒍᓱᑦᑎᐊᕆᐊᖃᕐᓂᖏᓐᓂᒃ ᐃᓕᔭᐅᓯᒪᔪᓂᒃ ᒪᓕᒐᕐᓂᒃ, ᐊᑐᖁᔭᐅᔪᓂᒃ, ᐊᑐᐊᒐᕐᓂᒡᓗ ᖃᖓᑕᓲᓄᑦ ᒥᕐᖑᐃᖅᓯᕐᕕᐅᑉ ᖁᓛᒎᕐᓂᐊᖅᑎᓪᓗᒋᑦ ᒥᕐᖑᐃᖅᓯᕐᕕᖕᒧᓪᓗ ᐃᓯᖅᐸᓪᓕᐊᓂᐊᖅᑎᓪᓗᒋᑦ.
9.3.2 ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ ᐃᓚᒋᔭᐅᔪᑦ ᒥᕐᖑᐃᖅᓯᕐᕕᖕᒥ ᐊᑐᖅᓯᔾᔪᑎᖓ

ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᐃᓄᖕᓄᑦ ᓄᓇᕗᑦ ᓄᓇᓕᖏᓐᓃᑦᑐᓂᒃ ᐱᔪᓐᓇᐅᑎᓂᒃ ᑐᓂᓯᕗᖅ ᐱᔾᔪᑎᒋᓪᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᓄᓇᕗᒻᒦᑦᑐᑦ, ᑐᓂᓯᔪᖅ ᐃᓄᖕᓂᒃFootnote 46 ᐅᑯᓂᖓ ᐱᔪᓐᓇᐅᑎᓂᒃ:

“…ᐊᑭᖃᖏᓪᓗᓂ ᐃᓱᒪᖅᓱᕐᓇᕐᓗᓂᓗ ᐊᑐᕈᓐᓇᖅᑎᑕᐅᔪᑦ ᐊᖑᓇᓱᖕᓂᐊᖅᑎᓪᓗᒋᑦ ᓄᓇᓕᒫᖓᓂ, ᐃᒪᓕᒫᖓᓂ, ᑕᕆᐅᖃᕐᕕᓕᒫᖓᓂᓗ…ᒥᕐᖑᐃᖅᓯᕐᕕᖕᒥ (ᓄᓇᕗᒻᒥ)”Footnote 47

and ᐊᒪᓗ“…ᒥᕐᖑᐃᖅᓯᕐᕕᖕᒧᐊᕈᓐᓇᖅᑐᑦ ᐊᑭᖃᖏᑦᑎᐊᕐᓗᓂ’’Footnote 48

ᑕᒪᓐᓇ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᐃᒃᐱᒍᓱᑦᑎᐊᕆᐊᖃᖅᐳᖅ ᐃᓄᐃᑦ ᐱᔪᓐᓇᐅᑎᒋᔭᖏᓐᓂᒃ ᐊᓯᖏᓐᓂᒡᓗ ᑐᓂᔭᐅᓯᒪᔪᓂᒃ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ.

ᒪᓇᐅᕋᑖᖅᑐᖅ ᐊᑐᖅᑕᐅᕌᕐᔪᑐᐃᓐᓇᖅᑐᖅ ᐊᑐᑕᐅᖏᑎᐊᓚᐅᑲᒃᓯᒪᔪᕐᓘᓐᓃᑦ ᒥᕐᖑᐃᖅᓯᕐᕕᒃ ᐃᓄᖕᓄᑦ.

9.3.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐃᓚᒋᔭᐅᔪᑦ ᒥᕐᖑᐃᖅᓯᕕᖕᒥ ᐊᑐᕈᓐᓇᖅᑐᑦ ᒪᓕᒡᓗᒍ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃ ᐊᒻᒪᓗ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ ᐊᖏᖃᑎᒌᒍᑎᒥᒃ ᐃᒃᐱᒋᔭᐅᑦᑎᐊᕐᓂᐊᖅᑐᑦ.

9.3.2.2 ᑐᕌᒐᕆᔭᕗᑦ
  1. ᐊᐅᓚᑕᐅᖁᓪᓗᒍ ᒥᕐᖑᐃᖅᓯᕐᕕᒃ ᐃᓄᖕᓄᑦ ᐊᑐᖅᑕᐅᖏᓐᓇᕈᓐᓇᕐᓂᐊᕐᒪᑦ.
9.3.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑭᒡᓕᖃᖅᑎᓪᓗᒋᑦ ᐳᓛᕆᐊᖅᑐᑦ ᒥᕐᖑᐃᖅᓯᕐᕕᖕᒧᑦ ᐃᓄᐃᑦ ᐱᓕᕆᓂᖃᕐᓂᐊᖅᑎᓪᓗᒋᑦ ᐊᖏᖅᑕᐅᓯᒪᓪᓗᑎᒃ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ, ᐱᔭᕆᐊᖃᕈᓂ.
9.3.3 ᐃᓄᓕᒫᑦ ᐊᑕᕐᓇᖅᑐᒦᖁᓇᒋᑦ ᐱᔨᑦᑎᕋᖅᑏᑦ

ᐅᖓᓯᒃᑐᓂᒃ ᖃᖅᑲᖃᐅᖅᑐᓂᒡᓗ ᒥᕐᖑᐃᖅᓯᕐᕕᖕᒥ ᓲᕐᓗ ᖁᑦᑎᖕᓂᖅᐹᑎᑐᑦ, ᐃᓄᓕᒫᓄᑦ ᐊᑦᑕᕐᓇᖅᑐᒦᑎᑦᑎᖁᔨᖏᓐᓂᖅ ᐃᓱᒫᓘᑎᐅᓛᖑᕙᒃᐳᖅ. ᐃᓄᓕᒫᓄᑦ ᐊᑦᑕᕐᓇᖅᑐᒦᖁᔨᖏᓐᓂᖅ ᐱᓕᕆᖃᑎᒌᖕᓂᒃᑯᑦ ᐱᔭᒃᓴᕆᔭᐅᔪᖅ. ᐳᓛᕆᐊᖅᑐᑦ ᐅᔾᔨᖅᓱᑦᑎᐊᕆᐊᖃᖅᐳᑦ ᑕᐅᑐᖕᓂᖃᕐᓗᑎᒡᓗ ᓇᓕᐊᖕᓂ ᐅᐸᒍᒪᔭᖏᑦ ᐊᑦᑕᕐᓇᖅᑐᖅᑕᖃᑐᐃᓐᓇᕆᐊᖃᕐᒪᖔᑕ. ᑕᒪᓐᓇ ᑭᓯᐊᓂ ᖃᐅᔨᒪᓂᕐᒥᒃ ᐊᑐᕐᓗᓂ ᐊᑦᑕᕐᓇᖅᑐᓂᒃ, ᐅᐸᓗᖓᐃᔭᐅᑎᖃᑦᑎᐊᕐᓗᓂᓗ ᐱᖁᑎᓂᒃ ᓂᕿᒃᓴᓂᒃ, ᐊᔪᖏᓪᓗᓂ ᐃᖃᖏᑦᑎᐊᕐᓗᓂᓗ, ᐃᓄᑑᓗᓂᓘᓐᓃᑦ ᐃᓅᓕᔪᓐᓇᕆᐊᕐᓗᓂ. ᐳᓛᕆᐊᖅᑐᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᓇᖕᒥᓂᖅ ᑲᒪᒋᔪᓐᓇᑦᑎᐊᕆᐊᖃᕐᓂᖏᓐᓂᒃ ᐊᑦᑕᕐᓇᖅᑐᒦᖁᓇᒋᑦ.

ᒥᕐᖑᐃᖅᓯᕐᕕᖕᒥ ᐃᓄᓕᒫᓄᑦ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᔾᔪᑎᖓ ᒪᓕᖕᓂᐊᕐᒪᑦ ᐳᓛᕆᐊᖅᑐᑦ ᐅᖃᖅᑕᖏᓐᓂᒃ ᑐᓴᖅᑎᑦᑎᓂᖏᓐᓂᒡᓗ ᖃᓄᖅ ᐸᕐᓇᐅᒃᓯᒪᑦᑎᐊᒃᑲᓐᓂᕈᓐᓇᕆᐊᒃᓴᖏᓐᓂᒃ ᒥᕐᖑᐃᖅᓯᕐᕕᖕᒦᑎᓪᓗᒋᑦ. ᐊᐅᓚᓂᑦᑎᐊᕙᐅᔪᓐᓇᓛᖅ ᐃᓄᓕᒫᓄᑦ ᐊᑦᑕᕐᓇᖅᑐᒦᑎᑦᑎᑕᐃᓕᒪᓂᖅ ᐃᓕᓐᓂᐊᕈᑎᐅᖕᒪᑦ ᑐᓴᐅᒪᑎᑦᑎᓂᕐᓗ ᐊᐅᓪᓚᖅᑐᖃᓚᐅᖏᓐᓂᖏᓐᓂᒃ ᐸᕐᓇᐃᕙᓪᓕᐊᓕᓵᖅᑎᓪᓗᒋᑦ ᓇᒧᙵᐅᓂᐊᕐᓂᖏᑦ, ᑎᑭᓚᐅᖏᑎᓪᓗᒋᑦ ᒥᕐᖑᐃᖅᓯᕐᕕᖕᒧᑦ ᑎᑭᑐᐊᖅᐸᑕᐅᖏᑦᑐᖅ. ᕿᓂᖅᑐᓕᕆᔩᑦ ᐅᑭᐅᖅᑕᖅᑑᑉ ᖁᑦᑎᒃᑐᖓᓂ ᑐᓂᓯᔪᓐᓇᕐᒪᑕ ᑭᓯᐊᓂ ᐃᑲᔪᖅᑐᖅᑕᐅᓯᒪᓗᑎᒃ ᐊᓯᖏᓐᓂᒃ ᐱᓕᕆᕝᕕᓂᒃ ᑲᑐᔾᔨᖃᑎᒌᒡᓗ, ᐃᓚᐅᓗᑎᒃ ᐅᓇᑕᖅᑐᒃᓴᒃᑯᑦ, ᓯᓚᕐᔪᐊᑉ ᑐᓄᕕᐊᑕ ᑲᔾᔨᓕᕆᔨᓂᒃ (ᑲᓇᑕᐅᑉ ᓄᓇᓕᕆᔨᒃᑯᑦ), ᐹᒻᕝ ᔮᔅᐳ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑕ ᐃᓄᓕᒫᓄᑦ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᔾᔪᑎᖏᑕ ᖃᐅᔨᒪᔨᑕᖓ, ᐸᓖᓯᒃᑯᑦ, ᑐᐊᕕᕐᓇᖅᑐᓕᕆᔨᒃᑯᓪᓗ, ᐅᒥᐊᕐᔪᐊᓕᕆᔨᒃᑯᑦ, ᑐᐊᕕᕐᓇᖅᑐᖃᖅᑎᓪᓗᒍ ᕿᓂᖅᑐᓕᕆᔩᑦ ᑲᒪᔨᖏᑦ (ᑐᕆᐊᓐᑕᓐ) ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ ᑐᐊᕕᕐᓇᖅᑐᓕᕆᓂᕐᒧᑦ ᐅᖄᓚᕝᕕᖓ (ᔮᔅᐳ), ᐃᓄᖕᓂ ᖃᖓᑕᓲᒃᑯᑦ ᕿᓂᖅᑏᑦ ᑐᐊᕕᕐᓇᖅᑐᓕᕆᔩᑦ, ᐳᓛᕆᐊᖅᑏᑦ ᐅᒥᐊᕐᔪᐊᖁᑎᖏᓪᓗ. ᕿᓂᖅᑐᓕᕆᔨᒃᑯᑦ ᑭᐅᒋᐊᕈᑎᖏᑦ ᐊᐳᖅᑕᕈᑎᖃᐃᓐᓇᕐᓂᐊᕐᒪᑕ ᐅᑯᓂᖓ ᖃᖓᑕᓲᑕᖃᕐᒪᖔᑦ ᐃᖅᑲᓇᐃᔭᖅᑎᖃᕐᒪᖔᑦ, ᓯᓚᐅᑉ ᖃᓄᐃᓕᖓᓂᖓᓂᒃ, ᓇᒥ ᐊᑦᑕᕐᓇᖅᑐᖃᓕᕐᒪᖔᓪᓗ.

9.3.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᖕᒥ ᐃᓄᓕᒫᑦ ᐊᑦᑕᕐᓇᖅᑐᒦᑦᑕᐃᓕᖁᓪᓗᒋᑦ ᒪᓕᖕᓂᐊᖅᑐᖅ ᐊᑦᑕᕐᓇᖅᑐᒦᑎᑦᑕᐃᓕᒪᓂᕐᒥᒃ, ᐅᐸᓗᖓᐃᔭᖅᓯᒪᓂᕐᒥᒃ, ᑭᐅᒋᐊᕐᓂᕐᒥᒃ, ᐱᔭᒃᓴᕆᔭᒥᓪᓗ ᐃᑲᔪᖃᑎᒌᑦᑎᐊᕆᐊᖃᕐᓂᕐᒧᑦ.

9.3.3.2 ᑐᕌᒐᕆᔭᕗᑦ
  1. ᑐᓂᓯᓯᒪᔨᐅᓗᑎᒃ ᐃᓄᓕᒫᓄᑦ ᐊᑦᑕᕐᓇᖅᑐᒦᑎᑦᑕᐃᓕᒪᔾᔪᑎᓂᒃ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᑦ ᖃᐅᔨᒪᓂᐊᕐᒪᑕ ᐊᑦᑕᕐᓇᖅᑐᒦᑎᑦᑕᐃᓕᒪᓇᓱᖕᓂᕐᒥᒃ ᒥᕐᖑᐃᖅᓯᕐᕕᖕᒧᐊᓚᙱᖅᑎᓪᓗᒋᑦ, ᓇᖕᒥᓂᕐᓗ ᑲᒪᒋᔪᓐᓇᑦᑎᐊᖁᓪᓗᒋᑦ ᓇᖕᒥᓂᕐᓗ ᐃᓅᓕᒋᐊᕈᓐᓇᕐᓗᑎᒃ, ᑐᓂᓯᓗᓂ ᑐᓴᕈᒥᓇᖅᑐᓂᒃ ᒫᓐᓇᒧᓪᓗ ᐊᑑᑎᔪᓂᒃ ᐃᓄᓕᒫᓄᑦ, ᑐᓂᓯᓗᓂᓗ ᕿᓂᖅᑐᓕᕆᓂᕐᒧᑦ ᑭᐅᒋᐊᕈᑎᓂᒃ ᑐᐊᕕᕐᓇᖅᑐᖃᓕᕐᓂᕈᓂ.
  2. ᑲᒪᒋᑦᑎᐊᖏᓐᓇᕐᓗᒋᒃ ᑐᐊᕕᕐᓇᖅᑐᒧᑦ ᐅᐸᓗᖓᐃᔭᐅᑏᑦ ᓄᓇᒋᒃᑐᒧᑦ ᐊᐅᓪᓚᕆᐊᓕᖕᓄᑦ, ᐃᑲᔪᕐᓂᐊᕐᒪᑕ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓄᑦ ᐊᑐᖅᑎᓄᓪᓗ ᑐᐊᕕᕐᓇᖅᑐᖃᓕᕐᓂᕈᓂ ᐊᐅᔭᒃᑯᑦ.
  3. ᑲᒪᒋᑦᑎᐊᖏᓐᓇᕐᓗᒋᑦ ᑭᐅᒋᐊᕈᑎᐅᖏᓐᓇᖅᐸᒃᑐᑦ ᐊᔪᖏᑦᑎᐊᕋᓗᐊᕐᒪᖔᑕ ᒥᕐᖑᐃᖅᓯᕐᕕᖕᒥ.
  4. ᐃᑲᔪᕐᓗᒋᑦ ᐳᓛᖅᑏᑦ ᐊᑐᖅᑏᓪᓗ ᐅᐸᓗᖓᐃᔭᑦᑎᐊᖅᓯᒪᒐᓗᐊᕐᒪᖔᑕ ᒥᕐᖑᐃᖅᓯᕐᕕᖕᒦᑦᑎᐊᕈᑎᒃᓴᖏᑦ.
  5. ᐱᓕᕆᖃᑎᑖᕐᓗᑎᒃ ᐱᓕᕆᖃᑎᖃᐃᓐᓇᕆᐊᕐᓗᑎᒡᓗ ᐊᓯᖏᓐᓂᒃ ᑲᑐᔾᔨᖃᑎᒌᖑᔪᓂᒃ ᐃᑲᔪᖃᑎᒌᒍᓐᓇᕐᓂᐊᕐᒪᑕ ᕿᓂᖅᑐᓕᕆᑎᓪᓗᒋᑦ.
9.3.3.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑐᓐᓂᖅᓴᐅᓗᑎᒃ ᑐᓴᒐᒃᓴᓂᒃ ᐳᓛᕆᐊᖅᑐᓕᒫᑦ ᐊᐅᓪᓚᓚᐅᖏᑎᓪᓗᒋᑦ ᑐᓴᖅᑎᑦᑎᔾᔪᑎᒃᑰᕈᑎᕈᓘᔭᒃᑯᑦ (ᓲᕐᓗ, ᖃᕆᑕᐅᔭᒃᑯᑦ, ᖃᕆᑕᐅᔭᒃᑯᑦ ᑎᑎᕋᕐᕕᒃᑯᑦ, ᑎᑎᕋᒃᑯᕕᒃᑯᑦ, ᐊᑐᓂ ᑐᓴᕆᐊᖅᑎᑦᑎᔾᔪᑎᒃᑯᑦ).
  2. ᓄᑖᙳᕆᐊᖏᓐᓇᕐᓗᒍ ᑲᒪᒌᓐᓇᕐᓗᒍᓗ ᒥᕐᖑᐃᖅᓯᕐᕕᐅᑉ ᐃᓄᓕᒫᑦ ᐊᑦᑕᕐᓇᖅᑐᓕᕆᓂᕐᒧᑦ ᐸᕐᓇᐅᑎᖓ.
  3. ᑲᒪᒌᑦᑎᐊᖏᓐᓇᕐᓗᒋᑦ ᐱᖁᑏᑦ ᐱᓕᒻᒪᒃᓴᐅᑎᐅᔭᕆᐊᓖᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᐃᖅᑲᓇᐃᔭᖅᑏᑦ ᐱᔭᕆᐊᓕᖏᑦ ᐱᓕᕆᔪᓐᓇᑦᑎᐊᕈᓐᓇᖁᓪᓗᒋᑦ ᐃᓄᓕᒫᓄᑦ ᐊᑦᑕᕐᓇᖅᑐᓕᕆᓂᕐᒧᑦ ᑭᐅᒋᐊᕈᑎᖏᑦ.
  4. ᑲᒪᒋᑦᑎᐊᖏᓐᓇᕐᓗᒋᑦ ᐅᖅᑯᐊᖃᕐᕖᑦ ᑕᐃᖕᑯᕆ ᓯᒡᔭᕆᒃᑐᖅ ᐸᓕᓯᖑᐊᖃᕕᖓᓂ, ᑕᓰᐊᓘᑉ ᐸᓕᓯᖑᐊᖃᕐᕕᐊᓂᒃ ᐱᒋᐊᕐᕕᖕᒥᓪᓗ ᑕᖁᐊᖃᕐᕖᓪᓗ ᐱᖓᓲᔪᖅᑐᓂ ᐊᓯᖏᓂ ᒥᕐᖑᐃᖅᓯᕐᕕᖕᒦᑦᑐᑦFootnote 49.
  5. ᑎᑎᕋᖅᑕᐃᓐᓇᕆᕙᒡᓗᒋᑦ ᐃᓄᓕᒫᓂᒃ ᐊᑦᑕᕐᓇᖅᑐᓕᕆᓂᕐᒧᑦ ᖃᓄᐃᔾᔪᑏᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᖃᓄᐃᑉᐸᓪᓕᐊᔪᓄᑦ ᓇᓗᓇᐃᒃᑯᑦᑎᖅᓱᐃᕕᖓᓂ, ᑎᑎᕋᕐᕕᒡᓗ ᐊᐅᓚᑦᑎᔨᓄᑦ ᑐᓴᖅᑕᐅᔾᔪᑎᒋᕙᒡᓗᒍ ᖃᓄᖅᑑᕈᑎᓕᐅᕈᑕᐅᔪᓐᓇᕐᓂᐊᕐᒪᑦ.
  6. ᐱᓇᓱᐊᖃᑎᒋᓗᒋᑦ ᐊᓯᖏᑦ ᑲᑐᔨᖃᑎᒌᑦ ᐱᓕᕆᕝᕖᓪᓗ, ᐅᑯᐊᓗ ᓚᐃᓴᓯᖃᖅᑐᑦ ᐊᐅᓪᓚᕈᔾᔨᔩᑦ ᓄᓇᕗᑦ ᐳᓛᕆᐊᖅᑐᓕᕆᔨᒃᑯᖏᓪᓗ, ᑐᓐᓂᖅᓴᐅᔨᐅᖃᑕᐅᓗᑎᒃ ᐊᒃᑕᕐᓇᖅᑐᓕᕆᓂᕐᒧᑦ ᑐᓴᐅᒪᔭᕆᐊᓖᑦ ᒥᕐᖑᐃᖅᓯᕐᕕᖕᒧᑦ ᐊᐅᓪᓚᖅᑐᖃᓚᐅᖏᓐᓂᖓᓂᒃ ᐅᐸᓗᖓᐃᔭᐅᑏᓪᓗ.
  7. ᐱᓕᕆᖃᑎᒋᑦᑎᐊᖏᓐᓇᕐᓗᒋᑦ ᑐᓂᓯᒪᔭᕆᐊᖃᕐᓂᕐᒥᒃ ᐊᑦᑕᕐᓇᖅᑐᓕᕆᓂᕐᒧᑦ ᐱᔨᑦᑎᕋᕈᑏᑦ ᒥᕐᖑᐃᖅᓯᕐᕕᖕᒥ ᐅᑯᓄᖓ ᐅᑭᐅᖅᑕᖅᑑᑉ ᑐᓄᕕᐊᓂ ᖃᐅᔨᓴᖅᑐᓕᕆᔨᒃᑯᑦ (ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ), ᐅᓇᑕᖅᑐᒃᓴᒃᑯᑦ, ᐸᓖᓯᒃᑯᑦ, ᖃᐅᓱᐃᑦᑐᕐᒥᐅᑦ ᐊᐅᓱᐃᑦᑐᕐᒥᐅᓪᓗ ᓄᓇᖏᓐᓂᒃ ᕿᓂᖅᑏᑦ, ᐃᓄᖕᓂᒃ ᖃᖓᑕᓲᒃᑯᑦ ᕿᓂᖅᑏᑦ ᑲᑐᔾᔨᖃᑎᒌᖏᑦ, ᕿᓂᖅᑐᓄᑦ ᑲᒪᔩᑦ (ᑐᕆᐊᖕᓇᓐᒥ), ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑕ ᑭᐅᒋᐊᕐᕕᖓ ᕿᓂᖅᑎᓄᑦ (ᔮᔅᐳ) ᐹᓐᕝ-ᔮᔅᐳ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ ᐊᑦᑕᕐᓇᖅᑐᓕᕆᓂᕐᒧᑦ ᖃᐅᔨᒪᔨᑕᐃᑦ.
9.3.4 ᒥᕐᖑᐃᖅᓯᕐᕕᐅᑉ ᐱᓕᕆᔭᒃᓴᖓ ᓄᓇᕗᒻᒥ ᐳᓚᕋᖅᑐᓕᕆᓂᒥ

ᑕᐃᒃᑯᑎᑐᓇᑦᑎᐊᖅ ᑲᓇᑕᒥ ᐊᕕᒃᓯᒪᓂᒃᑯᓪᓘᓐᓃᑦ ᒥᕐᖑᐃᖅᓯᕖᑦ ᐃᑦᑕᕐᓂᓴᖃᕐᕖᓪᓗ, ᖁᑦᑎᓂᕐᐹᖅ ᐱᒻᒪᕆᐅᔪᒥᒃ ᐱᔭᒃᓴᖃᖅᐳᖅ ᓄᓇᕗᒻᒥ ᐳᓚᕋᑦᑐᓕᕆᓂᕐᒥᒃ. ᒥᕐᖑᐃᖅᓯᕐᕕᐅᑉ ᐱᔭᒃᓴᖓ ᓄᓇᕗᒻᒥ ᐳᓚᕋᑦᑐᓕᕆᓂᕐᒥ ᑕᐅᑐᖕᓂᖃᖅᐳᖅ ᐅᑯᓂᖓ:

  • ᓴᖅᑭᔮᖅᑎᑦᑎᓂᕐᒥᒃ;
  • ᑮᓇᐅᔭᓕᐅᕈᑎᒃᓴᓄᑦ ᒪᑭᑉᐹᓪᓕᕈᑎᐅᔪᓐᓇᖅᑐᑦ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ, ᓇᓗᓇᐃᖅᓯᒪᔪᑦ ᐅᕙᓂ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᖃᑎᒌᒍᑎ;
  • ᐳᓚᕋᑦᑐᓕᕆᓂᕐᒧᑦ ᓇᖕᒥᓂᖃᖅᑐᑦ ᓄᓇᕗᒻᒥ;
  • ᐊᕕᒃᑐᖅᓯᒪᓂᒃᑯᑦ ᐃᑲᔪᖃᑎᒌᖕᓂᖅ ᐳᓚᕋᑦᑐᓂᓕᕆᓂᖅ ᐱᕚᓪᓕᖅᑕᐅᓇᓱᖕᓂᖓᓄᑦ ᒪᓂᒪᑎᑦᑎᓃᓪᓗ; ᐊᒻᒪᓗ
  • ᐆᒪᑎᑦᑏᓐᓇᕆᐊᕐᓂᖅ.

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᑕᐅᑐᖕᓂᖃᕐᓂᐊᖅᐳᑦ ᒥᕐᖑᐃᖅᓯᕐᕕᒃ ᓴᖅᑭᔮᖅᑎᑕᐅᔭᕆᐊᖃᕐᓂᖓᓂᒃ ᐃᑦᑕᕐᓂᓴᖃᕐᕕᖃᐅᕐᓂᖏᓐᓄᑦ ᓴᖅᑭᔮᕈᑎᐅᓂᐊᖅᑐᖅ ᐱᓕᕆᖃᑎᒌᓪᓗᒋᑦ ᓄᓇᕗᑦ ᒐᕙᒪᖓ, ᐊᒻᒪᓗ ᐳᓚᕋᑦᑐᓕᕆᓂᕐᒧᑦ ᐱᓕᕆᔩᑦ ᓄᓇᕗᒻᒥ. ᐃᑦᑕᕐᓂᓴᖃᐅᕐᓂᖏᓐᓄᑦ ᐳᓚᕋᑦᑐᓕᕆᓂᖅ ᑕᐅᑐᖕᓂᖃᕐᓂᐊᖅᑐᖅ ᐃᑦᑕᕐᓂᓴᖃᕐᕖᑦ, ᐱᖅᑯᓯᓱᑲᑲᒃᕖᑦ, ᓄᓇᒋᔭᑦᑎᓐᓃᖏᓐᓇᖅᑐᓪᓗ ᑕᑯᔪᒥᓇᖅᑐᓖᑦ. ᐳᓚᕋᑦᑐᓕᕆᓂᖅ ᖁᑦᑎᖕᓂᖅᐹᒥ ᐊᓕᐊᓇᐃᒍᓲᑎᖃᖅᑎᑦᑎᒋᐊᕈᓂᐊᖅᑐᖅ, ᑐᑭᓯᕚᓪᓕᖅᑎᑦᑎᓂᐊᖅᑐᖅ, ᑯᕕᐊᓲᑎᒋᓗᒍᓗ ᒥᕐᖑᐃᖅᓯᕐᕕᒃ ᑕᑯᓕᒪᓇᖏᑦᑐᓂᒃ ᑕᑯᒃᓴᐅᔪᖁᑎᖃᕐᓂᖓ ᐱᖁᑎᖃᐅᕐᓂᖓᓄᓪᓗ. ᒥᕐᖑᐃᖅᓯᕐᕕᖕᒥ ᐳᓚᕋᑦᑐᓕᕆᓂᐊᖅᑐᑦ ᐅᔾᔨᖅᓴᑦᑎᐊᕐᓗᑎᒃ ᓱᕋᑦᑎᑐᐃᓐᓇᕆᐊᓕᖕᓂᒃ ᐱᓕᕆᓂᐊᖅᑐᓪᓗ ᓴᐳᔾᔩᓐᓇᕐᓗᑎᒃ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᔾᔪᑎᖓᑕ ᑭᒡᒐᖅᑐᖅᑕᐅᕕᖓᓂ, ᐃᑦᑕᕐᓂᓴᖃᕐᕕᖕᓂ, ᓄᓇᕐᔪᐊᕆᔭᖏᓐᓂᒃ. ᐱᒻᒪᕆᐅᕗᖅ ᐅᑯᐊ ᐃᑲᔪᖃᑎᒌᒋᐊᖃᕐᓂᖏᓐᓂᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ, ᑲᑐᔾᔨᖃᑎᒌᒃᑐᒥᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ, ᐊᐅᓪᓚᕈᔾᔨᔩᑦ, ᐳᓚᕋᑦᑐᓕᕆᔨᒃᑯᓪᓗ ᐱᓕᕆᖃᑎᒌᖏᓐᓇᕐᓗᑎᒡᓗ ᐳᓚᕋᑦᑐᓕᕆᓂᖅ ᒪᑭᒪᑦᑎᐊᖏᓐᓇᖁᓪᓗᒍ ᒥᕐᖑᐃᖅᓯᕐᕕᖕᒧᑦ.

ᐱᔭᕆᐊᖃᖅᑎᑕᐅᓪᓗᓂ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᓄᓪᓗ ᐊᖏᖃᑎᒌᒍᑎᒥFootnote 50, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐱᔭᕇᖅᓯᓚᐅᕐᒪᑕ ᓄᓇᓕᖕᓄᑦ ᐳᓚᕋᑦᑐᓕᕆᓂᕐᒧᑦ ᖃᓄᖅᑑᕈᑎᓂᒃ ᑕᒪᐃᓐᓄᑦ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ 2002ᒥ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐃᑲᔪᖅᑐᐃᓂᐊᖅᑐᖅ ᑖᒃᑯᐊ ᐃᓕᔭᐅᕙᓪᓕᐊᓇᓱᖕᓂᖏᓐᓄᑦ ᐸᕐᓇᐅᑎᓕᐊᕆᔭᐅᔪᑦ.

9.3.4.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᒃ ᓴᖅᑭᔮᖅᑎᑦᑎᓂᐊᖅᑐᖅ ᐃᑦᑕᕐᓂᓴᖃᕐᓂᒧᑦ ᐳᓚᕋᑦᑐᓕᕆᓂᖅ ᒪᑭᒪᑎᑕᐅᖏᓐᓇᕈᓐᓇᖁᓪᓗᒍ ᐅᑭᐅᖅᑕᖅᑑᑉ ᖁᑦᑎᒃᑐᖓᓂ ᓄᓇᕗᒻᒥᓗ, ᐃᑲᔪᖃᑎᖃᕐᓗᑎᒃ ᐊᐅᓱᐃᑦᑐᕐᒥᐅᓂᒃ ᖃᐅᓱᐃᑦᑐᕐᒥᐅᓂᒡᓗ, ᐊᓯᖏᓐᓂᒡᓗᑦᑕᐅᖅ ᐱᓕᕆᖃᑎᖃᕐᒥᓗᑎᒃ.

9.3.4.2 ᑐᕌᒐᕆᔭᕗᑦ
  1. ᐃᑲᔪᕆᐊᕐᓗᒋᑦ ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᑮᓇᐅᔭᒃᓴᓕᐅᕈᓐᓇᕐᓂᕐᒧᑦ ᒪᑭᑉᐹᓕᕈᓐᓇᐅᑎᑖᖁᓪᓗᒋᑦ ᐳᓚᕋᑦᑐᓕᕆᓂᒃᑯᑦ ᒥᕐᖑᐃᖅᓯᕐᕕᖕᒥ.
  2. ᑐᑭᓯᒋᐊᕐᓗᒋᑦ ᐃᓕᖅᑯᓯᕆᔭᐅᕙᒃᑐᑦ ᐅᑭᐅᖅᑕᖅᑐᒥ ᐳᓚᕋᑦᑐᓕᕆᓂᕐᒧᑦ ᐊᐅᓚᓃᑦ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔩᑦ ᐸᕐᓇᐃᕚᓪᓕᕈᓐᓇᕐᓂᐊᕐᒪᑕ ᐊᓯᔾᔨᖅᑕᖅᐸᒃᑐᓄᑦ ᒥᕐᖑᐃᖅᓯᕐᕕᖕᒥ ᐳᓛᕆᐊᖅᐸᒃᑐᓄᑦ (ᓲᕐᓗ, ᑭᒃᑰᕙᒃᐸᑦ ᐳᓛᕆᐊᖅᑏᑦ, ᖃᔅᓯᐅᕙᒃᐸᑦ ᐳᓛᕆᐊᖅᑏᑦ, ᐅᕝᕙᓘᓐᓃᑦ ᑭᓱᓂᒃ ᐱᓕᕆᔭᒃᓴᖃᕈᒪᕙᒃᐸᑦ).
9.3.4.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐱᓕᕆᖃᑎᒌᒃᑖᕐᓗᑎᒃ ᓄᓇᕗᑦ ᐳᓚᕋᑦᑐᓕᕆᔨᒃᑯᖏᓐᓂ ᒪᑭᑉᐹᓪᓕᖁᓪᓗᒍ ᐃᑦᑕᕐᓂᓴᖃᕐᕕᓕᕆᓂᕐᒧᑦ ᐳᓚᕋᑦᑐᓕᕆᓂᖅ ᐃᓕᓐᓂᐊᖅᑎᑕᐅᓗᑎᒡᓗ ᓄᒃᑕᕈᓐᓇᕐᓃᑦ ᒥᕐᖑᐃᖅᓯᕐᕕᖕᒥ ᓄᓇᕗᒻᒥᓪᓗ, ᐃᑲᔪᖃᑎᒌᒡᓗᑎᒡᓗ ᒪᓂᒪᑎᑦᑎᔾᔪᑎᒃᑰᖅᑎᓪᓗᒍ ᒥᕐᖑᐃᖅᓯᕐᕕᖕᒥ ᐱᓕᕆᔭᐅᔪᓐᓇᖅᑐᑦ.
  2. ᐃᑲᔪᕐᓗᒋᑦ ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᐊᑐᓕᖅᐸᓪᓕᐊᔭᕆᐊᖃᕐᓂᖏᓐᓂᒃ ᓄᓇᓕᖕᓂ ᐳᓚᕋᑦᑐᓕᕆᓂᕐᒧᑦ ᖃᓄᖅᑑᕈᑎᓂᒃ ᐃᖅᑲᓇᐃᔭᖅᑎᖏᑎᒍᑦ ᖃᐅᔨᒪᑦᑎᐊᓕᕐᓂᖏᑎᒍᓪᓗ.
  3. ᐃᑲᔪᕐᓗᒋᑦ ᖃᐅᓱᐃᑦᑐᕐᒥᐅᑦ ᐊᐅᓱᐃᑦᑐᕐᒥᐅᓪᓗ ᑮᓇᐅᔭᖅᑖᕋᓲᑎᖏᓐᓂᒃ ᒐᕙᒪᑐᖃᒃᑯᓐᓂ, ᓄᓇᕗᒻᒥ, ᐊᓯᖏᓐᓂᒡᓗ ᑮᓇᐅᔭᖅᑖᕐᕕᐅᔪᓐᓇᖅᑐᓂᒃ ᐱᒋᐊᖅᑎᑦᑎᐊᕋᓱᒡᓗᒍ ᓄᓇᓕᖕᓂ ᐳᓚᕋᑦᑐᓕᕆᓂᕐᒧᑦ ᖃᓄᖅᑑᕈᑎ.
  4. ᐃᑲᔪᕐᓗᒋᑦ ᐱᓕᕆᔭᒃᓴᙳᕈᓐᓇᖅᑐᑦ ᐳᓚᕋᑦᑐᓕᕆᓂᕐᒧᑦ ᐱᕈᐃᕙᓪᓕᐊᓂᕐᒥᒃ ᐱᕕᖃᕈᑎᒃ ᐱᔭᕆᐊᖃᕐᓂᕈᑎᒡᓗ.
  5. ᐃᑲᔪᖅᑐᐃᓗᓂ ᓄᓇᓕᖕᓂ ᐳᓚᕋᑦᑐᓕᕆᓂᕐᒧᑦ ᓇᖕᒥᓂᕆᔭᐅᔪᓂᒃ ᖃᐅᓱᐃᑦᑐᕐᒥ ᐊᐅᓱᐃᑦᑐᕐᒥᓪᓗ ᓴᖅᑭᔮᖅᑎᑦᑎᐊᖁᓪᓗᒋᑦ ᐱᔨᑦᑎᕋᕈᑎᖏᑦ.
  6. ᐳᓛᕆᐊᖅᑐᓂᒃ ᖃᓄᒃᓴᕐᓂᖏᓐᓂᓄᑦ ᖃᐅᔨᒋᐊᕈᑏᑦ ᐳᓛᕆᐊᑦᑎᐊᕈᓐᓇᕐᓂᐊᕐᒪᑕ ᒥᕐᖑᐃᖅᓯᕐᕕᖕᒧᑦ. ᖃᐅᔨᔭᐅᔪᑦ ᑎᑎᕋᖅᑕᐅᓯᒪᓂᖏᑦ ᑐᓴᐅᒪᖃᑎᒌᒍᑎᐅᓗᑎᒃ ᐊᓯᖏᓐᓄᑦ ᐱᓕᕆᕝᕕᐅᔪᓄᑦ ᓄᓇᕗᒻᒥ ᐱᔭᕆᐊᖃᕐᓂᕈᓂ.

9.4 ᐳᓛᕆᐊᖅᑐᑦ ᖃᓄᐃᒃᓴᕆᐊᒃᓴᖏᓐᓂᒃ ᖃᐅᔨᓴᐅᑎ

ᐳᓛᕆᐊᖅᑐᑦ ᖃᓄᐃᒃᓴᕆᒃᓴᖏᓐᓂᒃ ᖃᐅᔨᓴᐅᑎ ᖃᐅᔨᔾᔪᑎᓗ ᐱᕙᓪᓕᐊᑎᑕᐅᒋᐊᕐᒥᐊᖅᑐᖅ ᐸᕐᓇᐅᑎ ᐱᓕᕆᔭᐅᕙᓪᓕᐊᓂᖓᓂ. ᐱᓕᕆᔭᐅᕐᖓᕈᑎᒥ, ᖃᓄᐃᒃᓴᕆᐊᒃᓴᖏᓐᓂᒃ ᐳᓚᕋᑦᑐᓕᕆᓂᕐᒧᑦ ᐱᔨᑦᑎᕋᕈᑎᐅᔪᑦ ᖁᑦᑎᖕᓂᖅᐹᒥ ᖃᐅᔨᒋᐊᕈᑎᓂᐊᖅᑐᑦ ᐃᒪᐃᓕᖓᓗᓂ:

ᖃᐅᔨᒋᐊᕐᓗᒍ ᑐᕌᒐᑦ
ᐊᒥᓱᓂᖏᑦ ᐳᓛᕐᑏᑦ ᐅᖃᓯᒪᔪᖅ ᖁᕕᐊᓱᓂᕋᖢᑎᒃ ᒥᕐᖑᐃᖅᓯᕐᕕᒥᓂᒥᓂ. 85% ᐳᓚᕐᑏᐅᔪᑦ ᖁᕕᐊᓱᓂᕋᓗᑎᒃ.
ᐊᒥᓱᓂᖏᑦ ᐃᓄᑐᐃᓇᐃ ᐊᑕᕐᓈᕿᓯᒪᔪᑦ. 0% ᐊᖏᓕᕐᒋᐊᕐᑐᖅ ᑕᒪᑐᒧᖓᖓᒧᑦ ᐊᑯᓚᐃᑎᒋᔪᕐᒥᒃ ᑲᔪᓯᓂᐅᖃᑕᕐᑐᑦ.
ᐅᓄᓂᖏᑦ ᐳᓛᕐᑏᑦ ᐃᓕᓂᐊᑎᑕᐅᖃᑕᕐᑐᑦ ᐃᓕᓴᐃᔾᔪᑎᖏᓂᒃ ᒥᖑᐃᓯᕕᐅᑉ. 100% ᑕᒪᕐᒥᑎᐊ ᐳᓛᕐᑏᑦ ᐃᓕᓂᐊᕐᑎᑕᐅᓂᕐᒥᒃ ᐱᖃᑕᕐᑐᑦ ᑐᓴᕈᑎᓂᒃ.

ᐊᒻᒪᓗᑦᑕᐅᖅ, ᐳᓚᕋᑦᑐᓕᕆᓂᕐᒧᑦ ᐱᓕᕆᓂᐅᔪᑦ ᐊᐅᓱᐃᑦᑐᕐᒥ ᖃᐅᓱᐃᑦᑐᕐᒥᓪᓗ ᒥᕐᖑᐃᖅᓯᕐᕕᖕᒥ ᐱᔾᔪᑎᓖᑦ ᖃᐅᔨᒋᐊᖅᑕᐅᓂᐊᕐᒥᔪᑦ ᐳᓚᕋᑦᑐᓕᕆᓂᕐᒧᑦ ᐱᓕᕆᕙᓪᓕᐊᓂᖅᓴᐅᓕᖅᑎᓪᓗᒋᑦ ᖃᐅᔨᒋᐊᕈᑎᐅᓂᐊᖅᑐᖅ.

10.0 ᐃᑲᔪᖃᑎᒌᒡᓗᓂ ᐊᐅᓚᑦᑎᓂᖅ, ᐱᓕᕆᖃᑎᒌᖕᓂᖅ ᐃᓄᓕᒫᓂᒡᓗ ᐃᓚᐅᑎᑦᑎᓂᖅ

ᖁᑦᑎᓂᕐᐹᖅ ᐊᐅᓚᑕᐅᑦᑎᐊᕆᐊᕐᓂᐊᕈᓂ ᐃᑲᔪᖃᑎᒌᑦᑎᐊᖅᑐᒥᒃ ᐃᓚᐅᓂᖃᑎᒌᑦᑎᐊᖅᑐᒥᒃ ᐱᔭᕆᐊᖃᖅᐳᖅ ᐃᓄᐃᑦ ᒐᕙᒪᒃᑯᓪᓗ. ᐱᓕᕆᖃᑎᒌᖕᓂᖅ ᑲᓇᑕᒥᐅᓪᓗ ᐃᓚᐅᑎᑕᐅᑦᑎᐊᕐᓂᖏᑦ ᓇᓕᒧᒃᓱᖅᑐᒥᒃ ᐱᒻᒪᕆᐅᓂᖃᖅᐳᑦ ᒥᕐᖑᐃᖅᓯᕐᕕᐅᑉ ᐱᔪᒪᔭᖓ ᐱᓇᓱᖕᓂᐊᕈᑦᑎᒍ.

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖓ ᖁᑦᑎᓂᕐᐹᖅ ᑲᑐᔾᔨᖅᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᒃᑯᖏᓪᓗ ᒪᑐᐃᖓᑦᑎᐊᕐᓗᑎᒃ, ᐃᓚᐅᓂᖃᑦᑎᐊᕐᓗᑎᒃ, ᑐᓴᐅᒪᖃᑎᖃᐃᓐᓇᕆᐊᕐᓗᑎᒡᓗ ᐱᓕᕆᖃᑎᖃᕈᒪᕗᑦ ᓄᓇᓕᖕᒥᐅᓂᒃ, ᓄᓇᕗᒻᒥᐅᓂᒃ, ᑲᓇᑕᒥᐅᓂᒡᓗ. ᐃᓄᐃᑦ ᐃᓚᐅᑎᑕᐅᓂᖏᑦ ᒥᕐᖑᐃᖅᓯᕐᕕᓕᕆᑎᓪᓗᒋᑦ ᓯᕗᓪᓕᖅᐸᐅᑎᑕᐅᔪᒪᕗᖅ ᖁᑦᑎᖕᓂᖅᐹᒧᑦ. ᐱᓕᕆᖃᑎᒌᖕᓂᖅ ᐳᓚᕋᑦᑐᓕᕆᓂᕐᒧᑦ, ᑭᒡᓕᓯᓂᐊᕐᓂᕐᒧᑦ, ᐃᑦᑕᕐᓂᓴᖃᕐᕕᓕᕆᓂᕐᒧᓪᓗ ᓴᙱᒃᑎᑕᐅᕙᓪᓕᐊᓂᐊᖅᑐᖅ ᑕᒪᓐᓇ ᐸᕐᓇᐅᑎᐅᑉ ᐱᓕᕆᔭᐅᕙᓪᓕᐊᖏᓐᓇᕐᓂᖓ ᒪᓕᒡᓗᒍ.

10.1 ᐊᐅᓚᓯᑦᑎᓂᖅ, ᐱᓇᓱᐊᕈᑏᑦ, ᑐᕌᒐᑦ, ᐱᒋᐊᕈᑎᓪᓗᐊᑕᐅᔪᒪᔪᓪᓗ

10.1.1 ᐃᑲᔪᖃᑎᒌᒡᓗᓂ ᐊᐅᓚᑦᑎᓂᖅ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐃᑲᔪᖃᑎᒌᒍᑎᐅᓪᓗᓂ ᐊᐅᓚᑕᐅᔪᖅ ᐃᓄᖕᓄᑦ ᑲᓇᑕᐅᓪᓗ ᒥᕐᖑᐃᖅᓯᕐᕕᓕᕆᔨᖏᓐᓄᑦ. ᐱᓕᕆᖃᑎᒌᑦᑎᐊᕈᓐᓇᕐᓂᖅ ᐱᕙᓪᓕᐊᔭᐅᔪᖅ ᖁᑦᑎᓂᕐᐹᖅ ᐱᓕᕆᖃᑎᒌᒃᑐᒥᒃ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑦ ᑲᓇᑕᐅᓪᓗ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂ, ᓯᕗᓂᒃᓴᓕᐅᕆᑦᑎᐊᕐᓂᐊᕐᒪᑕ ᓴᙱᔫᔪᒥᒃ ᒥᕐᖑᐃᖅᓯᕐᕕᓕᕆᓗᑎᒃ. ᐃᓚᐅᑎᑦᑎᑦᑎᐊᕐᓂᖅ ᑲᑎᒪᔨᕋᓛᓂᒃ ᐱᒻᒪᕆᐅᕗᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔩᑦ ᑲᔪᓯᓂᖃᑦᑎᐊᖁᓪᓗᒋᑦ ᒥᕐᖑᐃᖅᓯᕐᕕᓕᕆᓂᕐᒥᒃ ᓄᓇᓕᖕᓂ, ᐊᕕᒃᑐᖅᓯᒪᓂᒃᑯᑦ ᑲᓇᑕᒥᓪᓗ.

ᑕᑯᑎᑦᑎᔾᔪᑎ 12. ᐃᓕᔭᐅᕙᓪᓕᐊᓕᕐᓂᖓ ᐊᐅᓚᑦᑎᓂᕐᒧᑦ ᐸᕐᓇᐅᑎ

ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᖅᓯᕕᓕᕆᓂᕐᒧᑦ ᐸᕐᓇᐅᑎ ᐃᓕᔭᐅᕙᓪᓕᐊᓂᐊᖅᑐᖅ ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏᓐᓂᒃ ᐅᖃᐅᔾᔪᖅᑕᐅᕙᓪᓕᐊᓗᑎᒃ ᐱᓕᕆᖃᑎᒌᖕᓂᒃᑯᑦ ᒥᕐᖑᐃᖅᓯᕕᓕᕆᔩᑦ ᑲᑎᒪᔨᕋᓛᖏᓐᓂᒃ.

ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᖅᑐᓕᕆᓂᕐᒧᓪᓗ ᐊᖏᖃᑎᒌᒍᑎ ᓇᓗᓇᐃᓯᔪᖅ ᐱᔭᒃᓴᕆᔭᖃᓪᓚᕆᖕᓂᕐᒧᑦ ᓇᐅᑦᑎᖅᓱᐃᕙᓪᓕᐊᓂᕐᒥᒃ ᖃᐅᔨᓴᐃᕙᓪᓕᐊᓂᕐᒥᒡᓗ ᐸᕐᓇᐅᑎᐅᑉ ᐃᓕᕙᓪᓕᐊᓕᖅᑕᖏᓐᓂᒃ. ᐊᖓᔪᖅᑳᖅ, ᐃᑲᔪᖃᑎᖃᕐᓗᓂ ᕿᑭᖅᑕᓂ ᐃᓄᐃᑦ ᖃᑐᔾᔨᖃᑎᒌᑦ ᑐᑭᒧᐊᒃᑎᑦᑎᔨᖓᓂ ᓄᓇᓕᕆᓂᕐᒧᑦ, ᐃᒪᐃᓕᖓᓂᐊᖅᑐᑦ :

ᐊᕐᕌᒍᑕᒫᑦ ᑲᑐᔾᔨᖃᑎᒌ`ᖕᓂᒃᑯᑦ ᒥᕐᖑᐃᖅᓯᕕᓕᕆᔩᑦ ᑲᑎᒪᔨᕋᓛᖏᑦ ᕿᒥᕐᕈᐃᔭᕆᐊᖃᖃᑕᕐᓂᐊᖅᐳᑦ ᖃᓄᐃᑉᐸᓪᓕᐊᓂᐅᔪᓂᒃ ᐸᕐᓇᐅᑎᐅᑉ ᐃᓕᔭᐅᕙᓪᓕᐊᓂᖓᓄᑦ. ᐊᖓᔪᖅᑳᖅ ᑐᑭᒧᐊᒃᑎᑦᑎᔨᓘᓐᓃᑦ ᓄᓇᓕᕆᓂᕐᒧᑦ ᐱᔪᓐᓇᖅᑎᑕᐅᕗᖅ, ᖃᖓᑐᐃᓐᓇᑦᑎᖅ, ᑲᑎᒪᔨᕋᓛᑦ ᖃᐅᔨᓴᑦᑎᐊᕆᐊᖃᕐᓂᖏᓐᓂᒃ ᐸᕐᓇᐅᑎᐅᑉ ᐃᓕᔭᐅᕙᓪᓕᐊᓂᖓ ᐱᔾᔪᑎᒋᓪᓗᒍ.

ᐊᒻᒪᓗᑲᓂᖅ, ᐊᖓᔪᖅᑳᖅ ᑐᓂᓯᔭᕆᐊᖃᖅᐳᖅ ᐊᕐᕌᒍᑕᒫᑦ ᒥᕐᖑᐃᖅᓯᕕᖕᒥ ᐱᓕᕆᔭᐅᓂᐊᖅᑐᑦ ᐸᕐᓇᐅᑎᖓᓂᒃ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕕᓕᕆᔨᖏᑕ ᑲᑎᒪᔨᕋᓛᖏᓐᓄᑦ ᕿᒥᕐᕈᔭᐅᔭᕆᐊᓕᖕᓂᒃ**. ᐱᓕᕆᔭᐅᓂᐊᖅᑐᒧᑦ ᐸᕐᓇᐅᑎ ᐅᖃᖅᓯᒪᑦᑎᐊᕆᐊᖃᖅᐳᖅ ᑲᑎᙵᓂᖃᓪᓚᕆᖕᓂᖓᓂᒃ ᒥᕐᖑᐃᖅᓯᕕᓕᕆᓂᕐᒧᑦ ᐸᕐᓇᐅᑎᒥᒃ***.


* ᐱᒋᐊᕈᑎᓪᓗᐊᑕᐅᔪᒪᔪᑦ ᐊᕐᕌᒍᑕᒫᑦ ᐅᓂᒃᑳᒥ ᑎᑎᕋᖅᓯᒪᔪᑦ 10.1.3.3ᒥ ᓇᓴᐅᑎᓕᒃ 1 ᑕᕝᕙᓂ ᐊᐅᓚᓯᔩᑦ ᐸᕐᓇᐅᑎᖓᓂ.
** ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᖃᑎᒌᒍᑎ, ᑎᑎᕋᕐᓯᒪᔪᑦ 5.3.41ᒥᑦ 5.3.49ᒧᑦ
*** ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᖃᑎᒌᒍᑎ, ᑎᑎᕋᖅᓯᒪᔪᖅ 5.4.3ᒥ
10.1.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᖁᑦᑎᖕᓂᖅᐹᖅ ᑲᑐᔾᔨᖅᑲᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑦ ᐱᓕᕆᖃᑕᐅᖏᓐᓇᕐᓂᐊᖅᑐᑦ ᐸᕐᓇᐅᑎᓕᐅᕐᓂᕐᒥᒃ ᒥᕐᖑᐃᖅᓯᕐᕕᖕᒥᓪᓗ ᐊᐅᓚᑦᑎᔨᐅᓂᖏᓐᓄᑦ.

10.1.1.2 ᑐᕌᒐᕆᔭᕗᑦ
  1. ᖁᑎᓂᕐᐹᖅ ᑲᑐᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦᑕ ᑲᑎᒪᔨᕋᓛᖏᑦ ᐃᓚᐅᖏᓐᓇᖁᓪᓗᒋᑦ ᐸᕐᓇᐅᑎᓕᐅᕈᑎᓂᒃ ᐊᐅᓚᑦᑎᓂᕐᒧᓪᓗ ᒥᕐᖑᐃᖅᓯᕐᕕᖕᒥ.
10.1.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᖁᑦᑎᓂᕐᐹᖅ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑦ ᑐᓴᐅᒪᑎᑕᐅᓂᐊᖅᑐᑦ, ᐱᖃᖅᑎᑕᐅᓂᐊᖅᑐᑦ, ᐱᓕᒻᒪᒃᓴᐃᔾᔪᑎᖃᖅᑎᑕᐅᓂᐊᖅᑐᓪᓗ ᐱᔭᕆᐊᖃᖅᑕᖏᓐᓂᒃ ᒥᕐᖑᐃᖅᓯᕐᕕᒃ ᐸᕐᓇᐅᑎᓕᐅᖅᑕᐅᓂᐊᖅᑎᓪᓗᒍ ᐊᐅᓚᑕᐅᓂᐊᖅᑎᓪᓗᒍᓗ.
  2. ᐃᑲᔪᕐᓗᒋᑦ ᖁᑦᑎᓂᕐᐹᖅ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᑦ ᐱᓕᕆᖃᑎᒌᒍᓐᓇᖅᓯᖁᓪᓗᒋᑦ ᐊᓯᖏᓐᓂᒃ ᑲᑐᔾᔨᖃᑎᒌᖑᔪᓂᒃ ᐱᓕᕆᕕᓂᒡᓗ.
10.1.2 ᐱᓕᕆᖃᑎᒌᖕᓃᑦ

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔾᔪᑎᖏᑦ ᖁᑦᑎᖕᓂᖅᐹᒥ ᓄᓇᕗᒻᒥᓪᓗ ᒪᓕᖕᓂᐊᕐᒪᑦ ᐊᓯᖏᓐᓂᒃ ᐱᓕᕆᕝᕕᖕᓂ ᐱᓕᕆᖃᑎᖃᕈᓐᓇᑦᑎᐊᕐᓂᖏᓐᓂᒃ ᐊᔾᔨᒌᖏᑦᑐᓂᒃ ᐱᓕᕆᔨᐅᔪᓂᒃ ᐊᕕᒃᑐᖅᓯᒪᓂᒃᑯᑦ ᑲᓇᑕᐅᓪᓗ ᑲᑐᔾᔨᖃᑎᒌᖏᓐᓂᒃ. ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᐊᒻᒪᓗ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓕᕆᓂᕐᒧᑦ ᐊᖏᖃᑎᒌᒍᑏᑦ ᐱᓕᕆᖃᑎᖃᕈᓐᓇᑦᑎᐊᖁᔨᒋᕗᑦ ᓄᓇᕗᑦ ᐆᒪᔪᓕᕆᓂᕐᒧᑦ ᑲᑎᒪᔨᖏᓐᓂᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᐅᕐᓂᐊᖅᑎᓪᓗᒋᑦ ᒥᕐᖑᐃᖅᓯᕐᕕᖕᓂ.

ᐱᓕᕆᖃᑎᖃᕐᓂᖅ ᓄᓇᕗᒻᒥ ᐊᕕᒃᑐᖅᓯᒪᓂᒃᑯᓪᓗ ᑲᑐᔾᔨᖃᑎᒌᖏᓐᓂᒃ ᐱᓕᕆᓂᐊᖅᑎᓪᓗᒋᑦ ᐱᒋᐊᖅᑕᐅᓇᓱᒃᑐᓂᒃ ᐱᒻᒪᕆᐅᕗᖅ ᒥᕐᖑᐃᖅᓯᕐᕕᐅᑉ ᐱᓇᓱᒃᑕᖏᓐᓂᒃ ᐱᓇᓱᖕᓂᐊᕈᑎᒃ, ᐱᓗᐊᖅᑐᒥᒃ ᐱᓕᕆᖃᑎᒌᒋᐊᖃᕐᓂᖅ ᓴᐳᔾᔭᐅᖁᓪᓗᒋᑦ ᐃᑦᑕᕐᓂᓴᖃᕐᕖᑦ ᐊᐅᓱᐃᑦᑑᑉ ᑐᓄᕕᐊᑕ ᕿᑭᖅᑕᖓᓃᑦᑐᑦ.

ᒫᓐᓇ ᐅᑯᐊ ᐱᓕᕆᖃᑎᒌᒍᑎᐅᔪᑦ ᐅᑭᐅᖅᑕᖅᑑᑉ ᑐᓄᕕᐊᑕ ᑲᔾᔨᖓᓂ ᖃᐅᔨᓴᖅᑐᓕᕆᓂᖅ (ᓄᓇᒥᐅᑕᓕᕆᔩᑦ ᑲᓇᑕᒥ) ᐅᓇᑕᖅᑐᒃᓴᒃᑯᓪᓗ ᐱᒻᒪᕆᐅᒋᔭᐅᕗᑦ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᔾᔪᑎᖓᓄᑦ.

ᐱᓕᕆᖃᑎᖃᑦᑎᐊᕐᓂᖅ ᐃᓕᓐᓂᐊᕐᕕᒡᔪᐊᒃᑯᓐᓂ ᒐᕙᒪᒃᑯᓐᓂᓪᓗ ᐱᒻᒪᕆᐅᕗᑦ ᑭᒡᓕᓯᓂᐊᖅᑐᓕᕆᑎᓪᓗᒋᑦ ᓇᐅᑦᑎᖅᓱᐃᔾᔪᑎᓕᕆᑎᓪᓗᒋᓪᓗ ᖁᑦᑎᖕᓂᖅᐹᒥ. ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᑐᓂᓯᓯᒪᕙᖕᒪᑕ ᖃᐅᔨᒪᔨᓪᓇᕆᐊᓪᓗᑎᒃ ᐅᖃᐅᔾᔪᖅᑐᐃᔨᒻᒪᕆᐅᓪᓗᑎᒃ ᓄᓇᒦᑦᑐᑦ ᐃᑦᑕᕐᓂᓴᖃᕐᕖᓪᓗ ᐱᔾᔪᑎᒋᓪᓗᒋᑦ ᒥᕐᖑᐃᖅᓯᕐᕕᖕᒥ ᑕᒪᓐᓇ ᑐᓴᐅᒪᑎᑕᐅᔪᓐᓇᕐᓂᖅ ᐊᓯᖏᓐᓂ ᐱᑕᖃᖏᑦᑐᖅ.

ᑕᑯᑎᑦᑎᔾᔪᑎ 13. ᓯᓚᔪᐊᑉ ᑐᓄᕕᐊᑕ ᑲᔨᖓᓂ ᖃᐅᔨᓴᖅᑐᓕᕆᔩᑦ

ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏᑦ ᐊᐅᓚᑦᑎᒋᐊᕐᓂᐊᖅᑎᓪᓗᒋᑦ ᖁᑦᑎᖕᓂᖅᐹᒥ ᐊᔪᕐᓇᕋᔭᖅᑐᖅ ᐃᑲᔪᖅᑐᖅᑕᐅᓯᒪᖏᓪᓗᑎᒃ ᓯᓚᕐᒧᐊᑉ ᑐᓄᕕᐊᑕ ᑲᔾᔨᖓᓂ ᖃᐅᔨᓴᖅᑐᓕᕆᔪᓂᒃ ᓄᓇᒥᐅᑕᓕᕆᔨᒃᑯᓂᙶᖅᖢᓂ ᑲᓇᑕᒥ. ᐊᕐᕌᒍᓄᑦ 40ᓄᑦ, ᓯᓚᕐᔪᐊᑉ ᑐᓄᕕᐊᑕ ᑲᔾᔨᖓᓂ ᖃᐅᔨᓴᖅᑐᓕᕆᓂᖅ ᐅᑭᐅᖅᑕᖅᑐᒥ ᑭᒡᓕᓯᓂᐊᕈᓐᓇᖅᓯᔾᔪᑎᐅᓯᒪᖕᒪᑦ ᐅᓄᖅᑐᓄᑦ ᐊᔾᔨᒌᖏᑦᑐᓂᒃ ᓯᓚᕐᔪᐊᑉ ᓄᓇᖏᓐᓂᖔᖅᓯᒪᓪᓗᑎᒃ ᑭᒡᓕᓯᓂᐊᖅᑏᑦ. ᐊᕐᕌᒍᑕᒫᑦ, ᓯᓚᕐᔪᐊᑉ ᑐᓄᕕᐊᑕ ᑲᔾᔨᖓᓂ ᖃᐅᔨᓴᖅᑐᓕᕆᓂᖅ ᑐᓂᓯᓯᒪᖕᒪᑦ ᒥᕝᕕᖃᕈᓐᓇᕐᓂᕐᒥᒃ ᖃᖓᑕᓲᒃᑰᕈᓐᓇᕐᓂᕐᒥᒡᓗ ᖁᑦᑎᖕᓂᖅᐹᒧᑦ, ᐊᒻᒪᓗ 150ᓪᓗᐊᓄᑦ ᑭᒡᓕᓯᓂᐊᖅᑐᓕᕆᔩᑦ 40 ᐅᖓᑖᓂ ᐃᓕᓐᓂᐊᕐᕕᒡᔪᐊᓂᖔᖅᓯᒪᔪᑦ ᒐᕙᒪᒃᑯᓐᓂᖔᖅᓯᒪᔪᓪᓘᓐᓃᑦ.

ᖃᐅᑕᒫᑦ ᐊᐅᓚᑦᑎᔾᔪᑏᑦ ᖁᑦᑎᖕᓂᖅᐹᒥ ᐃᑲᔪᖅᑐᖅᑕᐅᕙᒃᐳᑦ ᓯᓚᕐᔪᐊᑉ ᑲᔾᔨᖓᓂ ᖃᐅᔨᓴᖅᑎᓂᒃ ᖃᐅᓱᐃᑦᑐᕐᒥ ᑐᙵᕕᓖᑦ. ᒥᕐᖑᐃᖅᓯᕕᐅᑉ ᐃᖅᑲᓇᐃᔭᖅᑎᖏᑦ ᑭᒡᓕᓯᓂᐊᖅᑏᓪᓗ ᑕᑎᖃᖅᐳᑦ ᖃᐅᔨᓴᖅᑎᓂᒃ ᑐᓴᐅᒪᖃᑦᑕᐅᑎᔾᔪᑎᖃᐃᓐᓇᖅᑎᑦᑎᓂᖏᓐᓄᑦ ᑎᑭᕝᕕᐅᔪᓐᓇᕐᓂᖏᒍᓪᓗ ᖃᖓᑕᓲᒃᑯᑦ ᐱᔭᕆᐊᖃᖅᑕᖏᓐᓂᒃ. ᑲᔾᔨᖓᓂ ᖃᐅᔨᓴᖅᑏᑦ ᐃᑲᔪᖅᑐᐃᔪᓐᓇᕆᕗᑦ ᒥᕐᖑᐃᖅᓯᕕᓕᕆᔨᓂᒃ ᑐᐊᕕᕐᓇᖅᑐᖃᑳᓪᓚᒃᑯᓂ. ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏᑦ ᑲᔾᔨᖓᓂᓪᓗ ᖃᐅᔨᓴᖅᑏᑦ ᑐᑭᓯᐅᒪᖃᑎᒌᒍᑎᖃᖅᐳᑦ ᐃᒡᓗᕐᔪᐊᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᑲᒪᒋᔭᐅᑦᑎᐊᕆᐊᖃᕐᓂᖏᓐᓂᒡᓗ ᑕᐃᖕᑯᕆᐅᕆ ᓯᒡᔭᕆᖅᑐᖓᓂ ᑭᒡᓕᓯᓂᐊᖅᑐᓕᕆᓂᕐᒧᑦ ᖃᐅᔨᓴᖅᑐᓂᒃ ᐊᐅᓱᐃᑦᑑᑉ ᕿᑭᖅᑕᖓᑕ ᑐᓄᕕᐊᓃᑦᑐᖅ. ᐃᓚᖏᑦ ᐃᒡᓗᕐᔪᐊᑦ ᑕᖕᑯᕆᐅᕆ ᓯᒡᔭᕆᒃᑐᖓᓂ, ᑲᔾᔨᖓᓂ ᖃᐅᔨᓴᖅᑎᓂᒃ ᐱᒋᔭᐅᔪᑦ, ᐸᖅᑭᔭᐅᓪᓗᑎᒃ ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏᓐᓂᒃ.

10.1.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐱᓕᕆᖃᑎᒌᓕᕐᓂᐊᖅᑐᑦ ᐱᓕᕆᖃᑎᒌᖏᓐᓇᕆᐊᓕᕐᓗᑎᒡᓗ ᐃᑲᔪᕐᓂᐊᕐᒪᑦ ᓴᐳᔾᔨᓂᕐᒧᑦ, ᐊᐅᓚᑦᑎᓂᕐᒧᑦ ᒥᕐᖑᐃᖅᓯᕕᖕᒥᓪᓗ ᑕᑯᖅᑯᔾᔨᓂᕐᒧᑦ.

10.1.2.2 ᑐᕌᒐᕆᔭᕗᑦ
  1. ᓄᓇᓕᖕᒥᐅᑦ, ᐊᕕᒃᑐᖅᓯᒪᓂᒃᑯᑦ ᓄᓇᓖᑦ, ᑲᓇᑕᒥᐅᑦ ᓯᓚᕐᔪᐊᕐᒥᐅᓪᓗ ᐱᓕᕆᖃᑎᒋᓕᕐᓗᒋᑦ ᐱᓕᕆᖃᑎᒌᓐᓇᕆᐊᓕᕐᓗᒋᓪᓗ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐊᐅᓚᑕᐅᓂᖓᓄᑦ.
10.1.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᐱᓕᕆᖃᑎᒌᓐᓇᕐᓗᒋᑦ ᐱᓕᕆᖃᑎᒌᖕᓂᕐᓗ ᓴᙱᒃᑎᒋᐊᕐᓗᒍ ᓯᓚᕐᔪᐊᑉ ᑲᔾᔨᖓᓂ ᖃᐅᔨᓴᐃᔩᑦ ᐱᓕᕆᐊᕆᔭᖓᓂ.
  2. ᐱᓕᕆᖃᑎᒌᓐᓇᕐᓗᒋᑦ ᐱᓕᕆᖃᑎᒌᖕᓂᕐᓗ ᓴᙱᒃᑎᒋᐊᕐᓗᒍ ᑲᓇᑕᐅᑉ ᐅᓇᖅᑕᖅᑐᒃᓴᒃᑯᖏᓐᓂ.
  3. ᐃᓚᐅᑎᓪᓗᓄᒋᑦ ᐃᓕᓐᓂᐊᕐᕕᒡᔪᐊᑦ, ᒐᕙᒪᒃᑯᑦ ᐱᓕᕆᕝᕕᖏᑦ, ᐊᓯᖏᓪᓗ ᑲᑐᔾᔨᖃᑎᒌᑦ ᑭᒡᓕᓯᓂᐊᕈᑎᓕᕆᓂᕐᓄᑦ ᓇᐅᑦᑎᖅᓱᐃᕙᓪᓕᐊᔪᓕᕆᓂᕐᒧᓪᓗ ᒥᕐᖑᐃᖅᓯᕐᕕᖕᒥ.
  4. ᐱᓕᕆᖃᑎᒋᓗᒋᑦ ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᑦ ᐱᓕᕆᕙᓪᓕᐊᑎᓪᓗᒋᑦ ᐆᒪᔪᓕᕆᓂᕐᒧᑦ ᐆᒪᔪᐃᓪᓗ ᐃᓂᖏᓐᓂᒃ ᐱᓕᕆᐊᖃᖅᑎᓪᓗᒋᑦFootnote 51.
  5. ᐱᓕᕆᖃᑎᒋᓗᒋᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᓕᓴᐃᔩᑦ, ᐃᓕᓐᓂᐊᖅᑐᓕᕆᔨᒃᑯᑦ, ᐃᓕᓐᓂᐊᕐᕕᒡᔪᐊᑦ, ᑕᑯᔭᒐᖃᕐᕖᑦ, ᑐᖅᑯᖅᑐᐃᔩᑦ ᑐᓴᒐᒃᓴᓂᒃ ᐊᓯᖏᓪᓗ ᐱᓕᕆᖃᑎᒌᒡᕕᐅᔪᓐᓇᖅᑐᑦ ᒥᕐᖑᐃᖅᓯᕐᕕᐅᑉ ᑕᑯᒃᓴᐅᑎᑕᐅᓂᖓ ᐊᖏᓂᖅᓴᐅᓕᕆᐊᖅᑎᓪᓗᒍ ᑐᓴᖅᑕᐅᖁᔭᖏᓪᓗ ᑐᓴᖅᑕᐅᓂᖅᓴᐅᖁᓪᓗᒋᑦ.
10.1.3 ᐃᓄᓕᒫᓂᒃ ᐃᓚᐅᑎᑦᑎᓂᖅ

ᐊᔾᔨᒌᖏᑦᑑᑏᑦ ᐃᓄᓕᒫᓂᒃ ᑐᓴᖅᑎᑦᑎᒋᐊᕈᑏᑦ ᐱᒋᐊᖅᑕᐅᓚᐅᖅᑐᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᓕᕆᔾᔪᑎᒥ. ᑲᑐᔾᔨᖃᑎᒌᑦ ᐃᓄᐃᓪᓗ ᐃᓚᐅᓚᐅᖅᑐᑦ ᐃᓚᐅᔪᒪᓂᕐᒥᖕᓂᒃ ᐱᓕᕆᐅᒧᑦ ᐅᖃᓚᐅᖅᑐᑦ ᐃᓄᓕᒫᑦ ᐃᓚᐅᑏᓐᓇᕆᐊᖁᓪᓗᒋᑦ ᐸᕐᓇᐅᑎ ᐃᓕᔭᐅᕙᓪᓕᐊᓇᓱᖕᓂᖓᓂ.

10.1.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᐃᓄᐃᑦ ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ ᓄᓇᕗᒻᒥᐅᓪᓗ ᐃᓄᖏᑦ ᐃᓚᐅᑎᑕᐅᓂᐊᖅᑐᑦ ᒥᕐᖑᐃᖅᓯᕕᓕᕆᓂᕐᒥ.

10.1.3.2 ᑐᕌᒐᕆᔭᕗᑦ
  1. ᒥᕐᖑᐃᖅᓯᕐᕕᒃ ᑕᑎᒋᔭᐅᔪᓐᓇᑦᑎᐊᖁᓪᓗᒍ ᐃᓄᓕᒫᓄᑦ.
  2. ᒥᕐᖑᐃᖅᓯᕐᕕᒃ ᖃᐅᔨᒪᔭᐅᖏᓐᓇᖁᓪᓗᒍ ᖃᐅᔨᔭᐅᕙᓪᓕᐊᖏᓐᓇᖁᓪᓗᒍᓗ ᓄᓇᕗᒻᒥᐅᑦ ᐃᓄᓕᒫᖏᓐᓄᑦ.
10.1.3.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᓴᖅᑭᑦᑏᓗᑎᒃ ᑐᓐᓂᖅᓴᐅᓗᑎᒡᓗ ᐊᕐᕌᒍᑕᒫᑦ ᐅᓂᒃᑳᓂᒃ ᐱᔾᔪᑎᒋᓪᓗᒍ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᐅᑉ ᐃᓕᔭᐅᕙᓪᓕᐊᓂᖓ, ᖃᓪᓗᓈᑎᑐᑦ, ᐅᐃᕖᑎᑐᑦᐱᒋᐊᖅᑕᐅᓂᐊᖅᑐᓕᒫᑦ ᑐᓴᕆᐊᕈᑎᒋᕙᒡᓗᒋᑦ ᐃᓄᓕᒫᓄᑦ ᐃᓚᐅᔨᐅᓂᐊᖅᑐᓄᓪᓗ.
  2. ᐃᓄᒃᑎᑐᓪᓗ, ᖁᑦᑎᓂᕐᐹᖅ ᐱᓕᕆᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖏᓐᓄᑦ ᐅᖃᐅᔾᔪᖅᑕᐅᓯᒪᓗᑎᒃ.

10.2 ᓄᓇᖃᖅᑳᖅᑐᑦ ᐃᓚᐅᑎᑕᐅᓂᖏᓐᓂᒃ ᑲᓇᑕᒥᐅᓪᓗ ᐱᓕᕆᖃᑕᐅᓂᖏᑦ

ᓄᓇᖃᖅᑳᖅᑐᑦ ᖁᑦᑎᓂᕐᐹᖅ ᐱᓕᕆᔭᐅᑎᓪᓗᒍ ᐃᓚᐅᑎᑕᐅᑦᑎᐊᕋᓗᐊᕐᒪᖔᑕ ᖃᐅᔨᒋᐊᖅᑕᐅᖃᑦᑕᕐᓂᐊᖅᑐᑦ ᐃᒪᓐᓇ:

ᖃᓄᐃᓕᐅᓂᕆᔭᖏᑕ ᖃᐅᔨᓴᑕᐅᖃᑕᕐᓂᖏᑦ ᓂᕆᐅᒋᔭᐅᔪᑦ ᖃᐅᔨᔭᐅᓂᐊᕋᓱᒋᔭᐅᔪᑦ
ᐃᓄᐃᑦ ᖃᔅᓯᐅᓂᖏᑦ ᖁᑦᑎᓂᕐᐹᖅ ᑲᑐᔾᔨᖃᑎᒌᖕᓂᒃᑯᑦ ᒥᕐᖑᐃᖅᓯᕐᕕᓕᕆᔩᑦ ᑲᑎᒪᔨᕋᓛᖑᖃᑕᐅᔪᑦ. 5 ᖑᔪᑦ ᐃᓄᐃᑦ ᐃᓚᒋᔭᐅᔪᑦ ᑲᑎᒪᔨᕋᓛᓄᑦ.
ᐃᓄᐃᑦ ᖃᔅᓯᐅᓂᖏᑦ ᖁᑎᖕᓂᖅᐹᖅ ᒥᖑᐃᖅᓯᕕᓕᕆᓂᕐᒧᑦ ᐸᕐᓇᐅᑎᓕᐅᖅᑕᐅᑎᓪᓗᒍ ᐱᓕᕆᔨᐅᖃᑕᐅᔪᑦ. ᒪᕐᕉᒃ ᐃᓅᒃ ᐃᓚᒋᔭᐅᔪᑦ ᐸᕐᓇᐅᑎᓕᕆᔨᒃᑯᓐᓄᑦ.
ᖃᔅᓯᓂᒃ ᐃᓄᖕᓂ ᐃᖅᑲᓇᐃᔭᖅᑐᖃᖅᐸ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ. ᖁᑎᖏᖕᓂᖅᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓ ᐃᑲᔪᖅᑐᐃᔪᖅ ᓄᓇᕗᒻᒥ ᒥᕐᖑᐃᖅᓯᕐᕕᓕᕆᓂᕐᒧᑦ ᐃᓄᖕᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐸᕐᓇᐅᑎᖓᓂ.Footnote 52
ᖃᔅᓯᐅᓂᖏᑦ ᐃᓄᐃᑦ ᐃᓚᐅᔪᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᓇᑕᒥ (ᑭᒡᓕᓯᓂᐊᕐᓂᕐᒧᑦ ᐃᑲᔪᖅᑐᐃᓂᕐᒧᑦ). ᐃᓄᐃᑦ ᐅᓄᖅᓯᕙᓪᓕᐊᔪᑦ ᐃᓚᐅᔪᑦ.
ᖃᔅᓯᐅᓂᖏᑦ ᐃᓄᐃᑦ ᓇᖕᒥᓂᖏᑦ ᐊᐅᓪᓚᖅᑎᑦᑎᔩᑦ ᐊᐅᓚᑕᐅᖃᑦᑕᕐᓂᖏᑦ ᒥᕐᖑᐃᖅᓯᕐᕕᖕᒧᑦ. ᐃᓄᐃᑦ ᓇᖕᒥᓂᖃᖅᑐᑦ ᐅᓄᖅᓯᕙᓪᓕᐊᔪᑦ ᐊᐅᓪᓚᖅᑎᑦᑎᔩᓪᓗ.

ᑲᓇᑕᒥᐅᑉ ᐃᓚᐅᑎᑕᐅᓂᕆᔭᖏᑦ ᖃᐅᔨᒋᐊᖅᑕᐅᓂᐊᖅᑐᑦ ᐃᒪᓐᓇ:

ᖃᓄᐃᓕᓂᕆᔭᖏᑕ ᖃᐅᔨᓴᑕᐅᖃᑕᕐᓂᖏᑦ ᓂᕆᐅᒋᔭᐅᔪᑦ ᖃᐅᔨᔭᐅᓂᐊᕋᓱᒋᔭᐅᔪᑦ
ᐱᓕᕆᖃᑎᒌᖑᐃᓐᓇᖅᑐᑦ ᐱᓕᕆᖃᑎᒌᓕᖅᐸᓪᓕᐊᓃᓪᓗ ᖃᔅᓯᐅᓂᖏᑦ. ᐱᓕᕆᖃᑎᒌᖕᓃᑦ ᐅᓄᖅᓯᒋᐊᕐᓗᒋᑦ.
ᑲᓇᑕᒥᐅᑦ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᑦ ᖃᔅᓯᐅᓂᖏᑦ. ᑲᓇᑕᒥᐅᑕᐃᑦ ᐳᓛᕆᐊᖅᑐᑦ ᐅᓄᖅᓯᒋᐊᕐᓗᒋᑦ.
ᑲᓇᑕᒥᐅᑦ ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ ᐊᐱᖅᓱᖅᑐᑦ ᖃᔅᓯᐅᕙᑦ. ᑲᓇᑕᒥᐅᑕᐃᑦ ᑐᓴᕆᐊᖅᑐᑦ ᐅᓄᖅᓯᒋᐊᕐᓗᒋᑦ.
ᓇᖕᒥᓂᖁᑎᓖᑦ ᖃᔅᓯᐅᕙᑦ ᓄᓇᓕᖕᓂ ᐃᑲᔪᖅᑐᐃᔪᑦ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᓂᖓᓄᑦ. ᓇᖕᒥᓂᓖᑦ ᓄᓇᓕᖕᓄᑦ ᐃᑲᔪᖅᑐᐃᔪᑦ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᓂᖓᓄᑦ ᐊᑕᐅᓯᑦᑕᐃᓐᓇᓕᑎᓪᓗᒋᑦ ᐅᓄᖅᓯᒋᐊᕐᓗᒋᓪᓘᓐᓃᑦ.
ᑲᓇᑕᒥᐅᑉ ᐃᑲᔪᕆᐊᖅᓯᒪᔪᖅ ᒥᕐᖑᐃᖅᓯᕐᕕᖕᒥ ᖃᔅᓯᐅᕙᑦ. ᒪᕐᕈᓪᓗᐊᖕᓂᖅ ᐃᑲᔪᕆᐅᖅᑐᖃᖅᑎᑦᑎᓗᓂ, ᓄᓇᓕᖕᓂᖔᖅᑐᑦ ᐱᔪᒪᔭᐅᓂᖅᓴᐅᓗᑎᒃ, ᒥᕐᖑᐃᖅᓯᕐᕕᖕᒧᑦ ᐃᑲᔪᕆᐊᖅᐸᒃᑐᑦ ᐊᕐᕌᒍᑕᒫᑦ.
ᓄᓇᕗᒻᒥ ᐃᓄᓕᒫᑦ ᑲᑎᒪᑎᑕᐅᑎᓪᓗᒋᑦ ᖁᑦᑎᓂᕐᐹᖅ ᐱᔾᔪᑎᒋᓪᓗᒍ ᑲᑎᒪᔭᖅᑐᖃᑕᐅᔪᑦ ᖃᔅᓯᐅᕙᑦ. ᑲᑎᒪᔭᖅᑐᖃᑕᐅᖏᓐᓇᖁᓗᒋᑦ.

11.0 ᑎᑎᕋᖅᑕᐅᕙᓪᓕᐊᓂᖓ ᐊᐅᓚᑕᐅᕙᓪᓕᐊᓂᖓᓗ

11.1 ᐊᐅᓚᑦᑎᔩᑦ ᐱᓇᓱᐊᕈᒪᔭᖓ, ᑐᕌᒐᕆᔭᖓ, ᐱᒋᐊᕈᑎᖏᓪᓗ

11.1.1 ᐊᕙᑎᓕᕆᓂᖅ

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᒋᐊᖅᑎᑦᑎᓯᒪᖕᒪᑕ ᑲᓇᑕᒥ ᒥᕐᖑᐃᖅᓯᕐᕕᖕᓂ ᐊᕙᑎᓕᕆᔾᔪᑎᐅᑉ ᐋᖅᑭᐅᒪᔭᐅᓂᐊᕐᓂᖓᓂᒃ ᐋᖅᑭᐅᒪᑎᑦᑎᒋᐊᕈᑎᓂᐊᖅᑐᖅ ᐊᒃᑐᐃᖏᓐᓂᖅᓴᐅᓗᓂ ᐱᓕᕆᔩᑦ ᐊᕙᑎᓕᕆᓂᕐᒧᑦ ᐊᐅᓚᑦᑎᔾᔪᑎᖏᓐᓂᒃ. ᐋᖅᑭᐅᒪᔾᔪᑎ ᖃᐅᔨᔾᔪᑎᐅᖃᑦᑕᕐᓂᐊᖅᑐᖅ ᐊᕙᑎᒧᑦ ᐅᓗᕆᐊᓇᓛᑦ ᐱᓕᕆᔭᐅᖅᑳᕆᐊᓖᑦ ᐱᓕᕆᔭᐅᖅᑳᕆᐊᒃᓴᖏᓐᓂᒃ.

ᐱᓕᕆᖃᑎᒋᓪᓗᒋᑦ ᐊᓯᖏᑦ ᑲᓇᑕᐅᑉ ᒥᕐᖑᐃᖅᓯᕐᕕᖏᑦ ᓄᓇᕗᒻᒥ, ᖁᑦᑎᓂᕐᐹᖅ ᐱᔭᕇᖅᓯᓚᐅᖅᑐᖅ ᐊᕙᑎᓕᕆᓂᕐᒧᑦ ᐱᒋᐊᖅᑕᐅᔾᔪᑎᐅᓂᐊᖅᑑᑉ ᐸᕐᓇᐅᑎᖓᓂ 2000ᖑᑎᓪᓗᒍ ᓄᑖᙳᕆᐊᖅᑎᑕᐅᓯᒪᔪᖅ ᓄᑖᙳᕆᐊᖅᑕᐅᖏᓐᓇᖃᑦᑕᕐᓂᐊᖅᑐᕐᓗ ᐃᓕᔭᐅᓂᐊᖅᖢᓂᓗ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ ᐊᑐᖅᑕᐅᓂᓕᒫᖓᓂ. ᑕᐅᑐᖕᓂᖃᓪᓗᐊᕐᓂᐊᖅᑐᑦ ᐅᖅᓱᐅᓗᖃᐅᑏᑦ ᑐᖅᑯᑦᑕᐅᑦᑎᐊᕆᐊᖃᕐᓂᖏᓐᓂᒃ, ᓱᕈᖅᓯᒪᓂᓖᑦ ᓄᓇᐃᑦ, ᖁᖅᑕᕐᕕᓕᕆᓃᑦ, ᐃᒥᑦᑎᐊᕙᐅᖏᑦᑐᓕᕆᓃᑦ, ᐆᒻᒪᖅᑯᑎᓕᕆᓃᑦ, ᐊᕙᑎᒧᓪᓗ ᖁᐊᖅᓵᕐᓇᖏᓐᓂᖅᓴᒥᒃ ᐊᑐᖅᓯᑦᑎᐊᕋᓗᐊᕐᒪᖔᑕFootnote 53.

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᔨᑦᑎᕋᕈᑎᖏᑦ ᖁᑦᑎᖕᓂᖅᐹᒥ ᓱᕈᔭᐃᖅᑕᐅᓯᒪᔪᓂᒃ ᐃᒥᖃᖅᑎᑦᑎᖃᑦᑕᔾᔮᖏᑦᑐᑦ ᒥᕐᖑᐃᖅᓯᕐᕕᖕᒥ ᐊᑐᖅᑎᓄᑦ ᐳᓛᕆᐊᖅᑎᓄᓪᓘᓐᓃᑦ. ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑐᓕᒫᑦ ᐊᑐᖅᑎᓕᒫᑦ ᑐᓴᖅᑎᑕᐅᖃᑦᑕᕐᓂᐊᖅᑐᑦ ᐃᒥᖅᑕᐅᓂᐊᖅᑐᑦ ᓱᕈᔭᐃᖅᑕᐅᓯᒪᔾᔮᖏᕐᓂᖏᓐᓂᒃ ᓇᖕᒥᓂᕐᓗ ᓱᕈᔭᐃᖁᔭᐅᕙᒡᓗᑎᒃ ᐱᔭᕆᐊᖃᕈᓂ. ᐃᒥᕆᔭᐅᓂᐊᖅᑐᓂᒃ ᓱᕈᔭᐃᓂᖅ ᒥᕐᖑᐃᖅᓯᕐᕕᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᑖᖕᑯᕆᐅᕆ ᓯᒡᔭᕆᒃᑐᖓᓂ ᑲᔪᓯᑎᑕᐅᖏᓐᓇᕐᓂᐊᖅᑐᖅ.

11.1.1.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᖁᑦᑎᓂᕐᐹᖅ ᓯᕗᓕᖅᑎᐅᓂᐊᖅᑐᖅ ᐊᕙᑎᓕᕆᓂᕐᒧᑦ “ᐊᕙᑎᒧᑦ ᐱᐅᓛᒥᒃ” ᐊᐅᓚᑦᑎᔾᔪᑎᖃᕐᓂᐊᖅᑐᑦ ᖁᑦᑎᒃᑑᑉ ᐅᑭᐅᖅᑕᖅᑐᖓᓂ.

ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏ ᑕᑯᒃᓴᐅᑎᑦᑎᔨᐅᓂᐊᖅᑐᑦ ᐊᕙᑎᓕᕆᑦᑎᐊᕐᓂᖏᓐᓂᒃ ᐱᓕᕆᐊᕆᔭᓕᒫᖏᓐᓂᒃ, ᐱᔨᑦᑎᕋᕈᑎᓕᒫᖏᓐᓂᒃ, ᐱᖁᑎᓕᒫᖏᓐᓂᒡᓗ.

ᐊᕙᑎᓕᕆᓂᖅ ᐱᒻᒪᕆᐅᓛᖑᓂᐊᖅᐳᖅ ᒥᕐᖑᐃᖅᓯᕕᓕᕆᓂᓕᒫᓂᒃ ᐱᔨᑦᑎᕋᕈᖃᕐᓂᐊᖅᑎᓪᓗᒋᑦ ᒥᕐᖑᐃᖅᓯᕕᖕᒥ.

11.1.1.2 ᑐᕌᒐᕆᔭᕗᑦ
  1. ᒥᕐᖑᐃᖅᓯᕐᕕᓕᕆᓃᑦ ᐋᖅᑭᒋᐊᖅᑕᐅᓂᐊᖅᑐᑦ ᐊᕙᑎᒧᑦ ᐃᑲᔪᖅᑐᐃᓂᖅᓴᐅᓕᖁᓪᓗᒋᑦ.
  2. ᐅᖅᓱᐊᓗᐃᑦ ᓱᕈᖅᑎᕆᔪᑦ ᐊᕙᑎᑦᑎᓐᓄᑦ ᒥᕐᖑᐃᖅᓯᕐᕕᖕᒥ ᐊᑐᖅᑕᐅᖏᓐᓂᖅᓴᐅᓕᕐᓗᑎᒃ.
  3. ᐊᒃᑕᑯᐃᑦ ᒥᑭᒡᓕᒋᐊᕋᓱᒡᓗᒋᑦ ᒥᕐᖑᐃᖅᓯᕐᕕᓕᕆᓂᕐᒧᑦ, ᐳᓛᕆᐊᑎᓄᑦ ᐊᑐᖅᑎᓄᓪᓗ ᒥᕐᖑᐃᖅᓯᕐᕕᒃ ᐊᒃᑕᑯᓂᒃ ᕿᒪᐃᕝᕕᐅᖏᓐᓂᖅᓴᐅᓕᕐᓗᓂ.
  4. ᐃᓕᔭᐅᒋᐊᕐᓗᑎᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᖏᓐᓇᕆᐊᓖᑦ ᑕᓯᐊᓘᑉ ᓄᓇᖓᑕ ᐊᓐᓇᐅᒪᕕᖓᓄᑦ ᓱᕋᒃᓴᐃᑐᐃᓐᓇᕆᐊᓖᑦ ᐊᒻᒪᓗ ᐊᖏᔪᒥᒃ ᓯᕗᓂᒃᓴᑐᖄᓗᖕᒧᑦ ᐊᒃᑐᐃᑐᐃᓐᓇᕆᐊᓖᑦFootnote 54.
  5. ᐃᓕᓂᐊᕐᑎᓗᒋᑦ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᑏᑦ ᐊᑐᖅᑏᓪᓗ ᖃᓄᖅ ᒥᕐᖑᐃᖅᓯᕐᕕᒃ ᓴᐳᔾᔭᐅᖏᓐᓇᕈᓐᓇᕐᓂᖓᓂᒃ.
  6. ᓇᖕᒥᓂᖁᑎᖃᕐᓂᕐᒧᑦ ᓚᐃᓴᓯᓖᑦ ᐅᔭᐅᖅᑐᑦᑎᐊᕐᓗᒋᑦ ᐊᕙᑎᒧᑦ ᓈᒻᒪᓛᖑᔪᓂᒃ ᐱᓕᕆᔭᕆᐊᖃᕐᓂᖏᓐᓂᒃ (ᓲᕐᓗ ᖃᖓᑕᓲᑦ ᐅᖅᓴᖅᑕᐅᒃᑲᓐᓂᕐᓂᖏᑦ)
11.1.1.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᓄᓇᕗᑦ ᒥᕐᖑᐃᖅᓯᕐᕕᖏᓐᓄᑦ ᐊᕙᑎᓕᕆᓂᕐᒧᑦ ᐸᕐᓇᐅᑎᖓ ᓄᑖᖑᕆᐊᖅᑕᐅᓗᓂ ᐃᓕᔭᐅᑎᓪᓗᒍᓗ ᒫᓐᓇ ᒥᕐᖑᐃᖅᓯᕐᕕᖕᓂ ᐊᐅᓚᑕᐅᔾᔪᑏᑦ ᐊᒃᑐᐃᖏᓐᓂᖅᓴᐅᓕᖁᓪᓗᒋᑦ ᑲᒪᒋᔭᐅᑦᑎᐊᖁᓪᓗᒋᓪᓗ.
  2. ᓱᕈᖅᓯᒪᔪᖃᖅᑐᓕᒫᑦ ᓄᓇᐃᑦ ᒥᕐᖑᐃᖅᓯᕐᕕᖕᒥ ᑎᑎᕋᖅᑕᐅᓯᒪᒐᓗᐊᕐᒪᖔᑕ ᖁᐅᔨᒋᐊᖅᑕᐅᓗᑎᒃ ᑲᓇᑕᓕᒫᒥ ᓇᓗᓇᐃᒃᑯᑦᑎᖅᓱᐃᔨᒃᑯᓐᓂ ᐊᒻᒪᓗ ᑮᓇᐅᔭᓂᒃ ᑐᒃᓯᕋᖅᑕᐅᓯᒪᓕᕋᓗᐊᕐᒪᖔᑕ ᓱᕈᖅᑎᖅᓯᒪᔪᑦ ᐃᓕᖅᑯᓯᑐᖃᖏᓐᓄᑦ ᐅᑎᑦᑎᑖᐅᒋᐊᕈᑎᒃᓴᖓᓂᒃ ᓇᐅᑦᑎᖅᓱᖅᑕᐅᔾᔪᑎᒃᓴᖏᓐᓄᓪᓗ. ᓇᓗᓇᐃᕐᓗᒋᑦ ᐃᓕᖅᑯᓯᕆᓚᐅᖅᑕᖓᓄᓪᓗ ᐅᑎᖅᑎᑖᐅᒋᐊᖃᕐᓂᖏᓐᓄᑦ ᐱᓕᕆᔭᐅᖅᑳᖁᓗᒋᑦ, ᐅᑯᐊ ᐃᓚᐅᑎᑕᐅᓗᑎᒃ ᑕᖕᑯᕆᐅᕆᐅᑉ ᓯᒡᔭᕆᒃᑐᖓ, ᑕᓯᐊᓗᒃ, ᐱᒋᐊᕐᕕᒡᓗ.
  3. ᐱᔭᕆᐊᖃᖅᑎᓪᓗᒋᑦ ᒥᕐᖑᐃᖅᓯᕐᕕᐅᑉ ᑕᖕᒫᕐᕕᖓᓃᑦᑐᑦ ᐳᓛᕆᐊᖅᑎᓕᒫᑦ ᐊᑐᖅᑎᓕᒫᓪᓗ - ᐃᓄᒃ ᐊᑕᐅᓯᖅ ᐅᖓᑖᓃᑦᑐᓪᓘᓐᓃᑦ ᑕᖕᒫᖅᓯᒪᓂᐊᖅᑎᓪᓗᒋᑦ ᐅᓪᓗᓄᑦ ᐱᖓᓱᓄᑦ ᐅᖓᑖᓄᓪᓘᓐᓃᑦ - ᖁᖅᑕᕐᕕᖏᓐᓂᒃ ᐴᖅᑲᖅᓯᒪᑦᑎᐊᖅᑐᓂᒃ ᒥᕐᖑᐃᖅᓯᕐᕕᒥᐅᑉ ᓯᓚᑖᓄᙵᐅᔾᔨᖁᓗᒋᑦ.
  4. ᖃᐅᔨᓇᓱᒋᐊᖃᖅᑐᑦ ᖃᓄᖅ ᑕᒪᓐᓇ ᖁᖅᑕᕐᕕᓕᕆᓂᖅ ᐊᐅᓚᑕᐅᑦᑎᐊᕈᓐᓇᕐᒪᖔᑦ ᑖᖕᑯᕆᐅᕆ ᓯᒡᔭᕆᒃᑐᖓᓂ, ᑕᓯᐊᓗᖕᒥ, ᐱᒋᐊᕐᕕᖕᒥᓪᓗ.
  5. ᒪᓕᒃᑕᐅᖏᓐᓇᕆᐊᖃᖅᑐᓕᐅᕐᓗᑎᒃ, ᐃᑲᔪᖃᑎᒋᓗᒋᑦ ᓇᖕᒥᓂᖃᖅᑏᑦ ᒥᕐᖑᐃᖅᓯᕐᕕᖕᒥᓪᓗ ᐊᑐᖅᐸᒃᑐᑦ, ᐊᐅᓚᑕᐅᑦᑎᐊᖁᓪᓗᒍ ᓇᓗᓇᐃᖅᑕᐅᓯᒪᔪᖅ ᓄᓇ 1 ᐊᒻᒪ, ᐱᓗᐊᖅᑐᒥᒃ, ᑕᓯᐊᖕᒥ, ᑐᑭᒧᐊᒍᑎᓂᒃ ᐃᓚᐅᑎᑦᑎᓗᓂ ᐊᐅᓚᑕᐅᑦᑎᐊᖁᓪᓗᒋᑦ ᐳᓛᕆᐊᖅᑐᑦ, ᐊᑐᖅᑏᑦ, ᒥᕐᖑᐃᖅᓯᕐᕕᓕᕆᔩᓪᓗ ᐱᓕᕆᕕᒋᔭᖏᑦ (ᓲᕐᓗ ᑕᖕᒫᕐᕕᐅᖏᓐᓇᕐᓂᐊᖅᑐᑦ).
  6. ᐃᓕᓐᓂᐊᖅᑎᓪᓗᒍᑦ ᒥᕐᖑᐃᖅᓯᕐᕕᖕᒧᑦ ᐳᓛᕆᐊᖅᑏᑦ ᐊᑐᖅᑏᓪᓗ ᖃᓄᖅ ᓴᓂᕐᓂᒃ ᓇᒃᓴᓗᐊᖏᓐᓂᖅᓴᐅᓕᖁᓗᒋᑦ.
  7. ᑕᑯᒃᓴᐅᑎᑦᑎᓗᑎᒃ ᐊᕙᑎᓕᕆᓂᕐᒧᑦ ᓯᕗᓕᖅᑎᐅᓂᖏᑦᓂᒃ ᑐᓴᐅᒪᑎᑦᑏᓐᓇᕐᓂᒃᑯᑦ ᒥᕐᖑᐃᖅᓯᕐᕕᐅᑉ ᐊᕙᑎᓕᕆᔾᔪᑎᖓᓂ ᐃᓚᐅᔨᓄᑦ ᑲᓇᑕᐅᓪᓗ ᐃᓄᖁᑎᖏᓐᓄᑦ.
  8. ᐃᓕᓐᓂᐊᖅᑎᓪᓗᒋᑦ ᑲᖓᑕᓲᒃᑯᑦ ᖃᖓᑕᑲᑕᒍᓐᓇᐅᑎᒥᒃ ᐱᓯᒪᔪᑦ ᐊᕙᑎᒧᑦ ᓈᒻᒪᓛᖑᔪᒥᒃ ᐅᖅᓴᒡᕕᖃᒃᑲᓐᓂᕈᓐᓇᕆᐊᒃᓴᖏᓐᓂᒃ.
  9. ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᔭᕆᓂᕐᒧᑦ ᑲᑎᒪᔨᕋᓛᖏᑦ ᑐᓂᓗᒋᑦ ᐊᕐᕌᒍᒧᑦ ᐋᖅᑭᒃᑕᐅᓯᒪᓂᔪᑦ ᓇᓗᓇᐃᖅᓯᔾᔪᑎᐅᓪᓗᑎᒃ ᖃᖓᒃᑯᑦ ᐃᖏᕐᕋᔪᒃᑰᕐᓂᖅᓴᐅᕙᒃᑐᓂᒃ ᐅᓂᒃᑳᓕᐊᕆᓗᒋᓪᓗ ᐃᖏᕐᕋᔪᒃᑯᑦ ᐊᑐᖅᑕᐅᕕᐅᓂᖅᓴᐅᕙᒃᑯᑦ ᐊᕐᕌᒍᒥ ᐱᔾᔪᑎᖃᖅᑎᓪᓗᒋᑦ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᓂᖏᓂᒃ.
11.1.2 ᓇᐸᔾᔪᑏᑦ ᐊᐅᓚᑕᐅᓂᖏᓐᓂᒃ

ᒥᕐᖑᐃᖅᓯᕐᕕᐅᑉ ᑎᑎᕋᕐᕕᖓ ᐅᑭᐅᒃᑯᑦ ᓄᓇᕗᑦ ᒥᕐᖑᐃᖅᓯᕐᕕᓕᕆᔩᑦ ᑐᙵᕕᖓᓃᖃᑦᑕᖅᑐᖅ ᐃᖃᓗᖕᓂ. ᐊᐅᔭᒃᑯᑦ, ᒥᕐᖑᐃᖅᓯᕐᕕᓕᕆᖃᑦᑕᖅᑐᑦ ᑕᖕᑯᕆᐅᕆ ᓯᒡᔭᕆᖅᑐᖓᓂᑕ ᐸᓖᓯᙳᐊᖃᕐᕕᖓᓂ. ᕿᒥᕐᕈᐃᖏᓐᓇᕐᓂᐊᖅᑐᑦ ᒥᕐᖑᐃᖅᓯᕐᕕᐅᑉ ᐊᐅᓚᑦᑎᔾᔪᑎᖏᓐᓂᒃ ᐱᖁᑎᖏᓐᓂᒡᓗ ᑖᖕᑯᕆᐊᕆ ᓯᒡᔭᕆᒃᑐᖅ ᑕᓯᐅᐊᓘᓪᓗ ᐸᓖᓯᙳᐊᖃᕐᕕᖓᓂ.

ᐊᒥᓱᐃᑦ ᐃᒡᓗᐃᑦ ᒥᕐᖑᐃᓯᖕᕕᒥ ᖃᓄᐃᓗᐊᖏᑐᑦ. ᐊᖏᔪᕐᒥ ᓄᑖᕐᒥ ᐊᐅᓚᓂᖓᓄᑦ ᐃᒡᓗᒥ ᐋᕿᑕᐅᓯᒪᔪᖃᖏᑐᖅ ᑕᕝᕙᓂ ᐸᕐᓇᐅᑎᓕᐅᖅᑕᐅᓯᒪᔫᑉ ᐃᓅᓯᐊᓂ. ᐊᑭᑐᔫᑎᓕᕆᔾᔪᑎᐅᒃᑲᓐᓂᕆᐊᓖᑦ ᑲᒪᒋᔭᐅᔾᔪᑎᒃᓴᖏᓪᓗ ᐱᓕᕆᔪᒪᔪᑦ ᐊᕐᕌᒍᓄᑦ ᐱᖓᓱᓄᑦ ᑕᓪᓕᒪᓄᓪᓘᓐᓃᑦ, ᐊᐅᓚᑦᑎᔩᑦ ᐱᓕᕆᓂᖃᓪᓗᑕᕈᒪᔪᑦ ᐋᖅᑭᒋᐊᖅᑕᐅᖏᓐᓇᕆᐊᓕᖕᓂᒃ ᐊᑦᑕᕐᓇᖏᑦᑐᒦᖁᔨᓂᕐᒧᑦ ᐊᐅᓚᑦᑎᔾᔪᑎᖃᑦᑎᐊᕆᐊᖃᕐᓄᕐᒧᓪᓗ ᒥᕐᖑᐃᖅᓯᕐᕕᓕᕆᑎᓪᓗᒋᑦ.

11.1.2.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᓇᐸᔾᔪᑏᑦ ᒥᕐᖑᐃᖅᓯᕕᖕᒥ ᒥᕐᖑᐃᖅᓯᕕᓕᕆᓂᕐᒧᑦ ᐱᔭᐅᔭᕆᐊᓖᑦ ᓯᓚᕐᔪᐊᓪᓗ ᑲᔾᔨᖓᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᔭᕆᐊᓖᑦ ᑲᒪᒋᔭᐅᑦᑎᐊᖏᓐᓇᕆᐊᓖᓪᓗ ᐊᕙᑎᒧᑦ ᓈᒻᒪᓛᖑᔪᒥᒃ ᐊᐅᓚᑕᐅᓂᐊᖅᑐᑦ, ᐊᒃᑐᐃᖏᓛᒦᑎᓪᓗᒋᑦ, ᐱᐅᖅᓱᐃᓂᖅᓴᐅᓗᑎᒡᓗ.

11.1.2.2 ᑐᕌᒐᕆᔭᕗᑦ
  1. ᐲᔭᖅᑕᐅᖁᓪᓗᒋᑦ ᒥᕐᖑᐃᖅᓯᕐᕕᖕᒥ ᐊᑐᕈᓐᓃᖅᑐᑦ ᓇᐸᔾᔪᑏᑦ ᐊᒃᑐᐃᓂᐊᕈᑎᒃ ᒥᕐᖑᐃᖅᓯᕙᐅᑉ ᐊᓐᓇᐅᒪᕝᕕᖓᑕ ᑭᒡᒐᖅᑐᖅᑕᐅᕕᖓᓄᑦ, ᐃᑦᑕᕐᓂᓴᐅᓂᖓᓄᑦ ᐊᓐᓂᕐᓇᐅᑎᖃᖏᒃᑯᓂ, ᐊᑭᖏᓪᓗ ᐊᔪᖅᑎᑦᑎᖏᒃᑯᑎᒃ.
11.1.2.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᕿᒥᕐᕈᓗᒋᑦ ᒫᓐᓇ ᒥᕐᖑᐃᖅᓯᕐᕕᖕᒥ ᐃᒡᓗᐃᑦ ᓇᐸᔾᔪᑎᐅᔪᓪ.ᓗ ᑖᖕᑯᕆᐅᕆᐅᑉ ᓯᒡᔭᕆᒃᑐᖓᓂ, ᑕᓯᐊᓗᖕᒥ, ᐱᒋᐊᕐᕕᖕᒥᓪᓗ ᐊᑐᖅᓯᑦᑎᐊᕋᓗᐊᕐᒪᖔᑕ ᓯᕗᓂᒃᓴᑐᖃᕐᒧᑦ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᔾᔪᑎᖏᓐᓄᑦ, ᖃᐅᔨᓴᖅᑕᐅᔾᔪᑎᖏᓐᓄᑦ, ᑎᑎᕋᖅᑐᖅᑕᐅᓂᖏᓐᓄᓪᓗ ᐱᔭᐅᔭᕆᐊᓕᖕᓂᒃ ᐅᖓᑖᓄᓗᐊᕐᓗ ᐱᖁᑎᖃᓂᒃ ᐱᓯᒪᖏᒃᑲᓗᐊᕐᒪᖔᑕ. ᑐᒥᖃᖏᓐᓂᖅᓴᐅᓕᖅᑎᒋᐊᕐᓗᒋᑦFootnote 55 ᑖᒃᑯᐊ ᑕᖕᒫᕐᕕᒃ.
  2. ᐃᒍᑦᑎᕐᓗᒍ ᒥᑦᑕᕐᕕᒃ ᐱᖓᔪᒋᔭᐅᔪᖅ ᑕᓰᐊᓗᖕᒥ (ᑕᑯᓗᒍ ᑕᑯᑎᑦᑎᔾᔪᑎ 2)
  3. ᐅᓇᑕᖅᑐᒃᓴᒃᑯᑦ ᒪᕐᒎᒃ ‘’ᐃᒡᓗᕕᒐᙳᐊᖁᑎᖏᑦFootnote 56”ᐃᓂᒋᔭᖏᓐᓃᑎᓐᓇᓗᒋᑦ (81.5 ᐅᐊᓇᖓᓂ, 76.6ᐊᑭᓇᕐᒥ ᐊᒪᓗ 81.5 ᐅᐊᓇᖓᓂ, 76.5 ᐊᑭᓇᕐᒥ) ᒫᓐᓇᐅᔪᖅ ᐃᓂᒋᔭᖏᓂ ᒥᕐᖑᐃᖅᓯᕐᕕᒥ.
11.1.3 ᐊᓚᑦᑎᔾᔪᑏᑦ ᖃᓄᐃᓕᖓᓃᓪᓗ

ᒥᕐᖑᐃᖅᓯᕐᕕᐅᑉ ᐃᓂᖓ ᐅᖓᓯᒃᑐᒦᓐᓂᖓᓄᑦ, ᒥᕐᖑᐃᖅᓯᕐᕕᐳᑉ ᐅᓚᔾᔪᑎᖏᑦ ᑲᑐᔾᔨᖃᑎᒌᓂᒃ ᐱᓕᕆᕕᓂᒡᓗ ᐃᑲᔪᖅᑕᐅᔭᕆᐊᖃᖅᑐᖅ. ᓯᓚᕐᔪᐊᑉ ᑲᔾᔨᖓᓂ ᖃᐅᔨᓴᖅᑐᓕᕆᔩᑦ (ᓄᓇᒥᐅᑕᓕᕆᔩᑦ ᑲᓇᑕᒥ) ᐊᑭᑭᒡᓕᒋᐊᕈᑎᒥᒃ ᐃᖏᕐᕋᔪᓕᕆᓂᕐᒧᑦ ᑐᓂᓯᓯᒪᕙᒃᐳᑦ, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐊᕐᕌᒎᑉ ᐃᓗᐊᓂ ᐊᐅᓚᑦᑎᔪᓐᓇᕐᓂᐊᕐᒪᑕ ᒥᕐᖑᐃᖅᓯᕐᕕᖕᒥ.

11.1.3.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᒃ ᐊᐅᓚᓂᖃᑦᑎᐊᕐᓂᐊᖅᑐᖅ ᐊᔪᖏᑦᑎᐊᕐᓗᓂᓗ ᐊᑭᓕᕆᐊᓖᑦ ᖃᓄᐃᓕᖓᓂᓪᓗ ᐱᓕᕆᖃᑎᒌᒃᑯᑦ ᐱᓕᕆᔭᐅᓂᐊᕐᒪᑕ.

11.1.3.2 ᑐᕌᒐᕆᔭᕗᑦ
  1. ᐱᓕᕆᖃᑎᖃᐃᓐᓇᕆᐊᓗᑎᒃ ᓴᙱᒃᑎᒋᐊᕐᓗᒍᓗ ᐊᐅᓚᑦᑎᖃᑎᒌᒋᐊᖃᕐᓂᕐᒧᑦ ᒥᕐᖑᐃᖅᓯᕐᕕᖕᒥ ᐊᕐᕌᒎᑉ ᐃᓗᐊᓂ.
11.1.3.3 ᐊᐅᓚᔾᔭᒋᐊᕈᑕᐅᔪᒪᓗᐊᖅᑐᑦ
  1. ᑐᑭᓯᐊᒪᖃᑎᒌᖕᓂᖃᐃᓐᓇᕐᓗᓂ ᓯᓚᕐᔪᐊᑉ ᑲᔾᔨᖓᓂ ᖃᐅᔨᓴᖅᑐᓕᕆᔪᓂᒃ ᐃᑲᖅᑕᐅᖏᓐᓇᖁᓪᓗᒍ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᖏᓐᓇᕆᐊᖃᕐᓂᖓ ᐊᕐᕌᒎᑉ ᐃᓗᐊᓂ.
11.1.4 ᒪᓕᒐᖅᑎᒍᑦ ᐱᔭᕆᐊᖃᖅᑎᑦᑎᓂᖅ

ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔩᑦ ᒪᓕᒐᖅᑎᒍᑦ ᐱᔭᕆᐊᖃᖅᑎᑦᑎᓂᖅ ᓴᐳᔾᔨᓇᓱᐊᕐᓂᕐᒧᑦ ᐱᖁᑎᓂᒃ ᐊᑐᕐᓗᒋᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑕ ᐱᖁᔭᖓᒍᑦ ᑲᓇᑕᐅᓪᓗ ᒥᕐᖑᐃᖅᓯᕐᕕᖏᑕ ᐊᑐᒐ ᒪᓕᒐᓪᓗᐊᑕᐅᕗᑦ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᑦ ᓴᐳᔾᔨᔨᒻᒪᕆᐅᕗᑦ ᒥᕐᖑᐃᖅᓯᕐᕕᐅᑉ ᐱᖁᑎᖏᓐᓂᒃ ᐱᔭᕆᐊᖃᖅᑎᓪᓗᒋᑦ ᐊᔪᖏᑦᑎᐊᖅᑐᒥᒃ ᒪᓕᒐᖅᑎᒍᑦ ᐱᔭᕆᐊᖃᖅᑐᓕᕆᓂᒃᑯᑦ.

ᐳᓛᖅᑏᑦ ᐊᑐᖅᑏᓪᓗ ᖁᑦᑎᖕᓂᖅᐹᒥ ᐱᓕᕆᔪᓐᓇᖅᑎᑕᐅᕗᑦ ᒫᔾᔨᒥ ᐋᒡᒌᓯᒧᑦ. ᒥᖑᐃᖅᓯᕕᓕᐊᖅᑐᑦ ᖃᔅᓯᐅᓂᖏᑦ ᑭᒡᓕᖃᖅᑎᑕᐅᖃᑦᑕᖅᐳᑦ, ᐃᓛᓐᓂᓗ, ᐃᓯᕈᓐᓇᕐᓂᖏᑦ ᐊᐅᓚᑕᐅᕙᒃᐳᑦ. ᒪᓕᒐᖅᑎᒍᑦ ᐱᔭᕆᐊᖃᖅᑎᑦᑎᓂᖅ ᑐᓂᔭᐅᓯᒪᓂᐊᖅᐳᖅ ᖁᑦᑎᖕᓂᖅᐹᒧᑦ. ᓴᐳᔾᔨᓂᖅ ᐃᓕᓐᓂᐊᖅᑎᑦᑎᓂᕐᓗ ᐱᓕᕆᐊᓪᓗᐊᑕᐅᐊᓂᐊᖅᖢᑎᒃ ᒥᕐᖑᐃᖅᓯᕐᕕᐅᑉ ᒪᓕᒐᖅᑎᒍᑦ ᐱᔭᕆᐊᖃᖅᑎᑦᑎᔾᔪᑎᖓᓂ.

11.1.4.1 ᖃᓄᖅᑑᕈᑎᒧᑦ ᐱᓇᓱᐊᖅᑕᐅᔪᑦ

ᒥᕐᖑᐃᖅᓯᕕᐅᑉ ᐱᖁᑎᖏᑦ ᓴᐳᔾᔭᐅᓂᐊᖅᑐᑦ ᐃᓕᓐᓂᐊᖅᑐᓕᕆᓂᒃᑯᑦ ᐅᔾᔨᕈᓱᓕᖅᑎᑦᑎᓂᒃᑯᓪᓗ ᒪᓕᒡᓗᒋᓪᓗ ᑎᑎᕋᖅᑕᐅᓯᒪᔪᑦ ᒪᓕᖁᔭᐅᔾᔪᑏᑦ ᐅᑯᓇᓂ ᑲᓇᑕᐅᑉ ᒥᕐᖑᐃᖅᓯᕕᖏᓐᓄᑦ ᐱᖁᔭᖅ, ᑲᓇᑕᐅᑉ ᒥᕐᖑᐃᖅᓯᕕᖏᓐᓄᑦ ᒪᓕᒐᑦ, ᐊᒻᒪᓗ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ.

11.1.4.2 ᑐᕌᒐᕆᔭᕗᑦ
  1. ᒪᓕᒐᖅᑎᒍᑦ ᐱᔭᕆᐊᖃᖅᑎᑦᑎᓂᖅ ᑲᔪᓯᑎᓐᓂᐊᖅᑐᖅ ᒥᕐᖑᐃᖅᓯᕐᕕᐅᑉ ᐱᖁᑎᖏᑦ ᓴᐳᔾᔭᐅᖁᓪᓗᒋᑦ.
11.1.4.3 ᐱᒋᐊᕈᑎᓪᓗᐊᑕᐊᓂᐊᖅᑐᑦ
  1. ᓄᓇᕗᒻᒥ ᒥᕐᖑᐃᖅᓯᕐᕕᐅᑉ ᒪᓕᒐᖅᑎᒍᑦ ᐱᖁᔨᔾᔪᑎᖓᓄᑦ ᐸᕐᓇᐅᑎ ᑲᒪᒋᑦᑎᐊᖏᓐᓇᕐᓗᒍ ᐃᓕᔭᐅᑎᓪᓗᒍᓗ, ᐊᒃᓱᕉᑎᖃᕐᓗᓂ ᑐᓴᐅᒪᑎᑦᑎᑦᑎᐊᕆᐊᕐᓂᕐᒥᒃ ᓇᖕᒥᓂᕐᓗ ᒪᓕᒍᒪᓂᖏᓐᓂᒃ ᐱᓇᓱᒃᐸᒡᓗᓂ ᒥᕐᖑᐃᖅᓯᕐᕕᖕᒧᑦ ᐊᑐᖅᑎᓂᒃ ᐳᓛᖅᑎᓂᒡᓗ.
  2. ᒪᓕᒐᖅᑎᒍᑦ ᐱᖁᔨᔾᔪᑎᓂᒃ ᓯᖁᒦᔪᑦ ᑎᑎᕋᖅᑕᐅᕙᓪᓕᐊᓗᑎᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᑦ ᖃᓄᐃᑉᐸᓪᓕᐊᔪᓂᒃ ᓇᓗᓇᐃᒃᑯᑦᑎᖅᓱᐃᔾᔪᑎᖓᓄᑦ.
11.1.5 ᑐᓴᕈᑏᑦ ᐊᐅᓚᑕᐅᓂᖏᑦ

ᐅᓄᖅᑐᑦ ᐱᓕᕆᓂᕐᒧᑦ ᓇᓗᓇᐃᖅᑕᐅᕙᓪᓕᐊᔪᑦ ᑕᕝᕙᓂ ᐸᕐᓇᐅᑎᒥᒃ ᓄᐊᑕᐅᕙᓪᓕᐊᖏᓐᓇᕆᐊᖃᕐᒪᑕ ᖃᐅᔨᓴᖅᑕᐅᖏᓐᓇᕆᐊᖃᖅᐸᖕᒪᑕᓗ ᑐᓴᖅᑕᐅᔪᑦ. ᑐᓴᖅᑕᐅᔪᑦ ᑐᖅᑯᑦᑕᐅᕙᓪᓕᐊᔪᓪᓗ ᐱᔭᐅᔪᓐᓇᕆᐊᖃᕐᒪᑕ ᒥᕐᖑᐃᖅᓯᕐᕕᐅᑉ ᐃᖅᑲᓇᐃᔭᖅᑎᖏᓐᓄᑦ, ᑭᒡᓕᓯᓂᐊᖅᑎᓄᑦ, ᖃᓄᖅᑑᖅᑎᑦᑎᔨᓄᑦ, ᐃᓄᓕᒫᓄᓪᓗ. ᒥᕐᖑᐅᖅᓯᕕᖕᒧᑦ ᑐᖅᑯᑦᑕᐅᕙᓪᓕᐊᔪᑦ ᐃᖃᓗᖕᓃᒻᒪᑦ ᓄᓇᕗᒻᒥ ᒥᕐᖑᐃᖅᓯᕐᕕᓕᕆᔨᒃᑯᑦ ᐊᒡᓚᒡᕕᖓᓂ, ᑕᐃᑲᓂᓗ ᑐᖅᑯᖅᑕᐅᕙᓪᓕᐊᔪᑦ ᑐᓴᖅᑕᐅᕙᓪᓕᐊᔪᓪᓗ ᐊᐅᓚᑕᐅᓪᓗᑎᒃ ᓄᓇᕗᑦ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂ ᓴᖅᑭᑦᑐᑦ.

11.1.5.1 ᖃᓄᖅᑑᕈᑎᒧᑦ ᑐᕋᒐᐃᑦ

ᑐᓴᕈᑎᒃ ᐊᒻᒪᓗ ᓄᐊᑕᐅᓯᒪᔪᑦ ᑭᑯᑐᐃᓇᕐᓄᑦ ᐱᔭᐅᔪᓇᖃᑕᕐᓂᐊᑐᑦ ᐃᑲᔪᕐᑐᑕᐅᖁᓗᒍ ᐃᑦᑕᕐᓂᓴᓕᕆᓂᕐᒧᑦ ᑕᑯᑎᑦᑎᔾᔪᑏᑦ ᐱᖁᑎᖏᓐᓄᓪᓗ ᒥᕐᖑᐃᖅᓯᕕᒡᓗ ᓴᐳᔾᔭᐅᖏᓐᓇᑦᑎᐊᖁᓪᓗᒍ.

11.1.5.2 ᑐᕌᒐᕆᔭᕗᑦ
  1. ᑲᒪᒋᔭᐅᑦᑎᐊᖁᓪᓗᒋᑦ ᐊᔪᑎᖏᑦᑎᐊᕐᓗᑎᒃ ᑐᓴᖅᑕᐅᔪᓂᒃ ᑐᖅᑯᖅᑐᐃᔾᔪᑏᑦ ᓄᓇᐅᓪᓗ ᖃᓄᐃᓕᖓᓂᖓᓄᑦ ᑐᓴᖅᑕᐅᔾᔪᑎᓕᕆᔾᔪᑏᑦ.
  2. ᓄᐊᑕᐅᓗᑎᒃ ᐊᑐᓕᖅᑎᔾᔫᒥᒋᐊᕐᓗᒋᓪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᓄᓇᒦᖏᓐᓇᖅᑐᑦ ᐃᑦᑕᕐᓂᓴᖃᕐᕖᓪᓗ ᑐᓴᖅᑕᐅᔾᔪᑎᖏᑦ ᖃᓄᖅᑑᕈᑎᐅᓕᕈᓐᓇᖅᓯᑎᓪᓗᒋᑦ.
  3. ᐃᓄᓕᒫᑦ ᑐᑭᓯᐅᒪᓕᖅᑎᑉᐹᓪᓕᐊᓗᒋᑦ ᒥᕐᖑᐃᖅᓯᕐᕕᐅᑉ ᐱᖁᑎᖏᓐᓂᒃ ᑐᓴᖅᑕᐅᔪᓂᒡᓗ ᐊᑐᖅᑕᐅᓂᐊᖅᑎᓪᓗᒋᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐊᐅᓚᑦᑎᑦᑎᔾᔪᑎᒧᓪᓗ ᖃᓄᖅᑑᕈᑎᓂᒃ.
11.1.5.3 ᐱᒋᐊᖅᑎᑕᐅᓪᓗᐊᑕᕈᒪᔪᑦ
  1. ᑎᑎᕋᖅᓯᒪᔪᑦ ᓄᓇᒦᖏᓐᓇᖅᑐᑦ ᐃᑦᑕᕐᓂᓴᑐᖃᐃᓪᓗ ᐅᓂᒃᑳᖅᑕᐅᓯᒪᓂᖏᑦ ᑐᖅᑯᖅᑕᐅᕙᓪᓕᐊᖏᓐᓇᕐᓗᑎᒃ ᑎᑎᕋᖅᓯᒪᔪᓪᓗ ᐱᔾᔪᑎᓖᑦ ᐳᓛᖅᑏᑦ ᒥᕐᖑᐃᖅᓯᕐᕕᖕᒥᓪᓗ ᐊᑐᖅᑏᑦ ᖃᓄᐃᓐᓂᖏᑦ.
  2. ᖃᕆᑕᐅᔭᒃᑰᖓᓕᖅᑎᓪᓗᒋᑦ ᑎᑎᕋᖅᑕᐅᓯᒪᔪᑦ ᐱᖁᑏᑦ ᓇᓗᓇᐃᔭᖅᓯᒪᓂᖏᑦ ᖃᐅᔨᓴᖅᑕᐅᓂᖏᓪᓗ, ᐊᒻᒪᓗ ᐊᓯᖏᑦ ᐃᑦᑕᕐᓂᓴᓕᕆᓂᕐᒧᑦ ᐅᓂᒃᑳᑦ, ᐱᔭᐅᒃᑲᓐᓂᕈᓐᓇᓛᕐᒪᑕ ᐊᑐᖅᑕᐅᒃᑲᓐᓂᕈᓐᓇᕐᓗᑎᒡᓗ ᑭᒡᓕᓯᓂᐊᖅᑎᓂᒃ ᖃᓄᖅᑑᖅᑎᑦᑎᔨᓄᓪᓗ.
  3. ᐃᓄᐃᑦ ᓄᓇᓕᖕᒥᐅᓪᓗ ᖃᐅᔨᒪᔭᖏᑦ ᐊᒻᒪᓗ ᓄᓇᒦᖏᓐᓇᖅᑐᑦ ᐃᑦᑕᕐᓂᓴᐃᓪᓗ ᑎᑎᕋᖅᑕᐅᓯᒪᓂᖏᓐᓂᒃ ᐱᒋᐊᖅᑎᑦᑎᓗᓂ ᐱᔭᐅᔪᓐᓇᖅᓯᑎᑦᑎᓗᓂᓗ ᖃᕆᑕᐅᔭᒃᑯᑦ ᑐᖅᑯᑦᑕᐅᕕᖓᓂ.
  4. ᑐᓴᐅᒪᖃᑎᒌᒍᑎᒋᓗᒋᑦ ᐅᓂᒃᑳᑦ ᑐᖅᑯᖅᑕᐅᕙᓪᓕᐊᔪᓪᓗ ᐊᓯᖏᓐᓄᑦ.
  5. ᐱᕙᓪᓕᐊᑎᑦᑎᓗᓂ ᑎᑎᕋᖅᑕᐅᓯᒪᔪᑦ ᑐᖅᑯᑦᑕᐅᕙᓪᓕᐊᓂᖏᓐᓄᑦ ᑐᓴᒐᒃᓴᖑᖅᐸᓪᓕᐊᔪᒧᓪᓗ ᐸᕐᓇᐅᑎᒥᒃ.

11.2 ᐊᕙᑎᓕᕆᓂᕐᒧᑦ ᓯᕗᓕᖅᑎᐅᓂᖅ

ᓄᓇᕗᒻᒥ ᒥᕐᖑᐃᖅᓯᕐᕕᓕᕆᔩᑦ ᐊᕙᑎᓕᕆᓂᕐᒧᑦ ᐱᒋᐊᕈᑎᒃᓴᖓᑕ ᐸᕐᓇᐅᑎᖓ ᐱᔾᔪᑎᓪᓗᐊᑕᖃᖅᐳᖅ ᐅᑯᓂᖓ ᐃᓱᒫᓘᑎᐅᕙᒃᑐᓂᒃ: ᐅᖅᓱᐊᓗᐃᑦ ᖃᑦᑕᐅᔮᓗᖕᒦᑦᑐᑦ. ᓱᕈᖅᓯᒪᓂᓖᑦ ᓄᓇᐃᑦ, ᐊᒃᑕᑯᓕᕆᓃᑦ, ᐃᒪᕐᓂᒃ ᓱᕈᖅᓯᒪᔪᓕᕆᓃᑦ, ᐆᒻᒪᖅᑯᑎᓂᒃ ᐊᑐᓕᐊᖏᓐᓂᖅᓴᐅᓇᓱᖕᓃᑦ, ᐊᕙᑎᒧᓪᓗ ᓈᒻᒪᑦᑎᐊᓛᐅᔪᒥᒃ ᐊᑐᖅᑎᑦᑎᒋᐊᕐᓃᑦ. ᐊᕙᑎᓕᕆᓂᕐᒧᑦ ᓯᕗᓕᖅᑎᐅᓂᖅ ᖁᑦᑎᖕᓂᖅᐹᒥ ᐃᒪᓐᓇ ᖃᐅᔨᒪᔭᐅᔾᔪᑎᖃᓗᐊᕐᓂᐊᖅᑐᖅ ᓴᖅᑭᑕᐅᔪᓂᒃ:

ᖃᓄᐃᓕᓂᕆᔭᖏᑕ ᖃᐅᔨᓴᑕᐅᖃᑕᕐᓂᖏᑦ ᖃᐅᔨᔭᐅᓂᐊᕋᓱᒋᔭᐅᔪᑦ
ᖃᔅᓯᐅᕙᑦ ᓴᕈᖅᓯᒪᓂᓖᑦ ᓄᓇᐃᑦ ᐃᓕᖅᑯᓯᖓᓄᑦ ᐋᖅᑭᒋᐊᖅᓯᒪᓕᖅᑐᑦ ᐊᓯᖏᓪᓗ ᓱᕈᖅᓯᒪᓂᓖᑦ ᓴᓗᒻᒪᖅᓴᖅᑕᐅᓯᒪᓕᖅᑐᑦ. ᓱᕈᖅᓯᒪᔪᑦ ᓄᓇᐃ ᑕᐃᑯᕆ ᓯᒡᔭᕆᒃᑐᕐᒥ, ᑕᓰᐊᓗᒥ ᐱᒋᐊᕐᕕᖕᒥᓪᓗ ᓱᓗᒪᓴᑕᐅᓯᒪᓕᕐᑐᑦ.
ᖃᔅᓯᐅᕙᑦ ᐃᖏᕐᕋᔾᔪᑏᑦ/ᖃᓄᑎᒋᓗ ᐊᑐᖅᑕᐅᖃᑦᑕᖅᐸᑦ ᐃᖏᕐᕋᔾᔪᑏᑦ ᒥᕐᖑᐃᖅᓯᕐᕕᓕᕆᓂᕐᒧᑦ. ᐅᓄᖅᓯᒋᐊᖏᑦᑐᑦ ᖃᔅᓯᐅᓂᖏᑦ/ᖃᓄᑎᒋᓗ ᐃᖏᕐᕋᔾᔪᑏᑦ ᐊᑐᖅᑕᐅᓂᖏᑦ ᒥᕐᖑᐃᖅᓯᕐᕕᓕᕆᓂᕐᒧᑦ.
ᐆᒻᒪᖅᑯᑎᖃᓕᕐᓂᖅ ᐅᖅᓱᐊᓗᖕᓂ ᑭᓂᖅᑐᓂᒡᓗ ᐊᑐᖏᓐᓂᖅᓴᐅᔪᓂᒃ (ᓯᕿᓂᕐᒧᑦ/ᐊᓄᕆᒧᓪᓗ ᐆᒻᒪᖅᑯᑏᑦ) ᑲᒪᒋᑦᑎᐊᖏᓐᓇᕐᓗᒍ ᐆᒻᒪᖅᑯᑎᑖᕈᓐᓇᕐᓂᖅ ᓯᕿᓂᕐᒥᒃ/ᐊᓄᕆᒥᒃ ᐆᒻᒪᖅᑯᑎᑖᖑᔪᓐᓇᖅᑐᑦ ᒥᕐᖑᐃᖅᓯᕐᕕᖕᒥ ᐱᔭᕆᐊᓕᖕᓄᑦ.
ᑐᒥᖃᕐᓃᑦ ᑕᐃᑯᕆ ᓯᒡᔭᕆᒃᑐᕐᒥ, ᑕᓰᐊᓗᖕᒥ ᐊᒻᒪᓗ ᐱᒋᐊᕐᕕᖕᒥ ᑕᖕᒫᕐᕖᑦ. ᑕᖕᒫᕐᕕᖕᓂ ᐊᔪᕐᓇᖏᓐᓂᓕᒫᖓᓂᒃ ᑐᒥᑖᖅᑎᓗᐊᖅᑕᐅᓕᒪᐃᓐᓇᕐᓗᒍ.

12.0 ᒥᕐᖑᐃᖅᓯᕐᕕᒃ ᑭᒡᓕᓕᐅᖅᑕᐅᓯᒪᓂᖓ

ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᑭᒡᓕᓕᐅᖅᑕᐅᓯᒪᓂᖓ ᓇᓗᓇᐃᖅᓯᔾᔪᑎᐅᔪᖅ ᒪᓕᒃᖢᒋᑦ ᓴᐳᔾᔭᐅᔭᕆᐊᓖᑦ ᐃᓱᒪᒋᓪᓗᒋᓪᓗ ᐱᓕᕆᕝᕕᐅᔪᓐᓇᕋᔭᖅᑐᑦ ᓄᓇᐃᑦ ᐳᓛᖅᑎᓄᑦ. ᑭᒡᓕᓕᐅᖅᓯᒪᓂᖅ ᑕᓪᓕᒪᓂᒃ ᐱᔾᔪᑎᖃᕐᒪᑦ ᓇᓗᓇᐃᖅᑕᐅᓯᒪᔪᑦ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ ᒪᓕᒍᑎᐅᓪᓗᑎᒃ ᐱᓇᓱᐊᖅᑕᐅᔪᑦ ᐊᐅᓚᑦᑎᓂᕐᒧᓪᓗ ᐊᑐᐊᒐᕐᒥ.ᑭᒡᓕᓕᐅᖅᓯᒪᔪᑦ I, II, ᐊᒻᒪᓗ III ᓇᓗᓇᐃᖅᑕᐅᓯᒪᔪᑦ ᖁᑦᑎᖕᓂᖅᐹᒥ. ᑭᒡᓕᓕᐅᕈᑎ ᓄᖅᑲᖅᑎᑦᑎᖏᑦᑐᖅ ᐊᖑᓇᓱᒡᕕᐅᔪᓐᓇᕐᓂᖓᓄᑦ ᐃᓄᖕᓄᑦ ᐊᑐᖅᑕᐅᖏᓐᓇᖅᑐᖅ ᒪᓕᒃᖢᒍ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ. ᑎᑎᕋᕐᕕᒃ 4, 5, ᐊᒻᒪᓗ 6 ᐅᖃᐅᓯᖃᖅᑐᖅ ᑭᒡᓕᓕᐅᖅᓯᒪᔪᓄᑦ ᐸᕐᓇᐅᑎ ᒥᕐᖑᐃᖅᓯᕐᕕᖏᒥ.

ᑕᐃᒪᐃᓂ ᑭᒡᓕᓕᐅᖅᓯᒪᔪᑦ, ᒥᕐᖑᐃᖅᓯᕐᕕᖕᒧᑦ ᐳᓛᖅᑏᑦ ᐊᑐᖅᑏᑦᓗ ᓂᕆᐅᒋᔭᐅᓂᐊᕐᑐᑦ ᑲᔪᓯᑎᓯᓂᐊᓂᖏᓂᒃ ᓱᓐᓂᓯᓗᐊᖏᓗᑎᒃ ᓄᓇᒦᑲᑕᖃᑦᑕᖁᔭᐅᓪᓗᑎᒃ, ᐃᓚᐅᓗᓂ; ᐱᓱᔪᒃᑏᑦ ᐅᖓᓯᒌᒃᑕᕐᓗᑎᒃ ᐱᓱᔪᖃᑦᑕᕆᐊᖃᕐᓃᑦ ᐃᒡᓕᓂᓕᐅᓗᐊᖁᓇᒋᑦ, ᓈᒻᒪᒃᑐᓂᓗ ᑭᓈᓗᖕᒥᖕᓂᒃ ᐃᒋᑦᑎᕙᒡᓗᑎᒃ ᐊᒪᓗ ᐆᒪᔪᓂᒃ ᐸᒡᕕᓴᐃᑦᑕᐃᓕᓗᑎᒃ. ᑮᓇᐅᔾᔭᒐᓲᑎᐅᓗᓂ ᐃᖃᓗᒐᓱᒋᐊᖃᖏᑦᑐᑦ ᓇᒥᑐᐃᓐᓇᖅ ᒥᕐᖑᐃᖅᓯᕐᕕᒥFootnote 57; ᕿᒥᕐᕈᔭᐅᑲᓐᓂᑐᐃᓐᓇᕆᐊᓕᒃ ᐃᖃᓗᖕᓂᒃ ᐱᐅᖅᓱᐊᑦᑎᐊᕐᓗᓂ ᐃᑲᓪᓕᐊᖅᑎᑦᑎᓂᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᕿᒥᕐᕈᔭᐅᓕᕐᓂᕈᓂ. ᐊᐅᓚᑦᑎᔾᔪᑏᑦ ᓇᓗᓇᐃᖅᑕᐅᓯᒪᔾᔪᑎᖏᑦ ᐱᔾᔪᑎᐅᔪᑦ ᑭᒡᓕᓕᐅᖅᓯᒪᔪᓄᑦ ᑎᑎᕋᖅᓯᒪᔪᒥ 4, 5, ᐊᒻᒪᓗ 6.

ᐅᖃᖅᓯᒪᖕᒪᑕᑦ ᑕᑯᑎᑦᑎᔾᔪᑎ 11ᒥ, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᐅᓇᑕᖅᑐᒃᓴᒃᑯᓪᓗ ᐱᓕᕆᖃᑎᒌᖏᓐᓇᕐᓂᐊᖅᑑᖅ ᐊᒃᑐᐃᖏᓐᓂᖅᓴᐅᖁᓪᓗᒋᑦ ᐋᖅᑭᐅᒪᑎᑦᑎᓂᖅᓴᐅᖁᓪᓗᒋᓪᓗ ᐊᒃᑐᐃᑐᐃᓐᓇᕆᐊᓕᖕᓂᒃ ᐅᓇᑕᖅᑐᒃᓴᒃᑯᑦ ᐱᓕᕆᑎᓪᓗᒋᑦ ᒥᕐᖑᐃᖅᓯᕐᕕᐅᑉ ᐊᓐᓇᐅᒪᕝᕕᖓᑕ ᑭᒡᒐᖅᑐᖅᑕᐅᖖᖓᓄᑦ ᐃᑦᑕᕐᓂᓴᖃᕐᕕᓄᓪᓘᓐᓃᑦ ᐊᒻᒪᓗ ᐅᓇᑕᖅᑐᒃᓴᒃᑯᑦ ᐱᔾᔪᑎᒋᔭᖏᑦ ᐱᓕᕆᔭᐅᑦᑎᐊᖁᓪᓗᒋᑦ. ᐅᓇᑕᖅᑐᒃᓴᓕᕆᔩᑦ ᐱᓕᕆᔪᓐᓇᖅᑐᑦ ᒥᕐᖑᐃᖅᓯᕐᕕᖕᒥ ᑲᓇᑕᒥ ᐊᑦᑕᕐᓈᕿᔪᖃᓕᕈᓂ. ᐃᓛᓐᓂᓪᓗ, ᐅᓇᑕᖅᑐᒃᓴᒃᑯᑦ ᐃᖏᕐᕋᔾᔪᑎᓂᒃ ᐊᑐᕈᓐᓇᖅᑎᑕᐅᔪᑦ ᑭᒡᓕᓕᐅᖅᓯᒪᓂᓕᒫᒥ ᒥᕐᖑᐃᖅᓯᕐᕕᖕᒥ ᑐᐊᕕᕐᓇᖅᑐᓕᕆᖏᓪᓗᑎᒃ ᓲᕐᓗ ᐅᓗᕆᐊᓇᖅᑐᓂᒃ ᑎᑭᑕᐅᑦᑕᐃᓕᖁᓪᓗᒍ ᐱᓕᕆᔾᔪᑎᖏᓐᓂᒃ. ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ ᐅᖃᐅᔾᔪᖅᑕᐅᔪᒪᓂᐊᖅᑐᑦ ᐱᓕᕆᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ ᖃᓄᖅ ᑕᒪᓐᓇ ᑐᐊᕕᕐᓇᖅᑐᓕᕆᖏᓪᓗᑎᒃ ᐱᓕᕆᓂᐅᖃᑦᑕᕐᓂᖅ ᐱᔾᔪᑎᒋᓪᓗᒍ ᐅᓇᑕᖅᑐᒃᓴᒃᑯᓐᓂ ᐱᓕᔨᕆᔭᐅᖃᑦᑕᖅᑐᖅ ᒥᕐᖑᐃᖅᓯᕐᕕᖕᒥ, ᐃᓚᐅᑎᓪᓗᒋᑦ ᐅᓗᕆᐊᓇᖅᑐᓂᒃ ᑎᑭᑕᐅᑦᑕᐃᓕᖁᓪᓗᒍ ᐱᓕᕆᓃᑦ.

12.1 ᑭᒡᓕᓕᐅᖅᓯᒪᔪᖅ 1: ᐸᖅᑭᔭᐅᑦᑎᐊᕆᐊᓕᒃ (ᒥᕐᖑᐃᖅᓯᕐᕕᐅᑉ ᐃᓚᖓ 9.75%)

ᑐᑭᖓ

ᑭᒡᓕᓕᐅᖅᓯᒪᔪᖅ I ᓄᓇᖓ ᓴᐳᔾᔭᐅᓯᒪᔭᕆᐊᖃᖅᐳᖅ ᐱᑕᖃᕐᓂᖓᓄᑦ ᐃᑲᔪᖅᑐᐃᓂᖓᓄᓪᓗ, ᓱᕋᑦᑎᑐᐃᓐᓇᕆᐊᓕᖕᓂᒃ, ᓄᖑᑐᐃᓐᓇᕆᐊᓕᖕᓂᒡᓘᓐᓃᑦ ᓄᓇᒦᖏᓐᓇᖅᑐᓂᒃ ᐃᑦᑕᕐᓂᓴᓂᒡᓘᓐᓃᑦ ᑕᑯᒥᓇᓛᖑᓂᖓᓘᓐᓃᑦ ᓄᓇᒦᖏᓐᓇᖅᑐᑦ ᒥᕐᖑᐃᖅᓯᕕᖕᒥ ᑭᒡᒐᖅᑐᐃᓪᓗᑎᒃ.

ᐃᖏᕐᕋᔾᔪᑎᒃᑰᕆᐊᖃᖏᑦᑐᑦ, ᑭᓯᐊᓂ ᐊᐅᓚᑕᐅᓂᖃᓪᓚᕆᒃᑐᓂᒃ ᐃᓯᖅᑎᑦᑎᔪᓐᓇᖅᑐᑦ ᑕᓯᐊᓘᑉ ᓄᓇᖓᓄᑦ. ᖃᖓᑕᓲᒃᑯᑦ ᑭᒡᓕᓕᐅᖅᓯᒪᔪᖅ I ᖃᖓᑕᓲᒃᑰᕈᓐᓇᐅᑎᖃᕆᐊᓖᑦ ᐊᖏᖅᑕᐅᓯᒪᓗᓂ ᐊᖓᔪᖅᑳᕆᔭᐅᔪᒧᑦ, ᑐᓴᕆᐊᖅᑳᓚᐅᖅᑎᓪᓗᒍ ᐱᓕᕆᖃᑎᒌᑦ ᒥᕐᖑᐃᖅᓯᕕᓕᕆᓂᕐᒧᑦ ᑲᑎᒪᔨᕋᓛᑦ ᐃᒃᓯᕙᐅᑕᖓᓄᑦ.

ᑎᓴᒪᐅᖕᒪᑕ ᑭᒡᓕᓕᐅᖅᓯᒪᔪᖅ I ᓄᓇᖓᓂ ᒥᕐᖑᐃᖅᓯᕐᕕᖕᒥ:

  • ᑕᓰᐊᓘᑉ ᓇᑎᕐᓇᖓ
  • ᓗᕗᐃᔅ ᑕᓯᖓ
  • ᑎᓕᐅᕈᑎᓕᒃ ᑕᓯᖅ
  • ᐃ’ᓗᕕᓂᕐᑕᓕᒃ

12.2 ᑭᒡᓕᓕᐅᖅᓯᒪᔪᖅ I I: ᓄᓇᐃᓐᓇᖅ ᐃᓄᖃᖏᑦᑐᖅ (ᒥᕐᖑᐃᖅᓯᕐᕕᐅᑉ ᐃᓚᖓᓂ 90.00%)

ᑐᑭᖓ

ᑭᒡᓕᓕᐅᖅᓯᒪᔪᖅ II ᓄᓇᖃᐅᕐᒪᑦ ᑭᒡᒐᖅᑐᐃᔨᐅᒻᒪᕆᒃᑐᒥᒃ ᓄᓇᑐᖃᐅᖏᓐᓇᕐᓂᖓᓂᒃ ᐱᐅᖅᓱᖅᑕᐅᓯᒪᐃᓐᓇᖅᑐᑦ ᓄᓇᑐᖃᐅᖏᓐᓇᕐᓂᖓᓄᑦ. ᑲᔪᓯᑎᑦᑏᓐᓇᕆᐊᖃᕐᓂᖅ ᐊᓐᓇᐅᒪᕝᕕᖓᓂᒃ ᐃᓄᖕᓄᑦ ᐸᒡᕕᓴᖅᑕᐅᓗᐊᖅᓯᒪᖏᓪᓗᓂ ᐃᓱᒪᒃᓴᖅᓯᐅᕈᑎᓪᓚᕆᐊᔭᕆᐊᓕᒃ. ᑭᒡᓕᓕᐅᖅᓯᒪᔪᖅ II ᐳᓛᕆᐊᖅᑎᓄᑦ ᑐᓂᓯᔨᐅᓂᐊᖅᑐᖅ ᓯᕗᓪᓕᖅᐹᑦᑎᐊᒥ ᑕᑯᑎᑦᑎᔭᕆᐊᕐᓗᓂ ᒥᕐᖑᐃᖅᓯᕕᐅᑉ ᐊᓐᓇᐅᒪᕝᕕᖓ ᒥᑭᑦᑐᒥᒃ ᐱᔭᕆᐊᓕᒃ, ᐱᔭᕆᐊᖃᕈᓂᓘᓐᓃᑦ, ᐱᔨᑦᑎᕋᕐᕕᖕᒥ ᐱᓕᕆᕕᒃᓴᓂᒡᓗ. ᑕᐃᑲᓂ ᑭᒡᓕᓕᐅᖅᓯᒪᔪᖅ II ᓄᓇᖓᓂ, ᐳᓛᕆᐊᖅᑐᑦ ᐃᓄᖃᖏᑦᑐᒥᒃ ᑕᑯᓂᐊᕐᒪᑕ ᓴᐃᓕᓇᑦᑎᐊᖅᑐᒥᒡᓗ. ᐃᖏᕐᕋᔾᔪᑏᑦ ᐳᓛᖅᑎᓄᑦ ᐊᑐᖅᑕᐅᔪᑦ ᐊᑐᖅᑕᐅᔭᕆᐊᖃᙱᓚᑦ ᑭᓯᐊᓂ ᐊᐅᓚᑕᐅᔪᒻᒪᕆᒃᑯᑦ ᖃᖓᑕᓲᒃᑰᕈᓐᓇᕐᓂᕋᖅᑕᐅᓯᒪᒍᑎᒃ ᐃᓄᖃᖏᓐᓂᕐᒥᒃ.

ᐊᐅᓚᑕᐅᔪᓐᓇᕐᓗᓂ ᖃᖓᑕᓲᒃᑰᕈᓐᓇᕐᓂᖅ ᐱᔪᓐᓇᖅᑎᑕᐅᕗᖅ ᑭᓯᐊᓂ ᐱᔪᓐᓇᐅᑎᖃᑦᑎᐊᕐᓂᕈᓂ ᐊᖏᖅᑕᐅᓯᒪᓗᓂ ᐊᖓᔪᖅᑳᒧᑦ. ᒥᕐᖑᐃᖅᓯᕕᓕᕆᓂᕐᒧᑦ ᐊᐅᓚᑦᑎᓃᑦ ᑭᒡᓕᓯᓂᐊᕐᓂᕐᒧᓪᓘᓐᓃᑦ, ᓯᑭᑑᑦ ᐊᑐᖅᑕᐅᓂᖏᑦ ᐱᔪᓐᓇᖅᑎᑕᐅᓂᐊᖅᑐᑦ. ᑭᒡᓕᓯᓂᐊᕐᓂᖅ ᐊᖏᖅᑕᐅᔾᔪᑎᒃᓴᒥᒃ ᑐᒃᓯᕋᖅᑳᕆᐊᖃᖅᐳᑦ ᐃᖏᕐᕋᔾᔪᑎᓂᒃ ᐊᑐᕐᓂᐊᖅᑎᓪᓗᒋᑦ ᑭᒡᓕᓯᓂᐊᖅᑐᓕᕆᓂᕐᒧᑦ ᖃᐅᔨᓴᐃᔾᔪᑎᒃᓴᒥᑦ ᓄᐊᑦᑎᔾᔪᑎᒃᓴᓂᒡᓗ ᑐᒃᓯᕋᖅᑎᓪᓗᒋᑦ, ᕿᒥᕐᕈᔭᐅᕙᒃᑐᑦ ᐱᓕᕆᖃᑎᒌᑦ ᒥᕐᖑᐃᖅᓯᕕᓕᕆᓂᕐᒧᑦ ᑲᑎᒪᔨᕋᓛᖏᓐᓂᒃ ᐊᖏᖅᑕᐅᓚᐅᖏᑎᓪᓗᒍ ᐊᖓᔪᖅᑳᒧᑦ. ᐃᖏᕐᕋᔾᔪᑎᓕᒫᑦ ᐊᓯᖏᑦ ᐱᔪᓐᓇᖅᑎᑕᐅᖏᖕᑦᑐᒃ, ᑭᓯᐊᓂ ᐊᐅᓚᑕᐅᔾᔪᑎᖃᒻᒪᕆᒃᑐᒥᒃ ᐃᓯᕈᓐᓇᐅᑎᖃᕈᑎᒃ.

ᑭᒡᓕᓕᐅᖅᓯᒪᔪᖅ II ᓄᓇᖓ ᑕᕝᕙᓂ ᐸᕐᓇᐅᑎᒥ ᐱᔾᔪᑎᖃᖅᐳᖅ ᒥᕐᖑᐃᖅᓯᕐᕕᐅᑉ ᓄᓇᓕᒫᖓᓂ ᑭᓯᐊᓂ ᓇᓗᓇᐃᖅᑕᐅᓯᒪᖏᒃᑯᓂ ᑭᒡᓕᓕᐅᖅᓯᒪᔪᖅ I ᓄᓇᖓᓂ ᐅᕝᕙᓘᓐᓃᑦ ᑭᒡᓕᓕᐅᖅᓯᒪᔪᖅ III ᓄᓇᖓᓂ.

ᑭᒡᓕᓕᐅᖅᓯᒪᔪᖅ III: ᐊᕙᑎᑐᖃᖅ (ᒥᕐᖑᐃᖅᓯᕐᕕᐅᑉ ᐃᓚᖓᓂ 0.25%)

ᑐᑭᖓ

ᑕᕝᕙᓂ ᑭᒡᓕᓕᐅᖅᓯᒪᔪᖅ III, ᐳᓛᖅᑏᑦ ᖃᐅᔨᔪᓐᓴᖅᑐᑦ ᒥᕐᖑᐃᖅᓯᕕᐅᑉ ᓄᓇᑐᖃᖓᑕ ᐱᖅᑯᓯᖃᕐᕕᐅᓪᓗ ᐃᓕᖅᑯᓯᖓᓂ ᑭᐱᙳᐃᔭᐅᑎᓕᕆᓂᒃᑯᑦ ᐱᔨᑦᑎᕋᖅᑎᒃᑰᕆᐊᓖᑦ ᐱᓕᕆᕝᕕᖃᕐᕕᒃᑰᕆᐊᓖᑦ. ᐃᓯᕐᕕᐅᔪᓐᓇᖏᑦᑐᖅ ᐃᖏᕐᕋᔾᔪᑎᒃᑯᒃ ᑭᓯᐊᓂ ᐱᔪᓐᓇᐅᑎᖃᖅᑎᑕᐅᑦᑎᐊᕈᑎᒃ.

ᑎᓴᒪᐅᔪᑦ ᑭᒡᓕᓕᐅᖅᓯᒪᔪᖅ III ᓄᓇᖓᓂ ᒥᕐᖑᐃᖅᓯᕐᕕᖕᒥ ᐅᑯᐊ:

  • ᑕᐃᑯᕆᐅᑉ ᓯᔭᕆᑑᑉ ᐸᓕᓯᖑᐊᖃᕕᖓᑕ ᑐᖃᑕᕐᕕᖓ
  • ᑕᐃᑯᕆᐅᑉ ᓯᔭᕆᑐᖓ (ᑕᕆᐅᐸᓯᖓᓂᑐᑦ)
  • ᑕᓰᐊᓘᑉ ᐸᓕᓯᖑᐊᖃᕕᖓᑕ ᑐᖃᑕᕐᕕᖓ
  • ᐱᒋᐊᕐᕕᐅ ᑕᖕᒫᕐᕕᖓ

ᐃᖏᕐᕋᔾᔪᑎᒃᑰᖅᑐᑦ ᐱᔪᓐᓇᖅᑎᑕᐅᔪᑦ ᑭᒡᓕᓕᐅᖅᓯᒪᔪᖅ III ᓄᓇᖓᓂ ᐱᓕᕆᔭᐅᓂᐊᖅᑐᑦ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔾᔪᑎᖃᕐᓗᑎᒃ (ᓇᖕᒥᓂᖃᕐᓂᕐᒧᑦ ᓚᐃᓴᓯᑖᖅᓯᒪᓗᑎᒃ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂ), ᑭᒡᓕᓯᓂᐊᖅᑎᓂᒃ (ᐊᑕᕐᓗᑎᒃ ᑭᒡᓕᓯᓂᐊᖅᑐᓕᕆᓂᕐᒧᑦ ᓄᐊᑦᑏᕙᓪᓕᐊᓂᕐᒧᓪᓗ ᐱᔪᓐᓇᑎᒥᒃ ᐱᔭᐅᓯᒪᔪᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂᒃ), ᐅᓇᑕᖅᑐᒃᓴᒃᑯᓐᓂ (ᐊᑐᕐᓗᑎᒃ ᑐᑭᓯᐊᒪᖃᑎᒌᒍᑎᒥᒃ ᐱᔭᐅᓯᒪᓪᓗᓂ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂ), ᓯᓚᕐᔪᐊᓪᓗ ᑐᓄᕕᐊᑕ ᑲᔾᔨᖓᓂ ᖃᐅᔨᓴᖅᑐᓕᕆᔨᓂᒃ (ᐊᑐᕐᓗᑎᒃ ᑐᑭᓯᐊᒪᖃᑎᒌᒍᑎᒥᒃ ᐱᔭᐅᓯᒪᓗᓂ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓂ). ᐅᖃᖅᓯᒪᖏᑦᑐᓂᒃ ᓇᖕᒥᓃᕿᔪᓂᒃ ᐃᖏᕐᕋᔾᔪᑎᒃᑰᖅᑐᖃᕆᐊᖃᖏᑦᑐᑦ.

ᑕᑯᑎᑦᑎᔾᔪᑎ 14. ᑭᒡᓕᓕᐅᖅᓯᒪᔪᒧᑦ ᐸᕐᓇᐅᑎ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ

ᑎᑎᕋᕐᕕᒃ 4. ᑭᒡᓕᓕᐅᖅᓯᒪᔪᖅ I ᓄᓇᖓ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ
ᑕᓯᐊᓘᑉ ᓇᑎᓇᖓ: ᑭᒡᓕᓕᐅᖅᓯᒪᔪᖅ I (3,657.12 ᑭᓛᒥᑕ ᐊᖏᓂᖓ ᐅᕙᓗᓂᑦ ᒥᖑᐃᓯᕐᕕᐅᑉ 9.68% ᐃᓚᖓ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᓯᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᐃᓕᓴᕆᐅᒪᔭᐅᔪᖅ ᓄᓇᑐᖄᓗᖏᓐᓇᕐᓂᖓ ᐊᕐᕌᒍ 100 ᐅᖓᑖᓄᑦ.
  • ᐊᔾᔨᒌᖏᕈᓘᔭᖅᑐᓂᒃ ᐱᕈᖅᑐᖃᐅᖅᑐᖅ ᐆᒪᔪᖃᐅᖅᑐᖅ. ᐅᑭᐅᖅᑕᖅᑑᑉ ᖁᑦᑎᒃᑐᖓᓂ ᑎᓴᒪᒋᔭᐅᔪᖅ ᒪᕐᕉᖕᓂᒃ ᐃᓚᒋᔭᐅᔪᖅ ᓴᐳᔾᔭᐅᓯᒪᓂᖓᓂᒃ ᓇᓗᓇᐃᖅᑕᐅᓯᒪᔪᓂᒃ.
  • ᐱᑕᖃᓛᖑᖃᑕᐅᔪᖅ ᐸᓪᓕ ᐃᓄᐃ ᐃᑕᓂᓴᖃᕕᖏᑦ ᐅᐊᓇᖓᓂ ᑲᓇᑕᐅᑉ (ᓯᔭᖏᓂ ᕕᐊᕆ ᑰᒃ, ᕋᑯᓪᔅ ᑰᒃ, ᑕᓰᐊᓗᒃᒥᓗ).
  • ᑕᓯᐊᓗᒃ ᐊᖏᓛᖑᖃᑕᐅᔪᖅ ᑕᓯᓕᒫᓂ ᐅᐊᓇᖓᓂ ᐅᑭᐅᑕᕐᑑᑉ ᑭᓕᖓᑕ.
  • ᐃᓕᓐᓂᐊᖅᑎᑦᑎᔾᔪᑎᐅᓗᓂ ᐳᓛᖅᑐᓄᑦ, ᒥᕐᖑᐃᖅᓯᕐᕕᖕᒥ ᐃᖅᑲᓇᐃᔭᖅᑎᓄᑦ, ᑭᒡᓕᓯᓂᐊᖅᑎᓄᑦ ᐊᓯᖏᓐᓄᓪᓗ ᐊᑐᖅᑎᓄᑦ ᓴᐳᔾᔭᐃᖏᓐᓇᕆᐊᖁᓪᓗᒋᑦ ᐃᑦᑕᕐᓂᓴᖃᕐᕕᖕᓂ.
  • ᑕᖕᒫᑐᖃᕆᐊᖃᖏᑦᑐᖅ 1 ᑭᓚᒦᑐ ᐅᖓᓯᖕᓂᖓᓂᒃ ᑕᓯᐊᓘᑉ ᐅᐊᖕᓇᖓᓂ ᐃᑦᑕᕐᓂᓴᖃᐅᕐᓂᖓᓄᑦ ᑕᐃᑲᓂ ᓱᕋᒃᑐᖃᑐᐃᓐᓇᕆᐊᖃᕋᓱᒋᔭᐅᖕᒪᑦ.
  • ᑕᐅᑐᖕᓂᖃᕆᐊᓖᑦ ᑭᒡᓕᓯᓂᐊᖅᑐᑦ ᐊᓐᓇᐅᒪᕝᕕᐅᑉ ᐋᖅᑭᒃᓯᒪᓂᖓ ᐃᓕᖅᑯᓯᖓᓗ.
  • ᑮᓇᐅᔭᓕᐅᕈᑎᐅᓗᓂ ᐃᖃᓪᓕᐊᕐᕕᐅᔭᕆᐊᖃᖏᑦᑐᖅ (ᒥᕐᖑᐃᖅᓯᕐᕕᓕᒫᒥ ᑕᐃᒪᐃᑦᑐᖅ)
  • ᒥᕐᖑᐃᖅᓯᕐᕕᒃ ᐊᐅᓚᑕᐅᓂᖓᓄᑦ ᑭᒡᓕᓯᓂᐊᕐᕕᐅᓂᖓᓄᓪᓘᓐᓃᑦ ᐊᐅᓚᑕᐅᔪᒥᒃ ᓯᑭᑑᒃᑯᑦ ᐊᑐᖅᑕᐅᔪᓐᓇᖅᑐᖅ ᐅᒥᐊᒃᑯᓪᓗ ᐊᐅᓚᐅᑎᓖᑦ ᐊᑐᖅᑕᐅᔪᓐᓇᕐᒥᔪᑦ ᑕᓯᐊᓗᖕᒥ, ᐊᐅᓚᑕᐅᔪᒥᒡᓗ ᖃᖓᑕᓲᒃᑯᑦ ᐃᓯᖅᑕᐅᔪᓐᓇᕐᒥᔪᖅ. ᐅᓇᑕᖅᑐᒃᓴᒃᑯᑦ ᓯᑭᑑᕐᓂᒃ ᐊᑐᕈᓐᓇᖅᑐᑦ. ᑭᒡᓕᓯᓂᐊᖅᑏᑦ ᐃᖏᕐᕋᔾᔪᑎᓂᒃ ᐊᑐᕈᒪᓂᐊᕈᑎᒃ ᑐᒃᓯᕋᐅᑎᒋᓯᒪᔭᕇᕆᐊᖃᖅᑕᖓ ᑭᒡᓕᓯᓂᐊᕐᓂᕐᒧᑦ ᓄᐊᑦᑎᕙᓪᓕᐊᓂᕐᒧᓪᓗ ᑐᒃᓯᕋᐅᑎᑖᕋᓱᒃᑎᓪᓗᒋᑦ, ᕿᒥᕐᕈᔭᐅᕙᒃᑐᑦ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᓐᓂᒃ ᐊᖏᖅᑕᐅᓚᐅᖏᑎᓪᓗᒋᑦ ᐊᖓᔪᖅᑳᕆᔭᐅᔪᒧᑦ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐅᖃᐅᔾᔪᖅᑕᐅᔪᒪᓂᐊᖅᑐᑦ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ ᑐᐊᕕᕐᓇᖅᑐᓕᕆᙱᑎᓪᓗᒋᑦ ᐃᖏᕐᕋᔪᒃᑰᕈᓐᓇᐅᑎᑦ ᒥᕐᖑᐃᖅᓯᕐᕕᖕᒥ ᐅᓇᑕᖅᑐᒃᓴᒃᑯᓐᓄᑦ.
  • ᐊᒥᓱᐃᑦ ᐱᓱᕖᑦ ᐊᖁᑏᑦ ᑕᐃᑯᕆ ᓯᒡᔭᕆᒃᑐᕐᒥᑦ ᑕᓰᐊᓗᒧᑦ (8-10ᓄᑦ ᐅᓗᕐᓄᑦ) ᑕᓯᐊᓗᒥᓗ ᐃᒡᓗᐊᕕᕕᓂᕐᒧᑦ (8-12ᓄᑦ ᐅᓪᓗᕐᓄᑦ).
  • ᓇᓗᓇᐃᑯᓯᓯᒪᖏᑐᑦ ᐊᖁᑏᑦ ᐃᓕᓂᖃᖏᓗᑎᒃ ᐅᑭᐅᑕᕐᑑᑉ ᐃᓄᖃᖏᓂᖓᓂ, ᐊᒥᓱᐃ ᐃᑲᕐᕖᑦ ᑰᒃᓂᒃ ᓯᕐᒥᐅᓗᓄᕐᓇᕐᑐᓂᒃ. ᓄᑕᐅᖏᑐᔪᐊᕋᓗᐃᑦ ᐃᑕᕐᓂᓴᖃᕖᑦ ᑕᑯᔭᒃᓴᐃᑦ.
  • ᑕᓰᐊᓗᒥᑦ ᐃᒡᓗᖃᕕᕕᓂᒧᑦ, ᐳᓛᕐᑏᑦ ᐱᕕᖃᑐᑦ ᑐᑭᒥᕕᓂᖏᑦ ᐊᑐᕈᓇᕐᑐᑦ ᐅᑭᐅᑕᕐᑐᕐᒥ ᓇᕈᓇᒃᑎᕕᓂᕐᓂᒃ.
ᑭᒡᓕᓕᐅᖅᑕᐅᓯᒪᔾᔪᑎᖓ
ᑎᓕᐅᕈᑎᓕᐅᑉ ᑕᓯᖓᑕ ᐃᑦᑕᕐᓂᓴᖃᕐᕕᒃ: ᑭᒡᓕᓕᐅᖅᓯᒪᔪᖅ I (1.5 ᑭᓚᒥᑕᓂᒃ ᐊᖏᓂᓕᒃ 1% ᒥᕐᖑᐃᖅᓯᕐᕕᐅᓪᓘᓐᓃᑦ ᐃᓚᖓᓂ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᖁᑎᒃᑑᑉ ᐃᑕᓂᓴᖃᕕᖓᓂ ᑭᒡᒐᖅᑐᐃᔾᔪᑎ.
  • ᒪᕐᕉᖕᓂᒃ ᐊᔾᔨᒌᖏᑦᑐᓂᒃ ᒥᑭᒋᐊᖃᕐᕕᒃ ᑎᕆᒐᓂᐊᕐᓄᑦ, ᕿᖕᓂᖃᕐᕕᕕᓃᓪᓗ, ᐊᖑᓇᓱᒡᕖᓪᓗ ᓯᕗᓪᓕᕕᓂᖃᖅᑐᖅ I ᓄᓇᖓ.
  • ᐅᓄᖅᑐᓂᒃ ᐃᑦᑕᕐᓂᓴᖃᐅᖅᑐᖅ ᓄᓇᒥ ᓄᓇᖓᓃᑦᑐᓂᒃ.
  • ᓇᖕᒥᓃᕿᓗᑎᒃ ᑐᑭᓯᕚᓪᓕᕈᑎᒃᓴᒥᒃ ᐱᓱᔪᒡᕕᐅᔪᓐᓇᖅᑐᖅ ᐳᓛᖅᑎᓄᑦ ᐊᑐᖅᑎᓄᓪᓗ, ᑐᑭᓯᕚᓪᓕᕈᑏᑦ ᑕᑯᒃᓴᐅᔪᑦ ᓄᓇᐅᑉ ᐋᖅᑭᒃᓯᒪᓂᖓᓂ ᓱᕋᒃᑕᐅᑐᐃᓐᓇᕆᐊᖃᕐᓂᕐᒥᒡᓗ.
  • ᑕᖕᒫᕐᕕᐅᔭᕆᐊᖃᖏᑐᖅ ᑕᒫᓂ.
  • ᓇᐅᑦᑎᖅᓱᖅᑕᐅᖏᓐᓇᕐᓗᑎᒃ ᑲᔪᓰᓇᕐᓗᑎᒃ ᐃᑕᕐᓂᓴᐅᔪᑦ.
  • ᐅᓗᐃᓇᖅ ᑕᕙᓂᒍᓇᕐᑎᑕᐅᔪᑦ ᑕᐃᑯᕆ ᓯᔭᕆᑐᕐᒥᑦ ᐊᔪᑎᑕᐅᖏᑐᑦ.
  • ᐳᓛᕐᑏᑦ ᐊᒻᒪᓗ ᐊᑐᕐᑏᑦ ᐱᑎᑕᐅᒋᐊᓖ ᖃᓄᐃᑐᓂᖏᓂᒃ ᐅᓂᑳᕐᓯᒪᔪᓂ ᑕᓯᓕᐊᓚᐅᖏᓐᓂᖏᓐᓂᑦ.
  • ᐊᕿᑕᐅᔭᕆᐸᑦ, ᐳᕝᓚᕐᑎᓕᒫᑦ ᐊᑐᕐᑎᓕᒫᓗ ᑐᓴᕈᑎᓂ ᐱᑎᑕᐅᓂᐊᕐᑐᑦ ᐃᒥᓂᕿᓗᑎᒃ ᐱᓱᔪᒍᓇᕐᑐᑦ ᓇᒥᓂᓗ ᑐᑭᓯᔭᒥᓂ ᕿᒥᕈᓗᑎᒃ.
ᓘᐃᔅ ᑕᓯᖓ: ᑭᒡᓕᓕᐅᖅᓯᒪᔪᖅ I (52.65 ᑭᓛᒥᑕ ᐊᖏᓂᓕᒃ ᐅᕙᓗᓃᑦ ᒥᕐᖑᐃᖅᓯᕐᕕᐅᑉ ᐃᓚᖓᓂ 1% ᒥᑭᓐᓂᖅᓴᖅ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᓴᐳᔭᐅᓯᒪᓂᖓ ᐊᒪᕈᐃᑦ ᑕᒪᓂ ᓄᓇᖓᓂᑐᑦ; ᐊᓂᒍᑐᓂ ᐸᕕᓵᕐᑕᐅᖃᑕᕐᓂᖏᑦ, ᐱᒪᕆᐅᓂᖏᑦ ᐊᒪᕈᕐᓄᑦ ᑎᓯᖃᕐᕕᐅᓂᖓ ᐊᕐᕌᒎᑉ ᐃᓗᐊᓂ ᐊᒪᕈᐃᑦ ᐅᓄᕐᓂᖏᓐᓄᑦ, ᑎᓯᖃᕐᕕᐅᖏᓐᓇᕐᓂᖓᑕᓗ ᖃᐅᔨᒪᔭᐅᓂᖓ ᐊᕐᕌᒍᐊᓗᖕᓄᑦ ᑕᐅᓴᑎᖏᓐᓃᑦᑐᓄᑦ.
  • ᑕᖕᒫᑐᖃᕆᐊᖃᖏᑐᖅ ᑕᕙᓂ ᓄᓇᖓᓂ, 3 ᑭᓚᒥᑕᒧᑦ ᐅᖓᓯᓂᓕᒃ ᓯᒃᔭᕐᐸᓯᐊᓂ ᓗᕗᐃᔅ ᑕᓯᐅᑉ ᖃᓂᒋᔭᓕᒫᖓᓂ.
  • ᐃᓕᓂᐊᕐᑎᑕᐅᖃᑕᕐᓂᐊᕐᑐᑦ ᐳᓛᕆᐊᖅᑐᑦ ᐅᖃᐅᓯᖃᓗᑎᒃ ᐱᒪᕆᐅᓂᖓᓂᒃ ᑕᒪᑐᒪ ᐊᕙᑎᐅᑉ ᐅᑭᐅᖅᑕᖅᑐᖓᑕ ᐊᒪᕈᖏᓐᓄᑦ ᐊᒻᒪᓗ ᖃᓄᐃᓕᐅᕆᐊᖃᒪᖔᑕ ᑖᒃᑯᐊ ᐊᒪᕈᐃᑦ ᓴᐳᑎᔭᐅᓯᒪᑦᑎᐊᖁᓪᓗᒋᑦ.
  • ᐊᑕᖏᐸᓗᒃᖢᓂ ᐅᓗᓂ ᐊᒥᓱᓂ ᐱᓱᓗᑎᒃ ᐃᒡᓕᓂᓕᒃ ᑕᐃᑯᕆ ᓯᔭᕆᑐᕐᒥ ᑕᓰᐊᓗᒧᑦ ᐳᓛᕐᑏᑦ ᓗᕗᐃᕝ ᑕᓯᖓᓂ ᐊᖁᓵᕐᓗᑎᒃ ᑭᓯᐊᓂ.
ᐃᓘᖃᕕᕕᓂᓕ: ᑭᒡᓕᓕᐅᖅᓯᒪᔪᖅ I (29.83 ᑭᓚᒥᑕ ᐊᖏᓂᖓ ᐅᕙᓗᓃᑦ 1% ᐊᑖᓂ ᒥᕐᖑᐃᖅᓯᕐᕕᐅᑉ ᐃᓚᖓᓂ)
ᑕᓇ ᑭᒡᓕᓕᐅᖅᓯᒪᔪᖅ I ᓄᓇᖓ ᐃᓗᓕᖓ ᐃᓚᐅᔪᑦ ᐃᒡᓗᖃᕕᕕᓂᖅ ᑎᔅᑲᕗᕆ ᑲᖏᓱᑯᑖᖓ ᑕᐃᑲᓂ ᐃᒡᓗᐃᑦ ᐃᑕᓂᓴᐃᓗ ᐱᖁᑎᕕᓃᑦ ᑕᐃᑲᓂᑐᑦ. ᐃᓚᐅᖏᑐᖅ ᒥᑕᕐᕕᒃ ᐃᒪᖃ 1 ᑭᓚᒥᑕᒥᒃ ᐅᖓᓯᓂᓕᒃ ᐅᐊᓇᖓᓂ ᐊᑭᓇᐸᓯᐊᓂ ᐃᓘᐃᑦ.
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᐃᑕᓂᕐᓴᐃᑦ ᐃᒡᓗᐃᓗ ᐃᒡᓗᖃᕕᕕᓂᕐᒥ ᑕᑯᓴᕈᑎᓯᔪᑦ ᐳᕆᑎᔅᒥᐅᓗ ᒥᐊᓕᒐᒥᐅᓗ ᐃᖏᕋᖃᑕᓂᖏᓂᒃ ᖁᑎᑐᕐᒥ.
  • ᐃᓕᓴᕆᐅᒪᔭᐅᓂᖓ ᖁᕕᐊᓱᒍᑕᐅᓗᓂ ᓯᓚᔪᐊᕐᒥ ᓯᓚᔪᐊ ᑲᔨᖓᓂ ᐊᕋᒍᖓ (1882- 1883) ᑕᕙᓂ ᓇᓗᓇᐃᓯᔪᖅ ᖁᕕᐊᓱᒍᑕᐅᓚᐳᑐᑦ ᐃᒡᓗᖃᕕᕕᓂᕐᒥ ᑲᓇᑕᓕᒫᕐᒧᑦ ᐱᒪᕆᐅᑎᑕᐅᓚᐅᑐᖅ.
  • ᐃᒡᓗᐃᑦ ᑕᕙᓂ ᐃᓕᓴᕆᐅᒪᔭᐅᓕᑐᑦ “ᐃᓕᑯᕐᑐᑦ” ᕕᑐᕈ ᑭᖑᕙᕆᔭᐅᔪᑦ ᐃᓗᖁᑎᖏᑕ ᖃᐅᔨᓴᑎᖏᑕ ᑎᑎᕋᕕᖓᓄᑦ.
  • ᑕᓇ ᓄᓇ ᐱᑐᐃᓇᐅᖏᑐᕐᒥ ᐅᓂᑲᓴᓕᑦ ᐃᓄᓄ ᐃᑲᔪᑕᐅᓂᖏᓄᑦ ᐅᑭᐅᑕᕐᑐᕐᒥ ᓇᕈᓇᒃᑏᑦ ᖃᓄᐃᓚᐅᖏᑐᑦ.
  • ᖃᓄᐃᓕᖓᓂᕆᔭᖓ ᐃᒡᓗᖃᕕᕕᓂᐅᑉ ᓱᓂᖅᑕᐅᓴᕋᐃᑐᖅ ᐊᒻᒪᓗ ᓴᐳᑎᔭᐅᓯᒪᔪᓐᓇᓂᓕᒫᖓᓂ ᓴᐳᑎᔭᐅᓯᒪᔭᕆᐊᓕᒃ. ᐃᓱᒫᓗᓇᕐᑐᕐᒥ ᐱᑕᖃᒪᑦ ᐱᔾᔪᑎᓕᖕᒥᒃ ᑎᒡᓕᕕᐅᖃᑕᕐᓂᖓ/ᑎᒍᓚᔭᐅᖃᑕᓂᖏᑦ ᐃᑦᑕᕐᓂᓴᑐᖃᐃᑦ ᐱᖁᑏᑦ ᑕᐃᑲᓐᖓᑦ ᐃᒡᓗᖃᕕᕕᓂᕐᒥᑦ.
  • ᓴᐳᑎᓗᒋᑦ ᐃᓄᐃᑦ ᐱᖁᑎᑐᖃᕕᓂᖕᑦ ᖃᓂᒋᔭᖓᓂ ᐃᒡᓗᖃᕕᕕᓃᑦ.
  • ᒥᖑᐃᓯᕕᒥ ᑲᓇᑕᒥ ᐃᖃᓇᐃᔭᑎᐅᔪᑦ ᐱᖃᑎᖃᖃᑕᕐᓂᐊᕐᑐᑦ ᑕᒪᐃᓂᓕᒫᖅ ᒥᖑᐃᓯᕕᒧ ᐳᓛᕐᑎᐅᔪᓂᒃ ᐊᑐᕐᑏᐅᔪᓂᒃᓗ ᕿᒥᕈᓗᓂ ᑕᒪᐃᓂᒐᓚᒃ ᐊᐅᓚᐅᑎᓕᓂᒃ ᐊᑐᕐᓗᑎᒃ, ᐃᓚᐅᓗᓂ ᒥᑕᕐᕖᑦ (ᑭᒡᓕᓕᐅᖅᓯᒪᔪᖅ II), ᑐᓴᕈᑎᓂᒃᓗ ᑐᓯᑎᓯᖃᑕᕐᓂᐊᑐᖅ ᐱᒪᕆᐅᔪᓂᒃ ᐃᑕᕐᓂᓴᕐᓂ ᓇᓂᓯᔭᕋᖓᒥ ᑕᐸᓂ.
  • ᐃᓕᓂᐊᕐᑎᑕᐅᓗᑎᒃ ᓇᓄᖅᑕᖃᐅᕐᓂᖓᓄᑦ ᐊᑦᑕᕐᓇᖏᑦᑐᒦᑎᑦᑎᑦᑕᐃᓕᒪᓂᕐᒥᒃ ᓄᓇᒥ ᐳᓛᖅᑎᓕᒫᓄᑦ/ᐊᑐᖅᑎᓄᑦ.
  • ᑲᔪᖏᕐᓴᕐᑕᐅᓂᐊᕐᑐᑦ ᑕᒫᖃᑕᖁᔭᐅᓗᑎᒃ ᒥᕕᐅᔫᑉ.
  • ᐃᒡᓗᖃᕕᕕᓂᒧᖓᐅᔪᑦ ᐱᕕᖃᑎᓯᕗᑦ ᐳᒫᕐᑎᓂᒃ ᑕᑯᔪᓇᖁᓗᒋᑦ ᖃᓄᐃᑐᓚᐅᒪᖔᑦ ᑕᐃᓱᒪᓃᐊᓗᒃ ᐃᓕᓂᐊᓗᑎᒃᓗ ᖃᓄ ᑕᐃᓱᒪᓂᐊᓗ ᓇᕈᓇᒃᑏᑦ ᐃᓕᖁᓯᖏᓂ ᐊᑐᓕᓚᐅᒪᖔᑕ ᐃᓄᕼᐅᐃᑦ (ᑲᓚᖠ ᐃᓄᖏᑦ) ᓄᓇᒥ ᖁᑎᑐᒥ ᐊᓇᐅᒪᔪᓇᖁᓗᒋᑦ.
  • ᐳᓛᕐᑏᑦ ᐱᕕᖃᑐᑦ ᐅᐸᒍᓇᕐᓗᒋᑦ ᐅᑭᐅᑕᕐᑑᑉ ᓇᕈᓇᒃᕕᒋᖃᑕᓚᐅᑕᖏᓂᒃ ᓲᕐᓗ ᓂᐊᕆᔅ, ᑯᕇᓕ ᐊᒪᓗ ᐱᐊᕆ.
ᑎᑎᕋᕐᕕᒃ 5. ᑭᒡᓕᓕᐅᖅᓯᒪᔪᖅ II ᓄᓇᐃᑦ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ
ᓄᓇᓕᒫᑦ ᐅᖃᖅᑕᐅᓯᒪᖏᑦᑐᑦ ᑭᒡᓕᓕᖅᓯᒪᔪᑦ I ᐅᕝᕙᓘᓐᓃᑦ III: ᑭᒡᓕᓕᐅᖅᓯᒪᔪᖅ II (33,931.65 ᑭᓛᒥᑕᑦ2 90% ᒥᕐᖑᐃᖅᓯᕐᕕᐅᑉ ᐃᓚᖓᓘᓐᓃᑦ))
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᓴᐳᔾᔭᐅᓯᒪᖁᓪᓗᒋᑦ ᐊᔾᔨᒌᖏᑦᑐᑦ ᐅᑭᐅᖅᑕᖅᑐᒥ ᐊᓐᓇᐅᒪᕕᓖᑦ (ᓄᓇᒥᐅᑕᐃᑦ ᐃᒪᕐᒥᐅᑕᐃᓪᓗ) ᐅᑭᐅᖅᑕᖅᑑᑉ ᑲᓇᖕᓇᖓᑕ ᖁᑦᑎᒃᑐᖓᑕ ᓄᓇᑐᖃᖓᓃᑦᑐᑦ.
  • ᑕᒪᒥᓕᒫᑦᑎᐊᖅ ᐳᓛᕐᑎᐅᔪᑦ ᐃᒪᐃᓂᐊᕐᑐᑦ ᓇᓗᓇᐃᓗᓂᒋᑦ ᐊᖁᑎᒋᓂᐊᕐᑕᓂ ᐱᓱᕕᒋᓂᐊᕐᑕᓂ ᒥᕐᖑᐃᖅᓯᕐᕕᐅᑉ ᐃᖃᓇᐃᔭᑎᖏᓄᑦ.
  • ᓄᓇᖏᓐᓂᑦ ᐊᒃᑐᖅᓯᓂᖃᓗᐊᖏᑦᑐᒥᒃ ᐊᐅᓪᓚᖅᓯᒪᔾᔪᑎᐅᕙᒃᑐᑦ ᐊᑐᕐᑕᐅᖃᑕᖅᑐᑦ ᐊᔪᖏᓴᕈᑎᒃᑲᓂᐅᓂᐊᖅᑐᑦ ᐃᓂᓕᐅᓂᖃᖁᓇᒋᑦ ᐊᒻᒪᓗ ᓄᓇᖓ.
  • ᐳᓛᕐᑏᑦ ᐊᒻᒪᓗ ᐊᑐᕐᑏᑦ ᐃᒪᐃᓂᐊᕐᑐᑦ ᑕᒪᒃᑯᓂᖓ ᑭᓈᓗᒥᓂᕐᓂᒃ ᑕᕝᕙᓐᖓ ᑐᖃᑕᕐᕕᖓᑕ ᑕᒻᒫᕐᕕᖏᓂᑦ.
  • ᐅᓗᓂ ᐊᒥᓱᓂ ᐃᓄᖃᖏᓂᒥ ᐱᓱᓂᓗᑎᒃ ᐊᐳᑎᐅᓗ ᖃᖓᒍ ᓯᐊᕆᔮᕐᓗᑎᒃ ᐃᖏᕋᔭᒃᓗᑎᒃ.
  • ᐳᓛᕐᑏᑦ ᐃᓄᑐᑎᐊᕈᓇᕐᑐᑦ, ᐅᖓᓯᑐᒥ ᓱᓂᓯᒪᖏᑐᕐᒥ.
  • ᐅᓗᐃᓐᓇᖅ ᐱᓱᒃᓗᑎᒃ ᐅᐸᑲᑕᒐᐃᑦ ᐊᒻᒪᓗ ᐃᓕᓂᐊᕈᑎᒋᓯᓈᑦ ᖃᓂᒋᔮᓂ ᑕᐃᑯᕆ ᓯᔭᕆᑑᑉ ᐱᑕᖃᑐᖅ.
ᑎᑎᕋᕐᕕᒃ 6. ᑭᒡᓕᓕᐅᖅᓯᒪᔪᖅ III ᓄᓇᖓ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ
ᑕᐃᖕᑯᕆᐅᕆ ᓯᒡᔭᕆᑐᖅ ᐸᓕᓯᖑᐊᖃᕕᖓᑕ ᑐᖃᑕᕐᕕᖓ: ᑭᒡᓕᓕᐅᖅᓯᒪᔪᖅ III (0.18 ᑭᓚᒥᑕ ᐊᖏᓂᓕᒃ ᐅᕙᓗᓂᑦ 1%)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᐱᓕᕆᕝᕕᓪᓗᐊᑕᐅᓂᖓᓄᑦ ᐳᓛᕆᐊᖅᑕᐅᓪᓗᐊᑕᕐᕕᐅᓂᖓᓄᓪᓗ.
  • ᐊᑐᖅᑕᐅᔪᕐᔪᐊᕌᓘᓂᖓᓄᑦ ᓄᓇ ᑲᓇᑕᒥᐅᑦ ᐅᓇᑕᕐᑐᓴᖏᓄᑦ.
  • ᐅᕐᓱᐊᓗᓂ ᓴᓂᕐᕙᐃᓯᒪᔪᑦ ᐊᒥᓱᓂᒃ, ᐅᓄᖅᑐᑦ ᐃᒡᓗᐃᑦ (ᕿᒫᕕᑦ, ᒥᒃᓱᑎᖑᐊᖑᔭᐃ ᑐᐲᑦ), ᐊᖏᔪᐊᓗᒃ ᒥᕝᕕᒃ ᐊᓄᕆᒧᑦ, ᓯᕿᓂᕐᒧᑦ, ᔭᓄᕋᐃᑕᓄᑦ ᐆᒻᒪᖅᑐᑎᓖᑦ). ᐊᑐᑕᐅᓗᐊᑕᕐᑐᖅ ᑕᐃᑯᕆ ᓯᔭᕆᑐᕐᒥ ᐱᓕᕆᓂᕐᐸᐅᓗᑎᒃ ᒥᕐᖑᐃᖅᓯᕐᕕᓕᒪᕐᒥ. ᖃᐅᑕᒫᑦ ᖃᖓᑕᓱᕐᑕᖃᑐᖅ ᐅᓇᑕᕐᑐᓴᑯᑦ ᐊᑐᖃᖃᑕᖓ ᐱᖓᓱᔪᕐᑐᓂ ᐱᓇᓱᐊᕈᓯᕐᓂ ᐊᐅᔭᐅᓂᖓᓂ.
  • ᒥᕝᕕᓕᒫᖅ, ᐅᕐᓱᐊᓗᐃᓪᓗ ᖁᒥᐅᑎᐅᓯᒪᔪᑦ ᓇᓕᐅᑯᒫᑦ, ᐊᒻᒪᓗ ᐃᒡᓗᐃᑦ ᖃᓂᒋᔭᓕᒫᖏᓂ ᐊᒻᒪᓗ ᐊᓯᖏᓂ ᓴᓇᒪᔪᓂ ᑕᒪᓂ ᓄᓇᖓᓂ ᐃᓚᐅᖃᑕᐅᒥᔪᖅ ᑭᓕᖓᑕ .
  • ᖃᖓᑕᓲᖃᓂᐊᕐᐸᑦ ᐱᔪᓐᓇᐅᑎᖃᕆᐊᓖᑦ. ᐊᖓᔪᖃᒪᕆᖓ ᐊᖏᑎᐅᒧᑦ ᑐᓂᔨᔨ ᖃᖓᑕᓱᕈᓇᐅᑎᓂᒃ ᒥᕐᖑᐃᖅᓯᕐᕕᒧᑦ.
  • ᐊᐅᓚᐅᑎᓖᑦ ᐱᓕᕆᓂᐅᔪᑦ ᐊᒥᓱᓗᐊᖏᓗᑎᒃ ᒥᕐᖑᐃᖅᓯᕐᕕᐅ ᐊᐅᓚᓂᖓᓄ ᐊᑐᑕᐅᔪᓇᕐᑐᑦ (ᓲᕐᓗ ᑎᓴᒪᓖᑦ).
  • ᐊᓯᖏᑦ ᐊᐅᓚᐅᑎᓖᑦ ᑕᐃᑯᖓᑎᑕᐅᔪᓐᓇᖏᑐᑦ, ᑕᐃᑯᑐᐊᖅ ᐊᐅᓚᑕᐅᓯᒪᓚᕆᐊᓗᒃᖢᑎᒃ ᑭᓯᐊᓂ.
  • ᐳᓚᕋᕐᑎᓄᑦ ᑐᓴᕈᑏᑦ ᐃᒪᐃᓂᐊᕐᑐᑦ ᓇᓗᓇᐃᓯᓗᑎᒃ ᑕᐃᑯᕆ ᓯᔭᕆᑐᕐᒥ ᐸᓕᓯᖑᐊᖏᑕ ᑐᖃᑕᕐᕕᖓ ᐃᓄᖃᓂᓴᐅᒐᔪᒃᑐᖅ.
  • ᑕᕙᓂ ᑲᑎᑕᐅᒐᔪᒃᑐᑦ ᒥᕐᖑᐃᖅᓯᕐᕕᐅ ᐳᕝᓚᕐᑎᖏᑦ ᐊᑐᕐᑎᖏᓗᓃᑦ ᐃᖃᓇᐃᔭᕐᑎᖏᓗ.
  • ᐊᕿᓱᐃᕕᒃ ᐅᓗᓄ ᐊᒥᓱᓄ ᐱᓱᓂᐊᐸᑕ.
  • ᐅᓗᐃᓇᖅ ᐱᓱᕕᒃᓴᐃᑦ ᐊᑐᐃᓇᐃᑦ.
  • ᑐᖃᑕᕐᕕᒃ ᒥᕐᖑᐃᖅᓯᕐᕕᒧ ᐊᐅᓚᕐᓂᕐᓄᑦ. ᐊᑐᖃᑕᓂᖏᑦ ᐊᐅᓚᐅᑎᓕᓂ ᒥᕐᖑᐃᖅᓯᕐᕕᐅ ᐃᖃᓇᐃᔭᑎᖏᑦ ᖃᖓᑕᓱᕐᓂᖓᓗ ᐅᓇᑕᕐᑐᓴᑯᑦ ᐊᑲᐅᖏᑐᕐᒥ ᓱᓂᑐᐃᓇᕆᐊᓖᑦ ᐳᕝᓚᕐᑏᑦ ᓂᕆᐅᒋᔭᖏᓂ ᐃᓄᑐᓂᕐᒥᓂᐊᕋᓱᒋᔪᓄᑦ, ᓂᐱᖃᖏᑐᕐᒥ ᐅᖓᓱᒃᑐᒥᓇᓱᒋᓂᕐᒥᒃᓗ.
  • ᐅᕐᓱᐊᓗᐊᓗᐃᑦ ᓴᓂᕐᒐᑕᐅᓯᒪᔪᑦ ᐊᒥᓱᓂᖏᓗ ᐃᒡᓗᐃᑦ ᓂᕆᐅᒋᔭᐅᖏᑐᐃᓇᕆᐊᓖᑦ ᐳᕝᓚᕐᑎᓄᑦ.
ᑕᐃᖕᑯᕆᐅᕆ ᓯᒡᔭᕆᑐᖅ (ᐃᒪᖓ): ᑭᒡᓕᓕᐅᖅᓯᒪᔪᖅ III (102.01 ᑭᓚᒥᑕ ᑭᒃᐸᕆᓯᓯᒪᔪᖅ ᐅᕙᓗᓂᑦ 1% ᒥᖑᐃᓯᕐᕕᐅᑉ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᐅᒥᕐᐊᕐᔪᐊᒃᑯᑦ ᐳᓛᕆᐊᖅᑐᓄᑦ ᐅᐸᒃᑕᐅᔪᓐᓇᕐᓂᖓᓄᑦ.
  • ᓯᑭᑑᒃᑯᑦ ᑲᒪᔨᖃᕐᓗᑎᒃ ᐊᐅᓪᓚᕈᔾᔨᕝᕕᐅᔪᓇᕐᒪᑦ ᐊᐅᓱᐃᑦᑐᕐᒥᐅᓄᑦ ᖃᐅᓱᐃᑦᑐᕐᒥᐅᓄᓪᓗ.
  • ᐊᒥᐊᕐᔪᐊᑯᑦ ᐅᕐᓱᐊᓗᖁᑎᓴᖏᑦ ᑕᐸᐅᖓᑕᐅᖃᑕᕐᑐᑦ ᐅᓇᑕᕐᑐᓴᓄᑦ, ᓯᓚᔪᐸ ᑲᔨᖓᓂ ᐱᓕᕆᒡᑦ, ᖃᖓᑕᓲᑦ ᓵᑕᑕᐅᖃᑕᕐᑐᓄ ᒥᕐᖑᐃᖅᓯᕐᕕᓕᕆᔨᑯᓄᓗ ᑲᓇᑕᒥ.
  • ᐃᒪᖏᑦ ᑕᐃᖕᑯᕆ ᓯᔭᕆᑑᑉ ᐅᓕᓂᐅᖃᑕᕐᑐᕐᒧ ᑎᑭᖢᒍ ᐃᓪᓕᓴᕆᐅᒪᔭᐅᔪᑦ ᑭᒡᓕᓕᐅᖅᓯᒪᔪᖅ III ᓄᓇᖓᓄᑦ.
  • ᐅᒥᐊᕐᔪᐊᒃᑯᑦ ᐳᓛᕆᐊᖅᑐᑦ ᐊᐅᓪᓚᕈᔾᔨᔨᖃᕐᓗᑎᒡᓗ ᓯᑭᑑᒃᑯᑦ ᐳᓛᕆᐊᖅᑐᑦ ᑭᒡᓕᓕᐅᖅᓯᒪᔪᕐᒧᑦ ᐱᔪᓐᓇᖅᑎᑕᐅᔪᑦ.
  • ᐊᓯᖏᑦ ᐊᐅᓚᐅᑎᓖᑦ ᐃᖏᕋᔪᓇᑎᑕᐅᔾᔮᖏᑐᑦ (ᓲᕐᓗ ᓇᒥᓂᕆᔭᐅᔪᑦ ᐅᒥᐊᑦ).
  • ᐱᕕᖃᑎᑕᐅᓂᖅ ᒥᕐᖑᐃᖅᓯᕐᕕᓕᐊᕈᓇᓂᖅ ᐳᓚᕋᑐᓕᕆᔨᑯᑦ ᐅᒥᐊᔪᐊᖓᒍᑦ ᐊᐅᔭᐅᓕᕌᖓᑦ.
  • ᓯᑭᑐᑯᑦ ᐊᐅᓚᓯᔨᖃᓗᑎᒃ ᐳᓚᕋᑎᑕᐅᔪᓇᕐᑐᑦ ᐅᐱᖓᓵᖑᑎᓗᒍFootnote 58.
ᑕᓰᐊᓘᑉ ᐸᓖᓯᖑᐊᖃᕕᖓᑕ ᑐᖃᑕᕐᕕᖓ: ᑭᒡᓕᓕᖅᓯᒪᔪᖅ III (0.03 ᑭᓚᒥᑕ ᐊᖏᓂᓕᒃ ᐅᕙᓗᓂᑦ 1% ᒥᖑᐃᓯᕐᕕᐅᑉ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᑕᓯᐊᓘᑉ ᐸᓖᓯᖑᐊᖃᕐᕕᖓ ᑐᒡᓕᕆᔭᐅᖕᒪᑦ ᐱᒋᐊᕐᕕᐅᓂᖓᓄᑦ ᓇᕈᓇᖕᓂᐊᖅᓂᒃ, ᒥᕐᖑᐃᖅᓯᕐᕕᐅᑉ ᐊᐅᓚᑕᐅᕝᕕᖓᓄᑦ, ᐅᓇᑕᖅᑐᒃᓴᒃᑯᓐᓄᓪᓗ ᐱᓕᕆᕕᐅᓂᖓᓂᒃ.
  • ᒥᖑᓯᕕᐅ ᐱᖁᑎᖏᓂᒃ ᐱᑕᖃᐅᓗᐊᕋᓗᖏᑐᖅ, ᒪᕉᒃ ᒥᕖᒃ ᐊᒪᓗ ᐊᒥᓱᐊᓗᖏᑐᒃ ᐅᒃᓴᕐᕖᑦ .
  • ᑕᒪᓇ ᓄᓇ ᐊᕙᑎᖓ ᐃᒃᐱᓂᓴᕋᐃᓛᖅ ᒥᕐᖑᐃᖅᓯᕐᕕᓕᒫᕐᒥ, ᐱᓕᕆᓂᐅᔪᑦ ᑕᕙᓂ ᐱᒪᕆᐊᓗᔪᕐᒥ ᓱᓂᓯᑐᐃᓇᕆᐊᓖᑦ ᐊᕙᑎᖓᑕ ᐱᖁᑎᖏᓂᒃ.
  • ᑭᒡᓕᓕᐅᖅᓯᒪᓂᖓ ᒪᕐᕉᖕᓂ ᒫᓐᓇ ᐊᑐᖅᑕᐅᔫᖕᓂᒃ ᒥᑦᑕᕐᕕᖃᕐᒪᑦ ᐅᖅᓱᐊᓗᖃᕐᕕᒃ, ᑐᒥᖃᕐᕕᒡᓗ ᑕᒫᕐᕕᖕᒥ.
  • ᐱᓕᕆᕝᕕᐅᓂᖓ ᑲᑦᑐᖓᑎᑕᐅᔪᓐᓇᕐᓂᓕᒫᖓᓂ ᓄᖅᑲᖓᑎᑕᐅᓇᓱᖕᓂᐊᖅᑐᖅ ᐊᒃᑐᐃᑐᐃᓐᓇᕆᐊᖃᕐᓂᖓᓄᑦ ᑭᒡᓕᓕᐅᖅᓯᒪᔪᖅ III ᓄᓇᖓᓂ ᐊᒻᒪᓗ ᐊᒃᑐᐃᑦᑕᐃᓕᖁᓪᓗᒍ ᑭᒡᓕᓕᐅᖅᓯᒪᔪᖅ I ᓄᓇᖓᓂ.
  • ᓂᕈᐊᒐᒃᓴᐃᑦ ᐊᐅᓚᑦᓯᓂᒧᑦ ᓱᓂᖅᓯᖃᑕᓂᖏᑦ ᑐᖃᑕᕐᕕᒋᔭᐅᔪᑦ ᑕᖕᒫᕐᕖᑦ ᑕᒪᓂ ᓄᓇᒥ ᖃᐅᔨᓴᑕᐅᓂᐊᕐᑐᑦ ᐊᒪᓗ ᐊᑐᓕᑎᑕᐅᓗᑎᒃ ᐃᑲᔪᑎᒋᓗᒋᑦ ᐳᓚᕋᑐᓕᕆᓂᒧ ᐊᐅᓚᓯᔩᑦ.
  • ᐃᓕᓂᐊᕐᑎᑕᐅᖃᑕᕈᓇᓂᐊᖅᑐᑦ ᑕᒪᓐᓇ ᑲᔪᓯᒋᐊᓚᒃᑲᓂᖁᓪᓗᒍ ᓴᐳᑎᔭᐅᓯᒪᐃᓇᖁᓗᒍ ᑕᓰᐊᓘᑉ.
  • ᐱᖓᔪᖓ ᒥᕕᒃ ᑕᓰᐊᓘᑉ ᐸᓕᓯᖑᐊᖃᕕᖓᑕ ᑐᖃᑕᕕᖓᓂ ᐃᒍᑎᕐᑕᐅᓛᕐᑐᖅ.
  • ᐅᓗᐃᓇᖅ ᐱᓱᓂᐅᔪᑦ ᐊᔪᓇᖏᑐᖅ ᒪᓇ.
  • ᓇᓗᐃᓂᓴᐅᔪᑦ ᐅᓗᓂ ᐱᖓᓱᓂ ᑕᓕᒪᓄ ᓇᒪᒃᓗᑎᒃ ᐃᒡᓕᓂᕐᑕᓕ ᑕᒪᖓᑦ.
  • ᑕᓇ ᑐᖃᑕᕐᕕᒃ ᐊᑐᑕᐅᖃᑕᒥᔪᑦ ᐊᐃᐸᖓᖓᓄᕈᓇᖏᑕᕋᖓᑕ ᐅᓗᓄ ᐊᒥᓱᓄ ᐱᓱᓂᐊᑎᓗᒋᑦ ᑕᐃᑯᕆ ᓯᔭᕆᑐᕐᒧ ᐃᒡᓗᖃᕕᕕᓂᕐᒧᓗᓃᑦ.
  • ᐊᕋᒍᓂ ᐊᓂᒍᕋᑖᕐᑐᓂ, ᑐᖃᑕᕕᖓ ᑕᖕᒫᕐᕖᑦ ᖃᓂᒋᔭᖏᓂ ᑕᓰᐊᓘᑉ ᐸᓕᓯᖑᐊᖃᕕᖓᑕ ᑐᖃᑕᕐᕕᖓᓂ ᐅᐸᒐᔪᒃᑕᐅᓕᕐᑐᖅ ᐳᓚᕋᑐᓕᕆᔨᖃᑐᓄᑦ ᐃᓄᒋᐊᖑᔪᑎᓄᑦ.
  • ᑕᓇ ᓄᓇ ᐃᓚᒋᔭᐅᖃᓯᐅᑎᔪᖅ ᐅᓄᖏᑐᓗᑎᒃ ᐊᑲᐅᖏᓕᐅᕈᑎᖃᖃᑕᕐᑐᑦ ᐳᓛᕐᑏᑦ ᐊᑑᕐᑏᓪᓗ ᑕᐃᒪᐃᑐᐃᓇᕆᐊᓖᑦ ᐱᔪᑎᒋᓗᒍ ᐊᑐᕈᓇᑕᖓᑕ ᐊᖏᓂᖓ ᐊᒪᓗ ᐊᔨᒋᖏᓂᖏᓄᑦ ᐊᑐᕈᑎᒋᔭᖏᑦ ᒥᕐᖑᐃᖅᓯᕐᕕᒥᒃ.
ᐱᒋᐊᕐᕕᒥ ᑕᒫᕐᕕᒃ: ᑭᒡᓕᓕᐅᖅᓯᒪᔪᖅ III (0.03 ᑭᓚᒥᑕ ᑭᒃᐸᕆᓯᓯᒪᔪᖅ ᐅᕙᓗᓂᑦ 1% ᒥᖑᐃᓯᕐᕕᐅᑉ ᐃᓚᖓᓂ)
cite>ᐱᒋᐊᕕᒃ ᓱᓕ ᐃᓚᒋᔭᐅᖏᑐᖅ ᖁᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ, ᑕᓇᑕᒥ ᒥᕐᖑᐃᖅᓯᓕᕆᔩᑦ ᑎᑎᕋᖅᑐᐃᓂᐊᕋᓗᐊᖅᖢᑎᒃ ᑕᒪᑐᒧᖓ ᓄᓇᒧᑦ. ᕿᑭᖅᑕᖅ ᐃᓚᐅᑎᑕᐅᓕᕈᓂ ᒥᕐᖑᐃᖅᓯᕐᕕᖕᒧᑦ ᓄᓇᕆᖃᓯᐅᔾᔭᐅᓂᖓᓄᑦ, ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᖁᔭᖅ ᐊᑐᓕᖅᑎᑕᐅᓂᐊᖅᑐᖅ. ᕿᑭᖅᑕᖅ ᒥᖑᐃᖅᓯᕕᖕᒧᑦ ᐃᓚᓕᐅᔾᔭᐅᓂᐊᕋᓱᒋᔭᐅᔪᖅ ᑕᒪᓐᓇ ᐸᕐᓇᐅᑎ ᓱᓕ ᐱᓕᕆᔾᔪᑎᐅᑎᓪᓗᒍ. ᑕᐃᑲᖓᓂ, ᑭᒡᓕᓕᐅᖅᑕᐅᓯᒪᔾᔪᑎᖓ ᐱᒋᐊᖅᑎᑕᐅᓂᐊᕐᒥᔪᖅ.
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᐱᒋᐊᕐᕕᒃ ᕿᑭᖅᑕᖅ ᑭᒡᓕᓯᓂᐊᖅᑎᓄᑦ ᑐᙵᕕᐅᓂᐊᕐᒪᑦ ᐱᒋᐊᕐᕕᐅᓪᓗᓂᓗ ᓯᓚᕐᔪᐊᑦᑕ ᑐᓄᕕᐊᓂ ᑲᔾᔨᖓᓄᐊᕋᓱᒃᑎᓄᑦ.
  • ᑕᐃᑲᓂ ᒥᑦᑕᕐᕕᓕᒃ, ᐅᖅᓴᕐᕕᖄᕐᔪᒃᑐᖅ, ᐱᖓᓱᓂᒡᓗ ᐃᑦᑕᕐᓂᓴᓂ ᓇᐸᔪᖃᖅᖢᓂ.
  • ᑲᔪᓯᓗᓂ ᐱᒋᐊᕐᕕᒃ ᐊᑐᑕᐅᖃᑕᓂᖓ ᐱᒋᐊᕕᐅᓗᓂ ᓯᓚᔪᐸ ᑲᔨᖓᓄᖃᑕᕐᑐᑦ ᐊᒪᓗ ᑭᓕᓯᓂᐊᓂᒧᑦ ᑐᖃᑕᕐᕕᐅᓂᖓ.
  • ᐱᒋᐊᕐᕕᒃ ᐱᕕᖃᑎᓯᔪᖅ ᑐᖃᑕᕕᐅᓗᓂ ᑭᓕᓯᓂᐊᓂᕐᒧᑦ ᐊᒪᓗ ᐱᒋᐊᕐᕕᐅᒋᐊᖓ ᓯᓚᔪᐊᖅ ᑲᔨᖓᓄᑦ ᐃᖏᕋᖃᑕᕐᑐᑦ.
  • ᒥᑕᕐᕕᒃ ᐱᒋᐊᕐᕕᒥ ᖁᑎᓛᑎᐊᖅ ᑭᕕᓕᒫᓂ ᐅᐊᓇᖓᓂ ᒥᐊᓕᒐᐃᑦ, ᓯᕿᓂᖓᖓᓂᓗ ᓯᓚᔪᐸᑉ ᑲᔨᖓᑕ, ᐊᒪᓗ , ᑕᐃᒪᐃᓂᖓᓄ ᑕᐸᐅᖓᖃᑕᕐᑐᑦ ᐅᑭᐅᑉ ᓄᖑᐊᓂ ᐅᐱᖓᓴᕐᒥᓗ ᐊᐅᓚᖃᑕᕐᑐᑦ ᑕᐸᖓ ᐊᕋᒍᒐᓴᐸᓗᓂᒃ.
  • ᐱᒋᐊᕐᕕᒃ ᓯᑯᐊᓗᒥ ᐊᑭᓇᓕᒃ ᐊᖏᓂᕐᐸᐅᓗᓂᓗ ᓯᑯᓗᓂ ᐊᑭᓇᖓ ᐅᐊᓇᐸᓯᓕᒪᕐᒥ ᐊᒪᓗ ᑭᓕᓯᓂᐊᓂᒧᑦ ᐅᐸᑕᐅᓲᖅ ᓯᓚᒧᐊᓕᒫᕐᒥᖓᕐᑐᓂᒃ.
  • ᓴᓇᓯᒪᔪᑦ ᑕᒫᖕᕕᖤ ᐱᕕᖃᑎᓯᔪᑦ ᕿᒫᕕᐅᓗᑎᒃ ᕿᑭᑕᐅ ᐊᒥᓱᖏᑐᓂ ᐳᓚᕐᑎᒋᓱᖏᓄᑦ ᐊᑐᕐᑎᒋᓱᖏᓄᓗ.
ᐅᓇᑕᕐᑐᓴᑯᑦ ᓇᐸᔪᖁᑎᖏᑦ ᓇᓚᐅᑏᑦ: ᑭᒡᓕᓕᖅᓯᒪᔪᖅ III (0.5 ᑭᓚᒥᑕ ᐊᖏᓂᖓ ᐅᕙᓗᓂᑦ 1% ᒥᖑᐃᓯᕐᕕᐅᑉ)
ᑭᒡᓕᓕᐅᖅᑕᐅᓯᒪᔾᔪᑎᖓ ᐊᐅᓚᑦᑎᓂᕐᒧᑦ ᒪᓕᒐᐃᑦ ᐳᓛᖅᑎᐅᑉ ᐊᑐᕈᓐᓇᖅᑕᖓ
  • ᒪᕐᕉᖕᓂᒃ ᓈᓚᐅᑏᖕᓂᒃ ᓇᐸᔪᖃᕐᒪᑦ ᒥᕐᖑᐃᖅᓯᕐᕕᖕᒥ.
  • ᐅᐸᒃᑕᐅᒐᔪᖕᒪᑦ ᖁᓕᒥᒎᓂᒃ ᓄᓇᖓ ᓴᓇᕝᕕᐅᔭᖅᑐᖅᖢᓂ ᐱᓕᕆᓐᓇᐅᑎᓪᓗᒍ ᐊᕐᕌᒎᑉ ᐃᓗᐊᓂ.
  • ᓈᓚᒍᑎᐅᔪᑦ ᐃᓂᖏᑦ ᐊᑐᓂ ᐃᓗᑯᓗᖁᑎᖃᑐᑦ, ᐸᓕᐊᕋᓗᖃᖢᑎᒃᓗ, ᐊᒪᓗ ᐃᒃᐱᓂᓴᕋᐃᑐᓂ ᐱᖁᑎᖃᓗᑎᒃ.
  • ᐅᓇᑕᕐᑐᓴᑯᑦ ᑲᒪᔨᐅᓂᐊᕐᑐᑦ ᓇᐸᔪᐊᓗᓂᒃ ᒥᕐᖑᐃᖅᓯᕐᕕᓕᕆᔨᑯᓗ ᐊᖏᖃᑎᒋᒍᑎᖓ ᒪᓕᓗᒍ.
  • ᐳᓛᕐᑏᑦ ᑕᒪᐅᖓᕆᐊᖃᖏᑐᑦ ᓄᓇᖁᑕᓄᑦ ᑕᐃᒪᓇᐃᓕᓯᒪᒪᑕ ᐅᓇᑕᕐᑐᓴᑯᑦ ᑐᑭᒥᐊᒪᖃᑎᒌᒍᑎᓖᑦ ᒥᕐᖑᐃᖅᓯᕐᕕᓕᕆᔨᒃᑯᓐᓂ

12.4 ᓄᓇᐃᓐᓇᖅ ᒥᕐᖑᐃᖅᓯᕐᕕᖕᒧᑦ ᓄᓇᖁᑎᐅᓂᕋᖅᑕᐅᔪᖅ

ᑲᓇᑕᒥ ᒥᕐᖑᐃᖅᓯᕖᑦ ᐱᖁᔭᖓᓂ ᑐᓂᓯᔨᐅᖕᒪᑦ ᓱᓕᔫᓕᕐᓂᕋᖅᑕᐅᔾᔪᑎ, ᒪᓕᒐᖅᑎᒍᑦ, ᓄᓇᐃᓐᓇᐅᓂᕐᒥᒃ ᒥᕐᖑᐃᖅᓯᕐᕕᖕᓂ. ᓄᓇᐃᓐᓇᐅᓂᖓᓂ ᓇᓗᓇᐃᖅᓯᔾᔪᑎ ᐃᑲᔪᖅᑐᐃᔾᔪᑎᐅᓪᓚᕆᒋᐊᖅᖢᓂ ᐊᓐᓇᐅᒪᕝᕕᐅᓪᓚᕆᒃᑑᑉ ᑭᒡᒐᖅᑐᖅᑕᐅᕝᕕᖓ ᐱᓕᕆᕕᐅᔭᕆᐊᖃᖏᓐᓂᖓᓂᒃ ᓄᓇᐃᓐᓇᖅ ᓱᕋᑦᑎᑐᐃᓐᓇᕆᐊᖃᕐᓂᖓᓄᑦ. ᑭᓯᐊᓂ ᐱᕙᓪᓕᐊᔭᐅᓂᐊᖅᑐᑦ ᐱᓕᕆᔭᐅᓂᐊᖅᑐᓪᓗ ᐱᔭᕆᐊᖃᓪᓚᕆᒃᑯᑎᒃ ᐱᔨᑦᑎᕈᑎᓪᓚᕆᐅᓂᐊᕐᓗᑎᒃ ᓴᐳᔾᔨᔾᔪᑎᐅᓂᐊᕐᓗᑎᒡᓗ ᒥᕐᖑᐃᖅᓯᕐᕕᐅᑉ ᐱᖁᑎᖏᓐᓂᒃ ᐱᔪᓐᓇᖅᑎᑕᐅᓂᐊᖅᑐᑦ ᓄᓇᐃᓐᓇᖅ ᒥᕐᖑᐃᖅᓯᕐᕕᖕᒧᑦ ᓄᓇᓂᖓᓂᒃ. ᓄᓇᐃᓐᓇ ᓄᓇᖁᑎᐅᓂᕋᖅᑕᐅᔪᖅ ᐊᐅᓚᑕᐅᕙᒃᐳᖅ ᒪᓕᒃᖢᑎᒃ ᐊᓐᓇᐅᒪᕝᕕᐅᔪᓂᒃ ᐳᓛᕆᐊᖅᑐᓄᓪᓗ ᑐᕌᒐᕆᔭᐅᓂᐊᖅᑐᓂᒃ, ᒪᓕᒡᓗᒍ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᖁᔭᖅ. ᓄᓇᐃᓐᓇᖅ ᒥᕐᖏᐃᖅᓯᕕᖕᒧᑦ ᓄᓇᖁᑎᐅᓂᕋᖅᑕᐅᔪᖅ ᓄᖅᑲᖅᑎᑦᑎᔾᔪᑎᐅᓂᐊᖏᑦᑐᖅ ᐃᓄᖕᓄᑦ ᐊᖑᓇᓱᒡᕕᐅᓂᖓᓂᒃ ᐆᒪᔾᔪᑎᐅᓂᖓᓂᒡᓗ, ᒪᓕᒡᓗᒍ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥ.

ᐊᔾᔨᒌᖏᓐᓂᖏᑦ ᒥᕐᖑᐃᖅᓯᕐᕕᖕᒥ ᑭᒡᓕᓕᐅᖅᑕᐅᓯᒪᔪᖅ ᐊᒻᒪᓗ ᓄᓇᐃᓐᓇᖅ ᒥᕐᖑᐃᖅᓯᕐᕕᖕᒧ ᓄᓇᖁᑎᐅᓂᕋᖅᑕᐅᔪᖅ:

  • ᒥᕐᖑᐃᖅᓯᕐᕕᖕᓂ ᑭᒡᓕᓕᐅᖅᐸᓪᓕᐊᓂᖅ ᐸᕐᓇᐅᑎᓕᐅᕈᑎᐅᖕᒪᑦ - ᐊᓐᓇᐅᒪᕝᕕᐅᔪᓂᒃ ᑭᒡᒐᖅᑐᐃᓂᕐᒥᒃ ᐱᔭᒃᓴᕆᔭᖃᓛᖑᑎᑦᑎᓪᓗᓂ - ᖃᐅᔨᒋᐊᖅᑎᐅᓪᓗᓂᓗ ᓄᓇᐃᑦ ᐃᓱᒪᖅᓱᕐᓇᖏᑦᑐᓪᓗ ᑭᓲᓂᖏᓐᓂᒃ ᖃᓄᕐᓗ ᐊᑐᖅᑕᐅᕙᖕᓂᖏᓐᓂᒃ ᒥᕐᖑᐃᖅᓯᕐᕕᖕᒥ ᐱᓕᕆᔪᖃᖅᑎᓪᓗᒍ. ᑖᒃᑯᐊ ᐃᓱᒪᖅᓱᕐᓇᖏᑦᑐᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᐊᕐᕌᒍᑦ ᑕᓪᓕᒪᑦ ᐊᓂᒍᕌᖓᒥᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᕿᒥᕐᕈᐃᕙᓪᓕᐊᑎᓪᓗᒋᑦ.
  • ᓄᓇᐃᓐᓇᖅ ᒥᕐᖑᐅᖅᓯᕕᖕᒧᑦ ᓄᓇᖁᑎᐅᓂᕋᖅᑕᐅᔪᖅ ᒪᓕᒐᖅᑎᒎᖓᓂᖅᓴᐅᕗᖅ ᐃᓄᓕᒫᑦ ᐱᕙᓪᓕᐊᑎᑦᑎᔪᒪᔪᑦ ᐊᑐᕈᒪᔪᓪᓗ ᓄᓇᐃᓐᓇᐅᓂᖓᓂᒃ ᐱᑎᑕᐅᔪᓐᓇᔾᔮᖏᑦᑐᑦ; ᐊᒻᒪᓗ; ᒪᓕᒐᖅᑎᒍᑦ ᑐᓂᓯᓯᒪᓪᓗᓂ ᓴᐳᔾᔩᓐᓇᕐᓂᐊᖅᑐᒥᒃ ᓄᓇᐃᓐᓇᖅ ᓄᓇᒋᔭᐅᓯᒪᓂᕋᖅᑕᐅᓂᖓᓄᑦ. ᑭᒡᓕᖃᖅᑎᑕᐅᔪᑦ ᓄᓇᐃᓐᓇᐃᑦ ᓄᓇᒋᔭᐅᓯᒪᓂᕋᖅᑕᐅᑎᓪᓗᒋᑦ ᐊᓯᔾᔨᖅᑕᐅᔪᓐᓇᑕᐃᓐᓇᖅᐳᑦ ᑭᓯᐊᓂ ᒪᓕᒐᖅᑎᒍᑦ ᐋᖅᑭᒋᐊᖅᑕᐅᓗᑎᒃ, ᑲᓇᑕᐅᑉ ᑲᑎᒪᕕᒡᔪᐊᖓᑕ ᑲᑎᒪᔨᖏᓐᓂᒃ.

12.4.1 ᐱᒋᐊᕈᑎᓪᓗᐊᑕᐅᔪᒪᔪᖅ
  1. ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ ᐃᓱᒪᒃᓴᖅᓯᐅᕈᑎᖃᕐᓂᐊᖅᑐᑦ ᓴᓂᕐᕙᒃᑕᐅᔪᒥᒃ ᓄᓇᐃᓐᓇᖅ ᓄᓇᖁᑎᒋᔭᐅᓕᕐᓂᖓᓂᒃ ᐸᕐᓇᐅᑎᓕᕆᓂᕐᒧᑦ ᕿᒥᕐᕈᐃᒃᑲᓐᓂᓛᕐᓂᐊᓕᕐᓂᕈᑎᒃ.

13.0 ᖃᓄᖅᑑᕈᑎ ᐊᕙᑎᓕᕆᓂᕐᒧᑦ ᖃᐅᔨᓴᕈᑎᐅᓂᐊᖅᑐᓂᒃ: ᐃᓱᒪᓕᐅᕆᓂᕐᒧᑦ ᐅᖃᖅᑕᐅᔪᖅ

ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐸᕐᓇᐅᑎ ᐱᓕᕆᔭᐅᓚᐅᕐᒪᑦ ᐊᕙᑎᓕᕆᓂᕐᒧᑦ ᖃᐅᔨᓴᕈᑎᖓ ᒪᓕᒡᓗᒍ ᒪᓕᒐᓕᕆᔨᒃᑯᑦ ᑐᑭᒧᐊᒃᑎᑦᑎᔨᖏᑦ, ᐊᕙᑎᓕᕆᓂᕐᒧᑦ ᖃᐅᔨᓴᕈᑎᐅᑉ ᐊᑐᐊᒐᖓ, ᐸᕐᓇᐅᑎᖓ ᐱᓕᕆᔾᔪᑎᖓᓄᓪᓗ ᑐᒃᓯᕋᐅᑎᖏᑎᒍᑦ. ᐊᕙᑎᓕᕆᓂᕐᒧᑦ ᖃᐅᔨᓴᐅᑎ ᖃᐅᔨᒋᐊᖅᑕᐅᓚᐅᖅᐳᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᖓᓂᒃ ᐊᕙᑎᒧᑦ ᐊᒃᑐᖅᑕᐅᔾᔪᑎᑐᐃᓐᓇᕆᐊᓖᑦ ᐸᕐᓇᐅᑎᓕᐅᖅᑕᐅᔪᒥᒃ ᐃᓱᒪᒋᔭᐅᓯᒪᑦᑎᐊᕋᓗᐊᕐᒪᖔᑕ ᐋᖅᑭᒋᐊᕈᓐᓇᖏᑦᑐᒥᒃ ᐱᓂᐊᕐᓂᕋᓪᓚᕆᓚᐅᖏᑎᓪᓗᒋᑦ.

ᐱᒋᐊᕈᑎᓪᓗᐊᑕᐅᔪᒪᔪᑦ ᑐᒃᓯᕌᕆᔭᐅᔪᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎᒥᒃ ᑐᕌᒐᖃᖅᑐᑦ ᐊᓐᓇᐅᒪᕝᕕᐅᔪᑦ ᑭᒡᒐᖅᑐᖅᑕᐅᔾᔪᒃᓴᖏᓐᓂᒃ, ᐃᑦᑕᕐᓂᓴᖃᕐᕕᖕᓂ, ᐃᑦᑕᕐᓂᓴᖃᕐᕕᓕᕆᓂᕐᒧᑦ ᑕᑯᑎᑦᑎᔾᔪᑎᓂᒃ ᑐᓴᐅᒪᖃᑦᑕᐅᑎᔾᔪᑎᒃ, ᐳᓛᖅᑐᑦ ᖃᓄᐃᓕᖓᓂᖏᓐᓂᒃ, ᐃᑲᔪᖃᑎᒌᒡᓗᑎᒃ ᐊᐅᓚᑦᑎᓂᕐᒥᒃ, ᐱᓕᕆᖃᑎᒌᖕᓂᕐᒥᒃ ᐃᓄᓕᒫᓂᒡᓗ ᐃᓚᐅᑎᑦᑎᓂᕐᒥᒃ, ᑎᑎᕋᖅᑐᐃᓂᕐᒥᒃ ᐊᐅᓚᑦᑎᓂᕐᒥᒡᓗ ᒥᕐᖑᐃᖅᓯᕐᕕᐅᓪᓗ ᑭᒡᓕᓕᐅᖅᑕᐅᓯᒪᓂᖓᓂᒃ. ᑕᒪᐃᓐᓂ ᐱᒋᐊᖅᑕᐅᔪᒪᔪᑦ, ᐊᕙᑎᒧᑦ ᐊᒃᑐᐃᑐᐃᓐᓇᕆᐊᖃᕐᓂᖏᓐᓄᑦ ᐅᖃᐅᓯᖃᕐᒪᑕ ᐋᖅᑭᒋᐊᕈᑎᐅᔪᓐᓇᖅᑐᓪᓗ ᑐᒃᓯᕋᖅᑕᐅᓪᓗᑎᒃ. ᐊᒃᑐᐃᑐᐃᓐᓇᕆᐊᓖᑦ ᐃᓚᐅᑎᓪᓗᒍᑦ ᐸᒡᕕᓴᐃᓃᑦ ᐆᒪᔪᕐᓂᒃ, ᐱᕈᖅᑐᑦ ᓱᕋᑦᑎᖅᑕᐅᓂᖏᓐᓂᒃ, ᐃᑦᑕᕐᓂᓴᖃᕐᕖᑦ ᓱᕋᑦᑎᖅᑕᐅᓂᖏᓐᓂᒃ, ᑲᑎᑦᑎᓂᖏᓐᓂᒃ ᐊᒻᒪᓗ ᓱᕈᖅᓴᐃᔪᓐᓇᕐᓂᖏᓐᓂᒃ ᐊᒃᑕᑯᓂᒃ, ᐳᓛᕆᖅᑐᓪᓗ ᑐᓴᓂᖅᑎᑕᐅᓂᕐᓗᑐᐃᓐᓇᕆᐊᖃᕐᓂᖏᓐᓂᒃ. ᖁᕕᐊᓇᖅᑐᒥᒃ ᓴᖅᑭᔮᖅᑎᑦᑎᔪᓐᓇᕐᓂᖏᓐᓂᒃ ᐃᓚᐅᑎᓪᓗᒋᑦ ᖃᐅᔨᕚᓪᓕᕈᑎᐅᔪᓐᓇᖅᑐᑦ ᒥᕐᖑᐃᖅᓯᕐᕕᐅᑉ ᓄᓇᒌᓐᓇᖅᑕᖓᓂᒃ ᐃᑦᑕᕐᓂᓴᖃᕐᕕᖏᓐᓂᒡᓗ, ᐊᕙᑎᒧᑦ ᐅᔾᔨᕈᓱᓕᖅᐹᓪᓕᖅᑎᑦᑎᓂᖅ, ᖁᕕᐊᒋᔭᖅᑖᖅᐹᓪᓕᖅᑎᑦᑎᓂᖅ ᒥᕐᖑᐃᐅᖅᓯᕕᖕᒥ ᐃᑦᑕᕐᓂᓴᖃᕐᕕᖏᓐᓂᒡᓗ. ᐱᓕᕆᖃᑎᒌᖕᓂᖅ ᒪᓂᒪᓕᖅᑎᑉᐹᓪᓕᕆᐊᕐᓗᒍ ᒥᕐᖑᐃᖅᓯᕐᕕᒃ ᖁᕝᕙᕆᐊᕐᓗᒍᓗ ᐳᓛᕆᐊᖅᑐᓕᕆᓂᕐᒧᑦ ᐱᖁᑏᑦ, ᒥᑭᒡᓕᒋᐊᕐᓗᓄᒋᓪᓗ ᐊᑐᖅᑕᐅᓂᓪᓗᐊᑕᐅᖃᑦᑕᖅᑐᑦ ᓄᓇᐃᑦ ᐊᑐᖅᑕᐅᓂᖓᓄᓪᓗ ᖁᑦᑎᖕᓂᖅᐹᖑᕙᑦᑐᑦ.

ᐱᐅᓂᕐᓴᕐᓗᓃᑦ ᐱᐅᖏᓂᓴᕐᓗᓃᑦ ᐊᒃᑐᖅᑕᐅᔾᔪᑏᑦ ᖃᐅᔨᒋᐊᖅᑕᐅᓚᐅᕐᒪᑕ ᐃᑲᔫᑎᓂᐊᕆᐊᒃᓴᖏᓐᓂᒃ ᐊᓐᓂᕆᔭᐅᓛ ᐊᓐᓇᐅᒪᔾᔪᑎᒧᑦ ᐃᓚᒋᔭᐅᔪᑦ. ᐃᓚᐅᖏᑦ ᐱᐅᖏᑦᑐᒧᑦ ᐊᒃᑐᐃᒐᓗᐊᖅᑎᓪᓗᒋᑦ, ᐊᒃᑐᐃᓂᖏᑕ ᐊᖏᓂᖏᑦ ᒥᑭᒻᒪᑕ ᓄᓇᖓᑕᓗ ᐊᖏᔪᐊᓘᓂᖓᓄᑦ ᓄᖅᑲᖅᑕᕈᑎᖃᖅᖢᑎᒃ. ᐱᒋᐊᖅᑕᐅᓯᒪᔪᑦ ᐊᖏᓂᖅᓴᒥᒃ ᐊᑐᖅᑕᐅᑎᑦᑎᒐᔭᖅᑐᑦ ᒥᕐᖑᐃᖅᓯᕐᕕᖕᒥ, ᓇᐅᑦᑎᖅᓱᖅᑕᐅᔾᔪᑎᓕᕆᓃᑦ ᐱᔭᐅᔭᕆᐊᖃᕐᓂᐊᖅᑐᑦ ᖃᐅᔨᓴᖅᑕᐅᖁᓪᓗᒋᑦ ᓄᓇᓕᖕᓂ ᐊᒃᑐᐃᒐᔭᖅᑐᑦ ᓯᕗᓂᒃᓴᑐᖃᕐᒥ. ᐱᐅᖏᑦᑐᒻᒪᕇᑦ ᐊᑦᑐᐃᔪᑦ ᐋᖅᑭᒃᑕᐅᒋᐊᕈᓐᓇᕐᓂᖏᓐᓄᑦ ᐱᒋᐊᖅᑕᐅᔭᕆᐊᓖᑦ ᐸᕐᓇᐅᑎᓕᐅᖅᑕᐅᔭᕆᐊᓖᓪᓗ ᑖᒃᑯᓄᖓ ᓄᓇᓂ ᓇᓗᓇᐃᖅᑕᐅᓯᒪᔪᓄᑦ.

ᐱᐅᖏᑦᑐᒥᒃ ᐊᒃᑐᐃᔪᑦ ᖃᐅᔨᒋᐊᖅᑕᐅᓚᐅᕐᒥᔪᑦ ᐃᑲᔪᖅᑐᐃᒋᐊᖅᖢᑎᒃ ᑲᑎᖅᓱᐃᕙᓪᓕᐊᔪᓄᑦ ᐊᒃᑐᖅᑕᐅᔾᔪᑎᓕᕆᓂᕐᒧᑦ. ᐊᒃᑐᐃᔪᒃ, ᑭᓯᐊᓂ, ᒥᑭᑦᑑᓂᕋᖅᑕᐅᓚᐅᖅᑐᑦ ᓄᓇᖓ ᐊᖏᔪᐊᓘᓂᖓᓄᑦ, ᐃᓚᓕᐅᑎᔭᐅᔾᔮᖏᑦᑐᑦ ᓯᓚᑖᓂ ᐊᒃᓱᕈᕐᓇᖅᓯᔾᔪᑏᑦ ᑲᑎᑕᐅᕙᓪᓕᐊᔪᒃ ᐊᒃᑐᐃᓂᖏᓐᓂ. ᐅᓄᖅᑐᑦ ᐱᓕᕆᐊᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᐅᖃᖅᓯᓯᒪᕗᑦ ᐊᒃᓱᕈᕐᓇᐅᑎᓂᒃ ᓯᓚᑖᓂᖔᖅᑐᓂᒃ ᐃᑲᔪᑐᐃᓂᐊᖅᖢᓂᓗ ᐊᓐᓇᐅᒪᔾᔪᑎᓕᕆᓂᕐᒧᑦ ᑭᒡᒐᖅᑐᐃᔾᔪᑎᒥᒃ ᒥᕐᖑᐃᖅᓯᕐᕕᖕᒧᑦ.

ᐊᕙᑎᓕᕆᓂᕐᒧᑦ ᖃᐅᔨᓴᖅᑕᐅᔾᔪᑎ ᑭᖏᓪᓕᖅᐹᒥ ᐅᖃᐅᓯᖃᓚᐅᖅᐳᖅ ᑖᒃᑯᐊᒃ ᐅᒃᑐᖅᓯᑐᐃᓐᓇᕆᐊᓖᑦ ᐊᕙᑎᒧᑦ ᑐᒃᓯᕋᖅᑕᐅᔪᓂᒃ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓂ ᐸᕐᓇᐅᑎᒥ ᐋᖅᑭᒋᐊᖅᑕᐅᔪᓐᓇᕐᓂᕋᖅᑕᐅᓪᓗᑎᒃ ᖃᓄᐃᒍᓐᓃᕈᑎᒃᓴᖓᓄᑦ.

ᑕᐃᒎᓯᓕᕆᓂᖅ

ᐊᐅᓱᐃᑐᖅ: ᒍᕇᔅᕕᐅᑦ

ᐊᐅᓱᐃᑦᑐᕐᒥᐅᑦ: ᐊᐅᓱᐃᑦᑐᕐᒥᐅᑦ ᐃᓄᖏᑦ

ᑐᖃᑕᕐᕕᒃ ᑕᖖᒫᕐᕕᒃ: ᑐᖃᑕᕐᕕᒃ ᑕᖕᒫᕐᕕᒃ ᓄᓇᐅᔪᖅ ᐊᑐᑕᐅᖃᑕᑐᖅ ᑕᒫᕐᕕᐅᓗᓂ ᑲᑎᖓᔪᑎᓄᑦ ᐃᓄᓄᑦ ᐊᑕᐅᓯᒧ ᐊᒥᓱᓄᓗᓃᑦ ᐅᓄᐊᓂ ᐱᖓᓱᓄ ᐅᖓᑖᓄᓗᓃᑦ.

ᐃᑦᑕᕐᓂᓴᖃᕐᕕᒃ: ᐃᑦᑕᕐᓂᓴᖃᕐᕕᐅᓂᕋᖅᑕᐅᕗᖅ ᐃᓄᖕᒧᑦ ᓴᓇᔭᐅᓯᒪᒍᓂ, ᓄᓇᓘᓐᓃᑦ ᑕᑯᑎᑦᑎᔪᖅ ᐃᓄᖕᓄᑦ ᐱᓕᕆᕕᐅᓚᐅᖅᓯᒪᓂᖓᓂᒃ ᐅᒃᐱᕐᕕᐅᓯᒪᓂᖓᓂᒃ ᐱᖅᑯᓯᕐᒧᓪᓘᓐᓃᑦ ᑐᑭᖃᕈᓂ, ᖃᐅᔨᔭᐅᓯᒪᓕᕐᓗᓂ ᐃᑦᑕᕐᓂᓴᖃᕐᕕᐅᓂᖓᓄᑦ ᐊᓐᓂᕐᓇᖅᑐᖅ. ᐃᑦᑕᕐᓂᓴᖃᕐᕖᑦ ᐃᓕᓴᖅᓯᔾᔪᑎ ᐊᔾᔨᐅᖏᓐᓂᖏᓐᓂᒃ ᐊᓯᖏᓐᓂᒃ ᐃᑦᑕᕐᓂᓴᖃᕐᕕᖕᓂᒃ ᐃᑦᑕᕐᓂᓴᐅᓂᖏᓐᓂᒡᓗ ᐊᓐᓂᕐᓇᕈᑎᒋᔭᖓ. ᐊᓐᓂᕐᓇᕐᓂᕆᔭᖓ ᐱᒋᐊᕐᕕᖃᖅᑐᖅ ᓇᑭᙶᖅᓯᒪᓂᖓᓂᒃ ᐱᔾᔪᑎᖃᖅᖢᓂ ᐃᓄᖕᓄᓪᓘᓐᓃᑦ ᐃᓕᓴᖅᓯᔾᔪᑎᐅᓂᖓᓂᒃ ᐱᔾᔪᑎᖃᖅᖢᓂ. ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ ᐊᑐᕈᓐᓇᖅᑐᑦ ᑕᐃᒎᓯᖅ ᐃᑦᑕᕐᓂᓴᖃᕐᕕᓕᕆᓂᖅ ᐊᔾᔨᒌᖏᑦᑐᓂᒃ ᐱᖁᑎᓂᒃ ᐱᔾᔪᑎᖃᕐᒪᑦ ᐱᓯᒪᔭᐅᔪᑦ, ᐃᓚᐅᑎᓪᓗᒋᑦ, ᑖᒃᑯᐊᑐᐊᖑᖏᑦᑐᖅ, ᐃᑦᑕᕐᓂᓴᖃᕐᕕᐅᓂᖓᓄᑦ ᓄᓇ, ᓄᓇᐅᑉ ᖃᓄᐃᓕᖓᓂᖓ, ᐃᑦᑕᕐᓂᓴᖃᕐᕖᑦ, ᓇᑉᐸᖅᓯᒪᔪᑦ, ᓴᓇᔭᐅᓯᒪᔪᑦ, ᐱᑐᖃᐃᑦ, ᑎᑎᕋᖅᑕᐅᓯᒪᔾᔪᑎᐅᔪᓪᓗ ᑖᒃᑯᐊ ᐱᔾᔪᑎᒋᓪᓗᒋᑦ (ᓯᕗᒧᐊᒍᑎᐅᔪᒧᑦ ᐊᑐᖅᑕᐅᔪᒪᔪᑦ ᐊᐅᓚᑦᑎᔾᔪᑎᓄᓪᓗ ᐊᑐᐊᒐᑦ 1994).

ᐊᓐᓇᐅᒪᕕᐅᑉ ᑭᒡᒐᖅᑐᖅᑕᐅᕕᖓ: ᐊᓐᓇᐅᒪᕕᐅᑉ ᑭᒡᒐᖅᑐᖅᑕᐅᕝᕕᖓ, ᒥᕐᖑᐃᖅᓯᕐᕕᒃ ᐱᔾᔪᑎᒋᓪᓗᒍ, ᖃᓄᐃᓕᖓᓂᐅᕗᖅ ᖃᐅᔨᔾᔪᑎᐅᓪᓗᓂ ᓄᓇᐅᑉ ᐋᖅᑭᒃᓯᒪᓂᑐᖃᕆᔭᖓᓄᑦ ᑕᐃᒪᐃᖏᓐᓇᕐᓂᐊᖅᖢᓂᓗ, ᐃᓚᐅᑎᓪᓗᒍ ᐆᒪᔪᑦ ᐋᖅᑭᒃᓯᒪᓂᖏᑦ ᖃᓄᐃᓕᖓᓂᖏᓪᓗ ᐅᓄᕐᓃᓪᓗ ᓄᓇᖓᑕ ᐆᒪᔪᖁᑎᖏᑦ ᐱᕈᖅᑐᖃᐅᖅᖢᓂᓗ ᐊᔾᔨᒌᖏᑦᑐᓂᒃ, ᐊᓯᔾᔨᖅᐸᓪᓕᐊᓂᖓ, ᐃᑲᔪᖃᑎᒌᒍᑎᖃᕐᓂᖏᑦ (ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ ᐱᖁᔭᖅ).

ᑐᒥᖃᕐᕖᑦ: ᑐᒥᓕᐅᖅᑕᐅᕙᓪᓕᐊᔪᑦ ᐱᓕᕆᕕᐅᓂᖓᓄᑦ, ᓲᕐᓗ ᐱᒋᐊᕐᕕᐅᑉ ᐸᓕᓯᙳᐊᖃᕐᕕᖓ ᑕᖕᒫᕐᕕᐅᓂᖓᓄᓪᓘᓐᓃᑦ. ᐃᓚᐅᓪᓗᑎᒃ ᐱᕈᖅᑐᑦ ᐸᒡᕕᓴᖅᑕᐅᓂᖏ ᑐᖕᒪᖅᑕᐅᓂᖏᓐᓄᑦ ᓱᕋᒃᑕᐅᔪᑦ, ᐃᓕᖅᑮᓕᔾᔪᑎᓖᑦ, ᐃᒡᓕᓂᖑᕐᑎᑕᐅᓂᖓᓄᑦ, ᐊᒻᒪᓗ ᓇᒦᓐᓂᖏᑦ ᐃᒡᓗᕐᔪᐊᑦ.

ᐃᓄᐃᑦ: ᑕᑯᓗᒍ ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖓᓄᑦ ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ.

ᐅᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ: ᐊᖏᖃᑎᒌᒍᑎ ᐊᐅᔪᐃᑦᑐᖅ, ᖁᑦᑎᓂᕐᐹᖅ, ᐊᒻᒪᓗ ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ.

ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ ᐊᖏᖃᑎᒌᒍᑎ ᒥᕐᖑᐃᖅᓯᕐᕕᓕᕆᔾᔪᑎᐅᓚᐅᑲᒃᑐᒧᑦ:ᒪᓕᒐᒃᓴᐃᑦ ᐋᖅᑭᒃᑕᐅᔪᑦ ᓯᕗᓪᓕᖅᐹᖅ ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ

ᒪᓕᒐᒃᓴᐃᑦ: ᐱᓕᕆᔭᐅᓇᓱᖕᓂᖓᓄᑦ ᑐᑭᒧᐊᒍᑎᐅᓂᐊᖅᑐᖅ ᒥᕐᖑᐃᖅᓯᕐᕕᐅᑉ ᐊᐅᓚᑕᐅᔾᔪᑎᖓᓄᑦ ᐊᑐᖅᑕᐅᓂᐊᖅᑐᖅ ᑭᓯᐊᓂ ᐸᕐᓇᐅᑎᓕᐊᕆᔭᐅᔪᖅ ᑲᔪᓯᔾᔪᑎᒃᓴᖓ ᐊᖏᖅᑕᐅᓯᒪᓕᕈᓂ. ᒥᕐᖑᐃᖅᓯᕐᕕᓕᕆᔾᔪᑎᐅᓚᐅᑲᒃᑐᕐᒧᑦ ᒪᓕᒐᒃᓴᖅ ᐊᑐᖅᑕᐅᕙᖕᒪᑕ ᒥᕐᖑᐃᖅᓯᕐᕕᙳᓕᓵᖅᑐᑦ ᐊᐅᓚᔾᔪᑎᒃᓴᖏᓐᓂᒃ ᐱᔭᕆᐊᖃᖅᑎᓪᓗᒍ ᒫᓐᓇᑲᐅᑎᖏᑦ ᒪᓕᒐᖃᖅᑐᓂᒃ. ᓯᕗᓂᑦᑎᓐᓂᓕ, ᒥᕐᖑᐃᖅᓯᕐᕕᓕᕈᔾᔪᑎᐅᓚᐅᑲᒃᑐᒧᑦ ᒪᓕᒐᒃᓴᑦ ᐋᖅᑭᒃᑕᐅᓯᒪᖃᑦᑕᓚᐅᕐᒪᑕ, ᑕᒪᐃᓐᓄᓕᒫᖅ ᐊᑐᖅᑕᐅᔪᒃᓴᐅᑕᐅᓪᓗᑎᒃ, ᑲᓇᑕᐅᑉ ᒥᕐᖑᐃᖅᓯᕐᕕᒃᑖᕆᓵᖅᑕᖏᓐᓄᑦ.

ᐃᓄᐃᑦ ᒪᓕᒃᖢᒋᑦ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒋᒍᑎᒃ (ᑎᑎᕋᓯᒪᔪᖅ 1.1.1) “ᐃᓄᐃ” ᑐᑭᖃᖅᐳᖅ:

  1. ᐱᔪᑎᒋᓗᒍ ᑎᑎᕋᓯᒪᔪᖅ 2.7.1 ᐊᒪᓗ 2.7.2 ᐊᒪᓗ ᐃᓚᖓ 1 ᑎᑎᕋᖅᓯᒪᓂᖓ 40 ᐱᔾᔪᑎᒋᓪᓗᒍᓗ ᐱᒻᒪᕆᕐᔪᐊᖑᓂᖓᑕ ᓇᓗᓇᐃᖅᑕᐅᓯᒪᔪᑐᖃᖅ, ᓄᓇᖃᖅᑳᖅᑐᓄᑦ ᐃᓚᒋᔭᐅᔪᑦ, ᐃᓛᓐᓂᑦ ᐃᔅᑭᒧᖑᓂᕋᖅᑕᐅᕙᒃᐳᑦ, ᐊᑐᐃᓐᓇᖅᑐᑦ ᓄᓇᖃᐃᓐᓇᖅᑐᓪᓗ, ᐅᓪᓗᒥᒧᓪᓗ ᐊᑐᐃᓐᓇᖅᑐᑦ ᓄᓇᖃᐃᓐᓇᖅᑐᑦ, ᓄᓇᕗᑦ ᓄᓇᓕᖏᑕ ᓄᓇᖓᓂ ᐃᒪᖓᓂᓪᓗ, ᑭᓯᐊᓂ ᐃᓚᒋᔭᐅᓇᑎᒃ ᑲᓇᑕᐅᑉ ᓄᓇᖃᖅᑳᖅᑐᖏᑕ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᖏᓐᓂᒃ,
  2. ᑐᓂᔭᐅᔪᓕᒫᑦ ᐱᔾᔪᑎᒋᓪᓗᒋᑦ ᐊᖏᖃᑎᒌᒍᑎᒥᒃ ᑎᑎᕋᖅᓯᒪᔪᑦ 2.7.1ᒥ ᐊᒪᓗ 2.7.2, ᐃᓚᖓ 1 ᑎᑎᕋᖅᓯᒪᔪᖅ 40ᒥ, ᐊᒻᒪᓗ ᑎᑎᕋᓯᒪᔪᓂ 5.7.36ᒥ, 35.3.1ᒥ, 35.3.2ᒥ ᑎᑎᕋᖅᓯᒪᓂᓖᓪᓗ ᐱᔾᔪᑎᒋᓪᓗᒍ ᐱᒻᒪᕆᐅᓂᖓᓄᑦ ᓇᓗᓇᐅᖅᑕᐅᓯᒪᔪᑐᖃᖅ
    1. ᑭᓯᐊᓂ ᐃᓄᐃᑦ ᐃᓚᒋᔭᐅᔾᔪᑎᖏᓐᓄᑦ ᓇᓗᓇᐃᒃᑯᑦᑎᖅᓱᐃᔾᔪᑏᑦ ᐋᖅᑭᒃᑕᐅᓯᒪᓕᕈᑎᒃ ᒪᓕᒡᓗᒍ ᑎᑎᕋᖅᓯᒪᔪᖅ 35ᒥ, ᑭᒃᑯᑐᐃᓐᓇᐃᑦ ᐃᓚᒋᔭᐅᓕᕈᓐᓇᖅᐳᑦ ᑕᕝᕙᓂ ᑎᑎᕋᖅᓯᒪᔪᒥᑦ.
    2. ᐃᓄᐃᑦ ᐃᓚᒋᔭᐅᓂᖏᓐᓄᑦ ᓇᓗᓇᐃᒃᑯᑦᑎᖅᓱᐃᔾᔪᑏᑦ ᓴᖅᑭᓯᒪᓕᕈᓂ, ᑭᓇᑐᐃᓐᓇᖅ ᑎᑎᕋᖅᑕᐅᓯᒪᔪᖅ ᑎᑎᕋᖅᑕᐅᖃᑦᑕᕐᓂᐊᖅᐳᑦ ᒪᓕᒡᓗᑎᒃ ᑎᑎᕋᖅᓯᒪᔪᖅ 35ᒥ.

ᐃᓄᐃᑦ: ᐊᖏᖃᑎᒌᒍᑎ ᐋᔩᖃᑎᒌᒍᑎᐅᓯᒪᔪᖅ ᐅᕙᓂ ᑎᑎᕋᖅᓯᒪᔪᖅ 8 ᓄᓇᕗᒻᒥ ᓄᓇᖃᕐᓂᕐᒧᑦ.

ᐊᒃᑐᖅᑕᐅᓐᓇᕆᐊᖃᕐᓂᖏᓐᓄᑦ: ᐊᖏᖃᑎᒌᒍᑎ ᐃᓚᐅᑎᑦᑎᓪᓗᓂ ᐱᔾᔪᑎᐅᔪᑦ ᒥᕐᖑᐃᖅᓯᕐᕕᖕᒧᑦ ᑐᒃᓯᕋᖅᑕᐅᔾᔪᑎᓂᒃ.

ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ: ᐊᒃᑐᐃᔾᔪᑎᑐᐃᓐᓇᕆᐊᓖᑦ ᐃᓄᖕᓄᑦ ᓇᓗᓇᐃᖅᑕᐅᓯᒪᓪᓗᑎᒃ ᐃᑲᔫᑎᑐᐃᓐᓇᕆᐊᓖᓪᓗ.

ᐊᖏᖃᑎᒌᒍᑎᐅᔪᑦ ᐊᐅᔪᐃᑦᑐᖅ: ᐃᓄᖕᓂᒃ ᓄᓇᕗᒻᒥᐅᓕᒫᓄᓪᓘᓐᓃᑦ, ᐊᕕᒃᓯᒪᓂᒃᑯᓪᓘᓐᓃᑦ, ᓄᓇᓕᖏᑦᑎᒍᓪᓘᓐᓃᑦ.

ᖁᑦᑎᖕᓂᖅᐹᖅ ᐊᒻᒪᓗ ᓯᕐᒥᓕᒃ: ᐃᓄᐃᑦ ᐊᒃᑐᖅᑕᐅᑐᐃᓐᓇᕆᐊᖃᕐᓂᖏᓐᓄᑦ ᐃᑲᔫᓯᐊᖅᑖᕈᑎᓕᕆᓂᕐᒧᓪᓗ ᐊᖏᖃᑎᒌᒍᑎ

ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓄᑦ: ᐊᑎᓕᐅᖅᑕᐅᓚᐅᖅᓯᒪᕗᖅ ᐋᒡᒌᓯ 12, 1999ᒥ.

ᐃᓄᒃᓱᐃᑦ: ᑲᓛᖦᖠᒥᐅᑦ ᐃᓄᖁᑎᖏᑦ.

ᐃᓄᐃᑦ ᖃᐅᔨᒪᔭᑐᖃᖓ: ᐃᓄᐃᑦ ᖃᐅᔨᒪᔭᑐᖃᖓ ᐅᓄᖅᑐᓂᒃ ᐱᔾᔪᑎᖃᖅᐳᖅ ᐃᓄᐃᑦ ᐱᖅᑯᓯᑐᖃᖏᓐᓂᒃ ᐅᑯᐊ ᐃᓚᐅᓪᓗᑎᒃ ᐅᒃᐱᕆᔭᐅᔪᑦ, ᓯᓚᕐᔪᐊᔪᐊᒧᑦ ᑕᐅᑐᖕᓂᕆᔭᖏᑦ, ᐅᖃᐅᓯᖏᑦ, ᐃᓅᓕᕆᓃᑦ, ᖃᐅᔨᒪᔭᓕᕆᓃᑦ, ᐃᓅᓯᖏᓐᓂᒃ ᐱᔪᓐᓇᖅᑕᐅᔪᑦ, ᐃᓱᒪᒋᔭᖏᑦ ᓂᕆᐅᒋᔭᖏᓪᓗ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓅᓯᕆᔭᐅᖏᓐᓇᖅᑑᒐᓗᐊᖅ ᐋᖅᑭᒃᓱᐃᔾᔪᑎᔪᖅ ᑐᓴᖅᑕᐅᔭᕆᐊᖃᖅᑐᑦ. (ᓄᓇᕗᒻᒥ ᐃᓅᓯᓕᕆᓂᕐᒧᑦ ᑲᑎᒪᔩᑦ).

ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ: ᑕᑯᓗᒍ ᖁᑦᑎᖕᓂᖅᐹᖅ ᑲᑐᔾᔨᖃᑎᒌᑦ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ.

ᑲᑎᒪᔨᕋᓛᖏᑦ ᓄᓇᕗᒻᒥ ᓄᓇᖃᕐᓂᕐᒧᑦ: ᑕᑯᓄᔭᒍ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᐅᑉ ᑎᑎᕋᖅᑕᐅᓯᒪᓂᖓ.

ᐊᖏᖃᑎᒌᒍᑎ ᓄᓇᕗᕐᒥᐅᑦ: ᐊᖏᕋᖃᖅᑎᐅᔪᑦ ᓄᓇᕗᕐᒥ

ᓄᓇᕗᕐᒥ ᒥᕐᖑᐃᖅᓯᕐᕕᓕᕆᔩᑦ: ᐊᐅᓚᓯᔨᖏᑦ ᐱᓇᓱᐊᕐᑎᖏᑦ ᒥᕐᖑᐃᖅᓯᕐᕕᓕᕆᔨᑯᓄ ᑲᓇᑕᒥ ᐱᓕᕆᐊᒃᓴᖃᑐᑦ ᐊᐅᓚᓯᓂᕐᒥᒃ ᐊᒪᓗ ᐊᐅᓚᓯᓂᕐᒥᒃ ᑲᓇᑕᐅᑉ ᒥᕐᖑᐃᖅᓯᕐᕕᖏᓂ ᓄᓇᕗᕐᒥ.

ᓄᓇᕗᒻᒥ ᓄᓇᖃᕐᓂᕐᒧᑦ: ᐃᓗᓕᖃᐅᑐᖅ ᑐᑭᓯᓇᖅᑑᓪᓗᓂ ᓄᓇᑖᕐᓂᒧᑦ ᐊᖏᖃᑎᒌᒍᑎᒃ ᑕᐃᔭᐅᓗᓂ.

ᐊᖏᖃᑎᒌᒍᑎ: ᐊᖏᖃᑎᒌᒍᑎᒃ ᓄᓇᕗᒻᒥᐅᑦ ᐃᓄᖁᑎᖏᓐᓄᑦ ᐊᒪᓗ ᐊᖓᔪᖃ ᑯᐃᓐ ᐊᐅᓚᑦᓯᔨᐅᔪᖅ ᑲᓇᑕᒥᑦ ᓱᓕᓂᕋᖅᑕᐅᓚᐅᖅᑐᖅ ᓂᕈᐊᑕᐅᓂᑯᑦ ᐃᓄᖕᓄᑦ ᓄᓇᕗᒻᒥ ᓄᓇᓕᖕᓄᑦ ᐊᒻᒪᓗ ᓄᓇᕗᒻᒥ ᓄᓇᖃᕐᓂᒧᑦ ᐊᖏᖃᑎᒌᒍᑎᒧᑦ ᐱᖁᔭᕐᒥ. ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᐊᑎᓕᐅᖅᑕᐅᓚᐅᖅᓯᒪᔪᖅ 1993ᖑᑎᓗᒍ.

ᓄᓇᑕᒃ: ᒥᑭᑐᓗᓂ ᐱᕈᑐᖃᐅᕐᓂᖅ (ᖃᖃᑯᓗᒃ) ᐃᓄᑐᐊᑯᓗᓗᑎᒃ ᑕᒪᑯᓇᖓ ᖃᖃᐅᓱᓂᖏᑐᖅ ᐊᒪᓗ ᓯᑯᐃᓇᐅᓗᓂ ᐊᕙᑖ.

ᒥᕐᖑᐃᖅᓯᕐᕕᐅ ᐊᐅᓚᓯᔨᖏᑦ: ᑕᐃᒎᓯᖅ “ᒥᕐᖑᐅᖅᓯᕕᖕᒧᑦ ᐊᐅᓚᑦᑎᔨ” ᐊᑐᖅᑕᐅᖏᓐᓇᕐᓂᐊᖅᐳᖅ ᑕᕝᕙᓂ ᐸᕐᓇᐅᑎᓕᐊᒥ ᐱᔾᔪᑎᒋᓪᓗᒋᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᑕ ᐃᖅᑲᓇᐃᔭᖅᑎᖏᑦ ᐃᓚᒋᔭᐅᔪᓪᓗ ᒥᕐᖑᐃᖅᓯᕐᕕᐃᓕᕆᓂᕐᒧᑦ ᐸᕐᓇᐃᔨᓄᑦ.

ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐃᔩᑦ: ᑕᑯᐊ ᐱᓴᓱᐊᖃᑎᒌᑦ ᓇᓗᓴᐃᑕᐅᓯᒪᔪᑦ ᐃᓄᐃᑦ ᐊᒃᑐᑕᐅᓂᖏ ᐊᒪᓗ ᐃᑲᔪᓯᐊᒧ ᐊᖏᖃᑎᒋᒍᑎᒥᒃ ᐊᐅᔪᐃᑐᕐᒧᑦ, ᖁᑎᓂᕐᐹᕐᒧᑦ ᐊᒪᓗ ᓯᕐᒥᓕᐅ ᒥᕐᖑᐃᖅᓯᕐᕕᖏᑦ ᐱᓕᕆᐊᒃᓴᖃᑐᑦ ᑕᑯᐊᐱᔭᕆᓯᔭᕆᐊᖃᖢᑎᒃ ᒥᕐᖑᐃᖅᓯᕐᕕᐅ ᐊᐅᓚᓯᓂᖏᑕ ᐅᐸᓗᖓᐃᔭᕈᑎᖏᓂᒃ ᖁᑎᓂᕐᐹᖅ ᒥᕐᖑᐃᖅᓯᕐᕕᐅᑉ.

ᖃᐃᓱᐃᑐᖅ: ᕌᓴᓗᑦ ᐸᐃ.

ᖃᐃᓱᐃᑐᕐᒥᐅᑦ: ᓄᓇᖃᕐᑐᑦ ᖃᐅᓱᐃᑦᑐᕐᒥ.

ᖁᑎᓂᕐᐹᖅ ᑲᑐᔾᔨᖃᑎᒌᑦ: ᑲᑎᒪᔨᕋᕝᒪᑦ ᐊᕿᑕᐅᓯᒪᔪᑦ ᒪᓕᓗᒍ ᑎᑎᕋᓯᒪᔪᖅ 5.1.1ᒥ ᐃᓄᐃᑦ.

ᒥᕐᖑᐃᖅᓯᕐᕕᓕᕆᓂᕐᒧᑦ: ᐊᒃᑐᑕᐅᓂᖏᑕ ᐃᑲᔪᓯᐊᖏᑕᓗ ᐊᖏᖃᑎᒋᒍᑕ ᐊᐅᔪᐃᑐᕐᒧᑦ ᖁᑎᓂᕐᐸᕐᒧᑦ.

ᑲᑎᒪᔨᕋᓛᖏᑦ: ᓯᕐᒥᓕᒧᓗ ᑲᓇᑕᒥ ᒥᕐᖑᐃᖅᓯᕐᕕᐅᔪᑦ ᐊᒪᓗ ᑕᑯᓗᒍ ᑎᑎᕋᓯᒪᔪᖅ 8.4.11ᒥ ᓄᓇᕗᕐᒥ ᓄᓇᑕᕐᓂᒧᑦ ᐊᖏᖃᑎᒋᒍᑎᒃ.

ᓇᑭᖓᕐᒪᖓᑕ ᐅᖃᑕᐅᓂᑯᐃ ᑕᑯᓇᓂ ᑎᑎᕋᑕᐅᔪᓂ

ᐅᑭᐅᑕᕐᑐᒥ ᐊᓯᔨᕐᐸᓕᐊᓂᖏᓂᒃ ᖃᐅᔨᓴᓂᐅᔪᑦ ᖃᐅᔨᓃᓪᓗ. 2002.ᑲᔪᓰᓇᕐᑐᑦ ᐅᒪᔪᐊᕐᔪᐃᑦ ᓱᑯᓇᕐᑐᑦ, ᐅᖁᒪᐃᑐᑏᑦ ᓴᕕᕋᔭᐃᑦ, ᖃᔪᓕᐊᕆᔭᐅᓱᒃᓴᔭᐃᑦ, ᐃᓄᐃᑦ ᑎᒥᑎᐊᕆᓂᖏᑦ ᐊᒪᓗ ᐊᓯᔨᕐᐸᓕᐊᓂᖏᑦ ᐊᖁᑎᖏᑦ, ᐅᑭᐅᑕᕐᑐᕐᒥ ᐊᓯᔨᕐᐸᓕᐊᓂᖏᑕ ᖃᐅᔨᓴᓂᖓᓂ ᐊᒪᓗ ᐱᐅᒪᖓᑕ ᖃᐅᔨᓴᕐᓂᐅᔪᑦ, ᐋᔅᓗ.

ᐹ, ᕗ. 1991. ᐅᑎᕐᑐᑦ ᓇᓴᓂᒥᑦ: ᐊᖁᑎᒃ ᐅᒥᒪᓂ ᓄᖑᑕᐃᑐᐃᓕᒪᓂᒧᑦ ᓄᓇᓯᐊᕐᒥ, ᖃᒧᑎᒃ ᐅᖃᓕᒪᒐᐃ ᐱᖓᔪᖓ, ᐅᑭᐅᑕᕐᑐᒥ ᐃᓕᓂᐊᕐᕕᒃ ᒥᐊᓕᒐᐃ ᐅᐊᓇᖓᓂᒥᐅᑦ, ᑭᐅᓪᑯᕆ.

ᐱᓕᖅ, ᓗ.ᓴ. (ᐃᑦ), 1977. ᓱᓕᔪᖅ ᓇᒃᓕᓂ ᓇᕿᕐᓇᒥ, ᑎᕙᓂ ᕿᑭᑕᖓ, ᑲᓇᑕᒥ: ᖁᑎᑐᒥᐅᑦ ᐅᑭᐅᑕᕐᑐᖓᓂ ᐊᕙᑎᐅ ᐊᐅᓚᓂᖓ. ᓯᓚᑐᓴᕐᕕᔪᐊ ᐃᐅᓪᐳᑕᐅᑉ ᐅᖃᓕᒪᒐᓕᐅᑎᖏ, ᐃᒪᑕ. 714 ᒪᒃᐱᕐᑐᒐᖓ.

ᑲᓇᑕᒥᐅᑦ ᒥᕐᖑᐃᖅᓯᕐᕕᓕᕆᓂᒧᑦ ᐱᔨᓯᕐᓂᖅ. 1989 ᐃᐅᓪᔅᒥᐊ ᕿᑭᑕᖓᓂ ᒥᕐᖑᐃᖅᓯᕐᕕᓴᒧ ᐊᑐᑕᐃᑲᐃᓇᕐᑐᖅ ᐊᐅᓚᓯᓂᒧᑦ ᐊᑐᑕᐅᔪᓇᕐᑐᑦ. ᐊᑐᕚ. 18 ᒪᒃᐱᑐᒐᖓ.

ᑲᖃᐊᐅᑲ. 1979. ᐅᒪᔪᐃᑦ ᐊᑕᕐᓇᑐᒥᑐᑦ. ᑲᑎᒪᔨᕋᓛᖏᑦ ᖃᓄᐃᓕᖓᓕᒪᖔᑕ ᐊᑕᕐᓇᑐᒥᑐᑦ ᐅᒪᔪᐃ ᑲᓇᑕᒥ.

ᑲᖃᐊᐅᑲ. 1991. ᐊᑕᓇᕐᑐᒥᑐᖅ (ᑎᑎᖃᓯᒪᔪᑦ ᐅᒪᔪᐃ ᐃᓕᓴᕆᐅᒪᔭᐅᔪᑎᓖᑦ), ᐊᐃᕆᓕ 1991. ᑲᑎᒪᓕᕋᓛᑦ ᖃᓄᐃᓕᖓᓕᒪᖔᑕ ᐊᑕᕐᓇᑐᒥᑐᑦ ᐅᒪᔪᐃ ᑲᓇᑕᒥ. 14 ᒪᒃᐱᕐᑐᒐᖅ.

ᑲᖃᐊᐅᑲ. 2002. ᑲᓇᑕᒥᐅᑦ ᐊᑕᕐᓇᑐᒥᑐᑦ, ᓄᕕᐱᕿ 2002. ᑲᑎᒪᓕᕋᓛᑦ ᖃᓄᐃᓕᖓᓕᒪᖔᑕ ᐊᑕᕐᓇᑐᒥᑐᑦ ᐅᒪᔪᐃ ᑲᓇᑕᒥ. 34 ᒪᒃᐱᕐᑐᒐᖅ..

ᑲᖃᐊᐅᑲ. 2004. ᑲᖃᐊᐅᑲ ᐅᒪᔪᐃ ᖃᐅᔨᓴᑕᐅᓂᖏᑦ, ᒪᐃ 2004. ᑲᑎᒪᓕᕋᓛᑦ ᖃᓄᐃᓕᖓᓕᒪᖔᑕ ᐊᑕᕐᓇᑐᒥᑐᑦ ᐅᒪᔪᐃ ᑲᓇᑕᒥ. 14 ᒪᒃᐱᕐᑐᒐᖅ. http://www.cosewic.gc.ca/htmlDocuments/Short_Species_Assessment_e.htm [June 8, 2004].

ᐃᖃᑐᐃᔨᑯᑦ, ᑲᕙᒪᑯᑦ ᓄᓇᕗᕐᒥ. 2003. ᑐᑭᖏᑦ ᓇᑭᖔᕐᒪᖔᑕ ᐅᑯᓄᖓᖓᔪᑦ ᐃᖃᑐᐃᕕᓕᕆᔨᑯᓄᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐱᓴᓱᐊᖃᑎᒋᖑᔪᑦ. (ᐅᖃᓕᒪᒐᓕᐊᖑᓯᒪᖏᑐᑦ)

ᑎᒃ, ᓚᐃᐅᓪ. 20-01. ᐅᒥᒪᐃᑦ ᓄᓇᖓ: ᐃᐅ9ᒥᐊ ᕿᑭᑕᖓ ᐅᓗᒥᐅᔪᖅ ᑕᑯᔪᓇᓕᕐᑕᕗᓂ. ᓯᓚᑐᓴᕐᕕᔪᐊᖅ ᑭᐅᓪᑯᕆᐅᑉ ᐅᖃᓕᒪᒐᓕᐅᕐᕕᖓ, ᑭᐅᓪᑯᕆ. 615 ᒪᒃᐱᕐᑐᒐᖓ.

ᑎᒃ, ᓚᐃᐅᓪ. 1991 ᐃ. ᕗᐊᑦ ᑲᖕᑯᒥ ᐃᒃᓗᐃᑦ ᐊᒪᓗ ᐅᖃᐅᓯᖏᓂᒃ ᐊᑐᕐᓂᖅ ᖁᑎᑐᒥᐅᓂ. ᓴ.ᓴ.ᐊ.ᓴ. ᐅᖃᓕᒪᒐᓕᐅᕐᑏᑦ, ᐅᖃᓕᒪᒐᖓ 16, ᓯᕗᓕᕐᐹᖅ (ᒪᔨ 1991). 10 ᒪᒃᐱᑐᒐᖓ.

ᑎᒃ, ᓚᐃᐅᓪ, 1991ᐱ. ᐅᓇᑕᕐᑐᓴᑯᑦ ᑕᒫᕐᕕᖏᑦ ᐅᐊᓇᕐᐸᓯᖓᓂ ᐃᐅᓪᔅᒥᐊ ᕿᑭᑕᒥ: ᐅᓂᑲᓕᐊᖅ ᐱᔪᑎᓕᒃ ᑕᐃᓱᒪᓂᑐᖃᕕᓃᑦ ᐱᖁᑏᑦ ᐱᓪᓗᒋᑦ. ᖃᐅᔨᓴᕐᒡᑎᑦ ᑐᓴᕐᕕᖓ ᓇᓴᐅᑖ 292 (1991).. ᐊᕙᑎᓕᕆᔩᑦ ᑲᓇᑕᒥ, ᒥᕐᖑᐃᖅᓯᕐᕕᓕᕆᔩᑦ ᐱᔨᓯᕐᑎᖏᑦ. 36 ᒪᒃᐱᑐᒐᖓ.

ᐊᕙᑎᒧ ᖃᓕᕆᖑᔪᑦ ᐱᓇᓱᐊᖃᑎᒌᑦ. 1995. ᑲᓇᑕᒥ ᐊᕙᑎᓕᕆᓂᒧᑦ ᓴᐅᓂᖏᑦᑕ ᐱᓇᓱᐊᕐᑕᐅᓂᖏᑦ ᑲᓇᑕᒧᖓᔪᑦ. ᐊᑐ’ᕚ, ᒪᒃᐱᑐᒐᖅ 125.

ᑰᑦᔅ, ᕗ., ᔪ. ᑖᑦᔅ, ᒪ. ᒫᓐᓱ ᔫ. ᐊᒪᕈᐊᓕᒃᓗ. 2003. ᒪᓇᕋᑖᖅ ᐊᑐᕋᑕᑕᖏᑦ ᐃᑲᔪᑎᒋᓂᑯᑦ ᐊᐅᓚᓯᓂ ᐅᐸᓗᖓᐃᔭᕐᓂᕐᓗ ᑲᓇᑕᐅᑉ ᐅᐊᓇᖓᓂᓂᕐᐸᖅ ᒥᕐᖑᐃᖅᓯᕐᕕᐅᔪᖅ: ᖁᑎᓂᕐᐹᖅ ᒥᕐᖑᐃᖅᓯᕐᕕᒃ ᐃᐅᓪᔅᒥᐊ ᕿᑭᑕᖓᓂ.ᑭᓕᓯᓂᐊᓂᒧᑦ ᐊᒪᓗ ᐊᐅᓚᓯᓂᒧᑦ ᐱᔪᑎᒋᓗᒋᑦ ᓴᐳᑎᔭᐅᓯᒪᔪᑦ ᓄᓇᐃ ᐱᔪᑎᓖᑦ ᑲᑎᖓᓂᕐᒥᒃ, ᒪᐃ 2003, ᕕᒃᑐᐊᕆᐊ, ᐱᓯ (ᐅᖃᓕᒪᒐᓕᐊᖑᓯᒪᖏᑐᖅ)

ᑲᕙᒪᑯᖏᑦ ᑲᓇᑕᐅᑉ, 2000. ᒪᓕᒐᖅ ᐱᔪᑎᓕᒃ ᒥᕐᖑᐃᖅᓯᕐᕕᐅᔪᑦ ᑲᓇᑕᒥ.ᒪᓕᖓᒋᑦ ᑲᓇᑕᐅᑉ 2000. ᓵᑉᑕ 32. 142 ᒪᒃᐱᕐᑐᒐᖓ.

ᑯᕆᕼᐊᐅᓐ ᑐᓴᒐᓴᓕᕆᓂᒧᑦ ᐱᔨᓯᕐᑎᖏᑦ. ᑕ.ᕋ. ᑯᕋᐃ ᐊᒪᓗ ᓱ.ᕿ. ᑯᕋᐃ, ᐃᑦᔅ, 1994. ᑭᓱᖃᒪᖔᑦ ᑐᑭᓯᓇᓯᑎᓯᔪᑏᑦ ᐊᒪᓗ ᖃᐅᔨᓴᕐᓂᖏᑦ - ᐃᐅᓪᔅᒥᐊ ᕿᑭᑕᖓᑕ ᒥᖑᐃᓯᕐᕕᒃᓴᖅ. ᓄᓇᒥᐅᑕᐃ ᓄᖑᑕᐅᑕᐃᓕᒪᔪᓕᕆᔨᖏᑦ, ᒥᕐᖑᐃᖅᓯᕐᕕᓕᕆᔩᑦ ᑲᓇᑕᒥ, ᑲᓇᑕᒥᐅ ᑭᖑᕙᖏᓂ ᑲᒪᔩᑦ, ᕗᐃᓂᐸᐃ ᒪᒃᐱᑐᒐᖅ 1000.

ᑯᕋᐃ. ᑕ.ᕋ. 1997. ᐊᓘᑦ, ᐃᓄᐃᑦ ᓄᓇᖓᑕ ᐅᖓᑖᓂ: ᐅᓂᑳᖅ ᑲᓇᑕᐅᑉ ᐅᓇᑕᕐᑐᓴᖁᑎᖏᑦ ᐊᓘᑦᒥ. ᐳᕆᐊᓕᔅ ᐅᖃᓕᒪᒐᓕᐅᕐᑎᖏᑦ, ᐊᑐᕚ. 197 ᒪᒃᐱᑐᒐᖓ.

ᑯᕇᓕ, ᐊ.ᕗ. 1886. ᐊᕋᒍᓂᒃ ᐱᖓᓱᓂᒃ ᐅᑭᐅᑕᕐᑐᕐᒥ ᐱᔨᓯᕐᓂᖅ: ᐅᒥᐊᔪᐊᖅ ᐊᕐᓇ ᕗᕋᐃᒃᓚᓐᒥ ᐅᓂᑳᕐᑐᖅ ᐃᖏᕋᓂᖅ 1881ᒥᑦ 84ᒧᑦ. ᐊᐃᐸᕆᓕᑕᖓ ᐅᖃᓕᒪᒐᖅ. ᐱᑦᓕ ᐊᒪᓗ ᐃᕐᓂᖏᑦ, ᓚᓐᑕᓐ.

ᑲᓐ, ᐊ.ᕗ.ᓕ. ᒥᓗ ᐊᒪᓗ ᑕ.ᓴ. ᑕᒪᔅ. 1979. ᖁᑎᒃᑑᑉ ᑐᑐᖏᑦ, ᖃᓄᐃᓕᖓᓕᒪᖔᑕ ᐅᓂᑲᖓ. ᑲᖃᑲᐊᐅᑲ ᐅᒥᑲᓂᐊᖓ ᑲᕼᑕᓯᐅᑦ ᐅᒪᔪᓕᕆᔨᖏᑕ ᐱᔨᓯᕐᑎᖏᑦ. 32 ᒪᒃᐱᕐᑐᒐᖓ.

ᕼᐋᓯᓐ, ᔪ. 1921. ᑕᐃᓂᔅᑎᑐᑦ ᑎᑎᕋᓯᒪᔪᑦ. ᐃᒪᒃᓐᓯᓂᒥ. ᒪᒃᐱᒃᑐᒐᖏᑦ 439ᒥᑦ 464ᒧᑦ.

ᕼᐊᑐᔅᓕ-ᓯᒥᑦ.ᔪ. 1974. ᐅᐊᓇᖓᓂᑐᖅ 80ᐅᑉ. ᐅᓇᑕᕐᑐᓴᑯᑦ ᑭᓕᓯᓂᐊᓂᒧᑦ ᑲᑎᒪᔨᖏᑦ, ᑲᓇᑕ.

ᕼᐊᑐᔅᓕ-ᓯᒥᑦ.ᔪ. 1998. ᓄᓇᖑᐊᑦ ᐊᑎᖏᑦ ᐃᐅᓪᔅᒥᐊ ᕿᑭᑕᖓᓂ ᒥᕐᖑᐃᖅᓯᕐᕕᒃᓴᖅ ᐊᒪᓗ ᖃᓂᒋᔭᖓ. ᒥᕐᖑᐃᖅᓯᕐᕕᓕᕆᔨᑯᑦ ᑲᓇᑕᒥ ᐊᒪᓗ ᐅᑭᐅᑕᕐᑐᒥ ᐃᓕᓂᐊᕐ%ᑦ ᐅᐊᓇᖓᓂ ᒥᐊᓕᒐᐃ, ᑭᐅᓪᑯᕆ 89 ᒪᒃᐱᑐᒐᖓ.

ᐃᓄᓕᕆᔨᑐᖃᑯᑦ ᐊᒪᓗ ᓄᓇᕗᕐᒥ ᑐᖓᕕᑯᑦ. 1993. ᐊᖏᖃᑎᒋᒍᑎᒃ ᐃᓄᐃᑦᓗ ᓄᓇᕗᒥ ᓄᓇᖃᓂᖏᓂ ᐊᒪᓗ ᐊᔪᖄᖅ ᑯᐃ ᐊᖓᔪᖃᖑᓂᓴᐅᔪᓂ ᐊᐅᒪᓯᔪᓂ ᑲᓇᑕᒥ. ᐊᑐᕚ. 282 ᒪᒃᐱᑐᒐᖓ.

ᓕᒪᓐ, ᑎ.ᓱ. 1989. ᑭᖑᓕᕐᐸᒥ ᓯᕐᒥᖑᑐᐊᓗᑎᓗᒋᑦ ᒫᕕᓐ ᕿᕿᑭᑕᖓᓂ, ᐅᐊᓇᖓᓂ ᐃᐅᓪᔅᒥᐊ ᕿᑭᑕᖓᓂ, ᖁᑎᑐᒥ, ᑲᓇᑕᒥ. ᑲᓇᑕᒥᐅᑦ ᖃᐅᑕᒪ ᑎᑎᕋᑕᖏ ᓄᓇᒥ ᑭᓕᓯᓂᐊᓂ. 26 :2578-2590.

ᒪᒃᒥᓚᓐ. ᑕ.ᐱ. 1934. ᖃᓄ ᐱᐊᕆ ᑲᔨᖓᕗᕐᓂᒪᖔᑦ. ᕼᒡᐊᑎᓐ ᒥᓕᓐ. ᓂᐅ ᔪᐸᒃ.

ᒫᓐᓱ. ᒪ.ᓕ. ᑎᒃ. ᓄ. ᓚᐃᔭᓐ ᓴ. ᓴᐃᑦ ᐱᐊ ᐊᒪᓗ ᔭ. ᕗᑦ. 2004. ᐊᕙᑎᐅᑉ ᖃᓄᐃᑐᓚᐅᓯᒪᓂᖓ ᖁᑎᑑᑉ ᑐᑐᖏ ᐅᒥᒪᐃᓗ ᐅᐊᓇᕐᐸᓯᐊᓂ ᐃᐅᓪᔅᒥᐊ ᕿᑭᑕᖓᓂ. 4300ᒥ ᐅᓗᒥᒧᑦ. ᑭᓕᓯᓂᐊᓂᒧᑦ ᑲᑎᔪᑦ. 12(1): 1, 4ᒥᑦ 8ᒧᑦ.

ᒪᒃᕗᐃᐅᓪ, ᒪ.ᓱ. 1960. ᐃᑕᕐᓂᓴᐃᑦ ᖃᐅᔨᓴᕐᑕᐅᓂᕕᓂᐊ ᑲᓇᓇᐸᓯᐊᓂ ᑯᒡᕋᑦ ᓄᓇᖓ, ᐃᐅᓪᔅᒥᐊ ᕿᑭᑕᖓᓂ., ᓄᓇᓯᐊᕐᒥ. ᑲᓇᑕᒥ ᑕᑯᔭᒐᖃᕕᒃ ᑲᓇᑕᐅ ᐅᖃᓕᒪᒐᖁᑎᖏᑦ ᓇᓴᐅᑖ 170. ᐃᑕᓂᓴᑐᖃᓕᕆᓂᖅ ᑎᑎᕋᓯᒪᔪᐊᑕ ᓇᓇᐅᑖ 49. ᐃᓄᓕᕆᔨᑐᖃᑯᑦ ᓄᓇᒥᐅᑕᓕᕆᔨᑯᓗ. ᒡᐊᑐᒡᕙ.

ᒥᓗ, ᕗ.ᓕ. 1990. ᖁᑎᒃᑑᑉ ᑐᑐᖏ ᖃᓄᐃᓕᖓᓕᒪᖔᑕ. ᓯᓚᓕᕆᔨᑯᑦ ᑲᓇᑕᒥ ᑲᓇᑕᒥᐅ ᐅᒪᔪᓕᕆᔨᖏᑕ ᐱᔨᓯᕐᑎᖏᑦ. 64 ᒪᒃᐱᕐᑎᒑ.

ᒥᓗ, ᕗ.ᓕ.ᕋ.ᕼ. ᕋᓱᓪ ᐊᒪᓗ ᖑ. ᑲᓐ. 1997. ᓇᒧᖓᖃᑕᕐᓂᖏᑦ, ᓇᕈᓇᒃᓂᖏᑦ ᐊᒥᓱᓂᖏᓗ ᖁᑎᒃᑑᑉ ᑐᑐᖏ ᐅᒥᒪᐃᓗ ᐊᑭᓇᕐᐸᓯᐊᓂ ᑯᐃᓐ ᐃᓕᓴᐱᐅ ᕿᑭᑕᖏᓂ, ᓄᓇᓯᐊᕐᒥ. 1972ᒥᑦ 74ᒧᑦ ᑲᓇᑕᒥ ᐅᒪᔪᓕᕆᔨᖏᑕ ᐱᔨᓯᕐᑎᖏᑕ ᐅᓂᑳᖏᑕ ᐅᖃᓕᒪᒐᖏᑦ. 40:1ᒥᑦ 55ᒧᑦ.

ᓂᐊᔅ, ᔪ.ᓱ. 1877. ᖃᐅᑕᒫᑦ ᑎᑎᕋᖃᑕᑕᖏᑦ ᖃᓄᐃᐸᓕᐊᓂᓂᓗ ᐅᑭᐅᑕᕐᑐᒥ ᐃᖏᕋᓂᖓ ᑎᓕᔭᐅᓂᓂ ᑲᑉᑕᓐ ᐊᖓᔪᖃ ᔪᐊ ᓂᐊᕆᔅᒧᑦ. ᒪᓕᒐᓕᐅᑎᔪᐊᑯᑦ ᐸᐃᐸᖓ ᓇᓂᑎᓯᐊ #C-1636, ᑯᐃᓐ ᑎᑎᕋᕈᓇᐅᑕ, ᓚᓐᑕᓐ.

ᑲᓇᑕᓕᒪᒧᖓᔪᑦ ᖃᖓᑕᓱᓕᕆᔩᑦ ᐊᓂᓂᖃᓇᖏᑐᓕᕆᔨᓗ ᑎᑎᕋᕕᖓ. 2004. ᓱᕋᑎᕐᓂᖓ ᐱᒋᐊᕐᕕᐅ ᓯᑯᐊᓗ ᐊᑭᓇᖓᑕ.. ᐊᑐᐃᓇᐅᔪᖅ ᖃᕆᑕᐅᔭᑯᑦ ᐅᕙᓂ. http://WWW.nasa.gov/missions/earth/f_iceshelf.html [June8, 2004].

ᐅᐊᓇᕐᐸᓯᒥ ᓱᑯᓇᕐᑐᑦᓂ ᑲᒪᔩᑦ. 1997. ᐱᓗᐊᖑᐊᕐᓂᖏᑦ ᑲᓇᑕᐅᑉ ᐅᑭᐅᑕᕐᑐᖓᓂ ᓱᑯᓇᑐ ᖃᐅᔨᓴᓂᖏᑕ ᐅᓂᑳᖏᑦ: ᖃᓄᐃᑐᓂᖏᓂ ᖃᐅᔨᒋᐊᕈᑏᑦ ᐅᖃᓕᒪᒐᖏ. ᐃᓄᓕᕆᔨᑐᖃᑯᑦ ᑲᓇᑕᒥ, ᐊᑐᕙ. ᒪᒃᐱᒃᑐᒐᖅ 83.

ᓄᓇᕗᕐᒥ ᐃᓄᓯᓕᕆᔨᑯᑦ ᐊᕿᓯᒪᔭᖏᑕ ᑲᑎᒪᔨᖏ ᓂᕈᐊᑕᐅᓯᒪᔪᑦ ᐊᐅᓚᓯᔩᑦ ᐊᒪᓗ ᓄᓇᕗᒥ ᑐᖓᕕᑯᑦ. 2004. ᐊᕋᒍᑕᒫᕐᓯᐅᑎᒥᓂ ᐅᓂᑳᖅ ᖃᓄᐃᓕᖓᓕᓂᕆᔭᖓ ᐃᓄᐃᑦ ᐃᓕᖁᓯᖓ ᐃᓄᖏᓗ 2002ᔭ2003..

ᐸᑲ, ᑐ.ᕋ., ᑕ.ᓴ. ᑕᒪᔅ, ᐃ. ᐳᕋᐅᑕᓐ ᐊᒪᓗ ᖁ.ᕋ./ᕋᐃ. 197ᑦ. ᑲᑖᒃᑐᐊᓗᓂᖏᑦ ᐅᒥᒪᐃᑦ ᖁᑎᑐᓗ ᑐᑐᖏᑕ ᐊᒥᓱᓂᖏᑦ 1973ᒥᑦ 1974ᒧᑦ ᐱᐊᕆᐅᑉ ᕿᕿᑭᑕᖏᓂ, ᐅᑭᐅᑕᑐᖓᓂ ᑲᓇᑕᐅᑉ. ᑲᓇᑕᒥᐅᑦ ᐅᒪᒧᓕᕆᔨᖏᑕ ᐱᔨᓯᕐᑎᖏᑦ, ᖃᓄᐃᓕᕙᓕᐊᓂᖏᑕ ᐅᓂᑲᖏᑦ. 56:10 ᒪᒃᐱᑐᒑ.

ᒥᕐᖑᐃᖅᓯᕐᕕᑦ ᑲᓇᑕᒥ. 1990. ᓇᓂᓂᖏᑦ ᒥᖑᐃᓯᕐᕖᑦ 1990ᒥ ᐅᓂᑲᓕᐊᑦ. ᐊᑐᕙ. 88 ᒪᒃᐱᑐᖔ

ᒥᕐᖑᐃᖅᓯᕐᕕᑦ ᑲᓇᑕᒥ. 1994ᐃ. ᓇᓂᓂᖏᑦ ᒥᖑᐃᓯᕐᕖᑦ 1994ᒥ ᐅᓂᑲᓕᐊᑦ. ᐊᑐᕙ.

ᒥᕐᖑᐃᖅᓯᕐᕕᑦ ᑲᓇᑕᒥ. 1994ᐱ.ᐊᑐᑕᐅᓗᐊᑕᕆᐊᓖᑦ ᐊᐅᓚᓂᖓᑕᓗ ᐊᑐᐊᒐᖏᑦ. ᐊᑐᕙ. 125 ᒪᒃᐱᑐᖔ

ᒥᕐᖑᐃᖅᓯᕐᕕᑦ ᑲᓇᑕᒥ. 1997. ᓇᓂᓂᖏᑦ ᒥᖑᐃᓯᕐᕖᑦ 1997ᒥ ᐅᓂᑲᓕᐊᑦ.

ᒥᕐᖑᐃᖅᓯᕐᕕᑦ ᑲᓇᑕᒥ. 1997. ᑲᓇᑕᒥ ᒥᖑᐃᓯᕐ%ᑦ ᐅᐸᓗᖓᐃᔭᕈᑎᖓ. ᑲᓇᑕᒥ ᑭᖑᕙᖏᑦ. ᐊᑐᕙ. 106 ᒪᒃᐱᑐᒑ.

ᒥᕐᖑᐃᖅᓯᕐᕕᑦ ᑲᓇᑕᒥ. 1999. ᓇᓂᓂᖏᑦ ᓴᐳᔭᐅᓯᒪᔪᑦ ᑭᖑᕙᕆᔭᐅᔪᑦ ᓄᓇᖏ 1999ᒥ ᐅᓂᑳᖅ.

ᒥᕐᖑᐃᖅᓯᕐᕕᑦ ᑲᓇᑕᒥ ᐃᖃᓇᐃᔭᕕ. 2000. ᓱᕈᓯᒪᖏᑐᑦ ᑭᖑᕙᑎᓄᑦ ᑐᕋᖓᔪᑦ, ᒪᕈᒋᓕᑕᖓ ᐅᖃᓕᒪᒐᓕᐊᖅ.

ᒥᖑᐃᓯᕐᕕᑦ ᑲᓇᑕᒥ ᐃᖃᓇᐃᔭᕐᕕᒃ. 2000. ᓄᓇᕗᕐᒥ ᓄᓇᖓᓂ ᑲᒪᔩᑦ ᐊᕙᑎᓕᕆᓂᒧ ᐊᐅᓚᓯᓂᒧ ᖃᓄᐃᓕᐅᕆᐊᖃᒪᖔ ᐅᐸᓗᖓᐃᔭᐅᑦ. (ᐅᖃᓕᒪᒐᓕᐊᖑᓯᒪᖏᑐᖅ. 13 ᒪᒃᐱᑐᒐᖓ.

ᒥᕐᖑᐃᖅᓯᕐᕕᑦ ᑲᓇᑕᒥ ᐃᖃᓇᐃᔭᕕ. 2001.ᐃ ᒥᕐᖑᐃᖅᓯᕐᕕᑦ ᑲᓇᑕᒥ ᐃᖃᓇᐃᔭᕕᒃ ᑲᑐᔨᖃᑎᒋᑦ ᐊᕿᓯᒪᔭᖓ 2001/02ᒥᑦ 2005/06ᒧᑦ.ᒥᕐᖑᐃᖅᓯᕐᕕᑦ ᑲᓴᑕᒥ, ᐊᑐᕙ. ᒪᒃᐱᑐᒐᖅ 44.

ᒥᕐᖑᐃᖅᓯᕐᕕᑦ ᑲᓇᑕᒥ ᐃᖃᓇᐃᔭᕕ. 2001.ᐱ. ᑲᑎᑎᑕᐅᓂᖓ ᑲᓇᑕᒥᐅᑦ: ᒥᕐᖑᐃᖅᓯᕐᕕᓕᕆᔨᑯᑦ ᑲᓇᑕᒥ ᐊᕿᓯᒪᔭᖏᑦ ᑕᖃᓂᑐᑦ ᑐᓴᐅᒪᓂᖏᓄᑦ. (ᐅᖃᓕᒪᒐᓕᐊᖑᓯᒪᖏᑐᑦ). 27 ᒪᒃᐱᑐᒐᖓ.

ᒥᕐᖑᐃᖅᓯᕐᕕᑦ ᑲᓇᑕᒥ ᐃᖃᓇᐃᔭᕕ. ᕿᑭᑕᓂ ᐃᓄᐃᑦ ᑲᑐᔨᖃᑎᒋᑯᖏᓗ. 1999. ᐃᓄᐃᑦ ᐊᒃᑐᑕᐅᓂᖏᑦ ᐃᑲᔪᓯᐊᖏᓄᓗ ᐊᖏᖃᑎᒋᒍᑎᒃ ᐊᐅᔪᐃᑐᕐᒧᑦ. ᖁᑎᓂᕐᐹᖅ ᓯᕐᒥᓕᒃᓗ ᒥᕐᖑᐃᖅᓯᕐᕕᓂ. ᐅᖃᓕᒪᒐᓕᐊᖑᓯᒪᖏᑐᖅ ᒪᒃᐱᑐᒐᖅ 471.

ᐱᐊᒥᓐᑕ, ᓴ.ᐱ. 1980. ᐅᐊᓇᖓᓂ ᐃᐅᓪᔅᒥᐊ ᕿᑭᑕᖓᑕ ᑕᐃᓱᒪᓂᑐᖃᖅ ᐃᑕᓂᓴᖁᑎᖏᑦ: ᓯᕗᓂᐊᓂ ᐅᓂᑳᓕᐊᖅ ᐊᕋᒍᖓᓂ 1979 ᐅᑭᐅᑕᕐᑐᒥ ᐱᓕᕆᐊᖅ. ᓯᓚᔪᐊᕐᑎᑯᑦ ᑲᓇᑕᒥ. ᒪᒃᐱᑐᒐ 87-88.

ᐱᐊᒥᓐᑕ, ᓴ.ᐱ ᐊᒪᓗ ᒧ. ᐴᓂᑉ. 1979.: ᓯᕗᓂᐊᓂ ᐅᓂᑳᓕᐊᖅ ᐊᕋᒍᖓᓂ 1978ᒥ ᐊᕋᒍᖓᓂ ᐃᑕᓂᓴᓕᕆᓂᒧᑦ ᖃᐅᔨᓴᓂᐅᔪᑦ ᖁᑎᑐᕐᒥ. (ᐅᖃᓕᒪᒐᓕᐊᖑᓯᒪᖏᑐᖅ. ᒥᕐᖑᐃᖅᓯᕐᕕᓕᕆᔨᑯᑦ ᑲᓇᑕᒥ).

ᐱᐊᕆ.ᕋ. 1910. ᓯᓚᔪᐊ ᑲᔨᖓ. ᕼᐋᑐ ᐊᒪᓗ ᓯᑕᐅᑕᓐ, ᓚᓐᑕᓐ.

ᓯᑲᑦ.ᑕ. 2003. ᓯᓚᐅᑉ ᐊᓯᔨᕐᓂᖓ ᐊᒪᓗ ᑲᓇᑕᐅ ᒥᕐᖑᐃᖅᓯᕐᕕᖓᑕ ᐊᐅᓚᓂᖓ; ᐱᓂᕐᓗᑐᑦ ᓱᓂᓯᓃᓗ, ᒥᕐᖑᐃᖅᓯᕐᕕᓕᕆᔨᑯᑦ ᑲᓇᑕᒥ ᓄᓇᖓᓂ ᑭᓕᓯᓂᐊᓂ ᖃᐅᔨᓴᓂᒧᓗ ᐅᓂᑳᑦ 19 ᕿᓕᑐᑦ.

ᓯᑲᑦ.ᑕ.ᓗ ᕋ ᓴᕕᓕᒃᓗ. 2000. ᓯᓚᐅᑉ ᐊᓯᔨᕐᓂᖓ ᐊᒪᓗ ᑲᓇᑕᐅ ᒥᕐᖑᐃᖅᓯᕐᕕᖓᑕ ᐊᐅᓚᓂᖓ.. ᐊᕙᑎᓕᕆᔩᑦ ᑲᕼᑕᒥ ᐊᒪᓗ ᒥᕐᖑᐃᖅᓯᕐᕕᑦ ᑲᓇᑕᒥ. ᒪᒃᐱᑐᒐᖅ 183.

ᓯᑲᑦ.ᑕ. 2004.ᓱᕋᓂᖓ. ᐱᒋᐊᕐᕕᐅ ᓯᑯᖓ ᐊᑭᓈᒃᓗᒃ. ᑲᓇᑕᒥ ᖃᖓᑕᓱᓕᕆᔨᖏᑦ ᑎᑎᕋᕕᖓᓗ ᐊᓂᓂᖃᓇᖏᑐᓕᕆᔩᑦ ᓄᓇᒥᒃ ᕿᒥᕈᔩᑦ. ᖃᕆᑕᐅᔭᑯᑦ ᑕᑯᔭᓴᐅᔪᖅ.http://www.nasa.gov/missions/earth/f_iceshelf.htm[June 8, 2004].

ᓱᐳ, ᔪ.ᕼ. ᐊᒪᓗ ᔨ.ᒪ. ᐸᐅᕗᓪ. 1985. ᐱᕈᑐᓂᒃ ᖃᐅᔨᓴᕐᓂᖅ ᑕᓰᐊᓘᑉ ᒥᒃᓴᓂ, ᐅᐊᓇᕐᐸᓯᐊᓂ ᐃᐅᓪᔅᒥᐊ ᕿᑭᑕᖓᓂ, ᓄᓇᓯᐊᖅ, ᑲᓇᑕ. ᑕᓇᑕᓕᒪᒥ ᐱᑐᖃᑯᕕᒃ ᑲᓇᑕ. ᐅᖃᓕᒪᒐᓕᐅᕐᑏᑦ ᓱᓂᓯᒪᖏᑐᓄ ᑭᓕᓯᓂᐊᓂᓄᖅ. ᓇᓴᐅᑕ 5. ᒪᒃᐱᑐᒐ 67ᒥ.

ᓇᐃᓴᐃᔩᑦ ᑲᓇᑕᒻ. 2001. 2001ᖑᑎᓗᒍ ᓇᓴᑕᐅᓂᖏᑦ ᑲᓇᑕᒥ.

ᓯᑎᓐᑎᓐ, ᑎ.ᕋ. 2003. ᖃᓄᐃᓕᐅᕆᐊᖃᒪᖔᑕ ᐅᒃᑐᕈᒪᔪᑦ ᑐᓯᕋᐅᑎᑯᑦ ᐊᒪᓗ ᐱᓯᒪᒃᖠᑏᑦ ᓄᓇᕗᕐᒥ ᓄᓇᖓᓂᑐᑦ ᐃᑕᓂᓴᐃᑦ ᐊᒪᓗ ᐅᔭᕋᓂ ᐃᑕᓂᓴᕕᓂᕐᓄᑦ ᐱᔪᓇᐅᑏᑦ. ᑲᕙᒪᑯᖏᑦ ᓄᓇᕗᕐᒥ, ᐅᑯᓇᖔᕐᑐᖅ ᐃᓕᖁᓯᓕᕆᔨᑯᑦ, ᐅᖃᐅᓯᓕᕆᔩᑦ, ᐅᓇᓄᑦ ᐊᒪᓗ ᒪᑯᑐᓄᑦ, ᐃᖃᓗᓂ