Quttinirpaaq National Park of Canada State of the Park Assessment (2018)

ᐋᕿᒃᓱᐃᔪᖅ : ᔨᓇ ᐳᓐ Jenna Boon, ᐊᖓᔪᖄᖅ ᓄᓇᖓᓂ, ᓄᓇᕗᑦᖅ ᐊᐅᓚᑦᑎᕕᐊᓂ
ᐊᖏᕐᑕᐅᔪᖅ:Trevor Swerdfager, Senior Vice-President, Operations

ᐃᓗᓕᖏᑦ

ᑕᑯᓕᒫᕐᓗᒍ ᓇᓗᓇᐃᒃᑯᑕᐃᑦ - ᖁᑦᑎᒃᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ

ᓇᓗᓇᐃᒃᑯᑕᐃᑦ

A visual representation of assessment indicators. The indicators are presented on a wheel as follows: Visitor Experience (Visits, Enjoyment, Learning, Satisfaction); Built Assets (Buildings, Dams, Fortifications, Highways, Other, Roads, Vehicular Bridges, Airfields); Ecological Integrity (Forest, Tundra, Shrublands, Wetlands, Grasslands, Freshwater, Coastal/Marine, Glaciers); Cultural Resources (Objects, Landscape Features, Buildings and Engineering Works, Archaelogical Sites); External Relations (Support, Promotion); Indigenous Relations (Partnerships, Accessible, Respectful, Knowledge-based, Supportive). Indicator ratings are also represented with the following graphics: Good (Green circle); Fair (Yellow triangle); Poor (Red square); Not Rated (N/R); Not Applicable (N/A).

ᓇᓗᓇᐃᒃᑯᑕᐃᑦ

A chart outlining visual representations of indicators. States are represented as: Good (Green circle); Fair (Yellow triangle); Poor (Red square); Not Rated (No shape). Trends are represented as: Improving (upward pointing arrow); Stable (left-right pointing arrow); Declining (downward pointing arrow); Not rated (N/R); Not Applicable (N/A).

1.0 ᐊᕙᑎᖓᓂ ᓱᕐᕋᒃᐸᓪᓕᐊᑎᒋᓂᖓ ᓇᓗᓇᐃᒃᑯᑕᐃᑦ

ᑕᑯᓕᒫᕐᓗᒍ

ᑖᓐᓇ ᓯᕗᓪᓕᕐᐸᖑᔪᖅ ᐊᕙᑎᖓᓂ ᓱᕋᖏᑦᑎᒋᔪᓐᓇᕐᓂᖓᓂᒃ ᖃᐅᔨᓴᕐᓂᖅ ᖁᑦᑎᒃᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ. ᑎᓕᓯᓚᐅᕐᓯᒪᓂᖏᓐᓄᑦ ᒥᕐᖑᐃᓯᕐᕕᓕᕆᔨᒃᑯᑦ ᐊᕙᑎᖓᓂᒃ ᖃᐅᔨᓴᖁᔨᓪᓗᑎᒃ, ᖃᐅᔨᓴᕐᓂᐅᔪᖅ ᒪᕉᒃᓂᒃ ᐅᖃᐅᓯᖃᕐᑐᖅ. ᓇᑎᕐᓇᖓᓂᒃ ᐊᒻᒪᓗ ᐃᒥᑐᐃᓐᓇᕐᒥᒃ. ᑕᑯᓖᒫᕐᓗᒍ ᖃᓄᐃᓕᖓᓂᖓᓂᒃ ᐊᒻᒪᓗ ᖃᓄᐃᓕᕙᓪᓕᐊᓂᖓᓂᒃ ᐊᕙᑎᖓᓂ ᓱᕋᖏᑎᒍᔪᓐᓇᕐᓂᖓᓂᒃ “ᐱᐅᔪᖅ” ᐊᒻᒪᓗ ᐃᓱᒪᒋᔭᐅᔪᑦ “ᑕᐃᒪᐃᓐᓇᑦᑕᐃᓇᓕᓂᖓᓂᒃ”

ᐆᑐᕆᐊᓖᑦ ᐃᓚᖏᑦ “ᓇᓗᓴᐃᕐᓯᒪᖏᑦᑐᑦ”. ᒪᓂᕋᕐᒥᒃ ᐅᖁᓂᖓᓂᒃ ᐊᒻᒪᓗ ᐱᖁᕐᑐᐃᑦ ᐃᓂᒋᔭᖏᑦ ᐆᒃᑐᕐᑕᐅᔪᑦ ᓄᑖᖑᓪᓗᑎᒃ, ᑎᑎᕋᕐᓯᒪᔪᖃᖏᓗᐊᕐᒪᑦᓱᓕ ᖃᐅᔨᓴᕈᑎᓂᒃ. ᐱᒋᐊᕐᕕᒋᔪᓐᓇᕐᑕᖓ ᓇᓗᓇᐃᕐᑕᐅᒍᓗᐊᕐᖢᓂ. ᓄᑖᖑᔪᖅ ᐃᒥᐅᑦ ᓴᖏᓂᖓᓂᒃ ᑰᖕᓂᖓᑕ ᐊᑯᓂᐅᔪᒧᑦ ᖃᐅᔨᓴᕐᑕᐅᓂᐊᕐᒪᑦ ᑭᓯᐊᓂ ᐱᒋᐊᕐᕕᒋᔪᓐᓇᕐᑕᖓ ᓱᓕ ᓇᓗᓇᕐᑐᖅ ᖃᐅᔨᓴᐅᑎᑦ ᑲᑎᑕᐅᓚᐅᖏᒻᒪᑕ ᓱᓕ. ᑖᒃᑯᐊ ᐱᔾᔪᑕᐅᔪᑦ ᐱᒋᐊᕐᑕᐅᕙᓪᓕᐊᔪᑦ. ᐃᓄᐃᑦ ᖃᐅᔨᒪᔭᖏᑦ ᐆᒃᑐᑎᑦ ᓱᓕ ᐋᕿᒃᑕᐅᓯᒪᖏᑦᑐᖅ ᒥᕐᖑᐃᓯᕐᕕᒃᒧᑦ.

ᑕᑯᓕᒫᕐᓗᒍ ᖃᓄᐃᓕᕙᓪᓕᐊᓂᖓ ᓇᑎᕐᓇᐅᑦ ᓇᓗᓇᐃᒃᑯᑕᖏᑦ ᐋᕿᒃᑕᐅᓯᒪᔪᖅ “ᓱᕋᒃᐸᓪᓕᐊᖏᓐᓂᖓᓂ”. ᓄᓇᐅᑦ ᒪᓂᕋᐅᑦ ᖄᖓᓃᑦᑐᖅ ᐊᐅᔨᕐᑕᐅᕕᒃᓂ “ᐱᐅᔪᖅ”, ᑭᓯᐊᓂ ᐊᑦᑎᒃᓯᕙᓪᓕᐊᓪᓗᓂᔭ ᐊᑎᒃᓯᕙᓪᓕᐊᖏᓐᓇᕈᓂ “ᓈᒻᒪᒃᑐᒦᓕᕐᓂᐊᕐᑐᖅ” ᑭᖑᓪᓕᕐᒥ ᖃᐅᔨᓴᕐᑕᐅᒍᓂ. ᖃᐅᔨᓴᕐᑕᐅᖏᓐᓇᕆᐊᓕᒃ ᐊᓯᒥᓪᓕᕐᐸᓪᓕᐊᔪᑦ ᖄᖓᓂ ᐃᒃᐱᒃᓇᐅᑎᓂᐊᕐᒪᑕ ᐱᕈᕐᑐᓄᑦ ᐃᓂᒋᔭᖏᓐᓄᑦ.

ᐃᒥᑐᐃᓐᓇᖅ ᐋᕿᒃᑕᐅᔪᖅ “ᐱᐅᔪᖅ”. ᑎᑎᕋᕐᑕᐅᓯᒪᔪᑦ ᒪᓕᒃᖢᒋᑦ ᑖᑯᓇᖓᑦ, ᑰᒃᐸᓪᓕᐊᓂᖓ ᑕᓯᕐᔪᐊᒥᑦ Lake Hazen,ᑕᑯᓪᓗᒋᓪᓗ ᐃᖃᓗᐃᑦ ᓴᕕᕋᔭᒃᓴᖃᕐᓂᖏᑦ, ᐋᕿᒃᑕᐅᔪᖅ “ᐱᐅᔪᖅ” ᐊᒻᒪᓗ “ᓱᕌᖏᑦᑐᖅ”. ᑎᑎᕋᕐᑕᐅᓯᒪᔪᑦ ᖃᐅᔨᓴᕐᓂᒃᑯᑦ, ᓇᓗᓇᐃᕐᑕᐅᓚᐅᕐᑐᖅ ᐃᒥᐅᑦ ᐱᐅᑎᒋᓂᖓ ᑰᒃᐸᓪᓕᐊᔪᖅ ᑕᓯᕐᒧᑦ ᖁᕙᓯᒃᓂᖏᓐᓂᒃ ᓴᕕᕋᔭᒃᓴᐃᑦ, lead, zinc, iron ᐊᒻᒪᓗ aluminum. ᖃᐅᔨᓴᕐᑕᐅᖏᓐᓇᕆᐊᖃᕐᑐᖅ ᑰᒃᐸᓪᓕᐊᔪᖅ ᑕᓯᕐᒧᑦ ᐃᒥᐅᑦ ᐱᐅᑎᒋᓂᖓᓂᒃ ᓱᕋᐃᕙᓪᓕᐊᒃᒪᖔᑦ ᐃᒥᑐᐃᓐᓇᕐᒥᒃ. ᖃᐅᔨᓴᕐᑕᐅᒃᑲᓐᓂᕆᐊᖃᕐᑐᖅ ᓯᓚᐅᑦ ᐊᓯᓪᓕᕐᐸᓪᓕᐊᓂᖓ ᐃᒃᐱᒃᓇᐅᑎᑉᒪᖔᑦ ᐃᒥᐅᑦ ᐱᐅᑎᒋᓂᖓᓄᑦ ᐃᑲᔫᑎᒐᔭᕐᑐᖅ. ᐃᓗᓕᖏᓪᓗ ᐃᓚᒃᓴᐅᑎᖏᑦ ᖃᐅᔨᓴᕐᑕᐅᓗᑎᒃ ᐃᖃᓗᐃᑦ ᓱᕈᕐᓇᕐᑐᖃᕐᓂᖏᑦ ᐊᒻᒪᓗ ᐃᒥᐅᑦ ᐱᐅᑎᒋᓂᖓ.

ᑖ ᓇ ᓯᕗᓪᓕᕐᐹᖑᖕᒪᑦ ᐊᕙᑎᖓᓂ ᓱᕋᒃᐸᓪᓕᐊᑎᒋᓂᖓᓂᒃ ᖃᐅᔨᓴᕐᓂᖅ ᑎᑎᕋᕐᑕᐅᓂᖓᓂᒃ ᓇᓗᓇᐃᕐᓯᓪᓗᑎᒃᓗ ᓇᐅᒃᑯᑦ ᐱᐅᓯᒋᐊᒃᑲᓐᓂᕈᓐᓇᕐᒪᖔᑦ ᖃᐅᔨᓴᕐᓂᐅᔪᑦ ᑎᑎᕋᕐᑕᐅᑦᑎᐊᖁᓪᓗᒋᑦ. ᐆᒃᑐᑕᐅᔪᑦ ᐱᐅᓯᒋᐊᕐᓗᒋᑦ ᐃᑲᔪᑎᓂᕐᓴᐅᒐᔭᕐᑐᖅ ᑐᑭᓯᐅᒪᔭᐅᓇᓱᒃᓗᓂ.

ᑲᓇᑕᒥ ᐱᖁᔨᓂᖏᑦ ᒪᓕᒃᖢᒋᑦ ᐊᕙᑎᖓᓂᒃ ᓱᕋᒃᐸᓪᓕᐊᑎᒋᓂᖓᓂᒃ ᖃᐅᔨᓴᕐᓂᖅ ᑕᕙᓃᑦᑕᐅᓐᓇᕐ ᐃᒪᖃᕐᕕᐅᔪᒥ. ᑭᖑᓂᑦᑎᓐᓂ ᐱᔾᔪᑎᒋᓪᓗᒍ (ᓲᕐᓗ ᐱᑕᖃᐃᓐᓇᕐᓗᑎᒃ ᖃᐅᔨᓴᕐᕕᐅᔪᑦ ᑭᒃᓕᓕᐅᕐᓯᒪᓗᑎᒃ ᑎᑎᕋᕐᑕᐅᓗᑎᒃᓗ), ᓇᑎᕐᓇᖓᓂ ᖃᐅᔨᓴᕐᓂᖅ ᑕᕙᓃᒻᒪ ᓄᓇᖓᓂ ᑲᖏᕐᖢᐊᑕ Tanquary Fiord. ᐃᒥᑐᐃᓐᓇᐅᑦ ᖃᐅᔨᓴᕐᑕᐅᓂᖓ ᑕᕙᓂ ᑕᓯᕐᔪᐊᕐᒥ Lake Hazen ᐃᒪᖃᕐᓂᖏᓐᓂ ᐊᕙᑎᓕᕆᔨᒃᑯᑦ ᑲᓇᑕᒥ ᓯᓚᐅᓪᓗ ᐊᓯᓪᓕᕐᐸᓪᓕᐊᓂᖓᓄᑦ ᐃᓚᐅᖃᑕᐅᓪᓗᑎᒃ. ᐸᕐᓇᐅᑎᖃᕐᑐᑦ ᐋᕿᒃᓯᔪᒪᓪᓗᑎᒃ ᓇᑎᕐᓇᖓᓂ ᐊᐅᓚᑕᐅᔪᖅ ᑕᓯᕐᔪᐊᕐᒥ Lake Hazen ᐊᐅᓚᓂᖓᓂᒃ ᒪᓕᒃᓂᐊᕐᑐᖅ ᐱᔭᒃᓴᐅᓂᖓᓂᒃ..

ᐱᕕᐅᔪᖅ:
ᐱᑕᖃᕐᓂᖓᓂᒃ ᐱᑕᖃᐃᓐᓇᕐᓂᖓᓂᒃᓗ, ᓄᓇᕗᒥ ᐊᐅᓚᑦᑎᕕᐅᔪᖅ, ᐊᕙᑎᖓᓂ ᓱᕋᒃᐸᓪᓕᐊᑎᒋᓂᖓᓂᒃ ᐆᒃᑐᕐᓂᖅ ᖃᐅᔨᓴᕐᓂᖅ ᓇᐃᓵᕐᓯᒪᔪᑦ
ᐊᕙᑎᓕᕆᓂᕐᒧᑦ ᓯᓚᐅᓪᓗ ᐊᓯᓪᓕᕐᐸᓪᓕᐊᓂᖓᓄᑦ ᑲᓇᑕ. ᑎᐅᕆᒃ ᔪᐃᕐ, ᐃᖃᓗᐃᑦ ᖃᐅᔨᓴᕐᑕᐅᓂᖏᑦ.
ᓄᓇᒥᐅᑕᓕᕆᓂᕐᒧᑦ ᐱᑕᖃᐃᓐᓇᕐᑎᑦᑎᓂᕐᒧᑦ ᐃᓇᓱᒃᕕᐊ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕ ᑎᑎᕋᕐᕕᖓᓂ.

ᐊᕙᑎᖓᓂ ᓱᕐᕋᒃᐸᓪᓕᐊᑎᒋᓂᖓ ᓇᓗᓇᐃᒃᑯᑕᐃᑦ

ᓇᑎᕐᓇᖅ Good-stable

ᐱᕈᕐᑐᐃᑦ ᖃᓄᐃᑦᑑᓂᖏᑦ (2017) Good-stable


ᐱᕈᕐᑐᐃᑦ ᑲᑎᖓᐅᕐᓂᖏᑦ Not rated-not rated


ᐱᕈᕐᑐᐃᑦ ᐱᕈᕐᐸᓪᓕᐊᓂᖏᑦ (2013) Good-stable


ᐊᐅᒪᓂᖓ ᒪᓂᕋᐅᑦ – CALM Grid (2017) Good-declining


-- ᒪᓂᕋᐅᑦ ᐅᖁᓂᖓ Not rated-not ratedGood-declining


-- ᐊᐅᒃᐸᓪᓕᐊᓂᖓᓄᑦ ᓱᓪᓗᓕᒃNot rated-not rated


ᐃᓄᐃᑦ ᖃᐅᔨᒪᔭᖏᑦ ᓇᑎᕐᓇᒥ Not rated-not rated


ᐃᒥᑐᐃᓐᓇᖅGood-stable

ᐃᒥᐅᑦ ᐱᐅᑎᒋᓂᖓ (2016) Good-not rated


ᐃᒥᐅᑦ ᑰᒃᐸᓪᓕᐊᓂᖓ//ᓴᖏᓂᖓ Not rated-not rated


ᐃᖃᓗᐃᑦ ᓱᕈᕐᓇᕐᑐᖃᕐᓂᖏᑦ (2017) Good-stable


ᓯᑯ ᑕᓯᕐᒥ /ᐱᑕᓕᒃ/ᐱᑕᖃᕈᓐᓂᕐᑐᑦ/ᐊᐅᓚᓂᖓ Not rated-not rated


ᐃᓄᐃᑦ ᖃᐅᔨᒪᔭᖏᑦ ᐃᒥᑐᐃᓐᓇᕐ Not rated-not rated

2.0 ᐃᓕᖁᓯᓕᕆᓂᒃᑯᑦ ᐱᑕᖃᕐᓂᖏᑦ ᓇᓗᓇᐃᒃᑯᑕᐃᑦ

ᑕᑯᓕᒫᕐᓗᒍ

ᒪᕉᒃ ᐃᓄᑐᐃᓐᓇᐃᑦ ᐃᖏᕋᓂᖏᑦ ᐊᖁᓵᕐᓯᒪᔫᒃ ᐊᕋᒍ 5,000 ᐃᓗᐊᓂ ᖁᑦᑎᒃᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃᒥ. ᐃᑦᑕᕐᓂᓴᐃᑦ, ᓂᕿᒃᑯᕕᕕᓂᑦ ᕿᒃᓂᕕᓃᑦ, ᑐᐱᕐᕕᕕᓃᑦ ᐊᒻᒪᓗ ᖃᕐᒪᕕᓃᑦ ᖃᐅᔨᒪᔾᔪᑕᐅᓪᓗᑎᒃ. ᖃᖓᑦᑎᐊᖑᓂᕐᓴᐅᔪᖅ, ᕿᓂᕐᓴᕐᑎᐅᔪᑦ ᐅᑭᐅᕐᑕᕐᑐᒥ ᐊᒻᒪᓗ ᐅᓇᑕᕐᑐᒃᓴᒃᑯᑦ ᖃᐅᔨᓴᕐᑎᑦ ᑕᒫᓂᖃᑦᑕᕐᑐᕕᓂᐅᓪᓗᑎᒃ ᑲᓇᑕᐅᑦ ᐅᑭᐅᕐᑕᕐᑐᖓᓂ ᖁᑦᑎᒃᑐᒥ.

ᐃᑦᑕᕐᓂᓴᖃᕐᕖᑦ

ᑲᑎᓪᓗᒋᑦ 296 ᐃᑦᑕᕐᓂᓴᖃᕐᕕᐅᔪᑦ ᑎᑎᕋᕐᑕᐅᓯᒪᔪᑦ. ᐋᕿᒃᑕᐅᓯᒪᔪᖅ “ᐱᐅᔪᖅ”. ᐃᓄᑐᐃᓐᓇᕐᓄᑦ ᐸᒃᕕᑕᐅᒐᔭᕐᓂᖏᑦ ᐅᓗᕆᐊᓇᓗᐊᖏᑦᑐᖅ. ᓄᓇᐅᑦ ᐊᐅᓚᓂᖓᓄᑦ ᓲᕐᓗ ᓄᖑᑉᐸᓪᓕᐊᓂᕐᒧᑦ, ᐆᒪᔪᐃᑦ ᑐᒃᓕᕋᕐᑕᖏᑦ ᐊᒻᒪᓗ ᖄᒥᑕᐅᓂᖏᑦ ᐱᑕᖃᕐᑐ, ᑭᓯᐊᓂ ᐊᐅᓚᑕᐅᔪᓐᓇᖏᑦᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᐃᑦᑕᕐᓂᓴᕕᓂᕐᓂᒃ /ᐱᔭᐃᓂᖅ ᐊᒻᒪᓗ ᑎᑎᕋᕐᑕᐅᓂᖏᑦ ᐱᓗᐊᕐᑐᒥᒃ ᐊᓯᕈᕐᑕᐅᕙᓪᓕᐊᔪᑦ ᐃᓱᒪᒋᔭᐅᔭᕆᐊᖃᕐᑐᑦ.

ᐱᓕᕆᐊᖑᕙᓪᓕᐊᔪᑦ ᑎᑎᕋᕐᑕᐅᓗᑎᒃ ᐃᑦᑕᕐᓂᓴᖃᕐᕕᕕᓃᑦ. ᖃᐅᔨᒪᓴᕐᓂᖅ ᐅᐸᒃᑕᐅᒐᔪᒃᑐᓄ ᐳᓚᕋᑎᓄᑦ.

ᐃᒃᓗᐃᑦ ᓴᓇᓯᒪᔪᓪᓗ

ᑕᑯᓕᒫᕐᓗᒍ ᐋᕿᒃᑕᐅᔪᑦ ᐃᒃᓗᓄᑦ ᓴᓇᓯᒪᔪᓄᓪᓗ “ᓈᒻᒪᒃᑐᖅ”. ᑕᕙᖓᑦ 38 ᐃᒃᓗᐃᑦ ᓴᓇᓯᒪᔪᓪᓗ ᒥᕐᖑᐃᓯᕐᕕᐅᑦ ᐃᓗᐊᓂᑦ. 31ᖑᔪᑦ ᐱᑐᖃᐅᑎᒋᔪᑦ 40 ᐊᕋᒍᐃᑦ ᐅᖓᑖᓂᓗ. ᐊᕙᓪᓗᐊᖏᑦ ᐅᓇᑕᒃᑐᒃᓴᒃᑯᓐᓂᑦ ᖃᐅᔨᓴᕐᑎᒃᑯᑦ ᐊᕋᒍᓂ 1957-1962. 12 ᐱᖁᑎᒋᔭᐅᔪᑦ ᖃᐅᔨᓴᕐᑕᐅᓯᒪᔪᑦ ᒐᕙᒪᑐᖃᒃᑯᑦ ᐱᑐᖃᓕᕆᓂᕐᒧᑦ ᐃᒃᓗᐃᑦ ᕿᒥᕈᔭᐅᓂᖏᓐᓄᑦ ᕿᒥᕈᔩᑦ ᑎᑎᕋᕐᕕᖓᓄᑦ. ᕿᒥᕈᔭᐅᓂᖏᑦ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐃᓕᖁᓕᕆᓂᒃᑯᑦ ᐱᑕᖃᕐᓂᖏᓐᓄᑦ ᐊᐅᓚᑦᑕᐅᔪᑦ ᐊᑐᐊᒐᖏᓐᓂᑦ ᓱᓕ ᓴᕿᑕᐅᓯᒪᖏᒻᒪᑦ ᐱᖁᑎᓄᑦ ᐃᓕᔭᐅᓯᒪᓇᑎᒃᓗ ᕿᒥᕈᔨᐅᔪᓄᑦ ᐅᕙᓘᓐᓃᑦ ᕿᒥᕈᔭᐅᒃᑲᓐᓂᕐᓯᒪᖏᑦᑐᑦ.

ᐱᖃᓯᐅᑎᓯᒪᖏᑦᑐᖅ ᖁᓛᓂ ᐱᖓᓱᑦ ᐊᑯᑎᑦᑐᑎᑐᑦ ᐅᕙᓘᓐᓃᑦ ᐱᐅᕆ ᐃᒃᓗᐃᑦ ᓄᓇᒥ Fort Conger. ᑖ ᑯᐊ ᑕᐃᔭᐅᓯᒪᔪᑦ ᐱᑐᖃᐅᓂᖏᓐᓄᑦ ᐃᒃᓗᒋᔭᐅᔪᕕᓂᑦ ᒪᓕᒃᓗᒍ ᑮᓇᐅᔭᓕᕆᓂᕐᒧᑦ ᑲᑎᒪᔨᖏᑦ ᐊᑐᐊᒐᖏᑦ ᐊᐅᓚᑕᐅᓂᖏᓐᓄᑦ ᓄᓇᖁᑎᑦ, ᖃᐅᔨᓴᕐᑕᐅᖃᑦᑕᕆᐊᖃᕐᓂᐊᕐᑐᑦ ᓯᕗᓂᒃᓴᑦᑎᓐᓂ.

ᐱᖁᑎᑦ

ᑕᒪᕐᒥᒃ ᐱᑐᖃᐃᑦ ᐃᑦᑕᕐᓂᓴᐃᓪᓗ ᐱᖁᑎᑦ ᐋᕿᒃᑕᐅᔪᑦ “ ᐱᐅᔪᖅ”. ᐱᑐᖃᐃᑦ ᐱᖁᑎᑦ ᑎᑎᕋᕐᑕᐅᔭᕆᐊᖃᓪᓚᕆᒃᑐᑦ ᐃᓂᖃᕐᑎᑕᐅᓗᑎᒃᓗ ᒥᕐᖑᐃᓯᕐᕕᓕᕆᔨᒃᑯᑦ ᐃᑦᑕᕐᓂᓴᓄᑦ ᑲᑎᑕᐅᓯᒪᔪᑦ ᕗᐃᓂᐱᒃᒥ ᐊᒻᒪᓗ ᑲᓇᑕᒥ ᐃᓄᓯᐅᓚᐅᕐᑐᓄᑦ ᑕᑯᔭᒐᖃᕐᕕᒃ. ᑲᑎᓪᓗᒋᑦ 14 ᐱᖁᑎᑦ ᑲᑎᑕᐅᓯᒪᔪᑦ ᓄᓇᖓᓂᑦ ᓄᖑᑉᐸᓪᓕᐊᓂᖓᓄᑦ ᑲᒪᒋᕙᐅᓂᐊᕐᑐᑦ. ᐱᕈᑎᑦ ᓄᓇᖓᓃᑦᑐᑦ ᒥᕐᖑᐃᓯᕐᕕᒃᒥ ᐋᕿᒃᑕᐅᔪᑦ “ᐱᐅᔪᖅ” ᖃᓄᐃᑦᑑᓂᖏᑦ.

ᓄᓇᐃᑦ ᐋᕿᒃᓯᒪᓂᖏᑦ ᐊᒻᒪᓗ ᓇᓗᓇᖏᔾᔪᑎᖏᑦ

ᑖᒃᑯᐊ ᓇᓗᓇᐃᕐᓯᒪᔪᑦ “ᐋᕿᒃᑕᐅᓯᒪᖏᑦᑐᑦ” ᐱᓕᕆᐊᖑᓯᒪᖏᒻᒪᑕ ᓇᓗᓇᐃᕐᓯᒪᓂᖏᑦ.

Sources: Parks Canada Historical Objects Data at Tanquary Fiord 2017, Parks Canada Cultural Resources Monitoring DRB Collection 2013, CRM database for Quttinirpaaq, available literature (bibliography available)

ᐃᓕᖁᓯᓕᕆᓂᒃᑯᑦ ᐱᑕᖃᕐᓂᖏᑦ ᓇᓗᓇᐃᒃᑯᑕᐃᑦ

ᐃᑦᑕᕐᓂᓴᖃᕐᕖᑦ

ᐃᑦᑕᕐᓂᓴᖃᕐᕖᑦ Good-stable


ᐃᒃᓗᐃᑦ ᓴᓇᓯᒪᔪᓪᓗ

ᐃᒃᓗᐃᑦ ᓴᓇᓯᒪᔪᓪᓗ fair-declining


ᓄᓇᐃᑦ ᐋᕿᒃᓯᒪᓂᖏᑦ ᐊᒻᒪᓗ ᓇᓗᓇᖏᔾᔪᑎᖏᑦ

ᓄᓇᐃᑦ ᐋᕿᒃᓯᒪᓂᖏᑦ ᐊᒻᒪᓗ ᓇᓗᓇᖏᔾᔪᑎᖏᑦ Not rated-not rated


ᐱᖁᑎᑦ

ᐱᖁᑎᑦ (ᑕᐃᓱᒪᓂ) Good-stable


ᐱᖁᑎᑦ (ᐃᑦᑕᕐᓂᓴᐃᑦ) Good-stable

3.0 ᓯᓚᑖᓂᑦ ᐱᔭᐅᔪᑦ ᓇᓗᓇᐃᒃᑯᑕᐃᑦ

ᑕᑯᓕᒫᕐᓗᒍ

ᓯᓚᑖᓂ ᐱᔭᐅᔪᑦ ᐃᑲᔪᕐᑐᐃᓯᒪᔪᑦ ᒥᕐᖑᐃᓯᕐᕕᒃᒥ ᓴᕿᑎᑕᐅᕗᑦ ᓄᓇᕗᑦ ᐊᐅᓚᑦᑎᕕᖓᓂ ᐱᓕᕆᔨᐅᔪᓄᑦ, ᐃᖃᓇᐃᔭᖃᑎᒋᔭᐅᓪᓗᓂ ᒥᕐᖑᐃᓯᕐᕕᒃᒥ ᐊᐅᓚᑦᑎᔩᑦ ᐃᖃᓇᐃᔭᕐᑎᒋᓚᐅᑲᖃᑦᑕᕐᑕᖏᓪᓗ ᐊᔪᕐᓇᖏᒃᑳᖓᑦ. ᓄᓇᓖᑦ ᖃᓂᒋᔭᓃᑦᑐᑦ ᒥᕐᖑᐃᓯᕐᕕᐅᑦ ᐱᓕᕆᖃᑎᒋᔭᐅᒃᑲᓐᓂᕆᐊᖃᕐᑐᑦ ᖃᐅᔨᒪᓕᕐᑎᑕᐅᓗᑎᒃ ᖁᑦᑎᒃᓂᕐᐹᖅ ᒥᒃᓴᓄᑦ ᐃᓂᒋᔭᖓᓂᒃᓗ. ᐱᔪᒥᓇᕐᑕᐅᓂᖅ ᐋᕿᒃᑕᐅᓯᒪᖏᑦᑐᖅ ᓯᓚᑖᓂ ᐱᔭᐅᔪᖅ ᐱᔾᔪᑎᒋᓪᓗᒍ ᐅᖃᕐᑕᕐᕕᐅᔪᑦ ᑕᕗᖓ ᐃᓚᓕᐅᑎᔪᓐᓇᖏᒻᒪᑕ ᑕᒪᕐᒥᒃ ᓄᓇᕘᒥ ᒥᕐᖑᐃᓯᕐᕖᑦ ᐱᖃᓯᐅᑎᓯᒪᒃᒪᑕ.

ᐱᔪᑎᓇᕐᓴᐃᓂᖅ

ᖁᑦᑎᒃᓂᕐᐹᖅ ᓇᓗᓇᐃᕐᑕᐅᓚᐅᕐᑐᖅ ᓴᕿᑦᑐᖃᕆᐊᖃᕐᓂᖓᓂᒃ ᐅᑭᐅᕐᑕᕐᑐᒥ ᐃᓕᓴᕐᓇᐅᑎᖓ ᖃᐅᔨᔭᐅᓂᖓ ᐊᕋᒍᖓᓂ 2014. ᐱᔪᒥᓇᕐᓴᐃᓂᖅᐱᓕᕆᐊᖑᓯᒪᔪᖅ ᖃᐅᔨᒪᔭᐅᓕᕐᑎᓐᓇᓱᒃᖢᒍ ᒥᕐᖑᐃᓯᕐᕕᒃ.

ᖁᑦᑎᒃᓂᕐᐹᖅ ᒥᒃᓵᓄᑦ ᑕᑯᒃᓴᐅᑎᑕᐅᖃᑦᑕᕐᑐᖅ ᐊᕋᒍᑕᒫᑦ ᓄᓇᕗᑦ ᑕᑯᔭᒐᖃᕐᑎᑦᑎᔪᓂ ᐊᒻᒪᓗ ᑲᑎᒪᓂᐅᔪᒥ, ᑐᓛᓐᑐ ᓯᓚᒦ ᐊᒻᒪᓗ ᐅᐸᒃᑕᐅᔪᓐᓇᕐᑐᓂ ᑕᑯᔭᒐᖃᕐᑎᑦᑎᔪᑦ, ᐊᒻᒪᓗ ᕿᑎᕐᒥᐅᑦ ᐊᒻᒪᓗ ᑭᕙᓪᓕᕐᒥ ᑕᑯᔭᒐᖃᕐᑎᑦᑎᔪᑦ ᖃᐅᔨᒪᔭᐅᓕᕐᑎᓐᓇᓱᒃᖢᒍ ᐱᔪᒥᓇᕐᓴᕐᑕᐅᓪᓗᓂᓗ. ᖁᑦᑎᒃᓂᕐᐹᖅ ᑎᑎᕋᐅᔭᒐᒃᑯᑦ ᓴᕿᔮᕐᑎᑕᐅᒃᒥᔪᖅ ᐃᓄᒃᓄᑦᓗ ᑕᑯᔭᐅᕙᒃᑐᓂ. ᑕᐃᒪᖓᑦ 2009, 188 ᑎᑎᕋᕐᓯᒪᔪᑦ ᓴᕿᑕᐅᓯᒪᔪᑦ ᒥᕐᖑᐃᓯᕐᕕᐅᑦ ᒥᒃᓴᓄᑦ.

ᖃᕋᓴᐅᔭᒃᑯᑦ ᑕᑯᕕᐅᔪᖅ Google Street View Imagery ᐊᔾᔨᓕᐅᕆᓚᐅᕐᑐᑦ 2016 ᐊᐅᓱᐃᑦᑐᕐᒥᒃ ᐊᒻᒪᓗ ᖃᐅᓱᐃᑦᑐᒥ ᑕᑯᔭᐅᔪᓐᓇᕐᓯᒪᓪᓗᓂᓗ ᐊᕋᒍᖓᓂ 2017. ᑕᑯᔭᐅᓚᐅᕐᑐᖅ 1.5 ᐱᓕᐊᓐ ᐃᓄᑐᐃᓐᓇᕐᓄᑦ ᑎᑎᕋᕐᓯᒪᔪᒃᑯᑦ, ᖃᕋᓴᐅᔭᒃᑯᑦ ᐅᓂᒃᑳᓂ, ᓇᓚᐅᑎᒃᑯᑦ ᐊᐱᕐᓱᕐᑕᐅᓂᒃᑯᑦ, ᐊᒻᒪᓗ ᐊᔾᔨᓕᐅᒐᒃᑯᑦ ᖃᕋᓴᐅᔭᒃᑯᑦ.

ᑕᐃᒪᖓᑦ 2015, ᖁᑦᑎᒃᓂᕐᐸᖅ ᐃᓚᐅᖃᑕᐅᓯᒪᔪᖅ ᐃᑲᔪᕐᑎᒌᒃᓂᒃᑯᑦ ᐊᖏᕈᑎᒃᑯᑦ ᐸᓚᒃᕕᑐ ᐊᐅᔾᓚᐅᔾᔨᔨᐅᔪᑦ Blackfeather Outfitters ᑲᑐᔾᔨᔾᓗᑎᒃ ᐱᔪᒥᓴᐃᓗᑎᒃ ᐊᒻᒪᓗ ᑐᑭᒧᐊᒃᑎᑕᐅᓗᓂ ᖃᐅᔨᔭᐅᓂᖓ ᒥᕐᖑᐃᓯᕐᕕᒃᒥ.

ᐃᑲᔪᕐᑐᐃᔪᑦ

ᑕᐃᒪᖓᑦ 2015, ᖁᑦᑎᒃᓂᕐᐹᖅ ᒥᖑᐃᓯᕐᕕᒃ ᐱᕕᖃᕐᑎᑦᑎᓯᒪᔪᑦ ᓂᕿᓕᐅᕐᑎ ᓄᓇᕐᔪᐊᑦ ᖄᖓᓂ Chef at the Top of The World ᐊᑭᓕᕐᓱᕐᑕᐅᓇᑎᒃ ᐃᑲᔪᕐᑐᑦ. ᒪᕈᒃ ᐅᕙᓘᓐᓂᒃ ᐱᖓᓱᑦ ᐊᕋᒍᑕᒫᑦ ᐃᑲᔪᖃᑦᑕᕐᓯᒪᔪᑦ ᑕᖕᒫᕐᕕᐅᔪᒥ ᐊᐅᓚᓂᖓᓂ ᓂᕿᓕᐅᕐᑎᐅᖃᑕᐅᓪᓗᑎᒃ ᐃᖃᓇᐃᔭᕐᑎᓄᑦ. ᐃᑲᔪᕐᓂᖏᓐᓄᑦ, ᐃᓕᓐᓂᐊᒃᑲᓐᓂᕐᓯᒪᓪᓗᑎᒃ ᒥᕐᖑᐃᓯᕐᕕᐅᑦ ᒥᒃᓵᓄᑦ ᓇᖕᒥᓂᖅ ᐅᐸᒃᖢᒍ ᓲᕐᓗ ᐊᕙᑎᖓᓂ ᖃᐅᔨᓴᕐᓂᕐᒥᒃ.

ᒪᕈᒃ ᐃᓕᓐᓂᐊᕐᑎᐅᔫᒃ ᐃᑲᔪᓚᐅᕐᑑᒃ ᐊᒻᒪᓗ ᒪᕈᒃ ᑲᒪᔨᐅᔫᒃ ᖃᐅᓱᐃᑦᑐᕐᒥᒃ ᐊᐅᓱᐃᑦᑐᕐᒥᓪᓗ ᐅᐸᒃᓯᒪᓚᐅᕐᑐᑦ ᐊᕋᒍᖓᓂ 2017. ᓯᕗᓪᓕᕐᐹᖑᓚᐅᕐᑐᖅ ᐅᐸᒃᑕᐅᓪᓗᓂ ᐃᓕᓐᓂᐊᕐᑎᓄᑦ ᑕᐃᒪᖓᑦ 2009. ᐃᓕᓐᓂᐊᕐᑎᑦ ᑲᒪᔨᖏᓪᓗ ᐃᓕᒃᑲᓐᓂᓚᐅᕐᑐᖅ ᒥᕐᖑᐃᓯᕐᕕᐅᑦ ᒥᒃᓵᓄᑦ ᐊᐅᓚᓂᖓᓂ, ᐊᒻᒪᓗ ᐃᑲᔪᕐᑐᐃᓪᓗᑎᒃ ᐊᔪᕐᓇᖏᒃᑳᖓᑦ.

Sources: Annual Management Implementation Reports for Quttinirpaaq National Park 2010-2013
Nunavut Field Unit records managed by External Relations Team National Office Media Team.

ᓯᓚᑖᓂᑦ ᐱᔭᐅᔪᑦ ᓇᓗᓇᐃᒃᑯᑕᐃᑦ

ᐱᔪᒥᓇᕐᓴᐃᓂᖅ

ᖃᓄᐃᓕᐅᕐᑕᐅᔪᑦ Not rated-not rated


ᐃᑲᔪᕐᑐᐃᔪᑦ

ᐊᑭᓕᕐᓱᕐᑕᐅᖏᑦᑐᑦ ᐃᑲᔪᕐᑐᑦ Good-improving


4.0 ᓄᓇᖃᕐᖄᕐᓯᒪᔪᑦ ᐃᒪᐅᑎᑕᐅᓂᖏᑦ ᓇᓗᓇᐃᒃᑯᑕᐃᑦ

ᓄᓇᖃᕐᖄᕐᓯᒪᔪᑦ ᐃᑲᔪᕐᑎᒋᔭᐅᔪᑦ

ᖁᑦᑎᒃᓂᕐᐸᖅ ᑲᓇᑕᒥ ᒥᕐᖑᐃᓯᕐᕕᒃ ᐊᐅᓚᑕᐅᔪᖅ ᐃᑲᔪᕐᑎᖃᕐᖢᑎᒃ ᐃᓚᐅᑎᑕᐅᓪᓗᑎᒃᓗ ᐅᖃᐅᔾᔨᒋᐊᕐᑎᐅᓪᓗᑎᒃ ᑲᑎᖓᔪᑦ ᒥᕐᖑᐃᓯᕐᕕᐅᑦ ᐊᐅᓚᓂᖓᓂᒃ ᑲᑎᒪᔨᖐᑦ. ᐃᓄᒃᓄᑦ ᐃᒃᐱᒃᓇᐅᑎᔪᑦ ᐱᓪᓕᐅᑎᔪᓪᓗ ᐊᖏᕈᑎ ᐊᐅᔪᐃᑦᑐᖅ, ᖁᑦᑎᒃᓂᕐᐹᖅ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕖᑦ ᑐᑭᖏᓐᓂᒃ ᐅᖃᕐᓯᒪᔪᑦ ᒪᓕᒋᐊᖃᕐᑐᓂᒃᓗ ᐃᑲᔪᕐᑎᒌᒃᓗᑎᒃ ᐊᐅᓚᑦᑎᓂᕐᒥᒃ. ᒥᕐᖑᐃᓯᕐᕕᒃᒥ ᐊᐅᓚᑦᑎᔨᐅᔪᖅ ᐱᒋᐊᕐᑎᑦᑎᓯᒪᔪᖅ ᐃᖃᓇᐃᔭᖃᑎᒌᑦᑎᐊᕐᓂᕐᒥᒃ ᑲᑎᒪᔨᐅᔪᑦ. ᑲᑎᒪᔨᐅᒧᑦ ᑕᑯᑎᑕᐅᓚᐅᕐᑐᑦ ᖃᐅᔨᓴᕐᑕᐅᓯᒪᔪᓂᒃ ᐅᖃᐅᓯᒃᓴᖃᕈᑎᒃᓗ ᐊᐱᕆᔭᐅᓪᓗᑎᒃ ᐋᕿᒃᑕᐅᔪᓄᑦ ᖃᓄᑎᒋᕐᓂᖓᓄᑦ.

ᓄᓇᖃᕐᖄᕐᓯᒪᔪᑦ ᐅᐸᖑᓐᓇᕐᓂᖏᑦ

ᑖᓐᓇ ᓇᓗᓇᐃᒃᑯᑕᖅ “ᐋᕿᒃᓯᒪᖏᑦᑐᖅ”. ᒥᕐᖑᐃᓯᕐᕕᐅᑦ ᐃᓚᖓ ᓇᔪᕐᑕᐅᓯᒪᖏᑦᑐᖅ ᐃᓄᒃᓄᑦ ᐊᕋᖑᓄᑦ 800. ᐅᖓᓯᒃᓂᖓᓄᑦ (650-800km) ᒥᕐᖑᐃᓯᕐᕕᒃ ᐊᒻᒪᓗ ᓄᓇᓕᐅᔪᑦ, ᖃᓂᒋᔭᖓᓃᑦᑐᑦ. ᐃᓄᐃᑦ ᐅᐸᑲᑕᓗᐊᖃᑦᑕᖏᑦᑐᑦ. ᐃᓕᖁᓯᕐᒥᓂᒃ ᐊᑐᕐᕕᐅᓗᐊᖏᑦᑐᖅ.

ᑐᑭᓯᐅᒪᖃᑦᑕᐅᑎᓂᒃᑯᑦ ᐃᒃᐱᒍᓱᑦᑎᐊᕐᓂᖅ

ᐱᓕᕆᖃᑎᒋᒃᓂᖅ ᐋᕿᒃᑕᐅᔪᖅ “ᐱᐅᔪᖅ” ᖃᐅᔨᒪᓇᕐᒪᑦ ᐃᓚᐅᑎᑕᐅᓂᖏᓐᓂᒃ ᑲᑎᒪᓂᒃᑯᑦ ᐊᒻᒪᓗ ᑲᑎᒪᔨᐅᖃᑦᑕᕈᒪᓂᖏᑦ ᐊᕋᒍᒐᓴᒃᓄᑦ. ᑕᓪᓕᒪᐅᔪᑦ ᐃᓄᐃᑦ 6−ᖑᓪᓗᑎᒃ ᑲᑎᒪᔨᖏᑦ. ᒥᖑᐃᕐᓯᕕᓕᕆᔨᒃᑯᑦ ᑲᓇᑕᒥ ᓴᕿᔭᕐᓂᖏᑦ ᐊᐅᓱᐃᑦᑐᒥ ᖃᐅᓱᐃᑦᑐᒥᓗ ᐃᓚᓂᓚᐅᓱᖓᑐᐃᓐᓇᐅᔪᖅ, ᑭᓯᐊᓂ ᑐᖓᓱᒃᑎᓯᑕᐅᖃᑦᑕᕐᑐᑦ ᐃᖃᓇᐃᔭᕐᑎᖏᑦ. ᐱᓕᕆᖃᑎᒋᒃᓂᖏᑦ ᐃᑲᔪᕐᑎᒌᒃᓂᒃᑯᑦ ᐱᕈᕐᐸᓪᓕᐊᔪᖅ.

ᐃᓚᓕᐅᑎᓯᒪᓂᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ

ᐃᓄᐃᑦ ᓄᓇᖃᕐᓯᒪᖏᓐᓂᖏᓐᓄᑦ ᐅᕙᓘᓐᓂᑦ ᐊᖑᓇᓱᖃᑦᑕᖏᓐᓂᖏᓐᓄᑦ ᒥᕐᖑᐃᓯᕐᕕᒃᒥ, ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᓕᐅᔾᔭᐅᓯᒪᖏᑦᑐᖅ ᐊᐅᓚᓂᖓᓄᑦ ᒥᕐᖑᐃᓯᕐᕕᒃ ᐅᓪᓗᒥᒧᑦ. ᐃᓄᐃᑦ ᐅᒃᐱᕆᔭᖏᑦ ᑭᓯᐊᓂ, ᐃᓚᓕᐅᑎᖃᑦᑕᕐᓯᒪᔪᑦ ᐃᑲᔪᕐᑎᒋᒃᓂᒃᑯᑦ ᐊᐅᒪᑕᐅᓂᖓᓂ. ᐊᑐᕐᑕᐅᓂᖓ ᐃᓄᒃᑎᑐᑦ ᐅᖃᐅᓯᖓ ᐋᕿᒃᑕᐅᔪᖅ “ᓈᒻᒪᒃᑐᖅ” ᐊᒻᒪᓗ “ᐱᐅᓯᕙᓪᓕᐊᔪᖅ”. ᑕᒪᕐᒥᒃ ᐃᓄᑐᐃᓐᓇᕐᓄᑦ ᑎᑎᕋᕐᓯᒪᔪᑦ ᐃᓄᒃᑎᑐᖓᓕᕐᑕᐅᖃᑦ ᑕᕐᑐᑦ. ᐃᓄᐃᑦ ᐃᓄᒃᑎᑐᑦ ᐅᖃᓪᓚᖃᑦᑕᖁᔭᐅᔪᑦ ᐃᖃᓇᐃᔭᕐᕕᒃᒥ ᑭᓯᐊᓂ ᖃᐅᑕᒫᕐᓯᐅᑎᖏᓐᓂ ᐊᐅᓚᓂᖓᓄᑦ ᐊᑐᕐᑕᐅᖏᑦᑐᖅ.

ᐃᑲᔪᕐᑐᕐᑕᐅᓂᖏᑦ ᓄᓇᖃᕐᖄᕐᓯᒪᔪᑦ ᓄᓇᓕᖏᑦ

ᑖ ᓐᓇ ᓇᓗᓇᐃᒃᓯᒪᔪᖅ ᐋᕿᒃᑕᐅᔪᖅ “ᓈᒻᒪᒃᑐᖅ” ᐊᒻᒪᓗ “ᓱᕋᒃᐸᓪᓕᐊᖏᑦᑐᖅ”. ᒥᕐᖑᐃᓯᕐᕕᒃᒥ ᐊᐅᓚᓂᖓ ᐊᑐᕐᑕᐅᔪᖅ ᐱᕈᕐᐸᓪᓕᐊᓂᐅᓗᐊᖏᑦᑐᖅ. ᒫᓐᓇᒧᑦ ᑎᑭᓪᓗᒍ, ᐃᑲᔪᕐᑐᕐᑕᐅᓂᖓ ᐊᒻᒪᓗ ᐱᖁᐸᓪᓕᐊᑎᑕᐅᓂᖓ ᐊᔪᕈᓐᓂᕐᐸᓪᓕᐊᓂᖓ ᐊᕋᖑ ᐃᒪᐃᓐᓇᖓᓃᖃᑦᑕᕐᒪᑕ ᒪᑐᐃᖓᓪᓗᓂ (ᐊᕋᒍ ᐃᓗᐊᓂ ᐃᖃᓇᐃᔭᕐᑕᖃᖏᒻᒪᑦ ᑭᓯᐊᓂ ᐊᐅᓚᑦᑎᔨᑐᐊᖅ ᖃᐅᑕᒫᕐᑕᕐᑐᖅ) ᐊᒻᒪᓗ ᕿᓚᒻᒥᐅᔪᒃᑯᑦ ᐃᖃᓇᐃᔮᖑᔪᑦ ᑳᓐᑐᓚᒃᑯᑦ ᐱᑕᖃᕐᖢᑎᒃ. ᐊᓯᖏᑦ, ᑮᓇᐅᑎᒍᑦ ᐱᕙᓪᓕᐊᓂᐅᔪᑦ ᑎᒍᓯᔾᔪᑕᐅᖃᑦᑕᕐᑐᑦ ᐳᓚᕋᑦᑐᓕᕆᓂᒃᑯᑦ (ᐳᓚᕋᑎᑦ ᓯᓂᒃᑕᓚᐅᑲᖃᑦᑕᕐᓂᖏᑦ ᖃᐅᓱᐃᑦᑐᒥ).

Sources: Inuit Impact and Benefit Agreement for Auyuittuq, Quttinirpaaq and Sirmilik National Parks, Field Unit statistics on employment, contracting Survey for QJPMC members

ᓄᓇᖃᕐᖄᕐᓯᒪᔪᑦ ᐃᒪᐅᑎᑕᐅᓂᖏᑦ ᓇᓗᓇᐃᒃᑯᑕᐃᑦ

ᓄᓇᖃᕐᖄᕐᓯᒪᔪᑦ ᐃᑲᔪᕐᑎᖏᔭᐅᔪᑦ

ᓄᓇᖃᕐᖄᕐᓯᒪᔪᑦ ᐃᑲᔪᕐᑎᒋᔭᐅᓪᓗᑎᒃ ᐱᑐᖃᓕᕆᓂᕐᒧᑦ ᐃᓂᒋᔭᐅᔪᒥᒃ ᕐᓇᒃᓂᖅ ᐊᒻᒪᓗ ᐊᐅᓚᑦᑎᓂᖅ Fair-not rated


ᓄᓇᖃᕐᖃᕐᓯᒪᔪᑦ ᐃᑲᔪᕐᑎᒋᔭᐅᔪᑦ ᐱᑐᖃᓕᕆᓂᕐᒧᑦ ᐃᓂᒋᔭᐅᔪᒥᒃ ᐊᐅᓚᓂᖓᓄᑦ Fair-not rated


ᓄᓇᖃᕐᖄᕐᓯᒪᔪᑦ ᐅᐸᖑᓐᓇᕐᓂᖏᑦ

ᓄᓇᖃᕐᖃᕐᓯᒪᔪᑦ ᐃᑲᔪᕐᑎᒋᔭᐅᔪᑦ ᐅᐸᖑᓐᓇᕐᓗᑎᒃ ᐱᑐᖃᓕᕆᓂᕐᒧᑦ ᐃᓂᒋᔭᐅᔪᒥᒃ ᓄᓇᑐᕐᓕᕕᓂᕐᓂᒃᓗ ᖃᓄᐃᓕᐅᕐᓂᐅᔪᓂᒃᓗ Not rated-not rated


ᑐᑭᓯᐅᒪᖃᑦᑕᐅᑎᓂᒃᑯᑦ ᐃᒃᐱᒍᓱᑦᑎᐊᕐᓂᖅ

ᐱᓕᕆᖃᑕᐅᔪᑦ ᐊᖏᕐᓯᒪᔪᑦ ᐱᕈᕐᓴᐃᔪᒪᓪᓗᑎᒃ ᑐᑭᓯᐅᒪᖃᑦᑕᐅᑎᓂᒃᑯᑦ ᐃᒃᐱᒍᓱᑦᑎᐊᕐᓂᕐᒥᒃ, ᑕᑎᒃᓴᕐᓂᕐᒥᒃ ᐊᒻᒪᓗ ᑐᑭᓯᐅᒪᓂᕐᒥᒃ ᓄᓇᖃᕐᖄᕐᓯᒪᔪᑦ ᐃᑲᔪᕐᑎᒋᔭᐅᓂᖏᓐᓂᒃ Good-not rated


ᐃᓗᐊᕐᓯᖃᑎᒌᒃᓂᖅ ᖃᓄᑎᒋᕐᓂᖓ ᓄᓇᓕᐅᔪᓂ ᓄᓇᖃᕐᖃᕐᓯᒪᔪᑦ Fair-not rated


ᐃᓚᓕᐅᑎᓯᒪᓂᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ

ᐃᓚᐅᑎᑕᐅᓂᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ Not rated-not rated


ᐊᑐᕐᑕᐅᓂᖏᑦ ᓄᓇᖃᕐᖄᕐᓯᒪᔪᑦ ᐅᖃᐅᓯᖏᑦ Fair-not rated


ᐃᑲᔪᕐᑐᕐᑕᐅᓂᖏᑦ ᓄᓇᖃᕐᖄᕐᓯᒪᔪᑦ ᓄᓇᓕᖏᑦ

ᑮᓇᐅᔭᑎᒍᑦ ᐱᕕᖃᕐᑎᑕᐅᓂᖓ ᓄᓇᖃᕐᖄᕐᓯᒪᔪᑦ ᐃᓄᖏᑦ Fair-not rated


ᐱᔪᓐᓇᕐᓯᕙᓪᓕᐊᓂᕐᒧᑦ ᐱᖁᕐᓴᐃᓂᖅ ᓄᓇᖃᕐᖄᕐᓯᒪᔪᓂᒃ Fair-not rated


5.0 ᐳᓚᕋᑎᑦ ᖃᐅᔨᔭᖏᑦ ᓇᓗᓇᐃᒃᑯᑕᐃᑦ

ᑕᑯᓕᒫᓗᒍ

ᐳᓚᕋᑎᑦ ᐅᓄᕐᓂᖏᑦ ᑲᓇᑕᐅᑦ ᐅᑭᐅᕐᑕᕐᑐᖓᓃᓚᖑᔪᒧᑦ ᒥᕐᖑᐃᓯᕐᕕᒃᓂ ᐅᓄᖏᑦᑐᑦ ᐊᑭᑐᓂᖓᓄᑦ ᓂᐅᕈᓇᓱᒃᖢᓂ ᐅᑭᐅᕐᑕᕐᑐᒥ, ᐃᓗᓕᖃᐅᕐᓂᖓᓄᓪᓗ ᐱᔭᕆᑐᔪᓂᒃ ᐊᒻᒪᓗ ᐊᑯᓂᐅᑎᒋᔭᕆᐊᖃᕐᓂᖓ ᐅᐸᒐᓱᒃᖢᒍ. ᑕᐃᒪᐃᒃᑲᓗᐊᕐᑎᓪᓗᒍ, ᒥᕐᖑᐃᓯᕐᕕᒃ ᐅᓚᕋᑎᓂᒃ ᐅᐸᒃᑕᐅᖏᓐᓇᐅᔭᕐᑐᖅ ᐊᕋᒍᑕᒫᑦ. ᐱᒋᐊᕐᕕᖏᔭᐅᓯᒪᔪᖅ ᐊᕋᒍ 2007-08 ᐳᓚᕋᑎᓄᑦ ᑕᒪᕐᒥᒃ ᒥᕐᖑᐃᓯᕐᕕᐅᔪᑦ ᑲᓇᑕᒥ− ᑕᐃᓱᒪᓂ 138 ᐳᓚᕋᑎᑦ ᖁᑦᑎᒃᓂᐹᒧᐊᓚᐅᕐᑐᑦ.

ᐅᓄᕐᓯᕙᓪᓕᐊᓂᖏᑦ “ᐋᕿᒃᑕᐅᓯᒪᖏᑦᑐᑦ” ᐱᔾᔪᑎᒋᓪᓗᒍ ᐊᑯᓐᓂᕐᓱᕐᑐᒃᑯᑦ ᐋᕿᒋᐊᖃᕐᒪᑦ ᐳᓚᕋᑎᑦ ᐅᐸᒍᑎᓂᑦ ᐊᕋᒍ ᑕᓪᓕᒪᐃᑦ ᑭᖑᓂᑦᑎᓐᓂᑦ (51) ᐊᕋᒎᓚᐅᕐᑐᑦ ᑕᑯᓪᓗᒋᑦ (2007-08 ᐅᓄᕐᑎᒋᔪᑦ 138). ᐋᕿᒃᓯᒪᓂᖓ ᖃᐅᔨᒪᔾᔪᑕᐅᒐᔭᕐᒪᑦ ᐅᓄᕈᓐᓃᕐᐸᓪᓕᐊᓂᖏᓐᓂᒃ ᓱᓕᖏᓗᐊᕐᖢᓂᓗ ᐅᓄᕐᓯᕙᓪᓕᐊᓗᐊᕐᑎᓪᓗᒋᑦ, ᐅᒥᐊᕐᔪᐊᑦ ᐳᓚᕋᑎᑦ ᐳᓚᕋᑎᐅᖏᑦᑐᓪᓗ ᐊᕋᒍᖏᑦ ᐃᓚᓕᐅᑎᓯᒪᔭᕆᐊᖃᖏᒻᒪᑕ. ᐅᓄᕐᓯᕙᓪᓕᐊᓂᖏᑦ ᐋᕿᒃᓯᒪᓂᖓ ᑎᑎᕋᕐᑕᐅᓯᒪᔪᑦ ᐅᐸᒃᑐᓄᑦ ᐅᐸᓚᐅᕐᓯᒪᔪᓂᑦ ᐅᓄᖏᒃᑲᓗᐊᕐᑎᓪᓗᒋᑦ. ᑖᒃᑯᐊ ᐆᒃᑐᑕᐅᔪᑦ “ᐋᕿᒃᓯᒪᖏᑦᑐᑦ” ᐱᔾᔪᑎᒋᓪᓗᒍ ᐱᖃᓯᐅᑎᓚᐅᖏᒻᒪᑕ ᖃᐅᔨᓴᕐᓂᕐᒧᑦ, ᐅᕙᓘᓐᓃᑦ ᐊᑐᓚᐅᖏᒻᒪᑕ ᒥᕐᖑᐃᓯᕐᕕᒃᒧᑦ. ᐅᐸᒍᑎᔪᕕᓃᑦ ᐃᓕᓴᕆᔭᐅᓯᒪᔪᑦ ᑎᑎᕋᕐᑕᐅᖃᑦᑕᖏᒻᒪᑕ ᓄᓇᕘᒥ ᑕᐃᒪᐃᓂᖓᓄᓪᓗ ᐱᑕᖃᖏᑦᑐᑦ ᒥᕐᖑᐃᓯᕐᕕᒃᓄᑦ.

ᐳᓛᕆᐊᕐᑐᑦ

ᐅᓄᕐᓂᖏᑦ ᐳᓛᕆᐊᕐᑐᑦ ᖁᑦᑎᒃᓂᕐᐹᖅᒧᑦ ᒪᓕᒃᓯᒪᒃᒪᑦ ᐃᖏᕋᔾᔪᑎᓄᑦ ᐅᒥᐊᕐᔪᐊᓄᑦ ᐊᑭᓕᕐᑕᐅᓯ,ᒪᔪᓄᓪᓗ ᖃᖓᑕᓲᓄᑦ ᐅᐸᒃᑕᐅᔪᓐᓇᕐᒪᑦ ᑭᓯᐊᓂ ᑕᐃᒪᐃᑦᑐᓄᑦ. ᐊᕋᒍᖓᓂ 2007, ᐳᓚᕋᑎᑦ ᐅᒥᐊᕐᔪᐊᑦ ᖁᑦᑎᒃᓂᕐᐸᒧᑦ ᐱᒋᐊᕈᑕᐅᓚᐅᕐᑐᖅ. ᐊᑯᓐᓂᖓᓂ 2008 ᐊᒻᒪᓗ 2017, ᐅᒥᐊᕐᔪᐸᑦ ᐳᓚᕋᑎᑦ ᐳᒪᕆᐊᓚᐅᕐᑐᑦ ᒥᕐᖑᐃᓯᕐᕕᒃᒧᑦ ᐱᖓᓱᐃᕐᓱᕐᖢᑎᒃ. ᐊᕋᒍᑕᒫᑦ ᐳᓛᕆᐊᖃᕐᑕᕐᑐᑦ ᐅᒥᐊᕐᔪᐊᒃᑯᑦ ᐊᑯᓐᓂᕐᓱᕐᑐᒃᑯᑦ 215. ᐊᑯᓐᓂᕐᓱᕐᑐᒃᑯᑦ ᐊᕋᒍᑕᒫᑦ ᐳᓚᕆᐊᕐᑐᑦ ᐊᕋᒍ 7 ᐃᓗᐊᓂ ᐅᒥᐊᕐᔪᐊᑦ ᐃᓚᐅᖃᑕᐅᖏᑉᐸᑕ 17 ᐳᓚᕋᑏᑦ.

ᖁᕕᐊᓱᒃᖢᑎᒃ

ᐊᐅᓚᖏᓐᓂᖏᓐᓂ ᐊᐱᕐᓱᕐᑕᐅᔪᑦ ᐱᔭᔭᐅᓚᐅᕐᑐᑦ 22 ᐳᓚᕋᑎᓄᑦ ᐊᑯᓐᓂᖓᓂ 2012 ᐊᒻᒪᓗ 2017. 22ᖑᔪᑦ ᑕᕙᖓᑦ 22ᓂᑦ ᑭᐅᓚᐅᕐᑐᑦ ᐊᖏᖃᑎᖃᕐᖢᑎᒃ ᐅᖃᕐᓯᒪᔪᒥᒃ “ᑕᓐᓇ ᓄᓇ ᐊᑐᑎᖃᕐᑐᖅ ᐅᕙᓐᓄᑦ” ᐃᓚᖏᑦ ᐅᖃᐅᓯᕐᑕᖏᑦ “ᐊᔾᔨᐅᖏᑦᑐᖅ” “ᐃᓄᑭᑦᑐᒦᑦᑐᖅ” “ᑕᑯᔪᒥᓇᕐᑐᖅ”, ᓄᓇᕐᔪᐊᑦ ᖁᓪᓕᕐᐹᖓᓂᑦᑐᖅ”, “ᐅᖓᓯᒃᑐᒦᑦᑐᖅ” ᐊᒻᒪᓗ “ᐊᒃᑐᕐᑕᐅᓯᒪᖏᑦᑐᖅ”.

ᓄᓇᐃᑦ ᐋᕿᒃᑕᐅᔪᑦ ᐅᓄᓛᓂᑦ ᑕᐃᔭᐅᔪᑦ ᐱᖃᓯᐅᑎᓪᓗᒍ ᓴᓗᒪᓂᖓ ᐊᓇᕐᕖᑦ, ᓈᒻᒪᒋᔭᐅᓂᖏᑦ ᐃᖃᓇᐃᔭᕐᑎᑦ ᖃᐅᔨᒪᔭᕐᓂᒥᓂᒃ ᐅᖃᐅᓯᖃᕐᖢᑎᒃ, ᑐᖓᓇᕐᓂᖏᑦ ᐃᖃᓇᐃᔭᕐᑎᑦ, ᐅᖃᐅᓯᖃᕈᓐᓇᕐᓂᖏᓪᓗ ᐊᔾᔨᒌᖏᑦᑐᓂᒃ, ᐅᐱᒋᔭᐅᓂᖓᓂᒃ ᒥᕐᖑᐃᓯᕐᕕᒃ, ᐊᒻᒪᓗ ᐋᕿᑦᑎᐊᕐᓯᒪᓂᖏᑦ ᐃᒃᓗᖁᑎᖏᑦ.

ᐃᓕᓐᓂᐊᕐᓂᖅ

20 ᖑᔪᑦ ᑕᕙᖓᑦ 22 ᑭᐅᓚᐅᕐᑐᑦ ᐊᖏᖃᑎᖃᕐᑐᑦ ᐅᖃᕐᓯᒪᔪᒥᒃ “ᖁᔭᓐᓇᒥᒃ ᐳᓛᕆᐊᓚᐅᕋᒪ, ᐃᓕᑉᐸᓪᓕᓚᐅᕐᑐᖓ ᓄᓇᖓᓂᒃ ᐃᓕᖁᓯᕐᓱᕐᑐᒥᒃ ᒥᕐᖑᐃᓯᕐᕕᒃᒥ.”

ᐃᖃᓇᐃᔭᕐᑎᑦ ᐃᓕᓐᓂᐊᕐᑎᑕᐅᓯᒪᓂᖏᑦ ᐃᓚᐅᖃᑕᐅᓂᖏᓪᓗ ᐱᓪᓚᕆᐅᒋᔭᐅᔪᖅ ᐃᓕᓐᓂᐊᕐᓂᕐᒧᑦ. ᐃᓄᑐᐃᓐᓇᐃᑦ ᐅᖃᖃᑦᑕᓚᐅᕐᑐᑦ ᐃᓕᑦᑐᒪᓂᕋᕐᖢᑎᒃ ᐅᔭᕋᓕᕆᓂᕐᒥᒃ, ᐊᐅᔪᐃᑦᑐᓂᒃ, ᓯᓚᐅᓪᓗ ᐊᓯᓪᓕᕐᐸᓪᓕᐊᓂᖓᓂᒃ, ᐆᒪᔪᓂᒃᓗ. ᐱᓕᕆᐊᖑᓕᕐᑐᖅ ᓴᕿᑦᑎᓇᓱᒃᖢᑎᒃ ᐃᓄᑑᓗᑎᒃ ᐱᓱᒃᕕᐅᔪᓐᓇᕐᑐᒥᒃ ᐃᓕᖁᓯᓕᕆᓂᒃᑯᑦ ᐊᒃᑐᐊᔪᓂᒃ ᒥᕐᖑᐃᓯᕐᕕᒃᒥ ᐅᖃᓕᒪᒐᓂᒃᓗ ᐅᔭᕋᓕᕆᓯᒪᔪᓂᒃ.

Sources: Parks Canada Attendance Reports Dashboard

ᐳᓚᕋᑎᑦ ᖃᐅᔨᔭᖏᑦ ᓇᓗᓇᐃᒃᑯᑕᐃᑦ

ᐳᓛᕆᐊᕐᑐᑦ

ᐅᐸᒃᓯᒪᔪᑦ (ᐃᓄᐃᑦ ᐅᐸᒍᑎᔪᑦ) Not rated-not rated


ᖁᕕᐊᓱᒃᖢᑎᒃ

ᖁᕕᐊᓱᒃᑐᑦ ᐳᓚᕆᐊᒃᓴᖅ Good-stable


ᓈᒻᒪᒃᓴᕐᑐᑦ ᐱᓕᓯᕐᓂᐅᔪᓂᒃ ᐱᑕᖃᕐᑐᓂᒃ Good-stable


ᓈᒻᒪᒃᓴᕐᑐᑦ ᐱᓕᕆᓂᐅᔪᓂᒃ ᐱᑕᖃᕐᑐᓂᒃ Not rated-not rated


ᓈᒻᒪᒃᓴᕐᑐᑦ ᐃᖃᓇᐃᔭᕐᑎᑦ ᐱᓇᓱᒃᓂᖏᓐᓂᒃ ᐱᐅᒍᓱᒃᖢᑎᒃ Good-stable


ᓈᒻᒪᒃᓴᕐᑐᑦ ᐃᓗᖏᑦ ᐃᖁᑎᖏᑦ ᐱᐅᑎᒋᓂᖏᑦ Good-stable


ᐃᓕᓐᓂᐊᕐᓂᖅ

ᐃᓕᓐᓂᐊᕐᑐᑦ ᑭᓱᑐᐃᓐᓇᕐᒥᒃ Good-stable


ᓈᒻᒪᒃᓴᕐᑐᑦ ᐱᐅᒍᓱᒃᑐᑦ

ᑕᑯᓕᒫᕐᓗᒍ ᐳᓚᕆᐊᕐᑐᑦ ᓈᒻᒪᒃᓴᕐᓂᖏᑦ ᐱᐅᒍᓱᒃᓂᖏᑦ Good-stable


ᓇᒻᒪᒃᓴᕐᑐᑦ ᑐᓴᐅᒪᔭᐅᓂᖓᓂᒃ ᑎᑭᓚᐅᖏᑎᓪᓗᒋᑦ Not rated-not rated


ᓈᒻᒪᒃᓴᕐᑐᑦ ᐊᑭᖓᓂ ᐃᓯᕈᑎᖓᓂᒃ Not rated-not rated


6.0 ᐃᒃᓗᐃᑦ ᓴᓇᓯᒪᔪᑦ ᓇᓗᓇᐃᒃᑯᑕᐃᑦ

ᑕᑯᓕᒫᕐᓗᒍ

ᖁᑦᑎᒃᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ ᐱᖓᓱᓂᒃ ᑕᖕᒫᕕᖃᕐᒪᑦ ᒥᖑᐃᓯᕐᕕᐅᑦ ᐃᓗᐊᓂ. ᑕᖕᒫᕐᕕᐅᔪᑦ ᓴᕿᑕᐅᓚᐅᕐᓯᒪᔪᑦ ᐅᓇᑕᕐᑐᒃᓴᐃᑦ ᖃᐅᔨᓴᕐᓂᕐᒧᑦ ᑭᒃᓕᓯᓂᐊᕐᓂᒃᑯᑦ ᖃᐅᔨᓴᕐᑎᓪᓗᒋᑦ ᕿᑭᕐᑕᒥ Ellesmere Island ᐊᕋᒍᖓᓂ 1950s ᐊᒻᒪᓗ 60s. ᐊᑐᕐᑕᐅᔪᑦ ᓱᓕ ᒥᕐᖑᐃᓯᕐᕕᐅᑦ ᐊᐅᓚᓂᖓᓄᑦ ᐅᓪᓗᒥ. ᐊᑐᓂ ᑕᖕᒫᕐᕕᐅᔪᑦ ᒥᑦᑕᕐᕕᖃᕐᑐᑦ, ᐃᒃᓗᖃᐅᕐᑐᑦ ᓲᕐᓗ ᓂᕿᓕᐅᕐᕕᒃ, ᓯᓂᒃᑕᕐᕕᒃ ᐱᖁᑎᒃᑯᑰᓪᓗ.

ᐃᒃᓗᐃᑦ

ᑲᑎᓪᓗᒋᑦ 29 ᐃᒃᓗᐃᑦ ᒥᕐᖑᐃᓯᕐᕕᒃᒥ. ᐱᐅᑎᒋᓂᖏᑦ ᐃᓗᐃᑦ ᓴᓇᓯᒪᓂᖏᑦ ᖃᐅᔨᓴᕈᑎ ᐋᕿᒃᑕᐅᔪᖅ “ᓈᒻᒪᒃᑐᖅ” ᐊᒻᒪᓗ “ᐱᐅᔪᓂᕐᐸᓪᓕᐊᔪᖅ”. ᑲᖏᕐᖢᒃᒥ Tanquary Fiord ᐅᐸᒃᑕᕐᕕᐅᓪᓗᐊᑕᕐᑐᖅ ᐊᐅᔭᒃᑯᑦ. 7 ᐃᒃᓗᐃᑦ ᑲᖏᕐᖢᒃᒥ Tanquary ᐳᓚᕋᑎᓯᓄᑦ ᐅᐸᒃᑕᐅᔪᓐᓇᕐᑐᑦ ᐊᓯᖏᓐᓄᓪᓗ (ᓲᕐᓗ ᑭᒃᓕᓯᓂᐊᕐᑎᑦ, ᐅᓇᑕᕐᑐᒃᓴᐃᑦ). ᑖᒃᑯᐊ ᐱᖃᓯᐅᑎᓪᓗᒋᑦ ᒪᕈᒃ ᓯᓂᒃᑕᕐᕕᐅᒨᒃ ᐃᒃᓘᒃ, ᓂᕿᓕᐅᕐᕕᒃ, ᐊᓇᕐᕕᒃ, ᑐᑭᓯᒋᐊᕐᕕᒃᓗ ᐊᒻᒪᓗ ᐅᕕᓂᒃᓂᐊᕐᕕᒃ. ᐅᓄᕐᑐᑦ ᐃᒃᓗᕕᓂᖏᑦ ᓱᓕ ᐊᑐᕐᑕᐅᔪᑦ ᒥᕐᖑᐃᓯᕐᕕᐅᑦ ᐊᐅᓚᓂᖓᓄᑦ ᐅᓪᓗᒥ.

9−ᖑᔪᑦ ᐃᒃᓗᐃᑦ ᑕᓯᕐᔪᐊᕐᒥ Lake Hazen, ᐱᖃᓯᐅᑎᓪᓗᒋᑦ ᖃᐅᔨᓴᕐᕕᐅᔪᑦ ᐱᒋᔭᐅᔪᖅ ᐃᓕᓐᓂᐊᕐᕕᒃᔪᐊᕐᒥ ᒐᐅᒋᐅᕆ University of Calgary ᐊᒻᒪᓗ ᓯᕐᓗᐊᕆᔭᐅᔪᖅ ᐲᔭᕐᑕᐅᔭᕆᐊᖃᕐᓂᐊᕐᑐᖅ. ᐃᒃᓗᐃᑦ ᑕᓯᕐᔪᐊᕐᒥ Lake Hazen ᐊᑐᕐᑕᐅᓚᐅᓱᖓᖃᑦᑕᕐᑐᑦ ᑭᒃᓕᓯᓂᐊᕐᑎᓂᑦ ᐃᑲᔪᕐᑐᐃᔪᑦ ᖁᑦᑎᒃᓂᒃᐹ ᐅᐸᒃᑕᐅᖃᑦᑕᕐᓯᒪᓂᖓᓂᒃ ᐊᒻᒪᓗ ᑭᒃᓕᓯᓂᐊᕐᓂᒃᑯᑦ ᖃᐅᔨᓴᕐᓂᖅ ᑲᓇᑕᒥ ᐅᑭᐅᕐᑕᕐᑐᖓᓂ ᖁᑦᑎᒃᑐᒥ.

ᕿᑭᕐᑕᖅ Ward Hunt Island ᐃᒃᓗᖃᕐᑐᖅ 7−ᓂᒃ, ᐱᖃᓯᐅᑎᓪᓗᒍ ᖃᐅᔨᓴᕐᕕᐅᔪᖅ ᐱᖁᑎᒋᔭᐅᔪᖅ ᐊᐅᓚᑕᐅᓪᓗᓂᓗ ᐃᓕᓐᓂᐊᕐᕕᒃᔪᐊᕐᒥ ᓚᕕᐅᓪ Universite Laval’s Centre ᐅᑭᐅᕐᑕᕐᑐᒥ ᖃᐅᓕᓴᕐᓂᖅ. ᓚᕕᐅᓪ ᐊᑐᕐᑎᐅᓗᐊᕐᑕᕐᑐᑦ ᕿᑭᕐᑕᒥ ᐃᒃᓗᖏᓐᓂᒃ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐋᕿᐅᒪᑎᑦᑎᔪᓐᓇᕐᓯᒪᔪᑦ ᐱᖁᑎᒋᔭᕐᒥᓂᒃ ᑮᓇᐅᔭᖃᓕᕋᖓᑕ ᖃᖓᖑᕌᖓᑦ. ᓲᕐᓗ 2010-11 ᐅᑭᐅᕐᑕᕐᑐᒥ ᖃᐅᔨᓴᕐᓂᕐᒧᑦ ᐱᖁᑎᑦ ᑮᓇᐅᔭᕐᑕᕆᔭᐅᔪᓐᓇᕐᑐᑦ. ᑕᐃᒪᖓᑦ 2015, $500,000 ᐊᑐᕐᑕᐅᓯᒪᔪᑦ ᐱᐅᓯᒋᐊᕈᑕᐅᓪᓗᑎᒃ ᐱᖁᑎᒋᔭᖏᓐᓄᑦ ᑲᖏᕐᖢᒃᒥ Tanquary Fiord, ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓚᓂᖓᑕ ᑐᖓᕕᖓᓂ ᐳᓚᕋᑎᑦ ᐅᓄᕐᓯᕙᓪᓕᐊᓂᖏᓐᓄᑦ ᐊᒻᒪᓗ ᐱᔭᕆᐊᖃᕐᓂᖏᑦ ᐃᖃᓇᐃᔭᕐᑐᑦ ᐊᑦᑕᕐᓇᕐᑕᐃᓕᒪᓂᕐᒧᑦ, ᐊᑐᕐᓗᒋᑦ ᒐᕙᒪᑐᖃᒃᑯᑦ ᐱᖁᑎᕐᔪᐊᓕᕆᓂᕐᒧᑦ ᐱᒋᐊᕐᑎᓯᒪᔭᖏᑦ. ᐸᕐᓇᐅᑎᖃᕐᑐᑦ ᐊᒥᒐᓗᐊᕈᑎᔪᑦ ᒪᕉᒃ ᑕᖕᒫᕐᕕᐅᖃᑦᑕᕐᑑᒃ, ᖃᐅᔨᓴ ᕐᑎᓄᑦ ᐊᑐᕐᑕᐅᓪᓗᐊᑕᕐᑑᒃ ᑭᒃᓕᓯᓂᐊᕐᓂᕐᒧᑦ ᐅᑭᐅᕐᑕᕐᑐᒥ.

ᒥᑦᑕᕐᕖᑦ

ᐃᖃᓇᐃᔭᕐᑎᑦ, ᑭᒃᓕᓯᓂᐊᕐᑎᑦ ᐊᒻᒪᓗ ᐳᓚᕋᑎᑦ ᐅᐸᒍᑎᓂᖏᑦ ᒥᕐᖑᐃᓯᕐᕕᒃᒧᑦ ᖃᖓᑕᓲᒃᑯᑦ, ᐱᖓᓱᑦ ᒥᑦᑕᕐᕖᑦ ᐊᑐᕐᑕᐅᔪᓐᓇᕐᑐᑦ. ᑎᓴᒪᖓᑦ ᒥᑦᑕᕐᕕᒃ ᐱᑕᖃᕐᑐᖅ ᑕᕙᓂ Fort Conger, ᓄᓇᒋᔭᐅᖃᑦᑕᕐᓂᑯ ᒥᕐᖑᐃᓯᕐᕕᐅᑦ ᐃᓗᐊᓂ. ᑲᒪᒋᔭᐅᓂᖏᑦ ᒥᑦᑕᕐᕖᑦ ᐃᓛᓂᓚᐅᓱᖓᑐᐃᓐᓇᖅ, ᐃᖃᓇᐃᔭᕐᑎᑦ ᐱᑕᖃᕐᓂᖏᑦ ᒪᓕᑦᓗᒋᑦ ᐊᒻᒪᓗ ᖃᐅᔨᒪᓂᖏᑦ ᓄᓇᓯᐅᑎᕐᔪᐊᓂᒃ. ᐋᕿᒃᑕᐅᔪᖅ ᒪᕉᒃ ᒥᑦᑕᕐᕖᒃ “ᐱᐅᖏᑦᑐᖅ”. ᓯᓚᒧᑦ ᐊᒻᒪᓗ ᐅᐸᒐᒃᓴᐅᑦᑎᐊᖏᓐᓂᖏᓐᓄᑦ ᒥᑦᑕᕐᕕᒃ ᑕᕙᓂ Ward Hunt, ᖃᐅᔨᓴᕐᑕᐅᓯᒪᖏᑦᑐᖅ ᓱᓕ. ᐋᕿᐅᒪᑎᑕᐅᓂᖏᑦ ᐱᖓᓱᑦ ᒥᑦᑕᕐᕕᐅᔪᑦ ᐱᓪᓚᕆᐅᔪᖅ ᐊᑦᑕᕐᓇᖏᑦᑐᒃᑯᑦ ᐊᐅᓚᓂᖃᕐᓂᐊᕈᓂ ᑐᕋᒐᖏᓐᓂᒃ.

ᐊᓯᖏᑦ

ᑲᖏᕐᖢᖓᓂ Tanquary Fiord ᐃᒪᖃᐅᑎᑕᖃᕐᑐᖅ ᓴᓇᔭᐅᓂᑯ ᐅᓇᑕᕐᑐᒃᓴᒃᑯᑦ ᖃᐅᔨᓴᕐᑎᖏᓐᓄᑦ 1960. ᐃᒪᖃᕐᕕᒃ ᐱᓪᓚᕆᐅᔪᖅ ᒥᕐᖑᐃᓯᕐᕕᒃᒧᑦ ᐊᐅᔭᒃᑯᑦ ᐊᐅᓚᓂᖓᓄᑦ. ᐃᒪᐃᔭᓕᓚᐅᕐᑐᖅ ᐊᕋᒍᖓᓂ 2011 ᐊᒻᒪᓗ ᓴᓇᔭᐅᓚᐅᑲᒃᓂᑯ ᐃᖃᓇᐃᔭᕐᑎᓄᑦ. ᓴᓇᔭᐅᓂᖓ ᑕᐃᒪᐃᓕᖓᐃᓐᓇᕐᕋᓗᐊᕐᑐᖅ, ᓯᒥᒃᓯᔾᔪᑕᐅᔪᖅ ᓴᓇᔭᐅᒃᑲᓐᓂᕆᐊᖃᕐᑐᖅ. ᐅᓇᑕᒃᑐᒃᓴᒃᑯᑦ ᖃᐅᔨᓴᕐᑎᑦ ᓴᓇᓯᒪᓂᖓ ᐋᕿᒃᑕᐅᔪᖅ “ᐱᐅᖏᑦᑐᖅ”. ᐸᕐᓇᐅᑎᖃᕐᑐᑦ ᓴᓇᔭᐅᓂᖓᓂᒃ ᐃᒪᖃᕐᕕᒃ ᐊᕋᖑᖓᓂ 2020 ᕿᒥᕐᓗᑎᒃᓗ ᐃᒪᖃᕐᕕᐅᔪᓐᓇᕐᑐᒥᒃ.

Sources: Maximo, November 2017 NFU files

ᐃᒃᓗᐃᑦ ᓴᓇᓯᒪᔪᑦ ᓇᓗᓇᐃᒃᑯᑕᐃᑦ

ᐃᒃᓗᐃᑦ

ᑕᒪᕐᒥᒃ ᖃᓄᐃᑦᑐᑐᐃᓐᓇᐃᑦ, ᐱᖃᓯᐅᑎᓗᒋᑦ ᐳᓚᕋᑎᓄᑦ ᐊᓯᖏᓐᓄᓪᓗ ᐊᑐᕐᑕᐅᔪᑦ ᑐᔪᕐᒥᕕᐅᔪᓪᓗ fair-declining


ᒥᑦᑕᕐᕕᒃ

ᒥᑦᑕᕐᕕᒃ Poor-declining


ᐊᓯᖏᑦ

ᐃᒥᕐᑕᕐᕕᐅᔪᑦ Poor-declining


7.0 ᐱᓗᐊᕐᓂᕆᔭᖏᑦ ᐃᓱᒫᓗᑕᐅᔪᑦ

ᐃᓱᒫᓗᑕᐅᔪᖅ 1: ᐊᑐᓕᕐᑎᑕᐅᓂᒥᖏᑦ ᐱᔭᕆᐊᖃᕐᓂᖏᑦ ᓄᓇᕗᑦ ᐊᒻᒪᓗ ᐃᓄᐃᑦ ᐃᒃᐱᒃᓇᐅᑎᔪᓄᑦ ᐊᖏᕈᑎᓂ (IIBA)

ᓄᓇᖃᕐᖄᕐᓯᒪᒧᑦ ᐃᑲᔪᕐᑎᒋᓪᓗᒋᑦ, ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᓄᓇᖃᕐᖃᕐᓯᒪᔪᓂᒃ ᐊᒻᒪᓗ ᐊᔪᕈᕐᓂᕐᐸᓪᓕᐊᑎᑦᑎᓂᖅ ᐃᖃᓇᐃᔭᖑᔪᑎᒍᑦ ᐋᕿᒃᑕᐅᔪᖅ “ᓈᒻᒪᒃᑐᖅ”. ᓄᓇᓕᑦ ᐃᓚᐅᑎᑕᐅᓂᖏᑦ ᑳᓐᑐᓛᒃᑯᑦ/ᐊᑭᑦᑐᕋᐅᑎᓂᒃᑯᑦ ᒐᕙᒪᑐᖃᒃᑯᓐᓂᑦ ᐊᒻᒪᓗ ᓄᓇᑖᕈᑎᑦ ᒪᓕᒃᓗᒋᑦ ᐱᔭᕆᑐᒃᒪᑦ ᐃᓗᓕᖏᑦ ᑕᑯᔭᕆᐊᖏᑦ ᑮᓇᐅᔭᑎᒍᓪᓗ ᐋᕿᒃᓯᒪᓂᖓ ᖁᑦᑎᒃᓂᕐᐹᖅᒥ ᐊᔪᕈᑕᐅᒃᒪᑕ ᐱᔭᕆᐊᖃᕐᑐᓂᒃ ᒪᓕᒐᓱᒋᐊᒃᓴᖅ ᓄᓇᕘᑦ ᐊᒻᒪᓗ ᐃᓄᐃᑦ ᐃᒃᐱᒃᓇᐅᑎᔪᓄᑦ ᐊᖏᕈᑎᑦ.

*ᖃᐅᔨᒪᓗᒍ ᐊᖏᕈᑎᑦ ᒫᓐᓇ ᕿᒥᕈᔭᐅᕙᓪᓕᐊᒃᒪᑕ ᐱᔭᕆᐊᖃᕐᓂᖓ ᒪᓕᒃᓗᒍ ᐊᕋᖑ 7 ᐊᓂᒍᕌᖓᑕ. ᖃᓄᐃᓕᖓᔾᔪᑕᐅᓂᐊᕐᒪᖓᑦ ᒥᕐᖑᐃᓯᕐᕕᒃᒧᑦ ᖃᐅᔨᒪᓇᖏᑦᑐᖅ.

ᐃᓱᒫᓗᑕᐅᔪᖅ 2: ᑲᔪᓯᑎᑕᐅᓂᖏᑦ ᐱᖁᑎᑦ ᐋᕿᐅᒪᑎᑕᐅᓂᖏᓐᓄᑦ

ᑕᑯᓕᒫᕐᓗᒍ ᐋᕿᒃᑕᐅᔪᑦ ᐱᖁᑎᓄᑦ “ᓈᒻᒪᒃᑐᖅ” ᐃᓚᖏᓪᓗ “ᐱᐅᖏᑦᑐᖅ” ᐊᒧᒃᐸᓪᓕᐊᓪᓗᓂᓗ. ᒫᓐᓇᐅᔪᖅ ᐊᐅᓚᓂᖓ ᑮᓇᐅᔭᖃᕐᑎᑕᐅᓂᖓᓗ ᖁᑦᑎᒃᓂᕐᐹᖅ ᓄᓇᕗᑦᒥ ᐊᐅᓚᑦᑎᕕᐅᔪᖅ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᐅᓗᕆᐊᓇᕐᑐᒦᑐᐃᓐᓇᕆᐊᖃᕐᒪᑕ ᐊᑦᑕᕐᓇᕐᑕᐃᓕᒪᓂᕐᒧᑦ ᖃᓄᐃᖏᑦᑎᐊᕐᓂᕐᒧᓪᓗ ᐃᖃᓇᐃᔭᕐᑎᑦ ᐊᑐᕐᑎᐅᔪᓪᓗ ᐱᖁᑎᖏᓐᓂᒃ. ᒥᕐᖑᐃᓯᕐᕕᒃ ᐱᖁᑎᖏᑦ ᐱᓪᓚᕆᐅᖃᑕᐅᕗᑦ ᖃᔪᓯᑦᑎᐊᕐᑎᓐᓇᓱᒃᓗᒍ ᐃᑲᔪᕐᑎᒌᒃᓂᒃᑯᑦ ᐊᓯᖏᓪᓗ ᑎᒍᒥᐊᕐᑎᐅᔪᑦ, ᓲᕐᓗ ᑭᒃᓕᓯᓂᐊᕐᑎᐅᔪᑦ , ᐅᓇᑕᒃᑐᒃᓴᒃᑯᑦ ᐃᓄᑐᐃᓐᓇᐃᓪᓗ. ᐃᓚᐅᑎᑦᑎᓂᖅ ᑭᒃᓕᓯᓂᐊᕐᑎᐅᔪᓂᒃ ᐱᓪᓚᕆᐅᕗᖅ ᑲᔪᓯᑎᓐᓇᓱᒃᓗᒍ ᒥᕐᖑᐃᓯᕐᕕᐅᑦ ᖃᐅᔨᓴᕐᓂᖓᓄᑦ ᐊᕙᑎᖓᓂᒃ. ᐃᓂᖃᕐᑎᑕᐅᑦᑎᐊᕐᓗᑎᒃ ᐳᓚᕋᑏᑦ ᐱᓪᓚᕆᐅᕗᖅ ᑲᔪᓯᑦᑎᐊᕋᓱᒃᓗᒍ ᐳᓚᕋᑦᑐᓕᕆᓂᖅ.

ᐃᓱᒫᓗᑕᐅᔪᖅ 3: ᐃᒃᐱᒃᓇᐅᑎᔪᑦ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ

ᓯᓚᐅᑦ ᐊᓯᓪᓕᕐᐸᓪᓕᐊᓂᖓ ᐅᓗᕆᐊᓇᕐᑐᒦᑎᑦᑎᔪᓐᓇᕐᒪᑦ ᖁᑦᑎᒃᓂᕐᐸᖅ ᐊᐅᓚᓂᖓᓄᑦ. ᐱᖁᑎᖏᑦ, ᐃᓕᖁᓯᓕᕆᓂᒃᑯᓪᓗ ᐊᒻᒪᓗ ᓄᓇᒥᐅᑕᓕᕆᓂᖅ, ᐳᓚᕋᑦᑐᓕᕆᓂᖅ ᐊᒻᒪᓗ ᐊᑦᑕᕐᓇᕐᑕᐃᓕᒪᓂᕐᒧᑦ ᐃᖃᓇᐃᔭᕐᑎᓄᑦ ᐊᑐᕐᑎᐅᔪᓄᓪᓗ (ᖃᐅᔨᓴᕐᑎᑦ, ᐅᓇᑕᒃᑐᒃᓴᒃᑯᑦ, ᐊᓯᖏᓪᓗ ᒐᕙᒪᐅᔪᑦ) ᐃᒃᐱᒃᓇᐅᑎᓂᐊᕐᒪᑕ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ ᓯᕗᓂᒃᓴᑦᑎᓐᓂ. ᑐᕋᒐᓪᓚᑦᑖᕐᑕᖃᖏᒻᒪᑦ ᖃᓄᐃᓕᖓᓂᐊᕆᐊᒃᓴᖏᓐᓂᒃ ᖃᐅᔨᓴᕐᓂᖅ, ᐋᕿᒋᐊᕈᑎᒃᓴᐃᓪᓗ ᐅᓗᕆᐊᓇᕐᑐᑦ ᐱᔾᓪᓗᒋᑦ.

ᐃᓱᒫᓗᑕᐅᔪᖅ 4: ᒥᕐᖑᐃᓯᕐᕕᒃᒧᑦ ᐳᓛᕆᐊᕐᑐᑦ ᑲᒪᒋᔭᐅᑦᑎᐊᕐᓂᖏᑦ

ᐳᓛᕆᐊᕐᑐᑦ ᒥᕐᖑᐃᓯᕐᕕᒃᒧᑦ “ᐋᕿᒃᑕᐅᓯᒪᖏᑦᑐᖅ” ᖃᐅᔨᓴᕐᓂᕐᒥ ᑕᕙᓂ. ᐳᓚᕋᑎᑦ ᐅᓄᖏᒃᑲᓗᐊᕐᑎᓪᓗᒋᑦ, ᖁᑦᑎᒃᓂᕐᐹᖅ ᐊᓯᖏᓐᓂᒃ ᐅᐸᒃᑕᐅᖃᑦᑕᕐᓂᕐᓴᐅᒃᒪᑦ ᐃᓚᓕᐅᑎᓯᒪᖏᑦᑐᓂᒃ. ᓲᕐᓗ ᖃᐅᔨᓴᕐᑎᑦ, ᐅᓇᑕᕐᑐᒃᓴᒃᑯᑦ. ᐊᑯᓐᓂᕐᓱᕐᑐᒥᒃ 40−50 ᐅᓇᑕᕐᑐᒃᓴᐃᑦ ᐊᒻᒪᓗ 15 ᑭᒃᓕᓯᓂᐊᕐᑎᑦ ᖃᐅᔨᓴᕐᑎᑦ ᐊᑐᖃᑦᑕᕐᑐᑦ ᒥᕐᖑᐃᓯᕐᕕᒃᒥᒃ ᐃᒃᓗᖁᑎᖏᓐᓂᒃᓗ ᐊᕋᒍᑕᒫᑦ, ᐱᖃᓯᐅᑎᓪᓗᒋᑦ ᐊᕙᑎᓕᕆᔨᒃᑯᑦ ᓯᓚᐅᓪᓗ ᐊᓯᓪᓕᕐᐸᓪᓕᐊᓂᖓᓄᑦ ᐃᖃᓇᐃᔭᕐᑎᖏᑦ. ᑲᖏᕐᖢᒃᒥ ᖃᖓᑐᓲᕐᑕᐅᒐᔪᒃᑐᖅ (ᒥᑦᑐᑦ, ᖃᖓᑦᑕᕐᑐᑦ, ᐅᕐᓴᒃᓴᕐᑐᑦ, ᓯᓂᒃᑕᕐᑐᑦ) ᑭᒃᓕᓯᓂᐊᕐᓂᕐᒧᑦ ᐃᑲᔪᕐᑐᐃᔪᑦ ᖃᐅᔨᓴᕐᑎᓂᒃ. ᑮᓇᐅᔭᖃᕐᑎᑕᐅᓂᖓ ᖁᑦᑎᒃᓂᕐᐸᖅ ᑕᒃᑯᓂᖓ ᐱᖃᓯᐅᑎᓯᒪᖏᒻᒪᑦ ᐃᖃᓇᐃᔭᕐᑎᖏᓐᓄᑦ ᐱᖁᑎᖏᓐᓄᓪᓗ ᐊᑐᕈᑕᐅᖃᑦᑕᕐᑎᓪᓗᒋᑦ.

ᑎᑎᕋᒃᑲᓐᓂᕐᓯᒪᔪᖅ 1: ᐆᒪᔪᐃᑦ ᐅᓗᕆᐊᓇᕐᑐᒦᑦᑐᑦ ᓇᓗᓇᐃᒃᑯᑕᐃᑦ

Porsild’s Bryum (Haplodontium macrocarpum )

ᖃᐅᔨᓴᕐᕕᐅᔪᖅ ᐱᒋᐊᕐᕕᒋᔪᓐᓇᕐᑕᖓᓂᒃ ᓇᓗᓇᐃᕐᑕᐅᓗᓂ, ᓇᓗᓇᐃᕐᑕᐅᓗᑎᒃ ᐅᓗᕆᐊᓇᕈᑕᐅᔪᑦ.

ᐱᒋᐊᕐᑎᑕᐅᓯᒪᖏᑦᑐᖅ (ᑮᓇᐅᔭᖃᖏᑦᑐᖅ ᒫᓐᓇ)

Porsild’s Bryum (Haplodontium macrocarpum )

ᐋᕿᒃᓱᐃᓂᖅ ᐊᑯᓂᐅᔪᒧᑦ ᖃᐅᔨᓴᕐᓂᖅ ᐊᐅᓚᓂᖓᓂᒃ

ᐱᒋᐊᕐᑎᑕᐅᓯᒪᖏᑦᑐᖅ (ᐱᒋᐊᕐᓂᖓ ᖃᓄᐃᓕᖓᓂᖓ ᑐᑭᓯᔭᐅᖄᕆᐊᓕᒃ)

ᐱᖓᓱᑦ ᖃᓄᐃᓐᓂᖏᑦ ᐅᓗᕆᐊᓇᕐᑐᒥᑦᑐᑦ ᐆᒪᔪᐃᑦ ᐅᖃᐅᓯᐅᓂᖏᑦ :

ᑎᑭᑕᐅᓯᒪᔪᖅ : ᑕᒪᕐᒥᒃ ᖃᓄᐃᓕᐅᕐᑕᐅᔪᑦ ᐱᔭᕇᕐᓯᒪᓕᕐᑐᑦ ᐊᒻᒪᓗ ᐱᑕᖃᐃᓐᓇᕐᑎᑦᑎᓇᓱᒃᓂᕐᒧᑦ ᑐᕋᒐᖏᑦ ᑎᑭᑕᐅᔪᑦ.

ᐃᓚᐃᓐᓇᖓ : ᖃᓄᐃᓕᐅᕐᑕᐅᔪᑦ ᐱᔭᕇᕐᑐᑦ ᑭᓯᐊᓂ ᐱᑕᖃᐃᓐᓇᕐᑎᑎᓂᕐᒧᑦ ᑐᕋᒐᐃᑦ ᑎᑭᑕᐅᖏᑦᑐᑦ.

ᐱᒋᐊᕐᑎᑕᐅᓯᒪᖏᑦᑐᑦ : ᖃᓄᐃᓕᐅᑐᖃᕐᓯᒪᖏᑦᑐᖅ ᐱᒋᐊᕐᑎᑕᐅᔪᖃᕐᓯᒪᖏᑦᑐᖅ.

1. ᐊᓯᓪᓕᐅᑎᔪᑦ ᐆᒪᔪᐃᑦ ᐱᑕᖃᐃᓐᓇᕐᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ ᖃᓄᐃᑉᐸᓪᓕᐊᓂᖏᓪᓗ

3 ᐅᒪᔪᐃᑦ ᐅᓗᕆᐊᓇᕐᑐᒦᑦᑐᑦ: ᑐᒃᑐᕋᓛᑦ Peary Caribou- ᐅᓗᕆᐊᓇᕐᑐᒦᑦᑐᑦ ᓄᖑᑐᐃᓐᓇᕆᐊᖃᕐᓂᖏᓐᓄᑦ; Porsild’s Bryum- ᐅᓗᕆᐊᓇᕐᑐᒦᑦᑐᑦ ᓄᖑᑐᐃᓐᓇᕆᐊᖃᕐᓂᖏᓐᓄᑦ; ᓇᓄᐃᑦ ᐃᓱᒫᓗᒃᓇᕐᑐᒦᑦᑐᑦ. ᑐᒃᑐᕋᓛᑦ ᐅᓄᕐᑎᒋᓂᖏᑦ ᖃᐅᔨᒪᐅᖏᑦᑐᑦ ᐅᓄᕐᓯᕙᓪᓕᐊᓂᖏᓪᓗᓐᓃᑦ. Porsild’s Bryum ᐱᑕᖃᕐᑐᖅ 8 −ᓂᒃ ᑲᑎᖓᔪᓂᒃ ᐱᖓᓲᓪᓗᑎᒃ ᐃᓂᒋᔭᐅᔪᑦ ᑲᖏᕐᖢᖓᓂ Tanquary Fiord ᓄᓇᖓᓂ; ᖃᓄᐃᓕᕙᓪᓕᐊᓂᖏᑦ ᖃᐅᔨᒪᔭᐅᖏᑦᑐᑦ. ᓇᓄᐃᑦ − ᐅᑭᐅᕐᑕᕐᑐᒦᑦᑐᑦ ᖃᐅᔨᓴᕐᑕᐅᓯᒪᖏᓪᓗᐊᕐᑐᑦ ᐅᓄᕐᓯᕙᓪᓕᐊᑎᒋᓂᖏᑦ.

2.ᐱᓗᐊᕐᓂᕆᔭᖏᑦ ᖃᐅᔨᒪᔾᔪᑎᑦ ᐊᒻᒪᓗ ᐅᓗᕆᐊᓇᕐᑐᑦ

Porsild’s Bryum: ᐅᓗᕆᐊᓇᕐᑐᑦ ᒥᕐᖑᐃᓯᕐᕕᒃᒦᑦᑐᓄᑦ ᓇᓗᓇᐃᕐᑕᐅᓯᒪᖏᑦᑐᑦ. ᑕᑯᓕᒫᕐᓗᒍ ᐅᓗᕆᐊᓇᕐᑐᑦ ᓲᕐᓗ ᐅᐸᒃᑕᕐᑕᐅᒍᓂ ᐃᕿᐊᖑᐃᔭᕐᑯᓄᑦ, ᐅᓄᕈᓐᓂᕐᐸᑕᓗ ᐊᒻᒪᓗ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ ᓲᕐᓗ ᐸᓂᓗᐊᓕᕈᓂ (ᐃᒥᕐ ᑯᕕᕙᓪᓕᐊᖏᓪᓐᓇᓗᐊᓕᕈᓂ) ᐅᖂᓂᖓᓗ ᐊᓯᓪᓕᕐᑕᕐᓂᖓᓄᑦ.

Peary Caribou: ᑐᒃᑐᕋᓛᑦ ᐱᔾᔪᑕᐅᓗᐊᕐᑐᖅ ᓯᓚᐅᑦ ᐊᓯᓪᓕᕐᐸᓪᓕᐊᓂᖓ. ᐃᓂᒋᔭᖏᑦ ᓱᓕ ᖃᐅᔨᓴᕐᑕᐅᔭᕆᐊᖃᕐᑐᑦ ᒥᕐᖑᐃᓯᕐᕕᐅᑦ ᐃᓗᐊᓂ.

Polar Bear: ᓇᓄᐃᑦ ᑭᖑᓪᓕᕐᐸᒥᒃ ᖃᐅᔨᓴᕐᑕᐅᓪᓗᑎᒃ ᑕᕆᐅᖓᓂ (Kane Basin) ᖃᓂᒋᔮᓃᑦᑐᑦ ᓇᓗᓇᐃᕐᓯᒪᓚᐅᕐᑐᑦ ᑕᐃᒪᓐᓇᑦᑕᐃᓇᓕᓂᖏᓐᓂᒃ ᐅᓄᕐᓯᕙᓪᓕᐊᖔᕐᓂᖏᓐᓂᒃᓗ. ᓯᓚᐅᑦ ᐊᓯᓪᓕᕐᐸᓪᓕᐊᓂᖓ ᐱᐅᓂᕐᓴᐅᓚᐅᑲᒃᑲᔭᕐᑐᖅ ᑭᓯᐊᓂ ᐊᑯᓂᐅᔪᒧᑦ ᐱᐅᖏᔾᔪᑕᐅᔪᓐᓇᕐᑐᖅ.

3.ᖃᓄᐃᓕᐅᕐᑕᐅᓯᒪᒧᑦ ᐊᐅᓚᓂᖓᓂᑦ ᐱᒋᐊᕐᑕᐅᓯᒪᔪᑦ

Porsild’s Bryum: ᖃᐅᔨᓴᕐᑕᐅᖃᑦᑕᕐᓯᒪᔪᑦ ᑕᐃᒪᖓᑦ 2004. ᐋᕿᒋᐊᕈᑎᒃᓴᐃᑦ ᐊᐅᓪᓚᐅᔾᔨᔨᐅᔪᑦ ᑮᓇᐅᔭᒃᓴᕐᓂᕐᒧᑦ ᐱᔪᓐᓇᐅᑎᖏᑦ ᐅᖃᕐᓯᒪᓂᖃᕐᓗᑎᒃ ᐊᐅᓚᐅᑎᔭ ᖏᑦ ᐃᒃᐱᒃᓇᐅᑎᑕᐃᓕᖁᔭᐅᓪᓗᑎᒃ ᑕᓴᒃᑯᓄᖓ.

4. ᐱᔭᕇᕐᑕᐅᓂᖓ ᐅᓄᕐᓯᕙᓪᓕᐊᑎᑕᐅᓂᖏᓐᓄᑦ ᑎᑎᕋᕐᓯᒪᔪᑦ ᐅᕙᓘᓐᓃᑦ ᐊᓯᖏᑦ ᒪᓕᒐᑎᒍᑦ ᑎᑎᕋᕐᑕᐅᓯᒪᔪᑦ ᐱᔭᕆᐊᖃᕐᑎᑕᐅᔪᑦ

Porsild’s Bryum: ᐊᖏᕐᑕᐅᓯᒪᔪᑦ ᐅᓄᕐᓯᕙᓪᓕᐊᓂᖏᓐᓄᑦ ᑐᕋᒐᐃᑦ ᐸᕐᓇᐅᑎᑦ ᓴᕿᑕᐅᓂᐊᕐᑐᑦ. ᐃᓂᒋᔭᖏᑦ ᓇᓗᓇᐃᕐᑕᐅᓯᒪᔪᑦ ᒥᕐᖑᐃᓯᕐᕕᒃᒥ ᑎᑎᕋᕐᑕᐅᓯᒪᔪᑦ ᐅᖃᓕᒫᒐᕐᓂ Canada Gazette (ᔮᓄᐊᕆ 2017).
Peary Caribou: ᑐᒃᑐᕋᓛᑦ ᐊᖏᕐᑕᐅᓯᒪᔪᖃᖏᑦᑐᖅ ᐅᓄᕐᓯᕙᓪᓕᐊᓂᖏᓐᓄᑦ ᐸᕐᓇᐅᑎᓂᒃ.
Polar Bear: ᓇᓄᐃᑦ ᐊᖏᕐᑕᐅᓯᒪᔪᖃᖏᑦᑐᖅ ᐊᐅᓚᑕᐅᓂᖏᓐᓄᑦ ᐸᕐᓇᐅᑎᑦ.

Sources: Information extracted from Biotics, Recovery Strategies, draft plans