ᒪᓕᒃᓗᒍ ᑲᓇᑕᒥ ᒥᕐᖑᐃᕐᓯᕕᓕᕆᔨᒃᑯᑦ ᐱᖁᔭᖓᑕ ᐊᐅᓚᔾᔪᑎᖏᑕ ᐃᓚᖓ 7 (1) ᐊᒻᒪᓗ 12 (1) ᑲᓇᑕᒥ ᒥᕐᖑᐃᑦᓯᕕᓕᕆᔨᒃᑯᑦ ᐃᑦᑕᕐᓂᓴᑐᖃᓄᑦ ᓇᓗᓇᐃᖅᑕᐅᓯᒪᔪᑦ ᐊᐅᓚᔾᔪᑎᖓᑦ, ᐅᑯᐊ ᓇᓗᓇᐃᖅᑕᐅᓯᒪᔪᑦ ᒪᑐᔭᐅᑲᐃᓐᓇᕐᓯᒪᓂᐊᕐᑐᑦ ᐃᓄᓕᒫᓄᑦ ᓄᓇᖃᖅᑳᖅᑐᑐᖃᐅᖏᑦᑐᓄᑦ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᐊ ᒪᓕᒃᓗᒍ, ᐊᑐᖁᔭᐅᓂᖓ ᐊᖓᔪᖅᑳᑉ, ᓄᓇᕗᒻᒥ ᒥᕐᖑᐃᕐᓯᕕᓕᕆᔨᒃᑯᑦ ᒪᓕᒃᓗᒍ.

ᓇᓂ, ᖃᖓ, ᖃᓄᐃᒻᒪᑦ:

ᒪᓕᓪᓗᒍ ᐃᓛᒃᑰᖅᑐᖅ 7(1) ᑲᓇᑕᒥ ᒥᕐᖑᐃᕐᓯᕐᕕᓕᕆᔩᑦ ᑭᒃᑯᑐᐃᓐᓇᕐᓄᑦ ᐱᖁᔭᖅ ᐊᒻᒪᓗ 12(1) ᑲᓇᑕᒥ ᐃᑦᑕᕐᓂᑕᖃᕐᕕᑦ ᒥᕐᖑᐃᕐᓯᕐᕕᓕᕆᔩᑦ ᑭᒃᑯᑐᐃᓐᓇᕐᓄᑦ ᒪᓕᒐᓕᐊᖑᓯᒪᔪᑦ, ᐅᑯᐊ ᐃᓂᐅᔪᑦ ᒫᓐᓇ ᒪᑐᔭᐅᓯᒪᑲᐃᓐᓇᕐᒪᑕ ᑭᒃᑯᑐᐃᓐᓇᓕᒫᓄᑦ ᐱᔪᓐᓇᐅᑎᖃᓐᖏᑦᑐᓄᑦ ᐊᖑᓇᓱᒍᓐᓇᐅᑎᓂᑦ ᒪᓕᓪᓗᒍ ᓄᓇᕗᑦ ᐊᖏᖃᑎᒌᒍᑎᖓᑕ ᑎᓕᓯᒻᒪᕆᒍᑎᖓᓄᓪᓗ ᐃᓱᒪᑕᐅᑉ, ᓄᓇᕗᑦ ᐊᓪᓚᕕᖏᓐᓄᑦ.

ᓇᒥ: ᓯᕐᒥᓕᒃ, ᖃᐅᓱᐃᑦᑐᖅ, ᖁᑦᑎᓂᖅᐹᖅ ᐊᒻᒪᓗ ᐅᒃᑯᓯᒃᓴᓕᒃ ᑲᓇᑕᒥ ᒥᕐᖑᐃᕐᓯᕐᕕᖏᑦ, ᐊᒻᒪᓗ ᐅᒦᔭᕐᓂᑯᒥᓃᒃ ᑯᐃᓐ ᐅᒥᐊᖁᑖ ᐃᕆᐸᔅ ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᕐ ᑲᓇᑕᒥ ᐃᑦᑕᕐᓂᑕᖃᕐᕕᑦ ᐃᓂᖏᒃ, ᐱᖃᑕᐅᓪᓗᑎᒃ ᑕᒪᕐᒥᑦ ᓄᓇᖓᑕ ᐱᓱᕕᑦᓴᐅᓂᖓ ᑕᕆᐅᖓᓗ. ᑕᑯᒋᐊᕈᒃ ᓄᓇᓐᖑᐊᖅ ᑕᕙᓂ.

ᖃᖓ: ᐊᐅᒡᒍᓯ 1, 2021 ᖃᐅᔨᒃᑲᐃᔪᖃᒃᑲᓐᓂᓚᐅᓐᖏᓐᓂᖓᓂ.

ᓱᒻᒪᑦ: ᓴᐳᔾᔭᐅᖁᓪᓗᒋᑦ ᖃᓄᐃᖁᓇᒋᑦ ᐊᑦᑕᓇᖅᑐᒦᖁᓇᖏᓪᓗ ᐳᓛᕆᐊᖅᑐᑦ, ᓄᓇᕗᒻᒥᐅᑦ ᐃᖅᑲᓇᐃᔭᖅᑏᓪᓗ ᑲᓇᑕ ᖃᓄᐃᒋᐊᕈᑕᐅᑎᓪᓗᒍ ᐱᓪᓗᒍ ᓄᕙᔾᔪᐊᕐᓇᖅ 19 ᓯᐊᒻᒪᖅᓯᒪᓂᖓ, ᒥᕐᖑᐃᕐᓯᕐᕕᓕᕆᔩᑦ ᑲᓇᑕᒥ ᑲᒪᓂᖅᓴᐅᓂᐊᖅᑐᑦ ᓱᓕ ᑐᓐᖓᕕᐅᔪᓂᑦ ᐊᐅᓚᑦᑕᕆᐊᓕᓐᓂᓪᓗ.

ᑭᓇᑐᐃᓐᓇᖅ ᒪᑐᓯᒪᒍᑕᐅᔪᒥᑦ ᒪᓕᖏᑦᑐᑦ ᐃᖅᑲᖅᑐᒐᒃᓴᙳᕐᑎᑕᐅᔪᓐᓇᖅᑐᖅ ᑲᓇᑕᒥ ᒥᕐᖑᐃᕐᓯᕐᕕᑦ ᒪᓕᒐᕐᔪᐊᖓ ᒪᓕᒃᓗᒍ; ᐊᑭᓕᒐᑦᓴᖅᑖᕈᓐᓇᖅᑐᓂᓗ ᐊᖏᓛᕆᓗᒍ $100,000.00.

ᓄᕙᔾᔪᐊᕐᓇᖅ (COVID-19) ᐱᓪᓗᒍ ᒥᕐᖑᐃᓯᕐᕖᑦ ᑲᓇᑕᒥ ᒪᑐᓯᒪᔪᑦ ᓄᓇᕗᒻᒥ

ᐋᓐᓂᐊᖅᑕᐃᓕᒪᓂᖅ ᐊᑦᑕᓇᖅᑕᐃᓕᒪᓂᕐᓗ ᑲᓇᑕᒥᐅᓄᑦ, ᓄᓇᕗᒻᒥᐅᓄᑦ ᐃᖅᑲᓇᐃᔭᖅᑎᓄᓪᓗ ᐱᒻᒪᕆᐅᓛᓪᓚᕆᐅᒻᒪᑦ ᑲᓇᑕᐅᑉ ᒥᕐᖑᐃᓯᕐᕕᖏᓐᓂ.

ᒫᔾᔨ 18−ᖑᑎᓪᓗᒍ, ᐊᖏᔪᖅᑳᒻᒪᕆᐅᑉ ᑎᓕᓯᔾᔪᑎᒋᓯᒪᔭᖏᑦ ᒪᑐᓯᒪᖁᓪᓗᒋᑦ ᐅᑯᐊ ᐊᐅᔪᐃᑦᑐᖅ, ᓯᕐᒥᓕᒃ, ᐅᒃᑯᓯᒃᓴᓕᒃ, ᖃᐅᓱᐃᑦᑐᖅ ᖁᑦᑎᓂᕐᐹᕐᓗ ᑲᓇᑕᐅᑉ ᒥᕐᖑᐃᓯᕐᕕᖏᑦ, ᐅᒦᔭᕈᑕᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᒥ ᐃᑦᑕᕐᓂᓴᓕᕆᔨᖏᓐᓄᑦ, ᐳᓚᕋᑎᓄᑦ, ᖃᐅᔨᓴᖅᑎᓄᓪᓗ. ᑕᐃᒫᒃ ᐅᖃᐅᓯᐅᓚᐅᕐᖓᑦ ᔫᓂ 11−ᒥ, ᑲᓇᑕᐅᑉ ᒥᕐᖑᐃᓯᕐᕕᖏᑦ ᓈᓚᑉᐸᒻᒪᑕ ᐅᖃᐅᔾᔭᐅᒍᑎᒥᓂᑦ ᑲᑐᔾᓂᑦᑯᑦ ᐃᓄᐃᑦ/ᒐᕙᒪᒃᑯᓪᓗ ᐸᕐᓇᑦᑎᖏᑕ ᐊᐅᓚᑦᑎᔨᖏᑕᓗ ᑲᑎᒪᔨᕋᓛᖏᓐᓄᑦ, ᑖᒃᑯᓂᖓᓗ ᕗᕋᐃᖕᓕᓐ ᐅᖃᐅᔾᔨᒋᐊᖅᑎᖏᓐᓂ ᑲᑎᒪᔨᕌᓛᖑᑲᐃᓐᓇᖅᑐᓂᑦ, ᑖᓐᓇ ᒪᑐᓯᒪᓂᕆᔭᖓ ᐅᖓᕙᕆᐊᖅᑕᐅᖁᔭᐅᒻᒪᑦ ᑕᐃᑯᖓᕐᔪᐊᖑᓐᓃᑦ ᑎᑭᓪᓗᒍ ᔮᓐᓄᐊᓕ 31, 2021. ᐃᓄᐃᑦ ᒥᕐᖑᐃᓯᕐᕕᓐᓄᑦ ᓱᓕ ᐃᓯᕈᓐᓇᖅᑐᑦ ᐱᔪᓇᐅᑎᖏᑦ ᒪᓕᑦᑐᒋᑦ ᓄᓇᕗᑦ ᐊᖏᕈᑎᖓ ᒪᓕᓪᓗᒍ.

ᒪᑐᓯᒪᓂᖏᓐᓂ, ᑐᐊᕕᕐᓇᖅᑐᑕᖃᓕᕐᓂᖅᑲᑦ ᑲᓇᑕᐅᑉ ᒥᕐᖑᐃᓯᕐᕕᖏᓐᓂ ᐊᒻᒪᓗ ᑲᓇᑕᐅᑉ ᐃᑦᑕᕐᓂᓴᓕᕆᕕᖏᓐᓂ ᓱᓕ ᐃᓯᑐᐃᓐᓇᕋᑦᓴᐅᖏᑦᑐᑦ. ᐃᓄᐃᑦ ᓱᓕ ᐃᓯᕈᓐᓇᖅᑑᒐᓗᐊᑦ ᑲᓇᑕᐅᑉ ᒥᕐᖑᐃᓯᕐᕕᖏᓐᓄᑦ ᓄᓇᑐᖃᒥᓂᕐᓄᓪᓗ ᐱᔪᓐᓇᐅᑎᖏᑦ ᒪᓕᑦᑐᒋᑦ, ᐃᒻᒥᓂᒃ ᑭᓯᐊᓂ ᑲᒪᒋᓇᔭᖅᑐᑦ ᐅᓗᕆᐊᓇᖅᑐᒨᑲᓪᓚᒍᑎᒃ. ᑲᓇᑕᐅᑉ ᒥᕐᖑᐃᓯᕐᕕᖏᓐᓄᑦ ᐃᖅᑲᓇᐃᔭᖅᑏᑦ ᐱᓕᕆᖃᑎᖃᕐᓗᑎᑦ ᓄᓇᓕᓐᓂᑦ, ᑲᓇᑕᐅᑉ ᐅᑭᐅᖅᑕᖅᑐᒥ ᕼᐊᒻᒪᓚᒃᑯᑦ ᐸᖅᓴᐃᔨᖏᓐᓂᓪᓗ ᑐᐊᕕᕐᓇᖅᑐᑕᖃᓕᕐᓂᖅᑲᑦ. ᑭᓇᑐᐃᓐᓇᖅ ᑐᐊᕕᓐᓇᖅᑐᒃᑯᑦ ᐃᑲᔪᖅᑕᐅᒋᐊᖃᕐᓂᖅᑲᑦ ᑲᓇᑕᐅᑉ ᒥᕐᖑᐃᓯᕐᕕᖓᓐᓄᑦ ᐅᖄᓚᒍᓐᓇᖅᑐᖅ ᔮᔅᐳᒧᑦ ᐅᖄᓚᕕᒻᒧᑦ ᐅᕗᖓ 1-877-852-3100 ᐅᕝᕙᓘᓐᓃᑦ 1-780-852-3100 (ᖃᖓᖅᑕᖅᑎᑕᐅᓯᒪᔪᒃᑯᑦ ᐅᖄᓚᐅᑎᖓᓐᓄᑦ).

ᖃᐅᔨᓴᖅᑐᖃᕆᐊᖃᓐᖏᑦᑐᖅ ᒪᑐᓯᒪᓂᖓᓂ. ᑲᓇᑕᐅᑉ ᒥᕐᖑᐃᓯᕐᕕᖏᑦ ᒫᓐᓇ ᖃᐅᔨᓇᑐᐊᖅᑐᑦ ᐸᕐᓇᑕᐅᓯᒪᔪᑦ ᐱᓕᕆᐊᖑᒍᒪᓚᐅᖅᑐᓂᓪᓗ ᑕᕝᕙᓂ ᐊᕐᕌᒍᒥ ᖃᐅᔨᓇᓱᐊᕐᒪᑕ ᑲᔪᓯᑎᑕᐅᒍᓐᓇᖅᑐᓂᑦ ᑐᕌᒐᕆᔭᐅᔪᑦ ᒪᓕᑐᐊᖅᐸᑕ ᒪᓕᒐᓕᐊᖑᓯᒪᔪᓂᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ. ᖃᐅᔨᓴᕐᓂᐅᔪᖅ ᕿᒥᕐᕈᓂᕐᓗ ᑲᓇᑕᐅᑉ ᒥᕐᖑᐃᓯᕐᕕᖏᑕ ᐃᓗᐊᓂ ᐃᖅᑲᓇᐃᔭᖅᑎᑦᓯᓂᖓ ᑲᔪᓯᑐᐃᓐᓇᕐᓂᐊᖅᑐᑦ ᒪᑐᓯᒪᒐᓗᐊᖅᑎᓪᓗᒍ ᓄᐊᑦᓯᒍᓐᓇᑐᐊᖅᑲᑕ ᖃᐅᔨᒍᑕᐅᒍᓐᓇᖅᑐᓂᑦ ᑕᐃᒪᐃᒐᓗᐊᖅᑎᓪᓗᒍ ᐊᑦᑕᓇᖅᑐᒦᑎᑦᓯᓐᖏᑐᐊᖅᑲᑕ ᓯᖁᒥᑦᓯᓐᖏᑐᐊᖅᑲᑕᓗ ᒪᓕᒋᐊᓕᓐᓂᑦ.

ᑲᓇᑕᐅᑉ ᒥᕐᖑᐃᓯᕐᕕᖏᑦ ᐃᓕᓴᖅᓯᓯᒪᔪᑦ ᒪᑐᓯᒪᓂᖓ ᐊᑦᑐᐃᓂᖃᒻᒪᕆᒻᒪᑦ ᐊᒥᓱᓂᑦ ᐊᐅᓪᓚᕈᔾᔨᖃᑦᑕᖅᑐᓂᒃ, ᓴᓇᓐᖑᐊᖅᑎᓂᑦ, ᐃᓄᐃᑦ ᑎᒥᖁᑎᖏᓐᓂ ᐱᔨᑦᑎᕋᖅᑎᓂᓪᓗ. ᓯᕗᓂᑦᑎᓐᓂ ᒪᑐᐃᖅᑕᐅᔪᒫᖅᑐᑦ ᐊᐅᔪᐃᑦᑐᖅ, ᓯᕐᒥᓕᒃ, ᐅᒃᑯᓯᒃᓴᓕᒃ, ᖃᐅᓱᐃᑦᑐᖅ ᖁᑦᑎᓂᖅᐹᕐᓗ, `ᑕᒃᑯᐊ ᑲᓇᑕᐅᑉ ᒥᕐᖑᐃᓯᕐᕕᖁᑎᖏᑦ, ᐅᒦᔭᕈᑕᕕᓃᓪᓗ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᒥ ᐃᑦᑕᕐᓂᓴᓕᕆᔩᑦ, ᒪᓕᒋᐊᖃᕐᓂᐊᖅᑐᑦ ᕼᐊᒻᒪᓚᒃᑯᓐᓂ, ᑲᓇᑕᐅᑉ ᐅᑭᐅᖅᑕᖅᑐᖓᑕ ᒐᕙᒪᑐᖃᒃᑯᖏᓐᓂᑦ, ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᑦ, ᐃᓱᒪᓕᐅᖅᑎᖏᓐᓂᑦ ᑲᑐᔾᓂᑦᑯᑦ ᐃᓄᐃᑦ/ᒐᕙᒪᒃᑯᓪᓗ ᐸᕐᓇᑦᑎᖏᑕ ᐊᐅᓚᑦᑎᔨᖏᑕᓗ ᑲᑎᒪᔨᕋᓛᖏᓐᓂᑦ.

ᑭᓇᑐᐃᓐᓇᖅ ᑕᒪᑐᒥᖓ ᒪᑐᓯᒪᓂᐅᔪᒥᑦ ᒪᓕᖏᑦᑐᑦ ᐃᖅᑲᖅᑐᒐᒃᓴᙳᕐᑎᑕᐅᔪᓐᓇᖅᑐᖅ ᑲᓇᑕᒥ ᒥᕐᖑᐃᕐᓯᕕᖕᓄᑦ ᒪᓕᒐᕐᔪᐊᖓ ᒪᓕᒃᓗᒍ; ᐊᑭᓕᒃᓴᖅᑖᖅᑎᑕᐅᔪᓐᓇᖅᑐᑦ $100,000 ᑲᑎᓪᓗᒋᑦ