ᐱᕙᓪᓕᐊᔪᑦ

ᓴᖅᑭᖅᑕᐅᑦᑕᐅᑎᒋᔭᕆᐊᓕᒃ

ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑐᓂᓯᓯᒪᔪᑦ 2021 ᖃᐅᔨᓴᕐᓇᒥ ᕗᕋᐃᖕᓕᓐ ᐊᐅᓚᖅᓂᖓ ᐃᓂᖓᓂᑦᑐᓂᑦ ᑭᔾᔪᓯᐅᔪᖅ ᐳᕝᕕᕆᓐᓇᐅᔪᖅ, ᑎᒥᒋᔭᐅᔪᖅ ᑲᒪᓂᐊᖅᑐᑦ ᑕᒪᑐᒥᖓ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᖃᐅᔨᓴᕐᓂᐅᒐᔭᖅᑐᖅ 2022ᒥ

ᑕᐃᓐᓇ ᐅᓂᒃᑳᖅᑐᐊᑐᖃᖅ ᐅᒥᐊᕐᔪᐊᒻᒥ ᐊᖏᔪᖅᑳᖑᓚᐅᖅᓯᒪᔪᖅ ᔮᓐ ᕗᕋᐃᖕᓕᓐ ᐊᐅᓪᓚᖅᓯᒪᓂᕆᓚᐅᖅᓯᒪᔭᖓ, ᖃᓄᕐᓗ ᐃᓄᐃᑦ ᖃᐅᔨᒪᔭᑐᖃᖏᑦ, ᖃᐅᔨᓴᖅᑎᒻᒪᕇᓪᓗ ᖃᐅᔨᓴᕐᓂᖏᑦ ᐃᑦᑕᕐᓂᓴᓕᕆᓂᕐᓗ ᐊᑐᖅᑐᐃᓇᑦᑎᐊᑦ ᑕᒪᑐᒪᓂ ᑲᓇᑕᒥᐅᑕᕐᓂᑦ ᐅᖃᓕᒫᖅᐸᑦᑐᓄᓪᓗ ᓯᓚᕐᔪᐊᒥ ᖃᐅᔨᒪᔭᐅᑦᑎᐊᖅᑐᒥᑦ.

ᐅᓪᓗᒥᐅᔪᖅ, ᒥᓂᔅᑕ ᐊᕙᑎᓕᕆᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᓪᓗ ᑲᓇᑕᒥ ᐊᒻᒪ ᒥᓂᔅᑕ ᑲᒪᔪᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᔮᓇᑕᓐ ᕕᐅᓪᑭᓐᓴᓐ ᓇᓗᓇᐃᖅᓯᓚᐅᖅᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᒪᕕᒻᒥ ᐃᑦᑕᕐᓂᓴᓕᕆᔨᒃᑯᑦ ᑕᑯᓐᓇᓂᖅᓴᐅᓂᐊᖅᑐᑦ 2021ᒥ ᐃᑲᔪᖅᑐᐃᔪᑦ ᐱᓕᕆᔨᖏᑦ ᖃᐅᔨᓴᖅᑎᓂᒃ ᐊᒻᒪ ᐱᐅᖅᓱᐊᕐᓂᕐᒧᑦ ᐱᓕᕆᐊᖑᓂᐊᖅᑐᓄᑦ ᑲᓇᓐᓇᖓᒥᒃ ᑲᓇᑕᐅᑉ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᐃᓐᓇᕐᓂᐊᖅᑐᖅ ᐃᓄᓐᓂᑦ ᑲᒪᒋᔭᕆᐊᓕᖏᓐᓂ ᖃᐅᔨᓴᕐᓂᕐᒥᑦ ᐊᒻᒪ ᐃᑦᑕᕐᓂᓴᓂᑦ ᐱᓗᑎᑦ ᑕᐃᑲᓐᖓᑦ ᐅᒥᐊᕐᔪᐊᒥᓂᖅ ᑯᐄᓐ ᐅᒥᐅᖁᑖ ᐃᕆᐸᔅ 2019ᒥᑦ, ᐊᒻᒪ ᓯᕗᓂᖓᓐᓂ ᐸᕐᓇᐅᑎᓂᑦ ᑕᐃᑲᓂ 2022 ᖃᐅᔨᓴᕐᓂᐅᓂᐊᖅᑐᒧᑦ.

ᐃᓱᒪᓕᐅᓚᐅᖅᑐᑦ, ᐃᑲᔪᖅᑐᐃᔪᒪᓪᓗᑎᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ, ᑲᒪᓂᐊᖅᑐᓂᒃ ᑐᓴᐅᒪᑎᑦᑎᓗᑎᑦ ᓄᓇᕗᒻᒥ, ᐅᓗᕆᐊᓇᖅᑐᒦᑦᑐᓂᑦ ᐅᖓᓯᑦᑐᒦᑦᑐᓂᑦ ᓄᓇᓕᓐᓂ ᐊᑦᑕᓇᖅᑐᒥᖁᓇᒋᓪᓗ ᐳᕝᕕᕆᓐᓈᓗᑦᑕᖃᖅᑎᓪᓗᒍ, ᐱᓕᕆᔨᖏᑦ ᐱᓕᕆᖃᑎᖃᕐᓗᑎᑦ ᖃᓂᔅᓴᕐᓗᑎᑦ ᑭᓯᐊᓂᐅᒐᔭᓚᐅᕐᖓᑦ ᓂᐅᕐᕈᔪᓄᑦ ᖃᐅᔨᓴᖅᑎᓄᑦ ᐊᒻᒪᓗ ᓄᓇᓕᒻᒥᐅᑕᕐᓄᑦ ᐅᑭᐅᖅᑕᖅᑐᒥ ᐊᒻᒪᓗ ᐊᔅᓱᕈᓐᓇᓗᐊᕋᔭᖅᑐᖅ ᐅᖓᓯᒌᒐᓱᐊᕐᓗᓂ ᐅᓗᕆᐊᓇᕐᓗᓂᓗ ᐳᕝᕕᕆᓐᓈᓗᒻᒥᒃ ᐱᔾᔪᑎᒋᓪᓗᒍ.

ᑕᒪᒃᑯᐊ ᐊᔅᓱᕈᑎᒋᓇᖅᑐᑦ ᐱᒻᒪᑕ ᓲᕐᓗ ᐳᕝᕕᕆᓐᓇᖅ ᐅᐸᑦᑕᐅᒋᐊᖃᓚᐅᖅᓯᒪᒐᓗᐊᕐᖓᑦ ᕗᕋᐃᖕᓕᓐᐅᑉ ᐊᐅᓚᖅᓂᖓ ᐅᒥᐅᖁᑖ 2021ᒥ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓱᓕ ᐃᑦᑕᕐᓂᓴᓕᕆᓂᕐᒧᑦ ᖃᐅᔨᓴᕈᒫᖅᑐᖅ ᑕᒪᑐᒥᖓ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ, ᐊᒻᒪᓗ ᐃᓄᐃᑦ ᓯᕗᓪᓕᖅᐹᒥ ᑲᑐᔾᔨᓪᓗᑎᒃ ᐊᐅᓚᑦᑎᖃᑕᐅᓂᖏᓐᓂ ᑲᓇᑕᒥ ᐊᔾᔨᐅᖏᑦᑐᓕᓚᐅᖅᓯᒪᔪᒥᑦ ᑕᐃᑲᓂ ᓄᓇᕗᒻᒥ, ᐱᕙᓪᓕᐊᔪᒃᑯᑦ ᕗᕋᐃᖕᓕᓐᓕᕆᔪᓂᒃ ᐊᔾᔨᒌᓐᖏᑦᑐᓂᑦ ᐱᑕᓕᒃ ᑕᕐᕆᔮᔅᓴᒃᑯᑦ ᓂᐱᓕᐊᖅᓯᒪᔪᒃᑯᓪᓗ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᑭᓯᒋᐊᕈᑎᓂᒃ ᑲᑐᔾᔨᖃᑎᖃᖃᑦᑕᕐᓂᐊᖅᑐᑦ ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔨᑦ ᐱᓕᕆᖃᑎᒌᑦ 2021 ᖃᐅᔨᓴᕐᓂᕐᒥᑦ ᑕᐃᑲᓂ ᐅᒥᐊᖅ ᑕᐃᕕᑎ ᑖᒻᓴᓐᒥ ᑲᓇᓐᓇᖓᓂᒃ ᑲᓇᑕᐅᑉ ᖃᐅᔨᑦᑎᐊᓚᐅᖅᑎᓪᓗᒋᑦ.

ᐅᖃᖅᑕᐅᓯᒪᔪᑦ

ᐅᓂᒃᑳᑦ ᖃᔨᐅᓴᖅᑐᓕᕆᓂᕐᒥᑦ, ᐃᑦᑕᕐᓂᓴᓕᕆᓂᕐᒥᑦ ᐱᓕᕆᖃᑎᖃᕐᓗᑎᓪᓗ ᐃᓄᐃᑦ ᖃᐅᔨᓴᑐᖃᖏᓐᓂ ᖃᐅᔨᒪᔪᓂᒃ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ ᑐᓴᖅᑕᐅᔪᒪᑦᑎᐊᖅᑐᒥᑦ ᑲᔪᓰᓐᓇᕐᓂᐊᖅᑐᖅ ᐃᓱᒪᒋᔭᐅᓐᖑᐊᖅᓯᒪᔪᑦ ᑐᓴᕈᒪᔪᓄᓪᓗ ᓯᓚᕐᔪᐊᒥᐅᓕᒫᓂᑦ. ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᖏᑦ ᓱᓕ ᐱᒋᐊᖏᓐᓇᕐᓂᐊᖅᑐᑦ ᑭᓯᐊᓂ ᐃᓱᖃᕐᓂᐊᕐᒥᔪᑦ ᐳᕝᕕᕆᓐᓇᖅ ᐱᓪᓗᒍ ᐊᒻᒪᓗ ᐅᓗᕆᐊᓇᖅᑐᒦᖁᔨᓐᓇᑎᑦ ᓄᓇᕗᒻᒥᐅᑕᕐᓂᑦ ᐊᒻᒪᓗ ᓄᓇᓕᖏᓐᓂ. ᐊᔾᔨᐅᖏᑦᑐᓕᑎᓪᓗᒋᑦ ᐱᔭᐅᒻᒪᑕ 350 ᐃᑦᑕᕐᓂᓴᐃᑦ ᐅᒦᔭᕈᑕᐅᔪᕕᓂᖅ ᑯᐄᓐ ᐅᒥᐅᖁᑖ ᐃᕆᐸᔅ 2019ᒥ, ᐊᒻᒪᓗ ᓯᕗᓪᓕᖅᐹᒥ ᐊᔾᔨᓕᐅᕆᓪᓗᑎᑦ ᑯᐄᓐ ᐅᒥᐅᖁᑖ ᑎᐅᕐᕈᕐ, ᑕᒪᒃᑯᐊ ᑕᑯᖁᔭᐅᓪᓚᕆᑦᑕᕗᑦ ᐊᔾᔨᐅᖏᑦᑐᑦ ᖃᐅᔨᓴᖅᑕᐅᖏᓐᓇᕐᓂᐊᖅᑐᑦ ᓱᓕ ᑕᕝᕙᓂ.

ᕗᕋᐃᖕᓕᓐ ᐅᖃᐅᔾᔨᒋᐊᖅᑎᒋᑲᐃᓐᓇᕐᓂᐊᖅᑕᖏᓐᓂ ᑲᑎᒪᔨᕋᓚᖏᑦ ᐃᑲᔪᖅᑐᐃᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐃᓱᒪᓕᐅᕈᑎᖏᓐᓂᑦ ᑖᔅᓱᒥᖓ 2021ᒥ ᐃᒪᕕᒻᒥ ᐃᑦᑕᕐᓂᓴᕐᓂᑦ ᖃᐅᔨᓴᕐᓂᖏᓐᓂ ᓄᓇᕗᒻᒥ. ᐱᒻᒪᕆᐅᔪᖅ ᑕᒪᒃᑯᐊᓗ ᐅᓗᕆᐊᓇᖅᑐᒦᖁᓇᒋᑦ ᓄᓇᓖᑦ. ᐅᖃᐅᔾᔨᒋᐊᕇᓐᓇᖃᑦᑕᕐᓂᐊᖅᑐᒍ ᐊᐅᓚᑕᐅᓂᖏᓐᓂ ᐅᒦᔭᕈᑕᐅᔪᕕᓃᒃ, ᐊᒻᒪᓗ ᐃᑲᔪᖅᑐᐃᓐᓇᕐᓗᑎᑦ ᑕᒪᒃᑯᐊ ᐅᓂᒃᑳᑦᑐᐊᑦ ᐱᓕᕆᐊᖑᐃᓐᓇᕐᓂᖏᓐᓂ ᐅᒦᐅᖁᑖᑉ ᒥᔅᓵᓄᑦ ᑖᒃᑯᓂᖓ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᑲᓇᑕᒥ ᐃᑦᑕᕐᓂᓴᖃᕐᕕᒃ ᑲᓇᑕᒥ.

ᓇᐃᓈᖅᓯᒪᔪᑦ ᐅᓂᒃᑳᑦ ᓱᓕᔪᑦ

• ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᓯᕗᓪᓕᖅᐹᑦᑎᐊᒥ ᐱᓕᕆᖃᑎᖃᖅᑐᑦ ᐊᐅᓚᑕᐅᓂᖏᓐᓂ ᑲᓇᑕᒥ ᐱᑕᓕᒥᓂᕐᒥᑦ ᓄᓇᕗᒻᒥ. ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ 2017ᒥ, ᒪᓕᒐᖅᑎᒍᓪᓗ ᐸᖅᑭᔭᐅᑦᑎᐊᖁᓪᓗᒋᑦ ᐅᒦᔭᕈᑕᐅᔪᕕᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᖁᔭᖏᑎᒍᑦ. ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐃᓚᓕᐅᔾᔭᐅᓚᐅᖅᓯᒪᔪᑦ ᐃᑦᑕᕐᓂᓴᖃᕐᕕᒃ ᑲᓇᑕᒥ ᑎᓕᔭᐅᔾᔪᑎᐅᓪᓗᑎᑦ 2015ᒥ.
• ᓴᖅᑭᖅᑕᐅᓚᐅᖅᓯᒪᔪᑦ 2016ᒥ, ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᑦ, ᐅᑯᐊᖑᓪᓗᑎᑦ ᓄᓇᓕᓐᓃᖔᖅᓯᒪᔪᑦ ᑭᒡᒐᖅᑐᐃᔨᓪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑎᑦ, ᓄᓇᕗᑦ ᒐᕙᒪᒃᑯᖏᑦ, ᐃᑦᑕᕐᓂᓴᓕᕆᔨᒃᑯᑦ ᐳᓚᕋᖅᑐᓕᕆᓂᕐᓗ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᐅᖃᐅᔾᔨᒋᐊᕆᖃᑦᑕᖅᑐᑦ ᑲᒪᒋᔭᐅᓂᖏᓐᓂ ᐅᒦᔭᕈᑕᐅᔪᕕᓂ ᑭᓯᐊᓂᓕ ᐃᓄᐃᑦ ᐊᑦᑐᖅᑕᐅᓂᐊᕐᓂᕐᒧᑦ ᐃᑲᔫᓯᐊᖅᑖᕐᓂᐊᕐᓂᒧᓪᓗ ᐊᖏᕈᑎᖓᓐᓂ ᐱᔭᕇᓚᐅᖅᑎᓪᓗᒋᑦ ᑖᒃᑯᐊ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ.
• 2017ᒥᓂᑦ, ᐱᓯᒪᑦᑎᓂᕐᒧᑦ ᐃᑲᔫᑎᓂᒃ ᐊᐅᓚᑦᑎᓂᖏᓐᓂ ᑖᒃᑯᓂᖓ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ, ᐃᓚᒋᔭᐅᒻᒪᑕ ᐃᓄᐃᑦ ᐅᖅᓱᖅᑑᒥ ᐸᖅᑭᔭᐅᒋᐊᖃᕐᓂᖓᓐᓄᑦ ᖃᐅᔨᓴᖅᑕᐅᖏᓐᓇᕆᐊᖃᕐᓂᖓᓐᓄᓪᓗ ᕗᕋᐃᖕᓕᓐ ᐅᒦᔭᕈᑕᐅᔪᕕᓂᑐᖃᖓ ᐊᒻᒪᓗ ᐃᑲᔪᖅᑐᑦ ᐊᑐᖅᑐᑎᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᖏᓐᓄᑦ ᐊᐅᓚᑦᑎᔨᖏᓐᓄᑦ ᑲᒪᒋᔭᐅᒋᐊᖃᕐᓂᖏᓐᓂᓪᓗ ᐃᑦᑕᕐᓂᓴᖃᕐᕕᒃ ᑲᓇᑕᒥ.
• 2018ᒥᓂᑦ, ᓇᓂᓯᓚᐅᕐᖓᑕ ᐃᑦᑕᕐᓂᓴᕐᓂᑦ ᑕᐃᑲᓂ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᓇᒻᒥᓂᖃᖃᑕᐅᔪᑦ ᑲᓇᑕᐅᑉ ᒐᕙᒪᒃᑯᖏᑦ ᐃᓄᐃᓪᓗ. ᐊᐃᐳᓗᒥ 2019ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑎᑦ ᐊᑎᓕᐅᓚᐅᖅᑐᑦ ᐊᖏᕈᑎᒥᑦ ᖃᓄᖅ ᑖᒃᑯᐊ ᒪᕐᕉᒃ ᑲᑐᔾᔨᖃᑎᒌᒃ ᐱᓕᕆᖃᑎᒌᓐᓂᐊᕐᒪᖔᑎᒃ ᐸᖅᑭᑦᑎᓗᑎᒃ, ᖃᐅᔨᓴᕐᓗᑎᑦ, ᐱᐅᖅᓱᐊᕐᓗᑎᒃ ᑲᑐᔾᔨᓗᑎᓪᓗ ᕗᕋᐃᖕᓕᓐ ᐃᑦᑕᕐᓂᓴᖏᓐᓂ.
• ᐊᒌᓯ 2019ᒥ, ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᓴᖅᑮᓚᐅᖅᑐᑦ ᐊᔾᔨᐅᖏᑦᑐᓂᒃ, ᑕᑯᔭᐅᓚᐅᖅᓯᒪᓐᖏᑦᑐᓂᑦ ᑕᕐᕆᔮᔅᓴᑎᒍᑦ video footage ᑖᔅᓱᒥᖓ ᑯᐄᓐ ᐅᒥᐅᖁᑖ ᑎᐅᕐᕈᕐ ᐊᖏᓂᖅᐹᖑᖃᑕᐅᓪᓗᑎᑦ, ᐱᔭᕆᐊᑐᓂᖅᐹᕐᓂᑦ ᐃᒪᕕᒻᒥ ᐃᑦᑕᕐᓂᓴᓕᕆᓂᕐᒥᑦ ᑲᓇᑕᐅᑉ ᐃᓗᐊᓂ. ᓴᓇᓯᒪᓂᖏᑦ ᕿᒥᕐᕈᔭᐅᓪᓗᑎᑦ ᐃᓗᐊᓂ ᑯᐄᓐ ᐅᒥᐅᖁᑖ ᑎᐅᕐᕈᕐ, ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔨᑦ ᐱᓕᕆᖃᑎᒌᑦ, ᐱᓕᕆᖃᑎᖃᖅᑐᑎᑦ ᐃᓄᓐᓂᑦ, ᐱᓚᐅᖅᓯᒪᔪᑦ 350ᓂᑦ ᐃᑦᑕᕐᓂᓴᕐᓂᑦ ᑕᕝᕙᓐᖓᑦ ᑯᐄᓐ ᐅᒥᐅᖁᑖ ᐃᕆᐸᔅ.

ᖃᕋᓴᐅᔭᒃᑯᑦ ᑐᑭᓯᒋᐊᕐᕕᔅᓴᐅᒻᒥᔪᑦ

• ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ
• ᓄᑖᑦ ᖃᐅᔨᔭᐅᓯᒪᔪᑦ ᑯᐄᓐ ᐅᒥᐅᖁᑖ ᐃᕆᐸᔅ
• @PCᐃᓂᑐᖅᓂᑐᖃᓕᕆᔨᑦ

ᖃᐅᔨᒋᐊᕐᕕᔅᓴᐃᑦ

ᒧᐊᕋ ᑲᓕ
ᐱᕙᓪᓕᐊᔪᓕᕆᔨᒃᑯᓐᓄᑦ ᐊᓪᓚᑦᑎ
ᐊᓪᓚᕕᖓᓐᓂ ᒥᓂᔅᑕᐅᑉ ᐊᕙᑎᓕᕆᓂᕐᒧᑦ ᓯᓚᓗ ᐊᓯᔾᔨᐸᓪᓕᐊᓂᖓᓐᓄᑦ
819-271-6218
moira.kelly@canada.ca

ᐱᕙᓪᓕᐊᔪᓕᕆᓂᕐᒨᖓᔪᑦ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
855-862-1812
pc.medias-media.pc@canada.ca