ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᓯᓂᕐᒧᑦ ᐸᕐᓇᐅᑎᖓ ᓇᓗᓇᐃᓯᓯᒪᔪᖅ ᐊᑯᓂᐅᔪᕐᒨᖓᔪᓂᒃ ᐸᕐᓇᐅᑎᒧᑦ ᑐᑭᓕᐊᕈᑎᖏᓂᒃ ᐊᒻᒪᓗ ᐊᐅᓚᓯᓂᕐᒧᑦ ᑐᕋᒐᖏᓂᒃ ᐊᐅᔪᐃᑐᖅ ᒥᖑᐃᓯᕐᕕᐅᑉ. ᐸᕐᓇᐅᑎᖓ ᒪᓕᑎᐊᕐᓯᒪᔪᖅᓄᓇᕗᕐᒥ ᐊᖏᕈᑎᒥᒃᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓᓂᑦ ᐅᒃᑯᓯᒃᓴᓕᖕᒧᑦ, ᒥᖑᐃᓯᕐᕕᓕᕆᔨᑯᑦ ᐱᔭᒃᓴᖃᕐᐳᑦ ᓴᐳᑎᔭᐅᓯᒪᖁᓗᒋᑦ ᐊᒻᒪᓗ ᓴᕿᑎᓯᓗᑎᒃ ᑲᓇᑕᓕᒫᕐᒧᑦ ᐱᒪᕆᐅᔪᕐᓂᒃ ᐃᔭᒐᒃᓴᐅᔪᓂᒃ ᑲᓇᑕᐅᑉ ᓱᓂᕐᓯᒪᖏᓂᖓᓂᒃ ᓄᓇᖓ ᐊᒻᒪᓗ ᐃᓄᐃᑦ ᐱᖁᑎᕕᓂᖏᑕ ᐸᐸᑕᐅᓂᖏᑦ, ᐊᒻᒪᓗ ᖁᕕᐊᒋᔭᐅᓗᓂ ᖃᓄᐃᖏᑎᐊᕐᑐᖅ ᐊᕙᑎᖓ ᐊᒻᒪᓗ ᖃᓄᐃᖏᑎᐊᕐᓂᖓᑕ ᑐᑭᓯᓇᕐᓯᑎᓯᔪᑖ ᐅᓪᓗᒥᒧᑦ ᐊᒻᒪᓗ ᓯᕗᓂᑎᓄᑦ ᑭᖑᕚᕆᔭᐅᔪᒃᓴᕐᓄᑦ.

2018ᒥ ᖃᓄᐃᓕᖓᓕᒪᖔᑦ ᒥᖑᐃᓯᕐᕕᓕᕆᔨᑯᑦ ᐊᕋᒍᓕᒫᕐᒧᑦ ᖃᓄᐃᓕᖓᓕᒪᖔᑦ ᐅᓂᑳᖓ ᐊᑐᓕᕐᑎᑕᐅᓂᖓᑕ ᐊᐅᓚᓯᓂᕐᒧᑦ ᐸᕐᓇᐅᑎᐅᑉ ᐱᓕᕆᖃᑎᒋᔭᐅᔪᓄᑦ, ᐊᑐᕐᑎᐅᔪᓄᑦ ᐊᒻᒪᓗ ᐃᓄᓕᒫᓄᑦ.

A boat on Wager Bay at sunset.
ᐅᑯᓯᒃᓴᓕᒃ ᒥᖑᐃᓯᕐᕕᒃ.

ᐃᓗᓕᖏᑦ


ᐸᕐᓇᒍᑎᒃ 1: ᐃᒡᓗᐃᑦ − ᓈᒪᒃᑐᑦ ᐃᒡᓗᐃᑦ ᓈᒪᒃᑐᑦ ᐊᑐᐃᓇᐅᒐᓗᐊᒪᖔᑕ ᓴᐳᑎᔭᐅᓯᒪᖁᓗᒍ, ᐱᔪᒥᓇᕐᓴᖅᓗᒍ ᐊᒻᒪᓗ ᐊᕙᒋᓗᒍ ᐅᑯᓯᒃᓴᓕᒃ ᒥᖑᐃᓯᕐᕕᒃ.

ᑐᕋᒐᖅ 1.1: ᑐᖓᕕᒋᔭᐅᔪᑦ ᐊᐅᓪᓚᓂᖓᓄᑦ ᐊᒻᒪᓗ ᑎᓯᔪᕐᒥᒃ ᐊᑭᓇᓖᑦ ᐃᒡᓗᐃᑦ ᐊᑐᐃᓇᐅᒐᓗᐊᒪᖔᑕ ᒥᖑᐃᓯᕐᕕᖕᒥ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ

  • ᐸᕐᓇᐅᑎᒥᒃ ᐃᒡᓗᓄ ᐊᕿᓱᕐᑕᐅᔪᖃᕐᓯᒪᑎᓪᓗᒍ, ᐊᑐᕐᑕᐅᑲᐃᓇᕐᓂᐊᕐᑐᕐᒥᒃ ᑕᒫᕐᕕᖕᒥᒃ ᒪᑐᐃᖔᓕᕋᖓ ᒥᖑᐃᓯᕐᕕᖕᒥ ᓴᐳᓗᑕᕐᒥᒃ ᓇᓄᕐᓂᑦ ᐊᕿᑕᐅᓯᒪᔪᖃᓚᐅᑲᒃᓗᓂ ᓴᓂᕋᖏᑦ ᑎᓯᔪᒃᓴᔭᐅᓗᑎᒃ ᐊᑐᕐᑕᐅᔪᒃᓴᑦ ᐃᖃᓇᐃᔭᕐᑎᓄᑦ. ᐊᖕᒪᓘᔭᕐᑐᖅ ᐊᒻᒪᓗ ᓯᕐᓗᐊᖅ ᐊᕿᒃᑕᐅᓯᒪᓕᕐᑐᑦ.
  • ᑲᖏᖅᖢᐊᕐᔪᒃ ᓂᕈᐊᕐᑕᐅᓚᐅᕐᑐᖅ ᓯᕗᓕᕐᐸᐅᔭᐅᓪᓗᓂ ᑐᐊᕕᕐᓇᕐᑐᖅᑕᖃᐸᑦ ᐅᖅᖁᐃᕕᐅᓂᐊᕐᑐᖅ, ᓴᓗᒪᕐᓴᕐᑕᐅᓂᖓ ᐃᒡᓗᑐᖃᕕᓂᐅᑉ ᑲᔪᓯᕙᓕᐊᔪᖅ.

ᑐᕋᒐᖅ 1.2: ᐅᐸᒃᑕᐅᔪᓇᕐᓂᖏᑦ ᐊᖁᑎᐅᔪᑦ ᓄᕗᐃᓪᓗ, ᐊᑕᕐᓇᖏᑐᑦ ᑐᓚᒃᑕᕐᕖᑦ, ᓱᓂᕐᑕᐅᓴᕋᐃᑐᑦ ᓄᓇᐃᑦ, ᐊᒻᒪᓗ ᐊᓯᖏᑦ ᓇᓗᓇᐃᕐᑕᐅᓗᑎᒃ ᐊᒻᒪᓗ ᑐᓴᕐᑎᓯᔪᑎᒋᓗᒋᑦ ᒥᖑᐃᓯᕐᕕᖕᒥᒃ ᐊᑐᕐᑎᓄᑦ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐳᓛᕐᑏᑦ ᐃᓪᓕᓂᐊᕐᑎᑕᐅᖃᑕᕐᑐᑦ ᐊᒻᒪᓗ ᐳᓛᕐᑏᑦ ᑐᓴᕈᑎᖏᑦ ᐅᖃᓕᒫᓕᐊᖑᓯᒪᔪᑦ ᐱᔭᕇᕐᑕᐅᔪᑦ ᐊᒻᒪᓗ ᐊᑐᐃᓇᐅᓕᕐᑐᑦ ᐃᓄᓕᒫᓄᑦ. ᑕᑯᐊ ᐅᖃᓕᒫᒐᐃᑦ ᐃᓗᓕᖃᕐᒥᔪᑦ ᒪᓇᐅᔪᑦ ᑐᓴᕈᑎᖏᒃ ᐅᐸᒃᑕᐅᔪᓇᕐᑐᓂᒃ ᐊᒻᒪᓗ ᐱᒪᕆᐅᔪᓂᒃ ᓇᓗᓇᐃᕐᓯᓯᒪᔪᑦ.
  • ᖃᐅᔨᓴᕐᓂᖅ ᓯᕗᓕᕐᐸᐅᔭᐅᔭᕆᐊᓕᖕᓂᒃ ᒪᑐᐃᖔᕐᓂᖓᓂ ᐊᑐᕐᑕᐅᖃᑕᕐᓂᐊᕐᑐᑦ ᐊᒻᒪᓗ ᐳᓛᕐᑏᑦ ᑭᖑᕙᕆᐊᕐᑕᐅᓚᐅᕐᑐᖅ ᐱᔪᑎᒋᓪᓗᖑ ᓯᓚ: ᐊᕿᓱᕐᑕᐅᑲᓂᕐᓯᒪᔪᖅ 2019ᒧᑦ.
  • ᐊᕋᒍᓄᑦ ᖁᓪᓕᓄᑦ ᑐᕌᖓᔪᖅ ᐊᐅᓚᓯᓂᕐᒧᑦ ᐸᕐᓇᒍᑎᒃ ᓈᒪᒋᔭᐅᓚᐅᕐᑐᖅ ᑎᓯᐱᕆ 2018ᒥ ᐊᒻᒪᓗ ᓯᐊᒪᒃᑎᑕᐅᓗᓂ ᐃᓄᑐᐃᓇᕐᓄᑦ ᐃᑭᐊᕐᓯᕕᑯᑦ ᑕᐃᔭᐅᔪᕐᒧᑦ ᕙᐃᔅᐳᑯᑦ ᐊᒻᒪᓗ ᒥᖑᐃᓯᕐᕕᐅᑉ ᐃᑭᐊᕐᓯᕕᖓᒍᑦ. ᐃᓗᓕᖃᕐᒥᔪᖅ ᓄᑖᖑᓛᓂᒃ ᑐᓴᕈᑎᓂᒃ ᐅᑯᓂᖓ ᑎᑎᕋᐅᑎᖃᕐᓯᒪᔪᖅ ᐱᑐᐃᓇᐅᖏᑐᑦ, ᓱᓂᕐᑕᐅᓴᕋᐃᑐᑦ ᐊᒻᒪᓗ ᐱᑐᐃᓇᐅᖏᑐᑦ ᐃᓄᐃᑦ ᐱᖁᑎᕕᓂᖏᑦ, ᐱᒪᕆᐅᔪᑦ ᑐᒃᑐᓄᑦ ᐃᕐᓂᐅᕐᕖᑦ, ᑎᓯᖃᕐᑰᒃ ᐊᒻᒪᓗ ᐱᑭᐅᖃᕐᕖᑦ; ᐅᓗᕆᐊᓇᖏᑐᕐᒦᓗᑎᒃ ᐅᒥᐊᕐᓄᑦ ᑐᓚᒃᕖᑦ, ᓄᓇᐃᑦ ᐱᒪᕆᐅᔪᑦ ᐃᓄᖕᓄᑦ ᐊᒻᒪᓗ ᓯᑭᑑᑯᑦ ᐊᒻᒪᓗ ᐅᒥᐊᑦ ᐃᒫᓂ ᐊᖁᑎᒋᔪᓇᕐᑕᖓᑦ.

ᐸᕐᓇᒍᑎᒃ 2: ᐅᒪᔪᖅ ᓄᓇᖓ − ᓴᖏᒃᑎᑎᕆᔪᖅ ᐃᓄᐃᑦ ᐊᒃᑐᐊᓂᖏᑦ ᐅᑯᓯᒃᓴᓕᒃ ᒥᖑᐃᓯᕐᕕᖕᒧᑦ.

ᑐᕋᒐᖅ 2.1: ᐃᓄᐃᑦ ᐊᒃᑐᐊᓂᖓ ᐅᑯᓯᒃᓴᓕᒃ ᒥᖑᐃᓯᕐᕕᖕᒧᑦ ᓴᖕᖏᒃᑎᕐᐹᓕᖁᓗᖑ ᐊᒻᒪᓗ ᐊᓯᖏᓄᓪᓗᑕᐅᖅ ᑐᓴᕐᑕᐅᓗᓂ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐃᓕᓴᕐᕕᖕᒥ ᐅᐸᒃᓯᒪᖏᑕᖏᓄᑦ ᐅᓂᑳᕈᓇᕐᓂᖓ ᑲᔪᓯᑎᑕᐅᓚᐅᕐᑐᖅ ᐃᒪᖃ 15ᓄᑦ ᓇᐅᔮᑉ ᖁᑎᖕᓂᕐᓴᕐᒥ ᐃᓕᓂᐊᕐᑎᖏᓄᑦ, ᑭᓲᒪᖓᑦ ᒥᖑᐃᓯᕐᕕᒃ ᐊᒻᒪᓗ ᐃᓄᖏᑦ ᐊᖏᕋᖃᑎᐅᓚᐅᕐᑐᑦ.
  • ᒥᖑᐃᓯᕐᕕᓕᕆᔨᑯᑦ ᑐᖓᓱᒃᑎᓯᖃᑕᓚᐅᕐᑐᑦ ᐱᓇᓱᐊᕈᓯᖅ ᑕᒫᑦ ᐊᔨᖑᐊᑐᖃᐃᑦ ᓴᕿᔮᕐᑎᓯᓗᑎᒃ ᓂᐅᕕᕐᕕᑐᖃᕐᒥᒃ ᐊᒻᒪᓗ ᐃᓄᐃᑦ ᐅᑯᓯᒃᓴᓕᒥᐅᑕᐅᓚᐅᑐᑦ ᑕᑯᔭᐅᖁᓗᒋᑦ ᐃᓇᕐᓄᑦ ᐊᒻᒪᓗ ᐊᓯᖏᓄᑦ ᓄᓇᓕᖕᒥᐅᓄᑦ ᒥᖑᐃᓯᕐᕕᐅᑉ ᑎᑎᕋᕐᕕᖓᓂ ᓇᐅᔮᓂ.
  • ᒥᖑᐃᓯᕐᕕᓕᕆᔨᑯᑦ ᑐᓂᐅᖃᐃᓚᐅᕐᑐᑦ ᑭᑯᓄᑦ ᐅᖃᕈᓇᕐᒪᖔ ᐃᓄᖕᓅᖃᕐᑕᐅᓗᑎᒃ ᒪᕈᐃᓂᖅ ᒥᖑᐃᓯᕐᕕᖕᒧᑦ ᐊᒃᑐᐊᔪᓄᑦ (ᓇᐅᔮ ᐊᒻᒪᓗ ᖃᒪᓂᑐᐊᖅ) ᐅᓯᑲᑕᒃᑕᐅᓗᑎᒃ ᐊᒻᒪᓗ ᓇᓄᕐᓂᑦ ᓴᐳᔭᐅᓯᒪᑎᓪᓗᒋᑦ ᐱᔨᓯᕋᕐᑕᐅᓗᑎᒃ.
  • ᐅᑯᓯᒃᓴᓕᐅᑉ ᐊᐅᓚᓯᔨᖏᑕ ᑲᑎᒪᔨᕋᓛᖏᑕ ᑲᑎᒪᔨᖏᑦ ᐃᓪᓚᐅᓚᐅᕐᑐᑦ ᐊᑕᖏᑎᓪᓗᒋᑦ ᑲᑐᔨᖃᑎᒌᑦ ᒥᖑᐃᓯᕐᕕᖕᒥ ᐊᐅᓚᓯᔨᖏᑕ ᑲᑎᒪᔨᕋᓛᖏᑦ ᑲᑎᖓᑎᓪᓗᒋᑦ ᐃᓕᓂᐊᕐᓯᓈᑦ ᐋᑐᕚᒥ ᒪᔨ 2018ᒥ ᐱᓕᒪᒃᓴᕐᑎᑕᐅᑎᓪᓗᒋᑦ ᑐᓴᐅᒪᖃᑕᐅᑎᓂᕐᒧᓪᓗ ᑲᑎᖓᑎᓪᓗᒋᑦ ᐊᓯᖏᑦ ᒥᖑᐃᓯᕐᕕᐅᑉ ᐊᐅᓚᓯᔨᖏᑕ ᑲᑎᒪᔨᕌᓛᖏᓂᒃ.
  • ᒥᖑᐃᓯᕐᕕᓕᕆᔨᑯᑦ ᐃᖃᓇᐃᔭᕐᑎᖏᑦ ᐱᔪᒥᓇᕐᓴᐃᓚᐅᕐᑐᑦ ᐅᑯᓯᒃᓴᓕᒃ ᒥᖑᐃᓯᕐᕕᖕᒥᒃ ᑭᕙᓕ ᓴᕿᔮᕐᑎᓯᑎᓪᓗᒋᑦ ᐃᖃᓇᐃᔭᕐᕕᖕᓂᒃ ᑲᖏᖠᓂᕐᒥ ᓯᑎᐱᕆ 2018ᒥ.

ᑐᕋᒐᖅ 2.2: ᐱᕕᖃᕐᓂᐅᔪᑦ ᒥᖑᐃᓯᕐᕕᖕᒨᕐᑐᑦ ᐊᑐᒐᒃᓴᖏ ᐅᐸᒃᓯᒪᓗᒋᑦ ᓄᓇᖓ ᐊᒻᒪᓗ ᑐᓵᓗᑎᒃ ᐅᓂᑳᕐᓂᒃ ᐱᔪᑎᓕᖕᓂᒃ ᐅᒃᑯᓯᒃᓴᓕᖕᒧᑦ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐅᒃᑯᓯᒃᓴᓕᒃ ᒥᖑᐃᓯᕐᕕᓕᐊᕐᑐᓄᑦ ᐳᓛᕆᐊᕐᑕᐅᓚᐅᖏᑐᖅ 2018ᒥ.
  • ᐅᒃᑯᓯᒃᓴᓕᐅᑉ ᐃᑭᐊᕐᓯᕕᖓ ᓄᑕᐅᓕᕐᑕᐅᓯᒪᓕᕐᑐᖅ ᐃᓪᓚᐅᓗᑎᒃ ᑐᓴᖁᑏᑦ ᐱᔪᑎᓖᑦ ᐅᔨᕆᔭᐅᔭᕆᐊᓕᖕᒥᒃ ᐃᓄᐃᑦ ᐱᖁᑎᖃᕐᕕᕕᓂᖓᓂ, ᓂᕐᔪᑏᑦ ᐊᒻᒪᓗ ᐅᓗᕆᐊᓇᕐᑐᕐᒥᖁᓇᒋᑦ ᑐᓴᕈᑎᖏᑦ ᐃᑲᔪᕐᑐᐃᔪᑎᒃᓴᐃᑦ ᓯᕗᓂᑎᓂ ᐳᓛᕆᐊᕐᑎᓄᑦ.
  • ᒪᓇ ᑭᖑᕙᖓᔫᒐᓗᐊᖅ ᑎᑭᓗᒍ 2019 ᓯᓪᓚ ᐲᓪᓗᒍ; ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᓯᔨᖏᑕ ᑲᑎᒪᔨᖃᓛᖏᑕ ᐃᓪᓚᖓ ᐃᓚᐅᓛᕐᑐᖅ ᒥᖑᐃᓯᕐᕕᓕᕆᔨᑯᓂᒃ ᑕᐅᕙᓂ ᒥᖑᐃᓯᕐᕕᖓᓂ ᐃᑲᔪᕐᑐᖁᓗᒍ ᐊᕿᓱᐃᑎᓪᓗᒋᑦ ᐳᓚᕋᕐᑏᑦ ᐊᑐᒐᒃᓴᖏᓂᒃ ᐱᔪᑎᓕᖕᓂᒃ ᐃᓄᐃᑦ ᐱᖁᑎᖃᕕᕕᓂᖏᑦ.
  • ᐅᖃᖃᑎᒋᔭᐅᔪᓇᕐᓯᓚᐅᕐᑐᑦ ᐱᕙᓕᐊᔪᓕᕆᔨᐅᔪᑦ ᑲᓇᑕᓕᒫᕐᒧᖓᔪᖅ ᑎᑎᕋᕐᕕᖓᓂᒃ ᑲᔪᓯᑎᓯᒋᐊᕈᑕᐅᓗᓂ ᐳᓚᕆᐊᓛᕐᑐᓄᖓᔪᓂᒃ.


ᐸᕐᓇᒍᑎᒃ 3: ᓄᐊᑎᓂᖅ ᖃᐅᔨᒪᔭᐅᔪᓂᒃ − ᓄᐊᑕᐅᓗᑎᒃ ᑐᓴᕈᑏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐃᒪᐃᓕᐅᕈᑕᐅᖁᓗᒋᑦ ᐃᑲᔪᑕᐅᓗᑎᒃ ᓴᐳᑎᔭᐅᓯᒪᓂᖕᒧᑦ, ᐅᓂᑳᕐᓂᒧᑦ ᐊᒻᒪᓗ ᐱᔪᒥᓇᕐᓴᐅᑎᓕᐅᕈᑎᓄᑦ ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᓱᓂᕐᓯᒪᖏᑐᑦ ᐊᒻᒪᓗ ᐃᓄᐃᑦ ᐱᖁᑎᕕᓂᖏᑦ.

ᑐᕋᒐᖅ 3.1: ᑭᒃᓕᓯᓂᐊᕐᓂᒧᑦ ᑐᓴᕈᑎᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᓄᐊᑕᐅᖃᑕᕐᐳᑦ ᓇᓗᓇᐃᕐᑕᐅᖁᓗᒍ ᒪᓇᐅᔪᖅ ᖃᓄᐃᑐᖕᒪᖔᑦ ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᕙᑎᖓᑕ ᖃᓄᐃᑐᓂᖓ ᐊᒻᒪᓗ ᐅᔨᕆᓗᒋᑦ ᓇᓗᓇᐃᕐᓗᒋᑦ ᐊᓯᔨᕐᓂᐅᔪᑦ ᓯᕗᓂᑎᓂ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐱᖓᓱᐃᑦ ᑕᓕᒪᓂᖔᕐᑐᓂᑦ ᐃᓪᓗᓕᖏᑦ ᑕᕆᐅᑉ ᖃᓄᐃᖏᓯᐊᕐᓂᖓᑕ ᐅᐊᓯᔭᐅᓂᖓᓄᖓᔪᑦ ᐊᕿᓱᕐᑕᐅᓚᐅᕐᑐᑦ ᐊᒻᒪᓗ ᑎᑎᕋᕐᓯᒪᔪᑦ ᓄᐊᑕᐅᓂᖏᑦ ᑲᔪᓯᒋᐊᕐᓯᒪᓕᕐᑐᖅ.
  • ᐱᖓᓱᐃᑦ ᑕᓕᒪᓂᖔᕐᑐᓂᑦ ᐃᓪᓗᓕᖏᑦ ᓄᓇᖓᑕ ᐅᐊᓯᔭᐅᓂᖓ ᐊᕿᒃᑕᐅᓯᒪᓕᕐᑐᖅ. ᐊᐃᑖᖑᔫᒐᓗᐊᖅ 2018ᒥ, ᑎᑎᕋᓯᒪᔪᑦ ᓄᐊᑕᐅᔭᕆᐊᓖᑦ ᑭᖑᕙᕆᐊᕐᑕᐅᓚᐅᕐᑐᖅ ᓯᓪᓚ ᐱᔪᑎᒋᓪᓗᒍ.
  • ᖃᖓᑕᕐᑎᑕᐅᓯᒪᔪᑯᑦ ᐊᔾᔨᖑᐊᑦ ᓯᑯᖃᕐᓂᖏᓂᒃ, ᐱᕈᑐᖃᐅᕐᓂᖓᓂ ᐊᒻᒪᓗ ᑭᓱᓗᐊᑕᐃᑦ ᐱᕈᐸᓕᐊᖃᑕᕐᑐᑦ ᐅᒃᑯᓯᒃᓴᓕᖕᒥ ᓄᐊᑕᐅᓚᐅᕐᑐᑦ ᐊᑐᕐᑕᐅᓂᐊᕐᒪᑕ ᐊᕙᑎᐅᑉ ᖃᓄᐃᖏᓯᐊᕐᓂᖓᑕ ᐅᐊᓯᔭᐅᓂᖓᓂᒃ.
  • ᐃᓄᐃᑦ ᖃᐅᔨᒪᔭᑐᖃᖏᑕ ᐃᓪᓗᓕᖏᑦ ᑕᕆᐅᖅ ᑐᖃᑕᕐᕕᒋᔭᐅᔪᑦ ᑲᔪᓯᑎᑕᐅᓂᖓ ᐱᔭᕇᕐᑕᐅᓚᐅᕐᑐᖅ, ᐱᔭᕇᖅᓯᒪᔪᑦ ᑕᕆᐅ ᑐᖃᑕᕕᒋᔭᐅᔪᑦ ᐱᓕᕆᐊᖑᔪᖅ ᐅᓂᑳᕈᑎᖓ ᓂᕆᐅᒋᔭᐅᔪᑦ ᐱᔭᕇᑕᐅᓛᕐᓂᖏᓂᒃ ᐅᑭᐊᒃᓵᖓᓂ 2019ᒥ.
  • ᐃᓄᐃᑦ ᖃᐅᔨᒪᔭᖏᓂᒃ ᐱᓕᕆᔩᑦ ᐅᖃᒪᔭᐅᓚᐅᕐᑐᖅ ᓇᒪᓈᕐᑐᓄᑦ ᖃᐅᔨᓴᕈᑕᐅᔪᕐᒧᑦ ᐱᓕᕆᐊᒧᑦ ᐃᓄᐃᑦ ᖃᐅᔨᒪᔭᖏᓄᒃ ᐊᕙᑎᖓᑕ ᖃᓄᐃᖏᓯᐊᕐᓂᖓᑕ ᐅᐊᓯᔭᐅᓂᖓᓄᑦ ᑲᔪᓯᒋᐊᕐᐸᓕᐊᔭᕆᐊᓕᒃ 2019ᒥ.

ᑐᕋᒐᖅ 3.2: ᑭᒃᓕᓯᓂᐊᕐᓂᒧᑦ ᑐᓴᕈᑎᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᕐᑕᐅᔪᑦ ᑐᓴᕈᑎᒋᔭᐅᓗᑎᒃ ᐊᒻᒪᓗ ᐃᑲᔪᕐᑐᐃᔪᑕᐅᓗᑎᒃ ᐊᑯᓂᐅᔪᕐᒧᖓᔪᓄᑦ ᐊᐅᓚᓯᓂᕐᒧᑦ ᐃᓱᒪᓕᐅᕈᑕᐅᓗᑎᒃ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐃᓄᐃᑦ ᖃᐅᔨᒪᔭᖏᑦ ᑭᓱᐃᑦ ᓄᓇᐃᑦ ᓇᓃᒪᖔᑕ, ᒪᓇᐅᔪᖅ ᐊᖁᑎᒋᔪᓇᕐᑕᖏᑦ ᑭᓱᑯᑦ ᐊᒻᒪᓗ ᐊᖑᓇᓱᒃᕕᐅᖃᑕᕐᑐᑦ ᐊᑐᕐᑕᐅᓚᐅᕐᑐᑦ ᓇᓗᓇᐃᕐᑕᐅᖁᓗᒋᑦ ᓇᓕᐊ ᓄᓇᐃᑦ ᓯᕗᓕᕐᐸᐅᔭᐅᔭᕆᐊᖃᒪᖔᑕ ᑐᐊᕕᕐᓇᕐᑐᑯᑦ ᐅᖁᐃᕕᑦ ᒥᖑᐃᓯᕐᕕᖕᒥ.
  • ᑭᒃᓕᓯᓂᐊᕐᓂᒧᑦ ᓯᕗᓕᕐᐸᐅᔭᐅᔭᕆᐊᓖᑦ ᐊᕿᓱᕐᑕᐅᓚᐅᕐᑐᑦ ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᓯᔨᖏᑕ ᑲᑎᒪᔨᕌᓛᖏᑦ ᐱᒋᐊᕐᑎᓯᓚᐅᕐᑐᑦ ᑭᓯᐊᓂ ᓱᓕ ᕿᒥᕈᔭᐅᓯᒪᖏᑐᑦ.

ᑐᕋᒐᖅ 3.3: ᐱᕙᓪᓕᐊᓯᒪᓗᓂ ᓇᓗᓇᐃᔭᐃᓂᖅ ᐊᒻᒪᓗ ᒥᐊᓂᖅᓯᓂᖅ ᐃᓕᖅᑯᓯᑐᖃᑎᒍᑦ ᐊᑐᖅᑕᐅᔪᓐᓇᖅᑐᓂᒃ ᐅᖃᐅᓯᖃᖅᑐᖅ ᐅᒃᑯᓯᒃᓴᓕᖕᒥ ᒥᕐᖑᐃᓯᕐᕕᐅᑉ ᐅᓂᑉᑳᖅᑐᐊᖓᓂᒃ.

ᖃᓄᐃᓕᐅᕐᓯᒪᓕᕐᒪᖔᑕ/ᐱᓪᓗᐊᑕᐃᑦ
  • ᐊᑯᓂᐅᔪᕐᒧᖓᖏᑐᖅ ᐸᕐᓇᐅᑦ ᑐᐊᕕᕐᓇᕐᑐᕐᒥ ᐊᕿᓱᐃᑲᓂᕈᑎᒃᓴᐃᑦ ᓂᐅᕕᕕᖃᕕᕕᓂᕐᒥ ᐱᒋᐊᕐᓯᒪᓕᕐᑐᖅ ᑐᖓᕕᒋᓗᒋᑦ 2017ᒥ ᖃᐅᔨᓴᕐᑕᐅᔪᑎᕕᓂᖓᓂᑦ.


ᓄᖃᕈᑎᒃ − ᑭᖑᓕᕐᒥ ᑐᑎᒋᐊᕐᓂᖅ

ᓯᓚᕐᓗᓂᖅ ᐱᔪᑎᒋᓪᓗᒍ ᐅᓄᕐᑐᓂᒃ ᑭᖑᕙᕆᐊᕐᑎᓯᓚᐅᕐᑐᖅ ᓄᖃᕐᑎᓯᓗᓂᓗ ᐸᕐᓇᒍᑎᒋᓯᒪᔭᑎᓂᒃ ᒥᖑᐃᓯᕐᕕᖕᒥ ᐱᓕᕆᐊᖑᒐᔭᓚᐅᕐᑐᓂᒃ ᑲᔪᓯᔪᓇᐃᓕᓗᑎᒃ 2018 ᐊᕋᒍᖓᓂ. ᑭᓯᐊᓂ, ᑲᔪᓯᑎᐊᕐᑐᑦ ᑲᑎᖓᓃᑦ ᐅᒃᑯᓯᒃᓴᓕᒃ ᒥᖑᐃᓯᕐᕕᐅᑉ ᐊᐅᓚᓯᔨᖏᑕ ᑲᑎᒪᔨᕋᓛᖏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᖏᓂᒃ ᐱᓕᕆᔩᑦ ᓯᕗᒧᐊᒃᑎᓯᔪᓇᓚᐅᕐᑐᑦ ᓯᕗᓂᑎᓂ ᐱᓕᕆᔪᒪᔪᑦ ᐸᕐᓇᐅᑎᖓᓂᒃ ᑕᑯᔭᐅᔪᒪᔪᓂᒃ ᑕᑯᔪᓇᕐᓯᖁᓗᑕ ᐊᒻᒪᓗ ᑐᕋᒐᕐᓂᒃ ᓇᓗᓇᐃᕐᓯᒪᔪᑦ ᐊᐅᓚᓯᓂᕐᒧᑦ ᐸᕐᓇᐅᑎᒥ, ᐱᓗᐊᕐᑐᕐᒥ ᐃᒡᓗᓄ ᐸᕐᓇᐅᑎᒃ, ᐳᓛᕐᑏᑦ ᐊᑐᖃᑕᕐᑕᖏᓂᒃ ᐅᐸᒃᓯᒪᓇᒋᓪᓗ ᐱᓕᕆᓂᐅᔪᑦ.

ᒥᖑᐃᕐᓯᕐᕕᒥ ᐱᓕᕆᓂᐅᔪᑦ 2019ᒥ ᐅᓗᓕᖃᕐᒥᔪᑦ ᐊᕿᒃᓱᕐᑕᐅᑲᓂᕐᓂᖓᓄ ᐱᓕᕆᐊᑦ ᓂᐅᕕᕕᖃᕐᕕᕕᓂᕐᒥ ᐊᒻᒪᓗ ᖃᐅᔨᓴᕐᑕᐅᓂᖏᑦ ᓯᕗᓕᕐᐸᐅᔭᐅᔭᕆᐊᓖᑦ ᐃᓄᐃᑦ ᐱᖁᑎᕕᓂᖃᕐᕕᖏᑦ ᐊᐅᓚᑕᐅᖁᓗᒋᑦ ᐊᒻᒪᓗ ᐳᓛᕐᑏᑦ ᐅᐸᑲᑕᖃᑕᕈᓇᕐᓂᐊᕐᑕᖏᑦ ᐃᓱᒪᒋᔭᐅᓗᑎᒃ ᓯᕗᓂᑎᓂ ᑭᓱᑐᐃᓇᐃᑦ ᐱᔭᐅᔭᕆᐊᖃᒪᖔᑕ. ᑕᑯᓇᓂ ᐳᓛᕐᓂᐅᔪᓂ, 360ᖑᔪᑦ ᐊᔨᖑᐊᑦ ᐱᔭᐅᓛᕐᑐᑦ ᐊᕿᒃᓱᕐᑕᐅᑲᓂᖁᓗᒋᑦ ᐱᒪᕆᐅᔪᑦ ᕿᒥᕈᑎᓯᓂᖅ ᒥᖑᐃᓯᕐᕕᖕᒥ. ᒥᖑᐃᕐᓯᕕᓕᕆᔨᑯᑦ ᑲᔪᓯᓂᐊᕐᑐᑦ ᓄᐊᓯᕙᓕᐊᓗᑎᒃ ᑐᖓᕕᐅᓂᐊᕐᑐᓂᒃ ᑎᑎᕋᕐᓯᒪᔪᓂᒃ ᐱᕈᑐᐃᑦ ᐱᓪᓗᒋᑦ ᐊᒻᒪᓗ ᖁᐊᖑᐃᓇᕐᑑᑉ ᐃᑎᓂᖓ ᓄᓇᖓᓂ ᐅᐊᓯᕕᐅᔪᓂ. ᐊᑕᐅᓯᐅᖏᑐᑦ ᐅᐸᒃᓯᒪᓇᒋᑦ ᐅᓂᑳᕐᓂᖅ ᐸᕐᓇᒃᑕᐅᓯᒪᔪᑦ ᐃᓕᓴᕐᕕᖕᓂ ᖃᓂᒋᔮᓂᑐᓄᑦ ᓄᓇᓕᖕᓄᑦ ᐊᒻᒪᓗ ᒪᕉᒃ ᐃᓕᓂᐊᕐᑏᒃ ᐃᖃᓇᐃᔭᑎᑖᕆᔭᐅᓛᕐᑑᒃ ᐃᑲᔪᖁᓗᒋᑦ ᐅᒃᑯᓯᒃᓴᓕᐅᑉ ᐱᓕᕆᔨᖏᓄᑦ ᒥᖑᐃᓯᕐᕕᖕᒥ ᐊᒻᒪᓗ ᐃᖃᓇᐃᔭᕆᐅᕐᓴᓯᓈᑦ ᐃᖃᓇᐃᔭᕐᓗᑎᒃ. ᑲᔪᓯᑎᓯᒋᐊᕈᒪᔪᒍᑦ ᐃᒡᓗᓂ ᓴᓇᔭᐅᓂᖏᑕ ᐊᕿᓱᕐᓯᒪᓂᖓᓂ ᐸᕐᓇᐅᑎᑯᑦ ᐅᑭᐅᖑᓂᐊᕐᑐᖅ.