ᐊᒐᓯ 22, 2019 - ᖃᐅᓱᐃᑐᖅ ᒥᖑᐃᓯᕐᕕᒃ, ᓄᓇᕗᑦ - ᒥᖑᐃᓯᕐᕕᓕᕆᔨᑯᑦ

ᒐᕙᒪᑯᖏᑦ ᑲᓇᑕᒥ ᑐᓂᓯᒪᕗᑦ ᖃᓄᐃᖏᓯᐊᖁᓗᒋᑦ ᒥᖑᐃᓯᕐᕖᑦ, ᓴᐳᑎᔭᐅᓯᒪᓗᑎᒃ ᐊᒻᒪᓗ ᓄᓇᐃᑦ ᖃᓄᐃᖏᓯᐊᕐᓂᒧᑦ ᐅᑎᕐᑎᑕᐅᖁᓗᒋᑦ, ᓴᖏᔪᓪᓗᓂ ᐊᕙᑎᖓ ᐊᒻᒪᓗ ᐃᑲᔪᕐᑐᐃᓗᓂ ᐅᑎᕐᑎᑕᐅᓂᖏᓂᒃ ᐅᓄᕐᓂᖏᑕ ᓂᕐᔪᑏᑦ ᐅᓗᕆᐊᓇᕐᑐᕐᒥᑐᑦ.

ᐅᓪᓗᒥ, ᒥᓂᔅᑕᖓ ᐊᕙᑎᓕᕆᔨᑯᑦ ᐊᒻᒪᓗ ᓯᓚᐅ ᐊᓯᔨᕐᓂᓕᕆᔨᖏᑦ ᐊᒻᒪᓗ ᒥᓂᔅᑕ ᐱᓕᕆᔨᐅᔪᖅ ᒥᖑᐃᓯᕐᕕᖕᓄᑦ, ᑲᑐᕆᓐ ᒪᒃᑭᓇ, ᑐᓴᕐᑎᓯᖃᐅᔪᖅ ᒐᕙᒪᑐᖃᑯᑦ ᐊᑐᕐᓂᐊᕐᓂᖏᓂᒃ $584,000ᓂᒃ ᓄᖑᑕᐃᓕᑎᓯᓂᕐᒧᑦ ᐱᓕᕆᐊᕐᒧᑦ ᐱᐅᓯᑎᑕᐅᕚᓕᖁᓗᒋᑦ ᐱᒪᕆᐅᔪᖅ ᑐᒃᑐᐃᑦ ᓇᔪᖃᑕᕐᑕᖓ ᖃᐅᓱᐃᑐᖅ ᒥᖑᐃᓯᕐᕕᖕᒥ.

ᓴᓪᓗᒪᔪᖅ ᓄᓇᖓ = ᑕᐃᔭᐅᔪᖅᖃᓄᐃᖏᑎᐊᕐᑐᑦ ᑐᒃᑐᐃᑦ ᐱᓕᕆᐊᖑᔪᖅ ᐲᔭᐃᓂᐊᕐᑐᑦ ᕿᒪᒐᕐᑕᐅᓂᑯᓂᒃ ᐊᖏᔪᑎᓄᑦ ᐱᓕᕆᓂᑯᐃᑦ ᐊᒃᑕᕐᓗᑯᖏᓂᒃ ᐊᓂᒍᕐᑐᓂ ᕿᓂᕐᓂᕐᒥᓄᑦ ᐃᖏᕋᔭᖃᑕᕐᓂᑯᓄᑦ ᐊᒻᒪᓗ ᓴᕿᑎᓯᓗᑎᒃ ᖃᓄᐃᖏᓂᕐᓴᕐᒥᒃ ᓇᔪᖃᑕᕐᑕᖏᓄᑦ ᑐᒃᑐᐃᑦ. ᓯᕗᓂᐊᓂ ᓴᕿᑕᐅᓚᐅᕐᑎᓇᒍ ᖃᐅᓱᐃᑐᖅ ᒥᖑᐃᓯᕐᕕᐅᑉ, ᐅᕐᓱᐊᓗᒃᓴᕐᓯᐅᕐᓂᖅ ᐊᒻᒪᓗ ᒑᓴᓕᒃᓴᓯᐅᓂᖅ 1960ᓂ ᐊᒻᒪᓗ 1970ᖏᓂ ᕿᒪᒐᕐᓂᑯᖏᑦ ᐊᖏᔪᑎᓄᑦ ᐱᓕᕆᐊᖏᑕ ᐊᒃᑕᕐᓗᑯᖏᓂᒃ ᓄᖃᕐᑎᓯᔪᓇᕐᑐᑦ ᑐᒃᑐᓂᒃ ᓂᕆᕕᒋᖃᑕᕐᑕᖏᓂᒃ ᓄᓇᐃᑦ ᐃᓚᖏᓂ, ᐊᓂᕐᑎᓯᔪᓇᕐᑐᑦ, ᐊᒻᒪᓗ ᐃᓚᓂᑯᑦ, ᐊᒃᕕᐊᕐᑐᑦ ᐊᖁᑎᖏᓄᑦ ᐊᒻᒪᓗ ᓄᒃᑎᕐᑎᖃᑕᕐᓂᖏᑕ ᐊᖁᑎᓗᐊᖏᓂᒪᑕ ᑐᒃᑐᐃᑦ. ᑕᑯᐊ ᓴᓗᒪᕐᓴᐃᓃᑦ ᓇᓗᓇᐃᕐᑕᐅᓯᒪᔪᑦ ᓯᕗᓕᕐᐸᐅᔭᐅᖁᔭᐅᓗᑎᒃ ᐃᓄᖏᓂᑦ ᐊᒻᒪᓗ ᓄᓇᓕᒥᐅᖓᓄᑦ ᕋᓴᓗᐸᐃ ᐊᒻᒪᓗ ᐱᒪᕆᐅᔪᖅ ᓯᕗᒧᑦ ᑐᑎᒋᐊᕐᓂᖅ ᐱᐅᓯᕚᓕᖁᓗᒋᑦ ᖁᑎᒃᑑᑉ ᑐᑐᖏᑕ ᓇᔪᖃᑕᕐᑕᖏᓂ ᐊᒻᒪᓗ ᐅᑎᕐᑎᑕᐅᓂᖓ ᖃᓄᐃᑐᓂᖓᓄᑦ ᓄᓇᖓ ᑕᕙᓂ ᐃᓗᐊᓂᑐᑦ ᓄᑖ ᒥᖑᐃᓯᕐᕕᖑᓕᓵᕐᑑᑉ.

ᒐᕙᒪᑯᖏᑦ ᑲᓇᑕᐅᑉ ᖃᓄᐃᓕᒋᐊᕐᐳᑦ ᓴᐳᑎᔭᐅᓯᒪᖁᓗᒋᑦ ᓂᕐᔪᑏᑦ ᐅᓗᕆᐊᓇᕐᑐᕐᒥᑐᑦ, ᓲᕐᓗ ᖁᑎᒃᑑᑉ ᑐᒃᑐᖏᑦ ᖃᐅᓱᐃᑐᖅ ᒥᖑᐃᕐᓯᕐᕕᖕᒥ. ᖁᑎᒃᑑᑉ ᑐᒃᑐᖏᑦ ᒥᑭᓛᖑᔪᑦ ᑐᒃᑐᓂ ᐊᕕᒃᑐᕐᓯᒪᔪᓂ ᑐᒃᑐᓂ, ᒐᕙᒪᑯᖏᑦ ᑲᓇᑕᒥ ᐊᕿᓯᓯᒪᕗᑦ ᓴᐳᑎᔭᐅᓯᒪᓂᖏᑦ ᐅᓗᕆᐊᓇᕐᑐᕐᒥᑐᑦ ᖁᑎᒃᑑᑉ ᑐᒃᑐᖏᑦ ᐊᒻᒪᓗ ᐃᓂᒋᖃᑕᕐᑕᖏᑦ ᓯᕗᓕᕐᐸᐅᔭᐅᖁᓗᒍ ᐊᒻᒪᓗ ᐊᕿᑕᐅᖁᓗᒍ ᐊᐅᓚᑕᐅᓗᓂᓗ ᖃᐅᓱᐃᑐᖅ ᒥᖑᐃᓯᕐᕕᖕᒥ.

ᓴᓗᒪᔪᖅ ᓄᓇᖓ = ᖃᓄᐃᖏᓯᐊᕐᑐᑦ ᑐᒃᑐᐃᑦ ᐱᓕᕆᐊᖑᔪᖅ ᐊᐃᐸᕆᓕᕐᑕᖓᓐᓂ ᐱᓕᕆᐊᖑᔪᖅ. ᓯᕗᓕᕐᐸᕐᒥ ᐱᓕᕆᐊᖑᖕᒪᑦ ᐃᔨᒋᓗᐊᑕᓚᐅᕐᑐᑦ ᑐᑭᓯᓇᓱᒃᖢᑎᒃ ᓄᓇᓕᒥᐅᖏᓂᑦ ᕋᓴᓗᐸᐃ, ᓄᓇᓕᖕᒥᐅᓂᑦ ᑐᑭᓯᓇᓱᖃᑕᐅᓚᐅᕐᑐᑦ ᓇᓗᓇᐃᕐᑕᐅᖁᓗᒋᑦ ᓇᓕᐊ ᐊᒃᑕᕐᓗᑯᖃᐅᒪᖔᑕ, ᐸᕐᓇᒃᖢᑎᒃᓗ ᖃᖓᑕᑲᑕᐅᑎᒃᓴᕐᒥᓂᒃ ᐊᒻᒪᓗ ᐱᒋᐊᕐᐸᓕᐊᖁᓗᒋᑦ ᑕᐅᕙᖓ ᐊᐅᓚᐅᔭᐅᖁᓗᒋᑦ ᐃᒪᖃᐅᖏᑐᑦ ᖃᑕᐅᔭᐃᑦ ᐅᕐᓱᐊᓗᖃᐅᑎᕕᓃᑦ. ᐊᐃᐸᖓᓂ ᐱᓕᕆᐊᖓᑕ, ᒥᖑᐃᓯᕐᕕᑯᑦ ᐅᑎᓛᕐᑐᑦ ᑕᐃᑯᓄᖓ ᓄᓇᓄᑦ ᓴᓗᒪᕐᓴᕐᑕᐅᑲᓂᕆᐊᓕᖕᓄᑦ.

ᒥᖑᐃᓯᕐᕕᓕᕆᔨᑯᑦ ᐱᓕᕆᖃᑎᖃᖃᑕᕐᑐᑦ ᓄᓇᖃᕐᖄᕐᓯᒪᔪᑦ ᓄᓇᓕᖏᓄᑦ ᐊᒻᒪᓗ ᑲᑐᔨᖃᑎᒌᓄᑦ ᑲᓇᑕᓕᒫᕐᒥ ᓄᖑᑕᐃᓕᑎᓯᓂᕐᒧᑦ ᐊᒻᒪᓗ ᖃᓄᐃᑐᓂᕕᓂᖓᓄᑦ ᐅᑎᕐᑎᑕᐅᖁᓗᒋᑦ ᓄᓇᖏᑦ ᐊᒻᒪᓗ ᐱᒪᕆᐅᔪᑦ ᓇᔪᖃᑕᕐᑕᖏᑦ, ᐊᖁᑎᒋᔭᐅᒐᔪᒃᑐᑦ ᐃᓄᐃᑦ ᖃᐅᔨᒪᔭᖏᑦ, ᐊᒻᒪᓗ ᐱᓕᕆᖃᑎᖃᓚᒃᖢᑎᒃ ᐃᓕᓂᐊᕐᓂᑯᑦ ᐊᒻᒪᓗ ᑭᒃᓕᓯᓂᐊᕐᑏᑦ ᐊᕙᑎᐅᑉ ᖃᓄᐃᖏᓯᐊᑐᓕᕆᔨᖏᑦ. ᐱᓇᓱᐊᖃᑎᒌᒃᖢᑎᒃ, ᓴᐳᑎᓯᒪᔪᓇᕐᑕᕗᑦ ᐊᕙᑎᕗᑦ ᐊᒻᒪᓗ ᓄᖑᖁᓇᖏᑦ ᓄᓇᖓᑕ ᖃᓄᐃᖏᓂᖓ ᓯᕗᓂᑎᓂ ᑭᖑᕚᑎᓄᑦ.

ᐅᖃᐅᓯᐅᓯᒪᔪᖅ

"ᓯᓚᐃᓇᖅ ᐱᓗᐊᑕᕆᔭᐅᕗᖅ ᑲᓇᑕᒥᐅᓄᑦ, ᐊᒃᖢᐃᑐᑦ ᐊᒻᒪᓗ ᐃᓄᓯᒃᓴᔭᖅ. ᓴᐳᔨᓯᒪᓂᖅ ᐃᑲᔪᕐᓂᐊᕐᐳᖅ ᐊᕙᑎᑎᓂᒃ, ᑎᒥᑕ ᖃᓄᐃᖏᓯᐊᕐᓂᖓᓄᑦ ᐊᒻᒪᓗ ᓄᓇᓕᑎᓂ ᑲᓇᑕᓕᒫᕐᒥ. ᑕᐃᒪᐃᓂᖓᓄᑦ ᒐᕙᒪᑯᕗᑦ ᒪᕈᐃᕐᓲᑎᓗᐊᖓᓂᒃ ᐊᖏᓂᖓᓂ ᓱᓂᕐᓯᒪᖏᑑᑉ ᓄᓇᐅᑉ ᓴᐳᑎᔭᐅᓯᒪᓂᖓᓂᒃ ᑲᓇᑕᐅᑉ ᓄᓇᖏᓂᒃ ᐃᒪᖓᓂᒃ, ᐊᒻᒪᓗ ᓂᕐᔪᑎᓂᒃ ᐊᖏᕋᕐᒥᒃ ᑕᐃᖠᑎᐅᔪᑦ. ᓴᓗᒪᔪᖅ ᓄᓇᖓ = ᖃᓄᐃᖏᓯᐊᕐᑐᑦ ᑐᒃᑐᐃᑦ ᐱᓕᕆᐊᖑᔪᖅ ᐱᓚᕆᐅᕗᖅ ᑐᑭᓯᒋᐊᕐᓂᖅ ᓯᕗᒧᑦ ᓴᐳᑎᔭᐅᓯᒪᓂᖓᓄᑦ ᐅᓗᕆᐊᓇᕐᑐᕐᒥᓕᕐᑐᓂᒃ ᖁᑎᒃᑑᑉ ᑐᑐᖏᓄᑦ ᐊᒻᒪᓗ ᐅᑎᕐᑎᑕᐅᖁᓗᒍ ᖃᓄᐃᖏᓯᐊᕐᓂᕐᒧᑦ ᐱᒪᕆᐅᔪᓄᑦ ᓇᔪᖃᑕᕐᑕᖏᓄᑦ ᖃᐅᓱᐃᑐᖅ ᒥᖑᐃᓯᕐᕕᖕᒥ."

ᓂᖅᑐᕐᓇᖅᑐᖅ ᑳᑐᕆᓐ ᒪᒃᑭᓐᓇ,
ᐊᕙᑎᓕᕆᓂᕐᒧᑦ ᒥᓂᔅᑕ ᐊᒻᒪ ᓯᓚᐅᑉᓗ ᐊᓚᖑᖅᐸᓪᓕᐊᓂᖓᓄᑦ ᐊᒻᒪᓗ ᒥᓂᔅᑕᕆᔭᐅᓗᓂ ᑲᒪᒋᔭᖃᖅᓂᖅᒧᑦ ᑲᓇᑕᒥ ᒥᕐᖕᒍᐃᓯᕐᕕᓕᕆᔨᖏᓄᑦ

ᖃᐅᔨᒪᔾᔪᑎᒡᓴᑦ ᓱᓕᔪᓂᒃ

  • ᒥᓂᔅᑕ ᒪᒃᑭᓇ ᐃᓕᓴᕆᐅᒪᔭᐅᔪᑯᑦ ᒪᑐᐃᕐᓯᓚᐅᕐᐳᖅ ᖃᐅᓱᐃᑐᖅ ᒥᖑᐃᓯᕐᕕᖕᒥᒃ ᐊᒐᓯ 2017ᖑᑎᓪᓗᒍ, ᖃᓂᒋᔮᓂᑐᖅ ᕋᓴᓗᐸᐃ, ᓄᓇᕗᑦ, ᖁᑎᒃᑐᕐᒥ.
  • ᐃᒪᖃ 11,000 ᑭᒃᐹᕆᒃᓯᓯᒪᔪᑦ ᑭᓛᒥᑕᐃᑦ ᐃᓄᐃᑦ ᓄᓇᖓᓂ ᕿᑭᑕᐃᑦ ᐊᒻᒪᓗ ᐃᒪᐃᑦ ᓴᐳᑦᔭᐅᓯᒪᔪᑦ ᖃᐅᓱᐃᑐᖅ ᒥᖑᐃᓯᕐᕕᖕᒥ ᐃᓚᐅᓗᓂ ᐊᑕᖏᐸᓗᖕᓂᕐᓴᐅᔪᖅ ᐅᐊᖕᓇᕐᐸᓯᐊ ᑐᒃᑐᓯᐅᕐᕕᐅᑉ, ᐊᒻᒪᓗ ᒐᕙᒪ ᔨᓄᕈᓪ ᕿᑭᑕᖏᑦ ᐱᓇᖕᓇᕐᐸᓯᐊᓂ ᐊᒻᒪᓗ ᒥᑭᓂᕐᓴᐃᑦ ᕿᑭᑕᐃᑦ ᐱᓇᖕᓇᖓᓂ ᐊᒻᒪᓗ ᐅᐊᖕᓇᖓᓂ ᑐᒃᑐᓯᐅᕐᕕᐅᑉ, ᓇᐅᔭᕚᑦ ᕿᑭᑕᖓᑕ ᐅᑎᕐᑕᖃᑕᕐᑐᑦ ᑎᖕᒥᐊ ᓴᐳᔭᐅᕕᖓ ᐅᐊᖕᓇᖔᖓᓂ, ᓂᒋᖔᖓᑕ ᑭᒃᓕᖓ ᖃᐅᓱᐃᑐᖅ ᒥᖑᐃᓯᕐᕕᐅᑉ ᑭᒃᓕᖓᓂᑑᖅ ᓇᓄᐃᑦ ᐃᑎᓕᖓᑕ ᓂᕐᔪᑎᖃᕐᕕᖓ.

ᑕᒪᑐᒥᖓ ᐅᖃᐅᓯᓖᑦ

ᐊᔨᖓᓂ ᐅᖃᐅᓯᓖᑦ

ᐅᖃᕐᕕᒃᓴᐃᑦ

ᓴᐳᕆᓇ ᑭᒻ
ᑎᑎᕋᕐᕕᖓ ᒥᓂᔅᑕᖓ ᐊᕙᑎᓕᕆᔨᑯᑦ ᓯᓚᐅᓪᓗ ᐊᓯᔨᕐᓂᓕᕿᔨᑯᑦ
819-938-3813
sabrina.kim2@canada.ca

ᑐᓴᐅᒪᔪᓕᕆᔨ
ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ
ᐅᖃᓗᑖ: 855-862-1812
pc.medias-media.pc@canada.ca