ᐃᓗᓕᖏᑕ ᑎᑎᖅᑐᖅᓯᒪᓂᖏᑦ

Auyuittuq National Park Management Plan 2010

© ᑯᐃᓐ ᐸᐸᑦᑎᓪᓗᓂ ᑲᓇᑕᒥ, ᑭᒡᒐᑐᖅᑕᐅᓪᓗᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᖏᔪᖅᑲᒻᒪᕆᖓᓄᑦ, 2010.

Cette publication est aussi disponible en français.

Also available in English.

ᐅᖃᓕᒫᕆᐊᖅᑐᖅᕕᓕᕆᔩᑦ ᑲᓇᑕᒥ ᑎᑎᖅᑐᖅᓯᒪᔭᖏᑦ ᓇᓂᓯᔾᔪᑎᓖᑦ ᖃᖓᒃᑯᑦ ᓴᖅᑭᑕᐅᓐᓂᕐᒪᖔᑕ:

  • ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ.
  • ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑎᓂᕐᒧᑦ ᐸᕐᓇᐅᑎᑦ
  • Aᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑎᓂᕐᒧᑦ ᐸᕐᓇᐅᑎᑦ [ᖃᕆᑕᐅᔭᑰᕈᓐᓇᐅᑖ].

ᓴᖅᑭᖅᑕᐅᓯᒪᒻᒥᔪᖅᑕᐅᖅ ᖃᓪᓗᓈᑎᑑᖓᓪᓗᓂᑦ ᐊᑎᖃᖅᑐᓂ:
Auyuittuq National Park of Canada management plan

ᓴᖅᑭᖅᑕᐅᓯᒪᒻᒥᔪᖅᑕᐅᖅ ᐅᐃᕖᑎᑑᖓᓪᓗᓂᑦ ᐊᑎᖃᖅᑐᓂ:
Parc national du Canada Auyuittuq, plan directeur.

  • ᐸᐃᑉᐹᒃᑯᑦ: ISBN 978-0-662-03379-0 ᑎᑭᓵᔅᓴᓂ ᓈᓴᐅᑎᖓ: R61-40/2010S
  • ᖃᕋᓴᐅᔭᒃᑯᑦ: ISBN 978-0-662-03380-6 ᑎᑭᓵᔅᓴᓂ ᓈᓴᐅᑎᖓ: R61-40/2010S-PDF
  1. ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ (ᓄᓇᕗᑦ)) --ᐊᐅᓚᑕᐅᓂᖓ.
  2. ᑲᓇᑕᒥ ᒥᕐᖑᐃᓯᕐᕖᑦ ᐊᒻᒪᓗ ᒥᕐᖑᐃᓯᕐᕕᔅᓴᒧᓐ ᓴᓂᖅᕙᖅᑕᐅᓯᒪᔪᑦ--ᑲᓇᑕ-ᐊᐅᓚᑕᐅᓂᖓ.
  3. ᑲᓇᑕᒥ ᒥᕐᖑᐃᓯᕐᕖᑦ ᐊᒻᒪᓗ ᒥᕐᖑᐃᓯᕐᕕᔅᓴᒧᓐ ᓴᓂᖅᕙᖅᑕᐅᓯᒪᔪᑦ--ᓄᓇᕗᑦ-ᐊᐅᓚᑕᐅᓂᖓ.
  4. ᐊᕙᑎ ᓱᕋᑕᐅᓯᒪᓂᑐᑦ--ᑲᓇᑕᒥ--ᐊᐅᓚᑎᓂᖅ.
  5. ᐊᕙᑎ ᓱᕋᑕᐅᓯᒪᓂᑐᑦ--ᓄᓇᕗᑦᒥ--ᐊᐅᓚᑎᓂᖅ.I. ᐊᑎᖓ.

Paper: FC4314 A88 P37 2010 333.78’30971952 C2010-980148-2

PDF: FC4314 A88 P37 2010 333.78’30971952 C2010-980149-0

ᓯᓚᐱᐊᖏᓐᓂ ᐊᔾᔨᙳᐊᑦ

ᖁᓛᓃᑦᑐᑦ ᐊᔾᔨᙳᐊᑦ ᓴᐅᒥᖓᓂᑦ ᑕᓕᖅᐱᐊᓄᑦ:
ᐅᑕᖅᑭᐅᖅᕕᒃ, ᓇᓪᓗᖅᓯᐊᖅ, ᐊᐅᔪᐃᑦᑐᖅ ᒥᕐᖑᐃᓯᕐᕕᒃ © ᓇᑖᓴ ᓚᐃᔭᓐᔅ
ᐸᐅᓗᓯ ᑰᓂᓘᓯ, ᑕᓯᐊᓗᐃᑦ
ᐊᒃᓵᔪᖅ ᐃᑦᑐᐊᖓᑦ, ᐸᓐᓂᖅᑑᖅ © ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᐊᓂᕐᓂ ᐸᓂᓗ
ᐊᐅᓚᑦᑎᓂᕐᒧᓐ ᐸᕐᓇᐅᓯᐅᖅᑐᑦ ᑲᑎᒪᖃᑎᒌᑦᑐᑦ ᒪᑦᑖᑐᔾᔭᓇᒥ, ᐊᐅᔪᐃᑦᑐᖅ ᒥᕐᖑᐃᓯᕐᕕᒃ, © ᔭᐃᓐ ᑎᓴᒻ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᐊᖏᔪᖅ ᐊᔾᔨᙳᐊᖅ: ᐊᐅᔪᐃᑦᑐᖅ ᒥᕐᖑᐃᓯᕐᕕᒃ © ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ


ᐊᒃᓵᔪ ᐃᑦᑐᐊᒐᓐ, ᑲᓇᑕᐅᑉ ᖁᔭᓐᓇᒦᕈᑎᖓᓂᒃ ᐃᓕᑕᕆᔭᐅᔾᔪᑎᓕᒃ., ᐃᓐᓇᒻᒪᕆᐅᔪᖅ ᐸᓐᓂᖅᑑᕐᒥᐅᑕᐅᓚᐅᖅᑐᖅ, ᖃᐅᔨᒪᔭᒻᒪᕆᐅᓚᐅᖅᑐᖅ ᓇᒧᙵᕈᓘᔭᖅᑎᒻᒪᕆᒥᓂᐅᓂᖓᓄᑦ ᐊᖑᓇᓱᑦᑎᐅᓂᒥᓂᖓᓄᓪᓗ ᐊᒻᒪᓗ ᖃᐅᔨᒪᓂᕆᓚᐅᖅᑕᖓᓄᑦ ᓄᓇᒥᒃ ᐃᒪᕕᒻᒥᓪᓗ. ᐊᖏᕐᕋᕙᓚᐅᖅᑐᖅ ᕿᒧᔅᓯᒃᑯᑦ, ᐱᖃᓯᐅᑎᓪᓗᒍ ᓄᓇ ᐅᓪᓗᒥ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᐅᓕᖅᑐᖅ. ᐱᓯᒪᑦᑎᔨᐅᓚᐅᖅᑐᖅ ᓘᑖᓂᒃ ᐸᓐᓂᖅᑑᒥ ᓄᓇᓕᓐᓂᑦ ᐊᕐᕌᒍᓄᑦ ᖁᓕᒐᓚᒻᒪᕆᓐᓄᑦ. ᐃᑦᑐᐊᖓᓐ ᐱᑎᑕᐅᓚᐅᖅᑐᖅ ᑲᓇᑕᐅᑉ ᖁᔭᓐᓇᒦᕈᑎᖓᓂᒃ ᐃᓕᑕᕆᔭᐅᔾᔪᑎᒥᒃ 1995ᒥ ᐊᒻᒪᓗ ᐃᓅᒍᓐᓃᓚᐅᖅᓯᒪᓪᓗᓂ 1996ᒥ. ᐊᒃᓵᔫᑉ ᐊᖅᑐᑎᖓ, ᒥᕐᖑᐃᓯᕐᕕᐅᑉ ᐃᓗᐊᓃᑦᑐᖅ, ᐊᑦᑎᖅᑕᐅᓚᐅᖅᓯᒪᔪᖅ ᐃᓕᑕᕆᔭᐅᒍᒪᓪᓗᓂ.

ᐃᓂᕐᓂ ᐸᓂᓗ, ᐃᓐᓇᒻᒪᕆᐅᔪᖅ ᕿᕕᑦᑑᕐᒥᐅᑕᐅᓚᐅᖅᑐᖅ, ᖃᐅᔨᒪᔭᐅᓚᐅᖅᑐᖅ ᐊᖑᓇᓱᑦᑎᒻᒪᕆᒥᓂᐅᓂᖓᓄᑦ ᐊᒻᒪ ᐊᐅᓪᓚᖃᑦᑕᕐᓂᒥᓂᖓᓄᑦ ᐊᒻᒪᓗ ᓂᕿᖃᖅᑎᑦᑎᓂᕆᕙᑦᑕᒥᓂᖓᓄᑦ ᓄᓇᖅᑲᑎᒥᓂᒃ. ᖃᐅᔨᒪᔪᒻᒪᕆᐅᓚᐅᖅᑐᖅ ᓂᕐᔪᑎᓂᒃ ᐊᖑᓇᓱᓐᓂᕐᒥᓪᓗ. ᐸᓂᓗ ᐊᐅᓪᓚᖅᐸᑦᑐᒥᓂᖅ ᕿᕕᑦᑑᒥᑦ ᐸᓐᓂᖅᑑᒧᓐ ᖃᓪᓗᓇᔾᔨᐊᖅᑐᓂ. ᑕᒪᐅᓇ ᐃᖏᕐᕋᕙᔪᔪᖅ ᕿᕕᑦᑑᒥᑦ ᐅᒥᐊᖅᑐᖅᑐᓂ ᐃᐳᑦᑐᓂ ᐸᓐᓂᖅᑑᕈᓗᒻᒧᓐ ᐊᒻᒪᓗ ᑕᕝᕙᙵᓐ ᐱᓱᑦᑐᓂ ᐅᓪᓗᒥ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᐅᓕᖅᑐᒃᑯᑦ ᐸᓐᓂᖅᑑᒧᓐ ᑎᑭᐅᑎᓪᓗᓂ, ᐊᒻᒪᓗ ᐅᑎᖅᐸᑭᓪᓗᓂ ᕿᕕᑦᑑᒧᓐ ᑕᒪᐅᓇᔅᓴᐃᓐᓇᖅ ᐊᖅᑯᑎᒃᑯᑦ.

ᐸᐅᓗᓯ ᑰᓂᓘᓯ ᕿᑭᖅᑕᔪᐊᕐᒥᐅᑕᐅᓚᐅᖅᑐᖅ. ᐊᐅᓪᓚᖃᑦᑕᒻᒪᕆᑦᑐᒥᓂᖅ ᐃᓗᐊᓂ ᓴᓂᐊᓂᓗ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᐅᑉ ᐊᒻᒪᓗ ᐊᖑᓇᓱᖃᑦᑕᓕᓂᒻᒪᕆᐅᓚᐅᖅᑐᖅ ᓂᖃᔅᓴᓂᑦᑎᑦᑎᕙᑦᑐᓂᓗ ᐃᓚᒥᓂᒃ ᓄᓇᖅᑲᑎᒥᓂᓪᓗ. ᐸᐅᓗᓯ ᐊᑯᓂᐊᓗᒃ ᐊᐅᓪᓚᐅᔾᔨᔨᐅᓚᐅᖅᑐᖅ ᐊᐅᓚᐅᔾᔨᕙᓚᐅᖅᑐᓂ ᕿᑭᖅᑕᖅᔪᐊᑉ ᐅᐊᓐᓇᖓᓄᑦ, ᐸᓐᓂᖅᑑᕈᓗᒻᒧᓐ, ᒪᑦᑖᑐᔾᔭᓇᒧᓐ, ᐃᓪᓚᐅᓕᑦᑑᒧᓪᓗ. ᓴᖅᑭᔮᖅᑎᑦᑎᕙᓚᐅᖅᑐᖅ ᐱᖅᑯᓯᑐᖃᕐᓂᒃ ᐊᑐᖅᑐᓂ ᐳᓚᕋᑦᑐᓕᕆᓂᕐᒥᒃ ᕿᒧᔅᓯᐅᔾᔨᕙᑦᑐᓂ. ᐸᐅᓗᓯ ᖃᐅᔨᒪᓂᕐᒥᓂᒃ ᑐᓂᕐᕈᑎᖃᖅᐸᓚᐅᖅᑐᖅ ᑲᓇᑕᓕᒫᒨᖓᔪᖅ ᒥᕐᖑᐃᓯᕐᕕᒃ ᓴᖅᑭᖅᑕᐅᒐᓱᓕᖅᑎᓪᓗᒍ.

ᒥᓂᔅᑕᐅ ᐅᖃᐅᓯᒃᓴᖓ

Jim Prentice
ᔨᒻ ᐳᓐᑎᔅ ᒥᓂᔅᑕ ᐊᕙᑎᓕᕆᓂᒧᑦ

ᑲᓇᑕᐅᑉ ᑲᓇᑕᓕᒫᕐᒧᖓᔪᑦ ᐃᑦᑕᕐᓂᓴᖃᕐᕖᑦ, ᒥᖑᐃᓯᕐᕕᐅᔪᑦ ᐊᒪᓗ ᓴᕿᔭᑎᑦᑎᓂᐅᕗᖅ ᐃᒪᕐᒥᐅᑕᕐᓂ ᓴᐳᔾᔨᓯᒪᓂᖅ ᑲᓇᑕᒥᐅᓂᒃ ᐱᖓᓇᒥᑦ ᑲᓇᓇᒧᑦ ᐅᐸᖃᑦᑕᖅᑕᐅᔪᓐᓇᑦᑎᐊᖅᑐᒥᒃ ᑐᑭᓯᕚᓪᓕᕈᑎᐅᔪᓐᓇᖅᑐᒥᒃ ᐱᐅᔪᒻᒪᕆᖕᓂᒃ ᓄᓇᕐᔪᐊᕆᔭᑦᑎᓐᓂ. ᑖᒃᑯᐊ ᐃᓕᓐᓂᐊᕐᕕᐅᔪᓐᓇᖅᑐᑦ, ᐃᖃᐃᓕᓴᕐᕕᐅᔪᓐᓇᖅᑐᑦ ᐊᓕᐊᓇᐃᒍᓱᒡᕕᐅᓗᑎᒡᓗ ᓴᐃᓕᓇᑎᐊᕐᑐᓂᓗ ᑐᑭᓯᕙᓕᓇᕐᑐᓂᓗ ᑲᓇᑕᒥᐅᓕᒫᑦ ᐃᓅᓯᕆᓚᐅᖅᓯᒪᔭᑦᑎᓐᓂ ᐊᒃᑐᐊᓂᖃᕈᓐᓇᕐᓂᐊᕐᒪᑕ ᑲᔾᔮᕆᓗᒍᓗ ᓴᖅᑭᓯᒪᓕᕇᖅᑐᖅ, ᐱᖅᑯᓯᑐᖃᖅ ᐃᓅᓯᖃᕐᕕᐅᔪᕐᓗ ᑲᓇᑕᐅᑉ ᐃᓕᓴᕆᔭᐅᔾᔪᑎᒋᕙᒃᑕᖏᑦ.

ᒥᑭᓂᕐᐹᒥᑦ ᑲᓇᑕᐅᑉ ᒥᖑᐃᓯᕐᕕᖓᓂ ᐳᓚᕆᐊᖅᑕᐅᖃᑦᑕᕐᓂᖅᐸᕐᒧᑦ ᑲᓇᑕᐅᑉ ᐃᑕᓂᓴᖃᕕᒋᔭᖏᓐᓂᒃ ᐊᖏᓛᕐᒧᑦ ᑲᓇᑕᒥ ᐃᒪᕐᒥᐅᑕᕐᓂ ᓴᐳᔾᔨᓯᒪᕕᒐᓂᒃ, ᑕᑯᐊ ᑕᒪᕐᒥᒃ ᐅᐸᒃᑕᐅᔪᓐᓇᑦᑎᐊᖅᑐᑦ ᑲᓇᑕᒥᐅᓄᑦ ᐳᓛᕆᐊᖅᑎᓄᓪᓗ. ᐊᒥᓱᑦ ᐅᑦᑐᕋᐅᑕᐅᒪᑕ ᑕᑯᔪᒥᓇᑐᑦ ᖁᕕᐊᒋᔭᐅᖁᓗᒋᑦ ᑲᓇᑕᐅ ᐅᓂᑲᐅᓯᑐᖃᖏᓂ ᐃᑦᑕᓂᓴᖃᕕᖏᓂ. ᑕᑯᐊ ᓄᓇᐃᑦ ᐱᐅᔪᒪᕆᐅᓗᑎᒃ, ᑲᒪᓇᖅᖢᑎᒃ ᐊᒪᓗ ᐃᓕᐹᓕᕐᓇᖅᖢᑎᒃ ᐱᒪᕆᐅᒋᔭᐅᔪᑦ ᑲᓇᑕᒥᐅᓄᑦ - ᑖᒃᑯᐊ ᓯᕗᓪᓕᑦᑕ, ᒫᓐᓇᒧᑦ, ᓯᕗᓂᒃᓴᒧᓪᓗ ᐃᓄᓯᕐᕆᕙᓚᐅᕐᑕᖏᓪᓗ.

ᒐᕙᒪᑦᑕ ᑐᕌᒐᕆᔭᖓ ᐃᒪᐃᓕᖓᔪᖅ ᓇᓗᓇᖏᑐᒥᒃ ᑲᓇᑕᒥᐅᑉ ᐊᑐᐃᓇᐅᑎᑦᑎᕕᐅᓗᑎᒃ ᐃᓪᓕᖁᓯᑐᖃᒥᓂᑦ ᐊᒻᒪᓗ ᓴᓂᕐᕙᑕᐅᓯᒪᔪᑦ ᐊᕙᑎᕗᑦ ᖁᕕᐊᒋᔭᐅᒍᓇᓗᑎᒃ ᑭᖑᕙᓴᑎᓄᑦ ᐊᐸᒃᓗᒋᓗ ᐊᑐᕈᓇᑎᐊᓂᐊᕋᑎᒍ ᓱᕋᑎᑕᐃᓕᒪᒐᓂᑯᑦ.

ᑕᑯᓗᒍ ᓯᕗᓂᒃᓴᕆᔭᕗᑦ ᑕᑯᐊ ᓄᓇᐃᑦ ᑲᓇᑕᒥᐅᓄᑦ ᐱᐅᒋᔭᐅᓂᖓ ᐅᐱᒋᔭᐅᓕᒃᑲᓂᖁᓪᓗᒋᑦ, ᑐᑭᓯᔭᐅᑲᓐᓂᕐᓗᒋᑦ ᐊᓕᐊᓇᐃᒋᔭᐅᓗᓂᓗ ᑲᓇᑕᒋᔭᕗᑦ, ᓄᓇᓕᖕᒥᐅᓄᑦ ᐱᕙᓕᕈᑕᐅᒍᓇᖁᓗᒋᑦ, ᐃᓅᓯᕆᔭᑦᑎᓐᓄᓪᓗ ᐆᒻᒪᖅᐹᓪᓕᕈᑎᐅᓗᓂ.

ᒐᕙᒪᑕ ᑕᐅᑐᖑᐊᕈᑎᐊ ᓴᓇᓗᑕ ᐱᖅᑯᓯᑐᖃᕆᔭᐅᓯᒪᔪᑦ ᐃᑦᑕᕐᓂᓴᓕᕆᕝᕕᓂᒃ ᑲᓇᑕᐅᑉ ᐊᑐᐃᓇᐅᑎᑕᖓ ᑲᓇᑕᒥᐅᓄᑦ ᐱᕕᓴᖃᓯᐊᖁᓗᒋᑦ ᑕᒪᑯᓂᖓ ᑕᑯᔪᓇᖁᓗᒋ ᐅᐸᒃᓗᒋᓗ ᓱᓐᓂᖅᓯᒪᖏᑐᑦ ᓄᓇᐃᑦ ᐱᖅᑯᓰᓪᓗ.

ᒥᕐᖑᐃᖅᓯᕐᕕᖓᓄᑦ ᐸᕐᓇᐃᔩᑦ, ᐊᐅᔪᐃᑦᑐᖅ ᐱᓕᕆᖃᑎᒌᒃᖢᑎᒃ ᒥᕐᖑᐃᖅᓯᕐᕕᓕᕆᓂᕐᒧᑦ ᑲᑎᒪᔩᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ. ᓄᓇᕗᒻᒥ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ, ᐊᐅᓱᐃᑦᑐᕐᒥᐅᑦ ᖃᐅᓱᐃᑦᑐᕐᒥᐅᓪᓗ, ᐊᓯᖏᓪᓗ ᒐᕙᒪᒃᑯᑦ ᐱᓕᕆᕝᕕᖏᑦ, ᑲᑐᔾᔨᖃᑎᒌᑦ ᐃᓄᐃᓪᓗ. ᐊᒃᓱᕉᑎᖃᕐᓂᖏᓐᓂᒃ ᓴᖅᑭᔮᖅᑎᑦᑎᖕᒪᑕ, ᐃᑲᔪᖃᑎᒌᒃᑎᐊᕐᓂᕐᒥᒡᓗ ᑭᒡᒐᖅᑐᐃᔾᔪᑎᖃᑦᑎᐊᕋᓱᖕᓂᕐᒧᑦ.

ᑕᐃᒪᓐᓇᑦᑎᐊᖅᑕᐅᖅ ᐱᓕᕆᖃᑎᒌᑦᑎᐊᕋᓱᖕᓂᕐᒥᒃ ᑭᒡᒐᖅᑐᐃᔾᔪᑎᖃᖅᖢᑕ ᐱᔭᒃᓴᕆᔭᑦᑎᓐᓂ, ᐊᓕᐊᕆᐃᒍᓱᒃᑐᖓ ᐊᐅᔪᐃᑦᑐᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐊᖏᓕᖅᐸᑲ.

ᔨᒻ ᐳᓐᑎᔅ
ᒥᓂᔅᑕ ᐊᕙᑎᓕᕆᓂᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

ᒥᓂᔅᑖᖓᐃ

ᐊᕐᕌᒍᓂᑦ ᐊᒥᓲᙱᑦᑐᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᓚᐅᖃᑦᑕᕐᓯᒪᒻᒪᑕ ᑲᑐᔾᔨᖃᑎᒌᑦᑐᑎᒃ ᐱᕙᓪᓕᐊᑎᑦᑎᓂᕐᒥ ᓯᕗᓪᓕᖅᐹᒥ ᑲᓇᑕᒥ ᒥᕐᖑᐃᓯᕐᕕᓕᕆᓂᕐᒥ ᓄᓇᕗᒻᒥ - ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ.

1993ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᐃᓄᐃᑦ ᐊᑎᓕᐅᓚᐅᕐᓯᒪᒻᒪᑕ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᒻᒥ (NLCA) ᐱᔪᓐᓇᕐᓯᑎᑦᑎᓚᐅᕐᓯᒪᔪᖅ ᑕᒪᒃᑮᓐᓂᒃ ᑲᑐᔾᔨᖃᑎᒌᑦᑑᓐᓂᒃ ᐋᖅᑮᓂᕐᒧᑦ ᖁᑦᑎᓂᖅᐹᖅ ᒥᕐᖑᐃᓯᕐᕕᒻᒥᒃ ᒪᓕᑦᑐᒍ ᐋᔩᖃᑎᒌᒐᓱᐊᕈᑕᐅᓯᒪᔪᖅ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ (IIBA). ᐊᑎᓕᐅᖅᑕᐅᓂᖓ ᑕᒪᐃᓐᓄᑦ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᐊᐅᔪᐃᑦᑐᖅ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ ᐋᒡᒌᓯ 1999ᒥ ᐊᑐᕐᓯᒪᒻᒪᑦ ᑲᑐᔾᔨᓪᓗᑎᒃ ᐃᓱᒪᒋᓯᒪᔭᖓᓐᓄᑦ ᐃᓄᐃᑦ ᒥᕐᖑᐃᓯᕐᕕᓕᕆᔨᒃᑯᓪᓗ ᑲᓇᑕᒥ. ᑖᓐᓇ ᑲᑐᔾᔨᖃᑎᒌᓐᓂᖓᑦ ᐱᔪᓐᓇᕐᓯᕚᓪᓕᕈᑕᐅᓯᒪᒻᒪᑦ ᐃᓄᐃᑦ ᐱᖃᑕᐅᖃᑦᑕᕐᓂᖏᓐᓄᑦ ᐸᕐᓇᐃᓂᕐᒥ, ᐊᐅᓚᑦᑎᓂᕐᒥ ᐊᐅᓚᓂᖏᓐᓂᓪᓗ ᒥᕐᖑᐃᓯᕐᕖᑦ ᓄᓇᕗᒻᒥ.

ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᐊᖅᑯᑎᓪᓗᐊᑕᐅᒻᒪᑕ ᑲᑐᔾᔨᖃᑎᒌᑦᑐᑎᒃ ᐊᐅᓚᑦᑎᔨᐅᓂᕐᒧᑦ ᐊᖏᕐᓯᕙᑦᑐᑎᒃ ᑭᖑᓪᓕᖅᐹᕐᓯᐅᑎᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᒃ ᐊᒻᒪᓗ ᑲᑐᔾᔨᓪᓗᑎᒃ ᐊᑐᖁᔨᔾᔪᑎᖃᖅᐸᑦᑐᑎᒃ ᒥᓂᔅᑕᒧᑦ ᑲᒪᒋᔭᓕᒻᒧᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᐅᓯᔅᓴᖏᓐᓂᒃ ᑐᓂᓯᔪᔪᑦ ᐊᒻᒪᓗ ᐅᖃᐅᔾᔨᒋᐊᕈᑎᖏᓐᓂᒃ ᑭᓱᑐᐃᓐᓇᐃᑦ ᐱᔾᔪᑎᒋᓪᓗᒋᑦ ᒥᕐᖑᐃᓯᕐᕕᓕᕆᓂᕐᒧᑦ ᐱᔾᔪᑕᐅᔪᓂᒃ ᓇᓗᓇᐃᔭᕐᓯᒪᓪᓗᑎᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᐅᒻᒥ ᒥᕐᖑᐃᓯᕐᕕᓕᕆᓂᕐᒥ ᐸᕐᓇᐅᓯᐅᕈᑕᐅᔪᓕᒫᓂᒃ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᐱᒍᓱᒻᒪᑕ ᑲᑐᔾᔨᖃᑎᒌᑦᑐᑎᒃ ᐱᕙᓪᓕᐊᑎᑦᑎᓂᖓᓐᓂᒃ ᐊᐅᔪᐃᑦᑐᖅ 15ᓂᒃ-ᐊᕐᕌᒍᓂᒃ ᐃᓱᒪᒋᓯᒪᔭᖓᓐᓂᒃ ᐃᓕᓴᕐᓯᓯᒪᓪᓗᓂ ᐱᒻᒪᕆᐅᓂᖓᓂᒃ ᐃᓄᐃᑦ ᐃᓕᖅᑯᓯᖓᑦ ᐱᐅᓯᖓᓪᓗ ᓴᐳᔾᔨᓂᕐᒧᑦ ᐊᓯᐅᑎᑦᑎᑦᑕᐃᓕᓂᕐᒥᓪᓗ ᐱᖁᑎᖏᓐᓂᒃ. ᓂᕆᐅᑉᐳᒍᑦ ᐃᑲᔫᑎᖃᕐᓂᐊᕆᐊᔅᓴᖅ ᐱᔭᕇᖅᑕᐅᓛᕐᓂᖓᓄᑦ ᓯᕐᒥᓕᒻᒥ ᓯᕐᒥᓕᒃ ᐊᐅᓚᑦᑎᓂᕐᒧᑦ ᐸᕐᓇᐃᑏᑦ ᓯᕗᓂᑦᑎᓐᓂ.

ᐊᐃᖕᒐᐃ,

ᓯᕗᓪᓕᖅᐹᖅ ᐆᒪ ᐊᑎᓕᐅᖅᑕᖓ:

ᔪ. ᐅᑲᓕᖅ ᐃᔨᑦᓯᐊᖅ, ᐊᖏᔪᖅᑳᖑᑲᐃᓐᓇᖅᑐᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ


ᓄᓇᕗᒥ ᐆᒪᔪᓕᕆᔨᕐᔪᐊᒃ ᑲᑎᒪᔨᖏᑦ

ᔪᓚᐃ 13, 2010

ᒥᓂᔅᑖᖓᐃ:

ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᖁᕕᐊᑉᐳᑦ ᑐᓂᓯᒋᐊᒥᒡ ᐃᓕᓐᓄᑦ ᐊᖏᕈᑎᒥᓂᓐ ᐅᑯᓂᖓ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᐅᓚᑕᐅᓂᖓᓄᑦ ᐸᔅᓇᒍᒻᒥᒃ. ᐱᔭᕇᕐᑕᐅᒻᒪᑦ ᐅᕘᓇ ᓄᓇᕗᒥ ᓄᓇᑕᕈᑎᓄᑦ ᐊᖏᖃᑎᒌᒍᑎᐅᔪᑦ ᐃᓱᒪᓕᐅᔨᕈᒻᒥᔾ-ᐊᕿᑦᓱᕇᓂᕐᒧᑦ ᑲᒪᓂᖅ ᐊᒻᒪᓗ ᐊᖏᕐᓂᕆᓚᐅᕐᑕᐃᑦ ᐅᒪᔪᓕᕆᔨᔾᔪᐊᑦ ᐋᖏᕐᑐᑎᒃ ᐃᓱᒪᓕᐅᔨᑎᖓᓂᒃ ᐊᐅᓚᑕᐅᓂᖓᓄᑦ ᐸᕐᓚᒍᒻᒥᒃ ᒪᓕᑦᑐᒍ ᐃᓚᖓ 5.234 (c) ᐅᑯᐊ ᓄᓇᕐᑯᑎᑖᕈᑏᑦ.

ᐃᑲᔪᕋᑎᒌᖕᓂᖅ ᐊᒻᒪ ᐃᓗᐃᑦᑑᓈᕐᓯᒪᓗᒍ ᐱᓕᕆᐊᕆᔭᐅᓂᖓ ᐃᖅᑲᓇᐃᔭᖅᑎᖃᕐᖢᑎᒃ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐊᒻᒪ ᐃᓄᐃᑦ ᒥᐊᓂᕐᓯᔨᐅᓪᓗᑎᒃ ᒥᓐᖑᐃᕐᓯᕐᕕᖕᒥᒃ ᑕᐃᒪᓐᓇ ᓇᓗᓇᐃᖅᑕᐅᓯᒪᑦᑎᐊᖅᑐᑦ ᒥᐊᓂᕐᓯᔾᔪᑎᒃᓴᓄᑦ ᐸᕐᓇᐅᑎᖏᓐᓂ, ᐱᖃᓯᐅᑎᔭᐅᓪᓗᑎᒃ ᐅᐱᒍᓱᒋᐊᖃᕐᓂᖅ ᓂᕐᔪᑎᓂᒃ ᐊᒻᒪ ᓂᕐᔪᑎᑦ ᓇᔪᒐᖏᓐᓄᑦ ᐱᓪᓗᒋᑦ ᐋᖅᑭᒡᓯᒋᐊᕈᑎᒃᓴᐅᔪᑦ. ᑖᒃᑯᐊ ᐸᕐᓇᐅᑎᐅᔪᑦ ᐊᖏᕐᓯᒪᓂᖃᑦᑎᐊᖅᑐᑦ ᓴᐳᒻᒥᒃᖠᕐᓂᕐᒥᒃ ᐊᒻᒪ ᑲᔪᓯᑎᑦᑎᓂᕐᒥᒃ ᐊᕙᑎᖓ ᐃᓗᐃᑦᑑᑦᑎᐊᖁᓪᓗᒍ ᐊᐅᔪᐃᑦᑐᖅ ᒥᕐᖑᐃᕐᓯᕐᕕᐊ ᐊᖅᑯᑎᖃᕐᓗᑎᒃ ᐊᑐᕐᓗᑎᒡᓗ ᐃᓱᒪᒃᓴᑉᓯᐅᕈᑎᖃᖃᓯᐅᑎᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᖃᐅᔨᓴᖅᑎᒻᒪᕆᐅᔪᑦ ᖃᐅᔨᒪᓂᕆᔭᖏᓐᓂᒃ.

ᑲᑐᔾᔨᓗᑎᒃ, ᑖᒃᑯᐊ ᐃᑲᔪᖃᑎᒌᒃᑎᑕᐅᓗᑎᒃ ᖃᐅᔨᒪᓂᕆᔭᐅᔪᑦ ᑕᐃᒪᓐᓇ ᓴᓐᖏᔪᒥᒃ ᓴᓇᕐᕈᑎᖃᖅᑎᑦᓯᓂᐊᕐᒪᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᐊᒻᒪ ᐊᓯᖏᓐᓂᒃ ᑲᒪᔪᓂᒃ ᑎᒥᐅᔪᓂᒃ ᑐᒃᓯᕚᓪᓕᖅᑎᑦᓯᖁᓪᓗᒋᑦ ᐊᕙᑎᐅᑉ ᐋᖅᑭᒡᓯᒪᓂᖓᓂᒃ ᐊᒻᒪ ᐃᖏᕐᕋᓂᖓᓂᒃ, ᑲᒪᒋᔭᐅᑦᑎᐊᖁᓪᓗᒋᑦ ᒥᓐᖑᐃᕐᓯᕐᕕᐅᑉ ᐊᕙᑎᖓᑕ ᐃᓗᐊ, ᐊᒻᒪ ᓴᓇᓗᑎᒃ ᖃᐅᔨᓴᕈᑎᒃᓴᐅᓂᐊᖅᑐᓂᒃ, ᓴᐳᒻᒥᒡᖠᕈᑕᐅᓂᐊᖅᑐᓂᒃ ᐊᒻᒪ ᓂᕐᔪᑎᑦ ᐅᓄᕐᓯᕚᓪᓕᖅᑎᑕᐅᔭᕆᐊᖃᖅᐸᑕ ᐅᓄᕐᓯᕚᓪᓕᖅᑎᑕᐅᓂᖏᓐᓄᑦ ᐱᓕᕆᔾᔪᑎᒃᓴᐅᔪᑦ ᐊᒻᒪ ᓇᔪᒐᖏᓐᓄᑦ ᐱᒻᒪᕆᐅᓕᖅᑐᓄᑦ ᐱᓕᕆᔾᔪᑎᒃᓴᐅᒐᔭᖅᑐᓂᒃ. ᐃᑲᔪᕈᒪᖕᒥᔪᑦ ᖃᐅᔨᒐᓱᐊᖅᑎᓪᓗᒋᑦ ᑭᒡᒍᓯᒃᓴᐅᓂᐊᖅᑐᓂᒃ ᐊᒡᓱᕈᕈᑕᐅᓕᖅᑐᓂᒃ ᐊᕙᑎᒧᑦ ᓇᓗᓇᐃᒃᑲᑕᐅᓪᓗᑎᒃ ᒥᕐᖑᐃᕐᓯᕐᕕᐅᑉ ᐃᓗᐊᓂ, ᓲᕐᓗ ᓯᓚᐅᑉ ᐊᓯᕈᖅᐸᓪᓕᐊᓂᖓᑦ ᐊᒻᒪ ᐊᒃᑐᐃᓂᕆᔭᖓ ᓂᕐᔪᑎᓂᒃ ᐊᒻᒪ ᓇᔪᒐᖏᓐᓂᒃ ᑖᒃᑯᐊ ᐃᑲᔪᕈᑕᐅᓂᐊᖅᑐᑦ ᒥᓐᖑᐃᕐᓯᕐᕕᖕᒧᑦ ᐊᑐᖅᑎᐅᔪᓄᑦ ᐊᒻᒪ ᐳᓚᕆᐊᖅᑎᐅᔪᓄᑦ.

ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᓂᕆᐅᑦᑎᐊᖅᐳᑦ ᐃᖅᑲᓇᐃᔭᖃᑎᖃᕐᓂᐊᕐᓂᕐᒥᖕᓂᒃ ᐃᑲᔪᖃᑎᒋᓗᒋᑦ ᒥᓐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᑲᑐᔾᔨᓪᓗᑎᒃ ᑲᒪᔨᐅᔪᑦ ᒥᓐᖑᐃᕐᓯᕐᕕᖕᒥ ᑲᑎᒪᔨᕋᓛᑦ ᑖᒃᑯᐊ ᑲᑐᔾᔭᐅᓪᓗᑎᒃ ᓂᕐᔪᑎᒋᔭᐅᔪᑦ ᐊᒻᒪ ᓇᔪᒐᖏᓐᓄᑦ ᑐᕌᒐᒃᓴᐅᔪᑦ ᒥᐊᓂᕐᓯᔾᔪᑎᒃᓴᐅᔪᑦ ᑎᑭᑕᐅᑦᑎᐊᕈᓐᓇᖁᓪᓗᖏᑦ ᖁᑦᑎᖕᓂᖅᐹᑉ ᒥᓐᖑᐃᕐᓯᕐᕕᐊᓂ. ᑕᐃᒪᓐᓇ ᑲᑐᔾᔨᓂᖃᖅᑎᓪᓗᒋᑦ ᐃᓄᖕᓂᒃ ᐱᖃᑎᖃᕐᓗᑎᒃ ᑲᔪᓯᓂᖃᑦᑎᐊᕐᓂᐊᖅᑐᖅ ᐃᓚᒋᔭᐅᑦᑎᐊᕐᓗᑎᒃ ᐊᐅᔪᐃᑦᑐᖅ ᐊᔾᔨᐅᖏᑦᑑᓂᖓᓄᑦ, ᖃᓄᐃᖏᑦᑎᐊᖁᓪᓗᒍ ᐊᒻᒪ ᐊᓐᓂᕐᓇᖅᑑᖕᒪᑕ ᖁᑦᑎᒃᑐᕐᒥᐅᑦ ᐊᕙᑎᖓᑕ ᐃᓗᓕᖏᓪᓗ.

ᓯᕗᓪᓕᖅᐹᖅ ᐆᒪ ᐊᑎᓕᐅᖅᑕᖓ:

ᕗᐃᓕ ᓋᑯᓛᖅ, ᐃᒃᓯᕙᐅᑕᖅ, ᓄᓇᕗᒥ ᐆᒪᔪᓕᕆᔨᕐᔪᐊᒃ ᑲᑎᒪᔨᖏᑦ


ᐊᑐᖅᑕᐅᖁᔨᔾᔪᑕᐅᔪᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑎᓂᕐᒧᑦ ᐸᕐᓇᐅᑎᑦ ᐊᑐᓕᖁᔭᐅᔾᔪᑏᑦ ᐊᖏᖅᑕᐅᔪᑦ:

ᐋᓚᓐ ᓚᑐᕆᐅᓪ
ᐊᖏᔪᖃᕐᒪᕆᒃ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᓈᓐᓯ ᐊᓂᕐᓂᓕᐊᖅ
ᓄᓇᕘᑉ ᒥᕐᖑᐃᖅᓯᕐᕕᖏᓐᓄᑦ ᐃᓱᒪᑕᖅ, ᓄᓇᕗᑦ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᒫᓇᓴ ᐃᕕᒃ
ᐃᒃᓯᕙᐅᑕᖅ
ᐊᐅᔪᐃᑦᑐᖅ ᑲᑎᙵᔪᖅ ᐃᓄᐃᑦ / ᒐᕙᒪᒃᑯᓪᓗ ᒥᕐᖑᐃᓯᕐᕕᖕᓄᑦ ᐊᐅᓚᑦᑎᔨ ᑲᑎᒪᔨᑦ

ᖁᔭᒋᔭᐅᓂᖏᑕ ᐃᓕᓴᕆᔭᐅᓂᖏᑦ

ᐅᐸᓗᖓᐃᔭᖅᑕᐅᓪᓗᓂ ᑖᓐᓇ ᐊᑐᖅᑕᐅᔪᒃᓴᖅ ᐸᕐᓇᒍᑎ ᐊᒥᓱᒻᒪᕆᐊᓗᓐᓄᑦ ᐃᓄᓐᓄᑦ ᐱᓕᕆᐊᕆᔭᐅᓯᒪᒻᒪᑦ. ᐅᖃᐅᓯᕆᖃᑦᑕᕐᓂᑯᖏᑦ ᑖᒃᑯᐊ ᐊᔾᔨᒌᙱᑦᑐᐃᑦ ᐃᓄᐃᑦ ᐸᕐᓇᐅᑎᓕᐊᕆᔭᐅᓯᒪᕗᑦ ᐊᑐᖅᑕᐅᔪᔅᓴᐅᓪᓗᑎᒃ ᐊᐅᓚᑕᐅᓂᖓᓂ ᒥᕐᖑᐃᓯᕐᕕᐅᑉ ᐊᒥᓱᓄᑦ ᐊᕐᕌᒍᓄᑦ. ᐅᑯᐊ ᐃᓄᐃᑦ ᐃᑲᔪᕐᓂᖃᖅᓯᒪᔪᑦ ᐸᕐᓇᐅᒻᒧᑦ ᐊᒻᒪᓗ ᐃᓕᓴᕆᔭᐅᔪᒃᓴᐅᓪᓗᑎᒃ:

ᐊᐅᔪᐃᑦᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒥᕐᖑᐃᓯᕐᕕᒻᒥ ᐸᕐᓇᐃᔩᑦ ᑲᑎᒪᔨᖏᑦ

ᓘᓯᐅᓯ ᐊᐃᐱᓕ, ᑲᖏᖅᑐᒑᐱᒃ
ᕼᐃᐅᕆ ᐊᓗᑭ, ᕿᑭᖅᑕᕐᔪᐊᖅ
ᓈᓐᓯ ᐊᓂᕐᓂᓕᐊᖅ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᑕᐃᕕᑦ ᐋᒍᒪᓐᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᑏᓕᐊ ᕗᕋᐅᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᕗᕌᓐᓯᔅ ᒎᕐᑦᔅ, ᐸᕐᓇᐃᔨ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᐃᐅᕆᒃ ᔫᒥ, ᐸᓐᓂᖅᑑᖅ
ᐃᓚᐃᔭ ᖃᖁᓪᓗᒃ, ᕿᑭᖅᑕᕐᔪᐊᖅ
ᓴᐃᓚ ᑭᓴ, ᐸᓐᓂᖅᑑᖅ
ᑭᐅᕋᓐ ᓛᓴᓐ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᔭᐃᐱᑎ ᖄᐱᒃ, ᐸᓐᓂᖅᑑᖅ
ᐲᑦ ᓯᒥᓕ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᐊᐅᔪᐃᑦᑐᕐᒥ ᑲᑐᔾᔨᓪᓗᑎᒃ ᐃᓄᐃᑦ/ᒐᕙᒪᒃᑯᑦ ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᐊᐅᓚᑦᑎᔩᓪᓗ ᑲᑎᒪᔨᖏᑦ

ᐅᓘᓯ ᒪ ᐊᐅᓚᕿᐊᖅ
ᒫᓇᓴ ᐃᕕᒃ, ᐃᒃᓯᕙᐅᑕᖅ
ᑖᒥ ᐃᑦᑐᐊᖓᑦ
ᐊᐃᕝᕙᓚᕼᐊ ᑮᓇᐃᓐᓇᖅ
ᓴᐃᓚ ᑭᓴᖅ
ᑕᐃᕕᑎ ᑰᓂᓘᓯ
ᓲᓗᒨᓂ ᓄᑭᕈᐊᖅ
ᐄᓯᒃᑲᐃᔭ ᐅᓲᑖᐱᒃ
ᑖᓐ ᐱᑯᓪ
ᔭᐃᑯ ᖃᖅᑲᓯᖅ
ᑑᓂ ᕘᑦ ᕉᔅ
ᓴᑭᐊᓯ ᓴᐅᓪᓗᐊᐱᒃ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ

ᒋᐅᕆ ᐋᑕᒻᔅ
ᓈᓐᓯ ᐊᓂᕐᓂᓕᐊᖅ
ᐹᓪ ᐋᔅᓕ
ᒫᒡᒍᓚ ᕗᑦᑐᓕ
ᔭᐃᓐ ᑦᓯᔅᓚᒻ
ᔭᐃᓐ ᑎᓴᒻ
ᓕᓐ ᑲᓴᓐᔅ
ᓚᐃᔪᑉ ᑎᒃ
ᒍᕋᕼᐊᒻ ᑕᑦᔅ
ᓗᐊᕆ ᑐᐃᐊᒃ
ᑲᑎᕆᓐ ᑐᒧᓯᓪ
ᒫᑯ ᑐᓴᓪᑦ
ᑲᑎᕆᓐ ᐃᒻᒥᑦᕕᓕ ᐃᑦᑐᐊᖓᑦ
ᑯᕆᔅᑎ ᕗᕋᒻᑕᓐ
ᕼᐃᐊᑐᕐ ᒑᔅᓕᓐ, ᐸᕐᓇᐃᔨ
ᑳᑎ ᕼᐊᓐᓴᓐ
ᐹᓚ ᕼᐃᐅᓴᓐ
ᑖᒻ ᓇᐃᑦ
ᑕᐃᕕᑎ ᑰᓂᓘᓯ
ᒪᕆᔅ ᒪᐃᕼᐃ, ᐸᕐᓇᐃᔨ
ᑖᓂᐅᓪ ᑯᓪᓗᕈᖅᑐᖅ
ᒋᐅᕆ ᒧᓚᓐ
ᐅᓖᐱᑲ ᓄᑭᕈᐊᖅ
ᒫᒡᒍᓚ ᓇᐅᓪᓚᖅ
ᑕᕆᓕᓐ ᐲᕐᓴᓐ
ᓲᓐᔭ ᑯᐊᓐ
ᕕᑭ ᓴᕼᐊᓇᑎᐊᓐ
ᐹᓖᓐ ᔅᑳᑦ
ᐃᓕᓴᐱ ᓰᔪᓪ
ᒫᓂᑲ ᑎᐊᒻᐱᓕᓐ
ᓱᔮᓐ ᑎᐅᕆᐊ-ᕆᑦᓱᑦᔅ
ᔮᓐ ᕕᐊᑉᔅᑐᕐ
ᒫᓐᑎ ᔮᓐᒃ

ᐃᓄᒃᑎᑑᓕᖅᓱᖅᑕᐅᓯᒪᓂᖏᑦ ᐊᒻᒪᓗ ᑐᓵᔨᐅᕙᑦᑐᐃᑦ ᐸᕐᓇᒍᑎ ᑲᑎᖅᓱᖅᑕᐅᕙᓪᓕᐊᑎᓪᓗᒍ ᑲᒪᒋᔭᐅᕙᓚᐅᖅᑐᑦ ᐊᒥᓱᓄᑦ ᐃᓄᓐᓄᑦ, ᐱᖃᓯᐅᑎᓪᓗᒋᑦ ᕼᐃᐅᕆ ᐊᓗᑭ, ᑳᓂ ᐊᓕᕙᖅᑕᖅ, ᔫᓯ ᐋᕆᐊᖅ, ᓚᕕᓂᐊ ᑰᓕ, ᔫᓕᐊ ᑎᒻᓯᓴᓐ, ᐋᓐᓄᓗ ᑎᐊᓚ, ᐃᐊᒪᓕ ᐃᓪᓂᖅ, ᐃᓐᓂᕐᕕᒃ, ᓖᑎᐊ ᔭᐃᓐᔅ, ᔫᓇ ᕿᓚᕝᕙᖅ, ᕇᐱᑲ ᒪᐃᒃ. ᐅᐃᕖᑎᑐᑦ ᐅᖃᐅᓯᕐᓂᒃ ᑐᑭᑖᖅᖅᑎᑦᑎᔩᒃ ᑖᒃᑯᐊᓗᐊᑕᐅᓚᐅᖅᑑᒃ ᐳᓛᓐᔅ ᐸᓕᐊᑦᑎᔭᐃ ᐊᒻᒪᓗ ᔮᓐ-ᐹᓪ ᒑᖕᔭᐃ. ᔭᓐᓇᒦᒃ!

ᐃᖅᖃᐅᒪᓗᒋᑦ

ᐃᓚᐃᔭ ᖃᖁᓪᓗᒃ

ᐃᓚᐃᔭ ᖃᖁᓪᓗᒃ ᐃᓚᒋᔭᐅᓚᐅᖅᑐᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᐸᕐᓇᐃᔨᖏᓐᓄᑦ ᑲᑎᒪᔨᕋᓛᓄᑦ 2006ᒥ ᐊᒻᒪᓗ 2007ᒥ. ᐃᓐᓇᒻᒪᕆᐅᓚᐅᖅᑐᖅ ᖃᐅᔨᒪᔪᒻᒪᕆᐅᓪᓗᓂ ᕿᑭᖅᑕᔪᐊᕐᒥᐅᑕᐅᓪᓗᓂ ᓯᕗᓪᓕᖅᐹᖑᖃᑕᐅᓯᒪᔪᖅ ᕿᑭᖅᑕᖅᔪᐊᕐᒥᐅᓂᑦ ᒥᕐᖑᐃᓯᕐᕕᐅᑉ ᐃᓚᖓᒎᖅᑐᓂ ᕿᒧᔅᓯᒃᑯᑦ. ᑐᓂᕐᕈᑎᖃᖅᐸᔪᔪᖅ ᖃᐅᔨᒪᓂᕐᒥᓂᒃ ᖃᐅᔨᓯᒪᔭᒥᓂᓪᓗ ᒥᕐᖑᐃᓯᕐᕕᐅᑉ ᓂᕐᔪᑎᖏᓐᓂᒃ ᒥᕐᖑᐃᓯᕐᕕᐅᑉ ᐸᕐᓇᐃᔨᖏᓐᓄᑦ ᑲᑎᒪᔨᕋᓛᓄᑦ. ᐃᓚᐃᔭ ᐃᓅᒍᓃᓚᐅᖅᓯᒪᔪᖅ 2007ᒥ. ᖃᐅᔨᒪᓂᖓ, ᓯᓚᑐᓂᖓ ᐊᒻᒪᓗ ᑐᓂᕐᕈᑎᒋᓯᒪᔭᖏᑦ ᐳᐃᒍᖅᑕᐅᔮᙱᑦᑐᑦ.

ᔭᐃᑯᐱ ᑰᔅᓯᐊᖅ

ᔭᐃᑯᐱ ᑰᔅᓯᐊᖅ ᐃᓐᓇᒻᒪᕆᐅᓚᐅᖅᑐᖅ ᕿᑭᖅᑕᖅᔪᐊᒥ. ᑐᓂᕐᕈᑎᖃᖅᐸᓚᐅᖅᑐᖅ ᒥᕐᖑᐃᓯᕐᕕᐅᑉ ᐱᖅᑯᓯᑐᖃᕐᒧᓐ ᑐᕌᖓᔪᓂᒃ ᐃᓗᓕᖏᓐᓂᑦ ᐊᑐᖅᑕᐅᖃᑦᑕᕐᓂᒥᓂᖏᓐᓂᓪᓗ ᖃᐅᔨᒪᓂᕐᒥᓂᒃ, ᐱᓗᐊᖅᑐᒥ ᒪᑦᓵᑐᔾᔭᓇᒥᑦ. ᐊᑐᖅᑕᐅᖁᔭᒥᓂᒃ ᐅᖃᐅᔾᔨᕙᓚᐅᖅᑐᖅ ᖃᓄᖅ ᐸᐸᑕᐅᑦᑎᐊᕈᓐᓇᕐᒪᖔᑕ ᐱᖅᑯᓯᑐᖃᕐᓄ ᑐᕌᖓᔪᑦ ᓄᓇᐃᑦ ᓯᕗᓂᑐᖃᑦᑎᓐᓄᑦ.

ᑕᒧᓯ ᐊᓕᖅᑲᑐᖅᑐᖅ

ᑖᒧᓯ ᐊᓕᖅᑲᑐᖅᑐᖅ ᓂᕈᐊᖅᑕᐅᓯᒪᓚᐅᖅᓯᒪᔪᖅ ᐊᖏᔪᖅᑳᕆᔭᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ 2002ᒥᑦ 2009ᒧᓐ, ᑕᐃᔅᓱᒪᓂ ᓄᖅᑲᓚᐅᖅᓯᒪᔪᖅ ᐋᓐᓂᐊᖃᕐᓂᕐᒥᓂᒃ ᐱᔾᔪᑎᖃᖅᑐᓂ. ᐊᑯᓂᐅᙱᑐᕐᓂ ᑭᖑᓂᐊᒍᑦ ᐃᓅᒍᓐᓃᓚᐅᖅᓯᒪᔪᖅ. ᑖᒧᓯ ᐃᓅᓚᐅᖅᓯᓚᒧᖅ 1953ᒥ ᐸᓐᓂᖅᑑᑉ ᓚᑖᓂ ᓄᓇᓕᕋᓛᒥ ᐊᑎᓕᒻᒥ “ᑐᐊᐸᐃᑦ”. ᐱᖃᑕᐅᕙᓚᐅᖅᑐᖅ ᐊᒥᓱᓄ ᑲᑐᔾᔨᖃᑎᒌᓄ ᕿᑭᖅᑖᓗᒻᒥ. ᐱᖃᑕᐅᒻᒪᕆᓚᐅᖅᑐᖅ ᐸᓐᓂᖅᑑᒥ ᐃᖃᓗᓕᕆᕕᒃ ᐱᒋᐊᖅᐸᓪᓕᐊᓕᖅᑎᓪᓗᒍ ᐊᒻᒪᓗ ᖃᐅᔨᒪᔭᐅᒪᕆᓚᐅᒥᔪᖅ ᑎᑦᑎᑐᒐᑎᐅᓂᖓᓄᑦ. ᐃᓱᒪᒋᔭᐅᑦᑎᐊᖅᐸᓚᐅᖅᑐᖅ ᓯᕗᓕᖅᑎᐅᓂᖓᓄᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ. ᑕᕝᕙᐅᒍᓐᓃᕋᓗᐊᖅᑎᓪᓗᒍ ᓱᓂᕆᕙᓚᐅᖅᑕᖏᑦ ᓄᓇᕗᒻᒥᐅᓄᑦ ᐃᖅᑲᐅᒪᔭᐅᓂᐊᖅᐳᑦ.

ᐊᓯᖏᑦᑕᐅᖅ ᐃᓐᓇᒻᒪᕇᑦ ᐱᒻᒪᕆᐊᓗᒻᒥᒃ ᐱᖃᑕᐅᓂᖃᖅᓯᒪᒻᒥᔪᑦ ᒥᕐᖑᐃᓯᕐᕕᒥ ᐊᑐᖅᓯᒪᔭᖏᓐᓂ ᐊᒻᒪᓗ ᓴᓂᐊᓃᑦᑑᒃ ᓄᓇᓖᒃ, ᐱᖃᓯᐅᑎᓪᓗᒋᑦ ᐋᑕᒥ ᓄᑭᕈᐊᖑᓚᐅᖅᑐᖅ ᓄᓇᓕᕋᓛᖃᓚᐅᖅᑐᖅ ᐸᓐᓂᖅᑑᕈᓗᒻᒥ, ᐊᒻᒪᓗ ᐊᒻᒫᓕᐅᓚᐅᖅᑐᖅ ᓄᓇᓕᕋᓛᖃᖅᐸᓚᐅᕐᒥᔪᖅ ᒥᒃᑲᑦᑕᓕᒻᒥ, ᐊᒻᒪᓗᑦᑕᐅᖅ ᑖᒃᑯᐊ ᐊᒃᓵᔪ ᐃᑦᑐᐊᖓᐅᓚᐅᖅᑐᖅ, ᐊᓂᕐᓂ ᐸᓂᓘᓚᐅᖅᑐᖅ, ᐊᒻᒪᓗ ᐸᐅᓗᓯ ᑰᓂᓘᓯᐅᓚᐅᖅᑐᖅ.


ᐅᓂᒃᑳᑉ ᓇᐃᓈᖅᓯᒪᓂᖓᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᖓ ᑲᓇᑕᒥᑦ ᐃᓂᓪᓚᖓᕗᖅ ᕿᑭᖅᑖᓘᑉ ᓂᒋᖅᐸᓯᐊᓂᑦ ᐸᖕᓂᖅᑑᑉ ᓄᓇᖏᑕ ᐃᓚᖏᓐᓂᒃ, ᐃᓗᐊᓃᑐᓂ ᐅᑭᐅᖅᑕᖅᑑᑉ ᓇᓗᓇᐃᑯᑖᖓᑕ ᑭᒡᓕᒋᔭᖓᓐᓂᒃ ᑲᓇᑕᐅᑉ ᑲᓇᓐᓇᖓᓂᑦ ᐅᑭᐅᖅᑕᖅᑐᕆᔭᖓᓐᓂᒃ. ᐊᖏᓂᖓ 19,089 ᑭᑉᐸᕆᑦᑐᑦ ᑭᓛᒥᑕᑦ, ᐊᖏᓂᖅᐹᖑᖃᑕᐅᔪᖅ ᒥᕐᖑᐃᓯᕐᕕᓂᑦ ᑲᓇᑕᒥᑦ. ᐊᐃᔪᐃᑦᑐᖅ ᒥᕐᖑᐃᓯᕐᕕᖓ ᑲᓇᑕᒥᑦ ᖃᓂᔅᓴᖅᑐᖅ ᓄᓇᓕᓄᑦ ᐸᖕᓂᖅᑑᑉ ᐊᒻᒪᓗ ᕿᑭᖅᑕᕐᔪᐊᑉ ᐃᓗᐊᓂᑦ ᓄᓇᕘᑉ.

ᑖᓐᓇ ᒥᕐᖑᐃᓯᕐᕕᒃ ᑲᑐᔾᔭᐅᓪᓗᓂ ᐊᐅᓚᑕᐅᕗᖅ ᐃᓄᓐᓄᑦ ᐊᒻᒪᓗ ᑲᓇᑕᒥᑦ ᒥᕐᖑᐃᓯᕐᕕᓕᕆᔨᒃᑯᖏᓐᓄᑦ ᒪᓕᒃᑕᐅᓪᓗᑎᒃ ᑎᑎᕋᖅᓯᒪᓂᖏᑦ ᓄᓇᕘᒥᑦ ᓄᓇᑖᕈᑎᒧᑦ ᐊᖏᕈᑎᒻᒪᕆᒃ ᐊᒻᒪᓗ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑕᐅᔪᓐᓇᖅᑐᓄᓪᓗ ᐊᖏᕈᑎ ᕿᑭᖅᑖᓗᖕᒥᑦ ᐊᐅᔪᐃᑦᑐᒧᑦ, ᖁᑦᑎᖕᓂᕐᐹᕐᒧᑦ ᐊᒻᒪᓗ ᓯᕐᒥᓕᖕᒧᑦ ᒥᕐᖑᐃᓯᕐᕕᓐᓄᑦ.

ᒪᕐᕈᓪᓗᐊᑖᒃ ᐊᑐᓗᐊᖅᑕᐅᔪᒪᔪᑦ ᐃᓱᒪᓴᓯᐅᕈᑎᓴᐅᓗᑎᑦ ᓯᕗᓕᐅᕆᔾᔪᑎᔅᓴᐃᑦ ᑐᑭᒧᐊᕆᓂᕐᒧᑦ ᐱᓕᕆᐊᖑᔪᓄᑦ ᓯᕗᓂᔅᓴᐅᔪᒥᑦ ᒥᕐᖑᐃᓯᕐᕕᖓ ᐸᕐᓇᒍᑎᓕᐊᓄᑦ. ᐱᓕᕆᖃᑎᖃᖅᓗᑎᒃ ᐃᓄᓐᓂᒃ ᓄᓇᖃᑐᓂ ᑐᓐᖓᕕᖃᕐᓚᕆᒻᒪᑎᒃ ᓯᕗᓕᐅᕆᓇᓱᐊᖅᑑᒃ ᓄᓇᓕᐅᔪᓂᒃ ᐃᓄᖏᓐᓂᓪᓗ. ᐊᑐᓂᑦ ᓯᕗᓕᐅᕆᔾᔪᑎᐅᒍᒪᔪᑦ ᐊᑐᓕᖁᔭᐅᓯᒪᔪᓂᒃ ᐱᓕᕆᖃᑎᒌᓐᓂᕐᒧᑦ ᓴᕿᑲᓂᓂᐊᖁᑦ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᔪᓐᓇᖁᓪᓗᒋᑦ ᐱᓕᕆᐊᔅᓴᓂᒃ ᐊᒻᒪᓗ ᓄᓇᓕᐅᔪᑦ ᑕᑯᓇᒐᕆᔭᖏᓂᒃ ᑎᑭᓐᓇᓱᐊᖃᑎᒋᓗᒋᑦ ᐱᓇᓱᐊᕈᒪᔭᖏᓐᓂᒃ ᐃᓄᖏᑕ.

ᐊᑐᖅᑕᐅᔪᒪᔪᖅ ᑐᑭᒧᐊᒍᑎᔅᓴᖅ 1:

ᐱᖃᑕᐅᑎᑦᑎᓂᖅ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᖃᐅᔨᑎᑦᑎᖃᑦᑕᓂᕐᒥᒃ ᐳᓛᕆᐊᕐᓯᒪᔪᓂᒃ ᓄᓇᒥᒃ, ᑕᕆᐅᒥᓗ ᐆᒪᔪᓂᒃ ᓇᔪᒐᖏᑕᓗ ᐊᕙᑎᖏᓐᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂᒃ.

ᐅᓇ ᓯᕗᓕᐅᕆᔪᑦ ᓵᕿᔭᑎᑦᑎᓇᓱᑐᖅ ᐱᓕᕆᖃᑎᖃᕐᓂᕐᒥᑦ ᓄᓇᓕᑦ ᖃᓂᒋᔭᖏᓂᒃ ᐸᖕᓂᖅᑑᑉ ᐊᒻᒪᓗ ᕿᑭᖅᑕᕐᔪᐊᑉ ᓄᓇᓕᖏᓐᓄᑦ ᐳᓚᕋᑎᑦ ᖃᐅᔨᕙᓕᕈᑎᓴᖏᓂᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᑕ ᐃᓗᐊᓂᑦ ᐊᒻᒪ ᐅᓄᖅᓯᒋᐊᕋᓱᓪᓗᒋᑦ ᐊᑐᐃᓐᓇᐅᔪᑦ ᐳᓚᕋᑎᓄᑦ ᐊᑐᖅᑕᐅᔪᓐᓇᖅᑐᑦ. ᓴᖅᑭᑎᑕᐅᕙᓪᓕᐊᔪᑦ ᒪᓕᓐᓂᐊᖅᑐᑦ ᐊᒡᒍᖅᓯᒪᔪᒥᒃ ᐊᑐᖅᑕᐅᓇᓱᐊᖅᑐᓄᑦ ᐳᓚᕋᑎᓄᑦ ᐊᒻᒪᓗ ᓄᓇᓕᓐᓂᑦ ᑕᑯᓇᒍᐊᐸᑕᖏᓂᒃ.

ᖃᐅᔨᓴᓂᑯᑦ ᓴᖅᑭᑦᑎᑎᖃᑦᑕᖅᓯᒪᒻᒪᑦ ᑕᒪᒃᑯᐊ ᐳᓚᕋᑎᐅᔪᑦ ᒥᕐᖑᐃᓯᕐᕕᓄᑦ ᐳᓚᕋᑉᐸᑦᑐᑦ ᖃᐅᔨᔪᒪᕙᒻᒪᑕ ᐅᐸᑦᑕᐅᒐᔪᓐᖏᑦᑐᒥᒃ, ᐱᑐᐃᓐᓇᐅᖏᑦᑐᒥᒃ ᐊᒻᒪᓗ ᑕᑯᒥᓇᖅᑐᒥᒃ ᓄᓇᒥᒃ. ᓂᕆᐅᑉᐸᒻᒥᔪᑦ ᓄᓇᒥᒃ ᐅᐸᑕᒥᒃ ᐃᓚᓕᐅᑎᕕᒋᔪᒪᓗᓂᐅᑦ ᖃᐅᔨᕙᓪᓕᕐᓗᑎᓪᓗ ᐃᓄᐃᑦ ᐃᓕᖅᑯᓯᖏᓐᓂᒃ. ᐊᒻᒪᓗ, ᓴᖅᑭᑉᐸᓪᓕᐊᔪᑦ ᓄᑖᑦ ᐳᓚᕋᑎᓄᑦ ᑕᑯᔭᖅᑐᕈᒪᔪᓂᒃ ᓇᓗᓇᐃᖅᓯᕕᐅᓯᒪᓕᕋᑦᑕ, ᐃᓚᖃᖅᑐᑎᒃ ᐅᒥᐊᕐᔪᐊᒃᑯᑦ ᐳᓚᕋᑎᑦ ᐊᒻᒪᓗ ᓇᒥᓂᖁᑎᓕ ᐃᖃᓇᐃᔭᒋᓗᓂ ᓄᓇᕘᒥᑦ ᐊᑯᓂᐅᒃᑲᓐᓂᐊᕐᔪᒍᒪᔪᑦ ᓄᓇᓕᐅᑉ ᓯᓚᑕᓂᒃ ᑕᑯᔭᖅᑐᑲᐃᓐᓇᕈᒪᓪᓗᑎᒃ ᐊᓯᖏᓐᓂᓪᓗ ᓄᓇᓕᐅᔪᓂᒃ ᐅᐸᒍᒪᔭᒥᓐᓂᒃ.

ᐳᓚᕋᑦᑏᑦ ᐊᑐᖅᐸᓪᓕᐊᔭᖏᑦ ᖃᐅᔨᕙᓪᐊᔭᖏᑦ ᐱᒋᐊᖅᐸᑦᑐᑦ ᓄᓇᓕᓐᓂ ᒥᕐᖑᐃᓯᕐᕕᐅᑉ ᓴᓂᐊᓃᑦᑐᓂ ᐸᓐᓂᖅᑑᒥ ᕿᑭᖅᑕᖅᔪᐊᒥᓗ, ᑕᒫᓂ ᐳᓛᕆᐊᖅᑐᑦ ᐱᑎᑕᐅᓲᖑᒻᒪᑕ ᒥᕐᖑᐃᓯᕐᕕᒻᒥᑦ ᑐᑭᓯᕚᓪᓕᖅᑎᑕᐅᓂᕐᒥᒃ ᐊᒻᒪᓗ ᑕᒪᓐᓇ ᐃᑲᔪᕐᓂᖃᓲᖅ ᓄᓇᓖᓐᓂᒃ. ᐊᑐᐃᓇᐅᑎᑦᑎᓂᖅ ᐱᕙᓕᕈᑎᓴᓂᒃ, ᐳᓚᕋᑎᑦ ᐊᑐᕈᓐᓇᖅᑕᖏᓐᓄᒃ ᐃᑲᔪᕈᓇᖁᑦ ᓄᓇᓕᓄᑦ ᐸᖕᓂᖅᑑᒧ ᕿᑭᖅᑕᕐᔪᐊᒧᓗ, ᖃᐅᔨᕙᓕᑎᑦᑎᒍᓇᑐᑦ ᐃᑉᐱᒍᓱᓐᓂᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓄᑦ ᐊᒻᒪᓗ ᐊᑐᖅᓯᒪᔭᖏᓐᓄᑦ, ᐊᒻᒪᓗᑦᑕᐅᖅ ᓴᕿᑎᑦᑎᑲᓂᕈᓇᑐᖅ ᖃᐅᔨᕙᓕᑎᑦᑎᓂᕐᒥᒃ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᖃᓂᖓᓂᒃ ᑐᕋᖓᒍᓇᒪᑦ ᐊᒻᒪᓗ ᑲᖏᖅᑐᖏᓐᓂᒃ.

ᑕᒪᓐᓇ ᓯᕗᓕᐅᕆᔪᑦ ᑕᒪᐃᓐᓄᑦ ᐱᓕᕆᓂᐅᓪᓗᓂ, ᐱᓕᕆᖃᑎᒋᔭᐅᓪᓗᑎᒃ ᑖᒃᑯᐊᒃ ᓄᓇᓕᑦ ᐸᖕᓂᖅᑑᑉ ᐊᒻᒪᓗ ᕿᑭᖅᑕᕐᔪᐊᑉ ᐱᕙᓕᕈᑎᓴᓂᒃ ᐊᑐᐃᓐᓇᕈᖅᐸᓪᓕᓗᑎᒃ ᐳᓚᕋᑎᓄᑦ ᐊᑐᖅᑕᐅᔪᓐᓇᖅᑐᑦ ᐊᒻᒪᓗ ᑕᒪᒃᑯᐊ ᐱᓕᕆᔭᐅᑎᓪᓗᒋᑦ ᓄᓇᓕᓐᓂᒃ ᐃᑲᔪᐃᕙᓪᓕᐊᓪᓗᑎᒃ ᐳᓚᕋᑦᑐᓕᕆᓂᕐᒧᑦ ᓴᖅᑭᑕᐅᕙᓪᓕᐊᔪᑦ ᐱᑕᖃᓕᖅᑎᑦᑎᓇᓱᐊᖅᓗᑎᒃ.

ᑐᑭᒧᐊᒍᑎᔅᓴᓪᓗᐊᑕᖅ 2:

ᖃᑎᖃᑎᒋᖃᑕᓗᑎᒃ ᖃᐅᔨᒪᔭᖏᓐᓂᒃ ᐅᖃᑎᒥᓂᒃᑯᑦ ᑲᓲᒪᖃᑎᒌᓕᖅᐸᓪᓕᐊᓂᐊᕐᖓᑕ.

ᐅᓇ ᓯᕗᓕᐅᕆᔪᑦ ᓵᓐᖓᔭᖃᖅᑐᖅ ᓴᖅᑭᑎᑦᑎᓇᓱᐊᕐᓂᕐᒥᒃ ᑐᑭᓯᐅᒪᖃᑎᒌᓐᓂᕐᒥᒃ ᐊᑕᐅᑦᑎᒥᒃ ᐊᐅᔪᐃᑦᑑᑉ ᒥᕐᖑᐃᓯᕐᕕᖕᒥ ᐊᕙᑎᓕᕆᓂᕐᒥᒃ ᐊᒻᒪᓗ ᐃᑦᑕᓂᓴᐃᑦ ᖃᒪᒥᓂᓗ ᒥᕐᖑᐃᓯᕐᕕᒥᑐᑦ ᐃᓄᓐᓄᑦ ᐊᑐᖅᑕᐅᓂᑯᐊᓄᑦ. ᑕᒪᓐᓇ ᑐᑭᓯᓯᒪᖃᑎᖃᓐᓂᖅ ᐊᑕᐅᑦᑎᒥᒃ ᑐᓐᖓᕕᖃᕐᒪᑦ ᐃᓄᐃᑦ ᖃᐅᔨᒪᔭᖏᓂᒃ ᐊᒻᒪᓗ ᖃᐅᔨᓴᖅᑎᑦ ᐱᓕᕆᐊᕆᔭᖏᓐᓂᒃ ᑕᑎᒌᖃᑎᒌᓐᓂᒃᑯᑦ ᐱᓕᕆᓂᐅᔪᒥᒃ ᐊᑯᓐᓂᐊᒍᑦ ᐃᓄᐃᑦ ᐊᒻᒪᓗ ᑲᓇᑕᐅᑉ ᒥᕐᖑᐃᓯᕐᕕᓕᕆᔨᒃᑯᖏᓐᓂᒃ. ᖃᐅᔨᒪᓂᐅᔪᑦ ᒥᕐᖑᐃᓯᕐᕕᐅᑉ ᓄᓇᖏᓐᓄᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᐃᓅᓱᑦᑐᓄᑦ, ᐳᓚᕋᑎᓄᑦ ᐊᒻᒪᓗ ᑕᒪᐃᓐᓄᑦ ᐱᖃᑕᐅᓱᓄᑦ ᒥᕐᖑᐃᓯᕐᕕᐅᑉ ᐸᕐᓇᖑᑎᓕᐊᖏᓄᑦ ᐃᖏᕐᕋᓂᕆᔭᖏᓐᓄᓪᓗ. ᑕᒪᓐᓇ ᓴᓐᖏᑦᑎᕆᓇᓱᐊᖅᑐᖅ ᐊᑦᑐᐊᓪᓚᕆᓐᓂᖏᓐᓂᒃ ᑖᒃᑯᐊ ᓄᓇᓕᐅᔫᒃ ᐸᖕᓂᖅᑑᒥᑦ ᐊᒻᒪᓗ ᕿᑭᖅᑕᕐᔪᐊᕐᒥᑦ ᐊᓯᖏᓐᓂᓪᓗ ᑲᓇᑕᒥᐅᑕᐅᔪᓂᒃ ᐃᓄᐃᑦ ᐃᓕᖅᑯᓯᖏᓐᓄᑦ ᐊᒻᒪᓗ ᐊᑐᖅᓯᒪᔭᖏᓐᓄᑦ ᐊᒻᒪᓗᑦᑕᐅᖅ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᖏᑦ ᐊᒻᒪᓗ ᑲᖏᖅᑐᖏᑦ. ᑕᒪᒃᑯᐊ ᖃᐅᔨᒪᓂᐅᔪᑦ ᐃᑲᔪᕋᔭᒥᔪᖅ ᐃᓪᓕᓂᐊᕈᑎᓴᓄᑦ ᐊᒻᒪᓗ ᐊᐅᓚᑦᑎᔨᑦ ᐱᓕᕆᐊᖏᓐᓄᑦ ᒥᐊᓂᕆᔭᖃᕋᓱᑦᑎᓪᓗᒋᑦ ᐊᕙᑎᓕᕆᓂᕐᒥ ᐊᒻᒪᓗ ᐃᓄᐃᑦ ᐃᑦᑕᓂᓴᓂ ᖃᒻᒪᒥᓂᓂᓗᓂ.

ᐅᓪᓗᒥᒧᑦ, ᐃᓕᓐᓂᐊᕈᑎᔅᓴᐅᔪᑦ ᐅᖃᐅᓯᔅᓴᐃᑦ ᐱᔾᔪᑎᖃᖅᑐᑦ ᒥᕐᖑᐃᓯᕐᕕᐅᑉ ᒥᔅᓵᓄᑦ ᑐᕌᖓᓗᐊᖅᓯᒪᕗᑦ ᑭᒃᑯᓕᒫᓄᑦ ᐊᑦᑕᓇᑕᐃᓕᒪᓂᕐᒧᑦ. ᑕᐃᒪᓕ ᐊᑐᕆᐊᖃᕋᓗᐊᖅᑎᓗᒋᑦ, ᓄᓇᓕᑦ ᐸᖕᓂᖅᑑᑉ ᐊᒻᒪᓗ ᕿᑭᖅᑕᕐᔪᐊᑉ ᓇᓗᓇᐃᓯᒪᒻᒪᑕ ᐱᔪᒪᓇᓱᐊᕈᑎᓂᒃ ᐃᓅᓱᑦᑐᐃᑦ ᒥᕐᖑᐃᓯᕐᕕᒻᒧᑦ, ᐊᑐᑎᑲᓂᖁᓗᒋᑦ ᐃᓐᓇᑐᖃᕆᔭᒥᓄᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓄᑦ, ᐊᒻᒪᓗᑦᑕᐅᖅ ᐅᖃᖅᓯᒪᓪᓗᑎᒃ ᑕᒪᒃᑯᐊ ᐊᑐᖅᑕᐅᓂᐊᕈᑎᒃ ᐃᓄᐃᑦ ᓄᓇᓕᒃ ᐊᑦᑎᓱᐃᓂᕆᓱᖏᑦ.

ᐅᓇ ᓯᕗᓕᐅᕆᔪᖅ ᑐᕌᒐᖃᕋᓱᑦᑐᖅ ᐱᔭᐅᔭᕆᐊᓕᓂᒃ ᑲᑎᓱᐃᓗᑎᒃ ᐱᓗᐊᖅᑐᒥᒃ ᖃᐅᔨᒪᓂᐅᔪᓂᒃ ᓴᖅᑭᑎᕆᓇᓱᓐᓂᕐᒥᒃ ᑐᑭᓯᐊᒪᖃᑎᒌᓐᓂᕐᒥᒃ ᐊᑕᐅᑦᑎᒥᒃ ᒥᕐᖑᐃᓯᕐᕕᐅᑉ ᑐᑭᓯᐅᒪᔭᐅᓂᖏᓐᓂᒃ. ᑕᒪᒃᑯᐊ ᐊᔅᓱᕈᑕᐅᔪᑦ ᓴᖅᑭᑎᖅᑕᐅᓂᖏᑦ ᑐᑭᓯᔾᔪᑎᔅᓴᐃᑦ ᑕᑯᔭᒐᐃᑦ ᐅᓂᒃᑳᖑᔪᓪᓗ ᒥᕐᖑᐃᓯᕐᕕᐅᑉ ᐃᓄᖁᑎᖏᓐᓂᒃ, ᐊᑐᖅᐸᑦᑕᒥᓂᖏᑦ ᐅᓪᓗᒥᓗ ᐊᑐᖅᑕᐅᔪᑦ ᐃᓄᓐᓄᑦ ᓄᓇᖏᓂᑦ, ᐊᒻᒪᓗ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᖏᑦ, ᓄᓇᖓ, ᒪᓴᐅᓂᖏᑦ, ᑕᓯᖏᑦ, ᑰᖏᓪᓗ, ᐊᒻᒪᓗ ᑕᒪᒃᑯᐊ ᓯᔾᔭᖅᐸᓯᖏᑦ/ᑕᕆᐅᖏᑕ ᐃᓕᖅᑯᓯᖏᓐᓂᒃ.

ᓇᓗᓇᐃᒃᑯᑕᖅ 1: ᓱᑯᑦᑎᐊᓃᓐᓂᖓᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ

Figure 1: Location of Auyuittuq National Park in Canada 

ᓇᓗᓇᐃᒃᑯᑕᖅ 2: ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ

Figure 2: Auyuittuq National Park of Canada 

1.0 ᐱᒋᐊᕐᓂᖓᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᖓ ᑲᓇᑕᒥᑦ ᐃᓂᓪᓚᖓᕗᖅ ᕿᑭᖅᑖᓘᑉ ᓂᒋᖅᐸᓯᐊᓂᑦ ᐸᖕᓂᖅᑑᑉ ᓄᓇᖏᑕ ᐃᓚᖏᓐᓂᒃ, ᐃᓗᐊᓃᑐᓂ ᐅᑭᐅᖅᑕᖅᑑᑉ ᓇᓗᓇᐃᑯᑖᖓᑕ ᑭᒡᓕᒋᔭᖓᓐᓂᒃ ᑲᓇᑕᐅᑉ ᑲᓇᓐᓇᖓᓂᑦ ᐅᑭᐅᖅᑕᖅᑐᕆᔭᖓᓐᓂᒃ. ᐊᖏᓂᖓ 19,089 ᑭᑉᐸᕆᑦᑐᑦ ᑭᓛᒥᑕᑦ, ᐊᖏᓂᖅᐹᖑᖃᑕᐅᔪᖅ ᒥᕐᖑᐃᓯᕐᕕᓂᑦ ᑲᓇᑕᒥᑦ. ᐊᐃᔪᐃᑦᑐᖅ ᒥᕐᖑᐃᓯᕐᕕᖓ ᑲᓇᑕᒥᑦ ᖃᓂᔅᓴᖅᑐᖅ ᓄᓇᓕᓄᑦ ᐸᖕᓂᖅᑑᑉ ᐊᒻᒪᓗ ᕿᑭᖅᑕᕐᔪᐊᑉ ᐃᓗᐊᓂᑦ ᓄᓇᕘᑉ.

ᒥᕐᖑᐃᓯᕐᕕᕈᓚᐅᖅᓯᒪᔪᖅ ᓯᕗᓪᓕᖅᐹᕐᒥ 1976-ᖑᑎᓪᓗᒍ, ᑲᓇᑕᒥ ᒥᕐᖑᐃᓯᕐᕕᔅᓴᐅᓪᓗᓂ. ᑲᓇᑕᒥ ᒥᕐᖑᐃᕐᓯᕕᕈᓚᐅᖅᓯᒪᔪᖅ 2001-ᖑᓕᖅᑎᓪᓗᒍ, ᐊᒻᒪᓗ ᐊᐅᓚᑕᐅᔪᖅ ᑲᑐᔾᔭᐅᓪᓗᓂ ᐃᓄᓐᓄᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᒪᓕᑦᑐᒋᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑦ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐊᒪᓗ ᐃᑲᔫᓯᐊᖅᑖᕈᑎᔅᓴᖏᓐᓄᓪᓗ ᐊᖏᕈᑦ ᐊᐅᔪᐃᑦᑐᕐᒥ, ᖁᑦᑎᓂᖅᐹᕐᒥ ᐊᒻᒪᓗ ᓯᕐᒥᓕᒻᒥ ᒥᕐᖑᐃᓯᕐᕕᓐᓄᑦ ᐊᒻᒪᓗ ᑲᓇᑕᒥ ᒥᕐᖑᐃᓯᕐᕖᑦ ᐱᖁᔭᖓᑦ.

ᒥᕐᖑᐃᓯᕐᕕᒃ ᐱᖃᓯᐅᔾᔨᕗᖅ ᓄᓇᖓᓂ ᐊᐅᔪᐃᑦᑐᖅ ᕿᑎᐊᓃᓗᐊᖅᑐᓂ ᐊᒻᒪᓗ ᓇᖅᓴᐃᑦ ᐊᒻᒪᓗ ᖃᖅᑲᔮᖃᐅᖅᑐᓂ ᑕᐅᕙᓐᓇ, ᐊᒻᒪᓗ ᐃᒪᖓᑦ ᒥᕐᖑᐃᓯᕐᕕᐅᒋᓪᓗᓂ ᐃᑎᔪᐃᑦ ᐊᒻᒪᓗ ᒪᓃᑦᑑᓪᓗᑎᑦ ᑲᖏᖅᑐᖏᑦ. ᑕᒪᓐᓇ ᐊᑐᖅᑕᐅᖃᑦᑕᖅᑐᑐᖃᖅ ᐃᓄᐃᑦ ᓯᕗᕚᖏᓐᓄᑦ ᖃᐅᔨᔭᒃᓴᐅᓪᓗᑎᓪᓗ ᐃᑦᑕᕐᓂᓴᖃᐅᕐᓂᖏᑦ ᓇᓗᓇᐃᖅᑕᐅᓯᒪᔪᐃᑦ ᒥᕐᖑᐃᕐᓯᕕᑉ ᐃᓚᖏᓐᓃᓪᓛᔪᑦ. ᒥᕐᖑᐃᓯᕐᕕᒃ ᐊᑐᖅᑕᐅᕙᑉᐳᖅ ᓱᓕ ᐃᓄᓐᓄᑦ ᐅᓪᓗᒥᐅᔪᖅ, ᐊᑐᖅᑕᐅᕙᑦᑐᖅ ᓄᓂᕙᒋᐊᕐᕕᐅᕙᑦᑐᓂ ᐊᒻᒪᓗ ᕿᓚᓗᒃᑭᐊᕐᕕᐅᕙᑦᑐᓂ ᑑᒑᓕᓐᓂᒃ.

ᐳᓛᕆᐊᖅᑐᐃᑦ ᐊᒥᓲᓂᖏᑦ ᒥᕐᖑᐃᓯᕐᕕᒻᒨᓲᖑᕗᐃᑦ ᐊᐅᔭᒃᑯᑦ ᐱᓱᒋᐊᖅᑐᖅᑐᑎᑦ ᐅᕝᕙᓘᓐᓃᑦ ᖃᖅᑲᓯᐅᕆᐊᖅᑐᖅᑐᑎᑦ, ᐊᒻᒪᓗ ᐅᐱᕐᖔᒃᑯᑦ ᓯᐊᕐᕆᔮᕆᐊᖅᑐᖅᐸᑉᐳᐃᑦ. ᐅᒥᐊᕐᔪᐊᒃᑯᑦ ᓂᐅᕐᕈᓂᖅᓴᐅᕙᓕᕆᕗᐃᑦ ᑕᐃᒪᙵᓂᑦ ᐊᒥᓲᓂᖅᓴᐅᕙᓕᖅᑐᑎᑦ ᐊᕐᕌᒎᓕᖅᑐᓂᑦ ᐊᒻᒪᓗ ᐊᒥᓱᕈᖅᐸᓪᓕᐊᓂᐊᖅᑐᒋᔭᐅᓪᓗᑎᑦ ᓱᓕ ᐅᒥᐊᕐᔪᐊᑦ ᓂᐅᕐᕈᔪᐃᑦ.

ᐊᐅᓚᑕᐅᓂᖓᑦ ᒥᕐᖑᐃᓯᕐᕕᐅᑉ ᒪᓕᔅᓯᒪᔪᖅ ᑎᓕᓯᔾᔪᑕᐅᓯᒪᔪᒥᒃ ᒥᕐᖑᐃᓯᕐᕕᐅᑉ ᐊᑐᑲᐃᓐᓇᓂᐊᕐᓯᒪᔭᖏᓐᓂᒃ ᐊᐅᓚᑦᑎᓂᕐᒧᑦ ᐊᑐᐊᒐᕐᓂᒃ 1982-ᒥ ᑎᑎᕋᖅᑕᐅᓂᑯᓂᒃ, ᑎᑎᕋᖅᑕᐅᒋᐊᙵᕐᓯᒪᔪᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᒃ 1994ᒥ ᐊᒻᒪᓗ, ᒫᓐᓇᓂᓴᐅᓂᖅᐹᓂᒃ, ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᒃ.

1.1 ᐱᔾᔪᑎᖏᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᑉ ᐊᒻᒪᓗ ᐃᓚᓕᐅᔾᔭᐅᓂᖏᑦ ᐱᓕᕆᕕᐅᑉ ᐱᓇᓱᐊᕋᔅᓴᖏᑦ

ᑖᓐᓇ ᐊᐅᓚᑦᑎᓂᕐᒧᑦ ᐸᕐᓇᐅᑦ, ᐱᔭᕇᖅᑕᐅᒍᓂ, ᑐᖅᑲᑕᕐᕕᐅᔪᓐᓇᕐᓗᑎᒃ ᑎᑎᕋᕐᓯᒪᔪᖁᑎᒋᓂᐊᖅᑕᖓᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᑲᓇᑕᒥᐅᓄᑦ ᑭᒃᑯᑐᐃᓐᓇᓕᒫᓄᑦ. ᐋᖅᑭᓯᒪᓂᖃᕐᒥᔪᖅ ᖃᓄᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᐃᓄᐃᑦ, ᑎᒍᒥᐊᖅᑎᐅᖃᑕᐅᔪᓪᓗ ᑭᒃᑯᑐᐃᓐᓇᓕᒫᓪᓗ ᐱᓕᕆᖃᑎᒌᓐᓂᐊᕐᒪᖔᑕ ᐊᐅᓚᑦᑎᓗᑎᒃ ᒥᕐᖑᐃᓯᕐᕕᒻᒥᒃ ᐊᑯᓂᐅᔪᒥᒃ-ᐊᑐᕐᓂᐊᖅᑐᒥᒃ. ᑕᐃᒪᐃᑎᓪᓗᒋᑦ, ᑖᓐᓇ ᐸᕐᓇᐅᑦ ᐃᑲᔫᑎᓕᒃ ᑲᔪᓯᑎᑦᑎᓂᕐᒧᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᑭᒧᐊᒍᑎᔅᓴᖓᑕ ᖃᓄᐃᓐᓂᕆᓂᐊᖅᑕᖓᓂᒃ:

“ᑲᓇᑕᒥᐅᑦ ᐃᑉᐱᒍᓱᓐᓂᐊᕐᖓᑕ ᑲᓲᒪᖃᑕᐅᑦᑎᐊᕐᓂᖏᓐᓂᒃ, ᐊᑑᑎᓕᒻᒥᒃ ᐊᑐᖃᑦᑕᓂᒃᑯᑦ, ᒥᕐᖑᐃᓯᕐᕕᖏᓐᓂᒃ, ᐃᑦᑕᕐᓂᓴᖃᕐᕕᖏᓐᓂᒃ ᑕᕆᐅᖏᓐᓂᓪᓗ ᐆᒪᔪᖃᕐᕕᐅᔪᓂᒃ, ᐊᒻᒪᓗ ᓴᐳᑎᔭᐅᓯᒪᔪᓂᒃ ᑲᔾᔭᐅᓴᕐᕕᖃᖃᑦᑕᕐᓗᑎᒃ ᕿᒪᐃᖃᑦᑕᓂᐊᖅᑐᑎᓪᓗ ᑕᒪᒃᑯᓂᖓ ᐅᐸᑲᐃᓐᓇᕐᓯᒪᔭᒥᓂᒃ ᓱᕐᕋᓯᒪᙱᓪᓗᒋᑦ ᐅᓪᓗᒥᒧᑦ ᓯᕗᓂᑦᑎᓄᓪᓗ ᑭᖑᕚᔅᓴᑎᓐᓄᑦ ᑲᔾᔭᐅᓴᕐᕕᐅᔪᓐᓇᓛᖁᓪᓗᒋᑦ.”

ᐸᕐᓇᐅᑎᐅᔪᖅ ᓇᓗᓇᐃᔭᐃᓯᒪᕗᖅ ᖃᓄᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᖁᔭᖅᑎᒎᖓᔪᖁᑎᖓᒍᑦ ᐱᓇᓱᐊᒐᖃᕐᒪᖔᑕ ᖃᓄᖅ ᓴᐳᔾᔭᐅᔪᓐᓇᕋᔭᕐᒪᖔᑦ, ᖃᓄᖅ ᐃᓕᓐᓂᐊᖅᑎᑦᑎᖃᑦᑕᕈᓐᓇᕋᔭᕐᒪᖔᑦ ᐊᒻᒪᓗ ᖃᓄᖅ ᑲᔾᔭᐅᓴᕐᕕᐅᔪᓐᓇᕋᔭᕐᒪᖔᑦ ᒥᕐᖑᐃᓯᕐᕖᑦ ᑲᓇᑕᒥ. ᓴᖅᑮᓯᒪᒋᕗᖅ ᑕᐅᑐᑦᑕᐅᙳᐊᖅᑐᓂ ᐊᒻᒪᓗ ᓇᓗᓇᐃᖅᓯᓯᒪᓪᓗᓂ ᖃᓄᖅᑑᕈᑎᔅᓴᓪᓗᐊᑕᓂᒃ, ᐊᐅᓚᑦᑎᕕᐅᓂᐊᖅᑐᒥᒃ ᖃᓄᖅ ᑲᒪᒋᔭᖃᕆᐊᕐᓂᐊᕐᒪᖔᑕ ᐊᒻᒪᓗ ᐃᓂᒋᓂᐊᖅᑕᖏᓐᓂᒃ ᐸᕐᓇᐃᓂᕐᒥᒃ ᑲᒪᔾᔪᑕᐅᓂᐊᖅᑐᓂᒃ ᒥᕐᖑᐃᓯᕐᕕᒻᒧᑦ ᐳᓚᕋᑦᑏᑦ ᐊᑐᖃᑦᑕᓂᐊᖅᑕᖏᓐᓂᒃ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑎᓂᕐᒥᒃ ᓴᐳᔾᔨᓂᕐᒧᓪᓗ ᐱᔾᔪᑕᐅᕙᑦᑐᓂᒃ ᐃᓚᓕᐅᔾᔨᓯᒪᓗᑎᒃ, ᓈᕆᓯᒪᓗᑎᓪᓗ ᑕᒪᐃᓐᓂᒃ ᐱᐅᓯᖃᕐᓗᑎᒃ. ᑐᑭᒧᐊᒍᑎᔅᓴᓪᓗᐊᑕᐃᑦ ᐊᐅᓚᑦᑎᓂᕐᒧᓪᓗ ᑲᒪᒋᔭᖃᕆᐊᕐᓂᕐᒥᒃ, ᐱᓗᐊᖅᑐᒥᒃ, ᐃᑲᔪᕐᓗᑎᒃ ᑕᒪᒃᑯᐊ ᐱᓂᐊᕈᑕᐅᓂᐊᖅᑐᑦ ᓴᐳᔾᔨᓂᕐᒧᑦ, ᐳᓚᕋᑦᑏᑦ ᐊᑐᖃᑦᑕᓂᐊᖅᑕᖏᓐᓄᑦ ᑭᒃᑯᑐᐃᓐᓇᓂᓪᓗ ᐃᓕᓐᓂᐊᑎᑦᑎᓂᖅ ᐃᑲᔪᕐᓰᑦᑎᐊᕋᓗᐊᕐᒪᖔᑕ. ᐃᑲᔫᑎᖃᕐᒥᔪᑦ ᐋᖅᑮᓂᕐᒥᒃ ᑐᑭᓯᓇᕐᓂᕐᓴᒥᒃ ᑭᒃᑯᑐᐃᓐᓇᓕᒫᓄᑦ ᐃᖅᑲᓇᐃᔭᖅᑎᓄᓪᓗ ᖃᓄᖅ ᐃᓱᒪᒋᓯᒪᔭᖓᑦ ᑲᔪᓯᑎᑕᐅᓂᐊᕐᒪᖔᖅ, ᐊᒻᒪᓗ ᑐᕌᒐᖃᕐᓗᑎᒃ ᐱᔭᕆᐊᑭᓐᓂᕐᓴᐅᖁᓪᓗᒍ ᐊᑐᓕᖅᑎᑦᑎᓂᖅ ᐊᐅᓚᑦᑎᓂᕐᒥᒃ ᐸᕐᓇᐅᒻᒥᑦ ᐊᒻᒪᓗ ᖃᐅᔨᒪᒋᐊᕐᓗᑎᒃ ᐃᓚᓕᐅᔾᔨᓯᒪᓗᑎᒃ ᑲᒪᒋᔭᖃᕆᐊᕐᓂᖅ ᑲᔪᓯᑦᑎᐊᕋᓗᐊᕐᒪᖔᖅ ᖃᐅᑕᒫᑦ ᐊᐅᓚᓂᕆᕙᑦᑕᖓᑎᒍᑦ ᑐᑭᓕᐅᕈᑎᒋᕙᑦᑕᖏᑎᒍᓪᓗ.

1.2 ᐃᓚᓕᐅᔾᔨᓂᖅ ᑎᒥᐅᑉ ᐱᓇᓱᐊᕋᔅᓴᖏᓐᓂᒃ ᐊᐅᓚᑦᑎᓂᕐᒧᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥᒃ

ᑖᓐᓇ ᐊᐅᓚᑦᑎᓂᕐᒧᑦ ᐸᕐᓇᐅᑦ ᒪᕐᕉᓐᓂᒃ ᑐᑭᒧᐊᒍᑎᔅᓴᓪᓗᐊᑖᓐᓂᒃ ᐊᑐᓕᖅᑎᑦᑎᓂᕐᒧᑦ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐃᓚᓕᐅᑎᓯᒪᔭᖓᓐᓂᒃ ᐱᓇᓱᐊᕋᔅᓴᖓᓐᓂᒃ:

  1. ᐃᓚᐅᑎᑦᑎᓂᕐᒥᒃ ᓄᓇᓕᓐᓂᑦ ᐳᓛᕆᐊᖅᑐᓂᒃ ᓄᓇᓕᐊᖅᑎᑦᑎᖃᑦᑕᓂᕐᒥᒃ, ᑕᕆᐅᕐᒧᑦ ᐆᒪᔪᓄᑦ ᐊᕙᑎᒋᔭᐅᔪᒧᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂᒃ ᖃᐅᔨᕚᓪᓕᑎᑦᑎᓂᕐᒥᒃ.
  2. ᓄᐊᑦᑎᓗᑎᑦ ᐊᒻᒪᓗ ᖃᐅᔨᑎᑦᑎᖃᑦᑕᕐᓗᑎᓪᓗ ᖃᐅᔨᒪᔭᖏᓐᓂᒃ ᑲᓲᒪᖃᑦᑕᐅᑎᑦᑎᐊᓂᐊᕐᖓᑕ.

ᐊᑐᖅᑐᒋᑦ ᑖᒃᑯᐊ ᖃᓄᖅᑑᕈᑎᐅᔪᐃᑦ ᐊᒻᒪᓗ ᐃᓂᖏᑎᒍᑦ ᐊᐅᓚᑦᑎᒍᑕᐅᕙᓪᓕᐊᓂᐊᖅᑐᑦ ᐊᒻᒪᓗ ᐃᓂᒋᓂᐊᖅᑕᖏᓐᓂᒃ ᐸᕐᓇᐅᑦ, ᑖᒃᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᑐᕌᖓᔪᑦ ᑲᒪᒋᔭᖃᕐᓂᕐᒥᒃ ᑕᒪᐃᓐᓂᒃ ᐃᓗᓕᓕᒫᑦᑎᐊᖏᓐᓂᒃ ᑲᒪᒋᔭᖃᕐᓂᐊᖅᑐᑎᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓇᓱᐊᕋᔅᓴᖓᓐᓂᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ.

ᑕᓐᓇ ᐸᕐᓇᐅᑎᐅᔪᖅ ᐊᑐᕋᓱᐊᖅᑐᖅ ᐊᑐᐊᒐᕐᓂᒃ ᒪᓕᒐᕐᓂᓪᓗ ᑕᒪᒃᑮᓐᓂᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪᓗ ᖃᐅᔨᓴᖅᑐᓕᕆᓂᒃᑯᑦ ᑐᑭᓯᐅᒪᒍᑕᐅᔪᓂᒃ.

1.3 ᐱᓕᕆᖃᑎᒌᓐᓂᒃᑯᑦ ᐊᐅᓚᑦᑎᓂᖅ

ᐃᓄᐃᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᐅᓚᑦᑎᕙᒻᒪᑕ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓂ ᐱᓕᕆᖃᑎᒌᓐᓂᒃᑯᑦ. ᑲᑐᔾᔨᓪᓗᑎᒃ ᐃᓄᐃᑦ/ᒐᕙᒪᒃᑯᑦ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᒃᑎᖏᑦ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᖏᑦFootnote 1 ᐱᓕᕆᖃᑎᒌᑦᑐᑎᑦ ᐊᐅᓚᑦᑎᔨᐅᕗᑦ ᒥᕐᖑᐃᓯᕐᕕᒻᒥᒃ. ᐃᖅᑲᓇᐃᔮᖏᑦ ᑲᑎᒪᔩᑦ ᐅᖃᐅᔾᔨᒋᐊᖅᐸᑦᑐᑎᑦ ᒥᕐᖓᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ, ᒥᓂᔅᑕᐅᔪᒥᓗ ᑲᒪᒋᔭᓕᒻᒥᒃ ᑲᓇᑕᒥ ᒥᕐᖑᐃᓯᕐᕕᓄᑦ, ᓄᓇᕘᒥ ᐅᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᐊᓯᖏᑦ ᐱᓕᕆᕕᐅᔪᓂᒃ ᑕᒪᐃᓐᓄᑦ ᑐᕌᖓᔪᓂᒃ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᓂᕐᒥᒃ.Footnote 2.

ᐱᙳᖅᑎᑕᐅᓂᖓᑦ ᐊᐅᔪᐃᑦᑐᕐᒥ ᑲᑐᔾᔨᖃᑎᒌᑦ ᐊᐅᓚᑦᑎᓂᕐᒧᑦ ᑲᑎᒪᔨᖏᑦ ᓴᖅᑭᖅᓯᒪᕗᖅ ᓄᓇᕗᑖᕐᓂᕐᒧᑦ ᐊᖏᕈᑎᖓᓃᙶᖅᑐᑎᑦFootnote 3. ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐊᒻᒪᓗ ᐱᕚᓪᓕᕈᑎᔅᓴᖏᓐᓄᑦ ᐊᖏᕈᑎᐅᔪᖅ ᓴᖅᑭᖅᑕᐅᓯᒪᕗᖅ, ᐊᒻᒪᓗ ᓇᓗᓇᐃᖅᓯᓯᒪᕗᑦ ᐋᖅᑭᒃᓯᒪᓂᒃᓴᖏᓐᓂᒃ ᐊᒻᒪᓗ ᑲᒪᒋᔭᕆᐊᓕᖏᓐᓂᒃ, ᑲᑎᒪᔨᐅᔪᑦ. ᐊᑐᓂ ᑲᑎᒪᔨᐅᔪᑦ ᐊᐅᔪᐃᑦᑐᕐᒥ ᑲᑐᔾᔨᖃᑎᒌᑦ ᐊᐅᓚᑦᑎᓂᕐᒧᑦ ᑲᑎᒪᔨᖏᓐᓂ ᑲᒪᒋᔭᕆᐊᖃᖅᐳᖅ ᐃᓛᒃᑰᖓᓗᑎᒃ ᐃᓄᐃᑦ ᑭᒃᑯᑐᐃᓐᓇᐃᑦ ᑭᒡᒐᑐᕐᓗᓂᒋᑦ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᑲᒪᒋᔭᐅᑦᑎᐊᖁᓪᓗᒋᑦFootnote 4.

ᓯᕗᓪᓕᖅᐹᕐᒥ ᐊᐅᔪᐃᑦᑐᕐᒧᑦ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᑎᒃᑯᐊᖅᑕᐅᓚᐅᖅᓯᒪᔪᑦ ᐅᑭᐊᒃᓵᖓᓂ 2000 ᐊᒻᒪᓗ ᓯᕗᓪᓕᖅᐹᕐᒥ ᑲᑎᒪᓚᐅᖅᓯᒪᓪᓗᑎᒃ ᒫᑦᓯ 2001-ᒥ. ᑲᑎᒪᔨᕋᓛᑦ ᑲᑎᒪᓲᑦ ᒪᕐᕈᐊᑎᖅᑐᑎᒃ ᐊᕐᕌᒍᑕᒫᑦ ᐊᒻᒪᓗ ᐱᖓᓲᔪᖅᑐᓂᒃ ᑲᑎᒪᔨᖃᖅᑐᑎᑦ, ᐱᖓᓱᑦ ᑎᒃᑯᐊᖅᑕᐅᓯᒪᓪᓗᑎᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᐱᖓᓱᑦ ᑎᒃᑯᐊᖅᑕᐅᓯᒪᓪᓗᑎᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ.

ᐱᔪᓐᓇᕋᐃᒐᒥᒃ, ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᖃᑕᐅᑎᑦᑎᓲᑦ ᑲᑐᔾᔨᔪᓂᒃ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᓂᕐᒧᓐ ᑲᑎᒪᔨᕋᓛᖑᖃᑕᐅᔪᓂᒃ ᐊᓯᖏᓐᓂᓪᓗ ᐸᓐᓂᑑᕐᒥᐅᓂᒃ ᕿᑭᖅᑕᔪᐊᕐᒥᐅᓂᓪᓗ ᐃᓚᐅᑎᑦᑎᓪᓗᑎᒃ ᒥᕐᖑᐃᓯᕐᕕᓕᐊᖅᑐᓄᑦ ᐱᖃᑕᐅᔭᖅᑐᖁᓪᓗᒋᑦ ᐱᖅᑯᓯᑐᖃᕐᓄ ᑐᕌᖓᔪᓂᒃ ᑎᑎᖅᑐᐃᔪᖃᖅᑎᓪᓗᒍ, ᐊᒻᒪᓗ ᐊᐅᓚᑕᐅᓂᖓᓄᑦ ᐸᕐᓇᐅᑎᒥ ᑲᑎᒪᐅᑎᖃᖅᑎᓪᓗᒋᑦ ᐅᕝᕙᓘᓐᓃᑦ ᐊᓯᖏᓐᓂᑦ ᐱᓕᕆᐊᖃᖅᑎᓪᓗᒋᑦ.

ᓇᓗᓇᐃᒃᑯᑕᖅ 3: ᐃᖅᑲᓇᐃᔮᖏᑦ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ

ᐃᖅᑲᓇᐃᔮᖏᑦ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᐱᖃᓯᐅᔾᔨᕗᑦ, ᑭᓯᐊᓂ ᑖᒃᑯᓄᖓᐃᓐᓇᑯᓗᒃ ᑭᓪᓕᖃᙱᑦᑐᑦ ᐱᓕᕆᐊᕆᔪᓐᓇᖅᑕᖏᑦ, ᐃᓚᐅᕙᑦᑐᑦ ᐅᑯᓇᓂ ᐱᔾᔪᑕᐅᕙᑦᑐᓂᒃFootnote 5:

  • (ᐊ) ᓄᓇᓕᕋᓛᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 3-ᒥᑦ;
  • (ᐸ) ᓴᓇᙳᐊᒐᒃᓴᒐᓚᖕᓂᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 3-ᒥᑦ;
  • (ᑕ) ᐃᒥᕐᒧᑦ ᓚᐃᓴᓐᓰᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 3-ᒥᑦ;
  • (ᑲ) ᓴᐳᒻᒥᔭᐅᓂᖏᑦ ᐊᐅᓚᑕᐅᓂᖏᓪᓗ ᐃᑦᑕᕐᓂᓴᓖᑦ ᐊᒻᒪᓗ ᐃᓃᑦ ᐃᒃᐱᒋᔭᐅᔪᑐᖃᒃᑯᑦ ᐅᕝᕙᓘᓐᓃᑦ ᐃᓕᖅᑯᓯᑐᖃᒃᑯᑦ ᐊᓐᓂᕆᓂᕋᕐᑕᐅᓯᒪᔪᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 4-ᒥᑦ;
  • (ᒐ) ᒥᕐᖑᐃᖅᓯᕝᕖᑦ ᐸᕐᓇᒃᑕᐅᓂᖓᓄᑦ ᐊᐅᓚᑕᐅᓂᖓᓄᓪᓗ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 5-ᒥᑦ;
  • (ᒪ) ᖃᐅᔨᓴᕐᓂᖅ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 6-ᒥᑦ;
  • (ᓇ) ᒥᕐᖑᐃᖅᓯᕝᕖᑦ ᐊᔭᐅᕐᑐᐃᔾᔪᑕᐅᓂᖓᓐᓂᒃ ᐊᒻᒪᓗ ᑐᓴᐅᒪᔾᔪᑎᒃᓴᓂᒃ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 7-ᒥᑦ;
  • (ᓴ) ᒥᕐᖑᐃᖅᓯᕝᕖᑦ ᑕᑯᔭᒃᓴᖏᑦ, ᓴᖅᑭᔮᕐᑎᑕᖏᑦ ᐊᒻᒪᓗ ᐱᖁᑏᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 7-ᒥᑦ;
  • (ᔭ) ᐳᓚᕋᑎᑦ ᐃᓯᕈᓐᓇᕐᓂᖏᑦ ᐊᑐᕈᓐᓇᓂᖏᓪᓗ ᒥᕐᖑᐃᓯᕐᕕᖕᒥᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 8-ᒥᑦ;
  • (ᓚ) ᐃᖅᑲᓇᐃᔭᕐᑎᑦᑎᓂᖅ ᐃᓕᓐᓂᐊᕐᐸᓪᓕᐊᓂᕐᓗ ᐃᓄᖕᓂᑦ ᐃᖅᑲᓇᐃᔭᕐᑎᓄᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 9-ᒥᑦ;
  • (ᕙ) ᑮᓇᐅᔭᓕᐅᕋᓱᐊᕈᑏᑦ ᐱᕕᖃᕐᑎᑕᐅᓂᖓᓐᓂᒃ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 10-ᒥᑦ; ᐊᒻᒪᓗ
  • (ᕋ) ᐱᖃᑕᐅᓂᖅ ᑲᑐᔾᔨᔪᓄᑦ ᕿᒥᕐᕈᔪᓄᑦ ᑕᕝᕙᓂ ᐊᖏᕈᒻᒥᑦ ᐱᖁᔨᓂᖏᑦ ᒪᓕᓪᓗᒋᑦ ᑲᑐᔾᔨᔪᑦ ᑕᐃᒫᒃ ᑎᑎᕋᖅᓯᒪᒻᒪᑦ ᐊᖏᕈᑎᐊᓛᕐᒥ 12; ᐊᒻᒪᓗ
  • (ᖃ) ᐊᓯᔾᔩᓂᕋᐃᓂᖅ ᑭᒡᓕᒋᔭᖏᑕ ᒥᕐᖑᐃᖅᓯᕝᕖᑦ ᐅᖃᐅᓯᐅᓯᒪᔪᑐᑦ ᐊᖏᕈᑎᐊᓛᖅ 14-ᒥᑦ.

1.4 ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᖏᑦ

ᐃᓄᐃᑦ ᖃᐅᔨᒪᔭᑐᖃᖏᑦ ᐅᖃᐅᓯᐅᑎᓪᓗᒋᑦ ᑐᑭᖃᖅᑐᖅ ᖃᐅᔨᒪᔭᐅᔪᑦ ᑐᑭᓯᐅᒪᔭᐅᔪᓪᓗ ᓱᓇᓕᒫᑦ ᐊᑦᑐᐃᓂᖃᖅᐸᑦᑐᑦ ᖃᐅᑕᒫᑦ ᐃᓅᓯᖏᓐᓂ ᐃᓄᐃᑦ ᐊᒻᒪᓗ ᐊᑐᖅᑕᐅᖃᑦᑕᕐᓂᖏᑦ ᖃᐅᔨᒪᔭᐅᔪᑦ ᐊᓐᓇᐅᒪᔪᓐᓇᖁᓪᓗᒋᑦ ᐃᓄᐃᑦ ᐊᒻᒪᓗ ᐃᓕᖅᑯᓯᖏᑦ. ᖃᐅᔨᒪᔭᖏᑦ ᐆᒪᐃᓐᓇᑎᑦᑎᔪᑦ ᑭᖑᓂᑦᑎᓐᓂᒃ ᐊᑐᖅᑕᐅᓯᒪᔪᓂᒃ ᐊᑐᖅᑕᐅᔭᕆᐊᖃᖅᑐᑎᓪᓗ ᐅᓪᓗᒥ ᓯᕗᓂᔅᓴᖃᑦᑎᐊᕈᓐᓇᖁᓪᓗᒋᑦFootnote 6.

ᐊᒥᓱᒻᒪᕇᑦ ᐱᒻᒪᕆᒋᔭᖏᑦ ᐅᑉᐱᕆᔭᖏᑦ ᐊᒻᒪᓗ ᐊᑐᐊᒐᖏᓪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥFootnote 7 ᑕᐃᒪᐃᓪᓗᐊᖃᑎᖃᑦᑎᐊᕐᖓᑕ ᐅᑉᐱᕆᔭᖏᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑕᐃᒫᒃ ᓇᓗᓇᐃᕐᓯᒪᒻᒪᑕ ᓇᓗᓇᐃᒃᑯᑕᕐᒥ 4-ᒥ ᐊᓪᓕᕐᒥ.

ᓇᓗᓇᐃᒃᑯᑕᖅ 4: ᐅᑉᐱᕆᔭᐅᔪᑦ ᒪᓕᑦᑕᐅᔾᔪᑎᒋᒋᐊᓕᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ

ᒪᓕᑦᑕᐅᓂᐊᖅᑐᐃᑦ ᐅᑉᐱᕆᔭᐅᔪᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓕᓴᕆᔭᐅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᒪᐃᑦᑑᓪᓗᑎᒃ:

  1. ᐃᓅᖃᑎᒌᑦᓯᐊᕐᓂᖅ: ᐊᓯᖏᓐᓂᒃ ᐃᓱᒪᒋᔭᖃᑦᑎᐊᕐᓗᓂ, ᐃᓚᒌᑦᑎᐊᕐᓗᓂ ᐊᒻᒪᓗ ᐃᑉᐱᒍᓱᑦᑎᐊᖃᑦᑕᕐᓗᓂ ᑭᒃᑯᑐᐃᓐᓇᕐᓂᒃ
  2. ᑐᙵᓇᕐᓂᖅ: ᒪᑐᐃᖓᓗᓂ ᑐᙵᓇᖃᑦᑕᕐᓗᓂ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᓚᓕᐅᔾᔨᕙᓪᓗᓂ.
  3. ᐱᔨᑦᓯᕐᓂᖅ: ᐱᔨᑦᑎᕐᓯᒪᓗᓂ ᓱᓇᖃᖅᑎᑦᑎᔨᐅᓗᓂᓗ ᐃᓚᒥᓄᑦ ᓄᓇᖃᖅᑎᒥᓄᓪᓗ.
  4. ᐋᔨᖃᑎᒌᓐᓂᖅ: ᐅᖃᖃᑎᒋᑦ ᐊᔨᖃᑎᒋᓂᑯᑦ ᐊᕿᖃᑎᒋᓂᕐᒥᑦ
  5. ᐱᓕᒻᒪᒃᓴᕐᓂᖅ/ᐱᔭᕆᐅᖅᓴᕐᓂᖅ: ᐱᔪᓐᓇᖅᓯᕙᓪᓕᐊᓗᓂ ᐱᓕᒻᒪᓴᖃᑦᑕᓂᒃᑯᑦ, ᐱᓇᓱᐊᕐᓂᒃᑯᑦ ᐊᒻᒪᓗ ᐱᓂᐊᕐᓂᒃᑯᑦ.
  6. ᐱᓕᕆᖃᑎᒌᓐᓂᖅ/ᐃᑲᔪᖃᑎᒌᓐᓂᖅ: ᐱᓕᕆᖃᑎᒌᓐᓂᖅ ᑖᔅᓱᒥᖓᔅᓴᐃᓐᓇᖅ ᐱᔾᔪᑎᖃᕐᓗᑎᒃ.
  7. ᖃᓄᖅᑑᕐᓂᖅ: ᖃᓄᖅᑑᖅᐸᓪᓗᑎᒃ ᐊᒻᒪᓗ ᐊᑐᕈᓐᓇᖅᑕᖏᓐᓂᒃ ᐊᑐᖅᐸᓪᓗᑎᑦ.
  8. ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ: ᐃᓱᒪᒋᔭᖃᑦᑎᐊᕐᓗᓂ ᐃᑉᐱᒍᓱᑦᑎᐊᕐᓗᓂᓗ ᓄᓇᒥ, ᐅᒪᔪᕐᓂᒃ ᐊᕙᑎᒥᓪᓗ.Footnote 8

ᐃᓄᐃᑦ ᖃᐅᔨᒪᔭᖏᑦ ᐱᓪᓗᐊᑕᐅᕗᑦ ᑲᑐᔾᔨᓗᑎᒃ ᐊᐅᓚᑦᑎᖃᑎᒌᓐᓂᕐᒧᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ. ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ ᐃᒪᐃᒋᐊᖃᖅᑎᑦᑎᕗᖅ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᓂᕐᒧᑦ ᐸᕐᓇᐅᓯᐅᕐᓂᖅ ᐊᔾᔨᒌᒥᒃ ᐃᓱᒪᔅᓴᕐᓯᐅᕈᑕᐅᓗᓂ ᖃᐅᔨᓴᖅᑐᓕᕆᓂᕐᒧᑦ ᑐᑭᓯᐅᒪᔾᔪᑎᔅᓴᓂᒃ ᐊᒻᒪᓗ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪᓗ ᐊᑑᑎᖃᕐᓂᖓ ᐃᓄᐃᑦ ᖃᐅᔨᒪᔭᖏᑦ ᖃᐅᔨᓴᕐᓂᕐᒥ ᐊᒻᒪᓗ ᑭᒃᑯᑐᐃᓐᓇᕐᓄᑦ ᑐᑭᓯᐅᒪᔾᔪᑎᔅᓴᓕᕆᔾᔪᑏᑦ ᕿᒥᕐᕈᔭᐅᕆᐊᖃᕐᖓᑕ ᒥᕐᖑᐃᓯᕐᕕᐅᑉ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᕐᓂᒃ ᐃᓚᒋᔭᐅᓗᓂ ᐊᖏᖅᑕᐅᕙᓪᓕᐊᓂᖏᓐᓄᑦ ᐱᓕᕆᓂᕐᒥFootnote 9.

ᓄᓇᕗᒥ ᐊᓪᓚᕝᕕᖓᑦ ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ ᓯᕗᓕᕐᓯᓯᒪᕗᑦ ᐃᓄᐃᑦ ᖃᐅᔨᒪᔭᖏᓐᓂᒃ ᐱᓕᕆᐊᕐᒥ (2005-2010) ᐱᖓᓱᓂᒃ ᓄᓇᕗᒥ ᒥᕐᖑᐃᓯᕐᕕᖏᓐᓂ, ᐱᖃᓯᐅᔾᔭᐅᓪᓗᓂ ᐊᐅᔪᐃᑦᑐᖅ ᒥᕐᖑᐃᓯᕐᕕᒃ. ᐱᓕᕆᐊᓖᑦ ᑲᒪᒋᔭᐅᓇᓱᐊᖅᑐᓂ ᐃᓄᐃᑦ ᑐᑭᓯᐅᒪᓂᖓᑦ ᒥᕐᖑᐃᓯᕐᕕᐅᑉ ᐆᒪᓂᓕᓐᓂᒃ ᐊᕙᑎᖏᓐᓂᓪᓗ ᐊᒻᒪᓗ ᖃᓂᒋᔭᖏᓐᓂ ᑲᒪᒋᔭᐅᓪᓚᑦᑖᕐᓯᒪᙱᑦᑐᓂᒃ. ᐊᒃᓱᕈᖅᑐᑎᑦ ᐱᐅᓯᑎᑦᑎᒋᐊᕈᑎᒋᔭᐅᕙᓪᓕᐊᓇᓱᐊᖅᑐᖅ ᑐᑭᓯᐅᒪᓂᑦᑎᓐᓂ ᒥᕐᖑᐃᓯᕐᕕᓂ, ᒪᑭᒪᔪᓐᓇᕐᓂᖅᓴᐅᓕᕋᓱᐊᖅᑐᑎᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᓄᓇᓕᐅᔪᐃᑦ ᑲᑐᔾᔨᓗᑎᑦ ᖃᐅᔨᓴᖃᑎᒌᓐᓂᐊᖅᑐᑎᑦ ᐊᐅᓚᑦᑎᖃᑎᒌᓪᓗᑎᑦ ᐊᒻᒪᓗ ᑐᑭᓯᐅᒪᓂᖅᓴᐅᓕᕐᓗᑎᑦ ᐃᓄᐃᑦ ᖃᐅᔨᒪᔭᖏᓐᓂ, ᐱᔪᓐᓇᖅᑕᖏᓐᓂ, ᐊᔪᙱᑕᖏᓐᓂ ᐊᒻᒪᓗ ᑕᐅᑦᑐᖏᓐᓂ. ᖃᐅᔨᒪᓂᖅ, ᐊᑐᖃᑦᑕᕐᓂᖅ ᑲᒪᒋᔭᐅᕙᓪᓕᐊᓇᓱᐊᖅᑐᓪᓗ ᐋᖅᑭᓱᖅᑕᐅᔪᑦ ᐱᓕᕆᐊᕐᒥ ᐊᑐᖅᑕᐅᕙᑦᑐᑦ ᐃᖅᑲᓇᐃᔭᖅᑎᖏᓐᓄᑦ ᓄᓇᕗᒻᒦᑦᑐᓄᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂ ᐱᐅᓯᑎᑕᐅᒋᐊᕐᓗᑎᒃ ᐊᒻᒪᓗ ᐱᔪᓐᓇᕐᓯᕚᓪᓕᖁᓪᓗᒋᓪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓄᓇᒦᑦᑐᓂᒃ ᐆᒪᓂᓕᓐᓂᒃ ᐊᕙᑎᖓᓂᓪᓗ ᐱᓪᓚᑦᑖᖑᔪᓂᒃ ᖃᐅᔨᓴᕐᓂᕐᒥ ᐊᐅᓚᑦᑎᓂᕐᒥᓪᓗ ᐱᓕᕆᐊᖑᔪᓂᒃ, ᓄᓇᓖᑦ ᐃᓄᐃᑦ ᐃᓚᐅᒋᐊᒃᑲᓐᓂᕈᓐᓇᕐᓯᖁᓪᓗᒋᑦ ᒥᕐᖑᐃᓯᕐᕕᓕᕆᓂᕐᒥᒃ ᐊᒻᒪᓗ ᐋᖅᑭᒋᐊᕐᓗᒋᑦ ᐳᓚᕋᑦᑎᓄᑦ ᐊᑐᖅᑕᐅᕙᑦᑐᑦ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑦᑎᒍᑕᐅᕙᑦᑐᑦ.

1.5 ᐊᕕᑦᑐᖅᓯᒪᕕᒻᒥ ᖃᓄᐃᓕᖓᓂᖏᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᖓᑦ ᕿᑭᖅᑖᓗᒻᒦᑉᐳᖅ, ᐅᐊᓐᓇᖓᓂ ᑎᓄᔾᔨᕐᕕᐅᑉ ᕿᑭᖅᑖᓘᑉ ᐃᑭᖓᓂ. ᒥᕐᖑᐃᓯᕐᕕᒃ ᖃᓂᓛᖑᕗᖅ ᐸᖕᓂᖅᑑᕐᒧᑦ ᐊᒻᒪᓗ ᕿᑭᖅᑕᕐᔪᐊᕐᒧᑦ. ᐸᓐᓂᖅᑑᖅ ᐃᓄᖃᖅᑐᖅ ᐃᒪᓐᓇᐸᓗᓐᓂᒃ ᐊᒥᓱᓂᒃ 1,325Footnote 10 ᐅᖓᓯᓐᓂᖃᖅᑐᓂ 32 ᑭᓛᒥᑐᔅ ᓂᒋᐊᓂ ᒥᕐᖑᐃᓯᕐᕕᐅᑉ ᐸᖕᓂᖅᑑᕈᓘᑉ ᑲᖏᖅᑐᖓᓂ. ᐸᓐᓂᖅᑑᖅ ᑐᖅᑲᑕᕐᕕᐅᕗᖅ ᐃᓄᐃᑦ ᓴᓇᙳᐊᒐᖏᓐᓄᑦ ᐊᒻᒪᓗ ᑮᓇᐅᔭᓕᐅᕈᑎᔅᓴᖃᕐᕕᓪᓚᕆᐅᓪᓗᓂ ᒐᕙᒪᒃᑯᓐᓂ ᐊᒻᒪᓗ ᐃᖃᓗᒐᓱᐊᖅᑎᓂᒃ ᐃᖅᑲᓇᐃᔭᕐᕕᐅᓛᖑᓲᖑᓪᓗᑎᒃ. ᕿᑭᖅᑕᕐᔪᐊᖅ ᕿᑭᖅᑕᕐᔪᐊᕐᒦᑉᐳᖅ, 82 ᑭᓛᒥᑐᔅ ᐅᐊᓐᓇᖓ ᑲᓇᓐᓇᕐᐸᓯᐊᓂ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᕿᑭᖅᑖᓘᑉ ᐊᑯᑭᑦᑐᐃᓪᓗ ᐃᑭᕋᓴᖓᓂ. ᕿᑭᖅᑕᕐᔪᐊᖅ ᐃᓄᖏᑦ ᐊᒥᓲᓂᓖᑦ ᐃᒪᓐᓇᐸᓗᓐᓂᒃ 473Footnote 11. ᐱᕙᓪᓕᐊᑎᑦᑎᔪᑦ ᑮᓇᐅᔭᓕᐅᕈᑎᔅᓴᒥᒃ ᐃᖃᓗᒐᓱᖃᑦᑕᓂᕐᒥᒃ, ᐱᖃᓯᐅᑎᓪᓗᒋᑦ ᐅᑯᐊ ᓄᓇᓕᐅᔪᑦ ᐊᐅᓱᐃᑦᑐᖅ, ᖃᐅᓱᐃᑦᑐᖅ ᐊᒻᒪᓗ ᐃᑉᐱᐊᕐᔪᒃ. ᓄᓇᖓ, ᐆᒪᔪᖏᑦ, ᐃᓕᖅᑯᓯᖓᑦ ᓴᓇᐅᒐᖏᓪᓗ ᑕᒪᒃᑮᒃ ᓄᓇᓕᓐᓂᑦ ᖃᓂᒋᔭᖏᓐᓃᑦᑐᓂᓪᓗ ᐱᐅᒋᔭᐅᓪᓚᕆᑉᐸᑦᑐᑦ ᐳᓚᕋᑦᑎᓄᑦ. ᐱᖅᑯᓯᑐᖃᖏᑎᒍᑦ ᐃᓕᖅᑯᓯᖓᑦ ᐊᖑᓇᓱᖃᑦᑕᕐᓂᖓᓪᓗ ᐱᒻᒪᕆᐅᓪᓗᓂ ᑕᒪᓐᓇ ᑕᒪᒃᑮᓐᓂᒃ ᓄᓇᓕᐅᔫᓐᓂᒃ. ᑕᒪᒃᑮᒃ ᓄᓇᓕᐅᔫᒃ ᖃᖓᑕᓲᖃᓲᖑᕗᑦ ᐃᖃᓗᓐᓂ, 300 ᑭᓛᒥᑐᔅ ᐅᖓᓯᓐᓂᖃᐸᓗᒃᑐᓂ ᓂᒋᐊᓃᑦᑐᖅ ᐸᓐᓂᖅᑑᒥ ᐊᒻᒪᓗ 400 ᑭᓛᒥᑐᔅ ᐅᖓᓯᓐᓂᖃᖅᑐᓂ ᓂᒋᐊᓂ ᕿᑭᖅᑕᕐᔪᐊᑉ.

1.6 ᐸᕐᓇᐃᓂᖅ

ᑲᓇᑕᒥ ᒥᕐᖑᐃᓯᕐᕖᑦ ᐱᖁᔭᖓᑦ ᐱᔭᕆᐊᖃᖅᑎᑦᑎᕗᖅ ᐊᐅᓚᑦᑎᓂᕐᒧᑦ ᐸᕐᓇᒍᑎᓕᐅᖅᑐᖃᕐᓗᓂ ᐊᒻᒪᓗ ᓴᖅᑭᑕᐅᓗᑎᑦ ᑲᓇᑕᒥ ᐱᖁᔭᓕᐅᕐᕕᕐᔪᐊᖓᓂ ᐊᑐᓂ ᒥᕐᖑᐃᓯᕐᕕᐅᔪᓄᑦ. ᐊᐅᓚᑦᑎᓂᕐᒧᑦ ᐸᕐᓇᐅᑦ ᐋᖅᑭᒃᓱᖅᑕᐅᔭᕆᐊᖃᕐᒪᑦ ᐃᓚᐅᓗᑎᒃ ᑲᓇᑕᒥᐅᑦ ᑭᒃᑯᑐᐃᓐᓇᓕᒫᑦ ᐊᒻᒪᓗ ᕿᒥᕐᕈᔭᐅᖃᑦᑕᕐᓗᑎᒃ ᐊᕐᕌᒍᐃᑦ ᑕᓪᓕᒪᑦ ᐊᓂᒍᕋᐃᑉᐸᑕ. ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑦFootnote 12 ᐱᔭᕆᐊᖃᖅᑎᑦᑎᒋᕗᖅ ᐋᖅᑭᒃᓱᐃᔪᖃᕐᓗᓂ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᒻᒥᑦ ᑲᓇᑕᒥ ᒥᕐᖑᐃᓯᕐᕕᓐᓄᑦ ᓄᓇᕗᒻᒥ. ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑦFootnote 13 ᐱᔭᕆᐊᖃᖅᑎᑦᑎᕗᖅ ᑖᓐᓇ ᐊᐅᓚᑦᑎᓂᕐᒧᑦ ᐸᕐᓇᐅᑦ ᒪᓕᒃᑲᓗᐊᕐᒪᖔᑦ ᑖᒃᑯᓄᖓ ᑐᕌᖓᔪᓂᒃ ᑭᓪᓕᖏᓐᓂᒃ ᒪᓕᒋᐊᓕᖏᓐᓂᓪᓗ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᒻᒥ.

ᑖᒃᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐅᐸᓗᖓᐃᔭᖅᑕᐅᓯᒪᔪᖅ ᑲᑐᔾᔨᖃᑎᒌᑦᑐᑎᒃ ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᐊᒻᒪᓗ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ. ᑭᖑᓪᓕᖅᐹᕐᒥ ᑎᑎᕋᖅᑕᐅᓯᒪᓂᖓᑦ ᓴᖅᑭᑕᐅᔪᔪᖅ ᕿᒥᕐᕈᔭᐅᒐᔭᕐᖓᑦ ᐊᒻᒪᓗ ᐊᖏᖅᑕᐅᓗᓂ ᐊᐅᔪᐃᑦᑐᖅ ᑲᑐᔾᔨᓪᓗᑎᑦ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᕐᓄᑦ ᐊᒻᒪᓗ ᑲᓇᑕᒥ ᒐᕙᒪᒃᑯᖏᓐᓄᑦ. ᐸᕐᓇᓐᓂᐅᕙᓪᓕᐊᔪᖅ ᑐᑭᒧᐊᕈᑕᐅᓯᒪᕗᖅ ᐊᒻᒪᓗ ᑐᑭᒧᐊᕈᑕᐅᓂᖃᓂᐊᖅᑐᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓄᑦ, ᑲᓇᑕᒥ ᒥᕐᖑᐃᓯᕐᕖᑦ ᐱᖁᔭᖓᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᑐᐊᒐᖏᑦ ᒪᓕᒐᐃᑦ ᐊᒻᒪᓗ ᐊᐅᓚᓂᕐᒧᑦ ᐊᑐᐊᒐᖏᑦ ᐊᒻᒪᓗ ᐃᓚᐅᓗᑎᒃ ᑲᓇᑕᒥᐅᑦ ᑭᒃᑯᑐᐃᓐᓇᐃᑦ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᐊᒻᒪᓗ ᑲᑐᔾᔨᓪᓗᑎᑦ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᐊᖅᑭᔅᓱᐃᓚᐅᕐᓯᒪᔪᑦ ᑲᑐᔾᔨᖃᑎᖏᓐᓂᒃ, ᑎᒍᒥᐊᖅᑎᐅᖃᑕᐅᔪᓂᒃ, ᑭᒃᑯᑐᐃᓐᓇᓕᒫᓂᓪᓗ ᑲᑎᒪᑎᑦᑎᖃᑦᑕᓂᐊᕐᓂᖏᓐᓂᒃ ᑲᑎᖁᓪᓗᒋᑦ ᐱᓕᕆᐊᖃᓪᓗᐊᑕᖅᑐᑦ ᑭᒃᑯᑐᐃᓐᓇᐃᑦ ᐋᖅᑮᓂᐊᕐᖓᑕ ᖃᓄᖅ ᐱᕙᓪᓕᐊᒍᑎᖃᕐᓂᐊᕐᒪᖔᑕ ᒥᕐᖑᐃᓯᕐᕕᓕᕆᓂᕐᒥᒃ. ᐊᔾᔨᒌᙱᑦᑐᓂᒃ ᑐᓴᕆᐊᕐᕕᖃᕐᓂᕐᒧᑦ ᑲᑎᒪᑎᑦᑎᓂᕐᒥ ᐊᑐᔪᔪᑦ ᐃᓚᐅᖁᓪᓗᒋᑦ ᑭᒃᑯᑐᐃᓐᓇᐃᑦ ᐸᕐᓇᐅᓯᐅᕐᓂᕐᒥ ᐊᒻᒪᓗ ᖃᐅᔨᓇᓱᐊᕐᑐᑎᒃ ᖃᓄᖅ ᐃᓱᒪᒋᔭᐅᒻᒪᖔᑕ ᑎᑎᕋᖅᑕᐅᒋᐊᙵᕐᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ, ᐱᖃᓯᐅᑎᓪᓗᒋᑦᑦ ᑐᓴᕋᔅᓴᑦ ᐱᕙᓪᓕᐊᔪᑦ, ᑲᑎᒪᓂᒃᑯᑦ ᐃᓕᓐᓂᐊᕐᓂᖅ ᒥᕐᖑᐃᓯᕐᕕᒻᒥ, ᑲᑎᒪᓂᒃᑯᑦ ᐃᓕᓐᓂᐊᕐᓂᖅ ᐸᓐᓂᖅᑑᒥ, ᕿᑭᖅᑕᕐᔪᐊᕐᒥ ᐃᖃᓗᓐᓂᓗ, ᓈᓚᐅᑎᒃᑯᑦ ᐅᖄᓚᖃᑦᑕᑎᑦᑎᕙᑦᑐᑎᒃ, ᑎᑎᖅᑲᑎᒍᑦ ᐊᒻᒪᓗ ᐃᓄᓕᒫᖅᑎᑎᓪᓗᑎᒃ ᑲᑎᒪᑎᑦᑎᕙᑦᑐᑎᒃ. ᓄᓇᓖᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ (ᕼᐊᒪᓚᒃᑯᑦ ᑲᑎᒪᔨᖏᑦ, ᐆᒪᔪᕐᓂᐊᑎᒃᑯᑦ, ᐃᓄᑐᖃᐃᑦ ᑲᑎᒪᔨᖏᑦ, ᐃᓅᓱᑦᑐᐃᑦ ᑲᑎᒪᔨᖏᑦ, ᐊᕐᓇᐃᑦ ᑲᑎᒪᔨᖏᑦ, ᐃᓕᓴᐃᔩᑦ, ᐳᓚᕋᑦᑐᓕᕆᔨᒃᑯᑦ, ᐱᖏᓐᓇᖅᑐᓕᕆᔩᑦ, ᓄᓇᓕᓐᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᑦ, ᑭᒃᑯᑐᐃᓐᓇᓕᒫᓪᓗ), ᐳᓚᕋᖅᑐᓕᕆᔨᒃᑯᑦ, ᖃᐅᔨᓴᖅᑏᑦ, ᕿᑭᖅᑖᓗᒻᒥ ᐆᒪᔪᓕᕆᔩᑦ ᑲᑎᒪᔨᖏᑦ, ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᕗᑦ ᑐᙵᕕᒃ ᑎᒥᖓᑦ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ, ᑭᒡᒐᑐᖅᑏᑦ ᓄᓇᕗᑦ ᒐᕙᒪᒃᑯᖏᓐᓂ, ᐊᓯᖏᓐᓂᒃ ᒐᕙᒪᑐᖃᒃᑯᓐᓂ ᐱᓕᕆᕖᑦ, ᐊᕙᑎᓕᕆᔨᒃᑯᑦ ᑲᑐᔾᔨᖃᑎᒌᖏᑦ, ᒥᕐᖑᐃᓯᕐᕕᒻᒧᑦ ᐳᓛᕆᐊᖅᐸᑦᑐᑦ ᐊᒻᒪᓗ ᐊᓯᖏᑦ ᖃᐅᔨᔪᒪᔪᑦ ᐃᓄᐃᑦ ᑭᒃᑯᑐᐃᓐᓇᐃᑦ ᖃᐃᖁᔭᐅᓚᐅᖅᓯᒪᔪᐃᑦ ᐅᖃᐅᓯᒃᓴᖏᑦ ᑐᓴᖅᑕᐅᔪᒪᓪᓗᑎᑦ ᐱᔾᔪᑎᒋᓪᓗᒋᑦ ᑖᒃᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ. ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᖅᑐᐃᑦ ᐃᓄᒃᑎᑑᖓᓪᓗᑎᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐊᒻᒪᓗ ᐃᓄᓕᒫᓂᒃ ᑭᒃᑯᑐᐃᓐᓇᕐᓂᒃ ᑲᑎᒪᑎᑦᑎᖃᑦᑕᔪᔪᑦ ᑕᒪᕐᒥᒃ ᐱᖓᓱᓂᒃ ᐅᖃᐅᓯᕐᓂᒃ ᐊᑐᖅᑐᑎᒃ.

ᐊᐅᓚᑦᑎᓂᕐᒧᓐ ᐸᕐᓇᐅᑏᑦ ᑲᓇᑕᓕᒫᒧᓐ ᒥᕐᖑᐃᓯᕐᕕᓄᑦ ᒫᓐᓇ ᓴᓇᔭᐅᕙᓕᕐᖓᑕ ᐅᓂᒃᑳᓕᐅᖅᑐᖃᓚᐅᖅᑎᓪᓗᒍ ᒥᕐᖑᐃᓯᕐᕕᐅᑉ ᒫᓐᓇ ᖃᓄᐃᓐᓂᕆᓕᖅᑕᖓᓂᒃ ᐱᔾᔪᓕᒻᒥᒃ ᑕᐃᒫᒃ ᐅᓂᒃᑳᖃᕈᓐᓇᓂᐊᕐᖓᑕ ᐱᕙᓪᓕᐊᓂᐅᓯᒪᔪᓂᒃ ᑐᕌᖓᕐᓄᑦ ᑎᑭᐅᑎᒐᓱᐊᖅᑐᑎᒃ ᐊᒻᒪᓗ ᖃᐅᔨᒪᔾᔪᑕᐅᓪᓗᓂ ᑕᒪᒃᑯᐊ ᐸᕐᓇᐅᑎᒦᑦᑐᑦ ᓱᒋᐊᕐᓂᐅᒋᐊᓖᑦ ᐊᑑᑎᖃᑦᑎᐊᕋᓗᐊᕐᒪᖔᑕ ᐱᒐᓱᐊᖅᑕᖏᓐᓄᑦ ᐱᑎᑦᑎᕙᒻᒪᖔᑕ. ᐊᕐᕌᒍᑦ ᑕᓪᓕᒪᓐ ᓈᑉᐸᑕ ᑖᓐᓇ ᐊᐅᓚᑦᑎᓂᕐᒧᓐ ᐸᕐᓇᐅᑎ ᕿᒥᕐᕈᔭᐅᓕᖅᑲᓐ ᕿᒥᕐᕈᔭᐅᓂᖓ ᓴᓇᓯᓐᓈᕐᓗᑎᒃ ᒥᕐᖑᐃᓯᕐᕕᒃ ᖃᓄᐃᓕᕐᒪᖔᖅ ᐅᓂᒃᑳᓕᐅᕐᓂᒃᑯᑦ.

2.0 ᐱᒻᒪᕆᐅᓂᖓ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐃᓚᒋᔭᐅᒻᒪᑦ ᑲᓇᑕᒥ ᒥᕐᖑᐃᓯᕐᕕᐅᔪᓄᑦ ᓴᐳᔾᔨᓯᒪᔪᓄᑦ ᑕᑯᔅᓴᐅᑎᑦᑎᓪᓗᑎᒃ ᑲᓇᑕᒥ ᓄᓇᐅᔪᓂᒃ ᐊᒻᒪᓗ ᓱᕐᕋᒃᓯᒪᙱᑦᑐᓂᒃ ᓄᓇᓂᒃ. ᑕᒪᒃᑯᐊ ᓱᕐᕋᒃᓯᒪᙱᑦᑐᑦ ᑲᓇᑕᒥ ᐱᒻᒪᕆᐅᔪᑦ ᑲᒪᒋᔭᐅᓪᓗᑎᒃ ᑲᓇᑕᒥ ᐊᒻᒪ ᓇᓗᓇᐃᖅᑕᐅᓯᒪᓪᓗᑎᒃ ᐱᖁᔭᓕᐅᕐᕕᔾᔪᐊᕐᒥ. ᑲᓇᑕᒥ ᒥᕐᖑᐃᓯᕐᕖᑦ ᓇᓗᓇᐃᒃᑯᑕᓪᓗᐊᑕᐅᒻᒪᑕ ᑲᓇᑕᐅᔾᔪᑎᖓᓂᒃ ᑲᒪᒋᔭᐅᓪᓗᑎᒃ ᑲᓇᑕᒥ ᒥᕐᖑᐃᓯᕐᕕᓐᓄᑦ ᐱᖁᔭᕐᒥ ᐱᕚᓪᓕᕈᑎᔅᓴᐅᖁᓪᓗᒋᑦ, ᐃᓕᓐᓂᐊᕈᑕᐅᔪᓐᓇᖁᓪᓗᒋᑦ ᑲᔾᔮᕆᐊᖅᑐᕐᕕᐅᖃᑦᑕᖁᓪᓗᒋᓪᓗ ᑲᓇᑕᒥᐅᑕᓕᒫᓄᑦ ᑕᒪᒃᑯᐊ ᓱᕐᕋᑦᑕᐅᖁᓇᒋᑦ ᑭᖑᕚᔅᓴᕗᑦ ᐱᔾᔪᑎᒋᓪᓗᒋᑦ.

ᑲᓇᑕᒥ ᒥᕐᖑᐃᓯᕐᕕᓐᓄᑦ ᐋᖅᑭᒃᓯᒪᓂᖏᓐᓄᑦ ᐸᕐᓇᐅᑦ ᑲᓇᑕᒥᒃ ᐊᕕᑦᑐᕐᓯᒪᑎᑦᑎᕗᖅ 39-ᓄᑦ ᐊᔾᔨᐅᖏᑦᑐᓄᑦ “ᑲᓇᑕᒥ ᒥᕐᖑᐃᓯᕐᕖᑦ ᓱᕐᕋᒃᓯᒪᙱᑦᑐᑦ” ᒪᓕᑦᑐᒋᑦ ᓄᓇᖏᑕ ᖃᓄᐃᓕᖓᓂᖏᓐᓄᑦ ᐊᒻᒪ ᐱᕈᖅᑐᖏᓐᓄᑦ. ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐆᑦᑑᑎᑦᑎᐊᕙᐅᒻᒪᑦ ᐅᐊᓐᓇᖅᐸᓯᒻᒥ ᑕᐃᕕᔅᐸᓯᕐᒥ ᓱᕐᕋᒃᓯᒪᙱᑦᑐᒥ ᓄᓇᒥᒃ (ᓱᕐᕋᒃᓯᒪᙱᑦᑐᖅ 26). ᑕᒪᓐᓇ ᓱᕐᕋᒃᓯᒪᙱᑦᑐᖅ ᐃᓚᒋᔭᐅᕗᖅ ᐃᓐᓈᕈᖃᐅᖅᑐᓄᑦ, ᑲᖏᖅᑐᑯᑖᓄᑦ, ᐊᐅᔪᐃᑦᑐᓄᑦ, ᓯᒥᓄᑦ ᐊᒻᒪ ᐃᒫᓂ ᐱᕈᖅᑐᓄᑦ. ᑕᒪᓐᓇ ᓄᓇᖓ ᐱᖃᓯᐅᔾᔨᔪᖅ ᐅᑭᐅᖅᑕᖅᑐᖓᓂ ᑲᓇᑕᒥ ᓇᓗᓇᐃᖅᓯᒪᔪᒥ ᐊᒻᒪ ᓯᔾᔭᖓᓂ ᕿᑭᖅᑖᓗᑉ ᐊᑯᑭᑦᑐᓪᓗ ᐃᑭᕋᓴᖓᓂ.

ᒥᕐᖑᐃᓯᕐᕕᒃ ᒥᕐᖑᐃᓯᕐᕕᙳᖅᑎᑕᐅᓚᐅᕐᓯᒪᔪᖅ ᑲᓇᑕᒥ ᒥᕐᖑᐃᓯᕐᕕᐅᓗᓂ ᒪᕐᕉᓐᓂᒃ ᐊᖏᕈᑏᓂᒃ ᐊᑎᓕᐅᓚᐅᖅᑎᓪᓗᒋᑦ ᐃᓄᐃᑦ ᓄᓇᕗᒻᒥ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ: ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑦ ᐊᒻᒪ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᐊᒻᒪᓗ ᓯᕐᒥᓕᒻᒧᑦ ᒥᕐᖑᐃᓯᕐᕕᓐᓄᑦ. ᑭᖑᓪᓕᖅ ᐊᖏᖃᑎᒌᒍᑕᐅᔪᖅ ᓇᓗᓇᐃᕐᓯᓯᒪᔪᖅ ᐱᔾᔪᑎᖓᓂᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᑲᓇᑕᒥ ᐃᒪᐃᓕᖓᓪᓗᓂ:

ᒥᕐᖑᐃᓯᕐᕕᒃ ᐱᔾᔪᑎᖃᕐᒪᑦ ᐃᒪᐃᑦᑐᓂᒃ:

  • ᐃ) ᓴᐳᔾᔨᓯᒪᓂᖅ ᑕᐃᒪᖓᓕᒫᖅ ᓄᓇᑐᖃᓪᓚᑦᑖᖓᑕ ᑳᓇᑕᐊᑉ ᐊᓐᓂᕆᔭᐅᔪᑦ ᐱᓗᐊᖅᑐᒥ ᕿᑭᖅᑖᓗᑉ ᐃᑭᐊᖓᑕ ᓄᓇᖓᓐᓂᒃ ᓇᓗᓇᐃᕆᓪᓗᓂ;
  • ᐱ) ᐃᓱᒪᒋᔭᖃᑎᐊᓂᕐᒧᑦ ᐃᓕᓴᕆᔭᐅᓗᓂᓗ ᐊᒃᑐᐊᓂᖏᑦ ᐃᓄᐃᑦ ᐊᒻᒪᓗ ᐊᑐᖅᐸᒃᑕᖏᑦ ᓄᓇᐃᑦ; ᐊᒻᒪᓗ
  • ᑎ) ᑲᔪᖏᕐᓴᐃᓂᕐᒧᑦ ᐃᓄᐃᑦ ᑐᑭᓯᐅᒪᓂᖏᓐᓂᑦ, ᖁᕕᐊᒋᔭᖃᕐᓂᖏᓐᓂᑦ ᐊᒻᒪᓗ ᑲᔾᔮᕆᔭᖃᕐᓂᖏᓐᓂᒃ ᒥᕐᖑᐃᓯᕝᕕᖕᒥᑦ, ᐃᓚᒋᓪᓗᒍ ᐊᒃᑐᐊᓂᖏᑦ ᐃᓄᐃᑦ ᐊᑐᖅᐸᒃᑕᒥᓄᑦ, ᑲᑎᓪᓗᒋᑦ ᐊᓱᐃᓛᒃ ᒥᕐᖑᐃᖅᓯᕐᕕᒃ ᓱᕐᕋᒃᑕᐅᔾᔮᖏᒻᒪᑦ ᓯᕗᓂᕆᔭᑦᑎᓐᓂᑦ.Footnote 14.

ᒥᕐᖑᐃᓯᕐᕕᒃ ᐱᒻᒪᕆᐅᕗᖅ ᓄᓇᖓᑕ ᐋᖅᑭᓯᒪᓂᖓᓄᑦ, ᐆᒪᓂᓖᑦ ᖃᓄᐃᑦᑑᓂᖏᓐᓄᑦ ᐊᒻᒪ ᐃᓕᖅᑯᓯᖅᑎᒍᑦ ᐊᑐᖅᑕᐅᖃᑦᑕᕐᓂᖓᓄᑦ, ᐅᓂᒃᑳᑦ ᓴᖅᑮᕙᑦᑐᑦ ᐅᐊᑦᑎᐊᕈᕐᓂᓴᕐᓂᒃ ᒫᓐᓇᓕᓴᕐᓂᓪᓗ ᐃᓕᖅᑯᓯᕐᓂᒃ, ᐊᒻᒪᓗ ᐊᑦᑐᐊᓪᓗᓂ ᐳᓚᕋᑦᑏᑦ ᐊᑐᖅᐊᑦᑕᖏᓐᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᓇᓱᐊᕋᔅᓴᐅᔪᓂᒃ.

3.0 ᐸᕐᓇᐃᓂᕐᒧᑦ ᐃᓗᓕᖏᑦ / ᒫᓐᓇ ᖃᓄᐃᓕᖓᓂᖓ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐱᒋᐊᖅᑎᑕᐅᒋᐊᙵᓚᐅᕐᓯᒪᔪᖅ 40 ᐅᑭᐅᑦ ᐊᓂᒍᖅᑐᑦ ᑕᐃᔅᓱᒪᓂ ᐊᒻᒪ ᐱᔭᕇᖅᑕᐅᓪᓗᓂ ᐊᑎᓕᐅᖅᑕᐅᓚᐅᖅᑎᓪᓗᒍ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑦ.

  • 1960-ᖏᓐᓂ: ᓯᕗᓪᓕᖅᐹᒥᒃ ᑲᓇᑕᒥ ᒥᕐᖑᐃᓯᕐᕕᑦᑖᕈᒪᓂᖅ ᐅᖃᐅᓯᐅᒋᐊᓐᖓᓕᓚᐅᕐᓯᒪᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ “ᐱᖓᓱᓂᒃ ᐅᑭᐅᖅᑕᖅᑐᒦᑦᑐᓂᒃ” ᐊᐅᓚᔾᔭᐃᒍᑕᐅᕙᓪᓕᐊᔪᓂᒃ.
  • 1972: ᓄᓇᖓ ᓴᓂᕐᕙᖅᑕᐅᓚᐅᕐᓯᒪᔪᖅ ᕿᑭᖅᑖᓗᒻᒥ ᑲᓇᑕᒥ ᒥᕐᖑᐃᓯᕐᕕᐅᓂᐊᕐᖓᑦ ᕖᕝᕗᐊᓕ 22ᒥ.
  • 1975: ᕖᕝᕗᐊᓕᒥ, ᐊᑭᑦᑐᕋᐅᑎᑎᑦᑎᓚᐅᕐᓯᒪᔪᑦ ᓄᓇᓕᐅᔪᓂ ᕿᑭᖅᑕᕐᔪᐊᒥ ᐸᓐᓂᖅᑑᒥᓗ ᐊᑎᒃᓴᖓᓂ ᓂᕈᐊᕐᓂᐊᕐᖓᑕ ᒥᕐᖑᐃᓯᕐᕕᒃᓴᐅᑉ. ᐊᐅᔪᐃᑦᑐᖅ - ᐃᓄᒃᑎᑐᑦ ᑐᑭᓕᒃ “ᓄᓇ ᐊᐅᔪᐃᑦᑐᖅ” -ᓂᕈᐊᖅᑕᐅᓕᓚᐅᕐᓯᒪᔪᖅ.
  • 1976: ᐊᐅᔪᐃᑦᑐᖅ ᒥᕐᖑᐃᓯᕐᕕᒃᓴᖅFootnote 15a ᓴᓂᕐᕙᖅᑕᐅᓚᐅᕐᓯᒪᔪᖅ ᐄᐳᕈ 9-ᖑᑎᓪᓗᒍ ᐊᒻᒪ ᓴᐳᔾᔨᓕᖅᑐᑎᒃ 22,600 ᑭᓚᒦᑕᒥ ᐊᖏᓂᓕᒻᒥᒃ2 ᑲᓇᓐᓇᖓᓂ ᕿᑭᖅᑖᓘᑉ.
  • 1993: ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑦ ᐊᑎᓕᐅᖅᑕᐅᓚᐅᕐᓯᒪᔪᖅ ᐃᖃᓗᓐᓂ, ᓄᓇᑦᓯᐊᕐᒥ (ᒫᓐᓇ ᓄᓇᕘᓕᖅᑐᖅ) ᒪᐃ 25-ᒥ. ᓄᓇᓂᒃ ᓂᕈᐊᖅᐸᓪᓕᐊᑎᓪᓗᒋᑦ ᐃᓚᒋᔭᐅᓪᓗᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐋᔩᖃᑎᒌᓐᓂᕐᒥ, ᐃᓄᐃᑦ ᓂᕈᐊᓚᐅᕐᓯᒪᔪᑦ ᑕᒫᓂ 3,500 ᑭᓚᒦᑕᓂᒃ2 ᓄᓇᓂᒃ ᑕᕆᐅᕐᓂᓪᓗ ᐃᒪᕐᓂᒃ ᐃᓄᓐᓄᑦ ᓄᓇᖁᑎᑖᕆᔭᐅᓂᐊᖅᑐᓂᒃ, ᑕᐃᒫᒃ ᒥᑭᓪᓕᕚᓪᓕᓪᓚᐅᕐᓯᒪᔪᖅ ᒥᕐᖑᐃᓯᕐᕕᐅᓂᖓ ᐃᒪᓐᓇᓄᑦ 19,089 ᑭᓚᒦᑕ2.
  • 1999: ᐃᓄᓐᓄᑦ ᐊᑦᑐᐃᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ ᐊᑎᓕᐅᖅᑕᐅᓚᐅᕐᓯᒪᔪᖅ ᐋᒡᒌᓯ 12, 1999-ᒥ.
  • 2001: ᕖᕝᕗᐊᓕ 19-ᖑᑎᓪᓗᒍ, ᑲᓇᑕᒥ ᒥᕐᖑᐃᓯᕐᕕᓐᓄᑦ ᐱᖁᔭᖅ ᐊᑐᓕᓚᐅᕐᓯᒪᔪᖅ ᐊᑐᓕᖅᑎᑎᓪᓗᑎᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥFootnote 15b.

3.1 ᐊᕙᑎᑦᑎᓂ ᓱᕈᓯᒪᖏᑦᑐᖅ ᐊᑕᐅᓯᐅᖃᑎᒋᒍᓇᓂᕐᓗ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐃᓚᖓ ᑕᒪᓐᓇ ᐅᐊᓐᓇᖓᓃᑦᑐᖅ ᓄᓇᖓ, ᓂᒋᐊᓂ ᑲᓇᓐᓇᖅᐸᓯᒻᒥ ᓯᔾᔭᖓᓂ ᕿᑭᖅᑖᓘᑉ ᐊᒻᒪᓗ ᑲᓇᓐᓇᕐᒥ ᓯᔾᔭᖓᓂ ᑕᓪᓗᕈᑦ ᐊᒻᒪᓗ ᐊᐅᓱᐃᑦᑑᑉ ᕿᑭᖅᑖᓗᐊᓂ. ᒥᕐᖑᐃᓯᕐᕕᒃ ᑕᒫᓃᑉᐳᖅ ᐅᑭᐅᖅᑕᖅᑑᑉ ᑭᓪᓕᖓᓂ ᐊᕙᑎᖓᓃᑦᑐᑦ ᐊᑯᓐᓂᖓᓂ ᖁᑦᑎᑦᑑᑉ ᐊᑦᑎᑑᓪᓗ ᐅᑭᐅᖅᑕᖅᑐᖓᓂ ᐱᕈᖅᑐᖃᕐᕕᖏᓐᓂ.

ᐊᕙᑎᖓ ᒥᕐᖑᐃᓯᕐᕕᐅᑉ, ᕿᒡᒎᓪᓗᓂ ᓂᓚᐅᓪᓗᓂᓗ, ᑕᒪᒃᑮᓐᓂᒃ ᐊᔾᔨᒌᙱᑦᑐᓂᒃ ᐆᒪᔪᓂᒃ ᐱᕈᖅᑐᓂᓪᓗ ᐱᑕᖃᕈᓐᓇᖏᔾᔪᑎᒋᓗᐊᖅᑕᖓ. 20%-ᖏᓐᓇᑯᓗᐊ ᒥᕐᖑᐃᓯᕐᕕᐅᑉ ᐱᕈᖅᑐᖃᐅᖅᑐᖅ, ᑕᒪᒃᑯᐊᓗ ᐱᕈᖅᑐᑦ ᓇᑎᕐᓇᖏᓐᓃᓗᐊᖅᐸᑦᑐᑦ ᐊᒻᒪᓗ ᐊᑦᑎᓂᕐᓴᓂᑦ ᓯᕕᖓᓂᖏᓐᓂ 500 ᒦᑕᓂᒃ ᐊᖏᓂᓕᓐᓂᒃ ᑕᕆᐅᑉ ᖁᓛᓃᑦᑐᓂᒃ. ᒥᕐᖑᐃᓯᕐᕕᒃ ᐃᓚᒋᔭᐅᕗᖅ ᐅᐊᓐᓇᖓᓂ ᑲᓇᓐᓇᕐᐸᓯᐊᓂ ᑭᓪᓕᖓᓂ ᑲᓇᑕᐅᑉ ᑭᓪᓕᖓᓂᒃ, ᐃᓐᓈᕈᖏᑕ ᖄᖏᑦ ᒥᕐᖑᐃᓯᕐᕕᐅᑉ ᐃᓗᐊᓃᑦᑐᑦ ᖁᑦᑎᓂᖅᐹᖑᓪᓗᑎᒃ ᕿᑭᖅᑖᓗᒻᒥ ᐊᒻᒪᓗ ᑲᓇᑕᐅᑉ ᐃᓗᐊᓃᑦᑐᓂᒃ. ᒥᕐᖑᐃᓯᕐᕕᐅᑉ ᐃᓗᐊ ᐊᐅᔪᐃᑦᑐᓕᒃ, 6000 ᑭᓛᒥᑕᓂᒃ2 ᐊᖏᓂᖃᖅᑐᓂ ᓂᓚᒃ ᐊᐳᓪᓗ. ᐃᒥᖅ ᐊᐅᔪᐃᑦᑐᕐᒦᙶᖅᑐᖅ ᐊᓯᖏᓐᓂᓪᓗ ᓯᕐᒥᓂᒃ ᐊᒥᓱᓄᑦ ᑰᒐᓛᓄᑦ ᑰᓐᓄᓪᓗ ᑰᑉᐸᑦᑐᖅ, ᑕᓯᕐᓄᓪᓗ. ᑕᓯᕈᓗᒃ, ᑕᐃᒫᒃ ᐊᑎᖃᕐᖓᑦ, ᐊᕐᓵᔫᑉ ᐊᖅᑯᑎᖓᓃᑦᑐᖅ ᐊᒻᒪᓗ ᒪᕐᕉᓐᓄᒃ ᑰᓪᓗᐊᑖᓐᓄᒃ ᑰᑉᐸᑦᑐᖅ ᒥᕐᖑᐃᓯᕐᕕᒻᒥ; ᑕᓯᕈᓗᒃ ᐊᖅᑯᓪᓘᑎᐅᑉ ᐸᓐᓂᖅᑑᓪᓗ ᕿᙳᐊᑕ ᑰᖓ ᑰᑉᐸᑦᑐᖅ ᓂᒋᕐᒧᑦ ᑕᓯᕈᓗᒻᒥᑦ Owl River-ᒥᓪᓗ ᐅᐊᓐᓇᒧᑦ ᑰᑉᐸᑦᑐᖅ. ᐊᒥᓱᑲᓪᓚᐃᑦ ᐊᓯᖏᑦ ᓯᕐᒦᑦ ᑰᒐᓛᓐᓄᑦ ᒥᑭᓂᕐᓴᓄᓪᓗ ᑕᓯᕐᓄᑦ ᑰᑉᐸᑦᑐᑦ ᒥᕐᖑᐃᓯᕐᕕᒻᒥ. ᐱᖃᓗᔭᑦᑑᖅ, ᐊᖏᓂᖅᐹᖅ ᑕᓯᕐᓂᒃ ᒥᕐᖑᐃᓯᕐᕕᒻᒥ ᐊᕙᓗᔭᐅᓯᒪᕗᖅ ᐱᕈᖅᑐᓕᒻᒧᑦ ᓄᓇᒧᑦ ᐊᒻᒪᓗ ᓇᔪᒐᐅᓪᓗᓂ ᐆᒪᔪᓄᑦ ᒥᕐᖑᐃᓯᕐᕕᒻᒥ ᑕᑯᔭᐅᕙᑦᑐᓄᑦ.

ᓯᔾᔭᖓᓂ, ᓯᕐᒦᑦ ᑕᐅᓄᙵᖓᕗᑦ ᓇᕐᓴᐃᑦ ᓇᑎᕐᓇᖓᓄᑦ ᑕᕆᐅᑉ ᖁᓛᓃᑦᑐᓄᑦ, ᑕᐅᓄᖓᖅᐸᓯᖅ ᓂᕈᑭᓪᓕᑎᑦᑎᓯᒪᕗᑦ ᑲᖏᖅᑐᓂᒃ ᐃᓐᓈᕈᖏᑦ 900 ᒦᑕᓂᒃ ᑕᑭᓂᖃᖅᑐᑎᒃ. ᑕᒪᒃᑯᐊ ᓯᔾᔭᖏᑦ/ᑕᕆᐅᑦ, ᐱᖃᓯᐅᑎᓪᓗᒋᑦ ᐅᐊᓐᓇᖓᓂ ᑲᖏᖅᑐᐃᑦ ᒥᕐᖑᐃᓯᕐᕕᒻᒥ, ᐆᒪᔪᖃᐅᑦᑎᐊᖅᑐᑦ. ᐱᖓᓲᔪᖅᑐᑦ ᑕᕆᐅᕐᒥᐅᑕᐃᑦ (ᐱᖃᓯᐅᑎᓪᓗᒋᑦ ᓇᓄᐃᑦ) ᖃᐅᔨᔭᐅᖃᑦᑕᕐᓯᒪᕗᑦ ᒥᕐᖑᐃᓯᕐᕕᒻᒥ ᐊᒻᒪᓗ ᐊᒥᓱᑲᓪᓚᐃᑦ ᐆᒪᔪᑦ ᖃᓂᒋᔭᖏᓐᓂ ᐃᒪᖏᓐᓃᖃᑦᑕᕆᕗᑦ.

ᑎᓴᒪᐅᔪᖅᑐᑦ ᐆᒪᔪᑦ ᓄᓇᒥᐅᑕᐃᑦ ᒥᕐᖑᐃᓯᕐᕕᒻᒥ ᖃᐅᔨᒪᔭᐅᒋᕗᑦ ᐊᒻᒪᓗ 28 ᑎᒻᒥᐊᑦ ᐃᕙᕙᒃᑭᕗᑦ ᒥᕐᖑᐃᓯᕐᕕᒻᒥ (11ᑲᓐᓃᑦ ᐆᒪᔪᑦ ᐃᕙᖃᑦᑕᖅᑐᒋᔭᐅᒋᓄᑦ ᒥᕐᖑᐃᓯᕐᕕᒻᒥ)Footnote 16. ᖁᓕᑦ ᐱᖓᓱᓪᓗ ᐆᒪᔪᑦ ᑕᕆᐅᖑᙱᑦᑐᒥᐅᑕᐃᑦ ᐊᒻᒪᓗ ᑕᕆᐅᕐᒥᐅᑕᐃᑦ ᐃᖃᓗᐃᑦ ᖃᐅᔨᔭᐅᓯᒪᒋᕗᑦ ᒥᕐᖑᐃᓯᕐᕕᒻᒥ. ᐊᒥᓱᑲᓪᓚᐃᑦ ᐆᒪᔪᑦ ᖃᐅᔨᔭᐅᓯᒪᒋᕗᑦ ᒥᕐᖑᐃᓯᕐᕕᐅᑉ ᐊᕙᑎᖓᓂ ᐸᓐᓂᖅᑑᑉ ᑲᖏᖅᑐᐊᓗᐊᓂ, ᐊᒻᒪᓗ ᐃᒪᖏᓐᓂ ᐸᓐᓂᖅᑑᑉ ᑲᖏᖅᑐᐊᓗᐊᓂ (Cumberland Peninsula) ᐊᒻᒪᓗ ᕿᑭᖅᑖᓘᑉ ᐃᑭᖓᓂ ᖃᓂᒋᔭᓕᒻᒥ ᒥᕐᖑᐃᓯᕐᕕᒻᒧᑦ ᐃᓛᓐᓂᒃ ᒥᕐᖑᐃᓯᕐᕕᐅᑉ ᑭᓪᓕᖓᓃᑉᐸᑦᑐᑦ.

ᑕᒪᕐᒥᓕᒫᐸᓗᒃ ᒥᕐᖑᐃᓯᕐᕕᒃ ᓱᕐᕋᔅᓯᒪᙱᑦᑐᖅ ᓄᓇᖓ. ᐅᓪᓗᒥ, ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᔾᔨᐅᓐᖏᒋᐊᖓᓂᒃ ᓇᓗᓇᐃᕋᒃᓴᐅᓗᐊᓐᖏᑦᑐᖅ ᑕᒫᙵᑦ ᓴᓂᐊᓃᑦᑐᓂᒃ ᒥᕐᖑᐃᓯᕐᕕᐅᑉ ᐊᕙᑖᓃᑦᑐᓂᒃ. ᑭᓯᐊᓂᓕ, ᒥᕐᖑᐃᓯᕐᕕᒃ ᓴᐳᔾᔨᓯᒪᔪᖅ ᐆᒪᔪᐃᑦ ᓇᔪᒐᖏᓐᓂᒃ ᐱᑕᖃᐃᓐᓇᕈᓐᓇᖁᓪᓗᒋᑦ ᐊᖏᔫᑕᐅᔪᑦ ᐆᒪᔪᑦ ᐊᖅᑯᓵᖅᐸᑦᑐᑦ ᑭᓪᓕᖏᑎᒍᑦ, ᐱᖃᓯᐅᑎᓪᓗᒋᑦ ᑕᒪᒃᑯᐊ ᑐᒃᑐᐃᑦ, ᓇᓄᐃᑦ, ᐊᒪᕈᐃᑦ ᐊᒻᒪᓗ ᐊᓯᖏᑦ ᐃᒫᕐᒥᐅᑕᐃᑦ.

ᐃᓄᓐᓄᑦ ᓄᓇᒋᔭᐅᔫᒃ ᕿᑭᖅᑕᕐᔪᐊᖅ ᐊᒻᒪ ᐸᓐᓂᖅᑑᖅ (ᓄᓇᓕᓐᓂ ᐊᖏᓂᖅᐸᖑᖃᑕᐅᔪᖅ ᕿᑭᖅᑖᓗᒻᒥ) ᑲᓇᓐᓇᖓᓃᑦᑐᖅ ᐊᒻᒪ ᓂᒋᐊᓃᑦᑐᖅ ᒥᕐᖑᐃᓯᕐᕕᒻᒥ, ᑕᐃᒫᒃ. ᓄᓇᓖᑦ ᐃᓕᖅᑯᓯᕐᒥᓂᒃ ᐊᑐᖅᑐᑎᒃ ᐊᖑᓇᓱᑉᐸᑦᑐᑦ ᑕᒪᒃᑯᓂᖓ ᐆᒪᔪᖏᓐᓂᒃ ᐊᕙᑎᖓᓃᑦᑐᓂᒃ, ᒥᕐᖑᐃᓯᕐᕕᒻᒥᓗ.

ᐊᒥᓱᑲᓪᓚᐅᔪᑦ ᐆᒪᔪᐃᑦ ᒥᕐᖑᐃᓯᕐᕕᒦᑦᑐᑦ ᖃᐅᔨᓴᖅᑕᐅᕙᓪᓕᐊᔪᑦ ᐊᑐᖅᑐᑎᒃ ᐆᒪᔪᓂ ᐊᑦᑕᕐᓇᖅᑐᒦᑐᐃᓐᓇᕆᐊᖃᓕᖅᑐᓂᒃ ᒪᓕᒐᕐᒥ. ᓇᓄᐃᑦ, ᖁᑦᑎᑦᑑᑉ ᑲᓇᓐᓇᖓᓂ / ᕿᑭᖅᑕᓘᑉ ᐃᑭᖓᓂ ᕿᓚᓗᒐᐃᑦ, ᐊᒻᒪ ᐊᓪᓚᓐᖑᐊᑦ ᑐᒑᓖᑦ ᓇᓗᓇᐃᖅᑕᐅᓯᒪᓕᖅᑐᑦ ᑲᑎᒪᔨᕋᓛᖑᔪᓄᑦ ᓄᖑᓕᕐᓂᕋᖅᑕᐅᔪᓄᑦ ᐆᒪᔪᕐᓄᑦ ᑲᓇᑕᒥ (COSEWIC) ᐆᒪᔪᑦ ᐃᓱᒫᓘᑕᐅᓪᓚᕆᓐᓂᕋᖅᑕᐅᓪᓗᑎᒃ ᐆᒪᔪᓂ ᐊᑦᑕᕐᓇᖅᑐᒦᑐᐃᓐᓇᕆᐊᖃᓕᖅᑐᓂᒃ ᒪᓕᒐᕐᒥ.

ᐃᑮᓇᒃᑲᐅᓂᖓ ᓯᓚᐅᑉ ᐊᒻᒪ ᐅᖓᓯᓐᓂᖓ ᓄᓇᐅᑉ ᖃᓄᐃᓕᐅᕐᕕᐅᓗᐊᖅᐸᖏᒻᒪᑦ, ᑭᓯᐊᓂ ᓄᑖᑦ ᐱᓕᕆᔾᔪᑏᑦ ᐊᑲᕐᕆᒋᐊᒃᑲᓐᓂᕈᑏᑦ ᒪᑐᐃᖅᓯᔾᔪᑕᐅᕙᓪᓕᐊᔪᑦ ᖁᑦᑎᑦᑐᒥ ᐱᓕᕆᕙᓪᓕᐊᓂᕐᒧᑦ ᐊᒻᒪᓗ ᑕᒪᒃᑯᐊ ᓯᓚᕐᔪᐊᕐᒥ ᐊᒃᓱᕈᕈᑕᐅᔪᑦ ᓯᓚᐅᑉ ᐊᓯᔾᔨᐸᓪᓂᐊᓂᖓᓄᑦ ᐊᒻᒪᓗ ᐅᖓᓯᑦᑐᒧᑦ ᐃᖏᕐᕋᔾᔪᑕᐅᕙᑦᑐᑦ ᓯᓚᒥᒃ ᓱᕈᖅᑎᑦᑎᕙᓪᓕᐊᔪᑦ ᐊᑦᑐᐃᕙᓪᓕᐊᒻᒪᑕ ᐅᑭᐅᖅᑕᖅᑐᓕᒫᒥᒃ. ᐅᑭᐅᖅᑕᖅᑐᖅ ᐅᐸᑦᑕᐅᕙᓪᓕᐊᑎᓪᓗᒍ ᐊᒻᒪ ᖃᓄᐃᓕᐅᕐᕕᐅᓕᖅᐸᓪᓕᐊᑎᓪᓗᒍ, ᐊᐅᔪᐃᑦᑐᖅ ᒥᕐᖑᐃᓯᕐᕕᐅᔪᖅ ᐊᑑᑎᖃᒻᒪᕆᓐᓂᐊᖅᑐᖅ ᓱᕐᕋᒃᑕᐅᓯᒪᓐᖏᓪᓗᓂ ᐱᒋᐊᕈᑕᐅᓗᓂ ᑕᒪᒃᑯᓄᖓ ᐱᕈᖅᑐᓄᑦ ᑕᒪᒃᑯᓇᓐᖓᑦ ᖃᐅᔨᓴᕐᓂᕐᒧᑦ ᐊᑦᑐᐃᓂᖏᓐᓄᑦ ᓄᓇᓕᓐᓂ ᐱᕙᓪᓕᐊᓂᐅᔪᑦ ᐊᒻᒪ ᓯᓚᕐᔪᐊᒥ ᐊᒃᓱᕈᕈᑕᐅᔪᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᐊᒻᒪᓗ ᐅᖓᓯᑦᑐᒧᑦ ᐃᖏᕐᕋᔾᔪᑕᐅᕙᑦᑐᑦ ᓯᓚᒥᒃ ᓱᕈᖅᑎᑦᑎᕙᓪᓕᐊᒻᒪᑕ ᐊᑦᑐᐃᕙᓪᓕᐊᔪᑦ ᑕᒪᒃᑯᐊ ᐅᑭᐅᖅᑕᖅᑐᓕᒫᒥᒃ. ᐅᑭᐅᖅᑕᖅᑐᖅ ᓄᓇᓕᑦᑖᐸᓪᓕᐊᑐᐃᓐᓇᑎᓪᓗᒍ ᐊᒻᒪᓗ ᓴᓇᔾᔪᑎᓕᕆᓂᕐᒧᑦ, ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᑑᑎᖃᙳᓱᒻᒪᑦ ᐱᒻᒪᕆᐊᓗᒻᒥᒃ ᐸᕝᕕᓴᑦᑕᐅᓂᑰᙱᓪᓗᓂ ᐆᒪᓂᓕᓐᓄᑦ ᓇᔪᒐᖏᓐᓄᓪᓗ ᐊᕙᑎᐅᓗᓂ ᐊᒻᒪᓗ ᓇᓗᓇᐃᒃᑯᑕᐅᓗᓂ ᓇᓪᓕᐊᓐᓂᒃ ᕿᒥᕐᕈᖃᑦᑕᓂᐊᕐᒪᖔᑕ ᐊᑦᑐᐃᕙᓪᓕᐊᔪᓂᒃ ᓄᓇᓖᑦ ᐃᓗᐊᓂ ᐱᕙᓪᓕᐊᓂᐅᔪᓂᒃ.

ᑕᓪᓕᒪᓂᒃ ᐊᕐᕌᒍᓂᒃ ᐆᒪᔪᑦ ᓇᔪᒐᖏᑕᓗ ᓯᓚᑎᖏᓐᓂᓪᓗ ᖃᓄᐃᑦᑑᓂᖏᓐᓂᒃ ᖃᐅᔨᓴᕐᓂᕐᒧᑦ ᑐᑭᒧᐊᒍᙱᔅᓴᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᓴᓇᔭᐅᔪᔪᑦ 2008ᒥ ᐊᒻᒪᓗ ᐃᓚᒋᔭᐅᓪᓗᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐅᑭᐅᖅᑕᖅᑐᒥ ᐆᒪᔪᖃᕐᕕᒻᒥᒃ ᖃᐅᔨᓴᕐᓂᖓᓐᓄᑦ ᑎᓴᒪᓂᒃ ᐆᒪᔪᑦ ᓇᔪᒐᖏᑕᓗ ᐊᕙᑎᖓᓂᒃ ᓇᓗᓇᐃᒃᑯᑕᐃᑦ (ᓇᓗᓇᐃᒃᑯᑕᖅ 5) ᖃᐅᔨᓴᖅᑕᐅᕙᑦᑐᑦ ᐆᒪᔪᑦ ᓇᔪᒐᖏᑕᓗᓯᓚᑎᖏᓐᓂᓪᓗ ᖃᓄᐃᑦᑑᓂᖏᓐᓂᒃ ᖃᐅᔨᓴᖅᑐᑎᒃ: ᓯᕐᒦᑦ/ᐊᐅᓱᐃᑦᑐᑦ, ᓄᓇᖓ/ ᑭᓱᑕᖃᙱᓐᓂᖓ, ᓯᔾᔭᖓ/ᑕᕆᐅᖓ ᐊᒻᒪᓗ ᐃᒪᑐᐃᓐᓇᖅ ᑕᕆᐅᖑᙱᑦᑐᖅ. ᒥᕐᖑᐃᓯᕐᕕᐅᑉ ᐆᒪᔪᓂᒃ ᓇᔪᒐᖏᓐᓂᓪᓗ ᓯᓚᑎᖏᓐᓂᓪᓗ ᖃᐅᔨᓴᕐᓂᖓᑦ ᓂᕆᐅᒋᔭᐅᕗᖅ ᐋᖅᑭᐸᓪᓕᐊᖏᓐᓇᕐᓂᐊᕆᐊᖓ ᐊᑐᕐᓂᓕᒫᖓᓂ ᑖᔅᓱᒪ ᐊᐅᓚᑦᑎᓂᕐᒧᑦ ᐸᕐᓇᐅᑦ.

ᖃᐅᔨᓴᖃᑦᑕᕐᓂᖅ ᐊᖏᔪᐊᓗᒻᒥᒃ ᐆᒪᔪᓂᒃ ᓇᔪᒐᖏᑕᓗ ᐊᕙᑎᖓᓂᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᐱᓪᓚᕆᐊᓗᓐᓂᒃ ᐋᖅᑭᓯᒪᓂᕆᔭᕆᐊᓕᖏᓐᓄᑦ ᑮᓇᐅᔭᑎᒍᓪᓗ ᐊᔅᓱᕈᕈᑕᐅᕙᑉᐳᖅ. ᑕᒪᒃᑯᓂᖓᒃ ᐊᔅᓱᕈᕐᓇᖅᑐᓂᒃ ᐊᓂᒍᐃᔪᓐᓇᖁᓪᓗᑕ ᐆᒪᔪᓂᒃ ᓇᔪᒐᖏᓐᓂᓪᓗ ᖃᐅᔨᓴᖃᑦᑕᕐᓂᖅ ᐋᖅᑭᓱᖅᑕᐅᓯᒪᔪᖅ ᐱᖓᓱᐃᓕᖅᑲᖓᔪᒥᒃ ᐊᔾᔨᐅᖏᑦᑐᒥᒃ ᖃᐅᔨᓴᕈᑕᐅᖃᑦᑕᓂᐊᖅᑐᒥᒃ ᑕᒪᕐᒥᒃ ᓈᒻᒪᑦᑐᓂᒃ, ᓈᒪᔪᓂᒃ, ᑮᓇᐅᔭᑐᕈᑕᐅᔪᓂᒃ-ᐊᑐᕐᓂᖃᖅᑎᑦᑎᓂᐊᖅᑐᒥᒃ ᐊᐅᓚᐃᓐᓇᖅᑎᑕᔅᓴᐅᔪᒥᒃ ᐱᓕᕆᒍᑕᐅᓂᐊᖅᑐᖅ ᐃᓱᒪᒋᓪᓗᒋᑦ ᐋᖅᑭᓯᒪᓂᕆᔭᕆᐊᓕᖏᑦ ᑮᓇᐅᔭᑎᒍᓪᓗ ᐊᔅᓱᕈᕈᑕᐅᕙᑦᑐᑦ ᑕᒪᕐᒥᒃ ᐅᑭᐅᖅᑕᖅᑐᒥ ᒥᕐᖑᐃᓯᕐᕕᐅᔪᓄᑦ. ᑕᒪᒃᑯᐊ ᐱᓕᕆᔾᔪᓰᑦ ᐃᒪᐃᑦᑑᕗᑦ: ᖃᐅᔨᓴᖃᑦᑕᕐᓂᖅ ᓄᓇᒃᑯᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥᐅᑦ ᑲᑐᔾᔨᖃᑎᖏᓪᓗ, ᐅᖓᓯᑦᑐᒦᑦᑐᓂᒃ ᖃᐅᔨᓴᖃᑦᑕᕐᓂᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒥᕐᖑᐃᓯᕐᕕᒻᒥᒃ ᐱᓕᕆᐊᕐᒥ (Parks Canada’s ParkSpace) ᐊᒻᒪᓗ ᐊᖅᑯᑎᒋᓪᓗᒋᑦ ᐊᓯᖏᑦ ᐱᓕᕆᔨᖏᑦ, ᐊᒻᒪᓗ ᐃᓄᐃᑦ ᐆᒪᔪᓂᒃ ᓇᔪᒐᖏᑕᓗ ᐊᕙᑎᖓᓂᒃ ᖃᐅᔨᒪᓂᖏᓐᓂᒃ.

ᐊᐅᓚᑦᑎᓂᕐᒧᑦ ᐸᕐᓇᐅᓯᐅᕐᓂᖅ ᐊᒻᒪᓗ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒥ ᐱᓕᕆᓂᐅᔪᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐱᒻᒪᕆᐊᓘᒻᒥᔪᑦ ᑲᒪᒋᔭᖃᕐᓂᕐᒧᑦ ᓄᓇᓖᑦ ᐃᓄᐃᑦ ᐃᓱᒪᒋᔭᖏᓐᓂᒃ. ᑕᒪᒃᑯᐊ ᐱᓕᕆᓂᐅᔪᑦ ᓇᓗᓇᐃᔭᕐᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᓯᐅᕆᐊᙵᕈᑕᐅᓯᒪᔪᓂᒃFootnote 17. ᖃᐅᔨᓴᖃᑦᑕᓂᕐᒧᑦ ᐱᓕᕆᐊᖅ ᒥᕐᖑᐃᓯᕐᕕᒻᒧᑦ ᐋᖅᑭᓱᖅᑕᐅᓯᒪᔪᑦ ᑕᕝᕙᓂ ᑲᑐᔾᔨᓪᓗᑎᒃ ᐊᐅᓚᑦᑎᓂᕐᒧᑦ ᑎᑎᕋᕐᓯᒪᔪᓂᒃ.

ᓇᓗᓇᐃᒃᑯᑕᖅ 5: ᐆᒪᔪᑦ ᓇᔪᒐᖏᓐᓂᓪᓗ ᐊᕙᑎᖏᓐᓂ ᓇᓗᓇᐃᒃᑯᑕᐃᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ

ᓯᕐᒥᓂᑦ ᐊᐅᓱᐃᑦᑐᒥᓪᓗ ᐆᒪᔪᓄᑦ ᓇᔪᒐᖏᑕᓗ ᐊᕙᑎᖓ

ᓯᕐᒦᑦ ᐊᐅᓱᐃᑦᑐᐃᓪᓗ, ᐊᖏᓂᖃᕐᖓᑕ ᑕᒫᓂ 8470 km2, or 40% ᓄᓇᖓᓂ ᐊᐅᓱᐃᑦᑑᑉ 28%ᒥᒃ ᐊᖏᓂᖃᖅᑐᓂ ᐊᒻᒪᓗ ᓯᕐᒦᑦ ᑕᒫᓂ ᐊᖏᓂᖃᖅᑐᑎᒃ 12%. ᐆᒪᔪᓄᑦ ᓇᔪᒐᖏᑕᓗ ᐊᑦᑐᐊᖃᑎᒌᓐᓂᖏᑦ ᐊᑑᑎᖃᓪᓚᕆᑦᑐᑦ ᐊᐅᓚᐃᓐᓇᕐᓂᖓᓂᒃ ᒥᕐᖑᐃᓯᕐᕕᐅᑉ ᐊᑦᑐᐃᓂᖃᕐᐸᒻᒪᑕ ᒥᑭᔫᒐᓗᐊᒥᒃ ᓯᓚᖓᓂᒃ ᐊᒻᒪᓗ ᐃᒪᖏᓐᓂᒃ ᑕᒪᕐᒥᒃ ᐊᓯᖏᓐᓄᑦ ᒥᕐᖑᐃᓯᕐᕕᒻᒦᑦᑐᓄᑦ ᐊᐅᓚᓂᐅᕙᑦᑐᓄᑦ.

ᓯᔾᔭᖓᓂ/ᑕᕆᐅᖓᓂ ᐆᒪᔪᓄᑦ ᓇᔪᒐᖏᑕᓗ ᐊᕙᑎᖓ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ 800 ᑭᓛᒥᑐᒥᒃ ᐊᖏᓂᖃᕐᖓᑦ ᑲᖏᖅᑐᖓᑕ ᓯᔾᔭᖓ. ᑕᒪᓐᓇ ᐃᑎᔪᐊᓗᓐᓂᒃ ᓂᕈᑭᑦᑐᓂᒃ ᑲᖏᖅᑐᖃᐅᖅᑐᓂ ᐃᓐᓈᕈᖏᑦ ᐊᖏᓂᖃᖅᑐᑎᒃ 900 ᒦᑕᓂᒃ. ᑕᒫᓂ, ᐊᒻᒪᓗ ᐱᓗᐊᖅᑐᒥ ᐅᐊᓐᓇᖓᓂ ᑲᓇᓐᓇᕐᐸᓯᕐᒥ ᑎᕆᖅᑯᐊᓂ ᒥᕐᖑᐃᓯᕐᕕᐅᑉ ᐆᒪᔪᖃᕐᓂᖅᐹᖑᕗᖅ. ᑕᕆᐅᖓ, ᒥᑭᔫᒐᓗᐊᖅᑎᓪᓗᒍ 7%-ᒥᒃ, ᐱᓗᐊᖅᑐᒥᒃ ᖃᓄᐃᑦᑐᑐᐃᓐᓈᓗᓐᓂᒃ ᐆᒪᔪᖃᐅᖅᑐᖅ. ᐱᒻᒪᕆᐊᓗᐃᑦ ᑕᕆᐅᕐᒥᐅᑕᐃᑦ ᑲᖏᖅᑐᖏᓐᓃᑉᐳᑦ ᐅᐊᓐᓇᖓᓂ ᑲᓇᓐᓇᕐᐸᓯᐊᓂ ᒥᕐᖑᐃᓯᕐᕕᐅᑉ.

ᓄᓇᖓᓂ/ᓄᓇᐃᓐᓇᕐᒥ ᐆᒪᔪᓄᑦ ᓇᔪᒐᖏᑕᓗ ᐊᕙᑎᖓ

ᓇᑉᐸᖓ ᒥᕐᖑᐃᓯᕐᕕᐅᑉ (50%) ᓄᓇᐃᓐᓇᐅᕗᖅ ᐆᒪᔪᓄᑦ ᓇᔪᒐᖏᑕᓗ ᐊᕙᑎᖓ. ᓄᓇᖓᑕ ᐱᕈᖅᑐᖏᑦ 20%-ᒥᒃ ᐊᖏᓂᖃᖅᑯᑦ ᒥᕐᖑᐃᓯᕐᕕᐅᑉ ᓄᓇᖓᓂ ᑕᒫᓃᓗᐊᖅᑐᑦ ᐊᒃᓵᔫᑉ ᐊᖅᑯᑎᖓᓂ ᐊᒻᒪᓗ ᐱᖃᓗᔭᑦᑑᕐᒥ, 18%-ᖓ ᖃᐃᕐᓱᒑᖑᓪᓗᓂ. ᑕᒪᓐᓇ ᐊᓯᐊ 12% (ᒥᕐᖑᐃᓯᕐᕕᐅᑉ ᐃᓚᖓᑕ) ᓈᕗᖅ ᐱᕈᑲᐃᓐᓇᑲᑦᑕᑐᐃᓐᓇᖅᑐᓂᒃ ᐱᕈᖅᑐᓂᒃ.

ᐃᒪᑐᐃᓐᓇᕐᒥ ᑕᕆᐅᖑᙱᑦᑐᒥ ᐆᒪᔪᓄᑦ ᓇᔪᒐᖏᑕᓗ ᐊᕙᑎᖓ

ᐃᒪᖓ ᑕᕆᐅᖑᙱᑦᑐᖅ ᒥᑭᔪᕈᓗᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ, ᑕᒫᓂ 3%-ᒥᒃ ᐊᖏᓂᓕᒃ ᒥᕐᖑᐃᓯᕐᕕᐅᑉ ᖄᖓᓂ, ᑕᓯᕐᓂᒃ ᒥᑭᔫᑎᓂᒃ ᐱᓗᐊᖅᑐᖅ. ᑭᓯᐊᓂᓕ, ᐃᑲᔫᑎᖃᖅᐸᒻᒥᔪᑦ ᑎᓱᔪᐃᑦᑐᓄᑦ ᐃᖃᓗᓐᓄᑦ, ᐱᒻᒪᕆᐊᓗᐃᑦ ᑕᒪᒃᑯᐊ ᐃᖃᓗᐃᑦ ᐃᓄᓐᓄᑦ ᖃᓂᒋᔭᓕᓐᓄᑦ ᓄᓇᓕᓐᓄᑦ. ᐊᒻᒪᓗᑦᑕᐅᖅ, ᓯᓚᓗᖃᑦᑕᕐᓂᖓ ᖃᓐᓂᖃᑦᑕᕐᓂᖓᓗ ᐊᒻᒪᓗ ᐊᐅᓐᓂᑯ ᐃᒪᖅ ᓇᒥᓕᒫᖅ ᐊᑐᖅᐸᑉᐳᖅ ᓄᓇᖓᓂ ᐊᒻᒪᓗ ᑕᒪᓐᓇ ᐃᒪᖅ ᑰᖏᓐᓄᑦ ᑰᑉᐸᑦᑐᖅ ᑰᒐᓛᖏᓐᓄᓪᓗ ᐊᑑᑎᖃᑦᑎᐊᖅᑐᒥᒃ ᖃᐅᔨᓴᕈᑕᐅᔪᓐᓇᐸᑉᐳᖅ ᐃᓚᖏᓐᓂᒃ ᐃᓗᓕᖏᓐᓂᒃ ᑕᒪᕐᒥᒃ ᒥᕐᖑᐃᓯᕐᕕᒻᒦᑦᑐᓂᒃ. ᐊᕐᕌᒎᑉ ᐃᓗᐊᓂ ᓯᓚᐅᑉ ᐊᓯᔾᔨᖅᑕᖃᑦᑕᕐᓂᖓᓄᑦ ᐊᕐᕌᒍᑕᒫᓪᓗ ᐊᐅᓚᓂᕆᕙᑦᑕᖓᓄᑦ ᐊᑐᕐᕕᒋᒋᐊᖃᖅᑕᖓᒍᑦ, ᑰᓐᓂᖓᒍᑦ ᐊᐅᑉᐸᓪᓕᐊᓂᖏᓐᓄᓪᓗ ᐊᐅᓱᐃᑦᑐᒥᑦ ᑰᑉᐸᓪᓕᐊᔪᑦ, ᓯᕐᒥᓂᒃ ᑕᓯᕐᓂᓪᓗ ᖃᓄᖅ ᐊᑦᑐᐃᓂᖃᕐᐸᒻᒪᖔᑕ ᐊᓯᓕᒫᖏᓐᓂᒃ ᐊᐅᓚᓂᕆᕙᑦᑕᖏᓐᓂᒃ ᒥᕐᖑᐃᓯᕐᕕᒻᒥ.

3.2 ᐃᓕᖅᑯᓯᐅᖃᑦᑕᖅᓯᒪᔪᑦ ᐊᒻᒪᓗ ᐊᑐᐃᓐᓇᐅᔪᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᒻᒪᓗ ᖃᓂᒋᔭᖓᓃᑦᑐᑦ ᐃᓄᐃᑦ ᐃᓕᖅᑯᓯᖏᑎᒍᑦ ᐊᑐᖅᑕᐅᖃᑦᑕᕐᓂᑰᔪᖅ ᓇᓗᓇᕋᓂᓗ ᐃᓄᓐᓄᑦ ᓇᔪᖅᑕᐅᖃᑦᑕᖅᓯᒪᓂᑰᒻᒪᑦ - ᑕᒪᓐᓇᓗ ᑕᐃᒪᐃᓯᒪᓪᓗᓂ ᐊᕐᕌᒍᒐᓴᕐᔪᐊᕌᓗᓐᓂᒃ ᑕᐅᓴᙱᓐᓃᑦᑐᓂᒃ.

ᕿᑭᖅᑖᓘᑉ ᐃᓄᖏᑕ ᓯᕗᓪᓕᖅᐹᒥᓂᖏᑦ ᑐᓂᐅᓐᓂᖅᑯᑦ (ᖃᒻᒪᒥᓂᕐᓂᐊᖅᑎᓄᑦ "ᑐᐊᓴᑦ" ᑕᐃᔭᐅᒍᓯᖓ) ᐊᒻᒪᓗ ᑐᓃᑦ ᓯᕗᓕᒥᓂᖏᑦ. ᑐᓃᑦ ᓯᕗᓕᒥᓂᖏᑦ ᒥᕐᖑᐃᓯᕐᕕᐅᓕᖅᑐᒧᓐ ᐃᓯᖅᑐᒥᓃᑦ ᑕᒫᓂᐸᓗᑦ 3500 ᐊᕐᕌᒍᐃᑦ ᓯᕗᓂᑦᑎᓐᓂ, ᑕᐃᒫᓪᓗ ᑐᐊᓴᑦᕈᖅᑐᒥᓂᐅᓪᓗᑎᑦ 2800 ᐊᕐᕌᒍᐃᑦ ᐊᓂᒍᖅᓯᒪᓕᖅᑎᓪᓗᒋᑦ. ᑖᒃᑯᐊ ᑐᓃᑦ ᐱᖅᑯᓯᖏᑦ ᓴᖅᑭᔮᖅᑐᒥᓃᑦ ᑎᑭᐅᑎᓪᓗᑎᑦ ᐊᕐᕌᒍᑦ 1300ᒧᓐ. ᑕᒪᒃᑯᐊ ᑐᓃᑦ ᓯᕗᓕᒥᓂᖏᑦ ᑖᕙᙶᖅᑐᒥᓃᑦ ᐊᓛᔅᑲᐅᑉ ᐅᓛᓵᒃᑯᓪᓗ ᓄᓇᖓᑕ ᐊᑯᓐᓂᖓᓂ ᓱᓪᓗᐊᓗᒻᒥ ᕕᐅᕆᖕ ᓯᑐᕋᐃᑦᒥ ᐊᑎᓕᒻᒥ ᑕᒪᐅᖓ ᐊᐅᓪᓛᓚᐅᕋᑎᒃ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ.

ᑕᐃᒪᓕ ᐊᐃᑉᐹᓂᒃ ᐊᐅᓪᓛᑎᖅᑐᖃᖅᑎᓪᓗᒍ ᐊᓛᔅᑲᒥᑦ 1300 ᐊᕐᕌᒍᐃᑦ ᐊᑐᖅᑕᐅᓕᖅᑎᓪᓗᒋᑦ ᓴᖀᓂᖅᑯᖅ ᐃᓄᐃᑦ ᓯᕗᓕᒥᓂᖏᓐᓂᑦ ᐅᑭᐅᖅᑕᖅᑑᑉ ᑲᓇᓐᓇᖓᓄᑦ. ᐅᓪᓗᒥ ᐃᓄᐃᑦ ᓯᕗᓕᖃᖅᑐᑦ ᖃᐅᔨᓴᖅᑎᓄᑦ "ᑑᓕ" ᑕᐃᔭᐅᓲᓂᑦ. ᑕᒪᓐᓇᓕ ᑑᓖᑦ ᐅᓪᓗᒥᓕᓴᕈᖅᐸᓪᓕᐊᓂᖏᑦ ᐊᑐᖅᑕᒥᓃᑦ 1600 ᐊᒻᒪᓗ 1800 ᐊᑯᓐᓂᖏᓐᓂ.

ᒥᕐᖑᐃᓯᕐᕕᐅᑉ ᐃᓚᖓᓂ, ᐅᐊᑦᑎᐊᕈᕐᓂᓴᐅᓂᖅᐹᖑᕗᑦ ᑐᓂᕐᓄᑦ ᓇᔪᖅᑕᐅᕙᑦᑐᒥᓃᑦ ᐊᒻᒪᓗ ᐃᓄᐃᑦ ᓯᕗᓕᒥᓂᖏᑦᑕ ᕿᒪᒃᑲᑯᖏᑦ ᒫᓐᓇᓕᓴᐅᓂᖅᓴᐅᓪᓗᑎᒃ. ᑐᓃᑦ ᐃᓅᓯᓕᒥᓃᑦ ᓯᔾᔭᕐᐸᓯᕐᒥᐅᑕᐅᓪᓗᑎᒃ ᐊᒻᒪᓗ ᓄᓇᕐᐸᓯᕐᒥ. ᕿᒻᒥᖃᖅᑐᑎᒃ, ᖃᒧᑎᖃᖅᑐᑎᒃ, ᐅᒥᐊᖃᖅᑐᑎᒃ (ᐊᖏᔪᐊᓗᓐᓂᒃ ᕿᓯᓐᓂᒃ ᐅᒥᐊᖃᖅᑐᑎᒃ), ᐊᒻᒪ ᖃᔭᖃᖅᑐᑎᒃ, ᐊᒻᒪᓗ ᑐᓃᑦ ᐊᖑᓇᓱᒃᑲᒻᒪᕆᐅᓚᐅᖅᑐᑦ ᓄᓇᒥᐅᑕᕐᓂᒃ ᐃᒪᕐᒥᐅᑕᕐᓂᓪᓗ ᐆᒪᔪᓂᒃ. ᐊᕐᕌᒍᒥ ᓯᓚᐅᑉ ᖃᓄᐃᓐᓂᖓ ᒪᓕᑦᑐᒍ ᐱᓕᕆᖃᑦᑕᖅᑐᒥᓃᑦ ᐆᒪᔪᖃᐅᕐᓂᖓ ᓇᒧᑐᐃᓐᓈᖃᑦᑕᕐᓂᖏᓐᓂᓪᓗ ᐊᖑᓇᓱᑉᐸᑦᑕᖏᑕ ᒪᓕᑦᑐᒋᑦ.

ᓯᕗᓪᓕᖅᐹᒥᓪᓕ ᑲᑎᒋᐊᙵᕐᓂᒥᓂᖏᑦ ᖃᓪᓗᓈᑦ ᐃᒪᕐᔪᐊᑉ ᐊᑭᐊᓂᒥᐅᑕᐃᑦ ᐊᒻᒪᓗ ᐃᓄᐃᑦ ᑎᑎᕋᖅᓯᒪᔪᒃᑯᑦ ᖃᐅᔨᒪᔭᐅᔪᑦ ᑕᒫᓂᒥᓂᐅᒻᒪᓐ 1576ᒥ ᓯᕗᓪᓕᖅᐹᒥᒃ ᑕᒪᐅᙵᑎᓪᓗᒍ ᐃᙵᓚᒥᐅᔅᓴᔭᖅ ᐅᒥᐊᖅᑐᕋᖅᑎ ᒫᑕᓐ ᐳᕉᐱᓱ, ᐱᖓᓱᐊᖅᑎᖅᑐᓂ ᑕᒪᐅᙵᓂᕐᖓᓐ. ᑭᓯᐊᓂᓕ ᑕᐃᒪᐃᒃᑲᓗᐊᖅᑎᓪᓗᒍ, ᐊᒥᓱᑲᓪᓚᓐᓂᒃ ᐅᐊᑦᑎᐊᕈᕐᓂᓴᖅᑕᖃᕐᒥᔪᖅ ᒪᓗᓐᓇᑐᖅᑕᖃᖅᑐᓂᓗ ᓯᕗᓂᒻᒪᕆᐊᒍᑦ ᑲᑎᔪᖃᖅᐸᓂᕐᖓᓐ ᑐᓂᕐᓂᒃ ᐊᒻᒪᓗ ᓄᐊᔅᓂᒃ ᖃᓪᓗᓈᓂᒃ ᕿᑭᖅᑖᓗᒻᒥ. ᐃᓄᐃᓪᓕ ᑲᑎᓯᖃᑦᑕᓂᖅᓴᐅᓕᖅᑐᒥᓃᑦ ᖃᓪᓗᓈᓂᒃ ᐊᖅᕕᒐᓱᐊᖅᑎᓂᒃ ᐱᓕᕆᖃᑎᖃᖃᑦᑕᖅᑐᑎᒃ ᑕᒫᓂᐸᓗᒃ 1820ᒥᓂᑦ ᐊᒻᒪᓗ ᐱᓗᐊᖅᑐᒥᒃ ᑕᐃᓐᓇ ᐊᖅᕕᒐᓱᐊᖅᑎ ᐅᐃᓕᐊᒻ ᐱᐊᓂ ᓄᓇᓕᕋᓛᒥᒃ ᐋᖅᑮᓚᐅᖅᑎᓪᓗᒍ ᑎᓂᔾᔪᐊᖅᕕᒻᒥ (ᐸᓐᓂᖅᑑᑉ ᓯᓚᑖᓂ ᑲᖏᖅᑐᐊᓗᒃ) 1857ᒥ.

ᐊᕐᕙᒐᓱᐊᖅᐸᓪᓕᐊᓕᖅᑎᓪᓗᒋᑦ ᑮᓇᐅᔭᓕᐅᕋᓱᐊᖅᑐᑎᒃ ᑕᒫᓂ, ᐃᓄᐃᑦ ᐃᓕᖅᑯᓯᖏᑦ ᐊᓯᔾᔨᐸᓪᓕᐊᓕᖅᑐᒥᓃᑦ. ᐊᕐᕌᒎᑉ ᐃᓚᖓᓂ ᐊᖑᓇᓱᐃᓐᓇᕋᓗᐊᖅᑐᑎᒃ, ᑭᓯᐊᓂ ᐊᑐᖅᐸᑦᑕᖏᑦ ᐊᓯᔾᔨᐸᓪᓕᐊᓕᓚᐅᖅᑐᑦ ᐱᖃᓯᐅᔾᔨᓕᖅᑐᑎᒃ ᐊᕝᕙᒐᓱᐊᕐᓇᕐᒥᑦ ᑕᐃᒫᖏᓛᒃ ᐊᒥᓱᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᕙᓚᐅᕐᖓᑕ ᐊᕝᕙᒐᓱᐊᖅᑎᓄᑦ. ᓄᓇᓖᓪᓗ ᐋᖅᑭᒃᓯᒪᓂᖏᑦ ᐊᓯᔾᔨᐸᓪᓕᐊᓕᖅᑐᒥᓃᑦ ᑕᒪᒃᑯᐊ ᐊᕐᕙᒐᓱᑦᑎᓄᑦ ᐅᖅᓱᓕᐅᕐᕕᐅᔪᑦ ᐱᓕᕆᕕᓪᓗᐊᑕᐅᓕᖅᑎᓪᓗᒋᑦ ᐊᑐᐃᓐᓇᐅᓕᖅᑎᓪᓗᒋᓪᓗ ᑐᓂᔭᐅᖃᑦᑕᓕᖅᑎᓪᓗᒋᓪᓗ ᖃᓪᓗᓈᑦ ᐱᖁᑎᖏᓐᓂᒃ.

ᐊᕐᕌᒍᑦ 1900 ᐱᒋᐊᓕᖅᑎᓪᓗᒋᑦ, ᑮᓇᐅᔭᓕᐅᕋᓱᐊᖅᑐᑎᒃ ᐊᕐᕙᓂᐊᕐᓂᖅ ᖃᑭᒪᔾᔪᑕᐅᒍᓐᓇᐃᓪᓕᓚᐅᕐᖓᓐ, ᐊᒻᒪᓗ ᐊᑕᖏᐸᓗᑦᑐᑎᒃ ᐊᕝᕙᒐᓱᐊᖅᕖᑦ ᒪᑐᔪᒥᓂᐅᓪᓗᑎᒃ. ᐃᓄᐃᑦ ᓄᓇᖃᓚᐅᖅᑐᑦ ᖃᓂᒋᔭᖏᓐᓂ ᐅᖅᓱᓕᐅᕐᕖᑦ ᓅᑦᑕᕆᐊᖃᓕᓚᐅᕐᓯᒪᔪᑦ ᓂᕿᔅᓴᓯᐅᖅᑐᑎᒃᐊᒻᒪᓗ ᓄᐃᓚᔅᓴᓂᕝᕕᒋᖃᑦᑕᓂᐊᖅᑕᖏᓐᓂᒃ ᓂᐅᕕᐅᑎᔅᓴᓂᒃ. ᓄᓇᖃᖅᐸᓚᐅᖅᑐᑦ ᒥᑭᑦᑐᓂᒃ, ᐊᕐᕌᒍᓕᒫᖑᙱᑦᑐᖅ ᓄᓇᖃᖅᐸᑦᑐᑎᒃ, ᐊᒥᓱᑦ ᑕᒫᓂᒃᓴᐃᓐᓇᕈᔪᒃ ᓄᓇᖃᖅᐸᑦᑐᒥᓃᑦ ᑐᓂᕐᓄᑦ ᓄᓇᒋᔭᐅᕙᑦᑐᒥᓂᕐᓂᒃ. ᓂᐅᕕᕐᕕᒃ ᓴᖅᑭᑕᐅᓚᐅᖅᑐᖅ ᐸᓐᓂᖅᑑᒥ ᓂᐅᕕᖅᑎᑯᓐᓂᑦ 1921-ᖑᑎᓪᓗᒍ. ᑭᖑᓂᐊᒍᑦ ᐸᓖᓯᒃᑯᑦ 1923ᒥ ᐊᒻᒪ ᐋᖕᓕᑲᓐᑯᑦ ᑐᒃᓯᐊᕐᕕᖓ 1925ᒥ. ᐋᓐᓂᐊᕕᒃ ᒪᑐᐃᖅᑕᐅᓚᐅᕐᓯᒪᒻᒥᔪᖅ 1930ᒥ.

ᒥᕐᖑᐃᓯᕐᕕᐅᑉ ᑲᓇᓐᓇᖓᓂ, ᓄᓇᓕᓪᓚᕆᐅᓕᖅᑐᖅ ᕿᑭᖅᑕᖅᔪᐊᖅ ᓄᓇᓕᓕᐊᒥᓂᖅ 1960ᖏᓐ ᐱᒋᐊᓕᕋᑖᖅᑎᓪᓗᒋᑦ. ᑕᒪᑐᒪ ᓯᕗᓂᐊᒍᓂ, ᐃᓄᐃᒃ ᕿᑭᖅᑕᔪᐊᕐᒥᐅᖑᓕᖅᑐᑦ ᓄᓇᖃᖅᐸᑦᑐᒥᓃᑦ ᐊᕐᕌᒍᓕᒫᐸᓗᒃ ᓇᔪᖅᐸᑦᑕᒥᓂ ᓄᓇᒥ ᓄᓇᒥᓂᒃ. ᑖᓐᓇᓕ ᕿᑭᖅᑕᖅᔪᐊᑉ ᓄᓇᓕᕈᖅᑎᑕᐅᓂᖓ ᒪᓕᓚᐅᖅᑐᖅ ᐅᓇᓕᒃᑯᑦ ᓈᓚᕝᕕᒻᒥᒃ ᓴᓇᓚᐅᖅᑎᓪᓗᒋᑦ 1955ᒥ. ᕿᑭᖅᑕᕐᔪᐊᖅ ᓄᓇᓕᙳᖅᑎᑕᐅᑎᓪᓗᒍ ᐊᑕᐅᑦᑎᒃᑯᑦ ᓴᓇᔭᐅᓚᐅᕐᓯᒪᔪᒥᓂᖅ ᐅᓇᑕᖅᑐᔅᓴᓄᑦ ᓇᓚᐅᑎᖃᕐᕕᒥᓂᖅ 1955-ᒥ.

ᓴᐳᔾᔨᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᓪᓗ ᑐᕌᖓᔪᑦ ᐱᓕᕆᐊᑦ ᒥᕐᖑᐃᓯᕐᕕᒻᒥ ᐃᓕᖅᑯᓯᓕᕆᔾᔪᑎᓂᒃ ᓯᕗᓕᖅᑕᐅᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐃᓕᖅᑯᓯᓕᕆᓂᕐᒥᒃ ᐊᐅᓚᑦᑎᓂᕐᒧᑦ ᐊᑐᐊᒐᕐᒥ ᐊᒻᒪ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓄᑦ ᐅᑯᓄᖓ ᐊᐅᔪᐃᑦᑐᖅ, ᖁᑦᑎᓂᖅᐹᖅ ᐊᒻᒪ ᓯᕐᒥᓕᒃ ᒥᕐᖑᐃᓯᕐᕕᓐᓄᑦ.. ᐃᓕᖅᑯᓯᓕᕆᓂᕐᒥᒃ ᐊᐅᓚᑦᑎᓂᕐᒧᑦ ᐊᑐᐊᒐᖅ ᖃᐅᔨᒪᑎᑦᑎᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᖃᐅᔨᒪᑦᑎᐊᖁᔭᐅᓪᓗᑎᒃ ᓇᓗᓇᐃᖅᑐᖅᓯᒪᓗᒋᑦ ᐃᓕᖅᑯᓯᕐᒧᑦ ᐊᑦᑐᐊᔪᑦ, ᖃᐅᔨᓴᕐᓗᒋᑦ ᐊᑐᖅᑕᐅᖃᑦᑕᕐᓯᒪᔪᓂᒃ ᐱᒻᒪᕆᐅᓂᖏᓐᓄᑦ, ᐃᓕᖅᑯᓯᒃᑯᑦ ᐊᑑᑎᖃᒻᒪᕆᓐᓂᖓ ᖃᓄᐃᓕᐅᕈᑕᐅᔪᓄᑦ ᐊᑐᓗᐊᖅᑕᐃᓕᒪᓂᕐᒧᑦ ᐱᐅᖅᓱᐊᕐᓂᕐᒧᑦ, ᐊᒻᒪ ᐅᔾᔨᓱᖃᑦᑕᕐᓗᒋᑦ ᑕᒪᒃᑯᖓ ᐊᑐᓗᐊᖅᑕᐃᓕᓂᕐᒧᑦ ᐱᐅᖅᓱᐊᕐᓂᕐᒧᑦ ᑐᕌᖅᑕᖏᑦ ᐊᑐᖅᑕᐅᒐᓗᐊᕐᒪᖔᑕ. ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ ᑐᑭᒧᐊᑦᑎᑦᑎᕙᑦᑐᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐊᐅᓚᑦᑎᓂᕐᒧᑦ ᖃᒻᒪᖃᕐᕕᒥᓂᕐᓂᒃ ᐊᒻᒪ ᐃᓂᒋᔭᐅᕙᑦᑐᒥᓂᕐᓂᒃ ᐅᒃᐱᕆᔭᖏᓐᓄᑦ ᐅᕝᕙᓘᓐᓃᑦ ᐃᓕᖅᑯᓯᖏᓐᓄᑦ ᐱᒻᒪᕆᐅᔾᔪᑎᖃᖅᑐᓂᒃ ᐃᒪᐃᑦᑐᑦ:

  • (ᐊ) ᓴᐳᒻᒥᑎᓇᓱᒡᓗᑎᒃ ᐊᒻᒪᓗ ᐊᔭᐅᕐᑐᐃᓗᑎᒃ ᐃᓕᖅᑯᓯᑐᖃᓂᒃ, ᐊᑐᖅᑕᐅᓯᒪᔪᓂᒃ ᐊᒻᒪᓗ ᓴᓇᔭᐅᖃᑦᑕᕐᓂᑯᓂᒃ ᐃᓄᖕᓄᑦ, ᐃᓗᓕᖃᕐᓂᐊᕐᖢᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᐅᓂᒃᑳᖏᓐᓂᒃ ᑖᒃᑯᓄᖓ ᓇᓗᓇᐃᕐᑕᐅᓯᒪᔪᓄᑦ; ᐊᒻᒪᓗ
  • (ᐸ) ᐃᒃᐱᒍᓱᑦᑎᐊᕐᓗᓂ ᐊᒻᒪᓗ ᐃᓚᒋᔭᖃᕈᓐᓇᕐᓗᓂ ᐃᓂᒋᔭᖏᓐᓄᑦ ᐊᒻᒪᓗ ᐊᓐᓂᕆᔭᐅᓂᖏᓐᓄᑦ ᐃᓂᐅᔪᓂᒃ ᐃᓄᐃᑦ ᐃᓕᖅᑯᓯᖏᒍᑦFootnote 18.

ᐅᓪᓗᒥᒧᑦ ᑎᑭᑦᑐᒍ ᐊᒥᓲᓂᖏᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓂ ᐃᓕᖅᑯᓯᕐᒧᑦ ᐊᑦᑐᐊᓂᖃᖅᑐᑦ ᓇᓗᓇᐃᖅᓯᓯᒪᔪᑦ 134- ᖑᒻᒪᑕ ᖃᒪᒥᓂᖃᕐᕕᐅᔪᑦ. ᑕᒪᒃᑯᐊ ᓄᓇᒋᔭᐅᕙᑦᑐᒥᓃᑦ ᓇᓗᓇᐃᖅᑐᖅᑕᐅᓯᒪᔪᑦ ᐱᓕᕆᖃᑎᒋᔭᐅᕙᑦᑐᑎᒃ ᖃᒻᒪᒥᓂᕐᓂᐊᖅᑎᐅᔪᑦ, ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑎᓄᑦ ᐊᒻᒪ ᐃᓐᓇᒻᒪᕆᐅᔪᓄᑦ.

ᖃᒻᒪᒥᓂᕐᓂᐊᕋᔅᓴᓂᒃ ᖃᐅᔨᓴᖅᑐᖃᖅᓯᒪᔪᖅ ᒥᕐᖑᐃᓯᕐᕕᐅᑉ ᐃᓚᖓᓂ ᐊᕐᕌᒍᓂ 1969, 1972, 1973, 1980, 1984, 1998, 2002, 2003, 2007 ᐊᒻᒪ 2008. ᐅᐊᑦᑎᐊᕈᕐᓂᓴᖅᑕᓖᑦ/ᓇᔪᖅᑕᐅᕙᑦᑐᒥᓃᓪᓗ ᓄᓇᐃᑦ ᑎᑎᕋᖅᑕᐅᓯᒪᔪᑦ ᒥᕐᖑᐃᓯᕐᕕᒻᒥ ᐊᕕᑦᑐᖅᑕᐅᒪᕗᑦ ᐱᖅᑯᓯᒥᓂᖏᑕ ᑕᐃᔭᐅᒍᓯᖏᑎᒍᑦ: 28% ᓄᓇᐃᑦ ᐃᓄᓐᓄᑦ ᓇᔪᖅᑕᒥᓂᐅᕗᑦ, 4% ᑐᓂᕐᓄᑦ, 3% ᐃᒪᕐᔪᐊᑉ ᐊᑭᐊᓂᒥᐅᒥᓂᕐᓄ ᖃᓪᓗᓈᓄ ᐊᖅᕕᒐᓱᐊᖅᑎᓄᓪᓘᓐᓃᑦ ᓇᔪᖅᑕᐅᕙᑦᑐᒥᓃᑦ, ᐊᒻᒪᓗ 1% ᑐᓃᑦ ᓯᕗᓕᒥᓂᖏᓐᓄᑦ ᒪᓗᒋᔭᑦ. ᐊᒥᓱᓪᓕ ᐅᐊᑦᑎᐊᕈᕐᓂᓴᖅᑕᓖᑦ (64%) ᖃᓄᐃᑦᑐᓄᑦ ᓇᔪᖅᑕᐅᓂᕐᒪᖔᑕ ᓇᓗᓇᖅᑯᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᖏᑦᑐᑦ. ᑕᒪᒃᑯᐊᓕ ᐅᐊᑦᑎᐊᕈᕐᓂᓴᖅᑕᓖᑦ ᖃᓄᐃᓕᕐᓂᖏᑦ ᖃᐅᔨᔭᐅᓯᒪᔪᑦ ᐃᒪᐃᑦᑑᒋᐊᖏᓐᓂᑦ: ᐊᑦᑕᕐᑐᒦᓪᓚᕆᓕᖅᑐᑦ (ᐊᑕᐅᓯᕐᒦᑦᑐᑦ ᓄᓇᒥ), ᐊᑦᑕᕐᑐᒦᓕᖅᑐᑦ (11 ᓄᓇᐃᑦ), ᐊᑦᑕᕐᑐᒦᑐᐃᓐᓇᕆᐊᓖᑦ (23 ᓄᓇᐃᑦ), ᖃᓄᐃᑦᑑᔮᙱᑦᑐᑦ ᐅᕝᕙᓘᓐᓃᑦ ᖃᓄᐃᙱᑎᐊᖅᑐᒦᑦᑑᔮᖅᑐᑦ (11 ᓄᓇᐃᑦ), ᐊᒻᒪᓗ ᖃᓄᐃᓕᖓᓕᕐᒪᖔᑕ ᓱᖅᑯᐃᖅᑕᐅᓯᒪᙱᑦᑐᑦ (88 ᓄᓇᐃᑦ).

ᐊᓯᖏᑦ ᑐᑭᓯᒋᐊᕈᑎᒃᓴᐅᔪᑦ ᒥᕐᖑᐃᓯᕐᕕᓐᓂ ᐃᓕᖅᑯᓯᕐᓄᑦ ᐊᑦᑐᐊᓂᖃᖅᑐᑦ ᓄᐊᑕᐅᖃᑦᑕᖅᓯᒪᒻᒥᔪᑦ. ᓄᓇᕗᒻᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓯᒪᑦᑎᔪᑦ ᕿᓂᕐᕕᐅᔪᓐᓇᖅᑐᓂ ᑎᑎᕋᖅᓯᒪᔪᓂᒃ ᖃᕋᓴᐅᔭᒃᑯᑦ ᐅᓂᒃᑳᖅᑕᐅᓯᒪᔪᓂᒃ ᓄᐊᑕᐅᖃᑦᑕᖅᓯᒪᔪᑦ ᐃᓐᒻᒪᕆᐅᔪᓂᒃ ᐊᒻᒪ ᓄᓇᕗᒻᒥ ᐃᖅᑲᓇᐃᔭᖅᑎᓂᒃ ᓄᐊᑦᑎᔪᓐᓇᖅᓯᓯᒪᒻᒥᔪᑦ ᐃᓄᒃᑎᑐᑦ ᓄᓇᐃᑦ ᐊᑎᖏᓐᓂᒃ ᐃᓗᐊᓂ ᐊᒻᒪ ᓯᓚᑖᓃᑦᑐᓂᒃ ᒥᕐᖑᐃᓯᕐᕕᐅᔪᑦ.

ᒥᕐᖑᐃᓯᕐᕕᒻᒥ ᐱᓕᕆᐊᖑᔪᑦ ᐃᓕᖅᑯᓯᕐᒧᑦ ᐊᑦᑐᐊᓂᖃᖅᑐᓂᒃ ᒫᓐᓇᐅᔪᖅ ᐊᒥᓲᓗᐊᕋᓗᓐᖏᒻᒪᑕ ᐊᒻᒪ ᓂᕆᐅᒋᔭᐅᓪᓗᓂ ᐱᔭᐅᕙᓪᓕᐊᓂᐊᖅᑐᑦ ᐊᒻᒪ ᐱᐅᓯᒋᐊᖅᑎᑕᐅᓗᑎᒃ ᑲᒪᓐᓇ ᑲᒪᓂᕐᒧᑦ ᐸᕐᓇᒍᑕᐅᔪᖅ ᐆᒪᓂᖓᓂ. ᑎᑎᖅᑐᐃᓂᖅ ᒥᕐᖑᓯᐃᕐᕕᐅᑉ ᐃᓗᓕᖏᓐᓂᑦ ᐱᖅᑯᓯᑐᖃᕐᒨᖓᔪᓂᒃ ᑲᔪᓰᓐᓇᖅᐳᖅ, ᓇᓕᐊᓐᓄᑦ ᐃᓕᖅᑯᓯᓕᓐᓄᑦ ᐊᑦᑐᐊᓂᖃᕐᒪᖔᑕ ᖃᐅᔨᒪᔭᐅᙱᑦᑐᑦ ᐊᒥᓲᓂᖅᓴᐅᕗᑦ ᖃᐅᔨᒪᔭᐅᔪᓃᑦᑐᑦ ᖃᒻᒪᒥᓂᕐᓂᐊᕋᔅᓴᖅᑕᓕᓐᓂ ᐅᕝᕙᓘᓐᓃᑦ ᒫᓐᓇᒧᓐ ᓱᖅᑯᐃᖅᑕᐅᓯᒪᙱᑦᑐᑦ ᓇᑭᙵᔭᐅᒻᒪᖔᑕ, ᐱᓕᕆᐊᖑᒃᑲᓐᓂᕆᐊᖃᖅᐳᑦ ᖃᐅᔨᒐᓱᐊᕐᓗᑎᒃ ᐅᐊᑦᑎᐊᕈ ᐊᑐᖅᑕᐅᕙᓐᓂᒥᓂᖏᓐᓂᑦ ᒥᕐᖑᐃᓯᕐᕕᐅᑉ ᐅᓗᐊᓃᑦᑐᑦ ᐱᑐᖃᒥᓃᑦ ᐱᖁᑎᐅᔪᑦ.

ᒥᕐᖑᐃᓯᕐᕕᒻᒥ ᐅᔾᔨᑐᕈᑎᐅᔪᑦ ᐃᓕᖅᑯᓯᒃᑯᑦ ᐱᔭᐅᔪᓐᓇᖅᑐᓂᒃ ᐱᒋᐊᕋᑖᕐᓂᑰᒻᒪᑦ ᐊᒻᒪ ᐊᐅᓪᓗᔾᔨᓗᐊᕐᓂᐊᖅᑐᒋᔭᐅᓪᓗᑎᒃ ᐃᓕᖅᑯᓯᖏᑎᒍᑦ ᐱᑕᖃᕐᕕᐅᔪᓂᒃ, ᑕᒪᒃᑯᐊᓕ ᐃᓕᓐᓂᐊᕈᑎᒃᓴᐅᔪᑦ ᐊᒻᒪ ᐱᓕᕆᐊᖑᔪᑦ ᐃᓕᖅᑯᓯᕐᒨᖓᔪᓂᒃ ᒫᓐᓇᐅᔪᖅ ᐊᒥᓲᓗᐊᖅᑎᓐᓇᒋᑦ. ᐱᓕᕆᒃᑲᓐᓂᕋᓱᐊᖅᑐᑦ ᑲᓱᖅᓯᒪᑎᑦᑎᓂᕐᒧᑦ ᐳᓛᕆᐊᖅᑐᓂᒃ ᐊᒻᒪ ᓄᓇᖃᖅᑐᓂᒃ ᒥᕐᖑᐃᓯᕐᕕᒻᒥ ᐃᓕᖅᑯᓯᒃᑯᑦ ᐱᑕᖃᕆᐊᖃᖅᑑᒐᓗᐊᑦ.

ᓇᓗᓇᐃᒃᑯᑕᖅ 6: ᐅᑦᑑᑎᐅᔪᓐᓇᖅᑐᑦ ᖃᒻᒪᒥᓂᖅᑕᓕᓐᓂ ᐊᐅᔪᐃᑦᑐᖅ ᑲᓚᑕᓕᒫᒥ ᒥᕐᖑᐃᓯᕐᕕᒻᒥ

  • ᒫᓐᓇᕐᓂᓴᐅᔪᑦ ᑐᐱᕐᕕᒥᓃᑦ
  • ᐃᑦᑕᖃᕐᕕᒥᓃᑦ
  • ᓄᓇᒥ ᑎᓯᓕᐊᕆᓯᒪᔪᑦ
  • ᖃᒻᒪᒥᓂᑦ
  • ᕿᓐᓃᑦ
  • ᓴᓕᐊᖃᕕᒥᓂᑦ
  • ᒫᓐᓇᓕᓴᐅᓂᖅᓴᐃᑦ ᑕᓗᐊᑦ ᐊᖑᓇᓱᑦᑐᒧᑦ
  • ᓯᓂᑕᕐᕕᒥᓂᑦ
  • ᑐᓂᕐᓄᑦ ᑐᐱᕐᕕᒥᓂᐅᑐᐃᓐᓇᕆᐊᖃᖅᑐᑦ
  • ᐃᒡᒐᕕᒥᓂᑦ
  • ᕿᓂᕕᒥᓂᑦ
  • ᖃᔭᒧᑦ ᐃᖄᖅ

3.3 ᐱᒻᒪᕆᐅᑎᑕᐅᔪᑦ ᒥᕐᖑᐃᓯᕐᕕᒻᒥ ᐄᓐᓄᓄᑦ

ᐊᒥᓱᑦ ᐃᓄᐃᑦ ᓱᓕ ᐊᑦᑐᐊᓂᖃᖅᑐᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓄᑦ - ᐃᒃᐱᒋᔭᒥᒍᑦ, ᖃᐅᔨᒪᔭᒥᒍᑦ ᐊᒻᒪ ᐃᓅᓯᖓᓄᑦ ᐊᑦᑐᐊᓂᖃᖅᑐᑦ ᒥᕐᖑᐃᓯᕐᕕᒻᒧᑦ. ᐃᓄᐃᑦFootnote 19 ᖃᓂᒋᔭᖏᓐᓃᑦᑐᑦ ᓄᓇᓕᐅᔪᓂ ᐸᓐᓂᖅᑑᒥ ᐊᒻᒪ ᕿᑭᖅᑕᕐᔪᐊᒥ ᐊᕐᕌᒍᓕᒫᖅ ᒥᕐᖑᐃᓯᕐᕕᒻᒨᓱᖑᒻᒪᑕ ᐊᒻᒪ ᓄᓂᕙᒋᐊᖅᐸᑦᑐᑎᒃ ᐊᒻᒪ ᕿᓚᓗᒃᑭᐊᖅᐸᑦᑐᑎᒃ. ᐃᓄᐃᑦ ᐃᓕᖅᑯᓯᖏᑎᒍᑦ ᐊᑐᐃᓐᓇᐅᔪᑦ ᐊᒻᒪ ᐃᓄᒃᑎᑐᑦ ᓄᓇᐃᑦ ᐊᑎᖏᑦ ᒥᕐᖑᐃᓯᕐᕕᒻᒥ ᐊᑑᑎᖃᖅᑎᑦᑎᔪᒻᒪᕆᐅᓕᕐᒪᑕ ᑲᓱᖅᓯᒪᑎᑦᑎᓂᕐᒧᑦ ᐅᓪᓗᒥᐅᔪᖅ ᐃᓄᓐᓂᒃ ᒥᕐᖑᐃᓯᕐᕕᒻᒧᑦ. ᑲᑐᔾᔨᓪᓗᑎᒃ ᑲᒪᓂᕐᒧᑦ ᐊᑐᖅᑕᐅᕙᑦᑐᖅ ᑕᐃᒪᐃᖁᔭᐅᓯᒪᔪᖅ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒍᑕᐅᔪᑦ ᐃᑲᔪᕐᓂᖃᕐᒥᔪᖅ ᑲᓱᖅᓯᒪᑎᑦᑎᓂᕐᒧᑦ ᐃᓄᓐᓂᒃ ᑕᒪᐅᖓ ᒥᕐᖑᐃᓯᕐᕕᒻᒧᑦ, ᐱᓗᐊᖅᑐᒥᒃ ᑲᒪᓂᕐᒧᑦ ᐸᕐᓇᐸᓪᓕᐊᑎᓪᓗᒋᑦ ᐊᒻᒪ ᐊᑐᕋᓱᐊᖅᑐᑎᒃ ᑕᒪᒃᑮᓐᓂᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪ ᖃᓪᓗᓈᑦ ᖃᐅᔨᒪᔭᖏᓐᓂᒃ.

3.4 ᐳᓚᕋᑦᑏᑦ ᐊᑐᖅᐸᑦᑕᖏᑦ ᐳᓚᕋᑦᑐᓕᕆᓂᕐᓗ

ᒥᕐᖑᐃᓯᕐᕕᒻᒧᓐ ᐳᓛᕆᐊᖅᐸᑦᑐᑦFootnote 20 ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒻᒨᕈᒪᓲᖑᕗᑦ ᐱᔾᔪᑎᖃᖅᑐᑎᒃ ᑕᑯᒥᓇᖅᑐᖅᔪᐊᕌᓗᓐᓂᒃ ᐃᓐᓈᕈᓕᐊᓗᓐᓂᒃ ᖃᖅᑳᓗᓐᓂᒃ, ᐊᒥᓱᐊᓗᓐᓂᒃ ᐊᐅᔪᐃᑦᑐᓂᒃ, ᐃᓐᓈᕈᓕᐊᓗᓐᓂ ᓇᖅᓴᓂᒃ, ᐃᓄᐃᑦ ᐃᓕᖅᑯᓯᖏᓐᓄᑦ ᐊᒻᒪ ᐅᐸᒐᕐᓂᕐᓂᖓᓄᑦ. ᒪᑯᐊᖑᕙᑦᑐᑦ ᓄᓇᑖᖃᑕᐅᓯᒪᙱᑦᑐᑦ ᓄᓇᓕᐅᔪᓂᒃ ᐸᓐᓂᖅᑑᒥᑦ ᐊᒻᒪ ᕿᑭᖅᑕᕐᔪᐊᒥᑦ ᐊᒻᒪ ᑕᒪᒃᑯᓇᙵᑦ ᐊᓯᖏᓐᓂᒃ ᑲᓇᑕᒥ ᓂᐅᕐᕈᔪᓂᒃ ᐊᓯᖏᓐᓂᓗᓐᓃᑦ ᓯᓚᕐᔪᐊᒥᑦ. ᓂᐅᕐᕈᔪᑦ ᖃᐅᔨᔪᓐᓇᐸᑦᑐᑦ ᐅᓪᓗᐃᓐᓇᖅ ᐱᓱᒃᑐᑎᒃ, ᓄᓇᓕᑦᑕᖃᙱᑦᑐᒥ ᐱᓱᓐᓂᕐᒥᒃ, ᖃᖅᑲᓯᐅᕐᑎᓂᒃ, ᐱᔭᕆᐊᑐᓂᖅᓴᒃᑯᑦ ᖃᖅᑲᓯᐅᕐᑎᓂᒃ, ᓄᓇᓕᑦᑕᖃᙱᑦᑐᒥ ᓯᐊᕐᕆᔮᕐᓂᕐᒥᒃ, ᐊᐅᔪᐃᑦᑐᒃᑯᑦ ᐃᖏᕐᕋᓂᕐᒥᒃ, ᓯᑭᑑᒃᑯ ᐊᐅᓪᓚᐅᔾᔭᐅᓂᕐᒥᒃ, ᐃᓛᓐᓂᑯᓪᓗ ᖁᒥᔅᓯᒃᑯᑦ, ᐅᒥᐊᒃᑯᑦ ᐊᒻᒪ ᒫᓐᓇᐅᓕᖅᑐᖅ ᐅᒥᐊᕐᔪᐊᒃᑯᑦ ᑕᑯᔭᖅᑐᖅᑐᓂᒃ.

ᒥᕐᖑᐃᓯᕐᕕᐅᔪᖅ ᐅᐸᒃᑕᐅᕙᑦᑐᑦ ᖃᓂᒋᔭᖓᓂᖃᐃ 500 ᐃᓄᐃᑦ ᐊᕐᕌᒍᑕᒫᑦFootnote 21, ᑕᐃᒃᑯᐊ ᐊᒥᓲᓂᖅᓴᐅᔪᑦ ᐱᓱᒋᐊᖅᑐᖅᑐᑦ ᐊᖅᑯᑎᐅᔪᒥᒃ ᐊᑎᖃᖅᑐᖅ ᐊᒃᓵᔪᖅ ᐱᓱᕝᕕᒃ. 2009ᒥ, ᑕᒫᓂᐸᓗᒃ 380 ᐳᓛᕆᐊᖅᑐᑦ ᒥᕐᖑᐃᓯᕐᕕᓕᐊᓚᐅᖅᑐᑦ.

ᓂᐅᕐᕈᔪᑦ ᑲᒪᕙᒃᑐᑦ ᓄᓇᖓᓂᒃ ᐃᓚᖏᑦ ᐊᓱᕈᕐᓇᓯᒍᓇᑐᑦ ᐊᒃᓱᕈᓐᓇᖅᑐᑦ, ᑰᒻᒥ ᐃᑳᕐᓂᕐᒧᑦ, ᖃᖅᑲᓯᐅᕐᓂᕐᒧᑦ ᐊᒻᒪ ᓄᓇᑐᐃᓐᓇᕐᒥ ᐱᓱᒃᑐᓄᑦ. ᑕᕝᕗᖓᖅᑐᑦ ᒥᕐᖑᐃᓯᕐᕕᒻᒧᑦ ᖃᐅᔨᒪᔭᕆᐊᖃᖅᑐᑦ ᐊᒻᒪ ᐅᐸᓗᖓᐃᔭᖅᓯᒪᑦᑎᐊᕐᓗᑎᒃ ᖃᐅᔨᓂᐊᕆᐊᒃᓴᖅ ᐊᒃᓱᕈᕐᓇᖅᑐᓂᒃ ᓇᒧᓐᖓᐅᑲᑕᓪᓗᓂ ᐅᑭᐅᖅᑕᖅᑐᒥ. ᐊᒥᓱᑦ ᐊᔾᔨᒌᓐᖏᑦᑐᑦ ᒥᕐᖑᐃᓯᕐᕕᒻᒨᕈᑎᒃᓴᐅᔪᑦ ᐊᐅᔪᐃᑦᑐᕐᒧᑦ ᐃᑲᔪᕐᓂᖃᖅᐸᑦᑐ ᑕᒪᐅᓐᖓᖅᑐᓂᒃ ᖁᕕᐊᒋᔭᖃᕐᓂᕐᓴᐅᓕᖅᑐᑎᒃ ᐊᒻᒪ ᑐᑭᓯᐅᒪᓂᖅᓴᐅᓕᖅᑎᑦᑎᓪᓗᑎᒃ ᓱᕐᕋᒃᓯᒪᓐᖏᑦᑐᒥᒃ ᓄᓇᒥ ᐊᒻᒪ ᐃᓕᖅᑯᓯᕆᔭᐅᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᓇᓐᓇᖓᓂ ᐊᒻᒪ ᓯᓚᕐᔪᐊᒥ ᐅᑭᐅᖅᑕᖅᑐᓕᒫᒥᒃ.

ᖃᓄᐃᑦᑑᓂᖏᑦ, ᖃᐅᔨᔭᐅᔪᑦ ᐊᒻᒪ ᓂᕆᐅᒋᔭᐅᔪᑦ ᓂᐅᕐᕈᔪᓄᑦ ᓄᓇᕗᒻᒧᑦ ᐊᒻᒪ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓄᑦ ᖃᐅᔨᓴᖅᑕᐅᖃᑖᓚᐅᕐᒥᔪᑦ ᓄᓇᕗᑦ ᒐᕙᒪᒃᑯᖏᓐᓂᒃFootnote 22 ᐊᒻᒪ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐊᓯᖏᓐᓂᓪᓗFootnote 23. ᓱᒃᑲᓐᓂᖅ, ᑐᑭᓯᒋᐊᕈᑎᒃᓴᐅᔪᑦ ᓂᐅᕐᕈᕙᑦᑐᑦ ᓇᑭᓐᖓᕐᓂᖏᓐᓄᑦ ᐊᒻᒪ ᖃᐅᔨᒪᓂᖏᑦ ᐱᔭᐅᕙᑦᑐᑦ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᓂᐅᕐᕈᔭᕋᐃᒻᒪᑕ ᐊᑎᓕᐅᕆᐊᖃᖅᐸᒻᒪᑕ ᐊᒻᒪ ᒥᕐᖑᐃᓯᕐᕕᒻᒦᖔᓕᕈᑎᒃ.

ᓂᐅᕐᕈᓯᒪᔪᑦ ᐊᐅᓪᓚᖅᑐᑦ ᖃᐅᔨᓴᖅᑕᐅᓂᖏᑦ ᓄᓇᕗᑦ ᒐᕙᒪᒃᑯᓐᓂᑦ 2006-ᒥ ᓇᓗᓇᐃᖅᓯᓚᐅᖅᑐᑦ ᐱᔾᔪᑎᒋᔭᐅᔪᑦ ᐋᖅᑭᒃᓯᒪᔾᔪᑕᐅᔪᑦ ᐳᓚᕋᑦᑐᓕᕆᓂᕐᒥᒃ ᓄᓇᕗᒻᒥ, ᐅᑯᐊ ᐱᖃᓯᐅᑎᓪᓗᒋᑦ:

  • ᐊᑕᖏᐸᓗᑦᑐᑎᒃ ᐊᐱᖅᑯᑎᓂᒃ ᑕᑕᑎᕆᐊᓕᓐᓂᒃ ᑭᐅᔪᒥᓃᑦ ᓄᓇᕗᓕᐊᖅᑐᒥᓃᑦ ᓄᓇᕗᓕᐊᖅᑐᒥᓃᑦFootnote 24.
  • ᖃᓄᐃᓕᐅᕐᓂᓪᓗᐊᑕᐅᕙᑦᑐᑦ ᓂᐅᕕᖅᐸᑦᑐᑎᒃ ᓴᓇᐅᒐᐅᔪᓂᒃ, ᑕᑯᔭᒐᖃᕐᕕᒻᒧᑦ ᕿᒥᕐᕈᔪᑦ ᐊᒻᒪ ᐃᓕᖅᑯᓯᕐᓂ ᑕᑯᒃᓴᐅᑎᑦᑎᕕᐅᔪᓂᒃ, ᐱᓱᒃᑐᓂᒃ ᐊᒻᒪ ᐆᒪᔪᓂᑦ ᕿᒥᕐᕈᓂᕐᒧᑦ.
  • ᓇᑉᐸᓪᓗᐊᖏᑦ ᓂᐅᕐᕈᔪᑦ ᐃᖅᑲᓇᐃᔮᖓᓄᑦ ᓂᐅᕐᕈᓯᒪᔪᑦ ᐊᒻᒪ ᐊᑯᓂᐅᒃᑲᓂᖅᓯᒪᓪᓗᑎᒃ ᓄᓇᕗᒻᒥ ᕿᑲᑲᐃᓐᓇᕐᓂᐊᕐᓗᑎᒃ.
  • ᐅᒥᐊᕐᔪᐊᒃᑯᑦ ᑎᑭᑦᑐᑦ ᑮᓇᐅᔭᐃᕐᓂᖅᓴᐅᕙᑦᑐᑦ ᓄᓇᕗᒻᒥ ᐊᓯᖏᓐᓂ ᓂᐅᕐᕈᕙᑦᑐᓂᒃ, ᑕᐃᒃᑯᐊᓕ ᑮᓇᐅᔭᐃᔭᕐᓂᖅᓴᐅᕙᒻᒪᑕ ᑐᔪᕐᒥᕕᖏᓐᓄᑦ ᐊᒻᒪ ᓂᕆᔾᔪᑎᖏᓐᓄᑦ.
  • ᑕᒪᕐᒥᑲᓴᒃ ᓂᐅᕐᕈᔪᑦ ᐸᓐᓂᖅᑑᒧᑦ ᓄᓇᓕᓐᓅᐸᑦᑐᑦ ᐱᓐᓇᔭᒋᐊᖅᑐᖅᑐᑎᒃ, ᑕᐃᒃᑯᐊᓕ ᓇᑉᐸᑲᓴᖏᑦ ᕿᑭᖅᑕᕐᔪᐊᒧᑦ ᐃᖅᑲᓇᐃᔮᖓᓄᑦ ᑐᕌᖓᔪᓂᒃ ᐊᒻᒪ ᓇᑉᐸᖏᑦ ᐱᓐᓇᔭᒋᐊᖅᑐᖅᑐᑎᒃ.

ᒪᓕᑦᑐᒍ ᑕᒪᓐᓇ ᖃᐅᔨᓴᕐᓂᐅᔪᖅ, ᓄᓇᕗᒻᒥ ᐳᓚᕋᑦᑐᓕᕆᔨᒃᑯᑦFootnote 25 ᖃᐅᔨᓯᒪᓕᖅᑐᑦ ᐱᕕᒃᓴᖃᓚᐅᕐᒪᑦ ᓴᖅᑮᓂᕐᒧᑦ ᐳᓚᕋᑦᑐᓕᕆᓂᕐᒥᒃ ᐊᒻᒪ ᑭᓐᖑᒪᔭᐅᕙᑦᑐᑦ ᓂᐅᕐᕈᓯᒪᔪᓄᑦ ᓴᖅᑮᓪᓗᑎᒃ ᐊᑐᖅᑐᓂᒃ ᐊᒻᒪ ᐱᔨᑦᑎᕈᑎᒃᑲᓐᓂᐅᔪᓂᒃ ᓂᐅᕐᕈᓯᒪᔪᓄᑦFootnote 26.

ᖃᐅᔨᓴᖅᑕᒥᓂᐅᔪᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓂ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ, ᓯᓚᑦᑐᓴᕐᕕᕐᔪᐊᖓᑦ ᒫᓐᑖᓇ ᐊᒻᒪᓗ ᐊᓪᑐ ᓕᐅᐳᓪᑦ ᓄᓇᒥ ᖃᐅᔨᓴᖅᓂᒃᑯᑦ ᖃᐅᔨᒪᒻᒪᑕ ᐳᓛᕆᐊᖅᑐᐃᑦ ᒥᕐᖑᐃᓯᕐᕕᒻᒧᑦ ᓂᕆᐅᓐᓂᖃᕐᒪᑕ ᐊᔾᔨᒌᙱᑦᑐᕈᓘᔭᕐᓂ ᐳᓛᕆᐊᖅᓯᒪᑎᓪᓗᒋᑦ:

  • ᐱᔾᔪᑎᖏᑦ ᒥᕐᖑᐃᓯᕐᕕᒻᒧᑦ ᐱᖃᓯᐅᑎᒻᒪᑕ ᓇᒻᒪᓪᓗᑎᑦ ᐱᓱᓪᓗᑎᑦ, ᓄᓇᕋᕐᓂᒃ ᕿᒥᕐᕈᐊᕆᐊᖅᑐᖅᑐᑎᑦ, ᐊᐅᔪᐃᑦᑐᕐᒥ ᐊᐅᔪᐃᑦᑐᑯᓗᑎᑦ ᐊᒻᒪᓗ ᖃᖅᑲᓯᐅᕐᓗᑎᑦ.
  • ᒥᕐᖑᐃᓯᕐᕕᒻᒨᕈᒪᓲᖑᕗᐃᑦ ᐅᖓᓯᒃᑑᓂᖓᓄᑦ ᐊᒻᒪᓗ ᐊᓕᐊᓇᐃᒍᓱᒋᐊᖅᑐᖅᑐᑎᑦ ᖃᐅᔨᔪᒪᓪᓗᑎᑦ ᐊᒻᒪᓗ ᐃᓱᒪᖅᓱᕈᓐᓇᕐᓂᖏᑦ ᐊᐅᓪᓚᖅᑎᓪᓗᒋᑦ ᐅᑭᐅᖅᑕᖅᑐᒧᑦ ᐊᒻᒪᓗ ᖃᖅᑲᓱᕆᐊᑐᑎᓪᓗᒋᑦ ᓄᓇᑐᐃᓐᓇᕐᒧᑦ.
  • ᐃᓚᖏᑦ ᓂᐅᕐᕈᔪᐃᑦ ᐳᓛᕆᐊᖅᑐᐃᑦ ᖃᖅᑲᓱᑎᒪᕆᐅᒻᒪᑕ ᐊᓯᖏᓪᓘᓐᓃᓪᓕ ᐃᓚᖏᑦ ᓇᒻᒪᑦᑐᑎᑦ ᐱᓱᓚᐅᖅᓯᒪᙱᑦᑎᐊᒻᒪᕆᒃᑐᑎᑦ.
  • ᐃᓕᖅᑯᓯᕐᒨᖓᔪᐃᑦ ᐱᔾᔪᑏᑦ ᐊᒻᒪᓗ ᐃᓄᐃᑦ ᐱᖃᑎᒋᓗᒋᑦ ᐊᒃᓱᒻᒪᕆᐊᓗᒃ ᑕᒪᓐᓇ ᐱᒻᒪᕆᐅᒻᒪᑦ ᐳᓛᕆᐊᕐᓂᖏᓐᓄᑦ ᐃᓚᖏᓐᓄᑦ ᐳᓚᕋᑦᑎᓄᑦFootnote 27.

ᖃᐅᔨᓴᕐᓂᐅᔪᖅ ᓇᓗᓇᐃᖅᓯᓚᐅᖅᓯᒪᕗᖅ ᐱᖓᓲᔪᖅᑐᓂᒃ 6-ᓂᑦ “ᐊᖏᓂᓕᓐᓂᒃ” ᐳᓛᕆᐊᖅᑐᐃᑦ ᖃᐅᔨᔪᒪᕙᑦᑕᖏᑦ ᒥᕐᖑᐃᓯᕐᕕᒻᒥ: ᓴᐃᓕᓇᕐᓂᖓᑦ/ᐃᓱᒪᖅᓱᕈᓐᓇᕐᓂᖅ, ᐊᒃᓱᕈᕐᓇᕐᓂᖓᑦ/ᑕᑯᔪᒪᔭᖏᑦ ᖃᓄᐃᓕᐅᕐᓗᑎᑦ, ᓄᓇᑐᐃᓐᓇᐅᓂᖓᑦ, ᐅᑭᐅᖅᑕᖅᑐᒨᖅᓯᒪᒍᒪᓂᖏᑦ, ᐃᓕᓐᓂᐊᕈᒪᓂᖏᑦ/ᖁᔭᒋᔭᖃᖅᑐᑎᑦ, ᐊᒻᒪᓗ ᐅᑉᐱᕐᓂᖓᓅᖓᔪᐃᑦ. ᑕᒪᒃᑯᐊ ᐳᓛᕆᐊᖅᑐᓄᑦ ᓱᔭᐅᒍᓐᓇᓲᑦ ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒻᒥ ᑐᑭᑖᖅᔪᔪᑦ ᐊᐱᖅᓱᖃᑦᑕᓂᒃᑯᑦ ᑭᐅᒋᐊᓕᓐᓂᒃ ᑕᑕᑎᕆᑎᑦᑎᓂᒃᑯᑦ ᐳᓛᕆᐊᖅᑐᓂᑦ ᒥᕐᖑᐃᓯᕐᕕᒻᒧᓐ ᐊᑯᓐᓂᖓᓂ 2005 ᐊᒻᒪᓗ 2008Footnote 28. ᖃᐅᔨᓴᕈᑕᐅᕋᑖᕐᓯᒪᔪᑦ ᐳᓚᕋᑦᑎᓄᑦ ᑐᑭᓯᒍᑕᐅᓚᐅᕐᒥᔪᑦ ᐃᑲᔫᑎᖃᖅᑐᑎᒃ ᐸᕐᓇᐅᓯᐅᕈᑎᖃᖃᑦᑕᓂᐊᕐᓂᕐᒧᑦ ᓂᐅᕐᕈᑎᔅᓴᓂᒃ ᒥᕐᖑᐃᓯᕐᕕᒻᒥ.

ᐊᐅᔪᐃᑦᑐᕐᒨᕈᒪᔪᐃᑦ ᒥᕐᖑᐃᓯᕐᕕᒻᒧᑦ ᐊᑦᑐᐃᓂᖃᕐᒪᑦ ᐅᐸᒍᑎᒍᒪᔭᕐᒥᓂᒃ ᖃᓂᒃᑑᓂᖓᓄᑦ ᐊᖓᔪᖅᑳᖃᕐᕕᒻᒧᑦ ᐃᖃᓗᓐᓄᑦ. ᓄᓇᕗᑦ ᐱᙳᖅᓯᒪᓂᖓᑦ 1999-ᒥ ᐱᓪᓗᒍ ᖃᐅᔨᒪᔭᐅᓂᖅᓴᐅᓕᕐᒪᑦ ᒥᕐᖑᐃᓯᕐᕕᒃ ᐊᒻᒪᓗ ᓄᓇᓕᖏᑦ ᖃᓂᒃᑑᒃ (ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ) ᐊᒻᒪᓗ ᖃᖓᑕᓲᒃᑰᖅᑐᓂ ᐃᖃᓗᓐᓂ ᑖᒃᑯᓄᖓᒃ ᓄᓇᓕᐅᔫᓐᓄᒃ ᐊᑭᑭᑦᑐᐸᓘᓪᓗᓂ. ᐅᐸᒐᓱᓪᓗᒍ ᐱᔭᕆᐊᑭᓐᓂᖓ ᖃᐃᑎᑦᑎᕙᑉᐳᖅ ᐳᓛᕆᐊᖅᑐᓂᒃ ᐊᔾᔨᒌᙱᑦᑐᓂᒃ ᖁᑦᑎᓕᕇᓂᒃ ᐱᔪᓐᓇᕐᓂᖃᖅᑐᓂᒃ, ᑭᓯᐊᓂᓕ ᒥᕐᖑᐃᓯᕐᕕᒃ ᓄᓇᓕᒻᒥᑦ ᐅᖓᓯᒃᑑᓂᖓᑦ ᐊᒻᒪᓗ ᓄᓇᖓᑕ ᖃᓄᐃᑦᑑᓂᖓ ᑕᐃᒪᐃᑦᑐᖅᓯᐅᑕᐅᕗᖅ ᐊᐅᓪᓚᖃᑦᑕᖅᓯᒪᔪᓄᑦ ᐊᒻᒪᓗ ᐃᒻᒥᓃᓐᓇᕿᒍᓐᓇᖅᑐᓄᑦ ᓄᓇᓕᑦᑕᖃᙱᑦᑐᒥ ᐊᐅᓪᓚᖃᑦᑕᖅᑎᓄᑦ.

ᖃᐅᔨᓴᕐᓂᐅᔪᖅ ᓇᓗᓇᐃᖅᓯᓚᐅᖅᓯᒪᕗᖅ ᐱᖓᓲᔪᖅᑐᓂᒃ 6-ᓂᑦ “ᐊᖏᓂᓕᓐᓂᒃ” ᐳᓛᕆᐊᖅᑐᐃᑦ ᖃᐅᔨᔪᒪᕙᑦᑕᖏᑦ ᒥᕐᖑᐃᓯᕐᕕᒻᒥ: ᓴᐃᓕᓇᕐᓂᖓᑦ/ᐃᓱᒪᖅᓱᕈᓐᓇᕐᓂᖅ, ᐊᒃᓱᕈᕐᓇᕐᓂᖓᑦ/ᑕᑯᔪᒪᔭᖏᑦ ᖃᓄᐃᓕᐅᕐᓗᑎᑦ, ᓄᓇᑐᐃᓐᓇᐅᓂᖓᑦ, ᐅᑭᐅᖅᑕᖅᑐᒨᖅᓯᒪᒍᒪᓂᖏᑦ, ᐃᓕᓐᓂᐊᕈᒪᓂᖏᑦ/ᖁᔭᒋᔭᖃᖅᑐᑎᑦ, ᐊᒻᒪᓗ ᐅᑉᐱᕐᓂᖓᓅᖓᔪᐃᑦ. ᑕᒪᒃᑯᐊ ᐳᓛᕆᐊᖅᑐᓄᑦ ᓱᔭᐅᒍᓐᓇᓲᑦ ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒻᒥ ᑐᑭᑖᖅᔪᔪᑦ ᐊᐱᖅᓱᖃᑦᑕᓂᒃᑯᑦ ᑭᐅᒋᐊᓕᓐᓂᒃ ᑕᑕᑎᕆᑎᑦᑎᓂᒃᑯᑦ ᐳᓛᕆᐊᖅᑐᓂᑦ ᒥᕐᖑᐃᓯᕐᕕᒻᒧᓐ ᐊᑯᓐᓂᖓᓂ 2005 ᐊᒻᒪᓗ 2008. ᖃᐅᔨᓴᕈᑕᐅᕋᑖᕐᓯᒪᔪᑦ ᐳᓚᕋᑦᑎᓄᑦ ᑐᑭᓯᒍᑕᐅᓚᐅᕐᒥᔪᑦ ᐃᑲᔫᑎᖃᖅᑐᑎᒃ ᐸᕐᓇᐅᓯᐅᕈᑎᖃᖃᑦᑕᓂᐊᕐᓂᕐᒧᑦ ᓂᐅᕐᕈᑎᔅᓴᓂᒃ ᒥᕐᖑᐃᓯᕐᕕᒻᒥ.

ᐊᐅᔪᐃᑦᑐᕐᒨᕈᒪᔪᐃᑦ ᒥᕐᖑᐃᓯᕐᕕᒻᒧᑦ ᐊᑦᑐᐃᓂᖃᕐᒪᑦ ᐅᐸᒍᑎᒍᒪᔭᕐᒥᓂᒃ ᖃᓂᒃᑑᓂᖓᓄᑦ ᐊᖓᔪᖅᑳᖃᕐᕕᒻᒧᑦ ᐃᖃᓗᓐᓄᑦ. ᓄᓇᕗᑦ ᐱᙳᖅᓯᒪᓂᖓᑦ 1999-ᒥ ᐱᓪᓗᒍ ᖃᐅᔨᒪᔭᐅᓂᖅᓴᐅᓕᕐᒪᑦ ᒥᕐᖑᐃᓯᕐᕕᒃ ᐊᒻᒪᓗ ᓄᓇᓕᖏᑦ ᖃᓂᒃᑑᒃ (ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ) ᐊᒻᒪᓗ ᖃᖓᑕᓲᒃᑰᖅᑐᓂ ᐃᖃᓗᓐᓂ ᑖᒃᑯᓄᖓᒃ ᓄᓇᓕᐅᔫᓐᓄᒃ ᐊᑭᑭᑦᑐᐸᓘᓪᓗᓂ. ᐅᐸᒐᓱᓪᓗᒍ ᐱᔭᕆᐊᑭᓐᓂᖓ ᖃᐃᑎᑦᑎᕙᑉᐳᖅ ᐳᓛᕆᐊᖅᑐᓂᒃ ᐊᔾᔨᒌᙱᑦᑐᓂᒃ ᖁᑦᑎᓕᕇᓂᒃ ᐱᔪᓐᓇᕐᓂᖃᖅᑐᓂᒃ, ᑭᓯᐊᓂᓕ ᒥᕐᖑᐃᓯᕐᕕᒃ ᓄᓇᓕᒻᒥᑦ ᐅᖓᓯᒃᑑᓂᖓᑦ ᐊᒻᒪᓗ ᓄᓇᖓᑕ ᖃᓄᐃᑦᑑᓂᖓ ᑕᐃᒪᐃᑦᑐᖅᓯᐅᑕᐅᕗᖅ ᐊᐅᓪᓚᖃᑦᑕᖅᓯᒪᔪᓄᑦ ᐊᒻᒪᓗ ᐃᒻᒥᓃᓐᓇᕿᒍᓐᓇᖅᑐᓄᑦ ᓄᓇᓕᑦᑕᖃᙱᑦᑐᒥ ᐊᐅᓪᓚᖃᑦᑕᖅᑎᓄᑦ.

3.5 ᓴᐅᒪᑎᑦᑎᒋᐊᕐᓂᖅ ᑭᒃᑯᑐᐃᓐᓇᓂᓪᓗ ᐃᓕᓐᓂᐊᑎᑦᑎᓂᖅ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐋᖅᑭᒋᐊᕐᓯᒪᔪᑦ ᐊᒥᓱᕈᕆᐊᒃᑲᓐᓂᖁᓪᓗᒋᑦ ᐱᓕᕆᔪᓐᓇᕐᓂᖏᑦ ᐅᖓᑖᓄᒋᐊᒃᑲᓐᓂᖅ ᑐᓴᐅᒪᑎᑦᑎᖃᑦᑕᓂᕐᒥᒃ ᐃᓕᓐᓂᐊᑎᑦᑎᖃᑦᑕᓂᕐᒥᓪᓗ ᐊᑐᖅᑎᑦᑎᖁᓪᓗᒋᑦ, ᐱᖃᓯᐅᑎᓪᓗᒍ ᓄᓇᕗᒻᒥ ᐱᓕᕆᕕᐅᕙᑦᑐᖅ. ᑕᖅᑲᒃᑯᓂᖓ ᖃᐅᔨᒃᑲᐃᒐᓱᐊᕐᓃᑦ ᐃᓕᓐᓂᐊᑎᑦᑎᔾᔪᑎᔅᓴᐃᓪᓗ ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒻᒥᒃ ᓴᓇᔭᐅᕙᓪᓕᐊᓕᖅᑐᑦ ᐱᓕᕆᖃᑕᐅᕕᔅᓴᐅᓂᖅᓴᐅᓪᓗᑎᒃ.

ᐱᓕᕆᐊᔅᓴᐅᑎᑕᐅᔪᑦ ᓄᓇᕗᒻᒥ ᐱᓕᕆᕕᒻᒥ ᐱᖃᓯᐅᔾᔨᔪᑦ ᐊᕙᑎᒥᒃ ᑲᒪᔨᑦᑎᐊᕙᐅᓂᕐᒥᒃ ᐱᔾᔪᑎᖃᓗᐊᖅᑐᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᓴᕋᔅᓴᖁᑎᖏᓐᓂᒃ ᑐᕌᖓᔪᓂᒃ ᓄᓇᕗᒻᒧᑦ ᐊᒻᒪᓗ ᓄᓇᕗᒻᒥ ᐃᓕᓴᕕᒻᒥ ᐃᓕᓐᓂᐊᕋᔅᓴᐅᔪᓄᑦ. ᒥᕐᖑᐃᓯᕐᕕᒃ ᐊᓯᐊᒍᑦ ᐃᓕᓴᕕᓐᓂ ᐃᓕᓐᓂᐊᑎᑦᑎᖃᑦᑕᕐᒥᔪᖅ, ᒥᕐᖑᐃᓯᕐᕕᓕᕆᔨᒃᑯᑦ ᐅᓐᓄᒃᑯᑦ ᑕᕐᕆᔭᖅᑎᑦᑎᕙᒻᒪᑕ ᐳᓚᕋᑦᑐᓕᕆᕕᒻᒥ ᐸᓐᓂᖅᑑᒥ ᐱᓇᓱᐊᕈᓯᖅᑕᒫᑦ ᐅᑭᐅᒃᑯᑦ 2008ᒥᓂᑦ; ᑕᕐᕆᔮᔅᓴᐃᑦ ᑕᑯᔅᓴᐅᑎᑕᐅᕙᑦᑐᑦ ᐱᔾᔪᑎᓖᑦ ᑕᐃᔅᓱᒪᓂᓕᓴᕐᓂᒃ ᓄᓇᕗᒻᒥ ᐊᑐᖅᑕᐅᓯᒪᔪᓂᒃ, ᑕᕐᕆᔮᔅᓴᐃᑦ ᐱᔾᔪᑎᓖᑦ ᐃᓄᐃᑦ ᐃᓕᖅᑯᓯᖏᓐᓂᒃ, ᐊᒻᒪᓗ ᑕᕐᕆᔮᔅᓴᐃᑦ ᐃᓚᖏᑦ ᓄᓇᒥᐅᑕᓕᕆᓂᕐᒥᒃ ᐃᓕᖅᑯᓯᓕᕆᓂᕐᒥᓪᓗ ᐱᒻᒪᕆᐅᔪᓂᒃ ᒥᕐᖑᐃᓯᕐᕕᒻᒦᑦᑐᓂᒃ. ᐊᓯᖏᑦ ᐱᓕᕆᐊᔅᓴᐅᑎᑕᐅᔪᑦ ᐅᓪᓗᒥᒧᑦ ᑎᑭᑦᑐᒍ ᐱᔾᔪᑎᖃᓗᐊᕐᓯᒪᔪᓪᓕ ᓱᔪᖃᕐᓂᖓᓂ ᐅᓂᒃᑳᕆᐊᖅᑐᖃᑦᑕᕐᓂᖅ ᐃᓕᓴᕕᓐᓄᑦ ᐊᒻᒪᓗ ᐃᓕᓴᐃᔩᑦ ᐊᓯᖏᑕᓗ ᑲᑎᒪᓂᖏᓐᓄᑦ.

ᑐᓴᕋᔅᓴᐃᑦ ᓄᓇᕗᒻᒥᐅᑕᓄᑦ, ᐅᓪᓗᒥᒧᑦ ᑎᑭᑦᑐᒍ, ᐱᔾᔪᑎᖃᕐᓯᒪᓗᐊᕐᖓᑕ ᐅᔾᔨᕈᓱᓕᖅᑎᑦᑎᒋᐊᒃᑲᓂᕐᓂᕐᒥᒃ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐊᒻᒪᓗ ᒥᕐᖑᐃᓯᕐᕕᓐᓂᒃ ᓄᓇᕗᒻᒦᑦᑐᓂᒃ, ᐃᖅᑲᓇᐃᔮᖅᑖᖑᔪᓐᓇᖅᑐᓂᒃ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐊᒻᒪᓗ ᐱᒻᒪᕆᐅᓂᖓᓂᒃ ᐃᓅᓱᑦᑐᐃᑦ ᐃᓕᓐᓂᐊᖅᑕᖓᓂᒃ ᐱᔭᕇᕐᓯᔭᕆᐊᖃᕐᓂᕐᒥᒃ, ᐊᒻᒪᓗ ᐊᓗᐃᖅᑲᓃᑦ ᒥᔅᓵᓄᑦ ᐅᔾᔨᕈᓱᓕᖅᑎᑦᑎᒋᐊᒃᑲᓂᕐᓂᕐᒥᒃ. ᓄᑖᑦ ᐱᓕᕆᐊᔅᓴᑦ ᐱᕕᖃᖅᑎᑎᙳᓱᑦᑐᑦ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᐊᒥᓱᕈᖅᑎᑦᑎᒋᐊᕐᓂᕐᒧᑦ ᑐᓴᖅᑕᐅᔭᕆᐊᖃᖅᐸᑦᑐᓂᒃ.

ᐅᓪᓗᒥᒧᑦ ᑎᑭᑦᑐᒍ, ᖃᐅᔨᓴᖃᑦᑕᕐᓂᖅ ᑕᒪᒃᑯᓂᖓ ᐱᓕᕆᐊᓂᒃ ᑭᓪᓕᖃᕐᓯᒪᒻᒪᑦ ᖃᐅᔨᓴᖃᑦᑕᓂᕐᒥᒃ ᖃᑦᑎᐅᕙᒻᒪᖔᑕ ᐱᖃᑕᐅᕙᑦᑐᑦ ᐊᒻᒪᓗ ᐃᓚᐅᑎᑦᑎᖃᑦᑕᓂᕐᒥᒃ ᑲᑎᒪᓪᓚᑦᑖᕐᓂᐅᙱᑦᑐᒃᑯᑦ ᐅᖃᖃᑎᖃᖃᑦᑕᓂᕐᒥᒃ ᐃᓄᑐᐃᓐᓇᕐᓂᒃ ᐱᖃᑕᒥᓂᕐᓂᒃ ᑕᒪᒃᑯᓂᖓ ᐱᓕᕆᐊᓂᒃ. ᐅᖃᐅᓯᒥᓃᑦ ᐊᑐᖅᑕᐅᓯᒪᔪᑦ ᐋᖅᑭᒋᐊᕐᓯᒍᑕᐅᓪᓗᑎᒃ ᑕᒪᒃᑯᓂᖓ ᐱᓕᕆᐊᓂᒃ.

ᒫᓐᓇ, ᑕᒪᐃᓐᓂᒃ ᐅᔾᔨᕈᓱᓕᖅᑎᑦᑎᒋᐊᖃᑦᑕᕐᓂᖅ ᒥᕐᖑᐃᓯᕐᕕᐅᑉ ᒥᔅᓵᓄᑦ ᐸᓐᓂᖅᑑᒥ, ᕿᑭᖅᑕᕐᔪᐊᕐᒥ, ᐃᖃᓗᓐᓂᓗ ᖁᕝᕙᓯᑦᑑᓯᒪᔪᔅᓴᐅᕗᖅ. ᑲᓇᑕᓕᒫᒥᓕ, ᑭᓯᐊᓂ, ᑕᐃᒫᒃ ᐅᔾᔨᕈᓱᓕᖅᑎᑦᑎᒋᐊᕐᓂᖅ ᐊᑉᐸᓯᓐᓂᕐᓴᐅᔪᔅᓴᐅᕗᖅ.

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐱᒻᒪᕆᐊᓗᒻᒥᒃ ᐃᖅᑲᓇᐃᔮᔅᓴᖃᕐᖓᑕ ᓯᕕᑐᓂᕐᓴᒥᒃ ᑐᓴᐅᒪᑎᑦᑎᒋᐊᒃᑲᓂᕐᓂᕐᒥᒃ ᐃᓕᓐᓂᐊᑎᑦᑎᓂᕐᒥᓪᓗ ᖃᓂᒋᔭᓕᓐᓂᒃ ᓄᓇᓕᓐᓂᒃ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ, ᐊᕕᑦᑐᕐᓯᒪᕕᒻᒥᒃ, ᑲᓇᑕᓕᒫᒥᓗ. ᒥᕐᖑᐃᓯᕐᕕᒃ ᐋᖅᑭᓯᒪᔪᓐᓇᕐᖓᑦ ᐃᓕᓴᕕᒻᒥ ᐃᓕᓐᓂᐊᕈᑎᔅᓴᓂᒃ ᐊᒻᒪᓗ ᓯᕕᑐᓂᕐᓴᒥᒃ ᑐᓴᐅᒪᑎᑦᑎᒋᐊᒃᑲᓂᕐᓂᕐᒧᑦ ᐃᓚᒋᔭᐅᓪᓚᑦᑖᕐᓗᓂ ᑲᓇᑕᒥ ᐅᑭᐅᖅᑕᖅᑐᒥ. ᓄᑖᑦ ᐊᑐᖅᑕᐅᖃᑦᑕᕐᓯᒪᔪᑐᖃᐃᑦ ᒥᔅᓵᓄᑦ ᐅᓂᒃᑳᕈᑎᔅᓴᐃᑦ ᓴᓇᔭᐅᔪᓐᓇᒥᒻᒪᑕ ᑭᒃᑯᑐᐃᓐᓇᕐᓄᑦ ᑐᕌᖓᓗᑎᒃ ᒥᕐᖑᐃᓯᕐᕕᓕᐊᕈᓐᓇᖃᑦᑕᖏᑦᑐᓄᑦ.

3.6 ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᓂᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐅᖓᓯᒃᑑᕗᖅ ᐅᑭᐅᖅᑕᖅᑐᒥ ᓂᓪᓚᓱᓪᓚᕆᑉᐸᑦᑐᒥᒃ ᓯᓚᖃᖅᑐᓂ ᖃᖅᑲᖃᐅᖅᑐᓂᓗ ᐊᒻᒪᓗ ᓄᓇᖓ ᓄᖑᑉᐸᓪᓕᐊᓂᖃᖃᑦᑕᖅᑐᓂ. ᐊᑦᑕᓇᕐᓂᕆᑐᐃᓐᓇᕆᐊᓕᖓᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᒥᕐᖑᐃᓯᕐᕕᒻᒨᖅᑐᓄᑦ ᖃᐅᔨᓴᖅᑕᐅᓯᒪᕗᖅ ᒥᕐᖑᐃᓯᕐᕕᓕᕆᔨᒃᑯᑦ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᖏᓐᓄᑦ ᕿᒥᕐᕈᓂᕐᒥ ᐊᒻᒪᓗ ᐅᖃᐅᓯᐅᓕᖅᑭᑦᑖᕙᑉᐳᑦ ᐊᐅᓚᑦᑎᓂᕐᒧᑦ ᐱᔾᔪᑎᓪᓗᐊᑕᐅᖃᑦᑕᕐᓂᖏᓐᓂᒃ ᐃᓄᓐᓄᑦ ᐃᓄᑐᖃᕐᓄᑦ ᐊᓯᖏᓐᓄᓪᓗ ᓄᓇᓕᓐᓄᑦ ᐸᓐᓂᖅᑑᒥ ᐊᒻᒪᓗ ᕿᑭᖅᑕᕐᔪᐊᕐᒥ. ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᓂᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᐊᐅᓚᑕᐅᕙᑉᐳᖅ ᒪᓕᑦᑐᑎᒃ ᓄᓇᕗᒻᒥ ᐱᓕᕆᕕᒻᒥ ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᕐᓂᒧᑦ ᐸᕐᓇᐅᒻᒥᑦ.

ᒫᓐᓇᒫᖑᓛᖑᔪᖅ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐊᑦᑕᓇᖅᑐᒦᑎᑕᐅᑦᑕᐃᓕᓂᖏᓐᓄᑦ ᕿᒥᕐᕈᒍᑕᐅᔪᔪᖅ ᒥᖑᐃᓯᕐᕕᒻᒧᑦ ᓇᓗᓇᐃᖅᓯᓯᒪᕗᖅ ᑰᒃᑯᑦ ᐃᑳᖅᑐᑦ, ᓇᓄᕐᓄᑦ ᑎᑭᕌᖅᑕᐃᑦ, ᓯᑭᑑᖅᑐᐃᑦ ᐊᒻᒪᓗ ᐅᒥᐊᒃᑯᑦ ᐱᕐᕈᓗᐊᕿᔪᐃᑦ, ᓯᓚ, ᓯᑯ, ᐊᓗᐃᖅᑲᓃᑦ ᑎᓲᖅᑐᑦ, ᐊᐅᔪᐃᑦᑑᑉ ᖁᓐᓂᖏᑦ ᐊᒻᒪᓗ ᖃᖅᑲᓯᐅᕐᓗᓂ ᖃᓄᐃᒍᑕᐅᔪᓐᓇᓪᓚᕆᑦᑐᑦ ᑭᒃᑯᑐᐃᓐᓇᕐᓄᑦ ᐊᑦᑕᓇᖅᑐᒦᒍᑕᐅᔪᓐᓇᓪᓚᕆᒻᒪᑕ ᒥᕐᖑᐃᓯᕐᕕᒻᒥ. ᐃᓚᖏᑦ ᑕᒪᒃᑯᐊ ᐊᑦᑕᕐᓇᕈᑎᐅᔪᑦ ᐳᓛᕆᐊᖅᑐᓄᑦ ᐊᑦᑕᕐᓇᕈᑎᒋᔭᐅᕗᑉᐳᑦ, ᐊᓯᖏᓪᓕ ᐊᑦᑐᐃᓯᒪᓗᐊᖅᑎᓪᓗᒋᑦ ᓄᓇᓕᓐᓂᑦ ᖃᐅᔨᓴᖅᑎᓂᓪᓘᓐᓃᑦ. ᐊᒻᒪᓗᑦᑕᐅᖅ, ᒥᕐᖑᐃᓯᕐᕕᒃ ᓄᓇᖃᕐᒪᑦ ᐊᔾᔨᒌᙱᑦᑐᕈᓘᔮᓗᓐᓂᒃ ᐊᑦᑐᐊᓂᖏᓐᓄᑦ ᑕᒃᒪᑯᐊ ᐃᒪᖅ, ᓯᑯ, ᖁᐊᖑᐃᓐᓇᖅᑐᖅ ᓄᓇᐅᑉ ᐃᑭᐊᖓᓃᑦᑐᖅ ᐊᒻᒪᓗ ᐅᔭᕋᖏᑦ.

ᑐᑭᓯᒋᐊᕈᑎᐅᔪᑦ ᑐᓂᔭᑦ ᐳᓛᕆᐊᑐᐃᓐᓇᕆᐊᓕᒻᒧᑦ ᒥᕐᖑᐃᓯᕐᕕᒻᒧᑦ ᐱᖃᓯᐅᔾᔨᕗᑉᐳᑦ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐃᓄᐃᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒍᑎᒋᔪᓐᓇᖅᑕᖏᓐᓂᒃ ᐊᐅᓪᓚᕐᓂᕈᑎᒃ ᐅᑭᐅᖅᑕᖅᑐᒧᑦ ᑕᒪᐅᖓ ᓄᓇᑐᐃᓐᓇᕐᒧᑦ. ᐅᖓᓯᓗᐊᕐᓂᑯᒧᑦ ᑕᒪᓐᓇ ᐊᒻᒪᓗ ᐸᖅᓴᐃᔨᖃᙱᓗᐊᒧᑦ ᓄᓇᑉ ᐱᓪᓗᒍ ᓯᓚᓘᓐᓃᑦ ᐊᑦᑕᕐᓇᕈᑎᖃᕐᓂᖅᓴᐅᑐᐃᓐᓇᕆᐊᖃᖅᐳᖅ. ᑕᒪᕐᒥᒃ ᒥᕐᖑᐃᓯᕐᕕᓕᐊᖅᐸᑦᑐᑦ ᐅᐸᓗᖓᐃᔭᖅᓯᒪᑦᑎᐊᖃᑦᑕᕆᐊᓖᑦ ᓯᓚᑲᒻᒪᕈᑲᓪᓚᒃᑲᐅᓂᖓᓂᒃ ᐊᓯᔾᔨᖅᑕᖅᑐᒥ, ᓂᕆᐅᓇᙱᑦᑐᓂᒃ ᑰᒃᑯᑦ ᐃᑳᖃᑦᑕᑎᓪᓗᒋᑦ, ᐊᔾᔨᒌᙱᕈᓘᔭᕐᓂᖓ ᓄᓇᖓᑕ, ᐊᓄᕌᖅᑐᐊᓘᕙᓐᓂᖓ ᐊᒻᒪᓗ ᐊᐅᓪᓚᕐᓯᒪᓗᓂ ᓇᓄᖅᑕᖃᓲᒥ. ᒥᕐᖑᐃᓯᕐᕕᓕᐊᖅᐸᑦᑐᑦ ᓇᒻᒥᓂᖅ ᐊᓐᓇᐅᒪᔪᓐᓇᕆᐊᓖᑦ ᐊᒻᒪᓗ ᓇᒻᒥᓂᖅ ᐊᑦᑕᓇᖅᑐᒦᑦᑕᐃᓕᓗᑎᑦ.

ᐃᓄᐃᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒨᖁᔭᐅᙱᓐᓂᖏᑦ ᐃᓱᒫᓗᒍᑎᒋᔭᐅᖏᓐᓇᖅᐳᖅ ᑲᒪᒋᔭᐅᔭᕆᐊᖃᖅᑐᓂ ᐱᓕᕆᖃᑎᒌᓐᓂᒃᑯᑦ ᐊᐅᓚᑦᑎᓂᕐᒥ, ᓯᓚᑖᓂ ᐱᓕᕆᖃᑎᖃᖃᑦᑕᕐᓂᖏᑦ, ᐳᓛᕆᐊᖅᐸᑦᑐᑦ ᐊᑐᖅᐸᑦᑕᖏᑎᒍᑦ, ᓴᐳᔾᔨᓂᕐᒥᒃ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᐃᓕᓐᓂᐊᖅᑎᑕᐅᖁᓪᓗᒋᑦ ᖃᐅᔨᒪᑦᑎᐊᖁᓪᓗᒋᑦ ᐊᑦᑕᓇᖅᑐᒦᔾᔮᙱᒻᒪᑕ ᐃᓄᐃᑦ, ᓄᓇᓖᑦ, ᐳᓛᕆᐊᕐᓯᒪᔪᑦᑦ, ᐊᑐᖅᐸᑦᑐᑦ ᐊᒻᒪᓗ ᐃᖅᑲᓇᐃᔭᖅᑏᓪᓗ.

4.0 ᐃᓱᒪᒋᔭᐅᓯᒪᔪᑦ ᓇᓗᓇᐃᖅᑕᐅᓯᒪᓂᖏᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᖏᔫᑎᓂᒃ, ᑖᓂᖅᑐᔪᓂᒃ ᖃᖅᑲᖃᖅᑐᖅ ᖃᖅᑲᖏᑦ ᕿᕐᓕᖅᑐᓂᒃ ᓂᓚᓕᒃ ᐊᐳᑎᖃᖅᑐᓂᓗ. ᐃᓐᓈᕈᖏᑦ ᐳᖅᑐᔫᓪᓗᑎᒃ, ᑲᖏᖅᓱᖃᐅᖅᑐᓂ ᕿᓚᓗᒐᓕᓐᓂᒃ, ᓇᑦᑎᓕᓐᓂᒃ ᐊᒻᒪᓗ ᐃᖃᓗᓕᓐᓂᒃ. ᓇᓄᐃᑦ, ᐅᑭᐅᖅᑕᖅᑐᒥ ᐅᒪᔪᖓᑦ, ᐅᒪᔪᕐᓂᐊᖅᐸᑦᑐᖅ ᐊᒻᒪᓗ ᑎᓯᒦᑉᐸᑦᑐᓂ ᓯᔾᔭᒥ. ᐳᓛᕆᐊᖅᑐᐃᑦ ᖃᐅᔨᒪᓕᑦᑕᐅᑎᒋᕙᑦᑐᑦ ᐊᔾᔨᐸᓪᓕᐊᓂᖓᓂᒃ ᓄᓇᐅᑉ ᑕᒫᓂ, ᓄᓇ ᓱᓕ ᐋᖅᑭᓱᖅᑕᐅᕙᒃᑐᓂ ᓯᑯᒧᑦ, ᐅᔭᕋᕐᓄᑦ, ᐊᓄᕆᒧᑦ ᐊᒻᒪᓗ ᐃᒪᕐᒧᑦ. ᐃᑦᑕᕐᓂᓴᖃᕐᕖᑦ ᑕᑯᒃᓴᐅᑎᑦᑎᕗᑦ ᐅᓂᒃᑳᕆᔭᐅᕙᑦᑐᒥᓂᕐᓂᒃ ᐃᓄᓐᓄᑦ ᐊᑐᖃᑦᑕᖅᑐᒥᓂᕐᓄᑦ ᒥᕐᖑᐃᓯᕐᕕᐅᑉ ᑲᖏᖅᑐᖏᓐᓂ ᐊᒻᒪᓗ ᓇᖅᓴᖏᓐᓂ ᑕᐃᒪᙵᓂᑦ, ᐊᒻᒪᓗ ᑖᓐᓇ ᓄᓇ ᓱᓕ ᐅᓪᓗᒥ ᐱᓐᓇᕆᔭᐅᕗᖅ ᐃᓄᓐᓄᑦ. ᐃᓄᐃᑦ ᓱᓕ ᐃᓕᖅᑯᓯᕐᒥᓂᒃ ᐊᖑᓇᓱᖃᑦᑕᓂᕐᒥᓂᓪᓗ ᐊᑐᖅᐸᑦᑐᑦ ᓇᒻᒥᓂᕆᕆᔭᕐᒥᓄᑦ ᓄᓇᓕᖏᓐᓄᑦ ᐃᓚᖏᓐᓄᓪᓗ ᐅᓂᒃᑳᐸᑦᑐᑎᓪᓗ, ᐃᓕᖅᑯᓯᖏᓐᓂᓪᓗ ᐱᖅᑯᓯᖏᓐᓂᓪᓗ ᖃᐅᔨᑎᑦᑎᕙᑦᑐᑎᒃ ᐳᓛᕆᐊᖅᑐᓂᒃ.

ᐱᓕᕆᖃᑎᒌᑦᑐᑎᑦ, ᐃᓄᐃᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑉᐱᒍᓱᑦᑎᐊᐸᑦᑐᑦ ᑐᑭᓯᐅᒪᖃᑎᒌᑦᑎᐊᐸᑦᑐᑎᓪᓗ ᐱᔾᔪᑎᒋᓪᓗᒍ ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᒻᒪᓗ ᐊᔾᔨᐅᙱᑦᑐᓂᒃ ᐅᓂᒃᑳᕋᒃᓴᖃᕐᓂᖓᓂᒃ. ᐃᓄᐃᑦ ᐱᖃᑕᐅᑦᑎᐊᐸᑦᑐᑦ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓂᒃ ᐊᐅᓚᓂᖏᓐᓂᓪᓗ, ᐊᒻᒪᓗ ᐱᖃᑕᐅᕙᑦᑐᑎᒃ ᑲᑐᔾᔨᓪᓗᑎᒃ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑕ ᑲᑎᒪᓂᖏᓐᓂᒃ ᐅᖃᖃᑎᒌᑉᐸᑦᑐᑎᑦ ᐊᒻᒪᓗ ᐃᓱᒪᓕᐅᖃᑎᒌᑉᐸᑦᑐᑎᑦ ᒪᓕᑦᑐᒋᑦ ᖃᐅᔨᒪᓂᖏᑦ ᐊᒻᒪᓗ ᐃᓕᖅᑯᓯᖏᑦ.

ᐳᓚᕋᑦᑏᑦ ᓇᑭᑐᐃᓐᓇᖅ ᓄᓇᕐᔪᐊᕐᒥ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒨᕈᒪᓲᖑᕗᑦ ᓄᓇᑐᐃᓐᓇᐅᓂᖓᑦ ᐱᓪᓗᒍ ᓄᓇᖓ ᐊᒻᒪᓗ ᐃᓄᐃᑦ ᐃᓕᖅᑯᓯᖓᑦ ᐱᓪᓗᒍ. ᓄᓇᕗᒥ ᓄᓇᖏᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᐊᔾᔨᒌᙱᑦᑐᓂᒃ ᐱᔨᑦᑎᕋᖅᐸᑉᐳᑦ ᐃᑲᔪᖅᑕᐅᖁᓪᓗᒋᑦ ᐳᓛᕆᐊᖅᑐᑦ ᑲᔾᔮᕐᓇᖅᑐᒃᑰᕋᔭᕐᒪᑕ ᐊᐅᓪᓚᖅᓯᒪᑎᓪᓗᒋᑦ ᐊᒻᒪᓗ ᖁᔭᒋᔭᖃᕐᓗᑎᑦ ᑕᒪᔅᓱᒥᖓ ᐱᒻᒪᕆᐅᔪᒥᒃ ᓄᓇᒥ.

5.0 ᖃᓄᖅᑑᕈᑎᔅᓴᓪᓗᐊᑕᐃᑦ

ᐊᑐᖅᑕᐅᔪᒪᔪᖅ ᑐᑭᒧᐊᒍᑎᔅᓴᖅ 1:

ᐱᖃᑕᐅᑎᑦᑎᓂᖅ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᖃᐅᔨᑎᑦᑎᖃᑦᑕᓂᕐᒥᒃ ᐳᓛᕆᐊᕐᓯᒪᔪᓂᒃ ᓄᓇᒥᒃ, ᑕᕆᐅᒥᓗ ᐆᒪᔪᓂᒃ ᓇᔪᒐᖏᑕᓗ ᐊᕙᑎᖏᓐᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂᒃ.

ᐱᔾᔪᑎᖓ 1

ᐊᔾᔨᒌᙱᕈᓘᔭᖅᑐᓂᒃ ᐋᖅᑮᓗᑎᒃ ᐱᐅᓯᕚᓪᓕᑎᑦᑎᓗᑎᓪᓗ ᖃᐅᔨᔭᕆᐅᖅᐸᑦᑕᖏᓐᓂᒃ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᐊᒻᒪᓗ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ.

  1. ᐊᑐᓕᖅᑎᑦᑎᓗᑎᒃ ᖃᐅᔨᕙᓪᓕᐊᔪᒪᔪᓄᑦ ᐱᓕᕆᔾᔪᑎᒥᒃ ᒥᕐᖑᐃᓯᕐᕕᒻᒧᑦ, ᖃᐅᔨᓴᐅᒻᒥᑦ ᐊᑐᖅᑕᐅᔪᓐᓇᖅᑐᒥᒃ ᖃᕋᓴᐅᔭᒃᑯᑦ ᐃᑭᐊᖅᑭᔾᔪᑎᒃᑯᑦ ᐃᑲᔫᑎᖃᕋᔭᖅᑐᒥᒃ ᐳᓚᕋᑦᑏᑦ ᐱᔭᕆᐊᖃᖅᑕᖏᓐᓄᑦ, ᐱᔪᒪᔭᖏᓐᓄᑦ, ᓂᕆᐅᒋᔭᖏᓐᓄᓪᓗ ᐊᑐᕈᒪᒐᔭᖅᑕᖏᓐᓄᓪᓗ ᐱᕕᔅᓴᖃᕐᓗᑎᒃ ᐊᑐᕈᒪᔭᖏᓐᓂᒃ ᐋᖅᑭᓱᕐᓯᒪᔪᓂᒃ ᕿᓂᖅᑕᖏᓐᓂᒃFootnote 29.
  2. ᓴᓇᓗᑎᒃ ᑐᑭᓕᐅᕈᑎᓂᒃ ᐃᓕᓐᓂᐊᕈᑎᔅᓴᓂᓪᓗ ᐱᓕᕆᐊᔅᓴᓂᓪᓗ ᒥᕐᖑᐃᓯᕐᕕᐅᑉ ᒥᔅᓵᓄᑦ, ᐆᒪᔪᖏᑕ ᓇᔪᒐᖏᑕᓗ ᐊᕙᑎᖓᑕ ᒥᔅᓵᓄᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᑕ ᒥᔅᓵᓄᑦ ᑲᑐᔾᔨᖃᑎᖃᕐᓗᑎᒃ ᐳᓚᕋᑦᑐᓕᕆᓂᕐᒧᑦ ᑎᒍᒥᐊᖅᑎᐅᖃᑕᐅᔪᓂᒃ ᖃᐅᔨᒪᔨᓂᓪᓗ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗFootnote 30. ᓄᓇᐃᑦ ᐃᓄᑦᑎᑐᑦ ᐊᑎᖏᑦ ᐊᑐᖅᑕᐅᔪᑦ ᑖᒃᑯᓇᓂ ᓴᖅᑭᖅᑕᓂ ᐊᒻᒪᓗ ᐱᓕᕆᓂᕐᓂ.
  3. ᐋᖅᑮᓗᑎᒃ ᑐᑭᓯᐅᒪᒋᐊᕈᑎᔅᓴᓂᒃ ᐱᓕᕆᐊᔅᓴᓂᓪᓗ ᐅᒥᐊᕐᔪᐊᒃᑯᑦ ᐳᓚᕋᑉᐸᑦᑐᓂᒃ ᑲᑐᔾᔨᖃᑎᖃᕐᓗᑎᒃ ᐳᓚᕋᑦᑐᓕᕆᓂᕐᒧᑦ ᑎᒍᒥᐊᖅᑎᐅᖃᑕᐅᔪᓂᒃ ᖃᐅᔨᒪᔨᓂᓪᓗ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ.
  4. ᐱᕙᓪᓕᐊᑎᑦᑎᓗᑎᒃ ᑲᑐᔾᔨᖃᑎᖃᖅᑐᑎᒃ ᐱᓕᕆᖃᑎᒌᓐᓂᕆᕙᑦᑕᖏᓐᓂᒃ ᑲᑐᔾᔨᖃᑎᒌᖏᓐᓂᒃ ᐅᐃᕖᑦ ᓄᓇᕗᒻᒥ ᐱᐅᓯᑎᑕᐅᒋᐊᕐᔫᒥᖁᓪᓗᒋᑦ ᐱᔨᑦᑎᕋᐅᑎᖏᑦ ᐅᐃᕖᓄᑦ ᐳᓚᕋᑦᑎᓄᑦ ᐊᒻᒪᓗ ᐳᓚᕋᖅᑐᓕᕆᔪᓐᓇᕐᓂᖏᑦ ᕿᑭᖅᑕᕐᔪᐊᕐᒥ.
  5. ᐃᑲᔪᖅᑐᕆᐊᕐᓗᒋᑦ ᐊᐅᓪᓚᕈᔾᔨᔨᐅᔪᑦ ᐊᒻᒪᓗ ᐊᓯᖏᑦ ᐃᓚᒋᔭᐅᔪᑦ ᓄᓇᓕᓐᓂᒃ ᐸᖕᓂᖅᑑᒥ ᐊᒻᒪᓗ ᕿᑭᖅᑕᕐᔪᐊᒥ ᓴᖅᑭᑎᑦᑎᓂᐊᕐᖓᑕ ᐱᓕᕆᐊᔅᓴᓂᒃ, ᐱᔨᑦᑎᐅᑎᓂᒃ ᐅᕝᕙᓘᓐᓃᑦ ᑭᓱᑐᐃᓐᓇᕐᓂᒃ ᐳᓚᕋᑦᑎᓄᑦ.
  6. ᓴᓇᓗᑎᒃ ᑕᑯᔭᒐᔅᓴᓂᒃ ᕿᒥᕐᕈᐊᕋᔅᓴᓂᓪᓗ ᒥᕐᖑᐃᓯᕐᕕᒻᒥᑦ ᐱᔾᔪᑎᓕᓐᓂᒃ ᕿᑭᖅᑕᖅᔪᐊᒥ.
  7. ᓇᓗᓇᐃᕐᓗᒋᑦ ᐱᓇᓱᐊᕋᔅᓴᑲᓐᓃᑦ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᑦ ᒥᕐᖑᐃᓯᕐᕕᒻᒥ, ᐱᖃᓯᐅᑎᓗᒋᑦ ᐊᓯᐊᒎᕐᕕᐅᒃᑲᓐᓂᕈᓐᓇᖅᑐᑦ ᐊᐅᓪᓚᕐᕕᐅᓗᑎᒃ ᐊᒻᒪᓗ ᐅᓪᓗᒃᑯᑦ ᐊᑐᖅᑕᐅᔪᓐᓇᕋᔭᕐᓂᖏᑦ.
  8. ᕿᒥᕐᕈᓗᑎᒃ ᓯᕗᓪᓕᐅᔾᔭᐅᖁᔭᐅᓯᒪᔪᓂᒃ ᓱᐃᓛᕿᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᓯᕗᓕᖅᑕᐅᓗᑎᒃ ᓱᐃᓛᕿᓂᕐᒧᑦ ᐊᒻᒪᓗ ᐊᑐᖅᑕᐅᒐᔪᙱᑦᑐᓄᑦ ᖁᕕᐊᓲᑎᒥᓂᕐᓄᑦ ᐊᐅᓚᑦᑎᓂᕐᒧᑦ ᑐᓴᕋᔅᓴᓂᒃ.
  9. ᖃᐅᔨᓗᒋᑦ ᑐᓴᖅᑎᑦᑎᒍᑎᒋᓗᒋᓪᓗ ᐊᓯᔾᔨᖅᑕᐅᔪᖃᕆᐊᖃᕐᒪᖔᖅ ᐊᐅᓚᔾᔪᑎᖏᓐᓂᒃ ᐊᖅᑯᑎᖓᓂ, ᒪᓕᓪᓗᒋᑦ ᒥᕐᖑᐃᓯᕐᕕᐅᑉ ᒫᓐᓇᓕᓴᐅᓂᖅᐹᑦ ᐊᑦᑕᓇᖅᑐᖃᕈᓐᓇᕐᒪᖔᖅ ᕿᒥᕐᕈᒍᑎᒥᓂᖏᑦ ᐊᒻᒪᓗ ᓄᓇᕗᒻᒥ ᐱᓕᕆᕕᒻᒥ ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᓂᕐᒧᑦ ᐸᕐᓇᐅᑎᖏᑦ.

ᐱᔾᔪᑎᖓ 2

ᐱᕙᓕᑎᑦᑎᒋᐊᖃᓂᖅ ᓄᓇᓕᓐᓂ ᐱᓕᕆᖃᑎᒌᓐᓂᐅᕙᑦᑐᑦ.

  1. ᐱᕙᓕᑎᑦᑎᒋᐊᖃᓂᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓪᓗᖁᑎᖏᑦ ᕿᑭᖅᑕᕐᔪᐊᕐᒦᑦᑐᑦ ᐊᒻᒪᓗ ᐱᓕᕆᓗᑎᒃ ᒥᕐᖑᐃᓯᕐᕕᓕᕆᔨᒃᑯᑦ ᐃᖅᑲᓇᐃᔭᖅᑎᖃᐃᓐᓇᖃᑦᑕᓂᐊᕐᖓᑕ ᓄᓇᓕᓐᓂᑦ ᐊᕐᕌᒍᓕᒫᖅ.
  2. ᐱᖃᑕᐅᖃᑦᑕᕐᓗᑎᒃ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐱᓇᓱᐊᖅᑕᐅᔪᓂ ᐱᔾᔪᑎᓕᓐᓂ ᐊᐅᓚᐃᓐᓇᑎᑦᑎᓂᕐᒥᒃ ᐳᓚᕋᑦᑐᓕᕆᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ. ᐊᑐᖃᑦᑕᕐᓗᑎᒃ ᓄᓇᓕᓐᓂ ᐳᓚᕋᑦᑐᓕᕆᓂᕐᒧᒻ ᓱᒋᐊᕐᓂᐅᒋᐊᓖᑦ ᓴᓇᔭᐅᓚᐅᖅᓯᒪᔪᑦ 2002ᒥ ᑕᐃᑰᓇ ᐃᓄᐃᑦ ᐊᑦᑐᖅᑕᐅᓂᕆᒐᔭᖅᑕᖏᓐᓄ ᐱᕚᓪᓕᕐᓂᕆᒐᔭᖅᑕᖏᓐᓄᓪᓗ ᐊᖏᖃᑎᒌᒍᑎᓂ ᑕᐃᒃᑯᓄᖓ ᐊᐅᔪᐃᑦᑐᖅ, ᖁᑦᑎᓂᖅᐹᖅ, ᐊᒻᒪᓗ ᓯᕐᒥᓕᒃ ᑲᓇᑕᓕᒫᒥ ᒥᕐᖑᐃᓯᕐᕕᓄᑦ ᐊᔪᕆᖅᓱᐃᔨᔾᔪᑕᐅᖃᑦᑕᓂᐊᕐᖓᑕ ᓈᒻᒪᓈᕋᐃᑉᐸᑕ.
  3. ᐳᓚᕋᑦᑎᓄᑦ ᐱᔨᑦᑎᕋᖃᑦᑕᓂᕐᒥᒃ ᑐᑭᓕᐅᕆᖃᑦᑕᓂᕐᒥᓪᓗ ᐃᓕᓐᓂᐊᑎᑦᑎᖃᑦᑕᕐᓗᑎᒃ ᓄᓇᓕᓐᓂᒃ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ.

ᐱᔾᔪᑎᖓ 3

ᐋᖅᑭᒋᐊᕐᓯᓗᑎᒃ ᒥᕐᖑᐃᓯᕐᕕᐅᑉ ᓴᖅᑭᔮᖅᑎᑕᐅᓂᕆᕙᑦᑕᖓᓂᒃ ᓴᖅᑭᔮᖅᑎᑦᑎᒋᐊᒃᑲᓂᕐᓗᑎᓪᓗ ᓴᓂᕌᓃᑦᑑᓐᓂᒃ ᓄᓇᓖᓐᓂᒃ ᐸᓐᓂᖅᑑᒥ ᕿᑭᖅᑕᕐᔪᐊᒥᓗ ᑲᑐᔾᔨᖃᑎᖃᕐᓗᑎᒃ ᐳᓚᕋᑦᑐᓕᕆᓂᕐᒧᑦ ᑲᑐᔾᔨᖃᑎᒌᖑᔪᓂᒃ.

  1. ᖃᓄᓕᒫᖅ ᐱᒐᓱᐊᖃᑦᑕᕐᓗᑎᒃ ᑕᖅᑲᐅᖓ ᓴᖅᑭᔮᖅᑎᑦᑎᒐᓱᐊᕐᓂᕐᒥᒃ ᒥᕐᖑᐃᓯᕐᕕᒻᒥᒃ ᐳᓚᕋᑦᑐᓕᕆᓂᕐᒥᒃ ᐱᔾᔪᑎᓕᓐᓂ ᐅᖃᓕᒫᒐᓕᐊᓂ, ᐱᖃᓯᐅᑎᔭᐅᓗᑎᒃ ᑲᓇᑕᐅᑉ ᓯᓚᑖᓂ ᓴᓇᔭᐅᕙᑦᑐᑦ.
  2. ᐸᐃᑉᐹᓂᒃ ᑐᓂᓯᕙᓪᓗᑎᑦ ᓴᖅᑭᔮᖅᑎᑦᑎᒋᐊᕈᑎᓂᑦ ᐅᕝᕙᓘᓐᓃᑦ ᐃᓚᐅᖃᑕᐅᓗᑎᑦ ᐳᓚᕋᖅᑐᓕᕆᓂᕐᒧᑦ ᓴᖅᑭᔮᖅᑎᑦᑎᔪᖃᖅᑎᓪᓗᒍ ᐊᕐᕌᒍᑕᒫᑦ, ᐱᖃᓯᐅᔾᔨᓗᑎᒃ ᓄᓇᕐᔪᐊᓕᒫᒥ ᓴᖅᑭᔮᖅᑎᑦᑎᓂᐅᕙᑦᑐᓂᒃ.
  3. ᐋᖅᑮᓗᑎᒃ ᑲᑐᔾᔨᖃᑎᒌᓪᓗᑎᒃ ᐱᓕᕆᖃᑎᒌᓐᓂᕐᒥᒃ ᐅᒥᐊᕐᔪᐊᒃᑯᑦ ᐳᓚᕋᑦᑐᓕᕆᔨᓂᒃ.

ᑐᑭᒧᐊᒍᑎᔅᓴᓪᓗᐊᑕᖅ 2:

ᖃᑎᖃᑎᒋᖃᑕᓗᑎᒃ ᖃᐅᔨᒪᔭᖏᓐᓂᒃ ᐅᖃᑎᒥᓂᒃᑯᑦ ᑲᓲᒪᖃᑎᒌᓕᖅᐸᓪᓕᐊᓂᐊᕐᖓᑕ


ᐃᓄᒃᓱᐃᑦ ᐋᖅᑭᒃᑕᐅᕙᓚᐅᖅᓯᒪᔪᐃᑦ ᐱᔾᔪᑎᖃᖅᑐᑎᑦ. ᐃᓄᐃᑦ ᑐᓴᐅᒪᖃᑦᑕᕆᐊᖃᕐᒪᑕ ᑕᒪᔅᓱᒥᖓ. ᐊᖓᔪᑦᑎᐅᓂᕐᓴᐃᑦ ᐅᖃᐅᔾᔨᖃᑦᑕᕆᐊᓖᑦ ᐃᓅᓱᓐᓂᕐᓴᓂᒃ . ᑕᑯᔪᓐᓇᖅᐸᒃᑲᑦᑎᒍᓪᓘᓐᓃᑦ ᓯᑭᑑᒃᑯᑦ ᐊᐅᓪᓚᖅᓯᒪᑎᓪᓗᑕ. ᐊᖑᓇᓱᕝᕕᐅᓲᑦ ᐃᓄᒃᓱᖃᓲᑦ. ᐱᓇᓱᐊᑦᑎᐊᒃᑲᓐᓂᕆᐊᖃᕋᑦᑕ ᐃᓄᓐᓂᒃ ᖃᐅᔨᒪᑎᑦᑎᓗᑕ ᑕᒪᒃᑯᓂᖓ. ᐃᓐᓇᑐᖃᐃᑦ ᐃᓄᒃᓱᓂ ᑐᙵᕕᖃᖅᐸᓚᐅᖅᓯᒪᔪᑦ ᓇᓗᓇᐃᒃᑯᑕᖃᖅᑐᑎᑦ ᔭᒐᔾᔭᐃᒃᑯᑎᒋᔭᐅᓪᓗᑎᑦ… ᐱᐅᒐᔭᖅᑑᒐᓗᐊᖅ ᖃᐅᔨᒪᑎᑦᑎᒍᑕᐅᑉᐸᑦ ᐅᐊᑦᑎᐊᕈ ᔭᒐᔾᔭᐃᒃᑯᑎᐅᕙᓚᐅᕐᓯᒪᔪᑦ, ᑎᑎᕋᕐᓯᒪᑐᐃᓐᓇᕋᓗᐊᕐᓗᑎᒃ ᐃᓅᓱᑦᑐᓄᑦ, ᐅᖃᓕᒫᕈᓐᓇᕋᔭᖅᑕᖏᓐᓂ ᐊᒻᒪᓗ ᐅᐱᒍᓱᒍᑎᒋᓗᓂᒋᑦ, ᐅᐱᒍᓱᒍᓐᓇᕐᖓᑕ ᐱᖅᑯᓯᖓᓂᒃ ᐊᒻᒪᓗ ᐃᓕᖅᑯᓯᖓᓂᒃ.
ᓴᐃᓚ ᑭᓴᖅ
ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐸᕐᓇᐃᔩᑦ ᑲᑎᒪᔨᖏᑦ ᐊᒻᒪᓗ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᓄᑦ ᑲᑎᒪᔨᐅᖃᑕᐅᔪᖅ
ᑎᓰᕝᕙ 2007, ᐃᖃᓗᐃᑦ, ᖃᓪᓗᓈᑎᑑᓕᖅᓯᒪᔪᖅ ᐃᓄᑦᑎᑑᖅᑐᒥᑦ

ᐱᔾᔪᑎᖓ 1

ᐊᑐᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᖃᐅᔨᓴᖅᑐᓕᕆᔩᑦ ᓈᓴᐃᕙᓪᓕᐊᑎᓪᓗᒋᑦ, ᖃᐅᔨᓴᖅᑎᓪᓗᒋᑦ, ᐃᓕᓐᓂᐊᑎᓪᓗᒋᑦ ᐊᒻᒪᓗ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᓂᒃ ᐱᓕᕆᐊᔅᓴᓂᒃ ᒥᕐᖑᐃᓯᕐᕕᒻᒥ.

  1. ᐊᑐᓕᖅᑎᑕᐅᓗᑎᑦ ᑕᒻᒪᕈᑕᐅᖃᑦᑕᕐᓂᑯᐃᑦ ᐃᓕᑕᒥᓃᑦ ᐃᓄᐃᑦ ᖃᐅᔨᒪᔭᖏᑦ ᑲᒪᒋᔭᐅᑎᓪᓗᒋᑦ ᒥᕐᖑᐃᓯᕐᕕᐅᑉ ᐊᕙᑎᖓᓂ ᖃᐅᔨᓴᖃᑦᑕᓂᕐᒥ.
  2. ᐃᓕᖅᑯᓯᕐᒧᑦ ᐊᑐᖅᑕᐅᖃᑦᑕᖅᑐᑐᖃᐃᑦ ᖃᓄᐃᑦᑑᒻᒪᖔᑕ ᓈᓴᖅᑕᐅᓗᑎᑦ ᐱᓕᕆᖃᑎᒋᓗᒋᑦ ᐃᓄᐃᑦ ᐃᓐᓇᑐᖃᐃᑦ ᐃᓅᓱᑦᑐᖏᓪᓗ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᒥᕐᖑᐃᓯᕐᕕᒦᑦᑐᓂᒃ ᖃᐅᔨᒪᔭᐅᑦᑎᐊᙱᑦᑐᓂᒃ, ᑲᒪᒋᔭᖃᓗᐊᕐᓗᑎᒃ ᐅᐊᓐᓇᖓᓃᑦᑐᓂᒃ ᒥᕐᖑᐃᓯᕐᕕᐅᑉ.
  3. ᓇᓗᓇᐃᖅᑕᐅᓗᑎᑦ ᑕᐃᔅᓱᒪᓂ ᐊᑐᖅᑕᐅᕙᑦᑐᒥᓃᑦ ᐊᓐᓂᓇᕐᓂᖏᑦ ᐊᒻᒪᓗ ᓇᓗᓇᐃᕐᓗᒋᑦ ᑕᒪᐃᓐᓂ ᖃᐅᔨᒪᔭᐅᔪᑦ ᐱᖅᑯᓯᑐᖃᕐᒧᓐ ᐊᑐᖅᑕᐅᖃᑦᑕᖅᑐᑐᖃᒥᓃᑦ ᐃᑦᑕᕐᓂᓴᐃᑦ ᒥᕐᖑᐃᓯᕐᕕᒻᒦᑦᑐᑦ ᐊᒻᒪᓗ ᓴᓇᓗᑎᒃ ᐱᑐᖃᒥᓃᑦ ᐱᖁᑎᐅᔪᑦ ᐊᓐᓂᓇᕐᓂᖏᓐᓄᑦ ᐅᖃᐅᓯᕐᓂᒃ ᒥᕐᖑᐃᓯᕐᕕᒻᒧᓐ.
  4. ᐱᓕᕆᖃᑎᒋᔭᐅᓗᑎᑦ ᐃᓄᐃᑦ ᐱᖁᑎᖏᓐᓂ ᓇᐅᑦᓯᑐᖅᑏᑦ, ᓄᐊᑦᑎᓗᑎᑦ ᐃᓄᒃᑎᑐᑦ ᑕᐃᔭᐅᒍᓯᖏᑦ ᓄᓇᐃᑦ ᒥᕐᖑᐃᓯᕐᕕᒻᒥ.
  5. ᐱᔭᕇᖅᓯᓗᑎᑦ ᐋᖅᑭᒃᓱᐃᓂᖏᓐᓂ ᖃᐅᔨᓴᖅᑕᐅᖃᑦᑕᕈᑎᒃᓴᓐ ᒥᕐᖑᐃᓯᕐᕕᒻᒥᑦ ᐱᔾᔪᑎᓕᓐᓂᒃ ᐳᓚᕋᑦᑏᑦ ᐊᑐᖅᐸᑦᑕᖏᓐᓂᒃ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᖅᑎᑦᑎᖃᑦᑕᓂᕐᒥᒃ, ᐱᖅᑯᓯᑐᖃᕐᒧ ᑐᕌᖓᔪᑦ ᐱᖁᑏᑦ ᐊᒻᒪᓗ ᐊᕙᑎᖓ ᐊᒻᒪᓗ ᖃᐅᔨᓴᖃᑦᑕᕐᓗᒍ ᐳᓚᕋᑦᑎᓄᑦ ᐊᑐᖅᑕᐅᖃᑦᑕᕐᓂᖓ, ᐊᕙᑎᖓ, ᐊᒻᒪᓗ ᐱᖅᑯᓯᑐᖃᕐᒨᖓᔪᑦ ᐱᖁᑏᑦ ᐳᓛᕆᐊᖅᑐᓄᑦ ᐊᑐᖅᑕᐅᓛᖑᕙᑦᑐᒥ ᒥᕐᖑᐃᓯᕐᕕᐅᑉ ᐃᓚᖓᓂ.
  6. ᑎᑎᕋᕐᓗᑎᒃ ᖃᐅᔨᓴᕐᓂᕐᒧᑦ ᓯᕗᓪᓕᐅᔾᔭᐅᖁᔭᐅᒐᔭᖅᑐᓂᒃ ᒥᕐᖑᐃᓯᕐᕕᒻᒧᑦ ᐱᔾᔪᑎᖃᖅᑐᓂᒃ ᒥᕐᖑᐃᓯᕐᕕᓕᕆᓂᕐᒧᑦ ᐱᔾᔪᑕᐅᔪᓂᒃ, ᐱᖃᓯᐅᑎᓗᒍ ᖃᐅᔨᓴᖅᑕᐅᓕᐅᒥᔮᖃᑦᑕᕋᔭᕐᓂᖓ.
  7. ᓴᖅᑭᔮᖅᑎᑕᐅᓗᑎᒃ ᐃᓕᖅᑯᓯᖏᑦ ᑕᒪᐃᓐᓄᑦ ᖃᐅᔨᓴᖅᑎᓄᑦ ᑲᑐᔾᔨᖃᑦᑕᖁᓪᓗᒋᑦ ᑐᑭᓯᒋᐊᕈᑎᓂ ᖃᐅᔨᓴᕐᓂᑯᒥᓂᖏᓐᓂ ᐸᖕᓂᖅᑑᕐᒧᑦ ᐊᒻᒪᓗ ᕿᑭᖅᑕᕐᔪᐊᕐᒧᑦ ᐊᒻᒪᓗ ᐊᓯᖏᓐᓄᑦ ᑎᒥᐅᔪᓄᑦ ᑲᑐᔾᔨᖃᑦᑕᕐᓗᑎᑦ ᖃᐅᔨᔭᒥᓂᖏᓐᓂ.
  8. ᓴᖅᑭᔮᖅᑎᑕᐅᓗᑎᒃ ᐃᓕᖅᑯᓯᖏᑦ ᑕᒪᐃᓐᓄᑦ ᖃᐅᔨᓴᖅᑎᓄᑦ ᐱᖃᓯᐅᔾᔨᖃᑦᑕᖁᓪᓗᒋᑦ ᑮᓇᐅᔭᖃᖅᑎᑦᑎᖁᓗᒋᑦ ᐱᓕᕆᐊᕆᔭᐅᔪᓂᒃ ᓄᓇᓕᐅᔫᒃ ᐃᓚᐅᖃᑕᐅᔾᔪᑎᒋᔪᓐᓇᕋᔭᖅᑕᖏᓐᓂ ᐊᒻᒪᓗ ᐃᑲᔪᖅᑕᐅᓗᑎᒃ, ᐱᖃᓯᐅᑎᓗᒋᑦ ᐃᓱᒪᒋᔭᖏᓐᓂᒃ ᐅᖃᐅᓯᖃᖃᑦᑕᕐᓗᑎᒃ ᓄᓇᓕᓐᓂᑦ ᑲᑎᒪᔩᑦ ᑲᑐᔾᔨᖃᑎᒌᓪᓘᓐᓃᑦ ᑲᒪᔨᓪᓗᐊᑕᐃᑦ.
  9. ᑲᔪᖏᖅᓴᕐᓗᒋᑦ ᐃᓕᓐᓂᐊᖅᑏᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐃᓚᐅᖃᑕᐅᖁᓪᓗᒋᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ−ᓯᕗᓕᖅᑕᖏᓐᓂᒃ ᓈᓴᐃᓂᕐᒥᒃ, ᖃᐅᔨᓴᕐᓂᕐᒥᒃ ᖃᐅᔨᓴᓕᐅᒥᔮᖃᑦᑕᓂᕐᒥᓪᓗ ᐱᓕᕆᐊᖏᓐᓂ.
  10. ᐊᔾᔨᒌᑦᑐᓂᒃ ᑐᑭᓯᐅᒪᖃᑎᒌᓐᓂᖅᓴᐅᒐᓱᐊᕐᓗᑎᑦ ᒥᕐᖑᐃᓯᕐᕕᐅᑉ ᓄᓇᖓᓂᒃ ᐊᒻᒪᓗ ᐃᑦᑕᕐᓂᓴᖃᕐᕕᐅᔪᓂᑦ ᐃᓕᓐᓂᐊᕈᑎᓂ ᐊᒻᒪᓗ ᐳᓚᕋᑦᑏᑦ ᐊᑐᖅᐸᑦᑕᖏᓐᓂᒃ ᐱᓕᕆᐊᓂᒃ ᓂᐅᕕᐊᒃᓴᓂᓪᓗ.

ᐱᔾᔪᑎᖓ 2

ᓴᙵᑦᑎᒋᐊᕋᓱᓪᓗᒍ ᐃᓅᓱᑦᑐᑦ ᑲᓲᒪᑦᑎᓂᖏᑦ ᐃᓄᐃᑦ ᐱᖅᑯᓯᖏᓐᓂᑦ ᐅᐊᑦᑎᐊᕈ ᐊᑐᖃᑦᑕᖅᓯᒪᔭᖏᓐᓂᓪᓗ ᐊᒻᒪᓗ ᑕᒪᒃᑯᓄᖓ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᓕᐅᑉ ᓄᓇᖓᓂᑦ ᑲᖏᖅᑐᖏᓐᓂᓪᓗ.

  1. ᐃᓕᓐᓂᐊᕈᑎᔅᓴᖃᖅᑎᑦᑎᖃᑦᑕᕐᓗᑎᒃ ᐱᔾᔪᑎᖃᖅᑐᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᓂ, ᐃᑦᑕᕐᓂᓴᕐᓂᒃ, ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂᒃ ᐊᒻᒪᓗ ᖃᓄᐃᓕᐅᕈᑎᒋᖃᑦᑕᖅᓯᒪᔭᖏᓐᓂ ᐃᓕᓐᓂᐊᖅᑎᑦᑎᔨᓄᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐃᓕᓐᓂᐊᕐᕕᓐᓄᓪᓗ ᓄᓇᕗᒥ.
  2. ᐋᖅᑮᔪᖃᕐᓗᓂ ᐱᓕᕆᐊᕐᒥ ᐃᓅᓱᑦᑐᐃᑦ ᐸᓐᓂᖅᑑᒥ ᕿᑭᖅᑕᕐᔪᐊᒥᓗ ᒥᕐᖑᐃᓯᕐᕕᒻᒨᖅᑎᑕᐅᖃᑦᑕᓂᐊᕐᖓᑕ ᐃᓚᒋᔭᐅᓗᑎᑦ ᐃᓐᓇᑐᖃᐃᑦ, ᖃᐅᔨᑎᑦᑎᖃᑦᑕᓂᐊᕐᖓᑕ ᖃᐅᔨᒪᔭᖏᓐᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᑕ ᒥᔅᓵᓄᑦ, ᐃᓄᐃᑦ ᐃᓕᖅᑯᓯᖓᓂᒃ ᐊᒻᒪᓗ ᓄᓇᒥ ᐊᓐᓇᐅᒪᔪᓐᓇᕐᓂᕐᒥᒃ.
  3. ᐊᑐᕐᓗᑎᑦ ᐃᓄᒃᑎᑐᑦ ᓄᓇᐃᑦ ᑕᐃᔭᐅᒍᓯᖏᓐᓂ ᑕᒪᕐᒥᒃ ᑐᑭᓯᒋᐊᕈᑎᓕᒫᖏᓐᓂᒃ ᐊᒻᒪᓗ ᐃᓕᓐᓂᐊᕈᑎᒃᓴᓂ ᐃᓅᓱᑦᑐᓄᑦ.

ᐱᔾᔪᑎᖓ 3

ᓴᙵᑦᑎᒋᐊᕋᓱᓪᓗᒍ ᑲᓲᒪᑦᑎᓂᖏᑦ ᐊᓯᖏᑦ ᑲᓇᑕᒥᐅᑕᐃᑦ ᐃᓄᐃᑦ ᐱᖅᑯᓯᖏᓐᓄᑦ ᐅᐊᑦᑎᐊᕈᓗ ᐊᑐᖃᑦᑕᖅᓯᒪᔭᖏᓐᓄᑦ ᐊᒻᒪᓗ ᑕᒪᒃᑯᓄᖓ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᓕᐅᑉ ᓄᓇᖓᓂᑦ ᑲᖏᖅᑐᖏᓐᓂᓪᓗ.

  1. ᓴᓇᔪᖃᕐᓗᓂ ᓂᐅᕕᐊᒃᓴᓂᒃ ᐱᓕᕆᐊᔅᓴᓂᓪᓗ ᓯᕕᑐᓂᕐᓴᒥᒃ ᐊᑐᖅᑕᐅᖃᑦᑕᓂᐊᖅᑐᓂᒃ ᐊᓯᖏᓐᓄᑦ ᓄᓇᓕᓐᓄᑦ ᑲᓇᑕᒥ.

ᐱᔾᔪᑎᖓ 4

ᐱᓕᕆᖃᑎᒋᓗᒋᑦ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᑲᒪᒋᔭᐅᖁᓪᓗᒋᑦ ᐱᔾᔪᑏᑦ ᐃᓱᒫᓗᒍᑎᒋᔭᐅᔪᑦ ᑕᒪᒃᑭᓄᑦ.

  1. ᐊᕐᕌᒍᑕᒫᑦ ᑐᓴᖅᑎᑦᑎᒋᐊᖅᐸᓪᓗᑎᑦ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓄᑦ ᐸᖕᓂᖅᑑᕐᒧᑦ ᕿᑭᖅᑕᕐᔪᐊᕐᒧᓪᓗ.
  2. ᐊᑐᓕᖅᑎᑕᐅᓗᑎᑦ ᑕᒻᒪᕈᑕᐅᖃᑦᑕᕐᓂᑯᐃᑦ ᐃᓕᑕᒥᓃᑦ ᐃᓄᐃᑦ ᖃᐅᔨᒪᔭᖏᑦ ᐱᓕᕆᐊᖑᑎᓪᓗᒋᑦ ᐊᑐᓕᖅᑎᑕᐅᓇᓱᐊᓕᕋᐃᒍᑎᑦ ᐃᓄᐃᑦ ᖃᐅᔨᒪᔭᖏᑦ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓄᑦ.
  3. ᑲᑎᖃᑎᖃᖃᑦᑕᕐᓗᑎᒃ ᐊᕐᕌᒍᑕᒫᑦ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐊᒻᒪᓗ ᓄᓇᓕᓐᓂᑦ ᑎᒍᒥᐊᖅᑎᐅᖃᑕᐅᔪᓂᒃ ᐅᖃᐅᓯᖃᖃᑦᑕᓂᐊᕐᖓᑕ ᐱᔾᔪᑕᐅᕙᑦᑐᓂᒃ ᐊᔾᔨᒌᓂᒃ, ᐱᖃᓯᐅᑎᓗᒋᑦ ᐱᔾᔪᑎᓖᑦ ᑭᒃᑯᑐᐃᓐᓇᕐᓂ ᐊᑦᑕᓇᖅᑐᓕᕆᓂᕐᒥᒃ, ᐱᖅᑯᓯᑐᖃᕐᒧ ᑐᕌᖓᔪᑦ ᐱᖁᑏᑦ, ᐊᕙᑎᖓᑕ ᖃᓄᐃᙱᑦᑎᑕᐅᒐᓱᓐᓂᖓᓂᒃ, ᑕᖅᑲᒃᑯᓄᖓ ᑎᑭᐅᑎᒐᓱᐊᕐᓂᖅ ᐊᒻᒪᓗ ᐳᓛᕆᐊᖅᑐᓄᑦ ᓱᔭᐅᖃᑦᑕᖅᓯᒪᔪᓂᒃ.
  4. ᐊᑐᖃᑦᑕᕐᓗᑎᑦ ᐃᓄᒃᑎᑐᑦ ᑕᐃᔭᐅᒍᓯᖏᓐᓂᒃ ᓄᓇᐃᑦ ᑕᒪᐃᓐᓂ ᑐᓴᐅᒪᖃᑎᒌᒍᑎᓂ ᐊᒻᒪᓗ ᓴᓇᔭᐅᕙᑦᑐᓂᒃ ᐸᓐᓂᖅᑑᒧᑦ ᕿᑭᖅᑕᕐᔪᐊᒧᓪᓗ.
  5. ᑐᓴᐅᒪᖃᑎᖃᐃᓐᓇᖃᑦᑕᕐᓗᑎᒃ ᕿᑭᖅᑕᕐᔪᐊᕐᒥᐅᓂᒃ ᐸᓐᓂᖅᑑᒥᐅᓂᓪᓗ ᐊᒻᒪᓗ ᓄᓇᓕᓐᓂᑦ ᑎᒍᒥᐊᖅᑎᐅᖃᑕᐅᔪᓂᒃ ᒥᕐᖑᐃᓯᕐᕕᒻᒥ ᐊᐅᓚᓂᐅᕙᑦᑐᑦ ᐱᓕᕆᐊᖑᕙᑦᑐᓪᓗ ᐃᑉᐱᒍᓱᑦᑎᐊᕋᓗᐊᕐᒪᖔᑕ ᐃᓕᖅᑯᓯᕐᒥᒃ ᐊᖑᓇᓱᖃᑦᑕᓂᕐᒥᓪᓗ ᐊᑐᖅᑕᐅᔭᕆᐊᖃᖅᐸᑦᑐᓂᒃ ᐊᑐᖅᑕᐅᔪᒪᕙᑦᑐᓂᓪᓗ ᓄᓇᓕᓐᓂᑦ ᕿᑭᖅᑕᕐᔪᐊᕐᒥ ᐸᓐᓂᖅᑑᒥᓗ.
  6. ᐅᓂᒃᑳᓕᐅᕐᓗᑎᒃ ᐊᑐᓕᖅᑎᑕᐅᓂᖏᓐᓂᒃ ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒻᒥ ᐱᔾᔪᑎᓖᑦ ᓄᓇᕗᒻᒦᑦᑐᓂᒃ ᐊᐅᓚᑦᑎᕕᖓᑕ ᐊᓪᓚᕝᕕᐅᑉ ᐊᕙᑎᓕᕆᓂᕐᒥ ᐊᐅᓚᑦᑎᓂᕐᒧᓐ ᓱᒋᐊᕐᓂᐊᓂᕐᒧᒻ ᐸᕐᓇᐅᑎᖓᓃᑦᑐᓂᒃ ᑕᐃᒃᑯᓄᖓ ᓄᓇᓖᓐᓄᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᖅᔪᐊᖅ.
  7. ᐱᓕᕆᖃᑎᒌᓐᓇᕐᓗᒋᑦ ᑲᓇᑕᒥ ᐅᓇᑕᖅᑐᓴᒃᑯᑦ ᐊᐅᓚᑦᑎᓂᕐᒧᑦ ᐃᓯᕈᓐᓇᓂᕐᒥᒃ ᐊᑐᕈᓐᓇᓂᕐᒥᓪᓗ ᒥᕐᖑᐃᓯᕐᕕᒻᒥᒃ ᐅᓇᑕᖅᑐᒃᓴᓕᕆᔨᒃᑯᑦ, ᑲᓇᑕᒥ ᐅᓇᑕᖅᑐᒃᓴᐃᑦ, ᑲᓇᑕᒥ ᐅᓇᑕᖅᑐᔅᓴᕋᓛᕐᓄᑦ ᖁᑭᐅᑎᓕᓐᓄᑦ ᐱᓇᓱᐊᖅᑕᐅᔪᐃᑦ ᑕᒪᐃᓐᓂ ᐊᔾᔨᒌᑦᑐᐃᑦ ᑲᒪᒋᔭᐅᔪᓐᓇᖁᓪᓗᒋᑦ ᐊᒻᒪᓗ ᐃᑉᐱᒍᓱᑦᑎᐊᕐᓗᑎᒃ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ, ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ.

ᓇᓗᓇᐃᒃᑯᑕᖅ 7: ᐅᒥᐊᕐᔪᐊᒃᑯᑦ ᐳᓚᕋᑦᑐᓕᕆᖃᑦᑕᕐᓂᖅ ᓄᓇᕗᒥ ᐊᒻᒪᓗ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ

ᐊᑭᓖᓯᒪᓪᓗᑎᒃ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑯᑦ ᐳᓚᕋᒍᒪᕙᑦᑐᑦ ᐊᒥᓱᕈᖅᐸᓪᓕᐊᑐᐃᓐᓇᓕᕐᒪᑕ ᐊᒻᒪᓗ ᐅᒥᐊᕐᔪᐊᑦ ᐅᑭᐅᖅᑕᖅᑐᓕᐊᕈᒪᕙᑦᑐᑦ ᐊᒥᓱᕈᖅᐸᓪᓕᑐᐃᓐᓇᖅᑐᑎᒃ. ᓄᓇᕗᒥ, ᐅᒥᐊᕐᔪᐊᒃᑯᑦ ᐳᓚᕋᖅᑐᓕᕆᓂᖅ ᐊᒥᓱᕈᒃᑲᓂᕐᓯᒪᕗᖅ ᑕᐃᒪᙵᓂᑦ 2004-ᒥᓂᑦ.

ᓇᐃᓈᖅᓯᒪᓂᖏᑦ ᐅᒥᐊᕐᔪᐊᑦ ᓂᐅᕐᕈᕙᑦᑐᑦ ᓄᓇᕗᒧᑦ ᐊᒻᒪᓗ ᓄᓇᓕᖏᓐᓄᑦ ᒥᕐᖑᐃᓯᕐᕕᒻᒧᑦ ᖃᓂᑦᑑᓐᓄᑦ 2004-ᒥ 2009-ᒧᑦ
ᓄᓇᖓᑦ ᓂᐅᕐᕈᕕᒃ ᐊᒥᓲᓂᖏᑦ ᐅᒥᐊᕐᔪᐊᑦ ᓂᐅᕐᕈᔪᑦ (ᐊᒥᓲᓂᖏᑦ ᐃᓛᒃᑰᖓᔪᑦ ᐅᒥᐊᕐᔪᐊᑦ ᓂᐅᕐᕈᔪᒥᓃᑦ)
  2004 2005 2006 2007 2008 2009
ᓄᓇᕗᑦ 6 9 20 20 26 49
ᐸᓐᓂᖅᑑᖅ ᐱᑕᖃᙱᑦᑐᖅ ᐱᑕᖃᙱᑦᑐᖅ 6 7 10 3
ᕿᑭᖅᑕᕐᔪᐊᖅ ᐱᑕᖃᙱᑦᑐᖅ ᐱᑕᖃᙱᑦᑐᖅ 2 2 4 3
ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐱᑕᖃᙱᑦᑐᖅ 2 3 4 2 1
ᖃᐅᔨᒪᔭᐅᔭᕆᐊᓖᑦ:
  • ᐃᓚᖏᑦ ᐊᒥᓲᓂᖏᑦ “ᓂᕆᐅᒋᔭᐅᕗᑦ” ᐅᒥᐊᕐᔪᐊᑦ ᑎᑭᓐᓂᐊᖅᑐᒋᔭᐅᔪᑦ (ᑎᑎᕋᕐᓯᒪᔪᑦ ᐅᕕᖓᔮᖅᑐᑎᒃ).
  • 2008-ᒥ, ᑎᓴᒪᑦ ᐅᒥᐊᕐᔪᐊᑦ ᐸᕐᓇᓯᒪᔪᒥᓂᐅᕗᑦ ᒥᕐᖑᐃᓯᕐᕕᒻᒨᕋᔭᖅᑐᑎᑦ ᑭᓯᐊᓂᓕ ᐊᑕᐅᓯᑐᐊᖅ ᒥᕐᖑᐃᓯᕐᕕᒻᒨᖅᑐᒥᓂᐅᕗᖅ ᐱᔾᔪᑎᒋᓪᓗᒍ ᐃᓄᐃᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᓐᓂᐊᖅᑐᒋᔭᐅᓂᖏᓐᓄᑦ ᒪᑐᓯᒪᔭᒥᓂᖅ ᒥᕐᖑᐃᓯᕐᕕᒃ ᐊᑕᐅᓯᕐᒧᑦ ᐅᒥᐊᕐᔪᐊᕐᒧᑦ, ᐊᒻᒪᓗ ᐱᔾᔪᑎᒋᓪᓗᒍ ᓯᓚ ᐊᒻᒪᓗ ᓈᒻᒪᓈᕈᓐᓇᙲᓐᓇᖅᑐᒥᓂᐅᓪᓗᑎᒃ ᒪᕐᕉᒃ ᐊᐃᑉᐸᖏᒃ.
  • ᐅᒥᐊᕐᔪᐊᑦ ᐸᖕᓂᖅᑑᕐᒨᖅᑐᒥᓃᑦ, ᕿᑭᖅᑕᕐᔪᐊᒧᑦ ᐊᒻᒪᓗ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐃᓄᖃᕈᓐᓇᓲᖑᕗᑦ 108-122 ᐃᑭᒪᓂᐊᖅᑐᓂᒃ ᑭᓯᐊᓂ ᐃᑭᒪᔨᐊᖃᓲᑦ ᑕᒫᓂ 80ᓂ-100ᓄᑦ ᐃᓄᓐᓂᒃ.
  • ᑐᓴᖅᑎᑕᐅᓲᖑᕗᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᒥᔅᓵᓄᑦ ᐅᒥᐊᕐᔪᐊᑦ ᐳᓛᕆᐊᓲᑦ ᒥᕐᖑᐃᓯᕐᕕᐅᑉ ᖃᓂᒋᔭᖏᓐᓃᒃᑑᓐᓄᒃ ᓄᓇᓕᐅᔫᓐᓄᒃ ᒥᕐᖑᐃᓯᕐᕕᒻᒨᕐᓂᐅᓴᙱᒃᑲᓗᐊᖅᑎᓪᓗᒋᑦ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᖅᐸᓪᓕᐊᓕᖅᑐᑦ ᐃᓚᖏᓐᓂ ᐅᒥᐊᕐᔪᓕᕆᔨᐅᔪᓂ ᑎᒥᐅᔪᓂᒃ ᐊᒻᒪᓗ ᐅᒥᐊᕐᔪᐊᕐᒥ ᑐᓵᔨᐅᓂᐊᖅᑐᓂᒃ-ᐃᑲᔪᖅᑎᐅᓂᐊᖅᑐᓂᒃ ᐃᓕᓐᓂᐊᑎᑦᑎᖃᑦᑕᖁᓪᓗᒋᑦ ᓄᓇᓕᓐᓂᒃ ᖃᓂᒋᔭᓕᓐᓂᒃ ᒥᕐᖑᐃᓯᕐᕕᓐᓄᑦ ᓄᓇᕗᒻᒥ- ᐱᖃᐅᓯᐅᑎᓪᓗᒋᒃ ᐸᓂᖕᑑᖅ ᕿᑭᖅᑕᕐᔪᐊᕐᓗ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᐅᓂᒃᑳᕆᐊᖅᑐᖃᑦᑕᕐᓯᒪᒻᒥᔪᑦ ᐃᓚᖏᓐᓄᑦ ᐅᒥᐊᕐᔪᐊᓄᑦ.

ᐅᒥᐊᕐᔪᐊᑦ ᐃᑲᔪᕐᓂᖃᕈᓐᓇᖅᑐᑦ ᓄᓇᓕᐅᔪᓄᑦ, ᓂᐅᕕᐊᒃᓴᖃᕈᓐᓇᖅᑐᓂᒃ ᑎᑎᖅᑐᒐᕐᓂᒃ ᓴᓇᓯᒪᔪᓂᓪᓗ, ᐅᒥᐊᕐᔪᐊᒃᑯᑎᒎᖅᑐᓂ ᐃᓕᖅᑯᓯᕐᒥᒃ ᐃᓕᓐᓂᐊᖅᑎᑦᑎᒍᓐᓇᓲᖑᕗᖅ ᐊᒻᒪᓗ ᑲᑐᔾᔨᓪᓗᑎᑦ ᐃᓄᐃᑦ ᖃᐅᔨᒪᔭᖏᓐᓂ ᐊᒥᓱᓄᑦ ᐃᓄᓐᓄᑦ, ᐳᓛᕆᐊᖅᑐᓂᒃ ᑐᑭᓯᒋᐊᖅᑎᑦᑎᓲᖑᓪᓗᑎᑦ, ᐅᕝᕙᓘᓐᓃᑦ ᕿᒥᕐᕈᒋᐊᖅᑐᖅᓯᒪᔪᓂ ᐃᑲᔪᖅᑎᐅᓲᖒᕗᑦ ᐅᕝᕙᓘᓐᓃᑦ ᓄᓇᓕᓐᓂ ᖃᐅᔨᒪᔨᐅᓲᖑᓪᓗᑎᑦ ᐅᓂᒃᑲᐅᓯᖃᕈᓐᓇᖅᑐᑎᑦ.

6.0 ᓄᓇᒥᒃ ᐊᐅᓚᑦᑎᓂᕐᒧᑦ ᑲᒪᕙᓪᓕᐊᓂᖅ

ᐅᑯᐊ ᐱᖓᓱᓂᒃ ᓄᓇᑉ ᐃᓚᖏᒃ ᒥᕐᖑᐃᓯᕐᕕᒻᒥ (ᓇᓗᓇᐃᒃᑯᑕᖓᓂ 2−ᒥ) ᐊᐅᓚᑕᐅᓂᖓᓄᑦ ᑲᒪᒋᔭᐅᓂᖅᓴᐅᓂᐊᖅᑑᒃ ᒫᓐᓇᐅᔪᖅ ᓴᖅᑭᖅᐸᓪᓕᐊᔪᓪᓗ ᐊᑐᖅᑕᐅᕙᓪᓕᐊᓂᖏᓐᓄᑦ ᐳᓛᕆᐊᖅᑐᓄᑦ ᐊᒻᒪᓗ ᓄᓇᓕᐅᔫᓐᓄᒃ:

  1. ᐊᒃᓵᔫᑉ ᐊᖅᑯᑎᖓ: ᐊᒃᓵᔫᑉ ᐊᖅᑯᑎᖓ ᐊᖅᑯᑎᓪᓗᐊᑕᐅᕙᑉᐳᖅ ᒥᕐᖑᐃᓯᕐᕕᒻᒥ ᐳᓛᕆᐊᖅᑐᓄᑦ, ᐃᓄᓐᓄᑦ, ᖃᐅᔨᓴᖅᑎᓄᑦ ᐊᒻᒪᓗ ᒥᕐᖑᐃᓯᕐᕕᐅᑉ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪᓗ ᐃᓗᓕᖃᖅᑐᓂ ᑕᒪᕐᒥᐸᓗᒃ ᒥᕐᖑᐃᓯᕐᕕᐅᑉ ᐊᐅᓚᔾᔪᑎᔅᓴᖏᓐᓂᒃ.
  2. ᐃᓪᓚᐅᓕᑦᕐᒥ ᓇᖅᐸᐃᑦ ᑲᖏᖅᑐᖓᓄᑦ: ᐃᓪᓚᐅᓕᑦᑑᖅ ᐊᒻᒪᓗ ᒪᒃᑖᑐᔾᔭᓇ ᐊᒻᒪᓗ ᓄᓇ ᐊᑯᓐᓂᖏᓐᓂ ᑲᖏᖅᑐᐃᑦ ᐊᒻᒪᓗ ᓇᖅᐸᐃᑦ ᖃᔪᕐᓇᕐᓗ ᐱᒻᒪᕆᐅᕗᑦ ᐃᓄᓐᓄᑦ ᕿᑭᖅᑕᕐᔪᐊᕐᒥᐅᓄᑦ ᐃᓚᐅᓂᕐᒧᑦ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᓄᑦ ᐊᖑᓇᓱᖃᑦᑕᓂᕐᒧᓪᓗ ᐊᒻᒪᓗᑦᑕᐅᖅ ᒫᓐᓇᐅᓕᖅᑐᖅ ᐳᓛᕆᐊᖅᐸᑦᑐᓄᑦ ᐊᑐᖅᑕᐅᔪᓐᓇᐸᒃᑭᓪᓗᑎᒃ.
  3. ᑲᖏᖅᑐᓪᓗᐊᓗᒻᒥ ᓴᕐᕙᓕᒻᒧᑦ: ᐅᐊᓐᓇᖓ ᒥᕐᖑᐃᓯᕐᕕᐅᑉ, ᐱᓗᐊᖅᑐᒥᒃ ᑲᖏᖅᑐᓂᑦ ᖃᓂᒋᔭᖏᓐᓂᓪᓗ, ᐊᑐᖅᑕᐅᓪᓗᐊᑕᖅᐸᑦᑐᓂᓗ ᕿᑭᖅᑕᕐᔪᐊᕐᒥᐅᓄᑦ ᐃᓄᓐᓄᑦ ᐃᓕᖅᑯᓯᖏᓐᓂᒃ ᐊᑐᖅᑐᑎᒃ ᐊᖑᓇᓱᕝᕕᐅᕙᑦᑐᓂᓗ. ᐳᓚᕋᑦᑏᑦ ᒫᓐᓇ ᑕᒪᐅᙵᖃᑦᑕᖏᒻᒪᑕ ᒥᕐᖑᐃᓯᕐᕕᐅᑉ ᐃᓚᖓᓄᑦ, ᑭᓯᐊᓂ ᑕᒪᓐᓇ ᐳᓚᕋᑦᑎᓄᑦ ᐅᐸᑦᑕᐅᖃᑦᑕᕈᓐᓇᕕᐅᑎᒃᑲᓗᐊᕐᒥᒻᒪᑦ ᐊᒻᒪᓗ ᐱᕚᓪᓕᕈᑕᐅᔪᓐᓇᑎᐊᖅᑐᓂ ᕿᑭᖅᑕᕐᔪᐊᕐᒥᐅᓄᑦ.

ᐃᓚᖓᑦ 1:

ᐊᒃᓵᔫᑉ ᐊᖅᑯᑎᖓ

ᐊᔅᓴᔫᑉ ᐊᖅᑯᑎᖓ (ᐊᖅᑯᑎᐅᕗᖅ) ᖃᖅᑲᑎᒍᑦ ᐊᖅᑯᑎᐅᕗᖅ ᓂᒋᐊ ᐅᐊᓐᓇᖓᓂᓗ ᑲᖏᖅᓱᖏᓐᓂ ᑐᕌᖓᓪᓗᓂᓗ ᓄᓇᓕᐅᔫᓐᓄᒃ ᑕᕝᕗᖓ ᐸᖕᓂᖅᑑᒧᑦ ᐊᒻᒪᓗ ᕿᑭᖅᑕᕐᔪᐊᒧᑦ. ᑲᖏᖅᑐᒃ ᐸᓐᓂᖅᑑᑉ ᕿᙳᐊᓃᑦᑐᖅ ᐊᖅᑯᑎᖓᓂ ᒥᕐᖑᐃᓯᕐᕕᐅᑉ ᑭᓪᓕᖃᕐᕕᖓᑕ ᐃᓗᐊᓃᙱᑦᑐᖅ, ᑭᓯᐊᓂ ᑲᖏᖅᑐᒃ ᕿᑭᖅᑕᕐᔪᐊᑉ ᐃᓱᐊᓂ, ᐸᓐᓂᖅᑑᕈᓗᒃ, ᒥᕐᖑᐃᓯᕐᕕᒦᑦᑐᖅ. ᑕᒪᓐᓇ ᒥᕐᖑᐃᓯᕐᕕᐅᑉ ᐃᓚᒋᕚ ᐅᓪᓗᒥᒧᓐ ᐱᓕᕆᐊᖑᓯᒪᓂᖅᐹᑉ:

  • ᐊᖅᑯᑎᖓ ᐸᓐᓂᖅᑑᕈᓗᓪᓗ ᐃᓚᒋᔭᐅᒻᒪᑎᒃ ᒥᕐᖑᐃᓯᕐᕕᒻᒧᑦ ᐱᓱᑦᑎᓄᑦ, ᓯᐊᕐᕆᔮᖅᑏᑦ, ᖃᖅᑲᓯᐅᖅᑎᓄᓪᓗ ᐅᐸᑦᑕᐅᒐᔪᑉᐸᑦᑐᓂ ᐊᒻᒪᓗ ᒥᕐᖑᐃᓯᕐᕕᐅᑉ ᐊᐅᓚᓂᖏᓐᓄᑦ ᐊᑐᖅᑕᐅᒐᔪᑉᐸᑦᑐᓂ.
  • ᑕᒪᓐᓇᓗ ᐊᖅᑯᑎᒋᔭᐅᕙᑦᑐᓂ ᐃᓄᓐᓄᑦ ᐊᐅᓪᓛᐸᑦᑐᓂᑦ ᑖᒃᑯᓄᖓ ᒪᕐᕉᓐᓄᒃ ᓄᓇᓕᐅᔫᓐᓄᒃ, ᑕᒪᓐᓇᓗ ᐅᓪᓗᒥ ᐊᑐᖅᑕᐅᕙᑦᑐᓂ ᓱᓕ.
  • ᑕᒪᓐᓇ ᐊᖅᑯᑎ ᐃᓚᖃᖅᑯᖅ ᒥᕐᖑᐃᓯᕐᕕᐅᑉ ᐱᓕᕆᐊᕆᔭᐅᕙᓪᓕᐊᒋᐊᓕᓐᓂᑦ ᑕᒪᓐᓇ ᐊᖏᓪᓕᑎᒋᐊᕐᓂᐊᕐᓗᒍ ᐊᑦᑕᓇᖅᑐᒦᑦᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑲᕐᕆᖃᑦᑕᖁᓪᓗᒋᑦ ᐳᓛᕆᐊᖅᐸᑦᑐᑦ: ᒫᓐᓇ ᐱᑕᖃᖅᑯᖅ 8−ᓂᑦ ᐃᓪᓗᕋᓛᖑᔪᒥᑦ ᐊᑐᖅᑐᔅᓴᒫᓂᑦ ᑐᐊᕕᕐᓇᖅᑐᒧᑦ ᐊᒻᒪᓗ ᖁᕝᕕᖃᖅᑐᑎᑦ, ᒪᕐᕉᒃ ᑐᐊᕕᕐᓇᖅᑐᒧᑦ ᓂᕿᒃᑯᕖᒃ, ᐱᖓᓱᑦ ᐃᖅᑲᓇᐃᔭᖅᑎᓄᑦ ᐃᓪᓗᕋᓛᑦ, ᐊᒻᒪᓗ ᑎᓴᒪᑦ ᓈᓚᐅᑏᑦ ᑕᕝᕙᓃᑦᑐᑎᑦ ᖃᓂᒋᔭᖓᓃᑦᑐᑎᓪᓘᓐᓃᑦ ᐊᖅᑯᑎᐅᑉ.
  • ᓂᒋᖅᐸᓯᖓ ᑖᔅᓱᒪ ᐊᖅᑯᑎᐅᑉ, ᐊᑯᓐᓂᖓᓃᑦᑐᖅ ᕿᙳᐊᓂ ᓴᖑᖓᓂᕐᒥ ᐊᖅᑯᓪᓘᓪᓗ ᐃᓪᓗᕋᓛᑦ, ᐊᑐᖅᑕᐅᕙᑉᐳᖅ ᐅᓪᓗᒃᑯᑦ, ᐱᖃᓯᐅᑎᓪᓗᒋᑦ ᐱᓱᓐᓂᐅᔪᑦ ᐊᒻᒪᓗ ᖃᒧᑕᐅᔭᒃᑯᓪᓗ ᐊᐅᓪᓚᖅᑐᓄᑦ ᑕᕝᕗᖓ ᐅᑭᐅᖅᑕᖅᑑᑉ ᑭᓪᓕᖑᐊᖓᓄᑦ. ᐅᑭᐅᒃᑯᑦ ᐅᐱᕐᖔᑯᓪᓗ, ᐸᓐᓂᖅᑑᒥᐅᑦ ᑕᒪᐅᙵᖃᑦᑕᓗᐊᙳᐊᓲᖑᕗᑦ ᒥᕐᖑᐃᓯᕐᕕᐅᑉ ᐃᓚᖓᓄᑦ ᖃᒧᑕᐅᔭᒃᑯᑦ.
  • ᐸᓐᓂᖅᑑᕈᓗᒃ ᐱᒻᒪᕆᐅᕗᖅ ᕿᑭᖅᑕᕐᔪᐊᕐᒥᐅᓄᑦ ᐃᓕᖅᑯᓯᖏᓐᓄᑦ ᐊᖑᓇᓱᖃᑦᑕᓂᕐᒧᓪᓗ ᐊᑐᖅᑕᐅᕙᑦᑐᓂ ᐊᒻᒪᓗᑦᑕᐅᖅ ᐳᓚᕋᑦᑐᓕᕆᓂᕐᒧᑦ. ᐳᓚᕋᑦᑎᓄᑦ ᐅᓪᓗᐃᓐᖅ ᐅᐸᑦᑕᐅᖃᑦᑕᕈᓐᓇᓲᖅ, ᐱᖃᓯᐅᑎᓪᓗᒋᑦ ᖃᐅᔨᒪᔨᖃᖅᑐᑎᒃ ᐅᒥᐊᒃᑯᑦ ᖃᒧᑕᐅᔭᒃᑯᓪᓗ ᐳᓚᕋᑦᑎᑕᐅᓂᕐᒥᒃ.
  • ᐊᖅᑯᑎ ᐱᓇᓱᐊᕋᔅᓴᖃᖅᑎᑦᑎᕙᑦᑐᖅ ᐅᖓᕙᕆᐊᕐᓯᓂᕐᒧᑦᐊᐅᓪᓚᕐᓯᒪᓂᐅᕙᑦᑐᒥᒃ ᐅᑭᐅᒃᑯᑦ ᐊᒻᒪᓗ ᐅᐱᕐᖓᔅᓵᒃᑯᑦ, ᐱᓗᐊᖅᑐᒥᑦ ᐊᐅᓪᓚᐅᔾᔨᔨᓂᒃ ᐱᖃᑎᖃᖅᑐᑎᑦ ᖃᒧᑕᐅᔭᒃᑯᑦ ᕿᒧᔅᓯᑯᓪᓗ.

ᐱᔾᔪᑎᖓ 1

ᐊᒥᓱᕈᕆᐊᖅᑎᑦᑎᓂᖅ ᐊᑐᐃᓐᓇᐅᔪᓂᑦ ᑭᓱᑐᐃᓐᓇᕐᓂᑦ ᐱᓕᕆᐊᔅᓴᓂᓪᓗ ᐳᓚᕋᑦᑎᓄᑦ.

  1. ᓴᖅᑭᔮᖅᑎᑦᑎᑲᓐᓂᕐᓂᖅ ᐅᓪᓗᐃᓐᓇᖅ ᐱᓕᕆᐊᔅᓴᓂᒃ, ᐱᖃᓯᐅᑎᓗᒍ ᐊᐅᓪᓚᐅᔾᔨᔨᓄᑦ ᖃᒧᑕᐅᔭᒃᑯᑦ ᐊᐅᓪᓚᐅᔾᔨᖃᑦᑕᕐᓂᖅ.
  2. ᖃᐅᔨᓴᕐᓗᒍ ᐊᑐᖅᑕᐅᔪᓐᓇᕋᔭᕐᒪᖔᑦ ᐅᓪᓗᐃᓐᓇᖅ ᐱᓱᕝᕕᐅᔪᓐᓇᕋᔭᖅᑐᑦ ᐊᒃᓵᔫᑉ ᐊᖅᑯᑎᖓᒍᑦ.

ᐱᔾᔪᑎᖓ 2

ᐋᖅᑭᐅᒪᑎᓪᓗᒍ ᐊᒻᒪᓗ ᐅᑎᖅᑎᓪᓗᒍ ᐃᓂᑐᖃᖓᓄᑦ ᓄᓇᖓᑦ ᓴᐳᑎᓗᒋᓪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᖃᑦᑕᕐᓯᒪᔪᑦ ᐊᒻᒪᓗ ᐃᑉᐱᒍᓱᑦᑎᐊᕐᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐊᖑᓇᓱᖃᑦᑕᕐᓂᖓᓐᓂᓪᓗ.

  1. ᓇᓗᓇᐃᕐᓗᒋᑦ ᑐᓴᖅᑎᑦᑎᒍᑎᒋᓗᒋᓪᓗ ᓇᓖᕌᕋᔅᓴᐃᑦ ᑭᓪᓕᖃᖅᑎᑦᑎᒍᑕᐅᓂᐊᖅᑐᑦ ᐊᑦᑐᐃᓂᕆᕙᑦᑕᖏᓐᓂᒃ ᐱᓱᓐᓂᐅᕙᑦᑐᓂᒃ ᑐᓪᓕᓂᕐᒥ ᓱᕋᑉᐸᓪᓕᐊᔪᒥ.
  2. ᐱᖃᓯᐅᔾᔨᓗᑎᒃ ᑐᓴᕋᔅᓴᓂᒃ ᐳᓚᕋᑦᑎᓂᒃ ᖃᐅᔨᑎᑦᑎᒋᐊᕈᑎᓂᒃ ᐃᓕᓐᓂᐊᕈᑎᓂᓪᓗ ᐊᒻᒪᓗ ᓴᓇᔭᐅᕙᑦᑐᓂᒃ ᐊᑦᑕᓇᕐᓂᖓᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᓃᑦᑐᓂᒃ ᐊᒻᒪᓗ ᐱᒻᒪᕆᐅᓂᖏᓐᓂᒃ ᐃᓕᖅᑯᓯᖅᑎᒍᑦ ᐊᑐᖅᑕᐅᓲᑦ ᐊᒃᓵᔫᑉ ᐊᖅᑯᑎᖓᓂ ᐸᓐᓂᖅᑑᕈᓗᒻᒥᓗ.
  3. ᑐᑭᓯᐅᒪᔾᔪᑎᔅᓴᖃᖅᑎᑦᑎᖃᑦᑕᕐᓗᑎᒃ ᖃᖓᑕᓲᕐᓂᑦ, ᐊᐅᓚᐅᔾᔨᔨᓂᒃ ᓇᒻᒥᓂᖃᖅᑎᓂᓪᓗ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᒥᔅᓵᓄᑦ, ᐱᖃᓯᐅᑎᓗᒋᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᖃᖓᑕᓲᒃᑯᕖᒃ.

ᓇᓗᓇᐃᒃᑯᑕᖅ 8: ᓇᓄᕐᓄᑦ ᐊᑦᑕᓇᖅᑐᒦᑦᑕᐃᓕᓂᖅ

ᒥᕐᖑᐃᓯᕐᕕᓕᕆᔨᒃᑯ ᑲᓇᑕᒥ ᐊᑐᐃᓐᓇᐅᑎᑦᑎᕙᑉᐳᑦ ᑐᑭᓯᐅᒪᔾᔪᑎᔅᓴᓂᒃ ᐳᓚᕋᑦᑎᓄᑦ ᐊᒻᒪᓗ ᐳᓛᕆᐊᕈᒪᒐᔭᖅᑐᓄᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐊᑦᑕᓇᖅᑐᒦᒍᑕᐅᔪᓐᓴᖅᑐᓂᒃ ᓇᓄᖅᑕᖃᓯᓐᓂᖅᑲᑦ ᐊᒻᒪᓗ ᖃᓄᖅ ᐊᑦᑕᓇᖅᑐᒦᙱᓂᕐᓴᐅᔪᓐᓇᕐᒪᖔᑦ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑲᔪᖅᑐᐃᑲᓐᓂᖅᑯᑦ ᐳᓛᕆᐊᖅᑎᐅᔪᓂᑦ ᐃᓚᒋᔭᖃᖃᑦᑕᖁᓪᓗᒋᑦ ᐊᐅᓪᓚᐅᔾᔨᔨᓂᒃ ᐊᐅᓪᓚᕐᓂᐊᖅᑲᑕ ᓇᓕᐊᓐᓄᑐᐃᓐᓇᖅ ᐃᓚᖓᓄᑦ ᒥᕐᖑᐃᓯᕐᕕᐅᑉ ᐅᕝᕙᓘᓐᓃᑦ ᐊᕐᕌᒎᑉ ᐃᓗᐊᓂ ᓇᓄᖅᑕᖃᕐᓂᕐᓴᐅᖃᑦᑕᑎᓪᓗᒍ.

ᐃᓕᓴᕐᓯᓯᒪᓪᓗᑎᒃ ᐱᕕᖃᖅᑎᑦᑎᔭᕆᐊᖃᕐᓂᕐᒥᒃ ᐳᓛᕆᐊᖅᑐᓂᒃ ᒥᕐᖑᐃᓯᕐᕕᓕᐊᕐᓯᒪᒍᓐᓇᖁᓪᓗᒋᑦ ᐊᑦᑕᓇᙱᑦᑐᒦᓪᓗᑎᒃ ᐃᑲᔪᕐᓯᓐᓈᕐᓗᑎᒃ ᐳᓚᕋᖅᑐᓕᕆᓂᕐᒥᒃ ᐱᕙᓪᓕᐊᑎᑕᐅᓂᖓᓂᒃ ᒥᕐᖑᐃᓯᕐᕕᐅᑉ ᖃᓂᒋᔭᖏᓐᓃᒃᑑᓐᓂᒃ ᓄᓇᓕᐅᔫᓐᓂᒃ, ᐃᓄᐃᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐊᖏᕐᓯᒪᕗᑦ “ᐃᓄᒃ ᐊᐅᓪᓚᐅᔾᔨᔨᐅᔭᕋᐃᒻᒪᑦ ᒪᓕᑦᑐᒍ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᓂᕐᒧᑦ ᓚᐃᓴᖓᑦ ᐅᕝᕙᓘᓐᓃᑦ ᐊᐅᓪᓚᐅᔾᔨᒍᓂ ᐊᑕᐅᓯᕐᒥᒃ ᐊᒥᓲᓂᕐᓴᓂᓪᓘᓐᓃᑦ ᐊᑭᓖᓯᒪᔪᓂᒃ ᐊᖑᓇᓱᐊᖅᐸᑦᑐᓂᒃ ᐊᒻᒪᓗ ᓱᓇᒃᑯᑖᖏᓐᓂᒃ ᒥᕐᖑᐃᓯᕐᕕᑎᒍᑦ ᐅᐸᒐᓱᐊᖅᑕᖓᑦ ᓯᓚᑖᓃᑦᑐᓂ ᒥᕐᖑᐃᓯᕐᕕᐅᑉ ᒪᓕᑦᑐᒍ ᐃᓚᖓᑦ 8.1.17, ᑕᐃᓐᓇ ᐊᐅᓪᓚᐅᔾᔨᔨ ᐊᖑᑕᐅᒐᓗᐊᕈᓂ ᐊᕐᓇᐅᒐᓗᐊᕈᓂᓘᓐᓃᑦ ᐱᓯᒪᑦᑎᔪᓐᓇᖅᑐᖅ ᐊᑐᕈᓐᓇᖅᑐᓂᓗ ᖁᑭᐅᒻᒥᒃ ᓇᒻᒥᓂᖅ ᓴᐳᓐᓂᐊᕈᑎᒋᓂᐊᖅᑕᒥᓂᒃ ᐅᕝᕙᓘᓐᓃᑦ ᓴᐳᔾᔨᔪᓐᓇᓂᐊᕐᖓᑦ ᐊᐅᓪᓚᐅᑎᓯᒪᔭᖏᓐᓂᒃ.” (ᐃᓚᖓ 8.1.19 ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ, ᓯᕐᒥᓕᒻᒧᑦ ᒥᕐᖑᐃᓯᕐᕕᓐᓄᑦ). ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐋᖅᑭᒋᐊᕐᓯᕗᑦ ᒪᓕᒐᖏᓐᓂᒃ ᑖᓐᓇ ᑲᑦᑐᖓᐃᕈᑕᐅᓯᒪᔪᖅ ᐊᑐᖅᑕᐅᔪᓐᓇᖁᓪᓗᒍ ᐊᒻᒪᓗ ᐱᓇᓱᐊᕋᔅᓴᖃᕐᓂᕐᓴᐅᖁᓪᓗᒋᑦ ᐳᓚᕋᑦᑏᑦ ᐊᑐᖅᐸᑦᑕᖏᓐᓂᒃ.

ᐃᓚᖓ 2:

ᐃᓪᓚᐅᓕᑦᑑᕐᒥ ᓇᕐᐸᐃᓐᓄᑦ

ᑕᒪᔅᓱᒪ ᐃᓚᖓ ᒥᕐᖑᐃᓯᕐᕕᐅᑉ ᐃᓯᖅᕕᔅᓴᐅᕗᖅ ᕿᑭᖅᑕᕐᔪᐊᒦᓐᖔᕐᓗᓂ, ᐅᒥᐊᒃᑯᑦ ᐊᐅᔭᐅᑎᓪᓗᒍ ᐊᒻᒪᓗ ᖃᒧᑕᐅᔭᒃᑯᑦ ᐅᑭᐅᖑᑎᓪᓗᒍ ᐊᒻᒪᓗ ᐅᐱᕐᖔᑯᓪᓗ. ᐊᖏᔪᒻᒪᕆᐅᕗᖅ ᑕᒪᓐᓇ ᐊᑐᖅᑕᐅᕙᖅᑐᓂᓗ ᐳᓛᕆᐊᖅᑎᓄᑦ ᕿᑭᖅᑕᕐᔪᐊᕐᒥᐅᓄᓪᓗ:

  • ᒪᒃᑖᑐᔾᔭᓇ ᐃᓪᓚᐅᓕᑦᑑᕐᓗ ᐊᑐᖅᑕᐅᖃᑦᑕᖅᓯᒪᕘᒃ ᐳᓛᕆᐊᖅᓯᒪᔪᓄᑦ ᐊᒻᒪᓗ ᕿᑭᖅᑕᕐᔪᐊᒥᐅᓄᑦ ᖃᓄᑐᐃᓐᓇᖅ ᐊᑐᖅᑕᐅᓂᐊᕐᓗᑎᒃ (ᖃᒧᑕᐅᔭᕋᔭᓐᓂᖅ, ᕿᒧᔅᓯᕐᓂᖅ) ᐊᒻᒪᓗ ᐃᓄᓐᓄᑦ ᐃᓕᖅᑯᓯᖏᓐᓂᒃ ᐊᑐᕐᕕᐅᕙᖅᑐᖅᑐᓂ ᐊᖑᓇᓱᕝᕕᐅᔭᖅᑐᖅᑐᓂᓗ (ᓄᓂᕙᓐᓂᖅ ᑕᕝᕙᓂ ᐊᐅᓐᓇᖓᓂᑦ ᒪᑦᑖᑐᔾᔭᓇᒥ ᐊᒻᒪᓗ ᑑᒑᓕᓐᓂᑦ ᕿᓚᓗᒐᕋᓱᕝᕕᐅᕙᑦᑐᑎᒃ ᑖᒃᑯᐊ ᒪᒃᑖᑐᔾᔭᓇ ᐊᒻᒪ ᐃᓪᓚᐅᓕᑦᑑᖅ ᐅᑭᐊᔅᓵᒃᑯᑦ).
  • ᐅᐊᓐᓇᖓ ᒪᑦᑖᑐᔾᔭᓇᐅᑉ ᐱᑕᖃᖅᑯᖅ ᐊᒥᓱᐊᓗᓐᓂᒃ ᐃᑦᑕᕐᓂᓴᖃᕐᕕᓐᓂᒃ ᐃᓕᖅᑯᓯᖅᑎᒍᓪᓗ ᐊᑐᖅᑕᐅᕙᑦᑐᒥᓂᕐᓂᒃ.
  • ᕿᑭᖅᑕᕐᔪᐊᖅ ᐃᓛᓐᓂᒃᑯᑦ ᐋᖅᑮᓯᒪᓲᑦ ᐃᓕᓴᐃᔨᓄᑦ ᖃᐅᔨᑎᑦᑎᒋᐊᕈᑕᐅᓂᐊᖅᑐᓂᒃ ᐅᐊᓐᓇᖓᓂ ᒪᑦᑖᑐᔾᔭᓇᐅᑉ ᐅᑭᐊᔅᓵᒃᑯᑦ.
  • ᐊᒥᓲᙱᑦᑐᓂᒃ ᑖᒃᑯᓇᓂ ᑲᖏᖅᑑᓐᓂᒃ ᐃᓪᓗᕋᓛᖅᑕᖃᖅᑯᖅ ᑐᐊᕕᕐᓇᖅᑐᓄᑦ ᐃᓪᓗᕋᓛᑦ ᐊᓯᐊᓂᒃ ᐊᒻᒪᓗ ᐊᓇᕐᕕᓐᓂᒃ ᐃᓱᐊᓂ ᐸᓐᓂᖅᑑᕈᓘᑦ ᐊᒻᒪᓗ ᓈᓚᐅᑎᖃᕐᕕᒃ ᖃᓂᒋᔭᖓᓂ ᒪᑦᑖᑐᔾᔭᓇᐅᑉ/ᐸᓐᓂᖅᑑᕈᓘᑦ (ᓯᓚᑖᓃᑦᑐᒥᒃ ᒥᕐᖑᐃᓯᕐᕕᐅᑉ ᑭᓪᓕᖓᑕ).
  • ᓄᓇᓕᕋᓛᖅᑕᖃᖅᑐᓂ ᐅᐊᓐᓇᖓᓂᑦ ᒪᑦᑖᑐᔾᔭᓇᐅᑉ.
  • ᓇᖅᐸᐃᑦ ᖃᔪᕐᓇᕐᓗ ᒥᕐᖑᐃᓯᕐᕕᐅᑉ ᐃᓗᐊᓃᙱᒻᒪᑎᒃ, ᑭᓯᐊᓂ ᐊᖅᑯᑕᐅᓲᒃ ᒥᕐᖑᐃᓯᕐᕕᒻᒨᐸᓪᓕᐊᓪᓗᓂ ᐱᒻᒪᕆᐅᓪᓗᑎᓪᓗ ᐃᓕᖅᑯᓯᖅᑎᒍᑦ ᐊᑐᕐᕕᐅᕙᒻᒪᑎᒃ ᐊᖑᓇᓱᕝᕕᐅᕙᑦᑐᑎᓪᓗ ᕿᑭᖅᑕᕐᔪᐊᕐᒥᐅᓄᑦ

ᐱᔾᔪᑎᖓ 1

ᐊᒥᓱᕈᖅᑎᑦᑎᒋᐊᕐᓗᑎᒃ ᐊᑐᐃᓐᓇᐅᓂᕆᕙᑦᑕᖏᓐᓂᒃ ᓴᓇᔭᐅᕙᑦᑐᑦ ᐱᓕᕆᐊᖑᕙᑦᑐᓪᓗ ᐳᓚᕋᑦᑎᓄᑦ.

  1. ᓴᖅᑭᔮᖅᑎᑦᑎᓗᑎᒃ ᐅᓪᓗᒃᑯᑦ ᐊᑐᖅᑕᐅᖃᑦᑕᕈᓐᓇᕐᓂᖓᓂᒃ ᒪᑦᑖᑐᔾᔭᓇᐅᑉ ᐃᓪᓚᐅᓕᑦᑑᕐᓗ, ᐱᖃᓯᐅᑎᓗᒍ ᐊᐅᓪᓚᐅᔾᔨᔨᑎᒍᑦ ᖃᒧᑕᐅᔭᒃᑯᑦ ᑕᑯᔭᖅᑐᖃᑦᑕᕐᓂᖅ.
  2. ᖃᐅᔨᓗᑎᒃ, ᑲᑐᔾᔨᖃᑎᖃᕐᓗᑎᒃ ᕿᑭᖅᑕᕐᔪᐊᕐᒥᐅᓂᒃ ᐳᓚᕋᑦᑐᓕᕆᔨᓂᓪᓗ, ᐱᓱᕝᕕᐅᑲᓐᓂᖃᑦᑕᕋᔭᖅᑐᒥᒃ/ ᓯᐊᕐᕆᔮᕐᕕᐅᑲᓐᓂᖃᑦᑕᕋᔭᖅᑐᒥᒃ ᐊᑯᓐᓂᖓᓂ ᓇᖅᐸᐃᑦ ᒪᑦᑖᑐᔾᔭᓇᐅᓪᓗ ᓂᐅᕐᕈᑎᖃᕋᓱᐊᕈᓐᓇᕐᒪᖔᑕ ᖃᐅᔨᒪᔨᖃᕐᓗᑎᑦ ᐱᕕᔅᓴᐅᓗᓂ.

ᐱᔾᔪᑎᖓ 2

ᐊᐅᓚᐃᓐᓇᑎᑦᑎᓂᖅ ᐅᑎᖅᑎᑦᑎᕙᓪᓕᐊᓂᕐᓗ ᐊᕙᑎᖓᑕ ᖃᓄᐃᓐᓂᖓᓂᒃ ᓴᐳᔾᔨᓗᑎᓪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᓂᒃ ᐊᒻᒪᓗ ᐃᑉᐱᒍᓱᑦᑎᐊᕐᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐊᖑᓇᓱᖃᑦᑕᕐᓂᖓᓐᓂᓪᓗ.

  1. ᐱᖃᓯᐅᔾᔨᖃᑦᑕᕐᓗᑎᒃ ᑐᓴᕋᔅᓴᓂᒃ ᐳᓚᕋᑦᑎᓄᑦ ᖃᐅᔨᑎᑦᑎᒋᐊᕐᓂᐅᕙᑦᑐᒥ ᐃᓕᓐᓂᐊᕋᔅᓴᓂᓗ ᓴᓇᔭᐅᕙᑦᑐᓂᓪᓗ ᐊᑦᑕᓇᕐᓂᖓᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᑕ ᐊᒻᒪᓗ ᐱᒻᒪᕆᐅᓂᖓᓂᒃ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᑦ ᒪᑦᑖᑐᔾᔭᓇᒥ ᐃᓪᓚᐅᓕᑦᑑᕐᒥᓪᓗ ᐊᒻᒪᓗ ᐊᑯᓐᓂᖏᓐᓂ ᓇᖅᐸᐃᑦ ᖃᔪᕐᓇᕐᓗ.
  2. ᖃᐅᔨᒃᑲᐃᖃᑦᑕᕐᓗᑎᒃ ᐳᓚᕋᑦᑎᓂᒃ, ᐊᑐᖅᐸᑦᑐᓂᓪᓗ ᐊᒻᒪᓗ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐃᓂᖏᑕ ᒥᔅᓵᓄᑦ ᐸᕐᓇᐅᒻᒥᑦ ᐊᒻᒪᓗ ᖃᖓᒃᑯᑦ ᒪᑦᑖᑐᔾᔭᓇ ᐃᓪᓚᐅᓕᑦᑑᕐᓗ ᒪᑐᓯᒪᓲᖑᒻᒪᖔᑎᒃ, ᑕᐃᒪᐃᒋᐊᖃᕐᖓᑕ ᒪᓕᑦᑐᒋᑦ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ, ᐱᔾᔪᑎᒋᓪᓗᒍ ᐱᒻᒪᕆᐅᓂᖏᓐᓄᑦ ᐃᓄᓐᓄᑦ ᓄᓇᕙᓐᓇᕐᓯᑎᓪᓗᒍ ᐊᓪᓚᙳᐊᓂᓪᓗ ᕿᓚᓗᒐᓱᓐᓇᕐᓯᑎᓪᓗᒍ.

ᓄᓇᖓ 3:

ᑲᖏᖅᑐᓪᓗᐊᓗᒻᒥᒃ ᓴᕐᕙᓕᒻᒧᑦ

ᑕᒪᓐᓇ ᒥᕐᖑᐃᓯᕐᕕᒃ ᐅᐊᓐᓇᖓᓃᓐᓂᐹᖑᒻᒪᑦ ᒥᕐᖑᐃᓯᕐᕕᒻᒥ, ᐊᑯᓐᓂᖓᓂ ᑲᖏᖅᑐᓪᓗᐊᓘᑉ ᓴᕐᕙᓕᐅᓪᓕ, ᐱᖃᓯᐅᑎᓪᓗᒍ ᓇᓪᓗᖅᓯᐊᖅ. ᐃᓄᓐᓄᑦ ᕿᑭᖅᑕᕐᔪᐊᕐᒥᐅᓄᑦ ᐊᑐᖅᑕᐅᓗᐊᖅᐸᒻᒪᑦ ᐃᓕᖅᑯᓯᖏᓐᓂᒃ ᐊᑐᖅᑐᑎᒃ ᐊᒻᒪᓗ ᐊᖑᓇᓱᕝᕕᐅᕙᑦᑐᓂ ᐊᒻᒪᓗ ᑕᒪᓐᓇ ᐳᓚᕋᑦᑎᓄᑦ ᐊᑐᖅᑕᐅᑲᓐᓂᖃᑦᑕᕈᓐᓇᕕᐅᑎᒃᑲᓗᐊᕐᖓᑦ ᐊᒻᒪᓗ ᐱᕚᓪᓕᕈᑕᐅᒃᑲᓐᓂᕈᓐᓇᑎᐊᖅᑐᓂ ᕿᑭᖅᑕᕐᔪᐊᕐᒥᐅᓄᑦ:

  • ᐃᓄᐃᑦ ᕿᑭᖅᑕᕐᔪᐊᕐᒥ ᐃᓕᖅᑯᓯᕐᒥᓂᒃ ᐊᑐᖅᑐᑎᒃ ᐊᖑᓇᓱᑦᑐᑎᓪᓗ ᑕᒫᓂ ᑲᖏᖅᑐᓕᒫᖏᓐᓂ ᐱᕙᒻᒪᑕ.
  • ᐃᖃᓗᓕᐅᑎᔪᖃᓲᖑᓪᓗ ᐃᓛᓐᓂᒃᑯᑦ ᑕᒫᓂ ᑕᓯᕐᒥ ᑲᓇᓐᓇᖓᓃᑦᑐᒥᒃ ᓇᓪᓗᖅᓯᐊᑉ.
  • ᐃᓚᖏᑦ ᕿᑭᖅᑕᕐᔪᐊᕐᒥᐅᑦ ᓇᓗᓇᐃᕐᓯᓯᒪᒻᒪᑕ ᑮᓇᐅᔭᓕᐅᕋᓱᓐᓂᕐᒧᑦ ᐃᖃᓗᒐᓱᕝᕕᐅᒍᒪᕙᒻᒪᑕ ᐃᓚᖏᑦ ᑕᓰᑦ ᑕᒫᓃᑦᑐᑦ.
  • ᐃᓱᒫᓘᑕᐅᓯᒪᒻᒥᒻᒪᑦ ᕿᑭᖅᑕᕐᔪᐊᕐᒥ ᐃᓄᐃᑦ ᓄᓇᖁᑎᖓᑦ ᓂᒋᐊᓂ ᑲᓇᓐᓇᖅᐸᓯᕐᒥ ᓴᕐᕙᓕᒻᒥ ᒥᔅᓯᖃᙱᑦᑐᒨᖅᑕᐅᓯᒪᓂᖓᓂᒃ.
  • ᕿᑭᖅᑕᕐᔪᐊᕐᒥᐅᑦ ᐱᕙᓪᓕᐊᑎᑦᑎᔪᒪᒐᓗᐊᕐᖓᑕ ᐳᓚᕋᑦᑐᓕᕆᔾᔪᑎᔅᓴᓂᒃ ᐅᐊᓐᓇᖓᓂ ᒥᕐᖑᐃᓯᕐᕕᐅᑉ ᐱᕚᓪᓕᕈᑎᖃᖅᑎᑦᑎᒍᓐᓇᖅᑐᒥ ᓄᓇᓕᓐᓂᒃ.
  • ᐃᓚᒋᔭᐅᔪᑦ ᓄᓇᓕᓐᓂᑦ ᕿᑭᖅᑕᕐᔪᐊᕐᒥ ᐅᖃᕐᓯᒪᒻᒪᑕ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐃᓱᒫᓘᑎᓂᒃ ᐊᐅᓪᓚᖃᑦᑕᓂᐊᕐᓗᓂ ᐅᒥᐊᒃᑯᑦ ᑕᒪᐅᖓ ᒥᕐᖑᐃᓯᕐᕕᐅᑉ ᐃᓚᖓᓄᑦ.

ᐱᔾᔪᑎᖓ 1

ᐊᑐᐃᓐᓇᐅᑎᑦᑎᒋᐊᒃᑲᓂᕐᓗᑎᒃ ᓴᓇᔭᐅᕙᑦᑐᓂᒃ ᐱᓕᕆᐊᖑᕙᑦᑐᓂᓪᓗ ᐳᓚᕋᑦᑎᓄᑦ.

  1. ᖃᐅᔨᓗᑎᒃ ᑲᑐᔾᔨᖃᑎᖃᕐᓗᑎᒃ ᕿᑭᖅᑕᕐᔪᐊᕐᒥᐅᓂᒃ ᐳᓚᕋᑦᑐᓕᕆᔨᓂᓪᓗ, ᐳᓚᕋᑦᑎᓄᑦ ᐊᑐᖅᑕᐅᔪᓐᓇᐸᑦᑐᑦ ᐊᒥᓱᕈᖅᑎᑕᐅᒋᐊᒃᑲᓐᓂᕈᓐᓇᕐᒪᖔᑕ ᐅᐊᓐᓇᖓᓄᑦ ᒥᕐᖑᐃᓯᕐᕕᐅᑉ ᐊᒻᒪᓗ ᐃᓚᖏᑦ ᒥᕐᖑᐃᓯᕐᕕᒦᑦᑐᑦ ᓇᓗᓇᐃᖅᑕᐅᓯᒪᔪᓐᓇᕐᒪᖔᑕ ᐃᓂᖓᓂ III ᐊᐅᓚᐅᑎᓕᓐᓄᑦ ᐳᓚᕋᑦᑎᑦᑎᖃᑦᑕᕈᓐᓇᖁᓪᓗᒋᑦ.
  2. ᐱᓕᕆᖃᑎᖃᕐᓗᑎᒃ ᕿᑭᖅᑕᕐᔪᐊᕐᒥᐅᓂᒃ ᐱᖃᑕᐅᖃᑦᑕᖁᓪᓗᒋᑦ (ᖃᒧᐅᔭᒃᑯᑦ ᐃᓯᖃᑦᑕᓂᕐᒥᒃ ᐊᒻᒪᓗ ᐃᖃᓗᒐᓱᑦᑐᕐᓯᐅᑎᓂᒃ ᑐᓂᓯᖃᑦᑕᓂᕐᒧᑦ) ᐊᑎᖃᖃᑕᐅᙱᑦᑐᓄᑦ ᕿᑭᖅᑕᕐᔪᐊᕐᒥᐅᓄᑦ ᐃᖃᓗᓕᐅᑎᔪᖃᕐᓂᐊᑎᓪᓗᒍ, ᓄᓇᓕᓐᓄᑦ ᐊᑐᖅᑕᐅᓲᖑᒻᒪᑦ ᐃᓄᓐᓄᑦ ᐱᓗᐊᙳᐊᖅᑐᒥᒃ.

ᐱᔾᔪᑎᖓ 2

ᐊᐅᓚᐃᓐᓇᑎᑦᑎᓂᖅ ᐅᑎᖅᑎᑦᑎᕙᓪᓕᐊᓂᕐᓗ ᐊᕙᑎᖓᑕ ᖃᓄᐃᓐᓂᖓᓂᒃ ᓴᐳᔾᔨᓗᑎᓪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᓂᒃ ᐊᒻᒪᓗ ᐃᑉᐱᒍᓱᑦᑎᐊᕐᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐊᖑᓇᓱᖃᑦᑕᕐᓂᖓᓐᓂᓪᓗ.

  1. ᐱᖃᓯᐅᔾᔨᖃᑦᑕᕐᓗᑎᒃ ᑐᓴᕋᔅᓴᓂᒃ ᐳᓚᕋᑦᑎᓄᑦ ᖃᐅᔨᑎᑦᑎᒋᐊᕐᓂᐅᕙᑦᑐᒥ ᐃᓕᓐᓂᐊᕋᔅᓴᓂᓗ ᓴᓇᔭᐅᕙᑦᑐᓂᓪᓗ ᐊᑦᑕᓇᕐᓂᖓᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᑕ ᐊᒻᒪᓗ ᐱᒻᒪᕆᐅᓂᖓᓂᒃ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᑦ ᒥᕐᖑᐃᓯᕐᕕᐅᑉ ᐅᐊᓐᓇᖓᓂ, ᐱᓗᐊᖅᑐᒥᒃ ᓇᓪᓗᐊᖅᓯᐊᑉ ᐹᖓᓂ.
  2. ᐃᓱᒪᒋᔭᖃᕐᓗᑎᒃ ᐊᐅᓚᐃᓐᓇᑎᑦᑎᓂᕐᒥᒃ ᐊᕙᑎᖓᑕ ᖃᓄᐃᓐᓂᖓᓂᒃ ᐊᒻᒪᓗ ᓴᐳᔾᔨᓂᕐᒥᒃ ᐱᖅᑯᓯᑐᖃᕐᓄ ᑐᕌᖓᔪᓂᒃ ᐱᖁᑎᓂᒃ ᐊᒻᒪᓗ ᐃᓄᐃᑦ ᐱᒋᐊᓕᖏᓐᓂᒃ ᐱᒍᒪᔭᖏᓐᓂᓪᓗ ᐋᖅᑮᒐᓱᐊᖅᑐᖃᖅᑎᓪᓗᒍ ᓱᕕᔅᓴᐅᒻᒪᖔᖅ ᓇᓗᓇᐃᒃᑯᑕᕐᓂᒃ ᓈᒻᒪᒃᑲᔭᖅᑐᓂᒃ ᒥᕐᖑᐃᓯᕐᕕᐅᑉ ᐃᓚᖓᓄᑦ ᐅᖃᐅᓯᐅᔪᒧᓐ.

7.0 ᐱᓕᕆᖃᑎᖃᕐᓂᖅ ᐊᒻᒪᓗ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᐃᓚᐅᑎᑦᑎᓂᖅ

ᐊᐅᓚᑦᑎᑦᑎᐊᕈᓐᓇᕐᓂᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓂᑦ ᑲᑐᔾᔨᖃᑎᒌᑦᑎᐊᕈᑕᐅᔭᕆᐊᖃᕐᖓᑦ ᐊᒻᒪᓗ ᐃᓚᐅᔭᕆᐊᖃᖅᑐᑎᒃ ᑕᒪᒃᑮᒃ ᐃᓄᐃᑦ ᒐᕙᒪᒃᑯᓪᓗ. ᑲᑐᔾᔨᖃᑎᖃᕐᓂᖅ ᐊᒻᒪᓗ ᐃᓚᓕᐅᑎᓯᒪᑦᑎᐊᕐᓂᖅ ᑲᓇᑕᒥᐅᑕᐅᔪᓄᑦ ᐱᒻᒪᕆᐅᒻᒪᑦ ᑲᔪᓯᑎᑦᑎᓂᕐᒧᑦ ᒥᕐᖑᐃᓯᕐᕕᐅᑉ ᐃᓱᒪᒋᓯᒪᔭᖏᓐᓂᒃ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐊᐅᔪᐃᑦᑐᕐᒧᑦ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᒪᑐᐃᖓᔪᒥᒃ, ᐊᐅᓚᓂᖃᑦᑎᐊᖅᑐᒥᒃ ᑐᓴᐅᒪᖃᑎᖃᑦᑎᐊᖏᓐᓇᓂᕐᒥᓪᓗ ᐱᓇᓱᐊᒐᖃᙳᓱᑉᐳᑦ ᓄᓇᓕᓐᓄᑦ, ᓄᓇᕗᒻᒥᐅᓄᑦ ᑲᓇᑕᒥᐅᓄᓪᓗ. ᐃᓄᐃᑦ ᐃᓚᐅᖃᑦᑕᕐᓂᖏᑦ ᒥᕐᖑᐃᓯᕐᕕᓕᕆᓂᕐᒥᒃ ᓯᕗᓪᓕᐸᐅᑦᑎᐅᔾᔭᐃᓯᒪᐃᓐᓇᓂᐊᕐᖓᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ. ᑲᑐᔾᔨᖃᑎᖃᕐᓂᖅ ᐳᓚᕋᑦᑐᓕᕆᔨᒃᑯᓐᓂᒃ, ᖃᐅᔨᓴᖅᑐᓕᕆᔨᒃᑯᓐᓂᒃ ᐃᓕᖅᑯᓯᓕᕆᔨᒃᑯᓐᓂᒃ ᐱᐅᓯᑎᑕᐅᓯᒪᒋᐊᕐᓂᐊᖅᑐᖅ ᐊᑐᕐᓂᖃᕐᓂᓕᒫᖓᓂ ᐸᕐᓇᐅᑦ.

7.1 ᑲᑐᔾᔨᖃᑎᖃᕐᓗᓂ ᐊᐅᓚᑦᑎᓂᖅ

ᐊᐅᔪᐃᑦᑐᖅ ᒥᕐᖑᐃᓯᕐᕕᖓ ᑲᑐᔾᔭᐅᓪᓗᓂ ᐊᐅᓚᑕᐅᕗᖅ ᐃᓄᓐᓄᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ. ᐊᐅᓚᖃᑎᒌᑦᑎᐊᕐᓂᖅ ᐱᕝᕙᓪᓕᐊᓂᖃᖅᑯᖅ ᑖᒃᑯᓇᙵᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᖑᔪᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᑕᒪᓐᓇᓗ ᐃᑲᔪᕐᓂᖃᕐᓂᐊᖅᑐᓂ ᓯᕗᓂᔅᓴᖃᖅᑎᑎᑦᑎᐊᓂᕐᒥᒃ ᒥᕐᖑᐃᓯᕐᕕᒻᒧᑦ. ᐃᓚᐅᓪᓚᑦᑖᕆᐊᖃᕐᓂᖏᑦ ᑲᑎᒪᔨᕋᓛᑦ ᐱᒻᒪᕆᐅᕗᖅ ᑲᔪᓯᑦᑎᐊᕈᓐᓇᖁᓪᓗᒋᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᐊᖏᑦ ᓄᓇᓕᓐᓂᑦ, ᐊᕕᑦᑐᕐᓯᒪᕕᓐᓂᑦ ᑲᓇᑕᓕᒫᒥᓗ. ᓇᓗᓇᐃᕈᑎᖏᑦ ᑕᕝᕙᓂ ᐊᐅᓚᑦᑎᓂᕐᒥ ᐸᕐᓇᐅᒻᒥ ᓇᓗᓇᐃᔭᕐᓯᒪᓂᕐᓴᐅᕗᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᑐᔾᔨᖃᑎᒌᑦᑐᑎᒃ ᐊᐅᓚᑦᑎᓂᕐᒥ ᐱᓕᕆᓂᖓᓐᓂ.

ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᐊᒻᒪᓗ ᓯᕐᒥᓕᒻᒧᑦ ᒥᕐᖑᐃᓯᕐᕕᓐᓄᑦ ᐊᑐᓕᖅᑎᑦᑎᒍᑕᐅᔭᕆᐊᖃᕐᖓᑦ ᑖᔅᓱᒥᖓ ᑲᑐᔾᔨᖃᑎᒌᑦᑐᑎᒃ ᐊᐅᓚᑦᑎᓂᕐᒧᑦ ᐊᖏᕈᒻᒥᒃ ᖃᐅᔨᓴᖅᑕᐅᖃᑦᑕᓂᐊᕐᓗᓂ ᐱᖓᓲᔪᖅᑐᑦ ᐊᑕᐅᓯᕐᓗ ᐊᕐᕌᒍᑦ ᐊᓂᒍᕋᐃᑉᐸᑕ. ᑎᑎᕋᖅᑕᐅᑎᓪᓗᒋᑦ ᐅᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ, ᓯᕗᓪᓕᖅᐹᒥ ᐃᓛᒃᑰᖓᔪᒥᒃ ᖃᐅᔨᓴᖅᑕᐅᓂᕆᓛᖅᑕᖏᑦ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᒧᓐ, ᐊᒻᒪᓗ ᓯᕐᒥᓕᒻᒥ ᑲᓇᑕᓕᒫᒥ ᒥᕐᖑᐃᓯᕐᕕᓐᓄᑦ ᒫᓐᓇ ᐃᖏᕐᕋᓕᖅᑐᖅFootnote 31.

7.2 ᐱᓕᕆᖃᑎᖃᕐᓂᖅ

ᑲᔪᓯᑦᑎᐊᕈᓐᓇᕐᓂᖓ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᐊᖏᑕ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐊᒻᒪᓗ ᓄᓇᕗᒻᒥ ᐊᑕᒻᒪᑦ ᑲᑐᔾᔨᖃᑎᒌᓐᓂᖏᓐᓄᑦ ᐊᒥᓱᑦ ᐊᕕᑦᑐᕐᓯᒪᕕᒻᒥ ᑲᓇᑕᒥᓗ ᑲᑐᔾᔨᖃᑎᒌᖑᔪᑦ:

  • ᑲᑐᔾᔨᖃᑎᖃᕐᓂᖅ ᐳᓚᕋᑦᑐᓕᕆᓂᕐᒨᖓᔪᓂᒃ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ ᐊᑑᑎᖃᓪᓚᕆᒻᒪᑦ ᓴᖅᑭᔮᖅᑎᑦᑎᒋᐊᒃᑲᓂᕐᓂᕐᒥᒃ ᒥᕐᖑᐃᓯᕐᕕᒻᒥᒃ ᐃᑦᑕᕐᓂᓴᕐᓄᑦ ᐳᓚᕋᑦᑐᓕᕆᓂᕐᒧᑦ ᑐᖅᑲᑕᕐᕕᐅᓗᓂ ᐊᒻᒪᓗ ᐃᑲᔪᕐᓂᖃᕐᓂᐊᖅᑐᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᓂᐅᔪᓂᑦ ᑕᕝᕗᖓ ᒥᕐᖑᐃᓯᕐᕕᒻᒧᑦ ᖃᓂᒋᔭᓖᓐᓄᒃ ᐸᓐᓂᖅᑑᒧᑦ ᕿᑭᖅᑕᕐᔪᐊᒧᓪᓗ. ᖃᓄᖅᑑᕈᑎᔅᓴᓪᓗᐊᑕᖅ 1 ᑕᕝᕙᓂ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ ᐱᔾᔪᑎᖃᖅᑯᖅ ᐳᓚᕋᑦᑐᓕᕆᓂᕐᒥᒃ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐊᐅᓚᔾᔭᐃᒋᐊᕈᑎᔅᓴᓂᒃ ᐊᑐᓕᖅᑎᑕᐅᒐᔭᖅᑐᓂᒃ ᓯᕗᓪᓕᐅᔾᔭᐅᒍᒫᕐᓂᐊᖅᑐᑎᒃ.
  • ᑲᑐᔾᔨᖃᑎᖃᕐᓗᑎᒃ ᓯᓚᑦᑐᓴᕐᕕᔾᔪᐊᖑᔪᓂᑦ ᐊᒻᒪᓗ ᒐᕙᒪᒃᑯᑦ ᐱᓕᕆᕕᖏᓐᓂᒃ ᐱᒻᒪᕆᐅᕗᖅ ᑕᒪᔅᓱᒧᖓ ᑲᔪᓰᓐᓇᓂᐊᕐᓂᖓᓄᑦ ᐱᕙᓪᓕᐊᓂᖓᑕ ᖃᐅᔨᓴᕐᓂᐅᑉ ᐊᒻᒪᓗ ᖃᐅᔨᓴᖅᑕᐅᖃᑦᑕᓂᐊᕐᓂᖏᓐᓄᑦ ᐊᐅᔪᐃᑦᑐᕐᒥ. ᓯᓚᑦᑐᓴᕐᕕᔾᔪᐊᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᓱᕐᕆᐅᑎᓄᑦ ᖃᐅᔨᒪᔨᑕᕆᔭᐅᕙᑉᐳᑦ ᐊᒻᒪᓗ ᖃᐅᔨᒪᔨᒋᔭᐅᕙᑦᑐᑎᒃ ᐆᒪᔪᑦ ᐊᕙᑎᖏᑕᓗ ᓇᔪᒐᖏᓐᓄᑦ ᐃᓕᖅᑯᓯᖅᑎᒍᓪᓗ ᐊᑐᖅᑕᐅᕙᑦᑐᒥᓂᕐᓄᑦ ᒥᕐᖑᐃᓯᕐᕕᒻᒥ ᐊᑐᐃᓐᓇᖅᑕᖃᙱᒻᒪᑦ ᓇᒥᓕᒫᖅ ᐊᓯᖏᓐᓂᒃ. ᖃᓄᖅᑑᕈᑎᔅᓴᓪᓗᐊᑕᖅ 2 ᑕᕝᕙᓂ ᐊᐅᓚᑦᑎᓂᕐᒧᑦ ᐸᕐᓇᐅᒻᒥᑦ ᐱᔾᔪᑎᖃᖅᑯᖅ ᓈᓴᐃᓂᕐᒥᒃ, ᖃᐅᔨᓴᕐᓂᕐᒥᒃ ᐊᒻᒪᓗ ᖃᐅᔨᓴᖅᑕᐅᓕᐅᒥᔮᖃᑦᑕᕋᔭᕐᓂᖓᓂᒃ ᐊᐅᓚᔾᔭᐃᒋᐊᕈᑎᓂᒃ ᐊᑐᓕᖅᑎᑕᐅᓛᖅᑐᓂᒃ ᓯᕗᓪᓕᐅᔾᔭᐅᔪᒫᕐᓂᐊᖅᑐᑎᒃ; ᑕᒪᕐᒥᓕᒫᐸᓗᒃ ᑲᑐᔾᔨᖃᑎᒌᒍᑕᐅᔭᕆᐊᓖᑦ.
  • ᑲᑐᔾᔨᖃᑎᖃᕐᓂᖅ ᐆᒪᔪᕐᓂᐊᑎᒃᑯᓐᓂᒃ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᐊᒻᒪᓗ ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᑦ ᐊᑑᑎᖃᓪᓚᕆᑉᐳᖅ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᐅᓯᐅᕐᓂᒧᓪᓗ. ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᖁᙱᔅᓴᖏᓐᓄᓪᓗ ᐊᖏᕈᑦ ᓇᓗᓇᐃᔭᕐᓯᒪᑦᑎᐊᓂᕐᓴᓂᒃ ᐱᑕᓖᑦ ᐃᖅᑲᓇᐃᔮᖏᓐᓂᒃ ᐆᒪᔪᕐᓂᐊᑎᒃᑯᑦ ᐊᒻᒪᓗ ᓄᓇᕗᒥ ᐅᒪᔪᓕᕆᔨᕐᔪᐊᒃᑯᑦ ᑲᑎᒪᔩᑦ.
  • ᑲᑐᔾᔨᖃᑎᖃᕐᓂᖅ ᐃᓕᓐᓂᐊᕐᕕᓐᓂᒃ, ᓄᓇᕗᑦ ᒐᕙᒪᒃᑯᖏᑕ ᐃᓕᓐᓂᐊᖅᑐᓕᕆᔨᒃᑯᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐃᓕᓴᐃᔨᐅᔪᓂᑦ ᑲᓇᑕᒥ ᐱᒻᒪᕆᐅᕗᖅ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᐊᖑᔪᓂᒃ ᒥᕐᖑᐃᓯᕐᕕᒻᒨᖓᔪᓂᒃ, ᐱᖃᓯᐅᑎᓪᓗᒋᑦ ᐃᓕᓐᓂᐊᕈᑎᒃᓴᐃᑦ ᑐᕌᖓᔪᑦ ᐃᓕᓐᓂᐊᕈᑎᔅᓴᓄᑦ. ᖃᓄᖅᑑᕈᑎᔅᓴᓪᓗᐊᑕᖅ 2 ᑖᒃᑯᓇᓂ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ ᐱᔾᔪᑎᖃᖅᑯᖅ ᐱᒻᒪᕆᐅᓂᖓᓂᒃ ᐱᕙᓪᓕᐊᑎᑦᑎᓂᕐᒥᒃ ᐃᓕᓐᓂᐊᕋᒃᓴᓂᒃ ᑎᑎᕋᖅᓯᒪᔪᓂᒃ ᐊᒻᒪᓗ ᐱᓕᕆᐊᔅᓴᓂᒃ ᐃᓅᓱᑦᑐᓄᑦ ᐃᓕᓴᐃᔨᓄᓪᓗ.

7.3 ᐃᓄᐃᑦ ᑭᒃᑯᑐᐃᓐᓇᐃᑦ ᐃᓚᐅᑎᑕᐅᓂᖏᑦ

ᖃᓄᐃᑦᑐᑐᐃᓐᓇᕐᓂᒃ ᐊᑐᖅᑐᑎᑦ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᖃᐅᔨᒋᐊᕐᕕᖃᖅᐸᓚᐅᖅᑐᑦ ᐃᓚᒋᔭᐅᓪᓗᓂᖓ ᑖᔅᓱᒧᖓ ᐊᐅᓚᑦᑎᓂᕐᒧᑦ ᐸᕐᓇᐅᒻᒧᑦ ᖃᐅᔨᔪᒪᓪᓗᑎᒃ ᖃᓄᖅ ᐃᓱᒪᒋᔭᐅᒻᒪᖔᖅ ᐊᐅᓚᑦᑎᓂᕐᒧᑦ ᐸᕐᓇᐅᑦ. ᐊᐅᔪᐃᑦᑐᖅ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᖏᑦ ᓯᕗᓕᕐᓯᖃᑦᑕᔪᔪᑦ ᑐᓴᕐᕕᖃᕋᓱᐊᕐᓂᕐᒧᑦ ᐸᕐᓇᐅᒻᒥ ᑖᔅᓱᒧᖓ ᐊᐅᓚᑦᑎᓂᕐᒧᑦ ᐸᕐᓇᐅᒻᒧᑦ, ᑕᐃᒫᑦ ᐱᔭᕆᐊᖃᕐᓯᒪᒻᒪᑕ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᑎᒍᑦ ᐊᐅᔪᐃᑦᑐᖅ, ᖁᑦᑎᓂᖅᐹᖅ ᓯᕐᒥᓕᒻᒧᓪᓗ ᒥᕐᖑᐃᓯᕐᑯᓐᓄᑦ.

ᐊᒻᒪᓗᑦᑕᐅᖅ ᐃᓄᐃᑦ ᑭᒃᑯᑐᐃᓐᓇᐃᑦ ᖃᐅᔨᒋᐊᕐᕕᐅᓯᒪᓪᓗᑎᑦ ᑖᓐᓇ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐱᔾᔪᑎᒋᓪᓗᒍ, ᖃᐅᔨᒋᐊᕐᕕᖃᒃᑲᓐᓂᑐᐃᓐᓇᕆᐊᓖᑦ ᐊᐅᓚᑕᐅᓂᒃᓴᕐᒧᑦ ᐸᕐᓇᐅᑦ ᐊᑐᕐᓂᓕᒫᖓᓂ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓄᑦ ᖃᓄᐃᓕᐅᕈᑕᐅᕙᑦᑐᓂᒃ ᑐᑭᓕᐅᕈᑕᐅᕙᑦᑐᓂᓪᓘᓐᓃᑦ. ᐆᑦᑑᑎᒋᓗᒍ, ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ ᐱᖃᓯᐅᔾᔨᓯᒪᒻᒪᑕ ᐅᑯᓂᖓ ᖃᐅᔨᒋᐊᕈᑎᖃᖃᑦᑕᕆᐊᖃᕐᓂᖏᓐᓂᒃ:

  • ᖃᐅᔨᒋᐊᕐᕕᖃᕐᓂᖅ ᓄᓇᓕᓐᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᕐᓂᑦFootnote 32 ᖃᓄᖅ ᑭᐅᒋᐊᖃᕋᔭᕐᒪᖔᑕ ᐃᓄᐃᑦ ᐃᓱᒫᓘᑎᖏᓐᓄᑦ ᓴᐳᔾᔭᐅᓂᖓᑕ ᐅᕝᕙᓘᓐᓃᑦ ᐊᐅᓚᑕᐅᓂᖓᑕ ᐃᓂᒋᔭᐅᖃᑦᑕᖅᑐᒥᓃᑦ ᐅᑉᐱᕐᓂᕐᒧᑦ ᓄᓇᐃᑦ ᐅᕝᕙᓘᓐᓃᑦ ᐃᓕᖅᑯᓯᕐᒧᑦ ᐱᒻᒪᕆᐅᔪᑦ ᓄᓇᓂFootnote 33 ᐊᒻᒪᓗ ᐳᓚᕋᑦᑎᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᓂᕐᒧᑦ ᐱᓕᕆᐊᕐᒧᑦ ᒥᕐᖑᐃᓯᕐᕕᒻᒥFootnote 34.
  • ᓄᓇᓕᓐᓂ ᖃᐅᔨᒋᐊᕐᕕᖃᖃᑦᑕᕆᐊᓖᑦ ᖃᐅᔨᓴᖅᑏᑦ ᖃᐅᔨᓴᕈᓐᓇᐅᑎᑖᓚᐅᖅᑎᓐᓇᒋᑦ ᐅᕝᕙᓘᓐᓃᑦ ᐊᓯᐊᓂᒃ ᒐᕙᒪᑐᖃᒃᑯᓐᓂᒃ, ᐱᓕᕆᕕᐅᔪᓂᒃ ᐅᕝᕙᓘᓐᓃᑦ ᐱᓕᕆᕕᒻᒥ ᐊᖏᖅᑕᐅᖅᑳᓚᐅᖅᑎᓐᓇᒋᑦ ᖃᐅᔨᓴᕈᓐᓇᐅᑎᖏᑦFootnote 35.
  • ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᑐᑭᒧᐊᖅᑎᑦᑎᔨᐅᓗᑎᑦ ᓄᓇᓕᓐᓂ ᐊᕕᑦᑐᕐᓯᒪᔪᓂᓪᓗ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᖃᐅᔨᒋᐊᕐᕕᐅᔭᕆᐊᓕᓐᓄᑦ ᐃᓄᐃᑦ ᖃᐅᔨᒪᓂᖏᑕ ᒥᔅᓵᓄᑦ, ᐊᑐᕐᓯᒪᔭᖏᑕ ᐊᑐᖅᐸᑦᑕᖏᑕᓗ ᒥᔅᓵᓄᑦ ᑭᒃᑯᑐᐃᓐᓇᕐᓄᑦ ᑐᑭᓯᐅᒪᒍᑕᐅᔭᕆᐊᓕᓐᓂᒃ ᐅᕝᕙᓘᓐᓃᑦ ᓴᖅᑭᔮᕆᐊᒃᑲᓐᓂᕈᑕᐅᓂᐊᖅᑐᓂᒃFootnote 36.
  • ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᑐᑭᒧᐊᖅᑎᑦᑎᔨᐅᕙᓪᓗᑎᑦ ᐊᒻᒪᓗ ᖃᐅᔨᒋᐊᕐᕕᐅᓗᑎᑦ ᐃᓚᒋᔭᐅᔪᐃᑦ ᐅᕝᕙᓘᓐᓃᑦ ᑲᑎᒪᔨᐅᔪᑦ ᐊᑐᓂᑦ ᖃᓂᒋᔭᓕᓐᓂᑦ ᓄᓇᓕᓐᓂᑦ, ᐱᖃᓯᐅᑎᓪᓗᒋᑦ ᐆᒪᔪᕐᓂᐊᑎᒃᑯᑦ ᐃᓄᑐᖃᐃᓪᓗ ᐱᕙᓪᓕᐊᑎᑦᑎᓂᕐᒥᒃ ᖃᓄᐃᑦᑐᑐᐃᓐᓇᕐᓂᒃ ᑐᑭᓯᐅᒪᔾᔪᑎᔅᓴᓂᒃ ᐊᑐᖅᑕᐅᓂᐊᖅᑐᓂᒃ ᐃᓪᓗᒧᑦ, ᓴᖅᑭᔮᖅᑎᑕᐅᓂᐊᖅᑐᒧᑦ ᑕᑯᔅᓴᐅᑎᑦᑎᕕᐅᓂᐊᖅᑐᒧᓪᓘᓐᓃᑦ ᓴᖅᑭᔮᕆᐊᒃᑲᓐᓂᖁᓪᓗᒍ ᒥᕐᖑᐃᓯᕐᕕᒃFootnote 37.

ᐊᒻᒪᓗᑦᑕᐅᖅ, ᑭᐱᙳᐃᔭᐅᑏᑦ ᖃᓄᐃᓕᐅᕈᑕᐅᕙᑦᑐᑦ ᖃᐅᔨᓴᖅᑕᐅᔭᕆᐊᖃᕋᔭᕐᒥᔪᑦ ᑲᑐᔾᔨᖃᑎᒋᔭᐅᓪᓗᐊᖅᑐᓂᒃ ᐊᒻᒪᓗ ᐊᑐᖅᐸᑦᑐᓂᒃ ᒥᕐᖑᐃᓯᕐᕕᒻᒥ ᓇᓗᓇᐃᖅᑕᐅᓯᒪᓪᓗᑎᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑭᐱᙳᐃᔭᕐᓂᕐᒧᑦ ᐊᑐᖅᑕᐅᕙᑦᑐᓂᒃ ᐊᒻᒪᓗ ᐊᓯᖏᑦ ᖃᓄᐃᓕᐅᕈᑕᐅᕙᑦᑐᑦ ᒥᕐᖑᐃᓯᕐᕕᒻᒥ ᖃᐅᔨᓴᖅᑕᐅᓂᖏᑕ ᐊᐅᓚᑦᑎᔩᑦ ᑐᓴᖅᑎᑦᑎᒍᑎᖓᓂ.

8.0 ᓇᓗᓇᐃᖅᑕᐅᔪᒪᔪᖅ

ᑲᓇᑕᒥ ᒥᕐᖑᐃᓯᕐᕕᖓᓐᓂ ᓇᓗᓇᐃᕆᓂᕐᒥ ᐋᖅᑭᔅᓱᐃᓲᖑᒻᒪᑕ ᒪᓕᑦᑐᒋᑦ ᓴᐳᔾᔨᒋᐊᖃᕐᓂᖏᓐᓂᒃ ᐊᒻᒪᓗ ᐃᓱᒪᒋᔭᐅᒋᐊᓲᖑᓪᓗᑎᑦ ᓱᕐᕋᑦᑕᐅᑎᑦᑎᓗᐊᖅᑕᐃᓕᒪᓂᕐᒥᒃ ᐳᓛᕆᐊᖅᑐᑦ ᑲᔾᔮᕐᓇᖅᑑᕐᒥᓂᖅᓴᐅᖁᓪᓗᒋᑦ. ᓇᓗᓇᐃᕐᕆᓂᖅ ᐃᑲᔪᕐᓂᖃᓲᖑᕗᖅ ᑐᑭᒧᐊᑦᑎᑦᑎᓂᕐᒥᒃ ᐃᓱᒪᓕᐅᕈᑕᐅᓂᐊᖅᑐᓂᑦ, ᐱᖃᓯᐅᑎᓪᓗᒍ ᑐᓂᐅᖅᑲᖅᑕᐅᓂᐊᖅᑎᓪᓗᒋᑦ ᓇᒻᒥᓂᖃᕐᓂᕐᒧᑦ ᓚᐃᓴᓐᓯᐅᔪᑦ ᐊᒻᒪᓗ ᖃᐅᔨᓴᕈᓐᓇᐅᑏᑦ. ᓇᓗᓇᐃᕐᕆᓂᖅ ᑕᓪᓕᒪᐅᓕᖅᑲᖓᕗᖅ ᓇᓗᓇᐃᕐᓯᒪᓪᓗᑎᒃ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒪᓕᒐᖏᓐᓂ ᐊᒻᒪᓗ ᐊᐅᓚᓂᕐᒧᑦ ᐊᑐᐊᒐᖏᓐᓂ. ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᓄᓇᖁᑎᖃᕐᖓᑦ ᐅᑯᓂᖓᑐᐊᖅ ᓇᓗᓇᐃᖅᑕᐅᓯᒪᔪᓂᒃ I, II ᐊᒻᒪᓗ III.

ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐱᔭᕆᐊᖃᖅᑎᑦᑎᕗᖅ ᒥᕐᖑᐃᓯᕐᕖᑦ ᓄᓇᕗᒻᒦᑦᑐᑦ ᐅᑯᓂᖓ ᐊᖏᓂᖅᐹᓂᒃ ᐱᔪᓐᓇᕋᔭᕐᒪᑕ ᓇᓗᓇᐃᖅᑕᐅᓯᒪᔪᓂᒃ I, ᐊᒻᒪᓗ II. ᓇᓗᓇᐃᕐᕆᓂᖅ ᓄᖅᑲᖓᑎᑦᑎᙱᓚᖅ ᐊᖑᓇᓱᖃᑦᑕᓂᕐᒥᒃ ᐊᒻᒪᓗ ᐊᓐᓇᐅᒪᓇᓱᐊᕈᑕᐅᕙᑦᑐᓂᒃ ᐃᓄᓐᓄᑦ ᒪᓕᑦᑐᒋᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ. ᑎᑎᖅᑐᖅᓯᒪᓂᖏᑦ 2, 3 ᐊᒻᒪᓗ 4 ᓇᓗᓇᐃᕐᓯᓯᒪᔪᑦ ᓇᓗᓇᐃᖅᑕᐅᔪᒪᔪᓂᒃ ᒥᕐᖑᐃᓯᕐᕕᒻᒥ.


ᓇᓗᓇᐃᕐᕆᓂᖅ ᐱᔭᕐᓂᖏᓚᖅ ᐃᓱᒪᔅᓴᕐᓯᐅᕈᑎᒋᓪᓗᒍ ᐃᓄᓐᓄᑦ. ᓄᓇᙳᐊᑦ ᐃᑲᔪᕐᓂᖃᖅᐳᐃᑦ. ᖁᔭᓕᔪᖓ ᒥᕐᖑᐃᓯᕐᕕᑦᑕᖃᐅᕐᖓᑦ; ᐱᑕᖃᕐᓂᖏᑉᐸᑦ ᑕᒪᓐᓇ ᐱᕙᓪᓕᐊᑎᑦᑎᕕᐅᓪᓚᕆᒃᑲᔭᕐᖓᑦ. ᐊᒥᓱᑦ ᑭᒃᑯᑐᐃᓐᓇᐃᑦ ᐃᑲᔪᕐᓰᒻᒪᑕ ᒥᕐᖑᐃᓯᕐᕕᖃᕐᓂᕐᒥᒃ; ᖃᐅᔨᓕᖅᑐᒍᑦ ᐱᐅᔪᐊᓘᓂᖓᓂᒃ ᓄᓇᐅᑉ. ᐅᐱᕐᖔᒃᑯᑦ ᐱᓐᓇᔭᕝᕕᒋᕙᒃᑲᑦᑎᒍ. ᐊᐅᓪᓚᖃᑦᑕᓲᖑᒐᑦᑕ ᐆᒪᔪᓕᒻᒧᑦ, ᐃᖃᓪᓗᐊᖅᑐᑕ. ᐊᐅᔭᒃᑯᑦ ᐊᐅᓪᓚᕐᓯᒪᕕᐅᕙᑦᑐᑦ ᓯᕿᓐᓃᓇᖅᑐᒥ, ᐱᐊᔪᐊᓗᒻᒥ ᐃᓂᖃᑐᑎᒃ. ᐃᓱᒪᒋᕙᒃᑲᑦᑎᒍ ᑲᔾᔮᕆᓪᓗᒍ ᖃᓪᓗᓈᑦᑕᐅᖅ ᑕᐃᒫᔅᓴᐃᓐᓇᖅ ᑲᔾᔭᐅᓴᖃᑦᑕᕈᒪᒻᒥᔪᑦ — ᐱᓐᓇᔭᒋᐊᖅᑐᕐᓗᑎᒃ ᐸᕝᕕᓴᑦᑕᐅᓂᐅᓴᙱᓪᓗᑎᒃ ᑭᓇᑐᐃᓐᓇᑦᑎᐊᕐᒧᑦ. ᐱᓐᓇᔭᓐᓂᖅ ᑭᓇᓕᒫᒧᑦ ᐱᒻᒪᕆᐅᒻᒪᑦ; ᓄᓇᑕᖃᐅᕐᖓᑦ ᐸᕝᕕᓴᑦᑕᐅᓇᙱᑦᑐᓂᒃ. ᐱᒻᒪᕆᐅᒻᒪᑦ ᐃᓄᓐᓄᑦ ᐱᓐᓇᔭᕝᕕᖃᕐᓂᖅ; ᑕᐃᒫᒃ ᐊᐅᓪᓚᖃᑦᑕᓲᖑᕗᒍᑦ. ᐊᐅᓚᐅᑎᕐᕙᓗᙱᑦᑐᒥ ᐊᐅᓪᓚᕐᓯᒪᓪᓗᓂ ᐱᐅᔪᐊᓘᒻᒪᑦ. ᑖᒃᑯᐊ ᒪᕐᕉᒃ ᐃᓱᒪᒋᖃᑦᑕᕐᓯᒪᒐᒃᑭᒃ: ᐃᓄᐃᑦ ᐊᐅᓪᓚᕐᓯᒪᕙᑦᑐᑦ ᖃᓪᓗᓈᓪᓗ ᐱᓱᕋᕙᑦᑐᑦ ᑕᒻᒫᕐᓯᒪᔭᖅᑐᖅᑐᑎᒃ. ᑕᐃᒫᒃ ᐊᑐᕈᒪᕙᒻᒪᑕ, ᐱᓐᓇᔭᓪᓗᑎᒃ, ᐸᕝᕕᓴᑦᑕᐅᖏᓪᓗᑎᒃ ᑲᔾᔮᓇᖅᑐᐊᓗᒻᒥ ᐊᒃᓵᔫᑉ ᐊᖅᑯᑎᖓ.
ᓴᐃᓚ ᑭᓴᖅ
ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐸᕐᓇᐃᔨᓂᑦ ᐊᒻᒪᓗ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᕐᓂᑦ ᑲᑎᒪᔨᐅᖃᑕᖅ
ᔪᓚᐃ, 2008, ᕿᑭᖅᑕᕐᔪᐊᖅ, ᖃᓪᓗᓈᑎᑑᓕᖅᓯᒪᔪᖅ ᐃᓄᑦᑎᑑᖅᑐᒥᑦ

ᐅᔾᔨᕐᓇᓗᐊᙳᐊᖅᑐᑦ ᒥᕐᖑᐃᓯᕐᕕᒻᒥ ᓇᓗᓇᐃᕐᓯᓂᕐᒧᑦ ᑭᓪᓕᒋᒐᔭᖅᑕᖏᓐᓂᒃ ᐃᒪᐃᓕᖓᕗᑦ:

  • ᐱᕕᖃᕐᓂᖏᑦ ᐊᐅᓪᓚᐅᔾᔨᔨᖃᕐᓗᑎᒃ ᐅᒥᐊᒃᑯᑦ ᖃᒧᑕᐅᔭᒃᑯᓪᓗ ᐳᓛᕆᐊᖃᑦᑕᓂᕐᒥᒃ ᓇᓗᓇᐃᖅᑕᐅᓯᒪᔪᒧᑦ III-ᒧᑦ ᓇᓗᓇᐃᕐᓯᒪᔪᑦ ᐊᑖᓂ. ᐳᓛᕆᐊᖅᑐᓂᒃ ᑲᒪᔩᑦ ᐃᓚᓕᐅᕆᓲᖑᕗᑦ ᐳᓛᕆᐊᖅᓯᒪᔪᑦ ᓱᔭᒥᓂᖏᓐᓄᑦ, ᓴᖅᑭᔮᖅᑎᑦᑎᓲᖑᓪᓗᑎᒃ ᐳᓛᕋᕆᐊᖅᑐᑦ ᐊᑦᑕᓇᖅᑐᒦᑦᑕᐃᓕᒋᐊᖃᕐᓂᖏᓐᓂᑦ ᐊᒻᒪᓗ ᐃᑲᔪᕐᓂᖃᓲᖑᓪᓗᑎᒃ ᓄᓇᓕᒻᒥ ᐳᓚᕋᑦᑐᓕᕆᓂᕐᒧᓐ ᒪᑭᒪᓇᓱᐊᖅᑐᓂᒃ.
  • ᒪᕐᕉᒃ ᐃᓂᐅᔫᒃ ᐱᒻᒪᕆᐊᓘᒃ ᐃᑦᑕᕐᓂᓴᑐᖃᖅᑕᖃᕐᓂᖓᓄᑦ ᓇᓗᓇᐃᖅᑕᐅᓯᒪᔫᒃ ᓄᓗᓇᐃᖅᑕᐅᓯᒪᔪᒥ I-ᒥ ᓴᐳᑎᔭᐅᓯᒪᖁᓪᓗᒋᒃ ᐃᓕᓐᓂᐊᕐᓂᒃᑯᑦ ᖃᐅᔨᓴᖅᑕᐅᖃᑦᑕᓂᒃᑯᓪᓗ.
  • ᑭᓪᓕᓕᐅᕐᓯᒪᔪᖃᙱᑦᑐᖅ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ ᐅᐊᓐᓇᖓᓃᑦᑐᓄᑦ ᑲᖏᖅᑐᓄᑦ ᒥᕐᖑᐃᓯᕐᕕᒻᒥ ᖃᓂᒋᔭᖓᓃᑦᑐᓄᓪᓗ ᓄᓇᐃᑦ ᐱᔾᔪᑎᒋᓪᓗᒍ ᑐᑭᓯᐅᒪᔾᔪᑎᔅᓴᑲᓐᓂᕐᓂᒃ ᐱᔭᕆᐊᖃᕐᖓᑕ ᑐᑭᓕᐅᕈᑎᖃᑦᑎᐊᕆᐊᖃᖅᑎᓪᓗᒋᑦ ᓈᒻᒪᑦᑐᒥᒃ ᓇᓗᓇᐃᖅᑕᐅᓯᒪᓂᐊᕐᖓᑦ ᒥᕐᖑᐃᓯᕐᕕᐅᑉ ᐃᓚᖓ. ᖃᐅᔨᓴᕈᑕᐅᒃᑲᓐᓂᕆᐊᖃᕐᖓᑦ ᑐᓴᕆᐊᕈᑕᐅᒃᑲᓂᕐᓗᓂᓗ ᖃᐅᔨᓂᐊᕐᖓᑕ ᐱᔭᐅᔭᕆᐊᓕᓐᓂᒃ ᐊᑐᖅᑕᐅᔪᒪᔪᓂᓪᓗ ᕿᑭᖅᑕᕐᔪᐊᕐᒥᐅᓄᑦ, ᑐᑭᓯᔭᐅᑦᑎᐊᓂᕐᓴᐅᓂᐊᕐᖓᑕ ᐳᓚᕋᑦᑏᑦ ᐊᑐᕈᓐᓇᐸᑦᑕᖏᑦ, ᐊᒻᒪᓗ ᖃᐅᔨᒪᒋᐊᕐᓗᑎᒃ ᐃᓄᐃᑦ ᐊᖑᓇᓱᒍᓐᓇᐅᑎᖏᑦ ᐃᑉᐱᒋᔭᐅᑦᑎᐊᕋᓗᐊᕐᒪᖔᑕ ᐊᒻᒪᓗ ᐊᕙᑎᖓᑕ ᖃᓄᐃᓐᓂᖓ ᐃᓕᖅᑯᓯᖅᑎᒍᓪᓗ ᐊᑐᖅᑕᐅᕙᑦᑐᑦ ᓴᐳᔾᔭᐅᓯᒪᒐᓗᐊᕐᒪᖔᑕ. ᖃᐅᔨᓴᒃᑲᓐᓂᖅᑎᓪᓗᒋᑦ ᑐᓴᕆᐊᕐᕕᖃᒃᑲᓂᕐᑎᓪᓗᒋᓪᓗ ᐱᖃᓯᐅᔾᔨᒐᔭᖅᑐᑦ ᑕᒪᓐᓇ ᒥᕐᖑᐃᓯᕐᕕᐅᑉ ᐃᓚᖓ ᐱᖃᓯᐅᔾᔨᓯᒪᔭᕆᐊᖃᕐᓂᐊᕐᒪᖔᖅ ᓇᓗᓇᐃᖅᑕᐅᓯᒪᔪᒥᒃ II-ᒥᒃ ᐃᑲᔪᕐᓯᖅᑕᐅᖁᓪᓗᒋᑦ ᐊᐅᓚᐅᑎᓕᑦᑎᒍᑦ ᐳᓚᕋᖃᑦᑕᕐᓂᖅ.
  • ᐃᓛᒃᑰᖅᑎᑕᐅᓗᑎᒃ, ᓄᓇᖃᑯᑖᔅᓯᒪᔪᑦ ᓄᓇᓕᖏᓐᓂ ᐸᓐᓂᖅᑑᖅ ᐊᒻᒪᓗ ᕿᑭᖅᑕᖅᔪᐊᖅ ᐃᓄᖑᙱᑦᑐᑦ ᐊᑎᖃᖃᑕᐅᒐᑎᓪᓗ ᓄᓇᕗᒻᒥ ᓄᓇᑖᕐᓂᕐᒧᓐ ᐊᖏᖃᑎᒌᒍᑎᒥ (ᐊᑎᖃᖃᑕᐅᙱᑦᑐᑦ) ᓯᑭᑑᕈᓐᓇᖅᑎᑕᐅᓂᐊᖅᑐᑦ ᓇᒻᒥᓂᖅ ᐊᖁᓪᓗᑎᒃ ᓇᓗᓇᐃᒃᑯᑕᓕᓐᓂ 3ᒥᒃ ᒥᕐᖑᐃᓯᕐᕕᐅᑉ ᐃᓗᐊᓂ, ᓇᓪᓗᖅᓯᐊᖅ ᑲᖏᖅᑐᖓᓂ ᐊᒻᒪᓗ ᐃᓪᓚᐅᓕᖅᑑᒥ. ᑕᒪᓐᓇ ᐃᓛᒃᑰᑎᑦᑎᓂᖅ ᑐᕌᖓᔪᖅ ᐊᐅᓚᑦᑎᒍᑕᐅᓂᐊᕐᓗᓂ ᐱᖃᑕᐅᖃᑦᑕᕈᓐᓇᓂᐊᖓᑕ ᓄᓇᖃᑯᑖᔅᓯᒪᔪᑦ ᐊᑎᖃᖃᑕᐅᙱᑦᑐᑦ ᓄᓇᓖᓐᓂ ᒪᕐᕉᓐᓂ, ᓄᓇᓖᑦ ᓱᑎᑦᑎᓕᕋᐃᑉᐸᑕ ᐊᒻᒪᓗ ᐱᖅᑯᓯᑐᖃᕐᒥᓂᒃ ᐊᑐᖅᑎᓪᓗᒋᑦ, ᐱᖃᓯᐅᑎᓗᒋᑦ ᑕᒪᒃᑯᐊ ᐃᖃᓗᓕᐅᑎᖃᑦᑕᕐᓃᑦ. ᑕᒪᒃᑯᐊ ᐊᑎᖃᖃᑕᐅᙱᑦᑐᑦ ᐱᔪᓐᓇᐅᑎᑖᖃᑦᑕᕆᐊᓖᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᒥᕐᖑᐃᓯᕐᕕᐅᑉ ᐃᓗᐊᓂ ᐊᖁᒍᓐᓇᕐᓂᐊᕈᑎᑦ ᓯᑭᑑᒥᒃ ᐊᒻᒪᓗ ᑐᑭᓯᕚᓪᓕᖅᑎᑕᐅᓂᕐᒥᒃ ᑲᑎᒪᖃᑎᐅᒋᐊᖃᕋᔭᕐᒥᔪᑦ ᐊᑎᓕᐅᖅᑎᑕᐅᓗᑎᓪᓗ ᐃᓯᕈᑎᒥᒃ ᑕᐃᒫᔅᓴᐃᓐᓇᖅ ᐳᓛᕆᐊᖅᑐᑦ ᐊᑎᓕᐅᕆᐊᖃᖅᐸᒻᒪᑕ ᐃᓯᕈᑎᓂᒃ. ᒥᕐᖑᐃᓯᕐᕕᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᖃᐅᔨᓴᖃᑦᑕᓂᐊᖅᑐᑦ ᑕᒪᑐᒪ ᐊᐅᓚᓐᓂᖓᓂᒃ ᐊᒻᒪᓗ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᑐᐊᒐᔅᓴᑲᓐᓂᕐᓂᒃ ᓴᓇᒋᐊᖃᑐᐃᓐᓇᕆᐊᓖᑦ ᐱᓕᕆᖃᑎᖃᕐᓗᑎᒃ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓂᒃ ᖃᐅᔨᒋᐊᖅᕕᖃᖃᑦᑕᕐᓗᑎᒃ ᓄᓇᓖᓐᓂᒃ.
  • ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᐃᓐᓇᓂᐊᖅᑐᑦ ᐅᓇᑕᖅᑐᔅᓴᓕᕆᔨᒃᑯᓐᓂᒃ ᐊᐅᓚᑦᑎᓂᕐᒧᑦ ᐃᓯᕈᓐᓇᖅᑐᓂᒃ ᐊᑐᖃᑦᑕᓂᕐᒥᓪᓗ ᒥᕐᖑᐃᓯᕐᕕᒻᒥᒃ ᐅᓇᑕᖅᑐᔅᓴᓕᕆᔨᒃᑯᓐᓂᒃ, ᑲᓇᑕᒥᐅᓂᒃ ᐅᓇᑕᖅᑐᒡᓇᓂᒃ ᐊᒻᒪᓗ ᑲᓇᑕᒥᐅᓂᒃ ᖁᑭᐅᑎᓕᓐᓂᒃ ᑲᔪᓯᑎᑦᑎᒍᓐᓇᖁᓪᓗᒋᑦ ᐱᔾᔪᑎᖏᓐᓂᒃ ᐃᑉᐱᒍᓱᑦᑎᐊᕐᓗᑎᓪᓗ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖁᑎᓂᒃ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᒃ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ.
  • ᐊᑐᖅᑕᐅᔪᓐᓇᖅᑐᓂᒃ ᐅᒥᐊᕐᔪᐊᒃᑯᑦ ᐳᓚᕋᑦᑎᓄᑦ ᒥᕐᖑᐃᓯᕐᕕᒻᒥ ᐊᑐᐃᓐᓇᐅᕗᑦ ᐳᓚᕋᑦᑐᓕᕆᕕᒻᒥ ᐸᓐᓂᖅᑑᒥ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᐊᓪᓚᕝᕕᖓᓐᓂ ᕿᑭᖅᑕᕐᔪᐊᕐᒥ, ᐊᒃᓵᔫᑉ ᐊᖅᑯᑎᖓᓂ ᐊᒻᒪᓗ ᐊᐅᓚᐅᔾᔨᔨᑎᒍᑦ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ.
  • ᑐᑭᓯᐅᒪᔾᔪᑎᔅᓴᑲᓐᓃᑦ ᐊᑐᐃᓐᓇᕈᖅᐸᓪᓕᐊᓂᖏᓐᓂ ᒥᕐᖑᐃᓯᕐᕕᐅᑉ ᐊᕙᑎᖓᑕ ᒥᔅᓵᓄᑦ, ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᑦ ᐳᓚᕋᑦᑏᓪᓗ ᐊᑐᕈᓐᓇᐸᑦᑕᖏᑕ ᒥᔅᓵᓅᑦ, ᓇᓗᓇᖅᑕᐅᓯᒪᔪᑦ ᒥᕐᖑᐃᓯᕐᕕᒻᒥ ᐋᖅᑭᒋᐊᖅᑕᐅᑐᐃᓐᓇᕆᐊᓖᑦ ᕿᒥᕐᕈᓂᒃᑯᑦ ᐊᐅᓚᑦᑎᓂᕐᒧᑦ ᐸᕐᓇᐅᒻᒥᑦ.

ᐊᑐᕋᒃᓴᐃᑦ ᓱᓇᑐᐃᓐᓇᐃᑦ ᐊᑐᐃᓐᓇᐅᔪᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓂ ᓇᓗᓇᐃᖅᑕᐅᓯᒪᕗᐃᑦ ᐃᓚᖓᑦ ᓄᓇ ᐊᐅᓚᑕᐅᓂᖓᑕ ᐅᓂᒃᑳᖅᓯᒪᓂᖏᓐᓂ ᑕᕝᕙᓂ ᒥᕐᖑᐃᓯᕐᕕᑉ ᐊᐅᓚᑕᐅᓂᒃᓴᖓᓄᑦ ᐸᕐᓇᒍᑎᒥ.

8.1 ᓇᓗᓇᐃᖅᑕᐅᓯᒪᔪᖅ I: ᓱᕐᕋᑦᑕᐅᑎᑦᑎᑦᑕᐃᓕᓂᖅ (0.10% ᒥᕐᖑᐃᓯᕐᕕᒻᒥ)

ᑐᑭᖓᑦ
ᓇᓗᓇᐃᖅᑕᐅᓯᒪᔪᖅ I ᓴᐳᔾᔭᐅᓯᒪᓪᓚᑦᑖᕆᐊᖃᕐᒪᑦ ᐃᓗᓕᖃᕐᓂᖓᓄᑦ ᐅᕝᕙᓘᓐᓃᑦ ᐃᑲᔪᖅᑐᐃᒻᒪᑦ ᐊᔾᔨᐅᙱᑦᑐᒥᒃ, ᐊᑦᑕᓇᖅᑐᒦᓐᓂᕋᖅᑕᐅᓕᖅᑐᓂᒃ ᐅᕝᕙᓘᓐᓃᑦ ᔭᒐᓐᓂᐊᖅᑐᒋᔭᐅᔪᒥ ᓱᕐᕋᒃᓯᒪᙱᑦᑐᓂ ᐅᕝᕙᓘᓐᓃᑦ ᐃᓕᖅᑯᓯᕐᒧᑦ ᐊᑐᖅᑕᐅᖃᑦᑕᖅᑐᑐᖃᐅᓂᖓᓄᑦ, ᐅᕝᕙᓘᓐᓃᑦ ᐃᓚᒋᔭᐅᓂᖓᓄᑦ ᐆᑦᑑᑎᑦᑎᐊᕙᐅᓛᖑᔪᓐᓇᖅᑐᓄᑦ ᓱᕐᕋᒃᓯᒪᙱᓐᓂᖓᓄᑦ ᑕᒪᓐᓇ ᒥᕐᖑᐃᓯᕐᕕᒻᒥ. ᐊᐅᓚᐅᑎᓕᓐᓄᑦ ᐃᓯᕐᕕᐅᔭᕆᐊᖃᙱᑦᑐᖅ, ᑭᓯᐊᓂᓕ ᐊᐅᓚᑕᐅᓪᓚᕆᑦᑐᓄᑦ ᐊᐅᓚᐅᑎᓕᓐᓄᑦ ᐃᓯᖅᑕᐅᔪᓐᓇᓲᖅ ᖃᐅᔨᓴᕐᓂᕐᒧᑦ ᒥᕐᖑᐃᓯᕐᕕᒥᓪᓗ ᐊᐅᓚᓂᕐᓄᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ.

ᒪᕐᕉᒻᒪᑎᒃ ᐃᓂᖓᓂ I-ᒥ ᒥᕐᖑᐃᓯᕐᕕᒻᒥ:

  • ᐱᖓᓐᓇᖓᑕ ᓯᔾᔭᖓᑦ ᓇᓪᓗᖅᓯᐊᕐᒥ, ᓄᕗᐊᓂ ᓄᓇᖓᑕ ᓵᓇᔪᖅ ᓇᓪᓗᖅᓯᐊᑉ ᕿᑭᖅᑕᖓᓄᑦ. ᑖᓐᓇ ᓄᓇ ᐊᖏᔪᐊᓘᒻᒪᑦ ᐊᒻᒪᓗ ᐊᑦᑐᖅᑕᐅᓚᐅᖅᓯᒪᒐᓂ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᒥᓂᖅ.
  • ᐅᐊᓐᓇᖓᓂ ᓯᔾᔭᖓᓂ ᒪᑦᑖᑐᔾᔭᓇ. ᑖᓐᓇ ᓄᓇᖓ ᐱᖓᓱᓄᑦ ᐃᓂᒋᔭᐅᖃᑦᑕᕐᓯᒪᔪᖅ (ᑐᓃᑦ/ᐃᓄᐃᑦ ᓯᕗᓕᒥᓂᖏᑦ, ᐃᓄᐃᑦ ᓯᕗᓕᖏᑦ ᐊᒻᒪᓗ ᐅᓪᓗᒥ ᐃᓄᐃᑦ).

8.2 ᓇᓗᓇᐃᖅᑕᐅᓯᒪᔪᖅ II: ᓄᓇᑐᐃᓐᓇᖅ (76.47% ᒥᕐᖑᐃᓯᕐᕕᒻᒥ)

ᑐᑭᖓᑦ
ᓇᓗᓇᐃᖅᑕᐅᓯᒪᔪᖅ II ᐃᓗᓕᖃᕐᒪᑦ ᐃᓚᖓᓂ ᑭᒡᒐᖅᑐᐃᓪᓚᑦᑖᖅᑐᓂᒃ ᓱᕐᕋᒃᓯᒪᙱᑦᑐᓂᒃ ᓄᓇᓂ ᐊᒻᒪᓗ ᓴᓂᕐᕙᖅᑕᕐᓯᒪᓪᓗᓂ ᓱᕐᕋᒃᓯᒪᙱᑦᑐᖅ ᓄᓇᑐᐃᓐᓇᐅᓪᓗᓂ. ᓱᕐᕋᑦᑕᐅᑦᑕᐃᓕᓂᖓ ᐊᕙᑎᖓᑕ ᐃᓄᓐᓄᑦ ᐊᑦᑐᖅᑕᐅᓗᐊᕌᓗᒐᓂ ᐃᓱᒪᒋᔭᐅᓪᓚᕆᑉᐳᖅ ᑕᒪᓐᓇ. ᓇᓗᓇᐃᖅᑕᐅᓯᒪᔪᖅ II ᐃᓚᖓᑦ ᐳᓚᕋᑦᑎᓄᑦ ᑕᑯᔭᐅᔪᓐᓇᖅᑐᖅ ᒥᕐᖑᐃᓯᕐᕕᐅᑉ ᓄᓇᖓᓂ ᐊᒻᒪᓗ ᐊᒥᓲᙱᑦᑐᓂᒃ ᐃᓗᓕᖃᕈᓐᓇᖅᑐᓂ ᐱᑕᖃᕆᐊᖃᖅᑲᓂᓛᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᒡᓗᕋᓛᕐᓂᒃ. ᑕᒪᕐᒥᓕᒫᐸᓗᒃ ᓇᓗᓇᐃᖅᑕᐅᓯᒪᔪᖅ II, ᐳᓛᕋᑦᑏᑦ ᐅᖓᓯᑦᑐᓕᐊᕐᓯᒪᖃᑦᑕᕈᓐᓇᖅᑯᑦ ᓴᐃᓕᑦᑎᐊᕐᓗᑎᓪᓗ. ᐊᐅᓚᐅᑎᓕᓐᓄᑦ ᐃᓯᖅᑕᐅᔭᕆᐊᖃᙱᑦᑐᖅ, ᑭᓯᐊᓂᓕ ᐊᐅᓚᑕᐅᓪᓚᕆᑦᑐᓂᒃ ᐊᐅᓚᐅᑎᓕᓐᓂᒃ ᐃᓯᕈᓐᓇᑎᑦᑎᕙᑉᐳᑦ ᖃᐅᔨᓴᕐᓂᕐᒧᑦ ᒥᕐᖑᐃᓯᕐᕕᐅᓪᓗ ᐊᐅᓚᓂᖏᓐᓄᑦ ᐱᔪᓐᓇᕐᓯᑎᑕᐅᓯᒪᓪᓗᑎᒃ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ.

ᑕᒪᓐᓇ ᓇᓗᓇᐃᒃᑯᑕᖃᖅᑯᑦ II-ᒥᑦ, ᒥᕐᖑᐃᓯᕐᕕᐅᑉ ᐃᓚᓕᒫᖓ ᓇᓗᓇᐃᒃᑯᓯᖅᑕᐅᓯᒪᙱᑦᑐᖅ I-ᒥᑦ ᐅᕝᕙᓘᓐᓃᑦ III-ᒥᑦ, ᐅᕝᕙᓘᓐᓃᑦ ᒫᓐᓇ ᓇᓗᓇᐃᒃᑯᓯᖅᑕᐅᓯᒪᙱᑦᑐᖅ ᓱᓕ.

8.3 ᓇᓗᓇᐃᖅᑕᐅᓯᒪᔪᖅ III: ᐃᓄᓐᓄᑦ ᓱᕐᕋᒃᑕᐅᓯᒪᙱᑦᑐᖅ ᐊᕙᑎ (3.03% ᒥᕐᖑᐃᓯᕐᕕᒻᒥ)

ᑐᑭᖓᑦ
ᓇᓗᓇᐃᖅᑕᐅᓯᒪᔪᖅ III ᓄᓇ, ᐳᓛᕆᐊᖅᑐᐃᑦ ᖃᐅᔨᒐᔭᖅᑐᑦ ᒥᕐᖑᐃᓯᕐᕕᐅᑉ ᓄᓇᖓᓂᒃ ᓱᕐᕋᑦᑕᐅᓯᒪᙱᑦᑐᒥᒃ ᐊᒻᒪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᖃᑦᑕᕐᓯᒪᔪᒥᒃ ᓱᐃᓛᕿᔭᖅᑐᕐᕕᐅᖃᑦᑕᖅᑐᓂ ᐊᒥᓲᙱᑦᑐᓂᒃ ᐱᔨᑦᑎᕋᐅᑎᓂᒃ ᐃᓪᓗᕋᓛᕐᓂᓪᓗ ᐱᑕᖃᕆᐊᖃᖅᑐᓂ. ᐊᐅᓚᑕᐅᓪᓚᕆᑦᑐᑦ ᑭᓯᐊᓂ ᐊᐅᓚᐅᑎᓖᑦ ᐃᖏᕐᕋᔾᔪᑏᑦ ᐃᓯᕈᓐᓇᖅᑐᑦ ᑕᒪᐅᖓ.

ᐱᖓᓱᒻᒪᑕ ᓇᓗᓇᐃᖅᑕᐅᓯᒪᔪᒥ III-ᒥ ᒥᕐᖑᐃᓯᕐᕕᒻᒥ:

  • ᐊᒃᓵᔫᑉ ᐊᖅᑯᑎᖓ, ᐊᐅᓪᓚᐅᔾᔨᔨᖃᖅᑐᑎᒃ ᖃᒧᑕᐅᔭᒃᑯᑦ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᖅ.
  • ᐸᖕᓂᖅᑑᕈᓘᑉ, ᐊᐅᓪᓚᐅᔾᔨᔨᑎᒍᑦ ᐅᒥᐊᒃᑯᑦ ᐊᒻᒪᓗ ᖃᒧᑕᐅᔭᒃᑯᓪᓗ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᖅ.
  • ᐃᓪᓚᐃᓕᑦᑑᖅ ᐊᒻᒪᓗ ᒪᒃᑖᑐᔾᔭᓇ (ᓄᓇᐃᑦ ᐱᒻᒪᕆᐅᔪᑦ ᐃᓄᓐᓄᑦ), ᐊᐅᓪᓚᐅᔾᔨᔨᖃᕐᓗᑎᑦ ᐅᒥᐊᒃᑯᑦ ᐊᒻᒪᓗ ᖃᒧᑕᐅᔭᒃᑯᑦ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᑦ, ᑭᓯᐊᓂ ᐳᓚᕋᑦᑏᑦ ᖃᐅᔨᓴᖅᑏᓪᓗ ᐃᓯᕈᓐᓇᕐᓂᖓ ᑭᓪᓕᖃᖃᑦᑕᕐᒥᔪᖅ ᐃᓯᕆᐊᖃᖅᑎᑕᐅᓲᖑᒐᑎᓪᓘᓐᓃᑦ ᐱᔾᔪᑎᒋᓪᓗᒍ ᐱᒻᒪᕆᐅᓂᖓ ᑕᒪᑐᒪ ᓄᓇᐅᑉ ᐃᓄᓐᓄᑦ ᑕᐃᒫᒃ ᓇᓗᓇᐃᕐᓯᒪᒻᒪᑦ ᑖᒃᑯᐊ ᐊᑖᓂ.

ᐊᑐᖅᑕᐅᔪᓐᓇᖅᑐᑦ ᐅᒥᐊᕐᔪᐊᓄᑦ ᐳᓚᕋᑦᑎᑦᑎᔨᓄᑦ ᐃᓯᕈᓐᓇᓂᕐᒧᑦ ᑲᖏᖅᑐᖏᓐᓄᑦ ᒥᕐᖑᐃᓯᕐᕕᐅᑉ ᐃᓱᒪᔅᓴᕐᓯᐅᕈᑕᐅᔭᕆᐊᓖᑦ ᑖᒃᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᕿᒥᕐᕈᔭᐅᓕᖅᑲᑕ.

8.4 ᓄᓇᐃᑦ ᐱᒻᒪᕆᐅᔪᑦ ᐃᓄᓐᓄᑦ

ᒪᕐᕉᒃ ᐱᒻᒪᕆᐅᕘᒃ ᐃᓄᓐᓄᑦ ᓇᓗᓇᐃᖅᑕᐅᓯᒪᓪᓗᑎᒃ:

  1. ᓄᓂᕙᒋᐊᖃᑦᑕᕐᓂᖅ: ᐅᐊᓐᓇᖓᑦ ᒪᒃᑖᑐᔾᔭᓇ ᒥᕐᖑᐃᓯᕐᕕᐅᑉ ᑭᓪᓕᖓᓂ ᐃᓱᐊᓄᑦ ᑲᖏᖅᓱᖓᑕ ᓇᓗᓇᐃᖅᑕᐅᓯᒪᕗᖅ ᐱᒻᒪᕆᐅᓂᖓᓂᒃ ᐃᓄᓐᓄᑦ ᓄᓂᕙᒋᐊᕐᕕᐅᕙᒻᒪᑦ. ᐳᓚᕋᑦᑎᓄᑦ ᖃᐅᔨᓴᖅᑎᓄᑦ ᐃᓯᖅᑕᐅᔪᓐᓇᕐᓂᖓ ᑭᓪᓕᖃᖅᑎᑕᐅᖃᑦᑕᓂᐊᖅᑐᖅ ᓄᓂᕙᓐᓇᕐᓯᑎᓪᓗᒍ ᐅᑭᐊᒃᑯᑦ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᖃᑦᑕᓂᐊᖅᑐᑦ ᓇᑦᑎᕙᒃ ᐅᒫᔪᕐᓂᐊᑎᒃᑯᓐᓂᒃ ᐅᑭᐊᔅᓵᑕᒫᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᒃᑲᐃᖃᑦᑕᖁᓪᓗᒋᑦ ᓄᓂᕙᒋᐊᖅᑐᖃᖃᑦᑕᓕᖅᑎᓪᓗᒍ ᐊᒻᒪᓗ ᐃᓯᕈᓐᓇᑎᑦᑎᖃᑦᑕᕐᓗᑎᒃ ᑕᒪᐅᖓ ᕿᑭᖅᑕᕐᔪᐊᕐᒥ ᐃᓕᓴᐃᔨᓂᒃ ᖃᐅᔨᑎᑕᐅᒋᐊᒃᑲᓐᓂᖃᑦᑕᑎᓪᓗᒋᑦ ᑕᒪᓃ ᐃᓛᓐᓂᒃᑯᑦ ᑕᒪᓐᓇ ᐊᑐᖅᑕᐅᓚᐅᖃᑦᑕᓲᖑᒻᒪᑦ.
  2. ᕿᓚᓗᒃᑭᐊᕐᓂᖅ ᑑᒑᓕᓐᓂ: ᑕᒪᕐᒥᒃ ᒪᒃᑖᑐᔾᔭᓇ ᐊᒻᒪᓗ ᐃᓪᓚᐅᓕᑦᑑᖅ ᓇᓗᓇᐃᖅᑕᐅᓯᒪᔫᒃ ᐱᒻᒪᕆᐅᓂᖏᓐᓂᒃ ᐃᓄᓐᓄᑦ ᕿᓚᓗᒐᕋᓱᕝᕕᐅᖃᑦᑕᕐᖓᑎᒃ ᑑᒑᓕᓐᓂᒃ. ᐳᓚᕋᑦᑏᑦ ᖃᐅᔨᓴᖅᑏᓪᓗ ᐃᓯᕆᐊᖃᖅᑎᑕᐅᖃᑦᑕᔾᔮᖏᑦᑐᑦ ᓯᕗᓪᓕᖅᐹᒥ ᑕᑯᔭᐅᔪᖃᕐᓂᑕᒫᑦ ᐊᓪᓚᙳᐊᓂᒃ ᕿᓚᓗᒐᕐᓂᒃ ᑲᖏᖅᑐᖏᓐᓂᒃ ᓯᑯᓇᓱᐊᕐᓂᓕᒫᖓᓂ ᐊᕐᕌᒍᑕᒫᑦ ᑭᓯᐊᓂ ᐊᓯᐊᒍᑦ ᐱᔪᓐᓇᕐᓯᑎᑕᐅᓯᒪᑉᐸᑕ ᒪᓕᑦᑐᒋ5 ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᑐᐊᒐᖏᑦ ᒪᓕᒐᖏᓪᓗ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᓯᕐᒥᓕᒻᒧᓪᓗ ᒥᕐᖑᐃᓯᕐᕕᓐᓄᑦ. ᒥᕐᖑᐃᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᖃᑦᑕᓂᐊᖅᑐᑦ ᓇᑦᑎᕙᒃ ᐆᒪᔪᕐᓂᐊᑎᒃᑯᓐᓂᒃ ᐅᑭᐊᔅᓵᑕᒫᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᒃᑲᖅᑕᐅᓯᖃᑦᑕᖁᓪᓗᒋᑦ ᓯᕗᓪᓕᖅᐹᒥ ᐊᓪᓚᙳᐊᓂᒃ ᑕᑯᔪᖃᕐᓂᑕᒫᑦ ᑲᖏᖅᑑᓐᓂᒃ.

ᓇᓗᓇᐃᒃᑯᑕᖅ 9: ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᐅᑉ

ᓇᓗᓇᐃᒃᑯᑕᖅ 9: ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᐅᑉ 

ᓇᓗᓇᐃᒃᑯᑕᖅ 10: ᓄᓇᐃᑦ ᐱᒻᒪᕆᐅᔪᑦ ᐃᓄᓐᓄᑦ

ᓇᓗᓇᐃᒃᑯᑕᖅ 10: ᓄᓇᐃᑦ ᐱᒻᒪᕆᐅᔪᑦ ᐃᓄᓐᓄᑦ 

9.0 ᓄᓇ ᐃᓄᖃᙱᑦᑐᖅ ᓇᓗᓇᐃᖅᑕᐅᓂᖓ

ᓇᓕᐊᑐᐃᓐᓇᖅ ᐃᓚᖓ ᒥᕐᖑᐃᓯᕐᕕᒻᒥ ᓱᕐᕋᒃᑕᐅᓚᐅᖅᓯᒪᙱᑦᑐᖅ ᐅᐸᒃᑕᐅᓚᐅᖅᓯᒪᙱᓐᓂᑯᖓᓄᑦ ᐅᕝᕙᓘᓐᓃᑦ ᐅᑎᕈᓐᓇᖅᑐᖅ ᓄᓇᑐᐃᓐᓇᐅᓕᕐᓗᓂ ᓱᕐᕋᒃᑕᐅᓯᒪᒍᓐᓃᖅᑐᖅᑎᑐᑦ ᓇᓗᓇᐃᖅᑕᐅᒍᓐᓇᖅᑐᖅ ᐃᓕᓴᕆᔭᐅᓗᓂ ᓄᓇᑐᐃᓐᓇᐅᓂᖓᓂᑦ. ᓇᓗᓇᐃᖅᑕᐅᓯᒪᔪᑦ ᓄᓇᐃᑦ ᑕᒪᒃᑯᐊᖑᒻᒪᑕ ᑭᒃᑯᑐᐃᓐᓇᕐᓄᑦ ᖃᐅᔨᒪᔭᐅᓂᐊᖅᑐᑦ ᐱᕙᓪᓕᐊᑎᑦᑎᕕᐅᔾᔮᖏᓐᓂᖏᓐᓂᒃ ᐊᒻᒪᓗ ᐊᑐᖅᑕᐅᖃᑦᑕᔾᔮᙱᓐᓂᖏᓐᓂᒃ ᓱᕐᕋᑦᑕᐅᓂᐊᙱᒻᒪᑕ. ᐃᓚᖓᑦ 14 ᑲᓇᑕᒥ ᒥᕐᖑᐃᓯᕐᕕᓕᕆᓂᕐᒧᑦ ᐱᖁᔭᖓᓐᓂ (2000) ᓇᓗᓇᐃᖅᑕᐅᔪᓐᓇᑎᑦᑎᒻᒪᑦ, ᒪᓕᒐᖅᑎᒍᑦ, ᓄᓇᐃᑦ ᒥᕐᖑᐃᓯᕐᕕᓐᓃᑦᑐᑦ. ᒥᓂᔅᑕᐅᔪᖅ ᐊᑐᖁᔨᔭᕆᐊᖃᖅᐳᖅ ᓇᓗᓇᐃᖅᑕᐅᔾᔪᑎᖓᓂᒃ ᐊᕐᕌᒎᑉ ᐃᓗᐊᓂ ᒪᓕᓪᓗᒍ ᓴᖅᑭᑕᐅᓯᒪᓂᖓ ᐸᕐᓇᒍᑎᐅᑉ ᓇᓗᓇᐃᕐᑕᐅᔭᕆᐊᖃᑐᒥᒃ ᐱᑕᖃᖁᔨᓂᕋᒥᒃ ᐊᑐᓕᖁᔨᔪᖃᐸᑦ.

ᒪᓕᒐᖅᑎᒍᑦ ᐱᓕᕆᔾᔪᓯᓪᓚᑦᑖᕐᒥᒃ ᐊᑐᕆᐊᓖᑦ ᐋᖅᑮᔪᓐᓇᖁᓪᓗᒋᑦ ᐅᕝᕙᓘᓐᓃᑦ ᐊᓯᔾᔨᖅᑕᐅᔪᓐᓇᖁᓪᓗᒋᑦ ᑭᓪᓕᖏᑦ ᐃᓕᓴᕆᔭᐅᓯᒪᔪᑉ ᓄᓇᐃᑦ. ᖃᓄᐃᓕᐅᕐᕕᐅᔪᓐᓇᖅᑎᑕᐅᒍᑏᑦ ᒪᓕᓪᓗᒍ ᑎᑎᕋᕐᓯᒪᓂᖓᑕ ᐊᑖᓂ 14(3) ᐱᖁᔭᕐᒥ, ᒥᓂᔅᑕ ᐱᔪᓐᓇᐅᑎᖃᖅᐳᖅ ᒪᓕᒋᐊᖃᓕᖅᑎᑦᑎᓗᓂ ᓱᕐᕋᒃᑕᐅᑦᑕᐃᓕᒪᒐᔭᕐᖓᑦ ᓄᓇᖓ. ᑖᒃᑯᐊ ᖃᓄᐃᓕᐅᕈᑕᐅᔪᓐᓇᖅᑐᑦ ᐱᔪᓐᓇᕐᓯᑎᑕᐅᓯᒪᒍᓐᓇᖅᑐᑦ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᑎᒍᑦ, ᐊᖏᕈᑎᑎᒍᑦ ᐅᕝᕙᓘᓐᓃᑦ ᒥᕐᖑᐃᓯᕐᕕᒻᒥ ᐊᑐᕈᓐᓇᐅᑎᑎᒍᑦ. ᒥᕐᖑᐃᓯᕐᕕᒻᒧᑦ ᐃᓱᒪᑕᖓᑦ ᒪᓕᒋᐊᖃᖅᑎᑦᑎᒍᓐᓇᖅᑐᖅ ᒥᕐᖑᐃᓯᕐᕕᒻᒥᒃ ᐊᑐᕈᓐᓇᐅᑎᑎᒍᑦ ᒪᓕᑦᑐᓂᒃ ᑎᑎᕋᕐᓯᒪᓂᖓᑕ ᐊᑖᓂ 14(3) ᐱᖁᔭᕐᒥ.

ᑕᒪᐃᓐᓂ ᐅᖃᐅᓯᕆᓗᒍ, ᓇᓗᓇᐃᖅᑕᐅᓯᒪᔪᖅ ᓄᓇᐅᑉ ᑭᓪᓕᖏᑦ ᒪᓕᑦᑐᑦ ᓇᓗᓇᐃᖅᑕᐅᓯᒪᔪᒥᒃ II-ᒥᒃ – ᓄᓇᐃᑦ ᓱᕐᕋᒃᑕᐅᓯᒪᙱᑦᑐᑦ ᑭᓪᓕᖏᑦ. ᐊᒻᒪᓗᑦᑕᐅᖅ, ᓇᓗᓇᐃᖅᑕᐅᓯᒪᔪᖅ I – ᓱᕐᕋᑦᑕᐅᑦᑕᐃᓕᒋᐊᖃᕐᓂᕐᓴᐃᑦ ᓄᓇᐃᑦ ᐱᖃᐅᓯᐅᔾᔭᐅᓯᒪᕗᑦ ᐃᓗᐊᓂ ᖃᓂᒋᔭᖓᓂᓘᓐᓃᑦ ᓇᓗᓇᐃᖅᑕᐅᓯᒪᔪᒥ II-ᒥ ᐃᓚᖓᓂ, ᐅᕝᕙᓘᓐᓃᑦ ᐊᖏᔫᓂᖏᑦ ᓈᒻᒪᒻᒪᑕ ᐃᓱᒪᒋᔭᐅᔪᓐᓇᖅᑐᑎᒃ ᑖᒃᑯᑑᔪᓐᓇᕐᓂᖏᓐᓂᒃ, ᐱᖃᓯᐅᔾᔭᐅᓯᒪᔪᓐᓇᖅᑐᑦ ᐃᓕᓴᕆᔭᐅᓯᒪᓗᑎᒃ ᓄᓇᐃᑦ.

ᑭᓪᓕᖏᑦ ᐊᒻᒪᓗ ᖃᓄᐃᓕᐅᕈᑕᐅᔪᓐᓇᖅᑐᑦ ᓇᓗᓇᐃᖅᑕᐅᓯᒪᔪᓂᒃ ᓄᓇᓂ ᓇᓗᓇᐃᖅᑕᐅᓲᖑᕗᑦ ᐃᓄᐃᑦ ᑭᒃᑯᑐᐃᓐᓇᐃᑦ ᑐᓴᕐᕕᐅᓚᐅᖅᑎᓪᓗᒋᑦ ᐅᐸᓗᖓᐃᔭᖅᑐᖃᖅᑎᓪᓗᒍ ᐅᕝᕙᓘᓐᓃᑦ ᕿᒥᕐᕈᔪᖃᖅᑎᓪᓗᒍ ᐊᐅᓚᑦᑎᓂᕐᒧᑦ ᐸᕐᓇᐅᒻᒥᒃ. ᓄᓇᐃᑦ ᐃᓕᓴᕆᔭᐅᓯᒪᔪᐃᑦ ᐊᑐᐊᒐᖓᑦ ᓄᖅᑲᖓᑎᑦᑎᓂᐊᙱᓚᑦ ᐊᖑᓇᓱᓐᓂᐅᕙᑦᑐᓂᒃ ᐊᒻᒪᓗ ᐊᓐᓇᐅᒪᓇᓱᐊᕈᑎᒋᕙᑦᑕᖏᓐᓂᒃ ᐃᓄᐃᑦ ᐊᑐᖅᑕᐅᕙᑦᑐᓂᒃ ᒪᓕᑦᑐᒋᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.

ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ, ᑲᑐᔾᔨᓪᓗᑎᑦ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐅᖃᖃᑎᒌᒃᓯᒪᕗᐃᑦ ᐃᓱᒪᒋᔭᐅᓯᒪᓂᖓ ᓇᓗᓇᐃᖅᑕᐅᓯᒪᔪᑦ ᓄᓇᐃᑦ ᓱᕐᕋᒃᑕᐅᓯᒪᖁᔭᐅᙱᑦᑐᑦ ᓇᓗᓇᐃᖅᑕᐅᕙᓪᓕᐊᒻᒪᑕ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐊᒻᒪᓗ ᑐᓴᕐᕕᖃᕆᐊᕐᓯᒪᓪᓗᑎᒃ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᑕᒪᑐᒪ ᒥᔅᓵᓄᑦ. ᒪᓕᑦᑐᒋᑦ ᑖᒃᑯᐊ ᐅᖃᖃᑎᒌᒍᑕᐅᓯᒪᔪᑦ ᑐᓴᕐᕕᖃᕆᐊᒃᑲᓂᕐᓯᒪᓂᖏᓪᓗ, ᑐᑭᑖᕈᑎᖃᕐᓯᒪᔪᑦ ᓇᓗᓇᐃᖅᑕᐅᓯᒪᔪᖅ ᓄᓇ ᓱᕐᕋᑦᑕᐅᖁᓇᒍ ᐊᑐᖁᔨᔾᔪᑕᐅᔾᔮᖏᒻᒪᑦ ᑕᕝᕙᓂ ᐸᕐᓇᐅᒻᒥ. ᑭᖑᓪᓕᕐᒥ ᕿᒥᕐᕈᓕᖅᑲᑕ ᑖᒃᑯᓂᖓ ᐊᐅᓚᑦᑎᔾᔪᑎᔅᓴᓂᒃ ᐱᖃᓯᐅᔾᔨᓯᒪᒍᓐᓇᓛᖅᑐᑦ ᕿᒥᕐᕈᑲᓐᓂᓂᕐᒥᒃ ᓇᓗᓇᐃᖅᑕᐅᓯᒪᔪᖅ ᓄᓇ ᓱᕐᕋᑦᑕᐅᖁᓇᒍ ᐊᑐᖁᔨᔾᔪᑕᐅᒍᓐᓇᕐᒪᖔᖅ ᒥᕐᖑᐃᓯᕐᕕᒻᒧᑦ ᓯᕗᓂᑦᑎᓐᓂ.

10.0 ᐊᐅᓚᑕᐅᓂᖏᑦ ᐊᒻᒪᓗ ᐃᖏᕐᕋᓂᖏᑦ

ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑐᓐᖓᓱᑦᑎᑦᑎᕙᑉᐳᖅ ᐳᓚᕋᑦᑎᓂᒃ ᒪᕐᕉᓐᓂᒃ ᓄᓇᖃᕐᕕᐅᔫᓐᓂᒃ: ᐸᓐᓂᖅᑑᒥ ᐊᒻᒪᓗ ᕿᑭᖅᑕᕐᔪᐊᕐᒥ. ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓚᑦᑎᕕᖏᑦ ᐊᓪᓚᕝᕕᖏᑦ ᐊᒻᒪᓗ ᐳᓛᕆᐊᖅᑐᓄᑦ ᑐᙵᓱᑦᑎᑦᑎᕕᖏᑦ ᐊᑕᐅᓯᕐᒥ ᐃᓪᓗᒦᑉᐳᑦ ᑕᒪᒃᑮᓐᓂ ᒥᕐᖑᐃᓯᕐᕕᐅᑉ ᓴᓂᐊᓃᑦᑑᓐᓂ ᓄᓇᓖᓐᓂ ᐸᓐᓂᖅᑑᒥ ᕿᑭᖅᑕᖅᔪᐊᒥᓗ. ᐊᐅᔭᒃᑯᑦ, ᐊᐅᓚᓂᖃᖃᑦᑕᒥᒻᒪᑕ ᕿᑭᖅᑕᕐᔪᐊᒥ, ᒥᑭᔪᒥᒃ, ᓈᒻᒪᑦᑐᒥᒃ ᐊᓪᓚᕝᕕᖃᖅᑐᓂ. ᓴᓇᕕᖃᖅᑐᑎᓪᓗ ᐊᑐᓂᒃ ᓄᓇᓕᐅᔫᓐᓂᒃ.

ᐃᓪᓗᕋᓛᑦ ᒥᕐᖑᐃᓯᕐᕕᒻᒥ ᐊᒥᓲᙱᓚᑦ ᐊᒻᒪᓗ ᖃᐅᔨᔭᐅᔪᓐᓇᖅᑐᑎᑦ ᐊᖅᑯᑎᒋᒐᔪᑦᑕᖓᓂ ᐳᓚᕋᑦᑎᓄᑦ, ᐊᒃᓵᔫᑉ ᐊᖅᑯᑎᖓᓂ. ᑕᐃᒃᑯᐊ ᐱᓕᕆᕖᑦ ᓇᓗᓇᐃᖅᑐᖅᓯᒪᕗᑦ ᓄᓇᐅᑉ ᐃᓚᖓᓂᒃ ᐊᐅᓚᑦᑎᓂᕐᒥᒃ ᐱᓕᕆᔪᓂ ᑕᕝᕙᓂ ᐊᐅᓚᑦᑎᓂᕐᒧᓐ ᐸᕐᓇᐅᑎᒥ.

ᓄᓇᕗᒻᒥ ᐊᓪᓚᕝᕕᖓ ᒥᕐᖑᐃᓯᕐᕕᓕᕆᔨᒃᑯᑦ ᐅᓪᓗᒥᒧᑦ ᑐᓴᕋᔅᓴᓂᒃ ᑐᓴᖅᑎᑦᑎᕙᑦᑐᑦ ᐊᑐᓕᖅᑎᑦᑎᕙᑦᑐᑎᓪᓗ ᐊᕙᑎᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᖃᓄᖅᑑᕈᑕᐅᔭᕆᐊᓕᓐᓂᒃ ᐸᕐᓇᐅᑎᖓᓐᓂᒃ ᑕᒪᒃᑯᐊ ᐊᒃᑐᐃᔾᔪᑕᐅᔪᓐᓇᕐᑐᑦ ᒥᕐᖑᐃᓯᕐᕕᐅᑉ ᐊᐅᓚᓂᖏᓐᓄᑦ ᐸᓚᕐᔫᒥᖁᓪᓗᒋᑦ. ᐃᓱᒫᓘᑕᐅᓯᒪᔪᑦ ᐅᖃᐅᓯᐅᓯᒪᔪᑦ ᖃᓄᖅᑑᕆᐊᕐᓂᕐᒧᑦ ᐸᕐᓇᐅᒻᒥ ᐅᑯᐊᖑᕗᑦ: ᐅᖅᓱᐊᓗᖃᐅᑏᑦ, ᓱᕈᖅᓯᒪᔪᑦ ᓄᓇᐃᑦ, ᓴᓂᕐᓂᑦ ᐊᐅᓚᑦᑎᓂᖅ, ᐃᒥᕐᒥᑦ ᐊᑐᕐᓂᑯᒥᒃ ᐊᐅᓚᑦᑎᓂᖅ, ᐆᒪᖅᑯᑎᓂᑦ ᐊᑐᓗᐊᖅᑕᐃᓕᒪᓂᖅ, ᐊᒻᒪᓗ ᐊᕙᑐᒧᑦ ᓱᕋᐃᒍᓐᓇᖏᑦᑐᓂᒃ ᐊᑐᖃᑦᑕᕐᓂᖅ.

ᒥᕐᖑᐃᓯᕐᕕᒃ ᑎᓴᒪᐅᔪᖅᑐᓂᒃ (8) ᐃᖅᑲᓇᐃᔭᖅᑎᖃᖅᑯᖅ ᑖᒃᑯᐊ ᐅᓂᒃᑳᓕᐊᖑᔪᖅ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᑎᑎᕋᖅᑕᐅᑎᓪᓗᒋᑦ, ᑕᓪᓕᒪᑦ ᐊᕐᕌᒍᓕᒫᖅ ᐃᖅᑲᓇᐃᔭᖃᑦᑕᖅᑐᑦ ᐊᒻᒪᓗ ᐱᖓᓱᑦ ᐊᕐᕌᒎᑉ ᐃᓚᖓᓂ ᐃᖅᑲᓇᐃᔭᑲᐃᓐᓇᖃᑦᑕᖅᑐᑎᒃ ᒥᕐᖑᐃᓯᕐᕕᒻᒥ. ᖃᖓᒍᒃᑲᓐᓂᖅ ᐃᖅᑲᓇᐃᔭᖅᑎᖏᑕ, ᒪᕐᕈᑲᓐᓃᑦ ᐱᖓᓱᓪᓘᓐᓃᑦ ᐱᖁᑎᓂᒃ ᐊᐅᓚᑦᑎᔩᑦ ᐊᒻᒪᓗ ᑭᒃᑯᑐᐃᓐᓇᕐᓂᑦ ᐊᑦᑕᓇᖅᑐᒦᑦᑕᐃᓕᑎᑦᑎᔩᑦ ᐅᕝᕙᓘᓐᓃᑦ ᐱᓱᑦᑐᑎᒃ ᐅᐊᑦᑏᑦ ᐃᖅᑲᓇᐃᔭᓲᖑᒻᒥᔪᑦ ᐊᐅᔭᐅᑎᓪᓗᒍ. ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔮᔅᓴᐃᑦ ᐊᑐᐃᓐᓇᐅᔾᔮᓲᖑᕗᑦ ᐸᓐᓂᖅᑑᒥ ᕿᑭᖅᑕᖅᔪᐊᒥᓗ ᐊᓪᓚᕝᕕᖏᓐᓂ, ᐃᑲᔪᖅᑎᐅᓂᐊᖅᑐᓂᒃ ᑐᓴᐅᒪᑎᑦᑎᔨᖓᓂᒃ ᐊᒥᓱᓂ ᐱᓕᕆᐊᔅᓴᖃᕐᓇᐅᑎᓪᓗᒍ.

ᐊᐅᓚᑕᐅᓂᖏᑦ ᐊᒻᒪᓗ ᐊᐅᓚᓂᖏᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᑕᐃᒪᐃᖏᓐᓇᕈᔪᓐᓂᐊᖅᑯ ᐱᔾᔪᑎᒋᓪᓗᒋᑦ ᓈᒻᒪᖃᑦᑕᕐᓂᖏᓐᓄᑦ ᐳᓚᕋᑉᐸᑦᑐᑦ ᒥᕐᖑᐃᓯᕐᕕᒻᒧᑦ. ᑭᓯᐊᓂᓕ, ᐱᕙᓪᓕᐊᕋᑖᕐᓯᒪᔪᑦ ᐊᓯᔾᔩᓂᐊᖅᑐᒋᔭᐅᕗᑦ ᒥᕐᖑᐃᓯᕐᕕᐅᑉ ᐊᐅᓚᓂᕆᖃᑦᑕᕐᓯᒪᔭᖏᓐᓄᑦ ᐊᕐᕌᒍᑦ ᖁᓕᑦ ᐅᖓᑖᓂ:

  • ᑕᐃᓐᓇ ᐃᓱᖏᑎᒍᑦ ᓂᕕᖓᔪᖅ ᐃᑳᕈᑎᐅᕙᔪᔪᖅ ᐊᔅᓵᔫᑉ ᐊᖅᑯᑎᖓᑕ ᑰᓪᓚᕆᐊᓗᐊᓂᑦ ᑲᑕᔪᒻᒪᓐ ᓯᓚᓗᓗᐊᕐᓂᐊᓗᐊ ᐅᖅᑰᓗᐊᕐᓂᖓᓗ ᐊᔾᔨᐅᖏᑦᑐᒥᒃ ᐱᔾᔪᑕᐅᓪᓗᓂ 2008ᒥ.
  • ᒥᕐᖑᐃᓯᕐᕕᒻᒥ ᒫᓐᓇᓕᓴᐅᓂᖅᐹᑦ ᑭᒃᑯᑐᐃᓐᓇᕐᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᓂᕐᒧᑦ ᕿᒥᕐᕈᒍᑕᐅᓯᒪᔪᑦ ᖃᐅᔨᒍᑕᐅᓯᒪᔪᑦ ᐃᓱᒫᓘᑕᐅᓯᒪᔪᓂᒃ ᑕᒪᒃᑯᓂᖓ ᑰᒃᑯᑦ ᐃᑳᖃᑦᑕᓂᖅ, ᓇᓄᐃᑦ, ᓯᓚ, ᖃᖅᑲᓯᐅᕐᓂᖅ, ᐊᒻᒪᓗ ᐊᑐᖁᔨᔾᔪᑎᖃᖅᑐᑎᒃ ᒥᕐᖑᐃᓯᕐᕕᓕᕆᔨᒃᑯᑦ ᐃᓱᒪᒋᔭᖃᖁᓪᓗᒋᑦ ᓅᑦᑎᓂᕐᒥᒃ ᐃᓪᓗᕋᓛᕐᓂᒃ ᐊᑦᑕᓇᙱᓂᕐᓴᐅᔫᒥᔪᒧᑦ ᐊᒻᒪᓗ ᐋᖅᑭᓯᓗᑎᒃ ᐃᖅᑲᓇᐃᔭᖅᑎᓄᑦ ᐃᓪᓗᕋᓛᕐᓂᒃ ᐸᓐᓂᖅᑐᕈᓗᒻᒥ ᐹᖓᓂ ᒥᕐᖑᐃᓯᕐᕕᐅᑉ.
  • ᐋᖅᑭᒋᐊᕆᐊᓖᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓪᓗᖁᑎᖓᑦ ᕿᑭᖅᑕᕐᔪᐊᕐᒥ ᐃᑲᔫᑎᖃᖃᑦᑕᓂᐊᕐᖓᑦ ᑐᙵᓱᑦᑎᑦᑎᖃᑦᑕᓂᕐᒥᒃ ᐳᓚᕋᑦᑎᓂᒃ ᑐᙵᓇᕐᓂᕐᓴᐅᓂᐊᕐᖓᑕ ᐊᒻᒪᓗ ᓄᓇᓕᓐᓄᑦ ᐱᕚᓪᓕᕈᑕᐅᔪᓐᓇᑦᑎᐊᕋᔭᖅᑐᓂ ᕿᑭᖅᑕᕐᔪᐊᕐᒥ.
  • ᐱᐅᓯᑎᑕᐅᒋᐊᖁᓪᓗᒋᑦ ᓯᓚᑖᓄᑦ ᐱᓕᕆᖃᑎᖃᕐᓂᕆᕙᑦᑕᖏᑦ ᐊᒻᒪᓗ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᐸᑦᑐᓂᒃ, ᓄᑖᓂᒃ ᐃᖅᑲᓇᐃᔮᔅᓴᓂᒃ ᓴᖅᑮᓯᒪᒻᒪᑕ ᓄᓇᕗᒻᒥ ᐱᓕᕆᕕᒻᒥ. ᑖᒃᑯᐊ ᐃᖅᑲᓇᐃᔮᑦ ᐊᒥᓱᕈᖅᑎᑦᑎᒋᐊᒃᑲᓂᕐᓂᐊᖅᑐᑦ ᐱᓕᕆᔨᖏᓐᓂᒃ ᐱᓕᕆᕕᒻᒥ ᐋᖅᑭᔅᓱᐃᖃᑦᑕᓂᐊᖅᑎᓪᓗᒋᑦ ᐊᑐᖃᑦᑕᓂᐊᖅᑎᓪᓗᒋᓪᓗ ᐳᓚᕋᑦᑎᓄᑦ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᕈᑎᔅᓴᓂᓪᓗ ᓴᓇᔭᐅᕙᑦᑐᓂᓪᓗ.

ᐊᓯᕈᐃᔪᖃᓪᓗᐊᑲᓪᓚᒐᐃᑉᐸᓐ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓂ ᐊᓪᓚᕝᕕᓕᕆᔭᐅᓂᖓᓂᓪᓗ, ᐱᓗᐊᖅᑐᒦᓛᒃ ᐱᔾᔪᑎᒋᓗᒍ ᐱᓕᕆᕖᑦ ᓇᑉᐸᑎᖅᑕᐅᕙᑦᑐᑦ, ᑕᐃᒪᐃᖃᑦᑕᕈᓐᓇᖅᐳᑦ, ᐱᑦᑎᐊᕋᓱᐊᕐᓂᒃᑯᑦ, ᐊᑐᐃᓐᓇᕈᖅᑕᐅᖃᑦᑕᕐᓗᑎᒃ ᑭᒃᑯᑐᐃᓐᓇᕐᓄᑦ ᖃᓄᖅ ᐃᓱᒪᒋᔭᐅᒻᒪᖔᑕ ᖃᐅᔨᒋᐊᖅᑕᐅᖃᑦᑕᕐᓗᑎᒃ ᐊᒻᒪᓗ ᐱᑕᖃᕆᐊᖃᑐᐃᓐᓇᕆᐊᓕᒃ ᐊᕙᑎᖓᑕ ᖃᐅᔨᓴᖅᑕᐅᓂᖓᓂᑦ ᐅᕝᕙᓘᓐᓃᑦ ᑕᐃᒪᐃᓕᐅᖁᔨᔪᖃᑐᐃᓐᓇᕆᐊᓕᒃ ᐅᓇ ᐊᐅᓚᑦᑎᓂᕐᒧᓐ ᐸᕐᓇᐅᑎᔅᓴᖅ ᕿᒥᕐᕈᔭᐅᓂᕐᒦᓕᖅᑲᓐ.

ᐊᐅᓚᑦᑎᓂᕐᒧᑦ ᐸᕐᓇᐅᑦ ᐊᑐᓂ ᒥᕐᖑᐃᓯᕐᕕᓐᓄᑦ, ᐃᓂᐅᔪᓄᑦ ᐅᕝᕙᓘᓐᓃᑦ ᑕᕆᐅᕐᓄᑦ ᓴᐳᔾᔨᕕᐅᔪᓄᑦ ᐊᑐᓕᖅᑎᑦᑎᕗᖅ ᓇᒧᓐᖓᐸᓪᓕᐊᓂᐊᕐᓂᖏᓐᓄᑦ ᑕᕝᕙᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑎᒥᐅᖓᑦᑕ ᐸᕐᓇᐅᑎᖓᓂ ᑕᒪᕐᒥᒃ ᐱᓕᕆᐊᖑᔪᓄᑦ ᐊᒻᒪᓗ ᐊᑐᖅᑐᑎᑦ ᖃᓄᖅᑑᕈᑎᔅᓴᓪᓗᐊᑕᐅᔪᓂᒃ ᓴᖅᑭᑎᑦᑎᒍᑕᐅᓂᐊᕐᖓᑕ ᖃᓄᐃᒍᑎᒥᓂᕐᓂᒃ ᑲᔪᓯᑎᑕᐅᔪᒪᓯᒪᔪᒥᓂᕐᓂᕐᓗ ᑲᔪᓯᑎᑦᑎᓗᓂ. ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᓵᙵᔭᐅᔪᓐᓇᕐᓂᖏᓐᓂᒃ ᑐᙵᕕᐅᓗᑎᒃ ᑎᑎᖅᑲᐅᒻᒪᑕ ᐊᒻᒪᓗ ᖃᐅᔨᒃᑲᐃᒍᑎᐅᓪᓗᑎᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᖃᓄᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᓄᖅ ᑲᒪᒋᔭᖃᖃᑦᑕᕐᒪᖔᑕ ᐱᓇᓱᐊᕋᔅᓴᖏᓐᓂᒃ. ᑲᒪᒋᔭᖃᓗᐊᕐᓂᖅ ᖃᓄᐃᓕᒍᑕᐅᔪᓂᒃ ᐱᒻᒪᕆᐅᓂᖅᐹᖑᕗᖅ ᑕᕝᕙᓂ ᑐᓴᖅᑎᑦᑎᖃᑦᑕᕆᐊᖃᕐᓂᕐᒥᒃ ᐋᖅᑭᓯᒪᓂᖓᓂ.

11.0 ᖃᐅᔨᓴᕐᓂᖅ

ᐊᐅᓚᑦᑎᓂᕐᒧᑦ ᐸᕐᓇᒍᑎᖓᑕ ᐃᖏᕐᕋᓂᖓᑦ ᐱᖃᓯᐅᔾᔨᓯᒪᒻᒪᑦ ᖃᐅᔨᓴᖃᑦᑕᓂᕐᒥᒃ ᖃᐅᔨᓴᕐᓂᒥᓪᓗ ᐱᔾᔪᑎᖏᓐᓂᒃ ᐊᑐᖅᑎᑦᑎᕙᓪᓕᐊᓂᕐᒧᑦ ᐊᒻᒪᓗ ᖃᐅᔨᒪᒋᐊᕈᑕᐅᓗᓂ ᐸᕐᓇᑕᐅᓯᒪᔪᑦ ᖃᓄᖅᑑᕈᑕᐅᔪᒫᕐᓂᐊᕐᓯᒪᔪᑦ ᐊᑑᑎᖃᑦᑎᐊᕋᓗᐊᕐᒪᖔᑕ ᑲᔪᓯᑎᑦᑎᓂᕐᒧᑦ ᐊᑐᖅᑕᐅᔪᒪᓯᒪᔪᓂᒃ ᐊᒻᒪᓗ ᐱᕕᖃᖅᑎᑦᑎᓗᑎᒃ ᐋᖅᑭᒋᐊᕆᓂᕐᒧᑦ, ᑕᐃᒪᐃᒋᐊᖃᕈᑎᒃ. ᖃᓄᐃᓕᐅᕈᑎᖃᖅᐸᓪᓕᐊᓂᖏᑦ ᑎᑭᓐᓇᓱᐊᖅᑕᑎᓐᓂ ᐱᔭᕇᖅᓯᔪᓐᓇᖁᓪᓗᑕ ᐋᖅᑭᒃᑕᐅᔪᐃᑦ ᑕᒪᒃᑯᐊ ᓇᓗᓇᐃᕈᑎᖏᑦ ᖃᓄᐃᓕᐅᕈᑎᒋᔭᐅᓇᓱᐊᖅᑐᓄᑦ ᖃᐅᔨᓴᖅᑕᐅᕗᐃᑦ “ᓇᒦᓕᕐᓂᑎᓐᓂ” ᐊᑐᖅᑐᑕ ᐅᓂᒃᑳᓕᐅᖅᑐᑕ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᑲᓇᑕᒥ ᐅᐊᑦᑎᐊᕈ ᐊᑐᖅᑕᐅᖃᑦᑕᖅᓯᒪᔪᑐᖃᕐᓂᒃ ᐊᒻᒪᓗ ᑲᓇᑕᒥ ᑕᕆᐅᕐᓂᒃ ᓴᐳᑎᔭᐅᔪᓂᒃ. ᑖᓐᓇ ᖃᐅᔨᓴᕈᑎᐅᔪᖅ ᑐᙵᕕᒋᔭᐅᕗᖅ ᑕᓪᓕᒪᓄᑦ ᐊᕐᕌᒍᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᒻᒧᑦ ᕿᒥᕐᕈᓂᕐᒧᑦ, ᐊᒻᒪᓗ ᓇᓗᓇᐃᖅᓯᒍᓐᓇᖁᓪᓗᑕ ᐱᒻᒪᕆᐅᔪᓂᒃ ᐊᖏᔫᑎᓂ ᐱᔾᔪᑕᐅᔪᓂᒃ ᐊᒻᒪᓗ ᖃᓄᖅᑑᕈᑎᓕᐅᕐᓂᐊᕐᓗᑕ ᓯᕗᓪᓕᐅᔾᔭᐅᖁᔭᐅᓯᒪᔪᑦ ᓇᓗᓇᐃᕐᓗᒋᑦ ᑭᖑᓪᓕᕐᒥ ᐊᐅᓚᑦᑎᓂᕐᒧᑦ ᐸᕐᓇᒍᑎᓕᐅᓕᕐᒥᒍᑦᑕ. ᐊᐅᔪᐃᑦᑐᖅ ᑲᓇᑕᓕᒫᒥ ᒥᕐᖑᐃᓯᕐᕕᒃ ᖃᓄᐃᓕᖓᓕᕐᒪᖔᖅ ᓯᕗᓪᓕᖅᐹᒥᒃ ᐅᓂᒃᑳᓕᐅᖅᑐᖃᓛᖅᑐᖅ ᓴᓇᔭᐅᕙᓪᓕᐊᓗᓂ 2013/2014ᒧᓐ, ᓯᕗᓂᐊᒍᑦ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᒃᑲᓂᕐᓂᐅᑉ.

ᖃᐅᔨᓴᕐᓂᖅ ᒪᕐᕈᐃᓕᖅᑲᖓᒻᒪᑦ: ᖃᓄᐃᓐᓂᖏᑦ ᐊᒻᒪᓗ ᐊᑑᑎᖃᕐᓂᖏᓪᓗ.

  • ᖃᓄᐃᑦᑑᓂᖓᑕ ᖃᐅᔨᓴᖅᑕᐅᓗᓂ, ᐊᓯᖔᖓ ᐃᓱᒪᒋᓗᒍ, ᐋᖅᑭᒃᓯᒪᕗᐃᑦ ᑭᐅᔭᐅᖁᓪᓗᒍ ᐊᐱᖅᑯᑎᐅᔪᖅ- “ᖃᓄᐃᑦᑑᕙ ᖃᓄᐃᓕᖓᓂᖓᑦ ᓴᐳᔾᔭᐅᓯᒪᔪᖅ ᐱᖅᑯᓯᑎᒍᑦ ᐊᑐᖅᑕᐅᖃᑦᑕᕐᓂᑯᒥᓂᖓᓄᑦ?” ᖃᓄᐃᓐᓂᖓ ᖃᐅᔨᓴᖅᑕᐅᓲᖑᕗᑦ ᑲᔪᓰᓐᓇᖅᑐᒥᒃ ᓄᐊᑦᑎᕙᑦᑐᑎᒃ ᐊᒻᒪᓗ ᖃᐅᔨᓴᖅᐸᑦᑐᑎᓪᓗ ᑐᑭᓯᐅᒪᒍᑎᔅᓴᓂᒃ ᐅᔾᔨᖅᓱᑦᑎᐊᖅᑐᑎᒃ ᓂᕈᐊᖅᑕᐅᓯᒪᓪᓗᑎᒃ ᖃᐅᔨᒍᑎᔅᓴᐃᑦ ᓇᓗᓇᐃᒃᑯᑕᖏᓐᓂ ᐊᒃᓱᕈᒻᒪᕆᓐᓂᒃᑯᑦ ᐊᓯᔾᔨᖅᑕᙱᑦᑐᒃᑯᓪᓗ, ᐊᒻᒪᓗ ᐊᔾᔨᒌᙱᓐᓂᖏᓐᓂ ᐊᔾᔨᒌᓐᓂᖏᓐᓂᓗ ᖃᐅᔨᓴᕐᓂᒃᑯᑦ ᐊᒻᒪᓗ ᐅᓂᒃᑳᓕᐅᖅᑐᑎᑦ ᖃᐅᔨᔭᒥᓂᐅᔪᓂᒃ ᓯᕗᓂᐊᒍᑦ ᓇᓗᓇᐃᖅᑕᐅᓯᒪᔪᑎᒍᑦ ᐊᐅᓚᑦᑎᓂᒃᑯᑦ ᑕᑯᔭᐅᔪᒪᔪᓂᒃ.
  • ᐊᐅᓚᑦᑎᓂᖃᕐᓂᐊᕐᓂᖏᓐᓄᑦ ᖃᐅᔨᓴᕐᓂᖅ ᕿᒥᕐᕈᓲᖑᕗᖅ ᖃᓄᐃᓕᐅᕈᑎᖃᖅᓯᒪᓐᓂᕐᒪᖔᑦᑕ ᐊᒻᒪᓗ ᑖᒃᑯᐊ ᖃᓄᐃᓕᐅᕈᑎᒋᔭᐅᓇᓱᐊᖅᑐᐃᑦ ᐱᔭᕇᖅᓯᔪᒥᓂᐅᒻᒪᖔᑕ ᐱᓕᕆᐊᕆᓇᓱᐊᖅᑕᑎᓐᓂ. ᖃᓄᐃᓕᐅᕈᑎᖃᕐᓂᖏᑦ ᐱᔭᕇᕈᑕᐅᔪᐃᑦ ᓴᖅᑭᖁᔭᒥᓂᐅᔪᓂ ᑕᑯᒃᓴᐅᓲᖑᕗᑦ ᐊᕐᕌᒍᑕᒫᑦ ᐊᑐᓕᖅᑎᑦᑎᓂᖏᓐᓄᑦ ᐅᓂᒃᑳᕐᒥ, ᐊᒻᒪᓗᑦᑕᐅᖅ ᐅᓂᒃᑳᖓᓂ “ᖃᓄᐃᓕᖓᒻᒪᖔᑦ ᐅᓪᓗᒥᐅᓕᖅᑐᖅ”.

ᐅᐊᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓄᑦ ᐋᖅᑭᓱᖅᑕᐅᓛᖅᑐᖅ ᐊᒻᒪᓗ ᐱᐅᓯᑎᑕᐅᒋᐊᕐᓗᓂ ᑕᒪᓐᓇ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐊᑐᖅᑕᐅᓂᖓᓂᒃ. ᒪᓕᒃᑲᔭᖅᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᖓᔪᖅᑲᐅᑏᑦ ᑐᑭᒧᐊᕈᑎᖏᓐᓂ ᐊᒻᒪᓗ ᑲᒪᒋᔭᖃᕋᔭᖅᑐᓂ ᒥᕐᖑᐃᓯᕐᕕᐅᑉ ᓄᓇᖓᑕ ᓱᕐᕋᒃᑕᐅᑕᐃᓕᒪᓂᖓᓄᑦ ᓱᕋᓗᐊᖁᓇᒍ, ᐃᓕᖅᑯᓯᕐᒧᑦ ᐊᑐᖅᑕᐅᖃᑦᑕᖅᑐᐃᑦ, ᐳᓚᕋᑦᑏᑦ ᐊᑐᖃᑦᑕᓂᐊᖅᑕᖏᓐᓄᑦ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᖁᔭᒋᔭᖃᓕᖁᓪᓗᒋᑦ ᐊᒻᒪᓗ ᑐᑭᓯᐅᒪᓕᖁᓪᓗᒋᑦ ᒥᕐᖑᐃᓯᕐᕕᒻᒥ. ᐱᓕᕆᐊᖅ ᐱᓇᓱᐊᕋᔭᖅᑐᖅ ᐊᑐᕋᓱᐊᖃᑦᑕᕋᔭᖅᑐᑎᑦ ᑕᒪᒃᑮᓐᓂᒃ ᖃᐅᔨᓴᖅᑏᑦ ᖃᐅᔨᓴᐅᓯᖏᓐᓂ ᐊᒻᒪᓗ ᐃᓄᐃᑦ ᖃᐅᔨᒪᔭᖏᓐᓂ.

11.1 ᐊᕙᑎ ᓱᕐᕋᑦᑕᐅᓗᐊᖅᑕᐃᓕᒪᓂᖓ

ᒥᕐᖑᐃᓯᕐᕕᐅᑉ ᐊᕙᑎᖓᑕ ᖃᓄᐃᓐᓂᖓᓂᒃ ᖃᐅᔨᓴᕐᓂᖅ ᒪᓕᑉᐸᑦᑐᖅ ᐱᓕᕆᔾᔪᓯᐅᔪᓂᒃ ᐊᑐᐊᒐᕐᓂᓪᓗ ᓇᓗᓇᐃᖅᑕᐅᓯᒪᔪᓂᒃ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᑐᐊᒐᖏᓐᓂᒃ ᖃᐅᔨᓴᖃᑦᑕᓂᕐᒧᑦ ᑐᓴᖅᑎᑦᑎᖃᑦᑕᓂᕐᒧᓪᓗ ᐊᕙᑎᖓᑕ ᖃᓄᐃᓐᓂᖓᓂᒃ ᑲᓇᑕᐅᑉ ᒥᕐᖑᐃᓯᕐᕕᖏᓐᓂᒃFootnote 38

  • ᖃᐅᔨᒍᑎᔅᓴᐃᑦ ᐱᔾᔪᑎᓖᑦ ᐊᖏᔫᑎᓂᒃ ᐱᕈᖅᑐᓂᒃ ᓄᓇᐃᓪᓗ ᖃᓄᐃᓕᖓᓂᖏᓐᓂᒃ ᒥᕐᖑᐃᓯᕐᕕᒦᑦᑐᓂᒃ ᐊᒻᒪᓗ ᖃᓄᐃᓐᓂᖏᑦ ᖃᐅᔨᓴᖅᑕᐅᖃᑦᑕᓂᐊᖅᑐᑎᒃ ᐱᐅᓯᕙᓪᓕᐊᒻᒪᖔᑕ ᐱᐅᒍᓐᓃᐸᓪᓕᐊᒻᒪᖔᑕᓘᓐᓃᑦ ᐊᕙᑎᐅᑉ ᖃᓄᐃᓐᓂᖓᓂ.
  • ᖃᓄᖅᑑᕈᑕᐅᔪᑦ ᑕᒪᒃᑯᐊ ᐊᕙᑎᑦᑎᓃᑦᑐᑦ (ᐆᒪᔪᑦ, ᓄᓇᓖᑦ, ᐱᕙᓪᓕᐊᓂᖏᑦ) ᖃᐅᔨᓴᖅᑕᐅᖃᑦᑕᓂᐊᖅᑐᑦ ᐊᑐᓂᑦ ᖃᐅᔨᒍᑎᔅᓴᐃᑦ ᒪᓕᓪᓗᒋᑦ ᑐᑭᐅᓯᒪᒍᑎᔅᓴᑦ ᕿᒥᕐᕈᓂᕐᒧᑦ ᑕᒪᕐᒥᒃ ᖃᐅᔨᒍᑎᔅᓴᕐᒥᒃ.
  • ᐱᒋᐊᕐᕕᖏᑦ ᑕᒪᒃᑯᐊ ᓱᑯᑦᑎᐊᓃᒻᒪᖔᖅ ᖃᐅᔨᒍᑎᔅᓴᐃᑦ ᐅᕝᕙᓘᓐᓃᑦ ᖃᓄᐃᓐᓂᖓ ᖁᕝᕙᓯᒻᒪᖔᖅ, ᐊᑯᓐᓈᕿᒻᒪᖔᖅ ᐊᑉᐸᓯᒻᒪᖔᕐᓘᓐᓃᑦ ᐊᕙᑎᐅᑉ ᖃᓄᐃᓐᓂᖓ. ᐃᒪᐃᑦᑑᕗᕐᓕ, ᐱᒋᐊᕐᕕᖏᑦ ᒪᓕᓲᑦ ᐊᕙᑎᐅᑉ ᖃᓄᐃᓪᓚᑦᑖᕐᓂᖓᓂᒃ ᑭᓯᐊᓂ ᓇᓗᓇᖅᑎᓪᓗᒍ, ᐱᒋᐊᕐᕕᒋᓯᒪᔭᖏᑦ ᐊᓯᔾᔨᕐᓂᖏᑕ ᖃᐅᔨᓴᖅᑕᐅᓲᑦ ᖃᓄᐃᓐᓂᕆᓚᐅᖅᑕᖏᓐᓂᒃ ᖃᐅᔨᓴᕈᑎᒥᓃᑦ ᓈᒻᒪᑎᓪᓗᒍ ᑕᐃᒫᒃ ᐊᑐᕆᐊᖃᕐᓂᖓ ᒪᓕᓪᓗᒍ.

ᒥᕐᖑᐃᓯᕐᕕᒻᒥᒃ ᖃᐅᔨᓴᖃᑦᑕᓂᕐᒧᓐ ᐸᕐᓇᐅᑎFootnote 39 ᓴᓇᔭᐅᔪᔪᖅ ᒥᕐᖑᐃᓯᕐᕕᒻᒧᓐ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ 2008ᒥ. ᖃᐅᔨᓴᕆᐊᖅᑐᖃᑦᑕᕋᔅᓴᐃᑦ ᒥᕐᖑᐃᓯᕐᕕᐅᑉ ᐊᕙᑎᖓᓂ ᖃᐅᔨᒪᔾᔪᑎᔅᓴᐃᑦ ᓇᓗᓇᐃᖅᑕᐅᔪᔪᑦ ᐊᒻᒪᓗ ᐱᒋᐊᙵᐅᑎᓂᒃ ᐆᑦᑐᖅᓯᒍᑎᔅᓴᓂᒃ ᓴᓇᔪᖃᔪᔪᖅ ᐃᓛᒃᑯᑦ ᑕᐃᒃᑯᓄᖓ ᖃᐅᔨᓴᖅᑕᐅᖃᑦᑕᓂᐊᖅᑐᓄᑦ (See ᑕᑯᒍᒃ ᓇᓗᓇᐃᖅᑐᐃᒍᑎ 1).ᐊᑕᖕᒌᔪᓂᒃ ᐆᑦᑐᖃᑦᑕᕋᔅᓴᓂᒃ ᓴᓇᔪᖃᖅᓯᒪᓛᖅᑐᒋᔭᖅ 2013ᒥ ᐅᖃᐅᔾᔭᐅᒋᐊᖃᑦᑕᕐᓗᑎᒃ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᒻᒥᑦ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓄᑦ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑲᒪᒋᔭᖃᖅᐸᒻᒥᔪᑦ ᐊᐅᓚᑦᑎᓂᖅ ᐊᑑᑎᖃᑦᑎᐊᕋᓗᐊᕐᒪᖔᖅ ᖃᐅᔨᓴᖅᐸᑦᑐᑎᒃ ᐊᕙᑎᐅᑉ ᖃᓄᐃᓐᓂᖓᓂᒃ ᕿᒥᕐᕈᓪᓗᑎᒃ ᑭᒃᑯᑐᐃᓐᓇᕐᓄᑦ ᐊᕙᑎᐅᑉ ᐊᑦᑐᖅᑕᐅᖃᑦᑕᕐᓂᖓᓂᒃ ᒥᕐᖑᐃᓯᕐᕕᒻᒥ ᐊᒻᒪᓗ ᑕᒪᑐᒧᖓ ᑐᕌᖓᔪᑦ ᐊᐅᓚᑦᑎᓂᕐᒧᑦ ᖃᓄᖅᑑᕈᑎᔅᓴᐃᑦ. ᐱᖓᓱᑦ ᐊᐅᓚᑦᑎᓂᖅ ᐊᑑᑎᖃᑦᑎᐊᕋᓗᐊᕐᒪᖔᖅ ᖃᐅᔨᓴᕈᑕᐅᔪᑦ ᓇᓗᓇᐃᖅᑕᐅᓯᒪᔪᑦ ᐅᓪᓗᒥᒧᑦ ᑎᑭᑦᑐᒍ ᐱᓕᕆᐊᖑᒻᒪᑕ ᐱᕙᓪᓕᐊᑎᑕᐅᔭᕆᐊᖃᕋᔭᖅᐸᓪᓚᐃᓪᓗᑎᒃ: ᐳᓚᕋᑦᑎᓄᑦ ᐊᑐᖅᑕᐅᖃᑦᑕᕐᓂᕆᕙᑦᑕᖓ ᐊᒃᓵᔫᑉ ᐊᖅᑯᑎᖓ, ᐊᑦᑐᐃᓂᕆᕙᑦᑕᖓ ᑭᒃᑯᑐᐃᓐᓇᐃᑦ ᐱᓱᓐᓂᕆᕙᑦᑕᖓᑦ ᐊᕙᑎᖓᓂᒃ ᐊᖅᑯᑎᖓᑕ, ᐊᒻᒪᓗ ᐅᒥᐊᕐᔪᐊᒃᑯᑦ ᐃᖏᕐᕋᕙᑦᑐᓂᒃ ᕿᒥᕐᕈᖃᑦᑕᕐᓂᖅ ᒪᓕᑦᑐᒍ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᐅᓚᑦᑎᔨᖏᓐᓄᑦ ᑎᓕᓯᔾᔪᑕᐅᓯᒪᔪᑦ 2.4.2. ᑐᓴᖅᑎᑦᑎᖃᑦᑕᕐᓂᖅ ᐊᐅᓚᑦᑎᕙᓪᓕᐊᓂᕐᓗ ᓂᕆᐅᒋᔭᐅᕗᖅ ᐱᒋᐊᕋᔭᕆᐊᖓ ᑕᒫᓂ 2013ᒥ.

11.2 ᖃᓄᐃᓕᖓᓂᖏᑦ ᐃᓕᖅᑯᓯᖅᑎᒍᑦ ᐊᑐᖅᑕᐅᖃᑦᑕᕐᓯᒪᔪᑦ

ᒥᕐᖑᐃᓯᕐᕕᓕᕆᔨᒃᑯᑦ ᖃᐅᔨᓴᖃᑦᑕᕐᓂᖓᑦ ᐃᓕᖅᑯᓯᖅᑎᒍᑦ ᐊᑐᖅᑕᐅᖃᑦᑕᕐᓯᒪᔪᓂᒃ ᐱᒋᐊᖅᐸᓪᓕᐊᓕᑕᐃᓐᓇᕐᖓᑦ ᐊᒻᒪᓗ ᓂᕆᐅᒋᔭᐅᓪᓗᓂ ᐱᔾᔪᑎᖃᓗᐊᕋᔭᕆᐊᖓ ᐃᓕᖅᑯᓯᖅᑎᒍᑦ ᐊᑐᖅᑕᐅᓪᓚᕆᖃᑦᑕᕐᓯᒪᔪᓂᒃ. ᐊᖁᑦᑕᐅᖃᑦᑕᓂᐊᖅᑐᖅ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᖅᑯᓯᑐᖃᕐᒨᖓᔪᓂᒃ ᐱᖁᑎᓂᒃ ᐊᐅᓚᑦᑎᓂᕐᒧᓐ ᐊᑐᐊᒐᖏᓐᓄᑦ, ᑐᑭᒧᐊᖅᑎᑕᐅᒋᐊᖃᑦᑕᕐᓗᑎᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᓇᒻᒥᓂᖅ ᐊᐅᓚᓐᓂᕐᒧᓐ ᐸᕐᓇᐅᑎᖓᓄᑦ ᐊᒻᒪᓗ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᒻᒥᑦ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓄᑦ.

ᓇᓗᓇᐃᖅᑐᐃᒍᑎ 1: ᐊᕙᑎᐅᑉ ᖃᓄᐃᓐᓂᖓᓂᒃ ᖃᐅᔨᓴᕐᓂᖅ
ᐊᕙᑎᒥᒃ ᖃᐅᔨᓴᐅᑦ ᒫᓐᓇ ᖃᐅᔨᓴᕈᑕᐅᕙᑦᑐᖅ
ᓯᕐᒥᒃ/ᖁᐊᖑᐃᓐᓇᖅᑐᖅ ᓯᑯ ᓯᕐᒥᑉ ᖃᓄᐃᓕᖓᓕᕐᓂᖓᑦFootnote 40
ᐊᐳᒻᒧᑦ ᐊᒻᒪᓗ ᓯᑯᒧᑦ ᓱᕈᐃᒍᑏᑦ
ᓄᓇᖓ ᐱᕈᖅᑐᓕᒃ ᐱᕈᖅᐸᓪᓕᐊᓂᖃᕐᓂᖓFootnote 41
ᓄᓇ ᖁᐊᖑᐃᓐᓇᕐᓂᖓᑦ ᐊᒻᒪᓗ ᖃᓕᕇᓐᓂᖓᑦFootnote 42 ᐃᑎᓂᖓ
ᐱᕈᖅᑐᑦ ᐊᔾᔨᒌᙱᑦᑐᑦ
ᓯᔾᔭᖓ/ᐃᒪᖓ ᓯᑯ – ᐅᖓᓯᒃᑐᒥᒃ ᖃᐅᔨᓴᕈᑎ
ᓯᑰᑉ ᐃᔾᔪᓂᖓ - ᓄᓇᓕᓐᓂ ᖃᐅᔨᓴᖅᑕᐅᕙᑦᑐᖅ
ᓯᑯᖃᑦᑕᕐᓂᖓ ᐊᐅᖃᑦᑕᕐᓂᖓᓗFootnote 43 – ᐃᓄᐃᑦ ᖃᐅᔨᒪᔭᖏᑦ
ᓄᓇᐅᑉ ᓯᓈᖓᑕ ᐊᓯᕈᕐᓂᖓFootnote 44
ᐃᒪᑦᑎᐊᕙᒃ ᐃᒪᑉ ᖃᓄᐃᓐᓂᖓ/ᐊᓯᔾᔨᖃᑦᑕᕐᓂᖓ
ᖁᓛ ᐃᒪᑦᑎᐊᕙᒃ (ᒥᕐᖑᐃᓯᕐᕕᓕᕆᔨᒃᑯᑦ ᖃᐅᔨᓴᕈᑎᖏᑦ ᐅᖓᓯᒃᑐᒧᑦ ᐱᓕᕆᐊᖅ)
ᑕᓰᒃ ᖃᖓᒃᑯᑦ ᓯᑯᖃᑦᑕᕐᓂᖏᑦ ᐊᐅᖃᑦᑕᕐᓂᖏᓪᓗ
ᓇᓗᓇᐃᖅᑐᐃᒍᑎ 2: ᐳᓛᕆᐊᖅᑐᑦ ᓱᓂᒥᓂᖏᓐᓂᑦ ᖃᐅᔨᓴᖃᑦᑕᕐᓂᖅ
ᐳᓚᕋᑦᑏᑦ ᐊᑐᖅᑕᐅᒥᓂᖏᓐᓄᑦ ᖃᐅᔨᒍᑎᔅᓴᐃᑦ ᖃᐅᔨᒍᑕᐅᓂᖓ
ᓇᒻᒥᓂᖅ ᑲᓲᒪᓂᖅ ᐳᓚᕋᑦᑏᑦ ᐃᓱᒪᒋᔭᖃᖅᐸᑦᑐᑦ ᒥᕐᖑᐃᓯᕐᕕᒻᒥᒃ ᐊᑑᑎᖃᕐᓂᖓᓂᑦ ᑖᒃᑯᓄᖓ
ᐳᓚᕋᑦᑏᑦ ᓈᒻᒪᔅᓴᖃᑦᑕᖅᑐᑦ
ᓂᐅᕐᕈᑏᑦ ᓴᖅᑭᔮᕆᐊᒃᑲᓐᓂᕈᑏᓪᓗ ᐊᒥᓲᓂᖏᑦ ᐳᓛᕆᐊᖅᐸᑦᑐᑦ
ᓄᓇᐃᑦ ᐅᐸᒍᒥᓇᖅᑐᑦ
ᓄᓇᐃᑦ ᐅᐸᒍᒥᓇᖅᑐᑦ ᐳᓚᕋᑦᑏᑦ ᐃᓕᑉᐸᑦᑐᑦ ᐊᑐᖅᑕᒥᒍᑦ ᐱᖃᑕᐅᖃᑦᑕᓂᕐᒥᒍᓪᓗ
ᐱᓕᕆᐊᑦ ᐱᔨᑦᑎᕋᐅᑏᓪᓗ ᐳᓚᕋᑦᑏᑦ ᖁᕕᐊᒋᔭᖃᖅᑐᒥᓃᑦ ᐊᐅᓪᓚᕐᓯᒪᓂᕆᓚᐅᖅᑕᒥᓐᓂᒃ
ᐳᓚᕋᑦᑏᑦ ᓈᒻᒪᓴᖅᑐᑦ ᐊᑐᐃᓐᓇᐅᓂᖏᓐᓂᒃ ᖃᓄᐃᑦᑑᓂᖏᓐᓂᓪᓗ ᐱᓕᕆᐊᖑᕙᑦᑐᑦ ᐱᔨᑦᑎᕋᐅᑕᐅᕙᑦᑐᓪᓗ

11.3 ᐳᓛᕆᐊᖅᑐᐃᑦ ᐳᓛᕐᓂᖏᑦ

ᒥᕐᖑᐃᓯᕐᕕᒻᒧᑦ ᐳᓛᕆᐊᖅᑐᐃᑦ ᐳᓛᕐᓂᖏᑕ ᖃᓄᐃᓐᓂᖏᓐᓂ ᖃᐅᔨᓴᖅᑕᐅᓂᖓᑦ ᐱᒋᐊᓚᐅᖅᓯᒪᔪᖅ 2003-ᖑᑎᓪᓗᒍ ᐊᒻᒪᓗ ᑐᑭᓯᒋᐊᕈᑎᖏᓐᓂᒃ ᐱᕙᑦᑐᑎᑦ ᐳᓛᕆᐊᖅᓯᒪᔪᐃᑦ ᖃᐅᔨᓴᖅᑕᐅᓂᖏᓐᓂ. ᑕᒪᐃᓐᓂ ᐳᓛᕆᐊᖅᑐᐃᑦ ᒥᕐᖑᐃᓯᕐᕕᒻᒧᑦ ᑎᑎᕋᓲᖑᕗᑦ ᑕᑕᑎᕆᐊᓕᓐᓂᒃ ᐊᒻᒪᓗ ᑐᑭᓯᑎᑕᐅᒋᐊᖅᑐᑎᒃ ᒥᕐᖑᐃᓯᕐᕕᐅᑉ ᒥᔅᓵᓄᑦ ᒥᕐᖑᐃᓯᕐᕕᒻᒨᓚᐅᖅᑎᓐᓇᒋᑦ. ᑎᑎᕋᕐᕕᔅᓴᐃᑦ ᐱᖃᓯᐅᔾᔨᓯᒪᓲᑦ ᐊᐅᓪᓚᕆᐊᓯᓚᐅᙱᓐᓂᖏᓐᓂᒃ ᖃᐅᔨᓴᐅᒻᒥᑦ. ᐳᓛᕆᐊᖅᐸᑦᑐᑦ ᑕᒪᕐᒥᐸᓗᒃ ᑎᑎᕋᕐᕕᖃᓲᑦ ᐃᓱᒪᕐᓲᑕᐅᓪᓗᑎᒃ ᐳᓚᕋᑦᑎᓄᑦ ᖃᐅᔨᓴᐅᑎᓄᑦ ᐊᓂᓕᕋᐃᒻᒪᑕ ᒥᕐᖑᐃᓯᕐᕕᒻᒥ ᐊᐅᓪᓚᕐᓯᒪᓚᐅᖅᑐᑎᒃ.

ᐊᐅᓪᓚᓚᐅᙱᓐᓂᖏᓐᓂᒃ ᐊᒻᒪᓗ ᐳᓚᕋᑦᑎᓄᑦ ᖃᐅᔨᓴᐅᑏᑦ ᑐᑭᓯᓇᑦᑎᐊᖅᑐᓂᒃ ᑐᑭᓯᐅᒪᒍᑎᔅᓴᖃᓲᑦ ᐳᓚᕋᑦᑏᑦ ᖃᐅᔨᓴᖅᑕᐅᓂᕆᕙᑦᑕᖏᓐᓂᒃ, ᐊᑯᓂᐅᓂᕆᕙᑦᑕᖏᓐᓂᒃ ᒥᕐᖑᐃᓯᕐᕕᒻᒥ, ᐊᓯᖏᓐᓂᒃ ᐊᐅᓪᓚᕐᕕᒋᔪᒪᓯᒪᔭᖏᓐᓂᒃ, ᐊᒻᒪᓗᑦᑕᐅᖅ ᓇᓗᓇᐃᖅᑐᖅᓯᒪᔪᓂᒃ ᐊᐱᖅᑯᑎᓂᒃ ᐱᔾᔪᑎᓕᓐᓂᒃ ᖃᓄᐃᑦᑐᓂᒃ ᓂᕆᐅᓚᐅᕐᒪᖔᑕ ᒥᕐᖑᐃᓯᕐᕕᓕᐊᕐᓂᐊᖅᑐᑎᒃ, ᐊᒻᒪᓗ ᐊᑐᖅᑕᒥᓂᖏᑦ ᐊᔾᔨᒋᓐᓂᕐᒪᖔᒋᑦ ᓂᕆᐅᒋᓚᐅᖅᑕᖏᑕ ᑕᒫᓃᒌᖅᓯᒪᓕᖅᑎᓪᓗᒋᑦ ᐊᒻᒪᓗ ᖃᓄᑐᐃᓐᓇᖅ ᐳᓛᕆᐊᖅᓯᒪᔪᑦ ᐃᒫᖔᖅ ᐱᒍᔅᓰᓚᒍᓐᓇᖅᑐᑎᒃ ᐊᑲᐅᓯᒋᐊᕈᑎᔅᓴᓂᒃ ᓯᕗᓂᕆᓛᖅᑕᑎᓐᓂ ᐳᓛᕆᐊᖅᑐᓄᑦ ᓱᔭᐅᖃᑦᑕᓛᖅᑐᓂᒃ, ᐱᔨᑦᑎᕋᐅᑎᓂᓪᓘᓐᓃᑦ ᐅᕝᕙᓘᓐᓃᑦ ᐊᐱᖅᑯᑎᓕᐅᕐᓂᕐᒥᒃ.

ᖃᐅᔨᓴᖅᑕᐅᔪᑦ ᓄᑖᕈᕆᐊᖅᑕᐅᓚᐅᖅᓯᒪᔪᑦ ᒪᓕᑦᑐᒋᑦ ᖃᐅᔨᓴᕈᑕᐅᓚᐅᕐᓯᒪᔪᑦ ᐳᓚᕋᑦᑎᓂᒃ ᐊᐅᓪᓚᕐᓯᒪᓂᖓ ᖃᓄᐃᓚᐅᕐᒪᖔᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ 2004-ᒥ ᐊᒻᒪᓗ 2005-ᒥ ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ, ᓯᓚᑦᑐᓴᕐᕕᕐᔪᐊᕐᒥ ᒫᓐᑖᓇᒥ ᐊᒻᒪᓗ ᐊᓪᑐ ᓕᐅᐳᓪᑦ ᐅᒪᔪᓕᕆᓂᕐᒧᑦ ᖃᐅᔨᓴᕐᕕᒻᒥ. ᑕᒃᑯᐊ ᐊᐱᖅᑯᑏᑦ ᑕᑕᑎᕆᐊᓖᑦ ᓄᑖᕈᖅᑎᑕᐅᔪᑦ ᒪᓕᔅᓴᖅᑎᑕᐅᓪᓗᑎᒃ ᐅᓪᓗᒥᐅᓕᖅᑐᖅ ᐳᓛᕆᐊᖅᑐᓄᑦ ᓱᓕᐊᕐᓂᐅᕙᓕᖅᑐᓂᒃ,ᑕᐃᒃᑯᓂᖓᓗ ᖃᐅᔨᔭᐅᓯᒪᔪᓂᒃ ᐊᐱᖅᑯᑎᓂᒃ ᑭᐅᑎᑦᑎᖃᑦᑕᓂᒃᑯᑦ, ᐊᒻᒪᓗᑦᑕᐅᖅ ᓇᓗᓇᐃᕋᓱᐊᖅᑐᒋᑦ ᑲᓇᑕᓕᒫᒥ ᓱᓕᐊᕐᓂᐅᕙᑦᑐᓂᒃ ᒥᕐᖑᐃᓯᕐᕕᓐᓄᑦ ᑎᑎᖅᑕᐅᖃᑕᐅᓂᐊᕐᖓᑕ.

ᖃᐅᔨᔾᔪᑎᔅᓴᐃᑦ ᐳᓚᕋᑦᑏᑦ ᐊᑐᖅᑕᒥᓂᖏᓐᓄᑦ ᐊᑐᖅᑕᐅᓯᒪᔪᑦ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐅᑯᐊᖑᕗᑦ ᓇᓗᓇᐃᖅᑐᐃᒍᑎ 2.

11.4 ᐊᓯᖏᓐᓂᒃ ᐱᓕᕆᖃᑎᖃᕐᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

ᓴᖅᑭᖅᐸᓪᓗᐊᔪᑦ ᑐᑭᒧᐊᒍᑏᑦ ᖃᐅᔨᓴᕐᓂᕐᒧᑦ ᐊᓯᖏᓐᓂ ᐱᓕᕆᖃᑎᖃᕐᓂᕐᒥᒃ ᐊᒻᒪᓗ ᐃᓕᓐᓂᐊᕈᑎᓂᒃ ᑎᓴᒪᓂᒃ ᖃᐅᔨᓴᖅᑕᐅᔭᕆᐊᖃᖅᑎᑎᒻᒪᑦ: ᐅᔾᔨᕈᓱᓐᓂᖅ, ᑐᑭᓯᐅᒪᓂᖅ, ᖁᔭᒋᔭᖃᕐᓂᖅ ᐊᒻᒪᓗ ᐃᓕᓐᓂᐊᕐᓂᖅ. ᖃᐅᔨᓴᕐᓂᕐᒧᑦ ᐱᓕᕆᐊᖅ ᓇᓗᓇᐃᖅᓯᔭᕆᐊᖃᕋᔭᖅᐳᖅ ᖃᐅᔨᓴᕈᑎᓂᒃ ᑖᒃᑯᓂᖓ ᓇᓗᓇᐃᕈᑎᐅᔪᓂᒃ ᐊᒻᒪᓗᒃᑕᐅᖅ ᑐᕌᒐᖏᓐᓂᒃ.

ᖃᐅᔨᓴᕐᓂᕐᒧᑦ ᐱᓕᕆᐊᖅ ᐊᓯᖏᓐᓂ ᐱᓕᕆᖃᑎᖃᕐᓂᕐᒧᑦ ᐊᒻᒪᓗ ᐃᓕᓐᓂᐊᕈᑎᔅᓴᓂᓪᓗ ᐱᓕᕆᐊᑦ ᐋᖅᑭᓱᖅᑕᐅᒐᔭᖅᑐᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐊᑐᖅᑕᐅᓂᓕᒫᖓᓂ ᐊᒻᒪᓗ ᒪᓕᒃᑲᔭᖅᑐᑎᑦ ᑎᓕᓯᔾᔪᑕᐅᕙᑦᑐᓂᒃ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑎᒥᖓᓐᓄᑦ ᐸᕐᓇᐅᑎᖓᓐᓂᒃ. ᐱᓕᕆᐊᑦ ᑐᕌᖓᔪᑦ ᖃᓂᒋᔭᓕᓐᓄᑦ ᓄᓇᓕᓐᓄᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᖃᐅᔨᓴᖅᑕᐅᖏᓐᓇᓕᒫᕐᓂᐊᑐᔅᓴᐅᔪᑦ ᑲᑎᒪᓪᓚᑦᑖᕐᓂᐅᖏᑦᑐᒥᒃ ᐅᖃᖃᑎᖃᖃᑦᑕᕐᓗᑎᒃ ᓄᓇᓕᓐᓂᒃ.

11.5 ᖃᓄᐃᓕᖓᓂᖏᑦ ᑎᒍᒥᐊᖅᑎᐅᖃᑕᐅᔪᑦ ᐱᓕᕆᖃᑎᒋᔭᐅᖃᑦᑕᕐᓂᖏᓐᓂ

ᑲᑐᔾᔨᖃᑕᐅᔪᑦ, ᐱᓗᐊᖅᑐᒥ ᐳᓚᕋᖅᑐᓕᕆᕙᒃᑐᑦ, ᐃᓕᓴᐃᔩᑦ ᐊᒻᒪᓗ ᖃᐅᔨᓴᖅᑏᑦ, ᐱᒻᒪᕆᐅᓘᕗᐃᑦ ᐊᐅᓚᑕᐅᓂᖓᓄᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᐅᑉ ᐊᒻᒪᓗ ᐊᑐᓕᖅᑎᑕᐅᓂᖏᑦ ᐱᓕᕆᐊᑦ ᑐᕌᖓᔪᑦ ᐳᓚᕋᑦᑏᑦ ᐊᑐᖅᐸᑦᑕᖏᓐᓄᑦ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑦᑎᓂᕐᒧᑦ ᐊᒻᒪᓗ ᓴᐳᔾᔨᓂᖅ ᐊᕙᑎᖓᓂᒃ ᐊᒻᒪᓗ ᐃᓕᖅᑯᓯᕐᒧᑦ ᐊᑐᖅᑕᐅᕙᑦᑐᓂᒃ. ᓇᓗᓇᐃᔭᖅᓯᒪᑦᑎᐊᓂᕐᓴᐃᑦ ᐱᒻᒪᕆᐅᓂᖓᓂᒃ ᑎᒍᒥᐊᖅᑎᐅᖃᑕᐅᔪᑦ ᐃᓚᐅᖃᑕᕐᓂᖏᓐᓂᒃ ᐊᑐᐃᓐᓇᐅᕗᑦ ᓯᕗᓂᐊᓂ ᑖᔅᓱᒪᑉ ᐊᐅᓚᑦᑎᓂᕐᒧᑦ ᐸᕐᓇᐅᒻᒥ, ᑎᑎᕋᕐᓯᒪᓂᖓᓂ ᐱᓕᕆᖃᑎᒌᓐᓂᖅ ᐊᒻᒪᓗ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᐃᓚᐅᑎᑦᑎᓂᖅ.

ᖃᐅᔨᓴᕐᓂᕐᒧᑦ ᐱᓕᕆᐊᖅ ᑎᒍᒥᐊᖅᑎᐅᖃᐅᔪᑦ ᐃᓚᐅᓂᖏᓐᓂ ᐱᑕᖃᙱᒻᒪᑦ ᒫᓐᓇ. ᑖᓐᓇ ᖃᐅᔨᓴᕐᓂᕐᒧᑦ ᐱᓕᕆᐊᖅ ᐋᖅᑭᓱᖅᑕᐅᒐᔭᖅᑐᖅ ᐊᑐᖅᑕᐅᓂᖓᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᔪᖅ ᐊᒻᒪᓗ ᒪᓕᒃᑲᔭᖅᑐᑎᑦ ᑎᓕᓯᔾᔪᑕᐅᕙᑦᑐᓂᒃ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑎᒥᖓᓐᓄᑦ ᐸᕐᓇᐅᑎᖓᓐᓂᒃ.

ᓴᖅᑭᖅᐸᓪᓕᐊᔪᑦ ᑐᑭᒧᐊᕈᑎᖏᑦ ᖃᐅᔨᓴᕐᓂᕐᒧᑦ ᑎᒍᒥᐊᖅᑎᐅᖃᑕᐅᔪᑦ ᐃᓚᐅᖃᑕᕐᓂᖏᓐᓂᒃ ᐱᖓᓱᓂᒃ ᓇᓗᓇᐃᕈᑎᓂᒃ ᖃᐅᔨᓴᖅᑕᐅᔭᕆᐊᖃᖅᑎᑦᑎᕗᖅ: ᐃᑲᔪᕐᓂᖅ, ᐊᐅᓚᔾᔭᐃᓂᖅ ᐊᒻᒪᓗ ᐃᓚᐅᓪᓚᑦᑖᖃᑦᑕᕐᓂᖅ. ᖃᐅᔨᓴᕐᓂᕐᒧᑦ ᐱᓕᕆᐊᖅ ᓇᓗᓇᐃᖅᓯᓯᒪᔭᕆᐊᓕᒃ ᑖᒃᑯᓂᖓ ᓇᓗᓇᐃᕈᑎᓂᒃ ᐊᒻᒪᓗᑦᑕᐅᖅ ᑐᕌᒐᖏᓐᓂᒃ.

11.6 ᖃᐅᔨᒪᒐᓱᐊᕐᓂᖅ ᐊᑐᓕᖅᑎᑕᐅᒐᓱᐊᕐᓂᖓᓂᒃ ᐆᒪ ᐊᐅᓚᑦᑎᓂᕐᒧᓐ ᐸᕐᓇᐅᑎᐅᑉ

ᐊᕐᕌᒍᑕᒫᖅ ᐅᓂᒃᑳᓕᐅᖅᑐᖃᖃᑦᑕᓛᖅᑐᑦ ᐆᒪ ᐊᐅᓚᑦᑎᓂᕐᒧᓐ ᐸᕐᓇᐅᑎᐅᑉ ᐊᑐᓕᖅᑎᑕᐅᓂᖓᓂᒃ ᓴᖅᑭᖅᑕᐅᖃᑦᑕᕐᓗᓂᓗ ᑲᑐᔾᔨᓪᓗᑎᒃ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᔩᑦ ᑲᑎᒪᔨᕋᓛᓄᑦ ᐊᒻᒪᓗ ᓄᓇᓕᓐᓄᑦ ᐸᓐᓂᖅᑑᖅ ᐊᒻᒪᓗ ᕿᑭᖅᑕᖅᔪᐊᑦ. ᐅᑯᐊ ᑎᑭᐅᑎᔭᐅᒐᓱᐊᖅᑐᑦ ᐊᑐᖅᑕᐅᓂᐊᖅᑯᑦ ᐃᓚᒋᔭᐅᓗᑎᒃ ᐆᒧᖓ ᐊᕐᕌᒍᑕᒫᖅ ᕿᒥᕐᕈᔭᐅᑎᓪᓗᒋᑦ:

ᓇᓗᓇᐃᖅᑐᐃᒍᑎ 3: ᐊᐅᓚᑦᑎᓂᕐᒧᓐ ᐸᕐᓇᐅᑏᑦ ᑎᑭᐅᑎᒐᓱᐊᖅᑕᖏᑦ
ᑐᑭᒧᐊᒍᑎᔅᓴᓪᓗᐊᑕᖅ 1: ᐃᓚᐅᑎᑦᑎᓂᖅ ᓄᓇᓕᓐᓂᑦ ᐸᓐᓂᖅᑑᒥ ᕿᑭᖅᑕᕐᔪᐊᕐᒥᓗ ᖃᐅᔨᑎᑦᑎᓂᕐᒧᑦ ᐳᓚᕋᑦᑎᓂᒃ ᓄᓇᒥᒃ, ᑕᕆᐅᕐᒥᒃ ᐊᕙᑎᖓᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂᒃ
ᐱᔾᔪᑎᖏᑦ
  • ᖃᓄᐃᓕᐅᕈᑎᒋᔭᐅᓇᓱᐊᖅᑐᐃᑦ ᑕᕝᕙᓂ ᐊᐅᓚᑦᑎᓂᕐᒧᑦ ᐸᕐᓇᒍᑎᒥ
ᑐᕌᒐᖏᑦ
ᑎᑭᑕᐅᓇᓱᐊᖅᑐᖅ 1: ᐋᖅᑮᔪᖃᕐᓗᓂ ᐊᑐᕋᒃᓴᓂᒃ ᐊᒻᒪᓗ ᐱᓕᕆᐊᕐᓂᒃ ᐊᔾᔨᒌᙱᓐᓂᖅᓴᐅᓕᖁᓪᓗᒋᑦ ᐊᒻᒪᓗ ᐱᐅᓯᑎᑕᐅᒋᐊᕐᓗᑎᑦ ᐳᓛᕆᐊᖅᑐᐃᑦ ᐊᑐᕐᓂᐊᖅᑕᖏᑦ ᐊᐅᔪᐃᑦᑐᕐᒥ ᒥᕐᖑᐃᓯᕐᕕᖓᓂ ᐊᒻᒪᓗ ᓄᓇᓕᐅᔫᓐᓂᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ. 90% ᐳᓚᕋᑦᑏᑦ ᖁᕕᐊᒋᔭᖃᖅᐸᑦᑐᑦ ᒥᕐᖑᐃᓯᕐᕕᓕᐊᕐᓯᒪᓂᕐᒥᓂᒃ.
90% ᐳᓚᕋᑦᑏᑦ ᒥᕐᖑᐃᓯᕐᕕᒻᒥ ᖃᓄᐃᔅᓴᖃᑦᑕᖏᑦᑐᑦ ᒥᕐᖑᐃᓯᕐᕕᓕᐊᕐᓯᒪᓂᕐᒥᓂᒃ.
85% ᐳᓚᕋᑦᑏᑦ ᒥᕐᖑᐃᓯᕐᕕᒻᒥᒃ ᐃᓱᒪᒋᔭᖃᕐᐸᑦᑐᑦ ᐊᑑᑎᖃᕐᓂᖓᓄᒃ ᐃᒻᒥᓐᓄᑦ.
50% ᐳᓚᕋᑦᑏᑦ ᒥᕐᖑᐃᓯᕐᕕᒻᒧᑦ ᓈᒻᒪᓴᑦᑎᐊᐸᑦᑐᑦ ᒥᕐᖑᐃᓯᕐᕕᓕᐊᕐᓯᒪᓂᕐᒥᓂ.
60% ᐳᓚᕋᑦᑏᑦ ᒥᕐᖑᐃᓯᕐᕕᒻᒧᑦ ᐃᓱᒪᒋᔭᖃᖅᐸᑦᑐᑦ ᐃᓕᑦᑐᒥᓂᐅᒋᐊᔅᓴᖅ ᖃᓄᖅ
ᐊᑐᖅᑕᐅᖃᑦᑕᕐᓯᒪᔪᑐᖃᐅᒻᒪᖔᖅ ᒥᕐᖑᐃᓯᕐᕕᒃ.
ᑲᑎᑦᑐᒋᑦ ᖃᓄᐃᒍᑕᐅᓯᒪᔪᑦ ᐅᖃᐅᓯᐅᖃᑦᑕᕐᓯᒪᔪᑦ ᒥᕐᖑᐃᓯᕐᕕᒻᒥ ᑭᖑᓪᓕᕐᒥ ᐊᑦᑕᕐᓇᕈᓐᓇᖅᑐᓂᒃ ᕿᒥᕐᕈᓂᕐᒥ ᑕᑯᔅᓴᐅᔪᖅᑕᖃᙱᑦᑐᖅ ᐊᒥᓱᕈᖅᐸᓕᕐᓯᒪᒻᒪᖔᑕ ᓯᕗᓪᓕᕐᒥ ᐊᑐᖅᑕᐅᓯᒪᔪᓂᒃ ᐊᑦᑕᕐᓇᕈᑕᐅᔪᓐᓇᖅᑐᓂᒃ ᕿᒥᕐᕈᒍᑕᐅᓯᒪᔪᓂᒃ.
ᐱᔾᔪᑎᖓ 2: ᐱᕙᓕᑎᑦᑎᒋᐊᖃᓂᖅ ᓄᓇᓕᓐᓂ ᐱᓕᕆᖃᑎᒌᓐᓂᐅᕙᑦᑐᑦ ᖃᑦᑎᐅᒻᒪᖔᑕ ᓇᒻᒥᓂᖃᐅᑎᓄ ᓚᐃᓴᐃᑦ ᑐᓂᔭᒥᓃᑦ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐊᐅᓪᓚᐅᔾᔨᔨᓄᑦ ᐸᓐᓂᖅᑑᒥ ᕿᑭᖅᑕᖅᔪᐊᒥᓗ ᓚᐃᓴᑖᖅᑎᑦᑎᓂᕆᕙᑦᑕᖏᑦ ᐊᒥᓱᕈᕆᐊᓲᑦ ᐊᐅᓚᑦᑎᓂᕐᒧᓐ ᐸᕐᓇᐅᓯᐅᕐᓇᐅᑎᓪᓗᒍ.
ᑮᓇᐅᔭᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᔾᔪᑏᑦ ᐱᔨᑦᑎᕋᐅᑏᓪᓗ ᐊᑐᐃᓐᓇᐅᑎᑕᐅᕗᑦ ᒫᓐᓇ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ ᐃᑲᔫᑕᐅᒐᓱᐊᖅᑐᑎᒃ ᓴᖅᑮᒐᓱᐊᖅᑐᖃᖅᑎᓪᓗᒍ ᐳᓛᕆᐊᖅᑐᓄᑦ ᑐᙵᓱᑦᑎᑦᑎᕕᔅᓴᒥᒃ ᕿᑭᖅᑕᖅᔪᐊᒥ, ᐃᓚᒋᔭᐅᓪᓗᓂ ᑐᕌᖓᓪᓚᕆᑦᑐᒥᒃ ᑲᑐᔾᔨᖃᑎᖃᕐᓂᒃᑯᑦ ᓄᓇᕗᑦ ᑐᙵᕕᒃ ᑎᒥᖓᓂᑦ.
ᐱᔾᔪᑎᖓ 3: ᐋᖅᑭᒋᐊᕐᓯᓗᑎᒃ ᒥᕐᖑᐃᓯᕐᕕᐅᑉ ᓴᖅᑭᔮᖅᑎᑕᐅᓂᕆᕙᑦᑕᖓᓂᒃ ᓴᖅᑭᔮᖅᑎᑦᑎᒋᐊᒃᑲᓂᕐᓗᑎᓪᓗ ᓴᓂᕌᓃᑦᑑᓐᓂᒃ ᓄᓇᓖᓐᓂᒃ ᐸᓐᓂᖅᑑᒥ ᕿᑭᖅᑕᕐᔪᐊᒥᓗ ᑲᑐᔾᔨᖃᑎᖃᕐᓗᑎᒃ ᐳᓚᕋᑦᑐᓕᕆᓂᕐᒧᑦ ᑲᑐᔾᔨᖃᑎᒌᖑᔪᓂᒃ. ᐊᒥᓱᕈᕆᐊᖅᑐᒥᓃᑦ ᐳᓛᕆᐊᖃᑦᑕᖅᑐᑦ ᒥᕐᖑᐃᓯᕐᕕᒻᒧᓐ 10%ᒥ ᑕᐃᒪᙵᓐ 2008/09 ᖃᑦᑎᐅᓂᕆᕙᔪᔭᖏᓐᓂᑦ ᒫᓇ ᓄᑖᒥᒃ ᐸᕐᓇᐅᓯᐅᕐᓇᐅᑎᓪᓗᒍ.
ᑐᑭᒧᐊᒍᑎᔅᓴᓪᓗᐊᑕᖅ 2: ᖃᑎᖃᑎᒋᖃᑕᓗᑎᒃ ᖃᐅᔨᒪᔭᖏᓐᓂᒃ ᐅᖃᑎᒥᓂᒃᑯᑦ ᑲᓲᒪᖃᑎᒌᓕᖅᐸᓪᓕᐊᓂᐊᕐᖓᑕ
ᐱᔾᔪᑎᖏᑦ
  • ᖃᓄᐃᓕᐅᕈᑎᒋᔭᐅᓇᓱᐊᖅᑐᐃᑦ ᑕᕝᕙᓂ ᐊᐅᓚᑦᑎᓂᕐᒧᑦ ᐸᕐᓇᒍᑎᒥ
ᑐᕌᒐᖏᑦ
ᑎᑭᑕᐅᓇᓱᐊᖅᑐᖅ 1: ᐋᖅᑮᔪᖃᕐᓗᓂ ᐊᑐᕋᒃᓴᓂᒃ ᐊᒻᒪᓗ ᐱᓕᕆᐊᕐᓂᒃ ᐊᔾᔨᒌᙱᓐᓂᖅᓴᐅᓕᖁᓪᓗᒋᑦ ᐊᒻᒪᓗ ᐱᐅᓯᑎᑕᐅᒋᐊᕐᓗᑎᑦ ᐳᓛᕆᐊᖅᑐᐃᑦ ᐊᑐᕐᓂᐊᖅᑕᖏᑦ ᐊᐅᔪᐃᑦᑐᕐᒥ ᒥᕐᖑᐃᓯᕐᕕᖓᓂ ᐊᒻᒪᓗ ᓄᓇᓕᐅᔫᓐᓂᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ. ᐃᓄᐃᑦ ᖃᐅᔨᒪᔭᖏᑦ ᐊᒻᒪᓗ ᖃᐅᔨᓴᖅᑏᑦ ᖃᐅᔨᒪᔭᖏᑦ ᐊᑐᖅᑕᐅᕙᑉᐳᑦ ᒥᕐᖑᐃᓯᕐᕕᒻᒥᒃ ᐊᐅᓚᑦᑎᓪᓗᑎᒃ ᑕᒫᓂ ᐊᐅᓚᑦᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ ᑕᐃᒪᐃᒋᐊᖃᕐᖓᑕ ᐃᓄᐃᑦ ᐊᑦᑐᖅᑕᐅᓂᕆᒐᔭᖅᑕᖏᓐᓄᑦ ᐱᓂᕆᒐᔭᖅᑕᖏᓐᓄᓪᓗ ᐊᖏᖃᑎᒌᒍᑎᒥ ᐊᐅᔪᐃᑦᑐᖅ, ᖁᑦᑎᓂᖅᐹᖅ, ᐊᒻᒪᓗ ᓯᕐᒥᓕᒃ ᑲᓇᑕᓕᒫᒥ ᒥᕐᖑᐃᓯᕐᕕᓄᑦ.
ᐱᔾᔪᑎᖓ 2: ᓴᙵᑦᑎᒋᐊᕋᓱᓪᓗᒍ ᐃᓅᓱᑦᑐᑦ ᑲᓲᒪᑦᑎᓂᖏᑦ ᐃᓄᐃᑦ ᐱᖅᑯᓯᖏᓐᓂᑦ ᐅᐊᑦᑎᐊᕈ ᐊᑐᖃᑦᑕᖅᓯᒪᔭᖏᓐᓂᓪᓗ ᐊᒻᒪᓗ ᑕᒪᒃᑯᓄᖓ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᓕᐅᑉ ᓄᓇᖓᓂᑦ ᑲᖏᖅᑐᖏᓐᓂᓪᓗ. ᓇᓗᓇᐃᖅᓯᓗᑎᒃ ᐱᒋᐊᖅᕕᒥᓂᖓᓂᑦ ᐆᒪ ᑐᕌᒐᐅᑉ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ.
ᐱᔾᔪᑎᖓ 3: ᓴᙵᑦᑎᒋᐊᕋᓱᓪᓗᒍ ᑲᓲᒪᑦᑎᓂᖏᑦ ᐊᓯᖏᑦ ᑲᓇᑕᒥᐅᑕᐃᑦ ᐃᓄᐃᑦ ᐱᖅᑯᓯᖏᓐᓄᑦ ᐅᐊᑦᑎᐊᕈᓗ ᐊᑐᖃᑦᑕᖅᓯᒪᔭᖏᓐᓄᑦ ᐊᒻᒪᓗ ᑕᒪᒃᑯᓄᖓ ᒥᕐᖑᐃᓯᕐᕕᐅᑉ ᐊᐅᔪᐃᑦᑐᓕᐅᑉ ᓄᓇᖓᓂᑦ ᑲᖏᖅᑐᖏᓐᓂᓪᓗ. ᓇᓗᓇᐃᖅᓯᓗᑎᒃ ᐱᒋᐊᖅᕕᒥᓂᖓᓂᑦ ᐆᒪ ᑐᕌᒐᐅᑉ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ.
ᐱᔾᔪᑎᖓ 4: ᐱᓕᕆᖃᑎᒋᓗᒋᑦ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᑲᒪᒋᔭᐅᖁᓪᓗᒋᑦ ᐱᔾᔪᑏᑦ ᐃᓱᒫᓗᒍᑎᒋᔭᐅᔪᑦ ᑕᒪᒃᑭᓄᑦ. ᓇᓗᓇᐃᖅᓯᓗᑎᒃ ᐱᒋᐊᖅᕕᒥᓂᖓᓂᑦ ᐆᒪ ᑐᕌᒐᐅᑉ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ.
ᓄᓇᒥᒃ ᐊᐅᓚᑦᑎᓂᖅ — ᓄᓇᖓᓂ 1: 1-3
ᐱᔾᔪᑎᖏᑦ
  • ᖃᓄᐃᓕᐅᕈᑎᒋᔭᐅᓇᓱᐊᖅᑐᐃᑦ ᑕᕝᕙᓂ ᐊᐅᓚᑦᑎᓂᕐᒧᑦ ᐸᕐᓇᒍᑎᒥ
ᑐᕌᒐᖏᑦ
ᐱᔾᔪᑎᖓ 1: ᐊᒥᓱᕈᖅᑎᑦᑎᒋᐊᕐᓗᑎᒃ ᐊᑐᐃᓐᓇᐅᖃᑦᑕᕐᓂᖏᓐᓂᒃ ᓴᓇᔭᐅᕙᑦᑐᑦ ᐱᓕᕆᐊᖑᕙᑦᑐᓪᓗ ᐳᓚᕋᑦᑎᓄᑦ ᑕᑯᓗᒋᑦ ᑐᑭᒧᐊᒍᑎᔅᓴᓪᓗᐊᑕᑦ 1ᒥ ᑐᕌᒐᐃᑦ.
ᐱᔾᔪᑎᖓ 2: ᐊᐅᓚᐃᓐᓇᑎᑦᑎᓂᖅ ᐅᑎᖅᑎᑦᑎᕙᓪᓕᐊᓂᕐᓗ ᐊᕙᑎᖓᑕ ᖃᓄᐃᓐᓂᖓᓂᒃ ᓴᐳᔾᔨᓗᑎᓪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᓂᒃ ᐊᒻᒪᓗ ᐃᑉᐱᒍᓱᑦᑎᐊᕐᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐊᖑᓇᓱᖃᑦᑕᕐᓂᖓᓐᓂᓪᓗ. ᒥᕐᖑᐃᓯᕐᕕᐅᑉ ᐊᕙᑎᖓᑕ ᖃᓄᐃᓐᓂᖓ ᑲᔪᓰᓐᓇᖅᑎᑕᐅᓗᓂ.
ᓇᓗᓇᐃᖅᑐᐃᑲᓐᓂᕐᓗᑎᒃ ᐱᒋᐊᖅᕕᒥᓂᕐᓂᒃ ᐱᔭᐅᒋᐊᓕᓐᓂᒃ ᐆᒧᖓ ᑐᕌᒐᕐᒧᓐ ᐊᐅᓚᑕᐅᓂᖓᓄᑦ ᐸᕐᓇᐅᓯᐅᕐᓇᐅᑎᓪᓗᒍ.

12.0 ᓇᐃᓈᕐᓯᒪᔪᑦ ᑐᑭᒧᐊᒍᑎᔅᓴᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒥ

ᒪᓕᒃᑐᒋᑦ ᑲᓇᑕᐅᑉ ᑲᑎᒪᔨᖏᓄᑦ ᑎᓕᓯᔾᔪᑕᐅᓯᒪᔪᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᐊᑐᐊᒐᖅ ᐸᕐᓇᐅᑦ ᐊᒻᒪᓗ ᐱᓕᕆᐊᑦ ᑐᔅᓯᕋᐅᑕᐅᓯᒪᔪᑦ, 2004-ᒥ, ᑐᑭᒧᐊᒍᑎᔅᓴᓕᐊᖑᓯᒪᔪᒥᒃ ᐊᕙᑎᓕᕆᓂᕐᒥᑦ ᖃᐅᔨᓴᕐᓂᖃᓚᐅᕐᓯᒪᔪᑦ “ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑦᑎᓂᕐᒧᑦ ᐸᕐᓇᐅᒻᒥᒃ”. ᐸᕐᓇᑕᐅᓯᒪᔪᖅ ᐊᕙᑎᓕᕆᓂᕐᒥᑦ ᖃᐅᔨᓴᕐᐸᓪᓕᐊᓂᕆᔭᖓ ᐃᓚᒋᓕᐅᔾᔭᐅᓚᐅᖅᑐᖅ ᐊᐅᓚᑦᑎᓂᕐᒧᑦ ᐸᕐᓇᐃᕙᓪᓕᐊᓂᕐᒥᑦ ᐱᐅᔪᑦ ᐱᐅᓐᖏᑐᓪᓗ ᐊᑦᑐᐃᓂᖃᕈᓐᓇᖅᑐᑦ ᓇᓗᓇᐃᖅᑕᐅᓚᐅᖅᑐᑦ ᐱᒋᐊᓕᕋᑖᖅᑎᓪᓗᒋᑦ ᐊᒻᒪ ᓈᒻᒪᑦᑐᓂᑦ ᐱᐅᓯᑎᑦᑎᒋᐊᕐᓂᖅ ᐊᒻᒪ ᐱᐅᓯᑎᑦᑎᒋᐊᕈᑏᑦ ᐃᓚᓕᐅᔾᔭᐅᔪᓐᓇᖁᓪᓗᒋᑦ ᐸᕐᓇᑕᐅᓯᒪᔪᒧᑦ. ᐅᑯᐊ ᓇᓗᓇᐃᔭᐃᔪᑦ ᓇᐃᓈᕐᓯᒪᓪᓗᒋᑦ ᐃᓗᓕᖏᓐᓂᒃ ᐊᒻᒪᓗ ᐊᕙᑎᒧᑦ ᐊᑦᑐᐃᓂᐅᓂᐊᖅᑐᑦ, ᐱᓗᐊᖅᑐᒥᑦ ᐊᑦᑐᐃᕙᓪᓕᐊᔪᑦ, ᐸᓚᕐᔫᒥᑎᑦᑎᒋᐊᕐᓂᖅ ᓇᓗᓇᐃᖅᑕᐅᓯᒪᔪᖅ ᐸᕐᓇᐅᒻᒥᑦ ᒥᑭᓪᓕᑎᑦᑎᒋᐊᕐᓗᑎᑦ ᐲᖅᓯᓗᑎᓪᓘᓐᓃᑦ ᓈᒻᒪᖏᑦᑐᓂᒃ ᐊᑦᑐᐃᓂᖃᖅᑐᓂᒃ, ᐱᒻᒪᕆᐅᓂᖏᑦ ᐱᐅᖏᑦᑐᑦ ᐊᕙᑎᒧᑦ ᐊᑦᑐᐃᓂᓖᑦ, ᑭᖑᓂᐊᒍᓪᓗ ᖃᐅᔨᒋᐊᕐᓗᒋᑦ ᐊᒻᒪᓗ ᐃᓄᓕᒫᖅᑎᑦᑎᓗᑎᒃ ᑐᓴᕐᕕᖃᕆᐊᕐᓂᖅ.

ᐸᕐᓇᐅᑦ ᓇᓗᓇᐃᖅᓯᓯᒪᔪᖅ ᐊᒥᓱᓂᒃ ᐱᐅᔪᓂᑦ ᐊᕙᑎᐅᑦ ᐊᑦᑐᖅᑕᐅᓂᖓᓂᒃ ᐊᒻᒪ ᖃᓄᑐᐃᓐᓇᖅ ᐱᐅᓯᑎᑕᐅᒋᐊᕈᓐᓇᕐᓂᖓᓂᒃ. ᓈᒻᒪᑦᑐᑦ ᐊᕙᑎᒧᑦ ᐊᑦᑐᐃᓂᐅᔪᑦ ᐸᕐᓇᐅᒻᒥ ᐱᖃᓯᐅᔾᔨᔪᑦ:

  • ᖃᐅᔨᒪᓂᕐᓴᐅᓕᕐᓗᑎᒃ ᐊᕙᑎᒥᒃ ᖃᐅᔨᓴᕐᓂᒃᑯᑦ, ᖃᐅᔨᓴᓕᐅᒥᔮᖃᑦᑕᓂᒃᑯᑦ ᐊᒻᒪ ᐃᖅᑲᓇᐃᔭᖃᑎᖃᕐᓂᒃᑯᑦ ᐊᓯᖏᓐᓂ;
  • ᐱᓕᕆᖃᑎᖃᕐᐸᓪᓕᐊᖏᓐᓇᕐᓂᖅ ᐃᓄᓐᓂᑦ, ᐊᐅᓚᑎᔨᓂᒃ ᑎᒥᐅᔪᓂᒃ ᐊᓯᖏᓐᓂᓪᓗ ᑲᑐᔾᔨᖃᑎᔅᓴᓂᒃ ᐊᑑᑎᓕᒻᒥᒃ ᐊᐅᓚᑦᑎᑎᐊᕐᓂᕐᒥᒃ; ᐊᒻᒪᓗ,
  • ᑲᓲᒪᖃᑎᖃᑦᑎᐊᓂᕐᓴᐅᓗᑎᒃ ᑲᓇᑕᒥᐅᑕᓂᒃ ᐊᒻᒪᓗ ᒥᕐᖑᐃᓯᕐᕕᓐᓂᒃ ᐃᑲᔪᒃᑲᓐᓂᖁᓪᓗᒋᑦ ᒥᕐᖑᐃᓯᕐᕕᓕᕆᓂᕐᒥᒃ.

ᓄᐊᑉᐸᓪᓕᐊᔪᑦ ᐊᑦᑐᐃᕙᓪᓕᐊᓃᑦ ᓴᖅᑭᕐᓂᐅᓴᓛᖑᕗᑦ ᒪᕐᕉᓐᓂ ᓄᓈᓐᓂ ᐸᕐᓇᐅᑎᐅᑉ ᓱᕕᐅᓛᖑᖃᑦᑕᕐᓗᑎᒃ ᓇᓗᓇᐃᖅᓯᒪᔭᖏᓐᓂᒃ:

  1. ᐊᒃᓵᔫᑉ ᐊᖅᑯᑎᖓ,
  2. ᐃᓪᓚᐅᓕᑦᑑᒥᑦ ᑕᐃᑯᖓ ᓈᖅᐸᐃᓐ ᕿᙳᐊᓄᑦ,
  3. ᐅᖁᐊᒥᑦ ᓴᖅᕙᓕᖕᒧᑦ.

ᓄᓇᓕᓐᓂᑦ ᓄᐊᑉᐸᓪᓕᐊᔪᓐᓇᖅᑐᑦ ᐱᕈᖅᑐᓂᑦ, ᓯᓚᒥ, ᐃᒫᓂ, ᐃᓕᖅᑯᓯᓕᕆᔾᔪᑎᓄᑦ, ᐃᖃᓗᓐᓄᑦ ᐅᒫᔪᓄᓪᓗ ᖃᐅᔨᓴᖅᑕᐅᓂᐊᖅᑐᑦ ᐊᑖᓂ.

ᐱᕈᖅᑐᐃᑦ ᓱᕋᔅᓯᒪᓂᖏᑦ ᒥᖑᐃᓯᕐᕕᓕᕆᓂᕐᒨᖑᔪᓐᓇᖅᑐᑦ ᐊᑐᖅᑕᐅᖃᑦᑕᖅᑐᓂᑦ, ᐆᑦᑑᑎᒋᓗᒍ ᐊᔅᓵᔪᖅ ᐊᖅᑯᑎᖓ. ᑕᓐᓇ ᐸᕐᓇᐅᑎ ᐅᖃᖅᓯᒪᕗᖅ ᑕᒪᒃᑯᐊ ᐊᑦᑐᖅᑕᐅᓃᑦ ᒥᑭᓪᓕᑎᖅᑕᐅᒐᓱᖃᑦᑕᓂᐊᕐᖓᑕ ᑕᒪᐅᓇ ᐅᖃᐅᔾᔨᒋᐊᖃᑦᑕᓂᒃᑯᑦ ᐳᓛᕆᐊᖅᑐᑦ ᐃᓯᓚᐅᙱᓐᓂᖏᓐᓂ ᑐᑭᓯᕚᓪᓕᖅᑎᑕᐅᒋᐊᖅᑎᓪᓗᒋᑦ ᐊᒻᒪᓗ ᑕᒪᐅᓇ ᐃᓕᓐᓂᐊᑎᑦᑎᒍᑎᑎᒍᑦ ᐊᒻᒪᓗ ᓴᖅᑭᔮᖅᑎᑕᖅᑎᒍᑦ ᐱᔾᔪᑎᓕᓐᓂᒃ ᒥᕐᖑᐃᓯᕐᕕᐅᑉ ᐊᕙᑎᖓᓂᑦ ᐊᒻᒪᓗ ᐊᕙᑎᖓᑕ ᓇᔪᒪᓂᖓᓂᒃ ᐊᒻᒪᓗ ᕿᓂᕐᓗᑎᒃ ᖃᓄᒃᑲᓐᓂᖅ ᐊᖅᑯᑎᖓᑕ ᓄᓇᖓ ᓄᖑᑉᐸᓕᐊᙱᓂᖅᓴᐅᒍᓐᓇᕐᒪᖔᖅ. ᓱᕋᑦᑕᐅᓂᖏᑦ ᐱᕈᖅᑐᐃᑦ ᐊᑦᑐᐃᓂᖃᕋᔭᖅᑐᒋᔭᐅᙱᑦᑐᑦ ᐊᕙᑎᖓᓂᑦ ᐱᔾᔪᑎᒋᓪᓗᒍ ᐳᓚᕋᑦᑏᑦ ᐅᓄᖅᓯᒋᐊᕋᓗᐊᖅᐸᑕ, ᐊᑦᑐᖅᑕᐅᓂᖏᑦ ᐱᕈᖅᑐᑦ ᓄᓇᓕᓐᓃᙶᕐᓂᐊᖅᑐᒋᔭᐅᒻᒪᑕ ᐱᕈᖅᑐᐃᑦ ᐅᓄᕐᓂᖏᑦ ᐊᑦᑐᖅᑕᐅᓂᐊᖅᑐᒋᔭᐅᖏᑦᑐᑦ.

ᐊᑦᑐᖅᑕᐅᔪᑦ ᓯᓚᒥᑦ ᐅᒥᐊᕐᓂᑦ ᖃᒧᑕᐅᔭᓂᓪᓘᓐᓃᑦ ᒪᓕᒐᖃᖅᑎᑕᐅᔪᑦ ᒪᓕᒐᖅᑎᒍᑦ ᐊᒻᒪᓗ ᓄᓇᓕᓐᓂ ᓄᐊᑉᐸᓪᓕᐊᔪᓂᑦ ᐊᑦᑐᖅᑕᐅᓂᐊᖅᑐᒋᔭᐅᖏᑦᑐᖅ. ᐊᑦᑐᖅᑕᐅᓂᐅᔪᑦ ᐃᒪᕐᒧᑦ ᖃᓄᐃᑦᑐᑐᐃᓐᓇᓂ ᖃᓄᐃᓕᐅᕈᑕᐅᔪᓂᒃ ᐸᓚᕐᓯᐅᒥᑎᑕᐅᔭᕆᐊᓖᑦ (ᓲᕐᓗ ᒥᑭᔪᓂᑦ ᐅᖅᓱᐊᓗᓐᓂᑦ ᑯᕕᔪᓂᑦ ᐊᒻᒪ ᓱᕈᖅᑕᐅᓂᖓ ᐃᒪᐅᑉ ᐃᓄᓐᓄᑦ ᑭᓈᓗᓐᓄᑦ), ᑖᒃᑯᐊ ᒥᑭᔫᑎᒻᒪᕆᐅᒻᒪᑕ ᓄᐊᑉᐸᓪᓕᐊᔪᓂᑦ ᐊᑦᑐᐃᓂᖃᕐᓂᐊᖅᑐᒋᔭᐅᙱᑦᑐᑦ.

ᐊᑦᑐᐃᓂᕐᓗᓐᓃᑦ ᑐᑦᑐᓂᒃ, ᐊᒪᕈᕐᓂᒃ, ᐃᒪᕐᒥᐅᑕᓂᒃ ᐳᐃᔨᕈᓘᔭᕐᓂᒃ ᓇᓄᕐᓂᓪᓗ ᒥᑭᔪᕈᓘᒐᔭᖅᐸᓪᓚᐃᔪᖅ, ᑭᓯᐊᓂᓕ ᐊᑦᑐᐃᓂᕐᓗᓐᓃᑦ ᐊᒥᓱᕈᖅᐸᓕᐊᑉᐸᑕ, ᖃᐅᔨᓴᖅᑕᐅᖃᑦᑕᕆᐊᖃᓛᖅᐸᓪᓚᐃᔪᑦ ᐊᑐᐃᓂᖏᓐᓂᑦ. ᖃᓄᐃᑦᑐᑐᐃᓐᓇᐃᑦ ᐊᑦᑐᐃᓂᖃᖅᑐᑦ ᐃᖃᓗᓐᓄᑦ ᐃᖃᓗᓕᐅᑎᑲᐃᓐᓇᖃᑦᑕᖅᑐᓂᑦ ᐊᐅᓚᑕᐅᖃᑦᑕᓂᐊᖅᑐᖅ ᐱᓕᕆᖃᑎᖃᕐᓗᑎᑦ ᓇᑦᑎᕙᒃ ᐆᒪᔪᕐᓂᐊᑎᒃᑯᓐᓂᒃ ᕿᑭᖅᑕᕐᔪᐊᕐᒥᐅᓂᓪᓗ ᐊᒻᒪᓗ ᒪᓕᓪᓗᑎᒃ ᑎᑎᕋᖅᓯᒪᔪᓂᒃᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ. ᐃᓄᐃᑦ ᐆᒪᔪᕋᓱᐊᕈᓐᓇᐃᓇᕐᓂᐊᖅᑐᑦ ᒪᓕᓪᓗᑎᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᒻᒥᑦ. ᐃᒪᕐᒥᐅᑕᐃᑦ ᐆᒪᔪᓪᓘᓐᓃᑦ ᑎᑎᕋᖅᑕᐅᓯᒪᔪᑦ ᐆᒪᔪᓂᑦ ᐊᑦᑕᓇᖅᑐᒦᑦᑐᓂᑦ ᒪᓕᒐᕐᓂᑦ ᐳᓚᕋᑲᐃᓐᓇᖃᑦᑕᖅᑐᓄᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐅᕝᕙᓘᓐᓃᑦ ᐊᑦᑐᖅᑕᐅᓂᐊᖅᑐᒋᔭᐅᙱᑦᑐᑦ ᖃᓄᐃᓕᐅᕈᑕᐅᔪᓄᑦ ᒥᕐᖑᐃᓯᕐᕕᒻᒥᑦ.

ᐃᓚᖏᑦ ᐱᓕᕆᐊᖑᔪᑦ ᓇᓗᓇᐃᖅᑕᐅᔪᑦ ᐸᕐᓇᐅᒻᒥ ᐃᓱᒪᒋᔭᐅᔪᑦ ᐊᒻᒪ ᖃᐅᔨᓴᖅᑕᐅᑲᓐᓂᕆᐊᖃ3ᓂᐊᖅᑐᑦ ᒪᓕᓪᓗᑎᑦ ᓄᓇᕗᒻᒥ ᓄᓇᑖᕈᒻᒥ ᐊᖏᕈᒻᒥᑦ ᐊᑦᑐᐊᓂᓖᓪᓘᓐᓃᑦ ᒪᓕᒐᐃᑦ ᑐᔅᓯᕋᐅᑕᐅᓯᒪᔪᑦ ᐋᖅᑭᓱᖅᑕᐅᓯᒪᓕᖅᑲᑕ. ᐸᓚᕐᓯᐅᒥᑎᑕᐅᒋᐊᕆᐊᓖᑦ, ᖃᐅᔨᓴᖅᑕᐅᓗᑎᒃ ᐊᒻᒪ ᑭᖑᓂᐊᒍᑦ ᖃᐅᔨᒋᐊᖅᑕᐅᓗᑎᒃ ᓴᖅᑭᖅᑎᑕᐅᓂᐊᖅᑐᖅ ᑐᔅᓯᕋᐅᑏᑦ ᐱᕙᓪᓕᐊᓂᖓ ᐃᓱᒪᒋᔭᐅᓯᒪᔪᓂᒃ ᓴᓇᓯᒪᓂᖓᓄᑦ ᐊᒻᒪ ᐊᑐᓕᖅᑎᑕᐅᓂᖓᓄᑦ.

ᑖᓐᓇ ᐸᕐᓇᐅᑎ ᓴᓇᔭᐅᔪᔪᖅ ᑲᑐᔾᔭᐅᓪᓗᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐊᒻᒪᓗ ᐃᓄᓐᓄᑦ ᖃᐅᔨᒋᐊᖃᑦᑕᖅᑐᑎᒃ, ᐱᓕᕆᖃᑕᐅᔪᕈᓘᔭᕐᓂᒃ, ᑎᒍᒥᐊᖅᑎᐅᖃᑕᐅᔪᓂᒃ, ᐊᒻᒪᓗ ᐃᓄᓕᒫᓂᒃ. ᓇᓗᓇᐃᖅᑐᖅᓯᒪᓂᖅᓴᓂᒃ ᑐᑭᓯᒋᐊᕈᒪᒍᕕᑦ ᑲᑐᔾᔨᓂᒃᑯᑦ ᐊᐅᓚᑦᑎᒐᓱᐊᕐᓂᕐᒥᒃ ᐊᒻᒪᓗ ᑕᖅᑲᒃᑯᓄᖓ ᖃᐅᔨᒋᐊᕐᓂᐅᔪᔪᓂᒃ ᐅᓇ ᐊᐅᓚᑦᑎᓂᕐᒧᓐ ᐸᕐᓇᐅᑎᔅᓴᖅ ᐱᓪᓗᒍ, ᑕᐃᒃᑯᐊ ᐊᑐᐃᓐᓇᐅᔪᑦ ᑕᐃᑲᓂ ᐱᒋᐊᕈᑎᖏᓐᓂ ᐅᖃᓕᒫᒐᐅᑉ ᐸᕐᓇᐅᑎᔅᓴᐅᑉ.

ᑐᑭᒧᐊᒍᑎᔅᓴᐃᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒥᑦ ᐱᔭᕇᕈᑎᖃᔪᔪᑦ “ᐊᐅᔪᐃᑦᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᐅᓚᑦᑎᓂᕐᒧᑦ ᐸᕐᓇᐅᑦ” ᐊᒥᓱᒐᓚᓐᓂᑦ ᐱᐅᔪᓂᑦ ᐊᑦᑐᐃᓂᖃᓂᐊᕐᓂᖓᓂᒃ ᐊᒻᒪ ᐱᒻᒪᕆᐅᔪᓂᑦ ᐊᑦᑐᐃᓂᖃᑲᒻᒪᔮᖏᒻᒪᑦ. ᖃᐅᔨᓴᓂᕐᒧᑦ ᐸᕐᓇᑕᐅᓯᒪᔪᑦ ᓇᓗᓇᐃᖅᑕᐅᔪᑦ ᐸᕐᓇᐅᒻᒥᑦ ᐊᑐᖅᑕᐅᓂᐊᖅᑐᑦ ᖃᐅᔨᒍᑕᐅᓗᑎᒃ ᐊᕙᑎᓕᕆᓂᕐᒥᑦ ᖃᐅᔨᓴᓂᕐᒥᑦ ᓇᓚᐅᑦᑖᖅᑕᐅᔪᑦ ᓱᓕᒍᑎᒃ ᐊᒻᒪ ᖃᐅᔨᒍᑕᐅᓗᑎᒃ ᖃᓄᐃᓕᔭᐅᒃᑲᓐᓂᕆᐊᖃᕐᒪᖔᑕ.

ᑐᑭᓯᒋᐊᕐᕕᒥᓃᑦ

ᕗᕆᒡᔅ, ᔨ. (ᐃᓕᑦ.) 2000. ᐊᐱᖅᓱᕐᓂᖅ ᐃᓐᓇᕐᓂᒃ, ᐱᖓᔪᐊᑦ: ᓱᕈᓯᕐᓂᒃ ᐱᕈᖅᓴᐃᔾᔪᓰᑦ. ᓇᕿ ᐃᖁᖅ ᐊᒻᒪᓗ ᐅᖅᓱᕋᓕᒃ ᐅᑦᑐᕿ. ᐃᖃᓗᐃᑦ: ᓄᓇᕘᒥ ᓯᓚᑦᑐᓴᕐᕕᖓᑦ. http://www.nac.nu.ca/OnlineBookSite/vol3/glossary.html (ᑕᑯᓂᐊᖅᑕᒥᓂᖅ ᐊᒃᑑᕝᕙ 31, 2008)

ᑲᓇᑕᒥ ᒥᕐᖑᐃᓯᕐᕕᖏᑦ ᐱᕈᕙ6. S.C. 2000, c. 32.

ᑖᑕᐹᑦ, 2007. ᓄᓇᕗᒦᙶᖅᐸᓪᓕᐊᔪᐃᑦ ᖃᐅᔨᓴᖅᑕᐅᓂᖏᑦ 2006: ᐅᓂᒃᑳᕿᔭᐅᔪᖅ, ᔮᓐᓄᐊᕆ 15, 2007.

ᒪᓕᒐᓕᕆᔨᒃᑯᑦ, ᓄᓇᕗᑦ ᒐᕙᒪᖏᑦ. 2003. ᑐᑭᒧᐊᕈᑎᖏᑦ ᒪᓕᒐᓕᕆᔨᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᓕᕆᔩᑦ. (ᓴᖅᑭᑕᐅᓚᐅᖅᓯᒪᙱᑦᑐᖅ)

ᓂᖀᑦ ᐊᒻᒪᓗ ᐱᕈᖅᓴᐃᔩᑦ ᑲᑐᔾᔨᖃᑎᒌᖏᑦ ᓄᓇᕐᔪᐊᑦ ᑲᑐᔾᔨᖃᑎᒌᖏᑦ, http://www.fao.org/gtos/tems/variable_show.jsp?VARIABLE_ID=73 (ᑕᑯᓂᐊᖅᑕᖅ ᑎᓰᕝᕙ 9, 2008)

ᓄᓇᕗᑦ ᒐᕙᒪᖏᑦ, ᐱᓇᓱᐊᖅᑕᕗᑦ 2004-2009: ᐱᓇᓱᐊᕐᓂᐊᕐᓂᕋᖅᓯᒪᔭᕗᑦ ᓯᕗᓂᒃᓴᓕᐅᕐᓗᑕ ᓄᓇᕗᑦ ᓯᕗᓂᒃᓴᖓᓄᑦ, http://www.gov.nu.ca/pinasuaqtavut/engcover.pdf, (ᑕᑯᓂᐊᖅᑕᖅ ᓯᑏᕝᕙ 10, 2008)

ᓄᓇᕗᑦ ᒐᕙᒪᖏᑦ, ᐃᓕᖅᑯᓯᓕᕆᔨᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑦ. 2005. ᑐᑭᖏᑦ ᓯᓚᑉ ᐊᓯᔾᔨᖅᐸᓪᓕᐊᓂᖓᓄᑦ. ᐃᖃᓗᐃᑦ.

ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᑐᒃᓴᐅᓂᖏᓐᓄᓪᓗ ᐊᖏᕈᑎᖏᑦ ᐊᐅᔪᐃᑦᑐᕐᒧᑦ, ᖁᑦᑎᓂᖅᐹᕐᒧᑦ ᐊᒻᒪᓗ ᓯᕐᒥᓕᒻᒧᑦ ᒥᕐᖑᐃᓯᕐᕕᖏᓐᓄᑦ, 1999.

ᓕᓴᐱᐅᓪ, ᐱ. ᐊᒻᒪᓗ ᕚᑦᓴᓐ, ᐃ. 2004. ᐋᖅᑮᓂᖅ ᑐᑭᓯᐅᒪᖃᑎᒌᓐᓂᕐᒥᒃ ᓄᓇᐃᑦ ᐊᑦᑐᐊᓂᖃᕐᓂᖏᓐᓂ, ᐊᑐᖃᑦᑕᕐᓂᑯᒥᓂᖏᓐᓂᒃ ᐊᒻᒪᓗ ᑐᑭᖏᓐᓂᒃ: ᐊᐅᔪᐃᑦᑐᖅ ᐊᒻᒪᓗ ᖁᑦᑎᓂᖅᐹᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᓄᓇᕗᑦ. ᐱᔭᕇᖅᑕᐅᓯᒪᓂᖓᑦ ᐅᓂᒃᑳᖅ, ᔮᓐᓄᐊᕆ 28, 2004.

ᓕᓴᐱᐅᓪ, ᐱ. ᐊᒻᒪᓗ ᕚᑦᓴᓐ, ᐃ. 2005. ᐊᐅᔪᐃᑦᑐᖅ ᐊᒻᒪᓗ ᖁᑦᑎᓂᖅᐹᖅ ᒥᕐᖑᐃᓯᕐᕕᖏᑦ ᑲᓇᑕᒥ ᐊᐅᔭᒃᑯᑦ 2004-ᖑᑎᓪᓗᒍ ᐳᓛᕆᐊᖅᑐᐃᑦ ᐳᓛᕆᐊᕐᓂᑯᒥᓂᖏᓐᓂ ᖃᐅᔨᓴᕐᓂᖅ. ᐱᔭᕇᖅᑕᐅᓯᒪᓂᖓᑦ ᐅᓂᒃᑳᖅ, ᐃᐴᕈᓪ 2005.

ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎ, 1993. http://www.ainc-inac.gc.ca/pr/agr/nunavut/index_e.html , (ᑕᑯᓂᐊᖅᑕᖅ ᐊᒃᑑᕝᕙ 31, 2008).

ᓄᓇᕗᑦ ᐃᓅᓯᓕᕆᔨᒃᑯᑦ ᐱᕙᓪᓕᐊᓂᖏᓐᓂ ᑲᑎᒪᔩᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑦ. 2004. ᐊᕐᕌᒍᑕᒫᑦ ᐅᓂᒃᑳᓕᐊᖓᑦ ᖃᓄᐃᓕᖓᓂᖏᓐᓂ ᐃᓄᐃᑦ ᐃᓕᖅᑯᓯᖓᑦ ᐊᒻᒪᓗ ᐃᓅᓯᕆᓕᖅᑕᖏᑦ 2002/2003.

ᓄᓇᕗᑦ ᐳᓚᕋᖅᑐᓕᕆᔨᖏᑦ. ᑐᓴᖅᑑᑦ, ᕖᕝᕗᐊᕆ 2007.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. 1994. ᐃᓕᖅᑯᓯᕆᔭᐅᔪᓄᑦ ᐊᑐᖅᑕᐅᕙᒃᑐᐃᑦ ᐊᐅᓚᑕᐅᓂᖓᓄᑦ ᐊᑐᐊᒐᖅ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᑭᒧᐊᕈᑎᖏᑦ ᒪᓕᑦᑕᐅᕙᑦᑐᐃᑦ ᐊᒻᒪᓗ ᐊᐅᓚᓂᕐᒧᕐᑦ ᐊᑐᐊᒐᐃᑦ, ᐃᓚᖓᑦ III. ᒥᓂᔅᑕ ᓱᓇᒃᑯᑖᕐᓄᑦ ᐊᒻᒪᓗ ᐱᔨᑦᑎᕐᓂᕐᒧᑦ ᑲᓇᑕᒥ. http://www.pc.gc.ca/docs/pc/poli/princip/index_e.asp , (ᑕᑯᓂᐊᖅᑕᖅ ᑎᓰᕝᕙ 8, 2008)

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. 1994. ᑐᑭᒧᐊᕈᑏᑦ ᒪᓕᑦᑕᐅᕙᑦᑐᐃᑦ ᐊᒻᒪᓗ ᐊᐅᓚᓂᕐᒧᑦ ᐊᑐᐊᒐᐃᑦ. ᒥᓂᔅᑕ ᓱᓇᒃᑯᑖᕐᓄᑦ ᐊᒻᒪᓗ ᐱᔨᑦᑎᕐᕐᒧᑦ ᑲᓇᑕᒥ. http://www.pc.gc.ca/docs/pc/poli/princip/index_e.asp , (ᑕᑯᓂᐊᖅᑕᖅ ᑎᓰᕝᕙ 8, 2008)

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. 2005. ᐃᑦᑕᕐᓂᓴᐃᑦ ᑎᑎᖅᑐᖅᑕᐅᓂᖏᓐᓄᑦ ᒪᓕᒐᖏᑦ. http://www.pc.gc.ca/docs/pc/guide/fp-es/fp-es_e.pdf , (ᑕᑯᓂᐊᖅᑕᖅ ᐊᒃᑑᕝᕙ 31, 2008).

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. 2008. ᑐᑭᒧᐊᕈᑏᑦ ᐊᐅᓚᑕᐅᓂᒃᓴᒧᑦ ᐸᕐᓇᓂᕐᒧᑦ. http://www.pc.gc.ca/docs/bib-lib/pdfs/pc_gmp2008_e.pdf , (ᑕᑯᓂᐊᖅᑕᖅ ᐊᒃᑑᕝᕙ 31, 2008).

ᑭᓪᓕᓯᓂᐊᖅᑎᒃᑯᑦ ᑲᓇᑕᒥ. 2007. ᐸᓐᓂᖅᑑᖅ, ᓄᓇᕗᑦ (ᑎᑎᖅᑐᖅᓯᒪᓂᖓᑦ). 2006 ᓄᓇᓖᑦ ᖃᓄᐃᑦᑑᓂᖏᑦ. 2006ᒥ ᑭᓪᓕᓯᓂᐊᖅᑕᐅᔪᐃᑦ. ᑭᓪᓕᓯᓂᐊᖅᑎᒃᑯᑦ ᑲᓇᑕᒥ ᓇᓗᓇᐃᒃᑯᑕᖓᑦ ᓈᓴᐅᑎᓕᒃ 92-591-XWE. ᐋᑐᕚ. ᓴᒃᑯᑕᐅᔪᖅ ᒫᑦᓯ 13, 2007. http://www12.statcan.ca/english/census06/data/profiles/community/Index.cfm?Lang=E , (ᑕᑯᓂᐊᖅᑕᖅ ᓯᑏᕝᕙ 10, 2008).

ᑭᓪᓕᓯᓂᐊᖅᑎᒃᑯᑦ ᑲᓇᑕᒥ. 2007. ᕿᑭᖅᑕᕐᔪᐊᖅ, ᓄᓇᕗᑦ (ᑎᑎᖅᑐᖅᓯᒪᓂᖓᑦ). 2006 ᓄᓇᓖᑦ ᖃᓄᐃᑦᑑᓂᖏᑦ. 2006ᒥ ᑭᓪᓕᓯᓂᐊᖅᑕᐅᔪᐃᑦ. ᑭᓪᓕᓯᓂᐊᖅᑎᒃᑯᑦ ᑲᓇᑕᒥ ᓇᓗᓇᐃᒃᑯᑕᖓᑦ ᓈᓴᐅᑎᓕᒃ 92-591-XWE. ᐋᑐᕚ. ᓴᒃᑯᑕᐅᔪᖅ ᒫᑦᓯ 13, 2007. http://www12.statcan.ca/english/census06/data/profiles/community/Index.cfm?Lang=E (ᑕᑯᓂᐊᖅᑕᖅ ᓯᑏᕝᕙ 10, 2008).

ᓄᓇᕐᔪᐊᕐᒥ ᓄᓇᒦᙶᖅᑐᓕᕆᔨᖏᑦ, ᐊᐅᔾᔨᒌᙱᓐᓂᖏᑦ ᓄᓇᐃᑦ ᑐᑭᖏᑦ, http://www.wri.org/publication/content/8521 (ᑕᑯᓂᐊᖅᑕᖅ ᑎᓰᕝᕙ 9, 2008).

ᑐᑭᖏᑦ

ᐃᑦᑕᕐᓂᓴᖃᕐᕕᒃ: ᓄᓇᒦᑦᑐᖅ ᐅᕝᕙᓘᓐᓃᑦ ᐱᓕᕆᐊᕆᔭᖅ ᓄᓇᕗᑉ ᓄᓇᖓᓂ ᐃᑦᑕᕐᓂᓴᖃᖅᑐᓂ, ᐃᓕᖅᑯᓯᕐᒨᖓᔪᐃᑦ ᐅᕝᕙᓘᓐᓃᑦ ᐅᐊᑦᑎᐊᕈ ᐊᑐᖅᑕᐅᖃᑦᑕᖅᑐᒥᓂᐅᓂᖓᓄᑦ ᐱᒻᒪᕆᐅᔪᖅ, ᐱᓕᕆᐊᕆᔭᐅᔪᒪᔪᖅ ᐅᕝᕙᓘᓐᓃᑦ ᐱᒻᒪᕆᐅᓪᓗᓂ ᐅᕝᕙᓘᓐᓃᑦ ᓄᓇ ᐃᑦᑕᕐᓂᓴᕐᒥᒃ ᓇᓂᓯᕕᐅᔪᖅ, ᐊᒻᒪᓗ ᐱᖃᓯᐅᔾᔨᓪᓗᑎᑦ ᖃᓪᓗᓈᑦ ᑕᒪᐅᙵᖅᐸᓚᐅᖅᓯᒪᔪᐃᑦ ᓇᓗᓇᐃᒃᑯᑕᖏᓐᓂᒃ. (ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑦ) ᐃᓂᒋᔭᖅ ᐅᕝᕙᓘᓐᓃᑦ ᐃᓚᖓᑦ ᓄᓇᕗᒥ ᖃᐅᔨᕕᐅᓯᒪᔪᖅ ᐅᐊᑦᑎᐊᕈ ᐃᓄᖃᖅᐸᑦᑐᒥᓂᐅᓂᖓᓂᒃ, ᐃᓄᖃᖅᐸᓚᐅᖅᓯᒪᔪᖅ, ᖄᖓᓃᑦᑐᐃᑦ, ᐃᓗᐊᓂ ᐅᕝᕙᓘᓐᓃᑦ ᓄᓇᒥ, ᐅᕝᕙᓘᓐᓃᑦ ᓄᓇᓂ ᐃᒪᕐᒥ, ᓇᓗᓇᐃᖅᑕᐅᓯᒪᓂᖓᑦ, ᐱᔭᐅᓪᓗᑎᑦ ᐊᒻᒪᓗ ᑐᑭᓯᔭᐅᔪᓐᓇᖅᑐᑎᑦ ᐃᑦᑕᕐᓂᓴᓕᕆᔾᔪᓯᑎᒍᑦ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᐃᑦᑕᕐᓂᓴᐃᑦ ᑎᑎᖅᑐᖅᑕᐅᓂᖏᑕ ᒪᓕᒐᖏᑦ.)

ᓄᓇᒧᑦ ᐱᒻᒪᕆᐅᒍᓱᓐᓂᕋᐃᓯᒪᓕᕐᓂᖏᑦ ᐃᒻᒥᓐᓄᑦ: ᓄᓇᒧᑦ ᐊᖏᕐᕋᖃᖅᑑᔮᓕᕐᓂᖏᑦ ᐊᔾᔨᖃᖅᐳᖅ ᑐᕌᖓᓂᖃᑦᑎᐊᕐᓂᖓᓂᒃ ᐊᒻᒪᓗ ᐱᒻᒪᕆᐅᓂᖓᓂᒃ ᓴᐳᔾᔭᐅᓯᒪᔪᐃᑦ ᓄᓇᐃᑦ ᑲᓇᑕᒥᐅᑕᓄᑦ. ᐃᓱᒪᒋᔭᐅᔪᖅ ᐃᑉᐱᓐᓂᐊᓂᑎᒍᑦ ᓴᖅᑭᓲᖑᓪᓗᓂ, ᐃᓱᒪᒃᑯᑦ, ᐊᒻᒪᓗ ᐅᑉᐱᕐᓂᒃᑯᑦ ᐊᖏᕐᕋᖃᖅᑐᕐᔫᔮᓕᕐᓂᖏᑦ ᑲᓇᑕᒥᐅᑕᐅᔪᐃᑦ ᐊᒻᒪᓗ ᐳᓛᕆᐊᓲᑦ ᐅᑉᐱᓐᓂᐊᒍᓱᓕᓲᖑᓪᓗᑎᑦ ᓄᓇᑦᑎᓐᓄᑦ ᐊᒻᒪᓗ ᐃᓕᖅᑯᓯᑦᑎᓐᓄᑦ ᐊᑐᖃᑦᑕᖅᑕᒥᓂᕗᑦ ᓄᓇᓄᑦ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᐊᖃᖅᐸᑉᐳᑦ ᑕᐃᒪᐃᑎᑦᑎᓇᓱᐊᖅᑐᑎᑦ ᓄᓇᒨᖓᓕᖅᑎᑦᑎᓇᓱᐊᖅᑐᑎᑦ ᐱᕕᖃᖅᑎᑦᑎᑦᑎᐊᕋᓱᐊᖅᐸᑦᑐᑎᑦ ᐊᓕᐊᓇᐃᒍᓱᓐᓂᐊᕐᒪᑕ ᐊᒻᒪᓗ ᐃᓕᓐᓂᐊᕈᓐᓇᕐᓂᐊᕐᒪᑕ ᑕᐃᑲᓂ ᐊᒻᒪᓗ ᐊᓯᖏᓐᓂᒃ ᐱᓕᕆᖃᑎᖃᕐᓂᒃᑯᑦ ᐃᓕᓐᓂᐊᖅᑎᑦᑎᕙᓪᓗᑎᑦ. ᐃᑉᐱᒍᓱᑦᑎᐊᕐᓂᖅ, ᑐᑭᓯᐅᒪᓂᖅ, ᐊᒻᒪᓗ ᐱᒋᐊᖅᑎᑦᑎᓗᓂ ᐱᓕᕆᖃᑎᒌᓐᓂᕐᒥᒃ ᓄᓇᐃᑦ ᐊᑐᖅᑕᐅᖃᑦᑕᖅᑐᑐᖃᕐᓂᒃ ᐊᒻᒪᓗ ᑲᓇᑕᒥᐅᑕᐅᔪᓂᒃ, ᐱᖃᓯᐅᑎᓗᒋᑦ ᓄᓇᖃᖅᑳᖅᓯᒪᔪᐃᑦ, ᐳᓛᕆᐊᖅᑐᐃᑦ, ᐱᓕᕆᖃᑎᒋᔭᐅᕙᑦᑐᐃᑦ ᐊᒻᒪᓗ ᑎᒍᒥᐊᖅᑎᐅᖃᑕᐅᔪᐃᑦ ᐃᑲᔪᕐᓂᖃᖅᐳᖅ ᓴᖅᑭᔮᖅᑎᑕᐅᒋᐊᓕᕐᓗᑎᑦ ᑲᑐᔾᔨᓗᑎᑦ ᑲᒪᒋᔭᖃᖃᑎᒌᓐᓂᐊᕐᓂᕐᒥᒃ ᓄᓇᑐᖃᐅᔪᓂᒃ ᐊᒻᒪᓗ ᐱᓕᕆᐊᖃᖃᑎᒌᓕᓲᖑᓪᓗᑎᑦ ᐃᓱᒪᒃᑯᑦ ᐊᒻᒪᓗ ᐱᒻᒪᕆᒍᓱᓕᖅᑐᑎᑦ ᐃᑲᔪᖅᑐᐃᓇᓱᐊᖅᑎᓪᓗᒋᑦ ᓴᐳᔾᔭᐅᓯᒪᔪᓂᒃ ᐊᒻᒪᓗ ᓴᖅᑭᔮᕐᓂᖓᓂᒃ ᒫᓐᓇᐅᔪᖅ ᐊᒻᒪᓗ ᑭᖑᕚᒃᓴᑦᑎᓐᓄᑦ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᑐᑭᒧᐊᒍᑏᑦ ᐊᐅᓚᑦᑎᓂᕐᒧᑦ ᐸᕐᓇᓂᕐᒧᑦ.)

ᐃᓕᖅᑯᓯᕆᔭᐅᔪᒧᑦ ᐊᑐᖅᑕᐅᖃᑦᑕᕐᓂᑯᐃᑦ: ᐃᓕᖅᑯᓯᕆᔭᐅᔪᒧᑦ ᐊᑐᖅᑕᐅᖃᑦᑕᕐᓂᑯᐃᑦ ᓴᓇᔭᐅᓯᒪᕗᐃᑦ ᐃᓄᓐᓄᑦ, ᐅᕝᕙᓘᓐᓃᑦ ᓄᓇᐃᑦ ᖃᐅᔨᔭᒃᓴᐅᓪᓗᑎᑦ ᐃᓄᖃᖃᑦᑕᖅᑐᒥᓂᐅᓂᖏᓐᓂ ᐅᕝᕙᓘᓐᓃᑦ ᐅᑉᐱᕐᓂᕐᒧᑦ ᐊᑐᖅᑕᐅᖃᑦᑕᖅᑐᒥᓂᐅᔪᐃᑦ ᐅᕝᕙᓘᓐᓃᑦ ᐃᓕᖅᑯᓯᕐᒧᑦ ᐊᒻᒪᓗ ᓇᓗᓇᐃᖅᑕᐅᓯᒪᓪᓗᑎᑦ ᑕᒪᒃᑯᐊ ᓄᓇᐃᑦ ᐃᓕᓴᕆᔭᐅᓯᒪᓕᖅᑐᑎᑦ ᐅᐊᑦᑎᐊᕈ ᐊᑐᖅᑕᐅᖃᑦᑕᕐᓂᑯᒥᓂᖏᓐᓄᑦ ᐱᒻᒪᕆᐅᓯᒪᓕᖅᑐᑎᑦ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᐃᓕᖅᑯᓯᕆᔭᐅᔪᓄᑦ ᐊᑐᖅᑕᐅᖃᑦᑕᕐᓂᑯᐃᑦ ᐃᑦᑕᕐᓂᓴᐃᑦ ᐊᐅᓚᑕᐅᖏᓐᓄᑦ ᐊᑐᐊᒐᖅ.)

ᓄᓇ ᓱᕐᕋᒃᑕᐅᓯᒪᙱᓪᓗᓂ: ᒥᕐᖑᐃᓯᕐᕕᒧᓪᓕ, ᖃᓄᐃᓐᓂᖓᑦ ᓇᓗᓇᐃᖅᑕᐅᓯᒪᕗᖅ ᑕᑯᒃᓴᐅᑎᑦᑎᓂᖃᖅᑐᖅ ᓱᕐᕋᒃᓯᒪᙱᓪᓗᓂ ᓄᓇᖓᑦ ᐊᒻᒪᓗ ᓱᕐᕋᓐᓂᐊᖅᑐᒋᔭᐅᒐᓂ, ᐱᖃᓯᐅᑎᓗᒋᑦ ᐃᒪᖏᑦ ᐊᒻᒪᓗ ᐋᖅᑭᒃᓯᒪᓂᖏᑦ ᐊᒥᓲᓂᖏᑦ ᓄᓇᒥᐅᑕᐅᓯᒪᔪᑐᖃᐃᑦ ᐊᒻᒪᓗ ᐅᒪᔪᖏᑦ, ᓱᑲᓐᓂᖏᑕ ᐊᓯᔾᔨᕐᓂᑉ ᐊᒻᒪᓗ ᐃᑲᔪᖅᑐᐃᓂᖃᖅᑐᐃᑦ ᐊᐅᓚᓂᖏᑦ ᓱᕐᕋᒃᑕᐅᓕᒪᖁᓪᓗᒍ. ᑲᓇᑕᒥ ᒥᕐᖑᐃᓯᕐᕕᓕᕆᓂᕐᒧᑦ ᐱᖁᔭᖅ.)

ᓇᓗᓇᐃᒃᑯᑕᖅ: ᑲᓇᑕᒥ ᐅᕝᕙᓘᓐᓃ ᐃᓚᖓᒍᑦ ᐊᕕᒃᑐᖅᓯᒪᔪᒥ ᐊᔾᔨᖃᖅᑐᖅ ᓇᐃᓈᖅᓯᒪᔪᖅᑎᒍᑦ ᐅᓂᒃᑳᖓᓂ ᐅᖃᖅᓯᒪᓪᓗᓂ ᓇᓗᓇᕈᓐᓃᕈᓰᑦ ᖃᓄᐃᑦᑐᓕᒫᖔᑕ ᑭᓱᑐᐃᓐᓇᐃᑦ ᐊᑐᓂ ᐃᓗᓕᖓᓂ ᑎᒥᐅᔫᑉ ᐱᓇᓱᐊᖅᑕᖓᓂ ᐃᓗᐊᓂ. ᓇᓗᓇᐃᒃᑯᑕᖃᓲᖑᔪᐃᑦ ᐅᑯᐊ ᐃᓱᒪᒋᒋᐊᖅᑐᒋᑦ ᑐᑭᓯᒋᐊᕈᑎᖏᑦ, ᖃᓄᐃᓕᐅᕈᑕᐅᓂᖏᑦ ᐊᑐᑦᑎᐊᓕᕋᓗᐊᕐᒪᖔᑕ, ᐊᒻᒪᓗ ᐱᒻᒪᕆᐅᔪᐃᑦ ᑲᔪᓯᒍᑎᒋᔭᐅᔪᓂᒃ ᐱᔾᔪᑎᓂ ᓱᖅᑯᐃᓇᖅᑐᒥᒃ ᑕᑯᒃᓴᐅᑎᑦᑎᓂᖃᖅᑐᑎᑦ ᐅᓪᓗᒥᐅᔪᖅ ᖃᓄᐃᑦᑑᓕᕐᓂᖏᓐᓂ ᐊᒻᒪᓗ ᐊᓯᔾᔨᖅᓯᒪᓕᕐᓂᖏᓐᓂ ᑭᖑᓪᓕᖅᐹᕐᒥᒃ ᖃᐅᔨᓴᖅᑕᐅᓚᐅᖅᓯᒪᓂᖏᓐᓂ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᑐᑭᒧᐊᕈᑎ ᐊᐅᓚᑕᐅᓂᒃᓴᒧᑦ ᐸᕐᓇᓐᓂᖏᓐᓂ.)

ᖃᓪᓗᓈᑦ: ᐃᓄᒃᑎᑐᑦ ᐅᖃᐅᓯᖅ ᐊᑐᖅᑕᐅᕙᒃᑐᖅ ᓄᓇᕗᒥ ᐅᖃᐅᓯᖃᓕᕋᐃᒻᒪᑕ ᐃᓄᓐᓂᒃ ᐃᓄᓪᓚᑦᑖᖑᙱᑦᑐᓂᒃ, ᐅᕝᕙᓘᓐᓃᑦ ᖃᓪᓗᓈᓂ ᐅᖃᐅᓯᖃᓕᕋᐃᒻᒪᑕ.

ᖃᕐᒪᐃᑦ: ᐊᒥᓱᐃᑦ ᐅᕙᙶᕐᓯᒪᔪᖅ “ᖃᕐᒪᖅ”.

ᖃᕐᒪᖅ: “ᖃᕐᒪᖅ; ᒪᒃᑲᐃᑦᑐᖅ ᐃᒡᓗᕕᒐᖅ ᖄᖓᓃᑎᑕᐅᓪᓗᑎᑦ ᐊᒦᑦ ᐅᕝᕙᓘᓐᓃᑦ ᑐᐱᕐᒥᖔᖅ ᖄᖃᖅᑐᑎᑦ; ᐅᖃᐅᓯᕆᔭᐅᔪᓐᓇᕐᒥᔪᖅ ᐊᕙᓗᖏᑦ ᐊᐳᑕᐅᓪᓗᑎᑦ ᐊᒻᒪᓗᑭᑖᕐᒥ ᐃᒡᓘᓪᓗᓂ, ᑐᒐᓕᐊᖅ. ᑖᓐᓇ ᖁᓕᖃᕈᓂ ᐊᒥᕐᓂᒃ ᐅᕝᕙᓘᓐᓃᑦ ᑐᐱᕐᒥᒃ ᑕᐃᔭᐅᓲᖑᒋᕗᖅ ᖃᕐᒪᕐᒥᒃ.” (ᕗᕆᒡᔅ, ᔨ. (ᐃᓕᑦ). ᐊᐱᖅᓱᕐᓂᖅ ᐃᓐᓇᑐᖃᕐᓂᒃ, ᐱᖓᔪᐊᑦ: ᓱᕈᓯᕐᓂᒃ ᐱᕈᖅᓴᐃᔾᔪᓰᑦ. ᓇᕿ ᐃᖅᑯ ᐊᒻᒪᓗ ᐅᖅᓱᕋᓕᒃ ᐅᑦᑐᕿ.)

ᖃᔭᖅ: ᖃᓪᓗᓈᑎᑐᑦ ᑎᑎᕋᖅᑕᐅᓲᖒᒻᒥᔪᖅ “Kayak”. “ᐊᑕᐅᓯᕐᒧᑦ ᐃᓄᒻᒧᑦ ᐊᑐᖅᑕᐅᔪᓐᓇᖅᑐᖅ ᐅᒥᐊᖅ” (ᕗᕆᒡᔅ, ᔨ. (ᐃᓕᑦ). ᐊᐱᖅᓱᕐᓂᖅ ᐃᓐᓇᑐᖃᕐᓂᒃ, ᐱᖓᔪᐊᑦ: ᓱᕈᓯᕐᓂᒃ ᐱᕈᖅᓴᐃᔾᔪᓰᑦ. ᓇᕿ ᐃᖅᑯ ᐊᒻᒪᓗ ᐅᖅᓱᕋᓕᒃ ᐅᑦᑐᕿ.)

ᑐᕌᒐᖅ: ᑐᕌᖅᑕᐅᒐᓱᐊᖅᑐᖅ ᖃᓄᐃᓕᐅᕈᑎᖃᕐᓂᐊᕐᓂᖓᓄᑦ ᐅᕝᕙᓘᓐᓃᑦ ᖃᓄᐃᓕᐅᕈᑕᐅᓇᓱᐊᖅᑐᖅ ᐋᖅᑭᒃᑕᐅᓲᖅ ᐊᓪᓚᑦᑎᓄᑦ ᐊᒻᒪᓗ ᑎᑭᑕᐅᓯᒪᓂᐊᖅᑐᓂ ᒪᓕᑦᑐᒍ ᖃᓄᑎᒋ ᑎᑭᑕᐅᓇᓱᐊᕐᓂᐊᕐᓂᖓᑦ ᒪᓕᑦᑐᒍ ᑭᓪᓕᖃᖅᑎᑦᑐᒍ ᐱᕕᒃᓴᖃᕐᕕᖏᑦ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᑐᑭᒧᐊᕈᑎ ᐊᐅᓚᑕᐅᓂᒃᓴᒧᑦ ᐸᕐᓇᓐᓂᖏᓐᓂ.)

ᐳᓛᕆᐊᖅᑐᐃᑦ ᐊᑐᖅᐸᑦᑕᖏᑦ: ᐳᓛᕆᐊᖅᑐᐃᑦ ᐳᓛᕆᐊᕐᓂᑯᒥᓂᖏᑕ ᖃᓄᐃᑦᑑᓂᑯᒥᓂᖏᑦ ᑐᑭᖃᖅᐳᖅ ᑕᒪᐃᓐᓂ ᐳᓛᕆᐊᖅᑐᑉ ᖃᓄᐃᓕᐅᕈᑎᖃᕐᓂᑯᒥᓂᖏᑦ ᓴᐳᔾᔭᐅᓯᒪᔪᓃᑦᑐᑎᑦ ᓄᓇᓂ ᐊᒻᒪᓗ ᐃᓄᓐᓂ, ᖃᓄᐃᓕᐅᕈᑎᖃᕐᓂᑯᒥᓂᖏᑦ ᐅᔾᔨᕈᓱᓕᖅᑎᑦᑎᓂᖃᕐᓂᖅᓴᐅᓕᓲᖑᓪᓗᓂ, ᐊᑦᑐᐃᓂᖃᓲᖑᓪᓗᓂ ᐃᑉᐱᒍᓱᓐᓂᕐᒥᓂᒃ, ᒪᑐᐃᕆᐊᖅᑎᑦᑎᓲᖑᓪᓗᓂ ᐃᓱᒪᒥ, ᐊᒻᒪᓗ ᐳᓛᕆᐊᖅᑐᒥ ᐊᖏᕐᕋᖃᖅᑐᕐᔫᔮᕐᓂᖅᓴᐅᓕᖅᑎᑦᑎᓂᖃᓲᖑᓪᓗᓂ ᑖᒃᑯᓄᖓ ᓄᓇᐅᔪᓄᑦ. (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ. ᑐᑭᒧᐊᕈᑎ ᐊᐅᓚᑕᐅᓂᒃᓴᒧᑦ ᐸᕐᓇᓐᓂᖏᓐᓂ.)