ᐅᐸᒃᑕᐅᕆᐊᖃᓐᖏᑦᑐᑦ ᓄᓇ ᐊᒻᒪᓗ ᖃᓄᐃᓕᐅᕐᕕᐅᔭᕆᐊᖃᓐᖏᑦᑐᑦ ᑭᕕᓂᑯ ᑯᐄᓐ ᐅᒥᐊᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᐅᑉ ᐃᑕᕐᓂᑕᖃᕐᕕᖓᑦ

Issued: December 13, 2018

ᒪᓕᒡᖢᒍ ᒪᓕᒐᖅ 12(1) ᑲᓇᑕ ᐃᑕᕐᓂᓴᖃᕐᕕᖓ ᒥᕐᖑᐃᓯᕐᕕᒃ ᑕᒪᐃᓐᓄᑦ ᐱᖁᔭᕋᓛᑦ, ᐃᓱᒪᑕᖓᑕ ᓄᓇᕗᒻᒥ ᑎᑎᕋᕐᕕᖓᓂᑦ ᑕᐃᒪ ᓴᓂᖅᕙᐃᔪᑦ ᐱᔭᐃᑯᑕᑕᓂᖓᓂᒃ ᐃᓯᕈᓐᓇᐅᑎᒻᒥᒃ ᐊᒻᒪᓗ ᑎᑎᕋᖅᓯᒪᔪᑦ ᖃᓄᐃᓕᐅᖅᕕᐅᔭᕆᐊᖃᓐᓂᖓᓂ ᑭᕕᓂᑰᒃ ᑯᐄᓐ ᐅᒥᐊᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᐅᑉ ᐃᑕᕐᓂᓴᖃᕐᕕᖓᑦ ᖃᓄᐃᓕᐅᕐᕕᐅᔭᕆᐊᖃᓐᖏᑐᑦ ᑭᓯᐊᓂ ᑎᑎᖅᑲᓂᒃ ᐱᓯᒪᔪᑦ ᑕᒡᕙᖓᑦ ᓄᓇᕗᒻᒥ ᑎᑎᕋᕐᕕᖓᓂᑦ ᐃᓱᒪᑕᖅᒥᑦ.

ᐅᑯᐊ ᐱᔭᐃᑯᑕᑕᑎᒃᑎᓂᖅ ᐊᕿᑕᐅᓯᒪᓂᐊᕐᑐᖅ ᐊᒃᑐᐃᓯᒪᓐᖏᑦᑐᑦ ᐅᐸᒍᑎᒍᓇᓂᕐᒥᒃ ᓇᒧᑐᐃᓐᓇᖅ ᐱᔪᓐᓇᐅᑎᓖᑦ ᐊᖑᓇᓱᒍᓐᓇᖅᑐᑦ ᑐᓂᔭᐅᓯᒪᒍᑎᒃ ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᑦᑎᒍᑦ.

ᐅᐸᑦᑕᐅᔭᕆᐊᖃᓐᖏᓐᓂᖓ ᐱᔭᐃᑯᑎᖃᓂᖓ ᖃᓄᐃᓕᐅᕕᐅᔪᓐᓇᕐᓂᖓᑕ ᒥᒃᓴᓄᑦ
ᑭᓇᑐᐃᓐᓇᖅ ᖃᓄᑐᐃᓇᖅ ᐊᑐᕆᐊᖃᖏᑐᖅ ᑭᕕᓂᑯ ᑯᐄᓐ ᐅᒥᐊᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᐅᑉ ᐃᑕᕐᓂᓴᖃᕐᕕᖓᑦ ᐱᓯᒪᓐᖏᑐᐊᕈᑎᒃ ᑎᑎᕋᖅᓯᒪᔪᓂᒃ ᐃᓱᒪᑕᖅᒥᑦ, ᑭᓯᐊᓂ ᑕᐃᑲᓂ ᐃᓄᒃ ᐱᔪᓐᓇᐅᑎᓕᒃ ᐃᓯᕈᓐᓇᖅᑐᖅ ᐃᓂᖓᓄ ᐊᖑᓇᓱᒋᐊᕐᓗᓂ ᐱᔪᓐᓇᖅᑎᑕᐅᓯᒪᔪᖅ ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᑦᑎᒍᑦ.

ᖃᓄᐃᓕᐅᕐᕕᐅᔪᓇᓂᖓᓂ ᓇᓗᓇᐃᔭᐃᓯᒪᔪᖅ
ᑭᓇᑐᐃᓐᓇᖅ ᐱᓕᕆᔭᕆᐊᖃᓐᖏᑦᑐᖅ ᑖᑯᐊ ᑎᑎᕋᖅᓯᒪᔪᑦ ᖃᓄᐃᓕᐅᕈᑎᖃᕐᓗᑎᒃ ᑎᑎᕋᖅᓯᒪᔪᓂᒃ ᐊᖏᖅᑕᐅᓯᒪᓐᖏᑐᐊᕈᑎᒃ ᑕᒡᕙᖓ ᓄᓇᕗᒻᒥ ᑎᑎᕋᕐᕕᖓᓂᑦ ᐃᓱᒪᑕᖅᒥᑦ:

(ᐃ) ᖃᓄᐃᓕᐅᕐᓗᑎᒃ ᐱᔾᔪᑎᒋᓪᓗᒋᑦ ᕿᓂᕐᓂᖅ, ᐆᒃᑐᕋᕐᓂᖅ ᓄᓇᒥᒃ ᐅᕝᕙᓗᓐᓃᑦ ᑎᑎᕋᐅᓯᖃᕆᐊᖃᖅᑐᕐᓗᑎᒃ ᐃᑕᕐᓂᓴᕐᓂᒃ, ᐃᒻᒪᑲᓪᓚᓂᑕᕐᓂᒃ ᐱᐅᓯᑐᖃᓕᕆᔪᓂᓪᓗᓐᓃᑦ, ᐃᓚᒋᔭᐅᓪᓗᑎᒃ ᑭᕕᓂᑯᐃᑦ ᐅᒥᐊᕐᔪᐊᕕᓂᖅ ᐃᑦᑕᕐᓂᓴᐃᑦ ᐊᓐᓂᕐᓇᖅᑐᓖᑦ;

(ᐱ) ᖃᓄᐃᓕᐅᕐᓗᑎᒃ ᐱᔾᔪᑎᒋᓪᓗᒋᑦ ᑭᓱᖏᑦ ᓴᒥᑕᐅᔭᕆᐊᖃᖏᑦᑐᑦ ᐅᕝᕙᓗᓐᓃᑦ ᓱᕋᕐᓂᑯᑦ ᐃᑕᕐᓂᓴᑦ, ᐃᒻᒪᑲᓪᓚᓂᑕᕐᓂᒃ ᐱᐅᓯᑐᖃᓕᕆᔪᓂᓪᓗᓐᓃᑦ, ᐃᓚᒋᔭᐅᓪᓗᑎᒃ ᑭᕕᓂᑯᐃᑦ ᐅᒥᐊᕐᔪᐊᕕᓂᖅ ᐃᑦᑕᕐᓂᓴᐃᑦ ᐊᓐᓂᕐᓇᖅᑐᓖᑦ;

(ᑎ) ᐲᔭᐃᓗᑎᒃ ᐃᑕᕐᓂᓴᐃᑦ, ᐃᒻᒪᑲᓪᓚᓂᑕᕐᓂᒃ ᐱᐅᓯᑐᖃᓕᕆᔪᓂᓪᓗᓐᓃᑦ, ᐃᓚᒋᔭᐅᓪᓗᑎᒃ ᑭᕕᓂᑯᐃᑦ ᐅᒥᐊᕐᔪᐊᕕᓂᖅ ᐃᑦᑕᕐᓂᓴᐃᑦ ᐊᓐᓂᕐᓇᖅᑐᓖᑦ;

(ᑭ) ᑭᓴᕐᓗᑎᒃ, ᑭᓯᐊᓂ ᐃᓚᒋᔭᐅᒍᓂ ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᑦᑎᒍᑦ ᐱᔾᔪᑎᒋᓪᓗᒍ ᐊᖑᓇᓱᖕᓂᒥᒃ ᐱᔪᓐᓇᐅᑎᓖᑦ; ᐊᒻᒪᓗ

(ᒋ) ᐊᖅᑲᐅᒪᕕᐅᓗᓂ, ᑭᓯᐊᓂ ᐃᓚᒋᔭᐅᒍᓂ ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᑦᑎᒍᑦ ᐱᔾᔪᑎᒋᓪᓗᒍ ᐊᖑᓇᓱᖕᓂᒥᒃ ᐱᔪᓐᓇᐅᑎᓖᑦ.

ᐱᔾᔪᑖ

ᐅᓇ ᐱᔾᔪᑖᑦ ᑎᓕᓯᓯᒪᓪᓗᑎᒃ ᓴᐳᓐᓂᐊᖅᖢᒍ ᐃᓕᖁᓯᑐᖃᕕᓃᑦ ᐊᓐᓂᕐᓇᕐᓂᖓᒍ ᐱᒻᒪᕆᐅᔪᒥᒃ ᐃᑕᕐᓂᓴᐅᖕᒪᑕ, ᐃᒻᒪᑲᓪᓚᓂᑕᕐᓂᒃ ᐱᐅᓯᑐᖃᓕᕆᔪᓂᓪᓗᓐᓃᑦ ᐃᓂᖓ ᑭᕕᓂᑯᑦ ᑯᐄᓐ ᐅᒥᐊᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐊᖁᑖ ᑎᐅᕐᕈᕐ ᑲᓇᑕᒥ ᐃᑕᕐᓂᓴᖃᕐᕕᓕᕆᔨᑯᑦ ᓇᓗᓇᐃᑕᐅᓯᒪᔪᓂᒃ.

ᓱᕋᐃᒍᕕᑦ ᐱᖁᔭᕐᒥᒃ
ᓯᖁᒥᑎᒍᕕᑦ ᒪᓕᒐᕐᒥᒃ ᐊᑖᖑᑦ ᑲᓇᑕᐅᑉ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᖁᔭᕐᔪᐊᖓᓂᒃ ᑭᓇᑐᐃᓐᓇᖅ ᐊᑭᓖᑎᑕᐅᒐᔭᖅᑐᖅ ᑎᑭᓪᓗᒍ $100,000. ᐅᓇ ᓯᖁᒥᑎᓂᑯᑦ ᒪᓕᒐᕐᒥᒃ ᑯᐊᐳᕇᓴᒃᑯᓄᑦ ᐊᑭᓕᕆᐊᖃᓕᕋᔭᖅᑐᖅ ᑎᑭᐅᑎᓯᒪᓪᓗᓂ $500,000.